Вчера падна пресуда за случајот „Софтвери“ со која првообвинетиот, поранешниот генерален секретар Драги Рашковски доби осум години затворска казна.Ова беше повод граѓаните да се пошегуваат и да ја споредат неговата осумка, со осумката од маицата на првиот вицепремиер, Артан Груби, која ја носеше на камен темелникот на изградбата на автопатот долж коридор осум.
Магазин | пред 2 години
Кога обвинител ќе промаши 99% во обвинителниот акт - тоа зборува за каков стручњак станува збор, вели Драги Рашковски.„Кога во сето тоа ќе внесе мали деца со цел да предизвика омраза – тоа кажува за каков (не)човек станува збор.Кога приватно сте лош човек или непрофесионален цената ја плаќате самите, но кога тоа ќе го правите во службата, тогаш подлежите на кривична одговорност и разрешување.Ивана Трајчева 2 години тврди дека на сметките на моите малолетни деца има огромна сума на незаконски средства. Милиони.... За на последното рочиште, сама, од немај каде, не дека и проработи свеста, да смени дека од моја страна на нивните сметки се внесени 475 евра!!! Да. 475 евра. За толку 2 години се труе јавноста.Сега ќе треба да им погледне во очи на сите судии кои ги лажеше овие 2 години за да блокираат средства убедувајќи ги дека има докази дека станува збор за сериозен криминал.Судиите како да се претворија во неми послушници на барањата на обвинителите. Како за притвор, така за времени мерки, така и за претреси. Демек ова право на обвинителите “им е од бога дадено”, а тие се само исполнители на нивните желби. Не само глупоста, туку и злобата нема граници. На последното рочиште ЈО Ивана Трајчева направи 3 потези за кои Советот на Јавни обвинители веќе не смее да остане нем набљудувач.1. Откако призна дека нема ништо криминално, а и незаконско зголемување на мојот имот (кој патем се има зголемено за 4.000 евра додека сум бил на функција), ЈО Ивана Трајчева направи досега невидено “Salto mortale” во обвинителската историја. Во својата изјава вели дека бидејќи обвинителството не можело да најде ништо незаконско во моите средства, ја испратиле документацијата до ДКСК за тие да најдат!!! Замислете, на затворена истрага, јавен обвинител праќа материјали до друга институција која нема законска можност да гони кривично да врши истрага, само затоа што тие не успеале да најдат ништо незаконски. Мора да има криминал затоа што она така сака?2. Откако е веќе јасно дека случајот “Софтвери” е беспредметен, без никакви докази за сторено кривично дело, а на површина излегуваат, односно најверојатно сами си ги вадат скриените намери, ЈО Ивана Трајчева поднесува обвинителен предлог против мене за сторено кривично дело “Фалсификување исправа”, притоа покажувајќи основно непознавање што е тоа картица од партија која банката ја издава. Просто е за неверување дека јавен обвинител кој работи во организиран криминал не знае што е картица од партија. Со ова ЈО Ивана Трајчева ја обвинува во позадина и НЛБ Банка дека издала фалсификат документ. Кому му се сите криви? Се знае како е поговорката.3. После 2 години и се разјасни дека не може средства од 2017 и 2015 кога и не сум бил ни функционер да потекнуваат од 2019!!! Ете за таква динамика на логика правиме муабет во обвинителниот акт.Обвинителот кој ќе промаши 99% не се вика ОБВИНИТЕЛСТВО. Не е тоа одраз на состојбата во обвинителството. Таму има многу стручни правници. Има име и презиме. Се вика Ивана Трајчева.Затоа кога некој ќе направи фрапантно промашување, слободно кажете му “Ај не ми се прај Ивана Трајчева”“, додава тој.
Македонија | пред 2 години
Можеби е комплетно погрешна перцепијата дека позади дојавите за бомби стои некои човек, група или организација. Многу поверојатно е дека е тоа алгоритам (компјутерски код - софтвер) кој “излегол од контрола”. Во таков случај не може да бараме човек, не може да бараме компјутер, не може да бараме IP адреса. Треба да бараме алгоритам (софтвер), вели Драги Рашковски.„За да биде посликовито одјаснето. Кога се појави корона вирусот, таргет беше да се лоцира изворот на истиот. Па се отиде до тоа да се наведува и името и презимето на “човекот кој го изеде лилјакот”. Кога вирусот се рашири, веќе не беше важно “кој е првиот, туку како да не станеме следниот”. Колку и да сакаме да персонализираме испраќач на дојавите за бомби сепак поизвесно е дека е тоа компјутерски генериран алгоритам кој “кружи”.Имаме ли досега поставено “генетика” на алгоритмот? Не треба да бараме профил на личност, туку генетика на алгоритмот. Како тој ги определува школите? Како знае кога е распуст, кога има часови. Уште една паралела со корона вирусот. Лекувањњето од корона на почетокот одеше отежнато од причина што не се знаеше точно на што вирусот реагира. Времето покажа дека многу терапии, како инванзивната филтрација со респиратори е погрешна. Така и со дојавите на бомби. Ги предизвикал ли до сега некој овие мејлови?На пример:Со креирање на неколку веб страни на училишта, кои училишта вистински не постојат, но се доволно автентични за да “алгоритмот загризе”. Нешто како лажна рипка за ловење на риби, или како што во спортот го одомаќинивме терминот “лажен цепелин”. Па доколку стаса маил и на фиктивното училиште, веќе сме почнале да навлегуваме во генезата на проблемот.Ова е само почетна идеја. Има многу “итроштини” за тоа како да дојдете до некои сознанија. Несомнена е заложбата и брзата интервенција на припадниците на МВР, кои верувам дека и се преморени од овие активности кои доведуваат до слабеење на безбедносниот систем, но решението можеби треба да го бараме во римската максима “Vis kon vi repulit” или “Силата со сила се победува”, односно македонската “Од што е болката, од тоа е лекот”. Како што врвни научници создадоа векцина за корона вирусот, така постојат и врвни информатиари...Она што треба да не плаши е што ако секој од нас, преку својот смарт уред почне да станува испраќач на вакви дојави без да знае? Нешто слично како во време на корона кризата кога многу од нас немаа симптоми на корона, а сепак пренесуваа. Наеднаш би можело да се доведеме во ситуација на тотално лудило. Нашиот телефон да биде регистриран како испраќач, а ние за тоа воопшто да не сме свесни. Што тогаш? Ќе ги наполниме притворите како што ги наполнивме болниците?Тука доаѓаме до друг момент кој мора да го превенираме. Правна подготовка на обвинителствата за едно вакво сценарио. Како што билниците се спремаат за бранови на корона.Затоа што не може на обвинител од видот на Ивана Трајчева, која гони организиран криминал да и објасните што е тоа алгоритам кога неколку рочишта по ред го убедува судот дека PDF документ е исто што и форензичка копија? Тоа е исто како да убедувате некој дека лист хартија е исто што и книгата Ана Каренина.Не може со таков обвинител кој доставува докази креирани на компјутер кој ги носи неговите иницијали и институцијата во која работи (името на компјутерот е ojo gokk IT) кои ги пишувал во Microsoft Word и сакал да се “попрофесионали” па ги прикачил на веб сајт www.ilovepdf.com за да ги конвертира во pdf… од таков обвинител да очекувате дека квалитетно ќе се бори против сајбер криминал.Има во обвинителството многу стручни обвинители. Мора да се направи посебен оддел од нив кои ќе се занимаваат со оваа проблематика. Зашто на крајот на денот, ти се тие кои можат и смеат да поведат кривична постапка за ваков тип на криминал. Има такви обвинители затоа што сум сретнал и запознал.Но, не може да се повикуваме на НАТО безбедносни процедури кога имате во судска постапка извештај од полициски службеник Наде Карева Глигоровска која во рамки на ОЈО ГОКК прекршиле 10тина НАТО процедури за дигитална форензика.Компјутерските вируси, како и билолошките, ги напаѓаат сите, но слабите организми немаат одбранбен механизам за тоа и потклекнуваат. За разлика од биолошките, копјутерските вируси се многу повештачкоинтелигентни. Тие знаат да ја оценат техничката спремност, но и правната спремност на една држава за да се одбрани од нив.Со www.iLovePDF.com не се заплашува алгоритам?“, се вели во соопштението.
Македонија | пред 2 години
10тина јавни настапи имаше Вилма Русковска (Латас сениор) и околу 5 настапи Ивана Трајчева (Латас јуниор) во обидот да ја поттикнат омразата кон Драги Рашковски. Не изнесуваа факти туку свои замисли и претпоставки за настани и причини, вели поранешниот генерален секретар на Владата, Драги Рашковски.„Што сакаа:1. Сакаа најпрвин да створат терен за да може полесно да поминуваат нивните намери во судовите, па така во јавноста се пласираше наводна моја порака со текст „Слушај, изразувај се стручно, овие се глупи, ништо нема да те разберат“. Со ова сакаа да ја поттикнат омразата и кај обвинителите и кај судиите кон мене и останатите во случајот.Читаше Ивана Трајчева 7 (седум) рочишта некакви текстуални записи (небаре сме неписмени и не знаеме да читаме), на кои немаше ниту телефонски број, ниту име и презиме... но немаше ни ваква порака. Денес, после речиси две години “Латасовци” треба на јавноста, а пред се на своите колеги и во судовите и во обвинителството да им одговорат: ДАЛИ ИМА ВАКВА ПОРАКА ИСПРАТЕНА ОД ДРАГИ РАШКОВСКИ КОН БИЛО КОГО? Ако нема, дали тоа значи дека тие ја измислиле??? Дали некојј ја пласирал во јавноста како лажен извор? Дали е нешто друго во прашање? Нека покажат дека тие не се изворот на оваа лажна вест па нека покренат постапка да го најдат изворот на оваа дезинформација. Ако не покренат, легитимно е да се мисли дека тие тоа го измислиле или не дај боже го мислат?2. Ширеа пораки дека моите деца се збогатиле енормно. Се спомнуваа суми од неколку стотици илјади евра, за да се дојде до милионски суми. Сетоа тоа им требаше за да не само мене, туку и цело мое семејство некој го мрази? Што им покажаа вештачењата? Зошто не излезете и не кажете колкава е таа сума која ја спомнувавте дека е “натрупана”? “Латас сениор” е под правна суспензија, но “Латас јуниор” може да излезе пред јавноста и да каже колку е таа сума без посебни лични подготовки, како што според мои сознанија ако се точни ја чекавме да се врати од фризер за да ја соопштат одлуката за нашиот притвор, како би можела да даде изјава пред камери за својот “успех”. Зошто не излезете и не и кажете на јавноста дека таа фантастична сума за која Вие зборувавте е 1500 евра!!! Затоа што 1500 евра не предизвикуваат омраза?3. Дирекно Ви се обраќам. Малку Ви беше ова, не пропуштавте да кажете дека лицето кое било мое обезбедување уплаќало за школарина за мојот син. И повторно за да некој посилно од душата мрази и колне? Зошто не излезете и кажете дека таа сума е 2390 денари? Затоа што за толку малку никој нема да мрази?4. Зошто не излезете пред јавноста и не кажете дека и двајцата вештаци не најдоа (затоа што и нема) никакво, макар ни мало, прекршување на закони, подзаконски акти, па дури ни интерни акти во постапките за јавни набавки? Затоа што омразата која сакавте да ја ширите ќе згаснеше? Затоа што се што е набавено е тука, со попис попишано. Класично ширеше на омраза. Класична злоупотреба на функција. Местото на обвинителот е во суд. Таму требаше да ги докажувате вашите резултати од истрагата, но дури кога истата ќе заврши. Вие издававте непроверени информации од истрагата, што преку новинари, што дирекно, иако дасте малку правници ќе знаевте дека тоа е противзаконски, а за се што е противзаконски знаете дека ќе добиете кривична. Видеата на кој зборувате за “резултатите” од истрагата стојат на интернет. Од нас како учесници во постапката ги криете наредбите за истрага, а за пуста слава и наводен сензационализам на јавни емисии изнесувавте се и сешто.Сте се запрашале зошто речиси никој од обвинителите, освен Вас не излегува по емисии да зборува за случаите? Затоа што знаат, што е пред се правно дозволено, а понатаму и што е етика, морал и култура. Затоа што знаат дека случај се елаборира во судница по завршена истрага, а не на телевизија.“Латас сениор” вели дека поради овој случај била сменета. Што повеќе сакавте да добиете? Истрагата никој не Ви ја попречи. Обвинение напишавте кое е оксиморон од граматичка гледна точка, но ви беше прифатено. Ниедно рочиште не е одложено по моја вина ниту сум барал да се одложи. Што повеќе од ова може да посака еден обвинител?Велите дека политиката се мешала... а дали вие баравте во последните неколку месеци заштита од политички фунционери за поднесените кривични пријави и дисциплински постапки?Јас знам што ве мачи. Ве мачи рочиштето на 2ри март. Тогаш ќе се види, кој, што и како правел“, се вели во соопштението.
Македонија | пред 2 години
Во своето полноќно беседење, суспендираната обвинителка Вилма Русковска ја повика Амбасадата на САД и Канцеларијата на Европската Комисија „да обрнат посебно внимание на предметот со Рашковски“, за да после неколку недели кога е повикана од моја страна како сведок, направи неколку чекори наназад изјавувајќи дека „Не можам да местам нешто што не сум го работела. Колешката Ивана Трајчева ја водеше истрагата. Јас учествував само во пред-истрагата“, посочува Русковска за „А1он“, вели поранешниот Генерален секретар на Владата, Драги Рашковски,„Дали откако „не ѝ упали“ овој очаен обид, сега се дистанцира од сè она кое е направено во овој предмет и ја префрла целата вина врз осомничената обвинителка Ивана Трајчева?За прв пат се сложувам со ВР. И не само што се сложувам, туку и ќе ми биде особено драго доколку сите претставници на странски институции во државата со кои делиме исти вредности го следат овој случај чијшто императив не е само докажување на злонамерно постапување на обвинителите и невиност на обвинетите, туку поголем е императивот на прогрес на правосудството.Ако случајот со Финансиската полиција и ОЈО ГОКК беше основа за покренување на кривична постапка против двете обвинителки, тогаш со поднесување на кривичната пријава идната недела и претставките до Советот на јавни обвинители, јавноста ќе види колку поголемо самоволие имало од страна на овие обвинителки пред година и пол.Криење на докази, фалсификување докази, ставање на терет на кривични дела за кои се знае дека не се случиле се само мал дел од она за кое ќе бидат поднесени кривични пријави и јавноста ќе биде известена.Сакавте својата неефикасност и непрофесионалност или селективност во борбата против криминалот и корупцијата да ја покриете со овој случај, па дури пред да заспиете на полноќ пишувавте до амбасади да го следат внимателно случајот.Ајде да се согласиме и секое судење да оди јавно како што тоа се прави во напредните правни системи?Кога повикувате некој да следи случај, треба да знаете дека уште пред 60 години во САД е воспоставено Правилото на Брејди (англ. Brady) со кое обвинителите се обврзани да достават го до судот и до обвинетиот сè она со кое располагаат, независно во чија полза е.Дали обвинителките се запознаени со случајот Брејди против Мериленд (Brady v. Maryland, 373 U.S. 83, 83 S.Ct. 1194, 10 L.Ed.2d 215 (1963))?Брејди бил обвинет за убиство и му се судело одвоено од лицето обвинето заедно со него. На судењето на Брејди, тој го признал учеството во злосторството, но тврдел дека со-обвинетиот го извршил самото убиство. Пред судењето, бранителот на Брејди побарал пристап до изјавите дадени од со-обвинетиот. Му биле покажани некои изјави, но обвинителството не ја дало изјавата каде што со-обвинетиот го признал убиството. По директната жалба на Брејди, тој добил пристап до оваа ослободителна изјава и ја оспорил пресудата со која бил осуден, тврдејќи дека има повреда на правичната постапка врз основа на тоа дека обвинителот ги скрил овие докази кои биле во негова корист.Во случајот на Брејди, Врховниот суд на САД го изјавил следново: „Сега сметаме дека прикривањето на докази поволни за обвинетиот од страна на обвинителството го нарушува очекуваниот процес за докажување на обвинението или за изрекување на казна, без оглед на добрата или лошата волја на обвинителството“.Во време на дигитална ера, правилото на Брејди добива друга димензија и се надоградува со Стандардот според Скилинг (англ. Skilling).Случајот Соединетите Американски Држави против Скилинг (United States v. Skilling) е пример за главниот стандард што се користи за оценување на обврската на обвинителството за обелоденување во случај кога на одбраната ѝ обезбедува досие за електронски увид со голем обем. Стандардот според Скилинг наложува обвинителството да му обезбеди на обвинетиот доволен пристап до увид во електронски складирани информации, но обвинителството не мора самото да го бара ослободителен материјал. Сепак, обезбедувањето пристап на одбраната до досието е основната линија; постоењето на прекршување на правилото на Брејди ги поттикнува дејствијата на државата, дополнително на обезбедувањето отворено досие со докази за обвинетиот. За да се заштити кривичното гонење од прекршување на правилото на Брејди, таквите дополнителни чекори мора да бидат показател за добра волја. На пример, индексирањето на документите, обезбедувањето на датотеките во формат што може да се пребарува и специфицирањето на клучните документи или познати ослободителни докази во досието се сметаат за доволен показател за добра волја. Прекршување на правилото на Брејди може да се најде во случаи на лоша волја, како, на пример, ако обвинителството намерно ја „наполнило“ датотеката со излишни информации или ако создало „обемна датотека до која е исклучително тешко да се пристапи“.Кога ја повикувате Европската Унија да го следи случајот, треба да знаете дека во правото на Европската Унија вашето самоволие нема место. Нема место за тоа ВИЕ ДА ОДЛУЧУВАТЕ што е доказ а што не е. Нема место да одлучувате како ќе креирате приказна пред јавноста за да го билдате сопствениот рејтинг.Вие Русковска и Трајчева сте обврзани да ја следите Директивата 2012/13/EУ на Европскиот Парламент и Советот (DIRECTIVE 2012/13/EU OF THE EUROPEAN PARLIAMENT AND OF THE COUNCIL) за правото до информации во кривичната постапка, донесена на 22. мај 2012 година и одредбите од истата, кои се во насока на остварување на правата од Европската конвенција за човекови права, членовите 5 и 6Според неа. Вие сте обврзани ...27) На лицата обвинети за сторено кривично дело треба да им се дадат сите информации за обвинението потребни за да им се овозможи да ја подготват својата одбрана и да ја заштитат правичноста на постапката.(28) Информациите доставени до осомничените или обвинетите лица за кривичното дело за кое се осомничени или обвинети дека го сториле треба да им се дадат веднаш, а најдоцна пред нивниот прв официјален разговор со полицијата или друг надлежен орган, и без да се нарушува одвивањето на тековните истраги. Описот на фактите, вклучително, каде што е познато, времето и местото, кои се однесуваат на кривичното дело за кое лицата се осомничени или обвинети дека го извршиле и можната правна класификација на наводното дело треба да се претстават доволно детално, земајќи ја предвид фазата на кривичната постапка кога е даден таков опис, за да се заштити правичноста на постапката и да се овозможи ефективно остварување на правата на одбраната.(31) За целите на оваа директива, пристапот до материјалните докази, како што е дефинирано во националното законодавство, без разлика дали се за или против осомниченото или обвинетото лице, кои се во сопственост на надлежните органи во однос на конкретниот кривичен случај, треба да вклучува пристап до материјали како што се документи и, каде што е соодветно, фотографии и аудио и видео снимки. Таквите материјали може да бидат содржани во списите на случајот или на друг начин да се чуваат кај надлежните органи на кој било соодветен начин во согласност со националното законодавство.Видете го случајот Schöps v. Germany, No. 25116/94 каде од страна на Европскиот суд за човекови права во Стразбург ЕДНОГЛАСНО е констатирано прекршување на член 5 став 4 од Европската конвенција за човекови права затоа што на обвинетите не им било даден целосен пристап до доказниот материјал кој обвинителството го поседувало пред да им биде определена мерката притвор.Русковска и Трајчева, дали ваквиот начин на работа Ви е познат од некаде?И нашиот Кривичен законик и Законот за кривична постапка ова го санкционираат. Во член 366-а од КЗ се вели:(1) Тој што во постапка пред суд или во управна постапка ќе поднесе докази за кои знае дека се лажни, ќе се казни со затвор од една до три години.(2) Со казната од став 1 ќе се казни и тој што ќе отстрани или уништи докази што се од значење за постапката пред суд или управната постапка.Законот за кривична постапка е уште појасен и тој го обврзува јавниот обвинител да ги достави сите прибрани докази и тоа оние кои се во поткрепа на обвинението, но и оние кои се во полза на обвинетиот.Јавно ве прашувам Русковска и Трајчева, ако ова не го почитувате и не сте запознаени, се поставува прашањето – во кој правен систем го вбројувате нашиот правен систем“, додава тој.
Македонија | пред 3 години
Некогашниот генсек на Владата и обвинет во предметот „Софтвери“, Драги Рашковски, утрово коментираше за НАТО преку соопштение, се повикуваше за процедури на оваа организација чија членка е и Македонија. Ова се случува истоворемено, кога него му се суди за незаконска јавна набавка и делење на хонорари.Истовремено, јавноста се сети и на моменти кога Рашковски зборуваше контра НАТО, додека беше студент, втора година, на Правниот факултет. Во денешното соопштение, преку кое коментира за чувањето докази во Обвинителството за гонење организиран криминал и корупција од кое е обвинет, дури 17 пати го споменува НАТО. Се повикува и на нивните стандарди, па дури и дека се борел за НАТО.„Не се боревме за НАТО толку многу за тие да не брукаат“, вели Рашковски меѓудругото.Сепак, на интернет постојат траги каде Рашковски вели дека е подобро НАТО да не нѐ сака. На ораторските вечери организирани додека тој е студент на Правниот факултет, може да се слушне и осети анти-западниот сентимент на тогаш младиот Рашковски.„Подобро што НАТО не нѐ сака, нивната љубов боли“, велеше Рашковски како студент, па во истиот говор коментираше и за НАТО и состојбата во Македонија во 2001 година и додава: „Двоумејќи се како да ги наречат терористите, на крајот ги крстија борци за човекови права. Тие исти, фамозните права ги бараа со палење куќи, масакрирање војници, протерување на се што не е нивно...Зошто не би требало да бараме влез во НАТО? Прво не нѐ сакаат... Доколку НАТО нам ни е потребен како гарант за безбедноста, не дај Боже НАТО пак да ни гарантира. Додека љубовта и парите го вртат светот, НАТО го бомбардира“.Целиот негов говор:
Македонија | пред 3 години
Некогашниот генсек на Владата и осомничен во предметот „Софтвери“, Драги Рашковски утрово преку соопштение порача дека кога некој ќе те прими да бидеш член во неговото семејство од тебе очекува да се придржуваш на правилата по кои се раководат сите членови.„Стандардите налагаат да се однесуваме минимум од пропишаното и ако веќе не сме во можност да допринесе за прогрес, треба максимално да го почитуваме воспоставеното. Основното јавно обвинителство за гонење на организиран криминал и корупција (ОЈО ГОКК) е една од институциите кои би биле во директен контакти еден од главните домашни соработници при заедничка акција на земјите членки на НАТО во некои специфични операции. Во таква ситуација тие мора да се водат по правилата на НАТО.И не само тогаш, овие правила мора да се и минимум правила при водењето на другите истраги, затоа што Уставот така налага – меѓународните договори ратификувани во Собранието мора да се почитуваат. За таа цел НАТО го има Центарот за извонредност на кооперативна сајбер безбедност на НАТО (ЦИ КСБ НАТО) која е меѓународна воена организација акредитирана во 2008 година од Северноатлантскиот совет на НАТО како „Центар за извонредност“. Лоциран во Талин, Естонија, Центарот во моментов е поддржан од Белгија, Бугарија, Канада, Хрватска, Чешка, Данска, Естонија, Франција, Германија, Грција, Унгарија, Италија, Латвија, Литванија, Црна Гора, Холандија, Норвешка, Полска, Португалија, Романија, Словачка, Словенија, Шпанија, Турција, Обединетото Кралство и САД како држави спонзори и од Австрија, Финска, Северна Кореја, Шведска и Швајцарија како учесници кои придонесуваат кон работата на Центарот.Мисијата на ЦИ КСБ НАТО е да ги подобри капацитетот, соработката и споделувањето информации помеѓу НАТО, земјите-членки на НАТО и земјите партнери на НАТО во областа на сајбер одбраната врз основа на истражување, образование и консултации. Центарот има интердисциплинарен пристап ориентиран кон НАТО кон своите клучни активности, вклучувајќи академско истражување на избрани теми релевантни за сајбер областа од правни, политички, стратешки, доктринарни и/или технички перспективи, обезбедување образование и обука, организирање конференции, работилници и вежби за сајбер одбрана и нудење консултации по барање. Наспроти тоа… во ОЈО ГОКК имате сопче со шкафчиња за чување на дигитални докази, во кое сопче на милост и немилост и кој како му дојде се послужува со истите, затоа што од август месец нема ангажиран информатичар. НАТО стандардите налагаат дека: Прецизна документација на добиената опрема или податоци е предуслов за успешна кривична постапка. Доколку документацијата не успее или е недоволна, собраната опрема или податоци најверојатно нема да бидат допуштени како доказ на суд. Кривичниот закон има строги правила за употреба на докази. Активностите преземени за обезбедување и собирање дигитални докази не треба да влијаат на интегритетот на тие докази.НАСПРОТИ ТОА ИМАМЕ: Во случаевите кои ми се мене познати нема никаква документација за тоа добиената опрема и податоци, ниту документација кој, кога и зошто располагал со таа опрема. Истата е оставена сама на себе, да не речам добива статус на напуштена без соодветен надзор ствар. Како епрувета со земен примерок од крв која е оставена во нечиста просторија. Понатаму НАТО стандардите велат: По добивањето на опрема или податоци, единицата што ги добива истите е одговорна за оваа опрема или податоци додека не се предадат на овластени службеници. Имајќи предвид дека единицата ја спроведува операцијата под државна одговорност, државата е одговорна за секој недостаток во постапувањето со опремата. Тоа значи дека доколку опремата или складираните податоци се изгубат или се достапни за трети лица; државата ќе сноси одговорност и ќе одговара за побарувањата кои произлегуваат од загубата. Доколку податоците се копираат и споделуваат во тимот, како една од опциите за резервна копија на доказите, тие треба да се складираат на таков начин што ниту една друга страна нема да има пристап, на пр. со употреба на шифрирање или техники кои ќе ги уништат податоците во случај на неовластен пристап.Покрај можната одговорност во случај на загуба, спротивната страна би имала можност да идентификува кои информации се одземени и да преземе мерки кои би можеле да влијаат на тековните и идните операции. НАМЕСТО ТОА ИМАМЕ Уредите одземени од осомничените се чуваат ни повеќе ни помалку во шкафче без никаква форензичка изолација. Може ли да го замислите коментарот кој би го добиле кога нашите НАТО партнери би направиле евалуација на просториите на ОЈО ГОКК и шкафчето во кое се чуваат дигиталните докази? Може ли да го замислите изразот на лицето кога ќе дознаат дека дури и одржувачите на хигиена во собчето каде се чуваат дигиталните докази имаат пристап до истите? НАТО стандардите ни велат: Постои разлика меѓу граѓанин и полиција или други официјални истражители.Полицијата, како државен чинител, е обврзана со законот за кривична постапка, кој има за цел да ги заштити граѓаните од моќта на државата. Доколку полицијата ги собрала доказите спротивно на законот, овие докази ќе бидат исклучени. Доколку, пак, доказите ги собира граѓанин, кој не е ограничен со заштитата предвидена со овој закон, доказите може да бидат прифатени. НАСПРОТИ ТОА … имаме обвинител(к)и кои не само што не се водат по процедури, туку и самите се ставаат во улога на дигитални форензичари, најчесто дури и комично, пред камерите кои го снимаат судското рочиште изнесувајќи тези кои се спротивни на природните закони Затоа ни се потребни стандарди. Не може да се брукаме заради поединци кои не научиле кои се предизвиците на 21 век и дека со своето нестручно постапување прават штета на имиџот на државата. Не се боревме за НАТО толку многу за тие да не брукаат“, вели Рашковски.
Македонија | пред 3 години
Кој ќе одговара кога Европското јавно обвинителство ќе видат дека лаптопот на нашето ОЈО на кој се чуваат сите дигитални докази за завршени и тековни истраги и предистраги се изнесува од просториите на ОЈО по принципот кому иде, притоа компромитирајќи ги сите материјали и на другите јавни обвинители, правејќи ги ваквите докази на своите колеги според сите можни стандарди – неупотребливи, вели поранешниот генерален секретар на Владата, Драги Рашковски.„Пред три дена Јавното обвинителство на РСМ потпиша работен договор за соработка со Европското јавно обвинителство. И, тоа е многу добра вест за нашето правосудство тврдам. Обвинителите Ковеси и Јовевски потпишаа договор со кој се обрзуваат како на правно така и на техничко ниво дека двете обвинителства ќе соработуваат се со цел искоренување на корупцијата и намалување на злоупотребите на јавните финансии.Во најмала рака тоа значи дека нашите обвинители “ќе мора да постапуваат европски” по европски процедури со цел собраните докази да бидат прифатени од страна на нивните истражители и обвинители, а подоцна и од судскиот систем.И, ова е како што напишав убаво, европски, по стандардна процедура и така треба да биде.Но, не е така. Ќе се брукаме, а некој ќе треба и да одговара.Прашувам јасно и јавно, како овој договор ќе се примени на постапката за собирање на дигитални докази, или како што се нарекува “собичката за дигитална форензика” во ОЈО ГОКК, која ќе биде претесна за срамот кој ќе го доживееме, а не пак за водење на дигитална форензика за потребите на ЕЈО.Европското јавно обвинителство за оваа намена има формирано посебна институција со посебни правила за собирање на дигитални докази. Станува збор за Европската служба за спречување измама, позната и како ОЛАФ, од нејзиниот француски назив: Office de Lutte Anti- Fraude која истражува измама против буџетот на ЕУ, корупција и сериозна злоупотреба на службена должност во европските институции и развива политика против измама за Европската комисија. ОЛАФ и EЈO взаемно соработуваат преку обезбедување информации, анализи, експертиза и оперативна поддршка.На официјалниот сајт на ОЛАФ стои дека “Заради прибирање на дигитални докази ОЛАФ работи според усвоени упатства кои ги земаат предвид меѓународно одобрените стандарди и добри практики”.Кои меѓународни стандарди и добри практики ќе ги начекаат европските партнери во собичката и во шкафчето во ОЈО ГОКК во кое треба да биде заштитена и чувана нашата дигитална форензичка лабораторија?Ајде сега да видиме каков е стандардот на ЕЈО, значи нивната дефиниција за Дигитална форензичка лабораторија, е следна:“Форензичката лабораторија на ОЛАФ е составена од физички изолирани и заштитени канцеларии во рамките на ОЛАФ каде се обезбедуваат форензички услуги. Тука спаѓаат просториите за форензички сервер, каде што се чуваат дигиталните форензички докази и работните датотеки, и просторот за консултации за истражителите и оперативните аналитичари.”Ајде сега да видиме каков е стандардот кај, нашата дефиниција, пардон нема дефиниција имаме само муабет кој вели:“Просторија во која може секој да влезе, од која клуч има дури и јавниот обвинител и неговиот стручен соработник и физичката изолираност на доказите се постигнува на начин што дигиталните уреди се чуваат во шкафче”.Каква соработка ќе им понудиме на ЕЈО во делот на дигитална форензика и какви веродостојни докази ќе им доставиме кога тие бараат, “Пристапот до оваа лабораторија е ограничен на системските администратори и оперативниот персонал кои имаат потреба да бидат информирани и тоа преку електронска контрола на пристап и евидентирање од читачи на значки. Влезот во лабораторијата се следи со систем за видео надзор”, а кај нас ОЈО ГОКК “дигиталната форензичка лабораторија” е оставена на милост и немилост од август месец 2021 година кога единствениот информатичар си замина од таму?Што ќе ни коментира ЕЈО на фактот дека тие бараат, “Со цел да се заштити синџирот на докази, истражителот нема да прифаќа дигитални уреди од кое било лице во ниту еден момент за време на дигиталната форензика и спроведува дигитално форензичко преземање на добиениот уред.”, а во процедурите на ОЈО ГОКК уредите се чуваат кај стручните соработници на самото јавно обвинителство и се обработуваат понатаму од полициски службеници – економисти?Како ЕЈО ќе им верува на ваквите докази доставени од ОЈО ГОКК кога тие бараат целосно почитување на Синџирот на докази, затоа што според нив “Синџир на докази: Се однесува на детална документација за статусот на потенцијалните дигитални докази во секој временски период од моментот на собирање, преземање или одземање на доказите до моментот на презентирање на доказите на суд.”, а ОЈО ГОКК штафетно ги предава дигиталните докази без да се знае кој имал пристап до нив по цели месеци?Што ли ќе мисли за нас ЕЈО кога тие ќе побараат дигитална форензичка копија од доказите затоа што според нив, “Дигитална форензичка слика: Форензичка (битова) копија на оригинални податоци содржани на медиум за дигитално складирање, добиени за време на дигиталната форензичка постапка и складирани во бинарен формат со единствена хеширана вредност.”, а ние ќе им дадеме Word документ искуцан на компјутерот на обвинителот?Не знам како ќе го скриеме сопствениот срам кој ќе излезе на виделина надвор од границите. Досега овој срам домашно се прикриваше со судски одлуки кои се веќе предизвикани пред Европскиот суд за човекови права во Струзбург.Но, едно е сигурно:ЌЕ ПУКНЕ БРУКА... кога европското јавно обвинителство ќе увиде дека лаптопот на кој се чуваат сите дигитални докази за завршени и тековни истраги и предистраги се изнесува од просториите на ОЈО ГОКК, по желба само на еден обвинител од нему познати причини, притоа компромитирајќи ги сите материјали и на другите јавни обвинители, правејќи ги ваквите докази на своите колеги според сите можни стандарди – неупотребливи. ако на ова додадете дека пристап до тој лаптоп кога бил изнесен имале неовластени лица ... – некој ќе мора да одговара за создавање на “плодови од отровна овошка”“, додава тој.
Македонија | пред 3 години
Ексгенералниот секретар на Владата, Драги Рашковски, не помина добро откако го напушти Кривичниот суд. Тој се судри со новинарот Кристијан Ландов и екипата на „А1он“, но и незгодни прашања. Наместо одговори, тој обвинуваше.„Тој беше прашан дали и натаму семејството Рашковски го управуваат возилото „Волво“ сопственост на фирмата „Г. Б. Ц. системи“ од која фирмите кои добивале тендери набавувале софтвери, кабини, камери“, пишува „А1он“.Целото видео:ПОВЕЌЕ
Македонија | пред 3 години
Со оглед на фактот дека се шири лажна вест за наводно барање да биде вратена мојата патна исправа, која ниту еден медиум не ја поткрепува со факт, туку е проста репродукција на неименуван извор, сметам дека е за потребно да реагирам на ваквите објави, затоа што истите имаат само една единствена цел – да се фрли прашина врз судскиот процес кој е во тек, вели Драги Рашковски во својот демант.„Медиумите секогаш биле добро примани од моја страна како соговорници, затоа би било професионално при било каква објава поврзана со мене да побараат и потврда за планираната објава од моја страна.Голем дел од јавното мислење околу процесот кој е во судска тек е под постојана контаминација од лажни вести, со цел да се креира некаква погрешна слика, Ве замолувам за објективно и проверено известување, доколку сметате дека постојат елементи кои се од јавен интерес.Но не дозволувајте да сте катализатор на туѓите лажни вести“, додава тој.
Македонија | пред 3 години
Обвинителката Ивана Трајчева на рочиштето за предметот „Софтвери“ каде првообвинет е Драги Рашковски презентираше разговори помеѓу Даниел Станчев, кој е сопственик на фирмата „Инвока груп“ која го добила спорниот тендер, и Ивица Димитровски, кој е професор на ФИНКИ и поранешен хонорарец во Влада.Според истите, откако до добиле тендерот, си честитале.„Ова интересно било, аукции и чуда“, вели едниот, а другиот одговара: „Да уште да има некој да збори кога се наддава, како во филмовите во живо, поинтересно ќе биде“, па следува порака: „Да“.На 13 јули 2020 година, се разговара и за плаќањето.На пораката „Здраво Даниел како си? Да не платија случајно?“, на што се одговора: „Да, префрлија“. Следната порака е: „Да супер. Драги ти спомна нешто за распределба“. И по ова, следува порака во која се зборува за Перо кој требало да направи пресметка. Инаку, на претходните рочишта обвинителката кажа дека Рашковски бил заведен во телефонскиот именик како „Перо 078“„Здраво Даниел. Еве ја фактурата од ФИНКИ. Останатите ако може преку фирма. 15 илјади евра е фактурата“. По ова следува порака: „Океј. Треба Перо да направи пресметка. Тој направи на 70 к, а не е тој износ. Конверзија во ЕУР. Сега ќе ја платиме на ФИНКИ“.Според обвинението, првообвинетиот не ги извршил службените должности при спроведување на четири постапки за јавна набавка за систем за биометриска идентификација, јавна набавка на софтвер за определување на просечна брзина на возила во сообраќајот и изрекување на казни, набавка на АНПР камери за препознавање на регистарски таблички за возила и јавна набавка на метални кабини за потребите на системот на биометриска идентификација и систем за автоматско препознавање на регистарски таблици.Рашковски е обвинет за кривичните дела „злоупотреба на службена положба и овластување” и „перење пари и други приноси од казниво дело”.
Македонија | пред 3 години
После Рашковски, најдобриот другар на Заев, и кумашинот на Заев Мухамед Зекири, фатен во криминал. Заедничкото за овие двајца освен што се луѓе од доверба на Заев, беа и генерални секретари на владите на заевизмот. Веројатно шемата е иста, преку матни зделки милиони народни пари да се одлеваат во приватни џебови. Еден Рашковски заменет со друг Зекири и двајцата фатени во апашлук, вели ВМРО-ДПМНЕ.„Ако Рашковски правел криминогени далавери со софтвер кој сам на себе си го продаваше со народни пари, сега во случајот со Зекири е правена студија за продажба на Македонска пошта во износ од близу милион евра, без да има тендер.Додека Македонска пошта има нередовни плати, Зекири направил милионска зделка и ја доделил на негови партнери од Хрватска, а за возврат добиваат “семинарски труд“.Како и Рашковски, така и Зекири ова не го правеле на своја рака, туку зад ова седи ликот кој е капо ди тути капи на мафијата.Ете затоа народот осиромашува, а елитата на власт од СДСМ и ДУИ продуцира милионери од обични голтари.Следниот пат кога владата на СДСМ и ДУИ ќе убедуваат дека нема пари за поголеми плати на наставниците и дека тоа ќе предизвика инфлација, нека одговорат како милиони евра завршуваат на софтвери, студии, матни зделки и набавки“; се вели во соопштението.
Македонија | пред 3 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања