СИЛЈАНОВСКА

Сиљановска: Очекувам да се чујат мислењата на граѓаните околу Пустец и да се најде демократско решение

По иницијатива на Македонска алијанса за европска интеграција, Советот на Општина Пустец донесе одлука со која се изјаснува дека е против изградбата на кампови за мигранти во регионот на Преспа.Одлуката беше усвоенана седница на Советот, откако советниците од Македонска алијанса за европска интеграција побараа точката да биде ставена на дневен ред. Како што наведоа, иницијативата произлегува од загриженост за можните еколошки последици, влијанието врз туризмот и долгорочниот развој на регионот.На денешната пресконференција, претседателот на Албанија, Бајрам Бегај беше прашан дали на денешните средби ги начнале овие теми за последните случувања во Пустец и дали конкретно имале некаква консултација со Македонците во Албанија во насока на овие случувања таму.„Ние ги третираме малцинствата  со посебен закон и им се заштитени сите права што им следуваат со него“, рече Бегај додавајќи дека тоа што ќе се гради таму камп за мигранти не значи неоходно и дека ќе бидат сместувани. Според него кампот е дел од договорот со ФРОНТЕКС за обезбедување на капацитети при евентуален мигрантски наплив, но дека Албанија прави се да спречи доаѓање на илегални мигранти во земјата.„Се работи за прашање во надлежност на албанската влада. Се разбира, јас третирајќи ја Албанија како демократска држава, очекувам исто така да ги консултира граѓаните, но исто така со хомологот, да ја информира нашата влада евентуално за решенијата или за проблемите со кои се соочуваат. Не се работи за претседателска надлежност, меѓутоа токму како што рече претседателот Бегај, во духот на почитувањето на правата на малцинствата, во духот на почитувањето на демократските начела, во духот се разбира на почитувањето и на правата на локалната самоуправа, очекувам да се чујат мислењата на граѓаните околу Пустец и да се најде демократско решение“, изјави Сиљановска

Македонија | пред 3 седмици

Силјановска за пораката на Вајц: Ние сме рекордери во уставни измени, потребни се гаранции дека нема да има нови барања

Претседателката Гордана Силјановска Давкова на днешната прес-конференција ја искоментира изјавата на господинот Вајц во која што порачува дека Македонија треба да го искористи овој позитивен момент за зачленување во Европската Унија и да ги донесе уставните измениДа, го чув господинот Вајц, но јас исто така имам меморија. Многу пати сум чула за вакви моменти што треба да се искористат. Навистина, моментот и сега постои, бидејќи е врзан и за членството на Украина и на Молдавија, се разбира, јас во системот на поделба на власта не се осудувам да давам совети дали и кога треба да се усвојат уставните измени, јасен е Уставот, дека пратениците ги претставуваат граѓаните и гласаат по сопствено уверување. Освен тоа, ќе го повторам она што и повеќе пати сум го кажала, ние сме рекордери во уставни измени, исто така и овој пат повторно се бара уставна измена, се разбира дека нашиот став е за неопходноста, од нужноста, од гаранции, дека нема повторно да се појави нов многу погоден момент и уште едно барање за уставни измени. Ништо не би имала против уставни измени, доколку навистина се работи за одредби врзани за копехагенските критериуми или ако сакате во случајов за надминување на дискриминација или за гарантирање на малцински права. Македонскиот устав влегува во категоријата на устави кои се силни гаранции на малцинските права, што не е случај со многу други устави, па и со, можеби, најголемиот број устави на земји што се членки на Европската Унија“, вели Силјановска.

Македонија | пред 3 седмици

Гордана Сиљановска-Давкова со највисоки почести ќе го пречека Бајрам Бегај

Претседателката на Македонија, Гордана Сиљановска-Давкова со највисоки државни и воени почести денеска ќе го пречека претседателот на Албанија Бајрам Бегај.Како што известува Кабинетот на претседателката, по пречекот ќе следува тет-а-тет средба, а потоа пленарен состанок на македонската и албанската делегација.Претседателите Сиљановска-Давкова и Бегај ќе имаат заедничка прес-конференција.Во рамки на официјалната посета, претседателот на Република Албанија ќе положи венец на гробот на Гоце Делчев во црквата „Св. Спас“ во Скопје, информира Кабинетот на претседателката Сиљановска-Давкова.Во рамки на официјалната посета, албанскиот претседател ќе има средба со претседателот на Собранието Африм Гаши, а по потпишувањето во книгата на впечатоци, тој ќе се обрати пред пратениците.

Македонија | пред 3 седмици

Давкова: Помилувањето на затворениците не смее да се води од казната, туку од ресоцијализацијата

„Луѓето кои се во затвор не престануваат да бидат човечки суштества, тие имаат право на дигнитет и интегритет, и помилувањето никогаш не смее да се води од казната што е одредена и од природата на делото, зборувам низ уставно-правен аспект, туку да го мери и да го оценува процесот на ресоцијализација во институцијата. Или ако сакате, јас мислам дека сите луѓе, па и кога ќе направат големи грешки во животот и ќе се најдат изолирани, односно ќе го изгубат правото на движење на некој начин, имаат право на втора шанса. Впрочем денеска трендот во ресоцијализацијата оди рака под рака со осовременувањето и очовечувањето на условите во затворите. Нашите затвори сè уште не го исполнуваат овој услов. Често пати сум ги слушала моите колешки колеги кога со право укажуваат дека можеме да се најдеме под удар на Советот на Европа, дури и за елементи на тортура во постапувањето кон луѓето во затворите, низ многу димензии, изјави денеска претседателката Гордана Сиљановска-Давкова во воведното излагање на научно-стручната расправа по предлог-законот за помилување на Правниот факултет „Јустинијан Први“ во Скопје.Добро е што се седна да се изработи нов закон бидејќи, како што рече, актуелниот „не личи на закон, особено ако мора да го читаме низ призма на она што го стори Уставниот суд менувајќи многу одредби“ и оти членовите на комисијата не може да имаат „истражни“ надлежности и да бараат информации од судовите или агенциите и оти во нејзиниот состав не траба да бидат судии, адвокати...

Македонија | пред 1 месец

Сиљановска се сретна со претседателот на ОАЕ – акцент на економска соработка и безвизен режим

Претседателката Гордана Сиљановска-Давкова, во рамки на учеството на Светскиот самит на владите во Дубаи, оствари средба со претседателот на Обединетите Арапски Емирати, шеик Мохамед бин Зајед Ал Нахјан. Претседателката се заблагодари за гостопримството и за можноста да учествува на престижниот самит, оценувајќи го како исклучително значајна платформа за справување со глобалните и регионалните предизвици и за водење значаен дијалог со истакнати лидери и партнери од целиот свет. Во фокусот на разговорот беа перспективите за продлабочување на билатералната соработка и беше посочена потребата од унапредување на правната рамка. Посебен акцент беше ставен на економските односи и можноста за забрзување на проектите од взаемен интерес, коишто се во подготвителна фаза. Претседателката го поздрави воведувањето на безвизен режим меѓу двете држави, оценувајќи го како одлична можност за олеснување на севкупната комуникација меѓу двете општества. Таа изрази уверување дека средбата, што се реализира во пресрет на 30-годишнината од воспоставувањето на дипломатските односи меѓу двете држави, ќе даде силен импулс во севкупното натамошно унапредување на соработката меѓу двете земји. Двајцата соговорници разменија мислења за актуелните глобални прашања и важноста на напорите за разрешување на постоечките конфликти. Во тој контекст, претседателката ја поздрави конструктивната и одговорна улога на Обединетите Арапски Емирати, којашто се базира на принципите на мир и толеранција. Претседателката го истакна интересот од македонска страна за продлабочена соработка преку заеднички иницијативи за меѓукултурен дијалог и промоција на општите цивилизациски вредности.

Македонија | пред 1 месец

Сиљановска: Кога ги усогласуваме нашите закони со европските стандарди, градиме систем во којшто правилата ја надживуваат власта

Регулативата не е само за контрола, туку станува збор за создавање предвидлив простор каде што општествената доверба може да расте, рече претседателката Гордана Сиљановска-Давкова во своето обраќање на Глобалниот форум за владини регулативи и правда, во рамки на Светскиот самит на владите во Дубаи. Во обраќањето на тема „Законодавството како овозможувач на владеењето на правото“ таа посочи дека наместо да се потпираме на институционален илузионизам и да веруваме дека совршен закон на хартија е крајот на патот, треба да се фокусираме на напорна работа во годините пред нас - да изградиме институции што дишат, што се адаптираат и што им припаѓаат на луѓето. Го претстави македонскиот случај и посочи дека државата веќе 25 години по потпишувањето на Договорот за стабилизација и асоцијација со Европската Унија, формално и правно се усогласува со Европската Унија, со нејзините институции, правила и регулативи, но и покрај тоа сме меѓу најдолгогодишните кандидати за полноправно членство во Европската Унија.Но, усогласувањето, според претседателката, не го правиме само заради Брисел, туку и поради фактот што процедурите се гаранција за еднаквост. Кога ги усогласуваме нашите закони со европските стандарди, градиме систем во којшто правилата ја надживуваат власта, рече претседателката, истакнувајќи дека ова е разликата меѓу владеењето на човекот и владеењето на правото.Посочи дека македонските институции остануваат инклузивни и посочи дека Националната стратегија за развој 2024 ‒ 2044 помага да ги калибрираме политиките и законите.

Македонија | пред 1 месец

Сиљановска-Давкова од Дубаи: Естонија останува силен поддржувач на македонските евроинтеграции

Претседателката Гордана Сиљановска-Давкова во рамки на учеството на Светскиот самит на Владите во Дубаи, оствари средба со претседателот на Република Естонија, Алар Карис, на којашто беа потврдени пријателските односи и естонската поддршка за македонските евроинтеграции.Сиљановска-Давкова се заблагодари за активната улога на Естонија во групата „Пријатели на проширувањето“ и искажа интерес за јакнење на билатералната соработка со балтичката земја и склучување договори во областите од заемен интерес. Претседателката нагласи дека остануваме целосно посветени на членството во ЕУ и стопроцентно усогласени со заедничката безбедносна и надворешна политика на Унијата. Таа го реафирмираше ставот дека евроинтеграцијата на Балканот e стратешка потреба за стабилноста и безбедноста на Европа. На средбата, беше поздравена соработката во областа на дигитализацијата, реализирана во партнерство со Центарот за меѓународен развој на Естонија, соработката со Балтичкиот колеџ за одбрана во Тарту, како и со Центарот за сајбер одбрана на НАТО во Талин. Укажувајќи дека постојат неискористени потенцијали во економијата, Сиљановска-Давкова изрази очекување за развој на нови заеднички проекти и поголемо присуство на естонските инвеститори во земјава. Соговорниците разменија мислења за актуелните глобални предизвици.

Македонија | пред 1 месец

Сиљановска-Давкова ја прогласи за отворена Шестата Зимска школа на Меѓународниот семинар за македонски јазик, литература и култура

Претседателката Гордана Сиљановска-Давкова преку видео-порака се обрати на свеченото отворање на Шестата Зимска школа на Меѓународниот семинар за македонски јазик, литература и култура при Универзитетот „Св. Кирил и Методиј“ во Скопје, што се одржува под нејзино покровителство. Оценувајќи ја како значаен настан што ја продолжува долгата научна и културна традиција на македонистиката, Сиљановска-Давкова посочи дека Зимската школа е жива академска дебата за македонскиот јазик како темел на идентитетот, меморијата и културната самосвест. Според неа, во ера на забрзани промени во којашто јазиците се соочуваат со нови предизвици,  македонскиот јазик мора да биде функционален и видлив во дигиталниот свет и да остане жив за идните генерации, дома и во дијаспората. За неа, зимската школа, како дел од тој процес е влог и инвестиција во иднината на македонскиот јазик, но и во иднината на македонистиката како светска научна мрежа. Како успешен пример на образовна и научна дипломатија, оваа Школа придонесува за меѓунационалниот дијалог и меѓусебното идентитетско разбирање и признавање во време на глобални предизвици.

Македонија | пред 1 месец

(Видео) Претседателката со новогодишна порака: Трагедијата во Кочани е трајна обврска за правда

Претседателката на Македонија, Гордана Сиљановска-Давкова, упати новогодишна честитка до граѓаните, во која направи осврт на годината што изминува, оценувајќи ја како период обележан со длабоки глобални и домашни предизвици, но и со започнување на важни реформски процеси.Според Сиљановска-Давкова, 2025 година ќе остане запаметена по драматичните промени во меѓународниот поредок, незамисливите војни со огромни човечки жртви, забрзаната милитаризација, како и по продлабочените климатски, еколошки и енергетски кризи. Таа посочи дека во такви услови, меѓународните институции биле маргинализирани, а меѓународното право сериозно доведено во прашање.Во обраќањето, претседателката истакна дека надворешната и безбедносна политика на државата во изминатата година била јасно европска и усогласена со заедничката европска надворешна и безбедносна политика, при што земјата се позиционирала како видлив и почитуван меѓународен актер. Во евроинтеграциските процеси, како што наведе, фокусот бил ставен на исполнување на Копенхашките критериуми.На внатрешен план, Сиљановска-Давкова оцени дека 2025 година била година на почеток на реформи во правосудството, отворање на битка со корупцијата и криминалот, креирање национална развојна стратегија, воспоставување нови стратешки партнерства за економски и структурни реформи, како и засилена инфраструктурна активност. Таа ги посочи и напорите за долгорочно решавање на енергетските прашања и системско унапредување на соработката со дијаспората.Како најтежок момент во годината, претседателката ја издвои трагедијата во Кочани, нагласувајќи дека таа ќе остане трајна сенка и обврска за целото општество. Таа порача дека не смеат да бидат заборавени семејствата на загинатите, повредените, но и барањето за правда, оценувајќи дека нивната жртва мора да резултира со подобар политички и правен систем кој нема да дозволи нови невини жртви.Во честитката, Сиљановска-Давкова изрази надеж дека Новата година ќе донесе исчекор кон траен светски мир заснован на меѓународното право и меѓународните институции, како и напредок на државата на патот кон членство во Европската Унија, во услови на владеење на правото, демократија, економски развој и здрава животна средина.На крајот, таа упати лична порака до сите граѓани, посакувајќи секому Нова година исполнета со здравје, мир и лична среќа, со посебни честитки до децата, младите и до сите граѓани.

Настани | пред 2 месеци

Силјановска-Давкова на прием кај Трамп и првата дама на САД

Претседателката Гордана Силјановска-Давкова соопшти дека ѝ претставувало чест да присуствува на приемот што го приредија претседателот на Соединетите Американски Држави, Доналд Трамп, и неговата сопруга Меланија Трамп, по повод 80. Генерално собрание на Обединетите нации.„Во овие турбулентни случувања во светот, важно е да не отстапиме од демократските вредности и да се обединиме во зачувување на глобалниот мир и безбедност. САД биле и остануваат наши искрени сојузници на овој пат“, напиша таа.

Македонија | пред 5 месеци

Сиљановска се сретнала со Јован кој спасуваше животи од дискотеката, смета дека сите кои покажале херојско однесување треба да добијат признание

Претседателката Гордана Сиљановска-Давкова смета дека сите кои покажале херојско однесување за време на пожарот во дискотеката „Пулс“ и спасувале животи, треба да добијат признание. Таа веќе се сретнала и со младиот Јован, кој спасил дваесетина деца, а мајка на едно од децата му оддаде јавно прзнание.„Претседателката Гордана Сиљановска-Давкова веќе се сретна со младиот Јован Костадинов кој храбро и пожртвувано успеа да спаси 21 живот. Таа смета дека оние кои покажале херојско однесување за време на трагедијата во Кочани заслужуваат признание“, велат од Кабинетот на претседателката Сиљановска за „Скопје1“.Покрај Костадинов, додека внатре имало пожар и стампедо, во спасувачка акција тргнал и Павел Христов, кој повеќепати влегувал во дискотеката. Тој успеал да спаси повеќе лица, но не и себеси. Дел од спасените сведочеа дека и обезбедувачите како и други лица биле вклучени во акцијата да се извлечат што повеќе заглавени во дискотеката.

Македонија | пред 11 месец

Не е лошо човек да се извини, вели Силјановска по реакциите за министерката Кочоска

Претседателката Гордана Силјановска Давкова изјави дека сите политичари, како и пратениците треба да внимаваат на говорот, а “не е лошо човек да се извини”. Ставот на претседателката е даден откако Кочоска одговараше на пратеничко прашање во Собранието, па на едно од излагањата и се обрати на пратеничката Славјанка Петровска. Таа и рече дека не може да зборува за мајките што имаат деца, оти нема деца.Претседателката вели дека сите политичари, како и пратениците да внимаваат на говорот.„Не е лошо човек да се извини, не е лошо човек да рече дека можеби перцепцијата не е таква каква што требало да биде, намерата не била лоша намера. Мислам дека тоа ќе доведе до надминување на ваквите проблеми“, изјави Сиљановска-Давкова.Минатата недела, тешки зборови се разменија во собраниската сала на седницата на која се поставуваа пратенички прашања. Реакции на социјалните мрежи предизвика изјавата на министерката за финансии Гордана Димитриеска-Кочоска која пратеничката од СДСМ Славјанка Петровска ја праша врз основа на што ги става в уста мајките што имаат деца, таа е мајка на два сина и многу добро знае колку треба да троши едно 4-члено семејство.„Пратеничке Славјанка Петровска, не можам да ве кажам почитувана. За да кажам почитувана, треба да ја заслужите мојата почит. Врз основа на што вие ги ставате во уста мајките што имаат деца и како знаете вие едно повеќечлено семејство колку треба да троши? Јас сум мајка на два сина и многу добро знам колку треба да троши едно 4 члено семејство. Во однос на грашокот, и јас сакам да купам од конзерва, ама не сум сама, четири члена сме. Мораме да одиме во најевтините маркети и да купиме замрзнат грашок. Тоа беше коментарот, зошто да купуваме грашоци кои се поскапи од 100 денари. Исто беше и за млекото. Некој може троши и по 18 литри, а некој воопшто не пие. Бадемовото вам ќе ви го оставам, вам ви треба, а не мене”, рече министерката Гордана Димитриеска-Кочоска.

Свет | пред 1 година

Сиљановска спушти рампа за двојазични лиценци: не им потпиша закон и им го врати во Собрание

Претседателката Гордана Силјановска Давкова не го потпишала указот за Законот за детска заштита и истиот го вратила на доработка во законодавниот дом. Со него се предвидуваше воведување на двојазични лиценци во градинките. Во образложението таа наведува дека спровела темелна анализа и експертски консултации по што бара преиспитување на одредбите од членовите 9 и 10 од предлог-законот.„Потсетувам дека начинот на употреба на македонскиот јазик и неговото кирилско писмо и јазикот што го зборуваат најмалку 20% од граѓаните и неговото писмо се веќе уредени со закон“,се наведува во образложението од Сиљановска-Давкова, објави 360 степени.За првото вето на претседателката се дозна од соопштение на опозициската СДСМ, која што го поздрави потегот на Сиљановска-Давкова и ја повика владејачката ВМРО-ДПМНЕ да се откаже од овие законски измени.Реагираше и опозициската ДУИ, од каде што велат дека станува збор за „отворен напад врз албанскиот јазик и обид за поткопување на правата на Албанците во Северна Македонија“.Според процедурата, сега законските измени се враќаат во Собранието и ако бидат повторно изгласани со 61 глас, претседателката е должна да го потпише Указот.

Македонија | пред 1 година

Сиљановска Давкова во Рим на средба со македонската дијаспора

Претседателката Гордана Сиљановска Давкова за време на посетата на Италијанската Република и Светиот Престол, по повод манифестацијата „Македонија во чест на Св. Кирил“, во Рим, оствари средба со претставници на македонската дијаспора и на италијанско-македонската стопанска комора.Сиљановска Давкова беше зспозната со нивните активности и вклученоста на дијаспората во сите процеси во Италија.Во разговорот со Мунир Шемси, бизнисмен и претседател на АПИ НОРДЕС, претседателката беше информирана за заложбите на Комората, за неговиот личен и професионален развој, како и за над тридеценискиот хуман активизам насочен кон социјално ранливи семејства во неговиот роден крај.Претседателката Сиљановска Давкова изрази благодарност за исклучителниот придонес на македонските иселеници во континуираното унапредување и продлабочување на соработката меѓу македонската и Италијанската република. Таа ја нагласи важноста од одржувањето на врските со дијаспората, што како нераскинлив дел од македонското ткиво доследно ги негува културата и традицијата, афирмирајќи ја нивната матична држава во странство.

Свет | пред 1 година

И Европската унија на нозе оти Силјановска не кажа „северна“ - стигнаа првите предупредувања

Продолжуваат реакциите од Европската Унија за денешната заклетва на новата претседателка Гордана Силјановска-Давкова. Брисел директно бара Скопје да го почитува Договорот од Преспа со Грција.Во соопштението, Службата за надворешни работи на ЕУ (ЕЕАС) нагласува дека „ЕУ жали поради фактот што новата претседателка на Северна Македонија, Гордана Силјановска, не го употреби уставното име на земјата за време на денешната церемонија полагање заклетва“.„ЕУ потсетува на важноста од целосно почитување на постоечките, правно обврзувачки договори, вклучувајќи го и договорот од Преспа со Грција“, се заклучува во соопштението.Претходно со соодветна реакција имаше и претседателот на Комисијата. Во својата објава на Платформа Х, Урсула фон дер Лајен нагласи дека „со цел Северна Македонија да го продолжи својот успешен пат кон членство во ЕУ, од најголема важност е земјата да продолжи со реформскиот курс и целосно да ги почитува своите обврзувачки договори, вклучително и Договорот од Преспа“.

Македонија | пред 1 година

Собранискиот претседател да ја презеде функцијата шеф на државата, оти Силјановска не кажа „северна“, вели Лога

Министерот за правда во заминување, Кренар Лога, смета дека тоа што новата претседателка Гордана Силјановска-Давкова, не кажала „северна“ при повторување на заклетвата туку се дала свечена изјава со Македонија, значи дека таа не е инагурирана за претседател.„Непочитувањето на уставното име на државата ја прави ништовна заклетвата на Силјановска.Или повторување на постапката или функцијата претседател на државата треба да ја преземе Јован Митревски (претседател на собрание), како В.Д.“, вели Лога.Остра реакција имаше и од ДУИ.

Македонија | пред 1 година

(Видео) : Пендаровски заминува, Силјановска влегува во Вила Водно

Во Кабинетот на претседателот, се одржа официјална церемонија на примопредавање на функцијата Претседател со највисоки државни и воени почести.По свечената церемонија новоизбраната претседателка Гордана Силјановска Давкова и претседателот Стево Пендаровски остварија тет-а-тет средба.

Македонија | пред 1 година

(Видео) Ако јас можам да бидам претседателка, можете и вие, им се обрати Силјановска на жените и кажа дека само Мицкоски верувал во нејзина победа

Претседателот на Македонија, Гордана Силјановска-Давкова кажа дека таа не верувала во победа на изборите, а единствен кој ја убедувал и верувал дека тоа ќе биде така, бил лидерот на ВМРО-ДПМНЕ, Христијан Мицкоски. Му се заблагодари преку својот говор во Собранието.„Ќе го почитувам овој Парламент, ќе ги заборавам лошите моменти, ќе ги паметам само добрите. Ќе бидам претседателка и на левата и на десната страна. Ќе бидам претседателка на сите граѓани, нема да правам разлика меѓу нив. Ќе се обидам да ги оправдам овие илјадници гласови, кои се најголемата обврска која сум ја имала во животот. Ќе сторам се за да ја оправдам. Време е за единство“, рече Силјановска-Давкова.Кажа дека првите честитки ги добила од жени-политичарки од сите континетнти и сите области.„Зошто сакам овој говор да го посветам на жените.. Во ова Собрание јас законите ќе ги читам и ќе укажувам дека не мора да дојде до вето, дека може да направиме преку обраќањето некои корекции. Кога ќе именувам, или кога ќе предлагам членови на Судски совет, Уставен суд, ќе тргнувам од стручноста и компетентноста. За жал жените ги нема во политиката, затоа сум среќна што ќе инспирирам други жени. Ако јас можам да бидам претседателка, можете и вие! Запомнете“, додаде Силјановска-Давкова.Посочи дека силните жени можат да ги решаваат проблемите, меѓу државите, нациите.„Оваа држава ја немаме само благодарение на комитите, туку и поради комитките, оваа земја ја немаме само поради партизаните, туку и поради партизанките“, додаде Силјановска-Давкова.Додаде дека зад успешни жени стојат мажи, како што е нејзиниот сопруг.„Јас, Мицкоски пред 2019 година само еднаш го видов на телевизиските екрани. Довербата е многу важна, јас ќе ја оправдам - не поради долг кон политика или партија, туку бидејќи добив шанса да бидам опкружена со многу жени“, додаде Силјановска-Давкова.

Македонија | пред 1 година

(Видео) Црвенковски и Пендаровски не дојдоа на инаугурацијата на Силјановска-Давкова

На инаугурацијата на новата претседателка на Македонија, Гордана Силјановска-Давкова, иако поканети, присутни не беа експретседателите Бранко Црвенковски и Стево Пендаровски.На почетокот од собраниската седница за нејзино назначување, собранискиот претседател во заминување, Јован Митрески кажа дека одвоил столчиња за овие двајца претходници на Давкова, кои останаа празни.На поканата се одзваа Ѓорѓе Иванов и Вилма Трајковска, сопруга на починатиот претседател, Борис Трајковски. Двете столчиња до нив, беа празни.

Македонија | пред 1 година

(Видео) Силјановска: Ковачевски ми се јави и поразговаравме - кога ве гледамв ака, знам дека има шанса за сите нас

Новата претседателка на Македонија, Гордана Силјановска-Давкова во својот говор од Собранието кажа дека експремиерот и претседател на СДСМ, Димитар Ковачевски, телефонски ѝ честитал за победата. Таа кажа дека тие разговарале, па вети дека нема да прави никакви поделби од функцијата која ќе ја извршува.„Сакам да го споменам и Ковачевски, и тој се одважи да ми се јави, а не само на Фејсбук да ми посака добредојде и успешна работа. Туку да поразговараме. Затоа мислам дека со нас жените, ќе се менувате и вие мажите политичари и Македонија ќе стане едно пристојно место за соживот на сите. Искористете го умот, искореистете го и не заборавајте ги. Така ќе ги охрабриме и оние надвор“, додаде Силјановска-Давкова.Таа додаде: „Кога ве гледам вака, знам дека има шанса за сите нас. Исто како што имаше шанса кога многу пратнеички од СДСМ ми пријдоа да ми честитаат.

Македонија | пред 1 година

(Видео) Силјановска даде заклетва без „Северна“, туку со Македонија

Гордана Силјановска-Давкова даде свечена заклетва пред пратениците на Собранието на Македнија. Иако заклетвата беше со „Северна Македонија“, Силјановска-Давкова се заколна дека ќе го штити суверинитетот на Македонија.„Изјавувам дека функцијата претседател на Македонија ќе ја извршувам совесно и одговорно...“, рече Силјановска-Давкова давајќи заклетва.

Македонија | пред 1 година

(Видео) Претседателска заклетва на Силјановска Давкова во Собранието

Во Собранието на Македонија, Гордана Силјановска-Давкова ќе даде заклетва пред пратениците, по што, ќе ја преземе и функцијата и ќе се упати кон Вила Водно.Во Кабинетот на претседателот, ќе се одржи официјална церемонија на примопредавање на функцијата Претседател со највисоки државни и воени почести.По свечената церемонија новоизбраната претседателка Гордана Силјановска Давкова и претседателот Стево Пендаровски ќе остварат тет-а-тет средба.

Македонија | пред 1 година

(Фото) Силјановска го зема уверението од ДИК: победи со 561.000 гласови

Денес, Државната изборна комисија издаде Уверение за избран Претседател на Република Северна Македонија, на Гордана Сиљановска Давкова, која според резултатите од спроведените избори за избор на Претседател на Република Северна Македонија, одржани на 24 април и 8 мај 2024 година, беше избрана за Преседател на државата.На седницата која ја одржа Државната изборна комисија, беше усвоен Заклучокот за конечност на резултатите од гласањето за Избор на Претседател на Република Северна Македонија, одржано на 8 мај 2024 година.Државната изборна комисија утврди дека вкупниот број на запишани избирачи за претседателските избори кои биле запишани во Избирачкиот список изнесува 1.814.317, вкупниот број на избирачи кои гласале бил 861.218, вкупниот број на неупотребени гласачки ливчиња 953.121, вкупниот број на важечки ливчиња 812.899, вкупниот број на неважечки ливчиња 48.289 а процентот на избирачи кои гласале е 47.47%.На гласањето по листите за кандидат за Претседател на Република Северна Македонија, во законски утврдениот рок, по истекот на рокот определен за приговори на постапката за гласање, сумирање и утврдување на резултатите и објавените првични резултати, Државната изборна комисија ги објави и следните конечни резултати:1. Стево Пендаровски, освоени 251.899 гласови2. Гордана Сиљановска Давкова, освоени 561.000 гласовиЗа Претседател на Република Северна Македонија е избрана Гордана Сиљановска Давкова со мнозинство гласови од избирачите кои гласале.Претседателот на ДИК, Проф.Др. Александар Даштевски и го предаде Уверението на Гордана Сиљановска Давкова и од име на Комисијата и посака успешен мандат како шеф на државата.

Македонија | пред 1 година

(Видео) Славески гарантира: Силјановска нема да сврти грб на ВМРО-ДПМНЕ како Арсовска

Гордана Силјановска-Давкова нема да ги направи истите чекори како Данела Арсовска, која стана градоначалничка благодарение на ВМРО-ДПМНЕ па им сврте грб. За ова уверува Трајко Славески, член на Извршниот комитет на ВМРО-ДПМНЕ кој кажа дека станува збор за дијаметрално спротивни карактери. „Во никој случај, за тоа гарантирам, не може да се случи“, рече Славески.Според Славески, изразувајќи се со професорски јазик, Силјановска-Давкова „положила“ осум семестри, со највисока оценка.„Ќе имаме добра синергија, помеѓу новата Влада предводена од Христијан Мицкоски и претседателот на Македонија каков што заслужува“, вели Славески во подкастот „Претрес со Ландов“.Тој зборуваше и на други актуелни теми како што се Груевски и Мијалков, плановите на ВМРО-ДПМНЕ, најавувањето одговорност и апсење на СДСМ-овци и припадници на ДУИ.?t=7376

Македонија | пред 1 година

Силјановска денеска слави и роденден, полни 71 година - утре нејзината инагурација за претседател

Гордана Силјановска-Давкова денеска полни 71 година, на ден пред нејзината инагурација во Собранието за претседател на државата. Таа е родена на 11 мај 1953 година. Роденденот го слави ден откако Државната изборна комисија ги објави официјалните резултати од изборите.Таа е македонски универзитетски професор, правник, и собраниски пратеник во претходните четири години.Избрана е за претседател со мнозинство гласови од избирачите кои гласале, односно 561.000 гласови, наспроти нејзиниот противкандидат Стево Пендаровски 251.899, констатираше денеска претседателот на Државната изборна комисија (ДИК) Александар Даштевски на седницата на ДИК, објавувајќи ја конечноста на резултатите од гласањето за Претседателките избори од 8 мај.Во нејзината биографија стои дека основно и средно образование завршила во Скопје (1973). Дипломирала на Правниот факултет во Скопје (1978), каде што и магистрирала. Докторирала пред комисија предводена од проф. Франц Град со „Cum laude“ на Правниот факултет во Љубљана, на тема „Local Selfgovernment – between Norms and Reality“ во 1994.Била избрана за асистент по предметот политички систем на Правниот факултет во Скопје (1989), за доцент по уставно право и политички систем (1994), а потоа и за редовен професор во 2004. Била член на Уставната комисија на Собранието на РМ (1990-1992) и министер во Владата на РМ (1992-1994). Експерт за избори на ООН и потпретседател на групата Независни експерти за локална самоуправа при Советот на Европа. Член на Венецијанската комисија. Автор е на стотина научни трудови за уставното право и политичкиот систем.Сиљановска Давкова за првпат влезе во политиката како предлог на ЛДП и беше министерка без ресор во првата влада на Бранко Црвенковски кој беше премиер од 1992 до 1994 година.Во 2004 и 2005 година, беше активна во настапите против Законот за територијална организација, во 2017 година, беше гласна против Законот за употреба на јазиците, со кој албанскиот јазик стана втор службен јазик во Северна Македонија. На парламентарните избори во 2020 година, Сиљановска-Давкова беше носителка на кандидатска листа за пратеници на ВМРО-ДПМНЕ и Коалицијата во првата изборна единица. Од август 2020 година досега беше пратеничка во Собранието.

Македонија | пред 1 година