скопје

Посебен режим на сообраќај во Скопје во сабота

Министерството за внатрешни работи ги известува граѓаните на Скопје дека на 04.05.2024 (сабота), поради одржување на манифестација по повод годишнината од смртта на македонскиот револуционер Гоце Делчев во црквата „Св. Спас“ во Скопје, Единицата за безбедност на патниот сообраќај при СВР Скопје по потреба ќе преземе мерки за посебен режим на сообраќајот, односно по потреба за сообраќај ќе биде затворена ул.„Самоилова“ на потегот од ул.„Иљо Војвода“ (виадукт Самоилова) до крстосница со ул.„Прохор Пчински“.Министерството за внатрешни работи, исто така, ги известува граѓаните на Скопје дека на 04.05.2024 (сабота), Единицата за безбедност на патниот сообраќај при СВР Скопје ќе воведе посебен режим на сообраќај за одредени сообраќајници во централното градско подрачје на Град Скопје, како и во општините Ѓорче Петров и Аеродром.На 04.05.2024 во периодот од 18.00 часот до завршување на манифестацијата по повод верскиот празник Воскресение Христово Велигден, во центарот на градот по потреба за сообраќај ќе бидат затворени: 1. Бул.„Партизански одреди” од крстосницата со ул.„Франклин Рузвелт” до крстосницата со бул.„ВМРО”. 2. Бул.„Св.Климент Охридски” од крстосницата со бул.„Илинден” до крстосницата со ул.„Димитрие Чуповски”. 3. На возилата од јавниот градски превоз, кои поминуваат преку мостот „Гоце Делчев”, по потреба ќе им се менува трасата на движење, при што ќе се движат по бул.„Илинден” и преку ул.„Франклин Рузвелт” ќе се вклучуваат на бул.„Партизански Одреди”, додека автобусите кои што поминуваат преку Центар ќе се движат по ул.„Митрополит Теодосиј Гологанов”, по што преку ул.„Франклин Рузвелт” ќе се вклучуваат на бул.„Партизански Одреди”.Во спротивна насока автобусите ќе ги користат истите сообраќајници. Во општина Ѓорче Петров, по потреба, за сообраќај ќе се затвора ул.„Македонска војска“ пред црквата „Свети Петар и Павле“ на потегот од крстосница со бул.„Партизански Одреди“ до ул.„Ѓорче Петров“.Во општина Аеродром, по потреба, за сообраќај ќе биде затворен локалниот пат кон с.Лисиче. Исто така, по потреба за сообраќај ќе бидат затворани и други сообраќајници кои гравитираат околу верските објекти. Секторот за внатрешни работи Скопје апелира до граѓаните да ги почитуваат наредбите кои ќе ги даваат полициските службеници по сообраќајниците каде што ќе се одвиваат настаните.

Скопје | пред 1 година

Уапсени двајца Срби: краделе велосипеди, изнајмилен стан и ги криеле - сѐ си признале и завршија во притвор

На 27.04.2024г. од страна на полициски службеници од ОКР Аеродром и Драчево при СВР Скопје, под сомнение за сторено кривично дело лишени од слобода се лицето А.К.(43) од Р. Србија и лицето Љ.Г.(20) од Р. Србија и по извршен службен разговор истите признале дека имаат украдено повеќе велосипеди кои ги чувале во изнајмен стан во Скопје, при што извршена е проверка и со потврда за привремено одземени предмети 9 велосипеди се одземени од лицата.Исто така, во разговорот со лицата истите навеле дека кривичните дела се извршувани во координација со уште неколку лица за кои се преземаат полициски мерки.Од страна на полициските службеници утврдено е дека сите велосипеди се од пријавени тешки кражби и истите веднаш ќе им се вратат на сопствениците.Лицата по насока на јавен обвинител се задржани во ПС ОН Кисела Вода и по целосно документирање е поднесена кривична пријава, а од страна на судија на претходна постапка за истите лица определена е мерка притвор.

Скопје | пред 1 година

(Фото) Мостот „Беласица“ кај „Ист гејт“ целосно затворен: на него камиони и возила

Мостот „Беласица“, кој измиативе месеци беше половично затворен - сега е целосно затворен за сообраќај. Од утрово се поставени препреки за поминување, а на него има камиони и автомобили. Непознато е дали се работи на негова санација или се проверува неговата стабилност.„Скопје1“ во Град Скопје уште пред неколку месеци прати прашања околу поправките на мостот кој е клучен за поврзување на двата дела на Скопје - но не добивме никакви одговори.Мостот беше запален во мај минатата година и беше ставен вон функција. Според градоначалничката Данела Арсовска, мостот е целосно безбеден, но од септември беше само делумно пуштен во употреба. Требаше да се направи и тест за неговата издржливост со 200 тона на него - кое не се знае дали беше спроведено или се спроведува сега.

Скопје | пред 1 година

Го запустија главниот град, создадоа хаос со јавниот превоз, ги турнаа јавните претпријатија во долгови, вели СДСМ

„Скопје е синоним на сите лаги на ДПМНЕ, на сите лажни и неисполнети ветувања, на сите измани на граѓаните. Скопје е пример како владее ДПМНЕ“, вели СДСМ и додаваат:Го запустија главниот град, создадоа хаос со јавниот превоз, ги турнаа јавните претпријатија во долгови, заборавија на граѓаните, а рацете ги заглавија во медот.Во Скопје го нема ветениот бесплатен јавен превоз, нема нови 250 автобуси, нема нови паркови.Како што не ги исполнија ветувањата за проектите што ќе ги реализираат во Скопје, така и сега даваат лажни ветувања за претстојните избори.Ништо не е променето во ДПМНЕ, тоа е истата партија која не може да донесе никаква промена.Со ДПМНЕ е можно само враќање назад.Граѓаните нема да дозволат реприза на Скопје да и се случи на државата со ДПМНЕ и Силјановска.

Македонија | пред 1 година

(Видео) Отпушоци и отпад колку сакаш на скопскиот плоштад: запрепастувачка слика од изгледот на местото

Искршени плочки и светла од подната фонтана, отпушоци и отпад меѓу решетките на плоштадот, куќарки од Нова Година заборавени наоколу, исклучени фонтани зјаат со мушами. Исклучени се и звучниците од кои некогаш имаше тивка музика, а сега има само возрасен човек кој чука на тарабука во ритамот на странски песни. Ваква е сликата на скопскиот плоштад, каде секојдневно има десетици но и стотици туристи. За време на викендите, има и куп граѓани кои со семејствата излегуваат да се проштетаат и фотографираат – но глетката е запрепастувачка. Најголемите забелешки се за хигиената, бидејќи купишта смет има наоколу, а особено меѓу решетките кај фонтаната со споменикот на Александар Македонски.Единствена новина е поставените нови клупи во делот на улица Македонија.

Скопје | пред 1 година

Вонреден „Претрес“ со ексградоначалникот Коце Трајановски: кој ја остави Универзална да пропаѓа, колку пари се фрлени за проекти и каде се фрлени проектите?

Вонреден “Претрес” со ексградоначалникот Коце Трајановски: кој ја остави Универзална да пропаѓа, колку пари се фрлени за проекти и каде се фрлени проектите?По подолг период пред вас: за сите оставени нереализирани проекти, за тоа дали “Градот убав пак ќе никне”, каде го остави Скопје, но и каде е денеска.Гледајте и прашајте што ве интересира 🔴ВО ЖИВО🔴 во 21 часот на јутуб каналот “prvatvmk”, веб: www.pretres.mk / www.prvatv.mk

Македонија | пред 1 година

(Видео) Нови снимки од Универзална

Гори Универзална сала во центарот на Скопје.Се евакуираат жителите од соседните згради. Граѓаните велат дека од врелината се топат ролетните.

Скопје | пред 1 година

Ќе има гужви: Посебен режим на сообраќај денеска и утре во Скопје

Секторот за внатрешни работи Скопје ги известува граѓаните на Скопје дека поради подготовки и одржување на митинг, почнувајќи од денеска (03.04.2024) до утре (04.04.2024), односно до завршувањето на митингот, Единицата за безбедност на патниот сообраќај презема мерки за посебен режим на сообраќајот при што бул.„Илинден“, потегот од мост Гоце Делчев до бул.„Климент Охридски“ и од бул.„Климент Охридски“ до мост Гоце Делчев, се затворени за сообраќај во двата правци. Во текот на утрешниот ден, по потреба , ќе бидат затворени и други сообраќајници на поширокото централно подрачје.Секторот за внатрешни работи Скопје апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Скопје | пред 1 година

(Видео) Тажна слика од скопскиот плоштад: маскирани деца, две маскоти и куп празни куќички од Нова година

Во центарот на Скопје, ја нема вообичаената магија за 1-април, која се памети од минати години. Родители ги носат своите деца, но детска програма – ни за лек. Маскотите на Мики и Мини маус се единствената опција која ја има, за да се долови прво априлската магија. Скопје памети одбележување на овој ден на скопскиот плоштад. Таму, денеска, музичар на гитара и затворени куќарки, кои се заборавени од Нова година. Ништо интересно, ниту привлечно за најмладите.Токму плоштадот беше синоним за прославување на среќата, смеењето, маскирањето. 1-во априлската традиција во светот постои од 14ти век, последните децении нејзината популарност вртоглаво расте.Меѓу народот се верува и дека тој што ќе биде излажан денеска ќе биде лажен преку целата година.

Скопје | пред 1 година

Фатени без возачка и напиени, но и без појас: казнети 134 возачи во Скопје

Секторот за внатрешни работи Скопје во текот на вчерашниот ден (23.03.2024) продолжи со контролите во областа на сообраќајот.На територија на град Скопје изречени се вкупно 134 мерки, меѓу кои за возење повеќе од дозволената брзина 43 санкции, 13 мерки за возење без возачка дозвола, седум санкции за возење под дејство на алкохол, 11 мерки за некористење сигурносен појас...Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

Скопје | пред 1 година

Нема фотографија

(Видео) ГТЦ доби барака, а бараката донесе револт: „Го гушнаа, го задушија, душа му извадија…“

И покрај купот празни и затворени дуќани во Градскиот трговски центар (ГТЦ), нов објект никна на излезот кон кејот, во редот на сендвичарите. Потегот предизвика револт и низа реакции, бидејќи дел од граѓаните сметаат дека местото не му е таму. Но непознато е кој и зошто го поставил, како и која му е намената. „Скопје1“ побара одговори од менаџментот, но не доби. Реакција има и од Софија Куновска, поранешна пратеничка.„Па имате ли трошка совест, знаење или одговорност? За ова треба кривична одговорност“, напиша Куновска.Има и потсетувања дека пред десетина година, кога ГТЦ требаше да добие барокни фасади беше „гушкан“ од активисти за да се спречи акцијата.„Го гушкаа гтц да не било барок за после 10 години да го добијат ова“, коментира корисник на „Х“. И друг граѓанин смета дека на објектот, кој има и струја – не му е местото таму.„ГТЦ Скопје 2024г. Го гушнаа, го задушија, душа му извадија…“, напиша тој. Има и иронични коментари.„Елате да го гушнеме ГТЦ, не ме оставајте сам“, напиша друг корисник на „Х“. Директорот на ГТЦ, Ѓоко Трајчевски не одговори на прашањата од „Скопје1“ поврзани со објектот. Го прашавме кој и зошто, но и со чија дозвола го постави, зошто имаше потреба од него и која е намената. Меѓудругото, не добивме одговор ниту што мисли за низата реакции и критики и дали по нив, објектот ќе биде отстранет. ГТЦ – Градски трговски центар – Скопје е почнат со изградба во 1973 година. Нa конкурсот, распишан 1967 година пристигнати се 23 архитектонски решенија, меѓу кои победува решението на тимот предводен од Живко Поповски. Покрај овој голем македонски архитект, во тимот учестуваат: Тихомир Арсовски,Живко Гелевски, Димитар Димитров, Благоја Колев, Радомир Лајовиќ и Лидија Маркова.Денеска, ГТЦ пропаѓа. Дел од подрумските простории мирисаат на измет и се полни со смет.

Скопје | пред 1 година

Ако се ваши проектите во програмата зошто не ги гласате, праша Арсовска во Советот на Град Скопје

Градоначалничката на Град Скопје, Данела Арсовска во денешното обраќање во Советот на Град Скопје потенцираше дека единствено нешто за кое се заинтересирани советниците од ВМРО-ДПМНЕ е паушалот од 500 евра. Таа посочи дека советниците на ВМРО-ДПМНЕ наместо да ја оправдаат довербата на граѓаните и во Советот да гласаат за проектите и програмите во интерес на оние кои што ги гласале тие ја злоупотребуваат говорницата за популизам.Градоначалникот се обидува да ги реализира оние работи кои што ги ветил пред граѓаните за разлика од вас кои што ќе дојдете тука, ќе си ја искористите оваа говорница за популистички политички говори, ќе отидете во бифе ќе отседите два-три часа, ќе си го земете паушалот од 500 евра и ќе заминете дома. Така да почитувани советници ако сакате да зборувате за оставки депонирајте си ги вашите слободно затоа што вие сте тие што кочите цела година да нема нови автобуси за граѓаните, и кочите се што е од интерес за граѓаните да се реализира она кое што вие сте им го ветиле на последните локални избори, вели Арсовска.За иронијата да биде уште поголема советниците на ВМРО-ДПМНЕ кои бараа поддршка од граѓаните со програмата на Арсовска, денес во Советот прават се за истата да не се спроведе.-Вие баравте поддршка за програмата кај граѓаните, вашиот претседател Мицкоски збореше по медиумите дека треба да се поддржи таа програма. Дури ве изнаслушавме и како кажувате дека сте ја правеле таа програма, ако сте ја правеле таа програма зошто не ја гласате? Ако се ваши проектите во програмата зошто не ги гласате, додаде градоначалничката.Одговорноста за проблемите со кои се соочува Град Скопје лежи единствено во Советничката група на ВМРО-ДПМНЕ која е власт и го има мнозинството во Градот а ги блокира сите програми и проекти од интерес на граѓаните.Второто лицемерие е што Вие сте мнозинство во Советот и се што не функционира во овој град е ваша одговорност, верувам дека сите го знаат тоа. Денеска не гласавте програма од областа на сообраќајот во Град Скопје, значи се што е од областа на сообраќајот во Град Скопје е закочено, веќе дојде месец април. Денеска не гласавте програма за заштита на животната средина, после немој да излезете да говорите за заштита на животна средина затоа што вие блокирате и не гласате програма за животна средина. Не ги гласате активностите од областа на локалните економски развој, не ги гласате активностите за соработка со здруженија и фондации, посочи Арсовска.Најголемата иронија истакна градоначалничката на Град Скопје е фактот што истите програми кои денес советниците на ВМРО-ДПМНЕ не ги гласаат ги гласале кога градоначалник бил Коце Трајановски од редовите на ВМРО-ДПМНЕ, но ги гласале и кога ВМРО-ДПМНЕ било опозиција, а градоначалник бил Петре Шилегов.-Не знам како и под кои услови овие програми сега не во се прифатливи, а Ви биле прифатливи кога истите програми без никакви измени наназад веќе децении сте ги гласале. Кога бил вашиот градоначалник Коце Трајановски, потполно истата оваа програма тогаш чинела, сега не ви чини. Кога бил градоначалник Шилегов ако сте биле опозиција, и тогаш ви чинела истата програма да ја гласате а сега не ви чини. Како тоа истата програма со истите работи внатре со истите точки кои треба да се имплементираат тогаш сте си ја гласале без никаков проблем, а сега не, додаде таа.На лицемерието на ВМРО-ДПМНЕ му нема крај заклучи Арсовска бидејќи не само што советниците не гласаат за програмите туку пред граѓаните не образложуваат зошто го прават тоа.-И најголемото лицемерие е да не гласаш програма што е во интерес на граѓаните и да кажеш дека не е добра а не кажуваш што е тоа што не чини. Знаете зошто? Бидејќи ако кажете што не чини тоа значи дека дека не чинело ни кога бил Коце Трајановски градоначалник и кога бил Петре Шилегов градоначалник затоа што се работи за истата програма, заклучи градоначалничката на Град Скопје.

Скопје | пред 1 година

Витина: Позитивно сум ја изгласала точката за ослбоодување од плаќање на комуналии на училишта

„Жалам што и Вашиот медиум одлучи да биде пропагатор на лажните вести лиферувани од штабот на ВМРО-ДПМНЕ, без притоа да ги проверите информациите или да побарате и став од другата страна“, вели Ирена Витина и додава:„Вистината е спротивна на лиферуваната лажна вест од штабот на ВМРО-ДПМНЕ, а доколку ја гледате и снимката од преносот на седницата на Советот на град Скопје, јасно ќе забележите дека наведените точки кои беа ставени на гласање на денешната седница на Советот на град Скопје, а кои се однесуваат на ослободување од плаќање на комуналии за изградба и реконструкција на училишта и градинки сум ја изгласал позитивно.За жал, фабриката за лаги на ВМРО-ДПМНЕ се обидува да го затскрие нивниот срам со лиферување на вакви манипулации и лажни вести. Тие се срамат да признаат дека овие проекти за кои гласаа денес се финансирани од Владата предводена на СДСМ, благодарение на неспособноста на градоначалниците во општините на град Скопје од ВМРО-ДПМНЕ.Непринципиелната коалиција СДС-ДПМНЕ сепак, нема да успеат да ја покријат со ширење на лажни вести.Барам од Вашиот медиум во целост да го објави овој демант, лажната вест да ја отстрани и да се извини поради непочитување на обврската за целосно и вистинито информирање на јавноста со обезбедување на став и од втората спомената страна. Во спротивно, ќе бидам приморана вистината да ја барам пред надлежните судски инстанци“.

Скопје | пред 1 година

Позитивно сум ги изгласал точките за ослободување од плаќање комуналии за изградба на училишта, врати Трајановски на ВМРО-ДПМНЕ

„Жалам што и Вашиот медиум одлучи да биде пропагатор на лажните вести лиферувани од штабот на ВМРО-ДПМНЕ, без притоа да ги проверите информациите или да побарате и став од другата страна. Вистината е спротивна на лиферуваната лажна вест од штабот на ВМРО-ДПМНЕ, а доколку ја гледате и снимката од преносот на седницата на Советот на град Скопје, јасно ќе забележите дека наведените точки кои беа ставени на гласање на денешната седница на Советот на град Скопје, а кои се однесуваат на ослободување од плаќање на комуналии за изградба и реконструкција на училишта, градинки и спортски сали сум ги изгласал позитивно.За жал, фабриката за лаги на ВМРО-ДПМНЕ се обидува да го затскрие нивниот срам со лиферување на вакви манипулации и лажни вести. Тие се срамат да признаат дека овие проекти за кои гласаа денес се финансирани од Владата предводена на СДСМ, благодарение на неспособноста на градоначалниците во општините на град Скопје од ВМРО-ДПМНЕ.Непринципиелната коалиција СДС-ДПМНЕ сепак, нема да успеат да ја покријат со ширење на лажни вести.Барам од Вашиот медиум во целост да го објави овој демант, лажната вест да ја отстрани и да се извини поради непочитување на обврската за целосно и вистинито информирање на јавноста со обезбедување на став и од втората спомената страна. Во спротивно, ќе бидам приморан вистината да ја барам пред надлежните судски инстанци“, вели Александар Трајановски.

Свет | пред 1 година

(Фото) Арсовска тврдеше дека открила екоцид, ама нека и ја покаже некој еколошка бомба се прави од несобраниот отпад во Ѓорче

Градоначалничката Данела Арсовска со прст не мрда по низата реакции од граѓаните дека контејнерите во Ѓорче Петров остануваат затрупани во смет. Граѓаните кога немаат каде да исфрлат отпад, тоа го прават покрај нив.Комунална хигиена, јавно претпријатие со кое раководи кадар на Арсовска, го остава таму каде што е оставено. Жителите потсетуваат дека таа се изнасликала со депонија и посочувала дека открила екоцид, па ја прашуваат: „Ова што е? Еколошка бомба? Среде населени места?“.И ваква е сликата постојано. Најстрашното, според жителите, е што доаѓа лето. Ќе се фрла сѐ повеќе храна која се умирисува, а со тоа ќе се шири лоша миризба. Велат дека плаќаат постојано комунални трошоци, а добиваат игнорирање од градот во кој живеат.Без разлика на реакциите, Комунална хигиена крева раце поради хаосот во Ѓорче Петров со отпадот. Истовремено, за да не остане и да скапува отпадот, го собираат општинските служби.

Скопје | пред 1 година