СТАРЕЕЊЕ

Кога најбрзо старееме? Научниците посочија две клучни животни фази

Ново научно истражување покажало дека стареењето кај луѓето не се случува постепено, туку има два периоди кога телото нагло старее – околу 44-тата и 60-тата година од животот, пренесува „Сајенс алерт“.Студијата, објавена во списанието „Nature Aging“, анализирала молекуларни промени поврзани со стареењето кај 108 возрасни лица кои во текот на неколку години редовно давале биолошки примероци.Истражувачите следеле повеќе од 135.000 биолошки карактеристики, вклучувајќи РНК, протеини, липиди и микробиом од различни делови на телото.Според генетичарот Мајкл Снајдер од Универзитетот Стенфорд, во телото се случуваат драматични промени во средните 40-ти и раните 60-ти години.„Не старееме само постепено со текот на времето. Постојат периоди на навистина драматични промени“, изјавил Снајдер.Научниците забележале дека околу 81 процент од анализираните молекули покажуваат значителни промени токму во тие две животни фази.Промените во 40-тите години биле поврзани со метаболизмот на липиди, алкохол и кофеин, како и со кардиоваскуларни заболувања и проблеми со кожата и мускулите.Во 60-тите години, пак, биле забележани промени поврзани со метаболизмот на јаглехидрати, имунолошкиот систем и функцијата на бубрезите.Истражувачите нагласуваат дека менопаузата не е единственото објаснување за првиот „бран“ на стареење, бидејќи слични промени биле забележани и кај мажите.Тие додаваат дека се потребни дополнителни истражувања за подобро да се разбере процесот на стареење кај луѓето.

Магазин | пред 1 седмица

Доктор откри кој дел од телото покажува дека стареете здраво

Силата во нозете е еден од најважните показатели за тоа дали човек ќе старее здраво, а може да открие и колку телото ќе остане отпорно во подоцнежните години, предупредува докторот и телевизиска личност Амир Кан. Иако многумина посакуваат долг живот, тој нагласува дека подеднакво важно е тој живот да биде и квалитетен, односно да се зачува физичката подготвеност и независноста.Во видео објавено на својот Инстаграм-профил, Кан им се обратил на своите следбеници со прашањето: „Може ли да ви откријам еден од најголемите показатели за здраво стареење за кој речиси воопшто не се зборува?“ Потоа објаснил дека станува збор за силата на нозете.„Искрено, како доктор, кога размислувам за стареењето, не мислам на стомачни мускули или на затегнат изглед. Се прашувам дали можете лесно да станете од столче? Дали можете да се качите по скали? Дали можете да спречите пад? Дали можете да носите кеси од продавница? Дали можете да останете независни?“, објасни Кан.Тој додава дека нозете се темелот на телото во процесот на стареење и дека од медицинска гледна точка нивната сила е исклучително важна.Една од главните причини е природното губење на мускулната маса со текот на годините. Оваа состојба е позната како саркопенија.„Уште од триесеттите години постепено губиме мускулна маса, освен ако активно не работиме на нејзино одржување. Кога мускулите ослабуваат, се нарушува рамнотежата, се зголемува ризикот од падови, се намалува подвижноста и се појавува општа слабост. А падовите во подоцнежните години навистина можат целосно да го променат животот“, предупредува Кан.Но, важноста на силните нозе не завршува само со подвижноста. Според него, мускулите на нозете имаат и клучна метаболичка улога.„Мускулите на нозете помагаат во регулирањето на шеќерот во крвта, инсулинот и воспалителните процеси. Затоа посилните мускули се поврзани со помал ризик од дијабетес тип 2, кардиоваскуларни болести, изнемоштеност и губење независност во староста“, истакна тој.Кан додава дека едноставни тестови можат да откријат многу за општата здравствена состојба. Брзината на одење и способноста човек да стане од стол без помош на рацете, според него, се директно поврзани со долговечноста и здравствените исходи.„Телото на тој начин ни покажува колку е отпорно. А добрата вест е дека никогаш не е доцна да се зајакне мускулната сила“, вели Кан.За зачувување на силата во нозете не се потребни екстремни тренинзи или бодибилдинг. Тој препорачува повеќе пешачење, качување по скали, вежби со еластични ленти, чучњеви, тренинг со тежина, како и редовно станување и седнување на под.„Една од најважните цели на стареењето не треба да биде само подолг живот, туку и зачувување на силата потребна за живот. Силните нозе не се само прашање на физичка форма, туку прашање на слобода во староста“, порача Кан.

Магазин | пред 2 седмици

Научниците открија како кафето може да го забави стареењето

Научници открија нов механизам преку кој кафето потенцијално придонесува за подобро здравје и подолг живот, а според најновото истражување, кофеинот има многу помала улога отколку што досега се мислеше.Студијата на Универзитетот Texas A&M покажала дека главниот ефект против стареење најверојатно доаѓа од растителните соединенија во зрното кафе, а не од кофеинот. Истражувањето е објавено во научното списание Nutrients.Научниците анализирале како соединенијата од кафето влијаат врз рецепторот NR4A1, протеин кој ја регулира активноста на гените како одговор на биолошки стрес. Според биохемичарот Стивен Сејф, овој рецептор има важна улога во заштитата на телото од оштетувања и воспаленија.Истражувањето покажало дека одредени соединенија од кафето се врзуваат за рецепторот NR4A1 и можат да го намалат растот на клетките на рак, како и воспалителните процеси во организмот. Кога рецепторот бил отстранет од клетките, овие ефекти исчезнале, што дополнително ја потврдило неговата улога.Иако кофеинот исто така се врзува за рецепторот, научниците утврдиле дека неговото дејство е значително послабо во споредба со полифенолните и другите растителни соединенија во кафето.Кафето содржи повеќе од 1.000 различни хемиски состојки, меѓу кои и хлорогенска и кофеинска киселина, што го прави исклучително сложен напиток. Научниците предупредуваат дека се потребни дополнителни истражувања за целосно да се разбере како овие соединенија дејствуваат во човечкото тело.И покрај позитивните резултати, истражувачите нагласуваат дека кафето е само дел од здравата исхрана и дека корисните растителни соединенија можат да се внесуваат и преку овошје и зеленчук.

Магазин | пред 3 седмици