стефан андоновски

Министерот за дигитална трансформација, Андоновски, ја претстави македонската дигитална агенда на Економскиот форум во Полска

Министерот за дигитална трансформација, Стефан Андоновски, за време на своето учество на 33-тото издание на Економскиот форум во Карпач, Полска, имаше низа активности, меѓу кои и излагање на централната пленарна сесија "Централна и Источна Европа: Нов лидер во дигиталните иновации", каде што дискутираше за дигиталната трансформација, регионалната соработка и европската интеграција преку дигитализација.Зборувајќи на оваа тема, министерот Андоновски го истакна формирањето на Министерството за дигитална трансформација како јасен знак дека дигиталната трансформација е врвен приоритет на македонската Влада.Во контекст на меѓународната соработка во овој сегмент, министерот нагласи дека успесите на земјите во Централна и Источна Европа служат како инспирација и модел за Република Македонија. Тој го спомена проактивното учество на земјата во тековните регионални дигитални иницијативи и ја нагласи важноста на размената на искуства и знаења во областа на дигитализацијата.Андоновски посебно се осврна на инклузивноста во дигиталната трансформација, истакнувајќи дека Република Македонија се стреми кон создавање дигитални решенија кои се лесни за користење и безбедни за сите граѓани. Во овој контекст, тој ја нагласи посветеноста на владата за развој на дигитални вештини, со посебен фокус на младите, но истовремено и на постарите граѓани.Говорејќи за европската интеграција, министерот истакна дека усогласувањето со дигиталните стандарди на ЕУ е клучен чекор кон нашата интеграција во тој правец. Беше потенцирано дека овој процес не само што ја подготвува земјата за членство во ЕУ, туку и создава поволна средина за привлекување странски инвестиции во технолошкиот сектор."Нашата цел е да ја претвориме Република Македонија во атрактивна дестинација за технолошки инвестиции и иновации", изјави министерот, додавајќи дека ова ќе придонесе за економскиот раст и создавање на нови работни места во дигиталната економија. На крајот од своето излагање, Андоновски нагласи дека Република Македонија е подготвена да биде активен учесник во дигиталната трансформација на регионот.Тој повика на поблиска соработка меѓу земјите од Централна и Источна Европа во областа на дигитализацијата, нагласувајќи дека заедничкиот напредок во оваа област ќе придонесе за поголема конкурентност и просперитет на целиот овој дел од Европа.Учеството на министерот на овој престижен форум ја потврдува заложбата на Република Македонија за забрзан дигитален развој и нејзината амбиција да стане важен фактор во дигиталната економија на регионот и пошироко во Европа.Во рамките на Форумот, во агендата на министерот Андоновски е предвидена и билатерална средба со неговиот полски колега, Потпретседател на Владата и министер за дигитални прашања, Кристоф Гавковски.Економскиот форум во Карпач обединува повеќе од 100 врвни светски компании. Во текот на 3 дена состаноци и дискусии, речиси 6.000 гости ќе учествуваат на над 500 настани.

Македонија | пред 1 година

Андоновски во работна посета на Словенија

Министерот за дигитална трансформација, Стефан Андоновски овие денови е во официјална посета на Република Словенија. За време на својот престој тој се сретна со својата колешка која е со потекло од Македонија, Емилија Стојменова-Дух министерка за дигитална трансфромација во владата на Словенија.Министерот оствари средба и со директорот на Управата за сајбер безбедност на Словенија, како и со градоначалникот на Марибор, Александар Саша Арсенович.Андоновски беше дел и од собирот во организација на Македонско културно друштво „Св. Кирил и Методиј“ од Крањ каде што имаше можност да им се обрати на бројните припадници на македонската дијаспора.На последниот ден од престојот во Словенија министерот ќе учествува на Бледскиот стратешки форум, еден од клучните настани кој се однесува на меѓусебната соработка во Западен Балкан.

Македонија | пред 1 година

Андоновски: Македонија гради сеопфатна сајбер безбедносна инфраструктура

Министерот за дигитална трансформација, Стефан Андоновски, најави амбициозни планови за зајакнување на сајбер безбедноста во земјата на дводневната работилница во рамките на проектот „Регионална сајбер безбедност во Западен Балкан - интервенции за Република Македонија".Министерот Андоновски во своето обраќање ги истакна предизвиците со кои се соочува земјата при што истакна: „Изминатиот период бевме сведоци на зачестени сајбер напади врз критичната инфраструктура, како во нашата земја, така и во регионот. Нашата критична инфраструктура - енергетските системи, водоснабдувањето, транспортот, здравството - се во срцето на функционирањето на нашата држава. Нивната заштита е наш врвен приоритет."Андоновски во своето обраќање потенцираше дека Министерството за дигитална трансформација неодамна започна со изработка на новата Национална стратегија за сајбер безбедност на Република Македонија за периодот 2024-2028 година, како и дека е формирана работна група составена од експерти од различни области, која веќе почна интензивно да работи на оваа стратегија. Оваа стратегија ќе биде усогласена со најновите директиви на Европската Унија, вклучувајќи ја и НИС 2 Директивата."Владата на Република Македонија ја препознава клучната важност на сајбер безбедноста за нашиот национален развој и просперитет. Како Министерство за дигитална трансформација, ние сме длабоко посветени на создавањето на сеопфатна сајбер безбедносна инфраструктура. Нашата цел е не само да реагираме на заканите, туку и проактивно да ги антиципираме и спречуваме потенцијалните ризици", заклучи Андоновски.Работилницата е дел од проектот "Регионална сајбер безбедност во Западен Балкан - интервенции за Република Македонија", финансиран од страна на Владата на Обединетото Кралство, со цел подигнување на свеста, градење на капацитети и поттикнување на позитивни промени во примената на сајбер безбедноста во земјата. Проектот ќе трае од август 2023 до март 2025 година.

Македонија | пред 1 година

Андоновски: Дигиталната отпорност гарантира вистинска дигитална трансформација

Стартува работната група за изработка на новата Национална Стратегија за сајбер безбедностМинистерот за дигитална трансформација, Стефан Андоновски, денеска го означи официјалниот почеток на работата на работната група за изработка на новата Национална стратегија за сајбер безбедност на Република Македонија, за периодот 2024-2028 година."Сајбер безбедноста е клучен аспект на националната безбедност и стабилност во ерата на рапидна дигитализација. Новата Национална стратегија за сајбер безбедност ќе биде клучен документ кој ќе ја трасира патеката за зајакнување на нашите капацитети во оваа област. Нашата визија е да создадеме безбедно, сигурно и отпорно дигитално опкружување кое ќе овозможи непречен развој на дигиталната економија и општество", истакна Андоновски.Зборувајќи за ризиците, но и за предизвиците, беше посочено дека изминатиот период бевме сведоци на зачестени сајбер напади врз критичната инфраструктура, како во нашата земја, така и во регионот. Статистиките се загрижувачки, при што во 93% од случаите, надворешен напаѓач може да го пробие мрежното опкружување на организацијата, дури 43% од сите прекршувања се инсајдерски закани, било намерни или ненамерни, а во просек, само 5% од податоците на компаниите се соодветно заштитени.„Немаме друг избор освен да градиме силна инфраструктура и да вложуваме во професионални човечки капацитети со кои дигиталната трансформација ќе се одвива што поефикасно и со што поголема отпорност“, нагласи Андоновски.Во своето обраќање, министерот Андоновски посочи дека целиот процес на изработка на Стратегијата ќе се води со највисоко ниво на транспарентност, а се планира да се организираат јавни консултации, работилници и дебати во текот на целиот процес, со цел постигнување на инклузивност во изработката на Стратегијата. Дополнително, беше истакнато дека оваа Стратегија ќе се развива во согласност со принципите на ЕУ и НАТО, како и со меѓународните обврски на земјата.Владата на Република Македонија ја препознава клучната важност на сајбер безбедноста за нашиот национален развој и просперитет. Токму затоа, ова прашање е високо на нашата агенда и е интегрален дел од нашите напори за дигитална трансформација на општеството. Министерство за дигитална трансформација е целосно посветени на создавањето на сеопфатна сајбер безбедносна инфраструктура. Нашата цел е не само да реагираме на заканите, туку и проактивно да ги антиципираме и спречуваме потенцијалните ризици, беше заклучено од страна на Андоновски.

Македонија | пред 1 година

Министерството за локална самоуправа во соработка со Министерството за дигитална трансформација и со општините ги интензивира активностите за дигитализација на локалните услуги

Министерот за локална самоуправа Златко Перински денеска имаше состанок со министерот за дигитална трансформација Стефан Андоновски на кој се разговараше за конкретните чекори за дигитализација на општините, со вклученост и на донаторската заедница.На состанокот беа презентирани можностите за вклучување на сите општини во процесот на дигитализација со цел и помалите општини да можат да го фатат чекорот со поддршка од надлежните министерства. Притоа беше констатирано дека основите се веќе поставени со воспоставената електронска платформа од страна на УНДП и на Министерството за локална самоуправа, а ќе се направат напори за вклучување на услугите на националниот портал за услуги воден од Министерството за дигитална трансформација.Претставниците од УНДП истакнаа дека изразената подготвеност од страна на надлежните министерства да се интензивираат работите дава можност целиот процес на дигитализација на локално ниво да се заокружи многу побрзо од планираната динамика.Министерот за локална самоуправа Златко Перински истакна дека Министерството за локална самоуправа ќе го води овој процес и очекува поддршка од сите вклучени страни, а општините нема да бидат оставени сами.-Ќе работиме на обезбедување на сите технички услови и на зајакнување на административните капацитети на локално ниво, а помалите општини ќе бидат вклучени без исклучок, со воспоставување на меѓуопштинска соработка со поголемите и покапацитетни општини, рече министерот Перински. Перински нагласи дека целиот процес ќе се води системски за што веднаш ќе се ревидираат планираните активности во нацрт Акцискиот план за спроведување на Програмата за одржлив локален развој и децентрализација и по неговото усвојување од страна на Владата целиот процес ќе биде предвидлив со точно утврдена временска рамка за реализација на сите конкретни чекори.

Македонија | пред 1 година

Дигиталната инфраструктура во фокусот на средбата на Министерот Андоновски со претставници на реномираната Rumble

Министерот за дигитална трансформација, Стефан Андоновски, Гоце Димовски, директорот на ДТИРЗ заедно со претставници на академската заедница, оствари средба со претставници од компанијата Rumble.Клучни теми на разговорите беа конкретни можности за соработка и инвестиции во дигиталниот сектор во Македонија. Во тој контекст, беше дискутирана можноста за партнерство со Rumble за изградба на современи национални центри за податоци што како иницијатива би придонела за подобрени стандарди за заштита на приватноста и безбедност на податоците. Исто така, беше разгледана соработката и во однос на проширувањето на дигиталната инфраструктура и поврзаноста, со цел Македонија да стане лидер во регионот по распространетост на брз и широкопојасен интернет.Министерот Андоновски истакна дека приоритетите на Владата се целосно усогласени со предложените области на соработка. "Нашата визија за подостапни електронски јавни услуги, распространетост на брз и широкопојасен интернет, безбедни податоци на граѓаните и подобрена дигитална инфраструктура може значително да се унапреди преку соработката со Rumble. Искуството на г-дин Крис Павловски и неговиот тим е од непроценливо значење за забрзување на нашата дигитална трансформација", рече АндоновскиRumble има експертиза и ресурси кои можат значително да го забрзаат напредокот на Македонија во дигиталната сфера, а инвестициите во дигиталната инфраструктура се клучни за нашиот економски раст и конкурентност. Соработката со компании како Rumble не само што ќе привлече значителен капитал, туку и ќе донесе најсовремени технологии и знаења во нашата земја.Министерот Андоновски ја истакна и важната улога на македонската дијаспора во овој процес: "Успешни бизнисмени како г-дин Павловски се мост меѓу Македонија и глобалната технолошка сцена. Нивната активност и инвестиции се од суштинско значење за нашиот напредок."

Македонија | пред 1 година

Средба на министрите Тошковски и Андоновски: Електронски лични документи и дигитални услуги, гужвите на шалтерите на МВР ќе станат минато

Денеска (19.04.2024) министерот за внатрешни работи Панче Тошковски оствари работна средба со министерот за дигитална трансформација Стефан Андоновски.Средбата на двајцата министри беше во насока на почеток на процесите за дигитална трансформација на услугите и процесите во министерството. Дигитализацијата на услугите и процесите на сите државни институции и органи е еден од главните столбови во владината програма.Во тој контекст, фокусот беше насочен во подобрување на постојните и креирање на нови електронски услуги од делокругот на работа на МВР, изработка на нова модерна веб страна на министерството, каде граѓаните ефикасно и брзо ќе ги пронајдат сите информации кои им се потребни.„Ја разгледавме и можноста за дигитализација на личните документи, односно креирање на електронски лични документи, развој на електронска апликација во делот на дозволите за оружје, други можности за дигитализација на работата и процесите во полицијата кои ќе овозможат поефикасна, модерна полиција, која користејќи ги бенефитите на модерната технологија ќе испорача поефикасни услуги и поголема безбедност за сите граѓани. “, потенцираше министерот Тошковски.

Македонија | пред 1 година

Андоновски: Ако сакаме успех – институциите мораат да комуницираат меѓусебе, а тоа е преку платформата за Интероперабилност.

Денеска, министерот за дигитална трансформација, Стефан Андоновски имаше воведно обраќање на третата сесија на Националната конвенција за Европската Унија во Република Северна Македонија (НКЕУ-МК), на Работната група 6 - Антикорупција, на тема „Градење кохезивна дигитална инфраструктура за развој на напредни јавни финансии“. На настанот, покрај министерот Андоновски, со воведни говори се обратија и националниот координатор на НКЕУ-МК, професор Милева Ѓуровска, и Александар Кржаловски од Македонскиот центар за меѓународна соработка.Во своето обраќање, министерот Андоновски ја истакна важноста на дигиталната трансформација како клучен приоритет за Европската Унија, која третата декада од Третиот милениум ја прогласи како декада на остварување на високо ниво на дигитална трансформација. Тој подвлече дека преку дигитална трансформација имаме можност да ја унапредиме транспарентноста и ефикасноста на јавните финансии, создавајќи кохезивна дигитална инфраструктура која ќе овозможи поефикасно управување со јавните ресурси и зголемена доверба на граѓаните во институциите.„Нашите напори за дигитална трансформација се насочени кон иднината - иднина во која инвестициите во дигиталната инфраструктура ќе бидат двигател на сите сфери од општеството, која за разлика од автопатите и железниците, не препознава граници “, рече Андоновски.Во контекст на поврзливоста и воспоставувањето на кохезивна дигитална инфраструктура, Андоновски зборуваше за напорите што веќе се прават за унапредување на функционалноста на Платформата за интероперабилност која овозможува електронска размена на податоци и документи помеѓу институциите, но и меѓу институциите, компаниите и граѓаните на стандардизиран, безбеден и унифициран начин.„Не можеме да зборуваме за примена на Вештачка интелигенција, алатки за подобрување на транспарентноста или откривање на потенцијални случаи на корупција доколку над 90% од институциите податоците ги чуваат на хартија или ги разменуваат на традиционален начин, a не се поврзани во една заедничка дигитална околина. Дигитализацијата на регистрите ќе овозможи брз пренос на податоци и примена на алатки за нивна автоматска обработка и анализа. По постигнување на оваа цел, потенцијалот за примена на ИКТ технологии во контекст на денешните теми неколкукратно се зголемува“, нагласи Андоновски.Настанот продолжи со дискусија на различни засегнати страни, вклучувајќи претставници на релевантни институции, граѓански организации, меѓународни експерти и други. Присутните разговараа за прашањата поврзани со дигиталната трансформација и нејзината улога во подобрување на јавните финансии и борбата против корупцијата.

Македонија | пред 1 година

Андоновски: Лицата попишани во странство од денес нема да може да се вработени во земјава

Министерот за дигитална трансформација, Стефан Андоновски најави дека укинувањето на балансерот за усогласување на вработувањата по етничка линија ќе оди во фази. Во првата фаза, како што кажа, ќе се почитуваат законските основи на Пописот од 2021 година, а потоа со закон и промена на методологијата ќе се оди кон целосно укинување на алатката балансер ,при што целосно ќе се почитува Уставот за соодветна и правична застапеност на етничките заедници.„Бројките во дигиталната алатката балансер од денеска веќе се променети за да одговараат на резултатите на резидентното население од Пописот во 2021 година. Тоа значи дека лицата попишани во држави во странство, на пример во Италија, Швајцарија, или Германија, нема да бидат дел од дигиталната алатка балансер за вработување во Македонија“, рече Андоновски.За укинувањето на балансерот ќе се разговара и на денешната прва владина седница.„Знам дека граѓаните имаат големи очекувања сите работи да биде направени брзо, но мислам дека за ова е потребна сеопфатна дискусија во рамки на Владата, да видиме кои се начините да не се повреди темелниот принцип на Уставот, а тоа е соодветна и правична застапеност на заедниците, но во исто време прво да ја гарантираме мериторноста, ефикасноста, квалитетот, образованието и искуството на вработените, а не да го гледаме нивниот етнички предзнак“, кажа Андоновски.

Македонија | пред 1 година

Андоновски на средба со младите од ИТ секторот

Новиот Министер за дигитална трансформација Стефан Андоновски на првиот работен ден се сретна со млади луѓе од ИТ секторот,,Првата официјална средба како Министер за дигитална трансформација, ја почнувам заедно со младите. Сите напори и решенија треба да бидат во насока на обезбедување добри услови младите да се развиваат и да ја гледаат и својата иднина во Македонија.’’Тој додава и дека реформите се во фокусот на новата Влада.,,Реформите во општеството и дигиталната трансформација се и главен акцент на новата Влада со која што ќе се овозможи и подобар стандард за живеење на младите и намалување на корупцијата.”

Македонија | пред 1 година

Андоновски панелист на Самит за дигитализација на владините услуги во Швајцарија

Дополнителниот заменик на министерот за информатичко општество и администрација, Стефан Андоновски, е во дводневна посета на Цирих, Швајцарија каде ќе биде еден од панелистите на глобалниот Самит за дигитализација на владините услуги. Самитот особено се осврнува на украинската апликација ДИИА, која е пионер во нудење најсовремени дигитални алатки за граѓаните.Самитот ќе се осврне на клучните области како дигитална трансформација на владините услуги, образованието, здравството, социјалните услуги и промоцијата на иновациите, како и споделување на украинско искуство во областа на владата и иновациите.Андоновски ќе зборува на панелот насловен како „Дигитална трансформација во акција“, при што ќе се осврне на предизвиците, проблемите и визијата за дигиталната трансформација на Македонија во наредниот период. Со поглед кон 2030 година, Андоновски ќе ги анализира постулатите на дигитализацијата на сите владини услуги, со цел борба против корупцијата, подобрени и достапни услуги за граѓаните во целата држава и привлекување на најдобрите светски инвестиции во областа на GovTech секторот.Во рамки на посетата, Андоновски оствари билатерални средби со Вицепремиерот на Украина за иновации, развој на образованието, науката и технологиите и Министер за дигитална трансформација на Украина Михаил Федоров и Валерија Ионан, Заменик министер за дигитална трансформација на Украина. На маргините на настанот, Андоновски ќе оствари средби и со претставници на глобалните технолошки лидери од приватниот сектор, тинк-тенкови и владини претставници.

Македонија | пред 1 година

Андоновски: Нула корупција во јавите набавки

Дополнителниот заменик министер на Министерството за информатичко општество и администрација, Стефан Андоновски, беше во посета на Струмица каде што имаше средби со приватни компании од ИТ секторот и локалната администрација."Од она што можев да го забележам од досега реализираните средби e распространетото ниво на корупција, особено во јавните набавки, и начинот на кој што се распоредуваат и трошат народните пари во Општина Струмица, начинот на кој што сe набавуваат потребни материјали за општината, но и пошироко. Централната власт покажа колку е закоравена корупцијата. Затоа предлагаме "Нула корупција" преку интеграција и дигитализација на сите регистри. " , изјави Андоновски.Посочено е дека преку оваа мерка ќе се превенира корупцијата преку системот на јавни набавки, преку потекло на имот и дали некои луѓе се поврзани со проектите и на кој начин ќе ги добијат тендерите."Регистарот ќе ги спречи злоупотребите поврзани со лицата вклучени во јавните набавки во поглед на нивната подготовка и евалуација, но и учеството во истите од страна на компаниите кои конкурираат.Овој систем ќе послужи и во процесот на проверка на потеклото на имот.Ќе формираме сектор во рамките на Бирото за јавни набавки задолжен за контрола на критериумите за економски најповолна понуда и за спречување на манипулации во процесот на јавните набавки.", посочи Андоновски.

Македонија | пред 1 година

Нема фотографија

Андоновски: Не е проблемот во превработеност туку во нефункционалност на администрацијата

“Има една чудна ситуација која се случува, иако со распишувањето на изборите е стопирана. Во декември во 2023 година Владата носи одлука за трансформација на договорите на определено време во неопределено вработување, а МИОА по брза постапка од 3-7 дена треба да даде согласност. И тука почнува една трка во институциите побрзо да вработат луѓе. Некои постапки и се завршени, но некои се стопирани поради изборите но им се ветува на тие луѓе дека ќе бидат примени по изборите што е класичен предизборен поткуп. Таа информација на Владата за трансформација на вработувања е незаконска. Владата требала да поднесе таков закон за овие 2.700 работни места во Собрание и така да се изгласа. Сега тие луѓе се во неизвесност и создава немир кај луѓето”, изјави Стефан Андоновски, дополнителен заменик министер на Министерството за информатичко општество и администрација во СТУДИО 10 на ТВ 24.“Ова е хроничен проблем и било пракса и порано. Но затоа е воведен чл. 8а од Изборниот законик кој го спречува тоа. За здравствените работници ќе беше добро да се донесе закон за трансформација на работните места, но станува збор за малку вработувања во здравството. На пример, 300 вработувања се во Македонски шуми. Од друга страна, ова е направено со оглас на кој можел да се јави кој било, па имаме ситуации кога се примени лица кои воопшто не ни работеле на договор во некоја институција и му го зеле местото на оној кој работел на договор на дело”, дополни Андоновски.Андоновски нагласи и дека со донесување на забрана за ангажман на договор за дело се оневозможуваат менаџерите да функционираат. Од друга страна, трајните вработувања значат дека нема можност некој кој не работи да му биде прекинат работниот однос, а оној кој работи добро нема можност да се награди. Затоа, потребна е вистинска реформа на јавната администрација која ќе значи флексибилен и функционален систем и задоволни вработени.,,Сега имаме околу 130 илјади луѓе во јавната администрација, но има луѓе кои се иселуваат па се намалува бројот. Ние реформата ја гледаме во смисла на укинување или спојување на одредени административни институции за да бидат функционални. Размислуваме да воведеме систем секој вработен да си го најде местото каде што му одговара да работи. Но, мора да се најде решение за прекинување на договорите на луѓе кои ништо не работат. За жал во администрацијата недостасуваат ИТ кадар, правници, архитекти. Тие луѓе нема да дојдат да работат од приватниот сектор затоа што платите таму им се поголеми. Затоа треба да се најдат решенија со обука на лица од администрацијата и за сметка на тоа да останат да работат во администрацијата”.Тој додава дека нема превработеност во администрацијата, но перцепцијата е таква затоа што граѓаните се соочуваат со ситуации кога не можат да си ја завршат работата и тоа е легитимно чувство оти е така.“Граѓаните се научија да живеат со апсурдите наместо државата да ги решава апсурдите. Таков е примерот со балансерот кога Македонци се пишуваат дека се нешто друго. Ние планираме да го укинеме балансерот затоа што е заснован врз погрешна основа, односно во него се бројат и оние лица кои се иселени од државата. Ние треба да ги гледаме условите дали се исполнуваат, па потоа да се гледа дали ако се вработи Македонец ќе се наруши балансот. Инаку има министерства и институции каде поголемиот дел од вработените всушност се Албанци”, заклучи Андоновски.

Македонија | пред 1 година

Андоновски: Цела Македонија сведочи за масовниот предизборен поткуп со илјадници вработувања

„Имаме 2700 нови вработувања. Стотици институции на 2 месеци пред избори, одеднаш увидоа потреба, да распишат огласи за нови вработувања кои претставуваат 2% од јавниот сектор. Бројот на огласи расте за над 60% во споредба со годините кога нема избори. Обемот на работа делумно се намалува во предизборниот период и логично би било институциите да распишуваат огласи по избори, а не пред нив. Но одамна никој не бара логика во чекорите на владата.“, истакна Андоновски на денешната панел дискусија, организирана од страна на “Институт за економски стратегии и меѓународни односи Охрид“.Во својот говор, Андоновски напомена дека за дел од оние кандидати за вработување, чии постапки не се завршени, има неофицијални информации дека дел од нив трпат притисоци за организирање лица за гласање на изборите.„Се стремиме да станеме земја-членка на ЕУ, а за да бидеме таму мора да станеме држава што ќе има придонес кон економскиот развој, а не товар кој тие треба да го носат. Навистина е срамно да во нацртот на реформската агенда, ЕУ да ни обезбедува програмски средства и финансии за вработените да започнат да се појавуваат на работа, додека државата пред избори да распишува огласи за 2700 нови вработувања.“ , објасни Андоновски.Андоновски го коментираше и недостатокот на институциите кои имаат надлежност да се борат со корупцијата.„Кај нас, последни за криминалот и злоупотребите, дознаваат надлежните институции кои треба да ги превенираат истите. Цела Македонија сведочи за масовниот предизборен поткуп со илјадници вработувања, само надлежните институции не го гледаат тоа.Министерството за информатичко општество и администрација, дури и се обрати до комисијата за регулирање на систематизации и годишните планови, при што од таму се прогласија за ненадлежни.“ , дополни Андоновски.Андоновски се осврна и за незаконското доделување бонуси за зголемен обем на работа на вработените неколку месеци однапред, иако воопшто не се знае дали тие ќе одат на работа или не.

Македонија | пред 1 година

Нема фотографија

Андоновски: Мора да се скратат бирократските процедури за згрижување и образование на децата

Дополнителниот заменик министер за информатичко општество и администрација, оствари посета на општина Штип и институциите во рамки на општината, заедно со Градоначалникот на општина Штип, Иван Јорданов. Андоновски се сретна и со директори на основни и средни училишта, градинки и јавни институции.Андоновски на средбите разговараше за дигитализацијата и потешкотиите на институциите кои ги имаат со централната власт, бидејќи како што вели Андоновски, немаат слух за истите."Со месеци се заглавени систематизацијата и годишните планови за вработување и согласности во МИОА и МОН. Ова било пракса се до моето доаѓање, но ќе го промениме тоа. Целта ни е се да дигитализираме и да се користат овие услуги кои денес ги зборуваме." посочи Андоновски."Со зголемување на динамиката на процесите внатре во институциите, ќе ги надминеме потешкотиите со кои што се соочуваат. Општина Штип работи на дигитализацијата со два портали на услуги, што е за пофалба, и јавно ги повикувам и другите општини да го следат овој пример", порача Андоновски.Андоновски најави дека продолжуваат посетите на терен и во другите градови идната недела.

Македонија | пред 1 година