струја

Мицкоски обвини за кражба: Се плаќа за 50% поскапа струја од времето кога јас бев директор на ЕЛЕМ

СДСМ покрај тоа што го крадат, продолжуваат да го потценуваат народот, смета лидерот на ВМРО-ДПМНЕ Христијан Мицкоски.Тој на „Фејсбук“ напиша:На локалните избори минатата година загубија катастрофално и беа целосно делегитимирани од народот, а оваа година на предвремените избори за совет во општина Тетово ја продолжија и продлабочија катастрофата со нов пораз, освоија двојно помалку гласови од ВМРО-ДПМНЕ. Наместо да извлечат поука од катастрофалните порази, продолжуваат да не ја говорат вистината.Кога сме кај вистината еве ги фактите:1. Откако сум именуван за советник во владата Април/2015 година, до моето разрешување како генерален директор на ЕЛЕМ во Август/2017 година, струјата за граѓаните поевтинува од 4,47 ден/kwh на 4,45 ден/kwh или околу 0,5%.Колкава е цената на струјата која ја плаќаат денес граѓаните и стопанството?Заклучно со Јуни/2022 година граѓаните плаќаа 5,87 ден/kwh или за околу 32% поскапа струја од времето кога јас бев разрешен од местото генерален директор на ЕЛЕМ, после последното поскапување од 1ви јули оваа година, граѓаните плаќаат за повеќе од 50% поскапа струја, а стопанството, поточно компаниите за 400% поскапа струја.Какви се финансиските резултати на компанијата ЕЛЕМ денешно ЕСМ?2. ЕЛЕМ го оставив со полна каса, цели 30 милиони евра, поточно 25 милиони евра депозити, 5 милиони евра пари на сметка и нула долгови. Во 2020 година ЕЛЕМ денешно ЕСМ бележи загуба од 16,7 милиони евра, а загубата во 2021 година достигнува фантастични 28 милиони евра.Недомаќинското работење, криминалот и незнаењето се главните причини зошто граѓаните плаќаат за повеќе од 50 %, а компаниите за 400% поскапа струја.Затоа продолжуваат безочно да лажат и затоа продолжуваат да го потценуваат народот. Криењето позади лажни соопштенија и изјави не ја покрива вистината. Набргу ќе дојде денот кога ќе се соочите со народот и ќе загубите. А потоа јас ви ветувам одговорност за сите погрешни политики, криминали и предавства што му ги донесовте на народот и Македонија!

Македонија | пред 3 години

Арачиновец за неплаќањето струја: Зошто да даваме пари на ЕЛЕМ и МЕПСО кога државата може да субвенционира сметки за струја

Арачиновецот Шефик Дураку по своја логика и од свој агол се труди да ја објасни ситуацијата во Арачиново кое должи 6 милиони евра на ЕВН за неплатени сметки за струја.Дураку смета дека граѓаните, меѓу нив и жителите на Арачиново кои се сиромашни не треба плаќаат за струја која ја произведува државата преку ЕСМ, а ја дистрибуира преку МЕПСО.„Да се обидеме преку логика да го оспориме апсурдот!Еве го: ЕЛЕМ е производител на струја, тоа е државна компанија која се финансира од државниот буџет со наши пари.Со наши пари ја произведуваме струјата, со свои пари ја дистрибуираме (примарната мрежа (висок напон) и секундарната (среден напон) и потоа готовата струја по ниска цена ја продаваме на ЕВН, странска компанија која потоа ни ја продава по багателна цена…Малку да поедноставиме: со свои пари произведуваме струја, со свои пари ја дистрибуираме и на крај се враќаме и купуваме од странска компанија.. ова е апсурдот со кој здравиот разум ја изгуби битката овде.Еве еден многу поедноставен пример за да се разбере уште подобро…Јас сум селанец и ти давам пример: Посадив пченично поле – земјата е моја, семето е мое, сам ја обработувам, сам ја наводнувам, сите трошоци ги плаќам од џеб и кога е жетвата, ја продавам на воденицата кај цена од 10 денари за кг… а потоа одам и купувам брашно на пазар по цена од 30 денари за кг.Со парите што ја продадов пченицата ги платив трошоците за производство и излегов со нула (премногу труд) и потоа брашното го купив за 30 денари.. што значи дека би сакал воопшто да не засадувам пченица за да имам, отидов и купив брашно директно во мелница, никогаш порано не сум пробал..Што сакам да кажам со ова?Зошто да даваме пари за производство на струја кога ја купуваме истата од ЕВН?Зошто да даваме пари од буџетот на ЕЛЕМ и МЕПСО кога државата може со тие пари да субвенционира сметки за струја за семејства без месечни примања.П.С. Јас сум лаик на теренот, можеби грешам… само кажувам, вели Дураку.

Коментари | пред 3 години

Скопјанец објави како стои ситуацијата со кражби на струја во Арачиново

Скопјанец на социјалните мрежи објави како стои ситуацијата со кражби на струја во Арачиново. Тој вели дека не сме ние сиромашни, туку не живееме во Арачиново.„Вака стои ситуацијата со кражби на струја во Арачиново:- Трафостаница бр. 1 - загуба 65%- Трафостаница бр. 6 - загуба 56%- Трафостаници бр. 3, 8, 9 и 10 - загуба 70%- Трафостаници бр. 2, 4, 5, 11 и 13 - загуба 80%- Трафостаница број 12 со рекордна загуба од 96% поради кражба на струја…Нас не тераат да штедиме, овие ќе копаат биткоини, ние ќе плаќаме струја и за нив!Не сме ние сиромашни, само не живееме у Арачиново“, стои во објавата.

Коментари | пред 3 години

„На администрацијата ќе им купеле по еден шпил карти да не трошат струја со Солитаре“, реакции по мерките за штедење струја

Вклучување на болјер само кога тоа е потреба и по можност во ниска тарифа, готвење во помали садови и туширање со тенок млаз на вода, се дел од препораките за домаќинствата на Владата за следната грејна сезона кои се усвоени на вчерашната седница. Исто така државните објекти кои се во сопственост на централната власт се задолжени да го исклучат декоративното осветлување на фасадите. Не смее да се користи светло внатре во објектите во период кога има доволно дневна светлина. Во јавните објекти во сезона на ладење температурата да се мести не пониско од 27 степени, односно во сезоната на греење не повисоко од 20 степени.Граѓаните на социјалните мрежи се шегуваат околу овие мерки, велат дека администрацијата која не оди на работа, а зема плата испадна најштедлива.https://twitter.com/SmetaloLevo/status/1559789444663762944?s=20&t=xOckgU5uIl3nZP9UVHastQhttps://twitter.com/AdvokatNikolco/status/1559779076872830976?s=20&t=xOckgU5uIl3nZP9UVHastQhttps://twitter.com/bojankuk/status/1559666183376437249?s=20&t=xOckgU5uIl3nZP9UVHastQhttps://twitter.com/BatmanSaysT/status/1559958575396671488?s=20&t=ITA8gyK9_HZ8XzLDzad_aAhttps://twitter.com/S7black7GMC/status/1559951671886757889?s=20&t=ITA8gyK9_HZ8XzLDzad_aAhttps://twitter.com/dragi_crni/status/1559812416032178176?s=20&t=ITA8gyK9_HZ8XzLDzad_aAhttps://twitter.com/osmini_/status/1559666480488353795?s=20&t=ITA8gyK9_HZ8XzLDzad_aAhttps://twitter.com/Tomche29/status/1559612539633295360?s=20&t=ITA8gyK9_HZ8XzLDzad_aA 

Коментари | пред 3 години

Во Скопје се краде струја на големо, мапирано каде најмногу

Само за една година, според некои пресметки на луѓето вработени во ЕВН кои секојдневно се на терен, околу 50 милиони евра е вредноста на украдената струја само од Скопскиот регион. Вработен во ЕВН, кој разбирливо сакаше да остане анонимен, вели дека само во Општина Арачиново за една година се краде или не се плаќа струја во вредност од 6 милиони евра. Власта, и локалната и централната, ги има овие податоци, но молчи, пишува МКД.МКСпоред неофицијалните податоци на вработен во ЕВН, во февруари годинава загубите на електрична енергија само во Арачиново изнесуваат околу 80%. Трафостаниците 10, 3, 8 и 9 со соодветните броила бележат загуби од 70% поради кражба на струја, трафостаниците со броеви 5, 4, 2, 13 и 11 со соодветните броила бележат загуба од над 80% поради кражба на струја, трафостаницата број 12 со број 381392 е со рекордна загуба од 96% поради кражба на струја. Сите се на територијата на Општина Арачиново. Ова се делови од официјалните извештаи на ЕВН за оваа општина.Или во февруари годинава во овој регион биле украдени вкупно 2.800 мегаватчасови. Тоа значи дека на годишно ниво загубата е повеќе од 20 илјади мегаватчасови. Просечната цена на берзата на струја за еден мегаватчас е 300 евра. Ова значи дека само од регионот на Арачиново вредноста на украдената струја е 6 милиони евра за една година. Колку години со ред е вака?Целиот текст можете да го прочитате тука

Скопје | пред 3 години

Ако се продолжи со инвестирање во фотонапонски електроцентрали ќе добиеме централи со моќност како ХЕЦ Козјак

За период од осум месеци Регулаторната комисија за енергетика и водни услуги (РКЕ) има издадено лиценци за производство на електрична енергија од фотонапонски електроцентрали со инсталирана моќност од 50 МW, доколку се продолжи со ова темпо на инвестирање, стопанството за нешто повеќе од една година ќе успее да изгради централи со инсталирана моќност како ХЕЦ Козјак - истакна Марко Бислимоски, претседател на РКЕ на петтото издание на МЕФ Енергетскиот форум.„Компаниите соочени со високи цени на берзите, станаа проактивни и започнаа да инвестираат во обновливи извори на енергија, особено во фотоволтаични електроцентрали. Само за период од осум месеци РКЕ има издадено лиценци за производство на електрична енергија од фотонапонски електроцентрали со вкупна инсталирана моќност од 50 МW. Доколку се продолжи со ова темпо на инвестирање ќе имаме 80 до 90 MW до крајот на годинавa, за нешто повеќе од една година се успеа да се изградат централи со инсталирана моќност како ХЕЦ Козјак“ изјави Бислимоски, претседател на РКЕБислимоски посочи дека мора да се продолжи да се инвестира во енергетски капацитети, затоа што со инвестирањето се зголемува енергетската независноста на секоја држава.„Енергетската криза им покажа на сите земји дека мора да се забрзаат инвестициите во енергетскиот сектор посебно во обновливите извори. Паралелно неопходно е да се реализираат и инвестиции кои ќе обезбедат базна енергија. Станува збор за инвестиции во когенеративни постројки. Поради зголемениот интерес но и можностите кои се нудат, сигурен сум дека во нашиот регион ќе имаме удвојување на вкупниот инсталиран капацитет од овој што е сега и тоа ќе биде исклучиво во обновливи извори на енергија. Оваа криза ќе ни биде поука дека само инвестициите се решение за надминување на енергетската несигурност“ изјави Бислимоски, претседател на РКЕ.

Македонија | пред 3 години

Стартува поскапата струја, постојат начини како да заштедите и да се спасите од високи сметки

Регулаторната комисија за енергетика и водни услуги (РКЕ) донесе одлкуки со кои просечната цената за електрична енергија за 98,8% од домаќинствата се зголеми во просек за 7,4 %. Новите цени се на сила од денеска.Во зависност од блоковите, во зима 59,9% од домаќинствата ќе имаат зголемени сметки за 6,6 %, додека 35,5% ќе имаат зголемени сметки од 6,6% до 8,8%, 3,4% од потрошувачите ќе добијат зголемени сметки од 8,8% до 11,2% и само 1,2% од потрошувачите ќе добиваат сметки зголемени од 11,4% до 99,5%. Во летниот период во зависност од блоковите, 77,2% од домаќинствата ќе имаат зголемени сметки за 6,7 %, додека 21,8% ќе имаат зголемени сметки од 6,7% до 8,8%. Само 0,7% од потрошувачите ќе добијат зголемени сметки од 8,8% до 11,3% и 0,2% од потрошувачите ќе добиваат сметки зголемени од 11,4% до 100%, соопшти РКЕ.Кои уреди трошат струја?Клима уредите кои на многумина им се неопходни во текот на летните денови често можат да „проголтаат“ многу струја. Доколку имате клима уред во вашиот стан или куќа, направете пракса да ги исклучувате кога не сте дома. Секогаш поставувајте го термостатот на повисока температура, за да не мора да биде на 23 степени, на пример, може да биде на 25, што ќе ви помогне да заштедите енергија од 3 до 5 проценти.Во семејствата со повеќе членови често се случува оброците да се подготвуваат секој ден, освен што одзема многу време, тоа значи и голема потрошувачка на струја.При користење на рерната, клучно е да се избегне нејзино отворање за време на печењето, друга можност е практичноста што ја нудат сите модерни уреди, вклучително и рерната, користете и испечете две јадења во неа. Ова заштедува и време и електрична енергија. Исклучете ја порано и оставете го јадењето да се допече додека рерната се лади.Секогаш кога станува збор за машината за перење и машината за миење садови, советот е ист. Не ги вклучувајте додека не се полни. Овие уреди користат исто количество електрична енергија без разлика на количеството валкани работи и садови во нив.Внимавајте вратата од фрижидерот да не е долго отворена, бидејќи во спротивно ќе влезе многу топлина внатре. Во тој случај, уредот ќе треба повторно да ја спушти температурата, а за тоа ќе црпи дополнително количество струја.Можеби е одвишок да се истакне, но заштедата при исклучување на светилките е повеќе од значителна. Исто така, се препорачува замена со штедливи ЛЕД светилки.Бидејќи бојлерот е еден од поголемите потрошувачи, треба да ја користите евтината тарифа и да ја користите за загревање вода само ноќе. Многу е важно редовно да го чистите од бигор, бидејќи тој го успорува процесот на загревање, што доведува до поголема потрошувачка на електрична енергија. Ако сте сами или сте само двајца, најдобро е да го вклучите бојлерот само навечер кога струјата е поевтина. Истото важи и за машините за перење.Начинот на кој ја проветрувате просторијата за време на студените денови многу влијае на потрошувачката на енергија. Се препорачува почесто да го отворате прозорецот, но во пократки интервали за да влезе свеж воздух во просторијата. Во тој случај, топлината нема време целосно да „избега“ од просторијата и нема да има потреба да се догрева.Едно капење во када троши вода како и 3 тушеви. Кога станува збор само за туширањето, треба да се направат некои корекции. Скратете го времето за туширање на помалку од пет минути и ќе потрошите половина струја и вода од обично, а камоли во споредба со капењето во када.розорците често може да бидат одговорни за загубата на топлина од просторијата, како и за големата потрошувачка на енергија. Ако имате стари прозорци кои предизвикуваат загуба на топлина, има неколку совети како да го решите проблемот.Проверете ги шарките и бравите на прозорците. Понекогаш тие се лабави или едноставно оштетени од употреба и долгогодишно абење, па затоа е потребно само да се заменат.Следниот чекор што ќе ви ги олесни зимските денови во простор со стари прозорци е да залепите заптивна лента на појасот или рамката на прозорецот. Старите прозорци почнуваат да се искривуваат со текот на времето, особено ако се направени од дрво, иако другите материјали не се спротивставуваат на промените во формата.Можете да ставите и фолија на прозорците. Фолиите се поставуваат на стаклото и го намалуваат протокот на топлина низ нив, што е многу важно со оглед на тоа што најголемата количина на топлина од внатрешноста оди надвор низ прозорското стакло.Ако ги исклучувате овие уреди, можете да заштедитеНекои уреди што ги имаме во нашите домови трошат многу повеќе енергија од другите. Со тоа што не ги исклучуваме од штекерот, ризикуваме многу високи трошоци.ЛаптопЛаптоп вклучен во штекер троши просечно 87,6 kW годишно.Микробранова печкаТрајно поврзаната микробранова печка троши приближно 24,96 kWh во текот на годината.ПеглаВо просек, пеглата троши 103,83 kwh.РернаРерната просечно троши 148,54 kwh.Машина за перењеВо текот на една година, машината за перење троши во просек 109,2 kWhСијалици за заштеда на енергијаШтедливото осветлување троши 210,24 kwh годишноПравосмукалкаВклучена во штекер правосмукалка троши 176,8 kWh годишно.ТелевизорТрајно вклучен во штекер телевизор троши 197,10 kWh годишно.Обични светилкиТрадиционалното осветлување троши дури 1051,2 kWh.Електричен шпоретТрајно приклучениот електричен шпорет троши 1460 kwh годишно.Фрижидер со замрзнувачФрижидерот просечно троши 2.277,6 kWh годишно. Сепак, тоа е уред кој е тешко да се исклучи.Десктоп компјутерДесктоп компјутерот троши просечно 277,4 kWh годишно.Индукциска плоча за готвењеИндукциската плоча за готвење која е секогаш вклучена во штекер троши во просек 1095 kWhМашина за миење садовиВо просек, машината за миење садови троши 374,4 kWh годишно.

Македонија | пред 3 години

Власта го ограбува народот, скапата струја ќе значи голема сиромаштија од есен, порача опозицијата

„Власта го ограбува народот, скапата струја ќе значи голема сиромаштија од есен. Вистинското покачување на струјата кое власта сака да го сокрие е над 18%. Тоа значи ако до вчера едно домаќинство плаќало 4.000 денари, од 1 јули ќе плаќа скоро 5.000 денари“, вели ВМРО-ДПМНЕ.Тие додаваат:Вистинскиот шок ќе следи во зимскиот период, особено за домаќинставата кои се грејат на струја. А такви има голем број, особено ако се земе во предвид дека власта и самата субвенционираше купување на инвертер клими со цел замена на старите грејни тела на тврди горива.Па така домќинство кое се грее на грејно тело на струја и кое лани плаќало 13.000 денари месечно за струја, оваа година месечно ќе плаќа и над 28.000 денари.Парите на граѓаните нема да стигнат буквално ниту за покривање на сметките.СДСМ и ДУИ ја задолжуваат државата и ги осиромашуваат граѓаните. Премногу е.

Македонија | пред 3 години

Струјата поскапува за 7,4 проценти, Бислимоски ги кажа новите цени за сите блок тарифи

Регулаторната комисија за енергетика и водни услуги (РКЕ) донесе одлуки со кои просечната цената за електрична енергија за 98,8% од домаќинствата ќе се зголеми во просек за 7,4 %.„Без блок тарифите цената на електричната енергија ќе се зголемеше за сите домаќинства за 17,74%, наместо за сегашните 7,4% за 98,8% од домаќинствата. Со оваа реформа на тарифниот систем се штитат најранливите категории“ изјави Марко Бислимоски претседател на Регулаторна комисија за енергетика.Новите цени за универзалниот снабдувач ЕВН ХОМЕ ДОО Скопје, кои ќе бидат на сила од 1 јули 2022 година се димензионирани скалесто по блокови, така што оние кои трошат помалку електрична енергија ќе плаќаат пониска цена, за разлика од оние кои имаат поголема потрошувачка ќе плаќаат поскапа електрична енергија, посочи Марко Бислимоски, претседател на Регулаторната комисија за енергетика и водни услуги.СМЕТКИ ЗИМА 59.9% ќе имаат покачување од 6.6% 35.5% ќе имаат покачување од 6.7% до 8.8% 3.4% ќе имаат покачување од 8.8% до 11.2% 1.2% ќе имаат покачување од 11.4% до 99.5%СМЕТКИ ЛЕТО 77.2% ќе имаат 6.7% покачување 21.8% ќе имаат покачување од од 6.7% до 8.8% 0.7% ќе имаат покачување од 8.8% до 11.3% 0.2% ќе имаат покачување од (11.4% до 100%)Во зависност од блоковите, во зима 59,9% од домаќинствата ќе имаат зголемени сметки за 6,6 %, додека 35,5% ќе имаат зголемени сметки од 6,6% до 8,8%, 3,4% од потрошувачите ќе добијат зголемени сметки од 8,8% до 11,2% и само 1,2% од потрошувачите ќе добиваат сметки зголемени од 11,4% до 99,5%. Во летниот период во зависност од блоковите, 77,2% од домаќинствата ќе имаат зголемени сметки за 6,7 %, додека 21,8% ќе имаат зголемени сметки од 6,7% до 8,8%. Само 0,7% од потрошувачите ќе добијат зголемени сметки од 8,8% до 11,3% и 0,2% од потрошувачите ќе добиваат сметки зголемени од 11,4% до 100%.Енергетски компании побараа значајни зголемувања на тарифите за нивните услуги, но РКЕ не ги прифати сите нивни барања и одобри многу помали проценти.ЕНЕРГЕТСКИ КОМПАНИИ БАРАЊЕ ОДОБРЕНОМЕПСО 72,88% -0,03%МЕМО 62,48% 6,96%ЕЛЕКТРОДИСТРИБУЦИЈА 76,16% 20,94%ЕВН ХОМЕ 35,8 милиони евра 14,3 милиони евраТрошоците за набавка на електрична енергија на ЕВН ХОМЕ на годишно ниво се зголемени за 57,4 милиони евра, во однос на планираното од декември 2021 година, заради враќањето на голем број компании и јавни институции од либерализираниот на регулираниот пазар на електрична енергија, заради што ЕВН ХОМЕ мораше да направи дополнителен увоз на електрична енергија во износ од 33,2 милиони евра. Со укинување на кризната состојба, ЕВН ХОМЕ има и дополнителен трошок за обновливи извори за енергија во износ од 9,5 милиони евра. Дополнително новата цена на eлектрична енергија што ЕСМ му ја испорачува на ЕВН ХОМЕ е зголемена за 17%, од 41евра за MWh на 48 евра за MWh.БЛОК ТАРИФИ ( kW/h)Прв блок 0-210 5,5%Втор блок 210-630 10,3%Трет блок 630-1050 18,3%Четврт блок 1050 > 138,7%29.06. 2022

Македонија | пред 3 години

Драстична промена во предлогот за блок тарифи, ќе се спасат и тие што се греат на струја

Подигнат е прагот во блоковите за искористена електрична енергија во однос на претходно. Горната граница во втората блок-тарифа е 630 киловати во скапа тарифа за 30 дена, а третата е 1.050 киловатиРегулаторната комисија за енергетика, во присуство на сите релевантни фактори, го презентираше изменетиот предлог за блок-тарифите за домаќинствата и за малите потрошувачи што се снабдуваат со струја по регулирани цени. И понатаму останува одлуката дека овие блок-тарифи ќе важат само во дневна тарифа од 7 до 22 часот, додека во евтината тарифа, навечер од 22 часот до 7 наутро, како и цел ден во недела, нема да има блок-тарифирање, односно ќе има една цена.Со новите измени е подигнат прагот во блоковите за искористена електрична енергија во однос на претходно. Но, првата најевтина тарифа и понатаму е за оние што имаат потрошувачка на струја до 210 киловат-часови електрична енергија во скапата тарифа во тек на 30 дена. Горната граница на втората блок-тарифа, место првично превидените 420 киловати, сега е утврдено дека ќе бидат 630 киловати, а третата тарифа е зголемена за 70 проценти од првичните размислувања и сега во неа ќе влезат оние со потрошувачка до 1.050 киловат-часови во скапа тарифа за 30 дена, а над тоа се веќе оние што ќе влезат во четвртата категорија.Универзитетскиот професор Рубен Талески рече дека пресметките покажале дека за затоплување еден просечен стан со инвертор доволни ќе бидат 600 киловат-часови и затоа направиле промени во однос на висините на блок-тарифите, за да може тие што се греат на струја, да не плаќаат високи цени.– Ако сега, со овие цени што важат за струјата до 1 јули, направиме симулација за примена на новиот модел на тарифирање, граѓаните што ќе влезат во втората и во третата тарифа ќе плаќаат 12 проценти пониски сметки – рече Талески.Претседателот на Регулаторната комисија за енергетика Марко Бислимоски уште еднаш повтори дека потрошувачите ќе ги плаќаат само разликите од еден во друг блок, како што ќе ги поминуваат границите. Тој напомена и дека има случаи кога две-три семејства живеат во една куќа на неколку катови и имаат заедничко броило за електрична енергија, па за да не преоѓаат во скапите блокови неопходно е разделување на потрошувачите.– Ги повикувам ЕВН во најкус можен рок да одговорат на барањето на граѓаните за раздвојување на броилата – рече Бислимоски и информираше дека таа услуга е 12.000 денари.Од 1 јули, со новите цени и новиот тарифен систем, граѓаните ќе добиваат и поинаку конципирани сметки. Во нив ќе има цена за електрична енергија и цена за мрежни услуги – за дистрибуција и за пренос.

Македонија | пред 3 години

Премногу е затоа што народот плаќа скапа струја, затоа што СДСМ и ДУИ крадеа во РЕК и ЕЛЕМ, вели ВМРО-ДПМНЕ

СДСМ е декласирана, избори побргу, народот се одлучи, премногу е, време е за промени, вели ВМРО-ДПМНЕ„Премногу е затоа што за една година цените на прехранбените производи се зголемија за 100%, на горивата за 70%, на струјата за 30%.Премногу е затоа што тоа што лани народот можел да го испазарува со 500 денари, сега не може ниту со 1.000 денари.Премногу е затоа што институциите се заробени од власта и народот не може да ги добие услугите кои со закон го следуваат заради корумпираноста на функционерите.Премногу е затоа што нема пари за поголеми плати, а има 1.4 милиони евра за Зоран Заев.Премногу е затоа што народ плаќа скапа струја, затоа што СДСМ и ДУИ крадеа во РЕК и ЕЛЕМ.Премногу е затоа што се краде оружје од полициска станица, а никој не одговара за тоа.Премногу е затоа што додека народот гладува, Ковачевски јаде од златни тањири со златни лажици и виљушки.Премногу е затоа што се обидоа да сокријат две убиства, за кои јавноста дозна, а прашање е дали има други кои успеале да ги сокријат.Премногу е затоа што народот го лажат 5 година дека има датум, а 5 година чекаме во чекалната за ЕУ.Премногу е затоа што излажаа дека се затворени сите отворени прашања со соседите, за сега да распродаваат идентитет, јазик и историја.Премногу е затоа што народот не гледа друг излез, освен промени веднаш. Предвремени парламентарни избори час поскоро“, се вели во соопштението.

Македонија | пред 3 години

Домаќинствата кои произведуваат струја од 1 јули ќе може да ја продаваат

Денес имав прилика да го потпишам новиот правилник за обновливи извори на енергија, со кој крајно во нашата држава ќе се овозможи на сите граѓани и компании да произведуваат електрична енергија на нивните покриви, а воедно и да ја продаваат на откупувачот или пак на дитрибутерот на електрична енергија, вели министерот за економија, Бектеши.„Со последните измени ќе биде обврска на универзалниот снабдувач за сите тие кои ќе одлучат да стават такви инсталации, да ја преземе вишокот на електрична неергија со тоа што ќе може да се направат дополнителни фактури на секои шест месеци, со што ќе може да им се намалат сметките или согласно договорот да им се плаќа на домаќинствата или правните субјекти. До овој момент инсталираната сила била 4 киловати за домаќинста, ја зголемуваме на 6 киловати, 20 било за малите потрошувачи сега ја зголемуваме на 40 киловати. Министерство за економија ќе почне и со мерка со која што до 30% од трошоците за инасталирање за вакви технологии на крововите на домаќинствата, ќе ги покрива министерството за економија до 1000 евра“, додаде тој.Секое домаќинство од 1 јули ќе може да почне со вакви инвестиции, изјави министерот Бектеши.

Македонија | пред 3 години

Објавен калкуларот за струја: Пресметајте колку ќе плаќате со новите тарифи

Регулаторна комисија објави калкулатор за граѓаните сами можат да проверат колку трошат и плаќаат сега за струја, а колку ќе плаќаат за истата потрошувачка кога плаќањето ќе биде по блокови. Споредбата на сметки се прави онлајн. Марко Бислимовски, претседател на Регулаторна, даде и објаснување.„Евтината струја нема да влегува во блоковите. Во наредниот период ќе ги примаме сите забелешки и сугестии, тие единствено можат да одат во насока за зголемување на опсегот на блоковите. Имаше доста дилеми во јавноста, на најголем дел ќе излеземе во пресрет. Со овој тарифен систем не можат да се решат сите проблеми“, рече БислимовскиПрофесорот Рубин Талевски го презентираше калкулаторот.За да пресметате тука: Регулаторна комисија за енергетика и водни услуги на Република Северна Македонија (erc.org.mk)

Македонија | пред 3 години

„Владата ги стимулираше граѓаните да се греат на струја, а сега ги казнува со висока индустриска цена“, вели О2 иницијатива

О2 иницијатива на социјалните мрежи објави податоци на кои се прикажани вкупниот број на домаќинства според енергентот потрошен како основен тип на греење. Тие велат дека со воведување на индустриска цена на струјата овие граќани ќе бидат казнети и истите ќе бидат стимулирани повторно да се греат на дрва.„Во државава, од податоците на ДЗС, во 2019 имало околу 178,000 домаќинства кои се греат на струја. Со воведување на блок-тарифите, тие кои се греат на струја и кои годиниве Владата и општините ги стимулираше да го остават дрвото за греење и преминат на струја, ќе се казнат и ќе плаќаат висока индустриска цена.Истите сега ќе се дестимулираат и ќе се стимулира враќањето кон дрвата за греење, а со тоа и на аерозагадувањето“, се вели во објавата.

Коментари | пред 3 години

Транспарентно, стар и нов Тарифник како ќе си плаќате: Ако досега струјата ве чинела 10 446 денари, сега ќе плаќате 14 947 денари

Дарко Грујоски, ИТ специјалист, направи анализа какво поскапување ни доаѓа наскоро, со новата одлука на Регулаторна комисија. Неговото јавно пишување ви ги пренесуваме интегрално„Транспарентно, стар и нов Тарифник како ќе си плаќате .– За евтина тарифа би платиле по старо, 525,4 киловати по 3,67 денари = 1 928 денари. За скапата тарифа, за потрошувачката до 250 киловати, би платиле околу 1 737 денари по претпоставена цена од 6,95 денари за киловатчас, односно цена 5% пониска од актуелната. Овој процент е само наша претпоставка која сметаме дека одговара на најавата за „нешто пониски цени“ за првата тарифа.Следните 250 киловатчасови, до 500, ова семејство ќе го чинат 1 830 денари. Под услов ако остане ветувањето дека за вториот тарифен блок ќе остане актуелната цена.Преостанатите 571 киловатчасови, ако се пресметуваат по пазарна цена како што најави Бислимовски, а која изнесува околу 15 денари за киловатчас, ќе го чинат ова домаќинство 8 565 денари.Кога ќе се додаде ДДВ-то од 5% и јавното осветлување, сметката која зимава чинела 10 446 денари, со новиот тарифен модел, ќе чини 14 947 денари, односно четири и пол илјади денари или 45% повеќе“, напиша Грујоски.

Коментари | пред 3 години