ТОП

(ФОТО) Среќна нова од сончевото Водно

Првото новогодишно утро скопјани го дочекаа во магла и екстремно загаден воздух.Скопје утрово се наоѓа на 24 место на листата најзагадени градови во светот.Најголема загаденост покажува мерната станица во Маџир Маало во Центар - 305 микрограми на метар кубен ПМ10 честички, како и мерната станица во населбата 11 Октомври 279 микрограми на метар кубен.И додека Скопје се гуши во магла, на Водно грее сонце.Граѓаните на социјалните мрежи објавија фотографии од врвот на Водно од каде градот воопшто не се гледа.https://twitter.com/i_najubaviot_/status/1609471262262460419?s=20&t=gFN5R5RPL4yuTzVPZLcIhg

Скопје | пред 3 години

(ВИДЕО) Демолиран студентски дом во Скопје за време на новогодишната ноќ: Расфрлано стакло, искршени хидранти, уништен инвентар

Расфрлано стакло, искршени хидранти и керамичка санитарија, е сликата по вчерашното славење во студентскиот дом „Стив Наумов“ во Скопје. На социјалните мрежи утрово беше објавено видео на кое може да се забележи хаосот кој го направиле студентите кои славеле.„Утрото после новогодишната вечер во Стив. Не ги фатив во актот чинителите, но имаше звуци од лупање на хидрантот, кршење на керамичка санитарија, која всушност е новопоставена. И да нагласам, ова сѐ е дело на академски луѓе, кои подоцна треба да се двигатели на нашето општество.* Наместо мек снег на првото утро од 2023 да ми крцка под нозе, јас добив крцкање од срчи* Чуди се Ангелејце после зошто е Стив во та состојба во која шо е, а богами и Македонија со грајџаниве нејзини...* И срејчна нова од мене“, стои во описот на објавеното видео. https://twitter.com/dzebno_izdanie/status/1609487046187356160?s=20&t=qDFuwPfUwC0vZ5mWFuOfUQ 

Скопје | пред 3 години

Трагедија: Прегазил двајца другари, едниот почина, а другот се бори за живот

Момче прегази двајца другари, едниот почина во штипската Клиничка болница, а вториот се бори за живот.Според СВР Штип, околу 5.20 часот било пријавено дека на магистрален пат Штип – Кочани, на место викано „Брилијант”, патничко возило „опел астра” со скопски регистарски ознаки, управувано од К.Т. од Скопје, удрило во 21-годишниот А.Ѓ. од село Кадино, скопско и во А.П. од село Трубарево, скопско, кои претходно патувале во истото возило.Двајцата се здобиле со повреди и биле пренесени во Клиничка болница Штип, каде што во 7.15 часот А.Ѓ. починал , а кај А.П. биле констатирани телесни повреди.

Македонија | пред 3 години

Го пронашле на улица со тешки телесни повреди, возачот кој го удрил избегал оти немал телефон да повика помош

На 01.01.2023 во 01.50 часот во Полициската станица Гевгелија, од Итна медицинска помош било пријавено дека на ул.„Дојранска“ во Богданци со тешки телесни повреди бил пронајден М.М.(40) од Богданци, кој бил пренесен во Општа болница Гевгелија за укажување лекарска помош.Увид на местото извршила екипа од Полициската станица Гевгелија.Во 03.20 часот во Полициската станица Гевгелија, Д.В.(37) од Богданци пријавил дека околу 02.00 часот на ул.„Дојранска“ во Богданци со своето патничко возило „фолксваген бора“ со гевгелиски регистарски ознаки удрил во пешак и го напуштил местото затоа што, како што пријавил, немал телефон да повика помош.Според пријавеното, откако нашол негов другар се јавиле на 194. По целосно расчистување и документирање на случајот ќе биде поднесена соодветна пријава.

Македонија | пред 3 години

Македонија денеска го презема претседавањето со ОБСЕ

Македонија денеска го презема годишното претседавање со Организацијата за безбедност и соработка во Европа (ОБСЕ).„Голема одговорност и чест е да го преземеме претседавањето со ОБСЕ во 2023 година. Нашата цел ќе биде да се фокусираме на самите принципи на завршниот акт на Хелсинки, во интерес и потреби на народот“, рече министерот за надворешни работи и новиот претседавач со ОБСЕ Бујар Османи.Османи рече дека планот на ОБСЕ е да им пружи помош на населението погодено од конфликтот, но и на другите на кои им е потребна, бидејќи задача на организацијата е да ги ублажува кризите и да го поддржува мирот.Османи посочи дека Украина ќе остане приоритет и клучно безбедносно прашање, бидејќи војната во таа земја ја поткопа европската безбедност и ги загрозува мирот и стабилноста на континентот и пошироко, соопшти ОБСЕ.Зачувувањето на вредностите на ОБСЕ и почитувањето на меѓународното право мора да бидат заеднички приоритет, посочи Османи.Според него, работата ќе се фокусира и на поддршка на одржливиот економски раст и соработка во областа на животната средина.Османи официјално ќе биде инаугуриран како претседавач и ќе ги претстави приоритетите на Македонија за време на претседавањето на состанокот на Постојаниот совет на ОБСЕ во Виена на 12 јануари.

Македонија | пред 3 години

11 години од смртта на првиот претседател Киро Глигоров

Денеска се навршуваат 11 години од смртта на првиот претседател на независна Република Македонија Киро Глигоров.Глигоров почина на 1 јануари 2012 година во Скопје во својот дом на 94-годишна возраст.Беше најстариот македонски политички функционер. На 17 ноември 1999 година, кога заврши неговиот втор претседателски мандат, тој имаше 82 години, а во 2000 година Гинисовата книга на рекорди го забележа Глигоров како најстар претседател на држава во светот.Во 1991 година ја предводеше Македонија која по мирен пат се осамостои од дотогашната Социјалистичка Федеративна Република Југославија во која Глигоров извршуваше високи државни функции. На 8 април 1993 година Глигоров првпат се обрати на македонски јазик на говорницата на Обединетите нации кога Република Македонија стана 181. членка на ОН.На 3 октомври 1995 година преживеа атентат со автомобил-бомба поставен на улицата Македонија во непосредна близина на хотелот „Бристол".По пензионирањето беше активен како публицист. Глигоров е автор на неколку дела, главно пишувани по завршувањето на неговиот мандат како претседател – „Македонија е сè што имаме" (2001), „Атентат – ден потоа" (2002), „Виорни времиња: Република Македонија реалност на Балканот" (2004) и „Сите југословенски (стопански) реформи" (2006). Тој е основач и на фондацијата „Киро Глигоров". Во 2005 година стана прв носител на „Орденот на Република Македонија".Денес делегација на Собранието, владина делегација предводена од премиер от Димитар Ковачевски, почитувачи на неговото дело како и членови на неговото семејството ќе положат цвеќе на неговото вечно почивалиште на градските гробишта Бутел.

Македонија | пред 3 години

Слаб земјотрес утрово во Македонија

Земјотрес со јачина од 2.7 степени по рихтер утрово во 06 часот и 33 минути по македонско време е регистриран кај Националниот парк Маврово.Жителите од тој регион јавуваат дека осетиле бучава и слабо тресење.Епицентарот е на 2 километри длабочина.

Македонија | пред 3 години

Првото бебе родено годинава е машко

Првото бебе родено годинава е машко. Тежи 3 килограми и 72 грама, а долго е 51 сантиметарБебето се роди на Универзитетската Клиника за гинекологија и акушерство во Скопје во 00.01 часот.

Македонија | пред 3 години

Нема фотографија

(ВИДЕО) Скопјани ја дочекаа Новата година, но огномет не видоа поради високото загадување

Искрени желби, прегратки, здравица за подобра и поуспешна година – поклопувањето на стрелките на часовникот го означи почетокот на 2023.Со прослава на плоштад Македонија и без спектакуларен огномет скопјани го дочекаа први јануари.

Скопје | пред 3 години

Ова е програмата за дочекот на Новата година во Скопје

Вечерва на плоштадот Македонија за дочекот на новата година ќе настапуваат македонски изведувачи. За забавата и расположението на скопјани ќе се погрижат Елена Ристеска, уметниците од Мерак Меана… Во продолжение програмата за новогодишната ноќ:•20:30ч – група Саут Парк•21:30ч- група Дупер•22:00ч- Бендот на Мерак Меана заедно со Ферус Мустафов, Наум Петрески,Зуица Лазова, Ристо Самарџиев и уште неколку пејачи•23:30ч Елена Ристеска•12:30ч ДиЏеј

Скопје | пред 3 години

(ВИДЕО) Претрес во Ѓорче Петров, пронајдена дрога

Денеска (31.12.2022) во заедничка акција на полициски службеници од СВР Скопје-Единица за недозволена трговија со дрога и оружје и Одделот за криминалистичка полиција-Сектор за недозволена трговија со дрога и оружје, по претходно обезбедена наредба од судија на претходна постапка од Основен кривичен суд Скопје, извршен е претрес во дом и помошни простории на Љ.Г. (22) во скопската општина Ѓорче Петров.При претресот пронајдени се три пакувања со амфетамин, дигитална вага, марихуана и пари за кои постојат основи на сомнение дека потекнуваат од продажба на дрога. Љ.Г. е приведен во полициска станица и до надлежното обвинителство ОЈО Скопје против него ќе биде поднесена кривична пријава за извршено кривично дело по член 215 од КЗ.Министерството за внатрешни работи и во текот на новогодишните празници продолжува со засилени мерки и активности против недозволената трговија со дрога.

Скопје | пред 3 години

Пендаровски: Ви посакувам подобра и помирна година што доаѓа

Претседателот Стево Пендаровски, по повод новогодишните празници, упати честитка до граѓаните на Република Северна Македонија.Драги сограѓани,Ви посакувам подобра и помирна година што доаѓа. Во годината што измина бевме сведоци на безбедносни, економски и енергетски предизвици кои ја зголемија нееднаквоста и го зголемија стравот за долгорочната стабилност.Сепак, изминатата година бевме сведоци и на хуманоста на луѓето со добра волја кои покрај за своите, се грижеа и за потребите на другите. Овие херои на солидарноста донираа храна, облека и лекови и го подарија своето време и внимание за да ги поткрепат оние на кои им е најпотребна помош. Многумина од нив активно се застапуваа за социјална правда и за општество со еднакви можности за сите. Враќајќи ни ја надежта во општото добро, тие нѐ потсетуваат дека сме си потребни едни на други и дека сме одговорни едни за други.Државата е домот што можеме да го градиме само заедно, сплотени околу визијата за хумано, праведно и просперитетно општество во кое ќе има место за сите. За да ја достигнеме заедничката цел кон која се стремиме уште од почетокот на македонската независност, потребна ни е посветеност и надеж дека ќе биде подобро.Во новата 2023 година, ви посакувам радост во срцето, мир во душата и надеж во животот, а со нив и многу здравје и успех на секое поле.Нека ни е среќна новата 2023 година!

Македонија | пред 3 години

Нема фотографија

(ВИДЕО) Скопје повторно на листата на најзагадени градови во светот

Вечерва Скопје повторно се најде на неславната ранг листа на најзагадените градови во светот, заземајќи го шестото место според според платформата „IQAir“, која го следи аерозагадувањето во реално време.Скопје со индекс на квалитетот на воздух од 187, на листата е заедно со градови од Индија, Гана и Бангладеш кои се познати по лошиот квалитет на воздух.Според платформата во моментов аерозагадувањето во Скопје е штетно по здравјето.

Скопје | пред 3 години

Два градови меѓу најбараните за Нова година во Македонија

Покрај економската и енергетската криза, граѓаните наоѓаат средства и начини за прослава на Новата година надвор од земјата. Поради поволните цени, годинава како најбарани дестинации за новогодишната ноќ се Истанбул и Дубаи, а помал е интересот за европските градови.Агенциите што ги контактираше МИА велат дека за Истанбул се организираат тридневни до четиридневни тури, во коишто се вклучени разни програми за прослава на новогодишната ноќ. Од другите турски градови меѓу најбараните дестинации е и Анталија.Според агенциите, голем е интересот и за Дубаи поради поволните цени што ги нудат хотелите, авиокомпаниите и туристичките агенции. Некои агенции организираат осумдневни тури кои се поделени на по четири дена за Дубаи и четири за Абу Даби, некои други пак, нудат аранжмани кои траат од пет до девет дена.

Магазин | пред 3 години

Секогаш кога ќе запалите петарда помислете на ова: Експлозиите предизвикуваат трауми и нарушен сон особено кај децата со аутизам

Звукот од петарди и пиротехника предизвикуваат разни трауми кај децата со аутизам и потешкотии во развојот, предупредуваат стручните лица и родителите на овие деца. Поради силниот звук, децата се вознемируваат и плашат и се јавуваат разни видови последици како страв, вознемиреност, агресија, напади, испади, автоагресивни испади и друго.– Лицата со аутизам и лицата со потешкотии во развојот имаат потешкотии при процесуирање на јаки сензорни дразби, како што се аудитивни (изненадна бука) или визуелни (силна светлина). Заради тоа, многу често и најмала таква стресна состојба може да предизвика бурна реакција. Најчести реакции на вакви дразби се претерана нервоза, вознемиреност, страв. Силните сензорни дразби, доколку лицето има сензорни проблеми, ги доживуваат болно. Силните дразби многу често го менуваат нивното однесување, објаснува дефектологот Милица Серафимовска.Таа посочува дека некои лица реагираат со панични стравови, општа вознемиреност, плачење, агресивни и автоагресивни испади.– Лицата ги затвораат ушите, се јавуваат и стереотипни движења, повторувачки фрази, нарушен сон, нарушена дневна рутина, која е многу значајна за функционирање на лицата со аутизам и сензорни пореметувања. Новогодишните празници за многу семејства се „ноќна мора“ и наместо празниците да носат радост во сечиј дом, во овие семејства носат солзи, повреди и користење на многу лекови за смирување, потенцира Серафимовска.

Македонија | пред 3 години