ТОП

Половина Скопје, утре ќе биде затворено

Министерството за внатрешни работи ја информира јавноста дека на 15.05.2022 година (недела), поради одржување на спортско рекреативната трка „Прв до врв“ ќе биде спроведен посебен сообраќаен режим. .Велосипедската трка почнува во 09.45 часот, при што почетната точка е од пред Музеј на град Скопје – ул.„Св. Кирил и Методиј“, а продолжува со траса на движење по бул.„Св. Климент Охридски“, бул.„Мајка Тереза“, ул.„Тодор Александров“, локален пат за Средно Водно до врв на Водно („Милениумски Крст“). Планинарите стартуваат во 10.00 часот, а трасата на движење почнува пред Основно училиште „Кочо Рацин“ на бул.„Мајка Тереза“, ул.„Тодор Александров“ и ул.„Салвадор Аљенде“, ридско пешачките патеки кон Средно Водно, од Средно Водно кон врв на Водно („Милениумски Крст“).Од тие причини Одделението за безбедност на патниот сообраќај ќе преземе мерки за посебен режим на сообраќајот на горенаведените сообраќајници, а сообраќајот ќе се пренасочува по околните сообраќајници.МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива трката.

Скопје | пред 3 години

Ковачевски зборува за одговорност, Мицкоски за избори - излез од блокадите нема

„Ние ќе работиме да има избори! Јас тоа сум го кажал многу пати во минатото и ќе го повторам и сега, опцијата на ВМРО-ДПМНЕ е условно речено албанските опозициски партии и тука да немате дилема“, одговори на новинарско прашање претседателот на ВМРО-ДПМНЕ, Христијан Мицкоски при посетата на општина Кисела Вода.Мицкоски посочи дека има еден услов кој што важи во Уставот, а тоа е бадинтер. За да се спроведат тие реформи кои што планира да ги спроведе ВМРО-ДПМНЕ за да може Македонија да оди напред, дел од тие закони зависат од условот бадинтер.„И затоа се обидов еве на отворена сцена да правиме измени кои што се оние проценти во Уставот, да нема бадинтер, да нема балансер, да луѓето напредуваат согласно своите компетенции и знаења и вештини. И да може да ја водат државата оние кои што народот ги одбрал. Ако народот го одбрал ВМРО-ДПМНЕ со 61, да ја води државата ВМРО-ДПМНЕ и коалицијата која што тој ќе ја состави. Но, поради тој услов бадинтер ќе мора ние да ја адаптираме таа коалиција. И затоа сум еве убеден дека опозиционите условно кажано албански партии на следните предвремени парламентарни избори ќе го поразат ДУИ. И мислам дека е време ДУИ да помине одреден период во опозиција“, нагласи Мицкоски.Претседателот на Владата Димитар Ковачевски во одговор на новинарско праша истакна дека е апсолутно неодговорно во услови на криза да се врши бојкотирање и блокирање на Собранието.„Тоа граѓаните не го заслужуваат. Пратениците треба да бидат одговорни бидејќи нив не ги бираат политички партии туку ги бираат граѓаните. Тие треба да бидат таму 24 часа како што е и наведено во самиот деловник на собранието бидејќи собранието е практично во постојано заседавање и треба да носи одлуки кои што ќе значат подобро за сите граѓани во државата“, потенцираше премиерот Ковачевски.Тој додаде дека и покрај блокадата на Собранието од страна на ВМРО-ДПМНЕ, а не од целата опозиција, тоа сепак функционира.„На последната седница е усвоен дневниот ред и беа изгласани дел од точките за кои што постоеа исполнети услови за нивно усвојување. Потоа гледаме дека на Комисијата за избори и именувања веќе почна расправата за избор на уставни судии, каде што сите политички партии ги предложија своите предлози и според мислења на стручната јавност се работи за лица кои што се предложени од страна на пратениците и за кои што ќе има вредна расправа и за кои што следува избор на уставни судии.Секоја политичка партија треба да биде одговорна и да даде максимум да се носат мерки и да се носат закони кои што го олеснуваат секојдневниот живот и кои што се грижат за задржување на стандардот на населението“, посочи Ковачевски.„Не постојат закони кои што не влијаат на општествените процеси во позитивна смисла, и тука не може да се смета Собранието за супермаркет каде што некој ќе одлучува кој закон ќе помине кој нема да помине. Секое законско решение содржи во себе или унапредување на одредени процеси или унапредување на одредени права на граѓаните или на компаниите во државата бидејќи не сите закони се однесуваат исклучиво на граѓаните туку има голем дел на законски решенија кои што се однесуваат на подобри услови на деловната заедница во државата“, нагласи премиерот Ковачевски.Ковачевски дополни дека има голем број на одредени групи во општеството на кои што треба да им се излезе во пресрет и дека постојат голем број на законски решенија кои што се важни за напредокот на развојот на општеството и за усогласувањето со директивите на ЕУ.

Македонија | пред 3 години

(ВИДЕО) Лазар Јанев кажа шок детал за постапувањето на Русковска додека „Рекет“ бил на Апелација

Синот на Катица Јанева кој е и нејзин адвокат, Лаазар Јанев во интервју за „А1он“ посочи дека обвинителката Вилма Русковска водела истрага за судијата Јани Нича од Апелација, во моментот кога се одлучувало дали „Рекет“ ќе падне или ќе се потврди затворската казна за тројцата осудени. Од Врховен суд, Јанев очекува предметот да го врати на ново судење, каде ќе можат да докажат дека Јанева е невина. Тврди дека има повреда од апсолутен карактер.„Сметам дека Врховен суд мора да се одважи и поради најважна работа во целата постапка, а тоа е што судијата Јани Нича, претседател на советот, кој ја преиначи пресудата за притвор во куќен притвор за Катица Јанева беше предмет на финансиска истрага од Вилма Русковска. Иако беше предмет на финансиска истрага од Вилма Русковска, тој е претседател на совтетот кој ја донесе пресудата во Апелација. Тоа е директна повреда на Европската конвенција за човекови права, која се надевам дека Врховниот суд навреме ќе ја увиди која е од апсолутен карактер, а тоа би довело до повторно судење, со фер постапка, каде би ја докажале нашата невиност“, посочи Јанев.Во интервјуто за „А1он“ раскажа и за постапките на Русковска кон Јанева.„Денот кога беше решено дека Катица Јанева ќе оди во Идризово, не беше дека тешко и паѓа поради тоа што оди, туку моментот што се осети обесхрабрена. Тоа е поради самата пресуда. Јанева не беше спроведена со упатен акт во Идризово туку поднесок без наслов. Катица Јанева првпат ја прими пресудата 20 дена по одење во затвор. Ние си ја слушнавме пресудата од јавноста. Бевме едиснтвен случај на пети јули кога се пишува пресудата, на 19 да биде објавена, на 21 да биде спроведена во Идризово“, додаде Јанев во интервјуто. 

Македонија | пред 3 години

Македонија не смее да е заложник на примитивизмот на Џафери, дециден е Стоилковски

„Ниту една институција во државата не смее да го премолчи примитивизмот на Талат Џафери во македонското Собрание! Примитивизмот на Џафери е насилство врз вработени, злоупотреба на позиција, кршење на човековите права, примитивизмот на Џафери е спротивен на сите документи за заштита на човековото достоинство. Џафери најбрутално го згази достоинството на позицијата собраниски спикер и воопшто позицијата пратеник во македонското Собрание“ вели Наум Стоилковски, портпарол на ВМРО-ДПМНЕ.Тој додава:„Единствен следен чекор во било кое демократско општество би било неотповиклива оставка на Џафери и повлекување од пратеничката функција од македонското Собрание! Се друго е ново тонење во катастрофа! Димитар Ковачевски со изјавата за примитивизмот на Џафери уште еднаш потврди дека е пион на крими - коалицијата ДУИ-СДСМ. Ковачевски потврди дека наместо премиер е пион и паж во власта на ДУИ и дека дозволува самоволие дури и од најпримитивно ниво само и само да остане на власт!Примитивецот од Форино има функција којашто е втора во државата и по функција го менува претседателот на државата кога тој е отсутен! Јавноста имаше прилика да го слушне вистинскиот карактер на примитивецот од Форино. Онаков недостоен примитивен излив на бес во прашање ја доведува неговата деловна способност и воопшто ментална стабилност за да извршува вакви високи државни функции! Државата не смее да биде заложник на апстиненцијални кризи и намалена деловна способност на човек именуван на висока државна функција за СДСМ да остане на власт. Државата не смее да е заложник во рацете на примитивецот од Форино само за пажот на ДУИ, пионот Димитар Ковачевски, да биде глув за примитивизмот на Талат Џафери, глуми премиер!Оттука, ги повикуваме сите релевантни државни и невладини институции во делот на обезбедувањето и логистиката на Парламентот, како МВР, СОЗР, па и ЈО, Народниот правобранител, но и Хелсиншкиот комитет, синдикатите и другите невладини организации, да отворат случај во име на заштита на достоинството и кредибилитетот на функцијата претседател на Собранието и Собранието воопшто! Молкот од нив ќе значи одобрување и воведување практика недостојна за било која колку- толку демократска држава!Нема и не постои оправдување за простотилак и примитивен однос кон вработени, не постои оправдување за пцости и навреди, какви што сета јавност во Македонија имаше прилика да го слушне примитивецот од Форино, Талат Џафери! Никој во Македонија не е должен ниту пак е вработен да трпи навреди со сексуални конотации, да биде пцуен и бркан со зборови „сиктер“ и „мрш“ од примитивецот од Форино, само за поданичката СДСМ да остане на власт!Оставка на Џафери веднаш! Оставка на владата веднаш! Само избори се спас од катастрофата!“

Македонија | пред 3 години

(ФОТО) Несреќа во скопско Ново село

Сообраќајна несреќа доцна синоќа се случи во скопско Ново Село, во општината Ѓорче Петров. Според привчните информации, се судриле автомобил и мотор. Несреќата се случила на остра кривина, а причините за неа се непознати.Засега, нема информации за повредени лица, а увид има извршено и полицијата.

Скопје | пред 3 години

Пак се сретнаа, пак не се договорија, но Шаќири дециден: Наредната недела ќе финализираме, ова да е последен штрајк

Министерот за образование, Јетон Шаќири, посочи дека ставовите меѓу СОНК и државата се доближуваат во однос на покачувањето на платите, а договор се очекува на почетокот од наредната недела. Шаќири бара ова да е последен штрајк со прекин на наставата.„Мислам дека на почетокот од наредната недела, понеделник или вторник ќе имаме договор. Се отворија многу дискусии за колективните договори и мислам дека ќе имаме нов колективен договор наредниот период, па ќе имаме за што да продолжиме со преговори. Ставовите се доближуваат, во другиот дел се изнајдуваат решенија. Побарав разбирање од СОНК и наставниците затоа што имавме добра волја за решение. Знаеме во која фаза бевме со буџетот, која фаза сме и каде ќе бидеме за изнајдување на буџет. Не сакам да споменувам процент. Сакам да е ова последен штрајк и прекинат процес на настава. Можеби во наредниот период ќе имаме потреба од други разговори, но да нема прекин на настава“, рече Јетон Шаќири.

Македонија | пред 3 години

Двајца починати и 89 нови случаи со корона

Согласно податоците од Институтот за јавно здравје, Министерството за здравство информира дека во последните 24 часа:Направен е 1.221 тест, а регистрирани се 89 нови случаи на КОВИД-19: Скопје – 59, Битола – 7, Кавадарци – 4, Охрид и Делчево – по 3, Куманово ,Прилеп , Штип и Берово – по 2, Гостивар, Струмица, Кочани ,Гевгелија и Демир Хисар – по 1.Од вкупниот број на позитивни (89), регистрирани се 20 реинфекции.Регистрирани сe 87 оздравени пациенти од: Скопје – 30, Битола – 26, Охрид – 6, Прилеп и Ресен – по 4, Штип и Кичево – по 3, Гевгелија и Велес – по 2, Куманово, Берово, Струмица, Дебар , Валандово, Богданци и Кратово – по 1.Во текот на изминатите 24 часа е пријавено едно починато лице од Скопје (85г) починато во болнички услови. Согласно Регистарот на умрени лица со дијагноза КОВИД-19 од Мој Термин дополнително е регистрирано едно починато лице од Скопје(70г),починат во домашни услови,пoчинат на 30.04.2022 година.Направени се 1.221 тест преку: ИЈЗ-130, ЦЈЗ Скопје-89, ЦЈЗ Битола-38, ЦЈЗ Прилеп-6, ЦЈЗ Тетово-7, ЦЈЗ Куманово-28, Клиника за инфективни болести и фебрилни состојби-1, Судска медицина-0, лабораторија болница Козле-0, УК Пулмологија со алергологија –5, ГОБ 8-ми Септември-0, Институт за микробиологија–68, Жан Митрев (Филип Втори)-38, Авицена-25, Биотек-33, Систина-29, лабораторија Лаор-24, Синлаб-4, Ремедика-6, Плодност-13, Генеа-10, Никоб Лаб-72, ВФВ Медикал-8, Ели Медика Плус-6, Ројал Медика–8, Спектра-ММ-3, Рапид Лаб–0, Жан Митрев Струмица–2, Нова Лаб Дијагностика–3, Рамус-5, ЈЗУ и ПЗУ (рапид тест) – вкупно 560.Досега во земјата се направени вкупно 2.035.877 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 310.684, бројот на оздравени пациенти е 300.761, на починати е 9.289, а бројот на активни случаи изнесува 634.Дистрибуција по градови Заболени (вкупно), Активни случаи (вкупно)Скопје 146068, Активни 307Куманово 16653, Активни 14Битола 15525, Активни 112Прилеп 14184, Активни 30Тетово 13468, Активни 11Кавадарци 10670, Активни 26Велес 9781, Активни 11Гостивар 9597, Активни 12Охрид 8882, Активни 28Струмица 8071, Активни 8Штип 8037, Активни 12Кичево 5634, Активни 8Кочани 5084, Активни 6Струга 4723, Активни 5Гевгелија 4414, Активни 7Неготино 3685, Активни 6Ресен 2737, Активни 12Свети Николе 2626, Активни 2Радовиш 2530, Активни 1Крива Паланка 2415, Активни 2Делчево 1983, Активни 4Дебар 1674, Активни 0Берово 1663, Активни 3Валандово 1488, Активни 0Виница 1393, Активни 2Пробиштип 1267, Активни 0Богданци 1021, Активни 1Кратово 966, Активни 1Крушево 926, Активни 0Демир Хисар 834, Активни 2Македонски Брод 736, Активни 0Демир Капија 593, Активни 0Македонска Каменица 523, Активни 0Пехчево 486, Активни 0Дојран 347, Активни 1

пред 3 години

(ВИДЕО) Синот на Катица Јанева за „А1он“ раскажа неоткриени информации за Русковска СЈО и „Рекет“

Лазар Јанев, синот на Катица Јанева и нејзин адвокат, во интервју за „А1он“ откри досега нечуени информации поврзани со ексспецијалната јавна обвинителка. „Постои злоба“, рече Јанев за Русковска, кога беше прашан „Дали постои анимозитет меѓу Русковска и Јанева?“.Бидејќи комуникациите меѓу семејството Јаневи беа следени, Лазар тврди дека Русковска знаела дека на Јанева и починала мајка ѝ, на не случајно, истиот ден ја уапсила.Лазар Јанев откри што се случувало и СЈО, кои се грешките на Катица Јанева и што се случувало во „1ТВ“ каде тој работеше како правник. 

Македонија | пред 3 години

Ковачевски со смешно објаснување одби да го осуди Џафери за пцуењето

Премиерот Димитар Ковачевски не кажа ниту збор за да го осуди односот на Талат Џафери во Собранието, каде се слуша како пцуе. Скандалот се случи на 71. седница на крајот, откако беше завршен преносот, а тонот остана уклучен.„Јас таа снимка ја погледнав, меѓутоа се работи за некој разговор за кој не се гледа ниту кој разговара, ниту со кого разговара и од таа причина не можам да коментирам дали претседателот на Собранието разговара со некого во сала, дали е тој вработен или не е. Навистина не можам да дадам конкретен одговор бидејќи на снимката не се гледа кој зборува и со кого зборува. Се слуша, но се гледа кој со кого зборува“, рече премиерот.

Македонија | пред 3 години

Апасиев за критериумите за избор на уставни судии: Затоа, тоталки анонимуси во правната фела ни стануваат „чувари на Уставот“

Професорот Димитар Апасиев кој е и собраниски пратеник пишува дека поради критериумите за избор на уставни судии, тоталки анонимуси во правната фела ни стануваат „чувари на Уставот“.„Флоскулата „истакнат правник“ е единствениот услов за уставен судија!? Затоа, тоталки анонимуси во правната фела ни стануваат „чувари на Уставот“. Е, токму затоа, пратениците на Левица, во понеделник, за прв пат, ќе предложат специјален ЗАКОН ЗА УСТАВНИ СУДИИ каде ќе се дефинираат високи критериуми и долга постапка за избор во ова звање, кое треба да е гордост, а не срам за правната професија“, пишува Апасиев.

Македонија | пред 3 години

149 санкции за брзо возење

Во текот на вчерашниот ден (12.05.2022) Министерството за внатрешни работи спроведе засилена акциска контрола на територијата на Република Северна Македонија за санкционирање на возила кои се движат со брзина поголема од дозволената, при што санкционирани се 149 возачи. Од нив 10 возила се движеле со брзина над 50 километри на час повеќе од дозволеното, а три возила се движеле со дури над 70 километри на час повеќе од дозволената брзина. Притоа, 45 возачи ја пречекориле брзината во населено место, а 104 надвор од населено место.Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Македонија | пред 3 години

(АУДИО) Пцовки и скандалозно однесување од Џафери, а барање за оставка од опозицијата

Скандалозен и примитивен е односот на Талат Џафери, пцостите и навредите за вработените се недозволиви, оставка веднаш, побара ВМРО-ДПМНЕ откако во јавноста излезе снимка на која се слуша гласот на собранискиот спикер како им се обраќа на вработени во собраниските служби.„Кога крими коалицијата СДСМ и ДУИ нема аргументи, деспотот од Форино станува нервозен. Фрапирани сме од примитивизмот на Талат Џафери, кој ја извршува должноста претседател на Собранието, кој мислејќи дека камерите се исклучени ги навредува и со најпогрдни пцости малтретира вработените во собранието. Односот на Џафери, кој може да се слушне во видеоматеријал објавен во медиумите, е скандалозен, примитивен и целосно недозволив. Односот на Џафери е и слика како се однесува оваа власт на СДСМ и ДУИ со вработените во институциите и народот воопшто. Тие вработени кои Џафери ги пцуе се нечии синови, ќерки, мајки, татковци, сопружници“,велат од ВМРО-ДПМНЕ.Според опозицијата, снимката е и доказ зошто мора да се одржат предвремени парламентарни избори, а актуелната власт да замине во опозиција.Во аудио-материјалот за кој се тврди дека е снимен во Собранието, се слуша како Џафери ги повикува дел од вработените во службите кај него, а потоа ги брка со зборовите „бегај, бегај“, „сус бре“, а се користат и пцости.

Македонија | пред 3 години

(ВИДЕО) Објавен настапот на Андреа со кој не се пласираше во финале, Констракта апсолутен фаворит

Македонската претставничка на Евросонг, Андреа Коева не се пласираше во финалето на Евросонг. Таа настапи 11 -та по ред на втората полуфинална вечер во Торино со песната Circles.Од втората полуфинална вечер во финале се пласираа Белгија, Чешка, Азербејџан, Полска, Финска,Естонија,Австралија, Шведска, Романија и Србија. Додека од првата во финале се пласираа Швајцарија, Ерменија, Исланд, Литванија, Португалија, Норвешка, Грција, Украина, Молдавија и Холандија. Од големата петорка, своите настапи ќе ги претстават Англија, Германија и Шпанија.Србија се пласираше во финалето на „Песна на Евровизија“, а претставничка Ана Ѓуриќ Констракта доби овации од публиката по настапот во Торино.Сепак, домаќините ја прочитаа Србија последна од листата од 10 земји кои отидоа понатаму по втората полуфинална вечер.Освен Србија, вечерва во финалето се најдоа и: Белгија, Чешка, Азербејџан, Полска, Финска, Естонија, Австралија, Шведска, Романија.Финалето на Евросонг ќе се одржи на 14 мај, а ќе пеат претставниците на 25 земји.

Магазин | пред 3 години

Камчев имаше доверба во мене и постигнавме спогодба, се пофали Русковска

Шефицата на Основното јавно обвинителство за гонење организиран криминал и корупција, Вилма Русковска, во гостување на српската телевизија „Хепи“, ја спомна и спогодбата склучена со бизнисменот Орце Камчев во случајот „Империја“.„Македонија е мала држава, се знаевме од порано и со едните и со другите. Бизнисменот Орце Камчев имаше доверба во мене, постигнавме спогодба. Во државниот буџетот уплати 5 милиони 200 илјади евра на име затајување данок и доби една година ефективен затвор. Човекот уплати и потпишавме спогодба. Но, не потпишавме спогодба пред да легнат парите“, раскажува Русковска.

Македонија | пред 3 години

Воена вежба „Брз одговор 22“ на Криволак

Директорот на Центарот за управување со кризи (ЦУК), Стојанче Ангелов, присуствуваше на воениот полигон Криволак на теренскиот брифинг за воената вежба „Брз одговор 22“ (Swift Response 22), што ќе почне викендов и која досега е најголемата вежба што се реализира во Македонија. На настанот присуствуваа државниот врв и високи преставници на амбасадите и конзуарните претставници во државата, а секако и високи воени и државни претставници од земјите учеснички на вежбата.На воениот полигон Криволак теренскиот брифинг за воената вежба „Брз одговор 22“ претставуваше транспарентна демонстрација на заеднички одбранбено-безбедносни чекори за стабилна иднина на нашата држава.Како што посочи и министерката за одбрана, Славјанка Петровска, вежбата има особено значење за нашата Армија во однос на споделување знаења, способности и вештини, зголемување на интероперабилноста и оспособеноста за заедничко дејствување со сојузничките вооружени сили во изведување на овој вид операции, како и демонстрирање на капацитетите на полигонот Криволак за изведување и ваков вид воени вежби, информираа од Министерството за одбрана.Инаку, комплексната голема воена вежба „Брз одговор 22“ (Swift Response 22) вклучува 4.600 војници, од осум држави – Северна Македонија, САД, Обединетото Кралство, Италија, Франција, Црна Гора, Албанија и Грција.

Македонија | пред 3 години