ТОП

300 нови случаи и еден починат од коронавирус

Министерството за здравство информира, согласно податоците од Институтот за јавно здравје дека во последните 24 часа:Направени се 2.493 тестови, а регистрирани се 300 нови случаи на КОВИД-19: Скопје – 180, Битола – 19, Охрид – 16, Прилеп и Кавадарци – по 13, Струмица – 9, Куманово, Велес, Гостивар, Гевгелија и Ресен – по 5, Кичево и Делчево – по 4, Тетово и Струга – по 3, Штип и Кочани – по 2, Неготино, Свети Николе, Дебар, Валандово, Богданци, Кратово и Крушево – по 1Од вкупниот број на позитивни (300), регистрирани се 59 реинфекции.Регистрирани сe 197 оздравени пациенти од: Скопје – 129, Битола – 16, Кавадарци – 10, Прилеп и Куманово – по 8, Гевгелија и Ресен – по 4, Гостивар – 3, Штип, Кочани, Дебар, Берово и Богданци – по 2, Велес, Охрид, Струмица, Кичево и Виница – по 1.Во текот на изминатите 24 часа, е регистрирано едно починато лице од Битола (71г), починато во болнички услови. Од вкупниот број на починати лица (1) , кај сите починати лица се регистрирани коморбидитети.Направени се 2.493 тестови преку: ИЈЗ-171, ЦЈЗ Скопје-91, ЦЈЗ Битола-78, ЦЈЗ Прилеп-33, ЦЈЗ Тетово-19, ЦЈЗ Куманово-32, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–253, Жан Митрев (Филип Втори)-40, Авицена-54, Биотек-72, Систина-36, лабораторија Лаор-82, Синлаб-14, Ремедика-23, Плодност-20, Генеа-10, Никоб Лаб-216, ВФВ Медикал-44, Ели Медика Плус-24, Ројал Медика–4, Спектра-ММ-4, Рапид Лаб–7, Жан Митрев Струмица–6, Нова Лаб Дијагностика–8, Рамус-18, ЈЗУ и ПЗУ (рапид тест) – вкупно 1.134Досега во земјата се направени вкупно 1.966.968 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 306.474, бројот на оздравени пациенти е 295.434, на починати е 9.227, а бројот на активни случаи изнесува 1.813Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 143791, Активни 964Куманово 16563, Активни 38Битола 14845, Активни 180Прилеп 14012, Активни 102Тетово 13422, Активни 36Кавадарци 10521, Активни 90Велес 9688, Активни 35Гостивар 9538, Активни 16Охрид 8751, Активни 85Струмица 8007, Активни 24Штип 7974, Активни 15Кичево 5570, Активни 45Кочани 5056, Активни 20Струга 4698, Активни 17Гевгелија 4373, Активни 17Неготино 3659, Активни 10Ресен 2683, Активни 17Свети Николе 2616, Активни 3Радовиш 2516, Активни 12Крива Паланка 2407, Активни 4Делчево 1953, Активни 35Дебар 1671, Активни 10Берово 1638, Активни 2Валандово 1477, Активни 4Виница 1379, Активни 6Пробиштип 1263, Активни 3Богданци 1019, Активни 4Кратово 962, Активни 4Крушево 923, Активни 10Демир Хисар 826, Активни 1Македонски Брод 736, Активни 1Демир Капија 586, Активни 1Македонска Каменица 523, Активни 1Пехчево 485, Активни 0Дојран 343, Активни 1

пред 3 години

Наумоски по изгубените избори доби нова функција од Владата, ќе ги замени Ване Цветанов и Дунавка

Ексградоначалникот на Ѓорче Петров, Александар Наумоски си доби нова функција од Влада. Тој ќе раководи со телото каде претседател претходно беше Ване Цветанов, а прв помошник Дунавка Трифуновска. Станува збор за Советот за унапредување и надзор на ревизијата. За тоа дека повеќе не седи дома, пет месеци по изборите, тој самиот објави на социјалните мрежи. Тој напишал дека е претседател на Советот за унапредување и надзор на ревизијата, иако, неговата функција е само вршител на должноста претседател, се додека не се избере нов. Но, со оглед дека во Македонија е пракса да се бираат вршителите на должност и за претседатели, веројатно и во овој случај ќе биде исто.Под објавата од Наумоски има само два коментари, најверојатно, од лажен профил со оглед дека истиот нема фотографија, а е со само четири пријатели на социјалната мрежа. Во првиот коментар се прашува: „Колку пари украде од општината, се збогати преку ноќ“, а вториот е гиф фотографија.Интересно е што во текот на изборната кампања, Наумоски го користеше името Македонија на трибините, а сега, во опис го ставил новото уставно име „... на Северна Македонија“.Наумоски е познат по тоа што молзеше крава среде кампања. Додека беше градоначалник купи БМВ и си ја зголеми платата, а пред да му заврши мандатот почна со асфалтирање на улици низ општината. Исто така, тој во текот на мандатот ја изгради, но не и заврши, градинката во Волково. Започна со реновирање и на училишта. Ветуваше базен и катна гаража, но не ги направи. Во трката за втор мандат, не доби доверба од неговите сожители.Ако се погледне кариерата на Наумоски, од 2002 година до 2008 година постојано земал плата од државниот буџет. Откако четири години бил приправник во адвокатска канцеларија, почнал да работи во Воено воздухопловство при АРМ, па Централен регистар, во Министерството за правда, бил член на Комитетот за подобрување на постапките за заштита на човековите права при Советот на Европа. Од 2011 година до 2017 работел во осигурителна компанија, па во синдикална организација која сега веќе не постои. Потоа продолжил во приватна фирма чиј сопственик порано бил самиот тој, па работел како менаџер. По доаѓањето на СДСМ на власт, стана директор на затворот „Скопје“ во Шутка, а на локалните избори во 2017 година беше избран за градоначалник.

Скопје | пред 3 години

(ВИДЕО) Скопјанец криел марихуана под хауба

На 01.04.2022 околу 23.45 часот на ул.„Словенечка“ во Скопје, по претходно добиени сознанија и преземени мерки, полициски службеници од Оддел за криминалистичка полиција- Сектор за недозволена трговија со дрога, оружје и опасни материи го лишиле од слобода Р.П.(37) од Скопје. При преглед во неговото возило „фиат браво“ со скопски регистарски ознаки, под хаубата било пронајдено и одземено едно пакување со околу 350 грама марихуна.Против Р.П. по целосно документирање на случајот ќе биде поднесена пријава по член 215 од Кривичниот законик.

Скопје | пред 3 години

201 санкционирани возачи во Скопје, 56 за брзо возење

Министерството за внатрешни работи во текот на вчерашниот ден (01.04.2022) продолжи со засилените акциски контроли во областа на сообраќајот.На територија на град Скопје изречени се вкупно 201 мерка, меѓу кои за возење повеќе од дозволената брзина 56 санкции, девет мерки за возење без возачка дозвола, 34 санкции за недавање првенство на минување на пешаци.Изречени се девет мерки за користење мобилен телефон, три санкции за возење под дејство на алкохол, четири мерки за возач почетник, три за нерегистрирани возила, 50 за непрописно паркирање...Засилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

Скопје | пред 3 години

Апасиев: Симовски е фатен како врши „корекции“ на пописните резултати, како се напенали

Лидерот на Левица и пратеник, Димитар Апасиев вели дека директорот на Државниот завод за статистика, Апостол Симовски е фатен како врши корекции на пописните резултати.„Директорот на ДЗС е фатен на дело како врши "корекции", фризирања и доштимувања на пописните резултати, откако никој нормален не ги призна... А за тоа, се иде у затвор минимум 5 годинки. p.s. Како се напенали, Апостолееее!“, напиша Апасиев.Пратеникот од политичката партија Левица, Борис Крмов на социјалните мрежи истотака објави дека власта ги корегира резултатите од пописот и си измислува бројки.

Коментари | пред 3 години

Пописот го критикуваат тие што правеа најголеми опструкции, вели Ковачевски

Претседателот на Владата на Република Северна Македонија Димитар Ковачевски, во интервју за емисијата „360“ за ТВ Алсат-М, истакна дека пописот е статистичка операција, а не етничка, ниту политичка операција, и државата го спроведе со цел да ги имплементира своите економски и развојни политики врз основа на бројки.„Јас имам работено 22 години во реалниот сектор и секогаш кога се прави деловен план за почетокот на следната година се земаат податоци за резидентното население во државата. Податоците од официјалниот последен попис за население даваа погрешни инпути во старт во деловното планирање и во други планирања во општествени сфери, и тоа едноставно повеќе не беше одржливо“, нагласи премиерот Ковачевски.Ковачевски додаде дека што се однесува до етничката застапеност намалувањето на бројот на населението и тоа намалување е исто распределено кај сите етнички заедници, и дека тоа е заедничко за сите земји од Балканот.„Затоа овој попис е од значење за да креираме економски политики кои што ќе се свртат кон човечкиот капитал, кон инвестициите и кон отворање на поголеми можности, особено за младите да останат во земјата“, рече Ковачевски во емисијата „360“.Пописот е спроведен врз основа на методологија која што е одобрена од страна на „Евростат“ и со присуство на експерти од ЕУ со користење на најсовремена техника и плус се работи за комбиниран модел на попис при што се користени 9 бази на податоци од најразлични институции од државата со цел да се добијат вкрстени податоци.Сега кога се објавија податоците, посочи премиерот Ковачевски, пописот го критикуваат тие што правеа најголеми опструкции, и додаде дека освен што пописот се спроведе во услови на ковид, тој се соочи со активен и скриен бојкот од опозицијата, односно од Левица и ВМРО – ДПМНЕ.

Македонија | пред 3 години

Нема паднато летало во близина на Аеродромот во Скопје

Нема паднато летало во близина на Аеродромот во Скопје. МВР постапувало по пријава, но не било пронајдено ништо. Полицијата постапувала како и по секоја пријава, која овојпат, дошла од граѓани.

Скопје | пред 3 години

Пожарот во Пржино е локализиран, нема жртви, а можеби е подметнат

Изјава на градоначалникот Орце Ѓорѓиевски кој веднаш по добиената информација за опожарен објект во населбата Пржино, излезе на терен заедно со општинските служби, со цел да помогне во справување со пожарот.-Во попладневните часови изби голем пожар во населба Пржино. По добиената информација дека гори објект, веднаш со службите излеговме на терен да им помогнеме на пожарникарите и од она што тука го дознавме е дека се работи за објект на старо училиште кое во моментов е во приватна сопственост.Сакам да се заблагодарам на екипите на Противпожарната бригада и МВР кои и покрај отежнатите временски услови беа на висината на задачата и пожарот е локализиран и што е најважно нема човечки жртви, ниту повредени. Нема зафатени ниту други домаќинства наоколу.Исто така сакам да изразам благодарност и на соседите кои излегоа во пресрет и ги ставија на располагање хидрантите од своите објекти. Ние како Општина, исто така на располагање го ставивме и хидрантот од градинката што е во непосредна близниа.Апелирам до МВР сериозно и до крај да го истражи овој случај бидејќи како што добив информација овде, не станува збор за постоечка инсталација која била под напон, туку претпоставувам дека се работи за човечки фактор кој влијаел да дојде до сето ова, а доколку сето тоа се потврди – да одговара пред лицето на правдата-изјави градоначалникот на Општина Кисела Вода, Орце Ѓорѓиевски

Скопје | пред 3 години

Нови цени на горивата

Регулаторната комисија за енергетика и водни услуги на Република Северна Македонија донесе Одлука со која се врши намалување на малопродажните цени на нафтените деривати во просек за 0,96 % во однос на одлуката од 31.03.2022 година.Малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1), се намалуваат за 2,00 ден/лит и со тоа малопродажната цена на ЕУРОДИЗЕЛ (Д-Е V), изнесува 83,50 ден/лит, додека малопродажната цена на Екстра лесното масло за домаќинство (ЕЛ-1) изнесува 79,50 ден/лит.Малопродажните цени на бензините ЕУРОСУПЕР БС-95 и ЕУРОСУПЕР БС-98, и на Мазутот М-1 НС, не се менуваат и со тоа малопродажната цена на ЕУРОСУПЕР БС-95 изнесува 83,50 ден/лит, малопродажната цена на ЕУРОСУПЕР БС-98 изнесува 85,50 ден/лит, додека малопродажната цена Мазутот М-1 НС изнесува 56,130 ден/кг.Од 2.4.2022 година од 00:01 часот максималните цени на нафтените деривати ќе изнесуваат:- Моторен бензин - ЕУРОСУПЕР БС - 95 - 83,50 (денари/литар)- Моторен бензин - ЕУРОСУПЕР БС – 98 - 85,50 (денари/литар)- Дизел гориво - ЕУРОДИЗЕЛ БС (Д-Е V) - 83,50 (денари/литар)- Масло за горење - Екстра лесно 1 (ЕЛ-1) - 79,50 (денари/литар)- Мазут М-1 НС - 56,130 (денари/килограм)Референтните цени на нафтените деривати на светскиот пазар во споредба со претходната пресметка бележат намалување кај бензините во просек за 0,957% или за 10,250 $/тон, кај дизелот намалување во просек за 2,962% или за 34,750 $/тон, кај екстра лесното масло намалување во просек за 2,851 % или за 31,150 $/тон, и кај мазутот намалување во просек за околу 1,510% или за 10,750 $/тон, поради што во структурата на цените на нафтените деривати е извршено соодветно прилагодување.Курсот на денарот во однос на доларот во изминатиот период, во просек изнесува 55,9286 ден/$ и е за околу 0,254 % понизок од курсот на доларот (56,0709 ден/$) по кој беа формирани цените со претходната пресметка..Напоменуваме дека ова се максималните цени на нафтените деривати од 00:01 часот на 2.4.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 3 години

(ВИДЕО) Голем пожар во Пржино, жителите во паника, им помагаат и на пожарникарите

Барака гори над Кисела Вода во Пржино, дознава „Скопје1“. Густи облаци чад се шират и се гледаат и од центарот на Скопје, но и од другите населби. Ветерот го шири со голема брзина. Првичните информации се дека станува збор за барака која била поранешно училиште. Неофицијално, истата е напуштена.Противпожарната бригада-Скопје интервенира со три противпожарни возила и десетина пожарникари. Засега, нема информација дека постои опасност да се прошири пожарот и на околните објекти кои се во непосредна близина, а пожарникарите се обидуваат да го стават под контрола.Страв има и помеѓу населението кое и пред Противпожарната бригада се обиде да започне со гаснење на пожарот. Десетици луѓе кои имаат свои имоти во непосредна близина, им помагаат на пожарникарите.Повеќе детали се очекуваат од Противпожарната бригада и полицијата. Причините за пожарот, не се познати.

Скопје | пред 3 години

201 нов случај, пет починати од коронавирус

Министерството за здравство информира, согласно податоците од Институтот за јавно здравје дека во последните 24 часа:Направени се 1.986 тестови, а регистриран е 201 нов случај на КОВИД-19: Скопје – 111, Битола – 27, Кавадарци – 19, Прилеп – 7, Куманово , Кичево и Кочани – по 5, Тетово, Охрид и Гевгелија – по 3, Струмица, Ресен, Крива Паланка и Делчево – по 2, Велес, Гостивар, Радовиш , Дебар и Кратово – по 1.Од вкупниот број на позитивни (201), регистрирани се 37 реинфекции.Регистрирани сe 249 оздравени пациенти од: Скопје – 151, Битола и Кавадарци – по 14, Тетово – 11, Прилеп – 9, Куманово – 7, Кочани и Охрид – по 5, Кичево , Велес, Гостивар и Неготино – по 4, Штип – 3, Гвегелија, Струмица, Делчево и Пробиштип – по 2, Радовиш, Дебар, Струга ,Свети Николе, Валандово и Богданци – по 1.Во текот на изминатите 24 часа, се регистрирани две починати лице од: по едно починатo лице од Куманово (75г) и Тетово (83г), двете лица се починати во болнички услови.Согласно Регистарот на умрени лица со дијагноза КОВИД-19 од Мој Термин, дополнително се пријавени три починати лица од: Охрид(1), Гостивар (1) и Виница(1), на возраст од 43 години до 76 години.Пријавените лица се починати во период од 21.03.2022 до 26.03.2022 гоидна.Од пријавените лица сите се починати во болнички услови.Од вкупниот број на починати лица (5) , кај сите починати лица се регистрирани коморбидитети.Направени се 1.986 тестови преку: ИЈЗ-197, ЦЈЗ Скопје-80, ЦЈЗ Битола-79, ЦЈЗ Прилеп-18, ЦЈЗ Тетово-15, ЦЈЗ Куманово-57, Клиника за инфективни болести и фебрилни состојби-0, Судска медицина-0, лабораторија болница Козле-19, УК Пулмологија со алергологија –6, ГОБ 8-ми Септември-0, Институт за микробиологија–3, Жан Митрев (Филип Втори)-45, Авицена-74, Биотек-63, Систина-55, лабораторија Лаор-47, Синлаб-10, Ремедика-12, Плодност-13, Генеа-12, Никоб Лаб-182, ВФВ Медикал-28, Ели Медика Плус-18, Ројал Медика–5, Спектра-ММ-0, Рапид Лаб–6, Жан Митрев Струмица–7, Нова Лаб Дијагностика–7, Рамус-7, ЈЗУ и ПЗУ (рапид тест) – вкупно 921.Досега во земјата се направени вкупно 1.964.475 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 306.178, бројот на оздравени пациенти е 295.237, на починати е 9.226, а бројот на активни случаи изнесува 1.715Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 143617, Активни 919Куманово 16558, Активни 41Битола 14826, Активни 178Прилеп 13999, Активни 97Тетово 13419, Активни 33Кавадарци 10508, Активни 87Велес 9683, Активни 31Гостивар 9531, Активни 12Охрид 8735, Активни 70Струмица 7998, Активни 16Штип 7972, Активни 15Кичево 5566, Активни 42Кочани 5054, Активни 20Струга 4695, Активни 14Гевгелија 4368, Активни 16Неготино 3658, Активни 9Ресен 2678, Активни 16Свети Николе 2615, Активни 2Радовиш 2516, Активни 12Крива Паланка 2407, Активни 4Делчево 1949, Активни 31Дебар 1671, Активни 12Берово 1637, Активни 3Валандово 1476, Активни 3Виница 1379, Активни 7Пробиштип 1263, Активни 3Богданци 1018, Активни 5Кратово 961, Активни 3Крушево 922, Активни 9Демир Хисар 826, Активни 1Македонски Брод 736, Активни 1Демир Капија 586, Активни 1Македонска Каменица 523, Активни 1Пехчево 485, Активни 0Дојран 343, Активни 1

пред 3 години

Македонија се договори со Буагарија за Цар Самоил

Заедничко чествување на Цар Самоил договориле членовите на македонско-бугарската комисија. Ова утрово го потврдија членови од бугарската страна за ТВ21.„Работата сè уште не е завршена, но добро тече. Кога ќе стигнеме до крајот тогаш ќе ви кажеме“, рече за ТВ21 членови на бугарската страна од историската комисија.ТВ21 прашале: „Цар Самоил?“ а добиле одговор: „Тоа е завршена работа“. На потпрашањето: ТВ21: „Што значи завршена работа?“ добиле одговор: „Направивме заедничко…“. На ново прашање од ТВ21: „Заедничко чествување?“, добиле одговор: „Да, да“Членовите од македонската страна ги избегнаа медиумите, па во Министерството за надворешни работи најверојатно влегоа од задната страна.

Македонија | пред 3 години

Бектеши се изјасни за плаќањето гасот на Русија, по барањето тоа да е во рубљи

Министерот за економија Крешник Бектеши утрово разговарал со гувернерката на Народната банка за плаќањата на рускиот гас кои од денес Русија бара да бидат во рубљи. Кај нас, министерот Бектеши вели дека не може да се направат такви трансакции.„Имав прилика утрово да разговарам со гувернерката. Немаме уште насока од Европската централна банка имајќи предвид дека во курсната листа на Северна Македонија и Народната банка не е рубљата како валута, што значи не може да се направат такви трансакции“, рече министерот Бектеши н денешниот отчет за преземените мерки за ублажување на енергетската криза.

Македонија | пред 3 години

Нема фотографија

Мицкоски доби тужба против СДСМ на суд

Лидерот на ВМРО-ДПМНЕ, Христијан Мицкоски, доби две тужби за клевета и навреда, едната поднесена против СДСМ, а другата против Љупчо Ристовски од Интегра.Основниот граѓански суд Скопје пресудил во корист на Мицкоски во случајот со СДСМ поради објава која социјалдемократите ја имале на официјалната станица на партијата на Фејсбук, во кои од една го нарекуваат „пион на Мицкоски“.Според судот, објава во која СДСМ напишале дека „Антизападниот пион Христијан Мицкоски е продолжена рака на криминалецот Никола Груевски“ согласно членот 6 од Законот за граѓанска одговорност за клевета и навреда, претставува навреда. Мицкоски во случајот барал симболични едно евро надомест.Исто така, како клевета за судот се и објави во кои пишувало дека „Мицкоски е пион кој се збогатил благодарение на неговиот шеф и ментор“, како и дека „Во 2015 година, Груевски му доделил на Мицкоски неговата фирма ’Енерготек ДОО‘ 33 000 квадрати метри државно земјиште за изградба на хидроцентрали“. Во истата пишувало и дека „Фирмата е 99% сопственост на Мицкоски, а не 7%, како што ја лаже јавноста“.Уште една клевета, според Граѓанскиот суд, било пишувањето дека „Мицкоски му е вечен должник на Груевски. Тој мора да го штити и прави онака како што сака Груевски. Политиките на Мицкоски се политики на Никола Груевски“.Со пресудата, судот му налага на СДСМ истата да ја објави во весник во рок од 15 дена од приемот, како и да му ги плати судските трошоци на Мицкоски во износ од 12 098 денари (200 евра) во рок од 15 дена од правосилност на пресудата.Тужбата против Љупчо Ристовски од Интегра, пак, лидерот на ВМРО-ДПМНЕ ја добил поради изјави дека Мицкоски го продал името и бил уценет.Двете изјави кои Основниот граѓански суд ги смета за клевета гласат:„Во клучни историски моменти, ВМРО-ДПМНЕ и лидерството на ВМРО-ДПМНЕ беше против македонските национални интереси. Народот беше против референдум, а Мицкоски остави слобода да се изјаснат Заев побара референдум, го доби од Мицкоски“;„Јас му реков на Мицкоски, излези јасно и гласно. Упати порака до членството, немојте да излегувате на референдум. Не ме послуша. Јас лично разговарав со него. Ќе ви кажам уште нешто. Недела пред уставните амандмани, бев кај него во канцеларијата и му реков заедно да излеземе. И Иванов на Црквата на чело. Триста илјади народ да кренеме на нога, дајте да го спречиме ова велепредавство. Знаете што добив одговор? Пред Бога Ви кажувам, јас сум уценет човек, не чекајте и не се надевајте на мене. Мицковски. Лично“.И во овој случај, судот го задолжува тужениот да ја објави пресудата во весник, како и да му ги плати трошоците во износ од 33 927 денари во рок од 15 дена од приемот на пресудата.

Македонија | пред 3 години

Приведен џепчија во Скопје, фатен непосредно по извршена кражба

На 31.03.2022 во 13.20 часот на ул.„Стале Попов“ во Скопје, полициски службеници од Единицата за интервентна полиција при СВР Скопје го лишиле од слобода С.С.(54) од Скопје. Тој се сомничи дека околу 13.00 часот на автобуска постојка на бул.„Кузман Јосифовски Питу“ искористил гужва при влегување во автобус и од чанта на оштетената одзел паричник со пари и лични документи.Тој бил приведен во Полициската станица Центар и во службен разговор го признал делото. Кај него биле пронајдени одземените предмети кои биле вратени на сопственичката. За случајот бил запознаен Јавен обвинител и по целосно документирање на случајот против него ќе биде поднесена пријава по член 235 од Кривичниот законик.

Скопје | пред 3 години