ТОП

191 санкционирани возачи во Скопје, 62 за брзо возење

Министерството за внатрешни работи во текот на вчерашниот ден (23.03.2022) продолжи со засилените акциски контроли во областа на сообраќајот.„На територија на град Скопје изречени се вкупно 191 меркa, меѓу кои за возење повеќе од дозволената брзина 62 санкции, 13 санкции за возење без возачка дозвола, три санкции за некористење на сигурносен појас.Изречени се шест мерки за користење мобилен телефон, две мерки за минување на затворен сигнал - црвено светло, осум санкции за нерегистрирани возила, шест мерки за вградени неатестирани фолии - затемнети стакла...Засилените акциски контроли продолжуваат. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, велат од МВР

Скопје | пред 3 години

ФОТО: Кипер доби пломби кои ќе останат додека инспекторите прават контроли

Пломби се ставени на маркети од брендот „Кипер“, по влегување на инспектори од Управата за јавни приходи кои започнале контроли. Ова е втора акција за која знае јавноста после онаа во „КАМ“, а уште десетици стечат истовремено. Пломбата не е затворање на „Кипер“, забрана за вработените да влезат утре, без тие да дојдат и да продолжат онаму каде застанале со контролите. Исто вака, беше постапено и со „КАМ“. Иако не беше најавено каде конкретно, од УЈП попладнево кажаа дека низа редовни инспекциски надзори се во тек, а ќе има и други во текот на идните денови.Не се знае само дали инспекторите влегоа во сите маркети под брендот „Кипер“ поради пријави од граѓани/институции или само поради планирани контроли. Ова се очекува да се обзнани веќе утре.Попладнево, од УЈП кажаа дека главната цел на контролите е да се заштити интересот на државата, да се спроведува законот, но пред се, да се заштитат граѓаните од плаќање на данок за производи кои не подлежат на ваква давачка со одлука на Владата. Законска обврска на УЈП е да го штити интересот на граѓаните и на државата, велат од таму.„Во таа насока а по пријава на граѓани и институции, УЈП започна со надворешна контрола, согласно законот за увид во состојбата со залихите на трговската стока во магацините и продавниците со цел да се утврди фактичката состојба и да се изврши споредба со книговодствената евиденција. Со првичниот и прелиминарен увид на терен, инспекторите утврдија дека дел од малопродажните објекти не само во погорепосочениот маркет, туку и кај некои други маркети на големите ланци, се пресметувалo 5% ДДВ за основните производи за храна. Дел од маркетите продавале масло за јадење, свежо говедско месо, ориз и млеко со пресметан данок на додадена вредност, што, пак, е спротивно на одлуката на Владата и на измените во Законот за данок на додадена вредност“, соопштија од УЈП.Појаснуваат дека без селекција и преку надворешните контроли кои ги извршуваат инспекторите на УЈП, кај сите даночни обврзници се проверува целокупното работење за одредениот период, односно се контролира правилното искажување на приходите и трошоците од работењето кај даночните обврзници кои покажале отстапки по однос на примената на даночната стапка, односно со намалување на ДДВ од 5 на 0%.„Инспекторите постапуваат по пријави на граѓани и извршуваат увид и контрола, секаде каде што веќе имаше укажување и сомневање дека постојат индиции за непочитување на законите при работењето. Управата за јавни приходи ќе продолжи со континуирани контроли на терен со цел заштита на стандардот на граѓаните. Целта на контролите не е да се казнува, туку да се укаже на сите даночни обврзници дека законот мора да се почитува“, се додава во информацијата од УЈП.Потенцираат дека УЈП и инспекторите не познаваат ниту политичка, ниту верска, ниту, пак, национална различност. Контролите, како што велат се вршат исклучиво и само во насока на почитување на Законите и за заштита на стандардот на граѓаните.„Управата за јавни приходи, преку инструментите и надлежностите кои ги има ќе продолжи да ги пресретнува можните злоупотреби од страна на даночните обврзници и да спречи евентуално нанесување штета врз граѓаните или буџетот на Република Северна Македонија“, се посочува во соопштението од УЈП.

Македонија | пред 3 години

(ВИДЕО) Пратеникот Јаулески објави како повторно гори трска: Буквално на никому не му е гајле, ниту се реагира да се спречи ова

Веќе неколку пати безмилосно се пали трската во Струга, никој не презема одговорност ниту се прави нешто за да се фатат сторителите. Ниту локалната власт предводена од Мерко, ниту МВР, обвинителството, буквално никој, вели пратеникот Јован Јаулески, кој вечерва на социјалните мрежи сподели видео од трската која гори.„Трската е исклучително важна за биодиверзитетот на езерото, таа е дом за гнездење на различни видови на птици, а нејзиното уништување значи и уништување на живеалиштата на животинскиот свет, на нивниот простор за безбедно размножување, особено на рибите.Уништувајќи ја трската се уништува живот.Овој проблем не е од сега, палењето на трската е нотирана и во извештајот на УНЕСКО.Проблем е што никој не реагира, ниту прави нешто за да го спречи ова.Прашањето е, која причината за сето ова?Можеби нови дивоградби, кафичи, спортски сали, згради или слично?За апетитите на властите ќе го ризикуваме нашето езеро и животот во него?Апелирам веднаш да реагира Министерството за животна средина, МВР, обвинителството и локалната власт, доколку таа не го аминува сето ова.Ова веднаш мора да запре“, додаде тој.

Македонија | пред 3 години

Се зголемуваат цените на горивата

Регулаторната комисија за енергетика и водни услуги на Република Северна Македонија донесе Одлука со која се врши зголемување на малопродажните цени на нафтените деривати во просек за 2,17% во однос на одлуката од 22.03.2022 година.Малопродажните цени на бензините ЕУРОСУПЕР БС-95 и ЕУРОСУПЕР БС-98 не се менуваат, додека малопродажната цена на ЕУРОДИЗЕЛ (Д-Е V) се зголемува за 4,00 ден/лит, а малопродажната цена на Екстра лесното масло за домаќинство (ЕЛ-1) се зголемува за 2,50 ден/лит.Малопродажната цена на Мазутот М-1 НС се зголемува за 1,238 ден/кг и сега ќе изнесува 53,592 ден/кг.Од 24.3.2022 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 79,00 (денари/литар)Моторен бензин ЕУРОСУПЕР БС - 98 81,00 (денари/литар)Дизел гориво ЕУРОДИЗЕЛ БС (Д-Е V) 81,00 (денари/литар)Масло за горење Екстра лесно 1 (ЕЛ-1) 78,00 (денари/литар)Мазут М-1 НС 53,592 (денари/килограм)Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 2,031%, кај дизелот за 4,672%, кај екстра лесното масло за 4,823% и кај мазутот за 1,989%.Курсот на денарот во однос на доларот во изминатиот период по кој беа формирани цените со претходната пресметка е понизок за 0,142%.Напоменуваме дека ова се максималните цени на нафтените деривати од 00:01 часот на 24.3.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.23.3.2022

Македонија | пред 3 години

Денес се регистрирани 319 нови лабораториски позитивни случаи

Министерството за здравство информира, согласно податоците од Институтот за јавно здравје дека во последните 24 часа:Направени се 2.720 тестови, а регистрирани се 319 нови случаи на КОВИД-19: Скопје – 184, Битола – 25, Кавадарци – 23, Куманово – 14, Прилеп – 11, Велес и Кичево – по 9, Гевгелија – 7, Охрид – 6, Неготино и Делчево – по 5, Кочани – 4, Штип, Дебар, Пробоштип, Кратово и Демир Хисар – по 2, Тетово, Струга, Свети Николе, Радовиш, Берово, Валандово и Виница – по 1.Од вкупниот број на позитивни (319) ,регистрирани се 59 реинфекции.Регистрирани сe 258 оздравени пациенти од: Скопје – 148, Битола – 20, Охрид – 15, Прилеп – 13, Кавадарци – 9, Куманово – 8, Велес, Гевгелија и Струга – по 5, Кичево, Кочани, Тетово, Виница и Гостивар – по 3, Неготино, Радовиш, Струмица и Македонски Брод – по 2, Штип, Дебар, Пробиштип, Ресен, Крива Паланка, Демир Капија и Дојран – по 1.Во текот на изминатите 24 часа, регистрирано е 1 починато лице од: Скопје ( 66г ), починато во болнички услови.Кај починатото лице (1), е регистриран коморбидитет.Направени се 2.720 тестови преку: ИЈЗ-287, ЦЈЗ Скопје-96, ЦЈЗ Битола-62, ЦЈЗ Прилеп-24, ЦЈЗ Тетово-1, ЦЈЗ Куманово-71, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –4, ГОБ 8-ми Септември-0, Институт за микробиологија–190, Жан Митрев (Филип Втори)-63, Авицена-70, Биотек-212, Систина-45, лабораторија Лаор-95, Синлаб-12, Ремедика-14, Плодност-19, Генеа-5, Никоб Лаб-164, ВФВ Медикал-60, Ели Медика Плус-32, Ројал Медика–10, Спектра-ММ-16, Рапид Лаб–6, Жан Митрев Струмица–3, Нова Лаб Дијагностика–5, Рамус-12, ЈЗУ и ПЗУ (рапид тест) – вкупно 1.142.Досега во земјата се направени вкупно 1.944.313 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 304.047, бројот на оздравени пациенти е 292.886, на починати е 9.188, а бројот на активни случаи изнесува 1.973.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 142377, Активни 1118Куманово 16489, Активни 73Битола 14619, Активни 141Прилеп 13907, Активни 130Тетово 13404, Активни 41Кавадарци 10391, Активни 90Велес 9637, Активни 28Гостивар 9514, Активни 16Охрид 8667, Активни 76Струмица 7974, Активни 21Штип 7957, Активни 20Кичево 5529, Активни 38Кочани 5026, Активни 20Струга 4680, Активни 9Гевгелија 4342, Активни 27Неготино 3645, Активни 11Ресен 2663, Активни 16Свети Николе 2613, Активни 4Радовиш 2508, Активни 11Крива Паланка 2403, Активни 6Делчево 1911, Активни 11Дебар 1664, Активни 8Берово 1636, Активни 3Валандово 1472, Активни 6Виница 1374, Активни 10Пробиштип 1261, Активни 3Богданци 1017, Активни 9Кратово 958, Активни 9Крушево 916, Активни 6Демир Хисар 825, Активни 5Македонски Брод 735, Активни 1Демир Капија 586, Активни 3Македонска Каменица 521, Активни 2Пехчево 484, Активни 1Дојран 342, Активни 0

пред 3 години

Возрасните лица од петок имаат право на бесплатен превоз, има и правила колку можат да го користат

Од петок (25.03.2022 год) започнува да важи одлуката за бесплатен јавен превоз за возрасни лица. Бесплатниот превоз се однесува на категоријата лица - жени над 62 години и мажи над 64 години и ќе важи во вторник, петок, сабота и недела.Со ова олеснување на трошоците на граѓаните ќе бидат опфатени околу 80.000 корисници на јавниот превоз во Скопје кои ќе имаат право да го користат превозот бесплатно, четири дена во неделата.„Воведувањето на бесплатниот превоз за возрасни лица е во согласност со одлуката на Советот на Град Скопје за дотации или давање на субвенции на Јавното сообраќајно претпријатие и средствата за оваа намена се обезбедени од Буџетот на Град Скопје. Морам да напоменам дека освен што се ослободуваат возрасните лица во посочените денови од трошоци за автобуски превоз, бесплатен превоз веќе имаат и учениците средношколци во средните училишта чијшто основач е Град Скопје, редовните студенти на додипломски студии на државните универзитети во Скопје, како и лицата со попреченост“, истакна на денешната прес конференција, в.д.директорот на ЈСП, Иван Илиевски. Возрасните лица кои сакаат да користат бесплатен превоз во вторник, петок, сабота и недела, треба да поседуваат персонализирана електронска картичка „Скопска“ и при користење на јавен превоз да се валидираат, а истата картичка се приложува и во случај на линиска контрола.Персонализирањето на картичките се врши во некои од седумте центри за персонализација на ЈСП Скопје.Илиевски повтори дека наследената тешка финансиската состојба на претпријатието, односно загубата од 3 млн евра, како и кредитот за набавените МАН возила, кој почна да се отплаќа од пред два месеца, нема да бидат причина за евентуални проблеми при реализација на ветените проекти на Град Скопје кои се однесуваат на јавниот превоз и неговите корисници.„Се соочуваме со големи предизвици, скок на цената на нафтените деривати, на природниот гас. Споредбено со декември минатата година, трошоците за гориво и гас се зголемени во просек за 33%. Ова е и ќе биде тешка година за сите, а ние како претпријатие бараме начин да ги сведеме на нула непродуктивните трошоци. Тешко е, но не се откажуваме. Откажувањето не е опција во нашиот случај. Затоа и на инцијатива на градоначалничката оваа година има дотации за бесплатен превоз за возрасни граѓани“, потенцираше Илиевски, кој додаде дека во последниот период согласно стратегијата и барањата на граѓаните беа пуштени во употреба дополнителни автобуски линии, а беа вратени во функција и претходно укинатите ноќни линии.„ЈСП со Градот Скопје во следниот период ќе работи на дополнителна консолидација и дополнителни анализи кои се однесуваат на јавниот превоз и ќе изнаоѓа решенија за проблемите се со цел да им излеземе во пресрет на барањата на граѓаните“, додаде в.д. директорот на претпријатието. 

Скопје | пред 3 години

Нема фотографија

Нова мутација наречена „прикриен омикрон“: Бројот на заразени лица со корона во Западна Европа силно расте

Бројот на случаи на ковид повторно расте во Западна Европа поради идеалната комбинација за совршено невреме - укинување на мерките за ограничување, слабеење на имунитетот кај населението и нови, позаразни омикронски подваријанти BA.2, велат експертите.По падот, повеќе од еден месец, бројот на случаи низ поголемиот дел од Европа драстично се намали во Велика Британија, Франција, Германија, Италија и други земји во последните денови.Во Германија 300.000 нови во еден денВо Франција, бројот на случаи се зголеми за повеќе од една третина откако владата ги укина повеќето ограничувања минатиот понеделник.Германската влада одлучи во текот на викендот да ги укине ограничувањата и покрај новиот рекорден број на инфекции регистрирани во петокот, дури 300,000. Иако голем број германски сојузни покраини имаат слобода сами да воведат ограничувања, повеќето ги задржаа постојните.Италијанската влада во четвртокот објави дека ќе ги укине речиси сите ограничувања до 1 мај, и покрај зголемениот број случаи.Во Обединетото Кралство, едно од дваесет лица во моментов се заразени, но владата во петокот го укина и последното ограничување за меѓународно патување.Иако мерката за задолжителна употреба на маската FFP2 беше укината во Австрија пред само неколку недели, ова правило повторно се воведува поради се поголемиот број случаи.Прикриен омикронИако некои епидемиолози веруваат дека владите пребрзо ги олабавија мерките, тие исто така посочуваат дека наглото зголемување на бројот на случаи се должи на омикронскиот подвид BA.2, кој стана доминантен во многу земји. Се проценува дека BA.2 е околу 30 проценти позаразна од претходната подваријанта BA.1, а бидејќи е потешко да се открие се нарекува и „скриен омикрон“.Лоренс Јанг, виролог од британскиот универзитет Ворвик, рече дека зголемувањето на случаите е резултат на комбинација од три фактори: отстранување на ограничувањата, слабеење на заштитата од вакцинација и варијантата БА.2. „Отстранувањето на ограничувањата го поттикна ширењето на BA.2 и тоа може да доведе до создавање на нови варијанти“, рече тој за АФП.Антоан Флахо, директор на Институтот за глобално здравје на Универзитетот во Женева, рече дека постојат неколку претпоставки кои меѓусебно не се исклучуваат. Варијантата БА.2 „веројатно е еден од виновниците за повторното зголемување на бројот на случаи“, со слабеење на имунитетот и релаксирачки мерки, рече тој.Тој, исто така, укажа на загаденоста на воздухот во Западна Европа за време на заживувањето на бројот на инфекции, осврнувајќи се на минатогодишната студија која покажа „силна корелација“ помеѓу појавата на Ковид и присуството на високи концентрации на фини честички во воздухот.Сајмон Кларк, професор по клеточна микробиологија на Универзитетот во Рединг, рече дека и покрај големиот пораст на бројот на случаи во ОК, „јавната загриженост за вирусот моментално е најниска од почетокот на пандемијата“.„Варијантата БА.2 веројатно е одговорна за зголемувањето на бројот на инфекции, што зборува за тоа колку брзо ситуацијата може да се промени со појавата на нови форми на вирусот“, рече тој за Science Media Center.Опасност од нови варијантиВо борбата против слабеењето на ефикасноста на вакцините, некои земји, како Франција, воведуваат четврта доза од вакцината.Во Англија четвртата доза ќе биде обезбедена за жителите на домовите за стари и изнемоштени лица, лицата постари од 75 години и оние со ослабен имунитет, објави во неделата британската здравствена служба.Сепак, Светската здравствена организација предупреди дека веројатноста за нови варијанти може да се зголеми доколку побогатите земји продолжат да ги вакцинираат своите жители, додека во други земји многумина не ја примиле ниту првата доза.Претседателот на Францускиот советодавен комитет за наука, Жан-Франсоа Делфариси, претходно предупреди на можни варијанти.„Ние сме на милост и немилост на нова варијанта која, според научната заедница, може да се очекува наесен, но може да се случи и порано“, рече тој минатата недела. „Дали таа варијанта ќе биде позаразна? Дали ќе биде поопасна? Дали ќе реагира на вакцината? Никој не може да го знае тоа“, додаде тој.

пред 3 години

Дарко Каевски од голтар преку функционер од СДСМ до милионер - на само 30 години 4 милиони на сметка и стан, вели ВМРО-ДПМНЕ

Дарко Каевски од голтар преку функционер од СДСМ до милионер - на само 30 години 4 милиони на сметка и стан, вели ВМРО-ДПМНЕ„Дарко Каевски има само 30 години, а во банка има 4 милиони и стан од 60тина квадрати на свое име.Каевски за разлика од неговите врсници кои едвај преживуваат имал среќа да биде функционер од СДСМ, пратеник и директор на АМС. Но и тоа не го оправдува неговиот имот, зошто така ако не трошел ниту денар од своите примања 6 години можел да го купи само станот, но не и 4те милиони на сметка.Каевски нема оправдување за својот имот. Исто како што немаат оправдување ниту Зоран Заев, ниту Димитар Ковачевски.ДКСК да отвори случај и да утврди како Каевски на само 30 години се стекнал со 4 милиони на сметка и стан, и дали за тоа ја злоупотребил функцијата“, се вели во соопштението.

Македонија | пред 3 години

Три починати и 310 нови случаи на корона, од кои 49 се реинфекции

Почитувани,Министерството за здравство информира, согласно податоците од Институтот за јавно здравје дека во последните 24 часа:Направени се 2.609 тестови, а регистрирани се 310 нови случаи на КОВИД-19: Скопје – 199, Битола – 19, Куманово – 15, Кавадарци – 13, Прилеп – 9, Охрид и Штип –по 8, Велес – 5, Струмица, Гевгелија и Ресен – по 4, Тетово и Гостивар – по 3, Делчево, Богданци и Демир Хисар – по 2, Кичево , Кочани ,Неготино ,Радовиш , Крива Паланка, Дебар, Валандово, Виница , Кратово и Македонски Брод – по 1.Од вкупниот број на позитивни (310) ,регистрирани се 49 реинфекции.Регистрирани сe 284 оздравени пациенти од: Скопје – 144, Прилеп – 18, Битола – 17, Кавадарци – 15, Охрид и Велес – по 10, Куманово и Ресен – по 9, Гевгелија и Радовиш – по 7, Струмица – 5, Штип ,Гостивар, Кичево, Валандово и Струга – по 4, Тетово и Виница – по 3, Кочани ,Неготино и Свети Николе – по 2, Крива Паланка – 1.Во текот на изминатите 24 часа, регистрирано е 1 починато лице: од Скопје ( 77г), починато во болнички услови.Согласно Регистарот на умрени лица со дијагноза КОВИД-19 од Мој Термин, дополнително се пријавени 2 починати лица, од Богданци (87г) и Кочани (45г). Пријавените лица се починати во период од 17.03. до 19.03.2022 година. Од пријавените едно лице е починато во болнички услови и едно во домашни услови.Од вкупниот број на починати лица (3), кај сите се регистрирани коморбидитети.Направени се 2.609 тестови преку: ИЈЗ-285, ЦЈЗ Скопје-81, ЦЈЗ Битола-49, ЦЈЗ Прилеп-32, ЦЈЗ Тетово-3, ЦЈЗ Куманово-53, Клиника за инфективни болести и фебрилни состојби-0, Судска медицина-2, лабораторија болница Козле-17, УК Пулмологија со алергологија –5, ГОБ 8-ми Септември-0, Институт за микробиологија–149 Жан Митрев (Филип Втори)-56, Авицена-96, Биотек-162, Систина-53, лабораторија Лаор-68, Синлаб-10, Ремедика-20, Плодност-21, Генеа-8, Никоб Лаб-177, ВФВ Медикал-38, Ели Медика Плус-15, Ројал Медика–7, Спектра-ММ-13, Рапид Лаб–7, Жан Митрев Струмица–5, Нова Лаб Дијагностика–0, Рамус-16, ЈЗУ и ПЗУ (рапид тест) – вкупно 1.161.Досега во земјата се направени вкупно 1.941.593 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 303.728, бројот на оздравени пациенти е 292.628, на починати е 9.187, а бројот на активни случаи изнесува 1.913.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 142197, Активни 1087Куманово 16475, Активни 67Битола 14594, Активни 136Прилеп 13896, Активни 132Тетово 13403, Активни 43Кавадарци 10368, Активни 76Велес 9628, Активни 24Гостивар 9514, Активни 19Охрид 8662, Активни 86Струмица 7974, Активни 23Штип 7955, Активни 19Кичево 5520, Активни 32Кочани 5021, Активни 18Струга 4678, Активни 12Гевгелија 4334, Активни 24Неготино 3641, Активни 9Ресен 2663, Активни 17Свети Николе 2612, Активни 3Радовиш 2507, Активни 12Крива Паланка 2403, Активни 7Делчево 1906, Активни 6Дебар 1662, Активни 7Берово 1635, Активни 2Валандово 1472, Активни 6Виница 1373, Активни 12Пробиштип 1259, Активни 2Богданци 1017, Активни 9Кратово 956, Активни 7Крушево 916, Активни 6Демир Хисар 823, Активни 3Македонски Брод 733, Активни 1Демир Капија 585, Активни 3Македонска Каменица 521, Активни 2Пехчево 484, Активни 1Дојран 341, Активни 0

пред 3 години

Панчевски се жали дека со пресудите му биле повредени правата и слободите

Порашениот судија кој сега одговора за злупотреба на АКМИС-системот за распределба на судски предмети, Владимир Панчевски се жали до Уставниот суд дека му се повредени неговите права. Според него, системот се однесувал дискриминаторски додека против него се водеше судски процес.„Подносителот на барањето смета дека со Пресуди на Основниот суд во Велес и Апелационеиот суд во Скопје, му биле повредени слободите и правата на човекот и граѓанинот што се однесуваат на забраната на дискриминација на граѓаните по основ на социјалната припадност, односно општествена положба во поглед на професионалниот статус, како и по основ на политичката припадност, односно политичко уверување. Меѓу другото, подносителот на барањето наведува дека бил дискриминиран во споредба со сите останати судии и претседатели на судови, затоа што за разлика од нив само тој не ги уживал уставно и законски загарантираните права кои ги имале носителите на судиски функции. Оттука, според подносителот на барањето, произлегувала дискриминаторската природа на теоријата на случај на Јавното обвинителство, која била прифатена од Основниот суд во Велес и Апелациониот суд во Скопје и резултирало со носење на актите коишто се оспоруваат. Според подносителот на барањето, со оспорените акти, била сторена повреда покрај на член 110 алинеја 3 и на членот 9 од Уставот, како и на член 6 став 1 и членот 14 од Европската конвенција за заштита на човековите права“, велат од Уставен суд.

Македонија | пред 3 години

Наредба за истрага за трговец со луѓе кој подведувал девојки на проституција

Во текот на вчерашниот ден надлежен јавен обвинител од Основното јавно обвинителство за гонење на организиран криминал и корупција, постапувајќи по кривичната пријава поднесена од Националната единица за сузбивање на криумчарење мигранти и трговија со луѓе донесе Наредба за спроведување на истражна постапка против едно лице од гостиварско, за сторено кривично дело кривично дело – Трговија со луѓе, предвидено и казниво по член 418-а став 1 од Кривичниот законик.Според пријавата, осомничениот во периодот од средината на март 2021, па сè до 20.03.2022 во Гостивар, во угостителски објект со кој управувал, со употреба на сила и закана, како и со злоупотреба на својата положба, подолг временски период подведувал на вршење проституција повеќе женски лица, наши и државјанки на Русија, Украина, Србија, за одреден паричен надоместок. Жртвите биле и трудово експлоатирани, со што осомничениот се стекнал со противправна материјална корист. Експлоатацијата по пат на проституција се вршела во самиот угостителски објект на подрачјето на Гостивар, како и на други локации и објекти во Гостивар и Тетово.При извршените претреси од страна на Одделот за сузбивање на организиран и сериозен криминал на угостителскиот објект и претрес во деловни простории што ги користи угостителскиот објект затекнати се осомничениот, три странски државјанки од Србија и една македонска државјанка, како и шест лица гости во објектот​. Осомничениот е лишен од слобода и на предлог на јавниот обвинител кој ценеше дека се исполнети условите за определување на мерка притвор, од Судија на претходна постапка му е одреден притвор во траење од 30 дена.

Македонија | пред 3 години

Николовски од Белград: Република Србија за Северна Македонија ќе ја тргне забраната за извоз на пченица, пченка, брашно, масло за јадење

Денеска во Белград, министерот за земјоделство, шумарство и водостопанство, Љупчо Николовски, имаше работен состанок со потрeтседателот на Владата на Република Србија и министер за земјоделство, Бранислав Недимовиќ. На состанокот е договорено во следните седум до десет дена Република Србија за Северна Македонија да ја тргне забраната за извоз на пченица, пченка, брашно, масло за јадење.„Во рамки на инструментите што ги овозможува иницијативата „Отворен Балкан“, со потпретседателот на Владата на Република Србија, Недимовиќ, договоривме во следните 7 до 10 дена Србија за Северна Македонија да ја тргне забраната за извоз на пченица, пченка, брашно, масло за јадење и да почне испораката за количините коишто се договорени помеѓу економските партнери помеѓу двете земји. Сите договори на нашите економски партнери од сите стопански комори ќе бидат реализирани. За договорените количини ќе биде испратено и писмо од претседателот на Владата на РСМ до премиерката на Р.Србија“, изјави министерот НиколовскиВо изјавата министерот Николовски порача граѓаните да бидат смирени, Северна Македонија ќе има доволно количини од овие стратешки култури.Николовски додаде дека максимално се работи и на изнаоѓање на алтернативни пазари за македонските производи.

Македонија | пред 3 години

Повлечен законот за промена на полот

Владата одлучила да го повлече законот за промена на полот кој веќе е во Собрание, потврдува за ТВ21 првиот вицепремиер Артан Груби.Измените на законот за матична евиденција меѓу другото предвидуваше лице да може да го промени својот пол само со изјава на нотар и требаше утре да се најде пред пратениците на Комисијата за политички систем.

Македонија | пред 3 години

ВМРО-ДПМНЕ откако започна војната во Украина се конструктивни, вели Груби

Првиот вицепремиер Артан Груби во студиото на ТВ21 изјави дека руското присуство на Балканот е загрижувачко, а најголемата опозициска партија ВМРО-ДПМНЕ откако почнала војната се конструктивни.„Руското присуство и влијание на Балканот а посебно во Северна Македонија е загрижувачко. Се соочуваме со една хибридна војна на социјалните мрежи, се соочуваме со една пропаганда. Имате на пример келнер во еден локал во Скопје каде служи гости со маица со знакот „Z„. Исто така имаме една про-руска партија која има исто име исто лого како во Путинова Русија. Ние дефинитивно го немаме луксузот да скршнеме од европскиот пат. Опозиционата ВМРО ДПМНЕ сега се конструктивни, односно откако започна војната во Украина рече Груби.

Македонија | пред 3 години

Под лупа 84 објекти на КАМ маркетите во целата држава, вели Лукаревска

Во моментов повеќе од триста колеги од Управата за јавни приходи се во сите подружници на маркетите „КАМ“, поради утврдени неправилности, откри вечерва во „Топ тема“ на телевизија Телма директорката на Управата за јавни приходи, Сања Лукаревска.„Согласно она што го утврдивме од теренските контроли во изминатите два дена, сметаме дека во интерес на граѓаните и во интерес на она што значи зачувување на стандардот, имаме обврска, професионална и морална, да постапуваме“, изјави Лукаревска.Во досегашната работа на УЈП, утврдено е дека одредени производи не се ставени во стапката Г во која требало да бидат ставени. Кај одредени деловни единици константирано е дека тоа што значи основен производ и е во делот на одлуката на владата, не се почитува до крај.„За такви големи даночни обврзници, неспорно е дека ќе мора да се почитуваат законските обврски. Добивме и соодветни други сознанија, во делот на работењето, така што сега би било најсоодветно да ја направиме онаа генерална контрола, да ги земеме сите документи кои ни се неопходни и да видиме дали ќе има разлика меѓу она што значи материјално и финансиско работење, со она што значи сметководствена евиденција, која ја има соодветниот даночен обрвзник. Добивме огромен број поплаки од потрошувачите, односно граѓаните“, потенцираше Лукаревска.Под лупа се 84 објекти на КАМ маркетите во целата држава, вели Лукаревска.

Македонија | пред 3 години