ТОП

Македонија потроши пола милион евра за руска нафта

Државната Дирекција за задолжителни нафтени резерви набавила гориво дизел од руската компанија Лукоил, покажуваат податоците од „Отворени финансии“, пишува Фокус.Според јавно-достапните информации, Дирекцијата ја направила исплатата за набавката од речиси половина милион евра на четврти март.Сепак, договорот за истата е склучен пред да започне руската инвазија на Украина, односно на девети февруари. Станува збор за делива набавка на еуродизел.Целиот текст можете да го прочитате тука

Македонија | пред 3 години

Повредени три малолетни пешаци во страшна сообраќајка во Скопје

На 16.03.2022 во 18.40 часот во СВР Скопје било пријавено дека на крстосница на бул.„Босна и Херцеговина“ и сервисна улица се случила сообраќајна несреќа помеѓу патничко моторно возило „мерцедес“ со скопски регистарски ознаки, управувано од Д.Т.(19) од Скопје, патничко моторно возило „ауди“ со скопски регистарски ознаки, управувано од Ј.Д.(29) од Скопје и патничко моторно возило „ауди“ со скопски регистарски ознаки, управувано од Ф.С.(56) од Скопје, по што удриле во тројца пешаци. Во несреќата со тешки телесни повреди се здобилa малолетничка-пешак, а со телесни повреди се здобиле уште две малолетнички-пешаци, како и возачите Ј.Д. и Д.Т., констатирани во Комплексот клиники „Мајка Тереза“, Градската општа болница „Св.Наум Охридски“ и Градска општа болница „8-ми Септември“. Извршен бил увид од увидна екипа од СВР Скопје.

Скопје | пред 3 години

Не може сите да трошат за скапи автомобили, од претседател на држава до некои службеници, вели Ивановска

Билјана Ивановска, претседателката на Државната комисија за спречување на комисија, во емисијата „утрински брифинг“ рече дека Владата не морало „за сите службеници“ да набавува под оперативен лизинг 45 возила „Шкода Суперб Амбишн“.Истражувањето на Центарот за граѓански комуникации покажува дека за време на пандемијата најмногу патнички возила набавила владината Служба за општи и заеднички работи на Владата, која доскорешните „Пасати“ ги замени со 45 нови „Шкода Суперб Амбишн“.- Не може сите да трошат за скапи автомобили - од претседател на држава до некои службеници. Потребно е ефикасно и економично трошење на буџетските трошења. Тоа е сива зона, која се користи за да се лови во матно. Нови автомобили на лизинг е поскапа варијанта, а ние тоа ќе го објавиме како анализа, вели Ивановска.

Македонија | пред 3 години

Левица ќе ги оспори двојазичните униформи пред Уставен суд

За време на економска и енергетска криза, Владата на СДСМ и ДУИ својата неспособност ќе ја прикрива со решавање на непостоечки прашања во општеството, кои водат кон разнебитување на унитарниот карактер на државата. Затоа, Левица ќе ја оспори неуставнатавладина Уредба за униформата и ознаките на Униформата на полицијата пред Уставниот суд.„Скандалозната Уредба е спротивна на амандманот V од Уставот, согласно кој службен јазик на целата територија е македонскиот јазик и неговото писмо. Следствено на тоа, оваа Уредба е спротивна и на Законот за полиција согласно кој, полицијата ја врши унифицирано својата работа на целата територија на државата. Притоа, веќе постои Правилник со кој се уредуваат ознаките на униформата и согласно кој, истите се идентични на целата територија на државата и истите не може да се разликуваат во зависност од општините кадесе извршува работата.Во изминатите две години, македонското население доживеа низа човечки трагедии, како последица на коруптивните кадри на оваа владејачка коалиција. СДСМ покажува дека нивниот фокус не е веќе на добивање на следните избори, туку задржување на овој мандатпо секоја цена, додека ДУИ ја користи нестабилноста на мнозинството за да обезбеди политички поени. Сепак, ова нема да ја спречи владината коалиција да ја закити оваа против-уставна Уредба со невистинити квалитети за инклузивност и прогресивност. Задовие флоскули стојат регресивни мотиви и желби.Политичката и општествена застапеност на албанската заедница е остварена и одамна на оптимално ниво, но, таа улога многу долго ја врши истата криминална партија, која непрестано покажува дека не ги штити интересите на албанските жители, туку исклучиво работи на зголемување на расцепот во нашето општество.Прогресивната политика подразбира хомогенизација на чувството на припадност и надминување на потребата за етно-трибалистичко етикетирање на сите аспекти од општествениот живот. Под идејата за инклузивност тлеат вистински апетити за федерализација и конечна формална поделба на политичкиот плен. На крајот на оваа цел, стојат многу поголеми предизвици за инклузија, кои допрва ќе треба да ги решаваме, бидејќи сегашните власти активно работат на разнебитување на заедничките врски.Од највисоко значење е запирање на овие процеси, затоа што македонската државност е загрозена од сите страни – во внатрешната и во надворешната политика, и потребно е да се застане во одбрана на принципите кои ни го сочинуваат суверенитетот“, се вели во соопштението.

Македонија | пред 3 години

Од денеска 0% ДДВ за основните прехранбени продукти

Приоритет на институциите предводени од СДСМ во време на глобална економска и енергетска криза е заштита на стандардот на граѓаните и ликвидноста на стопанството, вели СДСМ.„Антикризниот пакет составен од 26 мерки вредни 400 милиони евра веќе дава резултати.Од денеска целосно се укинува ДДВ на основната храна. Ова значи дека сите маркети кои продаваат леб, брашно тип-400, млеко со масленост од 2%, од 3,2 и 3,5% масленост, бел шеќер, сончогледово масло, месо и други кланични производи за јадење, бел ориз и јајца од денеска издаваат фискални сметки за овие производи со ДДВ од 0%.Цените на основните производи остануваат стабилни.Со навремени мерки ги штитиме граѓаните од ценовен шок на основната храна.СДСМ продолжува со реализација на мерки и политики што го заштитуваат стандардот на граѓантие и обезбедуваат економска стабилност“, се вели во соопштението.

Македонија | пред 3 години

ФОТО: Тешка сообраќајка во Бутел

Тешка сообраќајна несреќа се случи вечерва во Бутел. Две возила, од кои едното е марка „ауди“ се судрија на булеварот „Босна и Херцеговина“. Предниот дел на второто возило е целосно искршен. На булеварот се распрскани и делови од возилата, како и течност.На местото има и полиција која прави увид. Непознато е како се случила несреќата. Нема информации за повредени лица. Се очекува МВР да даде детали.

Скопје | пред 3 години

Усвоени законските измени, следува историски највисок раст на пензиите, вели СДСМ

СДСМ продолжува со вистинска грижа за пензионерите.Собранието вечерва ги усвои измените и дополнувањата на Законот за пензиско и инвалидско осигурување со кои се обебзедува одржлив и континуиран раст на пензиите, вели СДСМ.„Со измените на Законот, растот на пензиите ќе се усогласува по два односи, односно со порастот на трошоците за живот и растот на просечната плата.Усогласувањето ќе се спроведува на први март и први септември секоја година.Тоа значи дека веќе од овој септември околу 330.000 пензионери ќе добијат историско највисоко зголемување на пензиите, кои во просек ќе растат по околу 900 денари.Со ова законско решение се обезбедува одржливо решение за континуиран раст на пензиите, растот на пензиите веќе никогаш нема да зависи од политичката волја на владејачките коалиции, како што тоа беше пред неколку години.Дополнително, како дел од антикризните мерки, за месеците април, мај и јуни секој пензионер ќе добива дополнителни 1.000 денари на својата пензија.СДСМ и парламентарното мнозинство продолжуваат со мерки и решенија кои на дело ја потврдуваат вистинската грижа за сите категории граѓани“, се вели во соопштението.

Македонија | пред 3 години

Се намалува цената на горивата

Регулаторната комисија за енергетика и водни услуги на Република Северна Македонија донесе Одлука со која се врши намалување на малопродажните цени на нафтените деривати во просек за 5,95% во однос на одлуката од 15.03.2022 година.Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 5,00 денари/литар, додека малопродажната цена на ЕУРОДИЗЕЛ (Д-Е V) се намалува за 6,00 денари/литар.Малопродажната цена на Екстра лесното масло за домаќинство (ЕЛ-1) се намалува за 5,50 денари/литар.Малопродажната цена на Мазутот М-1 НС се намалува за 2,550 денар/килограм и сега ќе изнесува 56,749 ден/кг.Од 17.3.2022 година од 00:01 часот максималните цени на нафтените деривати ќе изнесуваат:ЕУРОСУПЕР БС - 95 - 81,50 (денари/литар)ЕУРОСУПЕР БС - 98 - 83,50 (денари/литар)ЕУРОДИЗЕЛ БС (Д-Е V) 79,00 (денари/литар)Масло за горење Екстра лесно 1 (ЕЛ-1)- 75,50 (денари/литар)Мазут М-1 НС 56,749 (денари/килограм)Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 4,533%, кај дизелот за 7,922%, кај екстра лесното масло за 7,911% и кај мазутот намалувањето е во просек за околу 4,928%.Курсот на денарот во однос на доларот во изминатиот период по кој беа формирани цените со претходната пресметка е понизок за 0,119%.Напоменуваме дека ова се максималните цени на нафтените деривати од 00:01 часот на 17.3.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 3 години

(ФОТО) Скопјанец доби титула сељак на денот

Денес на социјалните мрежи беа објавени фотографии од паркиран автомобил во Скопје.Автомобилот е несоодветно паркиран, на велосипедска и пешачка патека, а врз него стои лист со натпис „Честитки, добитник сте на престижната титула сељак на денот“,„Нема фајде од МВР. Преминувам во герила“, стои во описот на фотографиите.

Скопје | пред 3 години

Четири починати, 328 нови случаи

Министерството за здравство информира, согласно податоците од Институтот за јавно здравје дека во последните 24 часа:Направени се 2.535 тестови, а регистрирани се 328 нови случаи на КОВИД-19:Скопје – 179, Прилеп – 21, Битола и Кавадарци – по 17, Куманово и Велес – по 10, Охрид и Кичево – по 9, Ресен – 7, Штип – 6, Гостивар, Струга и Радовиш – по 5, Гевгелија и Валандово – по 4, Тетово и Кочани – по 3, Струмица, Неготино и Свети Николе – по 2, Крива Паланка, Дебар, Берово, Виница ,Пробиштип ,Богданци, Кратово и Демир Капија – по 1.Од вкупниот број на позитивни (328), регистрирани се 65 реинфекциии.Регистрирани сe 237 оздравени пациенти од: Скопје – 131, Битола – 14, Прилеп – 13, Кавадарци – 12, Куманово и Велес – по 10, Тетово – 8, Охрид и Кичево – по 5, Ресен, Гевгелија, Кочани, Неготино и Дебар – по 3, Штип, Гостивар, Крива Паланка, Виница и Богданци – по 2, Радовиш, Валандово, Струмица и Кратово – по 1.Во текот на изминатите 24 часа, регистриран е едно починато лице: од Кичево (58г), починато во болнички услови.Согласно Регистарот на умрени лица со дијагноза КОВИД-19 од Мој Термин, дополнително се пријавени 3 починати лица од: Штип (1), Гостивар (1) и Струмица (1). Починатите се пријавени во период од 09.03. до 12.03.2022 година. Пријавените лица се на возраст од 48г до 77г. Од пријавените лица, две се починати во болнички услови и едно лице во домашни услови.Од вкупно регистрираните починати лица (4), кај 3 лица се регистрирани коморбидитети.Направени се 2.535 тестови преку: ИЈЗ-330, ЦЈЗ Скопје-99, ЦЈЗ Битола-83, ЦЈЗ Прилеп-49, ЦЈЗ Тетово-0, ЦЈЗ Куманово-49, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –1, ГОБ 8-ми Септември-0, Институт за микробиологија–197, Жан Митрев (Филип Втори)-54, Авицена-80, Биотек-82, Систина-38, лабораторија Лаор-85, Синлаб-14, Ремедика-18, Плодност-17, Генеа-8, Никоб Лаб-152, ВФВ Медикал-44, Ели Медика Плус-9, Ројал Медика–16, Спектра-ММ-9, Рапид Лаб–18, Жан Митрев Струмица–5, Нова Лаб Дијагностика–1, Рамус-7, ЈЗУ и ПЗУ (рапид тест) – вкупно 1.070.Досега во земјата се направени вкупно 1.928.498 тестирања на КОВИД-19.Вкупната бројка на КОВИД-дијагностицирани лица во нашата земја од почетокот на епидемијата изнесува 302.224, бројот на оздравени пациенти е 291.144, на починати е 9.159, а бројот на активни случаи изнесува 1.921.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 141278, Активни 1034Куманово 16418, Активни 71Битола 14491, Активни 128Прилеп 13820, Активни 136Тетово 13381, Активни 38Кавадарци 10303, Активни 71Велес 9607, Активни 69Гостивар 9500, Активни 32Охрид 8609, Активни 72Струмица 7953, Активни 28Штип 7945, Активни 20Кичево 5502, Активни 35Кочани 5007, Активни 21Струга 4671, Активни 17Гевгелија 4311, Активни 22Неготино 3633, Активни 9Ресен 2649, Активни 25Свети Николе 2609, Активни 3Радовиш 2498, Активни 13Крива Паланка 2396, Активни 10Делчево 1902, Активни 2Дебар 1660, Активни 10Берово 1635, Активни 4Валандово 1468, Активни 8Виница 1366, Активни 13Пробиштип 1259, Активни 2Богданци 1009, Активни 4Кратово 952, Активни 11Крушево 913, Активни 4Демир Хисар 821, Активни 5Македонски Брод 732, Активни 0Демир Капија 583, Активни 2Македонска Каменица 521, Активни 2Пехчево 482, Активни 0Дојран 340, Активни 0

пред 3 години

Побарано Владата да ги укине маските за учениците

Донесена одлука од Комисијата за заразни болести со која бараат од Владата да се укинат заштитните маски во основните училишта.„Обврската за наставниците и административно-техничкиот персонал во основните училишта за носење маски останува задолжителна. Ако некој сака да носи маска на училиште за да ги заштити дома возрасните членови на семејството не е забрането, но обврската ја укинуваме“, рече претседателот на Комисијата Александар Петличковски.Комисијата ја донела одлуката со мнозинство.

пред 3 години

(ВИДЕО) Тепачка во скопски „КАМ“ маркет, вресоци и бегање

Маж на возраст од околу 30 години влегол во Кам маркет без да стави заштитна маска. На ова реагирале вработените, по што тој ги нападнал.На 15.03.2022 во 22.00 часот В.П.(22) од Скопје пријавил дека околу 16.50 часот додека ги извршувал своите работни активости како касиер во маркет на подрачјето на Центар влегло маж на возраст од околу 30 години без заштитна маска да пазари и од страна на неговата колешка му било укажано да стави заштитна маска поради запазување на здравствените протоколи. Тогаш лицето станало агресивно и физички ги нападнало. Се работи на расчистување на случајот.

Скопје | пред 3 години

161 санкционирани возачи во Скопје, 42 за брзо возење

Министерството за внатрешни работи во текот на вчерашниот ден (15.03.2022) продолжи со засилените акциски контроли во областа на сообраќајот.„На територија на град Скопје изречени се вкупно 161 мерка, меѓу кои за возење повеќе од дозволената брзина 42 санкции, 20 мерки за возење без возачка дозвола, 13 санкции за технички неисправни и нерегистрирани возила.Изречени се шест мерки за користење мобилен телефон, седум санкции за возење под дејство на алкохол, пет мерки за возач почетник, 45 за непрописно паркирање...Засилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“; велат од МВР.

Скопје | пред 3 години

Се намалува цената на дизелот, одлука има и за бензинот

Регулаторната комисија за енергетика и водни услуги на Република Северна Македонија донесе Одлука со која се врши намалување на малопродажните цени на нафтените деривати во просек за 2,50% во однос на одлуката од 14.03.2022 година.Малопродажната цена на ЕУРОДИЗЕЛ (Д-Е V) се намалува за 3,00 денари/литар, додека малопродажната цена на Екстра лесното масло за домаќинство (ЕЛ-1) се намалува за 2,50 денари/литар.Малопродажните цени на бензините ЕУРОСУПЕР БС-95 и ЕУРОСУПЕР БС-98 не се менуваат, односно остануваат на исто ниво.Малопродажната цена на Мазутот М-1 НС се намалува за 1,615 денар/килограм и сега ќе изнесува 59,299 ден/кг.Од 16.3.2022 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 86,50 (денари/литар)Моторен бензин ЕУРОСУПЕР БС - 98 88,50 (денари/литар)Дизел гориво ЕУРОДИЗЕЛ БС (Д-Е V) 85,00 (денари/литар)Масло за горење Екстра лесно 1 (ЕЛ-1) 81,00 (денари/литар)Мазут М-1 НС 59,299 (денари/килограм)Референтните цени на нафтените деривати на светскиот пазар во споредба со претходната пресметка бележат намалување во просек: кај дизелот за 4,255%, кај екстра лесното масло за 4,169% и кај мазутот намалувањето е во просек за околу 2,999%.Курсот на денарот во однос на доларот во изминатиот период е понизок за 0,111%.Напоменуваме дека ова се максималните цени на нафтените деривати од 00:01 часот на 16.3.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 3 години

Владата со низа одлуки, меѓу нив и сместувањето на Украинци кои бегаат од војната

Владата на Република Северна Македонија на денешната 28-ма седница усвои антикризни мерки за рационализација на трошоци во јавниот сектор.Со овие мерки сите буџетски корисници и единки корисници се задолжени да ги намалат расходите за стоки и услуги за 10% и да достават соодветен предлог за рационализација на трошоците до Министерството за финансии најдоцна до 21 март.Мерките за рационализација забрануваат започнување на нови постапки за набавка на мебел и возила, освен за неопходните активности за работењето на институцијата по претходна согласност од Владата.Владата ги задолжи сите буџетски корисници и правни лица основани од државата, за 50% да ги намалат расходите за репрезентација, спонзорства и реклами, како и користење на службените возила задолжително.Сите буџетски корисници и единки корисници добија задолжение да го намалат бројот на службени патувања и значително да се намали бројот на членови на делегации при патувања во странство.Владата ги задолжи јавните претпријатија и АД во државна сопственост да ги намалат тековните расходи за 15% и за тоа да ја известат Владата во рок од 15 дена. Согласно оваа мерка, јавните претпријатија основани од државата и АД во државна сопственост треба ги преработат своите финансиски планови и инвестициони програми и да ја информираат Владата во рок од 15 дена.Владата им препорачува на регулаторните тела, на единиците на локалната самоуправа, локалните јавни претпријатија и останатите установи кои се под надлежност на општините, да ги следат донесените владини мерки и да преземат активности за рационализација на нивните расходи.Буџетските корисници и единките корисници со овие мерки се задолжени до крајот на 2022 година, а на општините, јавните претпријатија, регулаторните тела, АД во државна сопственост и останатите субјекти во јавен сектор им се препорачува да ги почитуваат донесените антикризни мерки и да се воздржат од помалку суштинските расходи.Владата на Република Северна Македонија ја разгледа и усвои Информацијата за потенцијалните сместувачки капацитети на државните органи за прифаќање на лица од бегалска криза предизвикана од воените дејствија во Украина.Владата ги задолжи Министерството за надворешни работи, Министерството за труд и социјална политика, Министерството за внатрешни работи, Министерството за здравство, Министерството за финансии и Генералниот секретаријат на Владата да ги продолжат активностите поврзани со утврдување на капацитетите за сместување и да ги подготват сите активности за организирано прифаќање и згрижување на лицата кои ќе пристигнат во земјата како резултат на бегалската криза заради војната во Украина.На оваа своја седница Владата ја донесе Уредбата за униформата и ознаките на униформата на полицијата.Оваа Уредба е донесена врз основа на Законот за употреба на јазиците, каде што според член 8 став (3) е утврдено дека униформите на полицијата во Скопје и во општините во кои најмалку 20% од граѓаните зборуваат службен јазик различен од македонскиот јазик, се напишани на македонски јазик и неговото кирилско писмо, како и на јазикот што го зборуваат најмалку 20% од граѓаните во Република Северна Македонија и неговото писмо.Оваа Уредба влегува во сила осмиот ден од денот на објавувањето во „Службен весник на Република Северна Македонија“, а ќе отпочне да се применува во текот на една година од денот на влегувањето во сила.На денешната седница Владата, на предлог на Министерството за земјоделство, шумарство и водостопанство, ја донесе Програмата за спроведување на интервентен фонд во земјоделството.Буџетските средства за оваа програма во висина од 250.000.000 денари се предвидени во буџетот на Агенцијата за финансиска поддршка во земјоделството и се наменети за интервентни мерки за финансиска поддршка во земјоделството за ублажување на последици предизвикани од зголемувањето на производните трошоци за производство на земјоделски култури во поледелското производство и за поддршка за сточарството.Владата на Република Северна Македонија денеска ја одржа и 29-та тематска седница на која ги разгледа и усвои годишнините програми за работа и финансиските планови за 2022 година на јавните претпријатија, на агенциите, на акционерските друштва во државна сопственост и на другите служби и институции во надлежност на Владата.

Македонија | пред 3 години