ТОП

Нови цени на горивата

Регулаторната комисија за енергетика и водни услуги на Република Северна Македонија донесе Одлука со која се врши намалување на малопродажните цени на нафтените деривати во просек за 0,50% во однос на одлуката од 17.03.2022 година.Малопродажните цени на бензините ЕУРОСУПЕР БС-95 и ЕУРОСУПЕР БС-98 и на ЕУРОДИЗЕЛ (Д-Е V) и Екстра лесното масло за домаќинство (ЕЛ-1) не се менуваат.Малопродажната цена на Мазутот М-1 НС се намалува за 1,362 денар/килограм и сега ќе изнесува 53,159 ден/кг.Од 19.3.2022 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 79,50 (денари/литар)Моторен бензин ЕУРОСУПЕР БС - 98 81,50 (денари/литар)Дизел гориво ЕУРОДИЗЕЛ БС (Д-Е V) 76,00 (денари/литар)Масло за горење Екстра лесно 1 (ЕЛ-1) 72,50 (денари/литар)Мазут М-1 НС 53,159 (денари/килограм)Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 0,622%, кај дизелот има зголемување за 0,663%, кај екстра лесното масло зголемувањето е за 0,867% и кај мазутот намалувањето е во просек за околу 2,989%.Курсот на денарот во однос на доларот во изминатиот период по кој беа формирани цените со претходната пресметка е понизок за 0,002%.Напоменуваме дека ова се максималните цени на нафтените деривати од 00:01 часот на 19.3.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 3 години

МВР со детали за цистерната која се преврти на обиколница

Денеска во 12.30 часот во СВР Скопје било пријавено дека на автопатот Скопје-Тетово, кај исклучок за Визбегово, товарно моторно возило - цистерна со скопски регистарски ознаки се превртело на коловозот. Во незгодата со повреди се здобил возачот А.К.(38) од Скопје и бил пренесен во Комплексот клиники „Мајка Тереза“ за укажување на лекарска помош. Извршен бил увид од увидна екипа од СВР Скопје.

Скопје | пред 3 години

Скандал во АРМ открил пратеник

Славјанка Петровска по стапките на Радмила Шекеринска упатува персонал во мисии надвор од Република Македонија без да се почитуваат основните услови, а тоа е кандидатите да поседуваат НАТО безбедносни сертификати. На мисии се праќаат офицери без да ги исполнуваат потребните услови, само ако се во врска со политичкиот врв, вели Миле Лефков, пратеник и член на ИК на ВМРО-ДПМНЕ„Според наши информации земјава има случај на сериозен безбедносен пропуст кога е вратен висок офицер на АРМ од мисијата КФОР во Косово. Имено постојат индиции дека службите имале одредени информации дека офицерот не ги задоволува критериумите, сепак по одредено политичко влијание од поранешни политичари со потекло од истото село од кое потекнува и тој, село Муртино, струмичко, офицерот без безбедносен сертификат заминал на мисија.Ова не е првпат да се направи ваков безбедносен пропуст, потсетуваме дека слична ваква ситуација имаше и во мисијата ИСАФ во Авганистан, кога беа упатувани лица без безбедносни сертификати, кои не можеа да обавуваат никакви дејности, дури и не можеа да се движат слободно низ базите.Во најновиот скандал, после поминати пет месеци во мисија, офицерот по налог на НАТО беше приморан да се врати предвреме, но се поставува прашање кој ќе ја преземе одговорноста за направена штета на буџетот во висина од 50.000 евра по основ на плати, логистички трошоци и административни трошоци?Без поседување на сертификат, нашиот офицер во базата во Косово не можел да извршува никакви задачи, тоа значи дека пет месеци само спортувал и одмарал без да има пристап до било какви информации и активности.Дали некој од одговорните лица во министерството за одбрана и од Воената служба за безбедност и разузнавање ќе сноси одговорност за ваквите безбедносни инциденти, како и одговорност за нанесената штета на буџетот“, додаде тој.

Македонија | пред 3 години

(ФОТО) Цистерна се переврте на обиколница, сообраќајот во прекин

Цистерна се преврте на обиколница кон Тетово.Моментално се блокирани двете ленти од патот и сообраќајот е целосно во прекин.За сега нема информации дали има повредени во несреќата.

Скопје | пред 3 години

Боки 13 со доказите на Обвинителството ја побива Трајчева дека проектот бил наводен и Владата не знаела

Бојан Јовановски-Боки 13 кој е првообвинет во случајот „Меѓународен сојуз“ дава завршни зборови пред судијката Софче Гаврилова-Ефремова. Тој пред судот сакаше да ги побие фактите на обвинителката Ивана Трајчева дека тој лажел дека има поддршка. Ова е првпат да му се чуе глас во јавност по две години, откако започнаа процесите против него.„Поддршката од Владата од лицето Зоран Заев тогашен премиер јас лично ја имав од првиот ден на формирањето на Меѓународниот сојуз. Обвинителството во своите завршни зборови го крсти тоа како ‘поттик’ од Зоран Заев. Не е мое да толкувам искажаното, а поттикот е голема форма особено кога доаѓа од лице кое извршува највисока државна функција во државата. Дека Зоран Заев бил информиран и знаел за активностите, работењето, а особено дека знаел за проектите е неспорен факт дотолку повеќе што кусо и со конкретни дејствија ќе ја опишам улогата на Зоран Заев, партиски функционери од СДСМ, како и претставници на локалната самоуправа.Точно е дека Ардијан Амзовски дал 350.000 евра во готовина и дека имал потпишано договори. Под целосна одговорност тврдам дека Христина, мојот татко Миле, биле присутни, давале пари. Не знаела ни Јасна Ерцеговиќ за тие 350.000 денари, туку знаеле политичари. Парите се дадени на лидер на партија Зоран Заев, генерален секретар на партија Александар Кирацоски и градоначалник Стефан Богоев. Мене ме злоупотребил Зоран Заев, а не јас него“, кажа Јовановски.Според него, бизнисмените не се откажале од проектот поради тоа што сметале дека тој нема да се реализира и е измама, туку бидејќи имало притисок од извршната власт. Како доказ рече дека е тоа што против Меѓународен сојуз или него како претседател – нема тужба од бизнисмените.За тоа зошто 719.000 евра од Силјан Мицевски не биле упатени на „Меѓународен сојуз“ туку на Лилјана Тодоровска рече дека тоа е според договорот.„Имаме два правни потпишани договори, со волја од двете страни, предадена платформа, сме ги започнале активностите, кој е овде оштетен – дали мислите дека ние сме сакале да прекинат овие договори и свесно не сме сакале да работиме на самоодржлив проект? Не. Сме сакале и сѐ сум направил, сѐ сум дал од себе. Тоа го потврди и Силјан Мицевски пред судот кој рече: ‘И телефонски се каравте за да направат нешто, а не направија ништо, иако можеа и да направат’. За овој проект, министерот за транспорт и врски потпиша наменски меморандум за соработка со цел брзо, ефикасно, целисходно реализирање на овој проект. Овој проект бил поддржан од Владата на Зоран Заев. Не само што добивме поттик и поддршка, добивме и ветување од него дека: ‘ќе биде формирана комисија за реализација на проектите на ‘Меѓународен сојуз’. Дека Зоран Заев и Владата ги знаела сите околности со ‘Меѓуанродниот сојуз’ зборува и доказот на Обвинителството. Изведен беше доказ скриншот од комуникација со Зоран Заев, каде го информирам дека има договор со ‘Пелистер’, обврските целите, го информирам дека е информирам дека знаел Трајче Заев и го информирам за блокирани средства. Тој се информира за проектот, го интересира, и вели дека: ‘ќе направат истрага и ако нема проблем ако се законски ќе ги одмрзнат средствата, не треба да стравуваш’, по што јас барам средба, а тој вика: ‘не е проблем ќе се видиме’“, додава Јовановски.

Македонија | пред 3 години

(ФОТО) Сообраќајка на Партизанска

Утрово на булеварот Партизански одреди, на раскрсницата кај поликлиника Букурешт се случи сообраќајна несреќа.Автомобил марка „Тојота“ повеќе од еден час стоеше на раскрсницата, каде се забележуваа искршени делови од истиот.Неофицијално нема повредени лица и причинета е само материјална штета.Повеќе детали се очекуваат во текот на денот.

Скопје | пред 3 години

По две години Боки 13 за првпат ќе проговори и ќе се брани јавно

Првообвинетиот во случајот „Меѓународен сојуз“ Бојан Јовановски-Боки 13 во Основниот Кривичен суд Скопје ќе ги даде завршни зборови пред судијката Софвче Гаврилова-Ефремова, бидејќи на претходното рочиште по барање на адвокатите беше одложено, затоа што обвинетиот не бил подготвен со оглед дека записниците од рочиштата ги добил многу доцна. И покрај натегањата дека адвоктите веќе имаат закажано други обврски за денеска, Гаврилова-Ефремова инсистираше и закажа рочиште.Па така, Боки 13 ќе докажува дека не сторил никаква измама и перење пари. Тој уверува дека проектите за кои склучил договор со две фирми требало да се реализираат и бизнисмените верувале во нив, што потврдуваат и изјавите пред судот. Се се сменило со неговото притворање. Тогаш, тие се уплашиле дека проектите нема да се реализираат.Ова е негово прво појавување и говорење во јавност по две години поминати низ судниците. Со оглед дека кога се водеше случајот „Рекет“, не беше дозволено да се снимаат завршните зборови, сега тој за првпат ја користи можноста јавно да даде одбрана на сите обвинувања за кривични дела.Во меѓувреме Обвинителството бара обвинетите во „Меѓународен сојуз“ да се огласат за виновни затоа што во постапката се докажало дека обвинетите ги сториле кривичните дела за кој се обвинети, односно дека материјалните докази биле поткрепени со изјави на сведоците.

Македонија | пред 3 години

„Плати повеќе данок за да може Груби да земе плата 170 000, а не да се мачи со 70 000“, јавноста иритирана од министерот

Мојата плата како вицепремиер е 70.000 денари, истакна во анализата на 24 Вести, заменикот на премиерот и министер за политички систем и односи меѓу заедниците, Артан Груби.„Јас како функционер земам најмала плата. Претходно сум имал повисока плата. Платата на министрите и на пратениците не е покачена со години. Тоа што ние како влада направивме е покачување на минималната плата на 18.000 денари. Сега ние ли треба да ги намалиме нашите плати“, рече Груби.Ова наиде на остри реакции од јавноста. Голем дел пишуваат и иронични коментари. Со оглед дека во Македонија, повеќето од населението живее со минимални приходи или со по една минимална плата - изјавата на Груби им се виде иритантна.Дел од коментарите, ви пренесуваме во целост:„Скенирајте појако, може ќе стигнете до 70.000, колку еден минималец на Груби“, пишуваат по изјавата.https://twitter.com/koloski_/status/1504591969347162113„До кое ниво се доведовме во државава ? Неинтелектуалени сурати не водат ! :( А лапаат ли лапаат кеш. Мамицата..“, стои во друг коментар.https://twitter.com/TiRekov/status/1504583501357666309„Вака се сака државата! Кога може Груби можеш и ти!“, пишува Шлинензауер.„Ако А1 и Телеком не отворат линии за да му помогнеме на Артан Груби слободно нека си се угасат. #ДонорајЗаАртан“, коментира Чича Глиша.https://twitter.com/CicaGlish_a/status/1504573086628208643„Случајно, вртејќи по телевизоров, слушнав два-три збора од Груби на ТВ 24.... Ќе земам апче за глава и нешто за желудников..“, пишува корисник на „Твитер“.https://twitter.com/BubaMar36409771/status/1504562753058574348„Плати повеќе данок за да може Груби да земе плата 170 000, а не да се мачи со 70 000“, стои во објава.https://twitter.com/Samosvesen/status/1504562293668986889„Груби земал 70.000 денари плата... Само не кажа дали таа сума е на ден или на час...“, пишува корисникот „Неурон“.https://twitter.com/poliedar/status/1504561238587715586

Коментари | пред 3 години

Нови цени на горивата, повторно намалување

Регулаторната комисија за енергетика и водни услуги на Република Северна Македонија донесе Одлука со која се врши намалување на малопродажните цени на нафтените деривати во просек за 3,31% во однос на одлуката од 16.03.2022 година.Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 2,00 денари/литар, додека малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се намалуваат за 3,00 денари/литар.Малопродажната цена на Мазутот М-1 НС се намалува за 2,228 денар/килограм и сега ќе изнесува 54,521 ден/кг.Од 18.3.2022 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 79,50 (денари/литар)Моторен бензин ЕУРОСУПЕР БС - 98 81,50 (денари/литар)Дизел гориво ЕУРОДИЗЕЛ БС (Д-Е V) 76,00 (денари/литар)Масло за горење Екстра лесно 1 (ЕЛ-1) 72,50 (денари/литар)Мазут М-1 НС 54,521 (денари/килограм)Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 3,573%, кај дизелот за 5,345%, кај екстра лесното масло за 5,259% и кај мазутот намалувањето е во просек за околу 4,454%.Курсот на денарот во однос на доларот во изминатиот период по кој беа формирани цените со претходната пресметка е понизок за 0,182%.Напоменуваме дека ова се максималните цени на нафтените деривати од 00:01 часот на 18.3.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 3 години

8-годишно девојче се удави во базен во Дебарски бањи

Малолетно лице синоќа е пронајдено удавено во базен во Дебарски бањи кај село Долно Косоврасти, информираше Стефан Димоски, портпарол на Секторот за внатрешни работи- Охрид.– Синоќа околу 20 часот во одделението за внатрешни работи во Дебар пријавено е дека во Дебарските бањи кај селото Долно Косоврасти забележано е удавено лице. Од извршениот увид констатирано е дека се работи за малолетничка од Гостивар и дека по извршен медицински преглед не се констатирани траги на насилство, рече Димоски.По насока на јавен обвинител телото на починатото лице било предадено на семејството.Според директорот на Општата болница со проширена дејност, Баки Алили станува збор за осумгодишно девојче, кое во Ургентниот центар во болницата било донесено без знаци на живот.Тим од лекари специјалисти се обиделе да го реанимираат но безуспешно.

Македонија | пред 3 години

Безмилосни казни за маркетот кој даваше масло само со сметка над 800 денари

Деновиве во медиумите беше објавено дека Кам маркети по одлука на раководството, зејтинот го тргнаа од полиците, а иако го имале на залиха, го даваа само ако купувачите направат сметка над 800 денари.Денес директорката на ДПИ, Анета Симеска-Димоска кажа дека ова е нечесно пазарно однесување.„Кај еден субјект имаме прекршочни платни налози за нечесно пазарно однесување – имаше масло во магацин, а не на рафт. Има и прекршочни платни налози каде по Закон за заштита на потрошувачи кој се однесува на условување на купување на едни производи или други производи, што е казниво. Казната е 4.000 евра за правното и 1.200 евра за одговорното лице. Станува збор за еден троговец кој има повеќе маркети, утврдено е во неколку градови“, кажа директорката Симеска-Димоска како резултат од инспекцискиот надзор.

Македонија | пред 3 години

324 новозаразени со ковид, три лица починаа

Почитувани,Министерството за здравство информира, согласно податоците од Институтот за јавно здравје дека во последните 24 часа:Направени се 2.290 тестови, а регистрирани се 324 нови случаи на КОВИД-19: Скопје – 207, Битола – 19, Прилеп – 17, Охрид – 13, Куманово – 11, Кавадарци – 9, Тетово и Велес – по 6, Неготино – 5, Кичево и Гевгелија – по 4, Гостивар, Струмица, Кочани, Виница и Кратово – по 3, Струга и Крива Паланка – по 2, Ресен, Радовиш, Валандово и Пехчево – по 1.Од вкупниот број на позитивни (324), регистрирани се 49 реинфекциии.Регистрирани сe 287 оздравени пациенти од: Скопје – 175, Битола – 24, Велес – 18, Прилеп – 16, Кавадарци – 9, Куманово – 8, Гостивар – 6, Охрид, Струмица и Кочани – по 4, Тетово и Неготино – по 3, Кичево, Гевгелија, Виница, Струга и Ресен – по 2, Кратово, Крива Паланка и Штип – по 1.Во текот на изминатите 24 часа, регистриран е едно починато лице: од Велес (70г), починато во болнички услови.Согласно Регистарот на умрени лица со дијагноза КОВИД-19 од Мој Термин, дополнително се пријавени две починати лица од: Кичево (75г) и Ресен (83г). Починатите се пријавени во период од 04.03. и 05.03.2022 година. Пријавените лица, се починати во домашни услови.Од вкупно регистрираните починати лица (3), кај сите лица се регистрирани коморбидитети.Направени се 2.290 тестови преку: ИЈЗ-255, ЦЈЗ Скопје-88, ЦЈЗ Битола-83, ЦЈЗ Прилеп-34, ЦЈЗ Тетово-0, ЦЈЗ Куманово-55, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –3, ГОБ 8-ми Септември-0, Институт за микробиологија–193, Жан Митрев (Филип Втори)-50, Авицена-52, Биотек-75, Систина-43, лабораторија Лаор-52, Синлаб-18, Ремедика-9, Плодност-18, Генеа-12, Никоб Лаб-146, ВФВ Медикал-36, Ели Медика Плус-15, Ројал Медика–3, Спектра-ММ-14, Рапид Лаб–9, Жан Митрев Струмица–3, Нова Лаб Дијагностика–12, Рамус-14, ЈЗУ и ПЗУ (рапид тест) – вкупно 998.Досега во земјата се направени вкупно 1.930.788 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 302.548, бројот на оздравени пациенти е 291.431, на починати е 9.162, а бројот на активни случаи изнесува 1.955.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 141485, Активни 1066Куманово 16429, Активни 74Битола 14511, Активни 124Прилеп 13837, Активни 137Тетово 13387, Активни 41Кавадарци 10311, Активни 70Велес 9613, Активни 56Гостивар 9503, Активни 29Охрид 8623, Активни 82Струмица 7956, Активни 27Штип 7944, Активни 18Кичево 5506, Активни 36Кочани 5010, Активни 20Струга 4673, Активни 17Гевгелија 4315, Активни 24Неготино 3637, Активни 10Ресен 2651, Активни 24Свети Николе 2609, Активни 3Радовиш 2499, Активни 14Крива Паланка 2398, Активни 11Делчево 1902, Активни 2Дебар 1660, Активни 10Берово 1635, Активни 4Валандово 1469, Активни 9Виница 1369, Активни 14Пробиштип 1259, Активни 2Богданци 1009, Активни 4Кратово 955, Активни 13Крушево 913, Активни 4Демир Хисар 821, Активни 5Македонски Брод 732, Активни 0Демир Капија 583, Активни 2Македонска Каменица 521, Активни 2Пехчево 483, Активни 1Дојран 340, Активни 0

пред 3 години

Најчевска бара пратениците на Левица да одговораат кривично за одобрувања воени злосторства

Професорката Мирјана Најчевска, вели дека над пратениците на Левица кои се сретнаа со рускиот амбасадор во земјава Сергеј Баздникин треба да се примени членот 407-а од Кривичниот законик - “Одобрување или оправдување на геноцид, злосторства против човечноста или воени злосторства“„Тој што по пат на информационен систем јавно ги негира, грубо ги минимизира, ги одобрува и оправдува делата од членот 403 до 407, ќе се казни со затвород една до пет години. Ова треба да се примени и на сите гласила, поединци и посебно водачи на политички партии, вели Најчевска.Димитар Апасиев и Борислав Крмов завчера се сретнаа со Баздникин во Собранието и ја оквалификуваа инвазијата на Украина како „специјална воена операција“ – истиот речник што за војната го употребува Кремљ.Во соопштението на партијата за средбата се вели дека тие во разговорот ставиле „акцент на процесот на денацификација и елиминирање на заканите од екстремно-десничарските и радикалните неонацистички политички движења, кои се опасност за секоја современа демократија“.Од санкциите против Москва, заклучиле пратениците и амбасадорот најголеми губитници ќе бидат македонските земјоделци, „а потенцирана беше и заканата од загрозување на досегашниот постоечки безвизен режим меѓу Москва и Скопје, што ќе го отежне патувањето и транспортот меѓу државите“.

Македонија | пред 3 години

Ќе поднесеме предлог-закон за намалување на цената на патарините, вели Апасиев

Пратениците на Левица денес ќе поднесат предлог-закон за намалување на цената на патарините.„Пратениците на Левица денес ќе поднесат предлог-закон за драстично намалување на цената на патарините во земјава“, објави Димитар Апасиев , лидерот на партијата.

Македонија | пред 3 години

На 30 март ќе се објават резултатите од пописот

Првиот човек на Државниот завод за статистика најави дека конечните резултати од Пописот ќе бидат објавени на 30 март, за што се подготвува настан во салата на Филхармонија.-Илузија е да се очекува да има раст на населението кога има пораст на емиграција. Ни емигрираат млади луѓе кои го носат наталитетот. Треба друг тип на политика. И кога ќе се направат најдобрите мерки не може да се очекува демографски бум. Секој од нас да има можност од квалитетна работа, втор фактор – можност за квалитетно образование, требаат и квалитетно здравство и добра комуникација и петто, човечките потреби да има можност секаде да се задоволат. Проблемот е и со миграцијата на внатрешно ниво, вели Симовски во денешното гостување во „Студио 10“ на ТВ24.Според него, демографска стратегија пред 16 години била многу погрешна.

Македонија | пред 3 години