ТОП

Се бара укинување на две мерки против корона

Комисијата за заразни болести предложи укинување на две мерки до министерот за здравство кои треба да се проследат до Владата. Едната е да се укине задолжително поседување на потврда за вакцинација или негативен ПЦР тест при излез од државата и да се укине ослободувањето од работа за бремените жени.„Препораката е бремените жени да се вакцинираат и така да го заштитат своето здравје. До сега мерката беше да се ослободат од работа, а препораките од светот е да се вакцинираните. Тоа е за унапредување на здравјето на бремените жени“, рече д-р Злате Мехмедовиќ, портпарол на Комисијата.Тој посочи дека граѓаните кои ја напуштаат Македонија ќе треба да имаат негативен ПЦР или потврда за вакцинација, само доколку земјата во која ќе влегуваат тоа го бара.

пред 3 години

Нема фотографија

(ФОТО) Универзална распадната, Арсовска: Безбедноста на граѓаните мора да биде пред сѐ, Градот ќе ги решава грешките на Шилегов

На денешната прес-конференција во врска со реконструкцијата на Универзална сала, градоначалничката Арсовска истакна дека на 6-ти јули 2021 година е изготвен записник во кој што јасно се нагласува дека постојат проблеми со постојната состојба на проектот, односно неусогласеност на проектот со постојната состојба на Универзална сала, а дополнително новопроектираните конструктивни елементи е предвидено да се постават врз трафостаница во рамки на постојниот објект за која што постои проблем во нејзината дислокација.Претходното раководство свесно за проблемите продолжиле со градежни активности иако знаеле дека постојат грешки и пропусти во однос на реконструкцијата.Во текот на месец август се изготвени нови записници и тоа 6, 7 и 8, од 10.08.2021, 17.08.2021 и 24.08.2021, каде се нотирани проблеми за постојните конструктивни елементи, незадоволувачки параметри на армирано-бетонската конструкција и незадоволително ниво на арматура во истата, при што се очекува извештај од ЗИМ за начин на санација или рушење на тие армирано-бетонски елементи, изјави Арсовска.Градоначалничката посочи дека на 7-ми октомври минатата година е одржан состанок во Град Скопје на кој покрај претставници на фирмите проектант, изведувач и надзор на градежните активности присуствувале и тогашниот секретар на Град Скопје и секторски претставници кои заклучиле дека постојат сериозни технички проблеми и недостатоци во процесот на реконструкција на Универзална сала, за што е потребно да се направат измени во проектот. Оваа одлука е одбиена од страна на општина Центар и не е издадено решение за измени во тек на градење, при што е побарано да се аплицира со нов проект и ново одобрение за реконструкција на Универзална сала.На 12.10.2021 со записник број 16 надзорниот инженер дал препорака да се срушат или демонтираат конструктивните елементи, кои не ги задоволуваат карактеристиките согласно извештајот од ЗИМ, а да се демонтираат и челични елементи кои се кородирани на споевите и се проценети како несигурни и опасни за безбедноста на објектот, додаде Арсовска.Таа додаде дека затекнатата состојба на терен во однос на тоа како се трошеле средствата донирани од Владата за реализација на овој проект која обезбедила 120 милиони денари, укажува на непланско и несоодветно искористување на средствата, без притоа да имаат целосна техничка документација и дополнително да се осигураат дека овој објект ќе биде безбеден да може да се користи и дека еден ден нема да се сруши додека има полна сала граѓани внатре.Арсовска истакна дека и покрај овие пропусти и аномалии во работењето на претходното градско раководство, реконструкцијата на Универзалната сала не е стопирана и истата ќе продолжи соодветно со новото техничко решение кое ќе обезбеди пред се поголема безбедност за објектот и граѓаните.

Скопје | пред 3 години

Ковачевски: Осуда за одлуката на Русија за признавањето на Донецк и Луганск како самонаречени „Народни Републики“

Претседателот на Владата на Република Македонија, Димитар Ковачевски преку својот Твитер профил ја осуди одлуката на Руската Федерација да ги признае регионите Донецк и Луганск во Украина како „Народни Републики“.Премиерот Ковачевски на социјалната мрежа напиша:„Ја осудувам одлуката на Русија за признавање на Донецк и Луганск како самонаречени „Народни Републики“.Ваквиот чин е директен напад врз територијалниот суверенитет и интегритет на Украина и кршење на договорите од Минск и одлуките на Советот на ООН од 2015.Заедно со НАТО сојузниците повикуваме на решавање на конфликтот по дипломатски пат.“

Македонија | пред 3 години

Најмногу корона заболени има во Скопје, лицата над 60 години се најчести

Регистрирани сe 6.119 нови позитивни случаи од 34 градови во државата, со намалување од 29,2% во однос на минатата недела (n=8.638). Процентот на позитивност се движи од 16,7% до 31,1%, просечно 25,8%.Според неделниот извештај на Институтот за јавно здравје во периодот од 14.02.2022 до 20.02.2022г.,тестирани се вкупно 23.396 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со намалување од 11,2% во однос на минатата недела.Најголем дел од регистрираните случаи се од Скопје (n=3.262; 53,3%), а највисока неделна инциденца е регистрирана во Неготино – 519,1/100.000, Скопје – 514,3/100.000 и Кавадарци – 507,4/100.000.Процентот на позитивност се движи од 16,7% до 31,1%, просечно 25,8%. Регистрирани се заболени лица во сите возрасни групи. Најзастапена е возрасната група на лица на возраст над 60г (n=1.482, 24,2%). Најмал број е регистриран кај возрасната група од 0-9 години (n=327; 5,3%). Се забележува намалување на бројот на заболени кај сите возрасни групи, со најзабележително намалување од 31,5% во возрасната група од 20-29 години и 31,2% кај лицата на возраст од 50-59 години.Согласно новиот алгоритам за оздравување во текот на минатата недела со статус „оздравени“ се стекнале 8.797 лица во хоспитализирани услови или на домашно лекување. Во текот на минатата недела вкупно се пријавени 863 реинфекции, со намалување за 29,8% во однос на претходната недела. Пријавени се 106 смртни случаи во 23 градови во текот на изминатата недела, за 27,9% помалку во однос на минатата недела. Најголем дел од нив се од Скопје (41). Во однос на возраста, најголем број (n=101; 95,3%) од починатите припаѓаат на возрасната група над 60 години, а регистрирани се починати лица и кај возрасната група од 50-59 години (4) и 40-49 години (1).Во „Лабораторијата за вирусологија и молекуларна дијагностика“ при ИЈЗ на РСМ, во текот на изминатата недела, кај 49 позитивни примероци на SARS-CoV-2 од болнички и примероци од пунктовите е направено PCR тестирање за детекција на Омикрон сојот.Позитивните примероците се одбрани од тестираните позитивни во период од 14-20.02.2022 година, од следните градови: Скопје, Кавадарци, Тетово, Охрид, Струга, Кочани, Велес, Свети Николе, Штип, Виница и Гевгелија.Во 29 (59,2%) од испитуваните примероци е докажана BA.1 сублинијата на Омикрон.Во 20 (40,8%) од испитуваните примероци е докажана BA.2 сублинијата на Омикрон - позната уште и како „stealth“.На 17.02.2021 во Р. С. Македонија започна вакцинацијата против COVID-19.Заклучно со 20.02.2022, вакцинирани се вкупно 869.763 лица со барем една доза на вакцина против COVID-19 во државата и странство. Комплетно вакцинирани (со две дози) се вкупно 848.573 лица, а со трета доза се вакцинирани 140.455 лица.Деталниот извештај на Институтот за јавно здравје за состојбата со Ковид-19 за периодот од од 14.02 - до 20.02.2022г, како и кумулативната состојба со Ковид-19 во Република Северна Македонија се објавува на веб страницата на Институтот за јавно здравје: http://iph.mk/.

пред 3 години

Апасиев: Путин вечерва им ја напраи - „Сакавте Косово, еве ви уште две“

Лидерот на партијата Левица, Димитар Апасиев го прокоментира на Фејсбук признавањето на Доњецк и Луганск од страна на Русија.- Путин вечерва им ја напраи: "Сакавте Косово, еве ви уште две" - напиша Апсиев на Фејсбук.

Коментари | пред 3 години

ФОТО: Судар меѓу „голф“ и камион на булевар „Србија“

Автомобил „голф“ се судри со товарно возило на булевар „Србија“, во правец кон Кисела Вода. Од она што може да се види, бочната возачка страна на автомобилот е оштетена и возилото е исфрлено во спротивната лента за движење.Според првичните информации, нема повредени лица.На местото, увид прави сообраќајна полиција. Сообраќајот се одвива отежнато.

Скопје | пред 3 години

Муслиу е предложен пред да бидам министер, ама јас го упатив, вели Османи

Министерот за надворешни работи Бујар Османи, вели дека Петри Муслиу, синот на аналитичарот Алберт Муслиу, не е негов предлог за да се испрати како конзул во Чикаго.– Според закон, седницата е доверлива, не можам да коментирам дали имало само расправа, но не и одлука. Сѐ додека не се добие агреман од земјата каде што се упатува, таа не се објавува во јавноста – рече министерот.Муслиу бил предложен на 20 декември 2019, а работно бил ангажиран како програмски менаџер и советник во Владата.– Петрит Муслиу е предложен во 2019, една година пред да дојдам јас како министер за надворешни работи, но јас го упатив. Тој е дипломиран правник и магистер по меѓународно право, советник во владата за спроведување на Рамковниот договор – изјави Османи

Македонија | пред 3 години

(ВИДЕО) Снимен обид за грабеж во обложувалница во Скопје

На социјалните мрежи се појави шокантно видео од обид за грабеж на спортска обложувалница во Скопје, поточно во Чаир, кој можеше да заврши и трагично по животот на вработениот, но за среќа тој помина само со повреди.Само храброста на вработениот во спортската обложувалница беше пречка овој крадец да го испразни сефот и да си замине со полн плен, но овој човек му се спротивстави на крадецот кој во раката имаше нож и го повреди вработениот во левата рака и и левата надлактица.Откако крадецот виде дека храбриот човек нема да се откаже од пружањето на отпор, реши да го напушти објектот, но за жал успеа да му зададе неколку повреди, кои се надеваме дека се полесни. Од снимката може да се види дека настанот се случил овој месец, а подетални информации од МВР за инцидентот за жал немаме.Погледнете го видеото:

Скопје | пред 3 години

Лазаров не е повеќе матичен: Да го од**беш ФЗО ко лекар носи едно неописливо чувство на среќа

Доктор Ненад Лазаров на социјалните мрежи вели дека го изгасил факсимилот за матичен лекар.„Го изгасив факсимилот за матичен лекар од 01.03.2022.Освен носталгијата по работата кој со љубов ја работев 10 години, да го одјебеш ФЗО ко лекар носи едно priceless и неописливо чувство на среќа и тргање на едно неиздржливо бреме од врат, зошто додека они со вреќи пари крадат кој како дојде, нас ни ја исцицаа крвта.

Коментари | пред 3 години

Колку ќе чинат патарините на автопатот Скопје-Штип

Цели 160 денари во еден правец ќе чинат вкупно патарините на новиот автопат Скопје-Штип, а наплатата ќе почне во мај месец. Според властите, цената е во согласност со законските регулативи за патарини, односно 2,57 денари по километар. Плаќањето ќе биде електронски, пишува ТВ24.Во моментов не се размислува за воведување вињетки.

Македонија | пред 3 години

Хорор во Битола: Татко си ја брантел ќерката, па го убил зетот

Убиство ја потресе утрово Битола кога татко бранејќи ја својата ќерка од насилството на поранешниот сопруг го застрелал зетот.Убиениот рано утрото упаднал во домот на таткото на неговата поранешна сопруга и и се заканувал држејќи во рацете мачета. Таткото во тој момент го извадил оружјето и пукал, по што неговиот поранешен зет починал на лице место. Според полицискиот извештај, екипата на Итната медицинска помош само ја констатирала смрт. Убиениот пред извесен период се вратил од одлежување на казна затвор и ѝ бил добро познат на полицијата со дебело криминално досие.-Денеска во Битола, полициски службеници од СВР Битола го лишиле од слобода Т.Ѓ. (62) од Битола затоа што околу 05.55 часот во претсобјето од неговата куќа со пиштол пукал и го погодил С.С.(44) од Битола, кој починал на местото. Според пријавеното, претходно С.С. со употреба на сила влегол во куќата на Т.Ѓ. и со остар предмет се заканувал на ќерката на Т.Ѓ, која е негова поранешна сопруга, стои во извештајот на СВР Битола.Увид на местото на настанот извршиле Јавен обвинител и екипа од СВР Битола. По наредба на Јавен обвинител телото на починатиот било дадено на обдукција. (А.Б.)

Македонија | пред 3 години

17 починаа, а 234 се новозаразени со корона

Министерството за здравство информира, согласно податоците од Институтот за јавно здравје дека во последните 24 часа:Направени се 1.318 тестови, а регистрирани се 234 нови случаи на КОВИД-19:Скопје – 180, Кавадарци – 19, Куманово, Прилеп и Неготино – по 6, Велес – 4, Гостивар и Крива Паланка – по 2, Битола, Струмица, Струга, Свети Николе, Дебар, Пробиштип, Кратово, Крушево и Македонски Брод – по 1.Од вкупниот број на позитивни (234), регистрирана е 31 реинфекција.Регистриран e 1.491 оздравен пациент од: Скопје – 749, Тетово – 85, Битола – 73, Куманово – 69, Прилеп – 57, Струмица – 51, Кавадарци – 45, Велес – 42, Гостивар – 41, Охрид – 37, Гевгелија – 25, Кичево – 24, Радовиш – 21, Неготино ,Струга и Штип – по 20, Валандово – 19, Кочани – 12, Крива Паланка – 11, Богданци и Ресен – по 9, Свети Николе – 7, Крушево, Виница , Берово и Делчево – по 6, Кратово – 4, Демир Капија ,Македонски Брод и Демир Хисар – по 3, Дојран, Пробиштип и Дебар – по 2, Пехчево и Македонска Каменица – по 1.Во текот на изминатите 24 часа, регистрирани се 12 починати лица: 3 починати лица од Скопје (72г, 74г и 76г), по 2 починати лица од Битола (81г и 91г), Куманово (77г и 81г) и Струмица (58г и 65г) и по едно починато лице од Кочани (60г), Охрид (64г) и Тетово (68г). Од пријавените лица сите се починати во болнички услови.Согласно Регистарот на умрени лица со дијагноза КОВИД-19 од Мој Термин, дополнително се пријавени 5 починати лица од: Битола (1), Виница (1), Гостивар (1), Дебар (1) и Струга (1). Починатите лица се на возраст од 61г. до 80г. Лицата за починати се пријавени во период од 14.02. до 18.02.2022. Од починатите лица, 3 се починати во домашни услови, а 2 лица во болнички услови.Од вкупниот број на починати лица, кај 17 лица се регистрирани коморбидитети.Направени се 1.318 тестови преку: ИЈЗ-116, ЦЈЗ Скопје-0, ЦЈЗ Битола-0, ЦЈЗ Прилеп-0, ЦЈЗ Тетово-0, ЦЈЗ Куманово-0, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–0, Жан Митрев (Филип Втори)-90, Авицена-64, Биотек-65, Систина-63, лабораторија Лаор-0, Синлаб-0, Ремедика-0, Плодност-0, Генеа-0, Никоб Лаб-233, ВФВ Медикал-46, Ели Медика-7, Ројал Медика–0, Спектра-ММ-0, Рапид Лаб–3, Жан Митрев Струмица–0, Нова Лаб Дијагностика–0, Рамус-0, ЈЗУ и ПЗУ (рапид тест) – вкупно 631.Досега во земјата се направени вкупно 1.871.411 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 293.559, бројот на оздравени пациенти е 278.326, на починати е 8.915 а бројот на активни случаи изнесува 6.318.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 135925, Активни 3632Куманово 16023, Активни 269Битола 14057, Активни 303Прилеп 13433, Активни 190Тетово 13299, Активни 202Кавадарци 10003, Активни 209Гостивар 9326, Активни 97Велес 9294, Активни 257Охрид 8454, Активни 132Штип 7877, Активни 86Струмица 7866, Активни 161Кичево 5325, Активни 98Кочани 4909, Активни 55Струга 4619, Активни 65Гевгелија 4167, Активни 87Неготино 3587, Активни 96Свети Николе 2615, Активни 36Ресен 2554, Активни 57Радовиш 2475, Активни 52Крива Паланка 2350, Активни 31Делчево 1879, Активни 13Берово 1705, Активни 15Дебар 1600, Активни 47Валандово 1516, Активни 19Виница 1362, Активни 11Пробиштип 1282, Активни 5Богданци 991, Активни 27Кратово 926, Активни 18Крушево 875, Активни 12Демир Хисар 811, Активни 13Македонски Брод 683, Активни 8Демир Капија 542, Активни 7Македонска Каменица 519, Активни 0Пехчево 456, Активни 8Дојран 254, Активни 0

пред 3 години

Се зголемува цената на бензините

Малопродажните цени на бензините еуросупер БС-95 и еуросупер БС-98 и на екстра лесното масло за домаќинство (ЕЛ-1) се зголемуваат за 0,50 денари/литар, додека малопродажната цена на еуродизел (Д-Е V) не се менува, односно останува на исто ниво како што била утврдена со одлуката за утврдување на највисоки малопродажни цени на нафтените деривати и горива за транспорт од 14.02.2022 година.Малопродажната цена на мазутот М-1 НС се зголемува за 0,430 денар/килограм и сега ќе изнесува 46,921 ден/кг.Од 22.2.2022 година од 00:01 часот максималните цени на нафтените деривати ќе изнесуваат:Моторен бензин еуросупер БС – 95 82,50 (денари/литар)Моторен бензин еуросупер БС – 98 84,50 (денари/литар)Дизел гориво еуродизел БС (Д-Е V) 74,00 (денари/литар)Масло за горење екстра лесно 1 (ЕЛ-1) 73,50 (денари/литар)Мазут М-1 НС 46,921 (денари/килограм)

Македонија | пред 3 години

(ВИДЕО) ИРЛ: Минчо Јорданов и Благој Механџиски со сметки во „Кредит Свис“ – зошто?!

Кралот на челикот и поранешен вицепремиер, како и еден од најголемите градители на проектот ‘Скопје 2014’, Минчо Јорданов и бизнисменот како и основачот на империјата ‘Зегин’, Благој Механџиски имале свои сметки во швајцарската банка „Кредит Свис“, откри вчера „ИРЛ“ во новата епизода на „Редакција“.„Минчо Јорданов има вкупно осум трансакциски сметки во ‘Кредит Свис’ отворени од 2000 до 2009 година. Не можеме да видиме колку вкупно пари имало целото тоа време, но она што може да се види на кој датум, која сметка имала максимална сума на пари и колкава е сумата. На пример кај Јорданов, максималната сума на една од сметките изнесува 14,7 милиони швајцарски франци. Има и други сметки по 5-6 милиони и така натаму“, се вели во документарецот.За Благој Механџиски, се посочува: „Тој има три трансакциски сметки во ‘Кредит Свис’ и сите три се отворени во јануари 2007 година. На Механџски, најголемата максимална сума на една од сметките е 13,3 милиони швајцарски франци, а на другите две има околу пет милиони и три милиони“.Сашка Цветковска, одговорен уредник во ИРЛ вели: „Овие луѓе се се најлошо, се што имаат направиме во оваа држава, целото нивно богатство, буквално се што имаат. И онака се однсувале многу лошо со системот кој неправедно ги наградил. Најбогатите луѓе кои ги текнале сите пари благодарение на привилигиите овде, сепак одлучиле да ги чуваат надвор и да не плаќаат данок. Друго не знам“.Маја Јовановска, новинарка во ИРЛ во документарецот вели: „Всушност, првата финансиска инјекција поради која Зегин стаснува гиганотот кој го знаеме, доаѓа од озогласената исладнска инвестициска групација ‘Милестоне’... Сопственици се двајца браќа... кои се осудени поради проневери за пари. Парите за кои се осудени ги опфаќаат и парите од инвестициите во Македонија. Една од нивните инвестиции е во Зегин кога купуваат 50 отсто од уделите на Механџиски за пет милиони евра. Направивме компаративна споредба на датумите и сфативме дека по само шест месеци од оваа инвестиција, Механџиски ги отвора сметките во ‘Кредит Свис’. На една од тие сметки ќе се појават 5 милиони швајцарски франци“.Во документарецот се зборува и како Минчо Јорданов имал сметка во странство, иако во тоа време, имало забрана македонски државјани да имаат сметки во странство ако немаат работна дозвола или не се резидентни граѓани.Поврзани вести:

Македонија | пред 3 години

Детали за несреќата каде загина охриѓанецот: Еден од возачите бил пијан

Основното јавно обвинителство Охрид донесе Наредба за спроведување истражна постапка против едно лице, 24-годишен жител на селото Белчишта, општина Дебрца, поради основано сомнение дека сторил кривично дело – Тешки дела против безбедноста на луѓето и имотот во сообраќајот од член 300 став 2 во врска со член 297 став 1 од Кривичниот законик.Поведувањето на постапката следи откако јавен обвинител од Основното јавно обвинителство Охрид, во координација со увидна екипа од МВР, изврши увид на самото место на сообраќајна несреќа , која се случи утринава после полноќ, на магистралниот пат Охрид-Кичево, во близина на селото Подмолје. Несреќата се случила кога осомничениот, управувајќи патничко моторно возило „Ауди А6“ со охридски регистарски ознаки, не се придржувал на условите на патот, не ги почитувал сообраќајните прописи и во видно алкохолизирана состојба, преминал во лентата од коловозот наменета за движење на возила од спротивен правец. Во тој момент со возилото удрил во возило „Фолксваген поло“, управувано од 30-годишно лице од Охрид. Од ударот настанале тешки повреди кај возачот на автомобилот „Фолксваген поло“ поради кои настапила смртна последица.Веднаш по увидот, јавниот обвинител издаде насоки и наредби за прибирање на траги од местото на настанот, за утврдување на количество на алкохол во крвта на осомничениот, за сообраќајно – техничко вештачење, како и за обдукција на телото на починатиот.

Македонија | пред 3 години