ТОП

Загина млад охриѓанец, нова ужасна несреќа на автопатот во изградба

На 21.02.2022 година во 00:35 часот на магистралниот пат Охрид-Кичево, во близина на селото Подмолје, се случила сообраќајна несреќа помеѓу патничките моторни возила со охридски регистарски ознаки: „Ауди“ управувано од М.Л.(24) од селото Белчишта, општина Дебарца и „Фолксваген Поло“, управувано од Х.К.(30) од Охрид.На местото на несреќата починал возачот Х.К., а екипа на Итната медицинска помош констатирала смрт додека, М.Л.-возач на возилото „Ауди“ се здобил со тешки телесни повреди, констатирани во болницата „Св.Еразмо“. Врз телото на починатиот ќе биде извршена обдукција. Увид на местото на незгодата извршија јавен обвинител и полициски екипи.

Македонија | пред 3 години

„Убила ме туџа срамота!“ му рече новинарка на Османи кој се правдаше пред нејзе

„Убила ме туџа срамота“, му посочи новинарка на министерот Бујар Османи, присутна на брифингот, откако тој кажуваше дека порано имало повеќе нестручни кадри кои биле конзули и амбасадори отколку сега. Таа го праша и зошто на тајни седници се назначуваат вакви важни кадри. Тој пак, посочи дека ако некоја држава го одбие амбасадорот или конзулот, а тоа се знае, дека ќе биде загрозен неговиот интегритет.„Дури и предлозите од надвор се квалитетни решенија“, смета Османи откако сакаше презентерка да биде генерален конзул во САД.„Ако се водите според Законот за надворешни работи, зошто би биле спорни? Проблемот со Ејупи не е дали таа е млада туку дали исполнува услови“, му рече новинарката на Османи а тој одговори: „Широко образложение е што е афирмирана личности, проценка на министерот и Владата е кој ќе ја претстави таа Влада, но нема да го прашаме Милошоски. Имаме право како Влада да одлучиме кој ќе ја претстави државата надвор“. 

Македонија | пред 3 години

Се враќаат Македонци од Украина, но останале триесетина набљудувачи кои не се знае дали ќе се повлечат

Дванаесет луѓе се вратиле во Македонија и ја информирале Амбасадата на Македонија во Украина. Но таму има 30 наши сограѓани. За нивно повлекување, се уште се одлучува. Министерот за надворешни работи, Бујар Османи, вели дека денеска ќе се разговара со претставници на мониторинг мисијата, по што ќе се донесе одлука.„Останува прашањето за 30 наши набљудувачи за мониторинг мисијата на ОБСЕ. Некои држави ги имаат повлечено, како САД, Велика Британија, Данска ги има дислоцирани. Нашата позиција е поспецифична бидејќи ние сме дел од тројката, дел од претседавањето во ОБСЕ и внимаваме какви пораки ќе дадеме во мониторинг мисијата на ОБСЕ. Во контакт сме со набљудувачката мисија“, кажа Османи.По евакуацијата и мобилизацијата викендов на источната граница на Украина продолжија и вооружените престрелки. Морничави слики од блиски борби во Доњецк денеска го обиколија светот. Руските сепаратисти и украинските специјалци се на работ на војна. И двете страни вооружуваат и обучуваат цивилно население. Украинска паравоена група понуди обука на цивилни доброволци во главниот град Киев бидејќи стравувањата од понатамошна ескалација се зголемуваат по порастот на насилството на истокот на земјата.За време на собирот жените беа обучени како најдобро да се заштитат во случај на голема ескалација.Најголемиот притисок и вознемиреност го чувствуваат украинските војници во Донбанскиот регион на самата граница. Вкопани во рововите, ги слушаат повремените експлозии од проектилите испалени од руска страна. Но, имаат наредба да не одговараат на провокациите.Свештениците на Православната црква на Украина низ целата земја одржуваат специјална молитвена служба. Жителите на Киев се собраа во манастирот Свети Михаил за да се молат за мир додека расте стравот од руска инвазија.Бунтовничките групи во источна Украина продолжија со евакуација на населението. Повеќе од 6.600 луѓе се евакуирани од Доњецк, а околу 25.000 луѓе го напуштиле Луганск, додека пак 10.000 се подготвуваат да го напуштат.Сепаратистите и украинските сили се борат речиси осум години. Но, насилството долж линијата што ги дели двете страни, се зголеми во последните денови.

Македонија | пред 3 години

(ВИДЕО) Стојкоски со дваесетина големи проекти, акции и активности: Чисто Ѓорче, задоволни жители и решени проблеми се наши приоритети

За првите сто дена, во Ѓорче Петров се реализираа дваесетина големи проекти, а градоначалникот Александар Стојкоски оствари и стотици средби со жителите кои бараа решенија за нивните долгогодишни проблеми. Откако општината беше преземена од страна на новата локална власт предводена од Стојкоски, главниот акцнет, беше ставен на решавање на комуналните проблеми односно расчистување депонии, раззеленување на урбаните катчиња, но и на уредување, тампонирање и асфалтирање улици, изведба на канализација, зголемување на безбедноста во сообраќајот, поставување на нова водоводна мрежа.„Сакаме што побрзо да ги решиме сите проблеми, но наидовме на проблеми во општината. Ѓорче го добивме со празна каза и милионски долг. Изнаоѓаме алтернативни решенија за реализација на капиталните инвестиции. Не се доведовме во ситуација да се правдаме и ова да биде пречка, за веднаш да се фатиме за работа. Па така, исчистена е депонијата во Ново Село. Расчистени се над 11 хектари површина и одложени се над 200 тони градежен смет и шут. Депонијата беше повеќе децениски еколошки проблем, нѐ само во Ѓорче туку и во градот Скопје. Подигнавме нов парк од 1000 м2 со автономен систем за наводнување за тревните површини и дрворедите во покрај булеварот "Македонска војска". Направивме уредување со осветлување на пешачката патека по насипот на река Вардар. Извршено е тампонирање на пристапните патишта до обработливи површини во Никишатни и Орман во должина од 2000 м. Изведба на канализација и водовод на крак од улица 22 во Волково. Поставени се препреки за намалување на брзината на возилата на повеќе фреквентни локации и улици во урбаните заедници и во близина на училиштата и детските градинки. Ревитализирани и подигнати се над 2000 м2 зелени површини комплетно опремени со ситеми за наводнување со прскалки. Со акцијата се опфатени локации покрај ул.Васил Чакаларов во УЗ Хром, ул. Македонска Војска во УЗ Ѓорче Петров и покрај ул. Лука Геров во населбата Даме Груев. Расчистена е дивата депонија во урбаниот дел на ул. Наум Чакаров и отстранети се 50м3 на разновиден отпад. Поставена е нова водоводна мрежа во должина од 350м на ул.102 во Волково. Расчистена е депонија во делот на индустриската зона на Шарпланинска. Трае изведба на атмосферска канализација на ул.Манчу Матак и реконструкција на горниот строј на улицата по цела нејзина должина, со поставување нов асфалт. Целосно реконструирана е улицата Крсто Раковски. Комплетно е реконструиран коловозот на ул. Беаз Куле. Во тек се градежни зафати во ООУ „Димитар Поп Георгиев Беровски“ за реконструкција на подовите во ходниците на долниот спрат, целосно реновирање на тоалетите и изградба на тоалет за учениците со пречки во развојот и поставување на нова енергетски ефикасна фасада. Во тек е изведба на нова примарна и секундарна канализациона мрежа во с. Орман“, вели градоначалникот Стојкоски.Тој посочува дека ги слуша проблемите на граѓаните, заедно со предлозите за нивно решавање. Се преват подготовки за реализација и на големи инфраструктурни проекти. Во изминатиот период, нема заборавени населени места, потенцира тој. За во наредниот период, најави десетици нови проекти.„Стартуваме со изведба на атмосверска канализација на ул. Радушка во должина од 1200 м. Ќе го решиме водоснабдувањето во с. Кучково. Ќе работиме на изградба на нов модерен мегапарк во Ново Село на местото од поранешната депонија, изведба на енергетски ефикасна фасада на ОУ Ѓорче Петров, реконструкција на кровот и замена на азбестниот кров од ОУ Страшо Пинџур, субвенционирање за набавка на нови велосипеди, изградба на претоварна станица за кабаст отпад и градежен шут, реконструкција и изведба на улици во урбаниот и руралниот дел на општината, уредување на локалитетот Крст во Кучково, со еко училница и забавни содржини, дигитализација на услугите за жителите, поставување на нова урбана опрема“, посочи тој.Важно да се напомене е и затекнатата финансиска состојба, која го доведува во прашање функционирањето на Општина Ѓорче Петров, а оставена од претходниот градоначалник Александар Наумоски и тогашното раководство. Па така, обврските по задолжени фактури се 109.084.061,00 денари, обврски по кредити за наредни години се 109.084.775,00 денари, склучени договори и обврски за отплата на кредити за наредна година односно средства резерврани по основа на склучени договори и кредити кои треба да се префрлат за наредна година 2022 изнесува 261.977.728,00 денари. Во овие средства влегуваат обврски по фактури од 109.409.061,00 денари, обврски по договори кои се варијабилни(намалување/зголемување) и изнесуваат 139.568.667,00, обврски за отплата на кредити кои се 13.000.000,00, односно вкупно: 261.377.728 денари.

Скопје | пред 3 години

Трагично загина скопјанец кој бил на риболов

72-годишен скопјанец починал од струен удар, информира МВР. Во СВР Скопје вчера било пријавено дека на делот од пругата меѓу железничките станици Драчево и Лисиче, едно лице починало при повреда од струен удар.Полициски службеници излегле на местото и констатирале дека станува збор за лицето С.Ц. (72) од Скопје, кој со трска за риболов ги допрел жиците.Како што информираат од МВР, екипа од Итна медицинска помош констатирала смрт, а по наредба на Јавен обвинител телото било дадено на семејството.

Скопје | пред 3 години

668 се новозаболени, 7 починаа од корона

Министерството за здравство информира, согласно податоците од Институтот за јавно здравје дека во последните 24 часа:Направени се 3.974 тестови, а регистрирани се 668 нови случаи на КОВИД-19:Скопје – 340, Битола – 43, Куманово и Струмица – по 33, Охрид – 30, Прилеп – 23, Тетово – 22, Кавадарци, Велес, Штип и Кичево – по 15, Гевгелија – 11, Струга и Богданци – по 9, Гостивар, Неготино и Свети Николе – по 8, Ресен и Дебар – по 5, Кочани, Крива Паланка и Демир Капија – по 3, Радовиш, Делчево и Македонски Брод – по 2, Берово, Валандово, Виница, Кратово, Крушево и Демир Хисар – по 1.Од вкупниот број на позитивни (668), регистрирани се 81 реинфекции.Регистрирани сe 887 оздравени пациенти од: Скопје – 621, Битола – 39, Куманово – 36, Кавадарци – 32, Велес – 31, Неготино – 19, Гевгелија – 13, Тетово и Кичево – по 11, Прилеп и Гостивар – по 10, Ресен – 8, Штип – 5, Охрид, Богданци, Свети Николе, Кочани, Крива Паланка и Демир Капија – по 4, Струмица, Радовиш, Делчево и Пробиштип – по 3, Берово – 2, Струга, Македонски Брод и Валандово – по 1.Во текот на изминатите 24 часа, регистрирани се 7 починати лица: 3 починати лица од Прилеп (80г, 80г и 81г), 2 починати лица од Скопје (78г и 82г) и по едно починато лице од Куманово (75г) и Струга (60г). Од пријавените лица сите се починати во болнички услови.Согласно Регистарот на умрени лица со дијагноза КОВИД-19 од Мој Термин, дополнително нема пријавени починати лица.Од вкупниот број на починати лица, кај 7 лица се регистрирани коморбидитети.Направени се 3.974 тестови преку: ИЈЗ-270, ЦЈЗ Скопје-91, ЦЈЗ Битола-98, ЦЈЗ Прилеп-48, ЦЈЗ Тетово-2, ЦЈЗ Куманово-65, Клиника за инфективни болести и фебрилни состојби-0, Судска медицина-4, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–321, Жан Митрев (Филип Втори)-62, Авицена-71, Биотек-101, Систина-51, лабораторија Лаор-132, Синлаб-8, Ремедика-0, Плодност-41, Генеа-10, Никоб Лаб-295, ВФВ Медикал-43, Ели Медика-30, Ројал Медика–19, Спектра-ММ-9, Рапид Лаб–20, Жан Митрев Струмица–15, Нова Лаб Дијагностика–2, Рамус-13, ЈЗУ и ПЗУ (рапид тест) – вкупно 2.153.Досега во земјата се направени вкупно 1.870.093 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 293.328, бројот на оздравени пациенти е 276.835, на починати е 8.898 а бројот на активни случаи изнесува 7.595.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 135758, Активни 4205Куманово 16013, Активни 333Битола 14050, Активни 373Прилеп 13429, Активни 244Тетово 13300, Активни 290Кавадарци 9982, Активни 234Гостивар 9321, Активни 135Велес 9293, Активни 297Охрид 8459, Активни 176Штип 7879, Активни 108Струмица 7863, Активни 212Кичево 5325, Активни 122Кочани 4908, Активни 68Струга 4615, Активни 83Гевгелија 4166, Активни 111Неготино 3582, Активни 111Свети Николе 2615, Активни 43Ресен 2554, Активни 67Радовиш 2475, Активни 73Крива Паланка 2348, Активни 40Делчево 1879, Активни 19Берово 1704, Активни 20Дебар 1599, Активни 49Валандово 1516, Активни 38Виница 1362, Активни 18Пробиштип 1281, Активни 6Богданци 991, Активни 36Кратово 924, Активни 20Крушево 873, Активни 16Демир Хисар 811, Активни 16Македонски Брод 683, Активни 11Демир Капија 541, Активни 9Македонска Каменица 519, Активни 1Пехчево 456, Активни 9Дојран 254, Активни 2

пред 3 години

(ВИДЕО) Граѓани ја малтретираат групата Евреи и ги објавуваат на интернет

Група од 38  членови на  еврејската религиозна група Лев Тахор,  минатата недела беа сместени во Куманово во неколку куќи. Според информациите од МВР групата е во постојано движење и за неколку денови требаше да ја напуштат нашата држава.Но, и покрај овие информации, пред нивните куќи секојдневно се собираа граѓани, а ситуацијата ескалираше кога кон куќата беше фрлано со јајца и им беше откорната влезната врата.Од Куманово со автобус и полиција беа спроведени во неколку хотели каде одбиваа да ги примат. На крајот тие беа сместени во хотел, што полицијата не го открива поради нивна безбедност.Но денес на социјалната мрежа Тикток беше објавено видео од оваа група, по што граѓаните веднаш реагираа, и побара од МВР и Хелсиншки комитет да реагриаат во врска со овој случај.„Навистина не ми е јасно кој закон го дозволува ова тероризација? Насилно да ти влезе во приватен имот да те снима и објави на ТикТок“, стои во објавата.https://www.tiktok.com/@mujoo000/video/7066607928433790214?is_from_webapp=1&sender_device=pc&web_id7013429959780812294 

Македонија | пред 3 години

Акција во Гостивар и Струга, полицијата упадна во неколку објекти

На 18.02.2022 полициски службеници од Бирото за јавна безбедност-Оддел за криминалистичка полиција и инспектори од СВР Скопје во координација со Државниот пазарен инспекторат и Управата за јавни приходи спроведоа акциска контрола во 25 угостителски објекти во Гостивар и во Струга и при тоа се констатирани низа неправилности во 14 објекти, кои се законски санкционирани. Од страна на Управата за јавни приходи се изречени санкции кон седум објекти во Струга и седум објекти во Гостивар, во кои се констатирани различни неправилности: неиздавање на фискални сметки, немање резервен фискален апарат итн. Од страна на Државниот пазарен инспекторат пак изречени се санкции за седум објекти во Гостивар поради разни видови непарвилности кои биле констатирани при контролите. Акциските контроли продолжуваат и во наредниот период.

Македонија | пред 3 години

Уапсен пејачот Тарабунов, до сабајле остана во полициска станица

Пејачот Александар Тарабунов на социјалните мрежи објави дека вчер вечер бил уапсен во локал во Битола.„Вчера вечерта бев уапсен во битола каде што настапував, како да сум најголем криминалец. Со лисици и со туркање во комбе ме однесоа во станица буквално за ништо, изрежираа дека се противам на началникот и дека немам лична картаа иако се обидов да ја покажам и заедно со газдата на локалот не држеа до 8 сабајле, на крај не пуштија, така, слободни сте“, напиша Тарабунов.

Магазин | пред 3 години

(ВИДЕО) 16-годишната струмичанка Драгана го воодушеви жирито на „Гранд“

Во синоќешната емисија на „Ѕвездите на Гранд“ македонската учесничка од Струмица, Драгана Костова, буквално растури со пеењето.Настапот ја однесе директно во четвртиот круг, таа доби шест гласови по прегласувањето.Нејзин ментор е Марија Шерифовиќ.Настапот на Драгана е на 22 минута

Магазин | пред 3 години

(ВИДЕО) Четири запечатени угостителски објекти во Битола, пронајдени дрога и лажни сертификати

Денеска (20.02.2022) во периодот од 01.30 до 04.30 часот полициски службеници од Бирото за јавна безбедност при МВР во координација со Државниот пазарен инспекторат, Управата за јавни приходи и Државниот инспекторат за труд спроведоа акциска контрола во четири ноќни клубови и кабареа во Битола. При тоа, во два ноќни клуба е пронајдена дрога (прашкаста материја и марихуана) и ќе бидат поднесени кривични пријави по член 215 од Кривичниот законик, едно лице употребило лажен ковид сертификат и за тоа ќе следува соодветна кривична пријава, а до надлежното обвинителство ќе биде поднесен поднесок и против сопственик на објект кој упатувал закани кон полициските службеници и инспекциските служби. Исто така ќе следат соодветни поднесоци и затоа што во ноќен клуб е затекнат малолетник по 24 часот, а биле констатирани прекршоци и по законот за пушење. 42 лица биле пуштени во четирите угостителски објекти без да поседуваат ковид сертификат и тие се запечатени од страна на Државниот пазарен инспекторат и ќе следат соодветни поднесоци. Исто така, констатирани се и случаи на неиздавање на фискална сметка, а од страна на Државниот инспекторат за труд се констатирани 27 прекршоци за работење без договор за вработување. Акциските контроли продолжуваат и во наредниот период.

Македонија | пред 3 години

Навивачи го уништија инвентарот на стадионот „Билјанини извори“

На 19.02.2021 година, за време на одржување на фудбалски натпревар на спортскиот центар „Билјанини извори“ во Охрид, поголема група навивачи го нарушила јавниот ред и мир со оштетување и уништување на инвентарот на стадионот како и со предизвикување насилство, палење и фрлање на пиротехнички средства.По интервенција на полициските службеници, спречен е обидот за насилство и недостојно однесување на спортски натпревар, пронајдени и одземени се петарди, бакли и други пиротехнички средства. По расчистување на настанот, СВР Охрид ќе поднесе соодветна пријава.

Македонија | пред 3 години

Во Радовиш се точело алкохол на малолетници, поднесена кривична пријава

Во времето од 19:00 часот на 19.02.2022 до 03.00 часот на 20.02.2022 година полициски службеници од Одделението за внатрешни работи Радовиш спровеле акциска контрола во девет угостителски објекти на подрачје на Радовиш. При контролата, во еден угостителски објект било констатирано дека малолетни лица биле послужени со алкохолни пијалоци. За настанот е известен Јавен обвинител од Основното јавно обвинителство Радовиш и по целосно документирање на случајот ќе биде поднесена кривична пријава за сторено кривично дело "точење алкохол на малолетни лица" по член 204 од Кривичниот законик.

Македонија | пред 3 години

Граѓаните реагираат: Од што го чуваат Филипче од Лиде Лиде?

Од Министерството за внатрешни работи за потврдија дека поранешниот министер за здравство, Венко Филипче ќе има лично обезбедување иако веќе не е министер за здравство.На ова реагираше опозициската ВМРО-ДПМНЕ преку партиско соопштение во кое прашуваат колку ќе чини обезбедувањето, но и зошто му е потребно истото доколку нема безбедносни закани.Исто така на социјалните мрежи реагираа и граѓаните, а ова се дел од нивните коментари.https://twitter.com/kashlicaa/status/1495103890123067397https://twitter.com/roze_______/status/1495035223033135105https://twitter.com/utrekjevrne/status/1494946164990484482https://twitter.com/rsena_a/status/1495091750687457284https://twitter.com/StevanoAna/status/1495072986906480643https://twitter.com/Hank___Chinaski/status/1495072239758331904https://twitter.com/Mk55519/status/1495009358257741826

Коментари | пред 3 години

(ФОТО) „Засекогаш во срцата“: Музика и емоции во чест на Тоше и Аки

Со два концерти, заради големиот интерес и рекордна продажба на картите за само час и половина, вчера и завчера во Центарот за култура од Битола го одржа традиционалниот музички проект „Засекогаш во срцата“ кој веќе четврта година се прави во чест на Тоше, а годинава и со почит на неодамна починатиот фронтмен на Парни Ваљак, Аки Ракимовски кој летово токму во Битола го имаше еден од последните свои концерти со истиот оркестар.Камерниот оркестар со кој диригира Владимир Димовски, придружуван од хорот на Државното музичко училиште од Битола, во кое учеше Тоше Проески на сцената маестрално ги следеа музичките ѕвезди кои прифатија да настапат на двата концерти.На сцената застанаа Александра Јанева, Ламбе Алабаковски, Каролина Гочева, Виктор Апостоловски, Јана Бурчевска, Александар Тарабунов, Димитар Андоновски, Нико Ѓоргиевски, Бојан Стојков…а публиката имаше можност да ужива во големите хитови на Тоше и Аки пеејќи ги во еден глас, во концертот кој траеше долги 100 минути, но публиката со долги аплаузи не се откажуваше од бисеви на самиот крај.Концертите се во организација на Центарот за култура од Битола и како проект, веќе четврта година се во годишната програма поддржани од Министерството за култура.

Магазин | пред 3 години