ТОП

108 пакети месо со бразилско потекло, илегално внесени од Македонија во Косово

Граничната полиција на Косово објави дека запленила денеска, во селото Кабаш во општина Витина, југоисточно Косово, околу 3.000 килограми месо со потекло од Бразил, кои биле илегално внесени во земјата од Северна Македонија, јави дописникот на МИА од Приштина.Според соопштението на полицијата, надлежните власти претходно идентификувале возило комби без регистарски таблички, управувано од косовски државјанин, кое влегло илегално од Северна Македонија.-Граничните полициски власти, покрај обидот на возачот на возилото да побегне по полициската наредба за запирање, успеаја да го запрат во селото Кабаш во Витина. При контролата на возилото откриена е шверцувана стока, 108 пакети со вкупно 3.000 килограми црвено месо со потекло од Бразил. Запленетото месо е предадено на Царината, се вели во полициското соопштение.Извор и фото: МИА

Македонија | пред 3 години

Николоски e највлијателнa личности под 40 години во Европа

Бриселската „Пријатели на Европа“ („Friends of Europe“) го избра Александар Николоски како еден од 40 највлијателни личности под 40 години во Европа.„Пријатели на Европа“ според неподелените мислења е највлијателна организација во Брисел и активно учествува во креирањето политики на ЕУ и создава општествени промени во Европа, а во нејзиниот управувачки комитет седат премиери, претседатели, претседатели на Европската комисија, евро комесари и други јавни личности од Европа. Секоја година ги номинира највлијателните личности од јавниот живот, политиката , науката, бизнис секторот да бидат дел од престижната програма Европски Млади Лидери кои се под 40 години.Можност да бидат дел од оваа програма се веќе докажани личности кои имаат силно влијание во општествените случувања во Европа. Целта на овој проект е заедничко вмрежување на веќе докажаните 40 личности од Европа кои веќе имаат успешни кариери од областа со која се занимаваат и нивно заедничко дејствување во поглед на промени во политичкиот и социјален живот во Европа. Алумните од изминатите години и учесниците од оваа генерација заедно со водечките личности во Европа и ЕУ заеднички создаваат решенија за сите жители на континентот, ги зајакнуваат демократските капацитети и креираат нови политики во насока на подобрување на квалитетот на живот.Еве што напишаа за избраните лидери оваа година: „Нивната страст, креативност и иновативно размислување создаваат совршена формула за генерирање на свежи идеи за изградба на Европа со понапредно размислување. Главни уредници на пионерски публикации и медиуми, лекари хуманитарци, политичари од сите нивоа на власт, актерка прикажана на Нетфликс, научници, како и иноватори што ја предводат зелената дигитална транзиција, го сочинуваат овогодинешниот избор EYL40 Class 2022 година. Од шампионите и уметници преку технолошките претприемачи, до водечките активисти и олимписките спортисти се годинешниот избор .“А, еве што за изборот на Александар Николоски напишаа од „Пријатели на Европа “:„Пратеникот во Собранието на Република Македонија, Александар е потпретседател на најголемата опозициска партија во земјата ВМРО-ДПМНЕ. Посветен на справување со корупцијата и настојување за членство на Македонија во ЕУ, тој е претседател на Националниот совет за европска интеграција, во која улога ги олеснува разговорите за пристапување на земјата во ЕУ. Александар е заменик-претседател на групата на Европската народна партија во Парламентарното собрание на Советот на Европа (ПССЕ), каде што е и член на Комитетот за правни прашања и човекови права. Тој претходно беше потпретседател на ПССЕ, како и прв потпретседател на Комитетот за политички прашања и демократија, како и на Комитетот за следење. Пред неговото влегување во политиката, Александар беше секретар на ФРЕСТА, програма предводена од данското Министерство за надворешни работи за промовирање на заедницата на невладините организации и меѓуетничкиот дијалог во југоисточна Европа“.Покрај Николоски оваа година дел од 40 највлијателни личности под 40 години во Европа се и Михаел Шимечка потпретседател на Европскиот Парламент, Михаи Данила - потпретседател на најголемиот инвестициски фонд во светот Блек Рок, Катинка Хосу пливачка која има три олимписки златни медали и вкупно 96 медали во кариерата, Томс Јурјевс основач и директор на Сан Фајнанс груп која обезбедува преку 1,2 милијарди евра во кредити за мали корисници, Нектариос Каланти Претседател на градоначалниците на Европа, Софи Мусел позната актерка со улоги во филмови и серии на Нетфликс, Соиел Мирпур член на управниот одбор на Рокет Интернет најголема европска компанија за поддршка на високоразвиени технолошки компании, Бенјамина Кариќ градоначалник на Сараево, Марио Брандебург пратеник во германскиот Бундестаг, Кристина Хансен од Данска која е градоначалник на Холбаек, Тамара Срзентиќ која е министерка за јавна администрација на Црна Гора, Витолд Банка од Полска претседател на светската анти допинг организација и други успешни млади лидери од Европа.Главен мотив на „Пријатели од Европа“ е алумните на нејзините програми да бидат носители на главните промени кои треба да се случат во Европа и заедничко решавање на предизвиците со кои се соочува Европа како што се дигитализацијата, зајакнувањето на демократијата и европските вредности. Во изминатите речиси две децении голем дел од највлијателните и најталентирани личности во Европа биле дел од оваа програма и нивната воспоставена комуникација има силно влијание во Европа.Изборот на Александар Николоски е големо признание особено затоа што ова е најпрестижно признание за личности под 40 години во Европа, а посебно е значаен делот во кој се опишува неговата работа како цитираме „Посветен на справување со корупцијата и настојување за членство на Македонија во ЕУ. “

Македонија | пред 3 години

22 пациенти починаа, 838 се новозаразени

Министерството за здравство информира, согласно податоците од Институтот за јавно здравје дека во последните 24 часа:Направени се 4.078 тестови, а регистрирани се 838 нови случаи на КОВИД-19:Скопје – 430, Велес – 52, Битола – 42, Куманово – 40, Тетово – 34, Прилеп – 33, Струмица – 23, Кавадарци – 22, Кичево – 19, Неготино – 17, Охрид – 16, Штип – 15, Гостивар – 14, Гевгелија и Ресен – по 12, Кочани – 10, Радовиш – 9, Струга – 8, Дебар – 7, Крива Паланка – 4, Делчево, Валандово, Виница и Демир Хисар – по 3, Богданци – 2, Свети Николе, Берово, Кратово, Крушево и Пехчево - по 1.Од вкупниот број на позитивни (838), регистрирани се 118 реинфекции.Регистрирани сe 1.140 оздравени пациенти од: Скопје – 413, Битола – 98, Кавадарци – 97, Велес – 91, Тетово – 61, Гостивар – 49, Струмица – 43, Куманово и Кичево – по 41, Неготино – 38, Гевгелија – 29, Свети Николе – 25, Охрид – 19, Кочани – 15, Прилеп – 14, Штип и Крива Паланка – по 10, Демир Капија – 8, Ресен и Валандово – по 7, Виница – 6, Струга и Дебар – по 5, Богданци – 3, Делчево – 2, Демир Хисар, Крушево и Дојран – по 1.Во текот на изминатите 24 часа, регистрирани се 20 починати лица: 10 починати лица од Скопје (69г, 73г, 76г, 77г, 77г, 80г, 81г, 83г, 84г и 85г), 3 починати лица од Тетово (64г, 72г и 74г) и по едно од Кочани (70г), Кратово (84г), Крива Паланка (71г), Куманово (68г), Неготино (83г), Прилеп (83г) и Струмица (78г). Од пријавените лица сите се починати во болнички услови.Согласно Регистарот на умрени лица со дијагноза КОВИД-19 од Мој Термин, дополнително се пријавени 2 починати лица од Скопје (2). Починатите лица се на возраст од 77г. до 86г. Лицата за починати се пријавени во период од 03.02. до 14.02.2022. Починатите лица се починати во болнички услови.Од вкупниот број на починати лица, кај 22 лица се регистрирани коморбидитети.Направени се 4.078 тестови преку: ИЈЗ-326, ЦЈЗ Скопје-72, ЦЈЗ Битола-103, ЦЈЗ Прилеп-65, ЦЈЗ Тетово-6, ЦЈЗ Куманово-90, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–142, Жан Митрев (Филип Втори)-85, Авицена-132, Биотек-167 Систина-76, лабораторија Лаор-210, Синлаб-27, Ремедика-19, Плодност-53, Генеа-26, Никоб Лаб-441, ВФВ Медикал-88, Ели Медика-38, Ројал Медика–10, Спектра-ММ-23, Рапид Лаб–19, Жан Митрев Струмица–13, Нова Лаб Дијагностика–11, Рамус-21, ЈЗУ и ПЗУ (рапид тест) – вкупно 1.815.Досега во земјата се направени вкупно 1.866.119 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 292.660, бројот на оздравени пациенти е 275.948, на починати е 8.891, а бројот на активни случаи изнесува 7.821.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 135409, Активни 4479Куманово 15980, Активни 337Битола 14009, Активни 371Прилеп 13406, Активни 234Тетово 13282, Активни 283Кавадарци 9968, Активни 252Гостивар 9315, Активни 139Велес 9278, Активни 313Охрид 8430, Активни 151Штип 7865, Активни 99Струмица 7831, Активни 183Кичево 5310, Активни 118Кочани 4905, Активни 69Струга 4607, Активни 77Гевгелија 4152, Активни 110Неготино 3573, Активни 121Свети Николе 2607, Активни 39Ресен 2548, Активни 69Радовиш 2473, Активни 74Крива Паланка 2346, Активни 42Делчево 1877, Активни 20Берово 1702, Активни 20Дебар 1594, Активни 44Валандово 1515, Активни 38Виница 1361, Активни 17Пробиштип 1281, Активни 9Богданци 983, Активни 32Кратово 923, Активни 19Крушево 872, Активни 15Демир Хисар 810, Активни 15Македонски Брод 681, Активни 10Демир Капија 538, Активни 10Македонска Каменица 519, Активни 1Пехчево 456, Активни 9Дојран 254, Активни 2

Македонија | пред 3 години

Симона ја изгуби битката, Штип се простува од седумгодишно девојче

Малото штипјанче кое штипјани го сакаа како свое дете почина, стои во објавата на Кирил Манев на Фејсбук.-Малото штипјанче кој штипјани го сакаа како свое дете почина. Бог да му го осветли патот во царството небесно. Почина и миленичката на Штип, Симона Хаџи Тошев. Денеска сите штипјани се во плач, тажни.Штипјани ,сите до еден, организираа хуманитарни акции, меѓу нив и ФК Брегалница, само да и се спаси животот на малото седумгодишно девојче. Добро беа организиртани хуманитарни акции, со што Штип потврди дека е хуман град. Но, на крајот животот на малата Симона згасна. Денеска попладне штипјани ,за последен пат ,ја испрататија во светот на вечноста саканото, храброто, убавото девојче Симона. Зошто животот е толку суров? Секогаш штипјани ќе се сеќаваат на милото девојче Симона!“, напиша Манев.Малата Симона боледуваше од акутна нелимфобластна леукемија. За неа беа собрани околу 140.000 евра од разни донации, концерти, театарски претстави, телефонски броеви за да може да се лекува во Загреб.

Македонија | пред 3 години

Колку пари чини безбедноста на Филипче, прашува опозицијата

Ако нема безбедносни закани тогаш зошто му е државно обезбедување на Венко Фичипче, прашува ВМРО-ДПМНЕ"Добро е власта да излезе со прецизна пресметка колку ќе ги чини граѓаните безбедноста на Венко Филипче.Врз основа на кој основ му е доделено обезбедување кога веќе самио тврди дека нема безбедносни закани.По златните чинии кои ги набави Ковачевски, специјално нарача и ново луксузно државно возило Шкода Суперб за Зоран Заев со целосно обезбедување и државното лично обезбедување за Венко Филипче, е уште една забеганост на власта на СДСМ.", се вели во соопштението.

Македонија | пред 3 години

Политичари, функционери и хејтери ќе има секогаш, ќе нема рецепт кој да ви препише, посочи доктор Лазаров

Доктор Ненад Лазаров кој од први март нема да работи во примарното здравство, по статусот на Менче Точи посочи дека за некоја година ќе нема кој да препише рецепт.„Најалармантна информација од целава ситуација која мора да се потенцира е бројката од само 1400 и нешто матични лекари во цела земја, со катастрофална несоодветна дисперзија.Се соочуваме со многу побро пропаѓање на системот заради одлив на кадар, 61-62 години просечна возраст на матичните лекари, а безмалку и да нема млади кои сакаат ова да го работат.Политичари, функционери и хејтери по фб ќе има секогаш, ќе нема рецепт кој да ви препише, и тоа за само некоја година“, вели Лазаров.

Коментари | пред 3 години

Вработените се криви што фрлале шут во Охридско Езеро, а не фирмата на Нефи каде работеле

Додека Нефи Усеини како советник во Охрид стана задолжен за заштита на животната средина, Обвинителството ја отфрли кривичната пријава против неговата фирма „Нефи ИК“ која се гонеше за фрлање шут во Охридско Езеро. Во овој случај, иако полицијата ја гонеше и фирмата, Обвинителството одлучи пред законот да одговараат само сопственикот на земјиштето и двајца вработени кај Усеини. Ваквата одлука на обвинителот доаѓа иако шутот е истурен со механизација која и припаѓа на фирмата „Нефи ИК“. Сепак, сега Обвинителството тврди дека нема основано сомнение дека фирмата го сторила делото. Одлуката за гонење на работниците и сопственикот на земјиштето е донесено на крајот од јануари.„Поднесен е обвинителен предлог против три физички лица за кривичните дела – узурпација на недвижности како и загрозување на животната средина и природата со отпад. За пријавеното правно лице кривичната пријава е отфрлена, бидејќи нема основано сомнение дека пријавеното правно лице го сторило наведеното кривично дело“, велат од Обвинителството за „А1он“.Целиот текст можете да го прочитате тука

Македонија | пред 3 години

(ВИДЕО) Диџеј Мац со емотивен потег во чест на Викторија Николова

Марјан Петровски или во јавноста познат како диџеј Мац минатиот викенд имаше настап во локал во Радовиш. На почетокот од настапот тој ја пушти омилената песна на 24 годишната Викторија Николова која пред неполн месец загина во сообраќајна несреќа во близина на „Сити мол“.„И после 3 месеци и 5 месеци да дојдев во Радовиш ќе започнев вака ....Најмалку што можев да направам за тебе е да те испочитувам .... бидејќи ти беше дел од моите забави во Радовиш и немаше пропуштена ниедна .... во твоја чест Вики, забавата започна со твоја омилена песна.Почивај во мир .. со почит од Dj Mats“, стои во објавата.

Магазин | пред 3 години

Филипче е ко пинкова ѕвездичка, сака во кафана да го гледаат со бодигарди, за да се осеќа битен, вели Јоци

Јорданка Ивановска - Јоци на социјалните мрежи ја прокоментира информацијата дека поранешниот министер за здравство, Венко Филипче побарал полициска заштита поради тоа што добивал закани по живот.„Ко права пинкова ѕвездичка, овој ко ќе иде у кафана сака да го гледаат со бодигарди. Да се осеќа уше нешо као битен, а не е ич.Цепки!Вецка уше е у филм дека ќе се тепаат луѓе за аутограми и селфија, па бодигардиве ќе праат ред“, стои во објавата.

Коментари | пред 3 години

Филипче добивал закани по живот, бара заштита

Полицијата и понатаму ќе го чува Венко Филипче, иако веќе не е министер за здравство, објавува Радио Лидер повикувајќи се на полициски извори. Лидер објавува дека вчера Венко Филипче поднел барање до МВР да продолжи со негово лично обезбедување и возач затоа што наводно имал закани по животот.За какви закани станува збор нема детали, но, јасно е дека поранешниот министер и понатаму ќе биде обезбедуван на државна сметка.

Македонија | пред 3 години

(ФОТО) Концертот во МОБ Дурловски го посвети на политичките затвореници

Македонскиот оперски пејач Игор Дурловски вечерва настапува во Македонската опера, а како што објави, настапот го посветува на македонските политички затвореници.– Вечерашниов мој настап на гала концертот во македонската опера и балет го посветувам на политичките затвореници во Македонија, објави Дурловски на својот профил на Фејсбук.Под објавата го додаде хаштагот #НеИгнорирај! А на фотографијата што ја објавува држи порака на која пишува: „Во Македонија има политички затвореници, не игнорирај“!

Македонија | пред 3 години

Во Скопје сончево со температура до 17 степени

Времето во Македонија претпладне сончево, попладне со мала до умерена облачност. Ќе дува слаб до умерен, вдолж Повардарието повремено засилен јужен ветер.Минималната температура ќе биде во интервал од -4 до 3, а максималната ќе достигне од 15 до 21 степен.Во Скопје, претпладне сончево, попладне со мала до умерена облачност. Ќе дува слаб до умерен ветер од јужен правец. Минималната температура ќе се спушти до 0, а максималната ќе достигне до 17 степени.Од недела ќе преовладува променливо облачно време со повремен локален дожд и со слаб до умерен, а во западните делови повремено засилен југозападен ветер. Во вторник се очекуваат пообилни врнежи кои поради заладувањето на планините и на некои повисоки места ќе бидат од снег. Ќе дува засилен северен ветер што ќе предизвика температурите да бидат пониски и во следните денови.

Македонија | пред 3 години

Трајковска: Дневно бришат по 1 500 заразени за да го намалат бројот на активни случаи

Новинарката Соња Трајковска на социјалните мрежи објави дека дневно се бришат по 1500 заразени со ковид.„Дневно бришат по 1 500 заразени за да го намалат бројот на активни случаи. Почнаа да тестраат помалку, за бројката на дневно заразени да падне под 1 000. Ама математиката е многу зезната ако не ја разбраш. Може не знаеме интеграли да решаваме, ама проценти од Месечината можеме да извадиме. Денеска со 2 808 теста има 905 позитивни, што е 32,2 отсто позитивни од тестирани. Вчера и завчера со повеќе теста овој проценти беше под 30. Колку да знаете дека на дрво не сме растени“, вели Трајковска.

Коментари | пред 3 години

Џамбаски: Претседателот Пендаровски го прекрши Договорот за соседство со средбата со сепаратистичкото ОМО Илинден

Новиот бугарски премиер Кирил Петков очигледно е испратен за да направаи компромис во спорот со Македонија и да се повлече, вели бугарскиот европратеник Ангел Џамбаски во разговор за македонскиот портал Локално.– Петков се обидуваше да ги замачка очите со разни ПР средби, беа потпишани фиктивни меморандуми кои веќе се потпишани меѓу двете земји, а резултатот е никаков, дури и негативен. Наместо напредок, македонскиот претседател Стево Пендаровски го прекрши Договорот за соседство со средбата со сепаратистичкото ОМО Илинден. Ова е доволна оценка за таканаречениот „нов пристап“ на Кирил Петков – оценува Џамбаски.

Македонија | пред 3 години

Стоилковски: Ова е лекција за Бесмира и за сите млади кои непромислено влетуваат во приказна за недораснати чевли

Портпаролот на ВМРО-ДПМНЕ Наум Стоилковски, истакна дека работел со Бесмира Ејупи, потврдувајќи дека се работи за исклучителна личност чие што време допрва доаѓа.– Сум работел со Бесмира и можам да потврдам дека се работи за исклучителна личност чие што време допрва доаѓа. Но тоа не и дава за право на Владата на ДУИ и помалиот партнер СДСМ да ја злоупотребува положбата и да создава гнев кон млади и квалитетни лица во земјава. ДУИ и помалиот партнер СДСМ предизвикаа и дозволија сиот гнев за нивното самоволие и можеби лукративност да падне на раменици на Бесмира.Ова е лекција за сите оние коишто дозволуваат старите истрошени и корумпирани функционери да ги испоганат оние од коишто се плашат. Нема друга позадина. Во сенка на Бесмира треба да мине едно непотистичко решение исто за САД. Ова е лекција и за неа, како и за сите други млади кои непромислено влетуваат во приказна за недораснати чевли. Особено во приказните на Владата на ДУИ и на помалиот партнер СДСМ“, вели Стоилковски.

Коментари | пред 3 години