ТОП

5 лица заболени со грип и ковид истовремено

Во текот на 1-ва недела од 2022 година (03-09.01.2022), во Република Македонија пријавени се 470 случаи на заболени од грип/заболувања слични на грип.Бројот на пријавени лица оваа недела споредено со 1-ва недела од минатата сезона е зголемен 26,1 пати.Во однос на возрасната дистрибуција, 270 лица се на возраст од 15-64 години, 121 кај деца на возраст од 5-14 години, 64 се регистрирани кај деца на возраст од 0-4 години и 15 лица на возраст над 65 години.Во сезоната 2021/2022 вкупниот број на случаи на грип/ заболувања слични на грип изнесува 2.183 лица, а во споредба со истиот период од минатата сезона, бројот на пријавени случаи е зголемен за 5,5 пати.Најголем број на заболени лица е регистриран на територијата на Дебар.Досега кај 5 лица е потврдена инфекција со грип и КОВИД-19 истовремено.

Македонија | пред 4 години

Од утре може да нема парно низ цело Скопје, БЕГ нема гас

Производство на топлина Балкан Енерџи ДООЕЛ Скопје (ПТБЕ) во тековната грејна сезона при тешка енергетска криза успешно се справуваше со предизвикот да обезбеди континуирана испорака на топлинска енергија во топловодната дистрибутивна мрежа .Во четвртиот квартал во 2021 година и покрај големиот раст на цената на природниот гас на слободниот пазар, компанијата успеа да ги амортизира пазарните ризици и обезбеди растот на цените на гасот на берзите да не со одрази врз цената на топлината која се испорачува на корисниците. На тој начин потрошувачите во првиот дел од грејната сезона воопшто не ги почувствуваа последиците од енергетската криза.Сепак енергетската криза продолжува и во новата 2022 година со висока цена на гасот на берзите која директно се одразува врз трошоците на работењето на компанијата. Одобрената тарифа за топлинска енергија од Регулаторната Комисија за Енергетика покрива незначителен дел од овие зголемени трошоци.Владата и нашата компанија вложија големи напори да се покрие финансискиот јаз помеѓу набавната берзанска цена на природниот гас и одобрениот трошок во тарифата за производство на топлинска енергија кој за месец Јануари 2022 година изнесува 9 милиони евра. Сепак поради постоење објективни пречки за обезбедување финансиски средства од државата, сеуште не е најдено решение за овој горлив проблем.Во меѓувреме од почетокот на грејната сезона ПТБЕ самостојно од своите ограниени тековни средства и приливи ја финансира набавката на природниот гас. Цената на гасот за месец Јануари 2022 година согласно договорот со добавувачот на природена гас е определена како средна цена на јануарските фјучерси во месец декември 2021 година, кога цените на берзите достигнаа највисоко ниво. Добиваме голема помош од компанијата ТЕ-ТО АД која со своите испораки на топлинска енергија во системот ја намалува потребата за набавка на природен гас во износ од дополнителни 5 милиони евра. Владата се заложи за итно плаќање на доспеаните фактури на буџетските потрошувачи. Сепак, ликвидноста на ПТБЕ брзо се истоштува и има средства за набавка на гас до крајот на утрешниот ден.Како општествено одговорна компанија информираме дека немаме повеќе ресурси да обезбедување финансирање на грејната сезона без државна помош за компензирање на тарифита за производство на топлинска енергија со што не ќе можеме да продолжиме со производство на топплина.За да се обезбеди непрекинато производство на топлинска енергија во ПТБЕ, предложивме Владата да ја превземе во времено управување компанијата почнувајќи од 14.01.2022 се до завршување на кризната состојба во оваа грејна сезона.Производство на топлинаБалкан Енерџи ДООЕЛ Скопје

Скопје | пред 4 години

Богоевски ги доби Ахмети и Џафери на Врховен

Врховниот суд пресуди во корист на поранешниот разузнавач Слободан Богоевски, по побарана ревизија од Али Ахмети и Муса Џафери.Ахмети и Џафери најпрвин го тужеа Богоевски пред граѓанскиот суд за клевета и навреда, односно по неговото сведочењето пред Окружниот суд во Њујорк во 2014, за случајот “Маџар Телеком”.огоевски, тогаш сведочеше дека  функционерите на ДУИ зеле поткуп од 7,5 милиони евра за да обезбедат гаранција дека на македонскиот пазар нема да влезе друг телекомуникациски оператор.Богоевски не одговараше за клевета, односно судовите пресудија во негова корист, а сега пресудите ги запечати и Врховниот суд.Во пресудата до која дојде “Фокус” пишува дека за дадено мислење во судска постапка, тужениот не може да биде одговорен за клевета и навреда, затоа што таа изјава е дадена пред службени лица.Исто така Врховниот суд посочува дека сведочењето на Богоевски има елементи на вредносен суд, односно став.Ахмети и Џафери на Богоевски треба да му исплатат судски трошоци од околу 500 евра.fokus.mk

Македонија | пред 4 години

За прв пат кадрите на ДУИ се пошколовани од кадрите на СДС, вели Апасиев

Претседателот на Левица, Димитар Апасиев на Твитер открива дека во новиот владин состав, министрите на СДСМ имаат помало образование од министрите на ДУИ што за него претставува крај на СДСМ како државотворна партија.-Денес ни ја доставија владината Програма и CV на предложените министри. За прв пат у историјата, кадрите на ДУИ се пошколовани од кадрите на СДС на Нашата Земја.Каков крај за една „државотворна партија“!p.s. Социјал-демократијата веќе не е секси“, вели Апасиев.

Коментари | пред 4 години

Маневски бара избори веднаш: Ова што го подготвува Ковачевски е нелигитимно и cpамно

Поранешниот министер за правда Михајло Маневски, на социјалните мрежи објави статус во кој вели дека тие што на Димитров му ставија ловоров венец, сега го заменија со Глогов„Tие што на Димитров му ставија ловоров венец, сега го заменија со глогов!Ги слушам Зоран Иванов, Александар Чомовски, па и оној Тричковски и повеќе други од таа слуганска бранша, сега наеднаш се нафрлија на Никола Димитров, кој се дрзна да каже зрнце вистина.Не оти го бранам Димитров, предавникот на Македонија, но им го гледам паметот на овие камелеони.Го сменија подаништвото со хорски напади и немаат храброст да ја кажат вистината за комплетно погубната предавничка политика на една тотално корумпирана Влада која Македонија ја доведе во пропаст и колапс.Кој сака да не убеди во "свежината" на албанските министри на ДУИ, кои остануваат на позициите, а овие министри од СДСМ, скоро сите папсани и овенати. Се "утепаа" од работа.Повторно уште една тешка манипулација.Кого сакаат да го измамат?Доста е. Никој ништо не верува дека криминалната корумпирана власт ќе се смени и ќе еволуира. Никој во ова нема никаков аргумент да верува. Ова што го спрема Ковачевски е нелегитимно и срамно. Само тотална промена на власта е патоказот за спас на Македонија. Ништо друго. Само нови избори под итно“, вели Маневски.

Коментари | пред 4 години

Не ми се јавувајте ако ви го блокираат автомобилот со шепа, вели директорот на Градски паркинг

Во животот добив уште еден нов предизвик, од денеска почнувам да го водам Јавното Претпријатие Градски Паркинг – Скопје, вели новиот в.д. директор на ЈП Градски паркинг, Бојан Христовски.„По долгогодишните голготи приредени од актуелната извршна власт и покрај бројните домашни и меѓународни признанија и обуки, ја напуштам службата и продолжувам да им служам на граѓаните како директор на најголемото претпријатие за паркинзи во државава.Огромна благодарност за довербата да го доведам во добра позиција ова претпријатие. Професионално ќе работам на решавање на хаосот со паркирањето во Скопје.П.С. Пријатели, роднини, колеги и познананици, барајте ме за кафе или за дружење во секое време после работните обврски. Ве молам да не ми се јавувате доколку вашиот автомобил биде блокиран со шепа или кренат од пајак. Правилата и законите треба подеднакво да важат за сите, а особено за оние кои ми се мене блиски, тоа е она што ќе ви го кажам доколку побарате протекција. Јавно ги повикувам вработените во ЈП Градски Паркинг дека треба да стават шепа и на мојот автомобил доколку немам пратено СМС порака“, напиша Хирстовски

Скопје | пред 4 години

Почина Горјан Тозија

Утрово на 68-годишна возраст почина Горјан Тозија – Медо, поранешен директор на Агенцијата за филм. Тозија починал од пневмонија.Тозија беше филмски продуцент, поранешен државен секретар во министерството за култура и советник во Kабинетот на претседателот Бранко Црвенковски. Беше претседател на Друштвото на филмски работници (ДФРМ), а во 1993 стана директор и на државниот продуцент „Вардар филм“.Во тој период „Вардар филм“ ги сними филмовите „Пред дождот“, „Ангели на отпад“, „Преку езерото“, „Џипси меџик“, и учествува во реализацијата на два холивудски филма кои се снимаа во Македонија, „Миротворец“ и „Добредојде во Сараево“.

Македонија | пред 4 години

Пановски бара укинување на сертификатите и да се скрати периодот на изолација

Микробиологот и професор д-р Никола Пановски вечерва во интервју за Канал 5 излезе со неколку порадикални предлози за тоа како државата да се справи со новиот бран зараза од ковид-19, кој зафати поголем дел од младата популација во земјава, но за среќа, се покажува дека децата поминуваат со полесни симптоми.-Зимскиот распуст на учениците треба да се продолжи за две недели, а потоа децата да тргнат на училиште без маски, дециден е д-р Никола Пановски.Тој се залага за укинување на сертификатите.-Ние треба да бидеме први во светот што ќе ги повлечеме сертификатите кои се голема глупост, немаат никаков ефект и никако медицинско оправдување. Ако не можеме да помогнеме со рестриктивни мерки, тогаш треба да направиме олеснителни мерки. Тргнете ги сертификатите.Не бидува после свадба тапани. Затоа, како што досега функционираше Комисијата за заразни болести, така нека продолжи и во иднина. Оти, во спротивно, ќе направи штета преку носење небулозни мерки како што беше носењето маска на отворено. Добро би било ако сега можат да го скратат периодот на изолација, препорачува д-р Пановски покрај мерката за повлекување на ковид-сертификатите.

пред 4 години

По скоро два месеци одземена лиценцата на Беса травел, Бектеши се пофали на Фејсбук

Министерството за економија денеска ја одзема лиценцата на туристичката агенција „Беса Травел“, објави министерот за економија Крешник Бектеши на неговиот Фејсбук профил.„По барање на Министерството за економија, Државниот пазарен инспекторат има извршено три вонредни инспекциски надзори во просториите на субјектот ДТППУ БЕСА ТРАНС БТБ ДООЕЛ експорт –импорт со адреса: село Рашче, Општина Сарај – Скопје, подружница БЕСА ТРАВЕЛ со адреса улица Стив Наумов број 2/2-3 Скопје, при што е констатирано дека истиот не обавува дејност, односно не работи. Државниот пазарен инспекторат, постапувајќи по наше барање, има доставено известување бр. 09-26-51 од 11.01.2021 година со кое информира дека правниот субјект не обавува дејност, односно канцелариите се затворени и во истите не може да се изврши инспекциски надзор па како министер за економија донесов решение за одземање на лиценцатаГи повикуваме сите граѓани кои ќе патуваат да проверат со кои туристички агенции патувааат, односно дали имаат важечки лиценци за работа издадени од Министерството за економија“, напиша Бектеши.

Македонија | пред 4 години

1.822 нови случаи и 7 починати од коронавирус

Министерството за здравство информира, согласно податоците од Институтот за јавно здравје дека во последните 24 часа:Направени се 7.123 тестови, а регистрирани се 1.822 нови случаи на КОВИД-19:Скопје – 918, Битола – 198, Прилеп – 98, Куманово – 65, Кавадарци – 55, Охрид – 49, Штип – 42, Гевгелија и Радовиш – по 33, Струмица – 30, Велес – 28, Тетово, Кичево и Крушево – по 26, Неготино и Валандово – по 21, Гостивар и Кочани – по 18, Свети Николе – 15, Ресен – 14, Струга – 12, Делчево и Берово – по 10, Пробиштип – 9, Крива Паланка – 8, Македонска Каменица – 7, Богданци, Македонски Брод и Демир Капија – по 5, Виница и Кратово – по 4, Демир Хисар и Пехчево – по 3, Дојран – 2, Дебар – 1.Од вкупниот број на позитивни (1.822), регистрирани се 173 реинфекции.Регистрирани сe 668 оздравени пациенти од: Скопје – 406, Охрид – 43, Битола – 37, Прилеп – 31, Кавадарци – 30, Струмица – 25, Куманово и Велес – по 14, Гевгелија – 11, Штип – 7, Радовиш, Неготино и Ресен – по 6, Кичево и Струга – по 5, Делчево – 4, Кочани и Берово – по 3, Гостивар, Крива Паланка, Богданци и Демир Капија – по 2, Свети Николе, Македонски Брод , Демир Хисар и Дојран – по 1.Во текот на изминатите 24 часа регистрирани се 3 починати лица: 2 починати лица од Делчево (70г и 77г) и едно починато лице од Скопје (89г). Пријавените лица се починати во болнички услови.Согласно Регистарот на умрени лица со дијагноза КОВИД-19 од Мој Термин, пријавени се 4 лица, по едно починато лице од Скопје, Радовиш, Гостивар и Кичево, починати во период од 28.12.2021-06.01.2022г. Починатите се на возраст од 61 години до 85 години. Сите пријавени лица се починати во домашни услови.Направени се 7.123 тестови преку: ИЈЗ-536, ЦЈЗ Скопје-112, ЦЈЗ Битола-95, ЦЈЗ Прилеп-61, ЦЈЗ Тетово–27, ЦЈЗ Куманово-115, Клиника за инфективни болести и фебрилни состојби-0, Судска медицина-2, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–174, Жан Митрев (Филип Втори)-172, Авицена-307, Биотек-397, Систина-132, лабораторија Лаор-283, Синлаб-64, Ремедика-19, Плодност-128, Генеа-21, Никоб Лаб-679, ВФВ Медикал-91, Ели Медика-18, Ројал Медика–43, Спектра-ММ-36, Рапид Лаб–33, Жан Митрев Струмица–42, Нова Лаб Дијагностика–13, Рамус-24, ЈЗУ и ПЗУ (рапид тест) – вкупно 3.499.Досега во земјата се направени вкупно 1.679.890 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 238.061, бројот на оздравени пациенти е 216.521, на починати е 8.062, а бројот на активни случаи изнесува 13.478.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 106674, Активни 7804Куманово 13506, Активни 363Тетово 11583, Активни 161Прилеп 11512, Активни 722Битола 10540, Активни 1261Гостивар 8227, Активни 142Кавадарци 7812, Активни 370Велес 7711, Активни 203Охрид 7227, Активни 448Штип 6978, Активни 222Струмица 6512, Активни 216Кичево 4458, Активни 132Кочани 4229, Активни 122Струга 4038, Активни 100Гевгелија 3167, Активни 219Неготино 2744, Активни 95Свети Николе 2204, Активни 50Крива Паланка 2029, Активни 70Ресен 1998, Активни 115Радовиш 1932, Активни 120Делчево 1531, Активни 59Берово 1510, Активни 27Дебар 1470, Активни 12Виница 1204, Активни 25Пробиштип 1185, Активни 43Валандово 1151, Активни 114Кратово 802, Активни 13Богданци 729, Активни 44Крушево 700, Активни 96Демир Хисар 675, Активни 33Македонски Брод 573, Активни 29Демир Капија 446, Активни 11Македонска Каменица 442, Активни 14Пехчево 373, Активни 14Дојран 189, Активни 9

пред 4 години

Се огласи Османи, одговори на обвинувањата од Димитров:Пред нас во формирање е еден нов политички моментум

„Во интерес на правилно информирање на јавноста, дозволете да информирам за начинот на кој се водат разговорите за надминување на отворените прашања со Република Бугарија, како во рамките на двете Министерствата за надворешни работи, така и во рамките на Владата и државниот врв“, напиша Бујар Османи.Тој додаде:„Преговорите на техничко ниво ги водат работни групи во кои членуваат искусни дипломати од Министерството за надворешни работи. Тие реферираат пред Министерот за надворешни работи, но воедно тие настапуваат согласно стекнатите знаења и искуство во нивната децениска работа во куќата, секако застапувајќи ги државните стратешки интереси утврдени од страна на Владата и целиот државен врв.Во истата насока, за важните стратешки прашања во Владата секогаш се формира Работна група - највисоко политичко тело кое по правило го предводи Премиерот, и на кое постојано се повторуваат и прецизираат државните интереси на земјава, кои Владата и Министерството за надворешни работи ги застапува при разговорите со своите колеги.Ова не се однесува само на сегашните разговори за надминување на отворените прашања со Република Бугарија, туку за етаблирана пракса која беше применета и при создавањето на Договорот од Преспа – чии успех има колективна заслуга: од дипломатите во Министерството за надворешни работи, преку работната група во Владата, па сѐ до сѐ уште актуелниот Премиер, што е повеќепати потврдено практично од сите меѓународни пријатели на земјата.На крајот, и моите лични позиции, како Министер за надворешни работи и како човек апсолутно соодветствуваат со државните позиции кои како Влада активно ги застапуваме, и тоа: и кога заеднички ги градевме државните интереси при создавањето на Договорот од Преспа; и кога заеднички го создававме Договорот за пријателство со Бугарија; а и сега, кога повторно разговараме за надминување на разликите со нашите соседи.Пред нас во формирање е еден нов политички моментум создаден преку новите мандати на Владите во двете земји. Граѓаните очекуваат од нас да ја искористиме оваа нова политичка иницијатива за да ја зајакнеме довербата меѓу двете Влади и меѓу двете држави. За оваа и јас лично, но и Министерството за надворешни работи, е во постојана комуникација и со Работната група во Владата, и со актуелниот Премиер, а консултациите правиме и со новиот Мандатар кој очекуваме наскоро да ја преземе функцијата.Резултат на оваа активност е веќе договорената посета на високата владина делегација предводена од Премиерот Петков на Скопје на 18 февруари, а во постојана комуникација со нашите колеги од Бугарија, веќе работиме да постигнеме согласност за одржување и на заедничка седница на двете Влади само една недела подоцна, или на 25 февруари.Од успехот на овие посети ќе зависи и насоката и силината на новиот моментум во односите меѓу двете земји, и оттука сите активности кои го загрозуваат овој успех ги сметам за непродуктивни и нефер.Ги повикувам јавно сите колеги, сегашни и поранешни, да покажеме доблест и фер однос едни кон други, да го задржиме нивото и довербата кои долги години и меѓусебно ги градевме, и да им ја обезбедиме европската иднина на граѓаните која предолго само им ја ветуваме“.

Македонија | пред 4 години

Никола Димитров брутален: Не верувам во Бујар Османи, преговара со Бугарија по секоја цена

Вицепремиерот за европски прашања, Никола Димитров кажа дека бил пречка за лошо решение со Бугарија, а посочи дека нема доверба во министерот за надворешни работи, Бујар Османи. Според Димитров, министерот Османи сакал успех по секоја цена да се реши прашањето со Бугарија. Димитров додаде: „Прашањето е поважно од Владата, од оваа, од следната, од сите“.„Да, немам целосна доверба во министерот за надворешни работи во однос на прашањето со Бугарија, со оглед на моето искуство на интерните координации, средбите во Брисел. Имам чувство дека таму има ‘драјв’ за успех по секоја цена, што мислам дека е опасен и не продуктивен. Можеби грешам и се надевам дека грешам“, кажа Димитров.Посочи дека македонскиот јазик е интимна работа и е наш, а државата е независна, па затоа, право и должност е достоинството да се зачува. Тој кажа дека одбил понуда да биде амбасадор во Вашингтон и рече: „Тоа не само што ќе ме тргнеше од дома, туку и ќе ми го врзеше зборот“. Тој додаде: „Има причини и потреба од посебна будност за ова прашање“.„Прочитав од портали, па дознав од амбасадори, па имав средба со мандатарот Ковачевски, така дознав. Одговорноста значи да бидете гласен внатре. Од друга страна мислам дека има јавен интерес за овие работи да се зборуваат отворено. Чекав бидејќи мислам дека беше важно да не се повлечам самиот. Можеби ќе беше полесно да кажам дека не се гледам во новата Влада, но беше важно мандатарот да каже. За сите работи ќе зборувам отворено, свесен за одговорноста и значењето на прашањето никогаш нема да наштетам, но ќе ја следам работата“, додаде Димитров.Тој посочи дека позициите кои денес ги искажал ги има од самиот почеток.„Обидот да има заострување на позицијата не успеа во смисла на споменување на бугарската заедница во нашиот Устав и тоа да биде направено пред да почнат пристапните преговори го нема во заклучоците. Но позициите се држат такви какви што беа од самиот почеток. Како држава треба да се прашаме дали е умно, мудро, толку голема енергија да ставаме во ова прашање. Мислам дека ќе биде мудро да останеме отворени за дијалог, но не да бидеме преокупирани во јануари или јуни, туку енергијата да си ја вложиме дома. Мислам дека огромен дел од нашата енергија мора да оди дома, за ова прашање треба да сме спремни за достоинствен дијалог, а нашите позиции да ги темелиме на европските принципи и меѓународното право. Ние сакаме да сме пријатели со Бугарија, но мора да не почитуваат“, посочи Димитров.Најави дека ќе биде брутално остар, а прашањето е превазно за да има политички суети.

Македонија | пред 4 години

Потребни се нови вакцини, смета СЗО и предурпеди дека бустер дозата не е доволна

Експертите од Светската здравствена организација предупредија дека повторното давање дополнителни дози на оригиналните вакцини против Ковид-19 не е добра стратегија против новите соеви и повикаа на нови вакцини кои подобро штитат од пренос на вирусот.Стратегијата за вакцинација заснована на повторени дополнителни дози веројатно нема да биде соодветна или одржлива, се вели во соопштението објавено од Техничката советодавна група на СЗО за составот на вакцината против Ковид-19.Потребни се и треба да се развијат вакцини против Ковид-19 кои имаат големо влијание за спречување инфекција и пренесување, покрај превенцијата од тешки болести и смртни случаи, соопштија од советничката група.Ова, наводно, ќе помогне да се намали преносот во заедницата и потребата од ригорозни и сеопфатни јавно-здравствени и социјални мерки.Експертите, исто така, сугерираа дека производителите на вакцини треба да се стремат да создадат вакцини кои треба да предизвикаат имунолошки реакции кои се широки, силни и долготрајни за да се намали потребата за последователни дози.Како што се развива вирусот и додека не станат достапни нови вакцини, можеби ќе биде неопходно да се ажурира составот на сегашните вакцини против Ковид-19, велат од групата.

пред 4 години

Боемот: Париз нема лиснато со зденка и маслинка во 5 сабајле, затоа го сакам Скопје!

Една убава зимска, идилична фотографија беше инспирација за многуминина инстаграмџии и за еден убав пост на инстаграм.  Овој пат, Боемот е инспириран од снегот во Скопје за кој како што вели му дава една поинаква димензија на градот.  Креативен, директен и понекогаш провокативно искрен и овој пишува за Скопје и за неговите мани и доблести.Првиот снег го разубави градот, предизвика насмевки кај скопјани, но и го засени целото ѓубре во градот и ги покри сите депонии, вели тој во својата инстаграм објава. Додава дека на момент забораваме на депониите, ѓубрето и нечистиот водух, а замислете секој ден да е вака – прашува тој.Вели дека го сака Скопје, затоа што Париз нема лиснато со зденка и маслинка во пет часот на сабајле.- „Во секој случај, Скопје навистина е приказна самиот по себе. Од Ѓорче до Ново Лисиче, од Козле до Радишани, од Драчево до падините на Скопска Црна Гора, преку Центар, Карпош, Аеродром, Кисела Вода, Чаир, Бутел... Секое маало има свои урбани легенди, но и своја староградска приказна... Чаршија, Водно, Матка. Скопје има свои убавини кои ги нема никаде во светот„, додава Боемот.Потенцирајќи ги стиховите „Скопје радост ти ќе бидеш“ вели дека ниту еден земјотрес, ниту една поплава, ниту една природна непогода не може да го сруши овој град, затоа што овој град одново ќе се крене.Неговиот пост во целост може да го прочитате на неговиот инстаграм профил, каде има десетици, па и стотици приказни за Скопје, боемски и улични, за урбаното и боемското живеење на градот.

Скопје | пред 4 години

(ВИДЕО) Испукани ѕидови, жителите во паника: Битола на нозе по серијата земјотреси кои се осетија во градот

Испукани ѕидови и луѓе на улици. Ваква е сликата во Битола по низата земјотреси во Лерин, Грција, кои се осетија во градот. Битолчани не сакаат да преноќат дома, од страв дека можеби ќе има посилни потреси. Фотографии и видеа има на социјалните мрежи, каде се гледаат жителите на Битола како седат пред домовите. Дел од нив, успеале да понесат ранци со најпотребни работи, пред се, за нивните деца.„Искрено вртев 15 мин, немаше никаква мрежа додека да добијам било кој од моите… а за другово зошто нема, мислам дека си го знаеме одговорот, за жал…“, се пожалија на социјалните мрежи.„Лошо ептен, се чув со моите, испопаѓало се, кај тетка ми ѕидовите испукани, на комшијата над нив телевизорот му паднал, сите се препотресени, излезена е надвор цела Битола скоро…“, се вели во второ сведоштво.

Македонија | пред 4 години