ТОП

Загина 16-годишен мопедист на патот Охрид-Свети Наум, излетал од патот

Во текот на ноќта во СВР Охрид е пријавено дека, на регионалниот пат Охрид-Св.Наум, на потегот помеѓу населбата Рача и стариот влез за хотелот Парк, мопед управуван од 16-годишник од Охрид, излетал од коловозот и удрил во метален столб.Тој се здобил со тешки телесни повреди и со возило на Итна медицинска помош бил пренесен во Општа болница во Охрид, каде им подлегнал на повредите.Сопатникот, исто така 16-годишник од Охрид, се здобил со тешки телесни повреди, констатирани во Специјалната болница „Св.Еразмо“ во Охрид.По овластување на јавен обвинител, увид на местото на несреќата изврши екипа на СВР Охрид.

Македонија | пред 8 месеци

(Видео) Главната бина целосно пеплосана – пожар го зафати „Тумороуленд“ пред стартот на фестивалот

Два дена пред официјалниот почеток на светски познатиот фестивал на електронска музика „Тумороуленд“ во Белгија, силен пожар ја зафати и целосно ја уништи главната бина. Организаторите соопштија дека, за среќа, нема повредени и дека фестивалот ќе се одржи како што е предвидено.На снимки објавени од локалните медиуми и корисници на социјалните мрежи, може да се забележат пламени јазици и густ црн чад како ја зафаќаат конструкцијата, додека огнот се шири кон блиската шума. Засега не е позната причината за избувнувањето на пожарот. Фестивалот се одржува во градот Бом, во близина на Брисел, и секоја година собира десетици илјади посетители. Оваа година неговиот почеток е закажан за утре.„Станува збор за сериозен инцидент – нашата главна бина е сериозно оштетена од пожарот. Тоа беше сцена на која работевме со години и ова е голем удар. Но, најважно е дека никој не е повреден. Фестивалот продолжува. Во кампот очекуваме околу 38.000 гости, а во самиот град над 100.000 посетители. Главната бина нема да ја има, но ќе понудиме алтернативи“, изјави портпаролот на „Тумороуленд“. Фестивалот е основан пред две децении од двајца белгиски браќа и денес се вбројува меѓу водечките светски фестивали за електронска музика, познат по своите импресивни сцени и визуелни перформанси.

Свет | пред 8 месеци

Слаб земјотрес синоќа почувствуван во Скопје и околината, епицентарот во Косово

Слаб земјотрес со јачина од 2,6 степени според Рихтеровата скала беше регистриран синоќа во 22:43 часот, а беше почувствуван и во Скопје и неговата блиска околина со интензитет од 3 степени според Европската макросеизмичка скала.Од Сеизмолошката опсерваторија при Природно-математичкиот факултет во Скопје информираа дека епицентарот на потресот бил на територијата на соседно Косово, на околу 39 километри североисточно од главниот град.Земјотресот го регистрирала Телеметриската сеизмолошка мрежа на Република Северна Македонија преку сеизмолошките станици поставени низ целата држава и одржувани од страна на Сеизмолошката опсерваторија.

Скопје | пред 8 месеци

“Да не видиш 2, 3 дивоградби ајде и 10, ама 200.000 не се резултат на Жане што користела стар одмор туку на нееднаквост на законот”

Ина Многу Фина со остар став за урбаната анархија и двојните аршини на институциите.-Во земјава има 200 000 дивоградби. Да не видиш 2,3 ајде и 10, ама 200 000 не се резултат на катаракта или Жане што користела стар одмор па не видела. Тоа е резултат на нееднаквост пред законот, некои дигаат згради и никој не ги гледа, некој ќе закасни со трета сметка према институција, одма ќе го видат, ќе му се обеси цел систем на глава со се извршители, пенали и шалтеруши. Сепак изгледа не сме сите исти... 200 000 дивоградби. Секоја чест.

Македонија | пред 8 месеци

(ВО ЖИВО)Тони Михајловски: Љутков ќе го надмине и најлошиот министер, тој е послушник кој сам си пукаше во нога

Актерот Тони Михајловски кој е гостин во „Претрес со Ландов”, говореше и за состојбите во културата.Според него, најдобар министер до сега бил Ештреф Алиу, а најлош Слободан Унковски. Сепак, посочува, актуелниот министер Зоран Љутков ќе го надмине и најлошиот.„Тоа е министерот за култура, актер, кој доби 800 тужби од своите колеги актери, затоа он е јаден, тој е послушник, после им ја намали платата на колегите. Сам си пукаше во нога. Заробеник е на луѓе во Министерството. И времето на СДСМ беше лошо, но ова е најлошо”, вели Михајловски.Поткастот следете го на следниот линк:

Скопје | пред 8 месеци

„Левица убива деца“ – партијата најави тужба против Богојески поради скандалозната изјава

Партијата Левица најави тужба за клевета и навреда, како и кривична пријава за предизвикување омраза, раздор и нетрпеливост врз основа на политичка припадност против, како што го нарекуваат, „владиниот функционер“ Петар Богојески.Во соопштението испратено до јавноста, од Левица велат дека повод за овие правни чекори е „срамната, крајно вознемирувачка и лажно обвинувачка објава“ на Богојески, кој е „актуелен функционер во Владата на ВМРО-ДПМНЕ, новопечен доцент на Воената академија и близок соработник на премиерот Христијан Мицкоски“.„Скандалозните јавни обвинувања дека ‘Левица убива деца’ не се само злонамерни, налудничави и целосно неосновани, туку претставуваат директно поттикнување омраза и загрозување на безбедноста на нашите членови“, посочуваат од партијата.Дополнително, според нив, прогласувањето на сите левичари за „психопати“ од страна на лице „кое со децении е носител на високи извршни функции во државната администрација“, претставува „игнорантно, неодговорно, а во неговиот случај и простачко однесување“.Од Левица оценуваат дека се работи за „политичка злоупотреба на трагичниот настан во Прилеп“, со „паушално поврзување со Левица“, што, според нив, е „циничен и безобзирен обид за политичко профитирање и дискредитација на политички противници од страна на власта“.

Македонија | пред 8 месеци

(ВО ЖИВО) Тони Михајловски: На Груевски до глужд не му се другите политичари, Стојанче е кловн, а Љубчо Георгиевски е катастрофа

Актерот Тони Михајловски кој е гостин во „Претрес со Ландов”, одговараше и на прашања од гледачите.„На Груевски до глуждови не му се другите, тоа е човек кој е неправедно осуден. Кај се сега актуелните кои ветуваа борба со криминалците? Ни еднаш не го спомнале Заев”, рече Михајловски.Со Мијалков, Груевски, вели, беа тандем, иако лукративноста стои. Би се видел со Груевски.„Љупчо Георгиевски е катастрофа, не можам да замислам дека некогаш сум стоел со него. Стојанче е кловн, политички шут. Драго ми е што сум му непријател. Најважно му е да биде директор”, одговори Тони Михајловски во „Претрес со Ландов”.Следете не на следниот линк:

Скопје | пред 8 месеци

(ВО ЖИВО) Тони Шанац: Мојата партија ме предаде и работеше за Максим, пазарот беше за градоначалник на Скопје

Актерот Тони Михајловски кој е гостин во „Претрес со Ландов”, говореше и за локалните избори во Куманово пред четири години кога тој беше кандидат за градоначалник од редовите на ВМРО- ДПМНЕ.Михајловски вели дека неговата партија не застанала зад него и го предала. Го спомена и актуелниот пратеник од Куманово, Бране Петрушевски, кој ниту еден состанок на партијата не одржал за негова поддршка.„Тотална опструкција ми направија, ниту една секунда реклама немав на телевизија, а 8.500 гласа освоив, замислете што ќе беше ако ме подржеа. После изборите бев многу разочаран, најмногу од лидерот. Од нервоза закачив херпес зостер со страшни болки. Никој не ми кажа зошто ми го направија ова, не сум се наметнувал, не знам кому сум му пречел. Историска шанса доби ВМРО -ДПМНЕ тогаш да ги добие локалните избори во Куманово, но работеа за Максим. За градоначалникот на Скопје пазар се правеше”, вели Михајловски.Единствено Орце Георгиевски му се јавил од партијата за овие четири години. Прв пат, бидејќи извадил лична карта од Скопје, ќе гласа за градоначалник на Скопје и на Карпош.Поткастот следете го на следниот линк:

Скопје | пред 8 месеци

(ВО ЖИВО)Тони Шанац: Ништо повеќе не сум го навредил Заев колку што тој мене ме навредил, не излажа сите

Гостин во „Претрес со Ландов” е Тони Михајловски, познат како Тони Шанац, актер, во 2001 година бил припадник на полициската единица Лавови, човек кој држел шанк на Охридска плажа. Го сака Охрид, но вели политиката на страна, јас сакам да одам и во Грција, не сум имал проблеми.Познат и гласен беше против менување на името.„Ништо помалку не сум го навредил Заев, колку што тој ме навредил мене. Не излажа сите. Би седнал на кафе со Заев но не би разговарале за политика, туку за мотори”, вели Михајловски.Поткастот следете го на следниов линк:

Скопје | пред 8 месеци

Никола Груевски од Будимпешта: Селективна правда и судски одлуки без докази – приказната за моите наводни станови е лажна

„Во Македонија постои двојна аршини за судството – кога некому не му одговара одлуката, тоа е корумпирано и партизирано судство со 2% доверба. Кога одлуката одговара на нечии интереси, тогаш одеднаш станува швајцарски модел на правда“, пишува поранешниот премиер Никола Груевски од Будимпешта.Повод за неговата реакција е продажбата на станови што беа запленети во случајот „Плацеви на Водно“. Тој тврди дека никогаш не бил сопственик на становите што ги продава државата и дека нема никакви докази ниту сведоштва што го поврзуваат со нив.„Ниту еден од тие пет стана не бил на мое име, ниту на мој близок. Нема уплати, договори, разговори, сведоци – ништо. Но, судот, под притисок од Зоран Заев, ги одзеде од двајца бизнисмени за да се конструира случај против мене.“Груевски наведува дека обвинителството се потпирало на непотврдени изјави, како наводниот коментар на Сашо Мијалков дека становите „можеби се за Никола“. Според него, се работи за политичка конструкција, за која „некои сведоци биле уценети да зборуваат, само за да избегнат кривична одговорност“.„Во нормална држава, со вистинско судство, ова не би било можно. Но кај нас судат врз основа на претпоставки. Без доказ, без следење на парите, без сведоци. А медиумите, наместо критички да се запрашаат, ја пренесуваат пресудата како да дошла од Цирих, а не од судот во Скопје.“Тој ги обвинува дел од медиумите и аналитичарите за селективно верување во судските пресуди, во зависност од политички или бизнис интереси.„Ако судот пресуди против некој што не им е симпатичен, веднаш е „правда“. Ако не им одговара – тогаш е „нарачка“. Таквата неконзистентност ја уништува секоја шанса за правна држава“, вели Груевски.На крајот, порачува дека притисоците на СДСМ и Заев врз обвинителството и судството се документирaни, и ги спомнува изјавите на Вилма Русковска за политички нарачани гонења.

Коментари | пред 8 месеци

„Тепачка“ за становите на Груевски, апартманите на Водно никој не му ги сака

Два од становите на поранешниот премиер Никола Груевски, одземени во предметот „Плацеви на Водно“, беа продадени вчера преку електронска аукција спроведена од Агенцијата за управување со одземен имот.Станува збор за двата стана на улицата Бихаќка, веднаш до дуплексот во кој Груевски живееше пред бегството. За нив, според информациите за „Фокус“, имало голема заинтересираност – се продале за речиси двојно повеќе од проценетата вредност. Станот со површина од 57 метри квадратни, кој се нудеше по цена од 63.000 евра, е продаден за 131.186 евра, додека помалиот од 38 квадрати, проценет на 44.000 евра, достигна цена од 90.016 евра. Новите сопственици засега не се откриваат, бидејќи се чека нивната уплата.Истовремено, аукцијата за трите луксузни апартмани во комплексот „Панорама“ на Водно била неуспешна – немало ниту еден пријавен учесник.„Електронската лицитација за апартманите на ул. Тодор Александров беше неуспешна, односно немаше пријавени кандидати“, велат од Агенцијата.Апартманите на Водно имаат вкупна површина од 750 квадратни метри и се проценети на над 2,4 милиони евра. Сите се со големи балкони и луксузна опрема, со поглед кон цело Скопје.Еден од становите има 155 м² внатрешна површина и 95 м² тераса, проценет на 760.000 евра.Вториот е од 199 м² со балкон од 48 м², вреднуван на 847.000 евра.Третиот има речиси идентични димензии – 200 м² и балкон од 48 м², со проценка од 851.000 евра.Груевски на истата адреса на Бихаќка поседувал вкупно четири стана – два кои ги користел како библиотека и работна соба, покрај дуплексот во кој живеел.Претходно, „Фокус“ објави дека е продадено и атрактивното земјиште на Сашо Мијалков во Гевгелија за сума под еден милион евра.

Македонија | пред 8 месеци

(Видео) Истрага се води за 29 полицајци кои се поврзуваат со „Пулс“, во еден предмет ќе им се суди на осомничените за пожарот и издавачите на дозволите

Државниот јавен обвинител Љупчо Коцевски изјави дека нема потреба од раздвојување на постапките за обвинетите во случајот за пожарот во кочанското кабаре „Пулс“, во кој загинаа 62 лица, а над 200 беа повредени. Според него, обвинителството има искуство со сложени предмети со повеќе обвинети и тоа нема да биде пречка за водење на ефикасна постапка. Ова доаѓа покрај предупредувањата од правниците дека предметот однапред, се осудува на пропаст.„Ако се раздвојат постапките, може да се појават компликации – едни ќе бидат обвинети, други сведоци, а станува збор за ист кривично-правен настан. Имаме искуство со предмети со над 30 обвинети. Сега го чекаме одобрувањето на обвинителниот акт“, рече Коцевски.Врховниот суд претходно одлучи предметот да го води Основниот кривичен суд Скопје, преку автоматска распределба (АКМИС). Се очекува Судскиот совет наскоро да одлучи во која сала ќе се одржуваат рочиштата – во опција се специјалната судница во Идризово, големата сала во Врховниот суд или во самиот Кривичен суд.Коцевски додаде дека паралелно со овој предмет, истрага се води и против 29 полициски службеници, опфатени во одвоена постапка во Обвинителството за организиран криминал, за евентуални пропусти во врска со пожарот. Според Обвинителството, се прибираат докази, се сослушуваат осомничени и сведоци, и се очекува истрагата да заврши до почетокот на септември.На оваа тема зборуваше и адвокатот Sвонко Давидовиќ во „Претрес“:?t=5755

Македонија | пред 8 месеци

Алиу призна дека не знае колку лекари има во државата, можеби има и други фантом-доктори како во Струга?

Министерот за здравство Азир Алиу денеска призна дека институциите во државата немаат точна и усогласена евиденција колку лекари има во здравствениот систем. Според него, податоците кои ги добива од различни институции се разликуваат, а тоа е, како што рече, „базичен системски проблем“.„Јас сѐ уште не знам точна бројка на доктори. И кога велам точна, мислам – бројка е бројка, не може да биде плус еден или минус еден. Ако тоа не го знаеме, тогаш не можеме да знаеме ниту дали имаме уште некој како оној случај во Струга“, рече Алиу.Изјавата доаѓа еден ден по објавата дека против 42-годишниот К. С. од Струга, вработен како лекар во Општата болница, е поднесена кривична пријава за несовесно работење во службата. Според полицијата, тој од 2019 до ноември 2024 година не се појавувал на работа, не го информирал работодавачот за прекинот на специјализацијата, и покрај тоа што му истекла лиценцата во 2020, продолжил да зема плата и додатоци, со што го оштетил буџетот на болницата за речиси два милиони денари.„Ако еден ваков случај се појави во Струга, постои основана претпоставка дека можеби има и други, во други градови. И можеби додека зборуваме, тие сè уште функционираат“, додаде министерот.Алиу откри дека уште во првите денови од преземањето на функцијата побарал од институциите конкретни и прецизни податоци за бројот и профилот на вработени во здравството. Но, како што рече, податоците што ги добива не се компатибилни, ниту пак одговараат на реалната состојба со систематизацијата и органограмите.„Испративме ново барање, овој пат без условување со систематизација – туку за реалната бројка. Се чека одговор. За жал, секое барање трае“, рече тој.Министерот додаде дека во Министерството се работи на функционална анализа која ќе даде јасна слика колку луѓе се потребни во системот, каква инфраструктура недостасува и колку време треба да траат медицинските процедури. Анализата, според него, е „една од најкрупните задачи“ и нема да се прави брзоплето, туку прецизно, по што ќе следуваат и реформите во здравствениот сектор.„Сакаме процесот да биде точен, а не само брз. Пациентите не смеат да чекаат месеци за резултати. Со оваа анализа ќе знаеме точно каде сме и што недостига“, заклучи Алиу.

Македонија | пред 8 месеци

Мотоциклист загина во несреќа кај струмичкото село Штука

На 15 јули, во 23.45 часот, во Полициската станица Струмица било пријавено дека во село Штука мотоциклист со иницијали З.С. (33) од село Иловица загинал на лице место откако управувајќи мотоцикл „хамачи“ без регистарски таблички, изгубил контрола и излетал од патот.Смртта ја констатирал лекар од Итната медицинска помош. Увид на местото на несреќата извршиле јавен обвинител и екипа на СВР Струмица, а телото на починатиот е предадено на обдукција по наредба на обвинител.

Македонија | пред 8 месеци

Полицијата влезе во скопски општини по налог на обвинителство: Се собираат докази за дивоградби

Полицијата вчера извршила претреси во неколку скопски општини – Чаир, Сарај, Аеродром и Кисела Вода – со цел обезбедување на докази поврзани со бесправна градба. Акцијата е спроведена по наредби од Јавното обвинителство, а во неа учествувале повеќе оддели на МВР, меѓу кои и организиран криминал, криминалистичка полиција и СВР Скопје.Министерот за внатрешни работи, Панче Тошковски, на денешната прес-конференција истакна дека не станува збор за реакција на актуелниот интерес на јавноста, туку за редовни активности што Министерството ги спроведува секојдневно.– Ова не е нешто што се прави поради моментален интерес, туку е дел од тековната работа на МВР. Во моментов не можам да споделам детали околу обезбедената документација – изјави Тошковски.Тој додаде дека полицијата постапува строго по закон, а секој случај на утврдена дивоградба што претставува безбедносен ризик ќе биде предмет на постапка за уривање.Одговарајќи на новинарско прашање дали полицијата постапува по пријавите од градоначалничката на Скопје, Данела Арсовска, министерот рече дека МВР работи по сите случаи каде што добива наредба од обвинителството.– За разлика од претходно, денес предметите не завршуваат во фиока. Континуирано се работи и се преземаат активности. Градоначалничката сите докази ги доставува до обвинителството за организиран криминал, кое пак, издава конкретни наредби до МВР. Секој треба да си ја врши работата во рамки на своите надлежности – нагласи Тошковски.фото: ФБ

Македонија | пред 8 месеци

Поплаки од сите страни: Граѓаните му пишуваат директно на министерот за доцнења на резултатите и пропусти во здравството

Министерството за здравство го започна спроведувањето на Националната програма за кризен менаџмент и зголемување на отпорноста на здравствениот систем, прв ваков проект во земјава кој воведува нов пристап во справувањето со ризици, воспоставување стандарди и дигитална платформа за координација во реално време. Ова го истакна министерот Азир Алиу на денешната прес-конференција.„Ова е јасен политички сигнал дека здравјето и безбедноста на граѓаните се приоритети, а нашата обврска е да создадеме систем кој реагира пред да се случи криза, а не по нејзиното појавување. Со овие чекори државата се движи од реактивен кон проактивен здравствен систем, подготвен да одговори на секоја опасност. Воедно започнуваме нова фаза на инвестиции вредна 205 милиони евра за модернизација на здравствената инфраструктура во Штип, Тетово и Кичево,“ рече Алиу.Во рамките на оваа нова концепција, е воведена и алатка преку која граѓаните директно можат да пријават неправилности во здравствениот систем.„До сега пристигнаа 90 пријави, најмногу од Скопје. Најчесто се однесуваат на доцнење на резултатите од испитувања, пролонгирање на прегледи и ангажмани на доктори како во јавниот, така и во приватниот сектор. Она што е најважно е дека овие пријави не се игнорираат, туку секоја се разгледува од посебни работни групи за да се обезбеди институционален одговор. Ова е јасна порака: времето кога здравствените проблеми се заташкуваа е завршено. Граѓаните сега имаат можност да го искажат својот глас и тој глас ќе биде слушнат,“ додаде министерот.Тој посочи дека создавањето семејство треба да биде право, а не луксуз, поради што ја отстранија административната бариера и го зголемија бројот на финансирани ин витро обиди од три на шест, а постапката за одобрување е дигитализирана и скратена на две недели.„Нема повеќе чекање со месеци, нема изгубени документи, туку само нови шанси и пристапност. Исто така, го поедноставивме процесот за лекување во странство, воведовме поголема одговорност во управувањето со Фондот и започнавме усогласување на правата на странските државјани со оние на нашите граѓани,“ истакна Алиу.Тој нагласи дека се формираат кризни штабови кои ќе бидат обучени за брзо и ефикасно справување со разни предизвици.„Целта е секој член на овие работни групи да биде подготвен да дејствува веднаш во случај на криза. Развиваме протокол за интероперабилност меѓу институциите, со кој ќе се утврди кои органи треба да бидат активни при различни видови природни непогоди. Во овие групи нема да има само здравствени работници, туку и претставници од надлежните институции за управување со кризни ситуации. На пример, ако се случи земјотрес, ќе биде јасно кој како да реагира, а клиниките ќе бидат подготвени со екипи за итна интервенција,“ појасни министерот за здравство.

Македонија | пред 8 месеци

Висок ризик од пожари во целата земја: Активни пет шумски пожари и алармантна состојба со сувост на вегетацијата

Македонскиот информативен систем за шумски пожари (МКФФИС) објави дневен преглед на состојбата со ризикот од пожари во земјата. Според најновите податоци, метеоролошкиот индекс на пожар (FWI) покажува многу висок ризик на голем дел од територијата. Висок ризик е забележан во западните делови на земјата, како и во околината на Струмица, Валандово и Богданци. Среден ризик има во Осоговските Планини, додека на Шар Планина ризикот се движи од низок до среден.Состојбата со сувоста на вегетацијата (VDM) покажува дека во повисоките предели има висока сувост, што укажува на присуство на многу сува и запалива вегетација. Во пониските делови сувоста е средна или ниска, но ризикот од пожари сепак е присутен.FWI индексот се пресметува врз основа на температура, влажност и ветер, користејќи податоци од автоматски метеоролошки станици на УХМР, додека VDM се добива преку сателитски мерења од NASA FIRMS. Во системот МКФФИС се достапни и карти за горливи точки, метеоролошки индекс на пожар и сувост на вегетација.Во последниот извештај за шумски пожари од 16 јули 2025 година до 12 часот, се бележи вкупно пет пожари на отворен простор. Од нив, три се активни, еден пожар е под контрола, а еден е целосно изгаснат.Активните пожари се лоцирани во општина Велес, кај селата Џидимирци, Крушје и Иванковци во мешана шума; во општина Македонски Брод, во област помеѓу селата Црешнево, Локвица и Крапа каде што гори деградирана дабова шума, грмушки и ниска вегетација; и во општина Василево, кај селото Нивичино во нискостеблеста шума.Пожарот во општина Дојран, кај селото Николич, е под контрола и се гори нискостеблеста шума.Изгаснат е пожарот во општина Чучер Сандево, во близина на селото Горњани, исто така во нискостеблеста шума.

Македонија | пред 8 месеци

Нова истрага на ОЈО за организиран криминал: Преку Скај-комуникации откриена група за шверц на кокаин од Холандија

Врз основа на податоци добиени преку апликацијата „Скај“, Основното јавно обвинителство за гонење на организиран криминал и корупција отвори нова истрага против пет лица осомничени за меѓународен шверц на наркотични дроги. Како што информираат од Обвинителството, утрово биле извршени претреси на три различни локации, при што едно лице е приведено.Осомничените, заедно со други сега починати лица, се сомничат дека во два наврати организирале нелегална набавка, транспорт и продажба на вкупно шест килограми кокаин од Кралството Холандија кон територијата на Република Македонија. Дрогата била наменета за понатамошна улична дистрибуција во државава.„Секоја личност имала конкретна улога – од набавка и транспорт, до складирање на дрогата на скриена локација и организирање на нејзината понатамошна продажба. Делувале како организирана група“, наведуваат од Обвинителството.Станува збор за кривично дело „Неовластено производство и пуштање во промет на наркотични дроги, психотропни супстанции и прекурзори“, казниво по Кривичниот законик.За лицето кое е приведено утрово, обвинителството најави дека во текот на денешниот ден ќе биде изведено пред судија на претходна постапка, со предлог да му биде определен притвор. Истата мерка ќе биде предложена и за уште две лица кои се недостапни на органите на прогонот.Интересен момент е што останатите двајца осомничени се веќе опфатени со наредба за истрага во предметот „Грчец“, и за нив веќе се определени мерки притвор кои ќе се применат по нивното пронаоѓање.Како и во неколку претходни случаи, истрагата се темели врз комуникации од криптираната апликација „Скај“, која стана централен извор на докази во борбата против организираниот криминал. Со неа досега беа откриени повеќе мрежи за трговија со дрога, оружје и незаконски финансиски трансакции.Со оглед на обемот и карактерот на делото, Обвинителството најавува продолжување на истражните дејствија и интензивна потрага по останатите членови на групата. Во фокусот се меѓународните релации за шверц на дрога, вклучително и поврзаноста со други досега активни истраги како „Грчец“.Истрагата е во рана фаза, но првичните наводи укажуваат на добро организирана мрежа со меѓународна логистика и претходно координирани активности.

Македонија | пред 8 месеци

Наташа Поп Трајкова и Катерина Коларевиќ остануваат во Обвинителството за организиран криминал – зад нив се предмети против Зеќири, „Виа Комерц“, корупција во институции

Советот на јавни обвинители на својата последна седница донесе одлука за реизбор на двете обвинителки Наташа Поп Трајкова и Катерина Коларевиќ во редовите на Основното јавно обвинителство за гонење организиран криминал и корупција (ОЈО-ГОКК). Двете обвинителки важат за искусни правници кои досега биле носители на повеќе истраги и обвиненија од висок профил, со значителен јавен и политички интерес.Обвинителката Катерина Коларевиќ е особено позната по водењето на предметот против поранешниот генерален секретар на Владата, Мухамед Зеќири. Во овој случај, тој беше обвинет дека склучил договори со две консалтинг-фирми без спроведена јавна набавка, што довело до штета за буџетот од околу 1,5 милиони евра. Според обвинителството, Зеќири имал намера да обезбеди лична корист за трети лица, додека постапката целосно ги заобиколила процедурите за транспарентност и контрола.Коларевиќ исто така го води предметот поврзан со станицата за технички преглед „Виа Комерц“, каде се истражуваат сомнежи за систематски издавање на потврди за техничка исправност на возила без реална проверка. Предметот е отворен по неколку сообраќајни несреќи во кои се утврди дека возилата биле пуштени во сообраќај и покрај тоа што не ги исполнувале основните технички услови.Наташа Поп Трајкова, пак, е дел од обвинителскиот тим што изминативе години водеше предмети за злоупотреба на службена положба, поткуп и организирани шеми на измама во државни институции. Таа го води случајот “Адитив”.Поп Трајкова е дел од тимот на ОЈО-ГОКК од 2021 година, откако претходно работеше во обвинителствата во Струмица и Скопје.

Македонија | пред 8 месеци

Унапредени двајца обвинители од скопското Обвинителство: Едниот гонеше за несреќата кај “Ласкарци”, другиот “едно евро за Вицето”

Советот на јавни обвинители го избра Дарко Јакимовски за обвинител во Вишото јавно обвинителство Скопје. Тој дојде од Основното јавно обвинителство Скопје, каде помина дел од својата правничка кариера.Јакимовски е особено познат по водењето на обвинението во случајот „Ласкарци“, во кој во трагедија од 13 февруари 2019 година, при автобуска несреќа кај селото Ласкарци, загинаа 16 лица, а повеќе од 30 беа повредени. Јакимовски учествувал и како предавач во професионални советувања за правна тема „Член 5 од Европската конвенција за човекови права – притвор и други мерки“Јакимовски е избран со 11 гласови и ужива репутација во јавноста. Тој има застапувано и други обвиненија за предмети кои не биле покриени од медиумите.На истиот седница на Советот на јавни обвинители, покрај Дарко Јакимовски, беше избран и Владимир Милошевски за обвинител во Вишото јавно обвинителство Скопје. Бил обвинител во истраги за: Поткуп; автобуска несреќа во Бугарија, каде загинаа 45 македонски државјани, истрагата за Ќелија, обвинение за повратници од ИСИС, што го потенцира неговиот ангажман во национално безбедносни предмети.Досега беше шеф на ново одделение за сериозен и сложен криминал, што опфаќа предмети со поголем број обвинети, финансиски истраги и доживотни казни.

Македонија | пред 8 месеци

Апелација повторно го осуди Васил Јованов на 3 години и 10 месеци затвор за трговија со дрога

Апелациониот суд во Скопје донесе нова одлука со која го осудува Васил Јованов на единствена казна затвор од три години и десет месеци за кривичното дело поврзано со неовластено производство и продажба на наркотични дроги, откако Врховниот суд во мај годинава ја укина претходната второстепена пресуда и го врати предметот на повторно одлучување.Како што информира судот, решението е донесено на јавна седница што се одржа на 11 јуни 2025 година, по предмет со ознака КЖ-481/25. Притоа, Апелација ја отфрли жалбата на обвинетиот како неоснована и го преиначи делот од пресудата на Основниот кривичен суд Скопје во однос на изречената казна – наместо мерка упатување во воспитно-поправен дом, му е изречена ефективна затворска казна.Јованов е осуден на една година затвор за едно дело по член 215 став 1 од Кривичниот законик и на три години за друго дело според истиот член во врска со член 22, по што му е изречена збирна казна затвор од три години и десет месеци, согласно член 44 став 2 точка 2 од КЗ.Одлуката ќе биде јавно објавена на веб страницата на судот, во согласност со Законот за управување со движењето на предметите во судовите.Апелациониот суд веќе еднаш донесе иста пресуда во февруари годинава, отфрлајќи ја жалбата на Јованов, а прифаќајќи ја жалбата на скопското Обвинителство, со што наместо заводска мерка, беше определена затворска казна. Меѓутоа, Врховниот суд на 7 мај ја укина тогашната пресуда и наложи повторно судење.Освен оваа пресуда, Јованов на 13 мај годинава доби 12 години затвор поради признание на вина за тешко дело против безбедноста во сообраќајот – случајот со прегазувањето на Фросина Кулакова во јануари на булеварот Партизански одреди во Скопје.

Скопје | пред 8 месеци

МВР вработува 150 нови полицајци – јавниот оглас трае 15 дена

Министерството за внатрешни работи распиша јавен оглас за прием на 150 нови униформирани полициски службеници во Секторот за внатрешни работи Скопје. Огласот е отворен 15 дена, сметано од денот по неговото објавување.Кандидатите треба да имаат завршено четиригодишно средно образование, да се на возраст до 25 години (доколку првпат се вработуваат во МВР), како и да исполнуваат низа здравствени, безбедносни и физички услови. Предвидена е едногодишна обука во Центарот за обука на МВР, а избраните кандидати ќе потпишат договор за вработување со обврска да останат во службата најмалку пет години.Целосниот оглас со сите детали за условите, потребните документи и начинот на пријавување е достапен на официјалните канали на МВР.

Македонија | пред 8 месеци

Студенти заглавени во Велес – патничкиот воз не продолжил поради чекање друга композиција

Група студенти синоќа останале заглавени на железничката станица во Велес, откако патничкиот воз кој тргнал од Скопје кон Битола во 20:05 часот, застанал во Велес околу 21:50 часот и не го продолжил патувањето.Патниците се нашле во незгодна ситуација и неизвесност, бидејќи било потребно да се префрлат од една композиција на друга која доаѓала од спротивен правец.Како што сведочат некои од присутните во возот, не била дадена навремена најава ниту разјаснување за причината поради која доцни продолжувањето на патувањето.фото: Unsplash

Македонија | пред 8 месеци

Лекар и медицинска сестра загинаа во авионска несреќа, авионот полетал од Пула

Четири лица загинаа во падот и експлозијата на мал авион што се урна веднаш по полетувањето од лондонскиот аеродром. Авионот бил на пат кон Холандија, откако претходно пристигнал од Пула.Меѓу загинатите во несреќата биле германскиот лекар од итната помош д-р Матијас Ејл (46), кој со години работел за германскиот Црвен крст, двајца холандски пилоти и 31-годишната медицинска сестра со германски пасош од Чиле, Марија Фернанда Рохас.Тоа и бил прв работен ден.Братот на починатиот доктор, Маркус, за „Билд“ изјавил колку било важно спасувањето животи за неговиот брат.„Беше најдобар. Спасуваше животи секој ден, само минатата недела спаси тројца од нив“, рече шокираниот Маркус Ејл. Истрагата за несреќата е во тек.Авион „Бичкрафт Б200 Супер Кинг Ер“ управуван од холандската компанија „Зиуш Авиејшн“, специјализирана за медицински евакуации итранспорт на пациенти и органи, слета во Пула од Атина, Грција, во неделата, а потоа продолжи кон Саутенд.Кратко по полетувањето, авионот се навали на едната страна, се урна и експлодираше.Британскиот одбор за истрага на воздушни несреќи (AAIB) воспостави зона на забрана на аеродромот и започна со извлекување на остатоците. Портпаролката на аеродромот изјави дека е прерано да се шпекулира за причината за несреќата.

Свет | пред 8 месеци

СДСМ со свој кандидат за Скопје, се разгледуваат четири имиња: Ралев и Шукова во најтесен избор

Социјалдемократскиот сојуз ќе влезе во трката за градоначалник на Скопје со свој кандидат, а официјалното име ќе биде објавено најдоцна до крајот на јули. Засега, како најсериозни опции се споменуваат Мишко Ралев и Каја Шукова, но според изјавата на претседателот на партијата, Венко Филипче, во комбинација се и уште две други личности.Филипче, гостувајќи во емисијата „Само интервју“ на Канал 5, нагласи дека не сака однапред да зборува за проценки во однос на поддршката што би ја добиле на изборите – ниту за бројот на гласови, ниту за очекувани советници и градоначалнички позиции.– Даваме максимум за да ги претставиме најквалитетните кандидати и да ја добиеме довербата на граѓаните. Важно е нашите кандидати да имаат интегритет и да покажат дека можат да работат чесно и одговорно. Скопјани ќе добијат кандидат кој ќе обединува, порача Филипче.

Скопје | пред 8 месеци