ТОП

Возот од Скопје заглави кај Богомила, патниците може да останат во вагоните дури 10 часа

Патничкиот воз кој од Скопје тргнал во 14.30 часот накај Битола сѐ уште не е стигнат. Според сознанија на Плусинфо причина за запрениот сообраќај е расипан товарен воз во близина на село Слепче кој е останат на пругата. Според порталот поради расипаниот товарен воз е блокирана пругата и патничкиот воз не може да помине, па затоа патниците се заглавени со часови на железничката станица.Патниците на социјалните мрежи споделуваат дека кондуктерот им велел дека можеби до полноќ или во утринските часови возот ќе пристигне на својата дестинација. Тие додаваат дека од страна на Македонски железници не им бил организиран каков било превоз, па тие се оставени да чекаат со часови да се ослободи пругата.Во патничкиот се возат околу 120 патници, неофицијално дознаваме од Македонски Железници.Помошна локомотива е тргната во 19 часот од Скопје за да го турне расипаниот воз во Слепче, па потоа да може патничкиот да продолжи.

Македонија | пред 3 години

„Денес требаше да уживаме на некоја плажа во Бали, а останавме на аеродром во Истанбул“, сведоштво на Македонка која доживеала вистинска голгота

Македонката Софија Митева на Инстаграм објави сведоштво како наместо на Бали, заврши на аеродром во Истанбул. Таа преку својата објава ги предупреди сите оние кои сакаат да патуваат во некоја егзотична или подалечна дестинација преку агенциите да бидат многу внимателни за да не завршат на аеродром без право да се качат во авионот со кој требало да стигнат на посакуваната дестинација.„Денес требаше да уживаме на некоја плажа во Бали но за жал поради лошата организација на jungle tribe тоа не е возможно!!! Се започна вака наши најблиски, драги сограѓани и идни патувачи: Се собравме на аеродромот Никола Тесла во Србија каде што требаше да летаме до Истанбул и од таму за Бали, стигневаме до Истанбул и на чекирање за Бали ни викат мене и другарка ми дека за ПАТНИЦИТЕ од МАКЕДОНИЈА е потребно ВИЗА!!!, и ние тука убаво им објаснуваме дека сме преку агенција, дека сме група и дека визата е upon arrivel односно кога стигаме во Бали ни ја издават визата од таму. Девојката ни објаснува дека не сме во право и дека без виза не смееме да се качиме во авионот, од тука ја бараме водичката Јелена која требаше да биде со нас на патувањето и она доаѓа и им објаснува дека не се во право и дека сака да зборува со некој по надлежен. Надлежниот и покажува на компјутерот дека не е во право дека македонските државјани мораат да имаат виза. Се јавува Јелена до агенцијата и овие едвај да реагираат, ни дава Јелена број од некоја вработена и од газдава и си заминува со групата за Бали а нас не остава апсолутно САМИ да се снаоѓаме без никави инструкции!!! (замислете да не знаевме англиски). Ние одморот за Бали го планиравме 6 месеци однапред. Уредно напишавме меил каде што прашуваме каква виза е потребна за нас, а вработена од агенцијата Јungle Tribe ни одговара upon arrival (имате доказ во следните сториња).Притоа, бевме во транзит зона на аеродромот во Истанбул, не сакаа да ни ги дадат куферите, немаше слободни места за ниту еден лет за Белград, и ќе напоменам, сите овие информации ние ги 'собиравме' САМИ. Во меѓувреме, на boarding pass, вработените ни кажаа дека ова НЕ И Е ПРВ СЛУЧАЈ НА АГЕНЦИЈАТА СО ТУРИСТИ ОД МАКЕДОНИЈА, а кои и самата водичка претходно ни потврди дека ова веќе и се има дешавано на повеќе граѓани од Македонија (можеби ќе се пронајдат).30 часа не спиени, уморни, без никаква помош, единствено нешто што сопственикот на агенцијата (кого што го добивме преку Whatsapp) беше да ни ја побара комуникацијата преку маил, односно сите меилови помеѓу нас и нивните вработени.На крај ни кажа дека е наша вина бидејќи не сме навеле дека сме од Македонија! Испративме ПАСОШ! Ни изработија "f-ru za inostranstvu".Дотичниот ,наместо барем да обезбеди безбедно враќање во Белград не убедуваше како е ова наша грешка.Ние сме биле крви зошто до последен момент требало да се информираме за Бали бидејки законите се менеле. Еве јас ве прашувам ВАС, СИТЕ ВИЕ КОИ ЧИТАТЕ, кога уплаќате толку пари на агенција за патување вие си вадите сами визи или агенцијата е задолжена за тоа? Ако грешам поправете ме.Но! Нели тргнавме на патување, во ноември на егзотична дестинација, зошто да се откажеме? Ајде барем дајте друга дестинација. Македонче, дај шта даш. Во тој момент тоа ни беше најлогично, иако сега со ладна глава - човече кој е тој што за мои пари и мое време ќе ме пренасочува на друга дестинација заради НИВНА ГРЕШКА?! Не лажеа до денес 18.11 дека ќе ни рефундираат ДЕЛ од средствата или ќе ни понудат со сигурност нешто друго. Ни рефундираат помалку од пола сума, и не испраќаат на дестинација на 28.11 иако им беше кажано дека одморот ни трае до 30.11. Таман за еден круг со авион, два дена! Плус да доплатиме уште толку.Стресот, нервозите, скршените планови, слободните денови и се друго ние не можеме да Ви го доловиме во овој пост. Но луѓе, ние, а верувам и повеќето од нас штедиме пари цела година за да одиме на одмор, плаќаме преку агенција за сигурност, и на крај добиваме meil, каде што нив им е "ЖАО", АМА не ви враќаме ништо што со закон Ви следува.Тука ќе настапат адвокатите и приказнава за Jungle Tribe i Celi Svet ,ќе ја прошириме баш по "цели свет", сега нели имаме време 12 дена, наместо да се сончаме под некои палми за кои што пак ќе напоменам уредно си ги подмиривме трошоците.Летови за Белград немаше, едвај го фативме и го преплативме утринскиот што не врати до Скопје. Многу од Вас ќе ги интересира зошто не резервиравме од Македонија - не ја работеа таа дестинација, така ни кажаа во агенцијата.Ова не се само две девојки што сакале да го посетат Бали, ние сме две девојки што сме работеле чесно, сме заштедиле, и на крај од нас беше одземено се што вложивме во ова патување.Го пишуваме овој пост за да дознаат што повеќе луѓе, за да не се случува ова повеќе на наши сограѓаниВе замолуваме вие што читате, што знаете некој што сака или планира да патува со оваа агенција го споделите овој пост, за да не се дешава ова повеќе и ако самата агенција го чита ова (ако не не има блокирано од секаде) да се научи да превзема одговорност а не да се вади од истата“, стои во објавата.

Коментари | пред 3 години

Јогуртот „Баланс плус“ повлечен од пазарот

Агенцијата за храна и ветеринарство (АХВ) соопшти дека се повлекува од пазарот небезбеден производ БАЛAНС +ферментиран млечен производ, во пакување од 1 килограм.„Причините се неусогласена концентрација на афлатоксини со македонските прописи, поради што овој производ е потенцијален ризик по здравјето на луѓето. Дополнително, количествата што се повлекуваат не биле наменети за македонскиот пазар.Се повлекуваат пакувањата со Сериски број/лот: 28.11.22, односно рок на употреба до 28 ноември.Крајните потрошувачи кои гo имаат купено горенаведениoт производ со посочениот сериски број истиот да нe гo консумираат и да гo вратат на местото од каде гo купиле“, порачува АХВ.

Македонија | пред 3 години

(ВИДЕО) Поплавен булевар среде Скопје, никна нов „базен“ во центарот на градот

Попладнево Скопската котлина беше зафатена од пороен дожд кој поплави дел од скопските улици.На социјалните мрежи беше објавено видео од булеварот Кузман Јосифовски Питу во центарот на Скопје кој е поплавен.https://twitter.com/Shpicen/status/1594395223714562049?s=20&t=itca1D5o3N_ooewrcAp5SAБулеварот во моментов се реконструира на потегот од Железничката станица кон центар.Според градските власти, реконструкциите се прават поради тоа што сообраќајниците се дотраени и оштетени, што претставува ризик за безбедноста во сообраќајот.

Скопје | пред 3 години

Ахмети бара ветинг, откако САД го искритикуваа изборот на Абази кој се сликал со ДУИ

Лидерот на Демократската унија за интеграција, Али Ахмети смета дека реакцијата на американската амбасадорка Анџела Агелер околу изборот на шефот на Обвинителството за гонење на организиран криминал и корупција Ислам Абази е принципиелна и дека за ова прашање ДУИ веќе со години бара сеопфатен ветинг, почнувајќи од локалната до централната власт.„Изјавата на американската амбасадорка е принципиелна. Борбата против криминалот и корупцијата мора да биде бескомпромисна. Изборот на законодавните тела треба да бидат независни органи и сето ова време промовиравме дека извршната власт треба да биде независна и ние веќе неколку години инсистираме да се направи ветинг, во сите државни институции“, рече лидерот на ДУИ Али Ахмети по вчерашната 11-часовна средба во партиското седиште во Мала Речица.Според Ахмети без соодветен ветинг не можеме да бидеме успешни во борбата против криминалот и корупцијата и владеењето на правото.„Ние сме за владеење на правото, ние сме за ветинг. Партнерство со нас ќе има секој кој е посветен, одлучен за вистински ветинг и за функционирање и владеење на правото. Тоа значи дека ги забрзуваме чекорите кон членство во Европската Унија, со тоа што ќе бидеме успешни во борбата против криминалот и корупцијата, но овој успех доаѓа и од вистинска проверка на сите политички и законодавни фигури, од локалната до централната власт“, додаде тој.

Македонија | пред 3 години

Додека бил директор на АД ЕЛЕМ, и по неговото разрешување, Мицкоски добил над 93.000 евра пари од граѓаните, вели СДСМ

Христијан Мицкоски е прв и главен паразит на ВМРО-ДПМНЕ, вели СДСМ„Додека бил советник за енергетика, директор на АД ЕЛЕМ, но дури по неговото разрешување, Мицкоски добил над 93.000 евра пари од граѓаните.Во времето на ВМРО-ДПМНЕ, кога минималната плата беше 8.000 денари, Мицкоски земал речиси 100.000 денари плата од ЕЛЕМ.Покрај тоа што земал хонорари и плата од АД ЕСМ Мицкоски добивал надоместок и после неговото разрешување, на име разлика во плата од АД ЕСМ добивал месечно 60.444,00 денари.За 12 месеци му се исплатени вкупно 805.920,00 денари бруто.По раскинување на менаџерскиот договор, примил уште над 13.000 евра пари од граѓаните.Покрај Мицкоски и Гордана Кочоска Димитриевска примала надомест по разрешувањето од функцијата член на управен одбор и директор за финансии на тогашното АД ЕЛЕМ.Гордана Кочоска Димитриевска уште една година примала цела плата од 66.432 денари нето.Еве кои се вистинските паразити и по разрешување од функцијата продолжиле да земаат пари од граѓаните иако можеле да се откажат од таквата придобивка“, се вели во соопштението.

Македонија | пред 3 години

На парцелата во сопственост на Петровска бесправно започнало да се гради објект уште во 2009-та година, вели ВМРО-ДПМНЕ

Целосен молк од страна на Славјанка Петровска, откако директорот на Катастар ги разоткри нејзините лаги за луксузната вила, вели ВМРО-ДПМНЕ„Иако Петровска тврдеше дека парцелата на која е изградена луксузна дивоградба со базен ја продала пред 10 години, сепак директорот Тунџев откри дека оваа парцела била продадена пред 2 години.Но сепак на лагата и се кратки нозете. Па така на оваа парцела која била во сопственост на Петровска, според снимките на Google, бесправно започнало да се гради објект уште во 2009-та година.Па така во 2012-та година до луксузната дивоградба, Петровска гради базен, a во 2016-та година доградува и уште еден помошен објект, кој исто така е дивоградба.Не успеаја лагите и манипулациите на Петровска и Тунџев, постои луксузната дивоградба изградена во периодот од 2009-та до 2016-тата година на земјиште кое до 202та година било во сопственост на Петровска.Иако Славјанка Петровска се обиде да ја излаже јавноста и да манипулира дека оваа луксузна дивоградба со базен, не е нејзина, фактите говорат дека токму Петровска на последните локални избори во 2021 година гласала на избирачко место бр. 2948/1 токму во Радишани, место каде што се наоѓа и оваа хациенда.Славјанка Петровска треба да одговара кривично, бидејќи бесправното градење е кривично дело.Исто така Антикорупциска комисија треба веднаш да отвори случај заради прекривање на имот, бидејќи истото го нема во анкетниот лист на Петровска.Одговорност мора да има, а Петровска треба веднаш да ја подари луксузната вила на здруженијата на бранителите“, се вели во соопштението.

Македонија | пред 3 години

Додека државата е во енергетска криза, директорот на ЕЛЕМ, Васко Ковачевски месечно заработува над 1.700 евра, вели ВМРО-ДПМНЕ

Аферата „Паразити“ на виделина ја извади алчноста на оваа антидржавна и криминална власт, вели ВМРО-ДПМНЕДодека секојдневно луѓе остануваат без работа и не знаат како да го преживеат месецот, функционерите на СДС и ДУИ со нивните директорувања ги полнат своите џебови со народни пари, а нивниот резултат е чиста нула.Еден од листата кој котира на врвот по богатење на грбот на граѓаните е Зоран Китанов, кои како претседател на одборот на директори во Телеком, а именуван ов Владата на СДС и ДУИ зема месечна плата од над 6.200 евра. Ако се пресмета, Китанов за еден мандат од 4 години, на негово конто ќе легнат скоро 300.000 евра.Неговиот заменик во Телеком, кој исто така е назначен од владата, Садула Дураку од ДУИ месечната плата му изнесува 1.500 евра, или за 4 години ќе заработи над 80.000 евра. Додека пак неизвршниот член на одборот на директори Шкодране Дардишта, која на јавноста ја започна по нејзините изјави во кои се закануваше со војна, секој месец зима плата од над 1.000 евра, или 50.000 евра за еден мандат.Додека државата е во енергетска криза, и граѓаните плаќаат повисока цена за потрошена електрична енергија, директорот на ЕЛЕМ, Васко Ковачевски месечно заработува над 1.700 евра.1.700 евра за Ковачевски, додека секој ден ни се случуваат хаварии и дефекти во енергетскиот систем и додека нема пари за обновување и унапредување на енергетските капацитети.Ковачевски за 4 години или еден мандат ќе заработи над 80.000 евра.Листата на паразити на државна сметка е се поголема, а од овие паразити не гледаме никаква одговорност, напротив исмевање и навредување кон граѓаните.Молкот од Димитар Ковачевски за навредите од Љупчо Зиков кон граѓаните, значи одобрување или пак овие навреди се по негова нарачка.

Македонија | пред 3 години

Дали ОЈО за организирн криминал е рекет структура до која сака да се дофати секоја партија на власт?, прашува стручната јавност

Професорката Мирјана Најчевска постави дилеми за Обвинителството за гонење организиран криминал и корупција. Ова доаѓа откако Амбасадата на САД изрази остри критики за изборот на шефот Ислам Абази.„Дали ОЈО за организирн криминал е рекет структура до која сака да се дофати секоја партија на власт?Нова структура за заштита на криминалот на партискиот естаблишмент и за прогон на партиските неистомисленици?“, пишува Најчевска.Оправдана е реакцијата на Американската амбасада во земјава за како што велат, збунувачкиот избор на обвинителот Абази.Во коалицијата „Сите за правично судење“, сметаат дека е очекувано да има забелешки од меѓународната заедница, бидејќи таа во изминатата деценија потрошила милионски суми пари за подобрување на состојбите во правосудниот систем во државата.

Коментари | пред 3 години

Ако директорот на Телеком Љушев зема плата од над 700 илјади денари месечно, колку земал Ковачевски како десетгодишен директор, вели ВМРО-ДПМНЕ

Ако директорот на Телеком Љушев зема плата од над 700 илјади денари месечно, колку земал Ковачевски како десетгодишен директор во Телеком, вели ВМРО-ДПМНЕ„Функционерите на власта, па и Ковачевски се паразити кои ги цицаат парите на граѓаните.Додека граѓаните и со две минимални плати не можат да го прехранат своето семејство, луѓето на Ковачевски земаат енормни плати без притоа никој да не знае и што работат.Еден од паразитите на власта е и Фестим Халили, пак, од позиција директор на ФИТР зема 1.000 евра месечно и скоро 50 илјади за мандат, за нешто за кое граѓаните немаат апсолутно никаква корист.Уште еден пример за неразумна плата е и Миѓен Селмани член на Управен одбор и директор во М-НАВ кој зема 3000 евра месечно или 144 илјади за мандат.Тука е и Кире Наумов од СДС, директор на Македонска банка за обнова и развој, е уште еден во низата функционери дел од аферата Паразити. Наумов, кој беше допопнителен заменик министер за финансии на СДС, денес месечно зема над 2.500 евра плата, за една година тој наплаќа над 30.000 евра, а за еден мандат дури 120.000 евра. Значи додека владата им зема оброк на студентите, Наумов заработува на грбот на државата 2.500 евра секој месец.Додека пак директорот на АЕК, Јетон Акику, зема плата од 132.000 денари, поточно над 2.000 евра месечно или за една година околу 30.000 евра.Уште еден во низата функционери со високи плати, е и Славко Пројковски, финансиски директор во Телеком, каде сопственост има и државата, е со плата од над 6.000 евра месечно. Тој, за една година зема 72.000 евра, а за еден мандат од 4 години дури 288.000 евра.Тоа е исто, како директорот на Телеком Љушев, кој за само еден месец зема 11.500 евра, тоа за една година се над 138.000 евра, додека за еден четири годишен мандат над 552.000 евра.Но исто така и Ковачевски го граба народот. Имено, соларниот картел почнува со доаѓањето на СДС на власт, од тогаш до денес бизнисот е тежок 26 милиони евра.Дезертерот Ковачевски ја основа „Пиксел Груп“ 5 месеци по доаѓањето на СДС на власт.„Пиксел Груп“ е централната фирма во аферата „Броило“, и таа сега е содружник со бугарска фирма, со која заедно градат фабрика во Тетово од 54 милиони евра.„Пиксел Груп“, основана од Ковачевски добивала и државна помош, и тоа во време кога тој е и заменик министер, но и мандатар за состав на влада.Функционерите на СДС наместо да работат за граѓаните, тие се грижат колку повеќе да грабнат пари и да склучат договори во четири очи“, се вели во соопштението.

Македонија | пред 3 години

Со 1.300 амандмани блокираме поткуп на медиумите, вели Левица

Со 1.300 амандмани блокираме поткуп на медиумите, велат од партијата Левица.Велат дека Левица нема да дозволи власта да ги корумпира медиумите и да ги троши државните пари за поткуп во своја корист.„Пратениците на Левица, Димитар Апасиев и Борислав Крмов поднесоа вкупно 1.300 амандмани до собраниската архива за новиот Закон за аудиовизуелни медиумски услуги со кој треба да се помогне недемократското и авторитарно дејствување на властите“, соопштија од партијата.Претходно, кажаа дека премиерот Димитар Ковачевски оди по стапките на екс македонскиот премиер Никола Груевски со оваа практика. Сметаат дека целта е да го задушат јавниот простор и слободната мисла.

Македонија | пред 3 години

Дали Трајчева и Русковска поминале обуки организирани од амбасадата на САД или канцеларијата на ЕК, прашува Рашковски

Не пропуштаат и не пропуштија ниту осомничената јавната обвинителка Ивана Трајчева, ниту суспендираната јавната обвинителка Вилма Русковска во сите нивни настапи да го спомат случајот “Софтвери” како предмет со кој сметаат дека ја покажале својата неселективност, професионално делување и успешност во работата, вели проф д-р Драги Рашковски„Познава историјата доста личности кои се гордееле со своите дела-недела, и заради нечистата совест барале публиката да им ги одобри потезите со аплауз.Деновиве слушнавме дека Амбасадата на Соединетите Американски Држави издвоила милионски суми за обука на активните учесници во правосудниот систем, меѓу кои се и обвинителите. Потег кој само потврдува за каков вид на пријателство се работи имајќи ја во предвид народната поговорка “Ако сакаш да е човек среќен еден ден нахрани го – Ако сакаш да е среќен цел живот научи го да лови”. Токму тоа е целта на било која обука – да се научи некој “самостојно да лови”.Дигиталната форензика е наука, но и техника на собирање на докази кои не зависат и не треба да зависат од правните норми, затоа што тие подлежат пред се на природни закони. Првите пишани правила во вид на технички норми – упатства или прирачници – доаѓаат токму од САД. Одтука мислам дека нема сомнеж дека и при споменатите обуки е опфатена и дигиталната форензика и синџирот на чување на докази, уште повеќе што опремата која е дадена како донација за обавување на дигитална форензика е исто донација од САД.Една од водечките институции во САД која има и основна функција да се занимава со дигиталната форензика е Националниот институт за правда која е служба за истражување, развој и напредување при Министерството за правда на САД. За споменатите потреби тие го имаат создадено “ПРИРАЧНИК ЗА ПОЛИТИКИ И ПОСТАПКИ ЗА ДИГИТАЛЕН ДОКАЗ”.Во него се вели:Пребришливата природа на податоците на овие уреди бара соодветно одземање за да се зачува интегритетот на податоците и да се обезбеди нивната доказна вредност во правните постапки.НАСПРОТИ ТОА ИМАМЕ:Во ОЈО ГОКК никој не знае да каже каже биле уредите од моментот на одземање до моментот на предавање на лицата задолжени за некаква екстракција.Понатаму во прирачникот се вели:Уредите, исто така, мора да се обработуваат правилно, без разлика дали податоците што ги содржат се компромитирачки или ослободувачки. Подеднакво е важно овие уреди да се складираат на начин што ќе ги зачува податоците во нивната првобитна состојба за испитување од страна на одбраната и за воведување на оригиналниот предмет во судот кога е потребно.НАСПРОТИ ТОА ИМАМЕ:Уредите кои со наредба се одземени и се предадени на ОЈО ГОКК, се даваат на полициски службеници кои немаат овластувања ниту квалификации за дигитална форензика, а на видео запис кој ќе биде јавно објавен се гледа како на лица кои се само стручни соработници им се дава пристап ни помалку ни повеќе ДО СИТЕ ДОКАЗИ ЗА СИТЕ ИСТРАГИ И ПРЕДИСТРАГИ, компромитирајќи го на тој начин целокупниот “обвинителски опус” на сите останати колеги.Поматаму во прирачникот се вели:Целиот персонал назначен или вработен во лабораторијата за дигитална форензика е одговорен за сигурноста и безбедноста на лабораторијата. Мора да се вложат сите напори постојано да се одржува безбедноста на лабораторијата и да се осигура дека неовластени лица не влегуваат во лабораторијата.НАМЕСТО ТОА ИМАМЕ:Ќе објавиме и видео материјал со исказ на ОЈО ГОКК “вештакот кој не е вештак”, а кој си замина во Финансиска полиција, како детално опишува за чувањето на уредите во обично шкафче наместо во антистатски пакувања, и како клучевите од просторијата ги имале и двете обвинителки.Дигиталната форензика не е нешто кои ние треба да го измислиме, Туку, треба да ги прифатиме стандардите на целиот напреден свет. Несомнено, таквите стандарди кои се унифицирани и само се надополнуваат ги имаат и ФБИ во “Директивата за корпоративна политика за дигитални докази и Водич за имплементација на политики” и Интерпол во “Глобалните насоки на ИНТЕРПОЛ за лаборатории за дигитална форензика”.Сигурен сум дека ќе имаме убава “дигитално-форензичка пролет”“, додава тој.

Македонија | пред 3 години

Мицкоски како директор и претседател на Управниот одбор на АД ЕЛЕМ инкасирал над 1,9 милиони денари, вели СДСМ

ВМРО-ДПМНЕ е партија на паразити, со години земале државни пари и се богателе на сметка на граѓаните кои тогаш тонеа во долгови и сиромаштија, вели СДСМ„Прв и главен меѓу вистинските паразити е Христијан Мицкоски.Како најнеуспешниот директор и претседател на Управниот одбор на некогашен АД ЕЛЕМ за само десет месеци, во периодот од септември 2016 до август 2017 година, од буџетот инкасирал над 1,9 милиони денари или над 31.000 евра.Како советник на Никола Груевски и Емил Димитриев за енергетика во периодот од април 2015 до октомври 2016 година, секој месец добивал хонорар од 1.100 евра или за вкупниот ангажман Мицкоски добил околу 50.000 евра пари од граѓаните.Сето ова се случува во периодот кога цената на струјата се зголеми за 100 отсто без при тоа да има каква било светска криза, во период кога не се изгради ниту еден сериозен енергетски капацитет.Еве кои се вистинските паразити кои на грбот на граѓаните примале огромни месечни приходи народни пари, со години“, се вели во соопштението.

Македонија | пред 3 години

РКЕ: Издадени се над 200 лиценци за производство на електрична енергија од обновливи извори

Од јануари до ноември 2022 година Регулаторната комисија за енергетика и водни услуги (РКЕ) има издадено лиценци за производство на електрична енергија од обновливи извори за околу 200 електроцентрали. Најголем интерес има за производство на електрична енергија од фотонапонски електроцентрали, односно до сега во оваа година имаме издадено лиценци за 86,8 MW инсталиран капацитет од фотонапонски електроцентрали,додека  6,4 MW се за мали хидроцентрали и 2,5 MW за тероелектроцентрали на биогас, или вкупно се издадени лиценци со предвидено просечно годишно производство на електрична енергија од обновливи извори на електрична енергија на ниво од 95,7 MWh. Овие електроцентрали се приклучени на електродистрибутивната мрежа.„ Оваа количина на електрична енергија од над 95 МWh од обновливи извори на енергија гледано во апсолутен износ е и повисока од производството на ХЕЦ Козјак и со истата може да се задоволат потребите за  27.100 домаќинства. Ваквите приватни иницијативи во време на енергетска криза се покажаа како решение за многу стопанственици кои со инсталирање на фотонапонски електроцентрали ги намалија значително  трошоците за електрична енергија и произведената електрична енергија ја користат за задоволување на сопствени потреби. Во сончеви периоди и денови овие потрошувачи коишто имаат инсталирано фотонапонски електроцентрали во најголем дел ги задоволуваат сопствените потреби и поради тоа немаат потреба да набавуваат електрична енергија од снабдувачите со електрична енергија и истата да ја плаќаат.“ изјави Марко Бислимоски, претседател на Регулаторна комисија за енергетика и водни услуги.

Македонија | пред 3 години

Јавноста откри тајна хациенда на министерката за одбрана, нека ја донира во хуманитарни цели, вели ВМРО-ДПМНЕ

Народот додека едвај врзува крај со крај, функционерите на власта кријат луксузни имоти, вели ВМРО-ДПМНЕ„Додека поголемиот број од пензиите не се ниту 1/3 од потрошувачката кошничка, додека две минимални плати не се доволни за да се прехрани едно семејство, Славјанка Петровска крие луксузен имот.Имено, министерката Петровска во својот Анкетен лист до ДКСК пријавила само долгови, два кредити и една кредитна картичка, но не и луксузна хациенда во Радишани.Имотот на Петровска е евидентиран и во Агенцијата за Катастар на недвижности, прибележан во евидентен лист во катастарската општина Радишани и се наоѓа на улица „Радишанска“.Жителите од тој дел на улица „Радишанска“ според избирачкиот список гласаат во избирачкото место 2948/1 кое се наоѓа во ОУ „Ацо Шопов“. Тоа е избирачкото место каде гласа и министерката Петровска. Адресата на луксузната хациенда на Славјанка Петровска е и адреса на живеење која истата ја има во личната карта.Покрај тоа што не е пријавен како нејзин имот во ДКСК, таа е и дивоградба, односно истата не е легализирана.ВМРО-ДПМНЕ ги повикува надлежните институции да постапат, а Славјанка Петровска наместо на ВМРО-ДПМНЕ како што вети, оваа луксузна хациенда да ја донира на здруженијата на бранители од 2001 година.ВМРО-ДПМНЕ исто така ја повикува Славјанка Петровска веднаш да си поднесе оставка. Личност без морална димензија како Петровска не смее да биде на чело на МО и да седи заедно со министрите за одбрана на нашите стратешки сојузници во НАТО“, се вели во соопштението.

Македонија | пред 3 години

Тајната средба во Зајас кај Ахмети стана јавна

Премиерот Ковачевски и претседателот на Алијанса за Албанците Таравари, по средбата во Владата, биле на гости кај претседателот на ДУИ Ахмети во Зајас, дознава Алсат.На средбата се разговарало за проширување на Владата со нов партнер во насока на зајакнување на владеачката коалиција, а во очекување на уставните измени.Неофицијално се дознава дека Алијанса побарала три министерски места – за правда кое сега е раководено од кадар од СДСМ, за екологија-ресор кој сега го раководи ДУИ, и министерството за информатичко општество.На средбата во Зајас немало претставник од Алтернатива, кои претходно негативно реагираа за можноста за влез на Алијанса во Владата.Исто така се дознава дека Алијанса ќе добие најмалку едно заменичко место и околу 30 директори. Финалните преговори и поделбата на ресори се очекува да заврши до крајот на месецов.

Македонија | пред 3 години

Нема фотографија

Остри критки: Америка збунета од изборот на Абази за шеф на ОЈО-ГОКК

Амбасадорката на Соединетите Американски Држави во земјава, Анџела Агелер, остро го критикува изборот на нов шеф на Основното јавно обвинителство за гонење организиран криминал и корупција на барањето на „360 степени“ за став за целиот процес и епилогот од него. Како ретко кој дипломат на САД, па и воопшто кој било дипломат во земјава, таа изразува отворено незадоволство од начинот на кој Ислам Абази стана шеф на обвинителството што треба да ја предводи борбата против корупцијата.Во писмениот одговор на нашите прашања, јасно се вели дека амбасадорката и Амбасадата очекувале повеќе и поради милионите долари потрошени во обуки на обвинителите кои, патем, самите гласаа за шеф на ОЈО за ГОКК. Се додава и дека граѓаните заслужуваат независен правосуден сектор и дека политичкото мешање нема место во овие постапки.„Ние, во Амбасадата на САД, секако дека резултатите ги сметаме за збунувачки, особено откако во изминатите години потрошивме милиони долари на обука на обвинители и други во правосудниот систем. Граѓаните на Северна Македонија заслужуваат независен правосуден сектор во кој позициите се пополнуваат по заслуга и квалитет (по мерит), низ транспарентни процеси, без разлика дали се во обвинителство, судство или која било друга јавна институција. Политичкото мешање нема место во овие постапки. Оние што би се вмешале преку вршење притисок, закани или коруптивни зделки на ‘мала врата’ треба да бидат повикани на одговорност од граѓаните“, одговори амбасадорката на САД во земјава, Анџела Агелер, на прашањето на „360 степени“.

Македонија | пред 3 години

АНБ направила пропуст, познато е како Онишченко станал Македонец

Директорот на Агенцијата за национална безбедност, Виктор Димовски, кажа дека АНБ лоцирала каде е пропустот со кој украинскиот државјанин Онишченко станал македонски државјанин.„Последното ниво кое требало да направи консултација со партнерите во НАТО алијансата, не било направено. Преземени се мерки за утврдување на одговорност. Испитуваме дали се работи за изолиран случај или има друг предмет. За лицето и други инволвирани во овој случај, ќе бидат преземени законски мерки. Од законот ќе зависи дали ќе заврши со дисциплинска или кривична одговорност. Ќе видиме се дали работи луктративен интерес, пропуст... Ќе ве информираме како ќе продолжиме“, кажа Димовски.Олександр Онишченко, Александр Онишченко, Александар Романович, Александар Кадиров. Ова се само дел од идентитетите кои ги има користено украинскиот политичар обвинет за прење пари кој од крајот на мај годинава е македонски државјанин со владина одлука.Иако во Македонија првпат влегол во 2020 година, со рускиот пасош, а за Слободен Печат тврдеше за македонски пасош чекал две години, од МВР за ТВ24 велат, кај нив не побарал привремен престој како странец кој влегол во земјава. Оваа информација ја потврди и министерот за внатрешни работи Оливер Спасовски во вчерашната Анализа на ТВ24, кој изјави дека Онишченко немал дозвола за времен престој бидејќи никогаш не доставил барање за таков документ.Онишченко кој тврдеше дека Германија му ги дала сите документи, за каде вели дека има и бизнис, всушност има германска виза за престој која не му дозволува работен ангажман. Владата пак, се уште ги очекува извештаите од четирите институции кои дадоа зелено светло Онишченко да стане рамноправен македонски државјанин, за да провери како е спроведена процедурата.

Македонија | пред 3 години

Славјанка до Драган: Извини се или ќе тужам!

Министерката за одбрана Славјанка Петровска најави дека ќе го тужи Драган Ковачки од ВМРО – ДПМНЕ кој денес ја обвини дека во анкетниот лист не пријави луксузна хациенда со базен во Радишани. Петровска вели дека обвинувањата за непријавен имот се лага и груба манипулација.„Имотот кој бегалецот Ковачки го посочи, никогаш не сум го поседувала. Единствено што поседував е плац кој со уредни договори за купопродажба е отуѓен односно продаден пред повеќе од десетина години. Безбедњакот, поранешниот воен разузнавач, кој беше дел од сценариото за 27 април и кој ги извиси и се огради од оние што ги поттикна на насилство има рок од 24 часа да се извини за овие невистини, во спротивно ќе му биде поднесено тужба за клевета, а парите ќе ги донирам за жртвите од владењето на неговиот Никола Груевски. Го повикувам да се извини на семејството кое е легален и чесен сопственик на овој имот и да престане со нивните стари навики на незаконско следење и фотографирање. Жалам што Ковачки бега да зборува за успесите на Армијата туку одбра да се занимава со конструкции против мене ама ова дрско и бескрупулозно однесување од негова страна нема ниту да ме заплаши ниту да ме поколеба да ја зборувам вистината“, рече министерката Петровска на прес конференција организирана исклучиво за да одговори на обвинувањата од Ковачки.Ковачки, исто така на прес конференција, како дел од аферата „Тајни имоти – што крие власта од народот?“, објави дека министерката Петровска има непријавен луксузен имот во Радишани со објект кој е дивоградба. Ковачки побара министерката да ја донира луксузната хациенда здруженијата на бранители од 2001 година и веднаш да си поднесе оставка.

Македонија | пред 3 години

(ВИДЕО) Славјанка има хациенда со базен во Скопје, а пред граѓаните прикажува само долгови вели Ковачки

Министерката за одбрана Славјанка Петровска, крие луксузен имот. Како што кажав во дуелот со Министерката во средата таа во својот Анкетен лист до ДКСК пријавила само долгови, два кредити и една кредитна картичка, но не и луксузна хациенда во Радишани, истакна на денешната прес-конференција пратеникот од редовите на ВМРО-ДПМНЕ Драган Ковачки.-Во дуелот ја прашав Петровска дали крие имот во Скопско, по што таа негираше и рече дека се што поседува е во нејзиниот Анкетен лист, односно дека не поседува имот. Петровска е фатена во лага како крие имот.Одиме со ред.Анкетниот лист на Петровска кој ви го покажав потврдува дека таа лаже.Вистината е дека Славјанка Петровска поседува огромна хациенда со базен во Радишани.Ова е хациендата на Петровска. Во таа хациенда има голем базен, целиот имот е ограден со голема двометарска ограда, што може да се види од следните слики.Ова е евидентниот лист на Петровска од Катастарот на недвижности. Овој имот на Петровска е евидентиран и во Агенцијата за Катастар на недвижности, прибележан во евидентен лист во катастарската општина Радишани. И се наоѓа на улица Радишанска.Жителите од тој дел на улица Радишанска според избирачкиот список гласаат во избирачкото место 2948/1 кое се наоѓа во ОУ Ацо Шопов. Тоа е истото избирачко место каде гласа и Славјанка Петровска. По што може да се заклучи дека адресата на луксузната хациенда на Славјанка Петровска е и адреса на живеење која истата ја има во личната карта.Дополнително според нашите информации хациендата на Петровска, покрај тоа што не е пријавен како нејзин имот во ДКСК, таа е и дивоградба, односно истата не е легализирана.Ги повикуваме надлежните институции да постапат, а Славјанка Петровска наместо на ВМРО-ДПМНЕ како што вети, оваа луксузна хациенда да ја донира на здруженијата на бранители од 2001 година.Очекуваме Петровска да остане на зборот, и овој имот во најкраток можен рок да го подари на здруженијата на бранители, лица кои во 2001 година не ги штедеа животите за ние денес да живееме во слобода.Дополнително ја повикувам Славјанка Петровска веднаш да си поднесе оставка. Функционерите треба да бидат отчетни и чесни. Лажењето дека не поседува имот кој не пријавен во нејзиниот Анкетен лист не е одраз на чесност.Ако Петровска крие имот, што друго можеме да очекуваме дека ќе крие? Личност без морална димензија како Петровска не смее да биде на чело на МО и да седи заедно со министрите за одбрана на нашите стратешки сојузници во НАТО, рече Ковачки.

Скопје | пред 3 години

Мустафа или Бурим ќе шефуваат, Фетаи крена раце!

Обвинителката Фатиме Фетаи се повлекла од трката за шеф на Вишото јавно обвинителство. Ова го изјави претседателот на Советот на јавни обвинители, Антонио Јолевски кој соопшти дека добил мејл со известување за повлекувањето.„Ние имаме само мејл, го добивме од Фатиме Фетаи дека ја повлекува кандидатурата. Побарав да ми потврди само телефонски. Не е начин на мејл, сепак е сериозна работа. Добив и на Вибер порака со принтскрин од мејл. Јас и на седница ќе кажам дека имаме ова и ова.. Ако немаме писмено нешто, може ќе ми речат членовите дека не може да се земе за веродостојно.. Имаме официјална кандидатура, со потпис.. Ќе бараме потврда официјална за повлекување од неа или документ со потпис. Чудно е ова да се случи последен ден пред избори“, вели Јолески.Доколку Советот на јавни обвинители, се водеше според оценките кои побара време да ги анализира, Фетаи имаше највисока со 25 бода.Сега, во трката остануваат Мустафа Хајрулахи и Бурим Рустеми.Обвинителот Бурим Рустеми е од Куманово, во кое основно обвинителство работел од 2009 до 2015 година. Беше дел од СЈО, а го застапуваше предметот „Топлик“ каде штета се сметаше дека е плаќање затезна камата без која ќе немаше предмет, но и каде се досудени две затворски казни од три и пол и три години за ексминистерот Миле Јанакиески и за Томе Ѓурчилов, поранешен претседател на Комисијата за јавни наддавања и четири условни казни. Рустеми беше обвинуван дека заедно со Драги Рашковски принудувал вработена во Министерството за транспорт и врски, да ре-изработи документ каде ќе наведе дека имало штета во предметот.Освен овој, Рустеми го застапуваше и предметот „ТНТ“ каде Груевски беше осуден на девет години затвор, Јанакиески на три години затвор, а Тони Трајкоски на четири години затвор. Од познатите предмети што ги водеше Рустеми е финансиската истрага за „Поштенска банка“ кој е во фаза на судење. Тој сега е виш обвинител во Скопје. За него, во „ТНТ“ и „Топлик“ во низа пати се бараше изземање со тврдење дека против него се води кривична постапка.Мустафа Хајрулахи со 6 години искуство од скопското Основно обвинителство доби унапредување во Вишото скопско обвинителство. Конкуренција му биле 10 обвинители меѓу кои и обвинители со поголемо искуство. Но тој во 2018 година беше избран за шеф.Во изминатите четири години, Хајрулахи беше ретко споменуван во јавноста. Еден од ретките случаи беше во 2021 година, кога се откри дека Вишото јавно обвинителство на Скопје го држеше предметот за првостепено осудените Ејуп Алими и Исмет Гури од ДУИ на казни затвор и од ноември 2020 година не и го даваше на Скопска апелација. Од тогаш до сега, Хајрулахи имаше и едно јавно интервју каде зборуваше за своите успеси и потенцираше дека за четворица обвинители утврдил дека ги одолговлекуваат постапките и побарал одговорност.Засега, не е закажан избор на шеф за ова обвинителство.

Македонија | пред 3 години

Таравари има услови за влез во Влада

“Зборевме за борбата против корупцијата и европскиот пат”. Ова беше објаснувањето на Арбен Таравари, лидер на Алијанса за Албанците за средбата со премиерот Димитар Ковачевски. Според Таравари се зборувало за прашања поврзани со функционирањето на државата и системот.“Немаме официјални преговори. Ако започнеме, нема да криеме. Не добивме покана”, кажа Таравари.Тој смета дека партијата со која раководи е сериозна.“Ако има преговори, на крај членството ќе утврди дали ќе влеземе во Влада”, додаде Таравари.Тој додаде дека ќе има услови.“Ќе имаме црвени линии неопходни за влез во Влада. Имаме пакет мерки кој ќе биде услов за влез во Влада”, посочи тој.Според него ВМРО има лош “вординг”, односно станувала понационалистичка партија од Левица.“Ние имаме комуникација со сите партии. Имаме и коалиција со ВМРО-ДПМНЕ. Вордингот на ВМРО не ни се допаѓа, ги намалуваат капацитетите за соработка со албански партии. ВМРО се натпреварува со Левица која е понационалистичка партија, што не е добро”, додаде Таравари.Нему не му се допаѓа ниту работата на Владата СДСМ-ДУИ.“Ќе продолжиме да критикуваме”, посочи Таравари.

Македонија | пред 3 години

Од полноќ, ново поевтинување на горивата

Регулаторната комисија за енергетика и водни услуги на Република Северна Македонија донесе Одлука со која се врши намалување на малопродажните цени на нафтените деривати во просек за 1,12 % во однос на одлуката од 16.11.2022 година.Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 1,881%, кај дизелот за 1,145%, кај екстра лесното за 1,165% и кај мазутот намалувањето е за 2,707%.Курсот на денарот во однос на доларот во изминатиот период по кој беа формирани цените со претходната пресметка е понизок за 1,517%.Малопродажната цена на бензинот ЕУРОСУПЕР БС-98 се намалува за 2,00 ден/лит.Малопродажната цена на Мазутот М-1 НС се намалува за 1,660 ден/кг и сега ќе изнесува 45,962 ден/кг.Малопродажните цени на бензинот ЕУРОСУПЕР БС-95, ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) остануваат исти.Од 19.11.2022 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 91,50 (денари/литар)Моторен бензин ЕУРОСУПЕР БС - 98 92,00 (денари/литар)Дизел гориво ЕУРОДИЗЕЛ БС (Д-Е V) 93,00 (денари/литар)Масло за горење Екстра лесно 1 (ЕЛ-1) 88,00 (денари/литар)Мазут М-1 НС 45,962 (денари/килограм)Напоменуваме дека ова се максималните цени на нафтените деривати од 00:01 часот на 19.11.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 3 години

Ване Цветанов заработи кривична од МВР: Прибавил 75 илјади евра од буџетот

Денеска (18.11.2022) Единицата за финансиски криминал при Секторот за криминалистички истраги во Одделот за сузбивање на организиран и сериозен криминал до ОЈО за гонење на организиран криминал и корупција поднесе кривична пријава против В.Ц.(44) од Кочани, поради постоење на основано сомнение дека од позиција на ВД претседател на тело основано од Владата на РСМ, во периодот од 2021 до 15.03.2022 година сторил кривично дело „злоупотреба на службена положба и овластување“ по член 353 став 5 во врска со член 45 „продолжено кривично дело“, предвидено и казниво во Кривичниот законик, со што за себе и за други лица, на штета на Буџетот на телото прибавил противправна имотна корист во вкупен износ од 4.656.876 денари (75.722 евра).Според МВР, Цветанов како лице именувано од Владата на споменатата позиција за периодот од 24.07.2019 до 15.03.2022 година, ги сторил кривичните дела искористувајќи ја својата службена положба и пречекорувајќи ги границите на своите службени овластувања, при што постапил спротивно на одредбите од Законот за јавни набавки, Законот за спречување на корупцијата и судирот на интереси, Статутот на телото, Законот за ревизија, како и спротивно на Законот за трансформација во редовен работен однос.Имено, во текот на 2021, спротивно на одредбите на Законот за јавни набавки пријавениот, без да спроведе постапка за јавни набавки која бил должен да ја спроведе, од неколку економски оператори набавил стоки и услуги во вкупен износ од 2.272.684 ден. (36.954 евра), набавки кои го надминуваат законски дозволениот износ од 12.000 евра во тековната година за набавки на стоки без спроведена постапка, додека во текот на 2022 продолжил со дејствијата и извршил набавка на стоки и услуги од неколку економски оператори во вкупен износ од 430.515 ден. (7.000 евра) за кои постои основано сомнение дека нема реална оправданост за набавка на истите за потребите на телото.Исто така, тој ги пречекорил границите на своето службено овластување, постапувајќи спротивно на Законот за спречување на корупцијата и судирот на интереси, спротивно на Статутот на телото и спротивно на Законот за ревизија, па без претходна Одлука за потреба од ангажирање на надворешно лице донесена од страна на Советот на телото, последователно склучил 3 Договори за ангажирање на надворешен советник за специјални цели во телото со Д.Т., која била негова невенчана сопруга, без предвиден надоместок за ангажираното лице. Притоа овие договори биле искористени и како основa за заеднички службени патувања во странство, за што по основ на дневници за службени патувања и патни и дневни трошоци, од сметката на телото неосновано и противправно биле исплатени парични средства во вкупен износ од 93.800 ден. (1.525 евра).На истиот начин, без претходна Одлука за ангажирање на надворешни лица за потребите на телото, спротивно на Законот за ревизија, Статутот на телото и Закон за трансформација во редовен работен однос, пријавениот склучил уште 18 Договори за ангажирање на надворешни лица по разни основи, за услуги за кои согласно Правилникот за систематизација на работни места и Листата на вработени во стручната служба на телото веќе биле вработени таков профил на кадри. Поради ваквите дејствија на пријавениот, од средствата на телото непотребно и неосновано биле исплатени парични средства во вкупен износ од 1.803.237 ден. (29.321 евро).Дополнително, пријавениот, постапувајќи спротивно на Статутот на телото и спротивно на Законот за ревизија, без претходно донесена Одлука на одржана седница на телото, набавил апликативен софтвер од правно лице иако веќе имало склучено Договор со друг правен субјект кој договор бил во важност, од кој претходно биле набавени апликативни и софтверски решенија за потребите на телото. Со ваквото пречекорување на границите на своите службени овластувања пријавениот дополнително нанел штета на средствата во сопственост на телото во вкупен износ од 56.640 ден. (921 евра).Со наведените инкриминирачки дејствија, пријавениот постапувал надвор од границите на своите службени овластувања со што го сторил кривичното дело „злоупотреба на службена положба и овластување“ предвидено и казниво по член 353 став 5 во врска со член 45 од Кривичниот законик и со тоа овозможил за себе и за други лица, на штета на Буџетот на телото, де се стекнат со противправна имотна корист од вкупно 4.656.876 денари (75.722 евра).

Македонија | пред 3 години

Се скарал со брат му, па извадил пиштол и пукал кон него

Вчера околу 14.40 часот во селото Студеничани, скопско, полициски службеници од Полициската станица Драчево го лишиле од слобода А.М.(41) од Студеничани, затоа што околу 14.30 часот во магацинскиот простор од семејната фирма лоциран во селото, по претходна расправија поради нерасчистени имотно-правни односи околу фирмата, од пиштол испукал еден куршум кон неговиот брат А.М.(39) од селото Цветово, скопско и му нанел телесна повреда.Полицијата по целосно документирање на случајот ќе поднесе соодветна пријава.

Скопје | пред 3 години