ВАЊА

За убиствата на Вања и Панче: Обвинетиот Видевски без збор; Кешишев: „Многу се каам, ми рекоа да ќутам“

На денешното рочиште во Основниот кривичен суд во Скопје, во предметот за киднапирањето и убиствата на Вања Ѓорчевска и Панче Жежовски, завршен збор дадоа дел од обвинетите.Обвинетиот Боре Видевски кој негира вина, кусо се обрати пред судот:„Нема да давам завршен збор, нема да кажам ништо. Се согласувам со тоа што го кажа мојот бранител“.Покрај него, збор зеде и обвинетиот Влатко Кешишев, кој во своето обраќање истакна:„Морам да кажам дека многу се каам и имам грижа на совест за што воопшто бев со нив, бидејќи се разговараа, испланираа и завршија сами сè. На мене ми кажано да ќутам, да не се мешам и да седам настрана“.Кешишев пред судот повтори дел од неговиот претходен исказ, опишувајќи го денот на грабнувањето на Панче Жежовски.Судењето продолжува со завршните зборови на останатите обвинети, по што се очекува донесување на пресудата.

Македонија | пред 11 месец

10 години да имате – вина на Палчо нема да докажете, им рече неговиот адвокат на обвинителите

Адвокатот Јовица Страшевски, побара од судот Љупчо Палевски-Палчо да биде ослободен од обвинението за убиството на Вања Ѓорчевска и Панче Жежовски.„Предлагам обвинетиот Љупчо Палевски да се ослободи од вина, бидејќи според обвинителниот акт не е јасно какви дејствија преземал.  Околу целата постапка ниту преземал одредени дејствија кои му се ставија на товар со другите обвинетите, а ниту поттикнал, ниту наведувал другите обвинети да сторат нешто.  Иако истрагата не беше почната, пресудата беше донесена, а медиумите истото го пренесуваа без пресумпција на невиност. Јавноста креираше јавно мислење со предвремена пресуда за обвинетиот.  Обвинителството не докажа ниту разумно сомневание ниту докажа тоа што му го става на товар на Љупчо Палевски“, рече Страшевски во завршниот збор.Тој рече дека обвинителниот акт е непрецизен и паушален.„Почитувани пред нас имаме Обвинителен акт доставен до судот на ден 12.08.2024 година. И од тогаш до денеска помина близу 1 година, едно што можевме заденички сите овдека да констаираме е дека и уште 10 години да се труди обвинителството да ги докажува напишаните невистини тези и дејствија нема да може да ги докаже затоа што веќе на сите им стана јасно дека за обвинетиот Љупчо Палевски ниту сторил ниту имала намера да стори вакви кривични дела за да се стекне со користољубие или уште да изврши две убиства од кои едно на малолетно дете.“, рече тој меѓудругото.Тој посочува дека нема докази.„Палевски е обвинет со обвинителен акт со само 17 докази а нема ниту еден конкретен доказ дека ја докажува неговата вина која му се става на товар. Докази во овој судски процес не постојат“, додаде тој.Потоа Страшевски ја спомена прес-конференцијата во Обвинителството каде скопскиот обвинител Гаврил Бубевски и тогашниот министер за внатрешни работи Оливер Спасовски споделија детали од истрагата.„Прва грешка јавно на прес конференција, беше прекршена уставно загарантираната пресумпција на невисност. Со таа прес конференција кога истрагата не беше ниту отпочната Палевски и цела партија јавно беа осудени, а медиумите го пренесуваа да внимаваат на пресумпција на невиност и уставот“, рече тој.Потоа, тој презентираше снимки на кои се гледаат Велибор Манев и Боре Видевски.„Се поставува прашањето зошто е убиена Вања, а не Миња, ќе додадам. ОЈО не докажа зошто било грабнато девојчето. Бев често прашуван како адвокат, зошто киднаперите се одлучиле да ја грабнат Вања, или биле двете девојчиња? Прашања кои не беа одговорени ниту од МВР ниту од ОЈО. Дали Кешишев тргнал со полицијата да го откопува телото на Вања и дали притоа свесно биле уништени голем број докази?“, рече Страшевски.

Македонија | пред 11 месец

Финална фаза на судењето за убиствата на Вања и Панче – Обвинителството бара доживотен затвор, одбраната се брани со "нема мотив"

Во Основниот кривичен суд во Скопје денеска се одржува едно од завршните рочишта во случајот што ја потресе Македонија – грабнувањето и свирепите убиства на 14-годишната Вања Ѓорчевска и 74-годишниот Панче Жежовски.На рочиштето своите завршни зборови ги изнесува адвокатот на првообвинетиот Јовица Страшевски, по што ќе се изјаснат и останатите обвинети – Љупчо Палевски-Палчо, Велибор Манев, Боре Видевски и Влатко Кешишев, како и Александар Ѓорчевски, таткото на Вања, кој е обвинет за помагање во нејзиното киднапирање.Обвинителството е децидно: четворицата обвинети треба да добијат доживотни затворски казни за киднапирање и убиство, а таткото на жртвата – соодветна казна за соучесништво.Одбраната, пак, настојува да ги убеди судиите дека кај дел од обвинетите немало претходен договор за убиство, туку само за киднапирање – и затоа бара или ослободување, или поблаги казни.Адвокатите на Александар Ѓорчевски тврдат дека тој нема ниту мотив, ниту доказ за вина, и дека наместо обвинет – тој е уште една жртва во оваа трагедија.Судењето влегува во завршна фаза. Доколку денешното рочиште тече според планот, пресудата се очекува на следното појавување пред суд. Вниманието на јавноста останува високо – како поради тежината на делото, така и поради шокантните детали што излегоа на површина за време на процесот.

Македонија | пред 11 месец

Туфегџиќ за таткото на Вања: Овој човек не е убиец – тој е родител кој изгуби сѐ

Во завршниот збор пред Судот, адвокатот Владимир Туфегџиќ се обрати во одбрана на својот клиент, Александар Ѓорчески – обвинет во случајот за помош при грабнување на 14-годишната Вања Ѓорческа, негова ќерка.„Александар поради бруталното убиство на неговото дете и тешките последици за него и за неговото семејство, од овој суд не бара милост или одлука поради сожалување и емпатија кон него, Александар бара праведна судска одлука со која ќе бидат казнети сторителите, судска одлука со која ќе ги дознае мотивите и вистинските причини за овој монструозен чин и одговор на прашањето, зошто токму тој и неговото семејство се одбрани да бидат до крајот на животот осудени да живеат со огромна празнина, тага и болка. Застапникот на обвинението (обвинителката) не докажа надвор од разумно сомнение дека Александар го сторил кривичното дело кое му се става на товар“, рече Туфегџиќ.„Обвинителниот акт кон Александар Ѓорчески не само што е контрадикторен, туку и човечки неприроден“, истакна Туфегџиќ па додаде: „Овој човек е татко. Преживеа нешто што ниту еден родител не треба да го доживее – да му ја грабнат ќерката и подоцна да му ја пронајдат мртва.“Туфегџиќ го обвини обвинителството дека „со невидена леснотија, го ставиле таткото на убиеното дете на обвинителна клупа“.„Ваквиот пристап на застапникот на обвинението во теоријата на докажувањето за учеството на таткото Александар дека комуникација помеѓу таткото и Љупчо Палевски имало, но сепак нема докази за постоење на комуникацијата затоа што било логично да нема доказ за нивната комуникација е недозволен и опасен преседан кој значи обвинување за претпоставена а не докажана вина, тврдење кое е потполно неосновано и паушално од причина што телефоните кои ги користел таткото се криминалистички вештачени, нема доказ за комуникација или избришани записи по претходна комуникација со телефонските броеви кои ги користел Палевски а кои ги посочува застапникот на обвинението“, додаде тој.На крајот, Туфегџиќ апелираше до судот да „погледне со разум и правичност, но и со човечност“, и побара целосно ослободување на Александар Ѓорчески од обвиненијата.„Овој човек не е убиец – тој е родител кој изгуби сѐ. Во оваа смисла по однос на обвинетиот Александар се докажа дека ваквото обвинение е резултат на прекршување на основните принципи на кои почива истражната постапка и криминалистичка истрага, во која не е направена прелиминарна анализа на информациите, ниту е направена нивна организација и диференцијација, ниту била формирана основа на структурата за одлучување.Токму од доказите на обвинителството произлегува дека доказите од видео надзорот врз основа на кои се темели обвинението се обезбедени и прибавени токму од обвинетиот Александар и сведокот Гоце и тоа со знаење, согласност и со напатствија од полициските службеници кои учествувале во истражната постапка“, заклучи тој.

Македонија | пред 11 месец

Бранителот на Кешишев: „Мојот клиент не е убиец – туку заложник на туѓа волја“

На денешното рочиште, адвокатот Игор Ефремов, бранител на обвинетиот Влатко Кешишев, побара ослободителна пресуда за неговиот клиент во делот од обвинението што го товари за соизвршителство во двете грозоморни убиства на Панче Жежовски и Вања Ѓорчевска.Во својот завршен збор пред судот, Ефремов тврдеше дека во текот на целата постапка Обвинителството не изнело цврсти докази дека Кешишев делувал како соизвршител. Напротив, според него, токму исказите на другите обвинети и сведоци, како и самата изјава на Кешишев, укажуваат дека тој немал ниту умисла, ниту конкретни дејствија кои би го вклучиле како активен учесник во самите убиства.Адвокатот посочи дека Кешишев имал подредена, па дури и потчинета позиција во однос на Љупчо Палевски, за кого рече дека „управувал со целото окружување, вклучително и со Влатко“. Неговата улога, според одбраната, била ограничена на помош околу грабнувањето, без свесност или согласност за конечниот чин – убиствата.„Ако соизвршител е оној без чии дејствија делото не би било сторено – прашањето е: Кои се тие клучни дејствија на Влатко Кешишев?“ – праша Ефремов пред судот, повикувајќи се на начелото на индивидуализација на вината.Според Ефремов, Кешишев не само што не знаел за намерите на сообвинетите, туку бил и првиот што по апсењето ги водел истражителите до местото на закопаните тела. „Да не беше неговата совест и каење – телата немаше да се најдат. Тој им помогна на органите на прогонот. Тоа не го прави убиец – туку сведок и жртва на туѓа контрола“, истакна тој.На крајот, одбраната побара од Судот исклучиво да го цени учеството на Кешишев во делото „грабнување“, но да го ослободи од обвиненијата за „убиство“ и „соизвршителство“.БОНУС ВИДЕО:

Македонија | пред 11 месец

Адвокатот бара ослободителна пресуда за Боре Видевски, обвинет за убиството на Вања: Тој е колатерална штета

Во завршните зборови на денешното рочиште за убиствата на 14-годишната Вања Ѓорчевска и 74-годишниот Панче Жежовски, адвокатот на обвинетиот Боре Видевски – Бојан Манев – ја спореше основата на обвинението против својот клиент, оценувајќи ја целата истрага како „погрешно насочена, политички мотивирана и професионално аматерски изведена“.Манев се обрати со остра критика кон институциите: обвинителството, полицијата и целиот истражен процес. „Од почетокот, овој предмет беше изведен како театар пред јавноста, со намера да се покаже брзо ‘расчистување’ на случајот. Наместо докази, гледаме конструкција“, рече адвокатот.Тој потенцираше дека против Видевски нема ниту еден директен доказ – ниту ДНК трага, ниту видео снимка, ниту сведочење кое го инволвира на местото на злосторствата. Единствениот елемент на кој се потпира обвинението, според Манев, е наводно изнудено признание под тортура, добиено додека Видевски бил подложен на физичко и психолошко насилство, иако, како што истакна, обвинетиот има трансплантиран бубрег и сериозна здравствена состојба.„Обвинителството дури и не го повикало сведокот кој можел да го потврди алибито на Боре. Не беа изведени снимките од бензинските пумпи и камерите кои, според сведоци, постојат и се во доказниот материјал. Намерно беа премолчени“, истакна Манев.Тој го нарече случајот „правно недозреан експеримент“, кој ќе остане запишан како пример за тоа како не треба да се води една кривична постапка. Манев тврдеше дека Видевски, како татко на две ќерки, долгогодишен карате тренер и човек со интегритет, не само што не би можел да биде сторител на такво монструозно дело, туку и самиот се пријавил во полиција, што го исклучува каков било бегалски или прикриен мотив.„Обвинителството сака од јавноста да бара верба во сценарија без логика – дека некој сам се снима додека подготвува убиство, дека човек без мотив станува дел од криминална група, дека татко на две ќерки учествува во киднапирање на дете, без апсолутно ниту еден доказ“, истакна адвокатот.На крајот, Манев побара судот да го ослободи Боре Видевски од вина, со образложение дека тој е колатерална жртва на „институционална неспособност, јавен притисок и политичка потреба за виновник по секоја цена“.Одлуката на судот сега останува да се донесе во атмосфера на силен јавен интерес и поделени ставови околу тоа дали обвинението ќе успее да ги поддржи своите тешки обвинувања со цврсти докази – или предметот ќе се распадне под тежината на правните аномалии.

Македонија | пред 11 месец

Манев бара да биде суден за грабнување, а не за убиство, па раскажа како барал од Палчо да ја ослободат Вања

Денеска во судот на завршните зборови, адвокатот на обвинетиот Велибор Манев, Горан Бошевски, побара судот да го ослободи неговиот клиент Манев од обвиненијата за убиствата, а да остане само обвинението и да биде казнет само за грабнувањата на Вања Ѓорчевска и на Панче Жежовски.По грабнувањара Вања и Панче беа бездушно убиени во ноември 2023 година.,,Треба да постои претходен договор за да има соизвршителство. Треба делото да го извршат заедно. Треба да се работи за дејствија кои претставуваат особен придонес кон извршување на делото.Соизвршител за убиство може да биде само некој кој се договорил дека ќе бидат убиени лица”, објаснуваше бранителот и рече дека Манев ги познава обвинетите, освен таткото на Вања, Александар. Го познава и Панче, кој му останал должен. Рече дека планирале грабнување, но не и убиства.Тој и натаму тврди дека со Боре Видевски мислеле дека киднапираат возрасна жена од влезот, која Палевски ја следел.„Кога ја отворивме вреќата видовме ранец. Палевски ја тргна лентата и видовме дека е дете. Ја праша која е, кои и се мајка и татко, и потоа ја фотографираше со вперен пиштол. Со Боре му рековме да го ослободи девојчето, и така бевме под маски, но тој ја фотографираше, зеде перниче од ѓубриштето и ја застрела во главата“, рече адвокатот на Манев.

Македонија | пред 11 месец

Денеска завршни зборови на одбраната за грозоморното убиство на Вања и Панче

Денеска продолжува судењето за убиството на Вања Ѓорчевска и Панче Жежовски.Во Основен Кривичен суд Скопје завршен збор има одбраната на обвинетите.Прв е велешанецот Велибор Манев кој веќе призна вина во сведочењето.На претходното рочиште, обвинителството во завршните зборови побара максимална казна или доживотен затвор за четворицата обвинети Љупчо Палевски, Влатко Кешишев, Боре Видевски и Велибор Манев. За таткото на Вања, Александар Ѓорчевски, побара судот да му одреди соодветна затворска казна.Јавното обвинителство побара доживотен затвор за четворицата обвинети, бидејќи, рекоа нема олеснителни околности, а нивните постапки дополнително ја трауматизираат јавноста.По завршните зборови на сите зборови следува пресудата за овој случај.Малолетната Вања и велешанецот Панче беа пријавени за исчезнати на 27 и 24 ноември, а на 3 декември 2023 година беа пронајдени мртви во близина на Скопје и Велес.

Македонија | пред 11 месец

Целото емотивно писмо од мајката на Вања до судот: Судскиот процес е секојдневен пекол, како секој ден да ја погребувам, молам за правда!

Зорица Ѓорчевска, мајка на убиената 14-годишна Вања, денеска преку својот адвокат испрати писмо до судот, кое не беше исчитано до крај. Дел од него беше презентирано, а судијата Ивица Стефановски рече дека не може да се исчита до крај бидејќи не се однесува на имотно-правното побарување за кое требаше да се произнесат оштетените. „Скопје1“ исконтактира со мајката на убиената Вања, а таа преку нејзините адвокати ни го прати целиот допис преку кој се обраќа до судот и порачува дека само од пресудата на судиите може да се спречи, вакво злодело да се случи одново. Таа порачува „Ја јас сега молам за правда. Правда за Вања“. Во емотивното писмо објаснува дека  судскиот процес не и дава мир и се чувствува како секој ден да си ја погребува својата ќерка.Писмото доставено до „Скопје1“ ви го пренесуваме во целост:„Почитуван суде,Се обраќам до Вас, не само како мајка на Вања, туку како човек кој живее со најтешката и необјаснива болка.Скоро една година, целата јавност внимателно го следи овој макотрпен судски процес. Сите обвинети се изјаснија дека не чувствуваат вина за делата што им се ставаат на товар. Во текот на процесот, беа презентирани низа материјални докази и сведоштва. Секојдневно и насекаде слушаме различни теории на заговор, одбрани базирани на наводни политички прогони, местенки, безбројни приговори... Но, за жал, еден факт останува непобитен – Вања ја нема.Ја киднапирале, и ја однеле. Ја убиле безмилосно, на најбрутален начин. Детето мое. Кога ќе слушневме за некој немил настан низ светот, на двете мои ќерки им велев дека вакви работи во Македонија, кај нас, не се случуваат. Далечни ми беа.Но се случи. И тоа токму мене, на моето најмило. И не смее да се повтори. Ниеден родител не смее да го доживее тоа што јас го доживеав, да го испрати детето во училиште и по една недела да го најде во мртовечки сандак. Вања не е само број на жртва. Вања беше живот, со очи, со глас, со планови.Таа беше ќерка, сестра, внука, братучетка, другарка. Имаше 13 години и како секоја деветооделенка се радуваше на долгоочекуваната полуматура. Правеше планови за зимување и летување со другарчињата од одделението, и подготвувајќи се за новите предивици со кои требаше да се соочи во средно училиште – жалеше за разделбата од соучениците од основното училиште.Вања сакаше да гледа стари филмови од 70-тите и 80-тите. Ги знаеше знамињата и главните градови – буквално на сите држави во светот. Кога ќе ја заинтересираше некоја тема, ја проучуваше детално, наоѓајќи одговор за секое прашање. Ја интересираше историјата, а најмногу сакаше да го проучува холокаустот – не можеше да разбере како е можно да се случи такво зло на толку луѓе.Секое утро со музика се подготвуваше за на училиште. И тоа утро – последното утро, стана, си ја пушти омилената песна и потпевнувајќи, се подготви за на училиште. Ја испратив до врата и и реков „се слушаме мама, подоцна“. Тоа беше последен пат да ја видам.Вања не ја дочека полуматурата. Не ги дочека ниту патувањата со соучениците, не дочека ниту да ги искуси предизвиците на средното училиште, на новите другарска, на првата љубов, на создавањето на свое семејство и остварување на личните амбиции.Цела генерација на деца, соученици на Вања, доживеаа силна траума од нејзината насилна смрт. Долгоочекуваната полуматура ја дочекаа во солзи, без волја да се забавуваат без својата другарка.Вања остави зад себе шокирани и скршени родители, роднини, братучеди, а пред сѐ – сестра која не знае како да го продолжи својот живот беа неа. Двете растеа со верба дека што и да се случи, ќе се имаат една со друга.Детето кое го одгледував со љубов, со грижа, со соништа. И тие соништа – сите до еден – се одземени. Со ладнокрвност. Со злоба. Со нечовечност. Мината е година и пол. Но, јас ја живеам таа кобна недела секој ден. Како може некој да покаже сила врз живот што допрва започнувал?Овој судски процес не ми дава мир. Тоа е мојот секојдневен пекол. Ја буди траумата, тагата и ја врти лентата на болката одново и одново, како секој ден да ја погребувам Вања. Но, јас морам да бидам дел од процесот, не од избор, туку од нужност. Морам да сум дел од процесот заради Вања, но и заради сите мајки. Дали злото ќе добие казна што ја заслужува или ќе испратиме порака дека животот на дете не тежи ништо? Почитуван суде, вечерта кога ме однесоа за последен пат да си го видам своето мртво дете, низ плач му реков на инспекторот: „немојте да дозволите ова да се случи на друго дете“.Сега, го упатувам истиот апел до вам – во оваа судница, не се суди само за убиството на Вања – туку се суди за правото на секое дете во оваа држава да живее. Да расте. Да сонува. Да не дозволите ова да се случи повторно. Вакво злосторство не смее да се толерира. Не смее веќе родители да плачат и да молат за правда. А јас сега молам за правда. Правда за Вања. Ви благодарм. 

Македонија | пред 11 месец

„Нема ниту еден доказ за комуникација меѓу таткото на Вања и Палчо“, адвокатот вели дека обвинителките се контрадикторни

Обвинителките завршија со завршниот збор за убиствата на Вања Ѓорчевска и Панче Жежовски. Не понудија никаков доказ дека таткото на Вања, Александар Ѓорчески, имал конекција или комуникација со обвинетиот планер и реализатор на убиствата, Љупчо Палевски-Палчо. Ова го кажа адвокатот Владимир Туфегџиќ, кој посочува дека Обвинителството образложило сѐ за другите четворица обвинети, а ништо за таткото.„Јавното обивнитлство го потврди она што го знаеме од првиот ден, а тоа е дека нема никаков доказ за било каква вмешаност и инволвираност на Александар. Немаат ниту било каков доказ за конекција или комуникација со Љупчо Палевски, како што стои во обвинителниот акт. Напротив, завршнот збор на Обвинителството го ценам како контрадикторен, сам по себе, бидејќи на некој начин директно го опиша планот и дејствијата на останатите обвинети со кои Обвинителството докажува дека имале разработен план, дека од првото грабнување се откажале и зошто се откажале, како и дека реализацијата се завршила во понеделникот. Никаде не е споменат таткото ниту конекција со него“, рече Владимир Туфегџиќ, адвокат на Александар Ѓорчески.

Македонија | пред 11 месец

Нема олеснителни околности, рече обвинителката и побара доживотен затвор за убиствата на Вања и Панче

Јавното обвинителство побара доживотен затвор за четворицата обвинети – Љупчо Палевски, Влатко Кешишев, Боре Видевски и Велибор Манев – за грабнувањето и убиството на 14-годишната Вања Ѓорчевска и 74-годишниот Панче Жежовски, што се случија во ноември 2023 година.Во завршните зборови, обвинителката Ана Стојковиќ Димитровска рече дека се работи за свирепи убиства, извршени со умисла, и дека за ниту еден од обвинетите нема олеснителни околности.„Да се одземе живот на дете е недозволиво. Обвинетите не покажаа каење, манипулираа со јавноста и ја повторно ја трауматизираа фамилијата. Сите се во зрела возраст, родители, а дел и со политички амбиции“, рече таа, пренесе „Плусинфо“.За Велибор Манев, Oбвинителството тврдеше дека свесно учествувал во двете убиства – закопувал тела, чистел траги, користел лопата, селотејп и вреќи. За Боре Видевски рече дека пред Обвинителството признал сè, но подоцна негирал сè пред судот, тврдејќи дека исказот бил изнуден – нешто за што нема докази.Влатко Кешишев, според Обвинителството, не бил само „послушник“ туку директно учествувал: копал гробници, носел радиостаници, го возел „цитроенот“ и ги палел доказите.За Палевски, првообвинетиот, обвинителката рече дека ја водел целата операција, креирал алиби, уништувал докази, користел повеќе телефони и комуницирал преку радиостаници. Сите докази, вклучително и базните станици и сведочењата на другите обвинети, го поврзуваат со злосторствата.Според Обвинителството, жртвите биле грабнати со намера да се изнуди откуп – прво Панче, заради возилото, потоа Вања. Убиствата биле внимателно планирани, а извршени со особена суровост: жртвите биле врзани, држени во гепек, со вперен пиштол, подложени на тежок психолошки и физички стрес.„Станува збор за тешки, двојни убиства извршени со умисла. Секој од обвинетите одиграл клучна улога. Единствена соодветна казна е доживотен затвор за сите четворица“, заклучи обвинителката.

Македонија | пред 11 месец

Обвинетите планирале свадби за своите деца со парите од откупот за Вања, рече обвинителката Јосифовска

На денешното рочиште за грозоморното двојно убиство што ја потресе македонската јавност, обвинителката Жаклина Крстевска–Јосифовска ги даде завршните зборови, во кои со детали го опиша ладнокрвниот и однапред испланиран начин на кој, според Обвинителството, е извршено киднапирањето и убиството на 14-годишната Вања Ѓорчевска и пензионерот Панче Жежовски. Обвинителката истакна дека обвинетите со месеци го правеле планот, водени од материјален интерес, без грам совест и човечност – дури и покрај тоа што сите имале свои деца. Во центарот на приказната, според Обвинителството, стои монструозен мотив: со парите добиени од откупот за Вања, на своите деца да им обезбедат удобен живот.„Најпрво сакале да обезбедат возило, кое нема да биде барано, кое нема брзо да биде пронајдено. Анализирајќи неколку месеци, одлучиле да го грабнат Панче, кој има „цитроен“ со голем гепек, а живеел сам. Со тоа возило во петокот на 24 ноември се обиделе да го грабнат девојчето, откако таткото претходно им кажал дека секој петок таа сама оди на училиште. Не успеале да ја грабнат во петокот, но не се откажале. Кога инцидентно во неделата ја добиле информацијата од Александар дека во понеделник на 27 Вања по исклучок ќе оди сама на првиот час, во неделата вечер Манев и Видевски експресно пристигнале од Велес во Скопје, за утрото да го извршат злосторството. Со „рено кангото“ и со „цитроенот“, во понеделникот наутро, со радио-станици за комуницирање, со оставени телефони, тргнале да ја грабнат Вања. Ја убиле и Вања, брзо, ладнокрвно, сигурни во монструозниот план дека никој никогаш нема да дознае за злосторот. Немале никакво чувство, иако и самите имале деца, немале чувство кон Вања. Сакале со парите за Вања на своите деца да им обезбедат свадби, погодности“, рече обвинителката Жаклина Крстевска-Јосифовска.

Македонија | пред 11 месец

Свиреп план, ладнокрвно извршување: Последниот збор на Обвинителството за убиствата на Вања и Панче

Обвинителството денеска ги даде завршните зборови за грозоморните убиства на Вања Ѓорчевска и Панче Жежовски, за кои обвинети се Љупчо Палевски – Палчо, Влатко Кешишев, Боре Видевски, Велибор Манев и таткото на Вања, Александар Ѓорчевски.Обвинителката Жаклина Крстевска – Јосифовска истакна дека се работи за убиство на дете и на пензионер на свиреп и монструозен начин, со што обвинетите заслужуваат не само правна, туку и длабока морална осуда. Таа рече дека делото е напад врз човечноста и врз општеството, уништувајќи ја вербата во добрината и правдата.Според обвинението, обвинетите сковале план за грабнување на лице што живее само. Го избрале Панче Жежовски од Велес бидејќи неговиот „цитроен“ имал голем гепек, а тие планирале да му го одземат. На 22 ноември 2023 година, околу 11 часот, го грабнале и убиле. Два дена подоцна, на 24 ноември, се обиделе, но не успеале да ја грабнат Вања Ѓорчевска. Обидот го повториле на 27 ноември, по добиена информација од нејзиниот татко дека тој ден ќе оди сама на училиште. Таа била киднапирана и убиена во период од 8.30 до 9.30 часот.Таткото на Вања, Александар Ѓорчевски, остана во обвинението како соучесник. Тој според обвинителката им ги дал на обвинетите информациите за движењето на Вања и, според обвинителката, неговото однесување било сомнително. По исчезнувањето на Вања, не прашал ништо за другата ќерка, Миња, туку веднаш тргнал сам да ја бара Вања по патеката што ја користеле киднаперите. Вечерта пред убиството ѝ пратил порака да се облече слоевито „како за планинарење“, иако училиштето ѝ било само на 7 минути од дома. Во разговори со сведоци од МВР постојано повторувал: „Киднапирана е и убиена, џабе ја бараме“.Јосифовска истакна дека по убиството на Панче, ниту еден од обвинетите не покажал каење или реакција, туку веднаш продолжиле кон реализација на планот за грабнување и убиство на девојчето, кое не им сторило ништо.Палевски, според обвинителството, побегнал во Белград од страв да не биде фатен, иако немал закажано никаков медицински преглед. Јосифовска нагласи дека врз обвинетите не е вршено никакво насилство и дека вина има и Александар Ѓорчевски.Обвинителството смета дека сите дејствија се докажани и бара соодветна казна за сите обвинети.

Македонија | пред 11 месец

Контроверзија со снимката од Велес на Видевски: адвокатот ја нема, обвинителката вели не покажува ништо

Бојан Манев, адвокат на Боре Видески, обвинет за грабнувањата и убиствата на Вања Ѓорчевска и Панче Жежовски, рече дека не ја обезбедиле снимката од бензиската станица, каде наводно се гледа Панче Жежовски на денот кога според обвинението тој бил убиен.„Не го обезбедивме доказот бидејќи немаме технички услови“, рече Манев.Судијата Ивица Стефановски: „Судот ви го прифати тој доказ, знаете?“Манев: „Да, но не го обезбедивме, Обвинителството го има“,Обвинителката Жаклина Крстевска Јосифовска рече дека ја имаат снимката, но на неа не се гледа ЖежовскиНе постои видео запоис од Макпетрол безниската пумпа во Велес, на која се забележени обвинетите лица. Од таа причина, прибавен е и тој доказ, но не е предложен како доказ бидејќи не се забележани предметите лица затоа не е доставен како доказ, рече обвинителот.Доказна постапка заврши, рече судијата откако ги праша сите странки дали имаат дополнителни докази.

Македонија | пред 11 месец

Палевски опоменат дека ќе го отстранат од судница оти не го почитува редот, Обвинителството се противи на новите докази доставени од Ѓорчевски

Адвокатите на Велибор Манев и Влатко Кешишев немаат докази кои ги предлагаат во дополнение на доказната постапка.Адвокатот на Боре Видевски, Бојан Манев, предлагжи да биде изведен како доказ обезбедениот видео материјал, со наредба од ОЈО Велес.„ОЈО Велес има издадено наредби за две камери од бензинските станици Лукоил и Макпетрол кои можат да послужат како доказ, издадена од 29.11.2023 година и од 00:00 22.11.2023 до 00:00 23.11.2023 година“ рече бранителот на Видевски.Манев не достави копии од наредбата, па судот ги праша поединечно дали секој од обвинетите и нивните бранители сакаат да ја видат. Никој не побара копија, а Палевски му рече на судијата дека ја знае.„Ве молиме, да провериме дали таков видео запис е обезбеден по наредбата за да може да се произнесеме“, рече обвинителката Ана Стојковиќ Димитриевска.Обвинетиот Љупчо Палевски беше опоменат да го почитува редот во судницата и да не зборува без одобрение од судот, да не го нарушува редот во судницата и да ги почитува укажувањата од судијата му укажа судијата Ивица Стефановски.„Во спротивно, ќе бидете отстранети од судницата, ова е последна опомена“, рече судијата Стефановски.Судот прифати да се изведат видео снимките од бензиската пумпа.„Се прифаќа предлогот на Бојан Манев, да се презентираат видео записите од бензинската пумпа, доколку истиот ги обезбеди овие докази, односно видео записи“, рече судијата.Судот му укажува на бранителот Бојан Манев дека доказот треба да го обезбеди, а судот ќе му овозможи технички услови да го презентира, доколку не го обезбеди нема да биде презентиран како доказ.„Исто така предлагам до судот, како доказ да се изведе видео записот обезбеден со наредба од 04.12.2023 година на Основен суд Велес, која се однесува на обезбедени камери од 22.11.2023 до 24.11.2023. Ова го барам на околноста, дека на споменатата улица се наоѓа точно, на рутата на движење на „реното кангу“. Доколку се движело или одело кон куќата на Велибор Манев, мора да помине низ таа улица, тоа го знам бидејќи потекнува од Велес“ рече Манев.Нови докази до судот достави и Александар Ѓорчевски, татко на убиената Вања, обвинет за помагање.„Во дополнение на доказна постапка се изведуваат: Потврда број од 14.04.2025 година на Здружение Хопс Скопје, со која одбраната докажува дека корисник на телефонскиот број е Дарко Костовски, доктор, психијатар од Градска болница „8-ми Септември“. Фактура број на име Дарко Костовски како сопственик, а со ова одбраната докажува дека Александар Ѓорчевски, во критичниот период од 27.11.2023 до 03.12.2023 има остварено телефонска комуникација и овие докази се во корелација со веќе изведените докази, рече Владимир Туфегџиќ, адвокат на Александар Ѓорчевски.На ова се противеше Обвинителството.„Се противиме на овие докази“, рече обвинителката Жаклина Крстевска Јосифовска за дополнителните докази на Ѓорчевски.

Македонија | пред 1 година

Ново рочиште за убиствата на Вања и Панче - ќе се изведуваат нови докази

Во Основниот кривичен суд во Скопје денеска продолжува главната расправа за бруталните убиства на Вања Ѓорчевска (14) од Скопје и Панче Жежовски (74) од Велес, кои беа ликвидирани.На минатото рочиште, дополнителни докази изведуваше Обвинителството помеѓу кои имаше снимки од безбедносните камери кај Велибор Манев кои, според Обвинителството, покажуваат дека обвинетите однапред се подготвувале за убиство, а не само за киднапирање на Вања Ѓорчевска. На снимката што беше прикажана во судот, видлив е моментот кога Манев става лопата во возилото „Рено Кангу“.Во обвинението стои дека Љупчо Палевски, Боре Видевски, Велибор Манев, Влатко Кешишов и Александар Ѓорчевски, се обвинети дека заедно испланирале грабнување на 14-годишната Вања со цел да присилат член на нејзиното потесно семејство да даде парични средства за откуп. Грабнувањето на оштетениот Панче Жежовски во Велес, пак, според обвинението, било со намера да го присилат да им го даде сопственото возило „Цитроен“ за да го користат за грабнување на детето во Скопје.Малолетната Вања и велешанецот Панче, беа пријавени за исчезнати на 27 и 24 ноември, а на 3 декември 2023 година беа пронајдени мртви во близина на Скопје и Велес.

Македонија | пред 1 година

(Видео) Се враќаат по лопатата оти ја заборавиле, тоа е јасен доказ дека планирале убиство на Вања, рече обвинителката

Обвинителките кои ги гонат Љупчо Палевски-Палчо, Велибор Манев, Боре Видевски и Влатко Кешишев, остануваат на тврдењето дека убиството на Вања Ѓорчевска е направено поради користољубие. Со старо-нова снимка во судницата, докажуваат дека сите заедно, се вратиле да земат и лопата, што за нив е јасен знак дека целта била Вања Ѓорчевска да биде убиена.„Во случајов се работи за користољубие, од почеток до извршување на делата, обвинените заедно се договарале за да ги преземат дејствијата, за да остварат користољубие. Со убиството на Вања се докажува дека сите ги презеле дејствијата“, рече обвинителката Жаклина Крстевска Јосифовска.Прашана, кои се доказите дека станува збор за користољубие, бидејќи не побарале средства, туку веднаш го убиле девојчето, обвинителката одговори: „Причината поради која не е побаран било каков износ на парични средства или друго, било во контекст на целта која сакале да ја остварат“, ја па дополни нејзината колешка Ана Стојковиќ Димитровска која рече: „Дозволете за тој мотив дополнително да се изјасниме во завршните зборови. Денеска не беа изведувани докази на таа околност. Ќе ни дозволите до крајот на постапката да се изјасниме“.Обвинителките беа прашани, дали снимката на која се гледа дека обвинети се враќат по лопатата, што за Обвинителството е јасен знак за намерата да биде извршено убиство, е јасен знак дека таткото немал поврзаност со помагање при грабнување.„Снимката беше иснесена како одговор на тврдењата на обвинетите, дека тие немале мотив да убиваат туку тргнале да грабнуваат луѓе. Тоа што тие се враќаат да ја стават лопатата, да ја земат со себе, бидејќи им била заборавна, укажува дека тие биле подготвени за убиство. Од таа причина беше изнесен и тој како доказ. Ова беше побивање на нивниот мотив согласно дадената одбрана, а нема врска со вината на Александар Ѓорчевски никако ниту е обвинет за убиство, туку за помагање при грабнување на детето“, рече обвинителката Ана Стојковиќ Димитровска.

Македонија | пред 1 година

(Видео) Сторителите имале цел за егзекуција, враќањето на лопатата ја исклучува улогата на таткото, вели адвокатот на Ѓорчевски

За адвокатот Владимир Туфегџиќ, бранител на Александар Ѓорчевски, снимката каде Велибор Манев и Боре Видевски се враќаат по лопатата откако ја заборавиле, денот кога имало неуспешен обид за грабнување на Вања – докажува дека таткото нема никаква инволвираност, а мотивот дефинитивно не е користољубие.Со снимката се докажува дека критичниот ден на 24. ноември и враќањето на Велибор Манев и Боре Видевски за да ја земат лопатата, а тоа е денот на неуспешниот обид на грабнување, практично исклучува било каква улога на таткото во овој случај и јасна цел имале сторителите за егзекуција односно ликвидација на личноста која подоцна е грабната од зградата. Со тоа оваа секвенца е испуштена минатиот пат кога е презентиран доказот“, рече Туфегџиќ.Тој смета дека се добиваат јасни контури на намерите на сторителите.„Се исклучува било каква инволвираност во однос на изнуда и она што е наведено во обвинението, користољубие. И целосно се исклучува улогата на таткото во овој настан“, додаде адвокатот.За изјавата на обвинителката Ана Стојковиќ Димитровска, која рече дека во завршни зборови ќе укажат на тоа која и каква е инволвираноста на таткото, Туфегџиќ рече: „Тоа е нивно гледање на работите. До сега не е изведен ниту еден доказ кој покажува било какво учество на таткото во ова злосторство“.

Македонија | пред 1 година

(Видео) Го бараат ли обвинителките пиштолот со кои се извршени убиствата на Вања и Панче, како и човекот кој наводно го земал?

Јавната обвинителка Ана Стојковиќ Димитровска, прашана дали го бараат пиштолот со кој е извршено убиството на Вања Ѓорчевска и Панче Жежовски, рече дека тие имаат доволно докази кои ја докажуваат вината на сите обвинети. Потоа, беше прашана за да даде јасен одговор, дали го бараат ликот, кој обвинетиот Велибор Манев го посочи во својот исказ, а кој според него го „уништил пакетот“, мислејќи на пиштолот.„Ние во целата истражна постапка, а и додека трае судењето имаме преземено дополнителни дејствија, за да се утврдат сите факти и околности. За тоа што е дојдено со доказ кој може да има валидна вредност во судска постапка е предложен во судска постапка. Едно е да тврдиме, но ние сме обвинители и апсолутно ако немаме релевантен доказ, несериозно би било и за нас и за државата, да се произнесуваме со тврдења, паушални или било какви на главна расправа“, одговори обвинителката без да каже конкретно дали трагаат по лицето или не.Адвокатот Игор Ефремов во поткастот „Претрес со Ландов“, кажа дека Велибор Манев не бил викнат да даде дополнителен исказ во однос на тврдењата кои ги кажа во судница, а кои се однесуваа на пиштолот. Инаку, тој рече дека Палевски дал насоки да се уништи „пакетот“, односно ранчето со моторолите и пиштолот.

Македонија | пред 1 година

Сите алиби моменти на Палевски ги сузбиваше Обвинителството: презентирани пораки праќани кон обвинетиот деновите кога се случиле убиствата

Обвинителството со докази ги сузбиваше тврдењата на Љупчо Палевски-Палчо, дека деновите кога се убиени младата Вања Ѓорчевска (17.11) и велешанецот Панче Жежовски (22.11), тој не бил на локациите на ликвидациите. Истовремено, се произнесе зошто чаурата најдена на местото каде е убиен велешеанецот, не е вештачена. Освен ова, Обвинителството го оспоруваше и тврдењето на каратистот Боре Видевски, дека деновите кога жртвите биле ликвидирани, тој бил на работа. Па така до судот достави податоци од Јавното комунално претпријатие „Дервен“-Велес кои одговориле дека тој не се евидентирал преку електронскиот систем критичните денови„Приговарам и се противам на изведувањето на овој доказ и на таа околност ќе предложам соодветен доказ“, рече адвокатот на Боре Видевски, Бојан Манев.Љупчо Палевски и неговиот адвокат Јовица Страшевски, во текот на претходните рочишта бараа вештачење на чаурата, за да се спореди со базата на МВР, а од што ќе може да се види дали во Жежовски било пукано од оружјето на Видевски, кое не е најдено. Последно, Видевски рече дека го извадил од домот, но не се сеќава каде го оставил. Но, МВР одговорило дека не може да се направи споредба на чаурата, бидејќи немало пробно испитување на оружјето.„Доказ 2: Известување по донесена наредба од ОЈО Скопје, од МВР Оддел за граѓански работи, Сектор/Отсек за оружје, експлозивни и опасни материи Велес, во однос на околноста дали е извршено пробно испитување од оружјето кое обвинетиот Боре Видевски го поседува во евиденцијата од МВР. Нема податоци за пробно испитување за оружјето кое тој го поседува во евиденцијата и тоа пиштол Зброевка 75Б калибар 9мм“, кажа обвинителката.На ова реагираше обвинетиот Љупло Палевски.„Во однос на овој доказ, му посачувам на судот дека барав вештачење на пронајдената чаура, која е доказ на одбраната а не на ОЈО. Барав да се вештачи е не да дава информации дали или не отисок од додената игла на конкретното оружје. Наместо наредба за вештачење, гледам наредба за доставување известување, кое го прави Форензика а не Сектор за оружје. Така да нема никаква употребна вредност, така што поседувам докази со кои ќе докажам на судот дека ОЈО неполни 18 часа по пронаоѓање на телото на отштениот Жежовски е запознаено со ова оружје, но тие документи на МВР не постојат ниту во истражните списи, не само во судските. И затоа сметам дека ова не може да биде изговор за да не биде вештачена предметната чаура со однапред познато оружје. Мене не ми смета нека биде изведен како доказ, но инсистирам на вештачење“, рече Палевски. .Потоа, беше презентирано и вештачењето направено од Секторот за форензика на МВР. Била направена анализа на пиштолот на Видевски, но не можело да се направи совпаѓање со чаурата оти немало пробно испукување.„За пронајдената чаура е направена споредба со базата која ја поседуваат. Видно од известувањето, доставена е информација дека предметната чаура потекнува од муниција со калибар 9мм пара произведена од 2002 година, истата поседува траги.. механичките траги се внесени во автоматска компарација и не постигнати совпаѓања и поклопување на трагите, со внесените чаури во системот кои потекнуваат од кривично правни настани на територија на државата. Била направена и компаративна анализа и за пиштолот на Боре Видевски, доставени од полицијата во Велес, од 6 мај 2025 година, и се известува дека со оглед на тоа дека нема податоци за извршени пробно испукување не е направена споредба и се појаснува дека без доставени чаури од пробно испитување од конретното оружје не може да се врши компаративно испитување од предметната чаура“, кажа обвинителката.Палевски тврдеше и дека на 22 ноември, денот кога е убиен Жежовски, бил кај лицето Ерол Османи за му го поправа котелот. Обвинителството изведе фотодокументација со комуникација на обвинетиот и Османи. Комуникацијата е од 22 до 28 ноември.„Од пораките произлегува дека комуникацијата била најпрво на 22 ноември во 16:13 минути кога сведокот Османи испратил фотографија и порака: ‘ова го врзав директно. Не знам зошто, можеби има склопка, како се врзува поинаку? Сакам да ми работи на тивок режим’, а на ова не добил одговор. На 25 ноември во 19:17 минути, сведокот пратил порака до: ‘Ми требаш за греењето’, одговор нема. Од 22 до 25 не е извршено поправање на греењето“, рече обвинителката Жаклина Крстевска Јосифовска, со што докажува дека тврдењето на Палевски дека поправал котел кога Жежовски е убиен е неточно, а пак првата поплака на сведокот Османи била на 22 неомври, попладнето, кога Жежовски, според обвинението е веќе убиен.Потоа, следуваа пораките од сведокот кон Палевски на 27 ноември, кога е убиена Вања Ѓорчевска. Комуникацијата започнала во попладневните часови, кога Вања е веќе убиена.„На 27 ноември во 12:44 часот сведокот Ерол му праќа порака: ‘Идеш навака?’. И овде нема одговор, па истиот ден во 15:55 сведокот Ерол праќа порака: ‘Да купам нова електроника?’. Тоа значи дека обвинетиот Палевски ниту отишол кај сведокот Османи на 27 ноември ниту извршил поправка. Порака е пратена дури во 23:30 минути од обвинетиот Палевски кон Османи, од која е видливо дека до тој момент Палевски не отишол кај Османи“, додаде обвинителката.На ова пак реагираше обвинетиот Палевски.„На сликата пратена на 22 ноември е вентиатор, а не котел и тој се жали дека тој работи, ама нон-стоп. Нема потреба да го поправам кога веќе сум го поправил котелот и тој грее. Затоа и не одговарам на пораките. И самиот праша, прочитавте – дали да купи нова електроника. На 28 ноември тој тврди дека сум го поправам котелот кај него, а не на 27 ноември. Јавниот обвинител не покажа датум 28 ноември, не слушнавме ништо за тој ден. Денот 27 ноември е веќе расчистен и не знам што докажавте со котелот на Ерол на 27 ноември. Објаснете му на судот зошто во телефонската анализа сте го прескокнале денот 28 ноември“, рече Палевски.Палевски спореше и колку лица имало во автомобилите „рено кангу“ и „цитроен“ кога поминуваат покрај велешки хотел, упатувајќи се од/кон местото каде е ликвидиран Жежовски. Тој изведе службена белешка на која полицаец напишал дека се гледаат три лица. Според него, ова е потврда дека во грабнувањето на Панче учествувале три, а не четири лица.„Еден цитат од службената белешка, што е утврдено со неа, а влијае на фактите во врска со грабнувањето на Жежовски: ‘При прегледот на видеозаписите од 22. Ноември во 10.25 забележува патнички автомобил ‘рено кангу’ како се движи во правец Велес-Скопје по регионалниот пат и во внатрешноста на возилото се забележуваат две лица. Се забележува и ‘цитроен’ како се движи во правец Велес-Скопје по регионалниот пат и во внатрешноста на возилото се забележува едно лице“.Со дополнување на доказната постапка, овој предмет се ближи кон пресуда. Следуваат завршни зборови на обвинетите.

Македонија | пред 1 година

(Видео) Кешишев му се восхитувал на Палевски на судењата, адвокатот сведочи: Имаше моменти кога ќе ми шепне дека е појак од обвинителите

Адвокатот Ефремов ексклузивно откри дека обвинетиот Влатко Кешишев на некое од судењата му се восхитувал на првообвинетиот Љупчо Палевски.Нечуенeни детали во “Претрес” за обвинетите за убиствата на Вања и Панче.

Македонија | пред 1 година

(Видео) Адвокатот на Кешишев не очекува доживотен затвор за неговиот клиент

Адвокатот на еден од обвинетите за грозоморното убиство на Вања и Панче, во Претрес со Ландов вели дека не очекува најстрога казна за неговиот клиент Влатко Кешишев.„Не очекувам казна доживотен затвор за Кешишев, за него очекувам најблага казна”, вели адвокатот Игор Кешишев.Кешишев му кажал дека никогаш не било договарано убиство.Палевски му рекол дека луѓе му нуделе по 400.000 илјади евра за хард дискот со прислушкувани разговори.

Македонија | пред 1 година

(Видео) Адвокатот Ефремов: Кешишев Палчо како Тито го гледал

Адвокатот Игор Ефремов во Претрес со Ландов кажа дека еден од обвинетите за убиството на Вања и Панче, Влатко Кешишев му готвел на Палчо и имал поданички однос кон него. Сега вели дека се уште има восхит кон Палевски.„Кешишев го гледаше Палчо како Тито. Му верувале на Палевски, тој им велел дека има докази, ветувал дека името ќе го врати”, вели Ефремов.

Македонија | пред 1 година

(Видео) Адвокатот на Кешишев: Низ солзи ми кажа дека се кае, ќе ја каже вистината и ќе одговара за стореното

Игор Ефремов, адвокат на обвинетиот Влатко Кешишев вечерва во Претрес со Ландов на директното прашање кој ги уби Вања и Панче рече дека најдобар одговор ќе даде обвинителството а конечниот збор го има судот„Судот ќе каже кој ги уби. Секој обвинет има право на своја одбрана, беа изнесени 197 докази. За тоа кој е вистинскиот директен извршител секој од 5 те обвинети лица има своја приказна за случајот.Јас го држам ставот на Кешишев. Нормално е премногу алиби да се изнесува од обвинетиот за да се оправда себеси”, рече Ефремов.Ефремов посочи дека има пропусти во постапката .„Кешишев цело време е со солзи во очи, на првата средба ми рече рече дека не е директен сведок на убиствата.Не се правдам, ми рече Кешишев, се каам, ќе ја кажам вистината и за стореното ќе одговорам. Така ми беше речено да направам”, рече бранителот на Кешишев.На полицајците кога дошле да го апсат Кешишев им рекол-конечно дојдовте долго ве чекав.

Македонија | пред 1 година

Палевски одговори на прашањето: Си правите ли алиби со плаќањето во банката денот кога е Вања убиена?

Обвинителката Жаклина Крстевска Јосифовска продолжи со прашања за обвинетиот Љупчо Палевски-Палчо. Според Обвинителството, Палевски дава само алиби за деновите кога се убиени Вања Ѓорчевска и Панче Жежовски, но не нуди докзи,Обвинителката Жаклина Крстевска Јосифовска: Дали си правевте алиби за 27.11.2023 со плаќањето на сметка во Банката?Обвинетиот Љупчо Палевски-Палчо: Бев да плаќам кога ми стигнаа пари на сметка, ако сум убил - ќе правев алиби. Добив 1000 евра од ‘јутуб’ на сметка и отидов во ‘Халк Банка; на Буњаковец, има многу експозитури на Партизанска. Вие слушнавте дека сите биле под уцена од мене, се плашеле да не им ги убивам фамилиите и зошто имало потреба јас да одам во ‘Дупки’ туку едноставно ќе сум наредил, зошто би отишол од Скопје во Велес за ‘цитроен’ канта, што е поевтин од мојот Ајфон. Но според вашата логика сум морал да отидам и да го убијам Панче. И покрај тоа што сте ги обезбедиле доказите, некој пред 10 години имал кривична пријава, од Панче Жежовски кон него, пријава до Советот на јавни обвинители, жртвата тврди дека Велибро Манев е под заштита на ОЈО Велес. Но вие повторно тврдите дека јас сум отишол во Велес да го убивам.Обвинителката Жаклина Крстевска Јосифовска: Вие тврдите дека криминален ум би ја убил Зорица Ѓорчевска, а не Вања.. Вам ви беше ли познато дека Зорица и Александар Ѓорчевски се разведени, и дека при убиство на Зорица, Александар не би наследил ништо, познато ви беше така?Обвинетиот Љупчо Палевски-Палчо: Не ми беше познато. Прашањето навредува просечен човек, и ова го сметам за навреда и ќе објаснам зошто. Вашиот мотив во обвинението, е нелогичен и недокажан, затоа што не се приложиле ниту еден доказ. Моето компарирање на логики и кажување дека доколку постои користољубие ќе имаше засолниште, а не класично убиство, ќе имаше контакт со мајката или таткото за да се направи таа уцена, за да се принуди некој да даде пари, но не само што не се случило, вие не понудивте ниту еден доказ на таа многу важна околност - мотив зошто е сторено делото. Затоа дадов пример со еден криминален ум. Јас во списите прочитав дека Александар го поседува најскапиот имот во семејството, станот од каде е грабнато детето, преку 250 илјади евра, и доколку биде убиена мајката - законски старател ќе биде таткото. Мотивот не само што не е докажан, туку целосно нелогичен.Тој потоа говореше повторно за базните станици каде е регистриран неговиот телефон.Обвинителката Жаклина Крстевска Јосифовска: Вие тврдите дека го поправате котелот, но од доказите произлегува дека немате никаква комуникација со Ерол, освен во попладневните часови неуспешен од негова страна. Така ли е?Обвинетиот Љупчо Палевски-Палчо:  Повикот на Ерол е точен, но зошто би ми вртел доколку јас сум кај него и поправам котел. Ерол треба да одговори. Токму на 22 шест полиња се избришани едно по друго за базните станици. А смртта на Жежовски не е утврдена во ниту еден доказ, туку само од двајца обвинети кои кажуваат различни аргументи за ист настан. Котелот е поправан на 22.11 како што кажа Ерол од 11.40 кога сум пратил порака па натака. А кога е убиен Панче јас не знам и јас не го разбирам ова во времето на кривично правниот настан, како што кажа обвинителката.Обвинителката Жаклина Крстевска Јосифовска:  Му благодарам на забелешката, сведокот сведочеше дека на 28.11.2023 сте го поправале котелот а не на 22.11.2023, но нејсе, но за да одите на 22.11 кај Ерол претходно логично е да си искумуницирате со него, за да знае кога точно би дошле?Обвинетиот Љупчо Палевски-Палчо:  Јас сум одел кај Ерол и кога не бил тој дома, бидејќи заборави да каже дека котелот се наоѓа во сутерен дел од неговиот дом...

Македонија | пред 1 година