ВАЊА

Палевски смета дека пиштолот на Боре Видевски е „клучот“ за расчистување на убиствата на Вања и Панче, за адвокатот обвинетите се заложници во постапката

Марјан Витановски, адвокат на Љупчо Палевски-Палчо смета дека Обвинителството во Скопје, треба да биде изземено гонењето за убиството на Вања и Панче да го преземе друго обвинителство. Витановски, посочи и кон обвинетиот Боре Видевски и кон пиштол кој наводно тој го поседувал. Според адвокатот, можеби токму со ова ќе се расчистел случајот, ако се поврзело тоа оружје со чаурата најдена на едно од местата каде се случија убиствата.„Обвинетиот Љупчо Палевски смета дека ова е најпогодниот момент кога треба да бараме изземање, бидејќи јавниот обвинител ниту административно не проверил дали обвинетиот Боре Видевски има пиштол. При претресот на домот, констатирал само дека нема пронајдени предмети кои би се довеле во корелација со кривичното дело. Имајќи во предвид дека обвинетиот поседува таков пиштол, сметаме дека истрагата во еден дел е незаконска. Вештачената чаура, не беше доставена да се изведе како доказ. Сметавме дека ако истиот поседува оружје со дозвола, при добивање на дозвола, тоа се води во системот на МВР. Доколку бил одземен пиштолот од Боре Видевски, можело да се провери дали чаурата одговара на тој пиштол или евентуално на било кој пиштол кое некое лице го поседува со дозвола“, рече Витановски и продолжи:„Имајќи во предвид дека сведоците предложени од одбраната, десет пати беа прашани дали Љупчо Палевски има пиштол, а никој од обвинетите да не биде прашан, сметавме дека некои работи на Обвинителството укажува на тоа дека се прави обид, Палевски да биде врзан со кривичното дело на било кој начин, за што и веќе реков, според доказите приложени кон обвинението, засега Палевски не може да се поврзе со ова дело. Ако се пронајде пиштолот од овие обвинети овде, нека се провери таа околност, па ние како одбрана ќе си продолжиме со други факти. Невозможно е, четири обвинети да имаме, еднаш го признаа кривичното дело, па го повлекоа тоа, за сега да немаат ни едно прашање да постават и да приговорат, што укажува дека тие можеби се заложници во овој кривично-правен настан и веќе преговарале за исходот на постапката, а се од причина единствено првообвинетиот биде лицето кое го извршиле ова кривично дело“.

Македонија | пред 1 година

Ново рочиште за убиствата на Вања и Панче - ќе се изведуваат нови докази за злосторството

Денеска во Основниот кривичен суд Скопје е најавено продолжение на судењето за грозоморното убиство на 14 годишната Вања Ѓорчевска и велешанецот Панче Жежовски.Првообвинет е Љупчо Палевски – Палчо, заедно со Боре Видевски, Велибор Манев и Влатко Кешишов, како и таткото на девојчето, Александар Ѓорчевски.Случајот се наоѓа во доказна постапка и треба да продолжи со изведување на материјални докази од Обвинителство.Денеска во суд треба да се појави и Гоце Трајковски, еден од клучните сведоци во судскиот процес за убиствата на Вања и Панчо. Тој беше во бегство и осомничен за палење кафуле, по што сам се предал во полициската станица во Кисела Вода. По него беше распишана потерница.Тој на 15 ноември требаше да сведочи за неговата улога во потрагата по Вања, заедно со нејзиниот татко, но не се појави во судницата поради, како што го правдаше мајка му, панични напади. Трајковски, еден од клучните сведоци, заедно со таткото собирал видеоснимки, преземал активности за пронаоѓање на детето. Подоцна се дозна од Обвинителството на брифинг, дека тој има и својство на осомничен за подметнување на пожар, бидејќи на 13 ноември со уште три лица, запалиле кафуле кое било лоцирано во зграда во Кисела Вода.

Македонија | пред 1 година

Сведокот за убиството на Вања кој беше во бегство, се предаде на полицијата

Гоце Трајковски, лицето кое е осомничено за подметнување пожар во кафуле во Кисела Вода, а воедно е и сведок во предметот за киднапирањето и убиството на Вања Ѓорчевска, се предаде на полицијата, дознава „Скопје1“ од свои извори. Тој пред краток период, сам отишол во ПС Кисела Вода, а откако по него беше распишана потерница.Трајковски е сведокот кој водел истрага со таткото на Вања и заедно трагале по неа. Собирале и прегледувале снимки. Требаше да се појави на судењето на 15 ноември, но неговата мајка Кираца Трајковска која исто така беше сведок, кажа дека тој имал здравствени проблеми. Подоцна се дозна од Обвинителството, дека тој има и својство на осомничен за подметнување на пожар, бидејќи според податоците оттаму, на 13 ноември со уште три лица, запалиле кафуле кое било лоцирано во зграда во Кисела Вода.Трајковски беше еден од првите кои се вклучија во потрагата за 14-годишната Вања. На последното рочиште за убиството, Обвинителството предложи да не се чита искаазот и да се почека, бидејќи ќе успеат да го лоцираат Трајковски. Останува на судот да одлучи, кога ќе го повика на сослушување.

Македонија | пред 1 година

Движење на „Реното кангу“ утрото кога исчезна Вања

Снимки од движењето на возилото „Рено кангу“, кое го користела политичката партија „Десна“ со која претседаваше Љупчо Палевски-Палчо беа презентирани денеска во Кривичен суд. Снимките се од критичниот ден, односно утрото кога Вања исчезна, односно денот кога Обвинителството тврди дека била и убиена.„Во 5 часот 37 минути и 32 секунди се гледа како возилото ‘рено кангу’ поминува на раскрсницата од булевар ‘Јане Сандански’ со ул. ‘Васко Карангелевски’ и продолжува во насока на хотел ‘Русија’. Во 5:39 часот возилото е лоцирано на раскрсница меѓу булевар АСНОМ и бул. ‘Србија'”, рече обвинителката.Возилото се движи од Чаир кон Дебар Маало - Центар, а во истото има едно лице што се забележува на камерата во Центар пред да стигне кај Влада пред да се упати по Партизанска во време 6:30. Кога стига на раскрцницата кај Соборна, во 6:30 часот се забележува „Реното кангу“ дека продолжува да се движи право по Партизански одреди кон Карпош, и врти десно на улицата Ленинова.Во 7:30 минути (минути пред Вања да биде грабната) се забележува како се движи од Дебар Маало и се вклучува на булеварот Илинден.„'Реното кангу' се наоѓа во левата лента но според сообраќајните правила не смее да врти во лево на место каде што не е дозволено вртење во лево според сообраќајните правила“, рече обвинителката презентирајќи ја снимката.Во 7 часот и 39 минути се забележува на раскрсницата од булаварот Илинден со Наум Наумовски Борче. Продолжува да се движи по Илинденска кон Карпош што се гледа на камерата кај Зоолошка. Стига до Мида и врти десно по булаварот „8 Септември“, кај Александар Палас, во правец кон Момин Поток и ако се зумира во истото се забележува дека има едно лице - возач. Движењето на „Реното кангу“ продолжува по булаварот „8 Септември“ во 7 часот и 38 минути.

Македонија | пред 1 година

(Видео) Му пропадна обидот на Палчо за промена на судијата, сега има нови поднесоци - еден од клучните сведоци уште е недостапен

Претседателот на Кривичен суд, Иван Џолев, одбил да го промени судијата Ивица Стефановска од судечкиот совет во предметот за убиството на Вања Ѓорчевска и Панче Жежовски. Ова го бараше првообвинетиот Љупчо Палевски-Палчо, а одлуката ја добил на ден пред новата година.Истовремено, на судењето не е присутен Гоце Трајковски, кој е еден од клучните сведоци кога станува збор за потрагата на Вања. Тој заедно со таткото собирал видео снимки, преземал активности за пронаоѓање на детето.„ПС Бит Пазар известува дека не му извршена достава на поканата на Гоце Трајковски, истиот не е достапен на органите на прогонот на наведената адреса“, рече судот.Истовремено, Обвинителството останува на барањето Гоце Трајковски да биде испитан како сведок.„За него ОЈО не го повлекува предлогот на за негово испитување бидејќи по завршување на постапката тој може да стане достапен на органите на прогонот и да биде испитан во полза на оваа постапка“, рече обвинителката.Трајковски не е достапен откако против него, Обвинителството започна друга постапка каде е осомничен, а се однесува на запален објект во Кисела Вода.

Македонија | пред 1 година

Кешишев полнел бензин моментите пред Вања да биде убиена: снимки од критичните моменти и движењата на возилата се презентираат во суд

Снимки од критичните моменти на исчезнувањето на Вања Ѓорчевска и Панче Жежовски, како и од деновите кога тие биле убиени, се презентираат во Кривичниот суд. Обвинителот на снимките го посочи Влатко Кешишев, кој според неговите кажувања, точел бензин на „Макпетрол“ кај Железничка, а во близина на седиштето на партијата „Десна“ чиј претседател беше сега обвинетиот Љупчо Палевски-Палчо. Критичниот ден, кога Вања беше убиена, Кешишев бил со балон да наполни гориво. Според Обвинителството, истиот ден е запалено возилото „цитроен“, со кое била киднапирана Вања.„На ова ЦД се констатирани снимки за тоа како обвинетиот Влатко Кешишев со празен балон пристигнува на бензинската станица „Макпетрол“ Транспортен Центар Скопје, во близина на политичката партија Десна за да наточи гориво бензин кој што го плаќа со 1000 денари во ќеш. На 27.11.2023 година, 05 часот 26 минути и 40 секунди. На истото се гледа како обвинетиот Влатко Кешишев доаѓа на бензинската пумпа со балон, голема пластично шише за да наточи гориво, а во 5 часот 30 минути и 15 секунди. Се гледа како Кешишев се враќа го зема балонот и заминува откако претходно влегува да плати на каса“, рече обвинителката.Судот констатираше дека обвинетиот Кешишев е облечен во црна јакна и црна капа. Палевски го праша судијата како заклучиле дека човекот од видеото е Влатко Кешишев и бараше тоа да биде внесено во записник.Потоа, се презентираа снимки од возилото „Рено Кангу“, кое според обвинението, го управувал Љупчо Палевски-Палчо.„Видео запис на кое се гледа „Реното кангу“ во Центар и Аеродром, почнувајќи од Партијата Десна во правец на населбата Автокоманда Гази Баба.. Во 5,30 се забележува како пристигнува „Реното кангу“ пред политичката партија „Десна“ и потоа стои со запалените светла до 5:35 минути. Продолжува кон семафорот, се престројува лево но продолжува по булеварот Кузман Јосифовски Питу“, рече обвинителката.Од видео запис се гледа дека во 5:36 минути „Рено кангу“ доаѓа до раскрсница во Аеродром. Видео запис 5:37 минути се гледа како возилото поминува на раскрсницата од Булевар „Јане Сандански со Васко Карагелевски и продолжува да се движи во насока кон хотел Русија.Презентирана е и снимка од возилото „циторен“ со кое е киднапирана Вања, а направена од безбедносни камери на 24 ноември 2013 година, три дена пред девојчето да биде киднапирано и убиено.„Од видео запис се гледа дека во 5:36 минути „Рено кангу“ доаѓа до раскрсница во Аеродром. Видео запис 5:37 минути се гледа како возилото поминува на раскрсницата од Булевар „Јане Сандански со Васко Карагелевски и продолжува да се движи во насока кон хотел Русија“, рече обвинителката.Судењето е во тек.

Македонија | пред 1 година

Продолжува судењето за грозоморните убиства на Вања и Панче - ќе се чита исказ од клучен сведок

Со изведување материјални докази денеска треба да продолжи судењето за за грабнувањата и убиствата на 14-годишната Вања Ѓорчевска и велешанецот Панче Жежовски. Денеска треба да се чита исказот на сведокот Гоце Трајковски, кој важеше за еден од клучните бидејќи е недостапен за органите на прогонот бидејќи го бараат како осомничен во друг случај.Љупчо Палевски-Палчо е првообвинет за грабнувањата и убиствата на Вања и Панче.На обвинителна клупа се и Влатко Кешишов, Велибор Манев и Боре Видевски кои како соизвршители се товарат за по две кривични дела грабнување и убиство, како и Александар Ѓорчевски, таткото на Вања, кој е обвинет за помагање.На почетокот на денешното рочиште ќе биде соопштена одлуката на претседателот на Судот, Иван Џолев, во врска со барањето на Љупчо Палевски Палчо за изземање на судијата Ивица Стефановски.Неизвесно е дали и на денешното рочиште ќе се појави сведокот Гоце Трајковски, кој е во бегство по извршено друго кривично дело.Четиринаесетгодишната Вања и велешанецот Панче, беа пријавени за исчезнати на 27 и 24 ноември 2023 година, а беа пронајдени мртви во близина на Скопје и Велес неколку дена подоцна, односно на 3 декември 2023 година.

Македонија | пред 1 година

„Вања е убиена клечејќи, и било пукано одзади, на ДНК-то се најдени траги од Велибор“ - обвинителството со докази

Застанат зад Вања Ѓорчевска, на околу половина метар, убиецот, стискајќи ја за вратот и пукал во главата додека била жива. Според обдукцијата, проектилот од пиштол со калибар од 9мм, поминал преку десната страна од главата и завршил 30 цм во телото близу 'рбетот.Вања не се загушила додека била врзена во вреќата и ја возеле во багажникот од украдениот „цитроен“, кажа обвинителството презентирајќи ги доказите за двојното убиство.Убиена е клечејќи, а до местото на ликвидацијата се движела, тврди обвинителството, бидејќи на нејзините патики била најдена кал. Истата кал била пронајдена на колениците и под ноктите. На лентата со која и била залепена устата биле пронајдени ДНК трагови од обвинетиот Велибор Манев.Обдукцијата покажала дека двете жртви, и 14- годишната Вања и 74-годишниот Панче Жежовски претрпеле тешко физичко страдање пред да бидат убиени.Жежовски бил закопан во дупка длабока 2,7 метри. Најдена е чаура до дупката во периферијата на Велес, каде бил пронајден и мобилниот телефон на Панче, фрлен во трње.Од извештајот од обдукцијата на Панче Жежовски, произлегло дека смртта била насилна, му било пукано во главата од десната страна а и тој се наоѓал во полунаведната положба додека бил убиен. Смртта најверојатно настанала неспоредно ппо неговото грабнување, рече обвинителката при изведувањето на доказите.

Македонија | пред 1 година

Палевски и Ѓорчевски доставуваа дополнителни докази дека немаат вмешаност во грабнувањето и убиството на Вања и Панче

Александар Ѓорчевски, татко на убиената Вања Ѓорчевска направил дополнение на листата на докази со кои докажува дека нема никаква поврзаност со грабнувањето на неговата ќерка.Во доказите меѓу другото, станува збор и за новинарски натписи со изјави од мајката на Вања.Адвокатот Владимир Туфегџиќ даде согласност доказите кои се однесуваат на преземени дејства спрема таткото Александар да се изведат кратко со читање бидејќи воопшто нема да ја компромитираат одбраната. Останатите обвинети не дадоа согласност и затоа обвинителот ќе мора да презентира и објаснува еден по еден доказ.Велибор Манев, Влатко Кешишев и Боре Видевски немаат предложено дополнителни докази со кои ќе се бранат.Првообвинетиот Љупчо Палевски Палчо исто така има свои докази со кои негира дека бил планер и реализатор на убиствата.

Македонија | пред 1 година

Љупчо Палевски тврди дека ги нема сите докази со кои Обвинителството докажува дека е убиец и планер на грабнувањата на Вања и Панче

Љупчо Палевски тврди дека ги нема сите докази предложени во листата на докази.„Имајќи го предвид поднесокот, сите докази кои ги бара обвинетиот јас ги имам на USB, што побарав од судот, добив, доколку обвинетиот тврди дека некој доказ недостасува сметам дека во фаза на доказна постапка ќе имаме можност да се запознаеме со нив“, вели адвокатот Марјан Витанов, бранител на Витанов и додава:„За секој исказ на секој сведок направив забелешка. Палевски бара од судот вештачење на неговиот телефон, конкретно комуникација на Телеграм. Минатиот петок го добив тоа, има 10.000 скриншотови на телефони, не се хронолошки подредени, сметам дека овој доказ го имам и обвинетиот ќе го има веднаш штом го обработам“.Палевски ги бара и доказите кои ги доставиле другите обвинети до судот.„Јас доставив барање да се обезбедат „антените“ од истиот телефон, истото не би беше одговорено од Обвинителството, меѓутоа судот е известен за тоа. По однос на фотокопија од листа на докази, се бара листа на докази од сообвинетите, а јас не сум запознаен дали има листа на докази“, истакна бранителот Витанов.

Македонија | пред 1 година

Дали се вртело на бројот на Вања од телефонот на братот на Палчо?

Првообвинетиот Палевски приговараше по сведочењето на Тодорче Георгиевски и на полицаецот Елвис Ибрахим, кои тврдеа дека додека траел претресот во домот на Палевски, не забележале дека некој врти на телефонот на убиената Вања. Од друга страна, Палевски забележа дека од Обвинителството ниеднаш не го прашале брат му зошто е вртено на бројот на Вања од неговиот број, ниту го повикале за сведок.Сведокот Елвис Ибрахим, виш инспектор во ПС Чаир, ги наведе деталите околу претресот кај Блаже Палевски:„Бев на претресот во село Глуво, кај Блаже Палевски на 03.12.2023 година. Преземавме службени дејствија по наредба на судија на претходна постапка. Претрес на просториите во дом, земавме еден лаптоп еден таблет и Ајфон 6. И ги предадовме за понатамошни испитувања за потребите на колегите од Крвни деликти.Претресот беше околу 20,30 часот, имаше ангажирано адвокат Блаже Палевски, кој присуствуваше на цел претрес. Извршен беше претрес, предметите кои ги наведов се одземени. Дома бeа брат му, сопругата, мајка му. Претресот заврши околу 22 и 30 минути“ - изјави сведокот Елвис Ибрахим.Палевски го праша дали додека траел претресот некој од неговото семејство вртел телефони и дали некој од полицијата вртеле телефон, посочувајќи дали било вртено на телефонскиот број на Вања, на што сведокот одговори дека не забележал такви дејствија.„Во претресот одземени се само наведените телефони. Телефоните на домашните беа пред нас и додека разговараше со адвокатот тоа се одвиваше пред нас. Не беа одземени, беа на увид пред нас“ - рече Ибрахим.Одбраната приговари на овој сведок во однос на тоа дека исказот како таков е невистинит.Сведокот Тодорче Георгиевски, вработен во Единицата за економски и компјутерски криминал, на денешното рочиште за убиствата на Вања Ѓорчевска и на Панче Жежовски, рече дека не забележал дека некој ѝ вртел на Вања додека бил вршен претресот на имотот на братот на првообвинетиот Љупчо Палевски, Блаже Палевски.„Да, присуствував на претресот на 03.12.2023 година. По претходна наредба на началникот се упатив на давање асистенција на колегите од ЕБР, околу одемањето на техниката. Заедно бевме со колегите од ЕБР. Мојот дел беше околу одземањето на предметите, за читањето сериски броеви како што е по однос на привремено одземање на предмети.Дали од некое службено лице е извршено вртење на телефонскиот број на Вања? - од моја страна не беше забележано такво нешто, ниту јас, ниту други лица. Освен од Блаже Палевски кој вртеше кон својот адвокат, друго вртење од моја страна не беше забележанo“ - изјави Тодорче Георгиевски.И овој сведок потврди дека телефоните не биле одземени од лицата кои ги затекнале во домот, туку само ги имале на увид.Првообвинетиот Палевски приговараше по сведочењето на Георгиевски и на полицаецот Елвис Ибрахим, кои тврдеа дека додека траел претресот во домот на Палевски, не забележале дека некој врти на телефонот на убиената Вања.„Оштетеното дете на денот на претресот е пет дена убиено. Ниту брат ми, ниту мајка ми не знаеле број од оштетеното дете Вања и кога им биле одземени телефоните не може да вртат, а просечно интелигентен човек знае дека кога има претрес во дом, се врти на телефон кој може да биде најден во околината. Сето тоа се злоупотребува од ОЈО, на 26 сведоци не најде ниту време ниту можности зошто брат ми вртел на телефон кога детето е убиено веќе пет дена“ - изјави Палевски.Според одбраната, имало записник во ОЈО во кој пишувало дека за време на претресот, било вртено на телефонот на Вања од бројот на Блаже Палевски.На 20 декември продолжува судењето за убиствата на Вања Ѓорчевска и на Панче Жежовски, со изведување материјални докази од обвинението.

Македонија | пред 1 година

Доказите против Палевски за убиствата се цврсти, сменетата изјава на обвинетиот нема вредност, децидни се обвинителките

Сменетиот исказ на обвинетиот Влатко Кешишов кој сега го брани Љупчо Палевски-Палчо, нема доказна вредност во постапката. Ова го изјавија обвинителките Жаклина Крстевска Јосифовска и Ана Стојковиќ Димитровска пред почетокот на денешното судење. Тие се децидни: има материјални докази кои го поврзуваат Палевски со убиствата на Вања Ѓорчевска и Панче Жежовски. Обвинителството уверува дека против првообвинетиот Палевски има цврсти непобитни докази.„Оваа изјава нема доказна вредност, а обвинетите ќе имаат можност да дадат своја одбрана во текот на судењето,“ изјави обвинителката Стојковиќ Димитровска.Според обвинението, Кешишев ја водел полицијата до местото каде биле закопани жртвите и претходно изјавил дека Палчо е сторителот. Но, неговата нова верзија го негира тоа тврдење.Судењето продолжува со испитување на сведоци предложени од обвинителството, а потоа ќе се разгледуваат материјалните докази кои треба да ја утврдат вината на обвинетите.

Македонија | пред 1 година

Еден од клучните сведоци во случајот за убиството на Вања Ѓорчевска и Панче Жежовски, кој ги поврзал двата случаи, не е достапен за органите на прогонот

„Во однос на сведокот Гоце Трајковски истиот ОЈО не може да го обезбеди и од МВР доби известување дека не престојува на адресата по лична карта и патна исправа. Не е достапен на органите на прогонот“, рече обвинителот.„Судот и официјално ќе се обиде да го обезбеди па понатаму ќе одлучиме што понатаму“, рече Ивица Стефановски.Адвокатот на Александар Ѓорчевски, Владимир Туфергџиќ бараше обвинителот да се произнеси дали доколку не се обезбеди сведокот, да кажат дали неговото сведочење во Обвинителството ќе го искористи како доказ.Судијата Стефановски рече дека ќе проба да го донесе сведок на рочиште да сведочи, доколку не успее, ќе одлучат како ќе постапат.Судењето за убиството на Панче и Вања почна на 20 септември. Првообвинетиот е Љупчо Палевски, а обвинети се и Боре Видевски, Велибор Манев, Влатко Кешишов, како и таткото на девојчето, Александар Ѓорчевски.Малолетната Вања и велешанецот Панче Жежовски беа пријавени за исчезнати на 27 и 24 ноември минатата година.Тие беа пронајдени мртви во близина на Скопје и Велес на 3 декември 2023 година.На првото одржано рочиште обвинетите Љупчо Палевски, Боре Видевски, Велибор Манев и Влатко Кешишов, како и таткото на девојчето, Александар Ѓорчевски се произнесоа дека не се чувствуваат за виновни.

Македонија | пред 1 година

Ново судење за убиството на Вања и Панче: три лица треба да бидат сослушани, клучнот е недостапен за органите на прогнот

Последните тројца сведоци кои треба да се испитуваат за убиството на Вања Ѓорчевска и Панче Жежовски треба денеска да дојдат во Кривичниот суд. Судот и обвинетите ќе ги испитуваат лицата Елвис Ибрахими и Тодорче Георгиевски, а ќе се чита исказот и на еден од клучните сведоци за вмешаноста на таткото Александар Ѓорчевски, лицето Гоце Трајковски кој истовремено е и обвинет во постапка за палење на кафуле во кисела Вода.По испитувањето на сведоците, ќе се започне со презентација на материјалните докази. Ќе се гледаат снимки, ќе се презентираат траги, ќе се прикаже обдукцијата на Вања и Панче, како и начинот на настанување на смртта. Пред судиите ќе се изведат и листинзи, најдени траги, ДНК анализите. Сето ова се очекува да биде на веќе следното рочиште закажано за на 20. декември.Судењето за убиството на Панче и Вања почна на 20 септември. Првообвинетиот е Љупчо Палевски, а обвинети се и Боре Видевски, Велибор Манев, Влатко Кешишов, како и таткото на девојчето, Александар Ѓорчевски.Малолетната Вања и велешанецот Панче Жежовски беа пријавени за исчезнати на 27 и 24 ноември минатата година.Тие беа пронајдени мртви во близина на Скопје и Велес на 3 декември 2023 година.На првото одржано рочиште обвинетите Љупчо Палевски, Боре Видевски, Велибор Манев и Влатко Кешишов, како и таткото на девојчето, Александар Ѓорчевски се произнесоа дека не се чувствуваат за виновни.

Македонија | пред 1 година

Важен сведок од случајот за убиството на Вања, осомничен дека палел кафуле два дена пред судењето кога требаше да сведочи

Сведокот Гоце Трајковски кој во два наврати не се појави на судењето за убиството на Вања Ѓорчевска и Панче Жежовски, доби статус на осомничено лице - за подметнување на пожар во кафуле во Кисела Вода. Два дена пред да треба да се појави во суд и да каже како собирале докази со Александар Ѓорчевски, таткото на Вања, тој со уште две лица отишол и запалиле кафуле во стамбена зграда.„Во однос на сведокот Гоце, тој е осомничен за друго тешко кривично дело и е во моментов недостапен за органите на откривање и органите на прогон. Тој е осомничен за палење на објект-кафуле во кој, над објектот живеат станари. Се работи за тешки дела против општата сигурност, во кој две лица соизвршители“, рече шефот на скопските обвинители, Гаврил Бубевски.Практично, Гоце Трајковски требаше да сведочи на 15 ноември. Неговата мајка, Кираца, која е сведок, кажа дека нејзинот син е во лоша здравствена состојба и затоа не дошол. Тој е поканет да се појави на следното рочиште за неколку дена. Доколку не се појави, ќе се чита неговиот исказ во Обвинителство, а со оглед дека е во бегство.Инаку, тој се сомничи за намерно палење на угостителски објект.„На 13 ноември, околу 3 часот наутро, тројцата со пожар предизвикале имотна штета од поголема вредност во износ од околу 450 илјади денари. Со оглед на тоа што кафулето е лоцирано во поголема станбена зграда, постоела опасност тие со пожарот да предизвикаат и значителна опасност за животот и телото на станарите. На местото пристигнале со автомобил “Фолксваген голф“, се паркирале во близина на кафе барот, а едниот осомничен останал во возилото да чека. Вториот осомничен зел секира од багажникот и го скршил лизгачкото стакло, додека третото лице кое е идентификувано и се преземаат мерки за негово пронаоѓање, запалило оган со бензин. Потоа сите заедно избегале од местото. Истрагата е отворена, бидејќи со дејствијата како соизвршители предизвикале – Тешки дела против општата сигурност по член 292 став 1 во врска со член 288 став 1 од Кривичниот законик. За двајцата осомничени кои се веќе обезбедени, по предлог на јавниот обвинител, определена им е мерка притвор“, вели Обвинителството.Трајковски во случајот за Вања, требаше да каже како ги поврзал двете убиства - на Вања и Панче. Да раскаже и како дошол до снимките од видео надзорот, од каде црпел информации, каква е поврзаноста на таткото Александар.

Македонија | пред 1 година

Се чека правда за Вања: Ретроспектива по една година од најгрозомното убиство во Македонија

Една година помина од убиството на 14-годишната Вања Ѓорчевска. На 27 ноември, минатата година, девојчето беше грабнато, па свирепо убиено кај местото викано „Дупки“, над Качанички пат. Нејзиното тело беше најдено шест дена подоцна, кога еден од тогаш осомничените, а сега обвинетите, ги однел полицајците на местото каде била закопана.  Планот на убијците бил телото никогаш да не се пронајде телото, па затоа, ја закопале на место кое е тешко достапно. Планот пропаднал бидејќи полицијата прво ги лоцирала двете возила „рену канго“ и „цитроен“, па потоа дошла до политичката партија „Десна“ чиј претседател беше сега првообвинет Љупчо Палевски-Палчо. А таму, затекнала и дел од осомничените.Нема траг од Вања, мајката сведочи: Излезе весела, не веруваме дека избегала, немаме нарушени односиИ оттука почнува целиот случај да се расплеткува. Осомничените почнуваат да кажуваат информации на полицајците, полицијата се координира со Обвинителството, па набргу потоа, се открива локацијата.(Видео) Приведени пет лица за исчезнувањето на ВањаНа прес-конференција, ексминистерот за внатрешни работи, Оливер Спасовски, со зборот „монструм“ го опиша првообвинетиот Палчо, укажувајќи дека според докзите, тој го планирал убиството, но и го истрелал куршумот. До овој момент, пиштолот не е најден.Не била задушена – Вања е убиена со истрел од огнострелно оружје, покажува извештајот на Судска медицинаУбиството на Вања набргу се поврзува со убиството на велешанецот Панче Жежовски. Мотивот за двете убиства е користољубие.Вања е убиена по скоро три часа откако е киднапирана, истите лица се осомничени и за убиството на велешкиот фризерПрвоосомничениот за периодот додека јавноста добива одговори за убиството е надвор од Македонија. Излегол уште пред да биде осомничен, иако уште на 27 ноември бил лоциран автомобилот „рену кангу“ кој полицајците ги довел до партијата „Десна“. Затоа, медиумите почнаа да ги поврзуваат осомничените и да ги вадат нивните меѓусебни врски.Низа средби и дружби меѓу осомничените за убиството на Вања, кружат и фотографии[Профили] Сите имаат деца и се познаваат со Палчо – кои се осомничените за убиството на Вања Следуваа први признанија на вина во полициска станица. Тоа влегува на записник. Додека во „Песталоци“ беше отворена книга на жалост каде јавноста се опростуваше од Вања, новинарите се собраа пред судот да ги чекаат осомничените, кои сега се обвинети.Осомничениот Велибор Манев призна вина за убиството на Вања, нејзиниот татко е еден од осомниченитеПреку гаража, па во лифт, право во судница – сокриен еден од осомничените за убиството на ВањаКешишев, Манев и Видевски добија притвори – се сомничат за „грабнување“ и „убиство“(Видео) Солзи, воздишки, ружи за Вања во „Песталоци“ – книгата на жалост полна со сочувстваСпасовски, кој излезе на прес-конференција, обзнани дека и Александар Ѓорчевски, татко на Вања, го поврзуваат со киднапирањето.Таткото учествувал во киднапирањето на Вања, целта била да се изнудат пари од мајката – девојчето било закопаноЗапочна и меѓународната потрага по Палевски. Негов адвокат го одвел до Белград. Па викнал сопартиец кој го однел до Истанбул. Според исказите до кои дојде јавноста, некаде во Ниш, Палевски веќе знаел дека го поврзуваат со грабнувањето и убиството на девојчето, но не се враќа назад туку продолжува кон Баликсир, каде беше уапсен и екстрадиран.Го возел, но не знаел дека е вмешан во убиствата на Вања и Панче – транспортерот на Палчо негирал вмешаностСо возило сопственост на фирма се упатил кон Србија и го однел Палчо во Турција – возачот е осомничен за помагање(Видео) Со дојави, тргнувања и застанувања – рутата на бегството на Палчо почнува со дознавањето дека е најден „цитроенот“Под посебни протоколи Палчо го носат во Македонија – екстрадацијата во тајност на барање на турските властиАлександар Ѓорчевски, татко на Вања, уште кога бараше да му се укине притворот тврдеше дека не го познава Палчо, ниту другите обвинети. Беше дециден дека никогаш не се сретнал со нив. Исто како што Палевски до ден денешен негира дека бил вклучен во грабнување или убиство.Таткото на Вања плачел и тврдел: „Не ги знам!“, адвокатот побара да го пуштат од притворПрвата ноќ на Палчо во притвор: ладнокрвно однесување, со себе имал мемориски дискови, камери и картици(Видео) Палевски прашан каде бил за време на убиствата: Не сум бил во бегствоНе му помина теоријата на Палчо дека е невин пред обвинителот: предложил сведок, кој не „пеел“ како што обвинетиот мислелПрвото рочиште се одржа на 4 септември. Тогаш рочиштето траеше 11 минути, кога се споија предметите. Ниту еден од обвинетните не кажа ниту збор.(Видео) 11 минутно рочиште: Палчо на судење за 16 дена, предметите споени, осомничените назад по притвори(Видео) Никој од обвинетите за убиството на Вања и Панче не чувствуваат вина, таткото Ѓорчевски: Се ставам на располагањеНа рочиштето кое се одржа на 20 септември и Палчо проговоре. Тој се жалеше како бил донесен во суд, посочи дека нема ДНК од него, па упати и на тоа дека мотивот бил погрешен. Заедничко за сите обвинети е што никој не гледаше вина кај себе, ниту призна.Палчо се бранеше: Мотивот е погрешен, вештачки – има ДНК од тројцата обвинети, а од мене немашеПо ова се нижеа сведоци. Вработени во МВР кои ја воделе истрагата, пријатели на семејството Ѓорчевски, но и припадници на семејството Жежовски.Сите нивни сведочењаМакедонија се уште чека одговори кој и зошто ги сторил грабнувања и убиствата. Судот привршува со сослушување на сведоци, па ќе се изведат материјални докази. Потоа, искази ќе дадат сите обвинети. Доколку нема дополнување на доказна постапка, ќе следуваат завршни зборови и пресуда.Македонија, не памети погрозомно убиство од убиството на Вања.

Македонија | пред 1 година

(Видео) Нов драматичен пресврт за убиството на Вања и Панче,експертите затечени

Неочекувани пресврти и турбуленции на судењето за убиството на 14 годишната Вања и велешанецот Панче Жежовски.За киднапирање и свирепо убиство на 74-годишниот Панче Жежовски од Велес и на Вања Ѓорчевска од Скопје, обвинети се Љупчо Палевски, Влатко Кешишев, Велибор Манев, Боре Видевски и таткото на убиената Вања, Александар Ѓорчевски.На 20 ноември, Влатко Кешишев, еден од тројцата обвинети кои тврдеше: „Не сме ние убијците, Палчо ги уби Вања и Панче“, па се премисли и достави писмо во кое посочи дека Љупчо Палевски не ги убил двете жртви. Такво писмо преку затворот „Скопје“ во Шутка, Кешишев доставил до судот. Не преку неговиот адвокат, туку преку затворската управа.Во рачно напишаното писмо, Кешишев навел дека за време на убиствата, всушност, Палевски бил во партијата Десна и спиел таму, а дека Велибор Манев, кој е еден од обвинетите, го натерал да каже оти Палевски лани на 22 ноември го убил прво 74-годишниот Панче Жежовски од Велес, па по 5 дена, на 27 ноември, и 14-годишната Вања Ѓорчевска од Скопје.Денеска пак, Кешишов пред судот изјави: „Изјавата не е моја. Ми беше дадено напишано ливче. Еден од обвинетите Љупчо Палевски Палчо ми го даде за со мој ракопис да го напишам и да го предадам на вас. Тоа го направив од страв”.Многумина наседнаа на писмото од Кешишов од минатата недела. Еден од експертите, поранешниот началник во МВР, Љубомир Ѓурчески во Претрес изјави:„По менувањето на исказот на еден од обвинетите за убиството на Вања, му се обезбедува алиби на Љупчо Палевски Палчо и може да очекувате ослободување на Палчо. На Обвинителството му бега случајот. Верувам дека писмото со менување на исказот е автентично”, реле Ѓурчески и додаде: „Не навивам за никого“.?t=1381

Македонија | пред 1 година

Маж со брадичка и седа коса кој личи на Палчо, го возел рено-кангуто, сведочење на вработен во Безбеден град

На денешното судење за двојното убиство, на 14-годишната Вања и велешанецот Панче Жежовски, сведочеше и вработен во Министерството за внатрешни работи во одделот Безбеден град (Safe city).Тој во судница кажа дека на 27 ноември 2023 година, денот на исчезнувањето на Вања, вршеле пребарување во Скопје.Тој посочи дека во возилото „рено кангу“ на 27 ноември во 9:40 часот на камера се појавуваат две силуети.„ Се гледа дека возачот е со брадичка, личи на првообвинетиот, додека, на другите камери не може да се забележи силуети на лице“, рече сведокот.Тој кажа дека од началниците на СВР Скопје на 27 ноември добиле наредба да го бараат возилото на камерите, бидејќи тоа возило е поврзано со запалениот цитроен со кој беше грабната Вања Ѓорчевска.Цитроенот е забележан утрото на 27 ноември дека се паркира пред зградата на убиеното девојче. Потоа тоа се движи по Партизанска, Рузвелтова и Орце Николов и се упатува кон „Александар палас“. Потоа, од началниците добивме насока да го бараме на камерите возилото рено кангу поради поврзаност со запалениот цитроен, рече сведокот.На камерата кај Веро во Чаир забележуваат и дека возачот е со седа коса и брада и личи на првообвинетиот во овој случај“, рече сведокот.Кога го следеле цитроенот на снимките забележале дека истото возило пред зградата на убиената Вања било паркирано и утрото на 24 ноември.

Македонија | пред 1 година

Велибор Манев нѐ однесе до местото и покажа каде е закопан убиениот Панче, сведочеа полицајци

Обвинетиот Велибор Манев е човекот кој ја одвел полицијата на местото каде е закопан велешанецот Панче Жежовски. Ова на денешното рочиште го посочија двајца полицајци кои сведочеа денеска во врска со убиствата на Вања Ѓорчевска и на Панче Жежовски што се случија лани во ноември.Двајцата рекоа дека Манев не зборувал ништо друго по пат освен што им го покажувал патот до местото.„Отидовме до едно место, каде требаше да се откопа дупка во која има тело. Не знаевме за кого се работи. Манев ни даваше насоки каде да одиме“, сведочеа полицајците.Патот според полицајците од интервентна бил непрооден за возила, со дупки и се работело за планински дел, на дел оделе и пеш.

Македонија | пред 1 година

Кешишев: Изјавата не е моја, Палчо ми даде лист да ја препишам

Пресврт на денешното рочиште за убиството на Вања и Панче Жежовски.Обвинетиот Влатко Кешишов на крајот преку својот адвокат побара збор и кажа дека изјавата од претходното рочиште дека обвинетиот Љупчо Палевски-Палчо не бил присутен за време на грабнувањата и убиствата на Вања Ѓорчевска и Панче Жежовски не била негова.Тој вели дека ја напишал под принуда на Палевски додека со комбе биле спроведувани заедно во затвор каде што издржуваат притвор.Тој појасни дека тоа го направил од страв, а Палевски во комбето му дал ливче со напишана изјава и му кажал да ја препише со свој ракопис и да ја поднесе до судот.На претходното рочиште судијата Ивица Стефановски извести дека обвинетиот Влатко Кешишов поднел писмена изјава доставена од затвор во која вели дека Љупчо Палевски-Палчо на 22 и 27 ноември лани не бил со него, со Велибор Манев и со Боре Видевски, кога биле грабнати и убиени Вања и Панче и дека спиел во штабот на партијата Десна.Ова според многумина требаше да го смени текот на судењето и да биде олеснителна околност за Палчо.Пред денешното рочиште изјави дадоа обвинителките Жаклина Крстевска-Јосифовска и Ана Стојковиќ-Димитровска кои рекоа дека пишаната изјава на Влатко Кешишов, во која тврди дека Љупчо Палевски-Палчо не бил присутен за време на убиствата на Вања и Панче во оваа фаза од постапката нема никаква доказна вредност.

Македонија | пред 1 година

(Видео) Обвинет смени изјава, го брани Палчо: тврди дека тој не бил со нив кога ги убивале Вања и Панче

Обвинетиот Влатко Кешишeв кој прв и откри на полицијата за двете убиства, ја променил изјавата во која велеше дека Љупчо Палевски-Палчо ги ликвидирал Вања Ѓорчевска и Панче Жежовски. Изјавата ја доби судот, а истата е доставена и до адвокатот Игор Ефремов, кој му е застапник. Според тоа што беше соопштено, изјавата е напишана пред два дена на 18 ноември, а обвинетот вели дека Палевски на 22 и 27 ноември 2023 година (критичниот период кога се случиле двете убиства), не бил во Велес и Скопје, туку спиел во штабот.Кешишев навел дека згрешил што го послушал Велибор и дека кажал невистина дека Палчо бил со нив. Во изјавата Кешишев не навел ништо за мотивите на двете убиства, ниту за тој кој пукал во Вања и во Панче.Адвокатот Игор Ефремов, кој го брани Кешошов, не можеше да ја коментира изјавата.„Денес и јас за првпат се запознав со изјавата. Има напишано изјавата, не би ја коментирал содржината, оти не знам дали е негов ракописот, дали е негов потписот, дали своеволно има пишувано или не сакам да помислам за присилба или закана. За содржината ќе разговарам со него, па ќе ве извстам и вас. Јас ја добив преку судот“, вели адвокатот Игор Ефремов.

Македонија | пред 1 година

Палчо тврдел дека на денот на грабнувањето на Вања бил настинат, следниот ден му поправал котел на пријател, сведочеше Еролд Османи

Еден ден по грабнувањето на малолетната Вања Ѓорчевска, првообвинетиот за убиствата на девојчето и велешанецот Панче Жежовски, Љупчо Палевски Палчо бил кај негов пријател да му го поправи котелот за пелети и се однесувал нормално, според сведочењето на Еролд Османи кој се знаел со Палевски од 2000 година кога му помагал во издавањето на дневниот весник Глобал.„Се познавам само со Љупчо Палевски. Уште во времето на издавање на весникот Глобал бев повикан од издавачите да помогнам во издавањето бидејќи не одеше добро. Бев повикан да помогнам, затоа што јас се разбирав од тие работи. Јас мислам дека се запознавме 2000-2001 година. Точно не знам. Кога се затвори весникот ние останавме во комуникација. Ние останавме пријатели“, започна со своето сведочење, Еролд Османи.По затворањето на весникот продолжиле да комуницираат, Османи имал земено котел за пелети од кај него и Палевски често го сервисирал.Комуницирале на 27 и Палевски тврдел дека бил настинат „но одлежав неколку часа и подобро ми е“.„Лани не можев воопшто да го користам, и затоа тие повици кон мене се зачестија во периодот во ноември лани. На 27 ноември го барам на ФБ, и на линија сигурно. После 23 часот на Фејсбук ми јави дека ќе дојде. Ми напиша дека е настинат, но одлежал неколку саати и одма бил подобар. Утредента сабајлето на 28-ми имавме комуникација дека ќе дојде. И дојде околу 11 часот сабајлето. И го среди проблемот“, кажа сведокот.Сведокот го испитуваше и Палевски и го прашуваше дали е сигурен за времето кога дошол кај него, но сведокот кажа дека тоа било времето.

Македонија | пред 1 година

(Видео) Се бара вината за убиствата на Вања и Панче: нови тројца сведоци ќе раскажат сѐ што знаат

Нови сведоци ќе раскажат што се случувало пред и по грабнувањето на Вања Ѓорчевска и Панче Жежовски во Кривичниот суд.Денеска ќе сведочат лицата Еролд Османи, Ламбе Бучков и Стефан Димовски.Обвинетите Љупчо Палевски-Палчо, Боре Видевски, Влатко Кешишов и Велибор Манев кои се обвинети за грабнување и убиство седнаа на обвинителна клупа.Од куќен притвор беше спроведен и обвинетиот Александар Ѓорчевски, татко на Вања, кој се гони за помагање на групата.

Македонија | пред 1 година

Не верувам дека Палчо ја убил Вања, особено за пари, рече сведокот Кираца Трајковска

Ексдиректорката на „Фершпед“, Кираца Трајковска, се појави како сведок на судењето за убиството на Вања Ѓорчевска и Панче Жежовски. Таа е мајка на Гоце Трајковски, кој бил во кумски релации со семејството Ѓорчевски, а биле присутни додека се трагало по девојчето. Раскажа како течела потрагата, кој со кого комуницирал, што се преземало и како се дошло до снимките од надзорни камери.Трајковска во судница даде и свое тврдење за обвинувањето дека Љупчо Палевски-Палчо ја убил Вања.„Не верувам дека Палчо ја убил Вања“, рече сведокот посочувајќи дека нејзина братучедка била омажена за обвинетиот.Сведочеше дека нејзиниот син Гоце одел по кафулиња, објекти – секаде каде имало камери за да бара снимки.„Ставил јакна и рекол јас сум инспектор за да ги земат камерите“, раскажа таа, па додаде: „Бидејќи два дена се бараше девојчето пешки, третиот ден гледаше движење на коли. И тој забележува дека има издувни гасови, и забележале кола (н.з. пред зградата). Сашо рекол нема шанси мене девојчето да влезе во оваа кола. Јас му ги проверував сите профили на Панче Жежовски, јас имам роднина од Велес тој ми ги пушти снимките. Јас се знам со Палевски, откога се ожени со братучетка ми. Порано немаше финансиски проблеми, ама сите сме имале падови и успони..“, додаде сведокот.Беше прашана дали семејството на Александар Ѓорчевски се познаваа со Палевски, на што одговори: „Кој Александар? Зоран? Или сите? - не можам да тврдам 100 отсто ама мислам дека не се знаеја со Палевски“.

Македонија | пред 1 година

Братучед на убиената Вања: Му пишав на Илон оти Александар бараше, морав бидејќи беше во агонија

Иво Нешковиќ, братучед на убиената Вања и внук на обвинетиот Александар пред судот сведочеше за моментите по исчезнувањето на девојчето. Раскажа и за две пораки кои ги добиле на социјалните мрежи од кои едната била дека Вања била видена како влегува во некој автомобил. Александар, побарал од сведокот да исконтактира со Илон Маск, па тој тоа се обидел да го направи.„Вујко ми побара да му пишам на Илон Маск, Старлинг има 4000 сателити, тие се користат за комуникација немаат камера. Му напишав на Илон Маск неколку пати, и му пратив на вујко ми слика од мојот телефон само да го смирам бидејќи не можам да ви објаснам тоа беше агоноија. Јас не очекував тој да ми врати, кој сум јас Иво од Скопје, тој е Илон Маск. Вања имаше слика со НАСА и мислевме таа да му ја пратиме, но не стигнавме. Мајка ми беше таму таа ме известуваше, затоа што вујко ми не јадел не пиел, и јас и кажував да пие кока-кола да не колабира човекот“, рече Нешковиќ.Сведокот додаде дека му позајмувал пари на Александар, но не му ги барал назад.„Јас знам дека после разводот станот на улица ‘Наум Наумовски Борче’, Зорица му го препиша на Александар. Едниот стан на Партизанска требаше да биде на едната ќерка, на ‘Наум Наумовски Борче’ на другата. Не го познавам со Љупчо Палевски, никој од моето семејство, сме немале комуникација. Не ми кажал Александар дека комуницирал, името го дознав од медиуми. Немаше никакви долгови“, додаде тој.

Македонија | пред 1 година