ВАЊА

Судењето за грозоморните убиства на Вања и Панче продолжува со распит на Велибор Манев

Според сведочењето на полицијата, Велибор Манев го покажал местото каде што бил закопан Панче Жежовски.Во Основниот кривичен суд Скопје треба да продолжи судскиот процес за грабнувањата и убиствата на 14-годишната Вања Ѓорчевска и 74-годишниот велешанец Панче Жежовски.Денеса треба да биде распитан второобвинетиот во случајот, Велибор Манев.Потоа, искази на предлог на одбраната треба да дадат и обвинетите Боре Видевски, Влатко Кешишев, потоа таткото на Вања, Алекдандар Ѓорчевски и на крај првообвинетиот Љупчо Палевски-Палчо.

Македонија | пред 1 година

Палевски кажа дека е спремен за доживотна робија, па бара да се докаже дека куршумот со кој е убиен Панче е од пиштолот на Видевски

Нови барања истакнаа адвокатите на обвинетиот Љупчо Палевски-Палчо на денешното судско рочиште за убиството на Вања Ѓорчевска и Панле Жежовски. Бараат вештакот кој ја вештачел чаурата од куршумот со кој е убиен Панче Жежовски да биде повикан на распит во судница, да се дополни вештачењето дали оваа чаура е испукана од пиштолот на обвинетиот Боре Видевски. Ова не е прво рочиште како Палевски одговорноста ја префрла кај Видевски, чиј пиштол за кој имал дозвола, не е најден. Досега„Предлагам да се достави пронајдената чаура пронајдена на лице место со телото на Панче Жежовски, а предложена е од страна на обвинетиот на 31.12.2024. Во списите на предметот има вештачење на таа чаура од вешто лице каде е утврдено дека испукана од оружје калибар 9мм и дека на истата се пронајдени се пронајдени траги кои покажуваат дека е можно да се направи споредба со базата на податоци на МВР, по однос дали оваа чаура е испукна од оружје кое има одобрение односно дали таа чаура е испукана од пиштолот на Боре Видовски. Чаурата да се презентирана чаурата и вештото лице Јасминка Трајковска да се испита пред судот и да се произнесе за чаурата за да направи споредба доколку е надлежна“, побара адвокатот Марјан Витановски.20-тина докази на Палевски судот не ги прифати бидејќи веќе биле изведени. Потоа, Палевски побара изземање на судијата Ивица Стефановски, што не е првпат.„Барам изземање на претседателот на судската постапка Ивица Стефановски, под нова околност заради пристрасност, минатиот пат беше за неиздавање наредба, а сега за пристрасност и оневозможување фер и одбрана затоа што ги злоупотребува дискреционите права и не дозволува изведување на докази кои се во моја корист. Јас таа шанса во оваа постпака ја немам, и затоа на претседателот на судот му наведувам дека доказот за вештачење на 'реното кангу', ОЈО не кажа каде се подигнати трагите ниту пак објасни каде се пронајдени трагите од тројцат обвинети, на која околност, туку само беа прочитани дека билее пронајдени во реното кангу.Во неколку наврати ја коригира обвинителката како треба и што треба да каже во записник. Неколку пати е исправена во излагањето, а во исто време има 30-тина минута од 20 рочишта потрошени од ОЈО, со 26 сведоци кои не кажаа ништо. Но кога требаше јас да потрошам 30-тина минута за мојата одбрана и 21 доказ господинот судија најде причина да ми не ми ја овозможи“, рече Палевски, кој дополни очекува барањето за изземање да му биде одбиено од претседателот на судот Иван Џолев.Според него, на овој начин се прејудицира пресудата, па посочи дека е свесен дека ќе добие доживотен затвор.Тој го обвини судијата дека го крие оружјето со кое се извршени убиствата.„Барам ова изземање на судија кој крие оружје бидејќи не му одговараа на однапред донесена пресуда која е донесена на 05.12.2023 година на уште една политичка Гаврил Бубевски и Оливер Спасовски. Доживотната робија ниту ме плаши ниту влијае на мене, доказите кои судијата не сака да ги дозволи, не ги прочитал а како ли да ги цени. Не требаат докази кои се во корист на одбраната бидејќи пресудата е веќе донесена“, посочи Палевски.Ваквиот потег на Палевски доаѓа доаѓа на едно рочиште пред распитот на Велибор Манев. Досега, сите други обвинети во случајот молчеа, освен Влатко Кешишев кој достави писмо до судот во кое го брани Палевски, па на наредното рочиште кажа дека обвинетиот го принудил тоа да го направи додека ги превезувале до судот.

Македонија | пред 1 година

Ќе се бараат снимки од банката во која Палевски уплаќал денот кога е убиена Вања

Судот ќе бара снимки од надзорните камери на „Халк банка“, од 27 ноември 2023 година, кога е убиена Вања, за да види дали и во кој период Љупчо Палевски-Палчо бил во експозитурата на „Партизанска“. Судијата Ивица Стефановски кажа дека ќе се побараат снимките од 9 до 12 часот, а не од 10 до 12 часот, како што бараше одбраната на Палевски. Истовремено, не му беа прифатени другите барања како што е анализа на базните станици каде бил регистриран неговиот телефон на критичниот ден, бидејќи сигналот покажува каде е телефонот, а не сопственикот на телефонот.Обвинителството реагираше во однос на доказот на Палевски кој му е алиби дека во времето кога е убиена Вања, тој бил во банка. Според обвинителката, од снимките кои се доказ, а потекнуваат од видео надзорот „Сејф сити“, се гледа дека возилото „рено кангу“ управувало од Палевски, на 27.11 во 10 часот веќе се враќа во седиштето на партијата Десна, а уплатницата е реализирана во 11:44 минути.Сега Палевски ќе се произнесува по однос на сите докази кои беа изведени.

Македонија | пред 1 година

Палевски сака да докаже дека бил во банка дента кога Вања е убиена - уплатницата е реализирана по повеќе од час и половина од времето на убиството

Љупчо Палевски-Палчо, обвинет за планирање и реализирање на двете убиства, пред судот докажува дека денот кога е убиена Вања тој бил во банка. Тој на судот му дал уплатница за да го уведи дека на 27 декември во 11:40 минути бил во „Халк банка“ во Буњаковец. Но ова нема доказна вредност, бидејќи според обвинението, Вања била убиена пред 10 часот. Ова би значело дека трансакцијата на Палевски е направена по грозоморниот чин.Сепак, Палевски, бара судот да ги прибави снимките од надзорните камери на банката. Тој тврди дека бил заедно со пензиониран професор, Мартин Панчевски. Ова лице беше побарано на адресата посочена од адвокатите на Палевски, но не беше пронајдено за да му се достави покана за ова рочиште.„Мартин Панчевски - непостои такво лице според посочената адреса“, рече судијата уште на почетокот од судењето.Пред да почнат со изведувањето на материјалните докази, како сведок предложен од Палевски сведочеше полицискиот службеник вработен во СВР Велес, кој раскажуваше како течела потрагата по сега убиениот велешанец Жежовски. Прашањата на Палевски до полицискиот службеник беа каде е пиштолот на Боре Видевски и што се случувало при претресот на домот на овој обвинет.Адвокатите на Палевски сакаат снимки од банката за да се види Палевски и неговото одење на банка, затоа што неговиот лик не се гледал на снимките од „Сејф сити“.„Со тоа го докажуваме спротивното од обвинителство, бидејќи нивниот доказ како возила се шетаат низ Скопје, без утврдени ликови, не е доказ. Палевски пак со сведок се наоѓа во Халк банка. Не е возможно во ист период да биде на две различни локации“, рече адвокатот Јовица Страшевски.На претходните рочишта беа презентирани видео материјали токму денот кога Вања е грабната. Па така, Вања била однесена на местото каде што е убиена во 07:59 минути. Во 09:08 минути „Цитроенот“ и „Реното кангу“ одат кон местото каде „циторенот“ беше запален. Во 09:36 минути „цитроенот“ е запален. Во 09:49 минути се гледа возилото „Рено кангу“ како се движи накрстосницата на бул. „Христијан Тодоровски Карпош“ со улицата „Ферид Бајрам“. Ова, според Обвинителството, знача Вања била веќе убиена, а дел од трагите уништени.Четиринаесетгодишната Вања и велешанецот Панче, беа пријавени за исчезнати на 27 и 24 ноември 2023 година, а беа пронајдени мртви во близина на Скопје и Велес неколку дена подоцна, односно на 3 декември 2023 година.

Македонија | пред 1 година

(Видео) Палевски бара снимки од 10 до 12 часот за да докаже дека не ја убил Вања, a девојчето било ликвидирано пред тоа стои во обвинението

Јовица Страшевски, адвокат на Љупчо Палевски-Палчо тврди дека со снимки одмвидео надзор ќе се потврди дека обвинетиот бил во банка денот кога Вања Ѓорчевска е киднапирана и убиена. Според уплатницата која ја доставил до судот, Палевски бил во банката во Буњаковец во 11:44 минути. Според Страшевски, Палевски чекал ред од 20 до 40 минути, ама снимките точно можат да го утврдат времето.„Едно е кога е извршена уплатата, друго е дали Палевски чекал ред со посочениот сведок. Тоа сакаме да докажеме, дека Палевски бил и чекал повеќе од дваесетина или 40 минути. Ама снимките точно тоа ќе го утврдат. Не може да биде на две места да биде во исто време. Го побаравме периодот од 10 до 12 часот, за точно да се утврди“, рече Страшевски.Според обвинението, Вања е убиена пред 10 часот. Исто така, во периодот пред 10 часот, бил запален и „циторенот“ со кој е грабната – што се виде и од снимките од видео надзорните во околината.Неспорно е дека после ова, возилото „Рено кангу“ се движи низ Скопје. Во 09:49 минути се гледа возилото „Рено кангу“ како се движи на крстосницата на бул. „Христијан Тодоровски Карпош“ со улицата „Ферид Бајрам“. Ова, според Обвинителството, знача Вања била веќе убиена, а дел од трагите уништени.Обвинителството го товари Палевски за планер и реализатор на двете убиства, на Вања Ѓорчевска и Панче Жежовски.

Македонија | пред 1 година

(Видео) Кај Боре Видевски се најдени куршуми, но не и пиштолот за нив, сведочи полицаец во случајот за убиствата на Вања и Панче

Полицискиот службеник Стојан Кујунџиевски, вработен во СВР Велес, а кој е повикан како сведок на обвинетиот Љупчо Палевски-Палчо во случајот за убиството на Вања и Панче Жежовски, раскажуваше како течела потрагата по сега убиениот велешанец. Палевски го прашуваше полицискиот службеник каде е пиштолот на Боре Видевски и што се случувало при претресот на домот на овој обвинет.„Јас заедно со другите колеги од СВР Велес во иистрагата по исчезнато лице Панче Жежовски. По добивање на сознание, беа извршени контроли, беа прегледани видео записи од влезови и излезите на Велес, со цел лоцирање на возилото на исчезнатиот Панче Жежовски“, рече Кујунџиевски.Палевски му покажа службена белешка на службеникот потпишана од него, во која било наведено дека од снимки одземени од надзорни камери во хотел „Романтик“, стоело дека се гледало возилото „Ренко Кангу“ со две лица и „Цитроен“ со едно лице. Па го праша: „Дали и денеска стоите на ова во службената белешка?“.„Да, доколку тогаш сум го кажал тоа. Сте констатирале дека во цитроенот има две лица, во реното едно. Дали се сеќавате како беа облечени? Немам одговор, не можам да се сетам како беа обллечени“, рече сведокот.Сведокот беше прашан и за оружјето одземено од домот на обвинетиот Боре Видевски. Меѓудругото биле најдени куршуми за пиштол, но не и пиштол, појасни сведокот.„Дали сте сеќавате дека сте одземале предмети од Јасминка Видевска?“, праша Палевски на што доби одговор: „Ловна пушка, патроли за ловна пушка, и куршуми 9мм за пиштол“. Потоа Палевски допраша: „А каде ги предадовте?“, на што доби одговор: „Во магацин на СВР Велес“.„Пиштолот не беше пронајден при претресот и дополнителното одземање на истиот. Претресот е правен од страна на колеги, на 03.12.2023 и јас не бев присутен на истиот. При претресот кај Боре Видевски беше барано оружјето, но не можам да кажам што се случувало или не бидејќи јас не бев присутен. Дополнително, јас немав никаков контакт со Боре Видевски за да го прашам каде е пиштолот“, рече сведокот, кој е полициски службеник од СВР Велес.Потоа, на 13 декември 2023 година, сите предмети потребни за истрагата од СВР Велес биле предадени во СВР Скопје.„Дали преднетите кои ги наведовте СВР Скопје ги виде?“, праша Палевски и доби одговор: „ Предметите не ги виде, но документацијата да“. Потоа допраша: „Зошто предметите не?“, на што сведокот одговори: „Предметите се предмет на управна постапка за одземање на оружје и истите во магацин на СВР Велес за чување. Исто и дозволите за чување“.Четиринаесетгодишната Вања и велешанецот Панче, беа пријавени за исчезнати на 27 и 24 ноември 2023 година, а беа пронајдени мртви во близина на Скопје и Велес неколку дена подоцна, односно на 3 декември 2023 година.

Македонија | пред 1 година

(Видео) Токму мајката, а не таткото, прва известила дека можно е Вања да е киднапирана, вели Туфегџиќ

Адвокатот Владимир Туфегџиќ тврди дека мајката Зорица Ѓорчевска прва ја известила јавноста дека има сомнеж дека Вања е киднапирана, доставувајќи докази од медиумски написи со нејзина изјава. Со ова, тој цели кон побивање на тврдењата на Обвинителството дека првиот сомнеж го имал Александар Ѓорчески, со кои, обвинителот сака да докаже дека Ѓорчевски помогнал во грабнувањето на сопствената ќерка. Тој кажа дека целото семејство имало различни размислувања, ама во таа насока.„На Александар не може да му се импутира ниту да му се става на товар дека тој е првиот што се посомневал дека детето е киднапирано. Тоа бил општ впечаток на семејството, имало различни размислувања и стравувања во таа насока што е многу природно, во една ваква состојба на работите“, рече Туфегџиќ.Според него, не може да му се става на товар на обвинетиот дека тој е прв што се посомневал дека Вања е киднапирана.„Би сакал да истакнам дека денеска се изведени докази кои се однесуваат на ваши новинарски извештаи кои се однесуваат на прашањето и околноста кој прв ја известил јавноста за сомнежот дека детето е киднапирано. Тоа е токму мајката. Тоа е евидентирано и во вашите новинарски записи, два часа по објавата на мајката, таа дала изјава и за печатен медиум. Во таа насока, докажуваме дека Александар не може да му се импутира ниту да му се става на товар дека тој е прв кој се посомневал дека детето е киднапирано“, рече додаде Туфегџиќ.

Македонија | пред 1 година

(Видео) „Снимките не се од вечерта пред убиството на Жежовски“ адвокатот тврди дека Видевски признал вина оти бил тепан од полицајци

Бојан Манев, адвокатот на обвинетиот Боре Видевски, тврди дека снимките на кои обвинителката покажа како се гледаат обвинетите слушалки и мотороли, не се од вечерта пред убиството на Панче Жежовски. Тој рече дека вечерта пред убиството, Видевски славел куќна слава.„Од страна на мојот клиент е кажано дека тие не се снимки од тој ден. Вечерта пред убиството на Панче Жежовски, тоа е ден св. Арангел, тој присуствува на негова лична слава. Тие снимки не се од тој ден. Тоа ќе го видите од исказот на сите. Не верувам дека некој што планира убиство, сам би се снимал“, рече Манев.Обвинителството на претходното рочиште ги презентираше снимките, за кои објаснувајќи, кажа дека се гледаат пристигнувањето и групирањето на обвинетите за убиството на вечешанецот Панче Жежовски. Снимките се прибавени од надзорните камери поставени на домот на Велибор Манев во Велес.Претходно, адвокатот посочи дека признанието на вина од Видевски е изнудено со ќотек.„Сведокот детално ја објасни ситуацијата во однос на тоа како полицијата работела за да го изнуди признанието од страна на Боре Видевски. Снимката која беше доставена од наша страна во октомври беше дадена на основа на исказ на сведокот Дејан Димовски. Со неприфаќњето на снимката, Судот го прекрши законот“, рече адвокатот Манев.ДЕТАЛИ:

Македонија | пред 1 година

Судење за убиството на Вања и Панче: Кои обвинети нема да се бранат со нови докази, а кои ќе се бранат пред судот

Обвинетите за грабнувањето и убството на Вања Ѓорчевска и Панче Жежовски се на ред да достават докази кои ќе бидат изведени на рочиштето денеска, но и на идните. Обвинетите Велибор Манев и Влатко Кешишев ќе даваат само исказ и не предлагаат никакви материјални докази за нивна одбрана. Обвинетиот Боре Видевски пак, зборуваше само дека не прифаќа пред суд да се изведе извесна снимка (засега не се знае за каква снимка станува збор), посочуваќи дека не е обезбедена на законит начин, не се знае ниту кој зборува и кој ја обезбедил.Одбраната на Александар Ѓорчевски, татко на убиената Вања, обвинет за помагање во грабнување. Остана на доставените докази. Тој со нив сака да докаже дека неговите деца се веќе реални сопственици на имот, но и лекарски извештаи од прегледи направени по неговото апсење и во притвор. Притоа Ѓорчевски доставил и снимки од изјави на мајката на Вања во која таа посочува дека девојчето е киднапирано.„Одбраната на Александар Ѓорчевски останува на доставената листа на докази која е доставена до Судот и во таа смисла ги изведуваме следните материјални докази. Решение за данок на имот на име Вања Ѓорчевска, од 01.03.2023 година, малолетните деца се веќе реални сопственици на имотот. Понатаму се чита барање за доставување информации од Хелсиншкиот комитет, лекарски извештај од Аџибадем Систина, а сето тоа во контекст на медицинската документација која е составен дел за извршени прегледи на барање на судија на претходна постапка, за која побаравме судот да ја обезбеди по службена должност“, рече адвокатот Владимир Туфегџиќ.Обвинителството се произнесе дека доказите на Ѓорчевски кој бара да се изведат не се доказ дека Вања и нејзината сестра се сопственици на имотот.„Сакам да се произнесам за материјалните докази кои се изведуваат за изведените докази од одбраната од Град Скопје за данок на имот на име Вања и нејзината сестра, бидејќи истите не се доказ дека наведените лица се стекнале со имот и се заведени во имоте лист во Агенцијата за катастар на недвижности, туку склучениот договор кај адвокатот каде е оставен имотот на децата е проследен до Град Скопје, затоа што наследните се од прв ред и се ослободени од давачки. Ова во никој случај не е доказ, дека станот на ‘Наум Наумовски Борче’ е заведен во сопственост на сестрата на Вања, ниту пак дека станот на ‘Партизански одреди’ дека е во сопственост на Вања, затоа што по склучувањето договорот, потребно е кај нотар да се солемизира овој договор, за да се достави до Катастар и такво нешто не било направено до денот на кривичниот настан. Во однос на предложените изјави од мајката, приговарам дека тоа е гледање на новинарот за предметниот настан“, рече обвинителката.Судењето е во тек.

Македонија | пред 1 година

Сведок тврди дека разменувал со Палевски во моментите кога Вања е грабната па убиена, но ги нема пораките оти се избришале

Сведокот Зоран Петковски, член на партијата „Десна“ и поранешен полицаец, тврди дека денот кога Вања Ѓорчевска беше грабната, па убиена, имал контакт преку „Телеграм“ со обвинетиот Љупчо Палевски-Палчо. Но прашан дали ја чува комуникацијата тој рече дека нема таков доказ бидејќи пораките се бришеле по 30 минути откако ќе се разменеле.„Да, имав комуникација на критичниот период , конкретно датум 27.11.2023. Ова го тврдам затоа што на тој ден е на сопругата и е роденден. На тој ден, Палевски помеѓу 8 и 9:20 беше на таен канал за електронска комуникација преку ‘Tелеграм’ апликација креиран од Љупчо Палевски. Јас сум член на Комисијата за безбедност во политичката партија ‘Десна’, и разговаравме на тема ирански дронови, набавка преку Србија и трансфер преку Србија. Да добив, задача од Палевски да приберам информации во врска со тоа, и да го известам заедно со членовите на Комисијата за безбедност на Десна“, рече сведокот Петковски.Беше прашан, дали знае каде се наоѓа Палевски додека комуницирале, на што одговори дека не знаел.Обвинителката го праша сведокот дали е точно дека тој немал комуникација со Палевски на 22.11, односно денот кога е грабнат и убиен Панче Жежовски„Да, само на 27 ми имавме комуникација“, рече сведокот Петковски по што обвинителката допраша: „По што сте сигурен дека сте немале на 22.11?„Затоа што се сеќавам и ги чувам пораките“, рече  Петковски.На прашањето дали имал комуникација со обвинетите Велибор Манев и Боре Видевски, кои исто така биле дел од партијата Десна, рече: „Не“.„Кога водевте разговори дали присуствуваа други лица?“, праша обвинителката за комуникацијата меѓу Палевски и сведокот денот кога Вања беше грабната и убиена.„Да, со мојата сопруга со која пиевме кафе“, рече сведокот Петковски.Петковски посочи дека последно работел како офицер за криминалистичко разузнавање и анализа во СВР Куманово, а дека трета година сум пензионер.„Точно е дека сте дисциплински казнуван додека работевте?“, праша обвинителката на што  одбраната реагираше на ова прашање, а сведокот не сакаше да одговара на оваа тема, рече „не сакам да разговарам на таа тема“.„Не сакам да одговарам на работите поврзани со службата“, рече Петковски.„Може да се заклучи дека имало постапки против вас?“, праша обвинителката и доби одговор: „Не знам од каде донесовте таков заклучок“.Во текот на судењето сведокот Петковски раскажа и за наводен разговор помеѓу него и службеници во СВР Скопје, каде на 5-ти февруари бил повикан на разговор, поради запечатените простории на партијата „Десна“. Петковски тврди дека тајно го снимал целиот разговор и дека има запис.„Пред да влезам во ПС иако знам дека не смеам вклучив уред диктафон на кој го снимив целиот разговор. Разговорот течеше крајно коректно и пријателски. Истиот се одвиваше во просторијата на Драган Зарински, присуствуваше и Дејан Димовски и уште еден инспектор кој не се легитимираше. Откако се запознававме, и разговорот траеше околу 1 час и 15 минути, и откако виде дека се работи за луѓе кои се разбираат од ... разговорот премина во пријателски, на кој ни беа изнесувани информации за настаните од 22 и 27 ноември 2023 година во Велес и Скопје. Некаде после 50-ти минута ми се обрати инспекторот Зарински лично мене, некаде 54 минута, ме праша ‘го познаваш ли Боре?’, - на што му одговорив ‘Да, го знам и го познавам’. Веднаш потоа, ми покажа со десна рака дупка во ѕидот: ‘Ете тоа е од Боре. Толку, и ова не смеам да ти го кажувам но користевме стари медоти за добивање на признавање’. Не ми е чудно бидејќи и самиот бев во една таква структура, но сметам дека е битно, ако признанието на Боре е изнунедено со сила односно со тепање и мислам дека судот треба да го зема предвид“, рече сведокот Петковски.Беше прашан дали денот кога бил во станица, со службениците разговарале и за обвинетиот Влатко Кешишев.„Инспекторот Зарински продолжил дека додека разговарал со Боре и додека го тепал во канцеларијата, Влатко Кешишев стоел пред врата и слушал. И продолжи со зборовите, ‘кога влезе Влатко, ми кажа Боре и Вељо. Тие ми го донесоа во гепекот од каде што го преземав’ - мисли на Панче Жежовски починатото лице од Велес“, додаде Петковски.Тој објаснувале и на која местоположба била дупката за која зборувал со инспекторите, кога наводно го споменале Боре Видевски.„Можам да ви кажам и со сигурност и местоположба на 15 см на крајниот десен агол од бирото на Зарински, со пречник помеѓу 10-12 см видна влабнатина, ѕидот која е од гипс“, додаде сведокот Петковски.На сведокот му беа поставени и прашања за тоа колку добро обвинетиот Палевски познавал ИТ алатки, на што одговори: „Од она што искуствено знам Палевски знае да работи уреди за електронска комуникација. Јас сум дипломиран ИТ, електротехничар, и од она што го видов кај него сметам дека добро владее со овие средства за комуникација“.

Македонија | пред 1 година

Имало неуспешен обид за грабнување на Вања: на снимките се гледаат лопати и вреќа за спиење, како и движењето на обвинетите

Обвинителството пред судот низ снимки докажуваше како обвинетите за грабнувањето и убивањето на Вања Ѓорчевска, имале неуспешен обид за делото да го сторат на 24 ноември, а тоа е три дена пред девојчето да биде ликвидирано. Според обвинителите, во куќата на Велибор Манев се подготвувал грозоморниот чин.Прв кај Манев доаѓа Велибор Видевски со возило „Шкода“, во 3:47 минути. Обвинителите посочуваат дека се гледа дека е облечен со истата јакна и капа кои ги носел денот кога бил убиен Панче Жежовски. Презентирајќи ги снимките, обвинителите рекоа дека Манев и Видевски разменуваат ракавици, а Видевски, ги навлекува на рацете. Оттука, одат пеш во правец кон Велес, а на која страна се наоѓа и домот на веќе убиениот Жежовски (на соседна улица).Назад кон куќата на Манев се враќаат во 4:28 минути, се враќаат назад. Манев го зема „Реното кангу“ кое е паркирано во куќата, Боре Видевски седнува на совозачко седиште и заминуваат во правец кон Велес.Според Обвинителството, ова се моментите кога обвинетите неуспешно се обиделе да ја грабнат Вања Ѓорчевска.Утрото, на 24.11 во 10:08 минути, „Реното кангу“, се враќа.„По неуспешниот обид за грабнување на Вања, утрото на 24.11.2023 година“, рече обвинителката.Боре Видевски излегува од совозачкото седиште, а возел Велибор Манев. Видевски замнува со автомобилот „шкода“ со кој претходно дојде.„Од гепекот на „реното“ вади вреќа за спиење, темно сина боја, ја дипли и ја враќа. На снимка од 25.11 пред куќата се паркирани ‘Mерцеседот’ и ‘Реното кангу’. Манев излегува од ‘мерцедесот’ и оди кон ‘шкодата’, двајцата стојат на улицата. Потоа, Боре Видевски се упатува кон ’Рено кангу’ и седнува на возачкото место, а Манев влегува во ‘Mерцедесот’. Во 16:41 тргнуваат двете возила кон Велес. Во 19:30 доаѓа ‘Мерцедесот’, Боре излегува, ја отвара капијата и паркира. Боре Видевски се упатува кон ‘Шкодата’ и заминува. Заклучуваме дека возилото ‘Рено кангу’ се движи кон Скопје за да биде искристено за настанот од 27.11.2023 година, а ‘Mерцедесот’ на Манев се враќа за да може да се искористи за планираните активности на 26.11 и на 27.11.2023“, рече обвинителката Ана Стојновиќ-Димитриевска.Обвинетите се среќавале и по убиството на Вања Ѓорчевска.

Македонија | пред 1 година

Палевски планирал бегство во Москва и купил карта, телефонот го користел по времето кога се убиени Вања и Панче - нови докази во судница

Љупчо Палевски-Палчо кој велеше дека не бегал и дека бил на лекување во Турција, во критичните моменти по убиството на Вања, спас барал во Москва, тврди Обвинителството. Обвинителите презентираа докази според кои, Палевски на 1 декември го известил извесен Драган (кој бил во Русија), дека стигнува на 5 декември, а извесен Хусеин го известил дека резервирал авионска карта за Минск (Белорусија).На рочиштето се анализираа сите комуникации на Палевски. Меѓу другото и на двата критични дена – 22 ноември кога е убиен Панче и 27 ноември кога е убиена Вања.Со анализата е утврдено дека на 22 ноември, Палевски имал 7 пропуштени повици. Првиот разговор го остварил во 12 часот – време кога според вештачењата, Панче е веќе убиен и фрлен во бунар.Од анализата на повиците на 27 ноември, кога е Вања убиена, призлегло дека Палевски зборувал на „Телеграм“ во 11:03 минути, кога Вања е веќе убиена и закопана на местото викано „Дупки“ (Скопска Црна Гора). Пред овој повик, имал два пропуштени. Читани беа и пораки од телефонот на Палевски, разменети на „Вибер“, денот кога Вања е убиена. Па така, околу 10:40 минути, непознато лице (потпишано како „ГГ шампион 2“) го прашало Палевски дали мoже да помине на кафе, на што добива одговор дека е уморен и неспиен.„На ‘Ватсап’ битна е комуникацијата на 27.11.2023 во 10.40 часот со едно лице кое го прашува Палевски дали може да помине со извесен Ферат на кафе, на што Палевски му вели дека е уморен, цела ноќ неспиен“, рече обвинителката презентирајќи ги доказите.Со ова, Обвинителството сака да докаже дека Палевски, пред изврување на двете убиства, не го користел мобилниот уред. Но и дека тој не патувал на лекување во Србија и Турција, туку планот бил бегство во далечната Русија, преку Белорусија.

Македонија | пред 1 година

(Видео) „Пристрасни се, фалсификуваа телефонска анализа“ - Палевски пак со обид да се изземат обвинителите

Љупчо Палевски-Палчо, обвинет за убиствата на Вања и Панче, повторно бара изземање на обвинителите. Ги обвинува за фалсификување на докази. На стартот од денешното рочиште за предметот во кој треба да се утврди кој и што сторил при двете грабнувања и убиства, Палевски поднесе барање обвинителтие Жаклина Крстевска Јосифовска, Ана Стојковиќ Димитриевска и Гаврил Бубевски да бидат заменети со друг обвинител кој ќе го гони.„Барам изземање на тројца јавни обвинители поединечно согласно член 33, став 2 за пристрасност, но му укажувам на судот дека има друга околност, повторно злоупотреба на јавно обвинителски овластувања. Се бара изземање на Жаклина Крстевкска Јосифовска, Ана Стојковиќ Димитриевска и Гаврил Бубевски кој за минатото барање одлучуваше сам за себе дали ќе биде изземен“. Да се одлучува по закон“, рече Палевски.Тој и на ова рочиште ги обвини обвинителите дека правеле фалсификување на телефонската анализа.„Анализата е правена во мај 2024 година, но не предвиделе дека по мојата екстрадција, ќе го отклучам мојот телефон „ајфон 13“ за да биде вештачен, од Форензика, од кое вештачење ви го приложувам доказот број 5, а тоа е ‘екстрашен репорт’ комуникација со Зоран Китевски - во периодот во 12 часот кога според сведокот возам кон Бутел. Тука гледате пет пораки, линк за да се вклучи Зоран во поткаст кој се снима тоа време“, рече Палевски.Ова не е првпат, Палевски да бара иззмеање на обвинителите. Претходните барања му беа одбиени.Судењето е во тек.

Македонија | пред 1 година

Трајковски: Имам закани од овие психопативе тука, од нивната партија, но не им се плашам

За првпат во судница денеска се појави и сведочеше Гоце Трајковски, пријател на обвинетиот Александар Ѓорчевски, татко на 14-годишната Вања.Трајковски не познава ниту еден од обвинетите и како што изјави не е во роднинска врска со никој пд нив.Се пожали дека по настаните поврзани со случајот, добивал закани.„Пред да сведочам, сакам да кажам дека имам закани од овие психопативе тука, од нивната партија. Пази што зборуваше да не пропаднеш во дупка. Сакам да кажам дека никој не им се плаши на овие психопативе. Заканите беа од профилот „Недвижности Битола“. Заканата беше да внимавам што зборувам. И после тоа се вклучија во живо од партијата, и самите се издадоа дека се од тој профил. Имам и тужба против нив. Не сум јас 14-годишно девојче да ми се закануваат“, рече Трајковски.

Македонија | пред 1 година

За двојното убиство на Вања и Панче, се очекува да сведочи и Гоце Трајковски

Во скопскиот Кривичен суд Скопје денеска треба да продолжи судењето за двојното убиство на 14-годишната Вања Ѓорчевска и Панче Жежовски.Се очекува да сведочи Гоце Трајковски, кој заедно со таткото на Вања, Александар Ѓорчевски, кој е исто онвинет. помагал во потрагата по неа, прибавувајќи видео снимки.Трајковски е последен сведок на предлог на Обвинителството. Тој требаше да сведочи на почетокот од постапката, кога беа сослушани и другите сведоци, меѓутоа, поради здравствени причини, како што кажа мајка му Кираца Трајковска, тоа не се случи, а потоа не беше достапен на органите на прогон поради друго кривично дело. На 23 јануари 2025 година се предаде на полицијата и оттогаш е во притвор.

Македонија | пред 1 година

Клучни тврдења од судењето на Вања: Еден час била чекана да излезе, „Реното“ отишло во партијата по убиството, го возел Палчо

Со снимки за движењето на двете возила кои учествувале во злосторничкиот чин на грабнување и убивање на Вања Ѓорчевска, беа прзентирани во суд. Обвинителството покажа како „Циторенот“ се движи околу зградата на Вања еден час пред Вања да излезе на училиште. Откако девојчето е грабнато, според обвинителката, се гледа целото движење на „Цитроенот“ од Дебар Маало, преку Партизански одреди, па по булеварот „8-ми септември“, преку Момин Поток, до Визбегово. Во „Циторенот“ има три лица.Обвинителството посочи дека возилото „Рену кангу“  дента кога е грабната и убиена Вања, по грозоморниот чин, се враќа во партијата „Десна“, близу Железничката станица. Обвинителката презентирајќи ги снимките рече дека силуетата на Љупчо Палевски-Палчо е фатена на камера како го вози „Реното кангу“ од Чаир кон Бит Пазар по убиството на 14-годишната Вања Ѓорчевска на 27 ноември 2023 година. Потоа уште еднаш кај Веро Џамбо во близина на седиштето на партијата „Десна“, каде го паркираат „Реното“. На совозачкото место бил Велибор Манев во сив џемпер и со црна лента на него.Јовица Страшевски, адвокат на првообвинетиот Палевски, по рочиштето рече дека ликот на неговиот клиент не се гледа на ниту една снимка, а тоа, како што додаде, го констатирал и судијата Ивица Стефановски, кој го води судењето.„Ниту еднаш не покажаа снимка од местото на настанот, од пред заградата. Не може Основното јавно обвинителство на вака сериозен настан да не повика сведоци од возила кои се движеле пред и по автомобилите (‘ситроен’ и ‘рено кангу’ н.з.), да ги испраша дали забележале нешто сомнително во тој период или не. Толку е аматерски изведено ова досега што навистина во мојата кариера немам сретнато толку аматеризам од страна на Обвинителството“, рече Страшевски.Во два наврати досега, имаше обид за спас на Палевски. Првиот беше кога обвинетиот Влатко Кешишов изненадно достави писмо до судот во кое тврдеше дека Палевски нема никаква вмешаност во настанот, па потоа призна дека во затворското комбе со кое биле носени на судење бил принуден да го напише тоа. Вториот беше кога Палевски побара изземање на Обвинителството и обвинителката, па посочи дека истрагата намерно не проверила дали Боре Видевски поседува оружје и какво. Тој за цело време, не застанува во одбрана на другите членови на групата, туку се брани самиот себе.

Македонија | пред 1 година

Снимки на Обвинителство: „Реното“ му го покажува патот на „цитроенот“ во Визбегово, возат до местото каде Вања е убиена, па го палат едното возило

За 15 минути, киднаперите на убиената Вања Ѓорческа успеале да ја однесат од пред зградата во Дебар Маало, до Визбегово, покажуваат снимките на Обивнителството прибавени во истрагата. „Цитроенот“ вози сам од киднапирањето до Визбегово, каде му се придружува возилото „Рену канго“ кое го управувале лица од партијата „Десна“, а според обвинението, во моментите пред убиството, го возел Љупчо Палевски-Палчо.Од камера на „Метал бург“, плац во Визбегово, во 7:56  се гледа како поминува возилото „Рено кангу“ и се движи во правец спрема Горно Оризари. На истото видео, по осум секунди поминува и возилото „циторен“ во кое била Вања, следејќи го првото возило.По еден саат и 12 минути, односно во 9:08 минути двете возила се гледаат на камера од пречистетелната станица како поминуваат едно по друго одалечени 11 секунди. Одат кон локацијата каде „циторенто“ беше најден запален. Во 9:21 минута на камерата се гледа само „Реното кангу“ како се враќа назад.„’Цитроенот’ не го следи кангугото, истото не се враќа назад односно очигледно е дека истото било запалено“, рече обвинителката.Во 9.39 од друга камера исто се забележува како 'реното кангу' се враќа назад и не го следи 'цитроенот'.Адвокатот Марјан Витановски, приговараше дека на снимките не се гледал ликот на Љупчо Палевски-Палчо.Потоа, според обвинителката, презентирајќи ги снимките, на улицата „Џон Кенеди“, се гледа движење на „Рено Кангу“ во 9:51 минута. Се движи од булеварот „Христијан Тородовски Карпош“ и продолжува по „Цветан Димов“ кон Центар.Претходното движење:

Македонија | пред 1 година

Возилото „Реното кангу“ излегува од партијата „Десна“ и се враќа таму по убивањето на Вања

Возилото „Рену кангу“ тргнува од партијата „Десна“ денот кога Вања е грабната, па се враќа таму, откако е убиена. До 9 часот и 30 минути Вања веќе била убиена и „цитроенот“ запален. Ова го покажаа видео снимките кои ги презентираше Обвинителството, а собрани од „Сејф сити“ и приватни објекти. Од снимките досега се виде дека „цитроенот“ бил сам пред зградата на Вања од каде е грабната, а „Рено кангото“ се придружува накде кај Визбегово. Возат едно позади друго, односно прво „Реното“, па после десетина секунди проаѓа и „Цитроенот“. Се враќа само „Реното“, бидејќи „Цитроенот“ е запален. Според истрагата на Обвинителството, „Рено кангуто“ го возел Љупчо Палевски-Палчо, а „цитроенот“ го возел Велибор Манев.„Од Бит пазар, продолжува кон Мавровка каде е забележано во 9:56 минути. ‘Реното кангу’ доаѓа од булевар Крсте Петков Мисирков за лентата за право, и продолжува по булеварот кон Веро Џамбо. Движењето на ‘Реното кангу’ пред МАНУ, во 9 часот и 58 минути по крајната лева лента се забележува регистарската ознака и џемперот кој го носи лицето на совозачкото место“, објаснуваше обвинителката која ја презентираше снимката.На ова челновите на партијата „Десна“ кои го следат судењето како јавност довикуваа: „Каде е тој џемпер?“.„Продолжува кон раскрсницата кај Веро Џамбо во 9:59 минути и врти лево и тука се забележува истите лица на возачко и совозачко место како и регистарските таблички. Во 10 часот ‘Реното кангу’ поминува пред Веро Џамбо и се исклучува и свртува во десно од булеварот ‘Кузман Јосифовски Питу’ кон седиштето на партијата ‘Десна’, од каде што возилото ‘Рено кангу’ истиот ден го започна движењето презентирано од видеата. По извршувањето на кривичните дела повторно се враќа на истото место од каде што тргна“, презентираше обвинитечката.Презентирана беше и снимка од движењето на обвинетиот Александар Ѓорчевски, татко на Вања Ѓорчевска.„’Мицубиши’ кој е сопственост на обвинетиот Александар Ѓорчевски, а движењето се однесува за ден 27.11.2023 година каде што во 9 часот и 14 минути се забележува кај мостот кај Александар Палас, во кое што може да се забележи регистарската ознака и се движи во правец на Момин поток. Истото возило се гледа и во 14 часот и 28 минути поминува на раскрсницата од Сарај кон Ѓорче Петров, на влез во Скопје“, презентираше обвинителката.Следува презентација на снимки за грабнувањето на Панче Жежовски и неговото убиство.

Македонија | пред 1 година

Снимки од моментот на грабнувањето на Вања се гледаат во судница: камери од хотел и фризерај го фатиле „Цитроенот“

Снимки од надзорните камери на хотелот кој се наоѓа на неколку чекори од домот каде живеење убиената Вања Ѓорчевска се презентираат во суд. Обвинителството ги презентираше во судот, а се гледа возилото „цитроен“ со кое Вања беше киднапирана од влезот на нејзината зграда.„Камерите се поставени пред хотелот ‘Сити парк’, на паркингот, што гледаат од левата страна на зградата односно кон Општина Центар. Во 6:37 минути се забележува возилото ‘цитроен; како поминува покрај ‘Сити парк’, и врти во десно. Вториот видео запис е камера која што гледа на паркингот до булевар кон Илинденска, друг агол, различна камера од истиот хотел, а на крајот на паркингот се наоѓа зградата од каде е грабнато детето. Вo 6:37 минути се гледа како возилото ‘цитроен’ свртува во десно, подзапира, и потоа продолжува со движење право по паркингот, кон зградата на оштетеното дете“, кажа обвинителката.Судот ги опомени обвинетиот Љупчо Палевски и адвокатите да не прават галама во судот и да не се смејат, додека се презентираат доказите.„И четвртата камера го покрива паркингот до булавар Илинден на која се гледа како ‘Цитроенот’ продолжува со своето движење упатувајќи се кон зградата од каде е грабнато детето. Во 6:38 минути застанува на паркингот кога практично веќе се наоѓа кај зградата од каде е грабната Вања“, рече обвинителката презентирајќи ја снимката.Потоа, беше презентирана снимка од надзорна камера поставена на фризерско студио. Станува збор за снимка која додека се трагало по Вања, нејзиниот татко Александар Ѓорчевски ја испратил на началникот од МВР, Дејан Димовски посочувајќи му дека нешто му е чудно поврзано со движењето на возилото.„Во 7 часот 29 минути на ден (27.11.2023) се гледа како поминува возилото ‘цитроен’. Ова е всушност е времето кога е извршено грабнувањето, ова е улицата Наум Наумовски Борче. Во само во една минута може да се забележи дека поминуваат околу 10-тина возила пред да помине ‘цитроенот’. Во само четири минути понапред, од она што го гледаше Oбвинителството, поминуваат 26 возила. Откако поминува ‘цитроенот’, во истата минута поминуваат возила на секои 30 секунди.Потоа беа презентирани снимки од две камери поставени на менувачница. Обвинителката посочи дека на нив се гледа како поминува возилото „циторен“ во 7:30 движејќи се кон булеварот „Партизански одреди“.И шест камери од „Сејф сити“ го следат движењето на „Цитроенот“, од Наум Наумовски Борче низ Партизански одреди кон Визбегово, веднаш по грабнувањето на Вања. Во возилото имало три лица.„На овој видео запис, 7 часот и 33 минути од булевар „Партизански одреди“ врти кон Рузвелтова и може да се забележи регистарската ознака на возилото кое што е возило од кривично предметниот настан одземено од оштетениот Панче Жежовски. Видео два: Исто на булевар ‘Партизански одреди’ во ‘Френклин Рузвелт’ само од друг агол се гледа како од десната лента се забележува како возилото ‘цитроен’ продолжува со своето движење. Во 7 часот и 36 минути, се гледа како пристигнува на булеварот кај Рузвелтова кон Илинденска (Зоолошка). Видео три: Раскрсница булевар ‘8-ми септември со Илинденска кај Мида, се забележува ‘цитроенот’, од десно 7:37 минути застанува на семафорите во третата десна лента, и се приклучува на булеварот кој води кон Момин поток. На возилото се забележува регистарската ознака, и се забележува дека има лице кое седи на совозачкото седиште и исто така на задното седиште има лице кое се движи лево десно, односно во возилото има три лица

Македонија | пред 1 година

(Видео) Не му успеа обидот на Палевски: обвинителката останува, судењата продолжуваат со прикажување снимки

Обвинетиот за грозоморните убиства на Вања и Панче, Љупчо Палевски-Палчо, не го доби побараното изземање на обвинителката Жаклина Крстевска- Јосифовска и Обвинителството во Скопје. Републичкиот обвинител Љупчо Коцевски го одбил. Со ова му пропадна обидот на Палевски кој можеше да донесе одолговлекување на постапката.Обвинителката Жаклина Крстевска- Јосифовска се појави на денешното судење кое ќе се одржи, а на кое треба да се презентираат нови снимки од дејствијата кои ги преземале Палевски и групата обвинети.Претходно, Палевски побара изземање на Обвинителството и обвинителката со тврдење дека фалсификувала документација од вештачење на телефон. Тој рече дека наделжната обвинителка Јосифовска иако ги знаела фактите, без да го вештачи телефонот на сведокот, го предложила за да каже лаги на суд. Тој ја обвини и дека намерно не проверила дали некој друг од обвинетите (Боре Видевски) поседувал оружје, кое го искористил за двојното убиство.Обвинителката кажа дека Палевски кажува неосновани наводи.„Доказите се приложени во списите од предметот и очигледно е дека со презентирањето на видео записите се доближуваме до делот кога јавноста ќе биде запознаена кои дејствија конкретно ги преземал обвинетиот Љупчо Палевски, кој цело време негира дека учествувал во предметните настани, изјави Крстевска-Јосифовска.

Македонија | пред 1 година

(Видео) Шест лица од партијата на Палчо дојдоа со звучник пред судот, каде има судење за убиството на Вања и Панче

Шест лица па политичката партија Десна со која раководеше Љупчо Палевски-Палчо дојдоа пред рочиштето за убиството на Вања и Панче со звучник, за да кажат декс правосудниот систем е против нив, да го бранат обвинетиот за двојното убиство и да бараат да им ги отпечатат просториите каде според обвинителката престојувсле дел од сега обвинетите, сосе Палевски, но и од каде се одземани докази“ОЈО за некого е мајка за некого маќеа”, велат од ДЕСНА, партијата на Љупчо Палевски Палчо.Тие пред судот дојдоа со транспарент: “ ОЈО произведува монструми не политичката партија Десна”.

Македонија | пред 1 година

(Видео) Снимките ќе го разоткријат Палевски, чудно е како ги има записниците што се само за Обвинителството, вели обвинителката

Со снимките кои ги презентираме, јавноста ќе биде запознаена кои дејствија ги презел Љупчо Палевски-Палчо, па го искористи моментот да преку барање за изземање, ја сподели неговата одбрана. Ова го искоментира обвинителката Жаклина Јосифовска-Крстевска пред новинарите, која рече дека се чуди како Палевски ги има записниците за сослушување на осомничените Велибор Манев, Боре Видевски, Влатко Кешишев и Александар Ѓорчевски во Обвинителството. Според неа, никој друг не ги поседува, освен Обвинителството.„Доказите се приложени во списите на предметот. Очигледно е дека со презентирањето на видео записите се приближуваме кон делот кога јавноста ќе биде запознаена кои дејствија ги презема конкретно обвинетиот Љупчо Палевски, кој цело време негира дека учествувал во предметните настани“, вели обвинителката.Обвинителката не одговори конкретно на прашањето дали Боре Видевски поседувал оружје, а кое се наметна откако Палевски рече дека според него, тоа е клучот на случајот. За обвинувањата на Палевски дека другите обвинети преговарале со Обвинителството, обвинителката негираше.„Многу чудно е како тоа обвинетиот Љупчо Палевски ги има записниците за испитување од осомничените Велибор Манев, Боре Видевски, Влатко Кешишев и Александар Ѓорчевски во Обвинителството, бидејќи тоа се списи кои што се само за обвинителството, а не се доставени ниту на увид, ниту на одбраната примерок, па многу е чудно како дошол до истите и ги презентира во јавноста“, додаде обвинителката.

Македонија | пред 1 година

Судењето за грозоморното убиство на Вања и Панче одложено за 3 февруари

На денешното рочиште првообвинетиот за двојното убиство на Вања Ѓорчевска и Панче Жежовски, Љупчо Палевски Палчо, побара изземање на јавната обвинителка Жаклина Крстевска и цело ОЈО Скопје во случајот поради, како што рече, несоодветно и нестручно спроведена истрага.Судијата Ивица Стефановски, судењето го одложи за 3 февруари, образложувајќи дека мора да остави простор Републичкиот јавен обвинител Љупчо Коцевски дс се произнесе по наводите во барањето за изземање.

Македонија | пред 1 година

Клучниот сведок Гоце Трајковски денеска нема да сведочи за убиствата на Вања и Панче

Еден од клучните сведоци, Гоце Трајковски нема да сведочи на денешното судско рочиште за убиствата на 14 годишната Вања Ѓорчевска и велешанецот Панче Жежовски, информираат од Јавното обвинителство.Денешното рочиште продолжи со прикажување видео-снимки како докази од страна на Обвинителството.Гоце Трајковски е еден од клучните сведоци во случајот со грабнувањата и убиствата на Вања Ѓорчевска и Панче Жежовски. Тој требаше да се појави на рочиштето на 15 ноември минатата година, но неговата мајка Кираца Трајковска, кажа дека не можел да се јави на судската расправа поради паничен напад и висок крвен притисок.Според досегашните искази на сведоци во случајот, Трајковски и таткото на убиеното 14-годишно девојче, Александар Ѓорчевски, воделе паралелна истрага со онаа на полицијата по исчезнувањето на Вања.Инаку, Трајковски е осомничен за палење на угостителски објект во Кисела Вода и до минатата недела, по што побегна о не беше достапен за органите на прогонот. Во четвртокот самиот се предал во полициска станица.

Македонија | пред 1 година

Палчо бара изземање на обвинителката и Обвинителство, тврди дека го кријат оружјето со кое биле убиени Вања и Пaнче

Првообвинетиот за убиството на 14 годишната Вања и велешанецот Панчо, Љупчо Палевски Палчо на денешното рочиште се обрати директно до државниот обвинител Љупчо Коцевски со барање за изземање на обвинителката Жаклина Крстевска Јосифовска и цело ОЈО Скопје.„Не сум оптимист за вашата правична одлука, но нека остане пишан документ каква криминална истрага спровеле вашите вработени. Причините и доказите се содржани во двата обвинителни акти кои се споени во една судска постапка но и во записникот за лажно сведочење на сведок на ОЈО. Ова се докази кои ги приложувам заедно со докази од вештачење на „ајфон“, податоци од базни станици целосна нефалсификувана телефонска анализа. Јосифовска иако ги знела фактите од нејзините докази кои ги предлага без да го вештачи телефонот на сведокот, а со намера да ги негора моите искази кои како осмничен сум ги дал во ОЈО, донесе сведок за кој со докази се покажа дека сведочи лажно. Но криење на оружје од еден обвинител 421 ден не ја расчистува таа важна околност - дали обвинетиот или обвинетите поседуваат оружје со дозвола или без дозвола. Но сеедно најсериозно кривично дело е што еден обвинител може да го направи во судски процес за двојно убиство. На сведоци од ДЕСНА им постави прашања дали виделе пиштол во мојата канцеларија додека во девет искази пред ОЈО Скопје на ниту еден од обвинетите ниту еднаш не поставила ниту едно прашање дали поседуваат оружје. Расчистување на таа околност го преземала исклучително кон мене како обвинет, а МВР известила дека мојот пиштол е одземен 6 месеци пред овој случај и дека има прекршочна казна. По добивање на само дел од доказите веднаш ја воочив оваа неправилност во истрагата”, рече Палевски.Палевски посочи дека Јосифовска, заборавила во листа на докази да ја стави чаурата која е вештачена и пронајдена на местото Рудник а е евидентирана од ЈО Велес.„Затоа јас ја приложив чаурата како доказ на обраната. Ви доставувам и доказ за сторено кривично дело од Јосифовска. Обвинетиот Боре Видовски поседува пиштол со калибар 9 мм и дозвола издадена на 15.01.1999 година, а исто така поседува и ловна пушка мозберг 54199 од 12 мм калибар и дозвола издадена на 14.02.2001 год. Вакви злосторства се вршат со оружја купени на црниот пазар но затоа обвинителот е должен на почеток на истрага оваа околност да ја расчисти затоа што покажува обележје на кривично дело. Зошто тоа обвинителката не го сторила - треба да одговори”, посочи на рочиштето.Вели во МВР се уште постојат правдољубиви луѓе кои му ги доставиле доказите на него, преку одбраната.Грдата слика на целиот правосуден систем, Палевски смета дека се последица на извршувања на политички наредби од страна на јавни обвинители затоа што, како што рече, никој нормален човек не може да најде разбирање за непоставување на едно прашање на пет обвинети дали поседува оружје или не со дозвола.Истрагата за него е пристрасна, нецелосна и незаконска.

Македонија | пред 1 година