ВАЊА

Утрото разговарав со сопартиец, име не му знам, рече Палевски одговарајќи каде бил кога е убиен Жежовски

И во одговорите на прашањата од Обвинителството, обвинетиот Љупчо Палевски-Палчо се обидува да ги дискредитира снимките од дворот на обвинетиот Велибор Манев, а кои се направени ден пред денот кога велешанецот Панче Жежовски бил грабнат. На нив се гледаа сите обвинети за грабнувањето и убиствата. Дел од нив со мотороли и слушалки на уши. Истовремено, Палевски рече дека денот кога Жежовски е грабнат и убиен зборувал со некого, ама не може да се сети со кого.„Во 2023 година најмалку 3-4-5 пати сум бил во дворот на Велибор Манев, сум бил и доцна навечер, сум бил и преку ден, кога сум се враќал од Прилеп, Битола сум застанувал сме пиеле кафе и сме разговарале. Го негирам видеото со докази, а не мои тврдења“, вели Палевски, без да приложи докази.Обвинителството праша: „За 22.11.2023 година (денот кога е грабнат и убиен Жежовски) кажавте сте станале 09:30-10:00, сте пиеле кафе, сте го шетале кучето и дека при тоа сте разговарале со некој член на партијата кој се плашел od кучето, но за чудо не се сеќавате кое е тоа лице, ниту пак до денес е предложено такво лице за да го потврди тоа што го кажувате, не постои такво лице нели?Обвинетиот Љупчо Палевски-Палчо: Постои такво лице, претепано е во вашата истрага, има сериозни последици, јас и тогаш и денес не можам да се сетам на неговото име и презиме, мојата одбрана подготвува некакви чекори за што не сум должен да ви објаснувам. Додека ја шетам Хера среќавам многу луѓе, како што е примерот на професор Мартин, кој го предложив за сведок, кој не прифати да прими покана, за да нема опструкции на предметот јас го повлеков предлогот.Обвинителството: „На 22.11.2023 од телефонската анализа произлезе дека прв успешен реализиран повик е дури во 13 часот и 14 минути, а претходно сте користеле интернет, ова значи дека сигурно сте имале причина што не сте биле активни во однос на повиците до 13,14 часот, така ли беше на 22.11.2023 година?Обвинетиот Љупчо Палевски-Палчо: Еве како беше на 22.11.2023 година. Телефонскиот повик кој го споменавте е на обична линија, но заборавивте да објасните, па јас ќе му објасннам на судијата. Тој е поделен на 7 разговори, сите седум разговори се по 60 секунди, и после тоа повеќе не постојат базни станици во извештајот до 16 часот и до некоја минута. Се работи за Мери Минџевска, која ме повикала од базна станица Бисер, но базна станица за Палевски нема - празно е. Спомнавте дека сум користел интернет, а таму има броеви и тоа посериозна количина, но не го кажавте времето на користењето на интернетот. Интернет сообраќајот е после 9.30 на 22.11.2023. Јас не одговарам на повици на обична линија, затоа што не сакам да бидам прислушуван незаконски. Користам исклучиво Телеграм. Според тоа, според анализата, со Влатко Кешишев е првиот разговор во 11.47 часот. Во обвинението не ни е објаснето како успеал Влатко, од 10.30 пред хотелот „Романтик“, да направи прв повик во 11.47 во Центар на Скопје“.

Македонија | пред 1 година

Обвинителството докажува дека Палевски и во минатото не ги почитувал законите, а тој обвинува дека го местеле за подготовка на атентат врз Заев

Обвинителките му ја предочија целата казнена евиденција на обвинетиот Љупчо Палевски-Палчо, обвинет за двојното убитво на Вања Ѓорчевска и Панче Жежовски. Тие му посочија дека бил повеќе пати осудуван, како во Македонија, така и во Задар. Тој пак, ги обвини дека врз него се прави политички прогон. Обвинителката го праша, дали за него е својствено да не ги почитува законите.„Осудуван сте со правосилна пресуда на судот во Задар, Хрватска, за две кривични дела против платниот промет и измама во економско работење, изречена ви била условна осуда, потоа, со правосилна пресуда исто така во Задар, за две кривични дела за платниот промет и работење, измама при економско работење и повреда на губење, презадолженост и неспособност за плаќање, во единствена казна затвор од траење од 8 месеци. Осудуван сте и со пресуда на Основен суд Скопје 1, која постапка почнала во 2012 година која со пресуда на 15.03.2020 за кривично дело измама, ви била изречена условна осуда. И повторно пресуда од Скопски кривичен суд, за кривично дело за злоупотреба на службена положба за кое дело на 2013 година ви била изречена условна осуда затвор 8 месеци, услов 2 години. Во 2023 година не сте ги почитувале ниту прописите за време на прогласената епидемија, а сте сториле и кривично дело за што сте биле условно казнет, а во вашата евиденција постои и постапка која се води против вас за кривично дело оддавање службена тајна, која што постапка била во тек кога се прибавувала казнената евиденција. Сето ова очигледно укажува дека имате проблем со почитување на законите и дека долг период постапувате противзаконито за што се донесени и правосилна пресуда. Очигледно ви се својствени, очигледно имате проблем да ги почитувате законите така?“, праша обвинителката и доби одговор:„Му благодарам на ЈО што би постави прашања, ниту еднаш не се спомна било какво кривично дело врзано со насилие, грабнување и убивање луѓе. Заборави да каже дека условни се осудите во Хрватска за правен субјект за неплатени фактури, а не за мене. Организираа да седам во притвор во Белград, осум месеци за кривичен случај за кој се бараше условна казна. Се договоривме екстрадицискиот притвор да биде казната, бидејќи никој не барал затвор за Љупчо Палевски. ОЈО не извадил од судот во Прилеп, осуда на 3 години ефективен затвор, снимање на телефонски комуникации без разлика што колегата јавен обвинител од Прилеп барал условна казна за така сериозно дело. Е таа пресуда е донесена додека сум во притвор во КПУ затвор Скопје во отсуство, во судот во Прилеп. Јавниот обвинител намерно ја испушти оваа пресуда во набројувањето. Тие разговори некогаш не биле злоупотребувани. Се обидувам да кажам што сѐ испуштија во нивното набројување на кривични дела кои сум ги сторил. Споменатата постапка која била во тек исто така е процес во кој ме судат за објавени службени белешки од тогашна УБК сегашна АНБ во кои службени белешки има дека незаконски сум прислушуван. Но АНБ ја потврди веродостојноста дека пред референдумот во 2018 година сум сликан, физички пратен и има 10-тина цитати од мои разговори од мојот телефон. Направив прес конференција и го повикав јавниот обвинител јавно да дојде и да ме испитува бидејќи во јавните белешки беше напишано дека сум организирал атентатот на тогашниот премиер Заев“, одговори Палевски.Обвинителката се интересираше, дали ако во Македонија го гонат оти е под политички прогон, иста ли е причината што бил гонет и во Хрватска, а Палевски одговори: Не, не беше. Ако беше така, јас ќе кажев“.

Македонија | пред 1 година

Денес продолжува судењето за убиството на Вања и Панче со прашања од обвинителството кон Палевски

Судењето за убиството на Вања и Панче продолжува денеска во 10 часот во Основен Кривичен суд Скопје со сведочење на обвинетиот Љупчо Палевски на вкрстени прашања од Обвинителството и одбраната на останатите обвинети.Во својот исказ Палевски на изминатото рочиште повторно ги оспори обвинувањата против него, тврдејќи дека доказите на обвинителството се нецелосни и манипулативни.Палевски негираше вина дека учествувал во грабнувањето и убиството на Вања и Панче. Тој тврди дека на денот на убиството на Вања бил во банка да плаќа сметки, по што отишол на пазар на купи грејач за котел, па се вратил во седиштето на политичката партија „Десна“ каде имал состаноци со членови од партијата. Палевски, исто така, тврди дека не го возел „ситроенот“ на Жежовски, ниту дека некогаш бил во неговата куќа.Палевски е последниот сведок кој треба да сведочи, откако претходно, покрај сведоците на Обвинителството, беше сослушан таткото Александар Ѓорчевски, како и останатите обвинети. Обвинетиот Велибор Манев ги образложи грабнувањата и убиствата на Вања и Панче, посочувајќи дека главен организатор бил Љупчо Палевски. Боре Видевски го негираше своето учество во настаните, додека Влатко Кешишев посочи дека тој не сведочел на истите, бидејќи најчесто му била давана задача да чува стража.

Македонија | пред 1 година

Палевски ќе одговара што според него правел дента кога е убиена Вања - ново рочиште

Денеска продолжува судењето за убиства та на Вања Ѓорчевска и Панче Жежовски. Ова доаѓа откако претходното рочиште не се одржа оти бранителот Јовица Страшевски имаше здравствени проблеми. Тогаш судијата Ивица Стефановски рече дека ако тоа се повтори, ќе му назначи на Палевски бранител по службена должност.Рочиштето ќе треба да продолжи со исказот на првообвинетиот Љупчо Палевски – Палчо. Тој прво ќе одговара на прашањата од неговиот бранител, Јовица Страшевски. Меѓудругото, остана неодговорено прашањето каде бил на 27 номеври 2023 година, денот кога е убиена Вања Ѓочевски, а откако претходно даде свое објаснување што правел на 22 ноември 2023 година кога според обвинението е убиен Панче ЖеовскиТој ќе одговара и на прашања од обвинителство, а ако остане простор и време, и на прашањата од обвинетите и нивните адвокати.На претходното рочиште, Палчо негира дека ги извршил убиствата за кои се товари. Тој ги нападна и навредуваше новинарите а го обвини и ексминистерот Спасовски.„Ниту сум монструм, ниту убиец, јас сум под линч од портали контролирани од ВМРО-ДПМНЕ и СДСМ, а киднапиран од Кривичниот суд”, рече Палевски.Неговиот адвокат Страшевски, беше во „Претрес“ каде зборуваше за двојното убиство и доказите

Македонија | пред 1 година

Палевски кажуваше каде според него бил кога девојчето е убиено: Криминалниот ум би ја убил Зорица Ѓоревска, а не Вања оти имотот ќе прејде кај Александар

Обвинетиот Љупчо Палевски-Палчо, прашан од адвокатот Јовица Страшевски, раскажа каде бил на 27.11.2023 година, денот кога Вања Ѓорчевска е грабната и убиена. Раскажа како станал рано, околу 08:30 минути, иако Обвинителството тврди дека во тој период веќе бил на местото „Дупки“ со обвинетите и грабнатото девојче. Палевски раскажа како дента работел на материјали за набавка на ирански дронови.„Тој ден се разбудив во 8.30, невообичаено за мене затоа што ми беше ладно, затоа што котелот на пелети во куќата не запалил самиот. По будењето и рачното палење на котелот, пристигнаа материјали за 540 милиони долари, ирански пари во македонски банки, за што веќе говорев пред судот, истите ги ставив на клауд и пратив пораки, налог за работа, на лицето Зоран Петковски, кој сведочеше во Судот“, рече Палевски.Потоа, според него, во периодот до 10 часот не пукал во Вања, откако на местото дошол со „рено кангу“ како што посочува и докажува Обвинителството, туку шетал куче, пиел кафе и бил во банка.„Потоа го изнесов кучето во дворот, пиев кафе и се подготвував да излезам, читав вести и после 10 часот се упатив кон Халк банка. Напоменувам, Кешишев не беше во куќата. Помислив дека најверојатно заминал за Штип, што беше вообичаено. Се враќаше следниот ден, не беше ништо чудно што го нема. Потоа со белото ‘фиат добло’ од штабот, преку Рампа, Кисела Вода, Парламентот, Клуб на пратеници, свртев по Ленинова, па преку Буњаковец и школото Песталоци, на улицата Иван Милутиновиќ свртев десно на улицата Рајко Жинзифов и на крајот од таа улица, кон Партизанска, изгубив десетина минути да се паркирам, потоа влегов во Халк банка. Имаше гужва, работеа два шалтери. Додека чекав, се сретнав со стар познаник, Мартин Панчевски, кој го предложив за сведок, но го повлеков предлогот. Вршев плаќања за здружението ‘Десна република’, а не за партијата Десна. Платив за хост на неолку домејни кои ги поседува здружението ‘Десна република’, па платив на Васко Ристовски, сопственикот на куќата, закуп за декември 2023“, раскажуваше Палевски.Тој тврди дека трансакциите биле во 11:30 часот и 11:44 часот, време во кое според Обвинителството, Вања е веќе убиена.„Заминав во куќата на ‘Кирил Крстевски Платник’, каде сум роден и каде ОЈО направи претрес на 3.12.2023. Таму се задржав околу 40 минути, разговарав со моето семејство и ги платив сите обврски на фамилијата за интернет, струја, вода, телефони. Потоа заминав на Бит-пазар, спроти пазарот. На автомат на Стопанска банка извадиив 10.000 денари, за да можам да најдам и да купам грејач, за да го поправам котелот во партијата за да се пали самиот. ‘Фиатот добло’ го паркирав околу 13 часот  над пазарот, каде исто така има камери, и е јавен паркинг. Околу 13 барав грејач. Потоа, барав грејач во неколку дуќани во Чаир, не најдов и се вратив во штабот. Попладнето имав неколку состаноци со членови на партијата и вечерта околу 12 ми заврши работниот ден и легнав да спијам. Тоа е мојот ден од будење до заспивање на 27 ноември 2023 година“, рече Палевски.Тој одговараше и на прашање од неговиот бранител – дали е точно дека тој заедно со обвинетите ја грабнале Вања за да изнудат пари. Според Палевски, ова ниту е точно, ниту е докажано, па рече: „но и нелогилно од повеќе причини“.„Од ОЈО, кое го сосотавило овој обвинителен акт ред судот донесе сведок, Зорица Ѓорчевка, мајка на отетеното дете и беше прашана дали било кој ја контакторал или се обидел да ја контактира и да ја уценува неа или друг член на семјството. ОЈО заборавило дека поминале цели 4 дена од денот на грабнување на детето до притварање на првиот осомнилен, Влато Кешишев, на 2.12, што е доволно време од 4 дена, ако некој сака да уценува да најде начин и да ја почне уцената врз Зорица Ѓорчевска. Но, после една 1,5 година притвор, се уште не можам да поверувам коку се наивни, евтини и несериозни анализите на еден дел од медиумите, каде има и исклучоци, кои се уште брутално ја лажат јавноста брифирани од Гаврил Бубевски.. Зошто ова го тврдам. Доколку е уцена заради користољубие, просечен криминален ум, доколку е во релација со таткото на оштетеното дете, кој веќе го поседува на свое име најскапиот имот на семејството, а децата се малолетни и тој е старател, криминалниот ум би ја убил Зорица Ѓоревска, а не Вања Ѓорчевска, затоа што целокупниот имот на тоа семејство, заедно со депозитот од 30.000  евра во банка и новото возило ќе прејдат во владение и 50 проценти сопственост на законскиот старател Александар“, сведочеше Палевски.Според него, недокажан е мотивот, полн само со индиции.„Од местото на закопување на убиеното дете, од изборот на жртата во однос на зградата каде живеела, индиции кои се ладно и намерно направени, а кои укажуваат на мене, затоа што јас сум ја градел и продавал таа зграда. Обвинетите Кешипев и Манев во неколку околности велат дека јас сум ја градел зградата и тоа е единствената околннист во која нивните искази се поклопуваат. Со лажни наслови и шпекулации се лаже загрижената јавност повеќе од една година. Кога се работи за мотивот, ОЈО одзема ахард диск, не го вештачеше, не го приложи во докази, го крие, не кажува дека поседувам 200.000 нелегални снимени разговори“, додаде тој.Потоа посочи дека пред седум дена дознал дека е осуден за прислушуваните разговори на казна затвор од три години.Во притворот пред 7 дена дознав дека јас сум единствениот Македонец кој ОЈО требало да знае, ама не знае, а и судот исто така, кога ми пишуваат решение за притвор, затоа што сум веќе осуден, односно осуден сум на 3 години ефективен затвор затоа што сум пресретнувал и снимал телефонски разговори. ОЈО барало условна казна, а јас, во отсуство, односно додека сум во притвор, сум осуден на 3 години затвор. Го известувам ОЈО, дека не прислушкулал Сашо Мијалков, туку Љупчо Палевски. Со оваа пресуда се гледа намерата на правосудниот систем кон мене. Тоа е директно поврзано и со овој процес, затоа што токму обвинителката Ана Димитревска, ми ги одзела тие 200.000 разговори за кои сум осуден на 3 години затвор. Директна врска имаат овие 2 случаи затоа што се случуваат истовремено. Немам мотив да го направам ова кривично дело, и не сум го сторил убиството“, додаде тој.Судењето е во тек.

Македонија | пред 1 година

„Слика од жртвите на телефон постои само на телефонот на Манев и тоа од Жежовски“, рече Палевски по тврдењето дека тој ја сликал убиената Вања

Тврдењето од обвинетиот Велибор Манев, дека Љупчо Палевски-Палчо му покажувал фотографии од друга жена која требало да биде грабната, првообвинетиот го негира. Според Палевски, исказите биле поради како што вели, „квалитетниот ќотек“, а додека тој беше во бегство во Турција. Сведочеше и за тврдењата дека тој ја сликал Вања откако ја убил.„Не сум ја сликал ниту покажувал Вања, затоа што не знаев дека постои тоа дете. Сликите кои ги спомннува Манев би требало да му помагаат во неговите намери и она што го направил, да не згреши, а не да направи грешка. Интересно е што овие околкости, сликање на жртвата се појавуваат во вториот негов исказ на 6.12, кога го посочува таткото на убиенто дете со име и презиме, а на 3.12, претходно, дава изјава само: ‘Палчо ги знаеше родителите’. Слика од жртвите на телефон постои само на телефонот на Манев и тоа од оштетениот Панче. Затоа тврдам дека ќотекот од две недели не е случаен и не е измислено само лажното твдење дека Александар ми давал информации, туку и сите останати тврдења на Манев и на Кешишев се последица од квалитетен ќотек и потребите на ОЈО да ме произведат во монструм, како што ме нарекувал Димовски на 3.12, кога го лишувал од слобода Ѓорчевски. Како и сѐ останато, оваа истрага е со ти реков, ми рече, и затоа очајно се темели целава оваа нарачана пресуда на едно фалсификат видео и два трагично смешни искази кои наводно го потвдуваат видеото“, сведочеше Палевски.Тој рече дека во зградата од каде е грабната Вања Ѓорчевска, последен пат бил пред 26 години.Кога последен пат сте биле во зградата од каде е грабната Вања Ѓорчевска.„Но, сум бил до објектот затоа што до самиот влез на зградата поседувам трафстаница од која се напојуваат 11 станови во таа зграда и неколку локали во објектот. Но, физички не сум бил во таа трафостаница во последните 10 години. Од последниот краток состанок за продажба на таа трафостаница, сум ја покажал на интернет, а немало потреба  да одам дотаму.  Сум одел до ‘Ради Рим’, кое е на околу 150 метри од зградата, никогаш до таму не сум бил со ‘кангуто’. На стотина метри од зградата поседувам нефункционален простор, кој не го користам, а имав намера да го продадам. Последно место во Дебар Маало каде сум се движел е Општина Центар, но таму не сум бил одамна“, рече Палевски.Тој негира и дека давал инструкции за тоа како да се грабне Вања Ѓорчевска, како што тврдеше Кешишев.„Во ЈО му го поставиле вистинското прашање на 6.12 од каде знае дека местото на настанот се вика Дупки, како што рекол на 3.12. Тој им рекол дека дознал во меѓувреме, а во меѓувреме е во притвор.  Се поставува прашањето како дознал како се вика местото на настанот, затоа што 3 дена претходно тој кажал дека тоа е некаква мала депонија, а не место ‘Дупки’. Ќотекот продолжува и после 3.12, кога го посочил Александар Ѓорчевски, ќотекот продолжил и во наредните 2 недели, според исказите на сите обвинети. И покрај тоа што го посочил Александар, но ќотекот подложил и за местото на настан Дупли и за тоа дека Палчо пукал. Но, денес е нејасно дали полицијата го носеа Влатко Кешишев на местото  на настан Дупки или Кешишев ја однесе полицијата“, додаде Палевски.Децидно одново негираше дека бил на местото каде била убиена Вања. На прашањето од адвокатот Страшевски: „Во обвинението стои дека по налог на Палевски обвинетиот Манев го извади оштетеното дете од гепекот, по што обвинетите ја доближиле и ја ставиле во претходно ископаната дупка. Точно ли е?“, Палевски одговори: „Ќе повторам, не е вистина тоа тврдење. Не можам да дадам налог, не сум бил на местото на настан Дупли. Во обинението ОЈО тврди дека дупката е претходно ископана. Велибор пред судот тврди дека прво е пукано во детето, а потоа по моја наредба биле принудени да копаат дупка. Тоа е спротивно на обвинението. Кешишев рече дека дупката е копана, па Вања е извадена, а додека чувал стража слушнал истрел, се свртел и ме видел мене со пиштол во раката. На оваа околност исто така имаме 3 или 4 варијанти од искази, па дури и еден ист обвинет дава 3 различни искази во 3 распити. Од тоа кој го извади детето од гепекот, кој копал, ако и кога копал, За овие околности двајцата, Манев и Кешишев се комплетно различни и спротивни од обвинението“.На крајот одговори и на прашањето од Страшевски, дали е точно дека испукал куршум во Вања, обвинетиот Палевски одново негираше.„Како и се претходно, и ова тврдење не е точно. Не сум бил на местото на настан Дупки и не сум пукал во Вања Ѓорчевска. Во судницата ЈО донесе јастуци кои се без вештачење, без прострена дупка во нив, без барутни траги како доказ, а во обвинението тврди дека е пукано преку перниче. Тотално е нејасно зошто се донесени јастуците како доказ ако на нема траги од барут. Но, како и се друго во ова обвинение, ќе направам една кратка илустрација од 5 точки. Овие точки не се навреда, туку гола вистина и факти од ова судење. Број 1, според ОЈО двојниот убиец бара од судот наредба за издавање податоци за оружјето, судот го одбива после 6 месеци од барањето Број 2, чаурата пронајдена во Рудник двојниот убиец ја предлага како доказ, затоа што ОЈО заборавило да ја предложи, а судот 4 месеци не се изјаснува дали чаурата ќе биде доказ. Број 3, двојниот убиец предложи сведок, полицаецот Кукунџиевски, кој потврди дека токму тој одзел оружје од сообвинет, но недостасувало оружјето со калибар од 9 милиметри“, рече Палевски.Распитот е во тек.

Македонија | пред 1 година

Палевски му го злоупотребува името за да се одбрани, Александар реагира и за тезите дека било логично Зорица да биде убиена, вели Туфегџиќ

Обвинетиот Александар Ѓорчевски, преку адвокатот Владимир Туфегџиќ реагираше до судот бидејќи смета дека обвинетиот Љупчо Палевски-Палчо се обидува да го злоупотреби неговото име за да се брани себеси. Туфегџиќ вели дека реакцијата била оправдана, бидејќи Палевски изнел премногу тези и анализи, како за човек кој тврди дека не бил на местата на убиствата.„Александар преку мене како негов бранител денеска реагираше во текот на исказот на обвинетиот Палевски поради тоа што смета дека во неколку наврати, на неколку изминати судења, обвинетиот Палевски се обидува злонамерно да се спомнува неговото име во контекст на наводната одбрана. Александар со право реагира особено по изнесените анализи, наводи и тези од Палевски, зошто би ја убиле Вања кога логично било да ја убијат Зорица, премногу тези и анализи за човек кој за себе тврди дека во критичното време ниту учествувал ниту ги извршил убиствата“, вели Туфегџиќ.Тој посочува дека Ѓорчевски има изградено став и мислење за Палевски и обвинетите.„Александар од сето она што досега го видел и слушнал во судница има изградено свој став и мислење како за обвинетиот Палевски таа и за другите обвинети по однос на убиството на Вања, во судницата кажа дека ниту еден од обвинетите не изразил ниту жалење ниту каење туку само разочараност од нивниот т.н  ‘цар’. Факт е дека ниту еден од обвинетите кои не го негираа своето учество во убиствата, не се исправи пред таткото на Вања во судницата за да изрази каење, туку грчевито се обидуваат да го оправдаат своето учество во настаните на начин дека немале избор и биле под закани“, додаде Туфегџиќ.Рочиштето и натаму трае.

Македонија | пред 1 година

Палевски „впери прст“ во Манев за убиството на Жежовски, тврди дека сведокот лажел, а и дека снимките кои ги фатија со мотороли се само збир на инсерти

Првообвинетиот Љупчо Палевски-Палчо, кој се товари за планирање и реализација на убиствата на Вања Ѓорчевска и Панче Жежовски, го „впери простот“ кон Велибор Манев, кој призна вина и раскажа негова верзија за грозоморните чинови. Истовремено, Палевски, го оспорува сведокот Ерол Османи, кој кажа дека обвинетиот бил кај него дома на 28 ноември (ден по убиството на Вања Ѓорчевска), а не како што тврди Палевски на 22 ноември, денот кога според Обвинителството е убиен Панче Жежовски. За Палевски и снимките од камерите направени во дворот на Манев се само збир на инсерти и не се од вечерта и денот кога е убиен Манев. Прашан дали го познавал Жежовски, рече дека не знаел ниту дека постои таков човек, ниту имал комуникација, а го осознал од судските списи за предметот.„Наивно е објаснувањето на Манев за Жежовски, површно и неточно. Помеѓу нив има повеќе од кавга за бекатон коцки, има кривична пријава која Жежовски за Манев, која е отфрлена во Велес. Во претставките кои Жежовски ги поднел до Советот на јавни обвинители, тврди дека Манев е под заштита на Обвинителството во Велес. Има поплаки и до МВР и СВР Велес, а таму е опишано што се случувало. Жежовски, 10 години се занимавал со Манев, имало омраза меѓу нив. И на местото на настанот каде се случило убиството, излегла обвинителката која ја отфрлила кривичната пријава против Манев“, рече Палевски.За снимките кои ги презентираше Обвинителството, на кои се гледаат Палевски, Велибор Манев, Влатко Кешишев и Боре Видевски, а кои според обвинителите се подготвувале за грабнувањето на Панче Жежовски, Палевски рече дека се само збир на инсерти со фалсификувано време: „И не е проблем што им требало осум месеци да го вештачат, туку самото однесување на ЈО за тоа што е јасно напишано дека е предадено на 5.9.2024 година, две недели пред почетокот на главната расправа. Очаен е обидот со исказ на обвинети да се потврди ова видео е неуспешен“.Го оспоруваше и исказот на сведокот Ерол Османи. Според Палевски, тој бил кај него да поправа котел на 22 ноември, а сведокот рече дека тоа не е точно. На рочиштето покажа и принтскринови од пораки кои ги размениле додека во тек бил поткаст, а во кои Палевски му велел дека ќе дојде кај него по поткастот кој во моментот го водел. Според Палевски, тоа се е лага.„На 28 ноември, невозможно е да бидам во Бутел кај Османи и да поправам котел. Поткастот почна во 10:11 минути и траеше до после 12 часот. Османи тврди дека во 11:42 сум му пратил порака дека ќе дојдам кај него во Бутел. Проблем е што тој не ја говори вистината. Тогаш добив порака од експратеникот Бошков дека мојот глас на поткастот слабо се слуша, а ќерка ми ја земав од пред Алкалоид во околу 13 часот. Физички е невозможно да бидам во Бутел и да поправам котел“, додаде Палевски.Во однос на тврдењата на Палевски, овој став го застапуваше и адвокатот Јовица Страшевски во „Претрес“. Еве точно за што станува збор:Рочиштето е во тек.

Македонија | пред 1 година

(Видео) Адвокат бара реконструкција на убиствата на Вања и Панче и враќање на предметот во истрага

Адвокатот Бојан Манев, бранител на обвинетиот Боре Видевски вели дека е неминовна потребата од реконструкција на грабнувањата и убиствата на Вања Ѓорчевска и Панче Жежовски. Според него, има три причини за ова. Посочи и дека предметот треба да се врати во истрага.„Ова е фаза на постапката кога секој ја кажува својата верзија. На крајот, неминовно е по исказите кои се дадени, да се направи реконструкција на настанот и неминовно е настанот да се врати во истрага. Ова од неколку причини. Првично бидејќи се споменуваат други лица кои не се обвинети, ниту учесници, а се споменуваат во исказите на обвинетите. Постојат неколку снимки кои Обвинителство не ги дале да се гледаат, а едни од нив се од бензиската станица Лукоил во Велес, каде се гледа ликот на Панче Жежовски, а е направена на 22-ри денски. А викаат дека човекот е убиен на 22-ри во 09 часот. Некои работи мора да се расчистат дали со реконструкција дали со враќање на предметот во истрага“, рече адвокатот Манев.Тој рече дека не е спорно што адвокатот на Љупчо Палевски-Палчо се разбоил.„Денешното одложување е поради здравствените проблеми на адвокатот на Љупчо Палевски, на секого може да му се случи да има здравствен проблем и да има висок крвен притисок. Мислам дека тоа е во ред. Согласно ЗКП, судијата има право да постави бранител по службена должност, меѓутоа мислам дека е човечки едно одлагање, да се дозволи. Мислам дека не се работи за бегање, туку здравствен проблем. Во ред е тоа што го зборува судијата, но мислам дека не е проблем, ќе дојде на наредното рочиште“, рече адвокатот Бојан Манев, бранител на обвинетиот Боре Видевски.„Зошто возниот ред на 5-ти април за автобусот број 60

Македонија | пред 1 година

„Доколку се случи уште еднаш вакво нешто, ќе поставам бранител по службена должност“, рече судијата откако адвокатот на Палевски не дојде на судење

Судијата Ивица Стефановски, кој го суди предметот за убиствата на Вања Ѓорчевска и Панче Жежовски, закажа две нови рочишта, предвидени обвинетиот Љупчо Палевски-Палчо да продолжи со давање на исказ за ужасните настани. Ова доаѓа откако денешното рочиште се одложи поради отсуство на Јовица Страшевски, адвокат на Палевски.До Кривичен суд, била доставена документација од Страшевски во која се наведува дека тој не може да присуствува поради здравствен проблем кој вчера му бил дијагностициран. Судијата рече дека ова е прво одлагање и дека судот ќе има разбирање, но нема да дозволи да се повтори.„Доколку се случи уште еднаш вакво нешто, ќе поставам бранител по службена должност“, рече судијата Стефановски.Според досегашната динамика на судењата, расправите требаше да завршат до крајот на месец мај, а веќе во јуни да може да се донесе пресуда. Одлагањата на рочиштата од било која причина ќе го успорат процесот. Палевски претходно имаше двајца адвокати, но еден од нив, Маријан Витанов, има откажано полномошно. Остана Страшевски.Во поткастот „Претрес со Ландов“ тој кажа дека го брани Палевски поради уверувањето дека е невин. Истовремено, беа анализирани сите докази кои укажуваат дека Палевски учествувал во делата.

Македонија | пред 1 година

Нема да се одржи рочиштето за убиствата на Вања и Панче - адвокатот на Палевски не можел да дојде на судење

Нема да се одржи закажаното рочиште на кое требаше Љупчо Палевски-Палчо да продолжи со давање исказ за убиствата на Вања Ѓорчевска и Панче Жежовски. Утринава, судот добил известување од адвокатот на Палевски, дека не е во можност да присуствува од здравствени причини.Поради тоа, ќе се донесе решение за одлагање на расправата, а наредбите за спровод на Палевски и обвинетите Велибор Манев, Влатко Кешишев и Боре Видевски ќе бидат отповикани од судијата Ивица Стефановски. Отповикана, ќе биде и наредбата за спровод на Александар Ѓорчевски од куќен притвор. „Скопје1“ побара став од адвокатот Страшевски, но до моментот на објава на текстот - не добивме одговор.Според досегашната динамика на судењата, расправите требаше да завршат до крајот на месец мај, а веќе во јуни да може да се донесе пресуда. Одлагањата на рочиштата од било која причина ќе го успорат процесот. Палевски претходно имаше двајца адвокати, но еден од нив, Маријан Витанов, се откажа. Остана Страшевски.Во поткастот „Претрес со Ландов“ тој кажа дека го брани Палевски поради уверувањето дека е невин. Истовремено, беа анализирани сите докази кои укажуваат дека Палевски учествувал во делата.На следното рочиште, исказ треба да продолжи да дава Палевски, како и да одговара на прашањта од Обвинителството.

Македонија | пред 1 година

Палевски ќе одговара што според него правел дента кога е убиена Вања

Денеска продолжува судењето за убиства та на Вања Ѓорчевска и Панче Жежовски.Исказ ќе дава првообвинетиот Љупчо Палевски – Палчо. Тој прво ќе одговара на прашањата од неговиот бранител, Јовица Страшевски. Меѓудругото, остана неодговорено прашањето каде бил на 27 номеври 2023 година, денот кога е убиена Вања Ѓочевски, а откако претходно даде свое објаснување што правел на 22 ноември 2023 година кога според обвинението е убиен Панче ЖеовскиТој ќе одговара и на прашања од обвинителство, а ако остане простор и време, и на прашањата од обвинетите и нивните адвокати.На претходното рочиште, Палчо негира дека ги извршил убиствата за кои се товари. Тој ги нападна и навредуваше новинарите а го обвини и ексминистерот Спасовски.„Ниту сум монструм, ниту убиец, јас сум под линч од портали контролирани од ВМРО-ДПМНЕ и СДСМ, а киднапиран од Кривичниот суд”, рече Палевски.

Македонија | пред 1 година

Палевски го спори времето на убиството на Жежовски, а тврди дека не бил таму кога е ликвидиран велешанецот

Љупчо Палевски-Палчо, обвинет за убиствата на Вања Ѓорчевска и Панче Жежовски, упати обвинување дека Кривичен суд, дека бил киднапиран од нив. Тој рече дека шест дена бил во притвор без никакво решение, а потоа, бил однесен во судот пред судија на претходна постапка и обвинителката која го застапува предметот. Пред судијата Ивица Стефановски, Палевски објаснуваше што правел на 22 ноември, денот кога е убиен Панче Жежовски. Тој го спореше времето кога е убиен велешанецот, посочувајќи дека во кривичната пријава на МВР стои 21:30, а во обвинението стои 09:30 минути.„Бев со кучето Хера во дворот, разговарав со член на оградата. На тој ден сум немал состанок со Манев и Видевски бидејќи од причина што, во посоченото време кога се тврди дека стигнале од месноста Рудник во штабот, јас разговарам со Миле, секретар на партијата. Моментот на смрт на Панче Жежовски до денеска не е утврден, докажано е дека поминуваат возилата кај ‘Ромакнтик’, но како пресметале кога е убиен? Не дадоа докази. Она што е сигурно е дека Кешишев во 10:30 минути поминал покрај ‘Романтик’, како успеале, според тврдењата на Обвинителството, да го убијат Панче и да се возат во шок и бессознание до Маџари, да се претовараат во „Реното кангу“ и во 11:47 да разговараат на телефон? Физички е невозможно. Затоа на 24 ноември се враќаат во Рудник, според исказот на Манев, да затрупуваат. Дали е тоа грижа на совест, не знам, но постои можност и тогаш да е убиен Панче. Според камерите од ‘Романтик’, ‘цитроенот’ во 10:30 минути се уште е во Велес“, рече Палевски.Во неговиот исказ тврди дека моторолите кои се гледаа на камерите од дворот на обвинетиот Велибор Манев, биле употребени кога барале злато кај Демир Капија. И според него, ова е последен пат кога ги видел.„Целата организација на тој настан е од Велибор Манев, инсистираше јас и Влатко Кешишев да бидеме присутни, а тој и Боре Видевски проверуваа во пештерата во близина на Вардар. Тогаш за прв и последен пат видов моторола која од автомобилот ја извади Манев. Ми даде мене, на Влатко и другата ја понесоа со себе. Времето на тргнување од Демир Капија кон Велес е истото со времето на видеото кое Обвинителството незаконски го приложи како доказ. Задржувањето во Демир Капија и потпишувањето на записникот за одземање на оружјето, идентично одговара – 07:10 кога се гледа на видеото од Обвинителството.  Со настанот се утврдуваат три важни работи – пиштолот, времето и моторолите, а до Демир Капија отидовме со возилото на Велибор Манев“, посочи Палевски.Рочиштето заврши, следното е закажано за во среда, кога Палевски ќе продолжи со давање исказ. Според обвинението, Палевски е планер и реализатор на двете убиства, како на Панче Жежовски, така и на Вања Ѓорчевска. Досега беа презентирани снимки од видео надзори, беа сослушани сведоци, беа предочени материјални докази.ПРЕТХОДНО:

Македонија | пред 1 година

Палевски во Турција дознал дека е осомничен пред да го апсат, но не се вратил со возачот, туку отишол на бензиска па во пицерија и размислувал што да прави

Љупчо Палевски-Палчо обвинет за грабнувањата и убиствата на Вања Ѓорчевска и Панче Жежовски, го убедуваше судот дека не бегал од Македонија по двата грозоморни настани. Истовремено, тој кажа дека на 03 декември 2023 година дознал дека е осомничен, но утредента сепак не заминал за Македонија со возачот Стефан Димковски, туку останал во Турција. Потоа, појасни дека на 04 декември, отишол на бензиска да размисли што да прави, па во пицерија за да руча.Адвокатот Јовица Страшевски: Дали сте учествувале во настаните за кои Обвинителството ве обвинува?Обвинетиот Љупчо Палевски-Палчо: Не, не сум учествувал во тие настани. И наводите кои сум ги кажал пред ОЈО, останувам на нив, со забелешка, ќе ги надополнам. Ќе биде проширен со детали, бидејќи во доказната постапка, многу работи видов и се потсетив, што сѐ се случувало во критичното време.Адвокатот Јовица Страшевски: Имаше разни шпекулации по прес-конференции, медиуми и портали, дека сте бегале во Турција и сте уапсени на автопат, можете да ни опишете?Обвинетиот Љупчо Палевски-Палчо: Моето пристигнување во Баликесир е на 02-ри декември во попладневните часови. Земав куќа под закуп на мое име, со моја патна исправа, платив за еден месец однапред. Господинот кој ми ја најде куќата го замолив дали може на негово име да земам интернет картица затоа што планирав да правам поткаст. По дознавањето дека сум осомничен, тоа е 03 декември, претрес на мојот дом, јас утрето, откако претходно на 03 декември на Стефан Димковски му дадов пари за пат и му кажав да замине за Македонија веднаш. А и тој самиот планираше да замине ноќта на пат. На 04 декември откако Стефан замина за Македонија, ја вратив картичката за интернет, ги вратив и клучевите од куќата иако беше платена за месец дена однапред, не ја искористив автобуската карта за Истанбул, преспав во куќата и утрето заминав. Отидов на бензинска пумпа во Баликсер, за да размислам како и што треба да направам. Отидов во пицерија во близина на бензинската пумпа во градот Баликсир, за да ручам. И очекував во секој момент да се појави полиција, бидејќи во сите портали во Турција беше мојата слика. Не се појави полиција за чудо, иако Баликсеир е голем град, а по неколку часа повторно се вратив во истата пицерија и се појави Интерпол-Турција. Ме однесоа во полициска станица, бев изнесен од инспектор пред бел ѕид, сликан и на What’s up пратен во Македонија. На пресот и објавите од пресот на Оливер Спасовски е таа фотографија. Ми беше јасно кој го организира ова. На 5-ти бев однесен пред судот во Баликесир, ми беше прочитано за што сум осомничен, имаше кратко објаснување и бев прашан дали постои можност за мачење и убиство во Македонија. Ова беше пред судот да донесе одлука. Од срам кон сопствената држава, кажав дека не постои таква можност – да бидам мачен и убиен. Тоа е процедура. Не се жалев на судското решение во однос на екстрадицијата. Пројдоа пет и пол месеци додека бев екстрадиран.  Во таа турска документација која ќе ја доставам до судот. Испратив писма до турскиот министер за правда во кој молам да се случи побрзо екстрадицијата.Во тек е пауза, па продолжува исказот.

Македонија | пред 1 година

Палевски враќал долгови на Манев: Јас живеев и спиев во партијата, убиствата не ги направив ниту имам мотив

Љупчо Палевски-Палчо пред судот посочи дека не ги извршил убиствата на Вања Ѓорчевска и Панче Жежовски. Потоа објасни за патот во Белград и Турција, посочувајќи дека не бегал. Во исказот, адвокатот Јовица Страшевски го праша да ги опише обвинетите со кои се заедно на обвинителна клупа. Раскажуваше и какви здравствени проблеми има, но и како барал второ мислење од Србија. За мотивот на извршените убиства, рече дека немал причина да го стори бидејќи ако сакал да изнуди пари, имал (прислушувани?) материјали кои можел да ги нуди.Адвокатот Јовица Страшевски: Палевски дали вие ладнокрвно ги извршивте убиствата на Панче Жежовски и Вања?Обвинетиот Љупчо Палевски-Палчо: Не, не сум ги извршил убиствата и грабнувањата. Немам мотив за тоа. Затоа што во депото на ОЈО се наоѓа хард диск ‘Тошиба’ одземен со записник во кој има преку 200.000 разговори, гнасотии на оваа политичка елита, но и на новинарската професија. Доколку сум сакал да реализирам било какво користољубие, сум можел да уценувам милијардери со ‘ферари’ и останати, но ете тоа не сум го направил. Така што не само што сум го направил, туку и немам мотив да направам такво злосторство.Адвокатот Јовица Страшевски: Можете да ни го опишете интензитетот на вашето живеење, од средината на ноември до вашето апсење?Обвинетиот Љупчо Палевски-Палчо: Јас предмалку го објаснив обемот на ангажманот. А дополнително на претходно објаснетите ангажмани, треба да се надворзе огромен број на состаноци, партиски. И снаоѓање со многу мали финансиски средства, за таков ентузијазам за политичко дејство.  Тоа бара буквално секојдневно и целосно посветување на започнатите проекти кои претходно ги објаснив. Може да се каже дека јас живеев и спиев во партијата. Обично спијам шест саати на ден и тоа ми е единствен одмор, а работев по 18 часа. Последните три години, бројот на комуникации се од 20 до 50 разговори најмалку. И десетина состаноци дали во седиштето во здружението претходно, а потоа политичката партија Десна. Живеев доста интензивно, особено до ноември. Вклучително и патот кој се случи на 30.11.2023 година кога заминав за Белград беше шанса да се одморам работно барем десетина дена до почеток на роденденот на партија, 12.12.2023 година е годишнина на партијата. Тие 10-12 дена планирав да ги искористам работно и затоа заминав на пат.Адвокатот Јовица Страшевски: Ги познавате ли останатите обвинети?Обвинетиот Љупчо Палевски-Палчо: Ги знам сите, освен Александар Ѓорчевски, него Влатко Кешишев го познавам, беше домаќин во партијата, вреден, патриотски расположен. Политички неук, но политички стабилен. Чесен Македонец со кој се договоривме лесно и брзо. Велибор Манев го познавам исто така од ангажманот во здружението, а подоцна, по регистрацијата и со неговиот ангажман до општинската во Велес. Амбициозен и алчен за пари. Имаше неколку конфликти за пари во партијата, меѓу кои и со сведокот Стефан Димовски од Струмица. Меѓусебно имале купопродажба на некоја земјоделска механизација, па Велибор не го доплатил износот, па имаше агресивен испад на Велибор, помеѓу нив двајца на состанок на партијата. Исто така со Петрушев, му позајмил 1000 швајцарски франци, кои Велибор не ги вратил, па ме извести мене како претседател на партијата. Ми прати документ од ‘Вестер унијон’ дека му дал 1000 швајцарски франци по што јас преземав обврска и го решив тој проблем. Парите се вратени за да нема расправии и компромитација на самата партија. Велибор Манев го зачлени во ‘Десна’, Боре Видевски. Тој е скромен, дисциплиниран и посветен на работата. Не сум имал шанса социјално да се дружам со него, за подобро да го запознаам. Целокупното запознавање е последица на партиски ангажман. Што се однесува до Александар Ѓорчевски, името и презимето ги прочитав во кривичната пријава кога ми ја доставија во ќелија. Тоа е околу познанството. Во однос на патот сакав да дополнам, причината за патот ја наведов. Иако, при самото испрашување во ОЈО, обвинителот сугерираше дека сум бегал. Но насловите во медиумите не беа во прашална форма и беше тврдење. На 30.11 заминав на пат за Белград, подготовките беа идентични како што сведочеше Васко Стојков, сведок на ОЈО, кој ме возеше до Белград. Заминав со регуларна патна исправа, на регуларен патен премин, на регуларен начин. Во Белград се видов со неколку пријатели и како што го објасни Васко Стојков во своето сведочење, со професорот Чкребаљ со кого имаме плодна соработка веќе неколку години. Подоцна со регуларен пасош, се пријавив во хотел каде преноќив. Сабајлето имав уште еден состанок со невладина организација, студенти од Правен факултет. Васко Стојков имаше обврски, јас го контактирав Стефан Димковски за да ме транспортира до Турција. Во оваа прилика добро е да се објасни понижувачкото однесување на обвинителите кон мене, бидејќи поставуваа прашања на сведоците: ‘Дали сум бил пријавен и кај кој доктор, дали сум закажал операција и кај кого’, а добро им е познато на обвинителите дека во мојот исказ пред ОЈО од 05.06.2024 година, на обвинителката јасно и објаснив дека јас сакав да правам магнетна резонанца, на друго место а не во Македонија. Кога правиш магнетна резонанца добиваш и специјалистичко мислење за неа. Тоа за мене значи второ стручно мислење пред да одлучам дали ќе се оперирам или не. Обвинителството ми одзеде куп гардероба и тетратки кои не се во листата на докази, но најважно - евтино: две ЦД од магнетна резонанца кои не постојат во записникот за одземени предмети во КПУ Затвор Скопје, што е смешно и трагично, бидејќи тие две магнетни резонанци, можам да добијам копија кога сакам од Систина, кога ми треба. Не значат ништо. А ги носев со себе бидејќи едната е од 2016 година, а другата е од 2020 година и кога ќе направите трета магнетна резонанца можете да направите хронологија на болеста од неколку години. Крадењето на две ЦД-ја на ваков беден начин, заборавиле да ги стават во записник го покажува и односот. На судот му доставив доказ од Систина каде професорот Лозанче јасно кажал и потпишал во 2020 година, јули месец.... (нз). Тоа е една од трите причини за моето патување, а за медиумите - бегство, брифирани од неколку обвинители и Јанаки Митровски за случувањата во Кривичниот суд. Познатиот шарен револуционер. Втората причина е Воениот архив во Истанбул каде требаше да земам доказ дека Баница, на 4 мај 1903 година немало ниту еден аскер, и дека Гоце Делчев не е убиен од турска војска туку од врховисти. Тоа е од интерес и на Република Турција да се расчисти. Третата причина зошто сум гледал карти до Минск и Москва, е мојата желба и намера да одам во Москва. Ниту сум букирал карта како што кажа обвинителката, нуту сум купил. Туку мојата желба и намера не се реализирана. Јас требаше да одам во Москва да земам копија од ногородските ливчиња од јавната библиотека во Москва, за да донесам копија за политичката партија Десна од најстариот христијански документ издаден од патријаршијата, кој го чуваат во Москва. Тоа се трите причини како 10-12 дена да се одморам од состаноци. Зборував со Велибор Манев, кој ми најде пријател во Истанбул кој зборува македонски. Требаше да се земе куќа,  ама беше тешко да се најде. Па најде во Баликсери, 200 километри од Истанбул. Еден ден ми требаше да изгубам за магнетна резонанца во Истанбул, да го направам (поткастот) Крш 114, во неделата на 03.12, кој не го направив од познати причини - бев прогласен за монструм веќе на 03 декември. Беше смешно да правам поткаст. Имав карта резервирано, но не авионска туку автобуска од Баликесир до Истанбул за да ги направам работите кои претходно ги објаснив. Не ја искористив картата и не отидов до Истанбул и добро е што не отидов, затоа што дополнително ќе беше објаснето како бегство. На 03. декември вечерта во 20 часот се правеше претрес во куќата каде живее моето семејство. Ми се јави Васко Стојков додека трае претресот, во својство на адвокат кој бил присутен и ми го кажа она што тука го просведочи, а јас ќе го повторам - 'најдобро е да си дојдеш и да си дадеш изјава, овде не си осомничен туку пресуден'. Почна расправија бев многу лут, но Васко ја прекина линијата, а во судот објасни дека инспекторот од МВР барал да спушти. Претходниот ден, Васко Стојков ми се јави и ми рече дека инспекторите прашуваат кај сум, јас кажав Баликесир, Турција. Не е точно дека сум бил недостапен за органите на прогонот. Ме праша претходно каде и кога сум сум се движел низ Дебар маало и со кое возило, а бидејќи бев лут му кажав на Стојков да почека да размислам и дека ќе се јавам за брзо и дека ќе му издиктирам кога каде и како се движам во Дебар маало. И кажав од прилика. Тврдењето низ медиуми, а во суштина е тврдење на ОЈО кое брифира медиуми дека јас сум во бегство е брутална лага. А дополнително судот и писмено му се обратив да ги издвои доказите од возилото 'ренџ ровер' со струмички таблици, има врз него криминалистичко-техничка обработка на 05 декември, возило со кое сум патувал од Белград до Турција кој нема никаква врска со кривично правниот настан за кој се судиме, а каде се пронајдени единствени 7 ДНК траги. Заедно со предметите од место на настан Дупки се ставени и овие, што немаат никаква врска со убиството на детево... И отпушоци се ставени во доказите, дадов приговор, ова е уште едно подметнување од Јавниот обвинител. Тие докази не се од место на настан, немаат поврзаност. Јас не го негирам патувањето ниту моето присуство во автомобилот 'ренџ ровер' и го молам судот да ги издвои тие предмети или да се декларираат како што треба, дека се премдети пронајдени од патување на Палевски а не од лице место. Имав контакт и со брат ми Баже Палевски, кој бил распрашан од полицијата и Обвинителството во текот на истрагата, кој потврдил дека се наоѓам во Турција. Но кажа и една многу важна работа, која во дополнителна работа која ќе биде предочена во  судот, дека единицата за насилен криминал без пишан документ на 1 декември во 17:30 часот, само 30 минути по печатење на извештајот за движење на Рено Кангу двајца инспектори отишле во село Глуво кај мајка ми во викендица да ме бараат мене, да прашаат какво возило возам и како се вика мојата сопруга. Откако дознале дека мојата сопруга не е сопственик на 'Реното Кангу', двајцата инспектори си заминале. Прашањето на кое ОЈО некогаш ќе мора да одговори, е што барале на 1 декември инспектори во Глуво, да бараат 'Рено кангу', а тоа е паркирано во центар на Скопје?Претходно:Распитот е во тек.

Македонија | пред 1 година

(Видео) Палевски сведочи: Ниту сум монструм, ниту сум убиец, киднапиран сум од судот, медиумите се корумпирани

Љупчо Палевски-Палчо почна да го дава својот исказ за обвинението каде се гони дека направил план и ги убил Вања Ѓорчевска и Панче Жежовски. На стартот почна да објаснува што правел во ноември, месецот кога се реализирале двете ликвидации. Неговата теорија е дека тогаш објавувал многу сензитивни документи, кои ги објавувал сам и на своја одговорност. Во одговор на првото прашање го даде и одговорот, зошто го одложил поткастот на 26.11, ден пред Вања да биде убиена.Адвокатот Јовица Страшевски: Палевски, можете да ни се претставите кои сте?Обвинетиот Љупчо Палевски-Палчо: Регистрирав политичка партија и ме избраа за претседател. Интензивно 20 години се занимавам со политика, претходно правев згради. Во ангажманот, она што е во интерес на овој судски процес, ќе објаснам за последниот месец, ноември. Претходно бевме многу конфронтирани како политички субјект со актуелната Влада и со политичките процеси кои се случуваа во ноември месец. Организирав и собрав потписи за распишување на референдум, за народот да се изјасни за Договорот за добрососедство и пријателство со Бугарија. Сметав и сметам сѐ уште кога се работи за историја и идентитет на еден народ, не може да биде политичко прашање за ниту еден субјект во државата, туку референдумско изјаснување на народот. Тоа беше брза акција во првите две недели од ноември 2023 година. Барањето беше формално одбиено од тривијална (неважна) причина од собраниската комисија. Потоа беа скенирани 50.000 декларации подготвени за предавање на оригиналите на повардарскиот епископ Агатан. Во исто време се организираа штабови, општински организации, на политичката партија Десна. Во исто време секој вторник/среда/петок/сабота и недела емитував програма во живо на неколку социјални платфори. Секој вторник во 10 часот одеше поткаст ‘Лицеум’, во среда ‘Крш дебата’ од 21 часот, во петок извршен комитет на партијата на апликацијата Зум. Имавме четири членови од Македонците во светот, па извршните комитети мораа да се емитуваат преку апликацијата Зум. Во ноември месец, освен оваа активност, заврши и проектот ‘Банкстери’ за перење на пари во Македонија, во официјални банки, поддржано од Народна банка, проект кој започна со емитување на 28.11 во 21 часот, а требаше да биде на 26.11 во 21 часот. Од причини што доцнеа неколку докази, изводи од сметки, свифтови за мега трговци со оружје од Иран кои имаа депозити во македонски банки не беа пристигнати сѐ уште тие докази, кои воедно биле последни докази кои недостасуваа, тоа беше причината за одлагање на последниот ‘крш 113’ како епизода од редовен поткаст. Во тој серијал на документи и криминал беше објавен само мал дел, оти потоа бев уапсен, а таму се наоѓа и причината за убиството на Никола Младенов. Се работи за фирма од Велес, ‘Широко езеро’ преку која се испумпани огромен број пари надвор од Македонија. Објавени се во ноември месец, 540 милиони долари, од кои сметки со веродостојни податоци, 420 милиони долари во Комерцијална банка Скопје на име на ирански државјанин замрзнати средства од Стејт департментот. И 120 милиони долари на истото лице во Капитол банка во Македонија. Во тие документи се содржани и лични податоци на иранскиот државјанин, но ја објавивме и одлуката за замрзнување на тие средства во Македонија затоа што иранскиот бизнисмен продавал шахи кинески дронови на Руска федерација и не успеав да ги објавам доказите. Средствата се прилив од Србија. Потоа требаше да следат докази дека Македонија е најголема перална по Швајцарија – но, не со видеа од двор, туку со официјални банкарски документи и докази. Сето тоа го правев сам и на своја одговорност. И сето тоа од ноември 2023 година е најдобра слика за мојот лик и дело.Адвокатот Јовица Страшевски: Почнувајќи од првите прес-конференции на МВР и Обвинителство до ден денеска се носи тој товар за тебе дека си монструм и убиец. Би сакал јавно да те прашам дали се чувствуваш лично како што те прикажаа на првите прес-конференции на Обвинителство и МВР и по медиумите, дека си монструм и убиец? Барам конкретно и јасно да одговориш.Обвинетиот Љупчо Палевски-Палчо: Ниту едното, ниту другото. Мотивите за таквото однесување, суспендирање на правото на невиност се додека не се докаже вината, пресумцијата на невиност не постои. И тоа бидејќи шефот на скопското Јавно обвинителство, Гаврил Бубевски и Оливер Спасовски се директно одговорни за перењето пари во Македонија. Спасовски дал согласност како министер за внатрешни работи ирански државјанин шверцер со дронови да отвори нерезидентна сметка во НАТО банки на Македонија. Токму таа одговорност и сериозен криминал според износите, депонирани во Македонија и нејзините банки – тоа е сосема доволна причина да се изврши морален атентат на еден човек, се компромитира човекот во целост, а инструментот ‘по слушнат глас’ да реагира Обвинителството – не постои. Не реагираат. Идентично како и за оружјето во овој судски процес. Медиумите се комплетно корумпирани од банкарскиот сектор и без поддршка од банкарскиот сектор нема да постојат. Една и пол година врескаат дека докази има, јас додека бев во Турција за тој период имав турски адвокат кој ме застапуваше пред турскиот суд и ме извести, ми даде принтана копија од вестите каде бев опишуван како што бев опишан. На прес-конференција одржана на 05 декември кога е поднесена кривичната пријава, гледам денеска дека постоело само едно вештачење. Јавното обвинителство до подигање на кривичната пријава го има вештачено само телефонот на убиенот Панче Жежовски и тоа две вештачења за папиларни линии и ДНК. Сите останати вештачења се по прес-конференцијата правени. Одговорено е кој ги брифирал со лаги медиумите, па како пример ќе наведам: Сведокот Гоце Трајковски на Каришиќ му праќал скринови од некакви инфлуенсерки од Миа Костова, новинарката Мери Јордановска, кои тврдат дека јас сум бил очув на Вања. Сето тоа го пласирал на оваа багра позади стаклото, на корумпираните медиуми. Позади мене сместена е професија која егзистира крајно непрофесионално без ниту еден доказ, како што предмалку кажав, шпекулации од луѓе како посочениот Гоце Трајковски. Такви лаги се истурени во огромна количина. Во исто време, директорот на затворот КПУ Скопје вршел приватни истраги, ги тепал и испрашувал обвинетите, а сите разговори во порака се праќани на Гоце Трајковски. Во доказот 151 самиот Гоце се фали на инспектор Каришиќ што се дознало преку неговиот брат Сокол. Така се хранети медиумите со лаги кои сметам дека биле должни да ги проверат, за да се заштити не само мојот интегритет, туку и интегритетот на убиеното дете. Но тоа не го направија. По една и пол година од настанот не постои наслов во медиумите каде монструмот го посочува оружјето, каде постои веројатност со него да е сторено ова кривично дело. Таков наслов во нашите релевантни медиуми не постои. Самата политика на Десна е причина за ваквиот однос на медиумите, бидејќи сме единствена политичка партија која покренала иницијатива за референдум за многу болно прашање, во однос на бугарската агресивна политика кон нашата држава. Ова е брутален медиумски линч кои се под контрола на СДС и ДПМНЕ. Организацијата отиде и подалеку од наслови, па друга една професија што се нарекува адвокат јавно преку медиумите се прозиваа да не ме застапуваат. Подоцна ќе објаснам зошто е тоа правено. И ќе докажам како сум киднапиран од овој Основен кривичен суд-Скопје1.Распитот е во тек. Повеќе детали во следните извештаи.

Македонија | пред 1 година

(Видео) Таткото на Вања: „Цитроенот“ стана сомнителен оти се движеше изгубено, полека, а на телефонот на Вања пратив две пораки

Обвинетиот Александар Ѓорчевски, таткото на убиената Вања Ѓорчевска, доби неколку прашања од судот во поглед на обвинението кое му се става на товар. Најпрво, се интересираше како биле обезбедувани снимките со видео записите на кои се гледаат движењата на двете возила „циторен“ и „рено кангу“, со кои било извршено киднапирањето. Потоа, објасни и како украдениот „цитроен“ за него станало сомнително.Судијата Ивица Стефановски: Може ли да кажете кога Гоце дојде кај вас?Обвинет Александар Ѓорчевски: На 28-ми во вторникот, утрината.Судијата Ивица Стефановски: Кога ги земавте камерите од околните објекти?Обвинет Александар Ѓорчевски: Во понеделникот никој не ни излезе во пресрет, не ни даде снимки. Во вторникот почнавме да ги прибираме снимките со тоа што од фризиерницата директно на мобилниот телефон од газдарицата да ги гледаме. Утредента ги земавме на мемори-стикче, па тоа што го видовме на мобилниот со поубава резолуција го разгледаме на десктоп-компјутер. Јас обезбедив камера, од самото ќоше на раскрсницата од улицата Наум Наумовски-Борче со Орце Николов, приметив дека има камери на кафулето Синдикат, кои се свртени кон раскрсницата, каде што би требало Вања да помине, влегов во кафулето и замолив вработените да ме поврзат со газдата, кога им објаснив за што се работи, тој без двоумење ми ги прати снимките. Зорица (мајката на Вања) обезбеди камера од седиштето на Окта на улица Партизанска, исто во средата, јас отидов да го земам стикчето. Во вибер-групата од родителите добив снимки од штедилницата Папилон спроти пазарчето Буњаковец. Тие се тие четири камери.Судијата Ивица Стефановски: Кажете ми, кога сфативте дека Вања не отишла до Фитнес хаус пешки туку со возило?Обвинет Александар Ѓорчевски: Веднаш беше јасно дека за толку кратко не може да стаса од аголот кај екс ресторанот Мечос до Фитнес хаус, споредувајќи ја нејзината локација каде последно емитува ‘Гугл мапс’, односно според сигналот кој го емитува нејзиниот телефон, што го споредивме со времето кога таа излегла од дома, односно скршнување од вообичаената рута кон училиште на самото ќоше кај ‘Мечос’.Судијата Ивица Стефановски: Како утврдивте од толку возила кои поминваат тој период, дека ова возило ‘Цитроен’ е сомнително?Обвинет Александар Ѓорчевски: Јас според времето каде е последен пат евидентирана кај Фитнес хаус, беше 07.37 минути и ја даваше офлајн (исклучена). Зорица ми кажа дека Вања излегла околу 07.23/24 минути. Откако утврдивме дека пешки не се појавува во вторникот, се фокусиравме на возилата. Ги прегледувавме снимките од многу порано, но фокусот беше на тие 3,4 минути, од кај 07.28 минути до 07.33 минути. Зависно како ќе го пуштат семафорот, така налет доаѓаа 4-5 возила наеднаш, а тоа што беше приметливо кај ‘цитроенот’ беше што се движеше бавно, исфрлаше густ чад од ауспухот, што навестуваше дека е тазе запалено возилото, целото беше замаглено, хаубата му беше замрзната, делуваше како да тргнало од непосредна локација од близина некаде, тука негде од пред зградата. Се движеше поразично од другите возила.Судијата Ивица Стефановски:  Како поразилично?Обвинет Александар Ѓорчевски: Како сите други возила да имаа крајна дестинација и цел, а ова се движеше полека, како изгубено, се движеше полека.Судијата Ивица Стефановски: На која апликација ја пративте пораката на телефонот на Вања откако е грабната?Обвинет Александар Ѓорчевски: СМС порака пратив на нејзиниот мобилен телефон. Две покраки беа.Судијата Ивица Стефановски: Во колку часот ги пративте?Обвинет Александар Ѓорчевски: Можеби во 13 часот на пладне, можеби 12-13 часот попладне, веќе почнаа инспекторите доаѓаа. Не се сеќавам навистина, страшно бевме избезумени, во конфузија.Судијата Ивица Стефановски: Значи не ја пративте на апликација?Обвинет Александар Ѓорчевски: Не, СМС пораки беа тоа.Судијата Ивица Стефановски:  Со каква содржина беа пораките?Обвинет Александар Ѓорчевски: 'Се што ќе побарате, се ќе побараме', и ја пуштив пораката. Подоцна ми текна да испратам уште една порака која гласеше: 'Од родителите'. Со надеж дека ќе го вклучат мобилниот телефон и пораката веднаш ќе им се појави.Со ова, заврши испитувањето на обвинетиот Ѓорчевски.

Македонија | пред 1 година

(Видео) Адвокатот призна дека Палевски го возел “реното кангу” употребено при убиствата на Вања и Панче: Како нема ДНК од обвинетиот?

Адвокатот Јовица Страшевски, бранител на Љупчо Палевски-Палчо во „Претрес со Ландов“ призна дека неговиот клиент го возел возилото „Рено кангу“, кое е употребено при грабнувањата и убиствата на Вања Ѓорчевска и Панче Жежовски. Истовремено, во него не е најдена ДНК од Палевски, па остана отворено прашањето - како е тоа можно?Истовремено, Страшевски тврди дека со ВД-40 не се бришат ДНК траги, па негира дека Палевски би го употребил ова средство за таква цел. Коментираше и за тоа каде бил Палевски во моментите на убиствата. Посочи дека многу работи ќе се расчистат кога Палевски ќе сведочи пред судот - а тоа е денеска.Погледнете го цел Претрес, каде се зборува за сите докази, за мотивите, за начинот на кој двете жртви се убиени, како и за исказите:

Македонија | пред 1 година

(Видео) Каде бил Палевски кога е убиен Жежовски: Тој тврди поправал котел, а газдата на котелот зборува друго

Едно од прашањата кои се наметнаа на судењата за убиствата на Вања Ѓорчевска и Панче Жежовски беше локацијата на обвинетниот за време на настаните. Палевски во Обвинителство кажа дека на 22 ноември, денот кога е убиен Жежовски, бил да поправа котел кај негов пријател Ерол Шаќири. Обвинителството го најде пријателот Ерол Шаќири кој сведочеше и рече дека Палевски кај него бил на 28 ноември, односно ден по убиството на Вања Ѓорчевска. Беа презентирани и разговори помеѓу Палевски и сведокот, кои тие ги воделе на 28 ноември.За сите прашања поврзани со убиствата, за сите докази, оспорувани и неоспорувани, погледнете го поткастот каде гостин беше бранителот на Палевски, Јовица Страшевски.

Македонија | пред 1 година

Таткото учествувал во киднапирањето на Вања, целта била да се изнудат пари од мајката - девојчето било закопано, вели Спасовски

Вања Ѓорчевска освен убиена, била и закопана во околината на Скопје. Ова го соопшти министерот за внатрешни работи, Оливер Спасовски. Според него, МВР ги има извршителите на двете убиства.„Во врска со двата случаи, осомничени се пет лица, за три лица има мерка притвор, едно е надвор од државата, а петтото лице, таткото на малолетничката, приведено е, извршен е распит, ќе се преземаат мерки по насока на Обвинителството. Мотивот е користољубие, при што едно од лицата, во договор и со знаење на член на семејството, го организирало извршувањето на кривичното дело, за да се изнудат пари од мајката, за понатаму, сите инволвирани да имаат материјална корист“, вели Спасовски.Било одземено возилото на Панче Жежовски, исто така убиен од групата, и била киднапирана Вања.„Поради нерасчистени односи со еден од осомничените, неговото возило е одземено за извршување на кривичното дело, за потоа да биде опожарено. Токму со тоа возило е земена малолетничката, од влезот на живеалиштето, откако претходно, според исказите на осомничените, таткото споделил информација со организаторот за излегувањето на малолетничката сама од дома“, додаде Спасовски.Главниот организатор, бил Љупчо Палески-Палчо кој е избеган.„Ќе сториме се за да го најдеме, му ја следиме трагата“, додаде Спасовски.

Македонија | пред 1 година

(Видео) Адвокатот на таткото на Вања: Нема основ ниту аргумент да го држат како обвинет, се обидоа да го дискредитираат

Адвокатот Владимир Туфегџиќ смета дека обвинителките се обидувале да го дискредитираат обвинениот Александар Ѓорчевски, им смета дека со завршување на испрашувањето - немаат основ да го држат како обвинет со вакво обвинение.„Единствено што ми пречеше беше дозата на дискредитација од страна на јавниот обвинител. Тој смее да дискредитира исказ, но не и личност на обвинетиот. И тука се почувствува тоа, еден малку понижувачки однос кон Александар. Тоа го забележавте по прашањата кои беа поставени и се од лична природа. Ова денеска значеше проверка на Александар, проверка на сите искази на Александар дадени во постапката, вклучително и полициска и истражна постапка, и постапка пред јавен обвинител. Јас сум лично задоволен и во основа нема никаков основ ниту аргумент понатаму да го држи Александар со вакво обвинение“, рече Туфегџиќ.Авокатот кажа дека не приговарале на прашањата од Обвинителството, без разлика на дискредитацијата, за да Александар Ѓорчевски објасни се што тие сакаат.

Македонија | пред 1 година

Палевски го испрашуваше таткото на убиената Вања, кој одби да му одговара на прашањата

Обвинетиот Љупчо Палевски-Палчо, кого го гонат за убиствата на Вања Ѓорчевска и Панче Жежовски, го распрашуваше Александар Ѓорчевски, татко на убиеното девојче.Љупчо Палевски-Палчо: Дали сте слушнале дека сум имал комуникација со било кој член од вашето семејство?Александар Ѓорчевски: Јас како што кажав ниту ве знам ниту ве познавам, за прв пат ми бевте посочени како монструм во полициска станица, првпат ве видов тука во судница, ниту па знам човек што ве познава вас вклучително и моето семејство. И би ја искористил можноста да не одговорам на ваши прашања, инаку секое моj нареден одговор ќе гласи исто.Љупчо Палевски-Палчо: Кажавте дека вие сте се грижеле за станот на Наум Наумовски Борче, сте слушнале ли дека сум бил присутен последните 10 години?Адвокатот Владимир Туфегџиќ: Апсолутно приговарам, бидејќи со првиот одговор е одговорено на прашањето рече адвокатот Туфекџиќ.Судијата Ивица Стефановски: Се дозволува прашањетоАлександар Ѓорчевски: Немам коментар.Љупчо Палевски-Палчо: На истата околност, дали сте слушнале од таткото на Зорица, Лазаров, имал било каков проблем при купување на предметните станици?Александар Ѓорчевски: Немам коментар.Љупчо Палевски-Палчо: Последното, колку да влезе во записник, неколку пати кажавте дека МВР се однесувала кон вас како да сте ретардиран, но и денеска видовме такви ретардирани однесувања од ОЈО….Реагираше судијата Ивица Стефановски за квалификациите..Љупчо Палевски-Палчо: Добро не сте ретардирани. Но и денеска видовме слични тврдења од ОЈО, хипотетички, доколку јас и вие сме биле во дослух од користољубие да ја примораме Зорица Ѓорчевска да даде пари како што е напишано во обвинението, нели е логично да биде убиена Зорица Ѓорчевска а не Вања Ѓорчевска, бидејќи ќе наследевте сѐ, така ли е прашувам како ОЈО?Адвокатот Владимир Туфегџиќ: Ова се слободни константации на обвинетиот кои никаде не се содржани во обвинението, во делото кој се однесува на Александар Ѓорчевски, ниту е посочено лице кое го посочува обвинетиот - рече Туфеџиќ.Адвокатот Владимир Туфегџиќ: Немам коментар.Љупчо Палевски-Палчо: Кажавте дека Гоце Трајковски ви помагал во истрагата, дали почувствувавте дека секој ваш збор на вашата сестра, сопруга е содржан во доказот број 152 каде јасно се гледа дека се што видел и слушнал Гоце Трајковски во ваша близина, е пренесено на Музефер Каришиќ. Дека додека одмарате во станот на 02.12.2023 ве сликал како одмарате со коментар „еве го“. Дали останувате на тоа што го кажавте дека сте малтретиран и тепан во ПС, во доказот 152, од комуникација на Гоце Трајковски и Каришиќ постои доказ за незаконска истрага ексдиректорот на КПУ Затвор Скопје, вршел истраги, влегувал во ќелиии и поставувал прашања кои се следни: Дали сте познаваме? На што вие сте одговориле нека дојде Палчо очи во очи, да видиме дали сме кажале некогаш во животот, дали сме упознале а тие тројцата му викале на Сокол, „Палчо ја уби“ му рековте зошто ја уби, сум рекол и така и вака парите ќе ги земам, демек ми требаат за партијата, сме немале пари за избори“. Дали овие разговори се случиле во КПУ Затвор Шутка, за време на вашиот престој?Александар Ѓорчевски: Немам коментар повтори Александар Ѓорчевски.Љупчо Палевски-Палчо: Не сакам да поставувам прашања, гледам дека човекот е вознемирен, и сметам дека е невино обвинет тука. Се спомена ФБ група, но ниту ОЈО денес, ниту во обвинението, не кажа во колку часот се праќани тие пораки. Па јас би ве замолил да го кажете втремето, кога е пратена пораката?Александар Ѓорчевски: Немам коментар.Љупчо Палевски-Палчо: Во колку часот сте пратиле порака на децата за да се облечат заради ниските температури, затоа што во целата истрага не се користи часовник, туку само денови а многу е важно заради изјавите кои ги давале другите обвинети, а се единствените причини вие да сте овде?Александар Ѓорчевски: Немам коментар.Со ова, распитот заврши.

Македонија | пред 1 година

Таткото на Вања: „Цитроенот“ возеше споро, како да добива инструкции и ми стана сомнителен, од полицијата не видовме ништо конректно, почувствував дека се сомневаат и во мене

Таткото на Вања, обвинетиот Александар Ѓорчевски, кого обвинителите го гонат дека помогнал со информации на Љупчо Палевски-Палчо, Велибор Манев, Влатко Кешишов и Боре Видевски, одговараше на прашањата поврзани со денот на грабнувањето на Вања.Обвинителство: Кога сте отишле на локацијата каде што бил последно сигналот на Вања, вие не сте излегле од автомобилот, сте одлучиле да одите во болницата, за вашето заминување кај докторот не кажавте на никој?Обвинетиот Ѓорчевски: Вашето прашање од почетокот е погрешно поставено. Кога се сретнав со чичко и на Зорица, и со групата на полицајци во цивил, пребарувавме во околните гаражи. Не сум го напуштил веднаш местото. Позади мене седи еден од тие луѓе, ако смее нека потврди. Не сум го напуштил веднаш местото. На Митре не сум му кажал дека ќе одам во болница.Обвинителство: Не ја известивте Зорица дека заминувате, ниту Митре Лазаров, ниту овластените службени лица дека биле на местото кои ја барале Вања?Обвинетиот Ѓорчевски: Не, не е така, знаеше за моето движење, јас знаев за нејзиното движење, телефони постојано фрчеа, јас се јавував кај Зорица она кај мене, а дедо Митре рече дека ќе продолжи до потрагата со регионот во кој се наоѓа.Обвинителство: Зорица беше испитана и кажа дека не сте ја известиле дека заминувате од местото, а од ваша страна нејзе не и поставивте прашање, за да го докажете ова што денес го тврдите?Обвинетиот Ѓорчевски: Јас навистина не знам кога точно и сум се јавил, но таа знаеше дека ќе одам со братучедот Дарко да ја барам Вања по болниците.Обвинителство: Пред да одлучите да заминете, не ја прашавте Зорица каде е Миња?Обвинетиот Ѓорчевски: Јас знаев дека Зорица ќе оди во училиште, Миња и Вања имаат трет час заедно, зошто да ја прашувам како е Миња, кога Вања ја нема, што е приоритет?  Значи не е воопшто така, ние бевме повикани од полицијата да се вратиме од Хаус Гарден пред зградата. Таму се договоривме, откако на кратко дадовме некакви изјави, не се сеќавам на што се однесуваа, јас се вратив сам, без Зорица кај Хаус Гарден, каде што веќе беше чичко и на Зорица, една група луѓе кои претпоставив дека се полицајци и влегував со нив по гаражите. Не го известив чичко и каде ќе одам.Обвинителство: Рековте дека откако сте провериле дека Вања не се наоѓа по болниците, тој ви дал нешто вам за смирување, па ви дошло некако природно со колата да продолжите кон граничниот премин Блаце, нели е чудно тоа?Обвинетиот Ѓорчевски: Откако ја завршивме претрагата по болниците, најблиските премини се Блаце и излезот од Скопје кон Ѓорче Петров. Јас претходно се јавив кај пријатели кои ми потврдија дека детално ќе се прегледуваат детално сите возила на граница. Поминав кај Палас, и наидов на невидена гужва решив да свртам полукружно и да се упатам кон Ѓорче Петров, вие како обвинител може да дадете наредба до безбеден град, да се види моето движење пред и после една недела од настанот.  Оваа информација ви е од мене. Јас на првиот исказ кај вас ви побарав детектор за лаги. Ми рековте дека не е дозволено употреба на таков уред, кој децидно ќе докаже дали ја зборувам вистината или не. Од мене ви е таа информација, а до бранителот веднаш реагирав во судницата, му посочив за која снимка се работи и каде се сум се движел, и му посочив за кој момент се работи, он ве прашал, и вие сте му рекле дека само тие пет секунди сте ги добиле. И уште една снимка како од кај мостот на Треска влегувам во Скопје.Обвинителство: Како не ви дојде природно да се вратите од местото каде што се сите и ја бараат Вања, значи ли тоа дека однапред знаевте дека нема никакви шанси да ја најдете Вања?Обвинетиот Ѓорчевски: Јас се надевав дека ќе ја најдам Вања по пат, дека некој што ја украл ќе ја пушти, разговарав по телефон со пријатели кои можат да помогнат, пресудна беше пораката во Вибер групата да се гледаат камери и одлучив веднаш се вратам во Центар и заедно со родителите почнавме да бараме камери.Обвинителство: Велите дека во дадената одбрана на 07.04 дека сте имале и сценарио дека Вања е киднапирана?Обвинетиот Ѓорчевски: Да.Обвинителство: Нели е чудно зошто да имате сценарио дека Вања би била киднапирана?Обвинетиот Ѓорчевски: И јас се прашувам зошто, и тогаш сите се прашувавме, но моментот на исклучување на нејзиниот телефон, скршнување на патот кон улилиште, наведуваа на тоа дека не е по своја волја отидена. Тоа со Зорица го констатиравме во 7 часот и 47 минути, и Зорица ги замоли колешките да објават по социјалните мрежи.Обвинителство: Кажавте дека еден од инспекторите, ви рекол дека, само вие велите дека Вања е киднапирана?Обвинетиот Ѓорчевски: Точно е дека тој тоа го кажал, но апсолутно не е точно дека само јас сум го кажал дека Вања е киднапирана. Не видовме ништо конректно од истрагата на полицијата за пронаоѓање на Вања.. Уште на самиот почеток почувствував дека се сомневаат во мене.Ѓорчевски раскажа за сведокот, Гоце Трајковски, за кој рече дека го знае 23 години од неговото венчавање од кога му бил кум. Потоа одговараше и на прашањето околу поврзувањето на работите и откривањето на возилата.Обвинетиот Ѓорчевски: Во моментот кога се појави Гоце воошпто немав поим какви контакти има во полиција и какви пријатели кои можат да ни помогнат. Но многу брзо дека заклучив она што вие сега го констатиравте. За лицето од ‘Сејф сити’ и некои други во истрагата која ја работевме јас и Гоце бевме замолени да не ги откриваме индентитот за да не си ја загубат работата.  Не знам колку скрин шота испративме во Сејф сити, меѓу кои беше и тоа возило, кое навистина испушташе поголем час, се движеше со помала брзина, имаше одблесок на хаубата како да е замрзнато, времето се совпаѓаше со времето на исчезнување на Вања, која пеш не би можела да стигне до таму, се сомневавме и на едно бело комбе, а испративме повеќе снимки од возила.Обвинителство: Ако полициските службеници, ги обезбедуваат снимките, како вашиот пријател кој работи во ‘Сејф сити’ не ги исвестил неговите претпоставени туку прво ве известува вас, а не можете да го откриете неговиот идентитет, а притоа се работи за вашето дете?Обвинетиот Ѓорчевски: Ако биле внесени регистарските таблички во системот на ‘Сејф сити’ денес во судницата ќе се расправаше само за убиството на велешанецот Панче. Претпоставувам дека немале наредба да го бараат возилото. Toa е пропуст на полицијата. Контактот навистина не знам кој е, немам разговарано со него, тој не смееше да ни дава снимки од ‘Сејф сити’, така би ги прекршил правилата и би соочил со казна, меѓутоа ние смеевме него да му праќаме снимки.Обвинителство: За првото возило кое ви станало сомнително, сте го известиле и началникот Дејан Димовски кој кажа дека сте му пратиле фотографии на ‘Вибер’ дека од сите возила кои се забележуваат на камерите само тоа возило ‘цитроен’ ви е сомнително бидејќи било тазе запалено, така?Обвинетиот Ѓорчевски:  Не беше таков редоследот на настаните. И не се сеќавам дека јас му пратив снимка, мислам дека Гоце му прати и тоа беше во деновите кога јавно на социјалнните мрежи имаше објавува за исчезнување на татко (од семејството на убиениот Панче Жежовски) заедно со возилото. А господинот Дејан Димовски не приметив дека ниту во еден момент мене ме обвинува дека има докази за мене и против мене и само дека имале сомнежи.Обвинителство: Кога сведокот Дејан Димовски ви одговори за возилото кое било пратено, дека тоа е запаленото возило, вие сте одговориле дека мислеле на тазе стартувано возило?Обвинетиот Ѓорчевски:  Дејан Димовски не ме информираше дека е запалено возилото, дознавме од социјалните мрежи дека е запално возилото. И јас му немам пратено на ‘Вибер’ дека возилото е запалено. Го немам информирано. Дури и како што разбрав од Гоце, они дознале два дена потоа, по службена должност, дека е запелено возилото.Обвинителство: Значи од нигде никаде само вам ви стана сомнително возилото ‘цитроен’, каде што не се гледа Вања?Обвинетиот Ѓорчевски: Од снимките не се гледа колку лица има во возилото, не ми беше само тоа возило сомнително. Но кога ми беше посочено од ‘Сјефт сити’, го гледав на три камери. Се движеше сомнително, како се движи како да добива инструкции од некого.Распитот е во тек.Претходно:

Македонија | пред 1 година

Кога Зорица јави дека Вања ја нема, бев избезумен што и гол да излезев немаше да биде невообичаено, рече таткото на Вања, откако обвинителот го праша дали бил буден и спремен кога исчезнало девојчето

Обвинителките Жаклина Крстевска Јосифовска и на Ана Стојкова Димитриевска, на денешното рочиште го испрашуваат обвинетиот Александар Ѓорчевски, татко на убиената Вања, пред судот.Обвинителство: Кажавте дека освен Љупчо Палевски, другите не ги познавате, а за него сте слушнале само?Обвинетиот Ѓорчевски: Да токму така, но не како личност туку кога имаше за објектот Тифани, него го споменуваа како Упа, не знам дали како изведувач или не знам што. Инаку ниту на ТВ, ниту никаде на друго место го имам видено како изгледа.Обвинителство: Кажавте дека од 1993 до 1995 година, бевте зависник но не кажавте од која дрога. Од хероин така?Обвинетиот Ѓорчевски: Да, кажав, бев зависник. Неспорно тоа го знаеја сите мои колеги, пријатели. Супстанцата беше хероин. Ја користев назално, не со шприцеви. Не сум бил екстремен зависник.Обвинителство: Кога ви се родиле децата, сте одлучиле да не работите 7-8 години, за да ги чувате децата, така?Обвинетиот Ѓорчевски: Да токму така, Зорица имаше срцева мана, и јас од самиот почеток ги презедов сите обврски кон децата и семејствата, како за моето така и за на Зорица, и за да и олесниме, дури во еден момент дадов целосно отказ, во моментот кога бев вработен во Кометал. За кој што отказ мислев дека ќе биде од краток временски период додека сте стабилизираме. Меѓутоа многу набрзо дојде Миња, имаше само 1 година и 4 месеци помеѓу девојчињата, обврските се дуплираа така што се продолжи мојот рок кога бев невработен. Од 2010 до 2017 година.Обвинителство: Вие одлучивте да не работите, иако децата можат да одат во градинка, или двете баби може да се грижат за децата, да немате никаков финансиски придонес во семејството кое требало да се издржува само од нејзината плата?Обвинетиот Ѓорчевски: Не е така, додека Зорица беше бремена, немаше приходи, живеевме од мојата заштеда. Имавме пари од свадбата, имав поддршка од татко ми, а што се однесува до тоа со бабите, мајка и на Зорица инсистираше да земеме жена, а она и мајка ми воопшто да не се мешаат во воспитувањето на децата. Имавме неуспешен обид, земавме жена додека беа уште малечки, во детали ја фативме како на Миња и дава некакви средства за спиење за да седи мирна, од тие причини не се осмеливме да побараме друга жена, во градинка се обидовме, ги запишавме, и двете, една недела одеа во градинка и потоа две недели беа дома.Обвинителство: За вас беше нормално да не сакате да работите и ви беше сеедно дали ќе земате вие плата или не?Обвинетиот Ѓорчевски: Не било нормално, јас бев принуден, немаше кој. А јас не знаев колку време ќе трае тоа мое отсуство од работа. Се надевавме дека што побрзо ќе се вратам на работа, во секој момент можев да се вратам на работа и ми беа отворени вратите на две фирми.Обвинителство: Кажавте дека сите сопственици биле задоволни од вашето работење, ви давале дури и препораки, чиј сопственик бил Трифун Костовски, кој неодамна јавно изјави дека за вашиот татко има само пофални зборови, но за вас рече дека  не сака да коментира и дека не бил задоволен од вашиот придонес, тоа значи дека не сте биле добар работник како што се фалите, така ли?Обвинетиот Ѓорчевски: Не сум слушнал за таква изјава од господинот Костовски, го знам од мали нозе, дури сме играле и тенис заедно. Господинот Костовски не ми беше надреден мене директно, имаше многу структури помеѓу мене и него кои ја оценувале мојата работа и мојот придонес, а лично од господинот Трифун Костовски сум слушал само пофални работи, за конкретно нешто што сум направил. ТВ не гледам од  тие причини, дека се објавуваат непроверени информации. Јас до 5-то одделение бев соучесник со Радмила Шеќеринска и бевме првенци на генерација. Потоа дојде тинејџерски период, татко ми заминуваше на привремена работа во Полска, и како сите мои другарчиња попуштив со учењето. Во средно училиште бев принудно запишан во Економско, сакав да се запишам во Орце Николов, насочено образование за ниски струи, но татко ми ме запиша економско без моја согласност бидејќи ќе може во иднина да ме запосли бидејќи е успешен во тој сектор.Обвинителката реагираше бидејќи Ѓорчевски не одговара кратко и јасно на прашањата, на што обвинетиот рече: „Мене ова ми личи на испитувањето во полиција“.Обвинителство: Рековте дека ги следите вашите деца на Гугл мапс, за неделата рековте, дека Миња била излезена вечерта, ви се јавила дека останала сама, дека е во ваша близина, побарала помош од вас да ја испратите дома, вие рековте дека не сте отишле и преку камерата и преку мобилниот да ја следите иако било смртно преплашена?Обвинетиот Ѓорчевски: Слонче не е во моја непосредна близина, туку во близина на училиштето, а Миња не била смртно преплашена, туку вообичаено. И да, точно е дека ми требаа 15 минути за да стигнам до таму за да ја испратам до дома, и таа ќе требаше да седи сама 10-15 минути, да заедно се решивме и се договоривме, да и правам друштво како што опишавте. Не отидов бидејќи тоа сме го правеле многу пати претходно. Откога почнаа да одат и да се враќаат дома од училиште, зборуваа или со мене или со Зорица.Обвинителство: Децата одеа само прва смена?Обвинетиот Ѓорчевски: Да децата одеа само прва смена.Обвинителство: Учеа во исто училиште и одеа иста смена, така?Обвинетиот Ѓорчевски: Да.Обвинителство: Вие го знаевте распоред на часови, од повеќе причини?Обвинетиот Ѓорчевски: Имаше моменти кога губеа некој час, сакав да имам увид во тоа, кога ќе им спојат со други одделенија, кога порано ќе ги пуштат да си одат дома. Во секој момент сакав да знам на кој час се.Обвинителство: Според редовниот распоред на часови, Вања без исклучок, секој петок оди сама на првиот училишен час, бидејќи Миња почнува со настава од вториот час, така ли беше на 24.11.2023 година во петокот?Обвинетиот Ѓорчевски: Да таков беше редовниот наставен план, за таа година за прв пат. Дури невообичаено, Миња наставата ја почнуваше од втори час.Обвинителство: На 24.11.2023 бил направен обидот за грабнување на Вања, тоа го слушнавме од многу искази тука, така?Обвинетиот Ѓорчевски: Да.Обвинителство: На 27.11.2023 понеделник, Вања по исклучок треба да оди сама на првиот училишен час, така?Обвинетиот Ѓорчевски: Да.Обвинителство: За тоа дека Вања ќе оди сама, а Миња ќе оди од вториот час, се знаело од неделата вечерта, на 26.11.2023 година...?Обвинетиот Ѓорчевски: Постои комуникација помеѓу мене и Зорица каде го дискутираме.Обвинителство: Сепак Миња на 26.11.2023 година недела вечерта, е известена за тоа дека на 27.11 понеделник дека ќе оди на втор час?Обвинетиот Ѓорчевски: Ќе повторам мислам дека во саботата знаевме, и дискутиравме со Зорица. Бидејќи и претходната недела беше отсутен класниот наставник, и ги губеа сите часови со неа.Обвинителство: Но требаше  да се врати во понеделникот?Обвинетиот Ѓорчевски: Да, така не извести првично, но потоа ни рече дека ќе отсуствува и оваа недела.Обвинителство: Значи дека од сите обвинети овде дека Вања на 27.11 понеделникот дека ќе оди сама на училиште?Обвинетиот Ѓорчевски: Не знам што знаеле другите обвинети, јас знаев.Обвинителство: Вечерта на 26.11 недела точно ли е дека пративте порака во ‘дискорт’ групата во 21.20 часот, цитирам, ‘Утре ќе биде ѕивра, извадете уште сега алишта сабајле да не губите време, извадете уште сега.... плус блуза, плус јакни, ракавици не мора ако каде да ги брцнете рацете’, оваа порака сте ја препратиле и на Зорица во 22,35 часот. Со пораката сакавте да ги спремите децата дека ќе одат на планина, а не на училиште?Обвинетиот Ѓорчевски: Не се сеќавам точно за минути за часови, личи на мене тоа што го кажавте, не знам до збор како сум им пренел, меѓутоа суштината била да се облечат топло, затоа што тој ден навистина за прв пат беше најавуван како најстуден ден тоа зимо, познавајќи ги децата дека нема да ме фермаат ја препратив пораката и кај Зорица, за да ги наговори да се облечат топло за на училиште, а не во ски-комбилизони како што тука прејудицирате за на планина. Згора на се, како што претпоставував, и јас и Зорица, они беа во тинејџерски години, не ме послушале ниту мене ниту Зорица, и си се облекле фенси а не топло.Обвинителство: Иако сте ги известиле со пораката, дека ќе биде ладно, на 27.11.2023 како пожртвуван родител, како што велите дека сте биле, не отидовте утрото да ги однесете децата на училиште?Обвинетиот Ѓорчевски: Помислив на тоа, ми дојде таа идеа меѓутоа Зорица имаше став дека треба да престанеме да ги галиме и размазуваме, иако се јавив да и се понудам знаев каков ќе беше нејзиниот одговор. Што се однесува до мене, да немаше таков однос од страна на Зорица, ќе идев ќе ги земев и ќе ги однесев на училиште. Тука има само уште еден момент, кога помислив да ги носам, целосно имав заборавено дека Миња е од втор час.Обвинителство: На 27.11 Зорица ви се јавила дека Вања ја нема, дека вие веднаш сте се облекле и сте се нашле пред зградата пред Зорица, за вас е својствено секогаш да доцните, да биде поспан. Не е својствено да функционирате така рано од сабајле. Како тогаш, успеавте толку брзо да станете и да се спремите и да се симнете?Обвинетиот Ѓорчевски: Не знам од каде ви е овој заклучок, дека било својствено да доцнам, можеби не сум стасувал бидејќи сум имал обврски и не сум стасувал навремено да сменам две пелени, да облечам две деца, да ја изгасам ринглата каде што се готвела манџа и не се стигнувало можеби на некој роденден. Кога преземав пола од обврските, ги поделивме со Зорица, не сум задоцнил ниту секунди. За пауза на работа, за половина час, ќе стасав да идам до АХВ, да заверам сертификат, до Стопанска комора, и да стигнам до училиште да ја преминам Миња преку раскрсница и да се вратам на време на работа. Што се однесува до сабајлето, јас бев толку избезумен, што и гол да се симнев немаше да биде невообичаено.Обвинителство: Што значи дека на 27.11 вие бевте станати и подготвени, облечени така?Обвинетиот Ѓорчевски: Не, не е така, јас бев во кревет по долна облека, а Зорица ја ставив на спикер додека ми објаснуваше како класната ја известила дека Вања не е дојдена.РАСПИТОТ Е ВО ТЕК.

Македонија | пред 1 година

(Видео) Адвокатот на Палевски: Пострашно е да браниш педофил, отколку убиство на дете

Адвокатот Јовица Страшевски, бранител на Љупчо Палевски-Палчо кој е обвинет за убиствата на Вања Ѓорчевска и Панче Жежовски во „Претрес со Ландов“ вели дека за него е пострашно да се брани педофил отколку убиец на дете.„За мене ова е многу бизарно и просто прашање, затоа што јас сум адвокат на сите кои ги бранам или сум полномошник во таа постапка. Јас имам и за три-четири убиства.. Значи јас работам како адвокат, не ги делам странките на вакви или такви. Има мои колеги кои бранат педофили, што по мене е поопасна работа некое дете цел живот да има трауми, да браниш педофил, отколку да браниш убиство, за мене е пострашна работа. Детето да остане живо и да има трауми од педофил кој го нападнал...“, рече Страшевски.Прашан од водителот: „Педофилија е пострашно од убиство на дете“, адвокатот Страшевски одговори: „За мене да“.https://www.youtube.com/live/VgO5UF9EzMo?feature=shared

Македонија | пред 1 година