ВАЊА

(Видео) Не очекувам обвинителот да се предаде, а докази против Александар - нема, порача адвокатот Туфегџиќ

Адвокатот Владимир Туфегџиќ, откако неговиот клиент Александар Ѓорчески сведочеше како обвинет во постапката за убиството на Вања Ѓорчевска и Панче Жежовски, рече дека не очекува јавниот обвинител да се предаде, што би требало да значи, повлекување на обвинение. Порача дека Ѓорчевски е спремен да одговори на секое прашање на идното рочиште, кое е закажано за во петок.„Јас не очекувам дека јавниот обвинител така едноставно ќе се предаде. Јасно му е на Јавното обвинителство дека аргументи и докази против Александар – нема. Она на што тие одат дека се аргументи и докази – не можат да бидат докази и аргументи во кривична постапка. Реален доказ против Александар не е изведен. Оставам на совеста на Јавното обвинителство како ќе одлучи, а секако конечната одлука ќе ја има судот“, рече Туфегџиќ.Тој посочи дека нема причина за да не му верува на Ѓорчевски, одговарајќи на новинарско прашање за обвинувањата од обвинетиот кон инспекторите кои изјавија дека тој бил незаинтересиран во потрагата по неговата ќерка.Тој додаде: „Јас му верувам на Александар и треба да му се верува на Александар бидејќи токму по однос на полициските службеници, даде многу јасен и категоричен опис акко и на кој начин постапувале и го потврди она што јас како бранител го тврдам од прв ден, тоа е немање на унифицирани стандарди за постапување во ваков случај“.

Македонија | пред 1 година

Таткото испратил порака кон Вања за да ги контактира киднаперите: Инспектор ме обвини деја јас сум и ставил селотеп, а што се случило дознав дури во Обвинителство

За да ја најде Вања, таткото кој сега е обвинет, Александар Ѓорчевски, сведочи дека правел сѐ што ќе му текне. Бил свесен дека полицијата се сомнева во него. Во неговиот исказ посочи детали од деновите кога Вања и натаму се водела како исчезната.„Направив сѐ што ми текна. Барав помош од КФОР, Интерпол, пријатели во МВР, Амбасадата на САД. Кога ми текна дека киднаперите на Вања можат да го вклучат телефонот за да нѐ контактираат, пратив порака, за да ја видат. Во пораката напишав дека ќе направиме сѐ што ќе побараат. Зорица беше избезумена. Двајцата се трудевме да бидеме смирени пред Миња, заедно со неа обезбедувавме снимки. Се јавуваа разноразни ојасновидци, па доби и порака дека Вања е најдена во Косово. Луѓе се нудеа да дадеме облека од Вања, па да кажат каде е“, сведочеше Александар Ѓорчески.Тој одговараше и на прашањето, како ги поврзале двете возила – „рено кангу“ и „цитроенот“ од исчезнатиот велешанец.„Не се сеќавам дали беше среда вечер или четврток, Гоце ми покажа на неговиот телефон слика од постар човек со бела коса, од неговата ќерка која објавува дека татко и е исчезнат заедно со автомобилот. Гоце помисли дека тој човек ја има киднапирано Вања, јас се обидов тоа да го пренесам на инспекторите, меѓутоа не смеев да ги откривам идентитетот на човекот од ‘Сејф сити’, но бидејќи инспекторите Дејан и Muzafer ми се жалеа дека цело време тапкаме во место, а кај нив се наоѓаат сите инструменти за пронаоѓање на Вања а не кај мене, му се јавив на Дејан се обидов да му посочам, на суптилен начин дека е исчезнат човек од Велес и дека можеби е некој педофил па да проверат.Ѓорчевски продолжи: „Инспекторот Дејан ми рече, не се прави дека не знаеш, сега ти нам ќе ни кажеш што се случило. Ги имаше зафатено еуфорија, инспекторот Кире викаше на цел глас со 100 нула ве победивме, инспекторот Дејан Димовски, почна да ми поставува апсурдни обвинувања, дека ја сум и ставил селотејп преку устата, дека цело време сум знаел што се случува, дека сум ги влечел за нос, паралелно со апсурдните обвинувања, имаше и физичка тортура, која не ја приметував, бев парализиран како дух, едноставно поминуваа ударите врз мене, и на секое мое прашање добро луѓе кажете што се случило, ми одговараа дека јас сум тој што треба да им каже. Велеа дека во другата просторија, киднапирите се признале, се отпеале, се сѐ знае, дека само уште јас дека треба да признаам, не знаев што треба да признаам, ги прашав за кои луѓе се работи, они ми рекоа дека не ги знам. Дека сум се договарал само со монструмот. Им реков не познавам монструм, кој е тој? Ми одговорија Љупчо Палевски. ‘Човекот кој ја правел зградата’, реков јас, они иронично ми рекоа ‘не се прави дека не знаеш’. Навистина не се сеќавам на тие моменти, какви сѐ детали би можел да ви посочам сега во моментов, затоа што бев стварно парализиран од душевна болка, иако никој не ми соопшти што се случило човечки и отворено“.Сведочеше и како сведокот Гоце Трајковски ја вршел работата на полицијата и обезбедувал снимки од надзорни камери.„Паметам дека инспекторот Музафер, на кого Гоце му обезбедуваше снимка од Макпетрол од Велес, бидејќи ако оделе по службен пат многу време ќе требало, Гоце ја обезбеди од некој братучед кој рече да не го кажуваме за да не ја изгуби работата, инспекторот Музафер насетуваше и знаеше дека ние сме чекор пред нив кое е возилото со кое е киднапирана Вања, од социјалните мрежи дознавме дека е запалено во село Бразда, а полицијата официјално добила соопштение после два дена. Тоа инспектор Музафер го предочи на Дејан и Кире, они добивале од ‘Сејф сити’ од братучеди и полицајци, им рече ‘не го тепајте може стварно нема врска’. Не се сеќавам ни колку време помина, бев парализиран. Ме симнаа во едни како  ќелии, потоа ме однесоа во затвор, и таму добро ме обработија. Докторот се преплаши и ме пратија на Торакална неколку пати. Првпат, што се случило дознав од обвинителот Жаклина кога давав исказ со адвокатот. Првпат.Тој на крајот од испрашувањето на Туфегџиќ, додаде: „Стојам зад се што сум кажал до сега, и пред инспектори, и пред јавниот обвинител Жаклина, кај неа мислам два пати бев спроведен. И се уште стојам на располагање, спремен сум да одговарам на кое било прашање од  било кого“.

Македонија | пред 1 година

Таткото на Вања: Немам поврзаност со овие луѓе за кои приметив дека не се каат, туку се разочарани од „царот“

Обвинетиот Александар Ѓорчевски, татко на убиената Вања, за првпат прозборе пред судот за деновите кога трагал по неговата ќерка, но и за сите детали од истрагата. Прв, прашања му поставуваше неговиот бранител, Владимир Туфегџиќ.Адвокатот Владимир Туфегџиќ: Дали денеска се чувствувате спремен и согласен да дадете исказ пред судот за овој настан?Обвинетиот Александар Ѓрочевски: Психички не сум сигурен колку сум подготвен, но сум согласен да дадам исказ и го чувствувам како обврска. Од почетокот на судењето реков дека се ставам на располагање на судот, поради неколку причини, пред се заради Вања, затоа што во текот на истрагата и тука во судницата беа изнесени ноторни невистини во врска со нејзе, на кои сакам да има порачам дека тато е истиот тој човек кој од пред 4-декември и од тогаш навака се претставува во екстремно спротивно светло од  она што сум. Се решив да соберам, да ги потиснам емоциите за да можам да го дадам овој исказ, да соберам сила, храброст и поради сите  оние кои ме познаваат и страдаат заедно со мене, но и поради сите оние кои не ме познаваат да ја кажам мојата страна на вистината, мојата приказна, дека немам апсолутно никаква инволвираност со овие луѓе од чии искази во текот на постапката приметив дека не чувствуваат ниту вина ниту покајание, приметив дека демонстираа гнев и разочарување од т.н. „цар“. Одновно и одново со секое рочиште слушам што му правеле на моето дете. Кој имал задача да ја грабне, кој да ја врзува, ја трескале по гепеци, ја ставале во вреќи, психички и вршеле тортури, се обидувале да ги замачкаа доказите како и за првото убиство за тој велешанецот Панче, и заташкаат, Господ знае уште колку убиства ќе направеле и киднапирале. За себе сметам дека дадов голем придонес во истрагата во која како соучесници контактите на Гоце Трајковски од полицијата и ‘Сејф сити’. Ќе повторам, ако не беа фатени, ако не беа сопрени, не приметив дека кај нив има вина и покајание, и дека ќе престанале со дејствата“.Адвокатот Владимир Туфегџиќ: Дали ги познававте лицата Љупчо Палевски, Велибор Манев, Влатко Кешишев и Боре Видевски од порано?Обвинетиот Александар Ѓрочевски: Ниту ги познавам, ниту додека траат рочиштата можам да ги гледам, додека траат рочиштата претежно мижам. Затворени ми се очите, не можам да ги гледам. Во минатото, не се сеќавам од која временска дистанца, се крена врева поколу објектот Тифани во чија непосредна близина живеам јас и тогаш за прв пат слушнав за Палевски, меѓутоа не како Палевски туку меѓу нас комшиите го нарекувавме Упа. Го немам видено на ТВ ниту запознаено. Во коментарите со комшиите се говореше дека е голем бизнисмен, дека му го стопирале објектот затоа што наводно ‘Партизански одреди’ биле блокирани со самиот објектот, јас така паметам, не ми било важно, но сме коментирале. Тогаш дознав дека живее во близина на ‘Песталоци’ во голема куќа го голем двор, луксузно и наводно имал куче. Само сум слушнал за него. Исто така Зорица со родителите во периодот кога почнавме да се забавуваме, живееше во зграда која што позната како зградата на Упа, спроти фонтана, не знам како придонел во зградата, бидејќи сите знаевме дека е градена од комшија Страшо, газда на Бетон или Гранит, не знам точно. Дури го имав помешано со еден човек со многу понизок раст од него, Тоше, кој дознав дека е друг, со фирма Линк. Така го викаа Тоше Линк.Адвокатот Владимир Туфегџиќ: Кога се прв пат дознавте за имињата на овие луѓе?Обвинетиот Александар Ѓрочевски: За Љупчо Палевски дознав кога ме задржаа во станица. Цело време ме прашуваа како сум комуницирал со него, што сум договарал а за останатите имињата ми беа кажани, но и ден денес ги мешам, ми беа кажани од обвинителката Жаклина во присуство на мојот адвокат.Адвокатот Владимир Туфекџиќ:  Дали сте биле нарко зависник?Обвинетиот Александар Ѓрочевски: Релативно краток временски период во раните 90-тите поточно од 1993 до 1995 година. Мојата генерација ја зафати епидемија од нарко зависности. Не се гордеам со тоа, мене ме зафати и јас потклекнав меѓутоа веднаш штом почувствував дека сум заразен од супстанцата, побарав помош од семејството, им се поверив, иако тоа беше забележително, се гледаше, не беше тајна сите мои колеги тоа го приметуваа. Физички слабее човек. Сам најдов клиника во Турција, каде што бев се детоксицирав, 10 дена траеше третманот, и потоа следеше период на ресоцијализација кој за мене помина многу брзо, бидејќи имав поддршка од семејството имав разбирање од работодавците кои би дадоа неплатен одмор од три месеци, имав девојка, со еден збор имав живот на кој повторно му се вратив. Од тогаш до ден денес, не сум имал контакт со никаква нарко супстанца.Адвокатот Владимир Туфегџиќ: :  Кажете ни дали бевте вработени и доколку сте биле, каде?Обвинетиот Александар Ѓрочевски:Накратко, од својата 18-година работам. На времето беа популарни студентските задруги имав многу ангажмани преку студентските задруги, во туристичка агенција, фри-шоп, штедилница, прво вработување на неопределено работно време ми беше во Фершпед АД каде работев од 1993 до 2002 година потоа преминав во Кометал, во еден сектор од корпорацијата за инженеринг, кога се родија дечињата. Вања беше захтевно бебенце имаше грчеви, слаба и беше крвта бараше 24 часовен ангажман околу нејзе нѐ повикуваше со плач постојано, со Зорица се обидовме да земеме жена да платиме за испомош, не се покажа добра идејата, бидејќи Зорица имаше поголема плата од мене, решивме јас да останам дома и да ги чувам децата. Бидејќи разликата помеѓу нив е 1 година и 4 месеци. Тоа траеше до 2017 или 18- кога се вратив во Фершпед, каде што ми беше кажано дека таму за мене вратите секогаш се отворени. Истото важеше и за Кометал.Адвокатот Владимир Туфегџиќ: Дали имавте долгови?Обвинетиот Александар Ѓрочевски: Апсолутно не сум имал никакви долгови, можеби во периодот кога сум бил нарко зависник, имавме можности во Фершпед да земаме краткотрајни позајмици додека да стаса платата, меѓутоа тоа го правеа сите вработни. И да сум имал долгови, веднаш сум ги вратил, немам специјални и луксузни барања, скромен човек не сум познат како трошаџија.Адвокатот Владимир Туфегџиќ: Каков беше вашиот однос со децата?Обвинетиот Александар Ѓрочевски: Односот беше љубов на прв поглед. Поготово со Вања. Јас ги чував малечки. Се грижев околу нивната исхрана додека беа болни, ги анимирав, бевме среќно семејство. Постојано знаев каде се, бев загрижен родител, и кога пораснаа со Зорица ги имавме на ‘гугл мапс’ и во секое време знаевме каде се движат. Иако и они самите ако решеа да сменат локација, обавезно ни се јавуваа да не известат за тоа. Беа интровертни, добро воспитани, ангели, кукли, дури и кога ќе останеа сами после училиште кога ќе го напуштеа друштвото, обавезно се јавуваа или кај мене или кај Зорица, телефонски им правевме друштво на патот до дома.По ова, следуваа прашања за една недела Вања да биде киднапирана.Адвокатот Владимир Туфегџиќ: Што правевте една недела пред 27.11.2023 година особено во деновите од петок до недела?Обвинетиот Александар Ѓрочевски: Тој период бев слободен, неврабитен, отказ дадов во Фершпед, и со самото тоа обврската со децата ги преземав јас. Тоа ми беше рутината за целата недела, не можам точно да се сетам кој ден што сме правеле, но се сеќавам за саботата. Можам да ви го опишам тој ден. Беа кај мене на ручек, поручекот добија понуди од друштвото и двете да излезат вечерта. бидејќи надвор почна да роси, да врне, преземав обврска да ги разнесувам со кола. Двете ги однесов кај Зорица и бидејќи имаше порано договорено состанок, да ја почекам во колата додека да се спреми, и ја однесов во ‘Дајмонд мол’ каде што се чекаше со друштвото. Потоа се вратив ја земав Миња ја однесов на договореното место кај Католичка црква, таму тие го променија мислењето, и решија дека сакаат да одат во ‘Сити мол’. Миња на шега баш ми кажа, значи тато ти и мама, ми сте како ‘убер драјвери’. Ја однесов Миња во ‘Сити мол’. Бидејќи помина повеќе време од кога ја оставив Вања во ‘Дајмонд’, а јас бев излезени и се јавив да ја прашам дали можеби можат да ме искористат бидејќи секако сум излезен не сум прибран дома, да ги пренесам на некоја друга локација. Вања се консултираше со девојчињата и решија да ги земам и да ги однесам во ‘Сити мол’. Потоа се прибрав дома. Децата имаа време за излегување до 10 часот исто така и нивните другарчиња. Околу 9 и 20 приметив дека Вања пешки го напушта ‘Сити мол’ а надвор веќе почна да снежи. И наеднаш ми стана офлајн на апликацијата. Веднаш и се јавив на Зорица. Ми рече ‘не се секирај тато знам зошто ми се јавуваш Вања ми се јави од телефонот на Ина, и снемало батерија и си доаѓа накај дома’. Во истиот разговор Зорица ме замоли кога ќе одам да ја земам по пат да и купиме и цигари, и така и бидна. Пред 10 часот Миња ми се јави дека го напуштила друштвото кај Универзална и бидејќи е проблем со паркингот кај Универзална, се договоривме пешки да дојдам кај Силбо да купиме цигари и да ja допратам до дома. Во неделата, сите до покасно поспавме, децата кај Зорица, јас кај мајка ми. Сме слушнале сигурно, сме комуницирале на платформата ‘Дискорт’, заедно со внук ми каде се дружевме кога не беа кај мене. Само заради нив ја имав симнато апликацијата, они нон стоп висеа на неа. Миња попладнето излезе, околу 6 часот, мислам дека беше можеби подоцна, ги испратила сите другарки, во околината кај Песталоци и ми се јави да дојдам да ја земам оти останала сама. Јас и предложив да вклучи камера, да го држи телефонот пред себе и да се упати накај дома за да не ме чека 15 минути додека дојдам до нејзе. Си разговаравме додека се движеше накај дома, и безбедно се прибра дома“.Распитот е во тек.

Македонија | пред 1 година

(Видео) Нѐ убедуваа дека Вања избегаала во Тетово, па во Шведска, па дека е регрутирана за ИСИС - ме правеа ретардиран!, сведочи Ѓорчевски за полицијата од истрагата

Таткото на убиеното девојче Вања Ѓорчевска, обвинетиот за помагање, Александар Ѓорчевски, пред судот раскажа за денот кога неговата ќерка е грабната од пред излезот од зградата во која живееше, а подоцна и убиена.Адвокатот Владимир Туфегџиќ:  Кажете што се случи на 27.11.2023-та година?Обвинетиот Александар Ѓрочевски: Се случи лудило. Добив телефонски повик од Зорица со растревожен глас, ја цитирам ‘Сашко Вања ја нема, ја нема Вања’ јас го ставив телефонот на спикер и веднаш почнав да се облекувам. Зорица рече дека се движи кон мене и да се најдеме доле. Кога се симнав, свртев повторно, ја здогледав. Уште пред да се симнам ја отворив апликацијата каде што видов дека Вања последно ја евидентирал кај ‘Хаус Гарден’ пред раскрсницата со Рузвелтова и веднаш знаев дека нешто не е во ред, бидејќи беше офлајн што значи дека го исклучила телефонот или е онеспособен. Истото го констатиравме заедно со Зорица кога се најдовме пред зградата, Зорица ме праша дали да пријавуваме во полиција, и реков: ‘апсолутно пријавувај а во меѓувреме да се движине кон колата’. Кога стасавме кај колата, утрото беше ладно, минусни беа температурите, јас ја запалив колата и со прскалките ја одмрзнував. Зорица влезе во колата, мислам дека разговараше со колешката со која заедно оди на работа, и дека и рече да најде слика од Вања и веднаш да објави по социјалните мрежи. Со Зорица се упативме кај местото кај ‘Хаус Гарден’, бидејќи на ‘Партизанска’ не може да се запре возилото, влеговме во блокот од улички, кој што се наоѓаат под Партизанска а каде што последен пат телефонот на Вања емитувал сигнал. Тука излеговме од автомобилот, тоа беше една слепа уличка, Зорица се качи по скалите и искочи горе на ‘Партизанска’, а јас приметив веднаш од десната страна на возилото, напуштена куќа без прозорци и влегов внатре да ја пребарам. По извесно време, Зорица се симна кај колата, и ми се јавија од полиција да дојдеме да се вратиме пред зграда кај мене за да дадеме изјави. Се вративме пред зграда двајца полицајци, разговараа со нас, не се сеќавам што, бевме и двајцата избезумени, ги прашав дали пратиле екипи каде што Вања беше последен пат евидентирана. И тогаш Зорица ми кажа дека им се поклопува на Вања и Миња часот по физичко дека им е заеднички час, дека Миња ќе примети дека ја нема Вања, и реши она да оди да ја земе Миња и да соопшти а јас да се вратам на местото каде што веќе бевме со Зорица. Кога пристигнав таму, веднаш приметив полицајци во цивил беа, им пријдов, потврдија дека се полицајци, јас им кажав дека сум таткото, и заедно со нив барав, по соседните подземни гаражи и влезови. Таму веќе пристигнат и чичко и на Зорица, со точак, со насолзени очи, Зорица го известила, побарала помош од него, и тој ја пребарувал куќата. Ме праша ‘Саше што е работата?’. Му кажав Вања ја нема, ако не ја најдеме - мене ќе ме нема. Полицајците во цивил рекоа дека сѐ што можело да се пребара во околината е пребарано. Мене ми се вртеа во глава безброј сценарија. Едно од нив дека ја има удрено кола, и дека некој совесен возач ја ставил во кола и ја однел во болница. Имам братучед кој работи во ‘8ми Септември’, му вртев но не ми одговори. За кратко време ми се јави, ми кажа дека бил на визита, јас му објаснив што се случило и ми кажа веднаш да одам кај него. Oтидов пред боницата, инсистираше да влезам да ми даде нешто за смирување, ми кажа каде да се смирам. Влеговме во една просторија, каде проверуваше  по урегентитните центри дали утрината е хоспитализирано повредено девојче. Исто така се јавивме во Kлиниката на Водно, кај заеднички другар, и таму ни дадоа негативен одговор. Ја немаше никаде по болниците. Не ме држеше место, морав нешто да правам. Братучед ми инсистираше да останам таму, но не го послушав, излегов и влегов во кола. Наредно сценарио беше дека некои заостанати пијаници или наркомани, или дилери во Дебар маало, ја повлекле во кола се упатиле по Партизанска ја повлекле од лудило од каприц, и дека можеби ќе ја пуштат по пат. Исто така едно од сценаријата кое ми се моташе низ глава беше дека Вања е киднапирана и прво што ме фати страв е да не ја изнесат од државата. Од колата пред болницата почнав да вртам по телефони. Прво ми текна да се јавам кај секретарка кај поранешен функционер во полиција, за преку нејзе ги извести колегите на граничните премини да се проверуваат возилата. Таа не ми одговори веднаш, па свртев кај незиниот сопруг, кој е мој бивши колега од Фершпед, на кој му кажав дека ми се случува најлошата ноќна мора и дека за тоа ја барам неговата сопруга и таа подоцна ми се јави. Ми кажа дека е пренесено, да не се секирам од тој апсект, дека наводно на граничните премини имало и ренгени. Дека после нејзиното јавување ни мува нема да може да премине. Решив да тргнам кон преминот Блаце, така и ми беше наместана колата, свртев десно од 8ми Септември, па лево кај Палас, па дури и прекршок мислам дека направив, имаше голема гужва и свртев полукружно назад, па се вратив на претходно сценарио од Партизанска кон Ѓорче Петров дека некаде по пат ќе ја најдам. Од Ѓорче Петров се стори крајот на Сарај, затоа што во меѓувреме разговарав на телефон, на секои 2 минути вртевме со Зорица кај Вања, Зорица ги известила родителите. Почнав да добивам пораки на вибер групата. Имаше една порака, дека е паметно да се прегледуваат камери за патот кон училиште, тоа ми е виде многу пологично, од бесцелното возење, и тргнав накај Центар“.Адвокатот Владимир Туфегџиќ:  Каков беше односот на полицијата?Обвинетиот Александар Ѓрочевски: Со амонизитет. И сомнеж кон мене. Они тапкаа во место уште од самиот почеток, ми покажуваа слики од девојчиња, да потврдиме дали тоа е Вања, нѐ убедуваа дека не си го познаваме детето, дека Вања избегала, со некој дечко накај Тетово, дека се решила да помине пат од 4 илјади километри до Шведска кај другарче од платформата Дискорт, нѐ прашуваа колку станови имаме, не чие име се водат, колку возила поседуваме, а кога ќе споменавме дека Вања не е отидена по своја волја, во правец спротивен од училиштето појавува и агресија кон нас. Имаше еден инспектор, Владимир се викаше. Тој беше задолжен за распит на децата. Се наоѓавме во мојата кола, се враќавме од претходна посета кај мајка ми со Владимир бидејќи сакаа да го погледнат и тој стан, но одговорот дека тоа не Вања на сликата, ми се развика дека не можам да си го познаам сопственото дете, каков татко јас сум бил. Тоа било слика на некое девојче снимено од камера во некоја мобилара, и он беше убеден дека тоа е Вања, и отишла да си го поправа телефонот. Подоцна го приметив дека бара потврда и до Зорица по истата слика. Од комјутерот на Вања дознаа дека со другарче од платформата Дискорт разменувале мислења и ги споредувале Библијата и Куранот. Па нѐ убедуваа дека се регрутила наводно за ИСИС и отпатувала во Шведска. ИСИС-јас и не знам што е тоа. Еден од испекторите, Кире се викаше, зборуваше на дијалект од источна Македонија, на еден од долготрајните состаноци во полициска станица. Му се обратив со повисок тон, цитирам, на неговиот дијалект „Киднапирана е Кире, киднапирана е“. Не е по своја волја скршнала од патот кон училиште“.Ѓорчевски рече дека на еден од состаноците со полицијата: „испекторот Музафер ми рече ајде малку да се повозиме. Ме правеа ретардиран во целата таа ситуација, а да не зборам дека цело време во погрешна насока ја водеа истрагата. Што правиш, кај ги молиш да ти го најдат детето, да бидеш некултурен... му реков во ред“.Судијата даде пауза, па продолжува распитот од адвокатот Туфегџиќ.ПРЕТХОДНО:

Македонија | пред 1 година

Таткото на Вања ќе сведочи како трагал по ќерка му, за да го убеди судот дека не помагал на групата на Палчо

Таткото на Вања, Александар Ѓорчески, обвинет за помагање на групата која ја грабна неговата ќерка, ќе сведочи пред судот. Тој ќе даде своја одбрана, а ќе го испрашуваат неговиот адвокат Владимир Туфегџиќ, обвинителките, судот. Тој ќе треба да објасни што правел критичните денови кога неговата ќерка ја немало, како и да ја сузбие теоријата на Обвинителството дека дал информации кога убиеното девојче ќе излезе од дома, за да може да биде киднапирана. Со овие тврдења, обвинителките тргнаа да докажуваат вина кај Ѓорчевски, иако во текот на судењата сите обвинети кажаа дека не го познаваат, ниту имале контакт, а ниту слушнале Палевски да има контакт со него. Обвинението за него, дојде и по тврдење на еден инспектор кој бил вклучен во потрагата, дека Ѓорчевски се однесувал „чудно“ и дека постојано велел дека неговата ќерка е киднапирана.На првото одржано рочиште обвинетите Љупчо Палевски, Боре Видевски, Велибор Манев и Влатко Кешишов, како и таткото на девојчето, Александар Ѓорчевски се произнесоа дека не се чувствуваат виновни.Според обвинението, тие заедно испланирале грабнување на 14-годишното девојче со цел да присилат член на нејзиното потесно семејство да даде парични средства за откуп. Додека, грабнувањето на оштетениот Панче Жежовски во Велес било со намера да го присилат да им го даде сопственото возило „Цитроен“ за да го користат за грабнување на детето во Скопје.Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.Судењето го води судијата Ивица Стефановски, а застапник на обвинението е обвинителката Жаклина Крстевска.

Македонија | пред 1 година

Кешишев ја „одмотува“ мрежата со негови тврдења за Вања; Туфегџиќ: Се разговарало ли за грабнување на повеќе лица, пред грабнувањето на Вања?

Судењето за убиствата на Вања Ѓорчевска и Панче Жежовски, продолжија со испрашување на обвинетиот Влатко Кешишев. Прв започна адвокатот Бојан Манев, бранител на обвинетиот Боре Видевски, кој во Обвинителство призна вина, а пред судот посочи дека ниту учествувал, ниту знае нешто за убиството на двете лица.Адвокатот на Боре Видевски, Бојан Манев: Од каде тргнаа и по која рута се движеа за време на убиството на Панче Жежовски?Обвинетиот Влатко Кешишев: Во Велес јас ги чекав кај пругата, кај црниот паркинг. После саат време мислам дојдоа кај мене, ставивме гориво во ‘цитроенот’ потоа влезе Вилибор со мене во ‘кангуто’ за да ми кажува по кој пат да возам. По нас доаѓаа Палчо и Боре со цитроенот. По стариот пат Велес-Скопје, стигнавме до самиот пункт, Вељо излезе од ‘кангуто’ и појде со нив, со ‘цитроенот’ до јамата. Ги чекав околу пола саат и потоа дојде Велибор, седна покрај мене во ‘кангуто’ и ми кажа каде да возам. Се спуштивме покрај самиот пункт да излезе на автопатот и ми кажуваше каде да возам. Се приклучивме на стариот пат за Катланово, по нас доаѓаа Палчо и Боре со цитронот. На растојание. Бидејќи имаа комуникација со моторолите. И стигнавме до првата населба, Маџари мислам се вика и ми кажаа: ‘на паркингот’. И тогаш стигнаа Палчо и Боре се паркираа позади нас. Палчо ги избриша возачот и мењачот во ВД 40, потоа влезе во кангуот покрај него беше Боре, а позади бевме јас и Вељо.Адвокатот на Боре Видевски, Бојан Манев:  Кога стигнавте во Велес каде се наоѓа тој паркинг плац и дали ги поминувате бензиските пумби?Обвинетиот Влатко Кешишев: Ние не влеговме во Велес, последниот тунел каде што е пред Велес, по индустриска зона и таму стигнавме до тој плац, каде што е блиску до пругата. Но не сме влегле во Велес.Адвокатот на Боре Видевски, Бојан Манев:  Во својот исказ кажа дека после убиството на Вања он ги фрлал лопатите. Може ли да појасни каде ги фрлал?Обвинетиот Влатко Кешишев: Од кога излеговме од местото, се приклучивме на асвалтот, имаше едно 500 метри од патот. Ми кажа мене Палчо да ги фрлам во еден дол со капини. Јас ги фрлив, мене ми рекоа.Адвокатот на Боре Видевски, Бојан Манев:  Дали пред убиството на Вања биле во обиколка на зградата каде што живее девојчето?Обвинетиот Влатко Кешишев: Не сум бил на обиколка, првиот пат кога се проба, вториот пат кога се изврши сум бил, инаку не сум бил во обиколка а не знам дали биле они.Адвокатот на Боре Видевски, Бојан Манев: Дали знае колку влеза има зградата?Обвинетиот Влатко Кешишев: 2, од каде да знам.Потоа, прашања поставуваше и адвокатот Владимир Туфегџиќ, бранител на обвинетиот Александар Ѓорчевски, татко на убиената Вања.Адвокатот Владимир Туфегџиќ: Кажавте дека една година пред грабнувањата и настаните во Велес и Скопје сте биле присутни во штабот во Скопје каде се правеле планови за грабнување со кои не сте се согласувале, дали во ваше присуство имало разговори за повеќе лица кои требало да бидат грабнати пред да се донесе одлука за грабнување на особата во зградата во Скопје?Обвинетиот Влатко Кешишев: Знаев дека првиот пат кога ја ископавме дуппката дека ќе биде наметнета за киднапирање на луѓе, на човек, после тоа немаат разговарано за други работи до тоа што се случи во Панче. Да имав слушано муабети, не се правдам, не ме интересираше. Помина долго време од кога се правеше тој муабет а немаше ништо. Јас не се правдам, не но го сфатив тоа здраво за готово, се додека не се случија тие работи.Адвокатот Владимир Туфегџиќ: Кога се вративте со ‘цитроенот’ од Велес во Скопје кога за прв пат слушнавте договарање на друга особа?Обвинетиот Влатко Кешишев: Мислам дека тоа беше првиот пат кога немаше успех. Потоа вториот пат, се случи тоа.Адвокатот Владимир Туфегџиќ: На 15.12.2023 ќе кажете пред јавен обвинител: ‘По ден ипол околу пладне дојдоа Велибор и Боре, го донесоа ‘кангуто’ и тогаш се договараа за грабнување на особа женска а на која не знам. Дали тоа е точно?Обвинетиот Влатко Кешишев: Не се сеќавам точно, не ескивирам и не лажам за тоа.Адвокатот Владимир Туфегџиќ: Колку состаноци имало за грабнување на особата од зградата во Скопје?Обвинетиот Влатко Кешишев: Па не знам колку точно, неколку пати кога доаѓашe Велибор во штабот, се почнуваше таа тема.Адвокатот Владимир Туфегџиќ: Kолку временски траеле овие состаноци?Обвинетиот Влатко Кешишев: Јас не бев присутен до крај, не се правдам ама не знам колку долго.Адвокатот Владимир Туфегџиќ: Дали сте слушнале некои од присутните da разговарале со таткото на особата што треба да се грабне?Обвинетиот Влатко Кешишев: Не тука во судница слушнав прв пат, од Велибор или не знам кој.Адвокатот Владимир Туфегџиќ: Што мислевте вие зошто треба да се грабне таа особа?Обвинетиот Влатко Кешишев: Не мислев ништо, бидејќи не го сфатив сериозно тоа додека не се случи.Адвокатот Владимир Туфегџиќ: Дали знаевте или слушнавте од кого треба да се бараат пари за грабнатото лице?Обвинетиот Влатко Кешишев: Не знам тоа беше договор меѓу нив.Адвокатот Владимир Туфегџиќ: Дали ја видовте сликата од особата која требаше да биде грабната?Обвинетиот Влатко Кешишев: Не, кога се вративме во штабот на ФБ ја видов сликата од детето, до тогаш немав видено никаква слика.Адвокатот Владимир Туфегџиќ: Кога за прв пат дознавте за таткото на детето?Обвинетиот Влатко Кешишев: Кога го доведоа во притвор слушнав дека разговарале со таткото на детето. Во притвор слушнав дека се вика Александар.Дали вие еслушнавте или видовте како Љупчо Палевски како разговара со Александар Ѓорчевски? Не го слушам ниту го пратам со кого разговара.Дали знаевте дека пред зградата нема камера? Не знам, не сум информиран.Адвокатот Владимир Туфегџиќ: Дали денот кога е грабнато детето имавте мобилни телефони или само радио станици?Обвинетиот Влатко Кешишев: Никој немаше телефон беа само трите радио станици.Адвокатот Владимир Туфегџиќ: Каде го оставивте мобилниот телефон пред да тргнете да ја грабнете особата од зградата во Скопје?Обвинетиот Влатко Кешишев: Сите телефони мислам беа во штабот.Адвокатот Владимир Туфегџиќ: Дали слушнавте дека некој кажал дека некој кажал дека девојчето е погрешка грабното и дека не требало да биде грабното?Обвинетиот Влатко Кешишев: Не бидејќи бев на 20-тина метри поставен за стража и немав слушнато разговори.Адвокатот Владимир Туфегџиќ: Дали некој во ваше присуство пред убиството се јавил на мајката и таткото на детето?Обвинетиот Влатко Кешишев: Не знам, не сум видел не сум слушнал.Адвокатот Владимир Туфегџиќ: Дали по убиството некој ги спомена мајката и таткото на детето?Обвинетиот Влатко Кешишев: Не сите ќутеа, и јас.

Македонија | пред 1 година

Палевски го испрашуваше Кешишев кој му рече дека се плаши од него: Дали во ранецот, Палевски го носел пиштолот?

Првообвинетиот Љупчо Палевски-Палчо, го започна распрашувањето на обвинетиот Влатко Кешишев. На претходното рочиште, Кешишев побара Палчо да биде изваден од судницата, оти тој би бил причина за да сведочи невистини. Палевски во имениот на Кешишев бил запишан како „царот“, а во неколку наврати има сведочено дека го слушал сѐ што ќе му кажел. И на ова рочиште, Кешишев рече: „Уште имам страхопочит кон тебе“.Палевски најмногу време посвети да поставува прашања за ранецот кој претходно го споменуваше Кешишов. Меѓу првите прашања до обвинетиот му беше: Зошто кога ќе се спомене ранецот, Кешишов зборува за пиштол со кој се извршени двете убиства.„Претпоставувам дека пиштолот е во ранецот. Ако беше во тебе, на телото, ќе се препознаеше, ќе се видеше преку маицата. Затоа и претпоставувам дека пиштолот бил со моторолите во ранецот“, рече Кешишев.Првообвинетиот Љупчо Палевски-Палчо: Кажавте дека ме познавате 2 години, па ве прашувам во тој период слушнавте закани, навреде и уцени од мене кон вас?Обвинетиот Влатко Кешишев: Не, никогаш.Првообвинетиот Љупчо Палевски-Палчо: Во истиот тој период сте слушнале на посетители, членови да им се зкаанувам, навредувам или оценувам?Обвинетиот Влатко Кешишев: Не секогаш на другите им даваше совети, немам слушнато во периодот додека бев таму.Првообвинетиот Љупчо Палевски-Палчо: Во истиот период, било кога сте слушнале закана кон Велибор Манев?Обвинетиот Влатко Кешишев: Не никогаш.Првообвинетиот Љупчо Палевски-Палчо: Дали ви се пожалил Велибор дека е уценет од мене?Обвинетиот Влатко Кешишев: Не.Првообвинетиот Љупчо Палевски-Палчо: Забележавте дека Велибор Манев не по своја волја презима и извршува дејствија?Обвинетиот Влатко Кешишев: Какви дејствија?Првообвинетиот Љупчо Палевски-Палчо:  Дејствија кои ги споменавте во вашиот исказ. Поконретно: Дали за време на настаните забележавте дека Велибор Манев не по своја волја извршува дејствија?Обвинетиот Влатко Кешишев: Не.Првообвинетиот Љупчо Палевски-Палчо:  Кажавте дека сте биле домаќин во штабот, Може ли било кој да изнесува било што од штабот без јас да дадам дозвола?Обвинетиот Влатко Кешишев: Не, прво требаше да се праша Палчо пред да се изнесе и изнесе. Зад негов грб ништо не се работело, без да знае он.Првообвинетиот Љупчо Палевски-Палчо:  Штабот кој го споменавте имаше 80 м2 на двата ката, каде сте забележале ранец во штабот?Обвинетиот Влатко Кешишев: Не сум видел, не се сеќавам.Првообвинетиот Љупчо Палевски-Палчо:  Во штабот освен мојот пиштол кој ми беше одземен во ваше присуство 6 месеци пред настаните, сте виделе друго оружје?Обвинетиот Влатко Кешишев: Не знам, не сум видел. Не знам каде стоел ранецот, но главно Палчо го носеше.Првообвинетиот Љупчо Палевски-Палчо:  На монтираните видеа на ОЈО, на незаконски начин презентирани во судот, на инсертите каде носите ранец и гориво, се гледа Љупчо Палевски или Влатко Кешишев и Велибор Манев?Обвинетиот Влатко Кешишев: На тоа што видов, се гледам јас и Велибор,  кога ми кажа да го извадам ранецот од ‘кангуто’ и да го внесам во гаражата.Првообвинетиот Љупчо Палевски-Палчо: Кога последен пат сте го виделе или носеле плавиот ранец?Обвинетиот Влатко Кешишев: Мислам дека само тогаш беше.Првообвинетиот Љупчо Палевски-Палчо: На месноста Дупки го носевте ли ранецот?Обвинетиот Влатко Кешишев: Не јас цело време бев во ‘кангуто’, не сум видел ниту носел ранец.

Македонија | пред 1 година

(Видео) Година дена наназад пред убиствата на Вања и Панче се подготвувале грабнувања на луѓе, ова треба да нѐ загрижи, укажа Туфегџиќ и побара истражните органи да реагираат

Адвокатот Владимир Туфегџиќ го впери прстот во Обвинителството, оти не реагирале по сведочењата на дел од обвинетите во случајот за убиството на Вања Ѓорчевска и Панче Жежовски, дека грабнувања и убиства се планирале уште пред да се реализираат овие две. Во однос на обвинетиот Александар Ѓорчески, татко на Вања, вели дека и со исказот на обвинетиот Влатко Кешишев, кој рече дека за таткото првпат чул во притвор, се докажува дека тој нема никаква вина.„Уште еден сведок кажа дека година дена наназад пред случувањата во Скопје и Велес, се подготвувале грабнувања на луѓе и за такви активности кои сите нас треба да нѐ загрижат. Наместо Јавното обвинителство да тргнат во таа насока, ја дефокусираа истрагата со неоснованото обвинвање на Александар, а тоа е поради не поседување на унифицирани стандарди за постапување во ваков случај“, укажа Туфегџиќ.Тој додаде дека Обвинителството не постапило и по неговите пријави дека во странски држави се објавувале докази од постапката за убиството на Вања, алудирајќи на објавите од српскиот политичар Срѓан Ного.„Обвинителството не постапи ни по пријавите за тортура, ни по известувањето за објавување на дел од доказниот материјал од странска држава. Не добивме одговори на многу прашања. Се надевам дека ќе преземат нешто“, додаде тој.

Македонија | пред 1 година

Палевски во петок ќе го испитува Кешишев, откако тој го посочи за планер на убиствата на Вања и Панче

Првообвинетиот за планирање и реализација на убиствата на Вања Ѓорчевска и Панче Жежовски, беше вратен во судница откако обвинетиот Влатко Кешишев заврши со давање одбрана и одговарање на прашањата од судијата Ивица Стефановски и адвокатот Игор Ефтимов. Час и 10 минути, траеше читањето на исказот на Кешишев, а Палевски запишуваше рачно. Палевски побара судијата Стефановски да чита пополека за да може да запише сѐ, па судијата продолжи со побавно читање.Судијата Стефановски констатираше дека Палевски знае каков исказ дал Кешишев, додека пак, обвинетиот, рече дека запишал колку што можел и побарал во келијата во затворот во Шутка, да му се достави записникот за да може да направи прашања кои ќе му ги постави на Кешишев во петок.Со ова, заврши денешното рочиште.ПРЕТХОДНО:

Македонија | пред 1 година

Палевски бил „Царот“ во именикот на Кешишев, кој сведочеше дека извршувал сѐ што ќе било побарано од него

„Царот“, ова бил псевдонимот под кој бројот на Љупчо Палевски-Палчо бил заведен во телефонот на обвинетиот Влатко Кешишев. Тој не криеше дека правел сѐ што Палчо ќе побарал од него, односно извршувал секаква наредба.„По навика му бев послушен. Палчо ми кажа да не зборам многу, да ќутам и да бидам настрана“, сведочеше Кешишев кој претходно побара Палевски да излезе од судницата за да може да сведочи за убиствата на Вања и Панче, без да се цензурира.Тој посочи дека било посочено дека ќе има грабнувања на луѓе, но не и убиство. Овој исказ е ист како оној на Велибор Манев даден на претходните рочишта. Потоа посочи и: „Рекоа дека никој не смее да дознае за ова, бидеќи можат и глави да летаат“.Кешишев последен пат на телефон се слушнал со Палевски кога првообвинетиот беше во Турција, односно денот кога полицијата ја претресуваше канцеларијата на партијата „Десна“. Тогаш Палчо му рекол дека е во Турција, а кога слушнал дека врие од полиција во партиското седиште веднаш го прекинал повикот.Кешишев сведочеше и како истите лица, односно тој заедно со Палевски, Велибор Манев и Боре Видевски биле во пештера кај Демир Капија да копаат злато.„Вељо (Велибор) нѐ натера, тој и Боре влегоа во пештерата, јас и Палчо запаливме цигара покрај реката. Дојде полиција, ги претресоа Боре и Вељо, а го најдоа и пиштолот на Палчо“, рече Кешишев.Обвинетиот одговара на прашања на обвинителството, а потоа ќе треба да се соочи и со Љупчо Палевски и Боре Видевски кои негираат дека воопшто учествувале во двојното убиство.Претходно во детали сведочеше за грабнувањата и убиствата.

Македонија | пред 1 година

Кешишев за планот за убиството на Вања: Го смисли Палчо, тој имаше пиштол во рака, а мене ме викнаа за закопувањето

Обвинетиот Влатко Кешишев сведочеше дека го видел Љупчо Палевски-Палчо со пиштол во рака на местото каде Вања Ѓорчевска беше убиена и закопана. Кешишев посочи дека откако слушнал звук на истрел, го викнале да помогне во закопувањето на убиеното 14-годишно девојче.Адвокатот Игор Ефремов: Дали знаевте колку пари треба да се земат и кој треба да ги земе?Обвинетиот Влатко Кешишев: Не, еднаш му кажав на Палчо дека е непотребно такви работи. Меѓу нив беше договорот, меѓу Палчо, Вељо и Боре. Планот го правеше Палчо.Адвокатот Игор Ефремов: Каква беше вашата улога? (се мисли на планот за грабнувањето на Вања)Обвинетиот Влатко Кешишев: Беше да ја поместам колата до пред скалите (на зградата каде живееше Вања) и да го отворам гепекот и да седнам на совозачко седиште. Jас требаше да седам во цитроенот, да не го гасам да работи. Тогаш и јас имав моторола, јас Палчо и Вељо. Ми кажаа да го отворам гепекот. Јас тогаш излегов,го отворив, Вељо дојде прв носеше вреќа, ја стави во гепекот и отидовме. И отидовме до Бразда и тука заврши се“.Според Кешишев, возел Велибор Манев кого тој го нарекува Вељо. Позади нив седел Боре Видевски (каратистот). Палевски им се придружил кај позвожњакот кај Качанички пат.„И возеше пред нас, ние по него, за да стигнеме до местото“, рече Кешишев.Продолжи да сведочи што се случувало по грабнувањето на Вања Ѓорчевска.„Никој ништо не прозборе додека не стигнавме до местото. Кога стигнавме, излеговме сите од колата од ‘цитроенот’, Палчо од ‘кангуто’, и тој ми кажа да одам едно 20 метри да внимавам ако наиде некој бидејќи долу под патот имаше викендица со лозје, со црвени блокови, немачкана, и ми кажа да стојам на тоа растојание да гледам да не наиде некој. Па едно 3-4 пати се свртев да видам што се случува, првиот пат ги видов кога разговараа а гепекот беше отворен, не знам што разговарале беа одалечени. Повторно кажувам не се правдам, не напаѓам никого туку кажувам како што беше. Чекав таму,они разговараа. И после кога се свртев работеа, копеа. И последниот пат кога се свртев видов дека Палчо држеше пиштол во рака. Кажувам како што беше. И потоа слушнав истрел пукање-тап, тап ама некако тапо. Како неприслушно.  На крај ме викнаа да го ззатрупаме телото и не го видов беше покриено со земја. Се покри се за кратко време, ставивме стари работи кои ги најдовме таму, се што имаше фрлено. Тогаш Палчо ги избриша лопатите, една лопати и ашов и еден копач со ВД 40. Ги ставивме во ‘кангуто’, позади јас и Боре, а Палчо возеше со ‘кангуто’. Вељо го возеше ‘цитроенот’. Излеговме на патот на селото Бразда, на едно 500 метри ми кажа да ги фрлам лопатите и копачите во една банкина покрај патот, каде што имаше капини. Јас ги фрлив, он полека возеше, и продолжив со ‘кангуто’ до местото каде што се запали ‘цитроенот’“ рече Кешишев. Адвокатот Игор Ефремов: Кога видовте дека станува збор за мало девојче?Обвинетиот Влатко Кешишев: Кога го запаливме ‘цитроенотот’ се вративме во штабот, Велибор и Боре тргнаа кон Велес, Палчо остана сам во студиото, јас отидов во кујната да правам кафе и тогаш видов на ФБ дека се бара дете. Кога влегов ја покажав сликата од телефонот на детето, а Палчо не ми одговори ништо. ‘Што е ова?’, го прашав и не ми одговори ништо. Jас се повлеков во кујната и таму имав кревет, спиев таму. Кога отиде во Белград не знам, не разговаравме, не ми беше јасно ништо што се случи. Доволно ми беше што видов на слика дете, на ФБ“ рече Кешишев.Тој сведочеше за алататот со кој било извршено закопувањето на Вања.„Алатот беше во ‘кангуто’, претходно купени од Бит пазар, јас и Палчо. Пазарувавме нешто за јадење и тогаш Палчо ми рече дека имаме да земеме уште нешто. Тогаш ги купи лопатите и копачот“ рече Кешишев кој не го прашал Палчо зошто ги купил.„Моторолите ги купи Палчо, пиштолот бил на Боре, како што слушнав овде, не можам да тврдам, не сум го видел не бев таму“, додаде тој.

Македонија | пред 1 година

Кешишев раскажа за планот за грабнувањето на велешанецот Панче: Копавме дупка, мислев се бара злато, па Велибор кажа дека е за киднапирање

Обвинетиот Влатко Кешишев во судница призна дека тој заедно со Велибор Манев, ја копале дупката во која подоцна беше фрлено телото на убиениот велешанец Панче Жежовски. Дупката ја ископале во 2022 година, активност за која Кешишев вели: „Во прво време помислив дека бараме злато, бидејќи не ми беше кажано ништо, така копавме, па се стемни, па се вративме назад“. Тој знаел и учествувал во киднапирањето, но посочува дека не знаел дека Жежовски е фрлен во дупката во чие копање тој учествувал.Целиот распит за грабнувањето и убивањето на Панче Жежовски:Адвокатот Игор Ефремов: Влатко дали се познаваш со останатите обвинети, ако да, со кои и од кога?Обвинетиот Влатко Кешишев: Се познавам со сите. Од штабот на Десна, ги запознав во Опера Хаус, кога почнав таму да работaм крајот на септември, кога се вратив од Хрватска. Со еден сопартиец од Штип зборевме дека треба да готвам за децата преку патот, има училиште, бидејќи најуваа дека „лок даун“. Спремивме мал шанк и се што е потребно да не влегуваат внатре и од таму да испорачуваме сендвичи за децата. Бидејќи немаше лок даун останав да готвам за Палчо, за мене и некој гостин ако побара. Палчо го запознавам на протест во Скопје и повеќе се запознававме во Опера Хаус. Таму ги запознав и Велибор и Боре.Адвокатот Игор Ефремов: Дали го познаваш Александар Ѓорчевски? Обвинетиот Влатко Кешишев: Епа го видов овде во судница.Адвокатот Игор Ефремов: Кои беа твоите обврски во партијата и кој ти ги даваше обврските?Обвинетиот Влатко Кешишев: Мојата обврска беше да готвам и да ги пречекувам гостите кои ќе доаѓаат во партијата за да даваат поддршка на партијата која тогаш беше Движење Трета. Служев, давав кафе, сок, вода така ќе ги пречекував сите.Кешишев рече дека не бил вработен, не примал плата од партијата но не се жали бидејќи тоа беше акција да се формира една партија. Кешишев имал понуди да работи на други места, а добар впечаток имал оставено и во Хрватска. Но сакал да работи за партијата. Адвокатот Игор Ефремов: Дали ги познаваш оштетените?Обвинетиот Влатко Кешишев: Не, ги видов на ФБ, до тогаш ги немав видено. Кога беше објавено за Панче, првиот пат, а за Вања видов кога се вративме видов на ФБ дека девојчето се бара. Адвокатот Игор Ефремов:  Дали имаш учествувано во копање на дупка во близина на Велес?Обвинетиот Влатко Кешишев: Да, тоа беше 2022 година, во недела дојде Велибор во работно одело, бевме сами јас и Палчо, бидејќи во недела спрема емисија за навечер. Тогаш не ми кажаа што е работата само ми кажаа да им помогнам, јас го послушав, отидовме заедно со Вељо, со неговата кола. Стигнавме кај местото Рудник, по стариот пат, од кај Катланово, таму имало стар пат за Велес и од таму се оди за Рудник. Кога стигнавме таму, Вељо извади лопати и влеговме во едни грмушки. Закриено место. И таму обележа еден круг Вељо и почна да копа, ништо не зборувавме. Јас ја исфрлав земјата. Во прво време помислив дека бараме злато, бидејќи не ми беше кажано ништо. Така копавме до 2 метри длабочина се пакувавме и се вративме назад. Не зборувавме ништо. Се сучуваше во недела, бидејќи Вељо беше само во недела слободен. Пак отидовме двајцата на истото место и почнавме пак да работиме, он да копа, јас да ја исфрлам земјата. Мислев дека се работи за злато. Нелакомо на тоа, само на тоа помислив.Дупката била наменета за киднапирање на лице му кажал Вељо, сведочеше Кешишев. Дупката стоеше отворена од 2022 година додека не случи со Панче, рече обвинетиот. Обвинетиот Влатко Кешишев за снимките од куќата на Велибор Манев: Бев вечерта со Палчо, датум не паметам, се работи за таа вечер. Палчо го носеше ранецот, и го стави на совозачкото седиште каде што седев јас помеѓу нозете и тој ми побара да го извадам. Претходно извадив кеса, внатре се гледаа токи-воки моторилите. Кесата ја однесов во гаражата каде пиевме кафе и се договараа што како. Мислам дека ранецот го вративме во возилото.На прашањето што разговарале таа вечер Кешишев кажа: „Се разговараше за Панче и како да се пријде до него во куќата. Околу половина час разговаравме. Потоа ги земаа токи-воки, тројцата и тргнаа кон Панче, кон куќата. Мене ме оставија да го земам „кангуто“ и да чекам долу на страна на патот. За да се вратат они“ рече Кешишев и дополни дека тој немал моторола и ги чекал околу 40-тина минути.Потоа се вратија, рече Кешишев, кажаа дека ништо не бива и се вративме назад во штабот во Скопје.„Вториот пат, сабајлето утре дента, тогаш успееја. Отидовме пак, мене ме оставија кај пругата. Палевски замина, како што се договорија кај Панче. Јас останав во ‘реното кангу’, бидејќи Палевски ми рече да не излегувам да го чекам да се врати“ рече Кешишев и кажа дека ги чекал околу еден час.„Се вратија со ‘Цитроенот’ со нив тројцата, они се спуштаа и се паркираа покрај ‘кангуто’, со цитроенот на Панче. Запаливме по една цигара и тогаш Палчо го фрли во фолот, каде што имаше капини. И се договоривме ние да одиме, до мене седна Вељо и ми покажуваше патот. Возевме 200-300 метри а во ‘Цитроенот’ беа Боре и Палчо. Вељо имаше моторола и му кажуваше дека патот е чист. И тогаш стигнавме до тоа место, Вељо излезе од  кангуто, отиде со нив, со ‘Цитроенот’, до дупката. Кога се вратија Вељо пак седна до мене и ми кажа да влеземе на стариот пат до Катланово. Од таму стигнавме до првата населба, Маџари или како се вика,не знам. Палчо му јави на Вељо да се паркираме на поголем паркинг, а тој се паркираше позади нас. Излегоа од колата и мислам дека ги избриша воланот и мењачот со ВД 40, и дојде во кангуто и до него седеше Вељо, а јас и Боре бевме позади во кангуто и стигнавме во штабот“.Кешишев не знаел дека Жежовски е во гепекот, тоа го слушнал додека разговарале останатите обвинети. По пат до Скопје не зборувавме ништо, Велибор зборуваше само со Палевски.„Не го видов Панче Жежовски бидејќи рекоа го ставиле во ќебе, во гепек. Од тоа што разговараа, дознав дека Панче е во гепекот. Кога дојдовме во штабот на партијата во Скопје, тогаш сфатив дека Панче всушност е убиен“, тврди Кешишов.„Во штабот дознав дека грабнатиот Панче е убиен и фрлен во дупката“ рече Кешишев.„Која беше целта во разговорите за грабнување на Панче Жежовски?“, беше прашан обвинетиот, на што одговори: „Целта пред се беше за возилото, човек кој живее сам кој нема да го бараат. Возилото да се грабне за друга намера“.

Македонија | пред 1 година

Палевски отстранет од судница, оти Кешишев се плаши да сведочи пред него

Обвинетиот Влатко Кешишев се плаши од првообвинетиот Љупчо Палевски-Палчо, кој беше отстранет од судница. Адвокатот на Влатко Кешишев, Игор Ефремов, потсети дека Палчо веќе еднаш се обидел да изманипулира со Кешишев, давајќи му изјава за да ја препише, а потоа, да ја претстави како негова, во која стоеше дека Палчо не бил на местата каде се случија убиствата. Потоа, пред судот призна што се случило, односно кажа дека Палевски му ја дал изјавата при транспорт со насоки што да направи за следното рочиште.„Неговиот страв е оправдам, нема да ја зборува вистината во негово присуство“, рече Ефремов, а Кешиев рече дека и тој сака Палевски да не е во судницата додека дава одбрана.На ова реагираше Палевски, кој рече дека не е вистина дека тој му давал писма, кој тој требало да ги препише и да ги претстави како негови.„Ова е вторпат да се кажуваат лаги без доказ. Молам да бидам присутен зошто што ниту досега не сум бил укорен на судења. Мене ми е важно да го слушам“, рече Палевски.Адвокатот Јовица Страшевски, бранител на Палевски, сметаше дека ова е само драма и сметаше дека Палевски треба да остане во судницата додека Кешишев зборува.„Не треба судот да гог дозволи барањево. Пред блефирања, судот не треба да попушти“, рече адвокатот на Палевски.Судијата Ивица Стефановски реши дека Палевски треба да биде отстранет од судницата поради сомнежот дека Кешишев ќе се плаши да ја каже вистината. Палевски беше изнесен низ страничниот влез на судницата, од каде што и го спроведуваат кога го носат од затворот во Шутка каде издржува притвор.Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.

Македонија | пред 1 година

Каратистот обвинет за убиството на Вања и Панче не знае кај му е пиштолот кој го споменуваше Палчо: Беше на разни места во куќата, па надвор

Обвинетиот каратист Боре Видевски, на кому му се суди за убиствата на Вања Ѓорчевска и Панче Жежовски, кога бил уапсен од полицијата, па давал исказ пред обвинител, раскажал сѐ, во детали, планот и реализацијата на грозоморниот чин. Ова го покажуваат записниците кои беа читани во судницата, а откако Видевски, во тек на судењето, реши да негира било каква поврзаност со убиствата. Прашања до обвинетиот поставуваше и судијата Ивица Стефановски, кој го праша, зошто носеле радио станици со нив, што се гледа од снимките кои беа презентирани. Според Видевски, вообичаено било да зборуваат на мотороли во партијата.„Партијата планираше активности, собиравме декларации за името на МПЦ-ОА. Радиостаниците, претпоставувам, беа за конекција, за да комуницираме ако има повеќе народ. Еден стои напред, друг позади и не се користат мобилни“, рече Видевски, образложувајќи ги ноќните снимки.Откако на претходните рочишта, првообвинетот Љупчо Палевски-Палчо сведочеше дека пиштолот на Видевски е „клучот“ за разчистување на убиствата, судијата Стефановски го праша обвинетиот – каде му е оружјето за кое имал валидна дозвола.„Не знам. Повеќе години не ми текнало на него, не знам каде е ставен. Во 2017 година се правеше пререгистрација на дозволите, но не го барав пиштолот, отидов само со дозволите. Без овие година и пол (додека е во притвор), го немам видено пиштолот. Беше на разни места во куќата, па дислоциран надвор“, одговори Видевски.Прашан од судијата Стефановски, кој го изнел пиштолот надвор, Видевски одговори: „Јас, но не се сеќавам каде го дислоцирав, каде е ставен. Не сум љубител на ооружје, купен е од помодарство пред 30 години“.Обвинетиот Видевски не образложи ниту зошто го изнел од дома.На претходните рочишта, Марјан Витановски, поранешен адвокат на Љупчо Палевски-Палчо, рече дека случајот ќе се расчистел ако чаурата најдена на едно од местата каде се случија убиствата се поврзе со оружјето на Видевски.Судијата го праша обвинетиот и дали му било чудно што Велибор Манев, го поканил доцна навечер да се прошета со него, па му дал да стави ракавици, на што Видевски одговори: „Не ми се верува дека било многу доцна, а и друг пат знаеше да ми каже, ‘имам работа, дојди ако сакаш’“.На следното рочиште, исказ треба да даде Влатко Кешишев.

Македонија | пред 1 година

Продолжува судењето за убиствата на Вања и Панче, ќе се читаат исказите на каратистот Видевски

Денеска продолжува судењето за грозоморното убиство на 14 годишната Вања Ѓорчевска и вечешанецот Панче Жежовски.На рочиштето ќе се читаат исказите на каратистот Боре Видевски од истрагата.На последното рочиште, тој негираше вина за двете грабнувања и убиства.Тој тврдеше дека не договарале киднапирање туку литија против промена на името на МПЦ, за време на убиството на Жежовски бил на работа, а за време на убиството на Ѓорчевска спиел во седиштето на партијата „Десна“ во Скопје и тоа до 10 часот, а потоа си заминал во Велес.Негираше се што кажал во полициска станица каде што тврдеше бил тепан за да признае и потпише.По читањето на исказите ќе следи испитување на адвокатите на останатите обвинети.

Македонија | пред 1 година

Каратистот „смени касета“: Откако призна, сега негира вмешаност во убиствата на Вања и Панче, а памети дека преспал во партијата вечерта пред ликвидацијата на девојчето

Каратистот Боре Видевски, обвинет за убиствата на Вања Ѓорчевска и Панче Жежовски, во неговиот исказ негираше било каква поврзаност со убиствата на Вања Ѓорчевска и Панче Жежовски. Тој пред судот тврдеше дека на средбите со другите обвинети бил со цел да договорат литија против промена на името на МПЦ. Ова негирање дека сторил било што, доаѓа, откако претходно призна вина, како во полиција, така и пред обвинител, па подоцна менуваше ставови. Сега, пред судот рече дека признал вина под присила.Денот пред да се  случи убиството на Панче Жежовски во Велес, тои посочува дека бил на работа, па дома славел „Св. Архангел Михаил“. Од неговиот адвокат беше прашан, кога сил во домот на Велибор Манев, за што постојат снимки.„Претседателот на партијата Палевски имаше одредени сознанија дека ќе се смени името на МПЦ-ОА во Црква на Северна Македонија. Ние имавме задача да ги собереме декларациите од цела држава, да се соберат најмалку 150.000 декларации, па да се прават митинзи и литии низ градовите. Првата литија требаше да биде во Велес, претпоставувам дека видеата е една од тие подоготвки“, рече Видевски за снимките, за кои претходно Манев кажа дека се дел од подготовките за грабнувањето на Панче Жежовски.За снимките од вечерта пред грабнувањето на Вања Ѓорчевска, обвинетиот Видевски рече дека отишол на состанок во партијата „Десна“.„Разговаравме до доцна, имаше потреба да се најдат простории за активности, дискутиравме за политика. Преноќивме, а спиевме кој кај ќе најде место. Јас легнав во просторијата каде што седевме, на едно душече, Велибор и Влатко спиеја во кујната, а Палевски беше на спратот. Утредента поседовме малку и си отидов“, рече на кратко Видевски, спротивно на исказот на Манев кој кажа дека утрото отишле да го киднапираат девојчето, кое подоцна, Палевски го убил.Потоа, Видевски почна да зборува за приведувањето на 3 декември, кога беа пронајдени безживотните тела на Вања и Панче. Се жалеше дека го тепале и терале да зборува.„Ми кажуваа податоци, па ме прашуваа зошто сум го направил тоа, ми рекоа ‘зборувај’, a јас од почетокот им кажував дека не знам ништо, бидејќи не знаев ништо. Ме удираа посилно, не знаев каде да се бранам, ме удираа во ѕид. Ми покажуваа слики од мобилни телефони меѓу кои и од Вања. Тие ја направија изјавата и ме натераа да потпишам“, рече обвинетиот Видевски, тврдејќи дека полицајци го присилиле да каже дека го познава и обвинетиот Александар Ѓорчевски, татко на Вања.Тој се правдаше дека признал се пред обвинител бидејќи бил под страв.„Таму (Обвинителство) дадов таква изјава, затоа што бев под огромен страв. Ме прашаа дали имам повреди, реков дека не сум повреден. Оттука ме однесоа во притвор“, посочи обвинетиот Видевски, жалејќи се дека бил тепан и во ќелија откако добил притвор.Тој призна дека и пред судот признал вина односно го кажал истото што и во Обвинителството и судот.Сведоштвата на Велибор Манев од претходните рочишта можете да ги најдете тука.

Македонија | пред 1 година

Манев за убиствата на Вања и Панче: Требаше да се оформува партија и ни фалеа пари, така се роди идејата за грабнување

Обвинетиот Велибор Манев, за грабнувањата и убиствата на Вања Ѓорчевска и Панче Жежовски, одговараше на прашања од судијата Ивица Стефановски. Тој раскажа како дошле до идеја за грабнување.„Требаше да се оформува партија и ни фалеа пари. Така се роди идејата за грабнување. Реков претходно дека 150 илјади евра ни беа ветувани, но откако виде дека не е таа жена, ни рече дека ќе се обиде да извади по 20 илјади евра по човек. Се двоумеше Палчо меѓу поранешен директор на Гранит и оваа ќерка на фармацевт. Имавме намера да грабнеме едно лице“, рече Манев.Тој се бранеше дека не би учествувал во грабнувањата ако знаел дека Палевски има пиштол. Но истовремено, вели и: „Имаше моменти кога сакав да се откажам, но два пати ми повтори дека ќе ми ја убие фамилијата пред мене“„Да знаев дека Палевски носи пиштол немаше да бидам тука, рече Велибор Мане.Тој раскажа и како со каратистот Боре Видевски купиле WD-40 средство, за да бришат траги.„Неколку дена подоцна купивме WD 40 спреј и ракавици. Јас и Боре отидовме во куќата на Панче Жежовски сакавме да бришеме евентуално ако има траги. Но не можевме да ја отвориме вратата“, вели Манев.За комуникација при спроведување на грабнувањата и убиствата, посочи дека користеле мотороли, а не телефони. Според него, единствен кој имал уред со него бил Палевски, но не знае кој број го користел. Според Манев, телефонот му бил за да ја слика Вања и да изнуди пари.

Македонија | пред 1 година

Палевски ја убил Вања, ја сликал, па запалил цигара, сведочи обвинетиот Манев

Љупло Палевски-Палчо откако ја би Вања, ме натера да ја одлепам ленатата од нејзината уста за да може да ја слика со вперен пиштол, сликата да ја прати на родителите од кои сакаше да побара пари, сведочи обвинетиот Велибор Манев.Сведоштвото е монструозно. Според обвинетиот, по убиството, Палевски, запалил цигара и го отворил телефонот да види што се случува. Потоа, според него, Палевски извадил нови алати од возилото со кои ги натерал да се откопа дупка и да се закопа Вања.„Тој човек воопшто не учестуваше во убиствата и да не ја минува истата голгота досега не го спомнав“, додаде Манев.Пред да ја фрли лопатата, Палчо со средство за чистење ВД-40 ја чистел рачката и металот за да ги сокрие трагите, додаде обвинетиот.

Македонија | пред 1 година

Прашајте го Палевски зошто ја уби Вања, рече Велибор Манев прашан од таткото зошто ја убиле ќерка му

„Зошто ми го убивте детето?“, го праша Александар Ѓорчевски обвинетиот Велибор Манев откако, по неговото сведочење во кое детално ги опишуваше киднапирањата и убиствата на Вања Ѓорчевска и Панче Жежовски.„На тоа прашање не можам да одговорам, треба да го прашате Палевски, тој што го изврши тоа“, му врати Манев.На денешното рочиште Бојан Манев, адвокат на Боре Видевски, го испрашуваше второобвинетиот Велибор Манев.Манев рече дека во тој момент патот кон езерото не бил затворен поради градежни активности.

Македонија | пред 1 година

Еден адвокат се откажа од Палевски, му го откажа полномошното и нема да го брани

Адвокатот Марјан Витановски му го откажал полномошното на неговиот клиент Љупчо Палевски Палчо, првообвинет за убиствата на Вања Ѓорчевска и на Панче Жежовски што се случија во ноември 2023 година, јавува „Плусинфо“. Судијата Ивица Стефановски ја прочита одлуката на адвокатот од Куманово.Адвокатот Јовица Страшевски ќе продолжи да го застапува Палевски.Од самиот почеток на судењето Палевски беше застапуван од кумановскиот адвокат Марјан Витановски, кој тврдеше дека Палчо е невин.

Македонија | пред 1 година

Му се слоши на таткото на убиената Вања, додека Манев раскажуваше како ја грабнале и убиле неговата ќерка

Додека траеше сведочењето на Велибор Манев, обвинет за грабнувањето и убиството на Вања Ѓорчевска и Панче Жежовски, му се слоши на обвинетиот Александар Ѓорчевски, кој е татко на убиената Вања. Ова се случи додека Манев раскажуваше како е грабната Вања, кој бил планот, но и како е убиена. Манев до најситен детал го раскажуваше планот.Судијата даде пауза, а Ѓорчевски беше изнесен и вратен во судницата. Му беа дадени медикаменти.Судењето ќе продолжи. 

Македонија | пред 1 година

Велибор Манев сведочеше како ја грабнале Вања: Палчо им дал слика, им кажал дека е жена, планот успеал од третпат

Обвинетиот Велибор Манев раскажа дека од зградата во Скопје каде е киднапирана Вања Ѓорчевска, требало да биде изнесена жена на возраст од 38-40 години. Манев сведочеше дека Љупчо Палевски Палчо: „Цело време ни ги покажуваше сликите на жената на телефонот, стварно изгледаше на 38-40 годишна жена дали беше фотошопирана важно староста не беше за дете“.Интегрално, „Скопје1“ го пренесува распитот на Манев:Адвокатот Горан Бошевски: Се исклучивме кај Катланово, по стариот пат продолживме за Скопје. Каде отидовте во Скопје?Обвинетиот Манев: Па искрено возев, до Хиподром, не знам ни јас како возев, кога дојдов кај Хиподром го видов пикапот, значи тргнавме за Скопје, Палевски со Влатко Кешишев наред, а јас и Боре во ‘цитроенот’ позади нив. Преку моторола Палевски ми кажа да го следам и он скршна према Кванташки. И пред пругата, тука запре имаше паркинг и ми рече тука да го оставиме возилото на Панче Жежовски да го паркирме тука на паркингот. Откако паркиравме, нѐ товари во задниот дел од пикапот и не однесе во канцеларија.Адвокатот Горан Бошевски: Што разговаравте после тоа?Обвинетиот Манев: Отидовме во канцеларија, кога влеговме, Боре отиде до тоалет, Влатко отиде да прави кафе, останавме ја со Палчо и го прашав зошто сето ова, он ми рече ‘прекини Вељо, ништо не разбираш прекини да не се повторувам’. Мислеше најверојатно на тоа дека ќе расипеме пријателство и фамилијата ми е убава. Влатко дојде, и Боре мислам го испивме кафето, станав да си одам заедно со Боре со автобус да си одиме и нѐ праша „каде?“ Му реков ќе си одам за Велес. За вечер повторно да се видиме, му реков дека немам пари, со последните пари што ќе ги дадам за автобуски карти за Велес, дека нема да можам да дојдам и немам со што да дојдам. Ги зема клучевите од пикапот, ни ги даде и вика со ова ќе одиш и вечер пак ќе дојдеш со него гориво има.Адвокатот Горан Бошевски: Дали дојдовте истата вечер во Скопје?Обвинетиот Манев: Да. Палевски нѐ однесе до местото викано Оризови или не знам Дупки (местото каде е убиена и закопана Вања), и што да видам под самиот пат имаше лозја необработени, и некои столпчиња бетонирани и мислев дека тука ќе се чува грабнатата жена, го видовме местото и се вративме во канцеларија. Чекавме, оти беше уште рано, прилегнавме да дремнеме по малку, првиотпат, тргнавме да ја грабнеме жената, малку закаснивме временски, и поради тоа што не можевме да стигнеме на време, тука се вратив, со колата што претходно ја земавме од паркираното место, на Панче Жежовски, и повторно се вратив и го препаркирав вториот пат на главната улица на поширок тротоар на главната улица кон Мааџари. Од десна страна. И си заминавме после тоа до канцеларија, не се задржавме многу, и од таму продолживме до Велес со пикапот ‘кангу’.Адвокатот Горан Бошевски: Кога следен пат дојдовте до Скопје.Обвинетиот Манев: Во четвртокот ноќта повторно бевме во Скопје и да пробавме по втор пат за да ја грабнеме жената што претходно ја лоцирал Палевски. Стасавме на местото, пред зградата, требаше по кажување на Палевски, жената да се бутне по скалите по излезот, да се бутне во нискиот дел она зградата и таму да сме ја врзувале. Ми дојде дека од еден до дуќаните. излезе жена, па така се одложи и вториот пат грбнувањето.Адвокатот Горан Бошевски: Која особа планиравте да ја грабнете?Обвинетиот Манев: Претходно, Палевски кажуваше повеќе особи, една запамтив, беше директор на Гранит, Страшо, наводно. Така го кажуваше, не го познавам не знам ни како изгледа. После тоа се одлучи на жена на 38-40 годишна жена, ќерка на некој од фармацевтските куќи. Цело време пред да се случи самото грабнување, 10-тина дена претходно ја следел да ги видиме кога излегува, каде работи и наводно ја сликал. Цело време ни ги покажуваше сликите на жената на телефонот, стварно изгледаше на 38-40 годишна жена дали беше фотошопирана, важно староста не беше за дете.Адвокатот Горан Бошевски: Кога го грабнавте женското лице?Обвинетиот Манев: Тоа беше сабајлето 27-ми, третиот обид за грабнување.Адвокатот Горан Бошевски: Од каде тргнавте од Скопје?Обвинетиот Манев: Во текот на викендот, Палевски со уште една особа возилото на Жежовски го пренесуваат во Радишани. Кај пазарот на Радишани. Сабајлето на 27.11 нѐ однесе во Радишани и не остави со ‘кангуто’, тројцата, мене Боре и Влатко Кешишев, таму го стартувавме возилото и тргнавме кон зградата за грабнување.Судењето е во тек, сведочењето продолжува...

Македонија | пред 1 година

„Палчо преку перниче испука куршум во детето, ни даде копач и ашов, копавме во смрзната земја“, Манев сведочи за секој детал за убиството на Вања

Обвинетиот Велибор Манев, во исказот објасни и како била киднапирана и убиена Вања Ѓорчевска. Исто како во случајот на Панче Жежовски, истрелот кон неа бил во дел од секунда, испукан од Љупчо палевски-Палчо. Манев објасни дека Палчо бил планерот, командо-давачот, реализаторот. Според неговото сведоштво, требало да добијат по 150.000 евра од грабнувањето, на ќерка на фармацевт.„Откога ја ставивме во гепек, по насоки на Палевски почнав да се движам по улиците кои ми ги кажуваше претходно, улицата пред зградата не ја знам, излеговме на Партизанска, па после скршавме кон Рузвелтова,се она што е снимено на ‘Сејв сити’, покрај Палес, скршавме кон Качанички, тука се исклучив на патот према местото преку селото како се викаше... Палевски нѐ чекаше на надвожњанокот, и тука он продолжи пред нас, јас одев по него. Стасавме до местото Оризови Дупки. Го отворивме гепекот, Палевски ја праша како се вика, што се вика, чија е, за татко, мајка, се почна да прашува и откако тоа го дозна ни рече да ја земеме и да ја извадиме надвор од колата за да ја слика и да може да прати слики на родителите на фамилијата. Откако ја извадивме од колата, ја откопчавме вреќата за спиење и кога го извадивме селотејпот видвоме дека тоа е дете, не е жена. Јас и Влатко бевме блиску до него, му реков дека ова е грешка и дека треба да ја пуштиме назад бидејќи сме со маски нѐ нема видоно, да ја ослобидме. Љупчо Палевски повторно почна да кажува, да прекинам дека ништо не разбирам, дека се е таман, се било чисто, нема да што берам гајле, дека првичното сума која што ни ја поднудил не ќе може да се земе дека ќе биде помала и заќутивме едноставно. Не знам, се свртив да гледам према лозјата да видам, запуштени лозја, да видам во која од собите што се правени, да се внесе таму. Додека гледав, Палевски пријде на детето со пиштол и перниче во рака и го испука куршот преку перниче и повторно бев надвор од себе“, рече Манев.Тој додаде дека Палевски се вратил до „Реното кангу“, земал копач и ашов кои не биле употребувани и им ги фрлил за да ископтаат дупка, за да се закопа детето.„Компавме во смрзната земја, Љупчо Палевски ја крена од кај главата и рече земај јас и Влатко ја спуштивме во дупката, ние од кај нозете. Палевски ја извади вреќата и ја фрли во возилото на Панче Жежовски. И нареди да закопуваме, со солзи во очите без да ме видат, почнав да закопувам. Кога го заршивме тоа, ни нареди да  тргнам по него со колата, јас го возев цитроенот возилото на Панче, он напред возеше со пикапот, и од таму кон Глуво,  потоа скршавме кон Скопје, некаде подоле по патот тргнавме кон блокот каде што го запаливме возилото, нива огромна. Ми кажа да ја терам колата до таму, го попрска возилото со гориво и го запали возилото на Панче. Јас само седнав на предното седиште во пикапот, Боре и Влатко седнаа позади и тргнвме да се враќаме према канцеларија. За снимките каде што се гледа блуза со црна трака тоа сум јас на совозачко место, Љупчо Палевски го возеше пикапот и стасавме во кацеларија. И оттука стасавме во канцеларија и после тоа јас и Боре продолживме, се префрливме во моето возило и продолживме за Велес. А Влатко и Палевски останаа во канцеларијата“, рече Манев.Тој кажа дека Палевски имал оружје но му го одзеле при претрес кај Демир Капија.„Палевски имаше но му го земаа кај Демир Капија во претрес, Боре Видевски поради тоа што знам што работел, бил обезбедување на газдата на Жито, марката не ја знам. Не се разбирам“, рече Манев додавајќи дека Палевски комуницирале најмногу по настанот„Он ми се јавуваше како ‘не се секирај се е чисто, не бери гајле’, на два три пати ми се јави едно по друго, во Tелеграмот ги има часовите и минутите како се јавуваше, и тоа со Боре дневно по еднаш ќе се чуеме“, додаде Манев.Според него, Палевски им се јавувал и додека бил во бегство.„Тоа беше кога тргнал од Србија кон турција преку Бугарија. Не еднаш, повеќе пати се јави, првиот пат, првиот пат се јави ми вика ќе одел за Москва, јас му реков прави што знаеш. За после неполни 10 минути повторно да ми се јави да ми каже дека се наоѓа на турска граница и дека ќе оди за Истанбул. Имаше јавување и од телефонот на Стефан Димковски, и последно ми рече ќе се чуеме повторно кога ќе биде во Истанбул. Сабајлето ми се јави бидејќи знае дека имам многу пријатели во Турција, ми рече да му најдам некој пријател за контакт за да може да му најде куќа под кирија наводно во Истанбул бил многу висока киријата. Тој пријател што му го предложив, Хусеин, мој добар пријател, во Баликесир, му го кажав името и тој нашол таму некја куќа однапред платена три месеци“, додаде Манев.Судењето е во тек.ПРЕТХОДНО:

Македонија | пред 1 година

„Од татко не барај, од мама барај, сѐ ќе даде, душата ќе ја даде“, Манев сведочеше како Вања мислела дека ќе биде пуштена

Вознемиреност и гнев донесе сведочењето на обвинетиот Велибор Манев, за тоа како било убиена 14-годишната Вања Ѓорчевска. Пред да биде убиена, планерот и реализаторот на убиството, Љупчо Палевски-Палчо ја распрашувал. Според записникот од 6 декември, Манев кажал што рекла Вања во моментите пред да биде убиена. Истото не го кажа на денешното судење, ниту пак го кажал на 3 декември кога исто бил сослушуван од обвинителите.„Му реков дете е, да ја пуштиме. Палевски го отвори гепекот, го извади селотејпот, почна да ја прашува како се вика, кој и се татко, мајка. Праша каде работат, рече дека татко и напуштил (не работи), а дека мајка ѝ во А1. Ја праша и за дедо ѝ. Праша од кога живеат во станот. Ѝ бараше телефон од родителите. Ја прашуваше колку станови имаат“, рекол Манев на 6 декември.Потоа, според сведочењето, Вања му рекла да не бара пари од татко ѝ туку од мајка ѝ.„Таа рече: 'од тато не барај, тој не нѐ сака, од мама барај, сѐ ќе даде за мене, душата ќе ја даде за нас'. Го извадивме девојчето. Таа беше мирна, мислеше дека ќе буде пуштена. Боре рече, влеговме во гомната, ќе тераме. Палевски зеде перниче, ѝ пријде со перницата и испука“, додал Манев на 6 декември.Иако обвинителите на неколкупати се обидоа да добијат одговори за тоа што разговарале Вања и Палчо при денешниот исказ и распит на Манев во судница - тој не го повтори ова.За тоа како ја киднапирале, но и монструозниот план откако девојчето било заробено:Претходно зборуваше за убиството на Панче Жежовски:

Македонија | пред 1 година

Манев го раскажа цел монструозен план за убиството на Панче: Палчо му пукаше во слепоочницата, по четири дена нѐ прати да ја затвориме дупката за да не мириса

Обвинетиот Велибор Манев дава свој исказ пред судот за убиствата на Вања Ѓорчевска и Панче Жежововски. Монструозни детали откри за планот, но и за изведувањето на двете убиства. Прво зборуваше за убиството на Жежовски, со кого се знаеле од порано. Раскажа дека неговото возило „цитроен“ требало да се искористи за грабнување на жена на возраст од 38-40 години.Интегрално, „Скопје1“ го пренесува распитот на Манев:Адвокатот Горан Бошевски: Кого познавате од другите обвинети?Обвинетиот Манев: Сите.Адвокатот Горан Бошевски: За секој одделено од кога се познавате каков е карактерот на вашата комуникација?Обвинетиот Манев: Со Боре Видевски од основно, од дете. Цел живот се знаеме , Живееме, не сме имале никакви проблеми со неговите, живееме и едноставно сме се поштувале. Со Љупчо Палевски од 2018 година тогаш стапивме во ФБ пријателство, после потребата од неговата потреба за изборни набљудувачи, му пристапив во канцеларија така се запознавме и лично. И потоа одлучив да му пристапам како член на тогашна Движење ‘Трета’, и од тогаш до денеска сум овдека со неговото познавање и знаење. Со Влатко Кешишев се понавам 2,5 години, ако не ги сметам овие година ипол во затвор. Човекот дојде во ’Опера хаус’, канцеларија на тогашна ‘Tрета’. Како готвач како домаќин, 24 часа да биде домаќин да ги оддржува канцелариите и му готвеше на Палевски. После тоа и он е тука поради тоа што му ја даде довербата на Љупчо Палевски.  2,5 години му готвеше, му служеше без никаква наднохнада, јас така знам.Адвокатот Горан Бошевски: Дали го познавате Александар Ѓорчевски?Обвинетиот Манев:  Не, ниту го знам ниту го познавам ниту претходно сум го видел.Адвокатот Горан Бошевски: Дали го познававте сега покојниот Панче Жежовски?Обвинетиот Манев: Да го познавав, работев на неговата куќа пред 15-16 години тогаш, ме измами, не ме измами едноставно не ми ги плати средствата што требаше да бидат исплата за завршена работа. Бараше коцки и камен да му се реди на влезот од куќата, одно од најскапите варијанти на изведба во градежништво.Ми остана должен 1500 евра, он кажал на неговите дека должел 500 евра, а уствари беа 1500 евра. Се спречкавме, се скаравме, му извадив 12-13 квадрати од бекатон плочките што му ги редев, он повика полиција дома, полицијата направи записник и ме опеменаа дека не смеам така да постапувам и понашам, дигнав раце од сето тоа и толку.  Уште еднаш отидов кај него во фризерницата му ги побарав парите што ми ги должи, ме избрка дојдов до степен до физички контакт да го тепам не но го сторив тоа дигнав раце и оставив на Господ. Тоа беше со контактот и познавањето на Панче.Адвокатот Горан Бошевски: Кој ги донесе овластените службени лица, од СВР Велес и Скопје, до месноста Рудник во Велес? (местото каде е закопан убиениот Панче Жежовски)Обвинетиот Манев:  Јас.Адвокатот Горан Бошевски: Кој ја ископал таа скривница/дупка?Обвинетиот Манев: Јас ја копав заедно со Влатко Кешишев. Целта беше да се чуваат грабнатите лица и откако ќе се изврши наплата да се пуштат.Адвокатот Горан Бошевски: За кои лица се работи?Обвинетиот Манев: Првично требаше Панче Жежовски, требаше да биде врзен за бетонски тег за ногата со за ланец за да се искористи неговото возило за грабнување на жена од 38-40 годишна возраст и откако ќе се грабне таа Панче да се извади, да се направи замена на грабнатите, Панче да се пушти да си замине со колата, а жената да биде лувана додека не се изврши наплата.Адвокатот Горан Бошевски: Кога е копана дупката?Обвинетиот Манев: Дупката е копана 2022 година една година и повеќе пред ова. Со ког одоговаравте киднапирање на Панче? Прво баравме некој објект каде што ќе бидат чувани грабнатите лица, но поради тоа што не најдовме, едно попладне бев во канцеларијата на трета кај ‘Шампионче’, Љупчо Палевски ми предложи да го оставам телефонот и наводно ќе сме се прошетале некаде, па кога излеговме од канцеларијата ми рече дека објект тешко може да се најде и да одредиме некое место локација за размена и каде ќе може да ги чуваме грабнатите лица. Откога го најдовме местото заедно, , се одлучи тука да се направи земуницата (дупка), и ја оставивме така да се замаскира од самата природа. За одлуката за грабнување на Панче Жежовски, некаде околу месец ипол, пред грабнувањето на лицата, бараше некоја не обележена кола, крадена или не знам што, за да може да го извршиме грабнувањето.Адвокатот Горан Бошевски: Кој бараше кола?Обвинетиот Манев: Љупчо Палевски за да може жената да е грабаната со необележена кола. Не можеше да се најде таква кола, и по негов предлог, предложи да бараме некој, пензионер сам, што ќе може да му ја искористиме колата и после кратко време ќе може да биде пуштен на слобода. Во канцеларија седевме и дојде на ум неплатениот борч на Панче Жежовски. Му кажав, дека има близок до мене, таков ме зафркнал ме измамил едноставно што ми го земал лебот и би можеле да го искористиме тој човек за целите на грабнување.Адвокатот Горан Бошевски: Кои други лица се приклучија со вас за да се реализира грабнувањето на Панче?Обвинетиот Манев: На почетокот бевме Палевски, јас и Влатко кои учеснуваа во копањето на дупките. Фалеше уште еден човек и размислив Боре беше со мене и му предложив да оди да разговара со Палчо за тоа. Евентуално приклучување ако сака да пристапи како 4 член на групата.Адвокатот Горан Бошевски:  Дали се приклучи во групата?Обвинетиот Манев: Да.Адвокатот Горан Бошевски: Кога и како го грабнавте Панче Жежовски?Обвинетиот Манев:  Панче го грабнавме на 23.11.2023 што го имаше на камерите кај мене. На 22 вечерта дојдоа Палчо со Влатко, наводно да го провери местото дали одговора за грабнување на Панче Жежовски. Отидовме до местото, го виде, и одлучи дека наредната вечер, да отидеме и да го грабнеме Панче.Адвокатот Горан Бошевски: Што се сучуваше следната вечер?Обвинетиот Манев:  23-ти утрото кога доаѓаат, во утринските часови, е вечер, кога дојдоа пиевме кафе, и утрото околу 5 ипол 6 часот, тргнавме накај куќата да го земеме Палчо. Да напоменам, дека снимките кои ги гледавме не се совпаѓа со ова што сега го кажувам, така да отидовме кај куќата на Панчета, јас Боре и Палчо, Влатко Кешишев го зема кангуто и се спушти доле кај пругата да не чека таму. Почекавме, мислевме дека сам ќе излезе, да му се нафрлиме и да го однесеме, некаде до 7:30, до 7:45, не излезе, на ладното што да излегува, па Палчо преку моторолата рече да му се тропне на врата и во самото предсобје да се врзе, да се земе. Јас не можев да се појавам, бидејќи ме знае и ми го познава гласот и одлучи Боре да му тропне на врата и да го бутне внатре,во претсобјето, ние да притрчаме и да може да го врземе. Направивме така како што кажа Палчо, тропна на врата, и слушнав дека го бутна во предсобјето, видов како Палчо влегува во претсобјето, и викаше Панче, јас пријдов пред и му ја ставив раката на устата да не може да вика, бев, бевме со маски, не не позна никој, поради тоа што пријдов јас, Палчо се исправи, јас почнав да му ги врзувам рацете, Палчо завлезе во куќата, го земал телефонот на Панче Жежовски, од влезната врата ги извади клучевите, на нив без и клучевите од колата на Панче, Љупчо Палевски отиде ја извади церадата од колата, ја бутна во претсобјето, отиде да ја пали колата а јас и Боре го изнесовме Панчета за да го ставиме во ѓепек. После тоа се симнавме доле, кај што беше паркирано ‘кангуто со кое дојдоа, Влатко Кешишев беше во него, тука ставивме гориво во колата на Панче, додека да го ставиме гориво, Палевски го фрлил телефонот на долот на Панче Жежовски. После тоа се упативме према земуницата (дупката), за да го спуштиме доле и ние отидовме за Скопје.Адвокатот Горан Бошевски: Како наточивте гориво во цитроенот?Обвинетиот Манев: Претходната вечер земавме две туби за вода, и јас и Кешишев отидовме до бензиска и наполнивме гориво, една дизел една бензин.Адвокатот Горан Бошевски: Со какви средства комуницирате за време на грабнувањето?Обвинетиот Манев: Со мотороли комунициравме, кога одлучивме за буткање во претсобјето, тоа го кажав веќе мислам, кога одлучи Палевски дека Панче нема да излезе преку моторолата ме извести дека Боре ќе го отбутне во претсобјето и ќе го направиме тоа што го направивме. Кажав и претходно дека ги користевме моторолите.Адвокатот Горан Бошевски:  Каде се упативте после грабнувањето на Панче?Обвинетиот Манев: Откога го ставивме горивото на паркингот кај пругата тргнавме кон земуницата (дупката) преку езеро, покрај Романтик по стариот пат за Скопје и селото Рудник. Стасавме до земуницата (дупката) со колата на Панче, пред нас цело време возеше пикапот, Љупчо Палевски со Влатко Кешишев беа во пикапот, а јас и Боре во возилото на Панче Жежовски. И стасавме горе кај земуницата (дупката).Адвокатот Горан Бошевски:  Што направивте кога стасавте?Обвинетиот Манев: Го изнесовме од колата, го донесовме до самиот отвор, имаше вратичка на земуницата (дупката), го спуштивме тука да му се одврзат рацете и да може да го спуштиме доле по скалите. Беше легнат на самиот отвор да можам да го одврзам, тука не напоменав само дека пикапот и Влатко Кешишев останаа подоле на самата база на ‘Македонија пат’ и остана таму да чека на 300-400 метри, а Палевски дојде со нас горе кај земуницата (дупката). Откако се наведнав да го одврзувам Љупчо Палевски така наеднаш му испука куршум во слепоочница на Панче Жежовски. Јас останав како да ви кажав, останав, (издишува) без зборови едноставно срипав и излегов од шумичката која што беше врз самата земуница (дупката) што беше обрасната. Застанав таму во некое ситуација пред колабирање, се соземав со дишење се тресев од тоа што го видов, и го видов како Боре излага молчешкум од местото, а со крај на окото видов како Палевски го превртува Панче со се церадата во дупката. Дојде до мене, јас го прашав: зошто ова, не требаше вака? Ми рече: ‘Вака е почисто, нема што да се секираш’. И тогаш прв пат ми рече ме потбутна со раката и ми рече „да не расипуваме пријателство имаш убава фамилија“.Адвокатот Горан Бошевски: Како планиравте да го обезбедите Панче да не избега?Обвинетиот Манев: Претходно кажав, и пак ќе кажам, имаше бетонски тег во самата земуница (дупка), со алка на него, а јас носев синџир за да може да го врземе за ногата за да не може да се качува нагоре. Така беше планот за да го обезбеди Панче, а потоа и грабната жена што ќе дојде на негово место.Адвокатот Горан Бошевски: После убиството што направивте со земуницата (дупката)?Обвинетиот Манев: Три четири дена стоеше отворена и после тоа ни кажа Палевски, се јави, да отидеме да го стрпеме местото да не почне да мириса. Мислам дека беше недела, јас и Боре отидовме и го затрупивме.Адвокатот Горан Бошевски: После убиството каде се упативме?Обвинетиот Манев: После убиството, ме натера повторно да ја земам колата на Панче Жежоевски, и да ја возам до Скопје. Се симнавме до пикапот, Палевски седна во пикапот, и тргна пред мене, и продолживме за Скопје. Се спуштивме на автопат, на местото каде што чекаше Влатко со пикапот. Тоа беше над самата база на Македонија пат и има прклучок за да може да се излезе на автопат.

Македонија | пред 1 година