земјотрес

Разорен земјотрес на Балканот во следната година, вака ќе знаеме дека сме во крајна фаза, вели експерт за српски медиум

Серија силни земјотреси ја погодија територијата на Србија во изминатите неколку дена. Ним им се придружија земјотресите од регионот. Само во последните пет дена имаше земјотреси со јачина од над 3,5 степени според Рихтеровата скала кои ги погодија Романија (4,2), Крушевац (3,9), Задар (2,4), а како врв на се, вчера во текот на денот имаше два земјотреси во Врање (3,7 и 3,9 степени според Рихтер).Зголемената сеизмолошка активност започна на почетокот на годинава кога беа потресени Младеновац, Долни Милановац и Лазарец, а посилни земјотреси во текот на годината ги погодија Босна и Херцеговина, Хрватска и Црна Гора, кои имаа сериозни проблеми поради земјотресите во април годинава.За српски Телеграф зборуваше познатиот сеизмолог Славица Радовановиќ, која објасни дека зголемената сеизмичка активност треба да се сфати како предупредување.„На сите, вклучително и на сеизмолозите им е очигледно дека сеизмичката активност се зголемува во нашиот регион. По неколку години, кои поминаа без поголеми земјотреси, на територијата на Србија почнаа да се случуваат земјотреси посилни од 3 степени. Од Врање, Крушевац, Параќин, кога ќе помислите на Младеновац и другите земјотреси што се случија претходната година, станува јасно дека доаѓа посилен земјотрес“.- Според една теорија, која ја поткрепува разорниот земјотрес од Црна Гора во 1979 година, повеќе области со зголемена активност и земјотреси кои се движат над 3 степени ќе доведат до посилни земјотреси, кои кај нас не можат да бидат толку страшни како оние во светот. но тие се секако ќе бидат разорни. Тој земјотрес ќе се случи на точката која беше единствената што не се затресе. Треба да истражиме каде ќе се случи тоа. Не можеме да знаеме кога, но можевме да провериме каде и да ја подготвиме областа. Од моето искуство, тоа ќе се случи или во Србија или во пограничните области на соседните земји кои ни граничат, изјави Славица за Телеграф.рс и посочи дека „искуството нè наведува на заклучок дека тоа ќе се случи следната година“.„Кога на 15 април 1979 година, земјотрес со јачина од 7 степени по Рутерова скала ја погоди Црна Гора и однесе повеќе од 100 животи, една година претходно земјата почна вака да се тресе. Ова нè наведува да претпоставиме дека следниот разорен земјотрес ќе се случи во текот на следната година. Ќе знаеме дека сме влегле во завршна фаза кога ќе се случи земјотрес со јачина од 4 или дури 4,5 степени според Рихтеровата скала“.

Свет | пред 1 година

Почувствуван и во Куманово: Земјотрес во Србија, се тресеше и соседството

Земјотрес кој утрово беше регистриран во Врање, беше почувствуван и во Куманово. Според информациите од ЕМСЦ, јачината била 3,7 степени според Рихтеровата скала. Но освен во Македонија, тој бил почувствуван и во Бугарија, како и Косово.Според информациите од Републичкиот сеизмолошки завод - Србија, земјотресот се случил во 05 часот утрово. Интензитет во епицентарот беше проценет на V-VI степени од Меркалиевата скала.Засега нема информации за штети, иако земјотресите со оваа јачина знаат да предизвикаат.

Свет | пред 1 година

Земјотрес ја стресе Македонија

Земјотрес со јачина од 3,2 степени според Рихтеровата скала ја погоди Македонија, јавува ЕМСЦ.Земјотресот е регистриран на 13 километри од Демир Капија, на длабочина од девет километри.

Македонија | пред 1 година

Земјотрес со јачина 3.2 почувствуван во Берово и околината

Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, вчера вечер, во 21 часот и 28 минути, регистрираше земјотрес чиј епицентар припаѓа на епицентрално подрачје Делчево-Берово, со Рихтерова локална магнитуда ML3.2.Според досегашните податоци со кои располага опсерваторијата, земјотресот е почувствуван од населението на Берово и околината, со интензитет од III степени според Европската макросеизмичка скала.

Македонија | пред 1 година

Пак се тресеше во Скопје

Во повеќе делови на Скопје и околината и вечерва околу 21 часот и 45 минути беше почувствуван земјотрес, кој според Европско-медитеранскиот сеизмолошки центар (ЕМСЦ), бил со јачина од 2,8 степени.Според последните податоци, епицентарот е на 24 километри источно од Скопје, а земјотресот бил на длабочина од 5,6 километри.Претходно, ноќта во понеделникот, околу 2 часот, беше регистриран посилен потрес од 3,4 степени, чијшто епицентар беше приближно како и вечерашниот.

Скопје | пред 1 година

Сеизмолозите потсетуваат на мерките за заштита од земјотрес, откако Скопје се тресеше ноќеска

„По случениот земјотрес изутринава во град Скопје, на 23.09.2024 година, во 02:02 часот по локално време, со локална Рихтерова магнитуда ML=3.4, кој ги вознемири жителите на град Скопје, Велес, Свети Николе и околните населени места, ја користиме оваа прилика да се потсетиме на мерките за заштита од земјотрес. Ве замолуваме да го скенирате следниот QR код, кој ќе Ве упати кон мерките за заштита пред, за време и по случен земјотрес“, велат од Сеизмолошката Опсерваторија при ПМФ – Скопје и додаваат:„Сеизмолошката Опсерваторија при ПМФ – Скопје нуди стручни предавања од оваа област на ученици и останати заинтересирани лица. Можете да не контактирате на нашата фб страница, како и на нашата Веб страна https://seismobsko.pmf.ukim.edu.mk/, или пак на е-пошта [email protected]Со ова известување упатуваме и апел за пополнување на прашалникот за почуствуван земјотрес во случај на почуствуван земјотрес од Ваша страна, а ваквите податоци се од големо значење за работата на Сеизмолошката опсерваторија“.

Македонија | пред 1 година

Втор земјотрес, но потресот ноќеска во Скопје

Откако вчера жителите на Скопје ги тресеше земјотрес кој бил почуствуван и во соседните држави, денес е почувствуван нов земјотрес но со послаб интезитет.Епицентарот бил во западниот дел на земјата, околу Лазарополе. Јачината била 2,2 степени според Рихтеровата скала на длабочина од околу 10 километри.Претходно, рано утрово околу два часот по полноќ беше регистриран потрес од 3,4 степени според Рихтеровата скала.Потресот се почувствува на територијата на Скопје, а епицентарот беше лоциран на 23 километри источно од главниот град на длабочина од 7 километри.

Македонија | пред 1 година

Земјотрес со јачина од 3,4 степени почувствуван во Скопје

Земјотрес со јачина од 3,4 степени според Рихтеровата скала е регистриран во Македонија околу 2 часот утринава, соопшти Европско-медитеранскиот сеизмолошки центар (EMSC).Епицентарот на земјотресот бил на 23 километри источно од Скопје и 13 километри североисточно од Студеничан, а е регистриран на длабочина од осум километри.Според ЕМСЦ, земјотресот бил почувствуван и во соседните Грција, Бугарија, Албанија, Србија и Црна Гора.

Македонија | пред 1 година

Нема фотографија

Повеќе земјотреси во близина на Крит: Најсилниот со јачина од 4,2 степени

Неколку земјотреси, од кои најсилниот беше со јачина од 4,2 степени според Рихтеровата скала, утринава ја погодија областа околу грчкиот остров Крит, а нема информации за материјална штета или жртви, соопшти Европскиот медитерански сеизмолошки центар.Како што информираат од ЕМСЦ, првиот земјотрес се случил во 04:45 часот по локално време и бил со јачина од 2,8 степени според Рихтеровата скала, а епицентарот бил на длабочина од 27 километри и 64 километри јужно од Ираклион.По него, околу 6 часот и 22 минути, следеше нов, досега најсилен земјотрес со јачина од 4,2 степени според Рихтеровата скала со епицентар на длабочина од 11 километри и на оддалеченост од 109 километри од Ираклион.Малку подоцна, околу 6 часот и 29 минути по локално време, е регистриран уште еден земјотрес со јачина од 3,9 степени според Рихтеровата скала на длабочина од 19 километри и на оддалеченост од 165 километри северозападно од Ираклион, соопшти ЕМСЦ.

Свет | пред 1 година

Нема фотографија

Земјотрес со јачина од 4,9 степени ја погоди Индонезија, има и загинти

Во земјотресот со јачина од 4,9 степени според Рихтеровата скала што ја погоди Западна Јава во Индонезија, едно лице загина, а најмалку 82 се повредени, јави агенцијата ВНА.Епицентарот на земјотресот бил на 24 километри југоисточно од провинцијата Бандунг и на длабочина од 10 километри.Најпогодено е подрачјето на Бандунг, каде се повредени 81 лице, а по него е Гарут.Според првите проценки, оштетени се околу 700 куќи.Оштетени се и речиси 100 здравствени, образовни, верски и јавни објекти, вклучително и пазари.Поради земјотресот евакуирани се 450 лица.

Свет | пред 1 година

Нема фотографија

Два земјотреси погодија Британска Колумбија

Два земјотреси со јачина од 6,5 и 4,7 степени синоќа го погодија северниот брег на канадската провинција Британска Колумбија, а засега нема информации за материјална штета или евентуални жртви.Геолошкиот институт на САД соопшти дека првиот земјотрес со јачина од 6,5 степени според Рихтеровата скала се случил околу 00:20 часот по локално време, во близина на крајбрежниот град Порт Мекнил.Епицентарот на земјотресот бил во Тихиот Океан на длабочина од 10 километри.Потоа во 03:43 следеше земјотрес од 4,7 степени според Рихтеровата скала со епицентар на иста длабочина.Американскиот центар за предупредување од цунами соопшти дека по овие земјотреси нема закана од цунами, пренесува Ројтерс.

Свет | пред 1 година

Силен земјотрес ја погоди Турција

Силен земјотрес со јачина од 4,1 степени според Рихтеровата скала ја погоди Турција, јавува EMSC.Земјотресот е регистриран на 32 километри од Келкит во источна Турција, на длабочина од девет километри.Засега нема информации за повредени или материјална штета

пред 1 година

Нема фотографија

Земјотрес со јачина од 5,4 степени го погоди Пакистан

Земјотрес со јачина од 5,4 степени според Рихтеровата скала денеска го погоди Пакистан, соопшти Европскиот медитерански сеизмолошки центар (EMSC).Според EMSC, земјотресот се случил на длабочина од 10 километри и на 38 километри западно-северозападно од градот Леј, или 77 километри јужно од градот Дера Исмаил Кан.Засега нема информации за повредени или материјална штета.

Свет | пред 1 година

Нема фотографија

Силен земјотрес во Грција

Земјотрес со јачина од четири степени според Рихтеровата скала утрово ја погоди грчката префектура Коринт на Пелопонез.Нема извештаи за повредени или материјални штети, пренесува Катеимерини.Според Геодинамичкиот институт на Националната опсерваторија во Атина, епицентарот на земјотресот бил лоциран на четири километри северо-северозападно од Фенеос, на длабочина од 11 километри.Грција се наоѓа во еден од сеизмички најактивните региони во светот, каде земјотресите се чести, но смртните случаи и значителни штети од земјотреси се ретки, наведува Катимерини.

Свет | пред 1 година

Нема фотографија

Земјотрес во Црна Гора

Во Црна Гора кај Никшиќ е регистриран земјотрес со јачина од 2,2 степени според Рихтеровата скала.Според моментално достапните информации, точната локација на епицентарот е помеѓу Никшиќ и Даниловград.Засега нема информации за евентуални штети и повредени.

Свет | пред 1 година