„Плетев до три часот наутро“ – мајката на судијата Ристов објаснуваше како ги стекнале илјадниците евра зад плочките

„Никогаш Ѓоко не ми дал пари. Од децата динар не сум земала. Јас имам многу вреден сопруг“, сведочеше Донка Ристова, мајка на судијата Ѓоко Ристов, на денешното судење, каде што беше испрашувана за потеклото на парите пронајдени во семејната куќа во Неготино.

Ристова тврдеше дека таа и сопругот Здраве цел живот работеле и штеделе, а наместо да добиваат финансиска помош од своите деца, тие им помагале ним.

„Јас и сопругот кога се земавме, јас плетев и се мачевме. Тој печалеше пари. Ниту распашани, ниту пијаници, јас се гордеев цел живот со нив. Јас давав пари, не барав од нив. И снаите кога дојдоа, за сите имаше место“, раскажа таа.

За да објасни колку работеле, Ристова рече дека плетела и до два-три часот по полноќ.

— реклама —

„Човек кој е вреден и ноќе произведува пари“, додаде таа.

Во продолжението на испрашувањето беа отворени прашања за начинот на кој ги чувала парите, нивното менување во странска валута и трагите што биле земени во текот на истрагата.

Ристова потврди дека при истражните дејствија биле земени ДНК-траги, а на прашањето дали е сигурна дека лично ги ставала парите во скривницата, одговори потврдно.

— реклама —

„Да, јас ги ставав“, рече таа.

Објасни дека сопругот ги менувал заработените пари во менувачници, меѓу другото и во банкноти од 500 евра. Според нејзиното сведочење, до 2000 година купувале германски марки, кои подоцна ги заменувале во евра.

На прашањето дали ги ваделе парите од скривницата за да ги заменат, а потоа повторно ги враќале, Ристова одговори: „Да, така е“.

Во испрашувањето беа споменати и штедни книшки, како и стан купен во 2017 година. Беше отворено прашањето дали Ристова и сопругот финансиски му помогнале на синот со 70.000 евра, како и дали му помагале и на другиот син, Ангел. Ристова потврдно одговори на прашањето за семејната финансиска помош.

— реклама —

Обвинителката отвори прашања и за имот поврзан со фотоволтаици, кој формално бил на име на Ристова, како и за продажбата на уделот во тој имот.

Според одговорите дадени во судницата, продажбата на уделот била извршена на 15 јануари 2025 година, а парите биле вложени во недвижност што допрва треба да биде изградена.

Ристова го објасни вложувањето во недвижности со семејното правило што го наследила од својот татко.

— реклама —

„Тоа ми беше клетва од татко ми – недвижност ќе си дадеш, пари за недвижност“, рече таа.

Со своето сведочење Ристова остана на тврдењето дека семејното богатство е резултат на повеќедецениска работа, штедење и располагање со имот, а не на пари добиени од нејзиниот син, судијата Ѓоко Ристов.

Нејзините наводи за потеклото на парите и семејните финансиски трансакции се дел од доказната постапка и подлежат на оценка од Судот.

Ги чувавме 350 илјади евра за да одиме на Геријатрија, ги печалевме од земјоделие - 50 години ставаме пари зад плочката, вели мајката на судијата Ѓоко Ристов која го брани синот

Донка Ристова, мајка на судијата Ѓоко Ристов, на денешното судење тврдеше дека парите пронајдени при претресот во семејната куќа во Неготино се нејзина и сопственост на нејзиниот сопруг Здраве. Според неа, станува збор за околу 350.000 евра, заштеда од повеќедецениска земјоделска работа, која ја чувале скриена зад плочка во ниша во куќата.Одговарајќи на прашањата на обвинителката Искра Хаџи Василевска, Ристова рече дека првиот претрес бил извршен на 29 декември 2025 година, кога, според нејзинот

Македонија | пред 4 часа