Пратениците изгласаа измени на законите за јавниот сектор, платите, високите раководители и шумите

Пратениците на денешната 125. седница на Собранието изгласаа измени и дополнувања на четири закони, по што седницата беше прекината, а преостанатите точки од дневниот ред ќе бидат разгледувани на продолжение.

— реклама —

Со мнозинство гласови „за“ беа усвоени измените и дополнувањата на Законот за високи раководители и Законот за вработените во јавниот сектор.

Пратениците ги изгласаа и измените и дополнувањата на Законот за плата и други надоместоци на избрани и именувани лица, како и на Законот за шумите.

— реклама —

Потпретседателката на Собранието Весна Бендевска ја прекина седницата, образложувајќи дека нема деловнички можности за продолжување на расправата по преостанатите точки од дневниот ред.

— реклама —

Меѓу точките што останаа за разгледување се и предлог-законите за изменување и дополнување на Законот за административни службеници и Законот за надворешни работи.

На дневен ред се и предлог-националната програма за високото образование со предлог-мерки за периодот 2025–2030 година, како и предлог-националната програма за научно-истражувачка дејност со предлог-мерки за истиот период.

Од Собранието дополнително ќе биде известено за датумот и времето на продолжението на 125. седница.