Шест мигранти осомничени за напад и силување во Солун, жртвата ја фрлиле во морето

Двајца мажи од Пакистан се уапсени во Солун, Грција, по пријава за брутален напад врз 41-годишен сонародник, кој тврди дека бил претепан, сексуално нападнат и фрлен во морето. Полицијата трага по уште четворица осомничени.

— реклама —

Според пријавата, нападот се случил рано во вторникот, на отворен простор во близина на црквата „Сите светци“, во западниот дел на Солун. Жртвата навела дека била нападната од шестмина мажи, од кои еден го снимал сексуалното насилство. При нападот, тој бил повреден и со нож во раката.

— реклама —

Мажот тврди дека напаѓачите потоа го качиле на мотоцикл, го однеле во центарот на градот и го фрлиле во Солунскиот Залив. Со возило на итната помош бил пренесен во болница, каде што му била укажана прва помош, по што ја напуштил здравствената установа.

— реклама —

Полициски службеници во средата наутро ги пронашле и уапсиле осомничените на возраст од 40 и 34 години, во населбата Амбелокипи.

Против нив е поведена постапка за силување, обид за убиство и прекршување на прописите за оружје и заштита на личните податоци, во зависност од дејствијата што им се ставаат на товар. Уапсените треба да бидат изведени пред обвинител, а потрагата по останатите осомничени продолжува.