По Миле Тодоров се трагаше со месеци, сега неговата сестра објави дека е починат!

Случајот со 28-годишниот Миле Тодоров од Неготино кој исчезна во јануари годинава и по кого семејството и полицијата трагаше подолго време има тажна завршница. Неговата сестра Марија објави дека е починат:„ЛЕТАЈ СО АНГЕЛИТЕ, МИЛО НАШЕ.Нашите срца ќе останат празни без твојот глас, љубов, добрина, насмевка... Болната е голема, но спомените за тебе ќе останат вечни во нашите срцаПочивај во мир и спокој. Погребот ќе се изврши на 05.12 (петок) од 12 до 13 часот“.

Македонија | пред 3 седмици

Ешерихија коли во прехрамбен намаз – АХВ ја казни „Ванила фуд“ по труењето на 40 деца во „Димо Хаџи Димов“

Агенцијата за храна и ветеринарство (АХВ) изрече парични санкции за операторот со храна „Ванила фуд“, откако вонредните контроли во скопското училиште „Димо Хаџи Димов“ и во уште осум основни училишта открија повеќе сериозни неправилности, меѓу кои и присуство на ешерихија коли во намаз што се користел во исхраната на учениците.По земените мостри од храна и брисеви од работни површини, АХВ констатира дека примерокот од мусаката послужена во училиштето не ги исполнувал микробиолошките критериуми и содржел бактерии од групата ентеробактерии. На една од мострите намаз бил детектиран и ешерихија коли, поради што веднаш е наредено намазот да се отстрани од употреба. Од тестираните брисеви два биле позитивни, но без присуство на патогени бактерии.За утврдените пропусти, „Ванила фуд“ е казнета со две парични казни – 600 евра за операторот и 300 евра за одговорното лице. Дополнително, поради непоседување сертификат за хигиенски курс и недостаток на технички услови (вклучително и недостаток на топла вода во две училишни кујни), изречена е уште една казна во висина од 650 евра.АХВ соопшти дека кујната во „Димо Хаџи Димов“ останува затворена додека не пристигнат новите лабораториски резултати по нареденото генерално чистење и дезинфекција. Земени се нови брисеви од опремата и работните површини, а вработените се испратени на вонредни санитарни прегледи.Контролите се интензивирани откако на 26 ноември најмалку 40 ученици од одделенска настава се пожалија на болки во стомакот и други симптоми по консумирање на храна во училиштето. Првичните анализи покажаа грам-негативни бактерии во мусаката, а фекални бактерии биле пронајдени и на три чешми во училиштето.АХВ официјално ги доби резултатите од сите вонредни инспекциски контроли во деветте училишта во Општина Карпош каде оператор е „Ванила фуд“, и најави дека ќе продолжи со засилен надзор сè додека не се обезбеди целосна безбедност на храната што им се сервира на учениците.

Скопје | пред 3 седмици

Одбраната за Захариев:„ Лазар ги спасуваше децата од пожарот, тој е херој“

На денешното рочиште за трагедијата во „Пулс“ во Идризово, адвокатот Зоран Зафировски го претстави случајот на обвинетиот Лазар Захариев, припадник на приватната агенција за обезбедување „Рубикон“, како пример на човек кој во кобната ноќ направил сè што можел за да спаси животи. Според одбраната, Захариев не е причинител на трагедијата, туку човек што се борел во хаосот за да извлече што повеќе млади на безбедно.Инсистирајќи дека обвинението погрешно го претставува неговото учество, Зафировски наведе дека Захариев воопшто не бил дел од обезбедувањето кое контролира влез, туку дошол дури откако пиротехниката веќе била внесена во дискотеката. Тој бил ангажиран на патрола на повеќе локации, а не како стационарно обезбедување во „Пулс“. Дополнително, таа вечер не носел рефлектирачки елек бидејќи никој не го информирал дека ќе се одржува концерт.Во своето обраќање, адвокатот ја нагласи и херојската страна на неговото делување:„Тој е херој во моите очи. Им го проверувал пулсот, се обидувал да ги реанимира и подигнал две врати кои биле паднати врз луѓето… Сето ова го направил откако и самиот бил натрупан со луѓе.“Одбраната најави дека ќе повика повеќе од 20 млади лица кои ќе сведочат дека токму Лазар им помогнал да излезат живи од објектот.Обвинителството го товари Захариев дека не го спречил внесувањето пиротехника, а истовремено, на страница 40, го наведува како оштетен, со констатација дека во пожарот се здобил со инхалациона повреда.Самото ова, според одбраната, покажува дека Захариев бил внатре во објектот како спасувач, а не како човек што дозволил прекршок.Захариев накратко и видно потресен се обрати пред судот:„Криво ми е што на кобниот ден не можев да спасам повеќе луѓе.“Захариев е обвинет за кривичното дело „Тешки дела против општата сигурност“, исто како и другите обвинети во делот што се однесува на пропусти поврзани со безбедносните стандарди во дискотеката.

Македонија | пред 3 седмици

Град Скопје со препораки за зимата и најавени засилени контроли против загадувањето

Во пресрет на зимската сезона и очекуваните епизоди на зголемено загадување, Град Скопје упати нов сет препораки до граѓаните и најави интензивирани инспекциски контроли за спречување на штетни емисии и нелегално согорување отпад.Ве известуваме дека Секторот за заштита на животната средина како надлежен сектор во врска со предлагањето мерки и активности за подобрување на квалитетот на амбиенталниот воздух, согласно со акционите планови за воздух а во пресрет на зимската сезона и на очекуваните епизоди со зголемено загадување на воздухот, ги предлага следниве препораки:- редовно чистење на оџаците од домовите и одржување на грејните тела;- за затоплување на домовите да не се користат отпадни материјали, прегорено машинско масло, лакирани и обоени отпадоци од дрво, стиропор, ПЕТ амбалажа, гуми или каков бил синтетички материјал;- да се користи суво и чисто дрво за затоплување, без примеси од земја и отпадоци;- печките на дрво да се користат и одржуваат според упатствата на производителот;- редовен сервис на котли, печки и клима уреди за ефикасно согорување и помалку емисии на штетни материи.Градот Скопје ги известува граѓаните дека во периодот што е пред нас ќе следат засилени инспекциски контроли на сите постројки кои поседуваат елаборати за заштита на животната средина или Б-интегрирани еколошки дозволи, а особено внимание ќе се посвети на откривање и спречување на спалувањето отпад.

Скопје | пред 3 седмици

Костадинов: „Проектот со електричните автобуси е законски спроведен – целосно ги отфрлам обвиненијата“

Поранешниот градоначалник на Струмица, Кoстадин Костадинов, по поднесената кривична пријава ги отфрли, како што вели, во целост наводите за сомнение за сторено кривично дело во врска со јавната набавка на електричните автобуси во Струмица.Проектот од стратешко значење за општина Струмица од кој, денес во пракса сите жители на општината имаат јасни економски, еколошки и сообраќајни бенефити, процедурално е инициран од Општината, изгласан на Советот на Општина Струмица, со јасни насоки за формирање Јавно Сообраќајно Претпријатие, спроведување на јавна набавка за автобуси и имплементација на проектот.Верувам дека сите овие чекори се спроведени според важечките закони. Истовремено, сакам да потенцирам дека лично јас, а се надевам и сите наведени лица за кои што постои сомневање дека сториле кривично дело, стоиме на располагање на сите надлежни органи и институции со цел да им биде елаборирано и појаснето на каков начин е спроведен овој проект кој денес беспрекорно функционира во пракса.Политички коментар не би сакал да давам, пишува Костадинов на ФБ.

Македонија | пред 3 седмици

Адвокатот на Камбери тврди: „Телефоните не се негови“ – затворот возвраќа дека никој не признал сопственост

Адвокатот Насер Рауфи денеска пред судот изјави дека 13-те мобилни телефони и лаптопот, за кои на претходното рочиште беше соопштено дека биле пронајдени во ќелијата на обвинетиот Џеваир Камбери, не му припаѓаат на неговиот клиент. Според него, „вистинскиот сопственик“ се пријавил сам.„Го молам судот да ја провери информацијата во затворот,“ изјави Рауфи, наведувајќи дека тоа може лесно да се утврди преку управата со притворското одделение.Од затворот појаснуваат дека во ќелијата на Камбери престојуваат тројца притвореници, дека ниту еден од нив – ниту пак некое друго лице – не признал сопственост над уредите, поради што сите телефони и лаптопот се заведени како заеднички имот на тројцата, што значи и на Камбери.По интерната проверка, управата истакна дека не може да изрече дисциплински мерки без одлука на судот, па доколку судијката наложи санкција, затворот ќе ја спроведе.На претходното рочиште судијката Диана Груевска-Илиевска посочи дека поседување телефони во притвор е сериозен прекршок, но овојпат Камбери доби само опомена. Таа најави дека во иднина ваквите прекршоци ќе бидат санкционирани.Џеваир Камбери е поранешен службеник во Министерството за економија и е единствениот меѓу 35-те обвинети кој, покрај тешките дела против општата сигурност, се товари и за примање поткуп и за изготвување фалсификувани службени исправи.Според обвинението, примил 226.000 денари (над 3.600 евра) за да обезбеди незаконска дозвола за работа на дискотеката „Пулс“.

Македонија | пред 3 седмици

Кривична пријава против Костадин Костадинов: Тој и уште пет лица направиле злоупотреба на постапка за јавна набавка за електрични автобуси во Струмица

СВР Струмица до Основното јавно обвинителство Струмица поднесе кривична пријава против К.К.(35) од Струмица поради постоење основи на сомнение дека сторил кривичното дело „злоупотреба на постапката за јавен повик, доделување на договор за јавна набавка или јавно-приватно партнерство“, против Д.П.С.(61) од Струмица, К.Б.(37) од Богданци, Л.Ј.(63) од село Ново Село, струмичко и Л.Ѓ.(62) од Струмица поради постоење основи на сомнение дека сториле кривично дело „несовесно работење во службата“ и против Г.П.(58) од Скопје поради постоење основи на сомнение дека помогнал во извршувањето на кривичните дела „злоупотреба на постапката за јавен повик, доделување на договор за јавна набавка или јавно-приватно партнерство“ и „несовесно работење во службата“.Пријавениот К.К., во својство на поранешен градоначалник на општина Струмица, ги повредил правилата на постапката за јавна набавка на електрични автобуси за потребите на ЈСП „Струмица-Транспорт“ од Струмица со ангажирање на пријавениот Г.П. како одговорно лице задолжено за одговори на технички прашања, учество во техничката евалуација на понудите, надзор над имплементацијата и целосна реализација на договорот, иако тој не ги поседувал потребните стручни квалификации и потребната лиценца А за надзор од областа на електротехниката издадена од Комората за овластени архитекти и овластени инженери. Исто така, пријавениот К.К. свесно ги повредил и прописите на постапката за јавна набавка преку договарање со Г.П. на тој начин што во тендерската документација биле наведени спецификации кои недвосмислено и речиси идентично одговарале токму на спецификациите на набавените електрични автобуси.Пријавениот Д.П.С., во својство на директор на ЈСП „Струмица-Транспорт“, постапил несовесно и пропуштил должен надзор над целокупната постапка и имплементација на јавната набавка, при што на 12.03.2024 го потпишал Договорот за јавна набавка на 10 нови електрични автобуси преку финансиски лизинг, во која постапка учествувало лице кое ги немало потребните стручни квалификации и потребната лиценца за надзор од областа на електротехниката.Пријавената К.Б., во својство на претседател на комисијата за јавни набавки при ЈСП „Струмица-Транспорт“, заедно со пријавените Л.Ј. и Л.Ѓ., во својство на членови на комисијата за јавни набавки, во тендерската документација за отворената постапка за јавна набавка на електрични автобуси за јавен превоз преку финансиски лизинг за потребите на ЈСП „Струмица-Транспорт“, како одговорно лице задолжено за следење на реализацијата на договорот го определиле пријавениот Г.П., кој бил носител само на лиценца Б за надзор од областа на електротехниката, не бил квалификуван за тие работни задачи во предметната јавна набавка, немал ниту право да одговара на технички прашања, да учествува во техничката евалуацијата на понудите, да врши надзор над имплементацијата и целосната реализација на договорот.Со наведените дејствија биле набавени 10 електрични автобуси за износ од 429.933.595 денари со што е причинета материјална штета од поголеми размери, а со отсуството на лице со неопходните стручни квалификации и со потребната лиценца А за надзор од областа на електротехниката доведени се во прашање реалната вредност, квалитетот, безбедноста и веродостојноста на техничките спецификации на набавените електрични автобуси.

Македонија | пред 3 седмици

СДСМ за Груевски: Своите „машки“ комплекси и кризата на средни години ги лекува со фарбање коса, филери и ботокс

Никола Груевски, некогашниот „голем“ премиер на Македонија, човекот што така „мајсторски“ ја зави земјата во црнило, ја остави во безнадежност и сонуваше за изолација само за себе и за својата клика. Парадоксално, нели?, прашуваат од СДСМ во денешното соопштение.„Денес, тој гениј сместен удобно во срцето на Европската Унија, токму таму каде што никогаш не сакаше да ја однесе Македонија. Како ли само дише европски воздух без да се задуши од иронија?Овој морален мал човек (иако се покажа дека има идеална големина за во гепек, додека бегаше преку граница), во секоја смисла на зборот, сега дели мудрости откако побегна од правдата.Човекот кој прислушкуваше 20.000 граѓани, апсеше, купуваше Мерцедес од 650.000 евра (народни пари нормално) и очила за сонце од 30.000 евра (за подобро да ја види сопствената корупција).Човекот кој изнесе 2 милијарди од земјата (а сега вели не бил сигурен дали биле 2 или 7 милијарди, очигледно многу пари за броење), веројатно за да си го финансира сонот во азил.Тоа е истиот тој Груевски чијшто најблизок круг го сочинуваат: министерка за внатрешни работи што возела украден автомобил, ни помалку ни повеќе од Дејвид Бекам, министри што закупувале цели катови во луксузни хотели, и се занимаваат со криминал.Херој?Никако. Повеќе личи на Мики Маус, Дизни јунак од цртан филм кој држи лекции на другите.Наместо да седи во Идризово и да пишува мемоари со наслов „Како ја ограбив Македонија“ (би бил бестселер), тој од својот будимпештански луксуз произведува Будимпештански бајки за деца, измислени приказни од чиста досада.Своите „машки“ комплекси и кризата на средни години ги лекува со фарбање коса, филери и ботокс како телевизиска ѕвезда од сапунска серија, во криза.Тоа е Никола – нашиот „beauty influencer“ и трендсетер!И покрај активното пишување бајки и белетристика, тој стигнува, како некогаш, насекаде – дури и да ја води својата партија од далечина. Активно учествува во кампањата на ВМРО-ДПМНЕ, плукајќи по луѓе со измислени Дубаи сказни за деца, против оние што донесоа слобода за Македонија.И го остави малиот Мицко да го продолжува неговиот славен пат. Зошто самиот да го работи валканиот дел од работата кога некој друг може наместо него, и тоа од далечина?Никола, наш црн Грујо, биди барем еднаш во животот маж и дојди во Скопје. Ќе ти приредиме убав пречек. Ќе има многу луѓе, ротации, протокол, лисици, сè на највисоко ниво, баш како што сакаш.Смееш ли?Или, можеби, си се навикнал на унгарски гулаш па не ти одговара македонско тваче гравче”, стои во соопштението од СДСМ.

Македонија | пред 3 седмици

Екс-градоначалникот Ратко Димитровски во судницата во Идризово: „Реагирав уште во 2012, но институциите молчеа“

На денешното рочиште за трагедијата во дискотеката „Пулс“, поранешниот градоначалник на Кочани, Ратко Димитровски, ја отфрли вината. Во своето воведно обраќање тој рече дека е шокиран што по повеќе од една деценија се наоѓа на обвинителна клупа и дека, како што рече, „не може некој невин да го носи товарот наместо вистинскиот одговорен“.Во судницата ја даде следнава изјава, која ја пренесуваме дословно:„Изненаден сум. Никогаш, ама никогаш не би помислил дека ќе застанам на обвинителна клупа за функција што сум ја вршел пред 13 години. Не постојат заменски обвинети. Не може некој невин да одговара за друг.“Тврди дека предупредил уште пред отворањето на „Пулс“Димитровски пред судот откри дека во октомври 2012 година, уште пред дискотеката официјално да почне со работа, испратил допис до Министерството за економија барајќи информации за дозволата на објектот.„Кога дознав дека ќе се отвора дискотека, на 19.10.2012 година се обратив до Министерството: ’Ве молиме да не информирате дали му е издадена или ќе му биде издадена дозвола за тој објект‘. Јас сум единствен во Македонија кој го направил тоа, иако сум немал надлежност. На тој допис до денес немам добиено одговор,“ изјави тој.Тој дополнително наведе дека на 5 ноември 2012 година општината официјално го информирала сопственикот Дејан Јованов дека парцелите во близина на објектот не можат да се користат како паркинг, бидејќи тоа не е предвидено со важечкиот ДУП.„Не смее да се изостават оние што требало да бидат обвинети“Екс-градоначалникот истакна дека во целиот процес има пропусти и дека, според него, дел од одговорните лица не се опфатени со обвинението.„Каква правда може да се очекува ако се изостави и само еден човек кој требало да биде обвинет, а се обвинуваат луѓе кои не се виновни?“ рече Димитровски пред присутните роднини на жртвите и судскиот совет.

Македонија | пред 3 седмици

Одбраната тврди дека трагедијата во „Пулс“ не е последица на градежни пропусти – продолжија воведните излагања во судот

На денешното рочиште за случајот „Пулс“ одбраната на општинските градежни инспектори ја оспори тезата на обвинителството дека нивното непостапување придонело за катастрофата во која загинаа 63 млади животи. Бранителите на обвинетите објаснија дека „причината за трагедијата не произлегува од конструктивни недостатоци на објектот“, туку од други фактори кои не се во надлежност на градежните инспектори. Сите обвинети инспектори уште на почетокот упатија сочувство до семејствата на загинатите.Адвокат Зоран Зафировски, бранител на седмообвинетиот Огњен Георгиев, истакна дека делото за кое се гони неговиот клиент е веќе во постапка на застарување. Тој нагласи дека одбраната ќе докаже дека објектот не страдал од градежни недостатоци што би можеле да бидат предмет на инспекциска контрола.Според него, сите промени во објектот биле реновирања изведени од сопственикот без да поднесе пријава, што автоматски го ограничувало просторот за постапување на инспекторот. „Инспекциски надзор не може да се спроведе ако нема поднесок, налог или иницирана постапка,“ потенцираше Зафировски.Другите инспектори тврдат дека ниту знаеле за кабарето ниту имале надлежностБранителот на Љупчо Стаменков, адвокат Јован Танчев, истакна дека неговиот клиент во последните години работел во Скопје и „не можел ни да знае дека во објектот се одвива кабаретска дејност“. Според него, во целиот период додека Стаменков бил вработен во Општина Кочани, „немало ниедна поднесена пријава што би барала инспекторите да излезат на терен“.Адвокатите сметаат дека обвинителниот акт е „правно неконзистентен“, дека погрешно се применува материјалното право и дека нема докази кои би ја потврдиле вината.Одбраната на Николчо Коцев: немал налог, немал пријава, немал надлежностЗа деветтообвинетиот Николчо Коцев, повторно адвокат Зоран Зафировски објасни дека Коцев никогаш не добил ниту известување, ниту налог, ниту службена пријава за контрола на објектот. Тој потсети дека објектот е граден пред повеќе од 30 години, кога Коцев не бил ни службено лице, а за периодот што се опфаќа со обвинението е изведена само една градежна активност што не претставува промена на намената.Коцев, обраќајќи им се на семејствата на жртвите, рече:„– Таа вечер јас бев во болницата и до доцна во ноќта помагав. Тоа не е момент што можам да го заборавам и го носам со мене. А, денеска сум обвинет за нешто што не сум го сторил и никогаш не било во моја надлежност.“Тој додаде дека работел исклучиво во рамките на законските овластувања и очекува судот „да ја препознае разликата меѓу виновник и жртва на системска слабост“.

Македонија | пред 3 седмици

СДСМ со совет до Сиљановска Давкова да не го слуша нивниот водач-бегалецот Груевски

СДСМ ја советува претседателката Гордана Сиљановска Давкова, која иако рече дека политички партии не коментира, сепак во изјава им посака побрзо да ја надминат кризата, да не го слуша експремиерот и бегалец, Никола Груевски.„Новата сила, енергијата и новиот тим на СДСМ носи криза само за ВМРО-ДПМНЕ и Христијан Мицкоски. Тоа веќе е видливо но допрва на сите ќе им биде јасно, вклучутелно и на Давкова. И Социјалдемократскиот сојуз на Македонија има совет за претседателката Гордана Сиљановска Давкова: Имате доволно години и искуство да не го слушате повеќе вашиот водач Никола Груевски“, велат од СДСМ.Партијата порачува дека тој концепт еднаш бил поразен и повторно ќе се случи тоа.„Едноставно е погрешно и штетно за иднината на државата. Тој криминален концепт еднаш беше поразен и повторно ќе биде поразен сосе неговите ученици кои денеска ја крчмат Македонија. Никола Груевски пишува на Фејсбук дека е време за војни а претседателката Давкова јавно го кажува тоа како нејзин став дека „не е време за реформи“ затоа што е време за војни. Осуден и побегнат криминалец, кој украде 2 милијади евра народни пари од Будимпешта диктира повторна изолација на Македонија, нов грабеж и да ја управува Владата на далечинско. СДСМ е тука тоа да го спречи. Работата се уште не е завршена“, соопштија од СДСМ.

Македонија | пред 3 седмици

Одговорност, транспарентност, интегритет, новиот претседател на ДКСК ќе ја поправа оценката од ЕК

Многу силни ветувања од нивоизбраниот претседател на Државната комисија за спречување на корупцијата, Адем Чучуљ, кој денеска даде свечена заклетва пред претседателот на Собранието Африм Гаши.Најави дека заедно со неговиот тим ќе бараат интегритет, одговорност и транспарентност од сите институции.,,За мене претставува, пред се, чест да бидам претседател на институцијата од која потекнувам, во која израснав како професионалец. Истовремено е голема одговорност, имајќи ги предвид предизвиците со кои се соочува и Комисијата и државата на полето на борбата против корупцијата. Во таа насока како претседател на ДКСК ќе се залагам за транспарентна работа на институцијата, но и како тим ќе бараме одговорност и транспарентност од сите институции. Ние сме институција која го промовира интегритетот и ќе бараме интегритетот да се промовира и унапредува во сите институции. Само со таква заложба и со интегритет на институции и интегритет на носители на јавни функции ќе придонесеме за подобро општество и за намалување на корупцијата”, изјави Чучуљ.Одговорајќи на новинарско прашање што ќе биде во фокусот на ДКСК, тој изјави дека имаат голем број предизвици.,,Оценките на ЕК се такви какви што се. Како претседател ќе се залагам да ги поправиме тие оценки. Ќе треба напор, доста работа. Во моето интервју во Собранието кажав дека ќе се залагам за дигитализација, за превентивните алатки. Во фаза сме на подготовка на новата Национална стратегија, која се изготвува во инклузивен процес, со учество на сите релевантни фактори во државата. Како превентивна алтка се надевам дека ќе биде многу поконцизна и поспроведлива за разлика од претходната. Со тој механизам ќе придонесеме да се отстранат системските слабости кои генерираат корупција. Исто така напоменав дека се надевам на поддршка од целата Комисија, да ја зголемиме нашата проактивност во делот проверка на имотната состојба на избраните и именуваните лица бидејќи тоа е една од забелешките во Извештајот на ЕК, а е шеста препорака на ГРЕКО”, рече Чучуљ.Чучуљ едногласно со 82 гласа беше избран за претседател на ДКСК.

Македонија | пред 3 седмици

ОН бара од Русија враќање на киднапираните украински деца

Општото собрание на Обединетите нации усвои резолуција со која од Русија се бара итно, безбедно и безусловно враќање на сите украински деца кои биле присилно префрлени или депортирани за време на војната во Украина. Резолуцијата исто така ја повикува Москва веднаш да ја прекине оваа практика.За резолуцијата гласаа 91 држава, меѓу кои и САД, додека 57 земји беа воздржани. Против гласаа Русија и уште 11 држави, јавува Reuters.Според националната база на податоци „Деца на војната“ на Украина, најмалку 19.546 украински деца се киднапирани и однесени во Русија или области контролирани од Русија.Иако се проценува дека илјадници деца се насилно посвоени од руски семејства, други биле затворени во руски кампови за милитаризација и превоспитување.Русија побара резолуцијата да не биде усвоена.,,Секој глас за резолуцијата е поддршка на лаги, војна и конфликти. Секој глас против е глас за мир”, изјави заменичката на рускиот амбасадор во ОН, Марија Заболотскаја, пред гласањето.Меѓународниот кривичен суд издаде налог за апсење на Путин во март 2023 година, обвинувајќи го за воено злосторство за нелегално депортирање стотици деца од Украина, потег што Русија го отфрли како „скандалозен и неприфатлив“.Москва порано тврдеше дека „ги штити ранливите деца од воени зони“.На 1 декември, Зеленски изјави дека досега се вратени само 1.859 украински деца киднапирани од Русија.

Свет | пред 3 седмици

Рафинеријата Панчево се гаси и се полни со азот, во Србија ,,клуч” на петтина од бензинските пумпи

Состојбата на пазарот на нафтени деривати во Србија, и покрај санкциите на САД врз Нафтената индустрија на Србија (НИС), која е во мнозинска руска сопственост, сè уште можеби не е драматична, но наскоро би можело да предизвика постепено затворање на една петтина од бензинските пумпи во земјата, објавуваат српските медиуми.Санкциите што ги воведе Канцеларијата на Министерството за финансии на САД врз рускиот енергетски сектор, воведени на почетокот на годината, се во сила за руско-српската компанија од 9 октомври, и нема индикации дека НИС ќе добие лиценца за обезбедување на проток на сирова нафта преку нафтоводот Јанаф или од други извори.Рафинеријата за нафта Панчево веќе го започна процесот на затворање на производствените капацитети поради недостиг на сурова нафта за преработка, што е резултат на санкциите што Министерството за финансии на САД ги воведе врз НИС.За да се спречи корозија, системите се полнат со азот. Ова може да трае до три месеци, а повторното активирање би било можно дури за околу еден месец.Српскиот претседател Александар Вучиќ изјави дека е договорено плаќањата со НИС да бидат обезбедени на ризик на државата до крајот на неделата.Вучиќ призна дека Русите не сакаат да го продадат својот удел во компанијата, тврдејќи дека „не станува збор за пари, туку за политика“.Според официјалните податоци, НИС управува со околу 20 проценти од бензинските пумпи во Србија, но генерира речиси 50 проценти од својот промет на пазарот од продажба на гориво, што значи дека продава повеќе гориво од кој било друг. НИС е во ко-сопственост на државата Србија (29,87 проценти), а акциите се исто така во сопственост на граѓани, сегашни и поранешни вработени и други малцински акционери.Негативниот исход од ситуацијата би можел да доведе до постепено затворање на станиците на НИС и Газпром - 356 од вкупно 1.520 во цела Србија.

Свет | пред 3 седмици

„Вратете ми го телефонот“ – обвинетиот инспектор Георгиев со лична молба во судницата: Новото рочиште за „Пулс“ продолжува

На денешното рочиште за случајот „Пулс“ се отвори нова полемика околу улогата на поранешниот кочански градежен инспектор Огњан Георгиев (68), еден од обвинетите за тешки дела против општата сигурност. Тој, во судницата во Идризово побара да му биде вратен мобилниот телефон, кој му бил одземен како доказ во истрагата.Изјавата на Георгиев ја пренесуваме дословно:„Имам едно барање до ЈО, барам да ми се врати мојот мобилен телефон затоа што јас друг телефон немам. Мојот телефон е ’чист‘ со гаранција, немам никакви доказни материјали бидејќи сум немал никакви контакти со обвинетите.“Георгиев посочи дека и натаму ги плаќа месечните сметки за уредот, нагласувајќи дека телефонот не содржи ништо што би го поврзало со останатите обвинети или со трагичниот настан.Неговиот адвокат, Зоран Зафировски, подетално ја оспори правната основаност на обвинението, тврдејќи дека Обвинителството погрешно ги толкува надлежностите на градежните инспектори.Според Зафировски, инспекторите немаат овластување да запечатуваат објекти, ниту да интервенираат во делокругот на управувањето со урбанистички планови. Тој нагласи дека Георгиев немал налог за вонредна контрола и дека никој не побарал од него да спроведе дополнителен надзор.Одбраната смета дека во случајот „Пулс“ не се работело за пренамена од деловен во станбен простор, туку за пренамена „деловен во деловен“, поради што, како што тврдат, инспекторот немал законска обврска да преземе мерки.Адвокатот дополнително побара судот да утврди дали воопшто постои временска рамка во која делото сè уште може да се гони, бидејќи Георгиев го вршел својот инспекторски мандат од 2005 до 2021 година.Тој инсистира дека делото не може да се квалификува како сторено со умисла, туку евентуално со пропуст или небрежност.

Македонија | пред 3 седмици

Ахмети најави протест за поддршка на поранешните водачи на ОВК

Лидерот на ДУИ, Али Ахмети најави дека следниот протест за поддршка на поранешните водачи на ОВК на кои им се суди во Хаг ќе се одржи во Скопјe на 13 декември.Во Судот во Хаг им се суди на Хашим Тачи, Кадри Весељи, Јакуп Красниќи и Реџеп Селими за воени злосторствата извршени на Косово.,,На 13 декември, почнувајќи од 13:00 часот, ќе протестираме и во Скопјe за да бараме правда и да покажеме поддршка за ослободителите кои неправедно се држат во затворите во Хаг. Планирано е протестот да се одржи на плоштадот „Скендербег“ во Скопјe“, вели лидерот на ДУИ.Тој ги повикал Албанците да се приклучат на овој протест, со цел, како што рече, да ја демонстрираат чистата борба за слобода и независност.Ахмети, инаку, беше учесник на двата големи протести што беа организирани во Приштина и Тирана како поддршка на поранешните водачи на ОВК.

Македонија | пред 3 седмици

Осум дена ќе бидат во притвор таткото и неговите две ќерки по инцидентот со 500 крави во кривопаланечкото село

По полициска акција во кривапаланечкото село Трново, татко и неговите две ќерки од Жидилово добија осумдневен притвор. Случајот е поврзан со нивното огромно стадо – повеќе од 500 крави – и со серија инциденти што, според обвинителството, со месеци го вознемируваат локалното население.Според податоците од МВР, приведувањето се случило на 2 декември 2025 година околу 16 часот, на локација викана „Самоков“. Лицата Г.Ѓ. (57) и неговите ќерки А.Ѓ. (30) и А.Ѓ. (22) биле лишени од слобода од полициски службеници од Крива Паланка.Јавниот обвинител веднаш побарал мерка притвор за сите тројца, образложувајќи ја одлуката со опасност од бегство и со процена дека тие би можеле повторно да го извршат делото.Обвинителството наведува дека однесувањето на семејството покажува континуирано малтретирање на жители и соседи, и покрај бројните интервенции на надлежни институции. Последниот инцидент, за кој се сомничат, вклучува спречување службени лица да постапат по решение за одземање на крупниот добиток – меѓу кои инспектори од Агенцијата за храна и ветеринарство и униформирани полициски службеници.Истражните органи продолжуваат да работат на утврдување на сите околности поврзани со случајот.

Македонија | пред 3 седмици

„63 сенки ќе ги следат засекогаш“ – мајката на загинатиот Томас со болна порака пред новото рочиште за трагедијата во Кочани

Пред денешното продолжение на судскиот процес за „Пулс“, силна и емотивна реакција испрати Јулија Златкова, мајка на еден од загинатите, Томас Златков. Таа, очигледно потресена, пред новинарите зборуваше за болката која не згаснува и за огорченоста од ставот на обвинетите на претходните рочишта.63 убиени деца, 63 уништени иднини на децата и нивните семејства. Многу контрадикторно беше што на минатото рочиште никој од обвинетите не се изјасни за виновен. Зарем треба ние родителите да ги потсетиме зошто тие се наоѓаат во судницата? Никој од нив немаше ни грам совест ни човечност да ја признае својата вина. Ни монструмот, ни син му, ни брат му, ни соучесници дали биле од прв од втор од трет ред, никој не покажа барем човечност, а сите ние знаеме кој е виновен и се надевам дека ќе ја добиеме правдата за нашите убиени деца! 63 не е само бројка! 63 не е статистика! Тоа се млади убиени деца и 63 сенки ќе ги следат засекогаш. Искрено се надевам дека овие деца и ние семејствата ќе ја добиеме правдата бидејќи овие деца заслужуваат правда,“ вели Јулија Златкова, мајка на Тома Златков.Трагедијата што однесе 63 животи и натаму остава длабоки рани, а родителите и блиските очекуваат дека судскиот процес конечно ќе донесе одговорност и правда.

Македонија | пред 3 седмици

Трамп: Путин испраќа сигнал дека сака крај на војната, но преговорите заглавени

Американскиот претседател Доналд Трамп вечерва изјави дека неговиот руски колега Владимир Путин „покажува желба“ конфликтот во Украина да заврши, но призна дека разговорите во Москва не донеле никакво придвижување.„Тој би сакал да ја заврши војната,“ им рече Трамп на новинарите во Белата куќа, коментирајќи ги најновите дипломатски активности.Изјавата следи по посетата на Москва, каде што Путин се сретна со специјалниот пратеник на САД Стив Виткоф и со Џеред Кушнер, зетот на Трамп и негов неформален советник. Двајцата во Кремљ ја презентирале ревидираната верзија на американскиот предлог-план за ставање крај на конфликтот.Москва останува непопустливаИако средбата, според Трамп, била „добра“, американската страна признава дека не е направен исчекор. Русија одбила да прифати клучни точки од предлогот, меѓу нив и барањето да се предаде дел од украинската територија која воопшто не е под контрола на Москва.Трамп потврди дека вечерта пред прес-конференцијата разговарал со Виткоф и Кушнер.„Она што можам да го кажам е дека имале прилично добар состанок со претседателот Путин. Ќе видиме,“ рече тој, нагласувајќи дека е рано за процени.На прашањето дали Кремљ навистина цврсто одбил компромис, Трамп одговори дека не знае детали од позицијата на Москва:„Не знам што прави Кремљ. Знам само дека разговорите поминале добро. Што ќе произлезе од тоа, ќе видиме. Сепак, за танго треба двајца.“

Свет | пред 3 седмици

СДСМ со порака до новиот претседател на ДКСК: „Постапете за корупцискиот случај од 9 милиони евра, фактите се на ваша маса“

СДСМ го повика новоизбраниот претседател на Државната комисија за спречување на корупцијата, Адем Чучуљ, веднаш да се зафати со случајот кој партијата го квалификува како корупциски скандал тежок девет милиони евра.Според нив, фирма основана минатата година со само двајца вработени успеала во период од шест месеци во 2025 година да добие шест државни тендери во вкупна вредност од девет милиони евра. Четири од договорите, како што наведуваат, се доделени од Генералниот секретаријат на Владата, еден од ЕСМ и еден од Министерството за администрација.Партијата нагласува дека документите, фактите и доказите за случајот се веќе објавени, достапни за јавноста и официјално доставени до ДКСК заедно со пријава поднесена од СДСМ.„Новиот шеф на ДКСК треба само да ги погледне, да ја прочита пријавата и да делува“, наведуваат од СДСМ, додавајќи дека „работата не е завршена“.

Македонија | пред 3 седмици

Македонка пронајдена претепана од сoпругот до смрт во Италија – мртвото телото било откриено во кревет со тешки повреди на главата

Во италијанската покраина Анкона е откриен тежок случај на семејно насилство со смртни последици, во кој жртва е 49-годишна жена со македонско потекло. Италијанските медиуми јавуваат дека Саџиде Муслија била пронајдена мртва во својот дом во селото Пјанело Валесина, во општината Монте Роберто. Телото, најдено во нејзиниот кревет, имало бројни траги од брутално насилство, особено во пределот на главата.Полицијата започнала истрага откако нејзиниот работодавач алармирал дека жената не се појавила на работа. Во тек е потрага по нејзиниот сопруг, 50-годишниот Назиф Муслија, кој се смета за главен осомничен.Позадината на случајот открива долготраен циклус на семејно насилство. Иако двојката била во постапка за развод, медиумите наведуваат дека мажот повторно се вселил кај неа. Тој веќе имал евиденција за семејно насилство, а жената поднесувала повеќе пријави против него. Во април оваа година бил уапсен поради физички напад врз сопругата.Еден од документите за насилство се однесува на инцидент кога напаѓачот со секира, насилно ја скршил вратата од спалната соба, откако жената се засолнила кај сосед поради сомневање дека ја следи и ја обвинува за неверство. Таа изјавила дека во последните две години постојано била изложена на психичко и физичко малтретирање.Иако против него била поведена постапка, во јули минатата година тој постигнал спогодба со признавање вина, по што двојката накратко се обидела да се помири.Трагедијата што сега се истражува го отвора прашањето за пропустите во заштитата на жртвите на семејно насилство, додека италијанската полиција интензивно трага по осомничениот сопруг.

Македонија | пред 3 седмици

„Сејф сити“ регистрира „дивеење“ со 231 км/ч на обиколницата – системот догодина ќе покрива цела Македонија

Возач кој развил неверојатни 231 километар на час на скопската обиколница е досега најекстремниот случај што го регистрирале камерите на системот „Сејф сити“. Информацијата ја откри началничката на Сeктoрот за сообраќај во МВР, Маја Арсовска-Манов, која синоќа потврди дека електронскиот систем за детекција на прекршоците веќе е активен на подрачјето на Скопје, а во наредните месеци ќе се проширува низ целата држава.Планот на МВР е до крајот на месецот „Сејф сити“ да се стави во функција и во Куманово и Тетово, а опотоа системот треба да функционира на целата територија на Македонија.Иако системот е нов, бројките се алармантни. Во првите 24 часа регистрирани се 110.000 прекршоци, а веќе следниот ден бројката паднала на 50.652 – знак дека многу возачи веднаш ја намалиле брзината.Најмногу прекршоци се забележани на:излезот од Скопје кон Тетово – околу 4.300 случаи,булевар „Никола Карев“ – околу 3.000 случаи.

Скопје | пред 3 седмици

Бугарското Собрание стопира референдум за еврото – јавноста поделена, политиката кочи, но европската агенда продолжува

Бугарија уште еднаш покажа дека дел од политичкиот спектар не е подготвен за еврото – барем не преку референдум. Парламентот вчера дефинитивно ја потопи иницијативата за одржување изјаснување за воведување на единствената валута во 2026 година, иако земјата е пред позитивна оцена од Европската комисија и напредува кон членството во еврозоната.Од 219 присутни пратеници, 135 гласаа „против“, 81 „за“, а тројца се воздржаа, јави „Новините“. Но исходот беше кулминација на ден исполнет со паузи и процедурни турбуленции: претседателската администрација воопшто не испрати претставник да го образложи предлогот на претседателот Румен Радев, што предизвика тензија уште на стартот.Иницијативата траеше од мај, кога Радев изненадувачки го поднесе предлог-прашањето, иако Софија веќе беше длабоко во подготовките за влез во еврозоната на 1 јануари 2026 година.Уставниот суд претходно оцени дека поранешната претседателка на парламентот Наталија Киселова го прекршила Уставот со блокирање на постапката, што ја отвори вратата за расправа. Новата претседателка Раџа Назаријан дозволи иницијативата да се разгледа во комисии и на пленарна седница, но тоа не ја промени политичката математика.Најгласни во поддршката на референдумот беа пратениците од Преродба, Големина и МЕЧ, кои инсистираа дека граѓаните треба да решат дали Бугарија ќе го напушти левот. Членовите на Преродба дури развија транспарент „Референдум за левот, а не за еврото“, кој Назаријан веднаш наложи да се отстрани.Во писмено обраќање, Радев повтори дека преминувањето кон еврото мора да биде резултат на „широк јавен консензус“, бидејќи, како што наведе, одлуката директно ги засега личните финансии на граѓаните.Сепак, со вчерашното гласање парламентот ја затвори вратата за референдум – во момент кога се очекува Европската комисија формално да потврди дека Бугарија ги исполнува условите за приклучување кон еврозоната во 2026 година.Политичката дилема останува: дали отпорот беше заради евроскепса, заради процедура или заради партиски калкулации – но еврото, барем засега, продолжува по институционалната траекторија, без изјаснување на гласачите.

Свет | пред 3 седмици

Во живо продолжува судењето за „Пулс“: И денеска нови воведни зборови на одбраната

И денеска во живо може да се следи новото рочиште за трагичниот пожар во дискотеката „Пулс“ во Кочани – случај што веќе две години ја потресува јавноста. Пред Судот во Идризово денеска треба да продолжат воведните излагања на одбраната, а фокусот ќе биде на тоа што нивните тимови ќе го презентираат како аргументи против обемното обвинение поднесено од 15 јавни обвинители.На ова рочиште се очекува детално да се образложат тврдењата на адвокатите дека обвинетите не презеле дејствија со кои директно би придонеле кон катастрофата во која загинаа 63 лица, а над 200 беа повредени.На минатото рочиште сите обвинети – вкупно 37 лица, меѓу кои сопственици, управители, инспектори, поранешни градоначалници, обезбедувачи и државни службеници – се изјаснија дека не се виновни за делата што им се ставаат на товар. Повеќето од нив изразија сочувство до семејствата на загинатите, но инсистираа дека не постои причинско-последична врска меѓу нивните постапки и пожарот, а дел од одбраната тврдеше дека трагедијата е последица на институционални пропусти, не на лична вина.Одбраната најави дека ќе изведе сведоци и документација за да покаже дека сопствениците имале валидни дозволи, дека изведувачите и проектантите постапувале во рамки на своите надлежности, а дека некои обвинети – како синот на сопственикот, Михаил Јованов – воопшто не учествувале во управувањето со клубот.Од друга страна, Обвинителството останува на ставот дека „Пулс“ бил смртоносна стапица уште од првиот ден и дека систематската негрижа, пропустите во надзорот и нелегалните адаптации довеле до најголемата цивилна трагедија од овој вид во земјата.

Македонија | пред 3 седмици

Формирана Анкетната комисија за утврдување на околностите за трагедијата во Кочани и другите несреќи и трагедии

Со 84 пратеници „за“, без ниту еден против или воздржан, Собранието денеска ја изгласа иницијативата на ВМРО-ДПМНЕ, ВЛЕН и ЗНАМ за формирање Анкетна комисија што ќе ги испита околностите поврзани со трагедијата во Кочани, како и со други несреќи и трагични настани што се случија во земјава во последните години.Комисијата ќе има задача да утврди каде настанале пропусти во институциите, како функционирале надлежните служби во критичните моменти и дали имало пропусти во постапките за превенција и контрола.Крајната цел, како што беше истакнато на расправата, е да се утврди одговорност каде што постои, но и да се предложат реформи за унапредување на системите што треба да ги штитат граѓаните од вакви трагедии во иднина.Пратениците кои ја поддржаа иницијативата нагласија дека јавноста очекува транспарентна и сериозна анализа на причините за повеќекратните несреќи во земјата и дека формирањето на ваква комисија претставува чекор кон враќање на довербата во институциите.Комисијата ќе започне со работа веднаш по конституирањето и изборот на претседател, членови и рокови за постапување.

Македонија | пред 3 седмици