Ирански проектил уби девет лица во засолниште кај Ерусалим, меѓу жртвите четири деца

Ирански проектил во неделата погоди старо засолниште во градот Беит Шемеш, во близина на Ерусалим, при што загинаа девет лица, меѓу кои и четири деца. Станува збор за најсмртоносниот поединечен напад што го претрпе Израел откако ѝ се приклучи на САД во нападите врз Иран.Според израелските медиуми, во моментот на ударот во засолништето имало повеќе од 30 лица. Проектилот директно го погодил објектот додека над градот одекнувале сирени за воздушна опасност. Силата на експлозијата ја уништила и синагогата која се наоѓала над засолништето, а дебелиот заштитен кров бил урнат.Меѓу загинатите е и Орен Кац, татко на четири деца, кој во моментот на нападот се обидувал да ги затвори вратите на засолништето. Загинале и тројца малолетници од исто семејство – 13-годишната Сара, 15-годишната Авигејл и нивниот 16-годишен брат Јаков. Животот го загубил и 16-годишниот Габриел Барух Ревах, како и две мајки со своите возрасни деца.Израелската армија соопшти дека, и покрај староста на засолништето, поголемиот дел од структурата ја издржала експлозијата. Според воени претставници, 28 лица излегле живи од засолништето, додека седум лица загинале надвор од него.Нападот предизвика силен страв во заедницата. Иако Израел располага со софистициран повеќеслоен систем за противвоздушна одбрана, кој пресретнува поголем дел од проектилите и дроновите, овој случај покажува колкава штета може да предизвика еден проектил кога ќе ја пробие заштитата.Властите ги повикаа граѓаните и понатаму да ги користат засолништата, иако признаа дека постарите објекти не ги исполнуваат современите стандарди за заштита. Трагедијата во Беит Шемеш повторно ја отвори дебатата за безбедноста на цивилите во услови на проширен конфликт на Блискиот Исток.

Свет | пред 2 седмици

САД разгледуваат воена придружба на танкери низ Ормускиот Теснец, за да ги стабилизира цените на енергенсите

Администрацијата на американскиот претседател Доналд Трамп разгледува можност за обезбедување воена заштита на танкерите со нафта и гас кои минуваат низ Ормускиот Теснец, во обид да ги стабилизира цените на енергенсите кои нагло пораснаа по иранските закани за напади врз бродови во овој стратешки поморски коридор.Според информации од извори запознаени со разговорите, станува збор за „воена поддршка за снабдување со нафта и гас“, а во опциите што се разгледуваат е и придружба од страна на американската морнарица.Загриженоста во Вашингтон расте поради можноста енергетските пазари да се соочат со дополнителен притисок доколку воената кампања се интензивира и прошири. Ормускиот Теснец е клучен за извозот на природен гас и сурова нафта, особено од Катар и Саудиска Арабија, а преку него минува околу 20 проценти од светската нафта.Цената на американската нафта порасна за речиси 10 долари по барел од крајот на минатата недела, а порастот веќе се одразува и врз цените на горивата. Администрацијата, според медиумските извештаи, разгледува и можност федералната влада да гарантира осигурување за танкерите, со оглед дека поморските осигурителни компании ги зголемуваат премиите или го повлекуваат покритието за пловидба низ теснецот.Во меѓувреме, американската војска соопшти дека од почетокот на заедничката операција со Израел потопила 11 ирански бродови. Идната мисија, доколку биде одобрена, би се фокусирала повеќе на пресретнување проектили насочени кон цивилниот поморски сообраќај, отколку на директно одвраќање на поморски упади.Државниот секретар Марко Рубио најави дека администрацијата ќе претстави план за справување со растот на цените на нафтата, но без да открие детали за конкретните мерки.

Свет | пред 2 седмици

Одреден дводневен притвор за сорпугот на Ивана која почина со ќерката по пад од балкон

Основно јавно обвинителство Скопје поднесе предлог до судијата на претходна постапка при Основен кривичен суд Скопје за определување мерка краткотраен притвор од 48 часа за Стојанче Јовановски, сопруг на Ивана, која заедно со својата ќерка Катја го загуби животот по пад од балкон во Тафталиџе.Од Обвинителството информираат дека против осомничениот постојат сомненија за сторени кривични дела – „Телесна повреда“ од член 130 став 2 во врска со став 1, „Загрозување на сигурноста“ од член 144 став 3 во врска со став 2 и став 1 и „Наведување на самоубиство и помагање во самоубиство“ од член 128 став 4 од Кривичниот законик.„Притворската мерка е неопходна со цел преземање на сите истражни дејствија за обезбедување докази во однос на сомненијата“, соопштија од Обвинителството, додавајќи дека по предлог на јавниот обвинител, судот ја определил мерката краткотраен притвор.Во овој период ќе се извршат вештачења, анализи на камери, известувања од претрес... сите дејствија кои беа наредени денеска. Потоа, зависно од резултатите, ќе се произнесе обвинител дали има потреба од продолжување на мерката.

Македонија | пред 2 седмици

МНР организира комерцијален лет за евакуација од Абу Даби: објавен повик до македонските граѓани

Министерството за надворешни работи и надворешна трговија информира дека, имајќи ја предвид актуелната безбедносна состојба, Амбасадата на Република Македонија во Абу Даби, во координација со локалните власти во Обединети Арапски Емирати, активно работи на финализирање на деталите околу организацијата на комерцијален лет за евакуација на македонските државјани.Од Министерството ги повикуваат сите граѓани кои се заинтересирани за евакуација, а сè уште не се пријавиле, во најкраток рок да стапат во контакт со Амбасадата во Абу Даби преку следните контакти:Телефон: +971 56 441 7532Е-маил: abudabi@mfa.gov.mk„Безбедноста на македонските државјани останува највисок приоритет. Пријавените лица навремено ќе бидат информирани за понатамошните чекори и условите за безбедна реализација на евакуацијата“, се наведува во соопштението.

Свет | пред 2 седмици

Ескалација: Израелско воздухопловство удрило врз „тајна“ нуклеарна цел

Израелската армија соопшти дека нејзиното воено воздухопловство погодило тајна иранска нуклеарна локација на периферијата на Техеран.На прес-конференција, портпаролот на Израелски одбранбени сили, бригадниот генерал Ефи Дефрин, изјави дека во делумно подземниот објект група нуклеарни научници „тајно работела на развој на способности потребни за нуклеарно оружје“.Според наводите на израелската војска, по 12-дневната војна меѓу Израел и Иран во јуни 2025 година, во која биле цел на напади ирански нуклеарни постројки, Техеран не ги запрел воените нуклеарни активности. Напротив, како што тврди ИДФ, инфраструктурата била преместена на подземна локација заштитена од воздушни напади.Израелската страна наведува дека ги следела активностите на иранските нуклеарни научници и ја лоцирала новата локација на дејствување, што, според нив, овозможило „прецизен напад“ врз тајниот комплекс.Од иранска страна засега нема официјална потврда за нападот, ниту детали за евентуални последици.

Свет | пред 2 седмици

Шпанија му одговори на Трамп

Владата на Шпанија одговори на заканата на американскиот претседател Доналд Трамп дека ќе ја „прекине целата трговија“ со земјата, оценувајќи дека секоја евентуална ревизија на трговските односи мора да се спроведува во рамки на меѓународното право и постојните договори меѓу Европската унија и САД.Во соопштението на извршната власт се наведува дека, доколку Вашингтон сака да ги преиспита трговските односи, тоа ќе мора да го направи со почитување на автономијата на приватните компании, меѓународното право и билатералните договори меѓу ЕУ и САД.Од Мадрид нагласуваат дека Шпанија е „клучна членка на НАТО“ која ги исполнува своите обврски и значително придонесува за одбраната на европската територија. Дополнително, владата потсетува дека земјата е извозна сила во рамки на Европската унија и сигурен трговски партнер на 195 држави во светот, вклучително и САД, со кои има историски и взаемно корисни економски односи.И покрај заканите, шпанските власти посочуваат дека располагаат со ресурси за ублажување на евентуални економски последици, за поддршка на погодените сектори и за диверзификација на снабдувачките синџири. Владата повтори дека нејзината позиција останува јасна – залагање за слободна трговија и економска соработка меѓу државите, заснована на заемна почит и почитување на меѓународното право.

Свет | пред 2 седмици

Мајка која носи вака тешка одлука заедно со своето дете да замине во смрт е многу ретко, речиси непознато во криминолошката пракса, вели Туфегџиќ

Екссудијата и адвокат Владимир Туфегџиќ оцени дека трагедијата во која мајка и шестгодишно дете го загубија животот по пад од балкон претставува потврда за системските слабости во институциите.„Вчерашната трагедија е само потврда дека нашите институции немаат стандардни оперативни процедури за постапување не само во овој случај на семејно насилство. Во основа реално полицијата поради повеќе децениската партизација нема стручен кадар ниту стандарди на постапување. Само пред една година поради убиството на детето Вања, слушавме во судница исказ на обвинет кој потврди дека бил дел од организирана група која во седиштето на политичка партија направила план за киднапирање и ликвидација на луѓе, а за реализација на планот копале дупки на различни локации во државата за да ги закопаат жртвите. Денеска сме сведоци на случајно откриен сериски убиец и се откриваат неговите жртви. Моето прашање логично се наметнува и тогаш и денеска, што работат нашите безбедносни служби и дали до тој степен се девастирани и партизирани без соодветен професионален кадар“, напиша Туфегџиќ.Во осврт на конкретниот случај, Туфегџиќ посочува дека во криминологијата е познат феноменот на мајка што убива новороденче или го напушта, но дека одлука мајка заедно со своето шестгодишно дете да замине во смрт е исклучително ретка и речиси непозната во праксата.„Во криминологијата е познат феномен мајката да убие или остави на сред улица или на буниште штотуку родено бебе, но мајка која носи вака тешка одлука заедно со своето 6 годишно дете да замине во смрт е многу ретко, скоро непознато во криминолошката пракса. Јавниот обвинител има исклучително тешка задача во која ќе мора да го најде одговорот за клучниот мотив за ваквата одлука без притоа да носи избрзана одлука поради притисокот од јавноста“, додава тој.

Коментари | пред 2 седмици

Хрватска испраќа четири авиони во Дубаи за евакуација на државјани

Хрватска во среда и во наредните денови ќе испрати четири авиони на Croatia Airlines во Дубаи за евакуација на хрватски државјани кои останале заглавени во Обединети Арапски Емирати поради војната меѓу САД и Израел против Иран, соопшти Министерството за надворешни и европски работи.„Утре и во текот на наредните денови испраќаме четири авиони на Croatia Airlines, со можност за дополнителни опции“, се наведува во соопштението.Шефот на хрватската дипломатија Гордан Грлиќ Радман договорил со министерот за надворешни работи на ОАЕ, Абдула бин Зајед ал Нахјан, и два авиона на локална авиокомпанија кои ќе превезат хрватски државјани од Дубаи.Според податоците, во ОАЕ моментално се наоѓаат околу 2.000 хрватски резиденти, од кои 300 побарале репатријација, како и 460 туристи кои исто така сакаат враќање во татковината.Министерството информира дека досега се евакуирани хрватски државјани од Израел, Јордан и Бахреин. Од Оман, каде што имало 23 државјани, 12 се евакуирани преку Истанбул кон Загреб, додека останатите имаат можност да заминат кон Дубаи.Хрватската амбасада во Доха обезбедила и 30 места на австриски лет од Ријад, при што приоритет ќе имаат деца, болни лица, бремени жени и членови на нивните семејства.

Свет | пред 2 седмици

Израел тврди дека е убиен највисокиот ирански командант за Либан

Израелската армија соопшти дека во напад врз Техеран е убиен командантот на иранските Кудс сили задолжен за Либан, Дауд Али Задех.Според израелската војска, Али Задех бил највисокиот ирански заповедник одговорен за активностите во Либан, откако ја презел функцијата од Мохамад Реза Захеди, кој беше убиен во израелски напад во Дамаск во април 2024 година.Кудс силите се елитна единица во рамки на Корпус на исламската револуционерна гарда, задолжена за операции надвор од територијата на Иран. Оваа формација има клучна улога во поддршката на сојузничките групи на Техеран во регионот, вклучително и во Либан и Сирија.Од иранска страна засега нема официјална потврда за информацијата, додека тензиите меѓу Израел и Иран дополнително се продлабочуваат по серијата меѓусебни напади.

Свет | пред 2 седмици

(Видео) Полицајците не признаа вина: Не го казнувале „Пулс“, туку прекршоците ги евидентирале на неактивна фирма

Тројцата полициски службеници обвинети во предметот поврзан со работењето на клубот „Плус“ во Кочани не признаа вина пред судот и најавија дека ќе докажуваат дека не сториле злоупотреба.Инспекторите Кире Богатинов и Горан Лазаров, како и поранешниот командир на Полициската станица Кочани, Александар Темелков, се товарат дека при две акциски контроли наместо да ги евидентираат прекршоците кај фирмата на клубот „Плус“, казните ги запишале на друго, неактивно правно лице, со што активниот субјект не бил санкциониран.Обвинителката Ивана Алексова Трајчева на првото рочиште изјави дека обвинението е поткрепено со материјални докази, кои беа изведени пред судот.„Проблемот е што при акциска контрола, кога ќе се констатира прекршок, постојат јасни правила за составување записник, утврдени во анекс-планот за акциска контрола. Во конкретниот случај не била побарана потребната документација од одговорното лице во правното лице каде што е констатиран прекршокот, туку како што им било кажано, така било запишано – правно лице кое било неактивно и одговорно лице кое не било активно“, рече обвинителката.Во однос на поранешниот командир Темелков, обвинителството тврди дека тој ги потпишал барањата за поведување прекршочна постапка и покрај тоа што во прилог имал документација од која можел да утврди дека податоците не се точни.„Барањата не се поднесуваат без пропратна документација. Имал увид во тековната состојба и можел да види дали правното лице било активно и дали станува збор за вистинско одговорно лице. И покрај тоа, ги потпишал и поднел барањата“, додаде Алексова Трајчева.Според обвинението, со ваквото постапување активното правно лице избегнало санкција, со што била прибавена имотна корист. Судската постапка продолжува со изведување докази и сослушување сведоци.

Настани | пред 2 седмици

Лавров ги осуди нападите врз Иран и понуди руска дипломатска иницијатива

Рускиот министер за надворешни работи Сергеј Лавров телефонски разговарал со иранскиот колега Абас Арагчи за состојбата на Блискиот Исток, по масовните напади на САД и Израел врз Иран.Според соопштението на руското Министерство за надворешни работи, било разговарано за „развојот на ситуацијата во регионот како резултат на непредизвикана вооружена агресија на САД и Израел против Иран“. Москва оцени дека ваквите акции ги кршат основните норми на меѓународното право и носат сериозни последици за целиот регион.Во разговорот, Лавров ја потврдил „принципиелната позиција“ на Русија во корист на деескалација, откажување од употреба на сила и премин кон политичко-дипломатско решавање на конфликтот, истакнувајќи дека Москва е подготвена да придонесе во таа насока.Дополнително било нагласено дека приоритет треба да биде заштитата на цивилите и цивилната инфраструктура во сите земји од регионот.САД и Израел во саботата започнаа обемен напад врз Иран, при што беа убиени неколку високи ирански функционери, меѓу кои и врховниот лидер Али Хамнеи. Техеран возврати со ракетни и дрон-напади врз Израел и цели поврзани со САД во земјите од Персискиот Залив.Американскиот претседател Доналд Трамп изјави дека целта е уништување на иранските ракетни капацитети и спречување на развој на нуклеарно оружје, и покрај тоа што претходно се водеа разговори меѓу Вашингтон и Техеран за иранската нуклеарна програма со посредство на Оман.

Свет | пред 2 седмици

Тензија меѓу САД и Шпанија, Трамп: Ќе ги прекинеме сите трговски односи

Претседателот на САД, Доналд Трамп, најави дека Соединетите Американски Држави ќе ги прекинат сите трговски односи со Шпанија.„Ќе ја прекинеме целата трговија со Шпанија. Не сакаме да имаме ништо со Шпанија“, изјави Трамп пред новинарите во Овалната соба, за време на средба со германскиот канцелар Фридрих Мерц.Тој додаде дека на министерот за финансии Скот Бесент му наредил да ги прекине „сите бизниси“ со оваа европска држава и членка на НАТО. Трамп ја критикуваше Шпанија во контекст на реакциите на сојузниците по американскиот ракетен напад врз Иран.Во меѓувреме, шпанската државна телевизија РТВЕ објави дека Мадрид им ускратил пристап на САД до своите воздушни бази за активности што не се во согласност со постојните договори и Повелбата на Обединетите нации.Според податоците на платформата FlightRadar24, најмалку 15 американски авиони ги напуштиле базите Рота и Морон на југот на Шпанија откако САД и Израел започнаа напади врз Иран.Шпанскиот министер за надворешни работи Хосе Мануел Албарес изјави дека Шпанија нема да дозволи користење на своите воени бази за напади врз Иран. Иако базите се заеднички управувани од САД и Шпанија, тие се наоѓаат под шпански суверенитет.

Свет | пред 2 седмици

Силни експлозии во Доха, Дубаи и Абу Даби

Силни експлозии одекнуваат во Доха, Дубаи и Абу Даби, според извештаи на новинари на AFP и изјави на локални жители, додека Иран ја продолжува кампањата на ракетни и дрон-напади низ Персискиот Залив.Новинарите на терен јавиле дека се слушнале силни детонации во катарската престолнина Доха, како и во Дубаи, во Обединети Арапски Емирати. Двајца жители за АФП изјавиле дека експлозии се слушале и во главниот град на ОАЕ, Абу Даби.Нападите се дел од пошироката ескалација на конфликтот, при што иранските сили изведуваат ракетни и беспилотни напади врз цели во земјите од Заливот. Засега нема официјални информации за евентуални жртви или материјална штета.

Свет | пред 2 седмици

(Видео) Трагедија на обиколницата Скопје–Тетово: Возач загина по излетување од коловоз

Едно лице го загуби животот во сообраќајна несреќа што се случила попладнево на обиколницата Скопје–Тетово, во близина на клучката Мирковци.Како што информираат од Министерството за внатрешни работи, во 15:50 часот во СВР Скопје било пријавено дека патничко моторно возило излетало од коловозот.Полициски екипи излегле на местото на настанот, при што било утврдено дека станува збор за патничко моторно возило „бмв“ со скопски регистарски ознаки, управувано од машко лице кое починало на местото на несреќата.Увидот е во тек, по што се очекуваат повеќе информации за околностите под кои дошло до трагичниот настан.

Скопје | пред 2 седмици

Стравувања од светска војна: Овие земји се сметаат за потенцијални засолништа

По американско-израелските напади врз Иран и возвратните удари низ Блискиот Исток, растат стравувањата од поширока ескалација што би можела да прерасне во глобален конфликт. Во јавноста сè почесто се споменуваат и војната меѓу Русија и Украина, како и тензиите околу Тајван, како потенцијални жаришта што би можеле да ја запалат искрата на светска војна.Во такво сценарио, најголемите и најнаселените држави би биле најверојатни цели. Сепак, според анализи пренесени од британските медиуми, постојат земји и територии кои, поради изолираност, неутралност или самoodржливост, би можеле да понудат релативна безбедност.На листата од 11 потенцијално најбезбедни места се наоѓаат:Антарктик – Огромна ледена површина, далеку од геополитичките центри на моќ. Иако изолираноста е предност, екстремната клима претставува сериозен предизвик за опстанок.Исланд – Често рангиран меѓу најмирните држави во светот, со долга традиција на неучество во модерни војни и географска изолираност.Нов Зеланд и Австралија – Земји со стабилни институции и развиено земјоделство. Експертите посочуваат дека јужната хемисфера би можела полесно да одржи производство на храна во услови на нуклеарна зима.Тувалу – Мала пацифичка островска држава со околу 11.000 жители, оддалечена од големите сили и потенцијалните фронтови.Аргентина – Големи земјоделски површини и резерви на пченица, што овозможуваат одреден степен на самодржливост.Бутан – Планинска земја што традиционално се стреми кон неутралност и ограничено меѓународно вклучување.Швајцарија – Симбол на неутралноста, со развиена инфраструктура и традиција на избегнување директно учество во конфликти.Индонезија – Голема островска држава која историски настојува да остане надвор од глобалните воени судири.Чиле – Долга територија со богати природни ресурси и пристап до океан, што може да обезбеди одредена одржливост.Фиџи – Изолирана островска држава со природни ресурси и мала веројатност да биде примарна цел.Јужна Африка – Земја со значајни земјоделски капацитети и извори на вода, што би можеле да овозможат самостојно функционирање во кризни услови.Иако ваквите анализи остануваат хипотетички, тие ја отсликуваат растечката глобална несигурност и прашањето колку светот е подготвен за евентуална ескалација од регионален во глобален конфликт.

Магазин | пред 2 седмици

Војната на Трамп со Иран – ризик за украинската одбрана?

Американско-израелската воена кампања против Иран отвора сериозни дилеми за иднината на поддршката за Украина, која веќе петта година се брани од руската агресија. Европските сојузници стравуваат дека приоритетот на Вашингтон ќе се пренасочи кон Блискиот Исток, со што Украина би можела да остане без клучна воена помош.Украинскиот претседател Володимир Зеленски предупреди дека доколку конфликтот со Иран се одолжи, тоа „сигурно ќе се одрази на снабдувањето“ со оружје. За Киев, американските ракети-пресретнувачи ПАК-3 за системите „Патриот“ се од витално значење во одбраната од секојдневните руски ракетни напади.Претседателот Доналд Трамп изјави дека операцијата против Иран може да трае четири до пет недели, но дека е подготвен и за подолг ангажман. Аналитичари предупредуваат дека доколку САД се вплеткаат во долготраен конфликт, тоа ќе значи трошење на значителни резерви од муниција и ракети, што би ја намалило достапноста за Украина и Европа.Според извештаите, американските залихи на пресретнувачи и други ракети веќе се под притисок. Европските влади исто така немаат доволни резерви за да ја надоместат евентуалната празнина, а развојот на сопствени капацитети ќе трае со години.Во меѓувреме, мировните разговори за Украина продолжуваат, но во сенка на кризата со Иран. Американскиот пратеник Стив Виткоф и Џаред Кушнер неодамна се сретнаа со украински претставници, а беше најавена и нова рунда разговори. Сепак, состаноците веќе се одложуваат поради безбедносната состојба.Од друга страна, некои украински функционери гледаат и можни предности. Американско-израелските удари врз Иран го ослабуваат еден од клучните сојузници на Москва, особено во делот на снабдувањето со дронови тип „Шахед“. Дополнително, Киев смета дека конфликтот може да ја зацврсти нарацијата за „оска на злото“, во која Русија, Иран, Северна Кореја и Кина се прикажуваат како поврзани актери.Сепак, клучното прашање останува исто: доколку војната на Блискиот Исток се пролонгира, дали Украина ќе ја изгуби стратешката позиција во американските приоритети? Европските дипломати предупредуваат дека вниманието и ресурсите се ограничени – а нова воена фронта секогаш значи ново прераспределување на моќта.

Свет | пред 2 седмици

Кина бара итен прекин на војната по нападите врз Иран

Кина се спротивставува на воените напади што ги започнаа Израел и САД против Иран и бара итен прекин на непријателствата, изјави кинескиот министер за надворешни работи Ванг Ји во разговор со израелскиот колега Гидеон Саар, соопшти кинеското Министерство за надворешни работи.„Силата не може навистина да ги реши проблемите; напротив, често создава нови и остава сериозни долгорочни последици. Вистинската вредност на воената моќ не лежи на бојното поле, туку во спречувањето на војната“, го цитира министерството Ванг во телефонскиот разговор со Саар.Ванг нагласил дека Кина верува во решавање на меѓународните и регионалните прашања преку дијалог и преговори и дека ќе продолжи да игра конструктивна улога во смирувањето на ситуацијата.Разговорот следува по серијата телефонски контакти што Ванг ги остварил со министрите за надворешни работи на Иран, Оман и Франција, при што повикал земјите од Заливот да се обединат против, како што навел, надворешното мешање.Во неделата, кинескиот министер разговарал и со шефот на руската дипломатија Сергеј Лавров. Од почетокот на американско-израелските напади, Ванг не разговарал со американскиот државен секретар Марко Рубио.

Свет | пред 2 седмици

(Видео) Кувајтјанец му се заканил на американски пилот мислејќи дека е Иранец

Кувајтјанец му се заканил на американски воен пилот со метална цевка, откако го помешал со ирански војник, покажува видеоснимка што кружи на социјалните мрежи, објави The Independent.Инцидентот се случил откако кувајтските противвоздушни сили по грешка собориле три американски борбени авиони Ф-15 во, како што соопшти CENTCOM, очигледен случај на „пријателски оган“ за време на операција против Иран. Во леталата имало вкупно шест членови на екипажот, кои успешно се катапултирале и биле спасени.Еден од пилотите се спуштил со падобран во близина на автопат во Кувајт. На снимката се гледа густ црн чад што се издига од местото на падот, додека пилотот се обидува да стане, опкружен од група локални жители. Еден маж мавал со предмет што наликува на метална цевка, додека други му довикувале да легне на земја. Пилотот возвратил со повици да се оддалечат. Напнатоста спласнала кога тој извикал дека е Американец, по што дел од присутните се смириле.Паралелно, на социјалните мрежи се појавила и друга снимка на која локални жители ѝ пружаат помош на американска пилотка чиј авион исто така бил соборен.Од кувајтското Министерство за одбрана соопштиле дека е воспоставена директна координација со американските сили и дека се преземени заеднички технички мерки за утврдување на околностите.Во меѓувреме, најмалку шест припадници на американската војска загинаа од почетокот на заедничките американско-израелски напади врз Иран, во кои беше убиен врховниот лидер Али Хамнеи. Началникот на Здружениот штаб на американската војска, генерал Дан Кејн, изрази сочувство до семејствата на загинатите.Иран возврати со напади низ Персискиот Залив, вклучително и врз американски цели во Катар и Кувајт, како и врз саудиската рафинерија „Арамко Рас Танура“, додека либанскиот Хезболах најави одмазда по смртта на Хамнеи.

Свет | пред 2 седмици

Иран изрази скепса за можни преговори со САД по војните напади

Иран изрази сериозна сомнеж во можноста за преговори со САД, три дена откако САД и Израел започнаа заеднички воени удари врз иранска територија. Ова го истакна иранскиот амбасадор при Обединети нации во Женева, Али Бахреини, кој изјави дека за сега е „многу скептичен во поглед на корисноста од преговори“ меѓу Иран и САД.Ова доаѓа во период кога дипломатските напори за деескалација, вклучително и индиректните разговори во Женева околу иранскиот нуклеарен програм, беа прекинати по почетокот на воениот конфликт, а Иран засега не контактирал директно со Вашингтон за обновување на дијалогот.Неговите коментари ја отсликуваат зголемената тензија во односите меѓу двете земји и сомнежот дека дипломатските механизми моментално можат да донесат конкретни резултати во услови на активни судири.

Свет | пред 2 седмици

Грција, Франција и Германија испраќаат воени сили на Кипар по нападот со дронови

Грција, Франција и Германија испраќаат воена помош на Кипар по нападот со ирански дронови врз британската воздушна база на островот.Франција најави дека ќе ja испрати фрегата и копнени системи за противдронска и противракетна одбрана, додека Германија потврди испраќање воен брод. Грција веќе упати четири борбени авиони Ф-16, а кон островот пловат и две грчки фрегати.Кипарски претставници соопштија дека францускиот воен брод ќе придонесе за зајакнување на противвоздушната одбрана на земјата. На барањето на Никозија позитивно одговорила и Германија, а опремата се очекува да пристигне во најкус можен рок.Мерките се дел од активирањето на заедничката одбранбена доктрина на Грција и Кипар, стратешки план на Атина и Никозија за координирана реакција во случај на закана.Кипарскиот претседател Никос Христодулидис изјави дека бил во контакт со германскиот канцелар Фридрих Мерц и италијанската премиерка Џорџа Мелони. „Ова во пракса покажува дека Грција го предводи патот по кој треба да оди Европската унија во вакви случаи“, рече Христодулидис по средбата со грчкиот министер за одбрана Никос Дендиас.Еден дрон во понеделникот по полноќ ја погодил британската база RAF Akrotiri и предизвикал помала материјална штета на хангар. Британски борбени авиони истиот ден пресретнале уште две беспилотни летала.Кипарската влада соопшти дека дроновите биле лансирани од територијата на Либан и дека зад нападот веројатно стои милитантната група Хезболах.Во меѓувреме, британскиот премиер Кир Стармер изјави дека САД нема да ги користат британските воени бази на Кипар за операции во Иран, нагласувајќи дека тие „не се користат и нема да се користат“ за таа намена.

Свет | пред 2 седмици

Филипче: Руте испрати јасна порака за Русија, Владата не може да се крие

Претседателот на Социјалдемократскиот сојуз на Македонија и пратеник, д-р Венко Филипче, во изјава за медиуми, нагласи дека генералниот секретар на НАТО, Марк Руте, при денешната посета на државата упати јасни пораки до македонската влада, во кои посочи дека Русија е агресор во Украина и прави сојуз со Кина и со Северна Кореја и нагласи дека порака до владата е директна.„Генералниот секретар Руте имаше одличен говор. Сметам дека упати јасни пораки до Владата. Посочи дека Русија е агресор во Украина и дека прави сојуз со Кина и со Северна Кореја“, рече Филипче.Филипче нагласи дека пораката до Владата е директна и дека актуелната власт повеќе не може да ги прикрива своите политики.„Пораката кон Владата е јасна. Позициите се веќе познати и оваа Влада повеќе ништо не може да сокрие. Имаме вицепремиер кој отворено негува врски со Русија, вицепремиерот Стоиљковиќ. Вториот човек во Владата се среќава со „Ноќните волци“, кои се во директна комуникација со рускиот претседател Владимир Путин. Тука се и кинеските пари што пристигнаа преку заемот од Унгарија од една милијарда евра, средства за кои во извештаите на европските институции беше констатирано дека станува збор за кинеско финансирање“, рече Филипче.Тој додаде дека НАТО сериозно ги следи политиките што ги води владата.„Сметам дека ова е сериозен сигнал дека нашиот одбранбен чадор внимателно ги следи политиките што ги води актуелната Влада и јасно и отворено укажува на нив“, посочи Филипче.

Македонија | пред 2 седмици

Филипче по обраќањето на Руте: ВМРО-ДПМНЕ членството во НАТО го нарекува „предавство“

Претседателот на Социјалдемократскиот сојуз на Македонија д-р Венко Филипче, во денешната изјава во Собранието, изрази жалење од изјавите на ВМРО-ДПМНЕ во кои политиките на СДСМ за членството на Македонија во НАТО се оценуваат како предавнички.„Жалам што и во текот на денешниот ден ВМРО-ДПМНЕ излезе со одредени квалификации, во кои политиките на Социјалдемократскиот сојуз во контекст на членството во НАТО ги нарече предавнички. Не знам за какво предавство станува збор, кога отсекогаш сме се бореле и ќе се бориме исклучиво за доброто на државата и на сите граѓани“, рече Филипче. Во изјавата Филипче додаде дека членството во НАТО ја гарантира безбедноста на  државата, и тоа е резултат на стратешките, визионерските и државничките политики на Социјалдемократскиот сојуз во изминатите повеќе децении. „Тој пат не беше лесен, меѓутоа сега конечно можеме да се чувствуваме безбедни, со загарантирани граници, благодарение на тоа што сме дел од најголемиот безбедносен сојуз во светот. Колку е тоа важно гледаме особено во овие кризни времиња, кога на повеќе места во светот има војни. Ова што веќе четири години трае на територијата на Украина е резултат на агресијата на Русија. И новите жаришта што се појавуваат на повеќе места во светот дополнително ја нагласуваат важноста на нашето членство. Ова е трајна придобивка за нашата земја“, рече Филипче.

Македонија | пред 2 седмици

Филипче: Членството во НАТО е трајна придобивка од политиките на СДСМ

Претседателот на СДСМ, Венко Филипче, по обраќањето на генералниот секретар на НАТО, Марк Руте, во Собранието оцени дека членството во Алијансата претставува трајна придобивка од, како што рече, стратешките политики на социјалдемократите.„Членството во НАТО е резултат на визионерските и државнички политики на Социјалдемократскиот сојуз во изминатите повеќе децении. Патот не беше лесен, но денес конечно можеме да се чувствуваме безбедни, со загарантирани граници, како дел од најголемиот безбедносен сојуз во светот“, изјави Филипче.Тој нагласи дека актуелните воени конфликти, особено војната во Украина, ја потврдуваат важноста на членството во Алијансата, оценувајќи дека станува збор за „трајна придобивка за државата“.Филипче изрази жалење што, како што рече, ВМРО-ДПМНЕ ги нарекла предавнички политиките поврзани со членството во НАТО. „Не знам за какво предавство станува збор кога отсекогаш сме се бореле исклучиво за доброто на државата и граѓаните“, рече тој.Осврнувајќи се на пораките од Руте, Филипче истакна дека биле јасни ставовите за руската агресија врз Украина и за, како што наведе, сојузништвото на Москва со Кина и Северна Кореја.Воедно, тој упати критики кон актуелната Влада, посочувајќи дека, според него, постојат врски со Русија и Кина. Го спомена вицепремиерот Стоиљковиќ, за кого рече дека негува контакти со руски структури, како и заемот од една милијарда евра преку Унгарија, кој, според него, во европски извештаи бил поврзан со кинеско финансирање.„Ова е сериозен сигнал дека нашиот одбранбен чадор внимателно ги следи политиките на актуелната Влада“, порача Филипче.

Македонија | пред 2 седмици

Руте: Трамп не побара НАТО да се приклучи во кампањата против Иран

Генералниот секретар на НАТО, Марк Руте, изјави дека американскиот претседател Доналд Трамп не побарал Алијансата да се приклучи на воената кампања против Иран.„Претседателот не побара НАТО да се придружи, така што тоа не е точно“, рече Руте, нагласувајќи дека станува збор за воена операција што ја водат САД и Израел.Тој посочи дека повеќе сојузници даваат клучна поддршка во делот на логистиката и пристапот, но дека тоа не значи директно учество во кампањата. Како пример ги наведе шпанските бази, кои, според него, со години имаат важна улога во одбраната на клучни американски интереси.Руте истакна дека чувствува широка поддршка од европските сојузници. Тој изјави дека во текот на викендот и претходните денови разговарал со бројни лидери и дека видел јасна поддршка за, како што рече, „одземањето на нуклеарните способности и капацитетите за балистички ракети“ на Иран, како и за елиминирањето на ајатолахот Али Хамнеи.Според Руте, овие потези биле поздравени од многу негови колеги во рамки на Алијансата, но без формална одлука НАТО да стане директен дел од воената кампања.

Свет | пред 2 седмици

Катар објасни зошто ги собори иранските „Су-24“

Катар објави дополнителни детали за соборувањето на два ирански борбени авиони од типот „Су-24“, кои вчера беа урнати откако навлегле во катарскиот воздушен простор.Портпаролот на катарското Министерство за надворешни работи, Мајед ал Ансари, на прес-конференција изјави дека бомбардерите биле следени додека навлегувале во воздушниот простор на Катар и дека правилата за употреба на сила биле применети „целосно и дословно“.Според неговите зборови, пилотите биле предупредени дека го нарушиле воздушниот простор, а во моментот кога било проценето дека претставуваат јасна закана за главниот град Доха, односно дека нивниот правец на лет бил кон градот, авионите биле соборени над водите на Заливот.Ансари посочи дека засега нема нови информации за судбината на пилотите. На прашање за можна одмазда кон Иран, тој изјави дека „сите опции се на маса“, додавајќи дека конечните одлуки ќе ги донесе катарското раководство.

Свет | пред 2 седмици