(Видео) Поради семејно насилство, загрозување на сигурноста и наведување на самоубиство, сопругот на Ивана е во станица, вели Тошковски

Стојанче Јовановски, сопругот на Ивана, која заедно со својата ќерка Катја го загуби животот по пад од балкон во Тафталиџе, е задржан во полициска станица под сомнение дека сторил повеќе кривични дела.Министерот за внатрешни работи Панче Тошковски информира дека Јовановски се сомничи за кривичните дела „наведување на сторување на самоубиство“, „нанесување телесни повреди поврзани со семејно насилство“ и „загрозување на сигурноста“.Според изјавата на министерот, во тек е прибирање докази и документирање на сите околности поврзани со случајот. Надлежните институции спроведуваат истражни дејствија, по што ќе биде одлучено за понатамошната постапка.

Македонија | пред 2 седмици

(Видео) Пратениците на Левица излегоа со транспарент „НАТО убива за профит“ додека генералниот секретар Марк Руте говореше во Собранието

Пратениците на Левица излегоа со транспарент „НАТО убива за профит“ додека генералниот секретар на организацијата, Марк Руте говореше во Собранието.Откако го покажаа транспарентот, по неколку секунди се тргнаа од пред говорницата.Руте погледна кон нив, но не го прочита транспарентот, туку продолжи со говорот.

Настани | пред 2 седмици

Заедно за безбедност: Mozzart донира тактички елеци на Интервентната единица

Интервентната единица при Министерството за внатрешни работи доби нови тактички елеци донирани од компанијата Mozzart. Со оваа донација, компанијата ја потврди својата подготвеност да поддржи институции кои работат на заштита и безбедност на граѓаните.Тактичките елеци ќе придонесат за подобра заштита и ефикасност на припадниците на единицата при извршување на нивните задачи.„Со задоволство одговоривме на барањето за набавка на нови тактички елеци. Интервентната единица секојдневно е на терен и се грижи за јавната безбедност, а нашата компанија имаше можност да даде конкретна поддршка. Соработката ќе продолжи и во иднина,“ изјави Ивана Стефановска Крстевска од Mozzart.Во рамки на својата стратегија за општествена одговорност, Mozzart од почетокот на годината реализира повеќе проекти во различни области – од поддршка на кампањата „Ретко е да си редок“, преку организација на бесплатни театарски претстави, до донации за институции од областа на безбедноста. Активностите ќе продолжат и понатаму, опфаќајќи спорт, здравство, екологија и култура.ПР

Македонија | пред 2 седмици

САД го употребија новиот „самоубиствен дрон“ ЛУКАС во напад врз Иран

Соединетите Американски Држави употребија нов „самоубиствен дрон“ во напад врз Иран, само осум месеци по неговото официјално претставување во Пентагон. Леталото било дел од повеќе од десет модели што минатото лето биле презентирани пред американскиот министер за одбрана Пит Хегсет од страна на конкурентски компании.Дронот, наречен ЛУКАС (Low-Cost Uncrewed Combat Attack System), е развиен од компанијата „Спектр Воркс“ од Аризона и е дизајниран по примерот на иранскиот дрон „Шахед“. Американските одбранбени претставници наведуваат дека вообичаено развојот и оперативното воведување на ново оружје во Пентагон трае со години, но во овој случај постапката била значително забрзана.Според нив, забрзаната процедура е резултат на лекциите извлечени од војната во Украина, каде што руските сили масовно користат ирански дронови „Шахед“. Тоа, како што се посочува, покажало дека беспилотните летала станале клучен елемент на современото војување.Цената на еден дрон ЛУКАС изнесува околу 30.000 евра, што е повеќекратно пониско во споредба со значително пософистицираниот и повеќекратно употреблив дрон MQ-9 Reaper, чија цена достигнува и до 35 милиони евра. За разлика од „Рипер“, ЛУКАС е наменет за еднократна употреба, односно функционира како т.н. „самоубиствен дрон“ кој ја уништува целта при удар.

Свет | пред 2 седмици

Емиратите: Пресретнати 186 проектили и 812 дронови од почетокот на војната

Обединетите Арапски Емирати соопштија дека од почетокот на американско-израелскиот конфликт со Иран кон нивната територија биле лансирани 186 проектили, информираше Министерството за одбрана на земјата.Портпаролот на министерството, бригадниот генерал Абдул Насер Мохамед Ал-Хумаиди, изјави дека само еден проектил паднал на територијата на ОАЕ. Противвоздушната одбрана пресретнала 172 проектили, додека 13 паднале во морето.Според официјалните податоци, биле детектирани и 812 ирански беспилотни летала насочени кон Емиратите. Од нив, 57 паднале на територијата на земјата, додека 755 биле пресретнати од противвоздушната одбрана. Дополнително, биле детектирани и уништени осум крстосувачки проектили.Од почетокот на судирите во ОАЕ загинале три лица, регистрирани се 68 случаи на полесни повреди, како и помали до умерени оштетувања на цивилни објекти, соопшти портпаролот.

Свет | пред 2 седмици

Силни експлозии одекнуваат во Техеран, Израел потврди воздушен удар

Силни експлозии повторно одекнаа во иранската престолнина Техеран, а израелската војска потврди дека извршила воздушен удар во тој дел од градот.Според соопштението на Израелски одбранбени сили, израелското воздухопловство спровело напад со цел, како што се наведува, висок командант на иранскиот режим.Детали за евентуални жртви или материјална штета засега не се објавени. Иранските власти сè уште немаат официјална потврда за природата на нападот, ниту за тоа дали целта била погодена.Нападот доаѓа во услови на засилени воени дејствија меѓу Израел и Иран, со чести воздушни удари и одмазднички напади во последните денови. Ситуацијата во регионот останува напната, без навестувања за смирување на конфликтот.

Свет | пред 2 седмици

Трамп: „Иран сака преговори, но веќе е предоцна“

Американскиот претседател Доналд Трамп изјави дека му порачал на Иран оти е „предоцна“ за преговори, во кратка објава на неговата социјална мрежа „Трут Соушл“.Одговарајќи на корисник кој навел дека американските напади довеле до „раѓање на Трамповата доктрина“, претседателот напиша дека иранската противвоздушна одбрана, воздухопловството, морнарицата и раководството се „исчезнати“. „Сакаат да разговараат. Им реков: ‘Предоцна!’“, напиша Трамп.Судирот меѓу Соединетите Американски Држави, Израел и Иран влезе во четврти ден. Воените дејствија започнаа во саботата наутро, кога американските и израелските сили извршија опсежни напади врз ирански воени и безбедносни цели, вклучително и локации во и околу Техеран. Иранските државни медиуми потврдија дека во нападите бил убиен врховниот верски водач ајатолахот Али Хамнеи.Техеран возврати со ракетни и напади со беспилотни летала врз Израел, како и врз американски бази и енергетска инфраструктура во земјите од Персискиот Залив. Погодени беа цели во Саудиска Арабија, Обединетите Арапски Емирати и Бахреин, а поморскиот сообраќај низ Ормускиот Теснец е нарушен.Вашингтон соопшти дека целта на операцијата е уништување на иранските ракетни капацитети и спречување на развој на нуклеарно оружје, додека иранските власти ги обвинија САД и Израел за дестабилизација на регионот.И покрај зголемениот број жртви и ширењето на конфликтот, засега нема навестувања за смирување на ситуацијата. Изјавата на Трамп дека е „предоцна“ за разговори дополнително укажува дека во овој момент нема простор за дипломатски пресврт.

Свет | пред 2 седмици

Планови за враќање од Израел преку Египет на македонски државјани, можен ангажман и на владиниот авион

Министерството за надворешни работи и надворешна трговија соопшти дека интензивно работи на обезбедување услови за соодветна и безбедна евакуација на македонските државјани од погодените подрачја на Блискиот Исток, вклучително и од Обединетите Арапски Емирати.Според информациите од Министерството, во моментов се разработуваат планови за враќање на македонските државјани од Израел преку Египет, со користење комерцијални летови, а по потреба и со ангажман на владиниот авион. За Обединетите Арапски Емирати и Катар се разгледува можноста за организирање комерцијален или чартер-лет, во зависност од безбедносните и логистичките услови на терен.Во изминатиот период, преку дипломатско-конзуларните претставништва било асистирано при безбедното извлекување на едно лице од Иран, фудбалер кој преку Турција се вратил во Република Македонија. Дополнително, шест македонски државјани кои се наоѓале во Израел веќе обезбедиле авионски билети од Египет кон Скопје, при што Министерството активно помогнало во координацијата и организацијата на нивното заминување.Од Министерството нагласуваат дека безбедноста на македонските државјани останува највисок приоритет и дека во директна комуникација со пријателски земји и партнери, како и преку дипломатско-конзуларните претставништва, се преземаат сите неопходни активности за нивно безбедно и навремено враќање во државата.

Македонија | пред 2 седмици

(Видео) МВР има снимка каде сопругот ја удира жената истиот ден кога таа загина по падот од балконот, вели Тошковски

Министерот за внатрешни работи Панче Тошковски изјави дека во случајот со трагедијата во Карпош, каде жена и дете беа пронајдени мртви по пад од балкон, ќе се утврдуваат сите околности поврзани со претходните пријави за семејно насилство, вклучително и дали изјавите на жртвата биле дадени под притисок.„МВР има видео запис каде се гледа како сторителот, сопругот, ја удира жртвата. Тоа се случило истиот ден“, вели Тошковски.Тошковски посочи дека според службените белешки, на денот на настанот жената потпишала изјава со која се откажува од пријавата, наведувајќи дека немало физички контакт, туку недоразбирање со сопругот и дека не бара понатамошна полициска постапка. Таа, според документот, навела дека не сака настанот да се третира како семејно насилство и дека брачните односи ќе ги решава по мирен пат и преку развод.Министерот нагласи дека МВР ќе треба да утврди дали изјавата била дадена доброволно или под евентуална присила, дали осомничениот бил присутен, како и дали постоело влијание или притисок.„Факт е дека најголем број од предметите се затвораат затоа што жртвата се повлекува“, изјави Тошковски, додавајќи дека таквата пракса не треба да продолжи. Тој повика не само жртвите, туку и сите граѓани – членови на семејство, соседи и сведоци – да пријавуваат насилство, а институциите да обезбедат целосно процесуирање на случаите.Министерот истакна дека новите законски овластувања ѝ даваат на полицијата пошироки можности за постапување по службена должност, особено кога се констатираат видливи телесни повреди. Во такви случаи, жртвата нема да може да го повлече предметот, а Министерството ќе мора да продолжи со постапката.Сепак, Тошковски предупреди дека доколку жртвата повторно се повлече, институциите се соочуваат со сериозни предизвици во фазата на докажување на кривичното дело. Затоа, според него, неопходна е координирана ангажираност на центрите за социјална работа и на сите институционални чинители, како и поголема јавна свест и охрабрување на граѓаните да зборуваат отворено за насилството.Тој нагласи дека Министерството ќе го зголеми фокусот на ваквите кривично-правни настани, со цел да се спречат трагични исходи во иднина.

Настани | пред 2 седмици

(Видео) „Родителите дознале од сосед дека детето во Тетово паднало од тераса“, СВР Тетово со детали за трагедијата

Десетгодишно момче од Тетово го загуби животот по пад од тераса во станот во кој живеело, информираат од СВР Тетово.Според полициските информации, денеска во 09:25 часот во СВР Тетово било пријавено дека во Клиничката болница во Тетово било донесено дете без знаци на живот. Станува збор за 10-годишно момче од Тетово.Според првичните сознанија, детето, кое имало здравствени проблеми, паднало од терасата на станот. За настанот родителите биле известени од сосед, по што веднаш го однеле детето во болница. Лекар констатирал смрт.По наредба на јавен обвинител, телото на починатото дете е предадено на обдукција. Надлежните институции преземаат мерки за целосно расчистување на случајот.

Македонија | пред 2 седмици

Македонија меѓу најподготвените во регионот, државните нафтени резерви се стабилни, вели Министерството за енергетика

Министерството за енергетика, рударство и минерални суровини информира дека државните нафтени резерви се стабилни и гарантираат сигурност на снабдувањето за граѓаните и стопанството, во услови на зголемени геополитички ризици и неизвесност на светските пазари.Од Министерството посочуваат дека Агенцијата за задолжителни нафтени резерви континуирано ги следи и одржува резервите на нафта и нафтени деривати, со цел да се обезбеди стабилност на пазарот и подготвеност за навремена реакција доколку дојде до нарушување на увозот или снабдувањето.Агенцијата има законска обврска да ги формира и одржува резервите во согласност со европската регулатива, односно Директивата 2009/119/ЕЗ, која предвидува задолжително минимално ниво на покриеност во однос на просечната потрошувачка или увозот во определен број денови.Државните резерви се чуваат како стратешки безбедносен механизам и не се користат во редовни пазарни услови, туку исклучиво со одлука на Владата во случај на прогласување енергетска криза или сериозно нарушување на снабдувањето.Според последните податоци, државата располага со:– 138.877.053 литри еуродизел,– 32.098.680 литри еуросупер БС-95,– 10.772.342 литри екстра лесно масло за домаќинство (ЕЛ-1),– 5.287.794 килограми мазут М-1 НС.Министерството наведува дека во моментов увозот на нафтени деривати се одвива непречено и без ограничувања. Доколку се појави евентуален недостиг поради затворање на граници, прекини или други нарушувања, Владата ќе реагира соодветно и навремено.Нафтените резерви се складирани кај овластени трговски друштва, меѓу кои се ОКТА – Рафинерија на нафта, Макпетрол АД Скопје, Лукоил Македонија ДООЕЛ и Супер Трејд ДООЕЛ. Овие капацитети се редовно мониторирани од надлежните државни органи, со цел да се обезбеди техничка исправност и навремена достапност на резервите.Како дополнителен сигурносен механизам, во функција е и продуктоводот Солун–Скопје, кој обезбедува алтернативен доток на сите видови нафта и нафтени деривати, намалувајќи ја зависноста од други транспортни правци.Од Министерството нагласуваат дека системот е поставен превентивно, со повеќеслојна заштита преку стратешки резерви, диверзификација на снабдувачите, алтернативни транспортни коридори и постојан мониторинг на потрошувачката.И покрај актуелните случувања на Блискиот Исток и можните глобални пореметувања, надлежните уверуваат дека Република Северна Македонија има обезбедено стабилен проток на деривати од повеќе извори и останува целосно подготвена да реагира во случај на какво било нарушување на снабдувањето.

Македонија | пред 2 седмици

(Видео) Десет пријави има против сопругот на Ивана, а пред падот од балкон интервенирала полиција но таа негирала дека била тепана, вели Тошковски

Министерот за внатрешни работи Панче Тошковски информираше дека пријавата за трагедијата во Карпош, каде жена и малолетно дете го загубија животот по пад од балкон, била примена од случаен минувач. Според него, на улицата „Теодосиј Гологанов“ веднаш излегле полициски службеници од Полициската станица Карпош и екипа на Итната медицинска помош, при што била констатирана смрт.Извршен бил увид од страна на СВР Скопје, а телата се предадени на обдукција. Од местото на настанот биле подигнати материјални траги и мобилен телефон.Министерот посочи дека настанот имал претходница истиот ден. На 2 март во 12:05 часот била примена пријава за расправија меѓу сопружниците, а полициски службеници пристигнале на адресата во 12:19 часот. Бил извршен разговор со сопругата, која изјавила дека немало физички контакт со сопругот, дека станувало збор за недоразбирање и дека не бара поведување постапка ниту интервенција. Таа навела дека брачните односи ги решава преку бракоразводна постапка и потпишала службена белешка.По оваа интервенција, жената се упатила кон станот на улицата „Теодосиј Гологанов“, каде подоцна се случил трагичниот исход. Тошковски нагласи дека сите околности се детално документираат.По усна наредба, уапсен е сопругот, Стојанче Јовановски, поради сомневање за сторено кривично дело. Според податоците што ги изнесе министерот, во изминатите две години против него имало десет кривични пријави поврзани со имотни деликти, насилен криминал и недозволена трговија со дрога. Кај него, тогаш биле пронајдени 20 паковки наркотична супстанција, по што бил уапсен и против него била поднесена кривична пријава. По барање на јавен обвинител му биле изречени мерки на претпазливост, односно обврска за јавување во суд.Во 2025 и 2026 година биле евидентирани повеќе пријави за нарушени односи меѓу сопружниците. Полицијата постапувала и преземала мерки, но, како што посочи Тошковски, во сите наврати оштетената се повлекувала од поднесените пријави.

Настани | пред 2 седмици

По ескалацијата на конфликтот, Роналдо замина од Саудиска Арабија?

Кристијано Роналдо ја напуштил Саудиска Арабија со својот приватен авион во текот на ноќта, што предизвика шпекулации дека фудбалската ѕвезда ја напушта земјата поради ескалацијата на конфликтот на Блискиот Исток.Ријад, градот во кој 41-годишниот Роналдо живее со партнерката Георгина Родригез и нивните пет деца, беше погоден од ирански напади во четвртиот ден од судирите во регионот.Според податоци од платформи за следење на летови, авионот од типот „Бомбардиер Глобал Експрес 6500“ полетал од Ријад околу 20:00 часот и слетал во Мадрид нешто по 1 часот по полноќ, по речиси седумчасовен лет. Полетувањето се случува во период кога дел од странските државјани го напуштаат регионот, а повеќе летови кон и од Ријад се пренасочени или откажани.Роналдо, кој настапува за саудискиот клуб Ал-Наср и според медиумите заработува околу 560.000 евра дневно, моментално е надвор од терените поради повреда. Тој го напушти натпреварот во победата од 3-1 против Ал Фајха, што отвори прашања дали ќе биде подготвен за претстојните натпревари на репрезентативно ниво.Авионот со кој го напуштил Ријад, според информациите, бил купен во 2024 година за околу 70 милиони евра, откако Роналдо го продал својот претходен „Галфстрим Г200“. Луксузното летало може да прими до 15 патници и располага со повеќе одвоени простории, вклучувајќи дневен простор со софи, спална соба со двоен кревет и бања со туш.Засега нема официјална изјава од Роналдо или од неговиот клуб во врска со причините за летот кон Шпанија.

Свет | пред 2 седмици

Вчеравечер реализирани 12 редовни летови од Дубаи: 200 патници се вратија во Белград, а стотици и до Будимпешта, Варшава, Прага, Милано...

Патниците кои од Дубаи пристигнаа во Белград не биле евакуирани со организација на Владата, туку патувале со редовен лет на компанијата „Флај Дубаи“, за кој имале претходно купени билети. Според информациите, тие биле контактирани од авиокомпанијата дека летот ќе се реализира, по што околу 200 патници се вратиле во Србија.Летот бил реализиран по три последователни одложувања. Првично требало да полета во саботата, на денот кога започнаа воените дејствија меѓу САД, Израел и Иран, но бил презакажан во уште два термини без да се реализира. По дополнителни безбедносни проценки на компанијата „Емиратс“ и надлежните власти во Обединетите Арапски Емирати, било одлучено летот да се изврши синоќа.Пред реализацијата на летот за Белград, од аеродромот во Дубаи полетале и авиони кон Варшава, Ријад, Адис Абеба, Мумбаи, Рига, Лахоре, Прага, Будимпешта, Милано, Коломбо и Баку.Во текот на вчерашниот ден, пред полетувањето кон Белград, биле одложени 65 редовни летови. Прелетот на авионот од типот „Боинг 737 Макс 8“ во живо го следеле околу 40.000 лица преку интернет-страница која во реално време го прикажува движењето на леталата. Авионот слетал на белградскиот аеродром утринава во 06:17 часот.Авиокомпаниите преку соопштенија ги известиле патниците да не доаѓаат на аеродром доколку претходно не бидат директно контактирани.„Приоритет имаат патниците со претходни резервации, а оние кои биле прераспоредени на ограничени летови ќе бидат индивидуално известени од „Емиратс“, се наведува во соопштението.

Свет | пред 2 седмици

Најмалку 42 цивили загинати во судирите меѓу Авганистан и Пакистан

Најмалку 42 цивили загинале, а 104 се повредени во Авганистан во борбите со Пакистан во периодот од 26 февруари до 2 март, соопшти Мисијата на Обединетите нации за помош во Авганистан (УНАМА). Судирите меѓу двете соседни земји влегуваат во шести ден, а воените тензии остануваат високи.Според УНАМА, цивилните жртви вклучуваат лица погодени од индиректен оган во прекуграничните судири, како и жртви од воздушни напади. Организацијата нагласи дека бројките се прелиминарни.Авганистан соопшти дека презел уште една пакистанска позиција во регионот Кандахар и дека борбите „сè уште траат“. Овој конфликт, најсериозен во последните години меѓу двете земји, започна откако авганистанските талибански власти извршија, како што наведуваат, одмазднички напади врз пакистански цели, по пакистанските операции против милитанти на авганистанска територија.Кабул тврди дека пакистанските сили целеле цивили, додека Исламабад ги отфрла тие обвинувања. Пакистан минатата недела лансираше ракети воздух-земја врз талибански воени локации, а според пакистански безбедносни извори, уништена била и воена база во авганистанската покраина Нангархар.Двете страни тврдат дека од почетокот на судирите убиле десетици војници на спротивната страна и нанеле значителна штета на воените објекти. Овие податоци не се независно потврдени.Пакистанскиот претседател Асиф Али Зардари изјави пред парламентот дека Исламабад нема да дозволи соседна територија да се користи за напади врз Пакистан. „Тлото на Пакистан е свето. Нема да дозволиме ниту еден субјект, домашен или странски, да го користи соседниот простор за дестабилизација на нашиот мир“, рече тој.УНАМА повика на итен прекин на борбите, предупредувајќи дека насилството довело до раселување на околу 16.400 домаќинства и дополнително ја влошило хуманитарната состојба во Авганистан, кој сè уште се опоравува од серијата разорни земјотреси во август и септември, кога загинаа повеќе од 1.400 луѓе.Организацијата предупреди дека ограничувањата на движењето во пограничните подрачја ја намалиле способноста на хуманитарните агенции да обезбедат итна помош во најпогодените области.

Свет | пред 2 седмици

СДСМ со жесток напад врз Максим Димитриевски: „Да не му фали некој тендер?“

СДСМ упати сериозни обвинувања на адреса на Максим Димитриевски, прашувајќи јавно дали „му недостига некој тендер па кука по телевизија“.Од партијата оценуваат дека Димитриевски се однесува како да не е дел од, како што наведуваат, „криминалната власт“, обвинувајќи го дека како лидер на ЗНАМ делувал во корист на ВМРО-ДПМНЕ со цел да го ослаби СДСМ одвнатре.„Очигледно сега, кога граѓаните знаат дека бил кукавичко јајце и дека ЗНАМ како партија повеќе нема никаква поддршка, бара да си ги наплати своите ‘заслуги’“, стои во реакцијата.СДСМ алудира и на наводни договори поврзани со случајот со Артан Груби, посочувајќи дека зад одлуките стои лидерот на ВМРО-ДПМНЕ, Христијан Мицкоски.Во соопштението се споменува и тендер во Пошта во вредност од 1,2 милиони евра, за кој партијата тврди дека бил доделен на фирма блиска до ЗНАМ, во време кога вработените, според нив, се соочуваат со доцнење на платите.СДСМ дополнително го критикува Димитриевски дека јавно признал дека не живее од плата, оценувајќи дека поради тоа не покажува чувствителност кон работниците и минималната плата. „Никој од нив не живее од плата, туку од тендери“, се наведува во реакцијата.

Македонија | пред 2 седмици

Најмногу заглавени државјани имаме во Абу Даби, па потоа во Катар и Израел - вкупно 473 лица побарале помош од МНР

Министерството за надворешни работи и надворешна трговија информира дека од почетокот на конфликтот до денес вкупно 473 македонски државјани контактирале со дипломатско-конзуларните претставништва на Република Северна Македонија во Тел Авив, Доха и Абу Даби.Според последните податоци, 19 лица се пријавиле од Израел, 106 од Катар, додека 348 граѓани се обратиле до ДКП Абу Даби. Во оваа бројка се вклучени и 18 лица од Кувајт, како и 12 лица од Бахреин.Согласно информациите добиени од надлежните власти, во моментов сè уште не се препорачува евакуација по копнен пат за граѓаните кои се наоѓаат во Катар и Обединетите Арапски Емирати. Од Министерството посочуваат дека евакуацијата ќе започне во првата безбедна прилика, при што веќе се разгледуваат можностите за нивно безбедно извлекување веднаш штом се создадат соодветни услови.Во однос на македонските државјани кои се наоѓаат во Тел Авив, Министерството активно ги анализира можните алтернативи за нивно безбедно извлекување од државата.МНР повторно апелира до македонските државјани редовно да ги следат предупредувањата и насоките на локалните надлежни органи, додавајќи дека дежурните телефонски броеви на кризниот штаб при Министерството, како и контактите на дипломатско-конзуларните претставништва, остануваат достапни 24 часа дневно.

Македонија | пред 2 седмици

„Едно лице задржано во станица, мајката и детето биле заклучени сами во станот“, први информации од Обвинителството за трагедијата во Карпош

Основното јавно обвинителство Скопје соопшти дека ги издава сите потребни наредби и насоки за целосно расчистување на случајот во Карпош, кога при пад од висококатница животот го загубија мајка и малолетно дете.Од Обвинителството информираат дека едно лице е задржано во полициска станица и дека по наредба на јавен обвинител се преземаат дејствија за испитување на евентуална кривична одговорност.Обезбедена е наредба од судија на претходна постапка, а во текот на денот ќе се врши детален претрес на станот, кој веднаш по извршениот увид бил запечатен и обезбеден. Според првичните сознанија, во моментот на настанот починатата и малолетното девојче биле сами во станот, кој бил заклучен од внатрешната страна.По наредба на јавниот обвинител денеска се вршат распити на повеќе лица кои имаат определени сознанија, се спроведува екстракција на податоци од мобилни телефони и се обезбедуваат снимки од видео надзор и други записи од неколку локации.Во текот на вчерашниот ден била наредена и обдукција на телата на починатите.Во однос на евентуалното претходно постапување, јавниот обвинител побарал детално известување од Министерството за внатрешни работи и од Центарот за социјална работа за сите можни претходни пријави и поплаки од оштетената, а ќе биде наложена и внатрешна контрола во МВР за да се испита постапувањето по тие пријави.

Скопје | пред 2 седмици

Дел од МАГА се сврте против Трамп поради Иран, тој порача: „Не ми е гајле“

Дел од движењето МАГА отворено негодува поради воената операција на Доналд Трамп во Иран, стравувајќи од долготраен конфликт и зголемен број жртви меѓу американските војници. Претседателот, сепак, одговори кратко: „Не ми е гајле“, нагласувајќи дека МАГА стои зад него.Според анализата на „Ју-Ес-Еј тудеј“, незадоволството во дел од базата произлегува од стравот дека операцијата може да прерасне во уште една долга и скапа војна на Блискиот Исток. Трамп во минатото ги градеше своите кампањи врз критика на војните во Ирак и Авганистан, нарекувајќи ја инвазијата врз Ирак „катастрофа“ и „една од најлошите одлуки во историјата на земјата“.Иако првичните операции во Иран и Венецуела во неговиот втор мандат беа кратки и без американски жртви, актуелната ескалација веќе резултираше со смрт на шест припадници на американските вооружени сили. Трамп изјави дека операцијата првично била планирана да трае четири до пет недели, но дека САД имаат капацитет да дејствуваат и многу подолго.Во подкастот „Воена соба“, што го води Стив Бенон, сојузници на Трамп предупредија дека долготрајна и исцрпувачка операција може политички скапо да го чини претседателот. Бенон истакна дека во кампањата за 2024 година не било најавено сценарио на „тежок и исцрпувачки пат“, додавајќи дека поддршката може да се намали.Меѓу конзервативните гласови што ја доведуваат во прашање интервенцијата се и Такер Карлсон и Мегин Кели. Карлсон ја оцени кампањата како „одвратна и зла“, додека Кели изјави дека сака да биде поуверена дека жртвите се оправдани. Трамп, пак, ги отфрли нивните критики, нагласувајќи дека „МАГА е Трамп“ и дека движењето ја поддржува неговата политика.Министерот за одбрана Пит Хегсет се обиде да ги отфрли споредбите со Ирак, тврдејќи дека операцијата во Иран има „јасна, решителна и разорна мисија“ и дека не станува збор за бесконечна војна.Сепак, дел од конзервативците прашуваат кои се вистинските цели: промена на режимот, уништување на нуклеарните капацитети, ограничување на воената моќ или поширока геополитичка стратегија. Недостигот од, како што велат, кохерентна порака отвора дилеми во пресрет на клучните избори на средината од мандатот, кога републиканците настојуваат да ја задржат контролата врз Конгресот.Политичката дебата околу Иран сè повеќе го дели републиканскиот табор и ја става на тест способноста на Трамп да ја задржи мобилизираната и обединета својата база во услови на растечки безбедносни ризици и неизвесен исход од конфликтот.

Свет | пред 2 седмици

Ирански медиуми: Во Јемен уништен американски дрон „Ем-Кју-9“

Иранската новинска агенција Тасним објави фотографии за кои тврди дека прикажуваат „уништена беспилотна летелица Ем-Кју-9“ во планинска област на југот од Јемен. Според агенцијата, дронот ѝ припаѓал на американската војска.Во објавата не се наведува како дошло до уривањето на летелицата, ниту пак точното време кога се случил инцидентот. Засега нема официјална потврда од Соединети Американски Држави за овие наводи.Во одделно соопштение, иранската војска информира дека во текот на изминатата ноќ соборила седум „напредни непријателски дронови“ во различни делови од Иран.Според информациите пренесени од Тасним, станува збор за беспилотни летала од типовите „Ем-Кју-9“, „Херон“, „Хермес“ и „Орбитер“, кои биле погодени од системите за противвоздушна одбрана во областите Табриз, Техеран, Исфахан, Хорамaбад и Бушер.Во соопштението се додава дека вкупниот број соборени дронови од почетокот на, како што се наведува, „ционистичко-американската агресија“ се искачил на 29. Овие тврдења засега не се независно потврдени од меѓународни извори.

Свет | пред 2 седмици

Со првите летови од Дубаи се евакуирани патниците затекнати во транзит зоните, се разгледува евакуација на македонските државјани

Амбасадата на Република Македонија во Абу Даби соопшти дека е во постојана комуникација со властите на Обединетите Арапски Емирати, како и со институциите во Султанатот на Оман, со цел да им излезе во пресрет на македонските државјани кои се затекнати во регионот по ескалацијата на безбедносната состојба.Како што информираат од дипломатското претставништво, се разгледува можноста за репатријација и евакуација на граѓаните на Република Македонија преку копнената граница со Оман.Во соопштението се наведува дека ограничен број летови успеале да ги напуштат Обединетите Арапски Емирати преку аеродромите во Абу Даби и Дубаи, кои претходно беа цел на напади од Иран. Со тие летови биле евакуирани само патниците што се затекнале во транзитните зони на аеродромите.Амбасадата истакнува дека е во континуирана комуникација со надлежните органи на Обединетите Арапски Емирати за да се организира евакуација и со други летови, веднаш по добивање на официјална потврда дека воздушниот простор е безбеден за летање.Сите заинтересирани лица се повикуваат да се пријават во Дипломатско-конзуларното претставништво во Абу Даби. Дежурниот мобилен број е +971 56 441 7532, а електронската адреса за контакт е abudabi@mfa.gov.mk.

Македонија | пред 2 седмици

Авион со српски државјани полета од Дубаи кон Белград

Авион „Боинг 737 Макс 8“ на авиокомпанијата „Флај Дубаи“, со капацитет од 162 до 200 патници, вечерва полета од Дубаи кон Белград со српски државјани. Летот доцнеше повеќе од два часа, по што авионот полета околу 23.25 часот. Според првичните проценки, слетувањето во Белград не се очекува пред 5.50 часот наутро.Претходно во текот на денот, првите патнички авиони полетаа од аеродромот „Зајед“ во Абу Даби по привременото затворање на воздушниот простор поради воените дејствија во регионот. Податоците од платформите за следење летови покажуваат дека прв полетал „Ербас А380“ на „Етихад ервејс“ кон Лондон, по што следувале летови кон Амстердам, Париз, Москва, Карачи, Мумбаи, Исламабад и Делхи.Пред овие летови, од Абу Даби полетал и „Ербас А380“ на „Луфтханза“ кон Минхен, но според достапните информации, во тој лет немало патници.Актуелните летови се пренасочуваат со цел да се избегне Персискиот Залив, при што дел од рутите одат преку Саудиска Арабија кон исток, односно преку Оман и Оманскиот Залив за летовите кон запад.Воздушните напади на Соединети Американски Држави и Израел врз цели во Иран, како и иранските одмазднички удари врз цели во земјите од Заливот, предизвикаа сериозни нарушувања во цивилниот авионски сообраќај во регионот.Привременото затворање на воздушниот простор на Обединети Арапски Емирати и Катар доведе до целосна обустава на летовите од главните аеродроми во Дубаи, Абу Даби и Доха. Водечките авиокомпании, меѓу кои „Емирејтс“, „Катар ервејс“, „Етихад“ и „Флај Дубаи“, ги суспендираа операциите од своите бази додека траеја безбедносните ограничувања.

Свет | пред 2 седмици

Трамп: Иран досега ќе имаше нуклеарно оружје да не го укинев договорот на Обама

Американскиот претседател Доналд Трамп изјави дека Иран веќе би поседувал нуклеарно оружје доколку тој не го укинал нуклеарниот договор што го постигна администрацијата на Барак Обама.Во објава на својата платформа „Трут соушал“, Трамп наведе дека светот денес би бил „целосно поинакво место“ ако не бил раскинат, како што го нарече, „ужасниот“ договор со Техеран.„Иран ќе имаше нуклеарно оружје уште пред три години“, напиша Трамп, оценувајќи дека договорот бил „најопасната трансакција во која некогаш сме влегле“.Тој ги обвини поранешниот претседател Обама и актуелниот претседател Џо Бајден за, како што тврди, создавање услови за зајакнување на иранската закана. На крајот од објавата, Трамп иронично си упати благодарност самиот на себе за одлуката да го раскине договорот.Нуклеарниот договор со Иран, формално познат како Заеднички сеопфатен план за акција, беше постигнат во 2015 година меѓу Техеран и светските сили, но администрацијата на Трамп се повлече од него во 2018 година, повторно воведувајќи строги санкции кон Иран.

Свет | пред 2 седмици

Европските воени бази можат да станат легитимна цел, вели Иранскиот амбасадор во Мадрид

Иранскиот амбасадор во Шпанија Реза Забиб предупреди дека секоја локација што се користи во „агресија“ против Иран ќе се смета за „легитимна цел“, вклучително и воени бази во Европа.„Општото правило е дека ќе одговориме на секоја агресија, без разлика од каде доаѓа. На секоја акција ќе реагираме“, изјави Забиб на прес-конференција во Мадрид.Откако Соединети Американски Држави и Израел во саботата го нападнаа Иран, Техеран возврати со удари врз земји од Заливот каде што се наоѓаат американски воени бази. Беспилотни летала, според извештаите, биле насочени и кон Кипар, земја членка на Европска Унија, каде што има британска воена база.Забиб изрази надеж дека нема да има потреба од напади врз бази на европско тло, но истакна дека Иран има капацитет да ги достигне своите цели. Тој ја поздрави одлуката на Шпанија да забрани напади од својата територија, оценувајќи дека таквиот став е во согласност со меѓународното право.Во заедничко соопштение, Велика Британија, Германија и Франција најавија соработка со САД во врска со нападот врз Иран. Во меѓувреме, петнаесет американски борбени авиони биле преместени во бази во Германија и Франција, откако Мадрид забранил изведување операции од шпанска територија.Иранскиот амбасадор оцени дека саботата била „мрачен ден за мирот и меѓународното право“, наведувајќи дека е започната „непредизвикана вооружена агресија“ спротивна на Повелбата на Обединетите нации. Тој тврдеше дека во напад биле убиени речиси 200 девојчиња во основно училиште, алудирајќи на настаните во градот Минаб, и додаде дека нападите започнале во месецот Рамазан, што, според него, претставува дополнително прекршување на верската светост.Според него, актуелната ескалација претставува пресвртница за меѓународното право, мирот и универзалните човечки вредности, поради што очекува меѓународната заедница внимателно да ја следи ситуацијата.

Свет | пред 2 седмици

Убиството на Хамнеи е верски злостор, соседите да извршат притисок врз САД, вели Иранскиот министер за надворешни работи

Иранскиот министер за надворешни работи Абас Арагчи ги повика соседните држави да извршат притисок врз Соединети Американски Држави поради нападите врз Иран, во изјава за државната телевизија.Тој нагласи дека Техеран не е во војна со другите земји од регионот, и покрај тоа што Иран изврши одмазднички напади врз Обединети Арапски Емирати, Катар и Бахреин.Осврнувајќи се на убиството на врховниот лидер Али Хамнеи, Арагчи го нарече чинот „верски злостор“, предупредувајќи дека последиците од таквиот потег ќе бидат далекусежни.Според него, Вашингтон и Тел Авив не го разбираат значењето и тежината што ваквиот настан ги има за иранското општество и поширокиот регион. Техеран, како што посочи, ќе продолжи да реагира во рамки на своите интереси и безбедносни проценки.

Свет | пред 2 седмици