Ако не разбирате, премиерот работи на изолација на државата како што лаеше дека ќе го врати ФИРМ за да не бидеме НАТО држава, рече Филипче

Претседателот на СДСМ, Венко Филипче, остро го критикуваше премиерот и Владата, обвинувајќи дека наместо напредок кон Европската Унија, државата се води кон изолација и стагнација. Тој бара Бугарите да се внесат во Уставот.„Тој не зборува за пристапувањето на Македонија во ЕУ затоа што тоа не го интересира. Зборува за спроведени реформи, а се поставува прашањето – за кои реформи, кога ниту еден закон од областа на правосудството не беше донесен“, рече Филипче.Тој посочи дека единствените измени што биле направени се спротивни на препораките од оценската мисија, прашувајќи дали премиерот ќе зборува и за тие законски решенија.„Ако некој не разбрал, да преведам – премиерот работи на изолација на државата. Исто како што лаеше дека ќе го врати името – ФИРОМ, БЈРМ, со тоа да не бидеме НАТО држава. Манипулативниот ПР тим мора да внимава на секоја реченица“, изјави Филипче.Тој обвини дека, според него, станува збор за „организирана криминална структура“ која, како што рече, преку медиуми под контрола и со поддршка од странство, води антиевропска кампања.„Се создаваат намерни конфликти и се шират лаги за бугарска завера. Тоа е стар, веќе виден рецепт за задржување на власта, по цена на иднината на државата“, додаде лидерот на СДСМ.Филипче отвори и економски прашања, потенцирајќи дека Владата не дава одговор колку ја чини државата тоа што не се отвораат преговорите со ЕУ.„Дали некој пресметал колку средства би добиле граѓаните ако се отворат пристапните преговори?“, праша тој.Дополнително, предупреди и на геополитички ризици, посочувајќи дека евентуална промена на политичката сцена во Европа може да ја затвори вратата за проширување.„Кој ќе преземе одговорност ако следната година во Франција победи десница за која проширувањето не е приоритет? Кој ако Албанија стане членка пред нас и ни се наметнат нови услови?“, рече Филипче.Тој ја критикуваше и, како што рече, незаинтересираноста на премиерот за домашните проблеми.„Премиерот не е загрижен – тој е на самит на ЕПП на сметка на граѓаните, додека тука растат цените и се најавува поскапување на струјата“, додаде Филипче.

Македонија | пред 14 часа

САД ги таргетираат иранските подземни бункери со специјални бомби

Американските сили ја интензивираат кампањата против иранските воени капацитети, фокусирајќи се на уништување на подземните бункери во кои се складираат ракети и дронови – клучниот адут на Техеран во актуелниот конфликт.И покрај тоа што досега биле погодени околу 8.000 цели, иранските напади со балистички ракети и беспилотни летала продолжуваат, што укажува дека значителен дел од арсеналот останува функционален.Поради ограничените воздушни и поморски капацитети, Иран својата стратегија ја темели токму на ракети и дронови, кои со години ги складира во длабоки подземни комплекси и планински засолништа. Оваа инфраструктура го отежнува нивното уништување и бара употреба на специјализирано оружје.Во нападите се користат таканаречени „бункер-бастер“ бомби, меѓу кои и ГБУ-72 „Advanced Penetrator“, тешка околу 2.270 килограми. Овие бомби продираат длабоко во земјата пред да експлодираат, со цел да ги уништат засолнетите цели.Американскиот министер за одбрана Пит Хегсет изјави дека иранскиот капацитет за производство на балистички ракети е „функционално уништен“, вклучително и фабрики и производни линии. Сепак, постојните резерви очигледно сè уште се користат во нападите.Поради тоа, САД и Израел се насочуваат и кон мобилните лансери, користејќи разузнавачки податоци и прецизни воздушни удари за нивно лоцирање и уништување.Овој пристап потсетува на тактиките од Заливската војна во 1991 година, кога американските сили спроведуваа таканаречен „лов на Скад“ ракети во Ирак, обидувајќи се да ги неутрализираат заканите кон Израел.

Свет | пред 15 часа

Експерт: Американските напади врз Иран може да запрат наскоро поради недостиг на муниција

Американските воени удари врз Иран би можеле да траат уште само неколку дена или недели, поради сериозен недостиг на клучна муниција, предупредува експертот за безбедност Сет Џи Џоунс во анализа за „Блумберг“.Според него, резервите на далекуметни и одбранбени проектили на САД биле веќе намалени и пред најновата ескалација, што може да го принуди Вашингтон да ја ограничи својата директна улога во конфликтот.„Зборуваме за денови или недели. Многу е малку веројатно оваа фаза да трае подолго, бидејќи едноставно нема доволно залихи“, оценува Џоунс, кој е дел од Центарот за стратешки и меѓународни студии (ЦСИС).Тој посочува дека и САД и Иран имаат интерес за деескалација. Додека Иран се соочува со слабеење на воените капацитети, САД се ограничени од исцрпените резерви, што може да го натера претседателот Доналд Трамп да ги намали операциите.Сепак, тоа не значи крај на конфликтот. Џоунс смета дека Израел ќе продолжи со повремени напади врз Иран, дури и без директна поддршка од САД, слично на долгогодишните операции против Хезболах во Либан.Во меѓувреме, можен крај на оваа фаза од војната би можел да отвори простор за повторно функционирање на Ормутскиот теснец и стабилизација на цените на нафтата, но тоа ќе зависи од евентуални договори со Техеран.Цените на нафтата веќе бележат значителен раст, надминувајќи 108 долари за барел, додека цените на бензинот во САД достигнаа највисоко ниво од септември 2023 година.Експертот додава дека Европа има ограничени капацитети да помогне во обезбедување на поморските рути во регионот, а главната придобивка од евентуално вклучување би била поделба на ризикот, а не суштинска воена поддршка.

Свет | пред 15 часа

Нагло пораснаа цените на плинот во Европа

Цените на природниот гас на европските пазари бележат остар раст по нападите врз катарскиот индустриски комплекс Рас Лафан, еден од клучните центри за глобално снабдување со гас.Во раното тргување, цените на големо во Европа и Велика Британија пораснаа за повеќе од 25 проценти, пред да се стабилизираат. Сепак, и покрај краткото смирување, тие остануваат повеќе од двојно повисоки во споредба со периодот пред почетокот на конфликтот на Блискиот Исток.Нов бран поскапување беше забележан утринава, кога цените скокнаа за над 20 проценти, директно под влијание на нападите врз енергетската инфраструктура, вклучително и главното гасно постројување во Катар.Според катарската државна енергетска компанија, две серии ирански напади предизвикале „обемна штета“ врз главниот гасен јазол во земјата, што дополнително ја засили загриженоста за глобалното снабдување.Паралелно со гасот, расте и цената на нафтата, која се зголеми за околу 5 проценти и достигна приближно 113 долари за барел.Аналитичарите предупредуваат дека енергетските пазари влегуваат во нова фаза на нестабилност, а секоја нова ескалација на конфликтот може да предизвика дополнителен ценовен шок што директно ќе се одрази врз европските економии и граѓаните.

Свет | пред 15 часа

Савески даде заклетва: Политиката не е мој интерес, селекција на предмети не правам, товар не чувствувам

Новоименуваниот државен јавен обвинител Ненад Савески, по давањето на свечената заклетва, порача дека обвинителството мора да функционира исклучиво врз основа на законите, без влијание од политиката.„Интересите на политичките партии не се предмет на мој интерес. Политиката не била и нема да биде дел од мојата работа. Без оглед на тоа колку гласови сум добил, мојата работа ќе зависи од законските обврски“, изјави Савески, осврнувајќи се на фактот дека неговиот избор не доби поддршка од опозицијата.Тој нагласи дека нема да прави селекција на предметите и дека секој случај ќе има еднакво значење.„Секој предмет има еднаква тежина. Нема да има приоритети по нарачка, ниту од било кого. Постојат законски процедури по кои ќе се постапува и тие важат за сите“, рече Савески, одговарајќи на прашања за евентуални политички влијанија врз отворање или ревидирање на случаи.Во однос на прашањето за расчистување со последиците од поранешното Специјално јавно обвинителство, кратко одговори дека веќе дал став на таа тема.Како приоритет во својата работа, Савески ја најави модернизацијата на обвинителството.„Прво ќе се сретнам со обвинителите за да се запознаам со состојбите. Планот е дигитализација на системот за управување со предмети, преку кој ќе се следи работата и ќе се обезбеди поголема ефикасност. Ќе гарантирам транспарентност и отчетност – јавноста ќе има одговори за секој предмет“, истакна новиот државен обвинител.

Македонија | пред 15 часа

Нафтата достигна нов врв поради конфликтот на Блискиот Исток

Цените на нафтата продолжуваат да растат, достигнувајќи нов највисок праг од почетокот на воениот конфликт во Иран, што дополнително ги зголемува глобалните стравувања за стабилноста на енергетските пазари.Цената на барел „брент“ сурова нафта утрово накратко достигна 118,74 долари, ниво што не е забележано од јуни 2022 година. Овој раст се случува во услови на интензивирани напади врз енергетска инфраструктура и сериозни нарушувања во транспортот на енергенси.Клучен фактор за поскапувањето е и состојбата во Ормутскиот теснец, преку кој минува околу една петтина од глобалната трговија со нафта и гас. Поради зголемената несигурност и ризиците за танкерите, снабдувањето е доведено во прашање.Паралелно, цената на природниот гас во Европа порасна за 28 проценти. Најголемо влијание врз ова имаат последните израелски напади врз ирански гасни полиња, како и иранските напади врз гасна инфраструктура во Катар.Иако цените сè уште не го достигнуваат максимумот од периодот по почетокот на војната во Украина, аналитичарите предупредуваат дека доколку конфликтот продолжи да ескалира, можно е дополнително нагло поскапување на енергенсите.

Свет | пред 15 часа

Техеран ги обвини Емиратите за соучесништво во нападите

Иран официјално побара обештетување од Обединетите Арапски Емирати, обвинувајќи ги дека дозволиле американски напади врз иранска територија да бидат извршени од нивна територија.Во писмо до генералниот секретар на Обединетите нации, иранскиот амбасадор при ОН, Амир Саид Иравани, наведе дека ваквата одлука на ОАЕ претставува прекршување на меѓународното право и повлекува „државна одговорност“.Техеран смета дека Емиратите имаат обврска да ја надоместат целокупната материјална и нематеријална штета предизвикана од нападите.Паралелно со дипломатската офанзива, Иран продолжува со напади во регионот на Персискиот Залив. Шефот на иранската дипломатија, Абас Аракчи, изјави дека нападите во близина на урбани подрачја се последица на преместувањето на американските сили од воени бази во хотели во градските средини.Тој призна дека земјите од регионот се вознемирени и дека има жртви, но одговорноста за почетокот на конфликтот ја лоцираше кај Соединетите Американски Држави.Според податоците од емиратското Министерство за одбрана, земјите од Персискиот Залив се соочиле со повеќе од 2.000 напади со ракети и дронови, насочени кон дипломатски мисии, воени бази, нафтена инфраструктура и цивилни објекти.Само кон Обединетите Арапски Емирати биле истрелани 189 балистички ракети и 941 дрон, од кои поголемиот дел биле пресретнати, но најмалку 71 дрон погодил цели на територијата на државата.

Свет | пред 15 часа

(🔴ВО ЖИВО) Претрес во кочанската болница и противпожарна бригада - разговор со обвинетиот обезбедувач Захариев

Една година по трагедијата во „Пулс“ – системот што требаше да научи, изгледа дека ништо не научил.Во „Претрес“ сведочи обвинетиот обезбедувач – за критичната ноќ, за хаосот, за пропустите и за вината која сè уште нема јасен одговор.Влегуваме во кочанската болница – местото каде што жртвите се бореа за живот. Наместо подобри услови – влага, распад и очај.Во противпожарната бригада – донации наместо систем, и „едно засилување“...СЛЕДЕТЕ ВО ЖИВО:

Студио | пред 1 ден

Обвинителството бара построга казна за насилникот од Свети Николе, една година затвор не е доволна за да сфати што направил

Основното јавно обвинителство Свети Николе поднесе жалба на висината на казната од една година затвор, изречена за 21-годишникот од селото Сарамзалино, осуден за брутално семејно насилство врз својата бремена партнерка.Жалбата се однесува на санкцијата, која Обвинителството ја оценува како несоодветна со тежината на делото, имајќи ги предвид околностите под кои било извршено насилството.Претходно, Основниот суд во Свети Николе донесе неправосилна пресуда со која обвинетиот беше прогласен за виновен за кривичните дела „Телесна повреда“ и „Противправно лишување од слобода“, по што му беше изречена единствена казна затвор од една година.Според обвинението, настанот се случил на 19 и 20 февруари во семејниот дом, каде обвинетиот ја нападнал партнерката, ѝ го одзел телефонот и клучевите од автомобилот и ја заклучил во соба, држејќи ја против нејзината волја околу 15 часа.Во текот на нападот, тој ѝ нанел повеќе телесни повреди, удирајќи ја со тупаници и боксови по главата и телото. Кога жената се онесвестила, ја однел во бањата и ја освестил со ладна вода, по што продолжил со насилството.Обвинителството смета дека ваквите околности укажуваат на особена суровост и сериозност на делото, поради што бара повисока казна во жалбената постапка.

Македонија | пред 1 ден

Судењето за трагедијата во Тафталиџе почнува на 30 март: на Стојанче ќе му суди судијата од предметот за убиството на Вања и Панче

На 30 март ќе започне судскиот процес против Стојанче Јовановски, сопруг на Ивана Јовановска, која на 2 март скокна од балкон од шести кат заедно со својата шестгодишна ќерка. Случајот ја потресе јавноста и отвори сериозни прашања за институционалната реакција во случаи на семејно насилство.Судењето ќе го води судијата Ивица Стефановски, познат по постапувањето во предметот за убиствата на Вања Ѓорчевска и Панче Жежовски.Според Обвинителството, Јовановски подолг период вршел психичко и физичко насилство врз сопругата. Таа била тепана, навредувана и понижувана, како во домот, така и на јавни места и пред сведоци, при што ѝ биле упатувани закани дека ќе биде избркана од домот и ќе ѝ биде одземено детето.Обвинението наведува дека насилството кулминирало на критичниот ден, по што Ивана, во состојба на тешка психичка вознемиреност и безизлезност, го извршила самоубиството.„Малтретирањето ја довело оштетената во состојба на страв, безнадежност и чувство на безизлезност, поради што таа не можела разумно да ги контролира своите постапки“, наведуваат од Обвинителството.Против Јовановски, според информациите од МВР, претходно биле поднесени повеќе од десет пријави за семејно насилство. Паралелно, против него се водела истрага и за други кривични дела, меѓу кои и трговија со дрога, а двапати бил осудуван, вклучително и за напад врз полициски службеник.По трагедијата, инспекциски служби од Министерството за социјална политика утврдиле пропусти во постапувањето на Центарот за социјални работи.Податоците на МВР покажуваат дека од почетокот на годината до 10 март се регистрирани 319 кривични дела поврзани со семејно насилство, поднесени се 207 кривични пријави, а во 14 случаи е одреден притвор. Во истиот период се евидентирани и 602 поплаки за семејно насилство.

Македонија | пред 1 ден

Мицкоски од Брисел: Проширувањето на ЕУ ќе биде наш главен фокус на Самитот на ЕПП

Претседателот на ВМРО-ДПМНЕ, Христијан Мицкоски, од Брисел информира дека партијата учествува на Самитот на Европската народна партија (ЕПП), каде во фокус ќе бидат глобалните предизвици, но и процесот на проширување на Европската Унија.„Два дена сме овде во Брисел за да ја одбележиме 50-годишнината од формирањето на Европската народна партија, најголемата политичка сила во демократска Европа, чиј нераскинлив дел е и ВМРО-ДПМНЕ“, изјави Мицкоски.Тој посочи дека покрај официјалната прослава, ќе се одржи и Самит на лидери од партиите членки на ЕПП, на кој ќе се разговара за клучни глобални теми.„Ќе разговараме за економската перспектива на Европа, за глобалните предизвици, војната во Украина, состојбите во Заливот и Иран, но и за зголемување на конкурентноста“, рече Мицкоски.Како што нагласи, за ВМРО-ДПМНЕ особено важна тема ќе биде проширувањето на Европската Унија, како и презентацијата на реформите што, според него, ги спроведува Владата.„Наш посебен интерес е разговорот за проширувањето на ЕУ и постигнувањата и реформите што ги реализиравме во изминатиот период како Влада“, додаде Мицкоски.

Македонија | пред 1 ден

Хезболах објави нови напади и цели во Израел

Либанската милитантна група Хезболах соопшти дека во текот на денот извршила повеќе напади врз израелски позиции, вклучително и со ракети и дронови.Во објава на Телеграм, групата тврди дека нејзини борци се судриле со израелски војници во близина на притворски центар во јужнолибанскиот град Хијам, при што биле употребени различни видови оружје.Хезболах наведува дека извршил ракетни напади врз израелски сили во населбата Шомера, на северот на Израел, како и во либанските села Одаисех и Тајбех.Дополнително, групата тврди дека во израелскиот град Кирјат Шмона употребила „рој“ нападни дронови насочени кон израелските војници.Овие тврдења засега не се независно потврдени од израелска страна.

Свет | пред 1 ден

Папата со критика Трамп: Војната не е видеоигра, медиумите да не станат пропаганда

Папата Лав XIV упати остра порака до медиумите и политичките актери, предупредувајќи дека војната не смее да се прикажува како видеоигра и дека новинарите не смеат да станат алатка на пропаганда.Во обраќање до вработените во италијанската телевизија ТГ2, папата нагласи дека улогата на медиумите е да ја прикажат реалната слика за страдањата што ги носи секој конфликт.„Новинарите треба да ги покажат страдањата што војната секогаш им ги носи на луѓето, да го покажат нејзиното лице и да ја раскажат преку очите на жртвите, за да не се претвори во видеоигра“, изјави папата.Тој предупреди дека во време на војни, медиумите се изложени на ризик да станат дел од пропагандни механизми.„Медиумите мора да се чуваат од опасноста да станат пропаганда. Задачата на новинарите да ги проверуваат информациите и да не бидат гласноговорници на оние на власт е клучна“, додаде тој.Изјавата доаѓа во контекст на критики за начинот на кој се комуницираат воените операции, откако беа објавени содржини што комбинираат реални снимки од напади со елементи од филмови и видеоигри.Слична реакција упати и кардиналот Блејз Купич од Чикаго, кој оцени дека ваквото прикажување на војната е „вознемирувачко“ и ја минимизира реалната човечка трагедија.„Вистинска војна со вистинска смрт и страдање се третира како видеоигра – тоа е вознемирувачко“, посочи Купич.Овие реакции доаѓаат во време кога воените конфликти предизвикуваат сè поголеми политички и општествени поделби, вклучително и во самите САД.

Свет | пред 1 ден

Нови обвинувања: Паниката во ВМРО ја извади на површина Платформата за рушење на СДСМ

СДСМ обвини дека, како што велат, паниката во редовите на ВМРО-ДПМНЕ довела до активирање на „Платформата за рушење на СДСМ“, оценувајќи дека станува збор за координирана кампања насочена кон внатрешно слабеење на партијата.Од СДСМ тврдат дека, по низа објавени скандали и, според нив, пад на поддршката кај власта, ВМРО-ДПМНЕ се обидува со дефокус и политички напади да ја пренасочи јавноста.„ВМРО е толку многу паднато што и нивните анкети тоа го покажуваат. Немаат одговор на ниту едно прашање, ниту на скандалите што ги објавивме, ниту резултати“, соопштија од партијата.Во соопштението се наведуваат и обвинувања за, како што велат, „криминални тендери“ и „бизнис мрежи во енергетиката“, како и за наводни обиди за медиумски и политички притисок.СДСМ тврди дека, по неуспешните кампањи и, како што наведуваат, „измислени афери“, следувале обиди за внатрешно дестабилизирање на партијата.„Потоа следеа обиди за рушење на СДСМ одвнатре. Ниту тоа не успеа. Затоа денес ја вадат ‘Платформата’ како последен адут“, велат од СДСМ.Партијата обвини дека се прават обиди за создавање нов политички блок без СДСМ и за, како што наведуваат, дополнително распарчување на опозицијата.„СДСМ е единствената неконтролирана опозиција која се бори власта да се врати кај граѓаните“, се додава во реакцијата.Од СДСМ порачуваат дека ќе продолжат, како што велат, со објавување на информации за „криминално-коруптивни дејствија“ и ќе се залагаат за европски реформи, слобода на медиуми и институционален систем.

Македонија | пред 1 ден

(Видео) Страв од „Сејф сити“: Брза помош заглавена на раскрсница кај „Мавровка“

Возачи во Скопје сè почесто се двоумат дали да направат простор за возила на Итна медицинска помош, поради страв од казни од системот „Сејф сити“. Таков случај е регистриран денеска на раскрсница кај „Мавровка“, каде амбулантно возило останало заглавено и покрај вклучена сирена.Системот, кој е поставен на самата раскрсница, автоматски евидентира прекршоци, вклучително и движење на возила за време на црвено светло. Токму поради тоа, дел од возачите не се осмелиле да го поминат пешачкиот премин или да излезат од својата лента за да ѝ отстапат пат на Брзата помош.На видеото се слуша сирената, но амбулантното возило останува блокирано меѓу автомобилите. Дури по реакција и гестикулација од случаен минувач, дел од возачите почнуваат да се тргаат кон пешачкиот остров, овозможувајќи ѝ на Брзата помош да продолжи.Случајот отвора прашање дали системот за автоматско санкционирање создава контраефект во ситуации кога е неопходна итна реакција и дали возачите се доволно информирани како да постапуваат без да стравуваат од казни.

Скопје | пред 1 ден

Ескалација на Блискиот Исток: Напади во Бејрут, Техеран, Ирак и Заливот

Серија напади во текот на ноќта и утрото дополнително ја влошија безбедносната состојба на Блискиот Исток, со удари во повеќе држави и нови жртви.Во либанската престолнина Бејрут, израелските воздушни напади продолжија во текот на ноќта, при што делови од центарот на градот се претворени во урнатини. Според либанското Министерство за здравство, загинале најмалку 10 лица, а 27 се повредени.Израелската армија издаде наредба за евакуација на јужен Либан, најавувајќи нови напади врз премините преку реката Литани.Во Иран, медиумите јавуваат дека е погоден петрохемиски комплекс на гасното поле Јужен Парс. Израел, пак, тврди дека во напад во Техеран е убиен министерот за разузнавање Есмаил Хатиб, но засега нема официјална потврда од иранските власти.Тензиите се зголемуваат и околу Ормускиот Теснец, клучна рута за транспорт на нафта, каде американската војска соопшти дека извела напади врз ирански ракетни позиции. Овој регион е особено чувствителен по серијата инциденти со трговски бродови од крајот на февруари.Во земјите од Заливот – Обединетите Арапски Емирати, Катар, Кувајт и Саудиска Арабија – пријавени се одбранбени реакции на напади. Саудиска Арабија соопшти дека соборила два дрона насочени кон дипломатска зона, додека во Бахреин биле активирани сирени за воздушна опасност.Во Ирак, според снимки потврдени од Би-Би-Си, регистрирана е експлозија во близина на американската амбасада во Багдад, за која Ројтерс јавува дека била предизвикана од дрон.Во Израел, во нападите загинале две лица во седмата деценија од животот во град во близина на Тел Авив, додека израелската војска соопшти дека Иран лансирал нови проектили кон нивна територија.Ситуацијата на теренот останува крајно нестабилна, со ризик од натамошна регионална ескалација.

Свет | пред 1 ден

Ненад Савески избран за државен јавен обвинител, го поддржаа 66 пратеници

Собранието на Република Македонија го избра Ненад Савески за нов државен јавен обвинител.За неговото именување гласаа 66 пратеници, додека 2 беа „против“, а 8 „воздржани“, од вкупно 101 присутен пратеник.Со оваа одлука, Савески ја презема функцијата прв човек на јавното обвинителство, во период кога правосудниот систем е под силен јавен и политички притисок, со очекувања за поголема ефикасност и независност во постапувањето.Неговиот избор беше проследен со жестока политичка дебата во Собранието, во која власта и опозицијата изнесоа спротивставени ставови за состојбите во правосудството и за начинот на избор на обвинителот.

Македонија | пред 1 ден

Европа нуди договор на Трамп

Финскиот претседател Александер Стуб излезе со идеја за можна геополитичка размена меѓу Европа и САД, која би можела истовремено да влијае врз конфликтот во Украина и кризата во Персискиот Залив.Според предлогот, Европа би понудила воена поддршка за обезбедување на Ормускиот Теснец – клучен коридор за глобалната нафта, кој Иран го блокираше – а за возврат би побарала од американскиот претседател Доналд Трамп целосна поддршка за Украина.„Мислам дека тоа е навистина добра идеја... всушност, одлична идеја“, изјави Стуб, посочувајќи дека ќе ја разгледа опцијата со својот тим.Овој предлог доаѓа во момент кога европските лидери се загрижени дека конфликтот меѓу САД и Иран директно ја слабее позицијата на Украина во војната со Русија.Растот на цените на нафтата, поттикнат од кризата во Заливот, носи дополнителни приходи за Москва, додека истовремено американските ресурси – особено системите за противвоздушна одбрана – се пренасочуваат од Украина кон Блискиот Исток.Стуб предупреди дека мировните преговори за Украина се на критична точка и дека постои ризик Киев да биде притиснат на неповолен договор, вклучително и територијални отстапки кон Русија.„Постои реална опасност Украина да биде оттурната кон лошо решение или преговорите целосно да пропаднат“, оцени тој.Дополнително, постои страв дека Европа би можела да остане без американска поддршка, што би ја принудило самостојно да ја засили воената и разузнавачката помош за Украина.Финскиот претседател призна дека неговото влијание врз Трамп е ограничено, и покрај добрите лични односи.„Ако од десет мои идеи помине една, ќе сметам дека тоа е успех“, рече Стуб.Според него, војната на Блискиот Исток веќе има негативни последици за Украина – не само преку економските ефекти, туку и преку пренасочување на вниманието и ресурсите од европскиот фронт.

Македонија | пред 1 ден

По 14 години, се бара по третпат да се приспитува убиството кои ги уби децата и рибарот кај Смилковско, овојпат од новиот јавен обвинител

Случајот „Монструм“ повторно ја отвори политичката дебата, откако во јавноста се појавија повици за негово преиспитување, проследени со остри реакции и меѓусебни обвинувања меѓу пратениците.Потпретседателот на ВМРО-ДПМНЕ, Александар Николоски, остро реагираше на изнесените ставови, оценувајќи дека се прави злоупотреба на трагедијата и болката на семејствата кои ги изгубија своите најблиски.„Не можам да поверувам дека во 2026 година вие и претходниот говорник сте единствените кои верувате на тезите на зоран заев од 2015 година, а во 2021 година ги демантираше. Во 2015 година во интервјуа велеше дека овие што се во затвор не се виновни и дека други се виновни, а во 2021 година кажа дека тоа биле лични впечатоци, негови видувања, дека немал податоци, документи и разговори туку се му било врз основа на прашања од новинари, па споделувал видувања и чувства. Со што добри шест години стави во катастрофална состојба членови на семејства кои изгубија деца. Да злоупотребувате судбина на семејства кои ги изгубија најблиските, е срамно“, рече Николоски коментирајќи за случајот „Монструм“ кој беше споменат како еден од слчаите кои треба да се реотвори во 2026 година оти според Халил Снопче бил монтиран.Од друга страна, пратеникот Халил Снопче возврати дека е недозволиво политичарите да се мешаат во правни процеси, но истовремено повика институциите да постапат доколку постојат сомнежи.„Безобразлук е да излезеш и да се мешаш во правни консеквенци како политичар. Тоа што кажал како Заев, не знам. Вие требаше да кажете дека ако има импликации за монтирани процеси, Савески да излезе и да преиспита. Абе истражете го случајот“, рече Снопче.

Македонија | пред 1 ден

Прв EAES курс за лапароскопија на Балканот одржан во Клиника Жан Митрев

Клиника Жан Митрев беше домаќин на првиот EAES курс за основни вештини во лапароскопска хирургија на Балканот, тридневна обука наменета за унапредување на практичните знаења и техники во областа на минимално инвазивната хирургија.Обуката беше наменета пред сè за млади хирурзи и специјализанти, но и за искусни доктори кои сакаат дополнително да ги надградат своите вештини. Програмата вклучуваше практична работа со инструменти што се користат во операциона сала, како и демонстрации, насоки и интерактивни дискусии под водство на искусни експерти.Курсот е осмислен од д-р Марек Шолтес, абдоминален хирург и професор на Универзитетот „Павол Јозеф Шафарик“ во Кошице, а беше реализиран во соработка со д-р Клаудија Ѓиноска од Клиника Жан Митрев.Станува збор за обука акредитирана од Европската асоцијација за ендоскопска хирургија (EAES), една од најрелевантните организации во оваа област. Вакви практични курсеви се реткост и во Европа, а досега не биле организирани во регионот.Според д-р Шолтес, интересот за курсот бил исклучително голем, со број на пријавени кој го надминал предвидениот капацитет. Учесниците, меѓу кои хирурзи, гинеколози и уролози, дале позитивни оценки, посочувајќи дека квалитетот на обуката ги надминал нивните очекувања.Со организацијата на овој настан, Клиника Жан Митрев дополнително се позиционира како регионален центар за медицинска едукација, додека државата се наметнува како атрактивна дестинација за стручно усовршување во лапароскопската хирургија.

Македонија | пред 1 ден

Израел ликвидира ирански функционери „еден по еден“: откриена стратегијата на ударите

Израел спроведува систематска кампања на ликвидации и прецизни напади врз иранското раководство и безбедносни структури, со цел да го ослаби и дестабилизира режимот во Техеран, објавува „Волстрит журнал“.Во последните напади убиени се високи ирански функционери, меѓу кои и еден од највлијателните безбедносни претставници, кој бил лоциран за време на состанок во периферијата на Техеран и ликвидиран со ракетен удар. Истата ноќ, според извештаите, бил убиен и лидер на паравоената формација „Басиџ“, по дојава од цивили за неговата локација.Според анализите, Израел не се фокусира само на врвот на власта, туку систематски ги таргетира и пониските структури – од командни центри до поединечни единици на терен. Целта е нарушување на командната хиерархија и создавање хаос во функционирањето на безбедносниот апарат.Израелските сили, според податоците, досега извеле илјадници напади, при што биле погодени над 2.200 цели поврзани со Револуционерната гарда, „Басиџ“ и други безбедносни служби. Се проценува дека илјадници припадници на овие структури се убиени или ранети.Во операциите значајна улога имаат разузнавачките информации, вклучително и дојави од ирански граѓани. Нападите се прошириле и на алтернативни локации каде се собирале безбедносните сили, како спортски објекти, откако нивните бази биле уништени.Паралелно со воените акции, се спроведува и психолошка кампања. Според извештаите, израелски агенти контактирале ирански команданти и им упатувале закани, предупредувајќи ги да се дистанцираат од режимот.На терен, нападите довеле до пад на моралот и дезорганизација. Дел од безбедносните сили, според извори, се принудени да се кријат во цивилни објекти, додека полицијата во некои делови од Техеран има ограничено присуство.И покрај интензитетот на нападите, експертите предупредуваат дека рушењето на режим исклучиво преку воздушни удари е исклучително тешко. Доколку режимот опстане, постои ризик да излезе дополнително зацврстен.Во меѓувреме, расте притисокот врз иранското општество, но дел од граѓаните стравуваат од отворен бунт, проценувајќи дека исходот од конфликтот е неизвесен и дека последиците би можеле да бидат уште потешки.

Свет | пред 1 ден

Зајкова: Мнозинството избра да биде соучесник во насилството врз жените

Пратениците од парламентарното мнозинство повторно не ги изгласаа измените на Законот за заштита од семејно насилство и насилство врз жените, предложени од Либерално-демократската партија, со кои беше предвидено воведување електронски нараквици за следење на сторителите.Претседателката на ЛДП, Моника Зајкова, од собраниската говорница остро реагираше, оценувајќи дека ваквата одлука претставува директна одговорност за идните случаи на насилство.„Без збор. Без аргумент. Без срам. Повторно го одбија предлогот за воведување електронски нараквици за следење на насилниците – мерка што значи превенција, што значи спасени животи, што значи реална заштита“, изјави Зајкова.Таа нагласи дека станува збор за предлог кој не е нов и кој веќе еднаш бил одбиен, а последиците, според неа, се сериозни.„Кога имате можност да спречите насилство, а свесно одбирате да не го направите тоа, станувате соучесници. Соучесници во секој следен напад, во секоја следна жртва“, рече Зајкова, посочувајќи дека институциите повторно избрале „молк, игнорирање и одбивање“.Таа додаде дека не може повеќе да се прифаќа, како што рече, лицемерие и декларативна грижа за жените, нагласувајќи дека зад статистиките стојат реални човечки животи.„Жените не се бројки. Жените не се проценти. Жените не се тема за ПР. Жените се животи. И тие животи денес беа игнорирани“, изјави Зајкова.Според неа, одлуката на мнозинството не е само политичка, туку и морална, додавајќи дека со неа јасно се покажало на која страна стојат носителите на власта.

Македонија | пред 1 ден

Тепачка во берберница во крушевско

На 17 март 2026 година во 17:16 часот во СВР Битола, Б.Н. (20) од селото Алданци, крушевско, пријавил дека бил физички нападнат во неговиот берберски салон.Според пријавата, напаѓач е лицето Е.М. од истото село.Полицијата презема мерки за расчистување на случајот.

Македонија | пред 1 ден

Без положен испит управувал „голф“ – приведен жител на Жабени

На 17 март 2026 година во 14:00 часот во селото Кравари, битолско, полициски службеници од СВР Битола го лишиле од слобода М.Х. (32) од селото Жабени.При сообраќајна контрола било сопрено патничко возило „фолксваген голф“ со битолски регистарски ознаки, кое го управувал, при што било утврдено дека не поседува важечка возачка дозвола.По целосно документирање на случајот против него ќе следува соодветна пријава.

Македонија | пред 1 ден

Засилени контроли во тетовско: казнети 85 прекршоци за еден ден

Во текот на 17 март 2026 година на подрачјето на СВР Тетово била спроведена засилена контрола на возила и возачи.При контролата биле санкционирани вкупно 18 возачи за непрописно паркирање, од кои 14 во Тетово и 4 во Гостивар, додека 12 возила во Тетово биле подигнати со специјално возило „пајак“.Дополнително, биле евидентирани и 67 други видови сообраќајни прекршоци, од кои 43 во Тетово и 24 во Гостивар.

Македонија | пред 1 ден