Само ЈО го штити и не го гледа криминалот на Филипче во модуларната, вработените во министерството знаеле, затоа и не сакале да ги потпишат договорот и анексот, вели ВМРО-ДПМНЕ

“Најголемата одговорност за криминалните модуларните болници, кои биле набавени како стоки со лош квалитет и леснозапалив материјал, со кредит од Светска банка е единствено кај Венко Филипче”, вели ВМРО-ДПМНЕ и додава:Филипче, како тогашен министер за здравство, сега претседател на СДС, исто така е најодговорен за пожарот во модуларната болница во Тетово која целосно изгоре за само две минути, а со себе одзеде 14 животи.Ова секојдневно се потврдува со скандалозните детали од аферата „Провизии кои чинат животи“, која исто така покажа дека на Венко Филипче профитот од провизиите му бил на прво место, наместо здравјето и безбедноста на граѓаните.Криминалното дејствување на Филипче, со цел да се спаси од одговорност, но и битката за уште провизии продолжи и по трагедијата во Тетово, така што тој противзаконски потпиша ништовен анекс на договорот за на изведувачот на модуларните болници да му ја зголеми цената за 20% за да ги смени панелите на другите болници со огнотпорни материјали.Но, овој анекс кој го изготвил Филипче, не сакало да го потпише ниту едно стручно лице, затоа што сите вработени во Министерството за здравство и стручните лица во комисиите знаеле дека направил криминал во случајот со модуларната болница во Тетово.Во ревизорскиот извештај направен по заминувањето на Филипче од здравство, констатирани се пропусти и противзаконски дејствија, додека во правното мислење од извештајот за анексот потпишан од него стои дека со цел да се спречат идни незаконски, правни и фискални импликации, договорот најитно треба да се раскине.Лицето задолжено за проектот, не постапило по извештајот на проектната единица и на своја рака продолжувало да комуницира со изведувачот и врши притисок да се продолжи реализацијата според основниот договор и да се наплаќа по тие цени.Се до септември 2022 година не се презема ништо и не се раскинува договорот, со што изведувачот го стави во поволна состојба за поднесување тужба за надомест на штета.И од тука па натаму, цела тогашна влада на СДС се става во функција да го спаси Венко Филипче од одговорност.Поради тужби за камати, министерството доставува информација до Владата со која предлага на изведувачот да му се плати спогодбено, под услов да се откаже од каматите и Владата на 11.07.2023 година носи одлука со која се одобрува исплата преку спогодба.Иако постоел внатрешен ревизорски извештај, подготвен пред заминувањето Министерството, поради тужби за камати, доставува информација до Владата со која предлага на изведувачот да му се плати спогодбено, под услов да се откаже од каматите. Владата носи одлука на 11.07.2023 година со која се одобрува исплата преку спогодба.Но и оваа спогодба не сака да ја потпише никој од проектната единица, затоа што знаеле колку е корумпирана и криминална оваа работа, со 20% провизија која завршила во нечиј џеб.Криминалот на Венко Филипче секој го гледал, освен Јавното обвинителство кое наместо да отвори постапка, упорно молчи и го штити.Криминал на Филипче има и во пуштањето во употреба на модуларните болници без одобрение од министерството за поставување и употреба, кои биле спротивни на Законот за градење и во кои не смеело да се обавува здравствена заштита.Исто така, лично Венко Филипче го правел тендерот за модуларната кој дал листа со напишана спецификација.Вистината за модуларната болница, јавноста заслужува да ја дознае, но и обвинителството да постапи.Аферата „Провизии кои чинат животи“, го откри вистинското лице на Венко Филипче.

Македонија | пред 8 месеци

Обид за убиство во фитнес клуб во Чаир: три лица обвинети

Јавен обвинител од Основното јавно обвинителство Скопје донесе Наредба за спроведување истражна постапка против три лица за кои постои сомнение дека како соизвршители се обиделе да сторат кривично дело – Убиство од член 123 став 2 точка 3 во врска со член 19 (во обид) од Кривичниот законик.Осомничените, од кои двајца браќа и нивен познаник, со умисла се обиделе да лишат од живот едно лице и го довеле во опасност животот на уште двајца. Делото го извршиле пред фитнес клуб во Чаир, на 1 јуни во вечерните часови.Инцидентот започнал како вербална расправија во која си разменувале навреди и пцовки, а продолжил и со физичка пресметка, па во еден момент првоосомничениот извадил нож со кој го прободел оштетениот во коленото, стомакот и градите. Повреди им биле нанесени и на другите двајца оштетени кои се обиделе да ги раздвојат и да му помогнат на прободениот.Јавниот обвинител за сите тројца осомничени достави предлог за определување мерка притвор до судијата на претходна постапка.

Скопје | пред 8 месеци

(Видео) СДСМ не исклучува коалиција и со ДУИ на локалните избори

Гостин во Претрес со Ландов е Ана Чупеска, потпретседателка на СДСМ.Таа рече дека нема да биде кандидат за ниту една функција на престојните локални избори. Негира дека СДСМ тешко наоѓа кандидати за градоначалници или советници. Кандидат за Скопје се уште нема. Еден од нив е и Мишко Ралев.„Ние први предложивме една изборна единица и отворени листи”, вели Чупеска.Не може да каже колку градоначалнички места ќе освои СДСМ. Не исклучи коалиција и со ДУИ.„Ќе коалицираме со сите партии врз определени принципи. Ние имаме стабилна коалиција. Се уште немаме разговори со ДУИ”, вели Чупеска.

Македонија | пред 8 месеци

Владиката Петар по реакциите: На секој што смета дека сум го навредил, барам и давал прочка - но тоа не е оправдание пред Бога

Владиката Петар во изјава за „Скопје1“ се извинува доколку некој се навредил од неговата изјава, во која ги нарекува наркомани, пијаници и арамии оние верници кои го поддржаа Партениј. Тој во кусата порака не посочува дали според него е навредлива употребата на овие зборови кон поддржувачите на епскопот.„На секој што смета дека со нешто сум го навредил, од дете до највозрастен му се извинувам, барам и давам прошка на тие што ме навредиле, но тоа не значи, дека сме се оправдале пред Бога“, вели Владиката Петар за „Скопје1“.Меѓу епитетите кои им ги лепеше, беа дека биле крадци на човечки души, армии, пијаници, наркомани, кои се обидувале да ги заведуваат другите верници. Ова пак наиде на критики, но и на поддршка од верниците кои ја слушнаа изјавата.

Македонија | пред 8 месеци

„Ни крема за рани не ни дадоа“ – преживеан од пожарот во „Пулс“ со јавен апел за незаинтересираноста на државата

Дарко Златев, повреден во „Пулс“ кобната вечер, кога животот го загуби неговата внука, со јавен апел се обрати до јавноста. Тој тврди дека тие немаат добиено никаква помош од државата, а ниту биле посетени. Се жали дека немаат поддршка ниту грижа, особено потенцира, во Кочани нема ниту најосновни средства.„Со голема болка и тешко срце ја споделувам трагедијата што не' снајде. Во пожарот што избувна во дискотеката во Кочани, животот го загуби мојата внука од сестра, заедно со уште 61 млад човек. Вкупно 62 загинати, и 200 повредени. И покрај огромната загуба, немаме добиено никаква помош од државата. До ден-денес, ниеден претставник од владата не не посети, ниту во болниците, ниту во домовите. Нема поддршка, нема грижа, нема ни најосновни медицински средства. Сè што имаме се донации од хумани луѓе – државата не обезбеди ни обични креми за раните, а камоли сериозна медицинска помош, дури и опремата односно двете маси за вежбање во физикалната се донации а без нив просториите беа потполно празни! Имаше доволно време да се обезбедат услови во болницата. Ние, повредените, бевме испратени на лекување во странство уште од таа кобна ноќ. Јас лично бев хоспитализиран во Белград, каде што веќе наредниот ден дојде премиерот Александар Вучиќ лично да не посети, да не слушне и да ни даде целосна поддршка – и психолошка, и медицинска,која во тој момент ни беше најзначајна“, пишува Златев и додава:„А кај нас? Нашиот премиер не најде време да дојде и да не види, ниеден од повредените. Ни збор за поддршка. Ни чекор за лекување. Ниту правда, ниту одговорност! Затоа прашуваме: До кога вака? До кога жртвите ќе се игнорираат, а институциите ќе молчат? До кога ќе живееме во држава каде што човечкиот живот ништо не вреди?Бараме: Итна и јавна истрага за причините за пожарот. Поддршка за семејствата на загинатите и повредените. Одговорност за сите што затаија. Достоинство за жртвите, и вистинска грижа за преживеаните. Ова не е само наша болка – ова е срам за една цела држава“.

Коментари | пред 8 месеци

(Видео) Условите се на минимум, нема каде да се мијат раните, тоа се прави во умивалник, вели повредениот Дарко за кочанската Болница

Кочанчанецот Дарко Златев е еден од повредените во дискотеката „Пулс“, кој се лекуваше во Белград и има тешки изгореници на двете раце. Нему му била извршена и трансплатација на кожа. Сега, грижа и нега добива во Болницата во Кочани. Посочува дека условите таму се на минимално ниво, а пожртвуваноста на персоналот е максимална.„Условите не се толку добри, докторите се добри. А условите се на минимум. На се имаме приговор, нема како прво лепенки кои ни ги препишуваат докторите, немаме ластици, односно стегачи. Нема кај да нѐ премие докторката, во обичен умивалник ни ги мие раните. Нема никакви услови“, рече Лазев.Прашан дали е обврска на болницата да ги набавки преврските тој рече: „Завоите од тука се од болницата. И мислам дека баш вчера кажа докторката, тие што се ластиците, сами ги нашла во Битола. Од сите аптеки купила да донесе за нас. Иначе, од болницата немаме“, додаде тој.Повредениот, посочува дека лекувањето ќе трае најмалку две години, според насоките кои ги добиле од докторите во Белград.„Сѐ е скоро на наш трошок. Докторите во Белград ни кажаа дека ќе трае најмалку две години. Не смее на сонце, треба да се пазиме од комарци. Задоволен сум од докторките и персоналот, ептен. Даваат сѐ од себе“, заклучи тој.Претходно, Министерството за здравство тврдеше дека се обезбедни сите услови за третирање на пациентите.

Македонија | пред 8 месеци

Крмов: Пропадна и вториот обид на Левица за надзорна расправа за трагедијата во Кочани - власта гласаше против

Втората иницијатива на партијата, односно пратеничката група на Левица за свикување надзорна расправа по однос на трагичниот настан во Кочани повторно беше одбиена од страна на владејачкото мнозинство, соопштуваат од Левица. Координаторот на пратеничката група на Левица, Борислав Крмов, изрази разочараност од повторното блокирање на иницијативата, потенцирајќи дека уште на 3 април пратениците од Левица поднеле официјално барање за надзорна расправа, кое сè уште не е влезено во процедура поради недоволниот број на пратеници-потписници.„Со шест пратеници немаме доволен број за да поднесеме надзорна расправа. Ни требаат уште минимум девет потписи, но ниту една друга пратеничка група во Собранието не се одважи да се приклучи“, изјави Крмов.Тој истакна дека борбата за институционално расветлување на трагедијата не е завршена и најави дека Левица ќе продолжи да инсистира оваа точка да се најде на дневен ред на следна специјална седница на Комисијата. Тој посочи дека претседателот Апасиев повторно ќе ја предложи иницијативата, по што ќе се види дали владејачкото мнозинство ќе остане на истата позиција.

Македонија | пред 8 месеци

(Фото) Иселеници и сограѓани помагаат на повредените во Кочани, им испраќаат лепенки и медикаменти за раните

Иницијативата „Support Kocani“ речиси три месеци макотрпно собира средства, но и медикаменти за повредените во трагедијата во „Пулс“. Пожртвуваноста на младите кои се здружија со цел да помогнат на секој еден кој има последици од кобниот 16 март, продолжува. Контактираат со компании, иселеници, странци кои им испраќаат по цели куфери со потребни работи за преврски.„Денес стигна уште една донација од сограѓани во Чикаго, лепенки за лечење на лузни, кои моментално се најпотребни. Проследени се одма на болницата во Кочани“, стои во една од објавите.Во друга објава, посочуваат и бројот на лепенки кои се потребни за првите месеци.„Лепенките кои ги препорачаа докторите се Cica-Care, во моментот се потребни 5000-6000, за првите неколку месеци“, додаваат од „Support Kocani“.Иселеници, пратиле и полни куфери со најпотребните силиконски лепенки. Во засебна објава, тие се заблагодарија на „Зегин“ кои донирале помагала.„Мултифункционалната маса која е донација за Физикалното одделение е една од донациите која најмногу помага при рехабилитација на нашите деца. Благодарност и до д-р Симона Јованова која го направи списокот за потребните помагала на време“, велат од  „Support Kocani“.„Скопје1“ при крајот на мај, побара одговор од Министерството за здравство, за недостатокот на медицински персонал, лошите услови, недостатоците на фластери и за сето она на што сведочат повредените, но до овој момент немаме одговор. Непознато останува и колку лица се третираат на дневно ниво во болницата во Кочани, како и колку од тие пациенти се повредените во „Пулс“. [caption id="attachment_329947" align="alignnone" width="1320"] Screenshot[/caption]

Македонија | пред 8 месеци

Вработените во МЗ знаеле дека договорот и анексот на Филипче се коруптивни и криминални, одбивале да ги потпишат, вели Манасиевски за модуларната во Тетово

„Сите вработени во Министерството за здравство и стручните лица во комисиите знаеле дека Венко Филипче направил криминал во случајот со модуларната болница во Тетово“, вели Валентин Манасиевски, член на ЦК на ВМРО-ДПМНЕ и додава:„Ниту едно стручно лице не сакало да се потпише на анексот на Венко Филипче, кој тој го изготвил по пожарот во модуларната болница и смртта на 14-те лица во Тетово, со цел да се спаси од одговорност.Венко Филипче и СДС ги потцениле вработените во Министерството за здравство, кои одбиле да го потпишат анексот на договорот кој го направил Филипче, бидејќи во ревизорскиот извештај се констатирани пропусти и противзаконски дејствија.Имено, по заминувањето на Филипче од МЗ, се прави извештај со правно мислење за анексот кој Филипче го има потпишано, и во извештајот стои дека договорот најитно треба да се раскине, а анексот на Филипче да се прогласи за ништовен – со цел да се спречат идни незаконски, правни и фискални импликации.Лицето кое ја обавувало функцијата проектен менаџер, не постапило по извештајот на проектната единица и на своја рака продолжувало да комуницира со изведувачот. Истото лице врши притисок да се продолжи реализацијата според основниот договор и да се наплаќа по тие цени, но вработените, свесни дека овој договор е коруптивен и криминален, одбиваат да се потпишат.По долг период на непостапување, проектниот менаџер не го раскинува договорот, и до септември 2022 година не презема ништо – со што го става изведувачот во поволна состојба за поднесување тужба за надомест на штета.Тогашниот министер Беким Сали бара внатрешен ревизорски извештај, кој е подготвен кон крајот на јануари 2023 година. Тој заминува од Министерството за здравство на почетокот на февруари 2023, а на негово место доаѓа Фатмир Меџити, кој го игнорира извештајот како да не постои.Министерството, поради тужби за камати, доставува информација до Владата со која предлага на изведувачот да му се плати спогодбено, под услов да се откаже од каматите. Владата носи одлука на 11.07.2023 година со која се одобрува исплата преку спогодба.Е сега тука е клучниот момент:Никој од проектната единица не сака да ја потпише спогодбата.Зошто?Затоа што знаат колку е корумпирана и криминална оваа работа, со 20% провизија која завршила во нечиј џеб.Почитувани, ова е вистинското лице на Венко Филипче, кое го штити Јавното обвинителство. Наместо да се отвори постапка против Филипче, целиот овој процес стои во некоја фиока и не се постапува.

Македонија | пред 8 месеци

Правда за Кочани, зошто нема одговорност за полицискиот врв по пожарот во ‘Пулс’?, прашува Костовски

„Зошто обвинителството ги амнестираше од одгворност сите актуелни полициски функционери на ВМРО-ДПМНЕ од најголемата трагедија во историјата на Македонија, пожарот во дискотеката Пулс во Кочани во кој загинаа 62-ца млади луѓе, а 200 беа повредени?“, прашува Мартин Костовски – организациски секретар на СДСМ и додава:Дали обвинителството ги заштитува од одговорност овие луѓе по наредба на Христијан Мицкоски?Зошто Христијан Мицкоски лично и директно ја попречува истрагата за Кочани?Дали се плаши дека доколку обвинителството постапи соогласно закон, истрагата за пожарот ќе доведе до него?Зошто од истрагата е изоставен Томо Донев кој до несреќата повеќе од година дена е началник за криминалистички работи во Кочани?Дали и Донев како и останатите полициски функционери на ДПМНЕ во Штип и Кочани е дел од параполициските партиски структури на ВМРО-ДПМНЕ кои рекетираат и аминуваат криминал во Источна Македонија?Дали Томо Донев е изоставен само затоа што е член на ВМРО-ДПМНЕ и редовно ги посетувал состаноците на партијата во Кочани?Како е можно и покрај сите информации кои ги имала полицијата, службени белешки од полициски службеници, објави на социјални мрежи дека во дискотеката нелегално се користат пиротехнички материјали, началникот за криминалистички работи кој е надлежен над сите инспектори во Кочани да не одговара за катастрофалниот пропуст на полицијата кој доведе до ситуација во која 62 лица го загубија својот живот, а 200 да бидат повредени?Како е можно да нема одговорност кај полицијата за нелегалната употреба на пиротехнички материјали?Токму Томо Донев е по херархија надреден над Отсекот за оружје, експлозиви и опасни материи во Кочани кој морал по Закон да врши надзор над употребата на пиртотехника во градот.Како е можно и покрај сите јавно објавени фотографии од дискотеката Пулс на кои се гледа нелегално се користи пирхотеника никој да не направи надзор и контрола дали оние кои управувале со пиротехниката имаат дозвола за ракување со истата?Дали партијата е пред правдата?Дали личните интереси на Христијан Мицкоски се поважни од солзите на мајките во Кочани?До кога обвинителството ќе молчи пред фактите и доказите кои упатуваат на кривична одговорност кај голем број актуелни полициски функционери?СДСМ нема да запре со име и презиме да ги именува оние кои ја завија Македонија во црно. Правда за Кочани мора да има. СДСМ продолжува со серијата на прес-конференции насловени „Вистината за Кочани“.

Македонија | пред 8 месеци

Владиката Петар ги нарече наркомани, пијаници и арамии верниците кои се поддржувачи на Партениј

Митрополитот Петар ги нарече наркомани, пијаници и арамии, верниците кои деновиве бараа епскопот Партениј да биде дел од процесот на избор на нов митрополит во Охрид, пишува „Религија.мк“. Преспанско-пелагонискиот митрополит Петар, во проповед по литургија, пред олтарот, не ги штедеше навредите и за Партениј, а особено за верниците кои него го поддржувале.Меѓу епитетите кои им ги лепеше, беа дека биле крадци на човечки души, армии, пијаници, наркомани, кои се обидувале да ги заведуваат другите верници.

Македонија | пред 8 месеци

Одвратен и гнасен: Законот за буџет на Трамп го разбесни Маск

Се растури „љубовта” меѓу Трамп и Маск.Илон Маск остро го критикуваше неговиот „одличен, прекрасен закон за буџет” како што смета Трамп и го нарече скандалозен, полн со корупција, чуден и гнасен.„Жал ми е, но едноставно повеќе не можам да го поднесам овој скандалозен, чуден, полн со корупција закон за трошење на Конгресот, тоа е одвратен гнасен“, објави Маск денес на X.„Оние што гласаа за него можат да се засрамат, знаете дека погрешивте. Го знаете тоа“, додаде Маск.

Свет | пред 8 месеци

Страстите се разгореа: Вајц бара извештајот за Македонија да не се гласа сега, Бугарија притиска, Кос бара уставни измени

Известувачот за Македонија во Европскиот парламент, Томас Вајц, побара и доби одложување на гласањето за Извештајот за напредокот на земјава. Иако истакна дека цврсто стои зад содржината на извештајот, Вајц одлучи да им даде простор на европратениците, главно од Бугарија.На предлог на Вајц, Комитетот за надворешни работи на Европскиот парламент (АФЕТ) денеска одлучи гласањето за извештајот да се одложи за 24 јуни.Во меѓувреме, европската комесарка за проширување, Марта Кос, се понуди да посредува во спорот меѓу Македонија и Бугарија. Таа, во обраќањето пред АФЕТ, истакна дека промената на Уставот останува клучен услов за продолжување на пристапните преговори со ЕУ.„Бугарија и Северна Македонија треба интензивно да разговараат и да најдат решение за ова билатерално прашање. Јас сум подготвена да помогнам како олеснувач, колку и да е потребно. И да, Северна Македонија мора да го смени Уставот, по што ќе продолжиме со процесот на пристапување. Тоа е тежок процес, но верувам дека сите ќе придонесат“, изјави Кос.

Македонија | пред 8 месеци

Законот за прогласување на Просторот околу Собранието за безбедносна зона денеска пред пратениците

Собранието денеска ќе расправа за Предлог законот за прогласување на Просторот околу Собранието на Република Северна Македонија за безбедносна зона, по скратена постапка, потоа за Годишниот извештај за работата на Судскиот совет на Република Северна Македонија за 2024 година.За законот за прогласување на просторот околу Собранието за безбедна зона, пратеникот Никола Мицески од ВМРО-ДПМНЕ рече дека по подолг временски период и консултација со работната група, заедно со сите координатори на пратенички групи консензуално се договориле за поднесување на ова законско решение по скратена постапка.Нагласува дека ова законско решение е исклучително важно со што се уредува безбедносната зона на самото Собрание, но дека нема да забрани собирање и изразување на разни протести или настани на булеварот пред Собранието.

Свет | пред 8 месеци

Трамп со декрет ги зголеми за 50 проценти царините за челик и алуминиум

Претседателот на САД, Доналд Трамп, потпиша декрет со кој од денес се удвојуваат царините за челик и алуминиум на 50 проценти.Трамп рече дека ги зголемува тие царини за да се осигури дека увозот не ја загрозува националната безбедност и да се обезбеди иднината на американската челична индустрија.Ова е втор пат од март да се зголемат царините за метали, клучни состојки за многу работи, од автомобили до конзервирана храна.Би-Би-Си објави дека критичарите на одлуката предупредуваат дека оваа мерка на протекционизам може да предизвика хаос кај производителите на челик надвор од САД, да предизвика одмазда од трговските партнери и да има висока цена за американските корисници на металот.

Свет | пред 8 месеци

Политичка војна по трагедиите: ВМРО-ДПМНЕ и СДСМ со меѓусебни обвинувања за „Пулс“ и модуларната болница во Тетово

Неколку дена со ред, ВМРО-ДПМНЕ и СДСМ се напаѓаат за тоа кој е виновен за трагедијата во дискотеката „Пулс“, но и за пожарот во модуларната болница во Тетово. Обвинувањата на ВМРО-ДПМНЕ се во насока дека вина за објектот кој изгоре, а во кои имаше пациенти, има претседателот на СДСМ, а тогашен министер за здравство, Венко Филипче.„Немаат крај скандалите на Венко Филипче. По досега изнесените информации во Аферата – Провизии кои чинат животи, од кои се утврди дека на Филипче како министер за здравство важни му биле само профитите, на површина излегуваат дополнителни скандали. Венко Филипче е директно одговорен и виновен за набавката на модуларните болници, со лош квалитет и леснозапалив материјал, поради што тетовската, во која животот го загубија 14 луѓе, целосно изгоре за само две минути. Според информациите кои стигнаа до нас, тогашниот министер за здравство, Филипче лично ја подготвил спецификацијата за тендерската постапка, каде што модуларните болници биле набавени како стоки. Лично тој ја дал готовата техничка спецификација во одделот на Министерството за здравство задолжено за спроведување на набавката. Ова го потврдува одговорното лице од Министерството за здравство кое се потпишало на спецификацијата дадена од Филипче лично, во исказ пред Јавното обвинителство. Лицето кое Венко Филипче го назначил за главен и одговорен архитект на сите модуларни, одговорно лице за техничката спецификација и претседател на Комисијата за јавни набавки за 13-те модуларни болници, во исказот вели дека не ја изготвило техничката спецификација, туку само сум ја проследило по налог на министерот, до министерот за труд и социјална политика“, стои во соопштението од ВМРО-ДПМНЕ.Еден час подоцна стигна соопштение и од СДСМ. Тие велат дека власта ги штити виновниците.„Нема правда за најголемата трагедија во поновата историја на Македонија, пожарот во дискотеката „Пулс“ во Кочани во кој животот го загубија 62 деца, а над 200 беа повредени. Поминаа речиси три месеци, а Обвинителството не покрена ниту едно обвинение против актуелни функционери на власта кои биле на функции. Тоа не може да биде случајно. Тоа е организирана заштита од власта. Клучното прашање е зошто Мицкоски се плаши од вистината за Кочани? Дали се плаши дека ако истрагата ја следи вистината, таа ќе стигне до врвот на власта? Дали затоа се штитат вистинските виновници? Началничката на ОВР Кочани, Марија Цветковска Маневска, и покрај тоа што била на функција за време на трагедијата, остана недопирлива. Зошто не одговара за тоа што не постапила по службените белешки за незаконското работење на „Пулс“? Зошто не одговара за затворената врата – клучен фактор за смртта на десетици млади? Зошто не е обвинет сменоводителот Драган Казак Петрушев, за кого има индиции дека бил директно инволвиран во незаконско затворање на дискотеката? Иако има сведочења за негов контакт со сопственикот и контроли надвор од процедура – Петрушев не се гони. Можеби затоа што е кадар на ВМРО-ДПМНЕ? И Дејан Салтировски, началникот на СВР Штип, е недопирлив“, велат од СДСМ.Ваквите преписки придружени со прес-конференции траат со денови.

Македонија | пред 8 месеци

Украински напади врз руски бази: Пет од најсмелите напади на Киев

Неодамнешните напади длабоко на руска територија се само најновите во низата смели акции што Украина ги презеде против руските воени цели, територија и симболи на моќ во текот на изминатите три години војна.Украинските беспилотни летала извршија серија напади врз руските воени воздухопловни бази во неделата, во голема офанзива што се случи еден ден пред мировните преговори меѓу двете завојувани страни во Истанбул.Руското Министерство за одбрана објави дека Киев извршил напади со беспилотни летала врз воени аеродроми во пет руски региони - Мурманск, Иркутск, Иваново, Рјазан и Амур. Воздушната одбрана, според министерството, ги одбила нападите во сите области освен во Мурманск и Иркутск.„Во тие региони, лансирањето на беспилотни летала FPV од непосредна близина на аеродромот предизвикало пожари на неколку авиони“, соопшти руското министерство. Беспилотните летала FPV се опремени со камери што пренесуваат слика во живо до операторите, овозможувајќи им прецизно да ја контролираат.Пожарите беа брзо изгаснати и не беа пријавени жртви. Според соопштението, неколку лица поврзани со нападите се приведени.Украинскиот претседател Володимир Зеленски ја пофали акцијата, нарекувајќи ја „апсолутно брилијантна“ во порака објавена на Телеграм.Сепак, овие напади се само најновите во низата смели напади на Украина против руски воени цели, честопати длабоко зад фронтовските линии. Некои ги презеде Киев, додека за други се верува дека се дело на украинските специјални сили.Зеленски изјави дека во нападот биле користени 117 дронови. „Русија претрпе значителни загуби - и со право“, рече тој.Украинската безбедносна служба (СБУ) објави дека биле погодени руски воени авиони со вкупна вредност од дури седум милијарди долари. Меѓу целите биле базите Белаја во Иркутск (4.300 км од украинската граница) и Олења во Мурманск (1.800 км од Украина).Украинските медиуми објавија дека дроновите биле шверцувани во Русија и скриени во камиони.Според тие извештаи, биле погодени најмалку 41 руски тешки бомбардери во четири различни бази. Меѓу нив се стратешките авиони Ту-95 и Ту-22, кои Русија ги користи за лансирање ракети со долг дострел кон украинските градови. Москва сè уште не го потврди обемот на штетата, но нападот се оценува како еден од најразорните досега.Дописникот на Ал Џезира од Киев, Џон Хендрен, го опиша нападот како „смела операција што Украина долго ја чекаше, по сè почестите руски воздушни напади во последните недели“.И Украина и Русија ги засилија нападите со беспилотни летала една против друга во последните недели.Минатата недела, Русија лансираше повеќе од 900 камикази дронови и 92 ракети, при што загинаа најмалку 16 цивили. Овие напади следеа по серија украински напади врз руската инфраструктура во регионот Тула, Алабуга и Татарстан, во кои беа употребени најмалку 800 украински дронови.

Свет | пред 8 месеци

Во Келн е во тек најголемата евакуација од Втората светска војна, девет училишта и 58 хотели се затворени.

По откривањето на три бомби од Втората светска војна, започна евакуацијата на околу 20.000 луѓе во германскиот град Келн. Полицијата од утрово оди од врата до врата за да провери дали куќите и деловните објекти се празни, додека експертите се обидуваат да ги деактивираат бомбите, јавува Скај њуз.Тоа е најголемата евакуација во овој град од крајот на војната, со оглед на тоа што во понеделник беа пронајдени две американски бомби со тежина од 1000 килограми и уште една со тежина од 500 килограми. Поради нивната големина, потребно е да се огради безбедносна зона во радиус од илјада метри.Девет училишта, 58 хотели, една болница, главното градско собрание и областа во близина на познатата катедрала, која е заштитена од УНЕСКО, се привремено затворени. Отворени се и два приемни центри за граѓаните кои мораа да бидат евакуирани.Градските власти изјавија дека главниот план е да се обидат да ги деактивираат бомбите, но доколку тоа не е можно, алтернативната опција е нивно контролирано детонирање. Во овој случај, потребно е да се огради областа со песок и вода, со цел да се намалат штетите од експлозијата.Властите се надеваат дека пиротехничарите ќе успеат да ги деактивираат бомбите на време, за да можат граѓаните да се вратат дома до вечерта.Се проценува дека околу 1,5 милиони бомби биле фрлени врз Келн за време на Втората светска војна. Експертите веруваат дека околу 20 проценти од нив не експлодирале. Некои од овие направи сè уште лежат под земја, што довело до евакуации неколку пати во текот на годините.

Свет | пред 8 месеци

Врховниот лидер на Иран го отфрли предлогот на САД: „Не се откажуваме од нуклеарната програма“

Врховниот лидер на Иран, ајатолахот Али Хамнеи, изјави дека предлогот на САД за нуклеарен договор е спротивен на националните интереси на Техеран и дека земјата нема да се откаже од збогатувањето на ураниум.Прашањето за збогатувањето на ураниум е точка на спор во преговорите меѓу САД и Иран.Збогатувањето на ураниумот останува клучно за нуклеарната програма на Исламската Република, рече Хамнеи во говорот.Во понеделникот, ирански дипломат за Ројтерс изјави дека Техеран е подготвен да го отфрли предлогот на САД за ставање крај на деценискиот нуклеарен спор, како нешто што ниту ја омекнува позицијата на Вашингтон за збогатување на ураниум, ниту ги почитува интересите на Техеран.Техеран вели дека сака да ја совлада нуклеарната технологија за мирни цели и ги негира обвинувањата на западните сили дека се стреми да развие нуклеарно оружје.

Свет | пред 8 месеци

Русите напредуваат кон клучен украински град на североисток

Руските сили ја проширија својата фронтова линија во северниот украински Сумски регион, потврдија официјални лица и аналитичари, а Москва вчера објави дека зазела уште едно село, приближувајќи го главниот град на регионот до дострелот на беспилотните летала на првата линија. Напредокот кон градот Сума - административниот центар на регионот - доаѓа во време кога Киев ја покажува својата способност да продолжи со борбите со серија напади во последните денови, вклучувајќи напади врз руските стратешки бомбардери и Кримскиот мост.Руски и украински делегации се состанаа во понеделник во Турција на мировни преговори, каде што Москва изјави дека војната ќе заврши само ако Киев се согласи да предаде големи делови од територијата и да ја ограничи големината на својата армија. Вчера, руското Министерство за одбрана објави дека неговите сили ја презеле контролата врз Андријевка, откако во претходните денови зазедоа неколку други села.Киев објави дека во рускиот артилериски напад врз градот Суми загинале четири лица, а 28 се ранети.Олех Хрихоров, началник на воената администрација на регионот Суми, кој се наоѓа северно од вториот по големина украински град Харков, вчера одржа состанок за одбранбената стратегија на регионот. „Ситуацијата во пограничната област на регионот Суми останува комплексна, динамична, но под контрола“, напиша тој на Фејсбук.„Руската армија постојано ги гранатира пограничните села, погодувајќи станбени згради, фарми и цивилна инфраструктура“, додаде тој.Двојниот напредок - жестоки борби на фронтовската линија и ракетни и беспилотни летала врз Сума - ја отежнува украинската одбрана во југоисточен Донбас, за чија целосна контрола Москва се обидува да ја освои, според воените аналитичари.Во понеделник, Иван Шевцов, портпарол на украинските бригади што го бранат Суми, изјави за националната телевизија дека руските сили зазеле околу 15 км од фронтовската линија, продирајќи 6-7 км длабоко. Доколку руските сили ја заземат Јунакивка, градот Суми ќе биде под директна закана.Аналитичкиот блог „Дип Стејт“, кој го следи бојното поле од отворени извори, известува дека руските сили се приближуваат на 20-25 км од Суми, што го става градот во дострел на беспилотни летала со краток дострел. Ројтерс не можеше независно да ги потврди руските тврдења за заземањето на Андријевка, а украинскиот Генералштаб не го спомена селото во вечерниот извештај. „Дип Стејт“ денес објави дека Андријевка сега е под руска контрола.Во текот на викендот, властите во Суми наредија задолжителна евакуација на уште 11 села поради зголемените руски напади. Шевцов рече дека Русија сака целосно да го заземе регионот Суми, а не само да направи мал пробив: „Исто како во другите региони на источна Украина“, додаде тој.

Свет | пред 8 месеци

(ФОТО) Кој е заштитениот периметар околу Собранието каде не смее протести и дронови

Законското решение со кое просторот околу македонското Собрание се прогласува за безбедносна зона предизвика голем интерес и низа реакции во јавноста. Суштината на законот не е ограничување на слободата на протест, туку јасно уредување на статусот, површината, границите, користењето, надзорот и имотно-правните прашања на просторот околу законодавниот дом.Според предлог-законот, кој треба да помине по скратена постапка, тревникот со површина од 1,5 хектари ќе се прогласи за безбедносна зона. Целта е да се обезбеди слободен пристап за пратениците, вработените и другите службени лица кои учествуваат во работата на Парламентот, како и да се заштити собранискиот објект и околниот простор од мешање и евентуални градежни интервенции од приватни субјекти.Просторот што ќе биде опфатен – од почетокот на булеварот „11 Октомври“ до зградата на Државниот завод за статистика – ќе му припаѓа на Собранието за институционална употреба. Тоа значи дека на оваа локација ќе се уредува дворниот дел, без можност приватни инвеститори да градат објекти како што беше претходно планирано. Претседателот на Собранието, Африм Гаши, посочи дека парцелата што своевремено била продадена за изградба на катна гаража ќе се врати во државна сопственост, а сопственикот ќе биде соодветно обесштетен.Во јавноста најголема вознемиреност предизвика членот 8 од предлог-законот, кој предвидува забрана за градежни активности, поставување инфраструктура, одржување јавни собири, манифестации, како и користење дронови во радиус од 100 метри околу и над објектот. Сепак, ова не значи забрана на протестите како такви. Организирањето собири останува дозволено, но ќе се одвива надвор од дефинираниот безбедносен периметар.Ваквото законско решение е иницирано здружено од страна на повеќе пратенички групи. Предлагачи се претседателот на Собранието Африм Гаши, координаторот на ВМРО-ДПМНЕ Никола Мицевски, потпретседателката Весна Бендевска (ЗНАМ), Оливер Спасовски (СДСМ), Блерим Беџети („Европски фронт“), Беким Ќоку (коалиција Вреди) и Борислав Крмов (Левица).Во образложението стои дека ваквиот режим е неопходен особено во ситуации со ненајавени протести, кога се загрозува безбедноста на пратениците и се отежнува извршувањето на нивните работни обврски. Со ова, се потенцира потребата институцијата да функционира непречено, но без да се укине правото на граѓаните на протест – едно од темелните демократски права.

Македонија | пред 8 месеци

(Видео) Хаотична седница на Град Скопје, заврши пред да започне

Иако денес се очекуваше Советот на Град Скопје да расправа за дивоградбите во општините Чаир и Сарај на две одделни вонредни седници — првата по иницијатива на советничката група на СДСМ, а втората на ВМРО-ДПМНЕ — седницата заврши уште пред да започне. Причината беше што мнозинството советници, предводени од ВМРО-ДПМНЕ, не го изгласаа дневниот ред. Седницата беше хаотична оти градоначалничката Данела Арсовска зеде збор за продецурално обраќање, а дел од советниците сметаа дека тоа не е обраќање за процедурите и бараа да и се одземе зборот.Со оглед на тоа што поранешниот претседател на Советот, Трајко Славески, е именуван за гувернер на Народната банка, според Деловникот, седницата требаше да ја води најстариот советник, Халиде Палоши од ДУИ. Но, поради нејзиното отсуство, по предлог на советничките групи на СДСМ и ВМРО-ДПМНЕ, со седницата претседаваше Никола Пановски.Иако беше изгласано дека има основа за одржување на вонредна седница по предлог на СДСМ за дивоградбите во Чаир, ВМРО-ДПМНЕ не го поддржа дневниот ред. Со тоа, седницата беше прекината пред да започне расправата, и покрај присуството на градоначалничката Данела Арсовска и директорите на јавните градски претпријатија.Арсовска потоа излезе на говорницата и повторно ги обвини, како што рече, за „криминали и фалсификати“ на градоначалникот на Чаир, Висар Ганиу, што предизвика жестока расправија меѓу неа и советниците на ВМРО-ДПМНЕ, кои побараа од Пановски да ѝ го одземе зборот.По вербалниот конфликт и навредите, советникот Стефан Кирков го повлече предлогот на ВМРО-ДПМНЕ за втората вонредна седница, посветена на дивоградбите во Сарај, со образложение дека граѓаните не заслужуваат да бидат сведоци на „циркусот“ што се случува во Советот на Град Скопје.

Скопје | пред 8 месеци

Кирков: Една седница нема да ги реши дивоградбите кои ДУИ ги гради 20 години, Данела да не прави театар

Една седница нема да ги реши дивоградбите кои ДУИ ги гради 20 години, Данела Арсовска да не прави театар, истакна советникот во советот на Град Скопје од ВМРО-ДПМНЕ Стефан Кирков на денешната седница на Советот на Град Скопје.„Илузорно е, популистички и целосно провидно да се смета дека дивоградбите ќе ги реши една седница на советот на Град Скопје, ова е мегдан каде коалицијата на власт на СДСМ и Левица прават театар и циркус од работата во Градот Скопје. 4 години Данела Арсовска имаше време да реагира за сите дивоградби, сега во последниве четири месеци реши да прави популизам и театар кој ние не го прифаќаме“, посочи Кирков.Кирков истакна дека дивоградбите не се случај во последната година, ниту пак тие ќе се решат за следните четири месеци.„Дивоградбите не се случија последнава година, ниту ќе се решат за следните четири месеци. Но, има и такви во оваа сала кои се на власт 20 години со сите власти и молчат за дивоградбите. Има институции и тие институции треба да работат согласно законот. Да завршам и тоа е нашиот апел и затоа бидејќи не помина дневниот ред каде тука се сакаше да се прави спектакл и претстава за јавноста. Ние нема да учествуваме во политикантството“, вели Кирков.Претходно, Данела Арсовска бараше на седница да биде ставена точка на која ќе се дискутира за дивоградбите во Чаир.

Скопје | пред 8 месеци

ДУИ е за отворени листи: Тоа е најправичен начин да се зајакне гласот на избирачот

ДУИ се огласи со свој став по најавите да се менува изборниот модел: една изборна единица, отворени листи, но и гласање на дијаспората како што предлага ВМРО-ДПМНЕ.Поранешниот министер за надворешни работи и потпретседател на Демократската унија за интеграција, Бујар Османи, на својот Фејсбук-профил најави дека за следните парламентарни избори неговата партија ќе предложи отворени листи.„Граѓаните мора да имаат право да изберат не само партија, туку и кандидатот што ќе ги претставува“, напиша Османи.Според него, тоа е најправичниот начин да се зајакне гласот на избирачот и да се обезбеди вистинско претставување во Собранието.

Македонија | пред 8 месеци

МВР со прекрошочна пријава за нелегалниот приклучок на фекална канализација што го открила Арсовска

СВР Скопје изврши увид на бул.„Словенија“ во врска со пријавата за нелегален приклучок од фекална во атмосферска канализација за потребите на објект сопственост на правно лице од с.Глумово, општина Сарај. Овој приклучок го откри градоначалничката Данела Арсовска.“Притоа е констатирано дека на булеварот е извршен наведениот ископ, по што од Одделението за безбедност на патниот сообраќај при СВР Скопје кон правното лице и одговорното лице во правното лице се преземени соодветни мерки и поднесена е прекршочна пријава согласно член 14 од Закон за безбедност на сообраќајот на патиштата”, велат од МВР

Скопје | пред 8 месеци