Нема фотографија

Завршува мораториумот на градби во Охрид

Во Охрид ќе продолжи да се гради и урбанизира- градоначалникот уверува со умерен тек. Една година градот е под мораториум и тоа мора да се смени оти е  неопходен развој вели Стојаноски откако советниците на последната седница го одбија неговиот предлог за измени во Деталниот урбанистички план кој требаше да одобри изградба на  две нови висококатници во центарот на градот.„Оваа цела година оди во мораториум, не беше донесен ниту еден урбанистички план, но тоа не значи дека имаме и урбанистички прогрес. Урбанистички планови мора да се носат и тие ќе бидат приоритетот на локалната самоуправа, но тоа не значи забрзана урбанизација.“ - вели Јован Стојаноски градоначалник Општина Охрид.Урбанизацијата треба да продолжи, но со поголема контрола и не по секоја цена - едногласни се градските советници.„Во центарот на градот е банално да се прави ваква урбанизација и деградација која беше пример за Охрид во минатото.“ - вели Кирил Пецаков советник ВМРО-ДПМНЕ.„Охрид треба да се развива и урбанизира во законски рамки согласно со препораките на УНЕСКО.“ - вели Константин Георгиевски советник СДСМ.Од една страна урбанистичките планови  години наназад се кочница и за хотелиерите кои алармираат на недостигот од нови сместувачки капацитети кои можат да го стагнираат туризмот но од друга страна пак експертите и УНЕСКО постојано предупредуваат туризмот да се развива внимателно со примена на светските стандарди за одржлив развој.Како ќе се избори Општината со неколкуте спротивставени страни и ставови е непознато, но најавува дека во иднина пред донесувањето урбанистички планови ќе претстои јавна расправа во која меѓу другото ќе се слуша и гласот на граѓаните.

Македонија | пред 7 години

Криминалите на Груевски и Јанакиески нанесоа огромни штети на Македонија

На денешните „напади“ од ВМРО-ДПМНЕ, вратија и од владеачката СДСМ. Тие истакнаа дека работат за санирање на штетите на поранешниот премиер Никола Груевски, кој според нив, нанел огромни штети на државата, заедно со Миле Јанакиески, притоа мислејќи единствено за свои провизии и проценти.„Ало Миле ми текна, и носителот на криминалот, Никола Груевски, мислеа само на провизии и процени од нив. Затоа 11 години во Македонија не се градеа патишта а она што беше почнато беше единствено криминална шема на штета на граѓаните и буџетот.Само заради остварување на криминалните интереси на Никола Груевски и Миле Јанакиески, на автопатот Кичево-Охрид забележани се бројни пропусти кои резултираа со дополнителни трошоци за негова изградба.Само заради лично богатење, бил заобиколен законот за јавни набавки, а штета врз буџетот со директниот договор е над 155 милиони евра, за што предмети отворија независни правосудни органи и се водат судски постапки.Тоа е истиот Никола Груевски, кој е ментор на Христијан Мицкоски, кој му доделува 33 илјади метри квадратни земјиште на фирмите на Мицкоски за хидроцентрали. Тоа е истиот Миле Јанакиески чии најблиски соработници, Димовски и Јанушев, се дел од шемите со фирмите на Мицкоски и дел од антизапдното раководство на ВМРО-ДПМНЕ.Владата на СДСМ ги санираше штетите, ги реши наследените проблеми на автопатот создадени токму од неодговорното и криминално однесување на ВМРО-ДПМНЕ и заштеди 95 милиони евра. Останува надлежните правосудни органи да одлучат за одговороноста.Залудни се обидите на антизападното раководство на ВМРО-ДПМНЕ преку лажни вести да ги сокријат штетите врз Буџетoт создадени од криминалното владеење на Груевски и неговата десна рака Миле Јанакиески.“, велат од СДСМ.

Македонија | пред 7 години

АХВ: Нема законски пречки здруженија да раководат со прифатилишта за животни

Агенцијата за храна и ветеринарство, како одговорна институција за здравствената заштита и благосостојбата на животните, информира дека прифатилиштата се одобруваат во зависност од тоа дали и колку ги исполнуваат законски пропишаните услови, согласно кои не постојат законски пречки едно прифатилиште да биде раководено од здружение за заштита на животните, доколку тоа ги исполнува сите законски услови.Ова се наведува како одговор на барањата изнесени од здруженијата за заштита на животните кои денеска излегоа на протест во Скопје.Од АХВ велат дека согласно Законот за благосостојба на животните, контролата на популацијата на кучиња е надлежност на општините, односно Градот Скопје, но дека Законот не обврзува секоја општина самостојно да воспостави прифатилиште за бездомни животни, односно заедничко прифатилиште можат да основаат и повеќе локални самоуправи.Во однос на барањето за комплетирање на Регистарот на сопственици на миленици, од АХВ, информираат дека во рамки на Ветеринарно-информативниот систем на Агенцијата функционира модул за регистрирање на домашни миленици каде досега се евидентирани 20.500 миленици. Од септември годинава, како што се наведува во соопштението од АХВ, е реализирана и кампања за бесплатно микрочипирање на домашните миленици – кучиња и мачки, за што се набавени 100 илјади микрочипови.„Во реализацијата на оваа кампања вклучени се 147 ветеринарни друштва. Услугата е прв пријавен, прв услужен, а краен рок за користење на овие микрочипови е 31 март 2019 година, информираат од АХВ“.Во однос на барањето за комплетирање на Правилник за одгледувачи, АХВ информира дека активно работат на подготовка на нацрт правилник за одгледувачници за домашни миленици и условите кои треба да ги исполнуваат продавниците за домашни миленици, по што ќе биде формиран и Регистер на одгледувачи кои ќе плаќаат уредно данок.За барањето Градот или општината преку Советот да усвои одука за субвенционирање на сопственици кои сакаат да го стерилизираат/кастрираат својот миленик, од АХВ посочуваат дека во рамки на соработката која ја имаат со ЗЕЛС, испратено е известување до сите општини за законските обврски кои локалните самоуправи ги имаат во поглед на промовирањето на одговорно сопствеништво на домашните миленици.Во одговорот на барањата на здруженијата за заштита на животните, АХВ наведува дека од своето формирање во 2011 година досега, самостојно и во соработка со други институции и невладиниот сектор, има организирано повеќе кампањи за промоција на одговорното сопствеништво, почнувајќи од децата во градинките и нижите одделенија во основните училишта.

Македонија | пред 7 години

Спасовски: Голема мигрантска криза нема, но зголемени се илегалните обиди

Дебарската полиција открила двајца илегални мигранти од Палестина во возило со скопски регистарски таблички, при рутинска контрола во три часот по полноќ. Лицата се приведени и се превземаат мерки за целосно расветлување на случајот, изјави Стефан Димоски, портпарол на Секторот за внатрешни работи-Охрид.Според него приведените лица со себе немале документи за идентификација и незаконски престојувале во Република Македонија. Двајцата Палестинци,повеќе од сигурно е дека преку Дебар минувале само транзит. Нивната цел била да ја минат македонско-албанската граница и трнзит преку Албанија да заминат кон некоја од западно европските земји.– Голема мигрантска криза како изминатите години нема повеќе ниту во Македонија, ниту во регионот, но за сметка на тоа е зголемена илегалната миграција. Споредено со минатата година и оваа имаме зголемување на обидите за илегален премин на границата на Република Македонија со Грција, изјави министерот за внатрешни работи Оливер Спасовски. Посочи дека се појавил и обратен правец на миграција од Србија во Македонија, првенствено на државјани од Иран.– Македонската полиција работи заедно со полициски службеници од другите партнерски држави, коишто работат на обезбедувањето на македонско-грчката граница, а имаме формирано и посебни сили коишто ќе работат на спречување на илегалната миграција и трговија со луѓе. Тие започнаа со работа во сите региони на Македонија и веќе имаме конкретни акции спроведени врз основа на оваа стратегија, изјави Спасовски.Нагласи дека миграцијата ќе биде еден од перманентните проблеми не само за Македонија, туку и за регионот, а заедно со тероризмот и сајбер безбедноста се следните предизвици на глобално ниво.

Македонија | пред 7 години

Нема фотографија

Павлопулос: Не се признава македонската нација, туку само државјанството

Грчкиот претседател Прокопис Павлопулос, се спротивставил на членот 36, кој ги содржи референците за македонскиот “народ и идентитет” и потребата да се заштити македонскиот “народ” што живее надвор од земјата, пишува грчкиот весник Екатимерини.Павлопулос, се спротивставил на членот 36, кој ги содржи референците за македонскиот “народ и идентитет” и потребата да се заштити македонскиот “народ” што живее надвор од земјата.Павлопулос инсистира на тоа дека ПЈРМ мора да даде писмена обврска дека договорот за името потпишан во јуни не ја признава македонската нација, туку државјанството.Според весникот, премиерот на ПЈРМ, Зоран Заев, го претставил предлогот на прес-конференција по состанокот на неговиот кабинет и кажал дека нема ништо спорно во четирите предложени измени кои биле во согласност со меѓународните стандарди.

Македонија | пред 7 години

Рамковниот договор во Уставот – изненадување или прагматизам?

Ќе се задржи ли двотретинското мнозинство во Собранието и кои делови од амандманите се најголемо изненадување за јавноста. Ова се најпоставуваните прашања по објавувањето на нацрт-амандманите на Уставот на Република Македонија кои на пленарна седница ќе се најдат на 1 декември. Собраниската Комисија за уставни прашања, пак ќе ја започне својата работа уште в среда, неделава.Два од нацрт-амандманите се однесуваат на замена на зборот Република Македонија со Република Северна Македонија секаде во Уставот, освен во членот 36 каде има историски аспект, а во Преамбулата на Уставот се заменуваат одлуките на АСНОМ со Прогласот од Првото заседание на АСНОМ и се додава Охридскиот рамковен договор да биде конститутивен елемент на државата. Во третиот амандман се додава само еден став, а тоа е Републиката го почитува суверенитетот, територијалниот интегритет и политичката независност на соседните држави, додека во четвртиот амандман, покрај потврдување на македонскиот идентитет, стои дека Републиката ги штити правата и интересите на своите државјани кои живеат или престојуваат во странство и ги унапредува нивните врски со татковината.Политичкиот аналитичар Петар Арсовски вели дека вградувањето на Охридскиот рамковен договор во преамбулата е најголемото изненадување.-Овие две измени можеме да ги толкуваме како политички прагматизам, неопходни за владиниот партнер за да се обезбеди 2/3 мнозинство. Има критични точки кај албанските партнери како БЕСА или Алијансата на Албанците, но тоа е мал ризик кој верувам дека нема да си го дозволи ниту една партија од албанскиот блок. Не верувам дека никоја партија нема да дозволи таа да биде единствената која би го попречила влезот на Македонија во НАТО, изјави политичкиот аналитичар Петар Арсовски.Според текстот на вториот нацрт амандман на Уставот, усвоен од Владата согласно Договорот од Преспа и заклучоците на Собранието, во Преамбулата на Уставот се заменуваат зборовите „одлуките на АСНОМ“ со зборовите „Прогласот од Првото заседание на АСНОМ до македонскиот народ за одржаното заседание на АСНОМ“. Тоа, како што кажа премиерот Зоран Заев, се прави за да се избегнат проблеми во иднина со Грција. Во манифестот се повикува на обединување на Македонците под Бугарија и Грција и бришење на границите кои разделиле брат од брат.„Заради тоа што би предизвикало одредени проблеми тоа ако остане во одредени можни идни времиња на соработката помеѓу Македонија и Грција. Зошто е тоа така? Дел од одлуките на АСНОМ велат Македонци од Грција и Бугарија обединете се. Тоа не е пријателство. Прогласот го нема тој дел“, изјави Заев.Професорот Јове Кекеновски, на својот фејсбук профил објави дека Сојузот на борци во 2014 година по повод 70 години од одржување на АСНОМ запиша: ,,На Првото заседание на АСНОМ се донесени историски државотворни решенија од големо значење и со трајна вредност за Република Македонија – Документи што трајно обврзуваат”.И професорката Јасна Котеска која беше предводник на Шарената револуција на социјалните мрежи напиша дека премиерот некому должи и затоа се решил да ја носи Македонија кон федерализација.“Најискрено не ми е јасно во какви должничко-доверителски односи се ставил тековниот премиер и зошто става олкави чипови за земјата, за што ниту бил гласан, ниту понудил во програмата за гласање. По многу месеци размислување, ова сигурно знам: нешто овде не е во ред, вели Котеска.Котеска сега нема никакви дилеми дека Македонија со промена на името и Уставот ја губи својата државотворност.“По Преспа и по анулирање на две заседанија на АСНОМ од Уставот, крајно време е некој да алармира дека ова не е спас на Републиката, туку создавање мини федерација. Како стручњак за 19 век мене ми е јасно, ова е губење државотворност. Не сум десничар и ова не е ФУД. Само сведоштво”, пишува професорката Котеска.Таа смета дека ова што се случува не е создавање Четврта македонска држава, туку де факто губење на македонската државотворност.Премиерот Зоран Заев, пак, на презентацијата на четирите амандмани, истакна дека верува оти на крајот сите ќе се одважат и ќе ја понесат одговорноста за на граѓаните да им се обезбеди подобар и квалитетен живот.Нацрт-амандманите, според Заев, се донесени низ инклузивен процес и во нив се вградени и предлозите од новата Независна пратеничка група на ВМРО-ДПМНЕ, а низ дебата ќе може да се подобри текстот на нацрт-амандманите.И од Независната пратеничка група на ВМРО-ДПМНЕ потврдија дека во нацрт-амандманите се вградени нивните предлози. Координаторката на групата Елизабета Канческа-Милевска изјави дека се прифатени нивниот предлог во однос на гарантирањето на идентитетот, како и барањето за безусловно поништување на сите амандмани доколку Република Грција не го ратификува Договорот и повторно ги попречува евроатланските интеграции кои произлегуваат од имплементацијата на Договорот од Преспа.Утврдувањето на нацрт амандманите на Уставот од страна на Собранието е втора фаза од постапката за измена на Уставот. Тие се утврдуваат со просто мнозинство или 61 глас, а третата и последна фаза е нивното усвојување за што е потребно двотретинско мнозинство или поддршка од најмалку 80 пратеници. По усвојувањето на нацрт-амандманите во Собранието, тие одат на јавна расправа чие времетраење го утврдува Парламентот.Собранискиот Деловник предвидува од моментот на доставување на нацрт-амандманите во Собранието до одржување на пленарната седница за нивно усвојување мора да поминат најмалку 30 дена.Претресот за секој нацрт-амандман поединечно може да трае најмногу по три дена и во Комисијата и на пленарната седница, но може да биде завршено и побрзо од максималните рокови.Делот од Манифестот на Првото заседание на АСНОМ до македонскиот народ, кој е спорен за Грција:Македонци под Бугарија и Грција,Обидението на целиот македонски народ зависи од вашето участие во гигантскиот антифашистички фронт. Само со борба против подлиот фашиски окупатор ќе го спечалите правото на самоопределуење и обединение на целиот македонски народ под покровот на Титова Југославија, која стана слободна заедница на слободни и равноправни народи. Нека борбата на македонскиот пиемонт ве одушеви за посмела борба против фашискиот поробувач! Нека патот на овој дел на Македонија стане и ваш пат, оти само тој води кон слободата и обидението на целиот македонски народ! Нека вашето участие во свеопштата антифашиска борба им даде живот на принципите прокламирани на првото македонско Народно Собрание и нека ги збрише искуствените граници који разделија брат од брат, Македонец од Македонец.

Македонија | пред 7 години

Нема фотографија

Протести во Бугарија против цената на горивото

Протести се одржаа викендов во неколку градови во Бугарија, на кои што граѓаните на најсиромашната земја-членки на ЕУ се спротивставија на зголемувањето на цените на горивото, објави Радио БНР.Околу 200 демонстранти еден час го блокираа патот што ги поврзува Бугарија и Грција на југозапад. Демонстрантите носејќи црни знамиња протестираа пред бензиските пумпи и во другите делови на земјата.Движењето за цената на горивото, исто така, ќе зависи од санкциите на САД за Иран, кои ќе стапат на сила утре, а ќе го погодат и енергетскиот сектор, велат аналитичарите. Цените на нафтата се зголемија од август до октомври за пет отсто во ЕУ.Демонстрантите изјавија дека цените на горивото – 1,2 евра за литар дизел и 1,9 евра за литар бензин, не се многу во согласност со просечната плата од 575 евра во Бугарија.

Свет | пред 7 години

Јанчев: Немаме обезбедување, сопругата и децата излегуваат со мене

Градоначалникот на Кавадарци, Митко Јанчев, вели дека неговото семејство започнало да се смирува по заканите по живот, упатени кон него и неговата сопруга Веселка, пред неколку дена.Во разговор за ,,Фокус” Јанчев открива дека по сите вознемирувачки настани, тие се движат без обезбедување низ градот, и како е задоволен од работата на МВР во врска со случајот.-Сите дома сме потсмирени сега. Сопругата и децата се движат слободно низ градот, немаме обезбедување, излегуваат заедно со мене, кога имам слободно време – вели Јанчев.

Македонија | пред 7 години

Има ли трговија со бебиња во Македонија?

Мртво или исчезнато? Три децении семејството Илиевски се во потрага по своето дете за кое родилиштето им кажало дека починало 4 дена по раѓањето . Но тие никогаш не добиле доказ. Се сомневаат дека се жртва на трговија со бебиња. КОД  истражува дали ваквите случаи кои се најчести кон крајот на 70- тите и почетокот на 80- тите години се резултат на мафија во бели мантили како што е констатирана во Србија, или се само пропуст на институциите. Дали државата ќе најде механизам да ги демантира сомнежите на родителите кои своите деца се уште ги бараат и меѓу живите ?

Македонија | пред 7 години

Мицкоски: Во Собрание ќе има жестока критика за штетниот договор кој сакаат да го протуркаат на сила

Во интервју за Сител, претседателот на ВМРО-ДПМНЕ, Христијан Мицкоски вели дека одлуките кои стигнуваат во Собрание ги добиваат сосема неочекувано. Како пример тој го посочи вметнувањето на Охридскиот договор во амандманите каде што претходно не ни било во предвид да се дискутира на оваа тема за подоцна да се види дека тоа не е точно. Според Мицкоски ваквото несериозно однесување од страна на Владата автоматски повлекува и промена на стратегијата за тоа како треба да се делува.-„Јас очекувам една жестока критика на сето она кое што ќе биде предложено од страна на владејачкото мнозинство и од страна на Владата и во рамките на комисиската расправа а потоа и во рамките на собраниската расправа од страна на пратениците на ВМРО-ДПМНЕ и коалцијата за Подобра Македонија. Сето она кое што претходно го излажаа од страна на владеачкото мнозинство да биде демаскирано и презентирано пред македонската јавност да види со какви политичари има работа по кој знае кој пат, кои што едно зборуваа претходно, а друго всушност имплементираат на дело“ рече Мицкоски.

Македонија | пред 7 години

Илјадници евра народни пари, министрите од Владата потрошиле на јадење, хотели и превоз

Во првите пет месеци од годинава, Вицепремиерот за спроведување на Рамковниот договор потрошил над 4000 евра државни пари за смеки по ресторани, покажува алатката за отчетност за трошоците на носителите на јавни функции. Најмногу пари или 240.000 денари Хазби Лика потрошил во мензи и ресторани во рамки на институциите, а над 130 000 денари во ресторани надвор од држваните институции. Овие трошоци се направени до мај годинава, а оттогаш наваму нема податоци ни дали Лика се појавува на работа.Според записниците објавени на веб страницата,  последна владина седница на која е евидентирано присуството на Лика е на 8 мај. Оттогаш името на вицепремиерот стои во извештајот на функционери кои отсуствуваат од седниците.Ваквите јавно достапни податоци се целосно спротивни од тврдењата на владините портпароли, кои во јули годинава убедуваа дека Лика редовно ги извршува своите работни обврски.Според алатката за отчетност, рекордер во трошењето државни пари е министерот за надворешни работи. Во првите пет месеци од годината Димитров има потрошено речиси еден милион и 500 000 денари во најголем дел за авионски карти и хотелско смествување во странство. Веднаш зад него е вицепремиерот за европски прашања со потрошени 935.000 денари. До мај Бујар Осамни најмногу пари, или над 3000 евра има потрошено на ресторани надвор од држваните институции, по што следуваат холетско смествување во странство и авионски карти. Трета на листата е вицепремиерката и министерка за одбрана. За пет месеци Шеќеринска има потрошено нешто повеќе од 10 000 евра.

Македонија | пред 7 години

(ВИДЕО) Трипуновски: Поради ниските откупни цени, производителите во Ресен сечат повеќегодишни јаболкници

СДСМ го доведе земјоделството во целосен хаос, а проиводителите на јаболко во Ресен и ресенско се понижени, рече денеска на прес-конференција членот на Извршниот комитет на ВМРО-ДПМНЕ, Цветан Трипуновски.Тој обвини дека откупот на јаболкото се одвива по очајно ниски цени.„Еден килограм индустриско јаболко се продава по цена од половина до еден денар. Цена од половина денар до денар не само што е потценување на земјоделецот, туку и е мизерно. Цена од половина денар за килограм јаболко ни од далеку не ги задоволува основните потреби ниту за одржување на овоштарниците, а не за живот и егзистенција на земјоделците“, истакна Трипуновски.Како што рече тој, според пресметките, една јаболкница дава род од отприлика 100 килограми, со што по цена од половина денар за килограм се доаѓа до сума од 50 денари од едно родно дрво.„Почитувани господа од власта 50 денари не се доволни ни за еден литар нафта, а не пак за одржување на насадот. Мерките на власта не даваат никакви резултат на терен. Земјоделците во очај ги фрлаат својот род. Производителите соочени со очајно ниските цени не гледаат рентабилност поради ниските откупни цени, а во револт сечат повеќегодишни јаболкници“, рече членот на Извршниот комитет на ВМРО-ДПМНЕ.На крајот тој подвлече дека илјадници семејства во Ресен и ресенско годинава ќе останат без основни средства за егзистенција, поради лошите политики на владата предводена од СДСМ.

Македонија | пред 7 години

Нема фотографија

Два земјотреса регистрирани во близина на Закинтос

Два нови помали земјотреси ја потресоа областа во близина на островot Закинтос, но истите не предизвикале никаква штета, соопштија грчките геолошки експерти.Институтот за геодинамика во Атина информира дека земјотресите се случиле во рок од седум минути, објави агенцијата АП.Првиот, со јачина од 4,4 степени, бил регистриран во 5:11 по локално време, a епицентарот бил на 78 километри јужно од Закинтос, на длабочина од 10 километри.Седум минути подоцна, земјотрес од 5,0 степени бил забележан 59 километри југозападно од островот на длабочина од седум километри.На 26. октомври, Закинтос беше погоден од силен земјотрес со јачина од 6,4 степени, а оттогаш се регистрирани 21 нови земјотреси во интервал од 4,0 до 5,5 степени.

Свет | пред 7 години

Нема фотографија

Единствена Македонија: 84 организации потпишаа Повелба за соработка против уставни измени

Осумдесет и четири организации – политички партии, невладини организации, граѓански иницијативи од земјата и дијаспората потпишаа Повелба за стратешка соработка со која се предвидува формирање на Кризен штаб против промена на Уставот, распуштање на Собранието и распишување на предвремени парламентарни избори. Кризниот штаб ќе организира сенародни протести пред Собранието, пред домовите на одметнатите и уценети пратениции, блокада на патишта и гранични премини и други форми на отпор под чиј притисок Владата и Зоран Заев ќе бидат принудени да си заминат, соопшти Единствена Македонија.,,Антимакедонските политики го допреа врвот, или ќе дозволиме марионетската власт во Скопје да избрише се што е македонско или ќе победиме за да останеме свои на своето, трето нема. До таму е дојдено. или тие или ние. Целта на сенародниот отпор е со еден услов, а тоа е избори без Зоран Заев како премиер – беше истакнато меѓудругото на потпишувањето на Повелбата за стратешка соработка”, се додава во соопштението.Кризниот штаб против промена на Уставот, распуштање на Собранието и распишување на избори ќе настапува под слоганот „Македонија-Блокира”.

Македонија | пред 7 години

Нема фотографија

Тигрица намамена со машки парфем на Келвин Клајн

Во Индија убиена е тигрица која наводно убила 13 луѓе. Таа не можела да одолее на машкиот парфем на Келвин Клајн, „Обсешн“, јави Би-Би-Си.Би-Би-Си објаснува дека во составот на парфем „Обсешн“ меѓу останатите се наоѓа и феромон цибетка, мачколико животно од среден раст.Индиските ловци одлучиле да се послужат со тој парфем за да ја намамат откако американски научници го користеле тој парфем за да намамат јагуари.Ловот на тигрицата траел скоро две години. Во последните две години таа убила 10 луѓе и повеќе од 5.000 жители од тие подрачја во кои се движела живееле во страв. Во ловот на тигрицата биле користени повеќе од 100 стапици со камери.

Магазин | пред 7 години

Министерство за финансии: Со прогресивниот данок најдоходовните граѓани ќе им помогнат на ранливите категории

Со воведувањето на прогресивен данок во Македонија ќе се обезбедат дополнителни средства за воведување на минимален гарантиран приход, со што најдоходовните граѓани ќе им помогнат на ранливите категории на граѓани, се наведува во соопштение на Министерството за финансии.Оттаму истакнуваат дека најдоховните 1% граѓани имаат вкупна ефективна даночна стапка која е пониска од онаа на останатите.„Предлагаме воведување дополнителна стапка од 8% за делот од доходот кој надминува 90.000 денари месечно. Ова значи дека за доходот до 90.000 денари месечно, данокот би останал 10% како и до сега, додека само на делот на доходот кој надминува 90.000 денари, би се плаќале дополнителни 8%. На пример, на месечна даночна основа од 100.000 денари, за 90.000 денари ќе се плаќа данок по стапка од 10%, додека за 10.000 денари ќе се плаќа данок по стапка од 18%“, објасни на прес-конференцијата за даночната реформа Министерот за финансии, Драган Тевдовски.Со ова, како што информираат од ресорното Министерство, за мнозинството граѓани даночната стапка ќе остане иста, 10%.Дополнително, се предлага зголемување на даночното ослободување кај платите и пензиите. Делот на кој не се плаќа данок би се поставил на 8.000 денари.„Со тоа се намалува ефективната даночна стапка за лицата што остваруваат доход од плати и пензии, особено оние со ниски примања. Со воведувањето на прогресивниот данок и минималниот гарантиран приход, ќе се намали јазот помеѓу најсиромашните и најдоходовните граѓани“, појаснуваат од Министерството.Оттаму додаваат дека се предлага и различен третман за доходот од труд и доходот од капитал.„За доходот од труд, се предлага дополнителна стапка од 8% за делот од доходот кој надминува 90.000 денари месечно. Најголемиот дел од граѓаните живеат од својот труд, при што најголем дел од нив имаат доход под 90.000 денари. За доходот од капитал, пак, се предлага единствена даночна стапка од 15%. Најголем дел од овој доход (имот и дивиденди) завршува кај најдоходовните 1%, и оваа категорија граѓани остварува поголем дел од својот доход од капитал, отколку од труд“, се наведува во соопштението.

Македонија | пред 7 години

Полицаец настрадал при тепачка меѓу две групи

Полицаец бил нападнат кога се обидел да раздвои две групи кои се степале во Тетово. Како што е објавено во полицискиот билтен, инцидентот се случил по полноќ пред угостителски објект на улица „ЈНА“ во Тетово.Полициски службеници од СВР Тетово забележале група од околу пет до шест непознати лица кои меѓусебно се пресметувале. Полициските службеници презеле мерки, при што еден полициски службеник бил удрен од А.Ј.(20) од Тетово. А.Ј. е приведен и задржан во Полициската станица Тетово, а потоа во полициска станица се приведени уште три лица. За случајот е запознаен јавен обвинител и се преземаат мерки за целосно расчистување на случајот.

Македонија | пред 7 години

Михајловски со порака до „предавниците“ од ВМРО-ДПМНЕ

Актерот Тони Михајловски, кој истовремено е и член на Извршниот комитет на новото раководство на ВМРО-ДПМНЕ предводено од Христијан Мицкоски им се обрати на пратениците кои гласаа за уставните измени, како и на оние кои си поднесоа оставки во изминатиот период нарекувајќи ги велепредавници.„Тешко кога ќе се скараш со себе, заради нешто што си го говорел, или направил, пред само година дена. Секој од нас има такви моменти во својот живот. И тоа се прави пред сопственото огледало.Но тоа е ништо, во споредба со признанието дека не сте се лажеле само себе си, туку сте ги лажеле и 160 000 членови на ВМРО-ДПМНЕ, и уште 240 000 симпатизери.Тие кои ве гласале, следеле, бранеле од напади и верувале во вас.Оние кои јасно сте ги повикувале да ви веруваат и да гласаат за вас, за вие денес да бидете тоа што сте.Сте ги лажеле вашите пријатели, браќа и сестри.Оние со кои сте делеле и добро и лошо.Сте го лажеле Претседателот Христијан, и почесниот Претседател Никола, ветувајќи им дека никогаш и под никакви услови нема да отстапите од чувањето на националните и државни интереси, почитувањето на конгресни одлуки и борбата за достоинството Македонија и македонскиот народ, за да ве изберат и ве понудат на членството и граѓаните како носители на одговорноста, светлата иднина и подобар живот.Ако сте успеале да лажете толку многу луѓе, и толку долго време, вие сте мајстори на лагата. Тешко на оној кому вие, во иднина, ќе му ја нудите вашата “доверба”.Вие сега сте паралага, која се пласира од страна за да ја следи основната лага, и да и потпомогне во уверливоста“, напиша тој на својот Фејсбук профил.

Македонија | пред 7 години

Петковски повикува да се смени Иванов веднаш

Поранешниот претседател на Собранието на Македонија и претседател на политичката партија НСДП, одметник од СДСМ, Тито Петковски, повика веднаш да се реализира одлука за отповикување на претседателот Ѓорге Иванов.Според Петковски сега има и реална шанса за тоа на СДСМ да им успее.„Ние досега немавме шанса за спроведување импичмент затоа што во Собранието ги немавме потребните 80 пратеници. Но сега, кога веќе се создадоа услови за двотретинско мнозинство, работата е многу поедноставна отколку што беше“, посочува Петковски.Поранешниот претседател на Собранието, Петковски, вели дека шефот на државата Ѓорге Иванов со своите постапки има извршено класична злоупотреба на функцијата претседател на државата, а како што порачува, токму сега е моментот за спроведување постапка за импичмент.„Сметам дека сега е одличен момент да се спроведе постапката за импичмент, бидејќи Иванов уште многу одамна заслужи да сноси таква политичка одговорност. Паралелно со предистражната постапка што Јавното обвинителство ја покрена за претседателот, слободно може да се спроведе и постапка за импичмент“, вели Петковски.Петковски го оцени Иванов како штетен.„Конечно, името на Иванов ќе послужи за пример како не треба да се владее“, обвини Петковски.Магазин.мк

Македонија | пред 7 години

Без маж и лоши навики: која е Мис Русија 2017?

Титулата најубава девојка во земјата ѝ припадна на 21-годишната Полина Попова од Екатеринбург – модел, која последниве шест години ги има поминато на снимања во Европа, во Америка и во Азија.За титулата Мис Русија 2017 се бореа 50 девојки од сите страни на земјата.Конкурентките мораа да ги поседуваат следниве критериуми:- девојката треба да биде повисока од 173 сантиметри- да биде постара од 18 и помлада од 23 години- да нема тетоважи и белези на телото- да нема лоши навики (дури и пушењето е забрането)- отсуство на интимни фото- и видеоснимки на Интернет- а, исто така, да нема маж и деца.Победничката добива круна од бело злато во вредност од еден милион долари, три милиони рубли (53.000 американски долари) и кола. За второто и за третото место се добива образование на кој било универзитет во светот.Како резултат на тоа лице на Русија стана белата убавица од Урал, 21-годишната Полина Петрова.Сегашната Мис на Русија живее во својот роден град Екатеринбург (1.800 километри источно од Москва). Но, последниве шест години ги поминала патувајќи низ светот, благодарение на својата работа како модел во една од агенциите во градот.Во еден момент таа дури и помислила да се запише на еден од универзитетите во Кина, но се премислила и решила да се школува во Русија. Сепак, девојката сè уште се нема определено за својата идна професија и за местото на студирање – плановите се „веќе во многу блиска иднина“ да го реши станбеното прашање самостојно.Според Полина, добиените три милиони рубли (53.000 американски долари), како и оние што ги има заработено како модел, планира да ги потроши на стан.По изборот за Мис на Русија Попова ќе замине како претставник на нашата земја на Мис на Универзумот и Мис на Светот.Интересно е тоа што веќе трета година по ред титулата на прва убавица заминува кај девојка од Урал. Така, Полина Петрова ја доби круната од минатогодишната победничка од Тјумењ (2.100 километри источно од Москва) Јана Добровољскаја, а една година пред неа победи Софија Никитчук, која исто така е од Екатеринбург.

Свет | пред 7 години

Нема фотографија

Русија го одбележува Денот на национално единство

Русија го одбележува Денот на национално единство при што се очекува националисти и поддржувачи на власта да излезат на марш низ улиците на Москва. Празникот беше воспоставен од Кремљ пред повеќе од 10 години со цел да се замени со прославата на годишнината од револуцијата на болшевиците.Рускиот претседател Владимир Путин го користи празникот да промовира патриотизам, да го консолидира општеството и да ја зајакне контролата на Кремљ. Прославите во изминатите години беа проследени и со антивладини протести. Во мината година беа уапсени околу 70 лица на антивладините протести.

Свет | пред 7 години

Жена остана инвалид оти настаните на 27ми април во Собрание го затворија Клинички

Ирена Танчева од Ново Село останува инвалид неподвижна со две деца, едното во бременост го губи , поради собраќајка во која таа и децата се жртви во момент кога ги носи во градинка, но и поради затворени операциони сали вечерта на 27 април лани кога се случи големиот инцидент во Собранието на Република Македонија. За нејзината приказна и секојдневие веќе dosie.mk пишуваше но и социјалните медиуми ја пренесоа нејзината судбина да биде жртва на несовесен возач кој со автомобил ги удира неа и децата.Но еден скандалозен детал открива и друга страна на вистината.Поради тешката состојба Ирена во коматозна состојаба со итна медицинска помош ја испраќаат на Клиниките во Скопје . Таа има скршени вратни пршлени.  Но вратите на операционите сали се затворени и вечерта никој не се примал заради случувањата во Собрание и се давал приоритет само на претениците во случај да има тешко повредени.Ирена е оперирана дури утредента. Поминува 21 ден во кома, 3 месеци во болница во Скопје два месеци во болница во Охрид. Денес е неподвижна и закована за кревет. Докторите и рекле дека ако била оперирана веднаш кога е донесена сега ќе беше на нозе. Бидејќи се чекало толку долго време за операција заради крварењето кое било во главата дошло до тешки последици.Таа има 25 години е закована за кревет. Наместо таа да ги рани малите дечиња , тие ја ранат неа. Едното има 4 другото има шест години. Бидејќи некој мора да се грижи за неа сега е префлрена во домот на нејзините родители, но поради долгото користење катетер сега има нов проблем, а тоа е камења во бешика  и ќе мора да се оперира во Скопје.Ирена постојано е на својот ФБ профил. Тоа и е контактот со светот, но и со хуманите луѓе кои ги моли за помош. Мора да оди на операција во Русија но пари нема. Моли да и се помогне. Остана инвалид во сообраќајка, пратениците имаа предност во опериационата сала, сега е оставена сама со децата, но нејзината храброст е поголема од се и е решена да издржи до крај се заради децата.За помош на Ирена отворени се телефони и сметкиtelekom 070143115vip/one 143500devizna smetka Irena Tanceva IBAN:MK07-320540027415089SWIFT CODE: CECBMK22 CENTRAL COOPERATIVE BANK AD SKOPJEziro smetka 320500027414994 Irena Tanceva

Македонија | пред 7 години

Нема фотографија

(ВИДЕО) Прогласена вонредна состојба на Сицилија

Најмалку 17 лица го загубија животот во поплавите кои ја зафатија Италија. Повеќето од жртвите ги загубиле своите животи поради паднати дрвја.Според проценката на италијанското Здружение на земјоделски компании, во невремето се уништени околу 14 милиони дрвја.На островот Сицилија скоро се е под вода и поради тоа е прогласена вонредна состојба.https://twitter.com/severeweatherEU/status/1058920613283356677?ref_src=twsrc%5Etfw%7Ctwcamp%5Etweetembed%7Ctwterm%5E1058920613283356677&ref_url=https%3A%2F%2Fwww.telegraf.rs%2Fvesti%2Fsvet%2F3004827-apokalipsa-u-siciliju-poplave-odnele-deset-zivota-hiljade-ljudi-u-mraku-ne-rade-telefoni-voda-nije-za-pice-video„Тешка апокалиптична ситуација“, рече началникот за Цивилна заштита, Ангело Борели.Во некои делови, како на пример Венето, со електрична енергија се снабдуваат со генератори, но и покрај тоа има околу 5000 семејства во мрак.https://twitter.com/severeweatherEU/status/1058250142510309376?ref_src=twsrc%5Etfw%7Ctwcamp%5Etweetembed%7Ctwterm%5E1058250142510309376&ref_url=https%3A%2F%2Fwww.telegraf.rs%2Fvesti%2Fsvet%2F3004827-apokalipsa-u-siciliju-poplave-odnele-deset-zivota-hiljade-ljudi-u-mraku-ne-rade-telefoni-voda-nije-za-pice-videoПатиштата се блокирани од стотици стебла, а има и голем број на одрони.   

Свет | пред 7 години

Нема фотографија

„Скопје РОК Хакатон 2018“ за студенти и млади претприемачи од 9 до 11 ноември

Во НУБ „Св. Климент Охридски“ во периодот од 9 до 11 ноември во Скопје ќе се одржува „Скопје РОК Хакатон 2018“, дводневен маратон за ко-креирање наменет за студенти, млади професионалци и претприемачи.Целта е да се зајакне еко–претприемништвото, одржливите бизнис иновации и мрежите за соработка, кои според организаторите претставуваат клучни слоеви за ефективни и инклузивни решенија за главните предизвици со кои се соочува градот во однос на животната средина, вклучувајќи ги и климатските промени.Во хакатонот може да учествуваат сите што сакаат да бидат вклучени во изнаоѓање на решенија за општествените предизвици и предизвиците во однос на животната средина, климатските промени, пристапноста до културното наследство и урбаната отпорност, со градење на одржливи и инклузивни деловни решенија.Ова особено важи за  студенти од различни области како бизнис, архитектура, шумарство итн, потоа млади професионалци кои бараат вработување во полето на одржливост / климатски иновации, млади еко–претприемачи коишто бараат идеи, можности и/или тимски соработници и граѓани што се заинтересирани да го трансформираат својот град во еден отпорен урбан систем.Целосно инфо за хакатонот, регистрација и контакти ТУКА.Инаку, хакатонот е дел од проектот РОК, финансиран од Хоризонт 2020, како и од иницијативата Young Ecopreneurs Climathons 2018 (Климатони за млади еко–претприемачи 2018), кој вклучува зелени хакатони во многу градови ширум светот коишто се одржуваат во текот на целата пролет и есен. Тие завршуваат со Конференцијата за климатски промени на ОН 2018 (COP24), во Катовице (Полска), во периодот од 3 до 14 декември.Организатори на хакатонот се Градот Скопје, заедно со Универзитет „Св. Кирил и Методиј“ Скопје, Архитектонски факултет, и Центарот за иновации на Градот Скопје – Скопје Лаб

Скопје | пред 7 години

Се сруши тобоган во Велика Британија, осум деца повредени

Осум деца беа повредени во јужниот дел на Англија, кога се урна тобоган за време на прославата на „Ноќ на огнометот”.Инцидентот се случи во Вокинг, на 40 километри југозападно од Лондон, каде што илјадници луѓе се собраа да го гледаат огнометот.Очевидци на настанот велат дека околу 40 деца играле на тобоганот, кој бил висок околу девет метри.„Гардијан “ пишува дека огнометот бил откажан и биле евакуирани 12.000 луѓе за да се направи место за слетување на хеликоптер на брзата помош.Повредените деца биле пренесени во болница.

Свет | пред 7 години