Можно е трилатерална средба меѓу Трамп, Зеленски и Путин до крајот на неделава

Според информации на „Скај њуз“, европските дипломати добиле насоки од своите американски колеги да бидат подготвени за можноста од трилатерална средба меѓу Доналд Трамп, Володимир Зеленски и Владимир Путин. Состанокот би можел да се одржи подоцна оваа недела, зависно од резултатот на денешните разговори.Според договорот меѓу Соединетите Држави и европските партнери, средбата треба да се случи на европско тло, освен ако не се појават непредвидени промени во последен момент.За време на видео-конференцијата на т.н. „коалиција на добронамерните“ што се одржа минатиот викенд, италијанската премиерка Џорџија Мелони го предложи Рим како место на одржување, додека францускиот претседател Емануел Макрон ја истакна Женева како опција.Неофицијално се наведува дека украинскиот претседател Зеленски и американскиот лидер Трамп имаат наклонетост кон Рим, додека рускиот претседател Путин повеќе би ја прифатил Женева.Министерствата за надворешни работи на Италија и на Швајцарија веќе изразија подготвеност да го организираат овој можен состанок.

Свет | пред 5 месеци

Палестински деца од Газа ќе бидат пренесена на лекување во Велика Британија

Во наредните недели, помеѓу 30 и 50 тешко болни и повредени палестински деца ќе бидат евакуирани од Газа и префрлени во Велика Британија на медицински третман, јави Би-Би-Си. Ова ќе биде првата група која ќе пристигне во рамки на владината програма за евакуација.Операцијата се реализира во координација на британските министерства за надворешни работи, за внатрешни работи и за здравство. Светската здравствена организација (СЗО) ќе биде одговорна за изборот на децата, кои ќе патуваат заедно со членови на своите семејства преку трета земја, каде што ќе им бидат земени биометриски податоци.Одлуката доаѓа по писмо испратено минатата недела од 96 пратеници од различни политички партии, со кое владата беше повикана итно да ги евакуира болните и повредени деца од Газа. Во писмото се нагласува дека децата се во животна опасност поради колапсот на здравствениот систем и дека сите административни пречки треба веднаш да се отстранат.Иако поединечни случаи на евакуација веќе беа спроведени преку иницијативата „Project Pure Hope“, досега британската влада немаше спроведено сопствена операција во текот на конфликтот. Во август властите најавија забрзување на плановите за прифаќање деца од Газа на лекување.Сè уште не е соопштено преку која трета земја ќе помине групата, колку деца точно ќе бидат опфатени и дали ќе следуваат дополнителни евакуации. Се претпоставува дека дел од нив би можеле да останат во Британија и по завршување на терапијата да поднесат барање за азил, со оглед дека враќањето во Газа е неизвесно.Податоците на УНИЦЕФ покажуваат дека од почетокот на војната во октомври 2023 година повеќе од 50.000 деца се убиени или повредени. Велика Британија досега обезбедуваше средства за лекување на повредени палестинци во болници во регионот и соработуваше со Јордан за доставување на воздушна хуманитарна помош.Децата кои ќе пристигнат во рамки на оваа владина програма ќе бидат згрижени и лекувани во болниците на Националната здравствена служба (НХС). Од Министерството за внатрешни работи информираа дека биометриските проверки ќе бидат направени пред патувањето на децата и нивните старатели.Палестинци со сериозни здравствени состојби веќе се евакуирани и во други држави – само во Италија досега биле примени повеќе од 180 возрасни и деца.Обединетите нации предупредуваат на масовна неухранетост во Газа, а експерти минатиот месец оценија дека се реализира „најлошото сценарио“ со глад. Израел, пак, тврди дека нема ограничувања за доставата на помош и ја обвинува ОН и другите организации за неуспешна дистрибуција.Според Министерството за здравство во Газа, кое е под контрола на Хамас, повеќе од 60.000 лица се убиени од почетокот на израелската офанзива. Израелската воена акција беше одговор на нападот на Хамас од 7 октомври 2023 година, во кој загинаа околу 1.200 луѓе, а 251 лице беше киднапирано.

Свет | пред 5 месеци

Рекордна заплена во Атина, 500 килограми „природен кокаин“ вреден 1,5 милиони евра

Грчките царински службеници на меѓународниот аеродром во Атина запленија 500 килограми од психоактивната супстанца кат, соопштија властите, пренесе весникот „Катимерини“.Кат, познат и како „природен кокаин“, е психоактивна супстанца што брзо создава зависност. Таа се добива од растението Catha edulis, кое се одгледува на Африканскиот Рог, на јужниот дел од Арапскиот Полуостров и по должината на источноафриканскиот брег.Недозволената пратка била сокриена во четири товарни пратки означени како завеси, чаршафи и ткаенини, кои транзитирале од Израел кон Соединетите Американски Држави.При случајна проверка во магацинот за привремено складирање на товар, инспекторите за борба против шверц ги откриле пакетите со сушени листови од кат и конфискувале вкупно 500 килограми.Запленетата количина се проценува на околу 1,5 милиони евра.Според грчките власти, ова претставува најголемата заплена на кат на атинскиот аеродром досега. Досегашни рекорди биле 458 килограми во декември 2014 година и 34 килограми во 2022 година.

Свет | пред 5 месеци

Десет дена го нема бугарскиот турист кој исчезна во Охридското Езеро

Речиси десет дена го нема 52-годишниот Илија Танчев од Пловдив, кој исчезна при нуркање во Охридското Езеро. Туристот од Бугарија, кој објавил и фотографии пред нуркањето, влегол во водите на езерото кај Трпејца, и оттогаш му се губи секој траг.Информациите кои проциркулираа во јавноста се дека исчезнал при нуркање на длабочина од 89 метри. Референците за рекреативно нуркање, поради безбедносни причини се до 40 метри. Над 40 метри, потребно е да се направат декомпресиски подготовки, па дури и да се користат различни мешавини на гас, во зависност од длабочината што се достигнува. Ако се следат објавите на Танчев на „Фејсбук“, може да се забележи дека ова не е негово прво искуство со нуркање.Во подвигот да нурка, бил придружуван од пријател и локален жител. За исчезнат, пријава во полицијата дошла од пријателот кој приметил дека Танчев го нема подолго време да излезе на површина.Од СВР Охрид за „Скопје1“ велат дека штом имаат нови информации, ќе ги споделат со јавноста.

Охрид | пред 5 месеци

Бујар Османи со „Граѓанско око“ против корупцијата во Чаир

Кандидатот за градоначалник на Чаир од ДУИ, Бујар Османи, најави дека по промената на власта на 19 октомври ќе стави крај на корупцијата и непотизмот во општината. Тој го претстави пакетот антикорупциски мерки „Граѓанско око“, со кои ветува целосна транспарентност, јавен увид во тендери и буџетот, независен мониторинг и контрола со вештачка интелигенција.-Чаир денес е една од најнетранспарентните општини во Македонија. Корупцијата и непотизмот го задушуваат развојот, а општината е узурпирана од оние кои ја водат. Наместо да им служат на граѓаните, тие работат за свои интереси„ - истакна кандидатот за градоначалник на Чаир, Бујар Османи.„Денес сум тука да дадам збор дека тоа завршува по промената на власта на 19 октомври. Од најнетранспарентна, Општина, Чаир ќе биде во првите пет општини по транспарентност,“ порача Османи.Тој истакна дека празните зборови им ги остава на неговите политички противници, а дека тој самиот ќе докаже со дела. За таа цел го претстави новиот сет механизми за борба против корупција и заштита на јавниот интерес под името „Граѓанско око“.„Овој сет вклучува четири нови решенија што досега не ги вовела ниту една општина. Не е доволно само да се има желба, потребни се и јасни механизми„ Четирите механизми кои го сочинуваат „Граѓанското око“ се:Јавно отворање на тендерите - Секое отворање на понуди за јавни набавки ќе биде јавно, со пренос во живо и снимка достапна на интернет. Ова е дозволено со законото за јавни набавки до одредена фаза на постапката.Во текот на целата постапка, ќе се спроведува независен мониторинг од НВО и експерти за антикорупција во процесот на избор на најповолен понудувач кај поголемите тендери, за да се обезбеди фер и законска постапка.“Јавна каса” - Онлајн следење на сметките, приходите и исплатите на општината, преку едноставна алатка со која граѓаните во секое време ќе можат да знаат за што се трошат нивните пари.“AI контрола” - Постепено воведување на автоматизација на проверките со алатки за вештачка интелигенција, кои ќе ја елиминираат човечката пристрасност и ќе алармираат доколку нешто не е во согласност со законот.„Со овие конкретни и ефикасни механизми ќе обезбедиме вистинска транспарентност и ќе ја заштитиме општината од корупција. Тоа е мојата заложба до граѓаните на Чаир,“ нагласи Османи.

Скопје | пред 5 месеци

Руски преговарач го поддржа планот на Трамп, објавувајќи ги условите за крај на војната

Клучниот помошник на Владимир Путин и главен руски преговарач, Кирил Дмитриев, повторно сподели објава на американскиот претседател Доналд Трамп во која тој ги изнесува своите услови кон Украина за ставање крај на војната.Во објавата стои дека Украина би можела да стави крај на конфликтот доколку прифати неколку клучни руски барања: одрекување од Крим, кој Москва го анектираше во 2014 година, и обврска дека никогаш нема да стане членка на НАТО.„Трамп и неговиот тим се залагаат за вистинско решение. Нека надвладее решавањето на проблемот и мирот за време на Големиот ден“, напиша Дмитриев на социјалната мрежа X, алудирајќи на средбата во понеделник помеѓу Трамп и украинскиот претседател Володимир Зеленски.„Трамп и неговиот тим се обидуваат да најдат реално решение за конфликтот во Украина,“ изјави Дмитриев, специјален изасланик на Путин, пренесе агенцијата ТАСС.Со оваа изјава Москва јасно сигнализира дека очекува Зеленски да се соочи со најтешкиот притисок досега – прифаќање на услови што значат откажување од дел од територијата и трајно дистанцирање од НАТО.

Свет | пред 5 месеци

Крај на илузиите за Крим и Донбас? Зеленски пред тешки одлуки во Вашингтон

Украинскиот претседател Володимир Зеленски во Белата куќа го очекува тежок состанок со американскиот лидер Доналд Трамп. Според проценки на експерти, условите за можен мировен договор веројатно нема да одат во корист на Киев.Роберт Инглиш, директор на Центарот за средноевропски студии на Универзитетот во Јужна Калифорнија, изјави за Си-Ен-Ен дека Трамп бил мошне јасен во своите пораки кон Зеленски.„Трамп му порача дека ќе мора да прифати како поголемиот дел од изгубените територии долгорочно остануваат изгубени. Сите илузии за враќање на Крим и поголемиот дел од Донбас се завршени“, вели Инглиш.Тој додава дека украинскиот лидер ќе мора да се соочи со болната вистина: „Зад кулисите постои јасно разбирање дека Зеленски ќе мора да ја проголта таа горчлива пилула. Сега фокусот мора да биде ставен на иднината и на цврсти безбедносни гаранции за Украина.“Зеленски во Вашингтон ќе биде придружуван од силна европска делегација – францускиот претседател Емануел Макрон, германскиот канцелар Фридрих Мерц, британскиот премиер Киер Стармер и претседателката на Европската комисија Урсула фон дер Лајен.Целта на посетата е координација на поддршката за Киев и обликување на заеднички пристап кон идната западна помош за Украина.„Фактот што сите се таму заедно и се обидуваат да постигнат заедничко разбирање е клучен“, нагласува Инглиш.Сепак, според него, главниот акцент најверојатно ќе се префрли од членството во НАТО кон долгорочни безбедносни договори.„Сè додека постои подготвеност на Украина да ѝ се обезбедат воени сили, снабдување, разузнавачки податоци и логистика, а тоа биде поткрепено со договор кој може да трае со години и неограничено да се обновува – тоа ќе биде многу блиску до НАТО-заштита. А тоа е токму она што Украина досега го немаше,“ додава Инглиш.

Свет | пред 5 месеци

Габриела Илиевска влезе во трката за градоначалник на Битола како независна кандидатка

Претседателката на Советот на Општина Битола, Габриела Илиевска од граѓанската иницијатива „Поинаку“, утрово официјално објави дека ќе се кандидира за градоначалничка на Битола како независна кандидатка.Во своето обраќање, таа ги повика сите битолчани – без оглед на партиска припадност или изборни навики – да ѝ дадат поддршка.„После сите шпекулации и приказни, време е да расчистиме. Ве повикувам сите кои сакате поубава, почиста, непартиска и независна Битола, да ми се приклучите и да застанете против три децении запоставување на градот“, истакна Илиевска.Илиевска нагласи дека, за разлика од политичките партии, таа нема финансиски ресурси за голема кампања, но тоа нема да ја спречи да се бори.„Пари за кампања и маркетинг немам ич, ама имам храброст, знаење, интегритет и чесност да излезам против сите што досега ја крадеа Битола. Време е Битола да биде независна“, порача таа.Илиевска има долгогодишно искуство во Советот на Општина Битола – првиот мандат како советничка од ВМРО-Народна партија, а последните два како независна преку иницијативата „Поинаку“. Во јавноста е позната по своите критики и директни настапи против одлуки кои, како што вели, не биле во интерес на Битола.Со оваа кандидатура, таа станува првата жена независна кандидатка за градоначалник на Битола.фото: ФБ

Македонија | пред 5 месеци

„Шанса за Центар“: Гласачките ливчиња би можеле да личат на тетратка, се отвора можност за создавање забуна кај гласачите со појава на слични имиња

Иако прагот за учество на изборите е намален, иницијативата „Шанса за Центар“ порача дека ќе продолжи со собирање потписи за основање на политичката платформа „Независни заедно“.„Граѓаните кои сакаат да ни дадат поддршка тоа можат да го сторат оваа недела. Ги повикуваме и другите организирани групи низ Македонија да се приклучат“, соопштуваат од иницијативата.Од „Шанса за Центар“ предупредуваат дека новите правила важат само за овие избори, а неизвесноста околу изборниот процес останува.Дополнително, велат дека останува во сила членот од законот според кој независните групи на гласачките ливчиња се прикажуваат само со имињата на носителите на листите, без назив на групата.„Ова отвора можност за создавање забуна кај гласачите со појава на слични имиња – како на пример Билјана Ивановска и Биљана Ивановска, што веќе се случувало на претходни избори“, предупредуваат тие.Од иницијативата додаваат дека гласачките ливчиња би можеле да личат на „тетратка“ со голем број имиња, каде политичките партии ќе стојат најгоре, а под нив ќе следат долги списоци на независни кандидати.„Пристапот до медиумите, избирачкиот список и другите ресурси со кои располагаат партиите останува непроменет. Нерамноправноста продолжува“, стои во соопштението.фото: ФБ

Македонија | пред 5 месеци

Вашингтон ја крои иднината на војната: Трамп, Зеленски и европските лидери на заедничка маса

Украинскиот претседател Володимир Зеленски денеска ќе се сретне со Доналд Трамп во Вашингтон, заедно со повеќемина европски лидери, во обид да се постигне мировен договор. Причина за вниманието е стравувањето дека американскиот претседател би можел да изврши притисок врз Киев да прифати решение што би било во корист на Москва, јавува „Ројтерс“.На средбата ќе присуствуваат лидерите на Велика Британија, Германија, Франција, Италија, Финска, како и претставници на Европската Унија и НАТО. Тие очекуваат да му дадат поддршка на Зеленски во значаен дипломатски момент за војната и да спречат повторување на непријатната ситуација од февруари, кога украинскиот претседател имаше незгодна средба со Трамп во Овалната соба.Прво е предвидена тет-а-тет средба на Трамп и Зеленски во Овалната соба, по што ќе следи заедничка дискусија со европските лидери во Источната соба на Белата куќа.Откако во петокот организираше церемонијален прием за рускиот претседател Владимир Путин во Алјаска, Трамп изјави дека мора да се постигне договор за ставање крај на 42-месечниот конфликт во кој загинаа десетици илјади луѓе, а милиони беа раселени.„Претседателот на Украина, Зеленски, може веднаш да ја прекине војната со Русија, ако сака, или да продолжи да се бори“, напиша Трамп на својата платформа Truth Social, користејќи различна транслитерација на неговото име.Сепак, Зеленски речиси целосно ги отфрли понудите што Путин ги изнесе на таа средба – меѓу кои и барањето Украина да се откаже од преостанатиот дел од источниот регион Доњецк, од кој моментално контролира една четвртина.„Ни се потребни вистински преговори, што подразбира да почнеме од актуелната линија на фронтот“, порача Зеленски во Брисел во неделата, додавајќи дека уставот на неговата земја не дозволува откажување од територија.Загрижувачки за Киев е тоа што Трамп, кој претходно го поддржуваше предлогот на Украина за брзо примирје како основа за подлабоки мировни разговори, по самитот ја смени позицијата и се приближи кон руското гледиште – преговори за сеопфатен договор додека борбите продолжуваат.„Му сум благодарен на американскиот претседател за поканата. Сите сакаме оваа војна да заврши што е можно побрзо и со траен мир“, објави Зеленски на Телеграм по пристигнувањето во Вашингтон во неделата навечер. „Русија мора да ја заврши војната што самата ја започна. Се надевам дека заедно со САД и европските партнери ќе ја принудиме на вистински мир.“Предлозите на Путин, кои претходно ги објави „Ројтерс“, изгледаат неприфатливи за Украина. Украинските сили се добро утврдени во Донецк, каде што градовите и возвишенијата се клучни за одбраната од руските напади.Киев инсистира дека секој можен мировен договор мора да вклучува силни безбедносни гаранции за да се спречи нова агресија од Русија – земја која го анектираше Крим во 2014 година и ја започна целосната инвазија во 2022 година.Европските лидери, загрижени дека би можеле да бидат тргнати на страна од договорот, во неделата разговараа со Зеленски за усогласување на заеднички став пред денешната средба со Трамп.Присуството на најважните европски сојузници во Вашингтон, кои отворено го поддржуваат Киев, треба да му помогне на Зеленски да ги избегне горчливите искуства од неговата претходна посета на Овалната соба.

Свет | пред 5 месеци

Осуммина под истрага по масовна тепачка во Скопје, едно лице е обвинето за обид за убиство со даска

Јавен обвинител од Основното јавно обвинителство Скопје поведе постапка против осум лица заради учество во масовна тепачка на улицата “Славеј Планина”, од кои едно се товари за обид да изврши кривично дело – Убиство од член 123 став 1 во врска со член 19, едно за нанесување тешка телесна повреда што е казниво според член 131 став 1, додека шест се осомничени за кривично дело – Учество во тепачка од член 132 став 1 од Кривичниот законик.До тепачката дошло поради нерасчистени семејни односи меѓу две групи. За обид за убиство е осомничено лице кое во тепачката користело дрвена даска со која тешко повредил едно лице од спротивставениот табор, нанесувајќи му фрактура на черепот со крварење на мозокот. Друг осомничен нанел тешка телесна повреда – скршена долна вилица, удирајќи со тупаници еден од останатите учесници во инцидентот. Сите останати се осомничени за учество во тепачката, која се случила на 16 август.За осомничениот за обид за убиство, ценејќи ги сите околности под кои тој ги извршил дејствијата и фактот дека станува збор за млада личност која тукушто наполнила 18 години, но кај која сепак постои ризик од бегство, влијание врз сведоци или повторување на делото, јавниот обвинител предложи мерка куќен притвор. За останатите учесници во кривично-правниот настан предложени се мерки на претпазливост.

Скопје | пред 5 месеци

Руски напад врз село во Запорожје: загина тинејџер, повредено цело семејство

Русија денеска го нападна селото Новојаколивка во Запорожката област, при што животот го загуби тинејџер, а најмалку шест лица беа повредени, соопштија украинските власти.Меѓу повредените се и сестрата и братот на загинатиот, како и нивните родители. Во експлозијата беа уништени и оштетени повеќе семејни куќи.„Русија од првиот ден на војната не ги промени своите цели. Нејзините вистински постапки – убивање и ранување цивили, разурнување на семејства, уништување на домови и цивилна инфраструктура – зборуваат погласно од сите зборови. Убиствата мора да престанат. САД, Европа и останатите партнери на Украина имаат моќ еднаш засекогаш да ја принудат Русија да ги прекине нападите“, порача украинското Министерство за надворешни работи.

Свет | пред 5 месеци

(Видео) Полицајци во Белград влечат млад човек по улица, еден од нив го удира со палка по грб

На социјалните мрежи се појави видео од протестите во Србија, на кое се гледа како полициски службеници влечат млад човек, по што еден од нив со палка го удира по грбот, иако тој лежи на земја и не пружа никаков отпор.Според порталот Нова.рс, снимката е направена во петокот, на раскрсницата меѓу улиците Ресавска и Немањина во Белград. На крајот од видеото, видно повредениот маж е врзан со пластични лисици додека сè уште лежи на асфалтот. Во описот на објавата на Инстаграм стои дека младиот човек бил без свест.Удирањето се случува пред поголем број полицајци во опрема за растерување демонстрации. Нова.рс пренесува дека станува збор за припадници на Единицата за обезбедување личности и објекти (ЈЗО), која ја предводи командантот Марко Кричак. Тој веќе беше снимен како трча со телескопска палка по граѓани, а повеќе очевидци го обвинија за малтретирање и физичко насилство.Контроверзии предизвикува и снимката на неговата заменичка Тања Дробњак, која во јули беше забележана како пред Правниот факултет во Белград влече студентка за коса, обидувајќи се со нејзиното лице да отклучи телефон – практика што е незаконска.Единицата за обезбедување личности и објекти последните месеци постојано е присутна на протестите, а студентските организации и граѓанските здруженија тврдат дека нивното постапување е надвор од законските рамки и дека вклучува брутална сила врз демонстранти.

Свет | пред 5 месеци

(Видео) ДИК го олесни настапот на независните листи – доволни ќе бидат два потписи

На денешната 129-та седница, Државната изборна комисија (ДИК) со шест гласа „за“ и еден „против“ го усвои правилникот со кој независните кандидати ќе може да поднесуваат листи за советници со само два потписи.Со оваа одлука значително се поедноставува постапката за учество на независните во локалните избори. Новите правила ќе стапат во сила по нивното објавување во „Службен весник“.За прашањето на потписите, во саботата беше закажана и итна собраниска седница. Предлогот предвидуваше независните листи да треба да обезбедат потписи од 0,9% од вкупниот број запишани избирачи во општината. Но измените не беа изгласани – дел поради немањето доволен број пратеници во салата, а дел поради потребата од бадентерово мнозинство.Ова доаѓа откако претходно Уставниот суд го укина постојниот член во Изборниот законик, според кој независните кандидати мораа да обезбедат најмалку 1% потписи од запишаните избирачи во општината.

Свет | пред 5 месеци

Зеленски од Брисел: Европа мора да остане обединета, Уставот не дозволува тргување со територии во Украина

Украинскиот претседател Володимир Зеленски денеска во Брисел им се обрати на европските лидери со серија клучни пораки за единството на континентот, мировните напори, прашањето за територијалниот интегритет и безбедносните гаранции за Украина.„Европа мора да остане обединета како во 2022 година. Тоа единство е предуслов за вистински мир“, порача Зеленски, додавајќи дека убивањата мора веднаш да престанат.Тој повика на прекин на огнот и почеток на реални преговори „онаму каде што е линијата на фронтот“, нагласувајќи дека токму таа контактна линија може да биде основа за политичко решение. Зеленски потсети и на фактот дека Русија веќе 12 години не успева целосно да го освои Донецк.Во врска со територијалниот интегритет, украинскиот лидер беше дециден: „Уставот не дозволува тргување со територии. Тоа прашање може да се дискутира само во директен формат Украина–Русија, со посредство на САД.“ Доколку Москва одбие, според него, мора да следуваат нови санкции.За безбедносните гаранции, Зеленски ја поздрави американската иницијатива да се создаде механизам сличен на член 5 од НАТО: „Тие мора да функционираат во пракса – на копно, во воздух и на море.“ Тој додаде дека и пристапувањето во ЕУ го смета за дел од тие гаранции, и предупреди дека раздвојување на процесот со Молдавија би било сериозно ослабување на европското единство.Зеленски побара и помош од претседателката на Европската комисија Урсула фон дер Лајен за програмата за училишни оброци за украинските деца во војна, со цел сите ученици да имаат барем еден топол оброк дневно.На крајот, тој побара нов, 19-ти пакет санкции против Русија: „Стратешката ориентација на Кремљ е анти-европска. Мора да продолжиме да го ограничуваме тој потенцијал.“

Свет | пред 5 месеци

Зеленски: Ова е историска одлука – САД подготвени за безбедносни гаранции за Украина

Украинскиот претседател Володимир Зеленски ја поздрави иницијативата што денес ја изнесе специјалниот пратеник на Доналд Трамп, Стив Виткоф, дека Русија се согласила Украина да добие безбедносни гаранции од своите сојузници, вклучително и од САД.„Ова е историска одлука – дека САД се подготвени да учествуваат во безбедносните гаранции за Украина. Како резултат на нашата заедничка работа, тие мора да бидат многу практични, да обезбедат заштита на копно, во воздух и на море и да се развиваат со учество на остатокот од Европа,“ објави Зеленски на социјалната мрежа Х.Според Виткоф, Москва прифатила да дозволи сојузниците на Киев да понудат гаранции „слични на член 5 од НАТО“, што би значело дека напад врз Украина ќе се смета за напад врз сите потписнички држави.

Свет | пред 5 месеци

Макрон: Путин не бара мир, туку капитулација на Украина

Францускиот претседател Емануел Макрон изјави дека целта на средбата во понеделник во Вашингтон, меѓу американскиот претседател Доналд Трамп и украинскиот лидер Володимир Зеленски, е претставување на заеднички фронт на Украина и европските сојузници.„Ако денеска покажеме слабост пред Русија, всушност поставуваме основа за идни конфликти“, рече Макрон по видеоконференцијата на Коалицијата на волни, каде што западните сојузници на Киев повторија дека се залагаат за траен мир и почитување на територијалниот интегритет на Украина.Францускиот претседател нагласи дека нема да има разговори за украинските територии без учество на Украина, ниту пак може да се зборува за безбедноста на Европа без самите Европејци. Тој побара Украина и европските лидери да бидат директно вклучени во сите идни мировни самити.„Утре одиме во Вашингтон не само да го следиме претседателот Зеленски, туку и да ги браниме интересите на Европејците“, додаде Макрон.Во однос на Русија, Макрон беше јасен: „Мислите ли дека претседателот Путин сака мир? Ако ме прашувате мене – не. Тој сака капитулација на Украина. Тоа е она што го предложи“.Претседателот на Европскиот совет, Антонио Кошта, порача дека заедничкиот настап на Европа и САД е клучен за одржлив мир.„Ако не се договори прекин на огнот, ЕУ и САД мора да го зголемат притисокот врз Русија“, напиша Кошта на платформата Х.

Свет | пред 5 месеци

Почина 21-годишниот Виктор Боневски, млад фудбалер кој храбро се бореше со тешка болест

Почина 21-годишниот Виктор Боневски, кој се бореше со малигна неоплазма на абдоменот. Тој беше опериран, но за жал, ја изгуби битката со болеста. На социјалните мрежи, од него се простуваат блиските, роднините, пријателите. Веста ја обзнани неговиот брат Даниел.Виктор Боневски беше фудбалер, чија кариера беше прекината во повеќе наврати, по дијагностицирање на рак на тестиси, рак на абдомен и неколку други органи, дијагнози со кои македонското здравство не успева да се соочи успешно во повеќе наврати, и поради тоа е приморан да го продолжи своето лекување во Турција. Парите за лекувањето беа собирани преку процес на донации, во кој беа вклучени бројни граѓани, јавни личности, меѓу кои и групата ДНК.За неговата болест, Виктор зборуваше отворено и јавно:

пред 5 месеци

(Видео) Поплави во Љубојно по силното невреме: жителите повторно предупредуваат на опасноста од сечата на шумите

Силно невреме попладнево го зафати преспанското село Љубојно. Поплавени се делови од куќи, дворови и улици, а земјениот пат кон шумата е дополнително оштетен.Жителите сведочат дека дождот паѓал околу 40 минути, од кои половина час бил проследен со интензивни врнежи, а околу 20 минути со големи зрна град. Водата го раскопала патот кој, како што велат, веќе бил нарушен од камионите што превезуваат дрва од шумата.„Денес и природата си го кажа своето – шумата е нашиот најсилен штит. Таа го спаси Љубојно. Затоа мора да се сфатат последиците од одлуките што се носат далеку од реалноста. Ако не се преиспитаат, утре може да биде доцна – за нас, за Преспа, за Македонија“, напишаа мештаните на социјалните мрежи.Жителите веќе седум дена протестираат за да ја запрат сечата кај манастирот над селото. Тие предупредуваат дека токму шумата ги брани селото и Преспа од поплави и ерозии, и оти без неа последиците од вакви невремиња би биле далеку поголеми.Од Владата, пак, објаснија дека станува збор за регуларна сеча на нискостеблен даб во одделите 29 и 30 на шумско-стопанската единица „Пелистер – Брајчино“.„Дабот има сечна зрелост согласно сите научни принципи. Оваа сеча е само една од стотиците во Македонија, спроведена по закон и со целосна контрола. Направен е премер од стручни лица, изготвен е план рецензиран од комисија, кој е одобрен од Министерството за земјоделство, шумарство и водостопанство“, велат од Владата.

Македонија | пред 5 месеци

(Видео) Сообраќајка на автопатот Тетово–Скопје, има помал застој

На авопатот Тетово-Скопје се случи сообраќајна несреќа, во која неофицијално, нема тешко повредени.На овој дел, после Групчин, има застој, бидејќи двете возила се сеуште на патот.

Македонија | пред 5 месеци

СДСМ за изборниот законик: „Пропуштена е шансата за фер и прифатлива рамка“

„Жалиме што власта ја пропушти шансата да се обезбеди изборна рамка која е фер, праведна и прифатлива за сите.Пред вчерашната седница на ЗКП имавме координација на која сите партии, освен ДУИ, ја поддржаа иницијативата за праг од 0,5% за независните кандидати. Со неприфаќањето на ова решение, се ризикува изборниот процес да се претвори во хаос.Наш став е дека прашањата за изборниот законик мора да се разгледуваат внимателно и со почитување на сите правни аспекти. Наместо тоа, власта ја пропушти можноста да воспостави рамка која ќе обезбеди транспарентни и демократски избори“, изјави портпаролката на СДСМ, Богданка Кузеска.

Македонија | пред 5 месеци

(Видео) Напнати протести во Србија: Парола против власта, судири со полицијата

Вечерва во Белград и неколку други градови се одржаа нови граѓански протести кои ескалираа во судири со полицијата.Белград – симболичен отпор во кампусотВо кампусот на Универзитетот во Белград, полицијата влезе на терен, што демонстрантите го оценија како директно нарушување на автономијата на универзитетот. Реакцијата на собраните беше симболична – граѓаните пееја: „Коалиција – чаци и полиција.“Оваа парола, која брзо се рашири меѓу присутните, ја изрази перцепцијата за спојот на власта и безбедносните сили во потиснувањето на протестите.Валјево – пиротехника против полицијаВо Валјево, според извештај на ТВ Нова, демонстрантите со пиротехника ги гаѓале полициските единици.Нов Белград – солзавец и тешко вооружени силиОколу 22:30 часот, полицијата интервенирала на Нов Белград и употребила солзавец за да ги растера демонстрантите. На булеварот „Михајло Пупин“ беа распоредени силни полициски единици и возила на МВР, а низ околината се слушаа топовски удари и пиро техника.Ситуацијата накратко се смири по првиот инцидент, кога беше фрлен солзавец.

Свет | пред 5 месеци

Му откажаа бубрезите на брутално претепаното момче во Ваљево

Потпретседателот на Демократскатра партија во Србија, Миодраг Гавриловиќ, изјави дека шеснаесетгодишното момче кое беше претепано на протест во Ваљево е во многу сериозна состојба и дека бубрезите му откажале.„Невидено полициско насилство е регистрирано овие денови во Ваљево. Момчето А.Р. кое беше брутално претепано во Ваљево е родено во 2009 година, има само 16 години и е во многу сериозна состојба бидејќи бубрезите му откажале“, напиша Миодраг Гавриловиќ, поранешен пратеник и потпретседател на Демократската партија на социјалната мрежа X.Според Гавриловиќ, тој бил префрлен во Белград во приватна болница и е во исклучително сериозна состојба, бидејќи бубрезите му откажале.„Би ги замолил сите граѓани да бидат обединети и да дадат секаква можна помош и поддршка. Тој не е сам“, додаде Гавриловиќ.

Свет | пред 5 месеци

Вучиќ: Државата, заедно со народот, ќе ги гради и реновира просториите на обвинителството и СНС!

Претседателот на Србија, Александар Вучиќ, синоќа изјави дека државата, заедно со народот, ќе ги подигне и обнови просториите на обвинителствата и судовите, како и партиските простории уништени за време на протестите, наведувајќи дека доаѓа времето на одговорност.„Има едно добро во сето ова, сите маски паднаа, луѓето гледаат сè. Нивната нервоза се зголемува. Хистеријата се зголемува, а насилството станува сè поизразено затоа што немаат што друго да понудат“, рече Вучиќ во видео објавено на Инстаграм профилот „buducnostsrbijeav“, додавајќи дека ја напушта полицијата каде, според него, ги посетил борците кои ја штитат Србија од оние кои ја уништуваат секоја вечер.Тој истакнува дека доаѓа времето на одговорност.

Свет | пред 5 месеци

Работиме на тоа извршителите повеќе да немаат право да одземаат куќи и станови, вели Вучиќ

Во денешното обраќање, претседателот на Србија, Александар Вучиќ, зборуваше и за најавениот пакет економски мерки.-Ние сме многу посветени на новите економски мерки, се справуваме со тоа и се бориме за воспоставување нови програми и планови со кои граѓаните на Србија ќе бидат задоволни и кои многу ќе им значат да ја видат есента и зимата, нивните плати и пензии повторно да растат, без оглед на намалената стапка на раст, тие да добијат вистинско значење ако ги држиме цените и трошоците за живот под значително поголема контрола. Секако, овозможувањето пониски каматни стапки за потрошувачки кредити, станбени кредити и сите други видови позајмување пари, исто така, придонесува за подобрување на животниот стандард – рече Вучиќ.Тој додаде дека ќе следи „борбата за зачувување на домовите на луѓето, места на основен животен простор за луѓето, каде што извршителите нема да имаат право да им го одземат станот или куќата ако доверителот сака да се смири“.– Сметам дека ова е една од приоритетните точки на мојата работа во наредниот период, и многу наскоро, во следните седум до десет дена, ќе ја чуете суштината на програмата што сакав да ја презентирам, рече Вучиќ.

Свет | пред 5 месеци