Вучиќ најави „изненадувачки одлуки“: „Ќе ја видите сета одлучност на државата“

Претседателот на Србија, Александар Вучиќ, денеска од Палата Србија најави дека во следните три до четири дена граѓаните ќе видат „изненадувачки одлуки на државата“ поврзани со протестите кои деновиве ја зафатија земјата.Вучиќ своето обраќање го започна со коментар за средбата меѓу Доналд Трамп и Владимир Путин, а потоа се осврна на протестите во Србија. Рече дека сакал да зборува за економијата, но дека бил принуден да реагира поради „ужасните настани“ во Валево, Белград и Нови Сад.Претседателот повторно ги обвини демонстрантите дека имаат намера да убиваат, наведувајќи дека во Нови Сад „за малку не биле убиени 300 луѓе“.„Зарем тоа не е тероризам? Во Валево пак фрлаа молотови коктели и за малку ќе запалеа луѓе. Тоа е чист тероризам“, рече Вучиќ, додавајќи дека биле повредени вкупно 137 полицајци.Претседателот најави дека државата во следните денови привремено ќе се „повлече“, но дека потоа ќе следи силен одговор.„Ќе ви се чини дека сме се повлекле, но во еден момент ќе ја видите сета одлучност на државата Србија. Ќе искористиме сè што ни е на располагање за да воспоставиме ред и мир. Одговорот ќе биде многу поинаков од сè што сте виделе досега“, предупреди Вучиќ.На новинарско прашање дали е можно воведување вонредна состојба, Вучиќ одговори дека тоа засега не е опција.„Тоа е последна мерка. Не сме ја разгледувале и не би сакал ни да ја разгледуваме“, рече тој.

Свет | пред 5 месеци

Вучиќ: Факултетите се претворија во дувла и свињарници

Претседателот на Србија, Александар Вучиќ, се обрати нацијата по неколку дена масовни протести во земјата, кои кулминираа со судири со полицијата и напад врз институции во Валево.Мир во Украина – мир за СрбијаВучиќ ја поздрави средбата меѓу Владимир Путин и Доналд Трамп на Алјаска, велејќи дека „тензиите во Србија ќе бидат помали ако има мир во Украина“.Напад врз студентите и универзитетитеСо жесток тон, Вучиќ изјави дека образованието е уништено и дека „факултетите се претворени во дувла и свињарници“. Обвини дека дел од студентите и професорите ја поддржуваат „деструкцијата“ и „лажно се претставуваат како борци против насилство“.„Преварти, лажговци и терористи“Вучиќ ги нарече дел од демонстрантите „преваранти и лажговци“ и порача дека делата што се случија во Валево и Нови Сад претставуваат класичен тероризам според српскиот Кривичен закон.„Државата ќе одговори“Тој предупреди дека „прашање на денови е кога некого ќе убијат“ и најави „изненадувачки одлуки“ на државата во следните три до четири дена. „Ќе видите одлучен одговор, поинаков од сè што досега сте виделе“, рече Вучиќ.Напад врз Западот и „усташите“Претседателот обвини дека опозициските лидери избегнувале дијалог со властите, но затоа разговарале „со усташи како Пикула и Бартулица“.

Свет | пред 5 месеци

СДСМ и ВМРО-ДПМНЕ во нов економски дуел: „Филмови на Мицкоски“ против „Јахтите на Филипче“

СДСМ и ВМРО-ДПМНЕ повторно влегоа во жестока меѓусебна размена на обвинувања околу економијата и животниот стандард на граѓаните.СДСМ: „Филмовите на Мицкоски не ја плаќаат сиромаштијата“Социјалдемократите жестоко го нападнаа премиерот Христијан Мицкоски за неговата изјава дека „платите растат по 11, 12, 13 проценти на месечно ниво“.„Тоа е навреда за интелигенцијата на граѓаните“, велат од СДСМ, додавајќи дека официјалните податоци покажуваат спротивно: трошоците за живот растат далеку побрзо од платите, а минималната плата е меѓу најниските во регионот.„Во Македонија реалноста е сурова – цените растат секој месец, а приходите стагнираат. Наместо Нетфликс-филмови, Владата треба да ја зголеми минималната плата на 500 евра и да обезбеди повисоки примања во сите сектори“, порачуваат од опозицијата.ВМРО-ДПМНЕ: „Нека го прашаат Филипче како со плата стигнал до јахти и облакодери“Од ВМРО-ДПМНЕ возвратија дека СДСМ нема кредибилитет да зборува за стандардот. Тие го нападнаа поранешниот министер за здравство Венко Филипче, прашувајќи „како со лекарска и пратеничка плата стигнал до јахти, акции во авиокомпании и облакодери“.„Кога СДС беше на власт, државата беше на раб на банкрот, платите не се исплаќаа, а граѓаните тонеа во долгови. Сега, за една година, има повисоки плати, пензии, нови работни места и субвенции за земјоделците. Разликата е јасна: со СДС се крадеше, а сега со ВМРО-ДПМНЕ се градат темели на промените“, порача владејачката партија.

Македонија | пред 5 месеци

И Макрон со Зеленски во Вашингтон, потврденo и доаѓањето на шефот на НАТО

Францускиот претседател Емануел Макрон и финскиот претседател Александар Стаб потврдија дека утре ќе бидат во Вашингтон на средбата меѓу украинскиот претседател Володимир Зеленски и американскиот претседател Доналд Трамп.Според најавите, на состанокот ќе присуствува и генералниот секретар на НАТО, Марк Руте.Веќе е објавено дека во Вашингтон ќе дојдат и германскиот канцелар Фридрих Мерц, италијанската премиерка Џорџа Мелони, како и претседателката на Европската комисија Урсула фон дер Лајен.

Свет | пред 5 месеци

Нови обвинувања за злоупотреби со Еразмус+: ВМРО-ДПМНЕ и СДСМ се караат кој ги злоупотребил парите

Политичката сцена повторно се тресе околу скандалот со злоупотребите на европската програма Еразмус+. ВМРО-ДПМНЕ и СДСМ меѓусебно си упатуваат обвинувања за милионски проневери и за финансирање на партиски кадри преку европски средства.ВМРО-ДПМНЕ: „Фрчкоски добил 200.000 евра преку Еразмус+“Од ВМРО-ДПМНЕ тврдат дека дел од средствата наменети за млади и образовни проекти завршиле кај поединци блиски до СДСМ. Како пример го посочуваат професорот и поранешен министер Љубомир Фрчкоски, за кого велат дека добил 200 илјади евра преку проект на Еразмус+, додека агенцијата била раководена од Лидија Димова.„Наместо за образовни програми за младите, парите завршиле кај Фрчкоски, кој со години е најгласен бранител на СДСМ и идеолог на нивните политики. Тоа е уште еден пример како институциите биле злоупотребувани за партиски интереси“, соопштија од ВМРО-ДПМНЕ.СДСМ: „Скандалот води директно до ВМРО-ДПМНЕ“СДСМ возврати со контраобвинувања, наведувајќи дека злоупотребите со европската програма се случувале токму во време кога агенцијата била под раководство на кадри блиски до ВМРО-ДПМНЕ.„Владата на Мицкоски назначи за в.д. директор лице под активна истрага на ОЛАФ – Европската канцеларија за борба против измами. Од 2014 до 2017 година, преку структури поврзани со ВМРО-ДПМНЕ биле распределени над 8 милиони евра. Прашањето е: во чии џебови завршиле овие пари?“, велат од СДСМ.Социјалдемократите тврдат дека мрежата на сомнителни доделувања опфаќала и компании, како „Силвер Лион Сервисес“ и „Агронимија Органика“, за кои постојат наводи дека се дел од шемата идентификувана од ОЛАФ.Повеќе прашања отколку одговориСлучајот со Еразмус+ останува без правосилна разврска. Европската канцеларија за борба против измами (ОЛАФ) веќе неколку години води истраги, но јавноста сè уште нема конечни информации дали злоупотребите биле резултат на партиска шема или на поединечни прекршувања.Во меѓувреме, двете најголеми партии го користат скандалот како оружје во меѓусебните обвинувања – ВМРО-ДПМНЕ ја посочува одговорноста на СДСМ и нивните блиски луѓе, додека СДСМ тврди дека токму ВМРО-ДПМНЕ стои зад најголемата проневера на европски пари во Македонија.

Свет | пред 5 месеци

(Видео) „Сѐ е некако чудно, сѐ е заматено, не ги добивме одговорите“, вели Весна Бејби Петрушевака за несреќата на Тоше Проески

Актерката Весна „Бејби“ Петрушевска во гостувањето во подкастот „Претрес со Ландов“ отвори едно од најчесто премолчуваните прашања поврзани со трагичната смрт на Тоше Проески.„Има едно многу важно прашање на кое никој не одговори – ти знаеш како се вика шоферот на камионот? Јас не. Знаеш дека го задржале нешто... Јас исто така не знам. Дали некогаш се спроведе истрага – како, што, зошто, кој е тој камион, како избегал, зошто избегал?“, праша Петрушевска.Таа додаде дека одговори немаат ниту родителите на Тоше: „Колку што знаеме јас и ти, толку знаат и тие луѓе. Тоа ме мачи и мене, исто како што ја мачи цела Македонија и цел Балкан. Кај е шоферот? Зошто го нема? Во ниту еден извештај? Ништо нема. Трилер.“Петрушевска беше прашана и за возачот на автомобилот во кој загина Тоше.„Тој одлежа, Џоле. Колку што знам, некое време беше во затвор. Секако дека не може да е во добра состојба. Последен пат го видов кога ми ги донесе картите за последниот концерт на Тоше на стадион. Кога прашав и мајка му и татко му, беа сосема отсечни – не сакаат ни да го спомнат“, рече таа.Актерката се присети и на разговорите со Тоше во последните денови.„Вечерта во Вртелешка му беше повредена ногата од одбојка. Му реков – кој ќе те вози? А тој ми вика: ‘Џоле ќе ме вози’. Му реков: ‘Чекај, нова е колата, дали знае да ја вози?’ Тој само ме уверуваше – ‘Не се секирај, ќе возиме полека’... Но, знаеш ли што е најстрашно? До денес нема целосни обдукциски наоди. Делумно ги има, ама сè е чудно, заматено. Ние не ги добивме одговорите“, заклучи Петрушевска.Целиот разговор:?t=5242

Македонија | пред 5 месеци

Десет пожари низ Македонија – шест сè уште активни, меѓу кои и тој во „Јасен“ кој и натаму не е под контрола

Денеска до 12:00 часот, на територијата на Република Македонија се регистрирани вкупно 10 пожари на отворен простор, информира Центарот за управување со кризи (ЦУК).Активни пожари (6)Македонски Брод – Повеќенаменското подрачје „Јасен“ (мешана шума)Долнени – помеѓу селата Лажани и Кошино (ниска вегетација)Лозово – с. Бекирлија (шумски пожар, смрека)Куманово – с. Романовце (ниска вегетација и стрниште)Липково 1 – с. Слупчане (ниска вегетација и борова шума)Липково 2 – с. Лојане, кон с. Миратовце (ниска вегетација и стрниште)Под контрола (1)Јегуновце – помеѓу селата Рогачево, Јажинце и Долно Орашје (пасишта и мешана шума)Изгаснати (3)Штип – ул. Вељко Влаховиќ бр. 1 (ниска вегетација)Бутел – с. Лубанци (ниска вегетација)Куманово – с. Табановце и с. Лојане, место викано „Сланишта“ (ниска вегетација и стрниште)

Македонија | пред 5 месеци

Уапсени пет возачи под дејство на алкохол – двајца предизвикале и сообраќајни несреќи

Пет возачи се лишени од слобода во текот на вчерашниот и денешниот ден во Кавадарци, Куманово, Неготино, Скопје и Битола, откако биле фатени дека управувале возила под дејство на алкохол. Двајца од нив предизвикале и сообраќајни несреќи, информираа од Министерството за внатрешни работи.Неготино: На улица „Јане Сандански“ полициски службеници го лишиле од слобода 55-годишниот Е.Л., кај кого биле измерени 2,15 промили алкохол во крвта.Кавадарци: Во 22:30 часот бил приведен 24-годишниот И.В., кој учествувал во сообраќајна несреќа управувајќи „фолксваген голф“ со 1,58 промили алкохол.Скопје: На улица „Цветан Димов“ е лишен од слобода 49-годишниот А.С. кој предизвикал сообраќајна несреќа со „форд“ и управувал со 3,30 промили алкохол во крвта.Куманово: На булевар „Трета македонска ударна бригада“ полицијата привела 48-годишен возач на „форд“ со 1,70 промили.Битола: На улица „Св. Нектариј Битолски“ бил приведен 48-годишниот О.В. од село Баница, кој возел „фиат“ со 1,82 промили алкохол во крвта.Од МВР информираат дека сите случаи ќе бидат целосно документирани, а против приведените ќе бидат поднесени кривични пријави по член 297-а од Кривичниот законик – „Безобѕирно управување со моторно возило“.

Македонија | пред 5 месеци

Обид за убиство во Скопје: 28-годишна жена се обидела да ја задуши бабата на својот сопруг

Основното јавно обвинителство Скопје поведе истражна постапка против 28-годишна жена осомничена за обид за убиство – кривично дело по член 123 став 2 точка 2 во врска со член 19 од Кривичниот законик.Според обвинителството, на 15 август во домот на улицата „Борис Бојаџиски“ во Скопје, за време на семејно насилство, осомничената се обидела да ја лиши од живот бабата на својот сопруг, родена во 1938 година, со која живееле во семејна заедница.Додека жртвата одмарала во една од собите, осомничената влегла и ја заклучила вратата. Таа седнала врз бабата и ставила перница врз нејзината глава со намера да ја задуши, при што дополнително ја удирала со тупаници по главата. Нападот го прекинала мислејќи дека жртвата е мртва, по што му кажала на сопругот за стореното.Сопругот веднаш ја известил полицијата, а повиканата екипа ја пренела повредената во болница, каде биле констатирани нагмечувања на главата и вилицата, како и повеќе хематоми.Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничената. Од Обвинителството велат дека постојат очигледни околности кои укажуваат на опасност таа да го повтори делото или да го доврши започнатиот обид за убиство.

Скопје | пред 5 месеци

Алкараз во финале на Мастерсот во Синсинати – дуел со Синер за титулата

Шпанскиот тенисер Карлос Алкараз се пласираше во финалето на Мастерсот во Синсинати, совладувајќи го Германецот Александер Зверев во полуфиналето со 6:4, 6:3.Младиот Шпанец по час и 45 минути игра обезбеди нов голем дуел со својот најголем ривал и актуелен број еден на АТП-листата, Јаник Синер.Првиот сет беше решен во седмиот гем, кога Алкараз ја искористи втората брејк топка и стекнатата предност ја одржа до крајот на сетот.Во вториот сет се виде кратка размена на брејкови – Алкараз прв му го одзеде сервисот на Зверев, но Германецот веднаш возврати. Сепак, завршницата целосно му припадна на Алкараз, кој уште двапати му го одзеде сервисот на противникот и рутински го приведе мечот до крај.Со оваа победа, Алкараз избори ново финале на Мастерс турнир, каде што ќе се соочи со Синер (понеделник, 21:00 часот). Италијанецот во второто полуфинале беше подобар од француското изненадување на турнирот, Теренс Атман – 136. играч на светот, со 7:6 (4), 6:2.

Спорт | пред 5 месеци

Европските лидери за NY Times потврдија: Трамп ја поддржал идејата на Путин за крај на војната

Американскиот претседател Доналд Трамп ја поддржува иницијативата на Владимир Путин за постигнување мировен договор со Украина, кој предвидува предавање на делови од Донбас под руска контрола, објави New York Times, повикувајќи се на двајца високи европски функционери.Трамп им рекол на европските лидери дека верува оти мировен договор е можен ако украинскиот претседател Володимир Зеленски се согласи да се повлече од регионот Донбас, кој Русија не успеа целосно да го заземе и покрај повеќе од три години жестоки борби.Според изворите, на самитот на Алјаска Путин директно побарал Украина да се повлече од Донецк и Луганск како услов за запирање на војната. За возврат, Москва би се согласила да ја „замрзне“ бојната линија во јужните региони Херсон и Запорожје.Иако Луганск е речиси целосно под руска контрола, Украина сè уште ги држи главните делови од Донецк – вклучително и градовите Краматорск и Славјанск, како и силно утврдените позиции кои ја чинеле земјата десетици илјади жртви во одбрана.Поддршката на Трамп за предавање на Донбас – регион богат со јаглен и железна руда – доаѓа во момент кога тој јавно бара директно склучување мировен договор, а не само прекин на огнот, кој, според него, „често не трае долго“.

Свет | пред 5 месеци

МВР демантира: На ниту еден граѓанин не му беше скратено правото да присуствува на протестот во Кочани

Министерството за внатрешни работи ги демантира информациите објавени на дел од порталите и социјалните мрежи дека полицијата не дозволила влез на граѓани во Кочани за да присуствуваат на протестот „Маршот на ангелите“.Од МВР нагласуваат дека ниту еден граѓанин не бил спречен да влезе во Кочани, ниту пак му било ограничено правото на учество на протестот кој се одржа на 15 август.Како што објаснуваат од СВР Штип, полицијата вршела редовни контроли на возила и возачи на територијата на регионот, вклучително и во самиот град.„На ниту еден граѓанин на кој му беше извршена редовна сообраќајна контрола не му беше скратено правото на слободно учество на протестот и никој не беше задржан повеќе од нормално потребното време за контрола,“ велат од МВР.Институцијата апелира до граѓаните и медиумите да не шират дезинформации кои, како што наведуваат, „предизвикуваат вознемиреност и создаваат погрешна слика за постапувањето на полицијата“.

Македонија | пред 5 месеци

Ова е писмото што Меланија му го испрати на Путин – Трамп лично му го предаде

FOX News објави дека првата дама на САД, Меланија Трамп, испратила писмо до рускиот претседател Владимир Путин, кое американскиот претседател Доналд Трамп лично му го предал за време на самитот на Алјаска.Што пишува во писмото?Во писмото, кое е објавено во целост, Меланија се обраќа на емотивен начин:„Секое дете во своето срце носи исти тивки соништа, било да е родено во скромна рурална средина или во величествен град. Тие сонуваат за љубов, можности и заштита од опасности... Господине Путин, вие можете да им го вратите нивниот насмеан глас.Штитејќи ја невиноста на тие деца, ќе служите не само на Русија, туку и на целото човештво. Вие сте човек способен да ја оствари таа визија со еден потег на перото – веќе денес. Време е.“Reuters потврди дека Трамп на состанокот лично го предал писмото од својата сопруга. Меланија, родена во Словенија, не отпатувала со него на Алјаска.Проблемот со одземање на украински деца е една од најтешките точки во војната:Украина обвинува дека десетици илјади деца биле одведени во Русија или на окупираните територии без согласност на семејствата, што го квалификува како геноцид според Конвенцијата на ОН.Москва, пак, тврди дека само „штити ранливи деца од војната“, што Киев и Западот го нарекуваат пропаганда.

Свет | пред 5 месеци

Reuters откри детали: Ова е „мировната понуда“ на Путин

Русија би се откажала од помали делови окупирана Украина, а Киев би морал да препушти големи делови од источната територија кои Москва никогаш не успеа да ги освои – тоа е рамката на мировниот предлог за кој, според извори на Reuters, разговарале Владимир Путин и Доналд Трамп на самитот во Алјаска.Ова е првиот директен состанок меѓу двајцата лидери од почетокот на војната во февруари 2022 година.Зеленски патува во ВашингтонУкраинскиот претседател Володимир Зеленски утре ќе отпатува во Вашингтон, каде ќе разговара со Трамп за можен крај на војната. Трамп призна дека на самитот не бил постигнат прекин на огнот, но во интервју за Fox News потврди дека со Путин разговарал за трансфер на територии и безбедносни гаранции за Украина, додавајќи: „Мислам дека сме многу блиску до договор. Украина мора да се согласи. Можеби ќе каже ’не’.“Територија за мирСпоред изворите, предлогот на Путин не предвидува примирје пред конечен договор. Москва бара Украина целосно да се повлече од Донецк и Луганск, додека Русија би ја замрзнала линијата на фронтот во Херсон и Запорожје.Киев веќе одби слични идеи, со образложение дека Донецк е клучна одбранбена бариера и дека предавањето би било „црвена линија“.Што нуди Москва?Враќање на мали делови од Харкoв и Суми – околу 440 км².Задржување на Донбас (6600 км²) – Донецк и Луганск, кои Русија ги смета за свои.Признавање на анексираниот Крим – најмалку од САД, а можно и од цел Запад.Делумно укинување на санкциите – без прецизирање дали станува збор за американски или европски мерки.Блокада за НАТО членство на Украина, но отворање простор за „гаранции за безбедност“ – Трамп наводно зборувал за модел сличен на членот 5 од НАТО, „надвор од Алијансата“.Руски јазик и црква – Москва бара официјален статус на рускиот јазик и целосна слобода за Руската православна црква.Спорни условиУкраина во уставот има впишано стратегиска цел за членство во НАТО, а парламентот донесе и закон за ограничување на руските верски организации, поради обвиненија дека служат како алатка за шпионажа и пропаганда. Законот сè уште не е стапен во сила.Во Киев, дипломатските кругови веќе предупредуваат дека ваквата „понуда“ повеќе личи на план за капитуалација отколку на праведен мировен договор.

Свет | пред 5 месеци

Зелен хуман град: Подмолен обид на партиите за исклучување на граѓаните од политичкиот живот, ни фалат уште 500 потписи

Зелен Хуман Град се незадоволни од случувањата со измените на Изборниот законик во Собранието, со кои првичните прагови за собирање потписи за независни кандидатури од 1% од вкупните гласачи по општина беа прогласени за неуставни, но се врати скоро идентична бројка од 0,95%.Пратениците без ДУИ вчера не ги изгласаа измените, бидејќи не беше обезбеден Бадентер и сега се чека Упатството на ДИК за на хартија да се види дали треба или не собирање потписи. Но, некои се крајно скептични и се плашат дека ќе бидат изиграни и затоа ќе продолжат со собирање потписи или регистрирање партија.На социјалните мрежи Зелен хуман град го напишаа ставот за случувањата и што ќе значеше обезбедувањето поддршка од 0,95 проценти од гласачкото тело:„Со претходниот закон за независно кандидирање требаа 4.500+ потписи за Град Скопје, а со сегашниот предлог ќе требаат 4.430 – колку што на локалните избори во 2021 г. „тежеше“ едно советничко место.Измените на Изборниот законик се обид за лажно и привидно намалување на прагот кој е превисок дури и за држави со далеку побројно население од нашето. Ова е уште еден подмолен обид за целосно исклучување на граѓаните од политичкиот живот и обид за зацврстување на монополот на зацементираните партии кои повеќе од три децении буквално ги крадат нашето здравје, нашата среќа, нашите животи, а сега ни го крадат и правото на избор.ЗХГ продолжува да собира потписи од сите државјани на Македонија кои сметаат дека вреди да се поддржи единствената партија формирана од долгогодишни волонтери кои ги живеат принципите на заштита на животната средина, животните и социјална правда. Продолжуваме да собираме потписи од сите кои сметаат дека мора да се стави крај на префрлањето на топката меѓу играчите кои над 3 децении покажуваат дека играат против нас, граѓаните.Потписите може да се дадат на кој било нотар, а на нашите социјални медиуми се објавени нотарите кај кои има веќе испечатени документи за потпис. Дополнително потребно е вадење државјанство”.Од ЗХГ велат дека им фалат ушѕе 500 потписи.

Македонија | пред 5 месеци

„Ужасно, нож во грб“ – Украина во шок по сигналите дека Трамп ги прифаќа условите на Путин

Американскиот претседател Доналд Трамп, кој пред само неколку дена му најави на Володимир Зеленски дека ќе изврши притисок врз Владимир Путин заради војната, по самитот на Алјаска со рускиот лидер изненадувачки ја смени реториката и се доближи до позициите на Кремљ.Трамп: Сакам директен мировен договорНа својата мрежа Truth Social, Трамп порача дека сака „директно да се оди кон мировен договор, а не само кон примирје кое често се покажува како неодржливо“. Тој најави и дека нема намера да воведува нови санкции кон Русија – остар пресврт во однос на досегашната американска политика.Путинови услови: повлекување од Донецк и ЛуганскСпоред извори на Financial Times, Путин од Трамп побарал Украина целосно да се повлече од Донецк и Луганск, како предуслов за крај на војната. Во замена, Москва наводно би ја замрзнала линијата на фронтот на останатите делови од боиштата.Украински функционери реагираа жестоко.„Ова е нож во грб“, изјавил висок државен претставник за FT.Претседателот на собранискиот комитет за надворешна политика, Олександр Мережко, изјавил: „Ужасно.“„Трамп практично се усогласи со Путин, а сега двајцата можат да почнат да ја принудуваат Украина на мировен договор кој во суштина значи капитулација,“ предупреди тој.Украина: нема предавање на источните територииОфицијален Киев соопшти дека Зеленски нема да прифати откажување од Донецк и Луганск, иако е подготвен за преговори за територијалните прашања во Вашингтон и на евентуален трилатерален состанок со Трамп и Путин.Пратеничката и поранешна вицепремиерка Ивана Климпуш-Цинцадзе праша:„Како ќе го спречи тоа Путин да се прегрупира и повторно да нападне?“Граѓанската активистка Олга Ајвазовска предупреди дека предавањето на територии кои Русија никогаш реално не ги зазела би предизвикало огромна напнатост: „Тогаш ќе се отвори прашањето – зошто воопшто се браневме сите овие години?“„Голема победа за Путин“Според аналитичарот Александар Хара од Центарот за одбранбени стратегии во Киев, самитот бил „голема грешка и голема победа за Путин“. Тој предупредува дека ако преговорите пропаднат, Трамп би можел да ја префрли вината врз Зеленски.„Русија уште од 2014 смета дека секоја украинска влада е нелегитимна и верува дека целите може да ги постигне со воена сила,“ додаде тој.На боиштето: крвава реалностИ додека дипломатијата бара решение, на теренот продолжува жестоката војна. Русија изминатиот викенд се пробила 10 километри кај рударскиот град Добропиље, но украинската армија ги запрела со елитни единици – како Азов и 79. воздушно-десантна бригада.Зеленски изјави дека има „успеси на некои од најтешките делови од Донецкиот регион“, но предупреди дека Москва ќе продолжи со офанзиви за да обезбеди подобри позиции пред преговорите.Во близина на Покровск, украински командант на единица за дронови напиша на Телеграм:„Преговорите се преговори, но борбите продолжуваат. Ако не победиме на бојното поле – никаков договор нема да не спаси.“Во Киев, подготовките за самитот се одвиваа во необична тишина: неколку дена немаше напади со дронови-камикази врз главниот град, но денес повторно се огласија сирените за воздушна опасност.

Свет | пред 5 месеци

Ова е понудата на Путин за Украина

Рускиот претседател Владимир Путин, на средбата со американскиот претседател Доналд Трамп на Алјаска, побара Украина да се повлече од регионот Донецк како услов за завршување на војната, пишува Financial Times, повикувајќи се на повеќе извори.Според истите информации, Путин изјавил дека во замена за Донецк е подготвен да ја „замрзне“ линијата на фронтот на југ – во Херсонската и Запорожката област – и да се воздржи од нови офанзиви за освојување дополнителни територии.Трамп ја пренел оваа порака на украинскиот претседател Володимир Зеленски и на европските лидери во телефонски разговор, при што ги повикал да не инсистираат на класичен прекин на огнот со Москва.Financial Times наведува дека Путин јасно ставил до знаење дека не се откажува од своите клучни барања за „решавање на корените на конфликтот“, што фактички би значело редефинирање на украинската државност и стопирање на натамошното проширување на НАТО кон исток.Русија моментално контролира околу 70% од Донецката област, додека западниот дел – со повеќе градови – останува под украинска контрола и претставува клучна точка за одбраната на источниот фронт.Извори блиски до Зеленски за британскиот весник изјавиле дека Украина нема да се согласи на предавање на Донецк, но Зеленски е подготвен за разговори со Трамп во Вашингтон во понеделник, а отворен е и за евентуален трилатерален состанок со Путин.Ниту Белата куќа, ниту портпаролот на Кремљ Дмитриј Песков засега не ги коментираа наводите на Financial Times.

Свет | пред 5 месеци

Во сред бракоразводна постапка: маж од Прилеп ја згази, претепа и ѝ го искрши возилото на сопругата

Ја удрил со возило, па физички ја нападнал и ѝ го оштетил возилото на сопругата со која се разведуваат.„На 15.08.2025 во 15:40 во полициската станица во Прилеп 31-годишна жена од Прилеп пријавила дека околу 10:30 часот во близина на куќата каде престојува, била нападната од нејзиниот сопруг И.И., со кого се во бракоразводна постапка, инфрормираа од полицијата.Според пријавеното, тој прво со своето возило „голф“ ја удрил пријавителката, а потоа и физички ја нападнал, а и го оштетил и возилото. По целосно расчистување и документирање на случајот, ќе биде поднесен соодветен поднесок“, велат од МВР.

Македонија | пред 5 месеци

(Видео) Драматична акција: Полицијата ја спаси жената што се фрли во водите на реката Вардар

Денеска (16 август 2025) околу 14 часот во СВР Скопје било пријавено дека во реката Вардар, под мостот на улицата „Војвода Васил Чакаларов“, има женско лице.По пристигнување на местото на настанот, полициски службеници од ПС Карпош утврдиле дека лицето дава знаци на живот. Жената била веднаш извлечена од реката и со екипа на Итна медицинска помош пренесена во Ургентен центар при комплексот клиники „Мајка Тереза“ во Скопје, каде ѝ е укажана лекарска помош.Од Министерството за внатрешни работи потврдија дека се работи на целосно расчистување на случајот.

Скопје | пред 5 месеци

Изборниот законик падна на Бадентер – неизвесност за независните кандидати

Итната седница на Собранието за измените на Изборниот законик заврши без резултат – предлогот беше изгласан со мнозинство, но не помина на Бадентеровото гласање. Со тоа, останува неизвесно како независните кандидати ќе можат да учествуваат на локалните избори закажани за 19 октомври.Првичниот предлог предвидуваше независните листи да обезбедат потписи од 0,95% од запишаните избирачи во една изборна единица, наместо досегашниот еден процент. По расправата во комисии и прифаќањето на амандманот на Левица, прагот беше намален на 0,5%. Овој компромис беше поддржан од пратениците на СДСМ, ВМРО-ДПМНЕ и ЗНАМ.На првото гласање во пленарна сала, за измените гласаа 67 пратеници од вкупно 85 присутни, против беа 18, а воздржани немаше. Сепак, кога дојде до Бадентеровото гласање – услов задолжителен за одредби кои се однесуваат на изборниот процес – 18 пратеници од Европскиот фронт гласаа „против“, а само пратеници 11 беа „за“.Европскиот фронт реагираше дека измените се еднострани и во корист на владејачките партии, обвинувајќи дека се подготвуваат за мајоризација. „Се урива главниот заштитен механизам кој произлегува од Охридскиот договор – Бадентерот. Ова е прв пат да се дискутира за Изборниот законик без компромис и консултации со опозицијата“, порача Елми Азири.Од друга страна, од владејачката коалиција ВРЕДИ оценија дека опозицијата манипулира. „Влен се обидува да воспостави демократски вредности за граѓаните, а Европскиот фронт создава забуна околу тоа кој може, а кој не може да се кандидира“, изјави Саранда Имери-Стафаи.Со неизгласувањето на измените, ќе важи новото упатство на Државната изборна комисија (ДИК). Според него, кај советничките листи нема да биде потребно дополнително собирање потписи, а кај кандидатите за градоначалници ќе се бара поддршка од група избирачи со најмалку два потписи.Така, правната несигурност останува – дали ова упатство ќе биде доволно за несметано учество на независните кандидати или пак локалните избори повторно ќе се одржат во сенка на политички блокади.

Македонија | пред 5 месеци

„Спомените нѐ држат“ - по 18 пат родителите и роднините на загинатите во „Пулс“ на марш

Во Кочани денеска се одржува 18-тиот „Марш на ангелите“, собир во чест на жртвите од пожарот во клубот „Пулс“, во кој животот го загубија 62 млади лица. Настанот се поклопува со навршувањето на пет месеци од најголемата цивилна трагедија во поновата македонска историја.„Се навршија пет месеци од најтешкиот ден во нашите животи. Пет месеци празнина во срцето, пет месеци во кои секој здив е потежок од претходниот. Пет месеци без прегратките и гласот на нашите најмили. Во овие месеци болката не стивнува. Спомените нѐ држат исправени“, изјави Розета Џамова, сестра на загинатиот Јорданчо Џамов.Организаторите потсетуваат дека маршот не е само чин на сеќавање, туку и повик за правда и одговорност. Роднините на загинатите повеќепати изразија револт поради бавната истрага и недостигот од конкретни резултати.

Македонија | пред 5 месеци

„Филмови за плати“ – СДСМ: Изјавите на Мицкоски се навреда за народот

Опозициската СДСМ жестоко реагираше на изјавата на премиерот Христијан Мицкоски дека платите во земјава растат за 11, 12 и 13 проценти месечно. Според партијата, станува збор за „филмски изјави“ кои се потценување и навреда за граѓаните.„Каде тоа растат платите по 11, 12 или 13 проценти месечно? Ако е така, тогаш за шест месеци тие би пораснале за 66%, а за десет месеци дури за 110%. Граѓаните знаат дека реалноста е сосема спротивна – цените растат, а платите стагнираат“, порачаа од СДСМ.Од партијата додаваат дека статистиката го демантира Мицкоски. Вредноста на синдикалната потрошувачка кошница, според нив, пораснала за 3.473 денари од март до јули, додека просечната нето-плата за истиот период се зголемила за само 1.033 денари.„Македонија е четврта најсиромашна држава во Европа, а премиерот не дозволува минималната плата да се зголеми на 500 евра. Овие филмови на Мицкоски се само изговори за да не се покачат платите – за работниците трошки, а за власта луксузни возила, приватни авиони и егзотични овошја на државен трошок“, велат од СДСМ.

Македонија | пред 5 месеци

(Видео) Карлеуша сподели снимка по инцидентите: „Му*а, концертот заврши до крај – нападнаа жени и деца“

По инцидентите и навредливите извици кон неа на концертот во Лозница, Јелена Карлеуша се огласи на социјалните мрежи. Таа објави видео од крајот на настапот, отфрлајќи ги тврдењата на дел од медиумите дека настапот бил прекинат.„М**а. Заради ужасни текстови и коментари полни со омраза од медиуми од Хрватска и Босна, кои меѓу другото излажаа дека сум го прекинала концертот, имам потреба да ја објавам оваа снимка. Некои 20-тина платеници (со многу чуден изглед и акцент, како да не се од Србија) дојдоа со намера да го прекинат концертот, напаѓајќи жени и деца, но беа небитни во однос на прекрасните луѓе во публиката за кои настапив до крај“, напиша Карлеуша.Таа додаде и дека „српскиот народ ќе ја победи кризата и повторно ќе биде сложен“, но и порача дека не треба да се заборави „кои се пријатели, а кои непријатели“.Во друга објава пејачката им се заблагодари на присутните со порака: „Фала Лозница, бенгавме јако“, на што доби иронични коментари: „Чекај да те исправам, ‘бегавме јако’“.

Свет | пред 5 месеци

Со 16.000 евра се купува правда? Обвинителство со нов случај

Јавен обвинител од Основното јавно обвинителство за гонење на организиран криминал и корупција донесе наредба за спроведување истражна постапка против едно лице, осомничено за кривично дело – примање награда за противзаконито влијание.Според истрагата, во периодот од април до август годинава, осомничениот примил 10.000 евра за да искористи свое претпоставено влијание и да интервенира за извршување службено дејствие кое не смеело да се изврши – односно наводно да влијае врз одлуки во граѓански судски постапки пред Основниот граѓански суд Скопје и Апелациониот суд Скопје.Пријавителот се посомневал во поткуп на судииСлучајот започнал кога управител на едно правно лице, кој бил во судски спор, добил информации дека спротивната страна вршела сериозно влијание врз судиите со поткупи. За да ја провери информацијата, преку пензиониран судија добил контакт од осомничениот, кој му бил претставен како „лице близок со судии од Апелациониот суд Скопје“.При првата средба, осомничениот директно побарал 16.000 евра за да заврши спорот во корист на фирмата на пријавителот. Дополнително ги уверувал дека другата страна давала уште повисоки суми, но судиите не прифаќале да донесат одлука без правна основа.Исплати во рати и апсење на лице местоПоради неможност да обезбеди целата сума, пријавителот со осомничениот се договорил исплатата да се врши во три рати. На 30 април му предал 5.000 евра, по што осомничениот го уверувал дека исходот на постапката е сигурен. Во наредниот период тие останале во постојана комуникација.Меѓутоа, пријавителот потоа ја пријавил трговијата со влијание, а при следната исплата од 5.000 евра, осомничениот бил фатен на лице место и лишен од слобода веднаш по примопредавањето на парите.Предлог за притворЈавниот обвинител до судијата на претходна постапка од Основниот кривичен суд Скопје денеска достави предлог за определување мерка притвор, оценувајќи дека се исполнети законските услови за тоа.

Македонија | пред 5 месеци

Се комплетира сликата за ликвидираните во Боливија- со Дејанчо Л. во црните кеси биле и Хрват и Србин

Марко Шкербец, роден во Риека во 1992 година, кој исчезнал во Јужна Америка на 8 август, бил убиен во Санта Круз, Боливија, минатата сабота, заедно со српскиот државјанин Миљан Ѓекиќ (38) од Ниш и Дејанчо Лазаревски (43), познат како Македонец од Струмица, кој со себе имал бугарски пасош.Според добро информиран извор за „Јутарњи лист“, Шкербец имал неколку лажни идентитети под кои престојувал во Боливија, пренесе Индекс.Тој, заедно со Ѓекиќ и Лазаревски, биле на пат кон состанок кога биле ликвидирани минатата сабота во близина на градот Санта Круз, Боливија. Боливиската полиција ги пронашла нивните тела во кујната на изнајмена куќа.Конфликт меѓу нарко клановитеБоливиските истражители се сомневаат дека се убиени поради конфликт меѓу клановите Кавачки и Шкаљарски, или дека мотивот за убиството бил трговија со кокаин.На страницата „Исчезнати“, заедно со фотографија од Шкребец, се наведува дека тој бил маж со кафеава коса и овално лице. Меѓу карактеристичните знаци во времето на неговото исчезнување, наведено е дека имал тетоважа на сидро на левото рамо, тетоважа на неговата ќерка на градите и тетоважа на глаголско писмо на десната подлактица. Иако неговото живеалиште е во Риека, тој долго време престојувал во Боливија, а неговото исчезнување било пријавено во Полициската управа на регионот Приморје-Горска.Марко Шкербец е наведен како еден од водачите на криминалната група што го користела прекарот Коко на шифрираната апликација Скај. Во истрагата спроведена во 2020 година, Марко Шкербец и неколку други лица биле под надзор на тајната полиција. Стотици страници од обвинението содржат снимени разговори во кои се споменува Марко Шкербец, извештаи од надзор, фотографии од дрога и нивните транспортни патишта - од Шпанија, Италија, Германија до Словенија и Хрватска. Приложени се и фотографии со суми пари заработени од нелегална трговија со дрога.Марко Шкербец, кој, со оглед на тоа што по него биле издадени потерници, имал и неколку други документи, бил убиен во брутални судири меѓу клановите Кавачки и Шкаљарски. Овој конфликт не е немилосрден само во Србија и Црна Гора, каде што неодамна се евидентирани неколку брутални ликвидации, туку членови на спротивставените кланови се ликвидираат меѓусебно и во Хрватска, Словенија, Грција па дури и во Шпанија. Судирите се проширија во Јужна Америка, а некои избегаа во земји како Турција и Обединетите Арапски Емирати од страв од одмазда.

Свет | пред 5 месеци