Изгоре продавница на познатата „Пластичарска“ улица во Скопје

Голем пожар зафатил продавница на „Пластичарската“ улица во Скопје, поради што изгорела и фасадата на соседната куќа.МВР информира дека за среќа нем повредени, а интервенирала противпожарната бригада од Скопје.„На 23.07.2025 околу 18:10 часот во СВР Скопје било пријавено дека на бул.„Никола Карев“ во Скопје настанал пожар во продажен објект, сопственост на А.Л. (30) од с.Визбегово, скопско. Од пожарот е зафатена и фасада на соседната куќа, сопственост на Ф.Ш.(44) од Скопје. Пожарот е изгаснат од Бригадата за противпожарна заштита Скопје, а повредени лица нема. Извршен е увид од екипа на СВР Скопје“, пишува во полициското соопштение.фото: ФБ/ДЗС

Скопје | пред 6 месеци

(Видео) Пепел и пустош наместо природна убавина – скоро половина од копнената површина на „Езерани“ уништена во пожарот

Од некогашната зелена ризница на Преспа – Паркот на природата „Езерани“ – останаа пепел, чад и длабоки последици. Последниот силен пожар што беснееше на 20 и 21 јули 2025 година зафатил површина од над 500 хектари, нанесувајќи огромна штета врз живиот свет, квалитетот на водата и животната средина на локалното население – предупредува Македонското еколошко друштво (МЕД).„Во текот на месец јули, во неколку наврати избувнуваа пожари во Паркот на природата ‘Езерани’. Пожарот кој се случи на 20 и 21 јули беше со најголем интензитет и предизвика огромни последици врз квалитетот на живот на локалното население, биолошката разновидност, како и квалитетот на водите од Езерото. Пламените јазици проголтаа над 500 хектари површина, главно природа која треба да биде гордост во претставување на нашите природни вредности пред светот,“ соопштија од МЕД.Во изминатите денови, нивен тим предводен од Лазар Николов изврши детална анализа на терен, при што е утврдено дека се изгорени:околу 200 хектари трсканад 160 хектари шуми и галерии од врби и тополиприближно 100 хектари ливадиоколу 30 хектари шуми од евлаоколу 15 хектари земјоделски насади и овоштарници10 хектари преодни вегетациски типови во крајбрежниот појас на езерото„Нашите првични согледувања на терен се дека околу 50% од зафатените површини од шуми и овоштарници се целосно уништени. За да се добие перцепција за сериозноста на ситуацијата, можеме да истакнеме дека скоро половина од копнената површина на Паркот на природата ‘Езерани’ настрада во овој пожар, предизвикувајќи штети во вредност од милиони евра.Сакаме да истакнаме дека Паркот на природа ‘Езерани’ е прогласено за заштитено подрачје од IV-та катергорија според Закон за заштита на природа, согласно критериумите на Меѓународниот сојуз за заштита на природа (IUCN), а според нашите согледувања ‘Езерани’ претставува национално и светско природно богатство со кое треба да се гордее целата држава.Искрено жалиме за целата настаната штета која ја претрпе Преспа и се обврзуваме дека и во иднина ќе продолжиме да работиме на подигање на јавната свест за значењето на природата,“ – изјави Лазар Николов од Македонското еколошко друштво.Од управата на Паркот „Езерани“ потсетуваат дека во минатото имало неколку помали пожари, особено во периодот февруари–април, кога вегетацијата е во слаба развиеност и полесно може да се контролира огнот. Но, велат тие, пожар од ваков обем и интензитет во летниот, екстремно сушен период, досега не е забележан.„Во годините наназад, во и околу паркот, се сведоци на предизвикани пожари од помали размери кои се карактеристични во периодот февруари-април кога вегетацијата е многу слабо равиена, претставувајќи олеснителна околност при осмислување стратегии и тактики за брзо спречување на ширењето на пожарите. Меѓутоа, во ваков сушен период од годината, со толку многу лесно и брзо горлива вегетација, пожар од ваков интензитет и размери е незапаметен,“ – стои во нивното соопштение.

Македонија | пред 6 месеци

На ЕОИ има повредени спортисти, Литванец се здоби со скршеници, велосипедисти од Исланд се удрени од автомобил

Фотографија од еден од повредените исландски велосипедисти, кој учествува на Европскиот младински олимписки фестивал (EYOF) во Скопје, денеска предизвика лавина реакции на социјалните мрежи. На неа се гледа младиот спортист со целосно преврзана глава, и скршена рака. Станува збор за млад велосипедист од Литванија кој се повредил во трка.Но, други двајца велосипедисти од Исланд се удрени од возило додека имале неофицијален тренинг за денешната трка.„На 23.07.2025 во 12.09 часот во СВР Куманово било пријавено дека на регионалниот пат Куманово-Свети Николе, атар на с.Зубовце, кумановско, патничко возило „фолксваген пасат“ со кумановски регистарски ознаки, управувано од Н.Б.(42) од Куманово, удрило во двајца малолетни велосипедисти од Исланд, кои се учесници на младинските европски олимписки игри, што се одржуваат во нашата земја и кои се подготвувале за денешната велосипедска трка. Во незгодата со телесни повреди се здобиле двајцата велосипедисти, констатирани во Општа болница Куманово. Извршен е увид од увидна екипа на СВР Куманово.„Срамота за земјата. Дојдоа деца да се натпреваруваат, да сонуваат, а ги однесовме на хирургија“, се вели во еден од коментарите на социјалните мрежи.Голем дел од јавноста го изразува својот гнев и сочувство со младите спортисти и нивните семејства. Корисниците апелираат до властите и организаторите да ја преземат одговорноста и да гарантираат дека ќе се расветли како дојде до ваков безбеден пропуст, особено кога се работи за официјален меѓународен спортски настан.Инаку, Европскиот младински олимписки фестивал, кој за првпат се одржува во Македонија, требаше да биде симбол на спортски дух, младинска енергија и европска соработка. Наместо тоа, овие сцени го засенија целиот натпреварувачки дух.

Македонија | пред 6 месеци

Јаневска: Предметите историја и географија се вратени во образовниот систем, испечатени се учебници и зголемени се платите на наставниците

Во рамки на вечерашната трибина насловена „Образование и социјална политика, ги градиме темелите на промените“ свое обраќање имаше претседателката на Комисијата за образование и наука и министерката за образование и наука, Весна Јаневска. Таа истакна дека во изминатите години се правеле експерименти во образованието, како што кажа, од немање учебници до концепти каде што ја нема историјата, како и незадоволни наставници, професори, деца и родители. Министерката додаде дека Владата на ВМРО-ДПМНЕ и Коалицијата заедно со Министерството за образование ги поставиле темелите за изградба на еден силен национален систем.„Не само што немаше учебници, ние снемавме и деца, тоа е резултатот на седумгодишното владеење на претходната власт. Владата на ВМРО-ДПМНЕ и коалицијата заедно со Министерството за образование, ги поставија темелите за изградба на еден силен, модерен, национален систем, ефикасен, конкурентен со другите држави, кој би бил на задоволство на сите чинители, сите фактори кои се вклучени во тој систем, а со една единствена цел, стекнување на поголемо знаење, ефикасност и максимална инклузивност“, нагласи министерката Јаневска.Јаневска информираше дека во образовниот систем вратени се националните предмети историја и географија, иако минатата власт се обидувала да ги избрише, односно да ги интегрира во некаков замислен систем.„Со оваа цел тргнавме речиси од ништо, со огромни долгови. Затекнавме 5 милијарди долг, немаше учебници, се помалку ученици. Она што прво го направиме, а тоа е делувавме политички, ја вративме историјата и географијата како национален предмет во образовниот систем кои се обидоја со гумичка да ги избришат, всушност да ги интегрираат во некаков замислен систем. Испечативме учебници и за прв пат годинава ќе имаме после 7 години учебници за странски јазици, и учебници по секој предмет што нашите деца, наставници и родители секако ги заслужуваат“, децидна е Јаневска.Јаневска истакна дека бил направен голем и крупен чекор со којшто ја вратиле довербата во институцијата Министерство за образование и наука, но секако и во Владата, бидејќи претходната власт оставила хаос и разурнати институции.„Дадовме порака на главната алка во тој систем, а тоа се наставниците со подигање на платата во период од шест месеци за повеќе од 12%, но поважното е што ние веднаш по доаѓањето на власт потпишавме четиригодишен договор за постојано покачување на платата на наставниците. Следните четири години секоја година ќе има покачување на платата на наставниците. И секако некаде повеќе од 14% на наставниците во високото образование“, заклучува Јаневска.

Македонија | пред 6 месеци

Шумски пожар беснее на Кипар, две лица загинаа

Во големиот шумски пожар што вчера попладне избувна во јужните делови на Кипар загинаа 2 лица.Најмалку 10 лица се повредени од кои две посериозно.Големиот шумски пожар на Кипар уништи 100 квадратни километри пошумени ридови, многу домови и принуди евакуација на 14 села на јужната страна од планинскиот венец Троодос.Пожарот избувна вчера околу пладне, а пожарникари од целиот остров, вклучувајќи и 14 авиони, шест противпожарни возила од градските и окружните противпожарни станици во Лимасол, како и поддршка од Одделот за шумарство и волонтери, брзо се упатиле кон местото на настанот.Кипар побара помош преку механизмот за цивилна заштита на Европската Унија за справување со огнените стихии.

Македонија | пред 6 месеци

Потрага во Вардар: Исчезна 16-годишно девојче, 26-годишна девојка спасена!

Денеска, во 16:42 часот, на бројот за итни повици беше примена пријава за две потонати женски лица, на возраст од 16 и 26 години, во реката Вардар, во близина на селото Уланци, Општина Градско.Пријавата била поднесена од лице присутно на местото на настанот – сестра на 16-годишното девојче – која, во видно вознемирена состојба, побарала итна помош. Набргу потоа, се јавил и доктор од ИМП Велес, кој ја потврдил информацијата и побарал ангажирање на тимови за потрага и спасување на вода.По приемот на пријавата, Центарот за управување со кризи веднаш ги извести надлежните институции – СИКС при МВР, Оперативниот центар на Генералштабот и Дирекцијата за заштита и спасување – со барање за итно ангажирање на тимови за потрага и спасување на вода.Според последните информации од терен, на локацијата е присутна екипа на МВР со чамец, а 26-годишната жена е пронајдена жива.Потрагата по 16-годишното девојче продолжува.

Македонија | пред 6 месеци

Собранието не изгласа резолуцијата со која Израел треба да дозволи влез на хуманитарна помош за цивилите во Газа

Мнозинството пратеници не дадоа поддршка за предлог-резолуцијата за хуманитарната ситуација во појасот Газа.Поддршка дадоа само 16 пратеници, меѓу нив и 6 пратеници на Левица.Со резолуцијата беше предвидено Израел да дозволи влез на хуманитарната помош.Левица остро ја критикуваше одлуката на Законодавниот дом.„Од народ кој во Втората светска војна извијува победа против фашистичкото зло и се позиционира на правилната страна на историјата, денес со партии со неоколонијален и вазален менталитет молчиме, додека деца умираат од глад”, реагираше пратеничката на Левица Јована Мојсоска.Со оваа резолуција се бараше од Израел да овозможи без одлагање влез на хуманитарна помош и тоа храна, медицински средства и логистичка поддршка за цивилното население во појасот Газа, во согласност со меѓународното право, како и со одлуките на релевантните меѓународни тела и организации и се упатуваше повик кон Обединетите нации, Европската унија, Исламската Конференција, како и сите други меѓународни организации да засилат дипломатски и хуманитарен притисок врз Израел за прекин на хуманитарната блокада и за подобрување на условите за цивилите.Резилуцијата беше предложена од пратениците Скендер Реџепи, Арбана Пашоли, Рина Ајдари, Муса Џафери, Дијана Тоска, Илире Даути и Сали Мурати.

Македонија | пред 6 месеци

Мојсоска: Левица гласаше за хуманитарна помош за Газа – собранието ја отфрли резолуцијата

Само 16 пратеници, од кои шест пратеници од Левица, во македонското собрание гласаа за Резолуцијата за хуманитарна помош на Газа.„Во моментов во Собрание само 16 пратеници гласаа хуманитарна помош на Газа (од кои 6 пратеници на Левица) - односно Израел да дозволи влез на хуманитарната помош.Додека палестински деца умираат од глад, македонското собрание не само што не го осуди ционизмот на Израел (за разлика од многу европски држави) - туку не се уважува барем срамежливо да побара хуманитарна помош пред најголемиот геноцид на нашето време!“, напиша пратеничката на Левица, Јована Мојсоска.Понатаму во својот коментар Мојсоска вели дека од народ кој во Втора светска војна извојувал победа против фашистичкото зло и се позиционира на правилната страна на историјата, денес со партии со „неоколонијален и вазален менталитет“ се молчи додека деца умираат од глад.„Се срамам од генерација која е апатична, индиферентна и колаборационистичка пред најголемото злосторство на нашето време“, го завршува својот коментар Мојсоска.Инаку резолуцијата која беше поднесена во македонското собрание бара од државата Израел да дозволи итно воведување хуманитарна помош (храна, медицински материјали и логистичка поддршка) за цивилното население во Газа, во согласност со меѓународното право, како и одлуките на релевантните меѓународни тела и организации. Со резолуцијата исто така се бараше ОН, Европската унија, Исламската конференција и сите други меѓународни организации да го зголемат дипломатскиот и хуманитарниот притисок врз Израел за прекин на хуманитарната блокада и подобрување на условите за цивилите.

Македонија | пред 6 месеци

Исчезна 34-годишна жена од Прилеп, има здравствени проблеми - семејството моли за помош

Семејството на 34-годишната Б.Ј.А. од Прилеп алармира за нејзино исчезнување и преку социјалните мрежи повикува на помош во нејзиното пронаоѓање. Како што информираат од СВР Битола, на 23 јули 2025 година, во 23:02 часот, нејзината сестра С.Ј.М. пријавила дека Б.Ј.А. со возило се оддалечила од домот и оттогаш ѝ се губи секаква трага.Според пријавата, исчезнатата жена имала здравствени проблеми, што дополнително ја зголемува загриженоста кај семејството и јавноста.Се преземаат мерки за нејзино пронаоѓање, а сите кои имаат каква било информација се повикуваат да се обратат во најблиската полициска станица или да се јават на телефонскиот број 192.-Луѓе мои помагајте Ве премолувамМојата сестра Биљана е исчезната веќе повеќе од 24 часа.Последен пат е видена во С. Крушеани од каде заминала со својот автомобил Audi A4 со рег.таблици PP 7822AG темно мастилна боја. Од таму и се губи секоја трага и мобилниот и е недостапен.Ве молам доколку некој ја забележи да ме контактира мене или некој од моето семејство.Ве премолувам помагајте мојата сестра и мајката на Дори и Таиса да се врати жива

Македонија | пред 6 месеци

Автомобил покоси двајца исландски спортисти – учесници на Европските младински олимписки игри, завршија во кумановската болница

Двајца малолетни велосипедисти од Исланд, учесници на Младинските европски олимписки игри што се одржуваат во нашата земја, се повредени во сообраќајна несреќа што се случила на 23 јули 2025 година, во 12.09 часот, на регионалниот пат Куманово–Свети Николе, во атарот на село Зубовце.Како што информираа од СВР Куманово, патничко возило „фолксваген пасат“ со кумановски регистарски ознаки, управувано од 42-годишниот Н.Б. од Куманово, удрило во двајцата велосипедисти додека тие се подготвувале за денешната велосипедска трка.Повредените спортисти се пренесени во Општата болница во Куманово, каде им биле констатирани телесни повреди. Извршен е увид од увидна екипа на СВР Куманово.

Македонија | пред 6 месеци

Храбриот полицаец од Тетово кој спречи самоубиство на млада девојка ќе биде награден

Министерот за внатрешни работи Панче Тошковски денеска го прими полицискиот службеник Беким Исмани од СВР Тетово, кој вчера со присебност и храброст спречи млада девојка да изврши самоубиство, ризикувајќи го сопствениот живот при интервенцијата.Настанот се случи вчера во Тетово, кога полициски службеници реагирале навремено на дојава за девојка во психолошка криза, која се обидувала да си го одземе животот. Во моментот на интервенцијата, полицаецот Исмани бил повреден од нож кој девојката го држела во рака, но успеал да ја спречи трагедијата и да ја спаси.„Станува збор за млада девојка, жртва на тешка животна ситуација и психолошка криза. Благодарение на навремената и решителна интервенција на нашите полициски службеници од СВР Тетово, таа денеска е жива и надвор од опасност. Ова не е само службено постапување, ова е чин на пожртвуваност, хуманост и длабока посветеност на мисијата да се заштити секој човечки живот“, изјави министерот Тошковски.Тој најави дека во рамки на законските можности ќе го награди полицаецот Беким Исмани како признание за неговата храброст, професионализам и несебично постапување.

Македонија | пред 6 месеци

Драма, крв и тепачка на летот Загреб-Малме

Вистински хаос се случил на летот на „Рајанер“ од Загреб до Малме.Според порталот „Афтонбладет“, дошло до жестока тепачка меѓу двајца мажи кои се тепале до крв.„Непосредно пред слетувањето, светлата се изгаснаа. Одеднаш, двајца мажи почнаа жестоко да се тепаат. Се тепаа и паѓаа врз другите патници“, изјави една патничка за шведските медиуми. Во кабината владееше целосен хаос.„Имаше многу деца и жени кои плачеа. Луѓето беа во паника и се обидуваа да трчаат кон задниот дел од авионот за засолниште. Имаше крв насекаде.По слетувањето, обезбедувањето веднаш влегло во авионот за да ги совлада насилниците кои се шведски државјани. Едниот од нив добил пријава за напад.

Балкан | пред 6 месеци

Ревизорите утврдиле: Не се знае кој управува со спортските сали и базени каде се вртат милиони

Државниот завод за ревизија ги ,,чешлаше” финансиските извештаи заедно со ревизија на усогласеност на Јавното претпријатие за стопанисување со објекти за спорт во сопственост на Република Северна Македонија, за 2023 година.Еве кои неправилности се уочени: Не биле во можност да ги потврдат вредностите на позициите во активата и пасивата во Билансот на состојба на ден 31.12.2023 година проценети во вкупен износ од 2.178.239 илјади денари.Ревизорите увиделе дека ЈП не располага со евиденција на договори за објектите кои се дадени под закуп (локација, површина, катастарски податоци, функционалност на објектот, податоци за склучени договори и анекси на договори, времетраење и висина на закуп, начин на плаќање), поради што ревизијата не беше во можност да потврди дека искажаните приходи во износ од 6.212 илјади денари се според сите активни договори и во висина на договорениот надомест за закуп.И покрај тоа што на 1 мај 2017 година престанува да постои законскиот основ за работа на Јавното претпријатие за стопанисување со објектите за спорт во сопственост на Република Македонија, истото продолжува да работи во континуитет, предупредува Државниот завод за ревизија.Објектите се давале под закуп на долг период 20-30 години, закупнините се мали во однос на големината на просторот што се дава, не постои документација за промените запишани во имотните листи во однос на сопственост од легализација, приватизација или по друг основ, нема документација со која ќе се потврдат инвестициските вложување од страна на закупецот предвидени со договорите, се отуѓува имот од јавен интерес преку извршни постапки.Забележано е и дека непреземањето на објектите од страна на единиците на локална самоуправа придонело за поголемо запуштање, руинирање на објектите, нивно користење за намени кои не се во насока на спортот и бесправно владеење;Констатиран е долг во износ од 351.486 илјади денари по основ на судски пресуди за кој износ не постои сигурност дека е целосен, како и обврски од 78.363 илјади денари кон закупец на објектот „Олимписки базен“ во Скопје произлезено по судска одлука од минати години и која со години не е наплатена поради лошата финансиска состојба на ЈП.Ревизорите и укажуваат на Владата од потребата за утврдување на сите објекти кои биле во надлежност на ЈП и нивниот статус, како и преиспитување на правната и финансиската штетност на сите договори за закуп склучени помеѓу ЈП и трети лица со цел преземање на мерки за минимизирање на правните и финансиските ризици и заштита на државниот имот.

пред 6 месеци

СДСМ тврди: Владата им подготвува историска измама на пензионерите

СДСМ реагира на новото законско решение кое го подготви Владата за линеарно зголемување на пензиите по 1.000 денари во септември и март.Со ова решение, смета опозицијата, Владата практично ги излажала и им ускрати од пензиите на пензионерите двапати.Тие пресметале колку губат пензионерите.,,Според сегашниот закон кој го донесе СДСМ, пензиите се усогласуваат двапати годишно — во март и септември — врз основа на растот на платите и трошоците за живот. Ако Владата не го менуваше законот и се водеше по услогласувањето, пензиите во септември ќе се зголемеа за околу 5%.За пензија од 20.000 денари зголемувањето ќе беше 1.000 денари, исто како што сега со линеарното зголемување.Но за пензија од 25.000 денари, пензионерите би добиле 1.250 денари, а со новото решение добиваат помалку, само 1.000 денари.За пензија од 30.000 денари, наместо 1.500 денари, добиваат помалку.За пензија од 40.000 денари, наместо 2.000 денари, повторно добиваат двојно помалку, само 1.000.И така редоследно секој пензионер губи од пензијата.Според нашите точни пресметки, огромни 92,5% од пензионерите, односно над 318.000 луѓе, се оштетени со ова линеарно зголемување и ќе земаат помалку од тоа што им следува по закон.Само 7,5% од вкупниот број на пензионери ќе добијат нешто и тоа помалку од заслуженото“, тврдат од СДСМ.Адвокатот Валентин Пепељуговски предлага, Владата како што сака линеарно да ги зголеми пензиите, да донесе Закон со кој покачувањата за државните службеници и за сите функционери исто да биде линеарно.

Македонија | пред 6 месеци

Малиот Матеј заѕвони ѕвончето кое оначи дека победнички ја заврши битката со болеста

По тешка и храбра борба, малиот Матеј денеска со насмевка на лицето го заѕвони ѕвончето на Детската клиника во Скопје – симболично означувајќи го крајот на своето лекување.Ѕвончето, кое одамна прерасна во симбол на победа над болеста, одекна низ ходниците на клиниката, како сведоштво за храброста на едно дете за извојуваната битка.

Скопје | пред 6 месеци

Петти ден без вода во Црешево, Смилковци и Булачани: Жителите бараат итна реакција, Скопје1 побара одговор од институциите

Жителите на населените места Црешево, Смилковци и Булачани, кои се под надлежност на Општина Гази Баба, веќе петти ден се без водоснабдување. Ситуацијата е особено тешка поради високите температури, а граѓаните велат дека досега не добиле одговор ниту од ЈКП Гази Баба, ниту од градоначалникот, и покрај испратените пријави и барања за решение.Скопје1 се обрати до Јавното комунално претпријатие Гази Баба и до општината, со цел да добие официјален одговор и информации за причините за прекинот и кога се очекува нормализирање на водоснабдувањето.

Скопје | пред 6 месеци

Скопјани не сакаат да гасат пожари за 24.000 денари, огласот заврши, пријавени се помалку од 500

Заврши рокот за пријавување на јавниот оглас преку кој Владата побара 400 невработени лица за ангажман во борба против шумски пожари низ целата држава, со месечен надомест од 24.000 денари. Иако мерката беше промовирана како можност за обука и понатамошно вработување, бројот на пријавени кандидати едвај ја надминува потребната бројка, а интересот во Скопје е особено низок.Според директорот на Дирекцијата за заштита и спасување (ДЗС), Стојанче Ангелов, кој веднаш по објавувањето на огласот тврдеше дека интересот е огромен, сега вели дека има нешто под 500 апликанти на ниво на држава, додека за Скопје се пријавиле помалку од 50 лица, иако биле потребни 80.„Во следните два до три дена кандидатите ќе бидат контактирани и повикани во локалните територијални противпожарни единици. Дел од нив, особено оние што ќе работат преку ДЗС, ќе започнат со најмалку дводневна обука. Во тој период ќе се направи селекција на оние што ќе може понатаму да се дообучуваат како пожарникари“, изјави Ангелов.Најуспешните учесници ќе добијат можност да бидат примени во редовниот состав на локалните противпожарни служби, каде платите се повисоки – над 40.000 денари. Најдобрите меѓу нив, пак, ќе можат да станат дел од новата специјализирана единица на ДЗС, каде што условите и примањата ќе бидат уште подобри.„Специјалната единица ќе брои помалку членови, но ќе се користи на најризични и непристапни терени, каде што е потребна висока физичка подготвеност. Ќе се бараат млади, снаодливи и издржливи лица, кои ќе можат да одговорат на комплексни задачи“, истакна Ангелов.Тој додаде дека ангажманот за 24.000 денари е почетна фаза за проценка и селекција на кандидати, која треба да доведе до нови вработувања во службите за заштита и спасување.

Македонија | пред 6 месеци

Контролорите на летање алармираат: Работиме со опрема стара 25 години, ризиците се сè поголеми

Во Македонската навигација (М-НАВ) и денес се работи со техничка опрема стара четвртина век, а состојбата во контролата на летање станува сè поалармантна. Претседателот на Синдикатот на контролори на летање, Александар Тасевски, во гостување на „24 Анализа“ предупреди дека ако надлежните не реагираат навреме, постои реален ризик од сериозен инцидент во воздушниот сообраќај, сличен на трагедијата кај Кочани.– Жал ми е што морам да го споменам Кочани. Тоа беше голема трагедија, со тешки последици, и граѓаните на своја кожа почувствуваа што значи кога системот не функционира како што треба. И ние во контролата на летање се соочуваме со слични ризици – рече Тасевски.Според него, покрај застарената опрема, проблемите се продлабочуваат и поради нефункционалниот систем на кадровско селектирање и отсуството на поддршка за обезбедување квалитетна услуга.– Работиме со истиот систем од 1999 година. Нека се запрашаат граѓаните – каков компјутер или мобилен телефон имале тогаш, а каков имаат сега. А ние сè уште ја користиме истата опрема. Нашите соседи Србија и Албанија во меѓувреме ги сменија системите по три-четири пати. Кај нас, наместо подобрување, имаме ограничувања, нема политичка волја да се назначат компетентни луѓе и да ни се дадат услови за работа – вели Тасевски.Контролорите апелираат дека мора итно да се преземат чекори за модернизација на системот, бидејќи во спротивно, како што предупредуваат, во опасност е безбедноста на патниците и на целиот воздушен сообраќај во земјава.фото: ТВ24/Принт скрин

Македонија | пред 6 месеци

(Видео) Девојче крши излози во Капиштец, жителка бара од соседите ако некој го познава да пријави

Нарушување на јавниот ред и мир по полноќ во скопската населба Капиштец. Жители алармираат дека девијче крши излози.Сред ноќ, 03:15, повик од полиција. Излогот ви е искршен, дојдете овде е се отворено.Колку и да објаснувам не можам да го доловам чувството на вознемиреност, страв и неизвесност. Сред ноќ, не знаш кај си, не знаеш ни што се случува ни што се случило ни како ќе се заштитиш.Прегледување камери. Искршен излог. Деца шетаат. Љубезни соседи кои го гледаат нередот и се обидуваат да стапат во контакт. Снимка по снимка, го бараш моментот кога и што се случило.И не помага сознанието дека е дете. Останува непријатното чувство на незаштитеност барајќи чувари на сред ноќ кога сите спијат.Поразителната констатација дека младината ни е за никаде, ќе си ја повториме уште неколку пати, и ќе продолжиме понатаму, за жал без некоја суштинска промена. Освен ако не им дојде полиција на врата. Па да почувствуваат реално дека дејствата во вистинскиот свет имаат последици.Како што има последици и за нас. Како што за мене значеше непреспиена ноќ, физичко лошење од вознемиреност, вознемирени деца кои спијат до мене. Како што значи финансиски трошоци.Во спротивно, ќе простиме зашто ДЕВОЈЧЕТО “било луто”, “не сакало”, “било младо”. И јас сум била млада, па и лута, ама ни на крај памет не ми дошло да шутирам по излози, туку не сум ни ѕиркала по туѓи излози навечер бидејќи сум знаела дека е погрешно - да не ти излезе некој, да не има камери, да не направиш беља. Несакајќи.А денес за жал, не само што немаат ОСНОВНА култура и одговорност, туку се и максимално безобразни, невоспитани и усилени. Внатрешниот порив им дава за право да шутираат по излози, зашто реално, нема да осетат никаква последица.Затоа ве молам, комшии од Капиштец, погледнете го видеото и пишете ми доколку го препознаете девојчето. Последиците нема да бидат којзнае какви, но ако нема никакви, со здравје да си одиме.

Скопје | пред 6 месеци

Независни граѓански иницијативи, освен Зелен хуман град, како партија на локалните избори

И додека траат договорите каков закон да се донесе за учество на независните кандидати на локалните избори, тие одлучија здружено да настапат како политичка партија.Еве што стои во соопштението:Со здружување во заедничка формално регистрирана платформа, ќе се бориме против желбата на партиите да ги истиснат независните граѓански иницијативи од изборниот процес.Секој граѓанин има право да гласа за претставници кои навистина ги застапуваат неговите потреби.Во оваа нова платформа веќе се вклучени иницијативите Шанса за Центар, Независни За Карпош - За Заштита На Карпош, Зелените Од Гази Баба, граѓански активисти од повеќе скопски општини и други градови, а остануваме отворени и за други иницијативи од целата држава.Изминатиов период, повеќе граѓански организации – вклучително и Зелен хуман град – разговараа за формирање заедничка партиска платформа за здружен граѓански настап. Сепак, Зелен хуман град одлучи самостојно да се регистрира како партија и да настапи одделно.Ние останатите остануваме верни на вредностите на солидарност, заедништво, инклузивност и доверба.Ги информираме граѓаните дека платформата што ќе ја основаме формално мора да биде регистрирана како партија, а за тоа ќе ни биде потребна вашата поддршка. Законот дозволува потпис само за една опција, па затоа транспарентно информираме дека потпис за нашата заедничка граѓанска платформа и потпис за која било друга нова партија, вклучително и на ЗХГ, не може да се даде истовремено. Ќе мора да се направи изборот за тоа каде ја гледате вистинската граѓанска алтернатива во моментов.Во следниот период ќе споделиме повеќе информации во врска со процесот на поддршка и ќе ги претставиме нашите листи и кандидати. Сите граѓани без разлика на градот на живеење, ќе можат да ја дадат својата поддршка за нашата регистрација.Граѓаните заслужуваат избор – но и јасна слика. Ќе настапиме здружено, со чесни луѓе, силна визија и искуство стекнато од теренот.Нашата борба продолжува – отворено, храбро и заеднички

Македонија | пред 6 месеци

Жителите од Водно, Црниче, Пржино, Ченто, Маџари...без вода секој ден! Се тушираат и се перат кај роднини

Пак проблеми со водата. Во скопските населби Црниче, Пржино и делови од Водно, жителите со недели се соочуваат со сериозни рестрикции или намален притисок, а револтот расте.Маја С., жителка на Црниче, вели дека секое утро станува во 5 часот за да провери дали има вода за да се истушира пред работа.– Секој ден иста приказна – станувам, нема вода, се нервирам. Одам кај сестра ми или брат ми, а за милениците полнам туби од работа – вели таа.Слична е ситуацијата и кај Нена С., пензионерка од истата населба, која, крева шишиња за да направи ручек, да се измие, да ги наводни цвежињата.Според ЈП „Водовод и канализација“, проблемите произлегуваат од енормната и неконтролирана потрошувачка на вода, која предизвикува нестабилност во системот, особено во повисоките делови на градот. Дополнително, расте и бројот на дефекти на мрежата, кои, според граѓаните, не се санираат навреме, па чиста вода тече по улици и тротоари.– Градскиот водоводен систем функционира со намален притисок и со повремени прекини на водата во делови од градот. Се очекува стабилизирање на системот по 23:00 часот – соопштуваат од претпријатието и апелираат за рационална употреба.Од „Водовод“ велат дека дел од проблемот се и големите загуби на вода, кои достигнуваат и до 70%, и ги повикуваат граѓаните и локалните власти на соработка.Политичките препукувања не изостануваат. ВМРО-ДПМНЕ ја обвинија градоначалничката Данела Арсовска дека „се занимава со висока политика“, а половина Скопје нема вода.Скопската градоначалничка, пак, вели дека има „диви приклучоци“ во Шуто Оризари каде биле фатени и полициски службеници, а за што, тврди, МВР не поднело пријава.– Проблемот не е водата. Проблем се тие што ја крадат и институциите што ги штитат – порача таа.Во меѓувреме, градоначалникот на Бутел, Дарко Костовски, соопшти дека Владата издвоила над 110 милиони денари за решавање на долгогодишниот проблем со водоснабдување во селата Љубанци и Љуботен.фото: ФБ

Скопје | пред 6 месеци

(Видео) Пронајдени запалени остатоци од рускиот авион, се урнал пред да слета, бараат преживеани

Контролата на воздушниот сообраќај во Русија изгубила контакт со патнички авион Ан-24, кој според првичните информации пренесувал околу 50 лица. Леталото, во сопственост на авиокомпанијата „Ангара“, било на пат кон градот Тинда, во регионот Амур на крајниот исток на Русија, во близина на границата со Кина, пренесе 4NEWS.mk.Како што објави порталот SHOT, авионот исчезнал само неколку километри пред слетување. Гувернерот на регионот, Василиј Орлов, информираше преку Телеграм дека во авионот имало 43 патници, меѓу кои и пет деца, како и шест членови на екипажот. Тој нагласи дека сите достапни служби се мобилизирани и се веќе на терен.Руското Министерство за вонредни ситуации потврди дека хеликоптер Ми-8 на Федералната агенција за воздушен транспорт лоцирал остатоци од авионот кои биле во пламен. Првичните воздушни снимки ја прикажуваат опожарената фузелажа, додека спасувачките екипи се подготвуваат да пристапат до локацијата на несреќата.Сѐ уште нема официјални информации за евентуални жртви или преживеани. Министерството го ревидираше бројот на патници, наведувајќи дека се претпоставува оти во авионот имало околу 40 лица. Потрагата и спасувачката операција се во тек.

Свет | пред 6 месеци

Кривична пријава за градоначалникот на Крива Паланка, овозможил доградба без важечко одобрение!

Градоначалникот на Крива Паланка, Сашко Митовски, се најде под удар на законот само неколку месеци пред локалните избори – против него е поднесена кривична пријава за злоупотреба на службената положба и овластување, соопшти Министерството за внатрешни работи.Митовски е третопријавен во случајот што го процесуира СВР Куманово, во кој, според полицијата, со негово одобрување било овозможено физичко лице да продолжи со градба на објект со деловен простор иако дозволата била со истечен рок.Од МВР информираат дека кривични пријави се поднесени против вкупно три лица – К.П. (59), М.К. (41) и С.М. (38), сите од Крива Паланка.Првопријавениот, вработен во општината, изготвил решение за промена на инвеститор спротивно на Законот за градење, и покрај тоа што одобрението за градба било веќе неважечко. Второпријавената, која е раководител на Одделението за урбанизам, сообраќај и заштита на животната средина, не извршила потребен надзор и без да го провери рокот, со свој потпис го одобрила решението.Како што стои во соопштението, Митовски, во својство на градоначалник, не постапил со должно внимание и со свој потпис или факсимил и печат на општината, го потврдил документот како валиден, со што му овозможил на инвеститорот Г.С. да ја продолжи изградбата и покрај истечената дозвола.фото: ФБ

Македонија | пред 6 месеци

(Видео) Најцрн ден за турските пожарникари: Десет загинати во огнената стихија кај Ескишехир, и Кипар е во пламен на 45 степени!

Десет пожарникари го загубија животот, а уште 14 се здобија со повреди додека се обидуваа да го стават под контрола големиот шумски пожар што беснее во провинцијата Ескишехир, во централна Турција. Трагичната вест ја соопшти турскиот министер за земјоделство и шумарство, Ибрахим Јумакли, во средата.Според него, пожарникарските и спасувачките екипи се во постојана битка со пламените јазици во реонот Сејтигази уште од раните утрински часови. Во моментов се активни уште седум пожари во пет провинции во централна и западна Турција, додаде министерот.И Кипар се соочува со огнена закана. Моќен шумски пожар се прошири северно од Лимасол, поттикнат од силен ветер и екстремни температури, што принуди властите да евакуираат најмалку четири села. Портпаролот на кипарската противпожарна служба соопшти дека во погодениот регион, познат по лозарството, се причинети значителни материјални штети, вклучително и оштетени домови.Кипар официјално побара помош преку механизмите на Европската Унија, а помош пристигнува и од Јордан.Температурите на островот во средата достигнаа 43 степени Целзиусови, а според метеоролозите, се очекува да пораснат на 44 степени во четврток – највисоки досега оваа година.

Свет | пред 6 месеци

Тајланд и Камбоџа – ново воено жариште, ракетата погодила продавница, загинаа цивили!

Рано утрово избувнаа вооружени судири меѓу Тајланд и Камбоџа, соопштија армиите на двете земји, тврдејќи дека првите истрели биле испукани од другата страна.Тајландската војска во соопштението соопшти дека вооружените сили од соседна Камбоџа отвориле оган врз спорната погранична област во близина на храмот Та Моан Том, на околу 360 километри од главниот град Бангкок.Најмалку осум лица загинаа, соопшти тајландската полиција. Ракетата погодила продавница во Бан Нам Јен, на околу 20 километри од границата со Камбоџа, потврдил началникот на округот Кантаралак во покраината Сисакет за тајландската јавна телевизија PBS.Според Си-Ен-Ен, Тајланд ги обвини камбоџанските сили за испукање на две ракети БМ-21 во цивилна зона во округот Кап Чоенг, покраината Сурин, при што беа повредени тројца цивили.Тајландското Министерство за надворешни работи соопшти дека камбоџанските напади врз цивилните области продолжуваат цел ден, вклучувајќи го и нападот врз болницата Фаном Донг Рак.„Овие акти предизвикаа дополнителни загуби на животи и повреди кај тајландските граѓани“, изјави портпаролот на министерството на прес-конференција. Камбоџа претходно соопшти дека тајландски борбен авион Ф-16 фрлил две бомби на патот. Засега нема информации за жртвите на камбоџанска страна.Војската на Тајланд е побројна од соседна Камбоџа и во однос на персоналот и во опремата, објави Си-Ен-Ен.Тајланд има 361.000 активни војници распоредени во сите гранки на војската, три пати повеќе од големината на камбоџанската војска. Тајланд е исто така далеку пред Камбоџа во однос на воената опрема.„Тајланд има голема, добро финансирана војска, а нејзините воздухопловни сили се едни од најдобро опремените и обучените во Југоисточна Азија“, се вели во извештајот „Воена рамнотежа 2025“ на Меѓународниот институт за стратешки студии.Камбоџа нема борбено способни воздухопловни сили.Според Си-Ен-Ен, САД го класифицираат Тајланд како главен сојузник надвор од НАТО, што му обезбедува децении американска поддршка за воени програми. Во исто време, Тајланд ги зајакна врските со Кина во последниве години и разви силна домашна воена индустрија со помош на земји како Израел, Италија, Русија, Јужна Кореја и Шведска, се вели во извештајот.Според податоците на IISS, опремата на воздухопловните сили вклучува најмалку 11 модерни шведски ловци „Грипен“ и десетици постари американски ловци Ф-16 и Ф-5. Камбоџа нема борбено способни воздухопловни сили.На копното, Тајланд има неколку стотици тенкови, вклучувајќи 60 модерни кинески тенкови VT-4 и стотици постари американски тенкови. Камбоџа има приближно 200 стари кинески и советски тенкови, според „Милитар баланс“.Супериорност во артилеријатаТајландската армија има повеќе од 600 артилериски парчиња, вклучувајќи најмалку 56 моќни топови од 155 мм и повеќе од 550 влечени топови од 105 мм. Камбоџа има само дванаесет топови од 155 мм и околу 400 помали влечени топови.Во воздух, тајландската војска има американски офанзивни хеликоптери „Кобра“ и 18 транспортни хеликоптери „Блек Хок“. Камбоџа има само неколку десетици постари советски и кинески транспортни хеликоптери.Тајландските вооружени сили редовно учествуваат во меѓународни воени вежби, најпозната е годишната вежба „Кобра Голд“, која Бангкок ја организира заеднички со Индо-пацифичката команда на САД.Вежбата „Кобра Голд“ беше лансирана во 1982 година како заедничка вежба со Американците, а оттогаш им се придружија многу други учесници. Според американската војска, тоа е најдолготрајната меѓународна воена вежба во светот, заклучува Си-Ен-Ен.фото: ФБ/Тајландска војска

Свет | пред 6 месеци