Од македонската сцена до политиката на друг континент: Хелена Роза кандидат за советник во оптштина во Нов Зеланд

Поранешната македонска естрадна ѕвезда и ТВ-водителка Хелена Роза се впушта во политичка трка на локалните избори во Нов Зеланд. Таа е кандидатка за советничка функција во општината Норт Шор, која е дел од градот Окленд.-Драги ФБ пријатели. Имам чест оваа година да бидам кандидат на претстојните локални избори во Нов Зеланд, поточно кандидат за општината Норт Шор, која е дел од ОклендДоколку не ви е проблем стиснете лајк/фолов на мојата официјална страна.Секоја ваша поддршка ќе ми значи, порача Хелена Роза во објавата.Хелена Роза беше препознатливо лице на македонската медиумска и музичка сцена, особено активна во текот на 2000-тите. Пред околу десет години се пресели во Нов Зеланд, каде што живее и работи.Градот Окленд, каде што се наоѓа општината Норт Шор, е најголемиот и најнаселен град на Нов Зеланд, сместен на Северниот Остров. Се смета за главен економски и културен центар на земјата и е петти по големина град во Океанија.Фото: ФБ

Македонија | пред 6 месеци

Исчезна од радарите руски патнички авион, во него имало 50 луѓе, меѓу кои и пет деца

Патничкиот авион Ан-24, кој летал утрово на релацијата Хабаровск-Благовешченск-Тинда, ја изгубил комуникацијата на неколку километри од аеродромот во Тинда, во Амурската област, која граничи со Кина, на крајниот исток од Русија, соопштија службите за итни случаи.Авионот е во сопственост на авиокомпанијата „Ангара ерлајнс“, а во него имало 49 лица, вклучувајќи шест членови на екипажот и пет деца, јави ТАСС.Гувернерот на Амурската област изјави дека во потрагата по исчезнатиот авион Ан-24 се користат сите потребни сили и ресурси, објави РИА Новости.Потрагата е во тек.Како што објави новинската агенција РИА, повикувајќи се на соопштение од Центарот за цивилна одбрана и противпожарна безбедност, спасувачите отишле во округот Тиндински во Амурската област за да го бараат авионот.Според првичните информации, авионот немал пријавени технички проблеми пред да го изгуби контактот, пишува Ројтерс.

Свет | пред 6 месеци

Орајте и копајте околу дворовите!– Ангелов ги повика сопствениците на викендички да направат заштитни појаси од пожарите

Директорот на Дирекцијата за заштита и спасување, Стојанче Ангелов, ги повика сопствениците на објекти надвор од урбаните средини, како викендички и куќи, навремено да се подготват и да преземат мерки за заштита од евентуални пожари.„Ги замолуваме сите граѓани кои имаат викендички или куќи, реновирани куќи во напуштени или запоставени села, но и оние кои живеат во последните куќи во населбите и селата вклучително и оние околу градот Скопје, да ги исчистат своите дворови од вегетација. Нека изораат со мотокултиватор или трактор или веќе ако имаат трева таа нека биде одржувана и зелена, што е прилично тешко во месец јули во Македонија. Исто така и од надворешна страна на дворот нека изораат, нека има по неколку метри мек појас кој нема вегетација бидејќи од она што можеме досега да го видиме постои опасност никој да не биде поштеден од соочување со огнот“, апелира директорот на ДЗС, Стојанче Ангелов.фото: ФБ/ДЗС

Македонија | пред 6 месеци

(Видео) Миа Костова: Во Скопје порано имаше ноќен живот и немаше сељачишта, не се слушаше Јелена Карлеуша

Гостин во „Претрес со Ландов” е инфлуенсерката Миа Костова.„Си ја сакам Македонија и врзана сум тука.Ми стои во натална карта дека ќе вршам посериозна работа и ќе имам куп пари. Ова ми е најубавиот период, работам и уживам. Многу необразовани луѓе сега се милијардери”, рече Костова.Таа вели дека „сељачизми” ја вадат од кожа, особено кога во коментари го вовлекуваат и нејзиниот син.Тоа се случи кога таа не дозволи синот да оди во школо на температура од 45 степени, без клима и го однесе на море.„Порано Скопје имаше ноќен живот и немаше сељачишта. Немаше место каде се пушта Јелена Карлеуша. Не сум била никогаш да ја слушам“.Следете не на следниов линк:

Скопје | пред 6 месеци

(Видео) Миа Костова: Омилен политичар и е Муцунски, Заев не го сака

Гостин во „Претрес со Ландов” е инфлуенсерката Миа Костова.Муцунски, Тошковски, Таравари, Сања Божиновска и се омилени политичари, но во таа група не го спомена Мицкоски, рече тој бил премиер.„Гласна бев кога паѓаше режимот иако не бев дел од Шарената револуција. Не бев пресреќна од раководењето на СДСМ, ни се случи катаклизма.Не го сакам Заев, не упропасти. Никогаш не ми дошло да кажам Северна”, вели Костова.Била исто гласна и против вакцинацијата против короната.Следете не на линкот:

Скопје | пред 6 месеци

(Видео) Тетовска полиција спречи самоубиство на млада девојка – приведен маж осомничен за посредување на проституција

Брза и навремена реакција на полициските службеници од СВР Тетово спречи трагедија во мотел во Тетово, каде што млада девојка се обидела да си го одземе животот.Како што соопшти Министерството за внатрешни работи, денес околу 14:35 часот, по пријава од лицето Л.К., дека имал недоразбирање со женско лице кое не сакало да го напушти мотелот, полициска екипа пристигнала на терен.На лице место, полицијата затекнала девојка која стоела на работ од прозорецот од собата, заканувајќи се дека ќе скокне или ќе се самоповреди со остар предмет кој го држела во раката. По наредба од јавен обвинител, полицијата насилно ја отворила вратата и успеала да ја спречи во намерата.Девојката веднаш била пренесена во Клиничката болница во Тетово, каде ѝ е укажана лекарска помош. Во акцијата, еден полициски службеник бил полесно повреден.Истовремено, лицето Л.К. било приведено под сомнение за посредување при вршење на проституција. Полицијата работи на целосно расчистување на случајот, а по завршување на истрагата ќе следуваат соодветни кривични поднесоци.

Македонија | пред 6 месеци

Службено лице од прилепската болница осудено на условна казна за проневера – украл над 2,1 милион денари од уплати на пациенти

Темелна истрага на Управата за финансиска полиција резултираше со правосилна пресуда против службено лице од ЈЗУ Општа болница со проширена надлежност „Борка Талески“ – Прилеп, поради сторено кривично дело проневера во службата.Како што информираат од Управата, во периодот од август 2024 до април 2025 година, обвинетиот противправно присвоил 2.110.640 денари, средства кои пациенти лично ги уплатувале за здравствени услуги.Иако лицето ги вратило средствата, судот во Прилеп му изрекол условна казна затвор од 2 години, признавајќи ја вината и сериозноста на делото. Пресудата е правосилна.„Овој случај е уште една потврда дека злоупотребата на јавни средства нема да биде толерирана, без разлика кој е сторителот. Последици има и ќе има за секој обид за лично богатење на сметка на граѓаните“, изјави Слободан Ивановски, директор на Управата за финансиска полиција.Случајот претставува сериозен пример за институционална злоупотреба и одговорност во здравствениот систем.

Македонија | пред 6 месеци

Африм Гаши хоспитализиран со стомачни болки – состојбата стабилна, засега без потреба од операција, велат од Министерството за здравство

Претседателот на Собранието, Африм Гаши, е хоспитализиран и се наоѓа во стабилна здравствена состојба, информира Министерството за здравство.Гаши бил примен на Клиниката за дигестивна хирургија околу полноќ, поради силни болки во стомакот. Веднаш по приемот му биле направени сите потребни радиолошки и лабораториски испитувања, при што е дијагностицирана интестинална опструкција на тенкото црево – состојба која подразбира нарушено движење на содржината низ цревото.Според официјалната информација, Гаши е задржан на болничко лекување и е под постојан лекарски надзор. Во моментов се применува конзервативен медикаментозен третман, односно терапија без хируршка интервенција, бидејќи засега нема индикации за операција.Министерството најави дека јавноста ќе биде навремено информирана доколку има промени во неговата состојба.

Македонија | пред 6 месеци

Трошел за хотели, ресторани, патувања, такси, рента кар...Обвинителството поднесе обвинение против Ване Цветанов

Основното јавно обвинителство за гонење на организиран криминал и корупција поднесе обвинителен предлог против Ване Цветанов, поранешен вршител на должност претседател на Советот за унапредување и надзор на ревизијата на Република Северна Македонија. Според Обвинителството, тој со неизвршување и пречекорување на службени овластувања набавувал стоки и услуги за лични цели, ангажирал блиски лица без одлуки од Советот и склучувал договори кои резултирале со штета врз буџетот на институцијата.Основното јавно обвинителство за гонење на организиран криминал и корупција поднесе Обвинителен предлог против едно лице на кое му се става на товар дека сторило кривично дело – Злоупотреба на службена положба и овластување по чл.353 ст.5 вв ст.1 од Кривичен законик.Според обвинението, во периодот од 2021 година до 15 март 2022 година, обвинетиот, во својство на вршител на должност Претседател на Советот за унапредување и надзор на ревизијата на Република Северна Македонија (СУНРСМ), со неизвршување и пречекорување на службени овластувања, постапувал спротивно на повеќе законски прописи и со тоа прибавил противправна имотна корист за себе и други лица, нанесувајќи притоа значителна штета на буџетот на институцијата.Иако бил свесен дека не се спроведени потребните постапки согласно Законот за јавни набавки, обвинетиот незаконски набавувал стоки и услуги од економски оператори, што главно ги користел за лични цели. Притоа се потрошени:– 1.062.963 денари за ресторански услуги, хотелско сместување во Скопје, безалкохолни пијалаци, кафе, тоалетни производи и сл.– 300.350 денари за конференциски услуги што не биле реализирани, но се исплатени.– 317.859 денари за такси и изнајмување на возила.– 741.649 денари за хотелски и туристички услуги во земјава и странство (вклучувајќи пенали за откажување и промени на патување).Иако Советот како институција немал потреба од ангажирање на надворешно правно лице за обука од областа на менаџирање со работни процеси во институцијата, ниту пак обвинетиот имал потреба да поседува сертификат каков што издавало правното лице, за ваков вид на обуки на правното лице му биле исплатени 295.000 денари.Со пречекорување на границите на своето службено овластување постапил спротивно на Законот за спречување на корупција и судир на интереси, спротивно на одредбите од Статутот на Советот и од Законот за ревизија. Обвинетиот без претходно донесена одлука на Советот на СУНРСМ за потреба од ангажирање на надворешно лице, без предвиден надомест за ангажирање како надворешен советник за специјални цели во Советот склучил последователно три договори со својата невенчана сопруга.Врз основа на склучените договори обвинетиот носел решенија за службени патувања во странство каде трошоците за патувањето и сместувањето биле на товар на СУНР, а трошоците за исхрана биле покриени преку утврдени дневници за кои тој носел одлуки за нивна исплата. На овој начин само по основ на исплата на дневници и патни трошоци обвинетиот го оштетил буџетот на Советот за 93.800 денари.Со пречекорување на границите на своето службено овластување постапил спротивно на одредбите од Законот за ревизија, Статутот на СУНР и Законот за трансформација во редовен работен однос. Обвинетиот без претходно донесена одлука на седница на Советот за потреба од ангажирање на надворешни лица склучил 18 договори за ангажирање на физички лица при што од буџетот на институцијата биле исплатени 1.934.237 денари.Овие средства биле исплатени за: авторски дела – пишан материјал и совети од областа на управување со човечки ресурси; од областа на јавните набавки; за изработка на детална техничка спецификација за набавка на опрема од сегмент на информатички технологии; за пружање професионална поддршка на Комисијата за техничка евалуација на пристигнати понуди за јавна набавка на опрема; интелектуални услуги со утврдени обврски на авторот за промовирање на СУНР пред домашна и меѓународна јавност; консултант за Анти-корупциски практики; Консултант за пронаоѓање/посредување на партнери, инволвирање на институции и експерти од Р.Грција, како посредување помеѓу Министерство за финансии на Р.Грција, Регулаторно тело за комерцијална ревизија на Р.Грција, Стопанска комора на Р.Грција и останати светски институции; изработка на проектно-техничка документација за реконструкција на службени простории во СУНР; Консултант за изготвување на Завршна сметка; ангажман на извршител на спроведување на соодветен пристап при изработка на Завршна сметка и други финансиски обврски, како и логистичка поддршка при работни средби и семинари во организацијата на нарачателот, а за превизори ментори од Р.Бугарија, активности во Скопје и Штип, за месечен надомест во износ од 54.000,00 денари; волонтирање за месечен надомест во износ од 36.000 денари; Развој и истражување врз база на спроведување на ескспресна анализа на специјализирани тематски прашања поврзани со имплементација на Законот за ревизија во информатичко технолошки можности.Обвинетиот со пречекорување на границите на своето службено постапување, спротивно на Статутот на Советот и на Законот за ревизија без претходно донесена одлука на одржана седница на Советот и без склучен договор ангажирал правно лице за инсталирање Апликативен софтвер за основни средства и Апликативен софтвер за финансиско книжење, иако Советот веќе имал склучено договор со друго правно лице за годишно одржување на Апликативен модел за 2022 година и Модул за финансиско сметководство.

Македонија | пред 6 месеци

Починат маж пронајден во центарот на Скопје – нема траги на насилство

Мртво тело на маж било пронајдено во паркот спроти зградата на поранешна „Нова Македонија“ во центарот на Скопје.Според МВР, станува збор за С.К. (50) од Скопје. Смртта ја констатирала екипа од Итната медицинска помош, а по извршен преглед не се забележани траги на насилство.-На 22.07.2025 во 14.15 часот во СВР Скопје било пријавено дека во паркот наспроти зградата на поранешна „Нова Македонија” бил пронајден починат С.К.(50) од Скопје. Од екипа на Итна медицинска помош била констатирана смрт без видливи траги на насилство, соопштија од МВР.Телото, по наредба на јавен обвинител, е дадено на обдукција. Настанот бил пријавен на 22 јули околу 17.25 часот.

Скопје | пред 6 месеци

Подметнувал пожари кај лозови насади и шума – приведен 71-годишен маж од Демир Капија

Седумдесет и едно годишен жител на Демир Капија е лишен од слобода под сомнение дека подметнал два пожари на ист ден, информира Министерството за внатрешни работи.На 22.07.2025 во 18 часот полициски службеници од ОВР Неготино го лишиле од слобода Н.М.(71) од Демир Капија поради сомнение дека во два наврати предизвикал пожари. Имено, тој се сомничи дека во 10 часот предизвикал пожар на место викано „Горна Лака“ во близина на Демир Капија, од кој биле зафатени сува трева, нискостеблеста шума и два лозови насади.Исто така, тој се сомничи дека околу 15 часот во близина на истото место предизвикал пожар од кој биле зафатени шума и земјоделска површина. Пожарите биле изгаснати од екипа на Територијалната противпожарна единица Неготино, а повредени лица нема. Н.М. е задржан во полициска станица, известен е јавен обвинител и по документирање на настаните, против него ќе биде поднесена соодветна пријава, соопшти МВР.

Македонија | пред 6 месеци

Кабинетот на Гаши потврди: Хоспитализиран е, состојбата му е стабилна и се вршат испитувања

Претседателот на Собранието на Република Северна Македонија, Африм Гаши, е хоспитализиран на Универзитетската клиника за дигестивна хирургија, потврдија денеска од неговиот Кабинет. Во соопштението се наведува дека здравствената состојба на Гаши е стабилна и дека се вршат детални лекарски прегледи.„Во врска со информациите објавени во медиумите за здравствената состојба на Претседателот на Собранието, ја информираме јавноста дека тој вчера беше примен на Клиниката за дигестивна хирургија. Неговата состојба е стабилна, а сите понатамошни информации ќе бидат навремено соопштени од надлежните институции“, стои во реакцијата на Кабинетот.Скопје1 прв ја доби потврдата од директорот на Клиниката, проф. д-р Огнен Костовски дека Гаши е згрижен на нивниот оддел. Тој изјави дека бил примен околу полноќ со симптоми на претплет на цревата, поради што веднаш бил задржан во болница.„Пациентот е хоспитализиран и засега се третира со медикаментозна терапија. Не е предвидена хируршка интервенција. Состојбата е под контрола и се следи од страна на стручниот тим“, изјави проф. д-р Костовски.

Македонија | пред 6 месеци

(Видео) Одложено судењето за кланот Беланоца/Барон – тројца адвокати без присуство, обвинетите се товарат за осум убиства

Поради отсуство на тројца адвокати, денес беше одложено судењето против членовите на криминалната група позната како клан Беланоца/Барон. Како што информира судот, еден од адвокатите бил на одмор, друг поради здравствени причини, додека третиот воопшто не доставил известување за своето отсуство, што го спречи започнувањето на процесот.На обвинителна клупа се најдоа девет лица, меѓу кои и наводните лидери на кланот – Фатум Ајети Тоте и Акив Рахмановски. Дел од нивните бранители веќе предложија докази за, како што тврдат, да докажат дека нивните клиенти не се вмешани во делата за кои се обвинети.Според обвинителниот акт, групата се товари дека организирано извршила осум убиства, меѓу кои и двојното убиство во Шиша Бар, во кое животот го загубија двајца припадници на кланот Дуќанџиќ од скопската населба Грчец – група која важи за ривал на Беланоца/Барон во подземјето на главниот град.Покрај убиствата, на обвинетите им се ставаат на товар и дела како закани, палење автомобили, трговија со дрога, како и шверц на оружје.

Македонија | пред 6 месеци

Извонредните полски уметници Длугош и Јунгиевич ја воодушевија публиката на „Охридско лето“

Најнаградуваниот флејтист во полската музичка историја, Лукаш Длугош и извонредниот пијанист Анжеј Јунгиевич вчеравечер ѝ овозможија на публиката на „Охридско лето“ прекрасен концерт што долго ќе се памети.Полските уметници настапија во црквата „Света Софија“ со внимателно одбран репертоар кој започна со композиција на Моцарт, а продолжи со дела од Шуман, Шаминад и Пуланк.Вториот дел од концертот беше резервиран за композиции од Шимановски, Падеревски, Менделсон, Горецки, Лутославски и Шелиговски.-Многу сме изненадени од ова прекрасно место.Акустиката е фантастична, оригиналните фрески ни даваат поттик да го претставиме репертоарот онака како што го замисливме и подготвивме, рече флејтистот Длугош.Досега повеќе од 300 композиции се напишани специјално за него и за неговата сопруга,исто така флејтистка, Агата Кјелар-Длугош.-Ова е важен дел за нас музичарите. Многу сакаме да соработуваме со композитори бидејќи тие се посебени уметници и ни го прикажуваат најлесниот начин на интерпретација , формата и како да се свири добра музика во добра атмосфера. Сме соработувале со над стотина композитори. Сме снимиле повеќе од 80 компакт-дискови и за нас е огромна можност да прикажеме каков репертоар се свири на флејта во 21 век, додаде Длугош.Длугош студирал соло флејта на Високата школа за музика и театар во Минхен, а магистерските студии ги завршил на Конзерваториумот во Париз, како и на Универзитетот „Јеил“ во САД.Победник е на повеќе меѓународни натпревари за флејта, а како солист и камерен музичар настапува во Полска и на интернационалната музичка сцена.Настапувал во Карнеги Хол, во Златната сала на Музикферајн, во Концертхаус во Берлин, во салата „Карл Орф“ и „Херкулес“ во Минхен, во театрите во Пекинг, Гуангжу, Шангај, во операта во Катар, во салата „Шин Кобе“ во Кобе, како и во салата „П. И. Чајковски“ во Москва.Настапувал под диригентските палки на Зубин Мехта, Џејмс Левајн, Марис Јансонс, Валери Гергиев, Хесус Лопес Кобос, Јацек Капчук, Габриел Шмура, Агњешка Дучмал, а често изведувајќи го Концертот за флејта и оркестар од Кшиштоф Пенерецки настапува под диригентство на самиот композитор.Пијанистот Анжеј Јунгиевич важи за исклучителен камерен музичар. Студирал пијано во класата на проф. Јозеф Стомпел и камерна музика во класите на Марија Швајгер-Кулаковска и проф. Урсула Станчук на Музичката академија во Катовице.Добитник е на стипендии од полското министерство за култура во 1986/87 година, лауреат е на Натпреварот за уметничка стипендија од здружението „Фредерик Шопен“ во Варшава во 1985 и 1986 година, победник е на Натпреварот за современа камерна музика во Лоѓ во 1986 година и на Младинскиот фестивал во Аугустов во 1985 година.Како солист и камерен музичар настапува во: Полска, Франција, Германија, Хонг Конг, Малезија, Словачка, Шведска и Украина.Учествува на бројни фестивали и премиерно изведува дела од современите полски композитори кои се снимани за радио и ТВ.Неговите изведби се поместени на бројни носачи на звук, меѓу кои се и двата албуми со флејтистката Агата Кјелар-Длугош.Редовно е пијано придружник на бројни работилници и мајсторски курсеви со етаблирани музичари и педагози. Јунгиевич е професор на Музичката академија во Катовице.

Охрид | пред 6 месеци

(Видео) Повтoрно пожар во Визбегово, гори мини депонија

Во Визбегово денеска повторно има пожар. Станува збор за мини-депонија која се наоѓа во непосредна близина на станбени објекти, што предизвикува сериозна загриженост кај жителите.Пожарот сѐ уште не е ставен под контрола, а постои реална опасност пламените јазици да се прошират до куќите.Надлежните служби се на терен.

Скопје | пред 6 месеци

МВР алармира на нова интернет измама со „евтини“ мобилни телефони, да не се кликнува на сомнителни линкови

Министерството за внатрешни работи алармира за нов облик на измама што кружи на социјалните мрежи. Станува збор за лажни реклами со кои се тврди дека познати малопродажни компании нудат најнови модели мобилни телефони по невообичаено ниски цени.Како изговор за намалената цена, измамниците најчесто наведуваат „оштетена амбалажа“ или „внатрешна програма за распродажба“. Целта е јасна – да се измамат корисниците да кликнат на сомнителни линкови и да остават лични податоци.Од МВР апелираат до граѓаните:Не отворајте линкови од сомнителни објавиНе внесувајте лични информации на непроверени странициНе верувајте на емотивни приказни што звучат премногу добро за да бидат вистинитиПознатите компании не продаваат телефони преку тајни канали или директно на социјални мрежиСекторот за компјутерски криминал при МВР работи на откривање на сторителите, а граѓаните кои ќе забележат вакви објави се охрабруваат веднаш да ги пријават во најблиската полициска станица.

Македонија | пред 6 месеци

Левица: Црвената фаза бара задолжителни мерки, а не препораки - надлежните веднаш да донесат мерки за заштита на населението

Согласно Акцискиот план на Институтот за јавно здравје (2025–2030), при надминување на граничните вредности на температурите од 39°C во јули (за скопскиот регион), се активира црвена фаза - состојба која бара итни и засилени мерки за заштита на населението.Во овој момент, согласно официјалните прогнози на УХМР, температурите низ државата достигнуваат и надминуваат 40°C – што значи дека Македонија е во црвена фаза, дефинирана како своевидна вонредна состојба.Според Левица, несериозно и крајно неодговорно е институциите да излегуваат со неефикасни, незадолжителни препораки, наместо со обврзувачки мерки кои би ги заштитиле граѓаните, особено најранливите категории.-Министерството за здравство и Владата ја минимизираат реалната закана по животот и здравјето на граѓаните, додека медицинските служби и Брзата помош се веќе преоптоварени. Дополнително, давање препораки до приватните работодавачи во контекст на македонските услови, каде работничките права се грубо прекршувани, е недоволно и апсолутно неефективно, смета партијата.Левица бара итна и конкретна акција од министерот за здравство Азир Алиу и Владата:- Да се донесат задолжителни мерки за ослободување од работни обврски на ранливите категории, лица над 60 години, хронично болните од кардио-васкуларни и респираторни заболувања, онколошките пациенти, лицата со дијабет, трудниците и сл. неселективно, односно независно од секторот, работата која ја обавуваат;- Да се забрани работа на отворено во критичните часови (11:00 – 17:00);- Да се активираат сите мерки од постоечкиот акциски план на ИЈЗ;- Да се ангажираат и мобилизираат локалните самоуправи и Црвениот крст за згрижување на бездомници и обезбедување на јавни простори за ладење;- Да се засилат контролните механизми и да се санкционираат работодавците кои ги игнорираат мерките.-Ниту еден човечки живот не смее да биде ставен на коцка поради нечија неспособност, незаинтересираност или бирократска летаргија. Неодговорноста на институциите во ваква состојба е повеќе од пропуст – таа е опасна и потенцијално кобна. Бараме веднаш да се прекине со игнорирањето на реалноста и да се преземат сите неопходни мерки за заштита на граѓаните, велат оттаму.

Македонија | пред 6 месеци

Бугарски медиум го обвинува семејството на Лефков дека се бугарски државјани, пратеникот се жали дека е мета на хибридни напади

Бугарскиот медиум „24 часа“  објави текст во кој што пишува дека речиси сите поблиски роднини на пратеникот Миле Лефков се бугарски државјани. Медиумот тврди и дека братот на пратеникот поминал низ постапката за добивање на бугарски пасош.-Околу 20-тина од семејството Лефкови од Кочани, сите први и втори братучеди, како и неговиот брат Иван, се бугарски државјани кои поминале низ постапка во која декларирале дека имаат дедо Бугарин и дека и самите се чувствуваат како Бугари. Во исто време, партијата на Миле Лефков се противи сите луѓе во Република Северна Македонија кои се изјаснуваат како Бугари, да бидат внесени во Уставот, пишува  „24 часа“.По ваквите пишувања, се огласи и самиот пратеник.„Објави насочени против мене и мојата фамилија – објава на „24 часа бг“. За минута преземена на страници кај нас-лаги, вести, дискредитации, стартуваат по нарачка, од ботови, скришни или бугарски страници, а потоа молневито се шират! Координирана и скапа акција! СДСМ сега да си го објасни соопштението полно со навреди, повикувајќи се на „жолти комбиња“ и параноја – додека реално, Македонија и македонските политичари кои ги штитат националните интереси се цел на синхронизиран напад. Ова не е параноја, туку организирана операција против секој што се бори за македонските интереси- СДС да одбере страна“, стои во објавата на Лефков.

Македонија | пред 6 месеци

Трагедија во Италија: Авион се урна врз автопат

Две лица загинаа, а најмалку две други се повредени во тешка несреќа што се случи денеска (вторник), кога мал авион се урна на автопат во близина на Бреша, северна Италија.Според очевидци, авионот во еден момент нагло се завртел во воздух пред да удрил во земјата, по што се запалил, а остатоците се разлетале десетици метри околу местото на ударот.Нeсреќата се случила помеѓу населените места Флеро и Азано Меја, на делот каде се сече со автопатот А4, еден од најпрометните во земјата. Авионот, долг околу 7 метри, полетал од Грањано Требијенсе и се движел кон север пред да се урне под неразјаснети околности.Според италијанските медиуми, загинале пилотот и една жена, чиј идентитет сè уште не е официјално потврден. Телата биле целосно изгорени и пронајдени во остатоците од леталото.Двајца мажи на возраст од 49 и 56 години, кои се нашле со автомобил во близина на местото на падот, се здобиле со повреди. Тие минувале низ облак од огнени остатоци, а поради брзината не успеале да избегнат делови од авионот.Италијанските воздушни и безбедносни власти отворија истрага за да ги утврдат причините за несреќата. Првичните информации не укажуваат на техничка грешка, но не се исклучува ниту човечка. Поради сложеноста на случајот, истражувачите работат со поддршка на воздухопловни експерти.Локалните власти изразија сочувство до семејствата на загинатите и најавија дека автопатот ќе биде целосно расчистен и безбеден за сообраќај во текот на денот. Сцената, како што велат очевидци, била „апсолутно шокантна“.

Свет | пред 6 месеци

(Видео) Стоначе Ангелов е кловн - јас му станав непријател, а тие кои го осакатија му се пријатели, а Груевски ме сметаше за непријател, вели Михајловски

Актерот и јавна личност Тони Михајловски, во гостувањето во подкастот „Претрес со Ландов“, откри детали од своето искуство со врвот на поранешната власт на Никола Груевски.Тој раскажа дека уште во 2007 година побарал работа преку тогашната министерка Елизабета Канчевска Милоска, но одговор добил дури седум години подоцна.„Ми рече: 'Да го прашам шефот.' Шефот – Никола Груевски. И 2013 година ми стигна одговорот. Седум години Груевски не ѝ одговарал дали да ме вработат или не.“Михајловски истакна дека низ годините не се пронашол ниту со Љупчо Георгиевски, првиот премиер по независноста.„Мислењето за Љупчо денес? Катастрофа. Не можам да прифатам дека сум стоел зад него, дека сум му верувал. Болно е. Тоа е патологија.“Според него, и Никола Груевски подоцна го перципирал како непријател, но никогаш не се обидел директно да провери зошто.„На протест, он самиот ми вели: 'Тони, мене цело време ми кажуваа дека си ми непријател'. Го прашав – добро, дали некој од тие што ти кажувале е тука, до тебе?“Михајловски беше посебно остар и кон Стојанче Ангелов, актуелен директор на Дирекцијата за заштита и спасување.„Кловн. Шут. Таков политички ролеркостер нема. Јас му станав непријател, и ми е драго што сум. Тие што му ги одземаа органите и го осакатија – тие му се пријатели. Па што да будем? Директор да будем?“, рече Михајловски.Во разговорот, Михајловски не ја криеше својата разочараност од луѓето што некогаш ги поддржувал, ниту од политичкиот систем што, како што вели, го третирал како непријател додека „вистинските непријатели на народот“ биле наградувани.Цел поткаст:

Студио | пред 6 месеци

(Видео) Ја ограничува автономијата на антикорупционерите - Зеленски потпиша контроверзен закон, избувнаа најголемите протести од почетокот на војната

Украина вчера ја ограничи автономијата на своите две антикорупциски агенции кои се од централно значење за спроведување на реформите, потег што Брисел го оцени како „сериозен чекор назад“ и изрази „длабока загриженост“.Борбата против ендемската корупција е услов за Киев да се приклучи на Европската Унија, како и обезбедување милијарди долари помош од Западот. Независните истражители ги посрамотија високите функционери со обвинувања за корупција во последните месеци.Амандманите усвоени вчера му даваат на генералниот обвинител, кој го назначува претседателот, строга контрола врз Националното биро за борба против корупцијата на Украина и Специјализираното обвинителство за борба против корупцијата (НАБУ и САПО), изјавија неколку пратеници.Зеленски го потпиша законот синоќаГласањето предизвика остри критики од раководителите на обете агенции и од високи европски претставници и предизвика најголеми јавни протести од руската инвазија во 2022 година.Илјадници демонстранти се собраа синоќа во Киев, Лвов, Днепар и Одеса за да се спротивстават на новиот закон. И покрај барањата на граѓаните Володимир Зеленски да стави вето на законот, претседателот го потпиша законот синоќа додека протестите траеја. Споредби со Јанукович„Ако не стави вето, тоа е плукање во лицето на секоја мајка, жена и дете што изгубило близок на фронтот. Тоа е газење врз споменот на сите оние што загинаа за нашата слобода, достоинство и независност“, изјави 40-годишната адвокатка Марина за Киев Индепендент.„Денес во суштина се враќаме на 16 јануари 2014 година - време кога нашата земја се соочи со заканата од диктатура“, продолжи таа, осврнувајќи се на денот кога украинскиот парламент, предводен од тогашниот претседател Виктор Јанукович, донесе закони со кои се забрануваат масовните протести и слободата на говорот за време на револуцијата на Евромајдан.Јанукович беше соборен од власт по нешто повеќе од еден месец. „За жал, ова сега се случува повторно, без никакво објаснување за јавноста. И сето ова се случува во услови на вонредна состојба, кога многу граѓани не се во можност да ги заштитат своите права“, изјави Марина.Двајца претставници на НАБУ беа уапсени во понеделник поради наводни врски со РусијаРуслан Кравченко, главниот обвинител на Украина, кој е лојален на Зеленски, сега ќе може да ги префрли истрагите за корупција на потенцијално попослушни истражители. Во своето обраќање синоќа, Зеленски ја критикуваше ефикасноста на антикорупциската инфраструктура на Украина, велејќи дека случаите „лежат неактивни“.„Нема рационално објаснување зошто кривични постапки вредни милијарди „висат“ со години“, предупреди тој. Тој додаде дека главниот обвинител ќе обезбеди „неизбежни казни“ за оние што го прекршиле законот.Гласањето за новиот закон се одржа само еден ден откако агенцијата за внатрешна безбедност на Киев уапси двајца службеници на НАБУ под сомнение за врски со Русија и спроведе обемни претреси на вработените во агенцијата од други причини.Шефот на НАБУ, Семен Кривонос, го повика Зеленски да не го потпишува забрзаниот закон, кој го опиша како обид за „уништување“ на антикорупциската инфраструктура на Украина.Предупредување од БриселКомесарката за проширување на ЕУ, Марта Кос, напиша на X Network дека е „сериозно загрижена“ од развојот на настаните. „Укинувањето на клучните заштитни мерки што ја штитат независноста на НАБУ е сериозен чекор назад“, предупреди таа, потсетувајќи дека владеењето на правото е во „самото срце“ на преговорите за пристапување со Унијата.НАБУ и САПО беа основани по револуцијата на Мајдан во 2014 година, со која беше соборен прорускиот претседател, а Киев се сврте кон Западот. Двете агенции ја засилија својата работа за време на војната, поднесувајќи обвиненија против пратеници, министри и поранешен заменик-началник на администрацијата.

Свет | пред 6 месеци

ChatGPT said: Нов круг преговори меѓу Русија и Украина – мал напредок, со надеж за размена на заробеници и враќање на децата

Руски и украински преговарачи ќе се сретнат во среда на третиот круг директни разговори од мај годинава, но очекувањата за пробив во решавањето на тригодишниот конфликт остануваат ниски, бидејќи двете страни сè уште имаат дијаметрално спротивставени позиции.Украинскиот претседател Володимир Зеленски изјави дека детални разговори за прекин на огнот нема да бидат на агендата, што дополнително ги намалува надежите за брз напредок.Наместо договор за примирје, разговорите ќе се концентрираат на напредокот во враќањето на украинските воени заробеници и децата кои Русија ги има однесено на своја територија, како и на подготовка на можен состанок на претседателско ниво, изјави Зеленски во понеделникот пред група дипломати.„Потребен ни е поголем импулс во преговорите за да го завршиме овој војна“, порача украинскиот претседател, кој инсистира на директна средба со рускиот колега Владимир ПутинОд Москва, пак, доаѓа порака дека на средбата мора да се разговара за документите што двете страни претходно ги размениле, кои содржат предлози за можни решенија за мир. Портпаролот на Кремљ, Дмитриј Песков, изјави дека за напредок кон прекин на огнот ќе биде потребна „голема дипломатска работа“.Киев и понатаму бара безусловен прекин на огнот како предуслов за посериозни мировни разговори. Русија, пак, инсистира на свои максималистички барања, меѓу кои е и повлекување на украинските сили од источните територии што Москва ги анектираше.Украина и Русија ги обновија директните разговори во мај годинава, првпат по повеќе од три години. Досегашните рунди преговори донесоа размена на воени заробеници, вклучувајќи тешко ранети борци и војници под 25 години.Според Кремљ, руската делегација повторно ќе ја предводи Владимир Медински, советник на Путин и поранешен министер за култура. На украинската страна, тимот го води Рустем Умеров, поранешен министер за одбрана, кој сега е на чело на Советот за национална безбедност и одбрана.Иако шансите за значаен пресврт се мали, двете страни испраќаат искусни претставници, што покажува дека, барем формално, дипломатскиот канал останува отворен.

Свет | пред 6 месеци

Русија ги засилува интернет-цензурите: нов закон го криминализира дури и пребарувањето „екстремистички“ содржини

Руските власти продолжуваат со драстични ограничувања на слободата на интернет. Според објавата на министерот за дигитален развој, Максут Шадаев, државниот медиумски регулатор Роскомнадзор неодамна блокирал пристап до 56.000 веб-страници кои одбиле да отстранат содржини што Кремљ ги смета за „екстремистички“.Истовремено, Шадаев го бранеше новиот контроверзен закон, кој првпат криминализира само пребарување на таков тип на содржина на интернет. Тој уверува дека „обичните корисници нема да имаат проблеми“, но не прецизираше како ќе се прави разлика помеѓу „обично“ и „намерно“ пребарување.Во вторникот, рускиот парламент – Државната дума – со мнозинство гласови го усвои законот во третото и финално читање, и покрај силните критики. Повеќе од 60 пратеници гласале против. Законот предвидува казни за лица кои намерно пребаруваат содржини на интернет што се класифицирани како „екстремистички“.Во пракса, тоа значи дека секој кој пребарува материјали поврзани со, на пример, Фондацијата за борба против корупцијата на покојниот опозициски лидер Алексеј Навални, може да биде предмет на кривична постапка.Законот веднаш предизвика лавина реакции. Критичарите предупредуваат дека станува збор за најсериозно заострување на контролата врз интернетот во последниве години. Некои независни медиуми зборуваат дури и за „криминализација на читање и информирање“.Пред последното гласање, пред зградата на Думата се одржаа протести, на кои имаше и уапсени демонстранти. Граѓански активисти и правници алармираат дека законот е двосмислен, а неговата примена може лесно да доведе до произволни апсења и страв меѓу граѓаните.Претседателот на парламентот, Вјачеслав Володин, најави дека е подготвен на измени ако се покаже дека законот предизвикува несакани последици. „Важно е да се следи како се применува, за да не страдаат луѓе кои не направиле ништо лошо или кои имаат потреба од информации за својата работа“, изјави Володин.И покрај овие уверувања, новиот закон ја продлабочува грижата дека Русија се движи кон целосна дигитална изолација, со интернет простори сè повеќе под директна контрола на власта и репресија врз секоја форма на критичко мислење.

Свет | пред 6 месеци

Полупразни плажи и високи цени: Црногорскиот туризам под сенка на скапотија и празни апартмани

Иако календарски сме веќе при крајот на јули, туристичката сезона на црногорското приморје сè уште не доби вистински замав. Полупразни плажи, речиси напуштени градини на кафеани и ресторани, и повеќе од 50 отсто слободни соби и апартмани во приватното сместување ја враќаат сликата на деновите од пандемијата, известува Nova.rs.Но, и покрај слабиот интерес на туристите, цените не паѓаат. Веста дека во Пржно – блиску до Свети Стефан – изнајмување лежалка чини и до 200 евра предизвика бурни реакции. На градските плажи, пак, цените се движат од 15 до 120 евра, а приватен апартман чини меѓу 40 и 90 евра – зависно од локацијата и капацитетот.Иако низ улиците се слушаат разни странски јазици – италијански, германски, шпански – а во градовите постојано има Руси, Украинци и Турци, локалните жители велат дека ги чекаат само Србите.„Гостите од Србија трошат сè што ќе донесат, не жалат пари, а другите се штедливи. Немаме дури ни оние ’парадајз туристи’. Цените треба итно да се намалат, можеби август ќе не спаси“, вели Милјана, сопственичка на козметички салон во Будва.Најскапо е – на плажа. За еднодневен престој на четиричлено семејство, потребни се најмалку 50 евра, дури и ако останат само неколку часа. Во делови каде што има лежалки – распостилање сопствен пешкир е забрането. Цените на кафе, пијалаци и храна се и до трипати повисоки од оние во внатрешноста на градот. Сладоледот, исто така, чини двојно или тројно повеќе од оној во маркет.Изнајмувачите, особено оние кои нудат приватен сместувач, велат дека оваа година едвај ги покриваат трошоците.„Се потпиравме на гости од Србија и Босна. Им ги намаливме цените до крај, но под тоа веќе не можеме – трошоците се огромни“, вели Драган Поповиќ, кој изнајмува апартмани во близина на Петровац. „Туристите од другите земји доаѓаат за три дена и си одат. Не оставаат ни бакшиш.“Додека Грција станува попривлечна дестинација поради попристапните цени и понуда, во Црна Гора се зголемува бројот на незадоволни угостители кои стравуваат од финансиски крах.Црногорското приморје во моментов живее во туристичка неизвесност. Цените се европски, но интересот е подпросечен, а стравот од празни маси и непродадени лежалки расте. Останува надежта дека август ќе донесе барем дел од очекуваната сезона.

Свет | пред 6 месеци

Нови регрутациски бонуси ја оптоваруваат руската економија – војната во Украина бара се поголема цена

Големите парични награди што Русија ги нуди за нови војници, со цел да го одржи воениот напор во Украина, стануваат сè поголем товар за руската економија – се наведува во најновиот извештај на Институтот за проучување на војната (ISW). Трошоците значително пораснале поради овие бонуси и вработувањето во воената индустрија.Во јули 2023 година, рускиот претседател Владимир Путин потпиша указ со кој стандардниот бонус за регрутирање се зголеми од 195.000 на 400.000 рубљи (околу 2.000 до 4.000 евра), што е речиси петпати повеќе од просечната месечна плата во Русија. Според „Бизнис инсајдер“, ваквото покачување ја довело војската во директна конкуренција со цивилните сектори за работна сила, што предизвикало пораст на платите и цените – особено во услужните дејности.Аналитичарите на ISW предупредуваат дека Русија не може неограничено да ги пополнува своите воени редови со вакви високи надоместоци, ниту пак може да ги одржува тековните исплати без да го загрози целото стопанство. Масовна мобилизација и натаму не е воведена, но без неа, темпото на надоместување на загубите не е одржливо, оценуваат тие.Според проценките на Центарот за стратешки и меѓународни студии, Русија досега има над 950.000 загинати и ранети војници во војната. Истовремено, Москва ја олеснува монетарната политика за да поттикне економски раст, додека ја зголемува воената потрошувачка – што, според експертите, претставува рецепт за нова економска нестабилност.Анализите укажуваат дека овие превисоки исплати го ослабуваат куповната моќ на граѓаните, ја девалвираат рубљата и водат кон продлабочување на економските проблеми. Во 2023 и 2024 година, руската влада ги надмина своите цели за регрутирање – главно поради овие парични стимулации, кои на моменти биле слични со надоместоците што ги нуди американската армија.Таквата политика краткорочно доведе до раст на економијата, особено на одбранбената индустрија. Според економистите од бриселскиот тинк-тенк „Бругел“, воените трошоци и бонусите беа клучни фактори за растот на БДП на Русија во изминативе две години. Но, веќе во втората половина на 2023 година, економијата почна да се прегрева, по што Централната банка неколку пати ги зголеми каматните стапки.И покрај тоа, најголем дел од кредитите во Русија и натаму се даваат по субвенционирани услови, а воената индустрија е заштитена преку јавни набавки, па најмногу страдаат секторите што немаат врска со војната. Кон крајот на 2024 година, и самиот воено-индустриски сектор покажува знаци на застој, пишува „Бругел“, со заклучок дека економијата веќе се судира со сопствените граници на капацитет.Дополнително, Русија се соочува и со структурни слабости, кои сè уште не се надминати – губење на странски пазари за оружје, зголемени трошоци за заобиколување санкции, и лоши политики за работна сила и миграција.„Овие фактори само ја влошуваат економската нестабилност, без разлика што руската економија до сега покажуваше отпорност, благодарение на воените инвестиции“, заклучуваат експертите.

Скопје | пред 6 месеци