(ФОТО) Пожарот кај Скопска Црна Гора ја загрозува безбедноста на кучињата од шелтерот „Шепасти ентузијасти“ – се бара итна помош

Шелтерот за напуштени кучиња „Шепасти ентузијасти“, кој се наоѓа во близина на Скопска Црна Гора, се соочува со сериозна опасност поради пожарот што дивее во овој регион веќе два дена. Активистите алармираат дека животите на десетици животни се загрозени и повикуваат на итна поддршка од јавноста.„Цела ноќ сме на терен, без сон, во обид да спречиме најлошото. Мокриме, наводнуваме, набавуваме средства за гаснење, но тоа не е доволно“, објавија од засолништето на нивниот официјален профил.Со цел да спречат ширење на огнот, активистите веќе ангажирале багер кој треба да ископа заштитен појас околу објектот, со препорачана ширина од три метри. „Не прашавме ни колку ќе чини – само да стигнеме навреме да се заштитиме“, наведуваат тие.Планираат да набават и противпожарни апарати, свесни дека тие можеби нема да бидат доволни, но веруваат дека можат да спасат животи доколку ситуацијата ескалира.„Нашите шепасти се сè што имаме – и нема да ги оставиме. Но ни треба вашата помош“, порачуваат од тимот на Шепасти ентузијасти.Апелот е упатен до сите граѓани, компании и институции кои се во можност да донираат, со пораката дека секој денар е важен.

Скопје | пред 7 месеци

Македонскиот бисер во голем ризик – УНЕСКО предлага Охридскиот регион да биде впишан на листата на светско наследство во опасност

Охридскиот регион се соочува со нов сериозен притисок од УНЕСКО – во нацрт-документ усвоен на 47. сесија на Комитетот за светско наследство, која се одржува во Париз, се предлага мешовитото природно и културно наследство на Охридскиот регион да биде впишано на Листата на светско наследство во опасност.Причината, како што се наведува, е продолжената деградација на заштитените вредности, вклучително и урбанистичкиот хаос, неконтролираната изградба и несоодветното институционално управување со регионот. Во документот се констатира дека државата не презела доволни мерки за спроведување на претходните препораки од УНЕСКО и не обезбедила ефективна заштита на објектите, просторот и екосистемите што се дел од светското наследство.Комитетот повторно укажува на потребата од подготвување Стратешка еколошка проценка која ќе ги опфати сите кумулативни влијанија врз заштитеното подрачје – нешто што се очекува од македонските институции веќе подолго време. Во меѓувреме, се бара целосна суспензија на измените на деталните урбанистички планови, како и одобрувањето на нови развојни проекти, особено надвор од населените места, сѐ додека не се завршат сите неопходни проценки.Во документот се нотира и стагнацијата во подготовката на новите генерални урбанистички планови за Охрид и Струга, како и отсуството на соодветни инструменти за просторно планирање на неизградените зони. Од властите се бара итна систематска проценка на негативното влијание од постојните нелегални градби, со можност за нивно отстранување или ублажување на последиците.Посебно внимание е посветено на Студенчишкото Блато, за кое УНЕСКО бара итна забрана на сите градежни активности во неговата околина, вклучително и кај комплексот „Горица 3“, сѐ додека не се направат сите релевантни проценки.Во делот на трансграничната соработка, УНЕСКО ги повикува Северна Македонија и Албанија да го зајакнат дијалогот на институционално и оперативно ниво, со цел да се обезбеди координирано и одржливо управување со целиот регион.Комитетот бара и изработка на нова студија за крајбрежната зона на македонскиот дел од езерото, како и префизибилити студија за алтернативна траса на железницата од Коридорот 8, со сите потребни еколошки и инфраструктурни анализи. Се препорачува прекин на сите активности поврзани со изградба на делниците, додека не се достават и разгледаат студиите.Во заклучокот на нацрт-одлуката се потсетува дека постојните и кумулативни влијанија – меѓу кои се еутрофикацијата на езерото, лошото просторно планирање, несоодветните интервенции и големите инфраструктурни зафати – довеле до сериозно нарушување на клучните вредности на регионот, што претставува реална закана за неговиот статус.Доколку нацрт-одлуката биде усвоена, тоа нема да значи дека Охридскиот регион се брише од листата на заштитени подрачја, туку ќе биде класифициран како регион во опасност. За дел од експертите, ваквиот чекор е можност да се добијат дополнителна поддршка, експертиза и ресурси од УНЕСКО за справување со децениските проблеми.фото: Unsplash

Македонија | пред 7 месеци

Запалена сува трева во кругот на битолската болница предизвика пожар, навремено е локализиран

Министерството за здравство информира дека синоќа избил пожар во кругот на Клиничката болница „Др. Трифун Пановски“ во Битола, како резултат на палење сува трева.Според соопштението, веднаш по појавата на огнот биле известени Центарот за управување со кризи и Територијалната противпожарна единица, по што екипите интервенирале навремено и успеале брзо да го локализираат пожарот.„Болницата ги презеде сите потребни мерки за следење на состојбата и заштита. Нема никакви оштетувања на болничките објекти, ниту беше загрозена безбедноста на пациентите и персоналот. Работата во установата се одвива непречено. Интервенцијата беше брза и успешно завршена, без потреба од евакуација или дополнителни мерки“, стои во известувањето од Министерството.Од таму додаваат дека состојбата во сите јавни здравствени установи се следи постојано.

Македонија | пред 7 месеци

Трамп воопшто не е задоволен од Путин, одлучи повторно да испраќа оружје на Украина: „Мора да се бранат“

Американскиот претседател Доналд Трамп изјави дека планира да испрати дополнително одбранбено оружје во Украина, откако неговата администрација привремено ги запре одредени испораки минатата недела.„Ќе испратиме повеќе оружје. Мораме, тие мора да бидат способни да се одбранат“, рече Трамп пред вечерата со израелскиот премиер Бенјамин Нетанјаху. „Тие се силно нападнати. Ќе мора да им испратиме повеќе оружје“, додаде Трамп. „Претежно дефанзивно, но нападите се навистина тешки“, рече тој.Најновата изјава на Трамп доаѓа откако висок функционер на Белата куќа минатата недела за Си-Ен-Ен изјави дека администрацијата привремено ги запрела испораките на оружје за Украина, вклучително и ракети за воздушна одбрана. Одлуката е донесена по прегледот на воените трошоци и американската странска помош, кој го одобри министерот за одбрана Пит Хегсет. Заменик-портпаролката на Белата куќа, Ана Кели, во тоа време изјави дека одлуката е донесена за да се „стават американските интереси на прво место“.Некои американски претставници сугерираа дека прегледот на помошта за Украина е делумно поврзан со напорите на Пентагон да се фокусира на Кина и да се подготви за можен иден конфликт во Пацификот, прашање што го истакна шефот за одбранбена политика Елбриџ Колби.„Министерството за одбрана продолжува да му нуди на претседателот конкретни опции за продолжување на воената помош за Украина, во согласност со неговата цел да се стави крај на оваа трагична војна. Во исто време, Министерството внимателно го разгледува и прилагодува својот пристап кон таа цел, земајќи ја предвид подготвеноста на американските сили за одбранбените приоритети поставени од администрацијата“, рече Колби во соопштението по привремената суспензија.Русија задоволна од прекинот на снабдувањетоРусија го поздрави прекинот на одредени испораки за Украина, тврдејќи, без никакви докази, дека тоа е затоа што САД повеќе немаат доволно оружје.„По наредба на претседателот Трамп, Министерството за одбрана ќе испрати дополнително одбранбено оружје во Украина за да се осигури дека украинскиот народ може да се одбрани додека работиме на постигнување траен мир“, изјави вчера портпаролот на Пентагон, Шон Парнел. „Нашата рамка за проценка на воените пратки низ целиот свет останува на сила и е клучна за нашата одбранбена политика „Америка на прво место“.САД досега се најголемиот поединечен донатор на воена помош за Украина откако Русија ја започна својата инвазија во 2022 година, снабдувајќи ја со противвоздушни системи, дронови, ракетни лансери, радари, тенкови и противтенковско оружје, што предизвикува загриженост за намалувањето на американските залихи.Трамп претходно во март ги суспендираше сите воени испораки за Украина по жестоката расправија во Овалната соба со украинскиот претседател Володимир Зеленски. Околу една недела подоцна, тој повторно го одобри продолжувањето на помошта.Зголемување на руските нападиОдлуката за испраќање дополнително оружје доаѓа откако Трамп разговараше одделно со рускиот претседател Владимир Путин и Зеленски минатата недела. По разговорот, тој рече дека разговорот со Путин бил разочарувачки и дека „немало напредок“ кон примирје.Во меѓувреме, Зеленски во последните недели постојано бара од западните сојузници да ја зајакнат воздушната одбрана на Украина по сè поинтензивните руски воздушни напади. Русија лансираше рекорден број беспилотни летала врз Украина во петокот вечерта, само неколку часа по средбата на Трамп со Путин.Трамп изјави дека САД го разгледуваат барањето на Украина за дополнителни системи за воздушна одбрана „Патриот“ по, како што рече, „многу добар“ телефонски разговор со Зеленски. Украинскиот претседател во саботата изјави дека тоа бил неговиот најдобар и „најпродуктивен“ разговор со Трамп досега.Трамп вчера повторно го изрази своето незадоволство од рускиот претседател, велејќи: „Воопшто не сум задоволен од претседателот Путин“.

Свет | пред 7 месеци

Без вода на Водно и Црничe: Претседателската резиденција и стотици домови „жедни“ во пеколни горештини

Во срцето на Скопје, на ридовите каде што се издигнуваат елитните згради и куќи со базени, граѓаните веќе неколку дена немаат ни капка вода. Претседателската резиденција на Водно е целосно без вода, а и во познатата вила Водно има само слаб притисок. Истата судбина ја делат и жителите на населбите Водно и Црниче, кои се очајни поради долгите и чести прекини на водоснабдувањето, токму во денови со исклучително високи температури.Гневот расте – улиците се блокираат, а граѓаните веќе не прифаќаат извинувања и повици за штедење. Велат дека со денови не можат да се избањаат, да подготват храна, да одржат хигиена во домот. Според нив, состојбата е веќе алармантна, а институциите доцнат со решавање на проблемот.Според ЈП Водовод и канализација – Скопје, главниот проблем е преголемата потрошувачка во попладневните часови и преоптоварениот водоснабдителен систем. Во соопштението до јавноста тие апелираат граѓаните да не ја трошат водата за полевање, перење возила и полнење базени – дејности кои, според претпријатието, дополнително го влошуваат снабдувањето, особено во високите зони како Водно.Но, жителите не прифаќаат да бидат виновници за нешто што институциите со години наназад го игнорирале – застарената водоводна мрежа, која веќе не може да го поддржи темпото на градежната експанзија. Водно, некогаш зелена и мирна зона со неколку семејни куќи, во последната деценија се претвори во урбана џунгла со масовна изградба на луксузни згради со десетици станови и големи приватни имоти со базени – сите приклучени на истиот дотраен систем.Систем што пука по шавовиНиту претседателската резиденција, ниту граѓаните на Водно и Црниче се поштедени од последиците на овој урбанистички хаос. Најзасегнати се куќите и зградите на улиците Славејко Арсов и Салвадор Аљенде, каде што водата или целосно ја нема преку ден или се појавува со минимален притисок по полноќ.„Градиме на големо, а никој не инвестира во нова инфраструктура. Старите цевки не можат да издржат. Ова веќе не е само неудобност, ова е кризна состојба“, предупредуваат граѓаните.Протести и закани за радикализацијаСиноќа, револтирани жители на Водно излегоа на улиците, поставија блокади и јасно порачаа дека нема да отстапат се додека проблемот не се реши трајно. Протестите ќе продолжат и ќе се радикализираат, велат, ако водата не се врати во чешмите.Проблемот со водоснабдувањето во повисоките делови на Скопје не е нов, но досега никогаш не бил толку критичен. Водовод бара разбирање и рационалност, но жителите бараат одговорност, инвестиции и – итно решение. Водно не е само елитна населба. Таму живеат и семејства, деца, стари лица. А сите тие – без вода – се оставени на милост и немилост на жештините и институционалната инертност.Анита Буховски

Скопје | пред 7 месеци

Пожар беснее во Чучер- Сандево, општината бара вонредна состојба и меѓународна помош

Критично е во скопската Општина Чучер-Сандево од пожарот кој зафати делови од овој крај.Освен Чучер опасно е и во Глуво, Бразда, Кучевиште, Мирковци и се шири до Бутел и други места.Луѓе кои живеат во овој дел но и во летниот период престојуваат во викендици, за Скопје1 велат дека од вчера има прав и пепел, а денеска од ширењето на огнената стихија неиздржливо е и не се диши од чадот и пепелта. Некои од нив, особено оние со деца, плашејќи се, веќе ги оставиле куќите.Луѓето се организираат заедно со пожарникарите, копаат ровови за да ги одбранат од огнот куќите и црквите.На вонредна седница на Општината Чучер Сандево советниците побараа Владата да прогласи вонредна состојба во општината, но бараат меѓународна помош.Граѓаните се жалат дека опасноста е голема и дека нема соодветна реакција надлежните.Во текот на денешниот ден, на терен интервенирале општински служби, физички и правни лица, екипи од БППЗ, ДЗС, МВР и ЦУК, но условите на теренот се исклучително тешки.Утре акциите ќе започнат уште во 5:00 часот, со ангажирање на сите институционални и општински сили на целата површина, со поддршка од два воздухоплова на МВР.

Скопје | пред 7 месеци

Повторно избувна пожар кај фабриката за оружје АТС АММО во Самоков

Околу 13 часот денеска, повторно се активираше пожар во кругот на фабриката за оружје и муниција АТС АММО во населбата Самоков, информираа од Центарот за управување со кризи (ЦУК).Според пријавата од командирот на Територијалната противпожарна единица (ТППЕ) Македонски Брод, пожарот избувнал по ноќна експлозија на буре со хемикалии складирани во веќе зафатениот магацин. Во текот на денот се случила и втора експлозија на друго буре, по што огнот се проширил повторно.Во моментов, гори ниска вегетација и тревна површина, како во, така и надвор од кругот на фабриката. Засега не се зафатени производни хали или други складишта, но постои опасност од ширење на пожарот, поради што се преземаат итни мерки за локализација.На терен интервенираат екипи од ТППЕ Македонски Брод и Прилеп, а се очекува и поддршка од Кичево. Градоначалникот на Општина Македонски Брод побарал и ангажирање на воздухопловни сили преку бројот за итни случаи 112.ЦУК веќе ги процесуира барањата до МВР, Дирекцијата за заштита и спасување и Генералштабот на Армијата, и најавува редовно информирање на јавноста за развојот на ситуацијата.

Македонија | пред 7 месеци

Ѓорѓиевски: Програмата ќе ја градиме заедно со граѓаните преку теренски посети и отворена комуникација

Орце Ѓорѓиевски, кандидат за градоначалник на Скопје од редовите на ВМРО-ДПМНЕ, гостуваше во Дневникот на телевизија Сител. Ѓорѓиевски кажа дека веќе започнал со теренски посети и дека програмата ќе ја гради заедно со граѓаните, со цел да се одговори на сите нивни потреби. Тој ја истакна високата реализација на програмата во Кисела Вода, која е резултат на конкретни проекти кои го подобруваат квалитетот на живот на граѓаните.„Ова е еден од правилните начини, од една страна граѓаните подолго време ќе можат да слушнат за мојот концепт мојата визија за Скопје, за сето она што треба да го направиме. Од друга страна, од денеска започнав со теренски посети. Тоа ќе го правам во наредниот период, каде што програмата заедно со граѓаните ќе ја креираме. На овој начин, поблиски ќе бидеме до граѓаните и нема да испуштиме одредени делови во програмата да вметнеме што се од исклучително значење за граѓаните“, вели Ѓорѓиевски.Ѓорѓиевски изрази благодарност за поддршката од граѓаните и ја потенцираше нивната улога во изборниот процес.„Силно верувам во поддршката на мојата политичка партија, но од друга страна верувам во сето она што со мојот тим го сработивме изминатиот период во општина Kисела вода. Граѓаните како и обично пресудуваат во овие процеси. Јас им се заблагодарувам на сите скопјани, на сите граѓани коишто и во оваа фаза ми дадоа огромна поддршка. Се чувствува силната поддршка од страна на граѓаните, и тоа дека верувам дека скопјани ќе ми дадат шанса да го водам главниот град“, рече Ѓорѓиевски.Ѓорѓиевски истакна дека неговиот фокус е на резултати, а не на споредби со минатото. Тој ја истакна и високата реализација на програмата за општина Кисела вода и нагласи дека граѓаните можат да препознаат што е сработено.„Не би го трошел времето на граѓаните да ги правам споредбите и паралелите со минатото. Реализацијата на мојата програма е над 90% и тоа сите го знаат добро во Кисела Вода. Тоа што сум го реализирал во Кисела Вода заедно со мојот тим, заедно со советниците, се проекти за граѓаните и секогаш наидувале на позитивна реакција од страна на Советот и секогаш сум ја добивал колективната поддршка“, истакна Ѓорѓиевски.Тој ја потенцираше својата посветеност да го води главниот град за доброто на сите граѓани.„Вчера бев категоричен на моето излагање, кратко, во присуство на претседателот на моја политичка партија кога ја побарав поддршката на сите скопјани, без разлика на политичка припадност, без разлика на вера, без разлика на нација“, речен Ѓорѓиевски и додаде:„За мене се подеднакво важни сите, за мене постојат само граѓани коишто си го сакаат градот или не го сакаат градот. И по тој основ јас ќе функционирам“.

Скопје | пред 7 месеци

Стојаноски: Со Ѓорѓиевски, скопјани ќе добијат градоначалник кој е достапен и кој ќе ги реши проблемите

Бојан Стојаноски, пратеник од ВМРО-ДПМНЕ, беше гостин во емисијата ,,Само Вистина“ на телевизија Канал 5. Стојаноски истакна дека со кандидатурата на Орце Ѓорѓиевски, ВМРО-ДПМНЕ испраќа порака до граѓаните за нов почеток. Според него, Ѓорѓиевски е подготвен да го рестартира градот Скопје и да донесе вистински промени кои се во интерес на граѓаните на Скопје.„Со кандидирањето на Ѓорѓиевски сакавме да ја покажеме и да ја испратиме пораката кон граѓаните дека лекцијата од претходните избори е научена. Ѓорѓиевски е човек којшто доаѓа прво од партиската база на ВМРО-ДПМНЕ, второ човек којшто е докажан веќе во една од скопските општини со конкретни мерливи проекти“, кажа Стојаноски.Стојаноски истакна дека Скопје конечно ќе добие градоначалник кој ќе биде достапен за граѓаните. Според него, Ѓорѓиевски ќе го рестартира Скопје од ситуацијата во која моментално се наоѓа.„Ние на граѓаните ќе го понудиме тоа што и самиот Ѓорѓиевски вчера го кажа, односно човек којшто ќе го воскресне градот Скопје, ќе го рестартира од оние ситуации каде што сега се наоѓа. Сето она кое што го правеше во Кисела Вода, само ќе го направи едно ниво погоре и ќе го прави истото во градот Скопје. Тоа значи дека конечно ќе добиеме градоначалник прво, којшто ќе биде достапен, понатаму повеќе нема да зборуваме колку градот ни е исфлекан, колку е хигиената е на едно недостоинствено ниво“, рече Стојаноски и додаде:„Понатака, секако рестартирање на градскиот јавен превоз и културата на живеење, унапредување на едно повисоко ниво. Инфраструктурните проекти коишто треба да се започнат и оние кои што се барања на граѓаните на Скопје да ги заврши. Само со неговото кандидирање е првичната порака е испратена“.Стојаноски истакна дека, кандидатот на ВМРО-ДПМНЕ за градоначалник на Град Скопје, Орце Ѓорѓиевски, секојдневно ги посетува скопските општини со цел програмата да се изработи заедно со граѓаните, а подоцна истата да биде презентирана.„Денеска беше во општината Бутел, утре во општина Гази Баба, задутре доаѓа во општина Ѓорче Петров. Ќе се сретнеме со сите граѓани, ќе имаме целодневна агенда за да неговите идеи. Тоа што ние сакаме да го претставиме пред граѓаните е прво, го доближиме до нив заедно да ја направиме програмата, а потоа со неговиот лик и со програмата да излеземе пред граѓаните“, заклучи Стојаноски.

Македонија | пред 7 месеци

Пукање врз полиција во Битола – едно лице рането и хоспитализирано под надзор

Дежурен јавен обвинител од Основното јавно обвинителство Битола врши увид на локација во битолскиот регион каде, според првични информации, лице по кое трагала полицијата отворило оган врз полициски службеници. Во престрелката, еден од полицајците возвратил, при што осомничениот бил повреден, а потоа приведен и задржан на болничко лекување под надзор.Обвинителството соопшти дека се издаваат наредби и насоки за целосно расчистување на настанот.

Македонија | пред 7 месеци

Тренчевска: Семејствата на жртвите од трагедијата во Кочани заслужуваат и финансиска помош и правда

Пратеничката на СДСМ Јована Тренчевска во рамките на амандманската расправа истакна дека власта очигледно живее во некој паралелен свет, не во светот во кој живеат граѓаните на Кочани, особено семејствата на настраданите.„Чувство на одговорност немате, чувство за поддршка и помош немате, а одговорно излегувате арогантно да забранувате да се зборува за најголемата трагедија што ѝ се случила на Македонија. Тоа е навистина безобразно, навистина срамно. Таа забрана за зборување и забрана за пристап на медиумите ја покажува вашата ароганција и покажува дека единствено на што сте спремни е да си го зачувате рејтингот“, нагласи Тренчевска.Тренчевска додаде дека доколку власта водеше барем малку грижа немаше да го блокира предлог-законот за настраданите во Кочани и ќе го прифатеше овој амандман што ветува поддршка и помош за настраданите и нивните семејства.„Шеесет и два млади животи згаснаа за миг, една школска генерација во едно населено место ја снема. 200 повредени, од кои најголем дел со траен инвалидитет, а вие зборувате дека она што СДСМ и коалиционите партнери го предлагаат во форма на предлог-закон и сега со амандмани, е квази политика. Вашето е квази политика, затоа што, 30 милиони денари имавте во буџетот за настраданите во Кочани“, нагласи Тренчевска додавајќи дека сето она што е дадено на семејствата и на повредените е направено од Црвениот крст и од Супорт Кочани, а не е направено од владата, не е направено од буџетот на државата.Тренчевска нагласи дека владата предводена од ВМРО-ДПМНЕ покажа невидена ароганција, покажа негрижа за настраданите и за семејствата од Кочани.„Семејствата бараат правда, бараат поддршка, бараат помош. Во овој момент им е потребна правда, меѓутоа им е потребна и финансиска помош и поддршка. Меѓутоа, тоа вас не ви е приоритет. За вас, Кочани и семејствата на настраданите не се приоритет“, нагласи Тренчевска.

Македонија | пред 7 месеци

Нема фотографија

Талевски: Потребна е сериозна и одговорна политичка волја за помош на семејствата на жртвите во Кочани

Пратеникот од Социјалдемократскиот сојуз на Македонија, Миле Талевски на денешната амандманска расправа за ребалансот на Буџетот, истакна дека наместо реална помош за семејствата на жртвите во трагедијата во Кочани, власта води квази политика врз грбот на овие луѓе.„Ситуацијата со ВМРО е комплетно забегана и нема допирна точка со реалноста. Жртвите и повредените секојдневно бараат помош од сите нас, и треба да им се излезе во пресрет. Наместо тоа, се води квази политика врз грбот на овие нови луѓе, и слушаме некакви објаснувања дека Собранието нема надлежност и не треба да биде вклучено во овој процес. Заменик-министерот дури ни кажува дека не треба да има политика во ова прашање. Кој води политика? Власта, која бара начин како да се извади од оваа цела ситуација“, рече Талевски.При тоа, Талевски посочи дека постојано од почетокот на истрагата до сега , владата бара начин како да се амнестираат оние кои директно се одговорни за последиците од случувањата во Кочани.„Самите тие полицајци, кои имале обврска дента да постават оперативен план по Законот за јавни собири и да постапат, не постапиле. По голем број реакции, имаме само обиди за заштита на одговорните“,рече Талевски.Тој потенцираше дека јавноста заслужува транспарентност и решавање на овие проблеми:„Очекуваме јасни одговори, решенија и поддршка за повредените и нивните семејства, како и за сите граѓани кои се соочуваат со сериозни проблеми. Ние, како пратеници, имаме обврска да ги слушнеме и поддржиме овие луѓе преку законски решенија и амандмани. Предлогот за ребаланс на Буџетот е чекор во таа насока, но, за жал, нема слух за тоа. Секој ден родителите бараат да им се помогне. Ние предлагаме начини како полесно да се справат семејствата на жртвите и овие 200 повредени. Затоа, свестете се малку. Потребна е сериозна и одговорна политичка волја, не кампања. Граѓаните очекуваат решенија и помош, а не празни зборови – рече Талевски

Македонија | пред 7 месеци

Стојаноски: Граѓаните имаат недоверба во системот заради политиките на СДС и трагедиите кои не резултираа со правда

На денешната Комисија за финансирање и буџет во Собранието, се обрати пратеникот од ВМРО-ДПМНЕ, Бојан Стојаноски кој дискутираше за поднесените амандмани од опозицијата во врска со финансиските средства за повредените од Кочани.„Најмногу можам да ги разберам нашите граѓани, бидејќи во изминатиот период нашите граѓани беа метафорички изгорени од тоа да се случуваат случаи а правдата никогаш да не дојде. Ги разбираме граѓаните со нивната недоверба кон системот бидејќи навикнати се на такви трагедии по неколку години да нема никаков епилог, никој да не е виновен, да нема обештетување за семејствата, да биде крив кабелот. Затоа што ние ќе направиме за граѓаните, за тоа како ние ќе им помогнеме нека зборуваат делата и воопшто не е важно кој што ќе каже и што ќе не обвини додека на крајот од денот се покажува реална помош кон тие што им е најпотребно“, рече Стојаноски.Стојаноски истакна дека со амандманот 148 се бараат финансиски средства од 3 милиони денари за изградба на старечки дом во Кочани, за кој за истиот, Владата обезбедила 199 милиони денари.„Во амандманот 148 се бара да се обезбедат средства од 3 милиони денари за изградба на старечки дом во општина Кочани. Во моментот тој е в.д градоначалник поддржан од вашата пратеничка група, одобрена апликација за дом на стари лица со капацитет од 141 лице, 199 милиони денари. Господинот Крстевски оваа недела ќе го потпише договорот, од наредната ќе почне постапката и ќе почне да го гради. Сте поднеле амандман за 3 милиони, обезбедени се 199 милиони денари“, истакна Стојаноски.Пратеникот истакна дека дел од болницата во Кочани се реконструира, адаптиран е просторот Пониква, а обезбедена е и потребната адаптивна облека која е бесплатна, бесплатно лекување во странство и бесплатни лекови.„Амандманот 202, се бараат средства да се обезбедат за реконструкција на болницата во Кочани. Во овој момент 350м2 од таа болница и неколку оддели се реконструираат, постојат средства во ребалансот за сите овие работи. Адаптиран е просторот во Пониква, обезбедена е бесплатна психолошка поддршка со тим од Скопје на сите оние коишто ќе се обратат до таа. Адаптивните облеки обезбедени се и тие ќе бидат бесплатни, бесплатни лекови има за сите оние на коишто тоа им е потребно, бесплатно лекување во странство и престој за сите оние од најблиско опкружување колку и да е потребно до последен миг, во овој ребаланс има обезбедува средства за ослободување од партиципација“, објасни Стојаноски.

Македонија | пред 7 месеци

Кривична пријава за двајца кавадарчани, набавиле амфетамин во Скопје, да го продаваат во Кавадарци

ОВР Кавадарци, до Основното јавно обвинителство Кавадарци, поднесе кривична пријава против С.С.(39) и Т.А.(38), двајцата од Кавадарци, поради постоење основи за сомнение за сторено кривично дело - „неовластено производство и пуштање во промет на наркотични дроги, психотропни супстанци и прекурсори“ - по член 215 став 1 од КЗ на РСМ.Според документираните сознанија пријавените на 03.06. годинава од непознато лице во Скопје набавиле 185,4 грама наркотична дрога „амфетамин“, наменета за продажба. При транспорт, со патничко моторно возило „Форд“, со кавадаречки регистарски таблички, управувано од Т.А. (а С.С. бил сопатник) на подрачјето на општина Росоман, биле сопрени од полициски службеници кои што дале знак за запирање на патничко возило. Меѓутоа тие не застанале се дале во бегство а С.С. ја фрлил од возилото наркотичната дрога. Меѓутоа набргу биле запрени и при преглед, кај С.С. била пронајдена 1.18 грама опојна дрога „амфетамин". По преземени оперативни мерки и активности фрлената дрога е пронајдена и одземена.

Македонија | пред 7 месеци

Експлозии на буриња со хемикалии – активиран повторно пожарот во близина на фабриката за оружје во Самоков

Командирот на Територијалната противпожарна единица (ТППЕ) Македонски Брод пријавил дека повторно е активиран на пожар во кругот на фабриката за оружје и муниција АТС АММО во населба Самоков.ЦУК наведува дека иако претходниот отворен пожар во магацинот беше локализиран пред неколку дена, во ноќните часови била забележана експлозија на буре со хемикалии складирани во веќе зафатениот магацин. Во текот на денот дошло и до втора експлозија на друго буре со хемикалии, по што пожарот повторно се активирал.Во моментот гори ниска вегетација и површина со трева и дрвја, и во кругот и надвор од кругот на фабриката. Пожарот засега нема зафатено производни хали или други магацински капацитети, но итно се преземаат мерки за негово спречување и локализација.На терен интервенира една противпожарна екипа со едно возило од ТППЕ Македонски Брод. Поради сложеноста на теренот и опасноста од ширење на пожарот, Градоначалникот на Општина Македонски Брод побарал поддршка од ТППЕ Прилеп и ТППЕ Кичево. ТППЕ Прилеп веќе упати едно противпожарно возило со екипа на лице место.Градоначалникот на Општина Македонски Брод преку повикувачкиот број за итни случаи 112 официјално побара и воздухопловна поддршка за помош на копнените сили во справување со пожарот.Центарот за управување со кризи (ЦУК) веднаш ги процесуира барањата до Министерството за внатрешни работи (МВР), Дирекцијата за заштита и спасување (ДЗС) и Генералштабот на Армијата на Република Северна Македонија.ЦУК останува во координација со сите надлежни институции и ќе ја информира јавноста за понатамошниот тек во врска со овој пожар.

Македонија | пред 7 месеци

(ФОТО) Силно невреме направи вистински пустош низ Загреб

Силна невреме проследено со силен ветер и обилни дождови го погоди Загреб утрово, предизвикувајќи големи штети. Државниот хидрометеоролошки завод (DHMZ) издаде предупредување за моќни електрични празнења со силен ветер во пет окрузи.Дирекцијата за цивилна заштита, или Окружниот центар 112, во текот на утрото примила околу 30 пријави од граѓани за последиците од бурата во Загреб, кои се однесувале на откорнати дрвја што паднале на патиштата, скршени гранки и оштетувања на возила и покриви.Државниот хидрометеоролошки институт (DHMZ) го зголеми нивото на предупредување за неколку региони. Напладне, пораките беа испратени до граѓаните на пет окрузи преку Системот за рано предупредување и управување со кризи - SRUUK.Предупредување за невреме со урагански ветрови е издадено за неколу жупании: осиечко-барањска, вуковарско-сремска, бродско-посавинска, пожего-славониска и вировитичко-подравинска.Црвено предупредување е во сила за Славонија, а портокалово предупредување е во сила за остатокот од Хрватска, освен на крајниот север, поради можни силни бури. Температурите ќе паднат за повеќе од 10 степени во некои делови од земјата.На места се можни поизразени врнежи од дожд со грмотевици, привремено придружени со бурни, урагански ветрови, претежно северозападни. Најсилните налети на ветер се поголеми од 120 километри на час, а веројатноста за грмотевици е поголема од 75 проценти.

Свет | пред 7 месеци

Состојбата со пожарите сѐ уште сериозна – осум активни пожари низ земјата, најмногу во регионот на Македонски Брод

И покрај ангажманот на институциите, состојбата со пожарите на отворен простор во земјава и натаму не е стабилизирана. Според информациите што Центарот за управување со кризи (ЦУК) ги објави денеска до 14:00 часот, активни се вкупно осум пожари, додека само еден пожар е целосно изгаснат.Најголем дел од активните пожари се лоцирани во општина Македонски Брод, каде се бележат дури три жаришта – кај селото Црешнево, во населбата Самоков и во селото Слатино. Во Црешнево гори деградирана дабова шума и грмушки, додека во Самоков, во кругот на поранешната фабрика „Сувенир“, избувнал пожар во магацин/хала со складирани гуми и палети. Кај Слатино гори лисната постелка и ниска вегетација.Пожар е активен и на подрачјето на општина Прилеп, кај селото Бешиште, каде гори приземен пожар во мешана шума. Во општина Чашка, под Солунска Глава, помеѓу изворите на реката Бабуна и локалитетот Бабина Дупка, засега нема активен пламен, но има појава на чад во карпест дел.Пожар се уште гори и на потегот помеѓу селата Блаце и Чучер во општина Чучер Сандево, каде е зафатена мешана шума и ниска вегетација. Исто така, шумски пожар е активен и кај селото Белаковце во општина Старо Нагоричане.Од ЦУК информираат дека единствениот пожар кој е целосно изгаснат до овој момент е во село Чешиново, општина Чешиново-Облешево, каде што горело стрниште.Надлежните институции се на терен и ги преземаат сите мерки за локализација и гаснење на пожарите, а јавноста се повикува на зголемена внимателност и пријавување на секое жариште на бројот за итни случаи 112.

Македонија | пред 7 месеци

Ова е епилогот од претресите во Скопје и Куманово: шест лица под истрага, се бара и притвор

Основното јавно обвинителство Скопје отвори истрага против шест лица, осомничени за организирана и продолжена трговија со наркотични дроги, меѓу кои и амфетамин, марихуана и психотропни супстанции.Според обвинителството, осомничените во периодот од 1 мај до 3 јули 2025 година, во повеќе наврати со умисла извршиле поврзани дејствија на неовластено производство и продажба на дрога, при што користеле ист траен однос и слични околности. Станува збор за околу 6,5 килограми амфетамин, 257 грама марихуана и 98 таблети MDMA (екстази).Предистражната постапка траела неколку месеци и дел од доказите се обезбедени со примена на посебни истражни мерки. На 3 јули, сите шест лица беа уапсени во координирана акција на полицијата, а по наредба на судија за претходна постапка беа извршени претреси на повеќе локации во Скопје и Куманово.Во текот на претресите, покрај наведените дроги, биле пронајдени и други наркотични супстанции – хашиш, кокаин, разни таблети, дигитални ваги, готовина и опрема за пакување.Јавниот обвинител поднесе предлог до Основниот кривичен суд Скопје за определување притвор за сите шестмина осомничени.

Македонија | пред 7 месеци

Трагедија во Ѓорче Петров: По пожарот кај Лепенец, пронајдено изгорено човечко тело

Вчерашните пожари ја земаа првата жртва, дознава „Скопје1“. Според наши извори, човечко тело е најдено изгорено во штала која била лоцирана во близина на Железничката станица Ѓорче Петров.Телото на човекот е најдено до изгорените тела на добитокот, а просториите биле целосно пеплосани. Информацијата на потврдија од МВР за „Скопје1“.Се преземаат мерки за расчистување на случајот.

Скопје | пред 7 месеци

Купуваш играчка, добиваш зависност: феноменот Labubu

Зад симпатичните дизајни и привидно невините играчки што ги обожаваат децата, често стојат сериозни маркетиншки механизми и бизниси вредни милијарди евра. Еден од најновите глобални феномени – куклите Labubu – е совршен пример за тоа.Овие мали фигурички не се само играчки. Тие се дел од прецизно осмислена стратегија за продажба, заснована на концептот на „слепа кутија“ – купувачот не знае која верзија ја добива сè додека не ја отвори. Таа неизвесност буди возбуда, адреналин, а кај децата – и силна емоционална поврзаност.Психологот Мулиќ Чорбо вели дека ваквите трендови не се нови. „Кога јас бев девојче, Барби куклите беа апсолутен хит. Имавме само една или две, но вредеа многу. Се собираа деца околу нив, се создаваше заедништво. И Labubu е слична приказна – кукла, приврзок и симбол на споделена игра“, објаснува таа.Но зад таа „споделена игра“, вели таа, стои агресивен маркетинг. „Важно е што играчката пренесува. Луѓето се поврзуваат со пораки, симболи, стилови. Дури и возрасните реагираат на тоа што ги ангажира емоционално“, додава Чорбо.Професорот Касим Татиќ пак, посочува на уште подлабоката игра: „Ова се маркетинг трикови со прецизна цел – да се стимулира побарувачката и да се создаде социјален притисок. Кога сите купуваат нешто, и ти чувствуваш дека треба.“Според него, „психологијата на мистеријата“ игра клучна улога – фактот дека не знаеш што точно купуваш ги тера луѓето да се навраќаат, да собираат, да трошат повеќе.Цената на една кукла Labubu варира од 20 до 30 долари, но за ограничени изданија – цената експлодира. На eBay некои примероци достигнуваат и до 7.000 долари. На платформата StockX, моделите направени во соработка со брендот Vans се продаваат и по над 3.000 долари.Тоа што почнува како „слатка играчка“ за дете, често завршува како колекционерска манија за цело семејство.Мулиќ Чорбо апелира до родителите да не дозволат маркетингот да ја преземе улогата на воспитувач.„Купувањето секогаш е избор што носи вредносна порака. Како родители, мора да зборуваме со децата – зошто сакаат одредена играчка, што таа претставува, и дали зад тоа се крие нешто што можеме заеднички да разбереме.“Таа потсетува дека децата се во фаза кога силно тежнеат кон припадност и уникатност, а ваквите трендови умешно ја користат таа потреба. „Но, токму затоа мора да им помогнеме да го разберат светот зад пакувањето.“

Свет | пред 7 месеци

Левица: Компанијата „Агроплод Ресен” незаконски и криминално го издала автокампот Крани за работа на „ИМПЕРИУМ-ПЕТ” ДООЕЛ

Додека директорот на Државниот пазарен инспекторат Влатко Стојкоски држи празни прес-конференции за наводните контроли на неговата институција, Левица објавува докази како само 2 месеци после трагедијата со Кочани, пазарниот инспекторат при вршење надзор не постапил законски и дозволил авто-кампот КРАНИ да продолжи да работи без дозвола!Левица претходно објави дека овој автокамп е криминално присвоен од компанијата „Агроплод Ресен” и истиот формално-правно не постои, односно не е категоризиран согласно Законот за автокампови и нема дозвола за работа. Во одговор на Пазарниот инспекторат, наведено е дека на 15 април пазарен инспектор извршил надзор во овој автокамп, при што констатирал дека автокампот Крани не ги исполнува санитарно-здравствените услови, условите за заштита при работа, условите за противпожарна заштита, како и дека истиот не е категоризиран, односно работи без дозвола за работа.Но, наместо пазарниот инспектор веднаш да го затвори авто-кампот и да иницира постапка против правниот субјект кој незаконски узурпира и стопанисува со државен имот, инспекторот изрекол само опомена со временски период да ги отстрани неправилностите?! Пазарниот инспектор бил должен да знае дека се работи за авто-камп во сопственост на Репубика Македонија, со кој криминално стопанисува „Агроплод Ресен”, на кој уште во 2004 година и е одземена концесијата за овој авто-камп и оваа компанија нема никаков правен основ за да работи со автокамп Крани, туку истата треба да биде под кривична истрага за узурпација на државен имот, се наведува во соопштението на Левица.Левица објавува уште еден доказ, односно одговор од Државното правобранителство, во кое јасно стои дека предметниот автокамп формално-правно не постои и истиот е во неспорна државна сопственост. Моментално, компанијата „Агроплод Ресен” незаконски и криминално го има издадено автокампот за работа на правното лице „ИМПЕРИУМ-ПЕТ” ДООЕЛ Скопје, каде управител е Александар Петковски. Се работи за сериозен криминал под заштита на институциите, каде годишно незаконскиот управител остварува чист профит и до 160.000 евра.Левица алармира дека при ваквиот сериозен криминал не е во прашање само финансиската корист која се остварува криминално, туку и незаконското работење без дозвола за работа ни дава сериозна загриженост после трагедијата со дискотеката „Пулс”, каде токму непостапувањето на пазарните инспектори (кои дозволија да работи без лиценца), за жал резултираше со 63 трагично изгубени животи.Партијата прашува - дали власта и премиерот Мицкоски го штитат од кривичен прогон нивниот директор на Државниот пазарен инспекторат за трагедијата со Кочани затоа што Влатко Стојкоски продолжува да не постапува против локални моќници и нивниот криминал?!фото: ФБ

Македонија | пред 7 месеци

Возач во пијана состојба предизвика тешка сообраќајка во Скопје

Тешка сообраќајка во Скопје: Возач со 3,08 промили алкохол удрил во друго возило – три лица повредениНа крстосницата меѓу булеварите „Србија“, „Трета Македонска бригада“ и „12 Македонска бригада“ во Скопје, во саботата попладне се случила тешка сообраќајна несреќа помеѓу две патнички возила – „цитроен“ управуван од 60-годишниот И.К. и „опел антара“ управуван од 23-годишниот Ф.К., двајцата од Скопје.Како што соопшти МВР, во несреќата со тешка телесна повреда се здобил И.К., а полесно се повредени Ф.К. и неговиот сопатник П.Б. (19). Повредените се пренесени во ГОБ „Св. Наум Охридски“ и на Клиничкиот центар „Мајка Тереза“.По наредба на јавен обвинител, И.К. бил лишен од слобода во 18:30 часот, бидејќи алкотест покажал дека управувал возило со 3,08 промили алкохол во крвта. Против него ќе биде поднесена кривична пријава.

Скопје | пред 7 месеци

Во скопската зоолошка градина починале две лами, ЗОО молчи

Советникот во Град Скопје, Стефан Кирков, алармира дека во скопската Зоолошка градина повторно угинале животни – овој пат две лами, при што тврди дека институцијата го прикрива случајот. Според него, поморот трае со години, а состојбата ја опишува како „вистински хорор“.„Нашата, Скопската Зоолошка е една хорор приказна изминативе 3,5 години. Ја нареков куќата на стравот со цел некоја 'умна' глава да превземе нешто за ова што ѝ се случува на оваа установа“, напиша Кирков на своите социјални мрежи.Тој потсетува дека „откако Арсовска дојде на чело на Скопје и со поставување на нејзините 'професионални' кадри за директори, во Скопје ЗОО угинаа повеќе од 40 егзотични животни, дел од нив под сомнителни околности“.Како што вели, последните два случаи на угинати лами се случиле пред четири до пет дена. „За нив неофицијално се раскажува дека подолго време појавувале симптоми на туберкулоза“, посочува Кирков. Тој додава дека и пред само еден месец починале уште две лами, за кои „се знаело, наводно, дека боледуваат од истата болест – туберкулоза“.Според него, вработените биле изложени на ризик и притисок, а истовремено и посетителите. „Неколку дена претходно, вработените имале голем притисок и мобинг од горенаведените да влегуваат во живеалиштата на ламите без никаква хтз или заштитна опрема“, вели Кирков и предупредува дека симптомите кај животните биле „видливи“, а тие не биле изолирани.Кирков тврди дека директорот во сенка, Стаменов, заедно со директорот на хартија, Попов, наредиле информацијата за угинувањето на ламите да се сокрие и да не се објавува. „До таму идат што и покрај законската обврска да ја известат АХВ, тие тоа не го прават. АХВ дознаа утрово од мене“, вели тој.Тој јавно ја прашува градоначалничката: „Данела Арсовска, што уште ќе му направиш на Скопје?“Апелира до новинарите и здруженијата за заштита на животни да реагираат:„Ги охрабрувам сите новинари, друштва за заштита на животни да го испитаат ова и да ги побараат одговорите и одговорноста од таму кај што треба. Јас, како Советник во Град Скопје, како и секогаш, истото ќе го направам“, заклучува Кирков.СК1 го контактираше директорот Зоран Попов за да побара детали. Доколку одговори на пораката, ќе ги проследиме одговорите. Не е првпат медиуми и активисти да откриваат дека угинале животни во Зоолошката, пред тоа да го направи самата институција.фото: ЗОО Скопје/ФБ

Скопје | пред 7 месеци

Стигнале пријави за мито побарано од медицинари – Алиу молчи за имињата и од кои клиники доаѓаат

Граѓани пријавиле барање на мито од страна на медицинари, кажа Азир Алиу, министер за здравство. Но, засега ова е непријавено до правосудните институции. Посочува дека тие прво ќе ги проверат пријавите, па ќе видат што понатаму.Алиу одби да каже кои клиники биле пријавените, како и дали се од скопскиот Клинички центар.„Прва фаза е, не е добро да именуваме клиники.. Ќе нѐ оставите недела-две. Имаме методологија, свесни сме дека кога креираме систем треба да одговараме“, рече Азир Алиу, министер за здравство.

Македонија | пред 7 месеци

Трагедија во Грција: Девојка се онесвести откако доби предлог за брак – се бори за живот

Трагичен момент го обележа патувањето на млад пар во Лефкада, Грција. Додека уживале во романтичен излет на живописната црква „Пророк Илија“ во селото Енглуви, 24-годишна девојка од Чешка паднала во безсознание веднаш откако нејзиниот партнер ѝ предложил брак.Случајот се случил пред неколку дена, кога младиот маж ѝ го поставил клучното прашање, а таа – во момент на емоции – колабирала и паднала на земја. Била итно пренесена во болница во Превеза, каде лекарите констатирале екстензивно мозочно крварење. Поради сериозноста на состојбата, девојката е префрлена на интензивна нега во болница во Јанина, каде се бори за живот.Лекарите велат дека состојбата е критична. Според првичните информации, не се работи за надворешна траума или пад поради повреда, туку за ненадејна внатрешна медицинска компликација.Грчките медиуми известуваат дека парот бил на одмор во Лефкада, а предлогот за брак требало да биде врв на нивната романтична авантура. Наместо среќа – трагедија.Истрагата е во тек, а семејството и пријателите се во шок и со надеж за нејзино закрепнување.

Свет | пред 7 месеци