На 11.07.2021 околу 04.00 часот во Полициска станица Аеродром, В.Н. пријавил дека четири лица со употреба на сила влегле во маркет на подрачјето на Аеродром и одзеле банкомат.Се преземаат мерки за расчистување на случајот.
Македонија | пред 4 години
Претседателот Стево Пендаровски вечерва се обрати на свеченото отворање на 61-то издание на „Охридско лето“, во Античкиот театар во Охрид.Во продолжение ви го пренесуваме обраќањето на Претседателот во целост:Пред век и половина големиот Фјодор Михајлович Достоевски напиша „Убавината ќе го спаси светот“. Еден век потоа, анализирајќи ја оваа мисла низ мачните искуства на Втората светска војна, Холокаустот и мрежата на гулази, дисидентот во едноумието, Солженицин праша: „Кога во нашата историја, гладна за крв, убавината спасила некого од нешто. Убавината секако нѐ облагородила, ни го поткренала духот – но кого некогаш спасила?“Минувајќи низ нашиве години на пандемија, ние можеме да се надоврземе на овие прашања. Колку убавината нѐ заштити од акутната закана на вирусот? Може ли убавината да ги врати загубените животи, прекинатите соништа, пропуштените перспективи? Како ќе ги надомести економските штети, како ќе ги реши еколошките проблеми, како ќе ги исправи длабоките социјални неправди? Ако пред овие предизвици потклекнаа и најмоќните на планетата, како воопшто убавината може да го спаси светот?Меѓутоа, драги пријатели, парадоксот на убавината која е олицетворена во уметноста и културата е што таа е непресушен извор на надежта за подобар свет, дури и кога ги прикажува најголемите страдања, насилството кон немоќните или грдите лица на луѓето. Автентичната уметност ни ја нуди надежта и како личен и како колективен феномен, не поттикнува да ја бараме вистината и да ја прегрнеме добрината. Како критичар на сите апарати и системи на моќта, уметноста нѐ охрабрува да не се помируваме со злоупотребите и да не молчиме пред неправдите. Дури и кога е игнорирана или забранувана, уметноста си го пробива патот меѓу луѓето, меѓу народите, јазиците и културите ширејќи го просторот за свет со почовечки лик.За да не потоне во очај, на светот му е неопходна убавината. Таа, заедно со вистината што ослободува и добрината што облагородува може да ги помири луѓето, може да ја намали нивната болка, да ги поврзе генерациите и да му даде нова надеж на човештвото. А тоа ни е повеќе од потребно во секојдневието исполнето со сиви тонови.Веќе 61 година оваа институција дава простор за врвни креации на илјадници уметници од целиот свет. Токму уметниците се вистинските чувари на убавината, и со тоа и сведоци дека надежта за човештвото опстојува. Годинава, кога прославуваме 30 години од независноста на Република Северна Македонија, го започнуваме нашиот најпрестижен меѓународен фестивал „Охридско лето“ со 90 македонски уметници чии квалитети сигурно не се подолу од најпознатите светски имиња.Задоволство ми е, со оваа констатација, како покровител, да го прогласам фестивалот Охридско лето за отворен.
Македонија | пред 4 години
Со повик за заштита на охридскиот регион, министерката за култура Ирена Стефоска се обрати до присутните во Античкиот театар на отворањето од “Охридско лето”. Стефоска порача дека во Охрид треба да се доаѓа со респект, бидејќи градот не е забавен парк.“Охридско лето ја надмина фестивалската улога, стана македонски бренд кој го проби патот до светска претпознатливост. Тоа не само што трае туку ни го дава најдоброто од себе. Ниту Охрид без Охридско лето, ниту Охридско лето без Охрид. Затоа повикувам, доаѓајте со респет во Охрид, тој не е забавен парк. Посетете ја питомата Струга, тоа не е само уште еден град. Прошетајте ја живописната Дебрца, таа не е депонија. Искачете ја Галичица, таа не е само уште една планина. Крајбрежјето е мир, а не бетонски рај. Охридското Езеро е редок дар, не е базен. Тапијата е во наши раце, мораме да ја сочуваме. Мораме да ја сочуваме, не поради УНЕСКО, туку поради оставениот аманет. Одиме бавно како Влада, тоа е факт. Но не застануваме. Сѐ пред тоа и сѐ потоа е само лето”, рече Стефоска на отворањето.
Македонија | пред 4 години
Со гала балетскиот концерт „Големиот Чајковски" на Националната опера и балет отворено 61. издание на „Охридско лето“.Пред исполнетиот аудиториум на Античкиот театар, Фестивалот за отворен го прогласи покровителот на манифестацијата, претседателот на Македонија, Стево Пендаровски.– Автентичната уметност ни ја нуди надежта и како личен и како колективен феномен, нè поттикнува да ја бараме вистината и да ја прегрнеме добрината. Како критичар на сите апарати и системи на моќта, уметноста нѐ охрабрува да не се помируваме со злоупотребите и да не молчиме пред неправдите. Дури и кога е игнорирана или забранувана, уметноста си го пробива патот меѓу луѓето, меѓу народите, јазиците и културите, ширејќи го просторот за свет со почовечки лик, истакна во дел од своето обраќање Претседателот Пендаровски.Министерката за култура Ирена Стефоска пред присутните потенцираше дека „Ниту Охрид меже без „Охридско лето" ниту „Охридско лето" без Охрид.„Магијата е взаемна како што е магичен и целиот регион. Доаѓајте со респект во Охрид, Охрид не е забавен парк, Посетете ја питомата Струга, Струга не е само уште еден град. Прошетајте ја Дебрца, Дебрца не е депонија. Искачете ја Галичица и напојте го погледот со убавина, Галичица не е само уште една планина. Охридското Езеро е редок дар, а не базен. Регионот е волшебство од природата и наследство на историјата. Тапијата е во наши раце само на чување и затоа мора да ја сочуваме – не заради УНЕСКО, туку заради оставениот аманет кој е и наша обврска и наша чест, истакна Стефоска.Охридско лето ќе трае до 20 август. На сцените ќе настапат повеќе од 500 уметници од 18 земји.
Македонија | пред 4 години
„Клиниката за кардиохирургија е извршена третата трансплантација на срце во историјата на нашата држава. Операцијата беше извршена врз 39 годишна жена, со вродена срцева маана, кoја подолго време чекаше донор. Станува збор за тешка операција, која траеше 5 часа. Донираното срце е од починат пациент чие семејство ја покажа својата големина и човечност и одлучи да ги донира срцето и бубрезите за да се спасат три животи“, оваа вест беше главна тема на сите медиуми на 31 мај годинава, кога и се изврши третата трансплантација на срце во земјава.Дел од заслужниот тим кој успешно ги изврши овие операции е и охриѓанецот кардиохирургот д-р Марјан Шокаровски, вработен во Универзитетската Клиника за Државна Кардиохирургија при Клиничкиот Комлекс „Мајка Тереза”.„Долго време работевме на подготовка на протоколи на условите, за на крај како круна на целата работа да заврши со успех првата трансплантација и уште неколку после тоа. Верувајте не беше лесно сето тоа да се организира. Ова е нешто ново во Македонија. Прво требаше да се поттикне јавната свест, да се подготви се за на крај да имаме успех“, вели д-р Шокаровски.Доктор Шокаровски објаснува кога тимот се одлучува за ваква операција и вели:„За да се постави индикација за мозочна смрт, поточно едно тело да биде донор, треба да се постави индикација за трансплантација или дијагноза мозочна смрт. мозочната смрт, значи и фактичка смрт и покрај тоа што дел од органите се сеуште живи и само прашање на време е колку тие органи ќе можат да преживеат во телото. Многу е битно да се каже дека тој простор од дијагнозата на мозочна смрт до користењето на тие органи е кратко и треба брзо да се реагира. Траба да се направат сите дијагностички и клинички испитувања кај пациентот кој е потенцијален донор, за да се верифицира таа мозочна за да може да тргне тој процес на трансплантација“, вели д-р Шокаровски.Д- р Шокаровски открива и други детали за органидарителството, но и вели среќен е што поради тоа што во македонија расте свеста за органодарителство.Разговорот во целост со Д- р Шокаровски во целост може да го погледнете во продолжение.
Македонија | пред 4 години
Адвокатот Гоце Ристевски, во своите завршни зборови во случајот „Организатори на 27-ми април”, рече дека не може да сфати како обвинителството кое располага со неколку изјави на овој сведок не може да ја воочи контрадикторноста од исказ до исказ.„Во првичниот исказ сведокот Нинџа, воопшто не го споменува Спиро Ристовски. Со ваквото обвинение јас сум свесен дека јавниот обвинител го проготал овој детаљ во сведочењето на овој дискредитивен сведок по сите основи, но сум убеден дека вие како право-раздаватели нема да дозволите вакви циркузи да поминуват при утврдување на решителните факти“, рече Ристовски.„Обвинителството во обвинителниот акт и воведните зборови обвинуваше дека ние на почетокот на 2017-та година по неуспешните преговори за формирање на Влада сме изготвиле план со намера да го загрозиме уставниот поредок и безбедност на Република Македонија, а во однос на тој план, дејствието кое сум го преземал е непосредно и секојдневно, сум ги контактирал и координирал градскиот комитет и Месните комитети на партијата како и организаторите на протестите“, потсети Спиро Ристовски на денешните завршни зборови за т.н. организирање на случувањата на 27-ми април.Адвокатот Гоце Ристевски, во своите завршни зборови во случајот „Организатори на 27-ми април”, рече дека не може да сфати како обвинителството кое располага со неколку изјави на овој сведок не може да ја воочи контрадикторноста од исказ до исказ.„Во првичниот исказ сведокот Нинџа, воопшто не го споменува Спиро Ристовски. Со ваквото обвинение јас сум свесен дека јавниот обвинител го проготал овој детаљ во сведочењето на овој дискредитивен сведок по сите основи, но сум убеден дека вие како право-раздаватели нема да дозволите вакви циркузи да поминуват при утврдување на решителните факти“, рече Ристовски.Судењето за „Организаторите на 27 април” e во фаза на завршните зборови. Минатите рочиште ова право го искористија обвинителството и обвинетиот Трајко Велјановски.
Македонија | пред 4 години
Тројца затвореници и еден чувар се избодени со нож и повредени во затворот „К’шање“ во Куманово. Според информациите од полицијата, настанот се случил вчера кога дошло до тепачка помеѓу 8 лица.На повредените им е укажана лекарска помош, а полицијата презема мерки за расчистување на случајот.
Македонија | пред 4 години
Амбасадорите на САД, Велика Британија и ЕУ со јавна поддршка за активностите кои ги прави градоначалникот на Охрид Константин Георгиевски, а со кои се спроведе Закон на брегот на Охридското езеро и се прави се градот да остане град на УНЕСКО.„Големо е задоволството што денеска моја гостинка беше амбасадорката на Соединетите Американски Држави, Кејт Мари Брнз со која имавме можност да поразговараме за повеќе актуелни и важни прашања за Охрид.Горди сме што амбасадорката Брзн уште еднаш ја потенцираше нејзината поддршка на заложбите и посветноста на локалната и централната власт за зачувување универзалните вредности и уникатните аспекти на Охридскиот регион.Покрај темата за исполнување на препораките на УНЕСКО и владеење на правото, имавме можност да разговараме и за инвестициите на општината во инфраструктурата, враќањето на финансиската стабилност, локалниот економски развој, актуелните вложувања на странските компании и развојот на туризмот во Охрид“, напиша на својот ФБ профил градоначалникот на Охрид Константин Георгиески.
Актуелно | пред 4 години
Чест ми е што денес добив поддршка од амбасадорот на Италија во Република Северна Македонија, Андреа Силвестри во насока на исполнување на препораките на УНЕСКО, владеењето на правото и зачувување на светското природно и културно наследство на Охрид, напиша на својот Фб профил градоначалникот на Охрид, Константин Георгиески.Во објавата градоначалникот додава:Освен за најактуелната денешна тема и честитките за освоената европска титула на Италјанската фудбалска репрезентација, со амбасадорот Силвестри разговаравме и за унапредување на меѓусебната соработка во сферата на туризмот. Изразивме надеж дека по надминување на пандемијата со „Ковид 19“ интензивно ќе продолжат активностите за промоција на Охрид пред италјанските туристи.Тема на средбата беше и соработката на полето на културата, особено во креирање на програмата на реномираниот фестивал „Охридско Лето“.
Македонија | пред 4 години
„По таа моја изјава, градоначалникот на Охрид, како и градоначалникот на Струга ги исполнуваат препораките. Илјадници метри квадратни од крајбрежјето, за првпат по многу години се спастрени. Тоа не значи дека во Струга не треба и не може да е подобро. Секој нека си ја понесе својата одговорност од должоста која ја има. Министерството за култура не е истражен орган. Мене не ми треба слава, ни што и да е, само кажувам дека секој од нас кога е на позиција, според хиерархијата да си го понесе својот дел од одговорноста, а сите заедно да работиме на заштитата Со инсинуации од медиумите, дали се плашам, јас лично од никого не се плашам. Јас не сум задоволна. Не, не сум задоволна. И не сме задоволни од работата на институциите на централно и локално ниво. И од господинот Мерко. Но, не заборавајте што се случи и на крајбрежјето во Струга, за првпат, со платформите“, рече Стефоска.Таа повика секој да си го понесе својот дел од одговорноста за непостапувањето.„Кажувам дека децениски направените пропусти и неделувањето, потоа ни се удира врз глава на сите нам. Јавно апелирам и повикувам, една работа е и тука не бегам од одговорност, затоа сме толку министри наредени, апелирам до локалните власти, невладините, граѓаните, апелирам секој да го понесе својот дел од одговорноста“, рече Стефоска.
Слајдер | пред 4 години
Министерот за животна средина, Насер Нуредини нема конкретен одговор кој е виновен што гори депонијата „Буково“, а ниту пак зошто струшката депонија лоцирана на периферијата од градот не е се уште дислоцирана. Откако градоначалникот Рамиз Мерко кажа дека таму може да се прави пикник, Нуредини беше прашан дали тој би отишол со таква намера, а министерот одговори.„Јас не одам, не сум бил на пикник во депонија. Ние сме во контакт нонстоп со локалните власти. Како што веќе знаете локалната власт е обврзана за собирање на отпад, хигиена, водоснабдување. Не само ‘ќе’ туку имаме процедура за земање заем од ЕБРД, кое треба да биде финализирано до септември, октомври. Имаме физибилити студии за сите проекти за кои зборувам. Како што истакнав претходно, проектот за новата депонија е во тек и се работи на тоа во регионот на Пелагонија. Јас сум министер две години, имаме стратегија за ова. Проблемот е 30 години. И затоа, сега сериозно имаме план да ги чистиме овие депонии.
Македонија | пред 4 години
Ватикан бара споменикот дивоградба на Мајка Тереза на плоштадот Македонија во Скопје да се доизгради, а спомен куќата на улица Македонија да биде управувана од Католичката црква. Ова било побарано од претседателот Стево Пендаровски при посетата на Ватикан на 24 Мај, на одбележувањето на Свети Кирил и Методиј, пишува СДК.Од кабинетот на Претседателот за „Сакам да кажам“ потврдуваат дека на средбата со државниот секретар на Ватикан Пјетро Пароли биле отворени одредени прашања поврзани со статусот и правата на верниците од католичка вероисповед од земјава, не прецизирајќи што конкретно било побарано.Пендаровски за барањата од Ватикан го известил Министерството за надворешни работи од каде што деновиве било испратено писмо до Министерството за култура, Град Скопје и Општина Центар.извор: СДК.
Скопје | пред 4 години
Министерството за внатрешни работи во текот на вчерашниот ден (11.07.2021) продолжи со засилените акциски контроли во областа на сообраќајот.На територијата на град Скопје изречени се вкупно 253 мерки, меѓу кои за возење повеќе од дозволената брзина 73 санкции, за возење под дејство на алкохол 63, 18 прекршоци што ги чинат возачите на мотоцикли, 23 за возење без возачка дозвола.Изречени се пет санкции за користење мобилен телефон, шест за нерегистрирани возила, 12 за возач почетник, 29 санкции за непрописно паркирање.Засилените акциски сообраќајни контроли продолжуваат. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.
Скопје | пред 4 години
На 11.07.2021 полициски службеници од СВР Скопје, ги лишија од слобода Л.М.(23) и Е.М.(22), и двајцата од Скопје, поради постоење основи на сомнение за сторено кривично дело „кражба“, постапувајќи по пријава на А.И. од 10.07.2021 за одземен електричен тротинет.Имено, кај нив, во патничко возило „БМВ“, со скопски регистарски ознаки, биле пронајдени три електрични тротинети, меѓу кои и оној на оштетениот. Тротинетот е вратен на А.И., а двете лица приведени во полициска станица. По документирање на случајот против нив ќе биде поднесена соодветна кривична пријава по чл.235 од Кривичниот законик.
Скопје | пред 4 години
Метеоролозите за денеска најавуваат сончево и топло со мала до умерена облачност. Околу пладне ќе има услови за изолирана појава на нестабилност со краткотраен дожд и грмежи. Минималната температура ќе биде во интервал од 13 до 20, а максималната ќе достигне од 28 до 36 степени. УВ=8Минималната температура бо Скопје ќе се спушти до 17, а максималната ќе достигне 33 степени.
Македонија | пред 4 години
Вработените во болницата во Гостивар кои се од муслиманска вероисповест ќе може да се молат и да ги изведуваат своите верски обичаи во посебни простории во болницата. Директорот Јакуп Јакупи вели дека иницијативата дошла од вработените и пациентите, а просториите биле опремени со донации од активисти, објави ТВ 24. „Станува збор за неискористени простории на петти спрат во болницата и иницијативата е од активисти, граѓани, вработени и пациенти. Иницијативата не е од наша страна, ние не вложуваме ништо, имаше активисти кои го реновираа просторот и тоа ќе биде простор за молитви, каде што ќе можат и пациентите и вработените односно кој сака ќе може да оди, да се помоли и да се врати на работа“ - вели Јакуп Јакупи – директор на ОБ Гостивар. Текстот во целост на: објави ТВ 24.
Македонија | пред 4 години
Професорот на Медицински факултет и дигестивен хирург доктор Ѓорги Јота за „Слободен печат“ раскажува со какви проблеми се соочувал за време на неговото опоравување откако малолетник без возачка дозвола го прегази на пешачки премин кај Клиничкиот центар.Несреќата се случи пред неколку месеци кога доктор Јота, бил во посета на пациенти кои ги оперирал. При заминување од Клинички беше прегазен од 16 годишник без возачка дозвола и тешко повреден.Малолетникот уште не е осуден, а доктор Јота од свој џеб за рехабилитацијата во Љубљана платил 12 илјади евра, бидејќи формално правно, како што навеле правниците на ФЗОМ, рефундација не му следувала за рехабилитација, вели тој за „Слободен печат“ Меѓутоа самата рехабилитација во Љубљана, за него била и лекување, затоа што благодарение на методата што ја користеле тамошните доктори, успеал да прооди за само два дена. Истото не можел да го направи во Македонија со месеци.Тој за „Слободен печат“ вели дека после 35 години хируршка работа и спасени илјадници животи, смета дека заслужил не отстапка, туку да се олеснат условите за неговото лекување во Љубљана, наместо да се занимава со бирократски процедури.Целиот текст може да го прочитате на Слободен печат
Македонија | пред 4 години
Товарен воз удри во мигранти пред железничката станица Криволак, а едниот од нив починал на пат кон болница. Според информациите на МВР, ноќеска во 00,40 часот било пријавено дека на пругата Гевгелија-Скопје во близина пред железничка станица Криволак, во железничка несреќа биле повредени мигранти, а едно лице од здобиените повреди починало на пат кон болница.Со тешки телесни повреди се здобиле две лица, а со телесни повреди се здобиле три лица, констатирани во болниците во Велес, Неготино и Кавадарци. Неповредените шест мигранти биле предадени на полициски службеници за понатамошна постапка.
Македонија | пред 4 години
Приказната чекор по чекор никако да дочекори до сметилиштава, и тоа што подзачистиле го испосликале и толку, нити обезбедено нити контролирано, се полни одново и одново. Ама слики си обезбедиле за во програмата за следните локални демек остварени проекти, тоа што секојдневно се шири неподнослива миризба, што камиони непречено си оставаат шут треба по ФБ да ги објавуваме па можеби ќе ги фатат, а некој да испатролира, некој да контролира од кога потрошиле народни пари за чистење, не им текнува, пишуваат од О2 иницијатива на ФБ.Во продолжение на објавата се додава:Дивата депонија кај Ново Село деновиве секојдневно си работи, топење кабли на отворено, преработка на отпад, циркуларна економија - некој се прави слеп, некој заработува на наше здравје, некој прави голем профит...се е во најдобар ред. Ама дека не се решава ситуацијата ние сме криви што ги заглавуваме законите, како до сега да нема закони или не им е јасно како да ги имплементираат, дури и казните ќе биле 20 пати поголеми, ако стигнат до нив и да одредат кој загадувач во која категорија е, па и опомена прво, да не го исплашиме многу.
Македонија | пред 4 години
Потребни сме и на Марина Гулеска.Потребни се 9000 евра за да може да и се врати 80% од нормалното функционирање на левата рака и нога.Марина е самохрана мајка која пред 12 години имала крварење на мозокот по што цела нејзина лева страна од телото останала парализирана. Во март месец Марина беше на роботна терапија во Ниш, но потребен е уште еден третман за да може да се постигне саканиот ефект.Да не дозволиме парите да бидат причина за еден млад живот да може нормално да функционира. Да бидеме поддршка за Марина, да донираме и да и помогнеме да ги собере потребните парични средства.извор: Социјални мрежи
Македонија | пред 4 години
Во последните 24 часа се направени 2.876 тестирање, а регистрирани се 14 нови случаи на КОВИД-19: Тетово – 8, Гостивар – 3, Скопје – 2 и Струга – 1.Регистрирани сe 2 оздравени пациенти од: Скопје – 2.Не се регистрирани починати пациенти.Направени се 2.876 тестови преку: ИЈЗ-53, ЦЈЗ Скопје-40, ЦЈЗ Битола-52, ЦЈЗ Прилеп-32, ЦЈЗ Тетово–20, ЦЈЗ Куманово–30, Клиника за инфективни болести и фебрилни состојби-0, Судска медицина-3, лабораторија болница Козле-0, УК Пулмологија со алергологија 0, ГОБ 8-ми Септември-11, Институт за микробиологија–23, МАНУ-0, Жан Митрев (Филип Втори)-48, Авицена-179, Биотек-132, Систина-70, лабораторија Лаор-269, Синлаб-4, Ремедика-7, Плодност–21, Генеа–15, Никоб лаб-486, ВФВ Медикал-15, ЈЗУ и ПЗУ (рапид тест) – вкупно 1.366.Досега во земјата се направени вкупно 909.405 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 155.797, бројката на оздравени пациенти е 150.126, на починати е 5.487, а бројот на активни случаи изнесува 184.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно) Активни случаи (вкупно)Скопје 68706, Активни 64Куманово 8884, Активни 11Прилеп 8328, Активни 4Тетово 7293, Активни 53Битола 6310, Активни 6Велес 5474, Активни 2Гостивар 5188, Активни 7Кавадарци 5155, Активни 2Охрид 5021, Активни 11Штип 4960, Активни 0Струмица 4123, Активни 5Струга 2983, Активни 2Кочани 2792, Активни 0Кичево 2600, Активни 13Гевгелија 2195, Активни 0Неготино 2184, Активни 0Свети Николе 1524, Активни 0Ресен 1234, Активни 0Крива Паланка 1227, Активни 0Радовиш 1161, Активни 0Берово 1032, Активни 2Делчево 973, Активни 0Дебар 942, Активни 1Виница 886, Активни 0Пробиштип 789, Активни 0Валандово 667, Активни 0Богданци 494, Активни 0Крушево 490, Активни 0Демир Хисар 400, Активни 0Демир Капија 396, Активни 0Кратово 377, Активни 0Македонски Брод 359, Активни 0Пехчево 269, Активни 1Македонска Каменица 249, Активни 0Дојран 132, Активни 0
Македонија | пред 4 години
МВР и РСБСП продолжуваат со засилени едукативни, сообраќајно превентивни активности, но и со засилени контроли на сообраќајната полиција, се со цел заштита на животот и здравјето на сите учесници во сообраќајот.„Безбедноста во сообраќајот на прво место.“ „ Не го потценувај заморот. Вози одморен! “ „Не вози под дејство на алкохол. “ Намали ја брзината, затоа што брзото возење изнудува грешки кои завршуваат фатално!“ се дел од пораките кои МВР и РСБСП овој викенд ги упатуваа до учесниците во сообраќајот во Битола со цел подигање на свеста за важноста и за потребата од одговорно и безбедно учество во сообраќајот.МВР и РСБСП апелираат до сите учесници во сообраќајот да бидат внимателни и одговорни и да разберат колку е важно да се почитуваат сообраќајните правила и прописи затоа што само на тој начин, преку јакнење на колективната свест, и колективното разбирање може да го направиме сообраќајот побезбеден за сите.РСБСП и МВР продолжуваат со активностите во рамките на Летната кампања. Сообраќајно превентивните активности се наменети за сите учесници во сообраќајот. Укажуваме на влијанието на заморот на безбедноста во сообраќајот. Со помош на таканаречени “Пијани наочари“ кои симулираат перцепција на лице под дејство на алкохол, укажуваме на ризикот, опасноста и последиците од возењето под дејство на алкохол, укажуваме и на последиците од брзото и агресивно однесување во сообраќајот. Учесниците во сообраќајот даваат поддршка за кампањата и веруваме дека сите вложени напори од РСБСП и МВР на крајот ќе резултираат со намалување на бројот на сообраќајни незгоди – изјави Гордана Кожуваровска, претседател на РСБСП на денешниот настан во Битола.Од МВР најавуваат дека продолжуваат превентивните и репресивни теактивности.„Наша цел е да допреме до сите граѓани. Во активностите кои што ги реализираме со РСБСП ги потсетуваме граѓаните дека безбедноста во сообраќајот, покрај другото е лична обврска и лично право на секој учесник во сообраќајот, и секој кој што учествува во сообраќајот е должен да ги почитува сообраќајните правила и прописи. Најголем дел од граѓаните се одговорни и совесни учесници во сообраќајот, но за жал се уште имаме учесници во сообраќајот кои возат под дејство на алкохол, управуваат моторно возило без возачка дозвола или ги прекршуваат правилата за ограничување на брзината. За ваквите возачи нема место во сообраќајот и ќе бидат санкционирани и отстранети од сообраќајот. Во текот на вчерашниот ден во периодот од 07 до 12 часот на територијата на целата држава имаме 434 санкции за возење со поголема брзина од дозволената. Синоќа пак, во периодот од 23 до 05 часот санкционирани се 231 возачи кои управувале возило под дејство на алкохол, а од нив 35 на територија на СВР Битола. Сообраќајните контроли ќе продолжат и во наредниот период се со цел заштита на животот и здравјето на сите учесници во сообраќајот - изјави Тони Ангеловски,портпарол на МВР.#ВОЗИОДГОВОРНО!
Македонија | пред 4 години
Националните комисии за УНЕСКО на Република Македонија и на Република Албанија, утре во Охрид ќе ја одржат првата заедничка седница. Работната средба, како што е најавено, ќе ја координираат министерките за култура на двете земји, Ирена Стефоска и Елва Маргарити, кои се и претседателки на националните комисии за УНЕСКО.Седницата, како што информираат од Министерството за култура, е посветена на идната координација во контекст на заедничкото управување со Охридскиот Регион, во согласност со насоките од последниот извештај на Реактивната мисија на УНЕСКО и на средбата ќе учествуваат и министерот за животна средина и просторно планирање на Македонија, Насер Нуредини како и неговиот албански колега, министерот за туризам и животна средина, Бленди Клоси.На седницата ќе се дискутира за Нацрт-одлуката на Комитетот за светско наследство на УНЕСКО за „Природното и културното наследство на Охридскиот Регион“, а ќе бидат дефинирани и приоритетите и следните чекори за заедничко дејствување, како и потпишување на заедничка изјава во насока на зачувување на статусот на светско наследство на Охридскиот Регион.Министерките за култура Стефоска и Маргарити, на состанокот ќе потпишат и Програма за соработка во областа на културата меѓу Министерствата за култура на Република Македонија и Република Албанија за периодот од 2021 до 2026 година.
Македонија | пред 4 години
Како што знаете, лагите и лажните ветувања на СДСМ, Шилегов и Богдановиќ излегоа на виделина. Цели 3 години СДСМ Шилегов и Богдановиќ ги лажеа најбрутално центарци и скопјани дека ќе ревидираат ДУП-ови, ќе укинуваат градежни дозволи, ќе правеа јавни анкети, воведуваа лажни мораториуми кои како што се виде не функционираат и беа укинати, за на крај да не направат ништо од тоа и единствено да собираат ситни политички поени. Ова конкретно го мислам и говорам за ДУП-от кај Холидеј ИН и објектите кои треба таму да се прават, истакна Димче Арсовски, портпарол на ВМРО-ДПМНЕ.Арсовски додаде:Тоа е СДСМ. Најпрвин префрлаат топката Шилегов кај Богдановиќ, Богдановиќ кај Бочварски, Бочварски кај куририте за некои си писмо што не стигнало до општината, за на крај да сфатат дека не можат повеќе да ги лажат граѓаните на Ново Маало, Центар и Град Скопје и да ги издадат потребните дозволи за градба.Џабе лажење цели 3 години. Затоа ќе бидат казнети на овие избори.И сега кога видоа дека не можат да излезат од сопствените лаги коишто влегоа, веднаш ги ставаат во функција обвинителство, судство и сите останати дека ќе барале криминал. Сето ова само за да ја замајат јавноста и да префрлат одговорност кај институциите.Наспроти тоа имаа цели 3 години да го направат сето ова кое што го прават, и наспроти тоа единствени виновници за извисувањето на граѓаните и нивните лаги кои ги пласираа се само Шилегов, Богдановиќ и СДСМ, затоа што ги лажеа граѓаните за градбите кај Холидеј Ин.Почитувани скопјани, почитувани центарци,Јасни се намерите и лагите на СДСМ. Купување ситни политички поени, замајување јавност и ништо повеќе.Затоа, овие избори треба да бидат казнети. Доволно ни беа лаги, доволни беа цели 4 години тапкање во место заради нив, истакна портпаролот на ВМРО ДПМНЕ, Димче Арсовски.Арсовски одговараше и на новинарски прашања:Новинарско прашање: Како гледате на изјавата на Заев дека резолуцијата треба да се прилагоди со уставното име, има ли место за некакви измени на текстот?Димче Арсовски: Како што веќе знаете СДСМ, јавно на прес конференција ја прифати резолуцијата којашто ВМРО-ДПМНЕ ја предложи до Собранието. Кога велам јавно ја прифати, тоа значи дека ја прифати онаква каква што е, односно каква што беше предложена од наша страна. Така да сите овие обиди да се излезе од тоа прифаќање кое јавно на прес конференција го кажаа е само уште еден момент да се видат искрените намери на СДСМ и власта во врска со резолуцијата и врска со оние јасни искрени намери за заштита на државните интереси на Република Македонија.Повеќето од партиите ја прифатија резолуцијата и не гледаме причина зошто СДСМ веднаш после прифаќањето, сега Зоран Заев бара некакви си усогласувања и измени, бидејќи веќе ја прифати онаква каква што беше предложена.Новинарско прашање: Мислење за изборите во Бугарија, кои се очекувањата и има ли шанси за понатамошно решавање на спорот?Димче Арсовски: Тоа што во овој момент можам да го кажам е да почекаме да видиме какви ќе бидат резултатите во Бугарија, но она што е поважно од случувањата во Бугарија е токму ова кое го говорев во претходното прашање, а тоа е што побрзо да се изгласа резолуцијата која беше предложена до Собранието од страна на ВМРО-ДПМНЕ, бидејќи тоа треба да биде резолуција која ќе не стави на вистинскиот пат, ќе се постават вистинските постулати за понатамошно било какво функционирање на работите на Република Македонија.
Македонија | пред 4 години
Вишото јавно обвинителство пред два дена ја прифати гаранцијата која г-динот Јордан Камчев ја понуди како замена на затворскиот, со поблага мерка, домашен притвор оценувајќи дека понудените гаранции се доволна потврда и обезбедување за замена на мерката. Покрај тоа, Вишото јавно обвинителство го зема во предвид и фактот дека се работи за бизнисмен кој има повеќе од 2500 вработени и кој пред издржување на мерката притвор секогаш уредно соработувал со сите органи на прогонот и судот.Во предвид е земено и дека по четири месеци ефективен притвор, г-динот Јордан Камчев е со видливо влошена здравствена состојба и истата продолжува да се влошува бидејќи во КПУ Затвор Скопје не постојат соодветни медицински и санитарни услови за третирање на конкретната здравствена состојба. Пред само неколку денови, г-динот Камчев, пет дена беше хоспитализиран на Клиниката за кардиологија во Скопје. Г-динот Камчев има фамилијарен историјат на кардиоваскуларни заболувања, самиот тој за истата здравствена проблематика практикува терапија од својата 15 годишна возраст. По неговото последно влошување на состојбата додека ја издржува мерката притвор и неговата хоспитализација на Клиниката за кардиологија, со оглед на ситуацијата, постои голема загриженост за сериозен ризик по неговото здравје.Јавното обвинителство е овластен предлагач за определување на мерки за обезбедување и според досегашната судска пракса на кривични постапки судот секогаш ги засновал своите одлуки за определување на мерки за обезбедување на присуство во рамките на предлозите поднесени од јавното обвинителство.Во ситуација кога подносителот на обвинението, односно јавното обвинителство, кое ја отпочнало самата кривична постапка и истата ја довело до судска постапка, смета дека повеќе не постојат причини и потреба да му бидат строго ограничени слободите и правата на обвинетиот, судот не би смеел да ја оценува волјата и ставот на јавното обвинителство и да одлучи единствено на штета на обвинетиот. Оттука, целосно небулозно е ваквото постапување на судот кое не соодејствува со законски определената улога на судот во кривичната постапка па поради тоа, се отвора и прашањето за незавиност и непристрасност на судот во случајот со г-динот Камчев.Според сите овие факти и сето она кое ние како одбрана и јавноста го следиме и сведочиме повеќе од четири месеци за овој случај можеме јасно да заклучиме дека се работи за веќе видливо неоснована репресија врз г-динот Камчев, личен анимозитет кон г-динот Камчев како и класична тортура која веќе секако беше потврдена и од Народниот правобранител.Правна одбрана на г-динот Јордан КамчевАдвокатска канцеларија СавиќАдвокатска канцеларија Гоце РистескиАдвокатско Друштво Наумов, Менкиноски и ПартнериАдвокатска канцеларија Еленко Миланов
Македонија | пред 4 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања