(ФОТО И ВИДЕО) Откриена работилница за оружје во Љубин, скопско, пронајдено оружје и муниција

На 09.07.2021 полициски службеници од Одделот за криминалистичка полиција- Сектор за недозволена трговија со дрога, оружје и опасни материи, Единицата за недозволена трговија со дрога и оружје и Единицата за интервентна полиција при СВР Скопје запреле патничко моторно возило „опел зафира“, управувано од М.Ш. (38) од с. Љубин. При преглед на возилото пронајдени се 300 куршуми различан калибар.Потоа, по добиена судска наредба, извршен е претрес во домот на М.Ш. во с. Љубин и при тоа е откриена работилница за поправка на оружје, разни делови од оружје, два сигнални пиштоли и голема количина муниција. М.Ш. е приведен и против него ќе биде поднесена кривична пријава по член 396 од КЗ на РСМ.

Македонија | пред 4 години

Нема фотографија

Адеми за МИА: Врховниот суд одбил шест жалби на разрешени судии од Судскиот совет, во тек е постапка за седма

Врховниот суд на Република Северна Македонија, односно Советот за одлучување по жалби одбил шест жалби поднесени од судиите кој од почетокот на годината беа разрешени од Судскиот совет. Претседателката на Врховен суд, Беса Адеми, во интервју за МИА, вели дека Советот за одлучување по жалби, на чии состаноци таа не учествува, од почетокот на годината постапувал по вкупно седум предмети, од кои за шест веќе има донесено одлуки.Од претседателката на највисокиот суд меѓудругото побаравме одговор дали ќе ги имаат предвид евентуалните последици со неодамнешното разрешување од Судскиот совет на судија во Основниот кривичен суд – Скопје, со оглед на тоа што со неговото разрешување неколку предмети од поранешното СЈО се враќаат на почеток.Неодамна од Судскиот совет беше разрешен судијата Горан Бошевски, од Кривичен, а кој го води предметот „Траекторија” и членува во судечкиот совет во предметите „Талир 1″ и „Шпански скали”. Сите судења каде судија е Бошевски или е дел од судечкиот совет се одложени до назначување на нов судија, информираа вчера од Основниот кривичен суд.Претседателката Адеми, воедно одговара и на прашање за транспарентноста, за барањата за вонредно преиспитување на правосилни пресуди за кој адвокатите имаат забелешки дека траат предолого и за Методологија за прочистување на правосудството за која вели дека и пречи користењето терминот – прочиствување на судството.Претседателот на Врховниот суд на Република Северна Македонија не учестува во работењето на овие совети.

Македонија | пред 4 години

Нема фотографија

Заев: Костадинов е првиот потврден кандидат за градоначалник на СДСМ, го имаме најдоброто за Валандово

На три до четири месеци пред изборите, ние како партија, тргнавме во постапка заедно со вас граѓаните, да го селектираме тоа што е најдобро и да го понудиме за следните локални избори, порача претседателот Заев на граѓанската трибина „Најдоброто за нашата општина“ во Валандово.- За некој ден ќе ги објавиме првите 20ина кандидати за градоначалници, на почетокот на август ќе ја објавиме втората група кандидати, а третата група кон крајот на август. Но, нема посоодветно место од Валандово, да го објавам првиот кандидат за градоначалник, за кој нема никакви дилеми ниту во општинската организација на СДСМ, ниту меѓу коалицијата, драго ми е да го објавам првиот градоначалник, кој ќе биде и избран на следните локални избори, Перо Костадинов, човек кој тоа го залужува. И ја користам приликата да ја упатам пораката до сите функционери: трудете се работе, служете му на народот и нема дилеми дека ќе ја добиете довербата и од граѓаните и од своето партиско ракводство, порача претседателот Заев,Претседателот Заев најави дека постапката за останатите кандидати продолжува преку испитување на јавното мислење и анкетирање на членството.- Сакам да ве информирам, дека сите социјалдемократи, ќе добиете викендов ќе имате електронско гласање, односно ќе добиете СМС порака преку која ќе се изјасните за кој кандидат за градоначалник ја давате вашата поддршка, а секако ќе следуваат и анкети насекаде низ државата, заклучи Заев.

Македонија | пред 4 години

Софијанова: Заспаниот имунолошки систем веројатно е причина за инфекција кај децата во Гевгелија

Состојбата на децата со респираторни проблеми во Гевгелија е стабилна, додека повеќето од нив се лекуваат дома. Ова за Алсат го соопшти директорката на Универзитетскиот клинички центар за деца, Аспасија Софијанова, која со тим лекари ја посети болницата во Гевгелија каде за еден месец се лекуваа повеќе од 50 деца со респираторна инфекција.Софијанова вели дека се сомневаат дека станува збор за висок респираторен синдром, но повеќе детали ќе изнесат во извештајот што го подготвуваат.Текстот во целост на: Алсат  

Македонија | пред 4 години

Братот на Верица Белчовска: Дали 15 месеци казна затвор е соодветно за некој кој го прекина нејзиниот млад живот?

Останавме во шок кога ја слушнавме пресудата за лицето кое ја прегази Верче. Дали 15 месеци казна затвор е соодветно за некој кој од раце ни ја откина сестра ми, го прекина нејзиниот млад живот? Ќе се жалиме, во неверување сме од изречената казна за едно вакво, тешко дело – во телефонски разговор за „Фокус” вознемирено раскажува Мартин Белчовски, брат на Верица Белчовска (20) од Русиново, која на седми април годинава беше прегазена на пешачки премин во Струмица.Возачот, осумнаесет годишниот И.Ч. од Струмица не и укажал помош и избегал од местото на несреќата, а подоцна, истиот ден, самиот се пријавил во полиција. Мартин вели дека кобниот ден Верче се враќала дома, од работа.Текстот во целост на:  „Фокус”

Македонија | пред 4 години

Георгиески: Лага и чиста политичка манипулација се фотографиите објавени на социјалните мрежи

Лага и чиста политичка манипулација се информациите и фотографиите кои попладнево беа објавени на социјалните мрежи, во врска со градежните работи за проширување на улицата "Кирил и Методиј" заради оформување на поголем број паркинг места, напиша на својот ФБ профил градоначалникот на Охрид, Константин Георгиески.Градоначалникот во објавата додава:🚧Поради специфичната конфигурација на теренот, во делот на постоечкиот дрворед најпрво е извршено асфалтирање, по што веднаш е извршено отсекување на асфалтот и оформување на соодветен простор околу дрвјата.📢Недозволиво и неетичко е да се критикуваат градежни активности кои сеуште се во тек! Затоа упатувам апел до опозицијата и носителите на јавни функции, да не ја дезинформираат јавноста на штета на имиџот на градот. Наместо да бидат дежурни пишувачи на социјалните мрежи нека дадат придонес во креирање на политики кои се во интерес на градот и граѓаните кои ги избрале.➡️Додека тие се занимаваат со неосновани обвинувања, ние продолжуваме континуирано и интензивно да работиме на подобрување на инфраструктурата и да реализираме проекти кои се во интерес на Охрид.

Македонија | пред 4 години

Агенцијата за храна и ветеринарство ја затвори кујната на плажата „Оревче“

Агенцијата за храна и ветеринарство ја затвори кујната на плажата која работи под брендот „Оревче“. Од агенциијата велат дека нашле неправилности, но детали најавија за подоцна. Охрид 1, меѓу другото праша во АХВ дали кујната работела со издадено решение за подготовка на храна, како и кога е издадено и до кога важи. За сите прашања, портпаролката најави детали во текот на денот.Се обративме и до менаџерот на „Оревче“ Љубиша Арсиќ, кој потрди дека дошла инспекција и даде објаснување кое ви го пренесуваме во целост:Почитувани, во врска со вашето прашање околу посетата на инспекторите за храна и ветеринарство ве известувам за следново.По извршените проверки беше констатирано дека треба да направиме анализа на водата која ја користиме како техничка, а ја вадиме од извор во близина на плажата, со цел да провериме дали е исправна. Ние за денеска во 17 часот закажавме лиценцирана фирма кој ќе ги направи анализите и согласно резултатите ќе преземеме соодветни мерки, во смисла поставување на УВ ламби и прочистувачи со хлор доколку е тоа неопходно.Денеска ние нема да ја користиме водата, и ќе служиме пијалок во лименки и пластични чаши.Откако ќе ја надминеме ситуацијата ќе продолжиме да ја користиме водата. Напоменувам дека водата се користи исклучиво како техничка и воопшто не ја даваме на гости за пиење.Друга работа која ни е наложена е до понеделник да предадеме кај надлежните институции договор за закуп на парцелата, што секако го поседуваме веќе 12 години и ќе биде навремено доставен, пишува во објаснувањето од Арсиќ.

Македонија | пред 4 години

“Не” за концептот на Шилегов. Бифшиот градоначалник Трајановски, аргументира зошто “не”

И покрај сите предупредувања власта си ја тера приказната со БРТ кој на Скопје ќе му донесе далекусежни последици и потенцијални штети кои кој нема да можат да се санираат со децении.БРТ ќе ги уништи белите дробови на Ново Лисиче и Лисиче. Паркот кој го завршив на почетокот на 2017 година за неколку месеци ќе стане бетонско плато. Со самото уништување на овој најголем парк во овој дел на Скопје, БРТ станува најнееколошкиот проект некогаш проектиран. Дополнително со уништувањето и на средишното зеленило на 5 булевари доаѓаме до фрапантно намалување на вкупното зеленило во Скопје за околу 300 000 м2 или големина колку половина од градскиот парк, Напиша на својот Фб профил Коце Трајановски.Трајановски во објавата додава:БРТ во Скопје ќе уништи и околу 3000 дрва.Ова ли е тој Зелен град на Петре Шилегов? Ова ли се нарекува еколошки превоз?Со оглед на тоа дека ние не слушнавме или видовме никаква дебата околу овој тип на превоз и неговиот импакт фактор кон животната средина станува повеќе од јасно дека ова е само еден бизнис на власта а во ниеден случај не се работи за грижа нов еколошкиот транспорт во Скопје.Брз Автобуски Tранспорт или BRT е проект кој НЕ ТРЕБА ДА СЕ РЕАЛИЗИРА од повеќе аспекти. Ова автобуско метро, како што милува власта да го нарече, значи комплетна редефиниција на сообраќајот во Скопје кој се создаваше повеќе од 60 години, што по многу параметри е неизводливо, односно толку комплексно што бара многу години подготовка и е многу скапо.Ефектот е минимален и ќе доведе до проблеми далеку поголеми отколку што во моментов ги има Скопје а може да предизвика ХАОС. Но ова се случува кога набрзина смислувате лаги при што ги заборавате основните постулати, а тоа е ИСПЛАТЛИВОСТА, ЕФЕКТОТ И БЕЗБЕДНОСТА на граѓаните и сета лага да ја вклопите во постоечката инфраструктура.Зошто на Скопје не му треба ваква екскурзија наречена Брз Автобуски Превоз:1. Проектот кој е замислен да се протега од Лисиче до Ѓорче Петров ќе го уништи средишното зеленило на булеварите Видое Смилевски Бато, Јане Сандански, Кузман Јосифовски-Питу, Кочо Рацин и Партизански одреди;2. Патниците треба да поминуваат 3 ленти за да стигнат до автобуските постојка кои ќе бидат на средина на булеварите или при излегување од автобусот да го поминат булеварот а не како сега директно од автобусот да се најдат на пешачка зона. Со ова за дупло се загрозува безбедноста. Покрај тоа, на секоја станица треба да има пешачки натпатници, што е многу скапо и патниците нема да ги користат;3. Дали знаете дека главната водоводна цевка со дијаметар од Ф 1.600 мм од која со вода се снабдуваат општините Сарај, Ѓорче Петров, Карпош, Центар, Аеродром, Гази Баба, Кисела Вода, Драчево, Зелениково и Студеничани е градена 1967-1968 со заварени челични цевки и се наоѓа на 2 метри длабочина во средишната зона на булеварот Партизански одреди, така што и најмали осцилации може да имаат фатални последици. Средишната зелена површина преставува заштитна зона на водоводната цевка, која ќе биде уништена;4. Главното образложение на власта е дека ќе го скрати патувањето за двојно од сегашното што е апсолутна невистина и непостојат никакви сообраќајни пресметки како би се извело истото. Времето на патување е од излегување од дома до стигнување на крајната дестинација (од дома до автобус, од автобусот до работно место, трговски центри...), а не само времето поминато во автобусот БРТ;5. Ќе се намали бројот на автобуски станици со што ќе се одвраќаат патниците да го користат БРТ;6. На трасата нема да сообраќаат други автобуси освен БРТ, што ќе значи дека патниците или ќе сменат траса или ќе имаат сигурно по минимум едно, а може и три прекачувања во друг автобус за да стигнат до саканата цел со што ќе се зголеми времето на патувањето.Бидејќи по оваа траса нема да се движат другите автобуси ќе биде потребно целосна реорганизација на автобуските линии за да ги донесуваат патниците до овие БРТ траси и да ги вратат назад;7. Град Скопје има многу мала траса од само 12 километри која е неисплатлива и ќе нема ефект. Брз Автобуски Превоз прават милионски градови каде трасата е долга минимум 50 километри или пак во помали градови каде се користи во одредени временски интервали на одредени релации како дополнување на трамвајскиот превоз. Доказ за ова е дека само 2 града во европаго применуваат тоа само на својата периферија а никако како главен превоз;8. Доколку се сака забрзување на сообраќајот со истите финансиски средства би се изградила подземната сообраќајница од Влада до Комплекс банки која ќе го скрати патувањето за половина час и во автобускиот и во автомобилскиот превоз од Аеродром до Карпош т.е исток - запад и обратно;9. Втора рута за која се оставени проекти во градот е подземната сообраќајница позади Рамстор со иновативни кружи текови на две нивоа која комплетно го решава проблемот со сообраќајот од насока од Карпош до Кисела Вода и Аеродром и обратно;10. Изградбата на подземни сообраќајници, раскрсници на две нивоа и забрзување на сообраќајот значително го намалува загадувањето и времето на патување, додека кај БРТ се форсира само автобускиот превоз, а се забавува или останува непроменет автомобилскиот и велосипедскиот сообраќај;11. Со изградба на подземните сообраќајници автомобилскиот сообраќај во централното градско подрачје би се намалил за најмалку 50 %, а со тоа се зголемува просторот за пешачки зони и велосипедски сообраќај;12. Најобјективно, еколошки и 10 пати поефтино би било по овие траси да се вози со електрични автобуси кои ќе возат по крајната десна лента и на овие траси да може да одат и другите автобуски линии.13. Трасата од Пинтија до Бутел (кај Скопје Север) е скоро неизводлива и ќе го блокира цел останат сообраќај, посебно во делот на Чаир и Кисела Вода, бидејќи од двете ленти во една насока едната ќе биде заградена за БРТ, а за другите возила ќе остане само една лента. Ова ќе придонесе за загушување на сообраќајот, а особено во Чаир која е најгусто населената општина во Скопје.14. Вакви Авантури не се прават набрзина и на неколку месеци пред избори, а ако се прават целта им е да ги залажат граѓаните. Нека се почека до изборите и ако граѓаните му поверуваат ќе има 4 години да го реализира.БРТ е авантура од 70 милиони евра + камати нешто кое Скопје и Скопјани т.е Владата не треба да си го дозволат зошто тоа ќе предизвика долгогодишни сообраќајни, безбедносни и финансиски проблеми.

Скопје | пред 4 години

Мијалков од затворот „Скопје“ пренесен во клиниката „Систина“

Ексдиректорот на УБК и првостепено осуден во два предмета Сашо Мијалков, од затворот „Скопје“ во Шуто Оризари е пренесен во клиниката „Систина“, дознава „А1он“. Тој е спроведен со одобрение на кривичниот суд. Неофицијално, се жалел на проблеми со очите и црвенило, па адвокатите барале да му бидат направени испитувања на очниот оддел во приватната клиника. Директорот на затворот „Скопје“, Филип Андов, кратко за „А1он“ вели дека е притвореникот е испратен на преглед.Текстот во целост на: „А1он“.

Македонија | пред 4 години

Расчистени случаи на насилство, приведени лица, поднесени кривични пријави

Единицата за насилен криминал при СВР Скопје целосно расчисти седум одделни случаи на кривично дело „насилство“, при што до ОЈО Скопје, поради постоење основано сомнение за сторено кривично дело „насилство“, казниво по член 386 од КЗ на РСМ, поднесе кривични пријави против вкупно 16 лица и тоа: Н.Р. (38), С.К. (26), М.К. (18), И.Т. (55), Д.Т. (22), Е.И. (42), А.И. (17), Е.Ш. (51) и Р.Ш.(27), Л.Ш.(23), С.К. (44), М.К. (21), Е.Љ.(21), Н.А. (23), А.Д. (44) и Т.К. (47) сите од Скопје.Се работи за настани кои се случиле на подрачјето на главниот град во периодот од февруари до јуни годинава. Поединечно, за првиот случај кривично пријавен е Н.Р., кој што во близина на трговски објект во Скопје по претходна расправија со оштетениот Р.М. се обидел со патничко возило да го прегази оштетениот нанесувајќи му повреди. Во вториот случај кривично пријавени се С.К. и М.К., кои што на улица „Скупи“ физички го нападнале со употреба на тврд предмет оштетениот Е.Р., нанесувајќи му телесни повреди. За третиот случај кривично пријавени се И.Т. и Д.Т., кои што во близина на парк Делфина физички го нападнале оштетениот Д.И., а по претходна расправија за паркинг простор. Во четвртиот настан случен на улица „Индира Ганди“, пријавените Е.И., А.И, Е.Ш.,Р.Ш., и Л.Ш., откако претходно со тврди предмети го оштетиле возилото во кое се наоѓале двајцата оштетени, С.И. и негов роднина, физички ги нападнале, нанесувајќи им телесни повреди.Потоа, во петтиот случај кривично пријавените С.К., М.К., и Е.Љ. на улица „Брсјачка буна“, со употреба на тврди предмети физички ги нападнале оштетените В.Р. и В.Б. Во шестиот настан, кој што се случил на булевар „Борис Трајковски“, пред домот на оштетениот А.С., тој заедно со неговиот татко биле физички нападнати од пријавениот Н.А. со употреба на метален предмет. Во седмиот случај кривично пријавени се А.Д. и Т.К., кои што на улица „Рузвелтова“, пред казино, физички го нападнале оштетениот М.В..

Македонија | пред 4 години

(ВИДЕО) Голи жени во близина на Котор зеле пожарникарско возило и се прскале на патот

Целосно голи млади девојки „позајмиле“ противпожарно возило во Котор за да се разладат од силното сонце. На јадранската магистрала во близина на Котор вчера возачите останале во шок од неверојатната глетка.Судија на Прекршочен суд во Будва ги казни украинските државјани Д.О. (19), В.Р. (21) и Р.К. (21), кои вчера ги уапси полицијата на Котор.„На 8 јули, околу 15 часот, во градот Акаjари, туристките се однесуваа бесрамно, односно на делот од регионалниот пат Котор-Тројца .Според пресудата, тие „се соблекоа голи и позираа на пат, правејќи десетминутни снимки и фотографии“. За таа повреда, тие беа казнети во износ од по 450 евра, се додава.Тие се должни да ги платат парите непосредно пред одлуката на Буџетот на Црна Гора да стане конечна. Обвинетите можат да платат две третини од изречената парична казна доколку тие и Полициската управа се одречат од правото на жалба и во тој случај ќе се разгледа казната платени во целост.“, беше објаснето во пресудата.Видеото може да го погледнете на овој линк.

Магазин | пред 4 години

10 нови случаи на Ковид-19, почина еден пациент

Министерството за здравство информира дека во последните 24 часа се направени 2.960 тестирања, а регистрирани се 10 нови случаи на Ковид-19 од кои пет во Скопје, четири во Тетово и еден во Битола.Регистрирани се 5 оздравени пациенти од: Скопје – 3 и по еден од Крива Паланка и Берово.Регистриран е и еден починат пациент од Струмица (64г), во болнички услови.Направените 2.960 тестови се преку: ИЈЗ-102, ЦЈЗ Скопје-50, ЦЈЗ Битола-32, ЦЈЗ Прилеп-27, ЦЈЗ Тетово–16, ЦЈЗ Куманово–17, ГОБ 8-ми Септември-7, Институт за микробиологија–23, Жан Митрев (Филип Втори)-67, Авицена-253, Биотек-174, Систина-96, лабораторија Лаор-158, Синлаб-17, Ремедика-21, Плодност–18, Генеа–10, Никоб лаб-704, ВФВ Медикал-35, ЈЗУ и ПЗУ (рапид тест) – вкупно 1.133.Досега во земјата се направени вкупно 903.125 тестирања на Ковид-19.Вкупната бројка на ковид-дијагностицирани лица од почетокот на епидемијата изнесува 155.770, бројката на оздравени пациенти е 150.123, на починати е 5.487, а бројот на активни случаи изнесува 160.Според епидемиолошките анализи, дистрибуцијата по градови во моментот е следна:Скопје 68698, Активни 58Куманово 8884, Активни 11Прилеп 8328, Активни 5Тетово 7278, Активни 38Битола 6310, Активни 6Велес 5474, Активни 2Гостивар 5185, Активни 4Кавадарци 5155, Активни 2Охрид 5021, Активни 11Штип 4960, Активни 0Струмица 4123, Активни 5Струга 2982, Активни 1Кочани 2792, Активни 0Кичево 2600, Активни 13Гевгелија 2195, Активни 0Неготино 2184, Активни 0Свети Николе 1524, Активни 0Ресен 1234, Активни 0Крива Паланка 1227, Активни 0Радовиш 1161, Активни 0Берово 1032, Активни 2Делчево 973, Активни 0Дебар 942, Активни 1Виница 886, Активни 0Пробиштип 789, Активни 0Валандово 667, Активни 0Богданци 494, Активни 0Крушево 490, Активни 0Демир Хисар 400, Активни 0Демир Капија 396, Активни 0Кратово 377, Активни 0Македонски Брод 359, Активни 0Пехчево 269, Активни 1Македонска Каменица 249, Активни 0Дојран 132, Активни 0фото: Архива

Македонија | пред 4 години

Не е само делта сојот проблем, во Тетово има четири лица суспектни на јужноафриканскиот сој

Покрај делта сојот, во нашата земја е можно присуство и на јужноафиканската варијанта на корона вирусот, изјави денес министерот за здравство Венко Филипче. Според информацијата која утринава министерот за здравство  ја добил од Центарот за генетско инженерство и биотехнологија при МАНУ, се прават анализи за четири случаи од Тетово. Тие треба да се секвенционираат, рече министерот, нагласувајќи дека лицата се суспектни на јужноафриканската варијанта.-Тоа значи дека, ете, има и други соеви присутни во земјава. Пристапот е ист, детална епидемиолошка анкета, анализа, скрининг на тестовите и индикација дали да се прави секвенционирање или нег. Утрово зборував со лабораторијата во Институтот за јавно здравје и со лабораторијата во „Жан Митрев“ и нема информација дека има друг случај на делта варијантата, истакна министерот Филипче во просториите на Црвен крст каде што денеска беше отворен Центарот за прва психолошка помош и психосоцијална поддршка од Црвен крст.

Македонија | пред 4 години

Нема фотографија

Поведена постапка против 39-годишен кумановец, за полов напад врз дете и дистрибуција на детска порнографија​

Основното јавно обвинителство Куманово донесе Наредба за спроведување истражна постапка против 39-годишен кумановец, поради постоење на основано сомнение дека ги сторил кривичните дела – Полов напад врз дете кое не наполнило 14 години од член 188 став 1 во врска со член 45 став 1 и Производство и дистрибуција на детска порнографија од член 193-а став 3 во врска со став 1 во врска со став 45 став 1 од Кривичниот законик.Осомничениот во својот дом во Куманово, во повеќе наврати во временскиот период од мај до јуни 2021 година, извршил друго полово дејствие врз дете , негова ќерка. Притоа ги снимал дејствијата со мобилен телефон, ги дистрибуирал направените видеа преку социјална мрежа и ги направил достапни на повеќе лица.Во насока на непречено одвивање на кривичната постапка, а поради опасност од бегство и повторување на кривичното дело, јавниот обвинител до Судијата на претходна постапка при Основниот суд Куманово достави Предлог за определување на мерката притвор за осомниченот. Предлогот на обвинителството е прифатен и со Решение на Судот на осомниченото лице му е определен притвор во траење од 30 дена....

Македонија | пред 4 години

Јовески во Русија се сретна со генералниот обвинител на Руската Федерација

Јавниот обвинител на Република Северна Македонија Љубомир Јовески оствари средба со Генералниот обвинител на Руската Федерација Игор Краснов.​Во рамки на досегашната успешна соработка помеѓу двете обвинителства, на средбата беше потенцирана заедничката заложба за размена на искуства во борбата против организираниот , транснационалниот и компјутерскиот криминал, како и заштитата на човековите права.Јовески и Краснов се согласија дека меѓународната соработка е основа за поуспешна борба со криминалот, како задача на обвинителската професија.

Македонија | пред 4 години

Приведено едно лице, расчистено кривично дело „тешка кражба на дрзок начин"

Вчера (08.07.2021) во 13.00 часот во Кочани од страна на полициски службеници од ОВР Кочани е лишен од слобода Р.А.(21) од Кавадарци, поради постоење основи на сомнение дека сторил кривично дело „тешка кражба на дрзок начин“.Имено, на 07.07.2021 во ОВР Кочани беше пријавено дека околу 12.00 часот непознат сторител од куќа на ул.„Евлија Челеблија“ во Кочани одзел пари, накит и други предмети. Набрзо од страна на полициски службеници утврден е идентитетот на сторителот Р.А., кој е приведен, а дел од украдените предмети се пронајдени и ќе бидат вратени на сопствениците. По комплетно документирање на случајот, против Р.А. ќе биде поднесена кривична пријава до ОЈО Кочани.

Македонија | пред 4 години

(ФОТО) Македонски фолклор во најдолгото оро за Гинис

Членовите на Културно уметничкото друштво ,,Илинден" од Битола, како учесници на Фолклоријадата во УфA, Русија, беа дел од најдолгото оро заиграно досега низ светот.2700 учесници од 37 земји од светот и припадници на 71 различна националност беа дел од ова оро. Со овие бројки на учесници беа срушени два гинисови рекорди. Едниот рекорд е по број на националности кои играа  на орото, а другиот по број на држави. Оваа бројка од 37 земји кои активно учествуваа, се искачи на 57 зашто се приклучија и туристи од  други држави кои го следеа  фестивалот.КУД ,,Илинден" имаше и настап во официјалната програма на главната фестивалска сцена на оваа светска Фолклоријада, шеста по ред која годинава се одржува во Русија. Големиот фолклорен фестивал се одржува од 4 до 11 јули во Република Башкоростан. Единствен претставник  од Македонија е фолклорниот ансамбл од Битола кој постои скоро седум децении и го афирмира македонскиот фолклор и традиција на бројни фолклорни фестивали ширум светот.  

Магазин | пред 4 години

(ВИДЕО) Бугарите добија црвен картон од МНР за спотовите за бугарзација на Македонија

Министерството за надворешни работи ги осудува несоодветните изборни спотови во Бугарија со кои се изразуваат територијални претензии кон Македонија.– Во напорите за засилување на дијалогот и зацврстување на довербата, сето во функција на унапредување на добрососедските односи, објавувањето на предизборни спотови во кои се изразуваат територијални претензии и еднострани чувства за припадност и присвојување кон друга соседна држава, не е во духот на градење пријателство и почитување на европските вредности, за кои заедно толку многу се заземаме, се вели во реакцијата од МНР.Министерството за надворешни работи очекува официјалните претставници на Република Бугарија да се оградат и ги осудат ваквите настапи на една од потенцијалните политички учесници во највисокиот дом на Бугарија.

Македонија | пред 4 години

Нема фотографија

Опожарена стара позната берберница во Кавадарци, изгорел помошниот објект до неа

Опожарена е стара позната берберница во Општина Кавадарци, при што изгорел помошниот објект до неа, но нема повредени. Очевидци за МИА велат дека кавадаречките пожарникари спречиле огнот да се прошири на околните објекти.Од Територијалната противпожарна единица потврдија дека интервенирале на лице место со три возила и седум пожарникари.Од Противпожарната единица соопштуваат дека покрај овој пожар рано утринава околу 4.40 часот, изминатава ноќ имале уште една интервенција, па апелираат на внимателност, особено во овој период од годината, кога има повисоки температури.

Македонија | пред 4 години

(ВИДЕО) Силен земјотрес ја погоди Калифорнија- карпи и камења паѓаа на патиштата

Земјотрес со јачина од 5,9 степени го погоди северниот дел на Калифорнија во близина на границата со Невада, но досега нема извештаи за повредени или големи штети, соопшти американскиот геолошки институт (УСГС)https://twitter.com/kcranews/status/1413296880310755331?ref_src=twsrc%5Etfw%7Ctwcamp%5Etweetembed%7Ctwterm%5E1413296880310755331%7Ctwgr%5E%7Ctwcon%5Es1_&ref_url=https%3A%2F%2Fmakfax.com.mk%2Fsvet%2Fd0b2d0b8d0b4d0b5d0be-d181d0b8d0bbd0b5d0bd-d0b7d0b5d0bcd198d0bed182d180d0b5d181-d0b3d0be-d0bfd0bed0b3d0bed0b4d0b8-d181d0b5d0b2d0b5d180%2FЗемјотресот, првично регистриран од ЕМСЦ и УСГС како земјотрес со јачина од 6,2 степени, беше на длабочина од 10 километри, а неговиот епицентар беше на околу 240 километри источно од калифорниската престолнина Сакраменто, објави американскиот геолошки институт на својата веб-страница.https://twitter.com/brettdurrant/status/1413286778027405314?ref_src=twsrc%5Etfw%7Ctwcamp%5Etweetembed%7Ctwterm%5E1413286778027405314%7Ctwgr%5E%7Ctwcon%5Es1_&ref_url=https%3A%2F%2Fkumanovskimuabeti.mk%2Fsilen-zemjotres-ja-pogodi-kalifornija-karpi-pagjaa-vrz-avtomobili-sleduvaa-ushte-50-potresi-video%2FЗемјотресот беше проследен со низа послаби земјотреси во истото источно подрачје на синџирот Сиера Невада.фото: ABC7 San Francisco 

пред 4 години

Мицкоски: Преспанскиот договор можеби е реалност, но е далеку од завршена работа

„Не може да е завршен Преспанскиот договор, а ние да сме најкорумпираната и најкриминалната држава во Европа и тоа на 111-то место сме. Не може да е завршен Преспанскиот договор бидејќи не сме земја членка на ЕУ. Не може додека постои ВМРО-ДПМНЕ да е завршен Преспанскиот договор“, истакна Христијан Мицкоски, претседател на ВМРО-ДПМНЕ во гостување во емисјата „Заспиј ако можеш“ на Алфа телевизија.Мицкоски додаде дека Преспанскиот договор нема да биде завршена работа, не може да му се дозволи тој што го поддржува договорот да му дадете право да краде.„Не може вие да имате двојни стандарди, ако е некој пропреспа тогаш да му дадете дозвола за убивање, да прави што сака, даа краде, да пљачка, да нема реформи, да лаже. Не може. Тоа не го прифаќам“, нагласи Мицкоски.Мицкоски посочи дека тоа е не е дел од неговите вредности. Во Македонија не треба да имаме криминалци во политиката, корумпирани политичари. Во Македонија мора да владее законот и да има реформи.

Македонија | пред 4 години

Лепа Лукиќ: Боки 13 има фобија од затворен простор

Пејачката Лепа Лукиќ која е добра пријателка со Бојан Јовановски - Боки 13, кој во моментов е во домашен притвор за српски „Курир“ октрива  како се чувствувал Боки додека бил во затвор.Таа вели дека редовно се слушала со родителите на Боки а откако е дома и со него лично.-Ние се дружиме со години и секогаш беше добар со мене. Сега здравствено е добар но тој има фобија од затворен простор, па го прашав како издражал една година во затвор. Вели дека нема вина и оти го наместиле-објаснува пејачката.

Македонија | пред 4 години

Заев на свеченоста на која се обрати премиерот Мицотакис на конференцијата на „Економист“

Премиерот Зоран Заев присуствува на свечената гала вечера на конференцијата на „Економист“ во Атина, на која се обрати премиерот на Грција, Киријакос Мицотакис.На гала вечерата присуствуваат министерот за внатрешни работи на Грција, Макис Воридис, министерот за туризам, Харис Теохарис, поранешниот претседател на Европскиот Парламент Мартин Шулц, поранешната претседателката на Хрватска, Колинда Грабар Китаровиќ, поранешниот француски премиер, Доминк Де Вилпен, амбасадорот на САД во Атина, Џефри Пајат, како и бројни дипломати, бизнисмени, стопанственици.Премиерот Заев утре ќе учествува на панел дискусијата во рамките на конференцијата на „Економист“ - 25 Тркалезна маса со Владата на Грција на тема: „Од социјално дистанцирање до социјална солидарност“.Во текот на утрешниот ден ќе биде потпишан и Договорот помеѓу Владите на Република Северна Македонија и на Република Грција за развој на интерконекцијата за пренос на природен гас Грција-Северна Македонија.Средбите кои ќе се реализираат во фокус ја имаат економијата и енергетиката.На економскиот форум во Атина, присутни се и вицепремиерот за економски прашања и координација на економските ресори и инвестиции Фатмир Битиќи, како и министерот за економија Крешник Бектеши.Економската соработка меѓу двете земји по потпишување на Договорот од Преспа се зацврстува и интензивира.

Македонија | пред 4 години

Изминатиов месец во болницата во Гевгелија, лекарска помош побарале 50 деца и бебиња

Изминатиов месец во болницата во Гевгелија, лекарска помош побарале 50 деца и бебиња со симптоми за респираторни инфекции, неспецифични за овој период од годината, информира Министерството за здравство.Во текот на утрешниот ден тим од Клиниката за педијатрија, во состав д-р Аспазија Софијанова, д-р Весна Мицевска и д-р Валентина Јовановска Огненовиќ ќе бидат упатени во ОБ Гевгелија, за поддршка на педијатрите и евентуални дополнителни испитувања во делот на специфична дијагностика.Во мометов во болницата во Гевгелија хопситализирани се само само две бебиња, поради возраста, а дваесеттина деца се на терапија, но истите не се задржани во болница.ОБ Гевгелија досега ги има преземено сите здравствени протоколи за третман на младите пациенти, но поради неспецифичноста на самите инфекции кои се појавиле во топлиот период, а карактеристични се за есен и зима, потребни се дополнителни анализи.Од Министерството велат дека по завршувањето на анализите јавноста ќе биде информирана.

Македонија | пред 4 години

Џафери вели дека не го прекршил Уставот со обраќањето на албански јазик на Комитетот за надворешни работи во Брисел

Претседателот на Собранието Талат Џафери вели дека не го прекршил Уставот со обраќањето на албански јазик на Комитетот за надворешни работи во Брисел во рамки на Самитот „Европски парламент – Западен Балкан“.-Го користев моето природно право, вродено како и на секој човек во земјава. На било кој јазик да зборував јас го претставував Собранието на Северна Македонија во најдбро можно светло – изјави Џафери на ТВ 24.Тој тврди дека Уставот е флексибилен и не попречува и ограничува користење на природно право, како што, според него, е и користење на мајчиниот јазик на меѓународно ниво. 

Македонија | пред 4 години