Приведени полицајци, откако ВМРО-ДПМНЕ објави записници со кои докажуваше рекет

Полицијата изврши претреси кај тројца службеници на Министерството за внатрешни работи, поради сомнение дека оддале службена тајна, односно документи кои се дел од истрага.Станува збор за документите кои минатата недела на брифинг со новинарите ги објави ВМРО-ДПМНЕ, а се дел од афера во РЕК-Битола за која партијата тврдеше дека се правени злоупотреби, односно дека е баран рекет.Министерството за внатрешни работи и обвинителот кој побарал претреси, се сомневаат дека овие тројца полициски службеници, документите кои се дел од тајна истрага ги направиле јавни, а со тоа и наштетиле на истрагата. Службениците не се приведени, а со нив е извршен службен разговор.„По наредби од судија на претходна постапка од Основен кривичен суд Скопје за претрес на работните места, домови и превозни средства кај тројца полициски службеници, поради сомнение за сторени кривични дела „оддавање службена тајна“ по член 360, „злоупотреба на државна, службена или воена тајна“ по член 360а и „злоупотреба на службена положба и овластување“ по член 353 од КЗ. Извршени се и службени разговори со полициските службеници и се преземаат дополнителни мерки и активности за расчистување на случајот“, велат од МВР.

Македонија | пред 4 години

(ФОТО) Филипче ја прими втората доза од вакцината на кинескиот производител Синофарм

Денеска ја примив втората доза од вакцината на кинескиот производител Синофарм. Вакцината е единствениот начин да се спречат компликациите и тешките облици на Ковид 19. Сите вакцини кои ги имаме во нашата држава се безбедни и ефикасни, апелирам до сите граѓани да се пријават за вакцинација, само така ќе го победиме вирусот, напиша на својот ФБ профил министерот за здравство Венко Филипче.

Македонија | пред 4 години

Османи: За идентитетските прашања не се разговара со Бугарија

Со Бугарија можеме да најдеме решение околу употребата на краткото име на државата како и околу барањата на Софија да дадеме дополнителни гаранции од нашата страна коишто ќе создадат предвидливост околу имплементација на договорот, открива шефот на дипломатија во интервју со Трилинг.Министерот за надворешни работи е дециден дека за идентитетските прашања не се разговара со Бугарија, додавајќи дека нема да се дозволи да се оспоруваат националните атрибути.

Македонија | пред 4 години

Исчезна 13-годишно девојче од Мојанци

На 27.05.2021 во СВР Скопје, З.З.(41) од с.Мојанци, скопско, пријавил дека од дома се оддалечила неговата ќерка А.З.(13).Се преземаат мерки за пронаоѓање на лицето.

Скопје | пред 4 години

Утрово од првиот кат на Клиниката за токсикологија, од прозор скокнала 26 годишна пациентка

Утрово пред 7 часот, од првиот кат на Клиниката за токсикологија, од прозор скокнала пациентка која била хоспитализирана на клиниката.Станува збор за 26-годишна девојка од Скопје.Од МВР велат дека девојката била пренесена во Ургентниот центар за укажување лекарска помош и дека се наоѓа надвор од животна опасност.Увид на местото извршила екипа од СВР Скопје и се испитуваат мотивите за несреќниот настан.

Скопје | пред 4 години

Во Скопје пронајден починат тинејџер

18 -годишен тинејџер од Скопје бил пронајден починат на ул. Индира Ганди во Скопје.Според информации од полицијата, вчера околу 7:30 часот во Полициското одделение Шуто Оризари било пријавено дека на ул. Индира Ганди бил пронајдено починато лицето со иницијали Т.С.(18) од Скопје.Лекар од Итна медицинска помош констатирал смрт без траги на насилство, а по наредба на Јавен обвинител телото на починатиот било дадено на обдукција.

Скопје | пред 4 години

Прифатен предлогот за референдум на иницијаторите против новиот закон за учебници

Двете собраниски комисии – за политички систем и односи меѓу заедниците и Законодавно-правната комисија го прифатија предлогот на Граѓанската иницијатива „Учебници и настава мора да има“ да се иницира референдум за граѓаните да се изјаснат за Предлог-законот за учебници и наставни материјали во основното и средното образование, објави slobodenpecat.mk.Тоа беше второ поднесување на предлогот во Собранието на групата родители кои не се согласуваат со новиот закон и целосна дигитализација на учебниците од четврто одделение. Првиот пат двете комисии не го прифатија предлогот зашто собраните потписи беа неуредно доставени, односно не беа во согласност со Законот за референдум.Следно е претседателот на Собранието, Талат Џафери да го прифати предлогот и да може да почнат да ги соберат потребните 10 000 потписи за да се распише рефендум на ниво на целата држава.Драгана Спасовска, претставничка на Граѓанската иницијатија, за МИА изјави дека очекува Џафери набргу да одговори и потоа тие ќе имаат рок од 30 дена да ги собираат потписите.– Кога Државната изборна комисија ќе отвори избирачки единици, имаме рок од 30 дена да собереме 10 000 потписи. Потоа нив повторно ќе ги доставиме во Собранието за распишување референдум, рече Спасевска и додаде дека нема сомнеж оти ќе ги соберат 10-те илјади потписи што се потребни за да се организира непосредно изјаснување на граѓаните. 

Македонија | пред 4 години

Во школо со протокол од септември?

Комисијата за заразни болести и МОН во наредниот период од сите препораки што се сега во сила ќе подготви еден протокол за тоа како би се одвивала учебната година од септември и за враќање на учениците на настава со физичко присуство.Министерот за здравство Венко Филипче одговарајќи на новинарски прашања рече дека тоа можеби ќе вклучи и план за вакцинирање на деца од 12 до 16 години бидејќи Американската агенција за лекови ја одобри вакцината на „Фајзер“ за деца на таа возраст. Евалуацијата на сите препораки и дали децата треба да се вакцинираат ќе се прави во текот на летово.-Во нашите планови за пристигнување вакцини, може да ја покриеме со количини бројката на деца од 12 до 16 години. Ќе ја проектираме таа количина и ќе ја зачуваме за децата, но нормално таа нема да биде задолжителна, рече Филипче.Министерот соопшти дека е завршена вакцинација на пациенти со трансплантирани органи и на пациенти на дијализа, во тек е за лицата со ретки болести, а следни се оние со потешки хронични белодробни заболувања.

Македонија | пред 4 години

Заев за случајот „Рашковски“: Софтверот е завршен, апсолутно е истестиран и Владата има целосно право да го направи за сопствени потреби

Премиерот Зоран Заев денеска уште еднаш ги потенцираше своите несогласување со Обвинителството за гонење организиран криминал и корупција во врска со случајот со набавката на софтверот за сообраќајни прекршоци во време на поранешниот генерален секретар на Владата, Драги Рашковски, но потенцира дека со тоа нема намера да влијае на процесите, туку дека има право на свое мислење. Исто така, порача дека софтверот ѝ е потребен на Владата и можат да ѝ го наметнат на која било институција што има потреба да го користи, објави 360stepeni.mk.„Никој не е изземен од законот, како што и никој не е виновен додека не му се докаже вината. Но, да создадете постапка во која учествуваат пет компании, имате компетивност, натпревар со лицитација, од осум милиони паѓа на 5 милиони и 100. Софтверот е завршен, апсолутно е истестиран и Владата има целосно право да го направи за сопствени потреби. Ако донесеме одлука како Влада, можеме да го наметнеме на која било од институциите што им треба. Имаме донесено одлуки согласно Законот и планот за јавни набавки, согласно одлуки на Влада, согласно пари предвидени во Буџетот за таа намена и апсолутно е нешто што е потребно за државата“, рече Заев.За софтверот, кој никој не го користи, а МВР не знаело за набавката, беше набавен за 80 000 евра, Заев денеска направи споредба со Франција и рече дека таму таков бил купен за сума 6,5 милиони евра.„Софтверот во Франција е платен 6,5 милиони евра. Истиот софтвер, за истата намена кој скенира таблички, лик, очи…“, истакна Заев.Текстот во целост на: 360stepeni.mk. 

Македонија | пред 4 години

(ВИДЕО) Пресечен меѓународен канал за трговија со луѓе од Тајван

Надлежен јавен обвинител од Основното јавно обвинителство за гонење на организиран криминал и корупција во соработка и координација со Националната единица за сузбивање на криумчарење мигранти и трговија со луѓе и Истражното биро на Министерството за правда на Тајван пресече меѓународен канал за трговија со луѓе.Постапувајќи по Замолница за меѓународна правна помош од Тајван преку ЕУРОПРАВДА, на почетокот на месец мај годинава е спроведена акција во која се пронајдени 48 лица од Тајван од кои седум лица се организатори – припадници на криминална група, а останатите потенцијални жртви на трговија со луѓе. Во акцијата се извршени претреси на две локации во населбата Бардовци, каде што се пронајдени 42 лица. Четири лица – организатори и предмети се пронајдени во два хотели во Скопје, а двајца од организаторите се лишени од слобода на ГП Блаце при обид да ја напуштат државата. По пронаоѓањето, до вчера лицата беа сместени во Прифатен центар за странци во Скопје.Во текот на постапката, предметниот јавен обвинител од Основното јавно обвинителство за гонење на организиран криминал и корупција одржа онлајн состанок со надлежниот јавен обвинител од Тајван и претставници на Република Северна Македонија и Тајван во ЕУРОПРАВДА. На состанокот беа споделени информации дека за организаторите се води истражна постапка во Тајван заради основано сомнение за сторени кривични дела Измама и Перење пари. Врз основа на споделените информации, согласно Законот за меѓународна правна помош во кривична материја, надлежниот обвинител од Основното јавно обвинителство за гонење на организиран криминал и корупција достави барање за отстапување на кривичното гонење.Оваа организирана криминална група, т.н. „Синдикати“ ги врбувала лицата во Тајван, ветувајќи им подобра работа и поквалитетен живот. Со цел да ги средат административните процедури за патување на жртвите им ги одземале патните исправи, а откако жртвите биле донесени на целното место им биле одземани и мобилните телефони. Жртвите ги сместувале во куќи и истите постојано биле придружувани од некој од организаторите со цел да бидат контролирани и оневозможени да контактираат со надворешноста. Задачата на жртвите била преку брз интернет да воспоставуваат контакти со потенцијални жртви на финансиска измама. Тие биле поделени во три групи како телефонски оператори што работеле на три нивоа. „Операторите“ во првото ниво на жртвите со кои комуницирале, се претставувале како службеници во банка, поштенска служба или осигурителна компанија. Во второто ниво, со цел да прибават целосни лични податоци, се претставувале како полициски службеници и барале доказ од жртвите за извршена уплата на измислена казна врз основа на која ги краделе личните податоци на жртвите. „Операторите“ од третото ниво претставувајќи се како обвинители и судии, ги убедувале целните жртви дека ќе се соочат со тешки обвиненија доколку не соработуваат и не префрлат одреден износ на парични средства на сметки што биле наменети за наводно намалување, односно ослободување од казната.Во текот на вчерашниот ден, сите 48 лица во придружба на овластените лица од Истражното биро на Министерството за правда на Тајван, се вратени во Тајван заедно со севкупниот доказен материјал обезбеден при извршените претреси.Вакви слични акции во текот на минатата година беа спроведени и во Република Црна Гора.

Македонија | пред 4 години

Ѓурчинов за Курир за пожарот на скопската клиника: Причината најверојатно е некоја неисправна инсталација

Откако попладнево избувна пожар на Институтот за радиологија на скопските клиники, КУРИР стапи во контакт со директорот на овој институт, Даниел Ѓурчинов.– Пожарот избувнал од една помошна просторија која долго време не е во употреба, таму порано се развиваа фотографии, но повеќе тоа не се прави, фотографиите ги правиме на ЦеДе. Во просторијата има само некои хемикалии и стари фотографии и снимки. Опасност нема никаква, сите се евакуирани, повредени нема. Причината за пожарот најверојатно е некоја неисправна инсталација, се уште официјални информации немаме, но најважно е дека пожарот е под контрола. Во моментов не се дозволува влез внатре, се уште има дим, вели Ѓурчинов за КУРИР.извор: КУРИР

Скопје | пред 4 години

(ВИДЕО) Сузбиена криминална група од Тајван што вршела телекомуникациски измами и трудова експлоатација, приведени девет лица

Полициски службеници од Секторот за меѓународна полициска соработка, Одделот за сузбивање на организиран и сериозен криминал-Национална единица за сузбивање на криумчарење на мигранти и Одделот за криминалистичка полиција сузбија криминална група од Тајван што вршела телекомуникациски измами и трудова експлоатација на државјани на Тајван, при што се приведени девет лица-државјани на Тајван.Криминалната група функционирала во повеќе земји и по првичните оперативни информации за нејзино присуство на наша територија, во координација со полицијата на Тајван и Интерпол веднаш е пристапено кон преземање мерки за детектирање и нејзино сузбивање.Имено, млади луѓе од Тајван биле регрутирани од страна на т.н. „синдикати“ за да работат во странство. Повеќето од младите не ги знаат сите детали за работата која треба да ја вршат се додека не стигнат до крајната дестинација. По пристигнувањето тие се физички ограничени во куќата, т.н. „кол центар за телефонски измами“ и немаат пристап до нивните пасоши и мобилни телефони. Тие се принудени да работат со часови без да им бидат исплаќани надоместоци или плати. Жртвите биле тепани доколку не ги почитуваат наредбите. Т.н. „синдикати“, користат брз интернет за воспоставување меѓународни разговори. Телефонските оператори од прво ниво се претставуваат лажно дека се службеници во банка или поштенска служба или службеници за осигурување. Следно, операторите од второ ниво лажно се претставуваат како полициски службеници за да приберат целосни лични податоци и бараат доказ за извршена уплата за некаква казна. Конечно, жртвите се префрлани во „трето ниво“, каде операторите им се претставуваат како обвинител или судија и ги убедуваат жртвите дека ќе бидат соочени со тешки обвиненија доколку не соработуваат и доколку не ги префрлат парите на назначените сметки со цел намалување на казната или ослободување од казна.Во координација со ОЈО за ГОКК-Скопје и добиена наредба од судија на претходна постапка, на 07.05.2021 извршени се претреси на две локации во населба Бардовци, Скопје. На првата локација затекнати и приведени се шест членови на криминалната група, како и 25 жртви (сите државјани на Тајван), а на втората локација еден член на криминалната група и 10 жртви (сите државјани на Тајван). Дополнително, детектирани се уште две лица од криминалната група, кои биле сместени во хотел во Скопје, како и уште четири лица-жртви, кои биле сместени во друг хотел во Скопје. Вкупно иднетификувани се 39 жртви на трудова експлоатација.По добиени насоки од јавен обвинител, сите обезбедени материјални докази ќе бидат предадени на надлежните служби за спроведување на законот од Тајван, заедно со идентификуваните жртви и лицата идентификувани како членови на меѓународната криминална група, за нивно натамошно процесуирање во Тајван, каде се обвинети за повеќе кривични дела.

Македонија | пред 4 години

Денеска починати 18 лица и нови 50 случаи на Ковид 19

Во последните 24 часа се направени 2.955 тестирања, а регистрирани се 50 нови случаи на КОВИД-19 во:Скопје – 27, Куманово – 5, Прилеп – 4, Гостивар – 3, Тетово, Велес, Штип и Кичево – по 2, Струмица, Гевгелија и Виница – по 1.Регистриран е 81 оздравен пациент од:Скопје – 34, Прилеп – 9, Струмица – 7, Куманово – 6, Штип, Кочани и Крушево – по 4, Радовиш и Пробиштип – по 3, Велес и Кичево – по 2, Свети Николе, Делчево и Виница – по 1.Пријавени се вкупно 18 починати лица: 8 лица од Скопје (63г,67г,69г,72г,72г,77г,80г,88г), 3 лица од Тетово (75г,76г,78г), 2 лица од Битола (84г,88г) и по едно лица од Прилеп (68г) Кавадарци (79г), Кочани (74г), Радовиш (80г) и Дебар (55г).Од пријавените, 7 лица се починати во домашни, а останатите 11 во болнички услови.Направени се 2.955 тестови преку: ИЈЗ-427, ЦЈЗ Скопје-69, ЦЈЗ Битола-73, ЦЈЗ Прилеп-47, ЦЈЗ Тетово–36,ЦЈЗ Куманово – 0, Клиника за инфективни болести и фебрилни состојби-0, Судска медицина-3, лабораторија болница Козле-0, УК Пулмологија со алергологија–0, ГОБ 8-ми Септември-12, Институт за микробиологија–64, МАНУ-75, Жан Митрев (Филип Втори)-178, Авицена-313, Биотек-396, Систина-199, лабораторија Лаор-340, Синлаб-40, Ремедика-37, Плодност–62, Генеа–48, Никоб лаб-18, ВФВ Медикал-0, ЈЗУ и ПЗУ (рапид тест) – вкупно 518.Досега во земјата се направени вкупно 788.300 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 155.217, бројката на оздравени пациенти е 147.381, на починати е 5.387, а бројот на активни случаи изнесува 2.449.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно) Активни случаи (вкупно)Скопје 68485, Активни 983Куманово 8818, Активни 230Прилеп 8298, Активни 95Тетово 7209, Активни 98Битола 6290, Активни 169Велес 5468, Активни 61Гостивар 5171, Активни 45Кавадарци 5151, Активни 27Охрид 4997, Активни 183Штип 4958, Активни 39Струмица 4109, Активни 55Струга 2980, Активни 65Кочани 2787, Активни 36Кичево 2559, Активни 71Гевгелија 2191, Активни 25Неготино 2183, Активни 19Свети Николе 1522, Активни 30Ресен 1234, Активни 31Крива Паланка 1219, Активни 6Радовиш 1156, Активни 47Берово 1029, Активни 3Делчево 971, Активни 23Дебар 939, Активни 0Виница 881, Активни 36Пробиштип 789, Активни 5Валандово 666, Активни 3Богданци 494, Активни 3Крушево 489, Активни 16Демир Хисар 397, Активни 16Демир Капија 396, Активни 0Кратово 373, Активни 14Македонски Брод 359, Активни 3Пехчево 268, Активни 1Македонска Каменица 249, Активни 11Дојран 132, Активни 0фото: Архива

Македонија | пред 4 години

СДК.МК: Почина 19- годишното момче што државата го остави без извод и здравствена книшка – нема да добие ни посмртница

Матурантот Тони Сали, кој цела деценија водеше битка со Управата за водење матични книги за добие матичен број и Извод на родени, почина завчера на 19 години. Не дочека да биде запишан некаде во оваа држава дека постои, дека е жив. За првпат неговите осум букви се појавија вчера, во службената евиденција на МВР, но како починато лице, објави САКАМДАКАЖАМ.МК.Тони нема да добие ни посмртница. Како да не постоел. Единствен документ и доказ дека постоел, ќе останат неговите петки од прва до последна, освоените домашни и меѓународни награди од натпревари и свидетелствата. Школите ги отворија вратите за него надвор од законот, врз основа на Конвенцијата за права на детето.Сали починал дома крај тешко болниот татко, покрај мајка си, братот и сестрата. Причините за прераната смрт на ова момче не се знаат, затоа што ова момче немајќи извод, никогаш немаше ни здравствена книшка, а ни лична карта. Пари за приватни лекарски прегледи, ова социјално загрозено семејство, немаше.Текстот во целост на: САКАМДАКАЖАМ.МК.

Македонија | пред 4 години

МВР: Санкции за непочитување на мерките за справување со Ковид 19- претоварени автобуси се движеле кон Охрид

На 28.05.2021 во 08.10 часот на магистралниот пат Кичево-Охрид, кај с.Другово, полициски службеници од ПС за БПС Кичево извршиле контрола во два автобуси на туристичка агенција од Гостивар, управувани од Б.М.(63) од с.Балиндол, гостиварско и И.И.(51) од с.Форино, гостиварско. При контролата било констатирано дека во автобусите се превезуваат поголем број патници од дозволениот максимум од 75% исполнетост на капацитетот на возилата кои вршат јавен превоз на патници односно не биле почитувани мерките за превоз на патници според здравствените прописи за време на епидемија.Известен е Јавен обвинител и по целосно документирање на случајот ќе биде поднесена соодветна пријава.

Македонија | пред 4 години

Алтернатива: Со законот за легализација на илегално изградените објекти владата прошверцува амнестија за прекршувачите на законот

Секој ден што ова земја се управува од биномот СДСМ-ДУИ нашата земјата се повеќе се оддалечува од патот на европските интеграции. Во последно време сме сведоци на обидот на владата да прошверцува амнестија за сите тие кои имаат градено спротивно на законот и за кои органите на правдата повеле прекршочни постапки. За една земја која има аспирација да се зачлени во ЕУ е просто невозможно двата лидери на македонските партии, преку политички консензус, да влијаат во органите на правдата и да спречуваат прекршителите на законот да ја добијат заслужената казна, сево ова заради нивни политички пазарења, велат од Алтернатива.Во продолжение на денешната прес конференција беше истакнато:Освен тоа, овој предлог закон и според начинот како се обидува да се донесе, освен што не важи подеднакво за сите региони во Северна Македонија, тој и ги дискриминира граѓаните, фаворизирајќи ги тие кои граделе илегално и дискриминирајќи ги тие кои граделе согласно законот. Дури, и полошо од тоа, на тој начин се стимулира нелегалното градење и непочитувањето на законот во иднина.Ова е причината да го прашаме јавно премиерот Заев: Кој е политичкиот пазар со ВМРО за да се помине еден таков скандалозен закон? Како смета тој и неговата дружина да создаваат владеење на правото и правната држава кога со политички консензус ја прегазуваат правдата и директно се вмешаат во судската власт?!Поаѓајќи од тоа, Алтернатива смета дека овој чекор е штетен за државата и констатира дека оваа земја, полека но сигурно, се повеќе се оддалечува од Европа, истовремено протерувајќи се поголем број граѓани на запад.

Македонија | пред 4 години

Георгиески: Долгот на општина Охрид намален на 470.000.000 денари

Еден од предизвиците со кои се соочив кога стапив на функцијата градоначалник беше задолженоста на општината која требаше сериозно да се намали за да се врати нејзината функција. Денеска направивме сериозен напредок и од долг кој изнесуваше 1.573.036.905 ден во 2017 година, го намаливме на 470.000.000 денари. Паралелно со намалувањето на долгот инвестиравме и во инфраструктурата, образованието, социјалната заштита и заштитата на статусот на Охридскиот регион.Токму оваа наша заложба покажува дека со вистински план, искрена желба и труд, пишува во својата ФБ објава градоначалникот Георгиески.

Македонија | пред 4 години

Фудбалерите на Охрид, управата и логиститката имаа свечен прием кај Градоначалникот за успешната презентација на градот во македонскиот фудбал

Фудбалерите на Охрид, управата и логиститката имаа свечен прием кај Градоначалникот на Охрид Константин Георгиески за успешната презентација на градот во македонскиот фудбал. Градоначалникот најави уште поголема поддршка за нашиот клуб, кој преку капитените Наум Вељаноски и Ромео Кочоски му доделија дрес и благодарница. Заедно сме посилни, напред Охрид, напиша на својот ФБ профил градоначалникот на Охрид, Константин Георгиески.

Македонија | пред 4 години

Јанакиески бара да биде ставен на полиграф за „27 април“, заедно со Нинџа

Поранешниот министер за транспорт и врски и обвинет во случајот „организатори на 27 април“, Миле Јанакиески, побара полиграфско тестирање за да докаже дека ја говори вистината и да го увери судот и јавноста дека не е виновен за крвавите инциденти. Јанакиески посочи дека полиграфско тестирање ќе докаже и дека сведокот Александар Василевски-Нинџа излажал кога го посочил како организатор и дел од лицата кои давале насоки од штабот на ВМРО-ДПМНЕ кон лицата кои влегоа во Собранието. Прашан дали го познава Нинџа, обвинетиот Јанакиески рече дека првпат го видел во судската сала, а никогаш претходно не комуницирал со него.„Александар Василевски има дадено 5 различни изјави за овој кривично правен настан и доколку цените почитуван суде спремен сум на полиграф паралелно да сведочиме со Александар Василевски - Нинџа за настаните од 27 април и тогаш судот и целокупната јавност ќе се увери кој ја говори вистината. Дека Нинџа не ја говори вистината во овој изминат период сведочеа голем број на авторитети меѓу кои и актуелен и поранешен претседател на Влада, актуелен лидер на опозицијата, поранешен претседател на државата, голем број на пратеници и функционери но и самото мислење од техничкиот советник кој е доктор на науки го потврди истото. Јас за овој немил настан, кој никогаш не смее да се повтори, пред Бога пред себеси и семејството сум чист. И ќе потенцирам дека со ништо немам придонесено да се случат немилите настани од 27 април“, рече Јанакиески.Наспроти тврдењата на Обвинителството за гонење на организиран криминал и корупција дека Јанакиески контактирал со Трајко Вељановски, Спиро Ристовски и Владимир Атанасовски поврзано со протестите на „За заедничка Македонија“ и за организацијата на 27 април, обвинетиот негираше. Тој посочи и дека од денот на објавувањето на бомбите до сега, неговиот живот е радикално променет на негативно.„Со Трајко Вељановски контактирав додека бев министер. Откако како дадов оставка во мај 2015 година немав воопшто контакт. Со Спиро Ристовски имав честа комуникација додека бевме министри. Потоа истата се намали. Во 2016 и 2017 година против мене имаше отворено 3 истраги а едно судење беше во тек и најчесто контактирав со адвокати каде се среќавав со сообвинети и градевме одбрана.  Спиро немаше истраги до СЈО и затоа овој период немав ни некаква комуникација. Од денот кога започна објавувањето на бомбите радикално на негативно се смени мојот живот и од 2015 до ден денес сум под мерки а веќе 2 години и 8 месеци сум во притвор. Со Владимир воопшто немав никакви контакти во тој период но ни на  27 април. Со него единствено сум имал контакти и тоа не директен кога ќе дојдеше на седница на Влада како директор за Финансова полиција. Тоа беше многу претходно пред да се случи овој настан. Ниту лицето Никола Бошковски го познавам ниту сум имал било каков контакт со него“, додаде Јанакиески.Обвинети во овој предмет се поранешниот претседател на Собранието Трајко Вељаноски, ексминистрите за транспорт и врски и за образование, Миле Јанакиевски и Спиро Ристовски, како и поранешниот директор на УБК, Владимир Атанасовски.Тие се товарат дека сториле кривично дело терористичко загрозување на уставниот поредок и безбедноста.

Македонија | пред 4 години

Спиро Ристовски: Исказот на Нинџа е невистинит

Поранешниот министер за образование Спиро Ристовски, обвинет како еден од организаторите на насилните настани во Сибранието на 27 април 2017 година вели дека исказот на Александар Василевски – Нинџа, што се однесува до него  не е вистинит.– Станува збор за невистинит исказ од лицето Александар Василевски – Нинџа. На денот на настанот не сум комуницирал, ниту пак сум го сретнал во просторите на ВМРО-ДПМНЕ, како што тој тврди. Во тој период немав никаква партиска функција, не сум имал никаков контакт со структурите на партијата, изјави обвинетиот Спиро Ристовски.Ристовски вели дека не присуствувал на протетстите „За заедничка Македонија“.– Поединци од партијата ВМРО-ДПМНЕ колку што знам ги поддржуваа протестите, а партијата како субјект мислам не ги подржуваше. Од организаторите на протестите го знам само Богдан Илиевски, и него ретко сум го сретнал, изјави Ристовски.Дента на 27 април, како што наведе, извршувал приватни работи, односно одреден период бил во Министерството за образование.извор: Слободен печат 

Македонија | пред 4 години

Нема фотографија

Град Скопје: Во недела „Ден без автомобили“ - дојдете со велосипед или пеш

Во недела, на 30.05.2021 година, Градот Скопје ќе организира Ден без автомобили под мотото „Улици за луѓе“. За таа цел, улицата Васко Карангелевски во Аеродром ќе биде затворена за автомобилски сообраќај вкупно 12 часа, во периодот од 8 до 20 часот. На потегот од булеварот Јане Сандански до крстосницата со улицата Владимир Комаров ќе се случуваат различни културни активности за возрасните, но и за најмладите.Организирањето ваков ден без автомобили може да биде одличен пример за насоката во која што се движи Градот, со цел промоција на политиките за креирање одржлив сообраќаен систем, но и да даде можност граѓаните активно да се вклучат и да ги почувствуваат придобивките од хуманизацијата на урбаниот простор.Плановите за целокупната реорганизација на урбаниот транспорт во Скопје, пресликани во многу плански и стратешки документи, имаат голем потенцијал трајно да го подобрат квалитетот на живот во градот. Во таа насока, спроведувањето на проектот за брз автобуски превоз (БРТ), се очекува да донесе трајно намалување на употребата на индивидуални моторни средства, но за да го постигне тоа, граѓаните треба да се навикнуваат да ги оставаат своите автомобили дома, за почеток во деновите наменети за одмор и рекреација. Активностите кои го поттикнуваат ова, ќе ја зaцврснат довербата во политиките на Град Скопје и забрзано ќе ги донесат придобивките од тие политики што добро се набројани и елаборирани во Акцискиот план за Зелен град.Ваквите активности исто така одат во прилог на зацртаната цел на Град Скопје да се стекне со титулата „Зелена престолнина во Европа“. Таму, токму одржливата урбана мобилност е еден од дванаесетте критериуми и особено е нагласено дека Градот треба да се стреми кон преполовување на употребата на автомобили со конвенционални фосилни горива до 2030 година.Деновите без автомобили се едни од главните промотори на одржливиот транспорт, а ова е докажано низ многу примери во Европа и во светот.

Скопје | пред 4 години

Обвинение за насилство - го следел со возилото, му го попречил патот па го нападнал со дрво

Обвинителен предлог против 32-годишен жител на селото Дуф поднесе Основното јавно обвинителство Гостивар. Лицето се товари за кривично дело – Насилство од член 386 став 3 во врска со став 1 од Кривичниот законик.На 23 февруари во Вруток, обвинетиот извршил грубо насилство и телесно повредил едно лице, додека кај останатите присутни граѓани предизвикал чувство на несигурност, загрозување и страв. Оштетениот од својот автомобил се движел на регионалниот пат кај селото Вруток и во еден момент со рака му дал на обвинетиот право на првенство на минување. Но, обвинетиот продолжил да го следи со своето возило, на излезот од селото му го попречил патот, излегол од автомобилот, извадил дрво од багажникот и со него физички го нападнал оштетениот. Притоа му нанел телесни повреди и му се заканил дека ќе го убие.​​

Македонија | пред 4 години

(ФОТО) Пожар во центарот на Охрид, целосно опожарени се 2 возила и неколку други оштетени

На 28.05.2021 во 00:40часот примена е дојава за пожар во гаражниот подземен дел во комплекс стара автобуска.Целосно опожарени се 2 возила и неколку други оштетени.Поради големо зачадување во 2 влеза од стамбениот комплес извршено е евакуирање на станарите,за среќа нема повредени.ТППЕ Охрид интервенираше со 5 возила и 15 пожарникари. фото: ТППЕ Охрид – Пожарна

Македонија | пред 4 години

ЗНМ: Непримерни се коментарите на Премиерот Заев за документарецот на ИРЛ

Здружението на новинарите на Македонија (ЗНМ) реагира на изјавите на Премиерот Зоран Заев од последното интервју објавено во неделникот „Фокус“, во кои изнесува одредени критики за новинарското истражување на Истражувачката репортерска лабораторија (ИРЛ) за првата епизода од нивниот документарниот серијал „Редакција“ во која обработуваат теми за квалитетот на мазутот кој се употребува во земјава и неговата поврзаност со загадувањето на воздухот.Премиерот Заев, како одговор на прашање во интервјуто, вели дека во документарецот не биле застапени двете страни од приказната, а потоа додава и дека се сомнева во леснотијата на кажаното без аргументација.„Ваквиот јавен став и коментар од страна на Претседателот на Владата и Претседател на партијата на власт, поврзан со истражувачката работа на новинарите може да поттикне сомнеж во кредибилноста на работата на нашите колеги, а со тоа и да се влијае на ограничување на слободата на изразувањето. Од премиерот Заев се очекува да ги охрабри истражувачките новинари во нивните напори да откриваат евентуална злоупотреба на институциите како механизам за спречување на корупцијата, а потоа да реагираат и органите на прогонот“, реагираат од ЗНМ.„Вакви ставови за работата на новинарите од страна на високи владини и партиски претставници може да создадат ,,ефект на ладење”, а со тоа да се одвратат новинарите да работат на теми поврзани со корупција и злоупотреба на власт. Дали некој новинарски продукт е етичен или не треба да одлучуваат саморегулативните тела. Доколку засегнатите страни на кои се однесува конкретната истражувачка сторија, имаат забелешки околу применетите етички стандарди, потсетуваме дека постојат функционални механизми на медиумска саморегулација каде секој граѓанин може да поднесе претставка“, додаваат од Здружението на новинарите на Македонија.

Македонија | пред 4 години

Вози во спротивна насока во Ѓорче Петров и се фали на „Тик Ток“

„Тик Ток“ станува место на кое членовите се фалат кој ќе направи поголема глупост. Па така, еден неодговорен возач вози во спртивната лента на булеварот во Ѓорче Петров и прави „цик цак“ додека останатите возила го одбегнуваат.Дали МВР ќе го санкционира овој возач.https://twitter.com/pipni_stoj/status/1398008897915559939?ref_src=twsrc%5Etfw%7Ctwcamp%5Etweetembed%7Ctwterm%5E1398008897915559939%7Ctwgr%5E%7Ctwcon%5Es1_&ref_url=https%3A%2F%2Frepublika.mk%2Fvesti%2Fcrna-hronika%2Fvozi-vo-sprotivna-nasoka-vo-gjorche-petrov-i-se-fali-na-tik-tok%2F 

Скопје | пред 4 години