Од МЗ се корегираат: Меѓу починатите нема 22-годишен пациент, станува збор за 72 годишен маж

Министерството за здравство (МЗ) попладнево испрати допис до медиумите во кој информира дека е направена ненамерна грешка во извештајот за состојбата со ковид-19 во последните 24 часа, па така меѓу починатите нема 22-годишен пациент.„Имено, во извештајот нема починат пациент на 22 годишна возраст од Струга, односно починатиот пациент од Струга има 72 години“, соопштија од МЗ.Во изминатото деноноќие починаа 41 пациент.Денешната бројка на починати лица е највисока во овој трет бран на ковид-19 и една од највисоките од почетокот на пандемијата. Од кога е пандемијава рекорден број на починати лица дури 46 имаше на 8 декември 2021.фото: Архива

Македонија | пред 5 години

Заев: Направивме се, на секој можен начин да дојдеме до вакцини, нарачавме повеќе од тоа што претставува план за имунизација

Направивме се, на секој можен начин да дојдеме до вакцини. Нарачавме повеќе од тоа што претставува план за имунизација, истакна премиерот Зоран Заев по лидерската средба, одговарајќи на новинарско прашање.– Кога тргнавме со обиди преку приватни фирми да најдеме вакцини, бевме обвинети дека нешто тајно договараме. Направивме се, на секој можен начин да дојдеме до вакцини. Нарачавме повеќе од тоа што претставува план за имунизација. Имаме порачано 800 илјади преку Ковакс, 800 илјади Фајзер, 200 илјади од Кина и 200 илјади Спутник од Русија. 100 илјади се од Европа и 500 илјади направивме усна нарачка со Кина за во мај. Тоа се 2.600 за два милиони потреби, посочи Заев.Го поздрави потегот на Србија да дозволи вакцинација на странски државјани.– Немаме против определбата на нашиот народ да оди во соседна пријателска земја да прими вакцини. Ја поздравуваме пријателската доблест на пријателска Србија. Ќе беше многу подобро тука дома да се вакцинираат, но проблем има целиот свет заради недостаток на количини на вакцини. Западниот Балкан, освен Србија, е буквално во иста состојба, рече Заев.Истакна дека пари за вакцините се обезбедени уште лани во септември кога се правел буџетот, а дополнително пари има и од грант од Европската унија.

Македонија | пред 5 години

Нема фотографија

Град Скопје доби поддршка за именувањето улици со имињата на Блаже Конески и Славко Јаневски

Градот Скопје доби поддршка за именувањето две улици во централното градско подрачје со имињата на великаните Блаже Конески и Славко Јаневски, од Институтот за македонски јазик „Крсте Мисирков“ и од Фондацијата „Славко Јаневски“.„Институтот за македонски јазик „Крсте Мисирков“ го изразува своето задоволство од одлуката на Град Скопје една улица во централното градско подрачје да го носи името токму на Блаже Конески, кодификаторот на современиот македонски јазик, меѓународно ценет лингвист, визионер, мислител, поет и препејувач од светски ранг. Конески ги препозна нијансите на словенската, но и на македонската (со сите свои специфики) народна култура, традиција, наука и реторика. Блаже Конески е најголемиот корифеј на македонската култура со светско реноме и еден од втемелувачите на современиот македонски идентитет. Во Годината на Конески срдечно ја поздравуваме одлуката на Град Скопје, заедно со името на Крсте Мисирков, името на Блаже Конески да го носи улица од централното градско подрачје. Ова е порака до граѓаните на Скопје со која Блаже Конески останува наша инспирација и гордост“, се вели во писмото од Институтот за македонски јазик „Крсте Мисирков“.И Фондацијата за унапредување и промоција на културните вредности „Славко Јаневски“ преку писмо го изрази своето задоволство од одлуката на Град Скопје една улица во централното градско подрачје да го носи името токму на Славко Јаневски, еден од најголемите корифеи на македонската култура и еден од втемелувачите на современиот македонски идентитет.„Името на Славко Јаневски последните десетина години беше во континуитет изложувано на политичка дефамација, со тенденција авторот на првиот македонски роман, наместо да влезе како бележит симбол на македонската колективна меморија, тој да помине во колективен заборав. Во таа смисла, ја поздравуваме и поддржуваме оваа одлука на актуелната владеачка гарнитура на Град Скопје, сметајќи ја за мал, но вистински чекор за зачувување на ликот и делото на овој великан. Затоа го охрабруваме Град Скопје, но и другите одговорни фактори да продолжат во оваа насока за негување на сопствените цивилизациски дострели. Истовремено, Фондацијата изразува подготвеност, во зависност од потребите и во зависност од сопствените капацитети, да помогне во реализацијата на овие процеси“, велат од Фондацијата.фото: Град Скопје

Скопје | пред 5 години

Денеска регистрирани се 303 нови случаи на КОВИД-19 и оздравени 1169 пациенти

Во последните 24 часа се направени 1.405 тестирања, а регистрирани се 303 нови случаи на КОВИД-19 во:Скопје – 195, Прилеп – 28, Куманово – 17, Гостивар – 14, Тетово – 8, Кавадарци – 7, Велес, Штип и Неготино – по 6, Струга и Кичево – по 3, Струмица и Гевгелија – по 2, Охрид, Кочани, Ресен, Радовиш, Дебар и Пробиштип – по 1 лице.Регистрирани се 1169 оздравени пациенти од:Скопје – 532, Прилеп – 78, Кавадарци – 63, Куманово – 58, Неготино – 47, Велес – 44, Гостивар – 42, Штип – 36, Тетово и Битола – по 34, Кочани – 22, Гевгелија – 21, Крива Паланка – 19, Делчево и Берово – по 14, Струмица – 13, Свети Николе, Валандово и Богданци – по 11, Ресен – 9, Дебар – 8, Кичево, Радовиш и Македонски Брод – по 7, Крушево и Демир Хисар – по 5, Пробиштип, Демир Капија и Пехчево – по 4, Кратово и Дојран – по 2, Охрид – 1.Пријавени се вкупно 41 починато лице: 16 од Скопје (34г,41г,50г,60г,64г,65г, 3 лица на 67г., 69г,70г, 71г,72г, 77г, 80г и 86г), по 5 пациенти од Прилеп (43г, 2 лица на 67г, 71г и 78г) и Велес (44г,66г,70г,74г и 81г), по 3 пациенти од Куманово (2 лица на 78г и 79г), и Неготино (60г, 74г и 79г), по еден пациент од Струга (22г), Берово (50г), Гевгелија (60г), Виница (62г), Штип (63 г), Струмица (64г), Гостивар (72г), Кочани (80г), и Дебар (85г). Од починатите лица, сите се починати во болнички услови, освен еден кој е во домашни услови.Направени се 1.405 тестови преку: ИЈЗ-207, ЦЈЗ Скопје-38, ЦЈЗ Битола-0, Клиника за инфективни болести и фебрилни состојби-2, Судска медицина-0, лабораторија болница Козле-0, УК Пулмологија со алергологија–0, ГОБ 8-ми Септември-0, Институт за микробиологија–0, МАНУ-33, Жан Митрев (Филип Втори)-208, Авицена-0, Биотек-190, Систина-360, лабораторија Лаор–0, Синлаб-30, Ремедика-0, ЈЗУ и ПЗУ (рапид тест) – вкупно 337.Досега во земјата се направени вкупно 616.862 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 127.240, бројката на оздравени пациенти е 105.524, на починати е 3.716, а бројот на активни случаи изнесува 18.000.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно) Активни случаи (вкупно)Скопје 56944, активни 9143Прилеп 6933, активни 1030Куманово 6683, активни 773Тетово 6223, активни 545Гостивар 4475, активни 452Велес 4379, активни 650Кавадарци 4367, активни 685Битола 4258, активни 622Штип 4195, активни 398Охрид 4052, активни 732Струмица 3193, активни 313Струга 2644, активни 208Кочани 2207, активни 217Кичево 1962, активни 150Неготино 1892, активни 397Гевгелија 1777, активни 373Свети Николе 1248, активни 105Крива Паланка 1044, активни 92Ресен 982, активни 148Радовиш 877, активни 104Дебар 848, активни 44Делчево 835, активни 85Берово 811, активни 98Пробиштип 672, активни 87Виница 592, активни 59Валандово 494, активни 66Крушево 430, активни 133Богданци 399, активни 70Демир Капија 349, активни 78Кратово 326, активни 29Демир Хисар 320, активни 41Македонски Брод 292, активни 30Пехчево 226, активни 26Македонска Каменица 201, активни 8Дојран 110, активни 9фото: Архива

Македонија | пред 5 години

Црни статистики: Починаа 41 лице од ковид во Македонија, најмладиот има 22 години

Во последните 24 часа се направени 1.405 тестирања, а регистрирани се 303 нови случаи на КОВИД-19 во:Скопје – 195, Прилеп – 28, Куманово – 17, Гостивар – 14, Тетово – 8, Кавадарци – 7, Велес, Штип и Неготино – по 6, Струга и Кичево – по 3, Струмица и Гевгелија – по 2, Охрид, Кочани, Ресен, Радовиш, Дебар и Пробиштип – по 1 лице.Регистрирани се 1169 оздравени пациенти од:Скопје – 532, Прилеп – 78, Кавадарци – 63, Куманово – 58, Неготино – 47, Велес – 44, Гостивар – 42, Штип – 36, Тетово и Битола – по 34, Кочани – 22, Гевгелија – 21, Крива Паланка – 19, Делчево и Берово - по 14, Струмица - 13, Свети Николе, Валандово и Богданци - по 11, Ресен – 9, Дебар – 8, Кичево, Радовиш и Македонски Брод – по 7, Крушево и Демир Хисар - по 5, Пробиштип, Демир Капија и Пехчево – по 4, Кратово и Дојран – по 2, Охрид – 1.Пријавени се вкупно 41 починато лице: 16 од Скопје (34г,41г,50г,60г,64г,65г, 3 лица на 67г., 69г,70г, 71г,72г, 77г, 80г и 86г), по 5 пациенти од Прилеп (43г, 2 лица на 67г, 71г и 78г) и Велес (44г,66г,70г,74г и 81г), по 3 пациенти од Куманово (2 лица на 78г и 79г), и Неготино (60г, 74г и 79г), по еден пациент од Струга (22г), Берово (50г), Гевгелија (60г), Виница (62г), Штип (63 г), Струмица (64г), Гостивар (72г), Кочани (80г), и Дебар (85г). Од починатите лица, сите се починати во болнички услови, освен еден кој е во домашни услови. 

Македонија | пред 5 години

Коалиција Алијанса за Албанците и Алтернатива: Заев и Мицкоски преку Ахмети ги понижија сите Албанци

ДУИ, која се преправа дека е претставник на Албанците во Владата, денес уште еднаш го потцени своето гласачко тело и сите Албанци. Самиот Зоран Заев потврди дека само го известил Ахмети за одлуката за одложување на пописот по телефон и дека не го прашал за неговиот став во врска со оваа прашање. Мицкоски, во меѓувреме, го нарече само квантитет, а не квалитет. На овој начин, од партија што влезе во владата мамејќи не со „албанскиот премиер“, ДУИ денес се претвори во партија што им прави поголема штета на Албанците, овој пат со одложување на пописот, се вели во соопштението од Коалиција Алијанса за Албанците и Алтернатива.Во продолжение на истото од коалицијата додаваат:Сепак, ги информираме Заев, Мицкоски и Ахмети дека дури и ако успеат да не надминат преку бројките и да го одложат пописот, тие никогаш нема да можат да го намалат бројот и процентот на Албанците во Северна Македонија.Нашите штабови и активисти, и во дијаспората и во земјата, ќе бидат будни и активни, па кога и да биде назначен, ние ќе бидеме тука за да ја подигнеме свеста и да го спасиме овој процес. Во меѓувреме, за секоја зделка што ќе ја направите на штета на Албанците, еден ден сите ќе одговорите!Во оваа прилика, би сакале да ве потсетиме дека Заев и Мицкоски се предадоа пред една единствена тема - проблемот со државјанството, процес што беше инициран и го спроведува Алијансата за Албанците и Алтернатива. Првично побараа од нас да седнеме, а наскоро ќе бидат принудени да го решат овој проблем, бидејќи тие знаат дека не сме сите Албанци, ДУИ и Ахмети.фото: Архива

Македонија | пред 5 години

Заев по средбата со Мицкоски: Пописот ќе ги одложи и локалните избори, наместо во првата половина, ќе се одржат во втората половина на октомври

Премиерот Зоран Заев по средбата со лидерот на ВМРО-ДПМНЕ, Христијан Мицкоски потврди дека се договориле пописот да се одложи за септември и да се реализира од 5 до 30 септември.Целта е попишувачите дотогаш да ги примат и двете дози вакцини. Дијаспората дотогаш ќе може да се самопопишува.Пописот ќе ги одложи и локалните избори. Изборите наместо во првата половина, ќе се одржат во втората половина на октомври. Кампањата за изборите ќе започне по пописот.Премиерот потенцираше дека она за што се дискутирало е координирано со коалиционите партнери, но ќе биде слушнат и ставот на помалите партии.„За време на паузата на лидерската средба, ги контактирав претседателот на државата, спикерот и директорот на ДЗС и договоривме одложување на пописот за месец септември, поради имунизацијата на населението. Секако, дијаспората ќе продолжи да се попишува до 30-ти септември“, изјави премиерот Заев.Тој додаде пописот сега ќе биде поддржан и од најголемата опозициска партија, по што ги повика и Левица да ја прекинат кампањата на бојкот.Заев кажа дека од утре работни групи во законодавниот дом ќе разговараат и за отворени листи, како и локални избори во еден изборен круг. По средбата, премиерот кажа дека со Мицкоски договориле и одблокирање на Собранието.„Одложување на пописот од 5 септември до 25 септември, а изборите од прва во втора половина на октомври. Важно е што дијаспората ќе продолжи да се попишува и ги повикувам нашите граѓани во странство, да се попишат. Ова е важна статистичка операција. Логично е дека внимаваме да се не поклопи кампањата со пописот, така што таа ќе се одложи. Делот кој што го договоривме за одблокирање на Собранието е важен, односно законите како што се за легализација на бесправни градби, петтиот пакет мерки, законите за Клинички центар, АВМУ/МРТВ закони кои се заглавени повеќе од година и пол, Законот за државјанствата, законите за пензионирање, законите за екологијата, законите од европската агенда. Верувам дека во периодот кој престои ќе има покомфорна атмосфера и законодавниот дом ќе биде одблокиран. Прифативме уште утре да влезе во Изборниот законик гласањето со отисок од прст. Со самиот Изборен законик земавме обврска да започнат да работат групи и да се разговара за отворени листи, како и за барањето на избори во еден изборен круг. Но, и да се разговара за една изборна единица за парламентарни избори“, рече Заев.

Македонија | пред 5 години

Мицкоски по средбата со Заев: Пописот се одложува, ќе се спроведе во септември

Претседателот на ВМРО-ДПМНЕ Христијан Мицкоски на прес конференција истакна дека со премиерот Зоран Заев се договориле пописот кој требаше да се одржи од 1ви април да се одложи, и да се презакаже за во месец септември. Пописот треба да се одржи од 5 ти до 30 септември.„Од страна на господинот Зоран Заев бев информиран дека во текот на април се очекува да пристигнат во Македонија околу 350.000 вакцини, а потоа сукцесивно во месец мај. Се согласивме дека откако процесот на имунизација на население, ќе се случи пописот. Затоа се договоривме да биде одложен и наместо сега во април, да се одложи за месец септември како можен период да биде од 5 до 30 септември, односно 25 дена. А локалните избори, наместо првата половина од октомври да се одложат во втората половина од октомври“, рече Мицкоски.На денешната среба главниот мотив беше да спасиме што повеќе човечки животи и пописот да се одложи. Не сакаме да политизираме ништо. Она што јас го побарав од другата страна наиде на одобрување, истакна Мицкоски.Заев ме информира дека до крајот на април ќе пристигнат над 300 000 вакцини , а дека до летото ќе имаме вакцинирано население.Што се однесува до изборите Мицкоски потенцираше дека разговарале за една изборна единица, отворени листи на локалните избори и терминали за отисок од прст.„Се согласивме и веќе утре во рамките на Парламентот ќе биде измената на изборниот законик која се однесува на терминалите за вчитување на отисок на прст. Очекуваме успешно да биде изгласана во Собранието. Се согласивме да ги охрабриме групите кои преговараат за Изборниот законик, а тоа се предлозите за измена во една изборна единица, отворени листи за советници на следните избори, избор на градоначалник во прв круг, последно се разбира тука се гласање на дијаспортата на следните парламентарни избори надвор од дипломатско-конзуларните претставништва, и последно, имплементација на препораките од ОБСЕ“, додаде Мицкоски.

Македонија | пред 5 години

Нема фотографија

Единствена Македонија до Заев и Филипче: Пострашно од вашата неспособност да набавите вакцини е што сега донесовте сомнителна вакцина

Единствена Македонија ја повикува марионетската влада во Скопје својата неспособност да набави вакцини да не ја претвори во национална трагедија со голем број починати лица преку набавка на сомнителната вакцина „Астра Зенека“.Свесни сме дека марионетската влада не може повеќе да го издржи судот на јавноста, која виде немање институционален капацитет на власта да набави вакцини, се вели во соопштението од Единствена македонија.Во продолжение на истото од партијата додаваат:Вчерашното пристигнување во Скопје на вакцината „Астра Зенека“ преку т.н. Ковакс механизмот е сомнително од најмалку две причини:Прво, голем број земји во Европа и светот забранија употреба на вакцината „Астра Зенека“ поради катастрофални последици после нејзиното земање. Второ, т.н Ковид механизам е некој систем на Светската здравстена организација, кој го добива бесплатно шкартот на вакцини за да им го дели на неспособни држави кои самите не може да се управуваат.Квалитетните вакцини се добиваат или со билатерален договор со државите производители на вакцини или со директен договор со компании кои произведуваат вакцини според нивната профитна логика. Но, власта во Скопје без оглед што сме држава со сопствен буџет, не успеа дури и за пари да купи вакцини на светскиот пазар.Единствена Македонија го повикува населението добро да размисли дали да се вакцинира со сомнителната вакцина „Астра Зенека“.фото: Архива

Македонија | пред 5 години

(ВИДЕО) Средба Заев - Мицкоски во Клубот на пратеници

Во Клубот на пратеници во Скопје започна лидерската средба меѓу премиерот Зоран Заев и лидерот на ВМРО-ДПМНЕ Христијан Мицкоски, на која како што беше најавено, ќе разговараат за претстојниот попис, работата на Парламентот, изборите, пандемијата, економијата, евроинтеграциите…Пред почетокот на средбата премиерот и претседател на СДСМ Зоран Заев во изјава за МИА истакна дека очекува да најдат заеднички решенија за пописот да се спроведе непречено, со целосна заштита на здравјето на граѓаните и на попишувачите и истиот да го поддржи и ВМРО-ДПМНЕ.-Одам да разговарам, да чујам став и да поттикнам да вложиме максимум за интересите на граѓаните, истакна Заев.Премиерот потенцираше дека останува отворен да разговараат и за прашања поврзани со работата на Собранието со цел да се отстранат сите блокади и да се обезбеди непречена работа во корист на народот, како и за темите поврзани со локалните избори наесен.Од ВМРО-ДПМНЕ пак пред почетокот на средбата брифираа дека на маса ќе се стават најжешките прашања – прашањето за влада, темата со пописот, како и дијалог за законите кои ќе значат вистински бенефит за граѓаните.-Состојбата во државата е загрижувачка. Дефакто освен економската, и здравствената криза, земјава се наоѓа и во политичка криза. Секојдневието во Македонија е триесетина мртви и над 1.300 ново заразени. Први по смртност, последни по вакцини во Европа и светот. Први по степен на корупција, последни по реформи. Очигледно е дека оваа Влада нема капцитет да ја води земјава, државата се наоѓа во деликатна и сложена состојба. Секој поминат ден е слободен пад и уште еден нов пораз, велат од опозициската партија.фото и видео: Влада

Македонија | пред 5 години

Министерот Спасовски даруваше крвна плазма: Ги охрабрувам сите коишто закрепнале од Ковид-19 да донираат конвалесцентна плазма

Министерот за внатрешни работи Оливер Спасовски денеска даруваше конвалесцентна плазма.Оваа информација тој ја сподели на својот Фејсбук профил каде ги повика и останатите граѓани кои закрепнале од ковид-19 да донираат.„Дарувањето крвна плазма во овие моменти е од круцијална важност за да го победиме заеднички Ковид-19. Ги охрабрувам сите коишто закрепнале од Ковид-19 да донираат конвалесцентна плазма, да ја зголемиме шансата за успешен исход за секој којшто се бори против коронавирусот. Дарувај крвна плазма, СПАСИ ЖИВОТ!“, истакна Спасовски. извор: ФБ Оливер Спасовски

Македонија | пред 5 години

Општина Аеродром го промовира велосипедизмот како здрав начин на живот

Општина Аеродром заедно со наставниците по физичко образование и ученици од сите училишта денеска го промовираа велосипедизмот како спортска активност од која сите имаме повеќе придобивки.Учениците возеа велосипеди тргнувајќи од велосипедскиот полигон во рамките на дворот на ООУ „Ѓорѓија Пулевски“ каде неодамна е обновена хоризонталната и вертикалната сигнализација. Тие поминаа по новите велосипедски патеки покрај булеварот „АСНОМ“.„Ние како Општина секогаш даваме поддршка за сите настани кои се поврзани со учениците и спортот. Возењето велосипед е спорт од кој сите имаме повеќе придобивки, здраво тело, но и зачувување на здрава и чиста животна средина“, порача градоначалникот на Општина Аеродром, Златко Марин.Инаку, Општина Аеродром и оваа година планира да распише јавен повик за доделување субвенции за набавка на велосипед, како и изминатите две години, за што кај аеродромци постои голем интерес.Настанот беше во организација на Општинскиот сојуз за училиштен спорт на Општина Аеродром и невладината организација „Еко Лоџик“ и се одржа според препорачаните протоколи на Министерството за здравство.фото: Општина Аеродром

Скопје | пред 5 години

Град Скопје реагира на прес конференцијата на Попова: Во листата се вклучени имињата на народни херои и други носители на позначајни државни одликувања

Град Скопје реагира на прес-конференцијата на Ирена Попова, член на Советот на Град Скопје од редовите на ВМРО-ДПМНЕ, во однос на постапките за промена на имињата на улиците во Скопје.Целата постапка која се спроведе изминатиов период е целосно транспарентна и запазени се сите законски постапки за реализација на истата. Град Скопје спроведе on-line анкета во летото 2019-та година на која граѓаните ги дадоа своите предлози за имиња на градските улици, а листата беше дополнета и со други формално доставени иницијативи. Во листата се вклучени имињата на народни херои и други носители на позначајни државни одликувања, познати личности и настани од светската историја, имињата на скопските градоначалници, ректори на скопскиот универзитет, академици, државници, стопанственици, научници, спортисти, уметници и др.Дополнително, ги негираме наводите дека од листата се тргнати голем број на имиња, како што се Јустинијан Први, Христо Татарчев, Васил Чакаларов, Павел Шатев и други. Овие имиња на улици ќе продолжат да постојат, каде дел од нив ќе добијат посоодветни локации, додека кај дел од улиците не се менува името на главната улица, туку се додаваат нови имиња на краците на истата како што е случајот со улицата Христо Татарчев.фото: Архива

Скопје | пред 5 години

Доктор Докиќ демантира дека го напишал текстот кој се споделува на Фејсбук: Категорично тврдам дека текстот не сум го напишал!

Познатиот пулмолог д-р Дејан Докиќ демантира дека е автор на текст кој се однесува на состојбата со коронавирусот во Македонија, а од вчера масовно се прошири на социјалните мрежи.– Категорично тврдам дека текстот не сум го напишал. Овој текст е напишан со моето име што се злоупотребува, а она што го содржи не е точно. Слушнавте и од министерот дека има место за пациенти, а во текстот се алармира дека нема. Случајот го пријавив во полиција, па органите нека го расчистат,  истакна д-р Докиќ.На новинарско прашање за лекот ивермектин, д- р Докиќ вели дека во секоја земја искуството е различно.Тој вели дека во изјавата на EMA – European Medicines Agency се вели дека тие се уште не го регистрирале овој лек, бидејќи немаат доволно докази дали делува.– Имаат студии каде што тој имал позитивен ефект, но имаат студии и каде што немало адекватен ефект. Секаде имало некаков ефект. Во истатата таа изјава на ЕМА, Чешка како западно-европска земја членка на ЕУ и Словачка го регистрирале ивермектинот како лек против Ковид-19. Искуството на секоја земја е различно, рече Докиќ.

Македонија | пред 5 години

Македонските граѓани кои се вакцинираа во Србија ќе се ревакцинираат во земјава, вели Филипче

Министерот за здравство Венко Филипче на денешната прес конференција истакна дека сите македонски државјани кои викендов се вакцинираа во Србија ќе се  ревакцинираат во земјава.– Конкретно за вакцината на „АстраЗенека“, нашиот експертски тим ја презема препораката за ревакцинацијата да се случи за три месеци. Оваа препорака е само за вакцините на „АстраЗенека“, додека, пак, за другите вакцини е препорачано ревакцинацијата да се случи по две недели. Утрово разговарав со српскиот колега Лончар и побарав од него да ми даде список од наши граѓани кои се вакцинирале во Србија. Тие што се вакцинирале таму, планирано е да се ревакцинираат дома. Апсолутно ќе имаме доволно дози за ревакцинација. Ги уверувам граѓаните дека сите вакцини се проверени и безбедни – рече Филипче.На новинарско прашање дали е точно дека министри од Владата се вакцинирале преку ред, министерот нагласи дека тоа се лажни вести.-Ниту еден министер во Владата не е вакциниран. Тоа го тврдам, и жал ми е што покрај со пандемијата, мораме да се бориме и со лажните вести на ВМРО ДПМНЕ.  

Македонија | пред 5 години

Филипче: Денеска и утре вакцините ќе се дистрибуираат во сите градови во земјата, за во среда да започне процесот на имунизација

Се завршуваат сите административни работи во Агенцијата за лекови во однос на дозволата за вакцините кои стигнаа во нашата држава на Астра Зенека да бидат пуштени во употреба. Денеска и утре вакцините ќе се дистрибуираат во сите градови во земјата, за во среда да започне процесот на имунизација онака како што најавивме, истакна предмалку на прес-конференција министерот за здравство Венко Филипче.Министерот додаде дека 20 000 граѓани кои се веќе пријавени се на возраст над 75 години, во текот на денешниот и утрешниот ден преку матичните лекари ќе добијат термини согласно местото на живеење во кој пункт и во кое точно време од среда натаму да се јават на вакцинација.На новинарско прашање дали министерот ќе се вакцинира со вакцината на „АстраЗенека“, тој вели дека сега нема да се вакцинира, туку ќе почека да стигне поголема доза на вакцини.-Лично сега нема да се вакцинирам, ќе почекам да стигне поголема доза на вакцини, поголема достапност да има за граѓаните и тогаш кога ќе стигнат ќе се вакцинирам со „АстраЗенека“, изјави денеска Филипче.Во делот на масовна имунизација, како што најави Филипче, од утре почнуваат подготовки и во текот на следната недела ќе биде целосно подготвен големиот пункт во спортската сала Борис Трајковски.  Компанијата Фајзер го потврдила одговорот и во петокот стигнала потврда дека оваа недела треба да се потпишат договорите со земја членка на ЕУ и тоа е повторно со компанијата Фајзер.– Април ќе биде месец кога очекуваме вакцините да стигнат од повеќе места и после оваа приоритетна група граѓани над 65 години и други граѓани да се повикаат и да бидат вакцинирани, рече Филипче.Министерот уште еднаш порача граѓаните да ги почитуваат мерките бидејќи, како што рече, ова е специфичен период.– Има доволно болнички места, нема потреба за паника, но со почитување на мерките сите помагаме трансмисијата на вирусот да се намали, додаде Филипче. 

Македонија | пред 5 години

Попова: Советничката група на ВМРО-ДПМНЕ во Градот Скопје нема да учествува во работата на комисијата за именување на улици

Петре Шилегов во ек на најголемата здравствена и економска криза за свој врвен приоритет го има преименувањето на улици и идентитетско обезличување на градот Скопје.  Преименувањето на улиците, Шилегов го прави без јавна поширока расправа, шверцерски и преку повреда на процедури. Предлозите кои се на маса се израз на фрустрациите на Шилегов и пазарењата со ДУИ на сметка на интересите на скопјани, истакна Ирена Попова, Советничка на ВМРО-ДПМНЕ во Град Скопје.Попова на прес конференцијата додаде:Предлозите кои се даваат од страна на Шилегов не се одобрени согласно законот, од страна на општините и истите се вратени од страна на владата.Значи прекршена е процедурата.Дополнително таквото непочитување на процедурата раѓа нови отстапки и прекршувања.Ваквото дивеење продолжува и денес, кога на седница на Комисијата за именување на улици, мостови, плоштади и други инфраструктурни објекти се ставени предлозите кои не се одобрени од општините во градот Скопје.Советничката група на ВМРО-ДПМНЕ во Градот Скопје нема да учествува во работата на комисијата за именување на улици и инфраструктурни објекти и да го легитимира правното насилство врз градот, обезличување и личните хирови на Шилегов.Советничката група на ВМРО-ДПМНЕ најостро го осудува етноцидот врз градот Скопје.Се брише македонската историја, како што се удира и по најголемите дејци на овој народ.Се бришат имињата на Филип Втори, Јустинијан Први, Христо Татарчев, Васил Чакаларов, Павел Шатев, Тодор Александров.Тоа што на Бугарите не им успеа со Заев, ќе им успее со Петре Шилегов.Шилегов создава град со историја од 1945 година па наваму.Шилегов е срам за Скопје и скопјани.видео: ВМРО ДПМНЕ

Скопје | пред 5 години

Македонец на седумдесет и тригодишна возраст е во кома откако вчера му се слошило по примена вакцина против ковид-19

Македонец на седумдесет и тригодишна возраст е во кома откако вчера му се слошило по примена вакцина против ковид-19 во салата „Чаир“ во Ниш, Србија, потврдува директорот на Универзитетскиот клинички центар Зоран Перишиќ, пренесе српскиот медиум „Јужне вести“.Во текот на вчерашниот ден, на мажот му се слошило по што бил хоспитализиран. Перишиќ вели дека не е позната причината зошто му се влошила состојбата на пациентот, но вели дека тоа не е поради срцеви проблеми.„Со оглед на тоа дека пациентот имал операција со четири бајпаса, направена е и коронарографија и сликани се и бајпасите, нема знаци за инфаркт, ништо не се случило околу срцето. Така што, тие причини се исклучени“, вели Перишиќ.Додава дека во зависност од здравствената состојба на пациентот ќе се направи и дополнителна дијагностика.извор: „Јужне вести“.

Македонија | пред 5 години

Горивата од полноќ поевтинуваат

Регулаторната комисија за енергетика донесе одлука за намалување на малопродажните цени на нафтените деривати, во однос на цените одредени минатата недела.Со оваа одлука, малопродажните цени на бензините и на Екстра лесното масло за домаќинство (ЕЛ-1) се намалуваат за 1 денар по литар, додека пак цената на дизелот се намалува за 1,50 денар.Според најновата измена на цената на горивата од вечерва на полноќ литар ЕУРОСУПЕР БС- 95 ќе се продава за 66 денари, ЕУРОСУПЕР БС-98 за 68 денари, додека цената на ЕУРОДИЗЕЛ (Д-Е V) ќе изнесува 55 денари по литар.Намалување има и кај цените на Екстра лесното масло за домаќинство (ЕЛ-1) и мазутот, кои од полноќ ќе можат да се купат за 44,50 денари по литар, односно 34,426 денари за килограм.фото: Архива

Македонија | пред 5 години

Почина поранешниот дипломат и писател Трајан Петровски

Поранешниот дипломат и писател почина синоќа на 82 годишна возраст.Во последниот поздрав од неговите колеги од дипломатскиот клуб во Скопје потсетуваат на кариерата и делото на Петровски кој беше првиот нерезидентен амбасадор на Репубилика Македонија деташиран во Анкара во јуни 1992 година.Како исткнат дипломат над три децении тој со непокор работеше на етаблирање на органите за надворешни работи на нашата држава и беше еден од незаменливите дипломати-промотори на македонската култура во светот.Професионалниот дипломатски ангажман на Петровски во многу ја збогати и мултудимензионално ја постави неговата литературна вокација, а неговите романи, поезија, есеи и патеписи ги проширија културните реалности и вредности на Македонија низ светот, стои во дописот од дипломатскиот клуб.„Како истакнат член на Дипломатскиот клуб – Скопје, колегата Петровски даде полн придонес и за аналитичко, систематско и професионално проучување и историографско документирање на активностите на македонската дипломатија во нејзиниот 50 годишен развој. Простувајќи се од Трајан Петровски, веруваме дека многу генерации дипломати на Република Северна Македонија ќе го следат неговиот пример за истојно и одговорно реализирање на интересите на земјата во односите со странските субјекти“, велат од дипломатскиот клуб .

Македонија | пред 5 години

Се откажа средбата на Груби со албанските опозициски партии за пописот

Еден час откако беше закажана, се откажа средбата на вицепремиерот Артан Груби, во својство на секретар на ДУИ, со секретарите на другите партии од албанскиот опозициски блок.Средбата требаше да биде во врска со пописот на населението.Причината за откажување на средбата, како што наведе ДУИ е тоа што опозициските политички партии не го потврдиле присуството.Претходно денеска ДУИ извести оваа средбата ќе се одржи во 11 часот.„Секретарите на ДУИ, БЕСА, ДПА, Алијанса за Албанците и Алтернатива ќе бидат присутни на оваа средба. Настанот ќе се одржи во Клубот на пратеници во Скопје“, соопшти ДУИ.Опозициските Алтернатива и Алијанса за Албанците (каде што секретар е Арбен Таравари) дадоа поддршка за Законот за попис, според кој операцијата треба да се спроведе од 1 до 21 април годинава.извор: Макфакс

Македонија | пред 5 години

Заев пред средбата со Мицковски: Очекувам да најдеме заеднички решенија за пописот да се спроведе непречено

Очекувам да најдеме заеднички решенија за пописот да се спроведе непречено, со целосна заштита на здравјето на граѓаните и на попишувачите и истиот да го поддржи и ВМРО-ДПМНЕ, изјави за МИА премиерот и претседател на СДСМ, Зоран Заев пред почетокот на денешната лидерска средба со претседателот на опозициската партија Христијан Мицкоски, која ќе се одржи во 13 часот во клубот на пратеници.-Одам да разговарам, да чујам став и да поттикнам да вложиме максимум за интересите на граѓаните, истакна Заев.Премиерот нагласи дека останува отворен да разговараат и за прашања поврзани со работата на Собранието со цел да се отстранат сите блокади и да се обезбеди непречена работа во корист на народот, како и за темите поврзани со локалните избори наесен.Од ВМРО-ДПМНЕ пред почетокот на средбата брифираат дека на маса ќе се стават најжешките прашања – прашањето за влада, темата со пописот, како и дијалог за законите кои ќе значат вистински бенефит за граѓаните.-Состојбата во државата е загрижувачка. Дефакто освен економската, и здравствената криза, земјава се наоѓа и во политичка криза. Секојдневието во Македонија е триесетина мртви и над 1.300 ново заразени. Први по смртност, последни по вакцини во Европа и светот. Први по степен на корупција, последни по реформи. Очигледно е дека оваа Влада нема капцитет да ја води земјава, државата се наоѓа во деликатна и сложена состојба. Секој поминат ден е слободен пад и уште еден нов пораз, велат од опозициската партија.извор: МИА

Македонија | пред 5 години

Машина за чистење се преврте и пропадна на плоштадот Македонија

Машина за чистење пропадна утрово на Плоштадот Македонија во Скопје.Како што кажуваат работниците за СДК, машината одеднаш се превртела и огромна дупка се направила на плочникот. За среќа, нема повредени„Повикана е екипа на Министерството за внатрешни работи да изврши увид. Ова е резултат на неквалитетна изведба на плоштадот во времето на претходната власт во Градот. Не дај боже, може и граѓани да се повредат“, велат од Град Скопје.После еден час машина беше извадена од дупката, а екипи на Градот го санираа плочникот под кој се наоѓаат инсталации за фонтаната за споменикот на Александар Македонски.извор: СДК

Скопје | пред 5 години

Левица: Лидерската средба Заев-Мицкоски ќе биде од корист за Републиката само ако се договори Македонска национална платформа

Политичката партија Левица, по повод денешната закажана средба меѓу претседателите на СДСМ и на ВМРО-ДПМНЕ – Зоран Заев и Христијан Мицкоски, го потенцира ставот дека ваквата средба на лидерите на двете најголеми политички партии во Македонија би имала смисла единствено ако тие конечно се договорат за носење на долгоочекуваната Македонска народна платформа, како пандан на Тиранската – околу која, во иднина, би се обединил целиот конститутивен македонски народ, велат од Левица.Тие додаваат:Ја истакнуваме суштинската потреба од носење на ваква стратегиска Македонска платформа за националните интереси на македонскиот народ, од страна на лидерите на политичките партии во Македонија, а во која ќе се дефинираат нашите државни црвени линии – на внатрешен и на надворешен план – а кои ќе пружаат заштита и сигурност на македонските граѓани од великоалбанските и великобугарските национал-шовинистички претензии, кои денес се повампирени поради сервилноста на Владата на Заев.Предлагаме оваа Македонска платформа задолжително да ги содржи овие пет точки, кои би се сметале за трајно затворени прашања и прашања кои, во иднина, би биле непреговорливи во процесот на ЕУ интеграции, како и во процесот на создавање на сите идни политички коалициони влади во Македонија, без оглед на тоа кој ќе ги предводи:Се гарантира унитарноста на Република Македонија и се осуетуваат сите обиди за нејзина идна кантонизација или федерализација;Се потврдува секуларноста на државата и немешањето на верските организации и лидери во политичките прашања;Се гарантира неповредливоста на територијален интегритет на Република Македонија и ќе се осуети секој обид за иредентизам или сецесија на било кое малцинство;Се гарантира должната почит кон државните симболи и инсигнии (грб, знаме и химна); иСе става мораториум за преговарање за македонските идентитетски прашања со било кој и било каде (име, јазик, култура, историја, национален идентитет и сл.). извор: Левица

Македонија | пред 5 години

Мицкоски и Заев на тет-а-тет средба, ќе разговараат за пандемијата, пописот, изборниот законик

Премиерот Зоран Заев и претседателот на ВМРО-ДПМНЕ Христијан Мицкоски денес во 13 часот во Клубот на пратеници ќе одржат тет-а-тет средба.Средбата доаѓа по понудата на Мицкоски која беше прифатена од Заев.Во четвртокот вечерта соопшти дека ја прифатил понудата на лидерот на ВМРО-ДПМНЕ, Христијан Мицкоски за нивна тет-а-тет средба, која како што најави ќе се одржи денеска во 13 часот во Клубот на пратеници.– Договорена е средба со претседателот на ВМРО-ДПМНЕ Христијан Мицкоски, во понеделник во 13 часот во Клубот на пратеници. Ќе разговарам со Мицкоски за најважните прашања од интерес на граѓаните со цел државата да ни оди напред, напиша Заев на својот фејсбук-профил во четвртокот вечерта.Објавата на Заев уследи откако Мицкоски претходно го повика на тет-а-тет средба во Клубот на пратеници, за да разговараат за кризата со пандемијата, работата на Парламентот, за пописот, економијата, евроинтеграциите, изборите…– Стојам на располагање, ќе го прилагодам моето време, така како што нему му одговара, да разговараме за сите проблеми кои се од животно значење за граѓаните, од кризата со пандемијата до работата на Парламентот, за што е денеска отворено, а не решено. Зборувам за тет-а-тет средба како двајца претседатели на двете најголеми политички партии кои имаат повеќе од две третини пратеници во рамките на Парламентот. Го повикувам, се надевам дека нема да бидам погрешно сфатен од страна на останатите политички лидери, бидејќи целта ми е навистина искрена. Целта е да се постигне консензус меѓу двете најголеми политички партии, рече Мицкоски во четвртокот во гостувањето во вестите на телевизијата Сител.извор: Курир

Македонија | пред 5 години