(ФОТО) Алсат тврди: Убиецот на Алмир шета слободно на денот кога треба да оди во затвор!

Убиецот на Алмир шета слободно на денот кога треба да оди во затвор, објави Алсат, објавувајќи фотографија за која тврди дека на неа е убиецот на Алмир.Инаку кумановскиот суд му изрече на триесетгодишниот Илиќ затворска казна во траење од 6 години за делото кое го извршил по расправијата што ја имал со таткото на Алмир. Илиќ беше првично обвинет за убиство со умисла, но по новите вештачења кои беа доставени, кумановскиот суд го преквалификува делото во „тешки дела против безбедноста на луѓето и имотот во сообраќајот“. Инаку во однос на овој случај, кумановскиот суд изрече и казни за Сами Демири кој беше осуден на условна казна од 9 месеци, а таткото на Алмир, Седат Алиу, доби 6 месеци условна казна. При донесувањето на пресудата, судијката образложи дека сите заедно придонеле да се случи последицата, односно смртта на Алмир.фото: Алсат

Македонија | пред 5 години

Георгиески: Започнуваат подготвителни активности за комплетна реконструкција на улицата „Јане Сандански“ во Охрид

Започнуваат подготвителни активности за комплетна реконструкција на улицата „Јане Сандански“ од крстосницата со булеварот „Туристичка“ до кружниот тек кај Болнички комплекс и замена на дотраената азбестна водоводна линија.Деновиве ќе се изврши отстранување на старите и оштетени стебла од дрворедот на улицата. Во рамки на проектот за реконструкција на оваа важна сообраќајница, планирано е подигнување на нов дрворед.Општина Охрид во согласност со својата годишна програма, во континуитет инвестира во подобрување на животната средина и одржување на зеленилото во градот. Во тек е тендерска постапка за набавка на вкупно 300 четиригодишни садници од видот Acer platanoides, од кои дел ќе бидат наменети за новиот дрворед на улицата „Јане Сандански“.Поради непречено одвивање на активностите, ги известуваме учесниците во сообраќајот дека ќе има времена забрана за паркирање на возила на оваа улица, напиша во својата фејсбук објава градоначалникот на Охрид Константин Георгиески.ФБ Константин Георгиески

Македонија | пред 5 години

Наместо одговор како вакцини без аванс, Шеќеринска: Можевме и да не ви кажеме дека е вратен

Министерката за одбрана, Радмила Шеќеринска вели дека сите земји во светот се соочуваат со недостиг на вакцини. Во одговор на новинарски прашања, каде беше побарано да го искоментира враќањето на авансот од Кина за вакцини, таа наместо одговор како може и натаму да се очекуваат вакцини од таму, рече „Можевме и да не ви кажеме за ова“.„Врската помеѓу вакцините и НАТО не мислам дека е најлогичната. Но, станува збор за прашање кое има и безбедносни компоненти. Сите се соочуваме со сериозен недостиг на вакцини. Со исклучок на САД и Обединетото кралство, сите други држави се соочуваат со предизвикот како да обезбедат повеќе вакцини, но побрзо. Во таа смисла сме дел од светскиот проблем. Особено тешко е за мали држави, бидејќи кога ќе седнете со производителите сте мал фактор. Поради тоа што, бројките на вакцини кои нас ни се потребни за некои од земјите се статистичка грешка. Дури и ЕУ во преговорите со производителите се соочи со сличен проблем. Целта ни е час поскоро да обезбедиме функционална вакцина. Ќе ги правиме сите чекори кои ќе не донесат поблиску до целта“, рече Шеќеринска.Тоа што Владата признала дека авансот од Кина за набавка на вакцини е вратен, за Шеќеринска е транспарентност и треба да се почитува.„Сакам да зборувам за работи кои што целосно ги познавам и сум учествувала. Најсоодветно е да не се мешаме во работи за кои имаме информации од Влада. Мислам дека тоа понекогаш тоа може да не прави послаби, но како држава е чекор во вистинска насока, а тоа е дека никогаш информациите не ги криевме од јавноста – и кога се добри, но и кога се лоши вести. Можеше ова и да не го кажеме за да добиваме помалку прашања. Но, тоа не е начин на кој функционира оваа Влада. Подобро е да кажеме за проблемите со кои се соочуваме“, додава Шеќеринска.

Македонија | пред 5 години

„МАНУ да се огради од Коцарев кој шири лажни вести, каква брука!“, професорите од Филолошки - гневни!

Професорите од Филолошкиот факултет „го распнаа“ претседателот на Македонската академија на науките и уметностите, Љупчо Коцарев. Ова следува откако тој тврдеше дека ќе се укинат катедрите по македонски јазик и македонска книжевност. Професорката на Филолошки факултет при УКИМ, Румена Бужаровска е една од оние кои прва го искоментира скандалозното однесување на Коцарев и напиша: „МАНУ би требало да се огради од тоа што нејзиниот претседател скандалозно и тенденциозно шири лажни вести. Каква брука“.Рaководителката на Катедрата за македонски јазик, Искра Пановска-Димкова, исто така не му остана должа на Коцарев.„Во однос на тврдењата за укинување на Катедрата за македонски јазик, изнесени по медиумите од страна на претседателот на МАНУ, Љупчо Коцарев, сакам да укажам дека станува збор за чисти измислици, но и уште пострашно за опасни манипулации и инсинуации истовремено. За жал, тоа се случува токму во годината на чествувањето на 100-годишнината од раѓањето на нашиот патрон и професор – Блаже Конески. Имено, претседателот на МАНУ во својата изјава кажува тешки зборови кои не ги поткрепува со ниту еден каков било доказ, истовремено не посочува ниту една институција, а не пак лице кое евентуално би се зафатило со укинување на Катедрата за македонски јазик. Категорично тврдам дека досега од ниту едно место до мене како раководител на Катедрата за македонски јазик, не допреле какви било „гласини” дека такво нешто се подготвува од некаде. Во целост сум убедена дека Филолошкиот факултет „Блаже Конески“ никогаш не би завлегол во некоја таква реформа. Во таа смисла, аарам под итно членовите на МАНУ, како највисока академска институција, да се оградaт од ставовите на претседателoт на Академијата, Љупчо Коцарев, изнесени по медиумите. Истовремено ја уверувам македонската јавност дека до колку некој поединец или институција би се дрзнале да чепнат во интегритетот на Катедрата за македонски јазик, ние сите до еден ќе се бориме тоа да го спречиме со сите средства и на сите начини“, напиша Пановска-Димкова.

Македонија | пред 5 години

Уште една лага: Изучувањето на македонскиот јазик не се уникува, дали некој фрли „патка“ за да предизвика гнев?!

Филолошкиот факултет преку отворено писмо укажува дека тврдењата за укинување на катедрите за македонски јазик и за македонска книжевност се целосни невистини.Писмото го пренесуваме интегрално:Во однос на тврдењата за евентуално укинување на Катедрата за македонски јазик, изнесени по медиумите, укажуваме дека станува збор за целосни невистини и манипулации. За жал, овие написи доаѓаат токму во годината на чествувањето на 100-годишнината од раѓањето на нашиот патрон и професор, Блаже Конески, и 75-годишнината од основањето на Катедрата за македонски јазик и на Филолошкиот факултет „Блаже Конески“. Акад. Блаже Конески беше член на нашата катедра од нејзиното основање и поради огромната почит што ја имаме кон личноста и делото на нашиот професор, тој е одбран за патрон на институцијата. Затоа да не дозволиме неговото име наместо да нѐ обединува да нѐ разединува.Изразуваме цврста убеденост дека на Филолошкиот факултет „Блаже Конески“ не постои и никогаш не постоела идеја за укинување на катедрите за македонски јазик и за македонска книжевност. Истовремено ја уверуваме македонската јавност дека доколку некој поединец или институција би се осмелиле да посегнат по интегритетот на Катедрата за македонски јазик, ние сите до еден ќе се заложиме тоа да го спречиме со сите средства и на сите начини.Остануваме посветени на својата мисија во афирмацијата на македонскиот јазик и неговото научно проучување, како и во образованието на млади кадри македонисти што со наша помош ќе го почитуваат и ќе го продолжат делото на Конески, во нашата средина и на меѓународен план.проф. д-р Лидија Аризанковскапроф. д-р Славица Велевапроф. д-р Катерина Велјановскапроф. д-р Татјана Гочкова-Стојановскапроф. д-р Анета Дучевскапроф. д-р Марјан Марковиќпроф. д-р Димитар Пандевпроф. д-р Искра Пановска-Димковапроф. д-р Марија Пауновапроф. д-р Симон Саздовпроф. д-р Станислава-Сташа Тофоскапроф. д-р Томислав Треневскипроф. д-р Емилија Црвенковскадоц. д-р Гордана Алексовам-р Бобан Карапејовским-р Бојан ПетревскиДеканат на Филолошкиот факултет „Блаже Конески“-Скопје

Македонија | пред 5 години

На скопскиот аеродром: Си испринтале негативни резултати за ковид-19 и лажеле дека се вистински, па заработија пријави

Против вкупно 12 лица Основното јавно обвинителство Скопје поднесе обвинителни предлози за кривично дело – Фалсификување исправа од член 378 став 1 од Кривичниот законик.Обвинетите, во различни кривично-правни настани во периодот од 19 до 23 февруари, на граничниот премин на Меѓународниот аеродром Скопје, прикажувале лажни потврди за негативни ПЦР тестови за SARS-CoV-2 вирусот, кои наводно биле издадени од лаборатории во Скопје. Потврдите како вистински ги прикажувале пред овластените службени лица, иако знаеле дека воопшто не се тестирале во наведените лаборатории.​​

Македонија | пред 5 години

„Да ти го вратат авансот, повеќе треба да ти фали памет, отколку документи“, жестоки реакции за Филипче поради чекорот на Кина

Жестоки реакции и негативни коментари на сметката на министерот за здравство Венко Филипче. Ова доаѓа откако Министерството за здравство кажа дека авансот платен за достава на кинеските вакцини против коронавирус и е вратен на Македонија. Иако тврдат дека договорот не е раскинат, а вакцините ќе пристигнат - сепак, никој не верува во ваквите кажувања. Твитерџиите имаат свое гледише и на овие случувања, дел од нивните коментари во продолжение:https://twitter.com/DA_Thinkerbell/status/1366306554492956679https://twitter.com/StevanoAna/status/1366277994805948420https://twitter.com/qelav/status/1366166873839132680https://twitter.com/TheFitzzz/status/1366155245542383619https://twitter.com/nevremeto/status/1366151325088698371https://twitter.com/BatmanSaysT/status/1366128634575151111https://twitter.com/Igor_rujo/status/1366119038577950722https://twitter.com/bojankuk/status/1366111477023838208https://twitter.com/saso_arsov/status/1366102038388555780https://twitter.com/algorit007/status/1366088489708707847https://twitter.com/BlackTaurus7/status/1366080253395894277https://twitter.com/Stariot/status/1366067897278300164    

Македонија | пред 5 години

На некој му се брза за пресуда во „Титаник“: И денеска судење за финансирањето на ВМРО-ДПМНЕ

Во Основниот кривичен суд Скопје денеска треба да се одржи ново рочиште за случајот „Титаник“, кој се однесува на изборни нерегуларности.Овој судски предмет е уште во фаза на доказна постапка. На претходното рочиште, на 22 февруари, беше сослушан премиерот Зоран Заев, кој од позиција на сведок предложен од обвинителството сведочеше за изборните нерегуларности вршени од страна на ВМРО-ДПМНЕ во 2014 година.Судењето за овој случај го води судијата Осман Шабани, додека обвинението го застапува обвинителката Лиле Стефанова.Освен поранешниот премиер Никола Груевски кој е во бегство, во „Титаник“ обвинети се и Кирил Божиновски, Миле Јанакиески, Гордана Јанкулоска, Билјана Бришкоска Бошковски, Илија Димовски, Мунир Пепиќ, Едмонд Темелко, Леко Ристоски, Кирил Тодоровски, Катерина Веловска, Станко Коруновски, Коста Марковски, Драгче Драгчески, Марјан Накевски, Гоце Јаневски, Џезми Ахмет, Роберт Давитков, Далибор Алешковиќ и Ленка Рашајковска.Тие се осомничени за злосторничко здружување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за финансирање изборна кампања.

Македонија | пред 5 години

„Што правел Мијалков 40 минути откако се пријавил во ЈО?“, ВМРО-ДПМНЕ прашува дали е тоа само циркус?

„Коалицијата Заев – Мијалков се повеќе излегува на виделина. А доказите се на секаде. Мијалков се појавил во ЈО во 16 часот, а театарот пред камери го прави во 16.40 часот. Што правел Мијалков 40 минути и дали ЈО го пуштило да прави циркус пред камери?Мијалков наместо веднаш во куќен притвор глумел изненаден, и му правел на Заев простор за промоција“, велат ВМРО-ДПМНЕ.„Дали Мијалков во ЈО е донесен со службен владин црн автомобил марка Фолксваген пасат? И каде бил претходно?Две минути откако се снима Мијалков пред ЈО, Заев се јавува со фејсбук објава каде се фали дека тој вршел притисок Мијалков да се предаде.Режијата е премногу очигледна. Заев и Мијалков се цело време во комуникација. А да не беше ВМРО, народот и меѓународната заедница Мијалков сега ќе беше на слобода, бидејќи тоа беше планот на Заев, за да можат да прават вештачка криза во ВМРО.Планот на Заев пропадна. Одговорност мора да има за сите, па и за Заев“, се наведува во соопштението на ВМРО-ДПМНЕ.

Македонија | пред 5 години

Нема фотографија

Македонија е ризница на глупости: Свадба со 300 гости во Струмица, додека дневно умираат десетици од корона

Полициски службеници од СВР Струмица вчера извршиле контрола во селото Банско, струмичко, при што било констатирано дека 57-годишниот Д.И.(57) и 54-годишната А.И. организирале свадбена веселба на нивниот 26-годишен син Е.И..Како што информира Министерството за внатрешни работи на свадбата присуствувале околу 300 гости.Свадбата била прекината, а по целосно документирање на случајот, ќе биде поднесена кривична пријава по член 206 од Кривичниот законик – „непостапување според здравствените прописи за време на епидемија“. За настанот бил известен Јавен обвинител.

Македонија | пред 5 години

Сончево време со температура до 16 степени

Времето претпладне ќе биде сончево и свежо, попладне со мала до умерена облачност. Ќе дува умерен, а вдолж Повардарието засилен северен ветер.Минималната температура ќе биде во интервал од -5 до 1, а максималната ќе достигне од 9 до 16 степени, јави УХМР.Во Скопје сончево, до крајот на денот со мала до умерена облачност. Ќе дува умерен до засилен северен ветер. Минималната температура ќе се спушти до -3, а максималната ќе достигне 14 степени.До четврток ќе преовладува сончево време, а од петок ќе има зголемување на облачноста со локален дожд кон крајот на денот. До вторник ќе дува умерен, а вдолж Повардарието повремено засилен северен ветер.Утринските температури во следните денови на повеќе места ќе се спуштат под нулата, а дневните од среда ќе бидат во пораст.

Македонија | пред 5 години

И денеска, нови протести пред Влада

Асоцијацијата на ивент индустријата – ИВАП попладнево во 12 часот ќе протестира пред Владата, под мотото „Помен – една година тишина!“, поради една година од забраната за одржување на јавни настани.„Со овој собир сакаме да го свртиме внимание на Владата, но и на јавноста за состојбата во нашата дејност која навистина е голем губитник од пандемијата. За жал, ние како дејност немаме никаква помош од страна на нашата држава. Ниту сме препознаени и разбрани како сектор, а без помош и поддршка не е возможно да опстанеме после цела година неработење“, се наведува во најавата на протестот.Од Асоцијацијата наведуваат дека зголемениот број на случаи деновиве ги загрижува бидејќи тоа значидека уште долго нема да можат да почнат со работа.„Како одговорни граѓани и компании, сметаме дека е неумесно да бараме да одржуваме јавни настани при ваква состојба. Ние не правиме тајни настани, не ги прекршуваме законите и прописите и не и создаваме проблеми на пазарната инспекција. Затоа, сметаме дека немаме друг избор освен Владата да изнајде начин и да му помогне на овој сектор“, велат од ИВАП.Во последниот пакет мерки, додаваат од таму, Владата објави дека се наменети средства за секторот за организација на настани, но моделот кој го предложила ниту некому му е јасен ниту, пак, има најава кога би можел да се реализира.„За жал изведувачките уметности, музиката и јавните настани се вториот најголем губитник од Ковид пандемијата во Европа и светот, според последното истражување на европската агенција EY Consulting, веднаш зад авио транспортот и според истражувањата, закрепнувањето на оваа важна општествена гранка мора да биде сериозно поддржано и помогнато од локалните влади“, велат од ИВАП.

Скопје | пред 5 години

(ВИДЕО) Реконструкција на бегството на Мијалков: Како го снема, кои насоки се дадени, што се случуваше?

Емисијата „Код“ направи реконструкција на бегството, но и појавувањето на ексдиректорот на УБК, Сашо Мијалков. Во неа е опишано во кои моменти, какви наредби се издадени, како е делувано и што е направено за да биде лоциран Мијалков.

Македонија | пред 5 години

Од утре стартува платниот промет во пошта

Во пошта повторно може да се плаќаат сметки. Повторното функционирање на платниот промет во единиците на поштенската мрежа на АД „Пошта на Северна Македонија“ утре ќе биде официјално означено.Платниот промет во првата недела ќе биде достапен во повеќе единици на Пошта и тоа: Скопје 1 и Скопје 2, подружниците во Тетово, Гостивар, Кичево, Охрид, Битола, Прилеп, Кавадарци, Велес, Гевгелија, Струмица, Штип, Кочани и Куманово. Во текот на месец март услугата ќе биде достапна и во сите останати единици на Пошта, односно на повеќе од 300 точки низ целата држава.Голем број на граѓани и компании изминатиов период апелирале до Пошта побрзо да ја воспостави оваа услуга бидејќи постојат многу места низ земјата каде шалтерите на Пошта се единствената физичка опција за вршење на трансакции од платниот промет.Според најавите од Халкбанк освен стандардните банкарски услуги, банката-партнер ќе понуди и други услуги кои освен за нивните коминтенти, ќе бидат достапни и за сите кои ги користат услугите на „Пошта“.Инаку, над 870 вработени во „Пошта“ целосно или делумно извршуваат работни обврски поврзани со обезбедувањето на услуги од платниот промет. Според договорот, 71 отсто од остварениот приход ќе биде наменет за државната пошта, а 29 отсто за Халкбанк.извор: Макфакс 

Македонија | пред 5 години

Нема фотографија

Пронајдено удавено женско лице во реката Брегалница

На рекреативци по пешачката патека во Штип, во близина на справите за вежбање забележале мртво женско тело во реката Брегалница, објави ММС. Веднаш била известена полицијата и Итната помош.Портпаротлот на СВР Штип, Гордана Панајотова го потврдила случајот за ММС.мк.Извор:  ММС. 

Македонија | пред 5 години

Нема фотографија

Филипче: Здравствената состојба се следи и засега не се предвидени рестриктивни мерки

Министерот за здравство д-р Венко Филипче во вечерашното гостување во Дневникот на Канал 5 телевизија потенцираше дека во нашата земја се уште не е детектиран јужноафриканскиот сој на вирусот. Здравствената состојба се следи и засега не се предвидени рестриктивни мерки.„Некаде околу 70тина проценти според лабораторијата во Клиника Жан Митрев, а оваа недела ги очекуваме резултатите од лабораторијата во МАНУ е присутен британскиот сој. Првичните испитувања укажаа на тоа дека е полесно трансмисибилен, што значи дека може да зафати поголем број на луѓе во пократок временски период. Меѓутоа, истовремено и една ситуација во којашто и убавото време ги тера луѓето да не ги почитуваат превентивните мерки. Се случува слично и во околните земји. Пратиме што се случува и во Албанија и во Србија, имаме зголемен број на пациенти посебно во некои градови. Навистина се зголеми бројот на хоспитализирани пациенти во болницата во Кавадарци и Прилеп. Со иста динамика беше и приемот на пациенти во охридската болница, во другите градови состојбаѕа е прилично мирна и стабилна. Во овој момент имаме сосем доволно болнички капацитети. Ситуацијата засега е таква да нема нагол раст на кривата како што имаше во месец ноември. Мерките засега се добри и ситуацијата се прати“, истакна Филипче.фото: Архива

Македонија | пред 5 години

Корените на Македонскиот народ се длабоки и на никој нема да му дозволиме да ги сосече, велат од Демократскиот сојуз

Демократскиот сојуз ги отфрла како несериозни и аматерски предлозите за решавање на спорот со Бугарија изнесени од поранешниот премиер Љубчо Георгиевски.Зачудувачка е леснотијата со која Георгиевски лицитира со основните атрибути на македонскиот национален идентитет и се обидува да ги претстави како конструктивно решение во полза на двете страни.Предлозите на Георгиевски, особено за настанокот на македонскиот јазик, се порадикални и подеструктивни дури и од предлозите на најзакоравените бугарски националисти.Не е случајно што тие едногласно му честитаат на предлозите и му даваат безрезервна поддршка, зашто според нивниот тон и содржина, Георгиевски настапува како советник на бугарската влада.Демократскиот сојуз смета дека во еден сериозен спор во кој се релативизираат и негираат основните идентитетски параметри на македонскиот народ, не смее да им се дава гласност на шарлатански предлози, каков што е последниот од некогашниот премиер Љубчо Георгиевски.Со Бугарија немаме заедничка историја, ниту пак основа да славиме заеднички датуми и личности. Корените на Македонскиот народ се длабоки и на никој нема да му дозволиме да ги сосече.фото: Архива

Македонија | пред 5 години

Составот на сегашната власт, свесно, влезе во релативизирање на идентитетот со самото тоа што за него преговара, вели Латас

Имаме сериозен проблем, двајца поранешни премиери, Љубчо Георгиевски и Владо Бучковски кои, заедно, свесно ја загубија војната во 2001-ва и унитарноста на државата се портпароли на Бугарија кои тврдат дека Македонија е нација без минато, култура и јазик без традиција, напиша на својот ФБ профил драган Павловиќ Латас.Латас во објавата додава:Составот на сегашната власт, свесно, влезе во релативизирање на идентитетот со самото тоа што за него преговара.Засега, јавно и без задршка, во одбрана на идентитетот од поранешниот државен врв се само Бранко Црвенковски и Ѓорѓи Иванов, заедно со Максим Димитревски и Христијан Мицкоски.Гласањето на избори не е време и место за инает и лечење лични фрустрации, туку определување иднина за себе, во секоја смисла. Гласањето за инает и создаде ваква ситуација. Секој за себе знае колку им помогнал со својот глас на оние кои сега ги носат во неизвесност, и колку има лична одговорност, нпиша Латас на ФБ.фото: PRTSC ФБ Драган Паволовиќ Латас

Македонија | пред 5 години

(ВИДЕО) КОД истражува кои се луѓето кои навестиле бегство на Мијалков, но и каков имот има поранешниот директор на УБК

Куќата во која живее Мијалков, и каде го бараа полицајци пред да исчезне 40 часа, е сопственост на фирмата Ексико, која е дел од мрежата фирми опфатена со истрагата Империја.  Во околината, на Водно, нема ниту еден објект кој е сопственост на Мијалкови, иако има многу имоти за кои постои сомнеж за прикриено сопствеништво на поранешниот директор на УБК, објавиТелма Код во вечерашната емисија истражува кои се луѓето кои навестиле бегство на Мијалков, меѓу нив, била и трансакција со која хотел на Водно неколку дена пред завршните зборови во процесот Тврдина Таргет ја сменил сопственоста и бил купен од фирма на синот на Мијалков, за 5 пати пониска цена од проценетата.извор: Телма 

Македонија | пред 5 години

Координатор на пратеничката група на ДУИ Изет Меџити: Опцијата за интерпелација за Груби останува

Пратеникот и координатор на пратеничката група на ДУИ, Изет Меџити, вели дека нема да се откаже од интерпелација против првиот вицепремиер и негов сопартиец, Артан Груби.-Ќе продолжам во парламентот да ги поддржувам и да ги критикувам таму каде што грешат. Опцијата за интерпелација останува, вели Меџити за Алсат М ТВ.фото: Република 

Македонија | пред 5 години

(ВИДЕО) Се викаат Мајовци и доаѓаат од Дебар – шест дена ковале , а седмиот свиреле!

Режисерот Мето Петровски во 1972 година има снимено и еден документарен филм во продкуција на “Bардар филм” под наслов ” Tапанџии” посветен на мајовците , во кој неколку пати се повторува реченицата ” Се викаат Мајовци и доаѓаат од Дебар – шест дена ковале , а седмиот свиреле “.Според хроничарот на мијачкиот крај, Блажо Смилевски, и во првата играорна група од Македонија, која била формирана по иницијатива на познатите српски етномузиколози сестрите Даница и Љубица Јанковиќ, зимата 1938 година, како оркестар биле познатите Мајовци, на зурли- Мајо и Ишлам, а на тапан- Исак. Прв нивни концерт бил во јануари 1939 година во Народниот театар во Скопје, потоа на 6 јануари настапувале со спектакуларен концерт во Белград на Коларчевиот универзитет, а подоцна во февруари и март 1939 настапувале и во Загреб, Љубљана и Сараево.Според приликата на свирењето, односно дали свират на свадба, собир, слава или сунет, зависи и однесувањето на свирачите, односно  обичаите што се поврзани со свирачите. Овде треба да се потенцира дека за време на муслиманскиот месец на постот Рамазан, тапанарите секој ден го означуваат “ифтарот”, односно дека започнува времето дозволено за јадење. За ова нивно “соопштување” на крајот на месецот на постот,  тие добиваат и парична награда од луѓето.Свадбените обичаи што се поврзани со зурлаџиско-тапанџиските тајфи, се разликуваат во зависност од пределот, етничката припадност и религијата. На тој начин, Мајовците ги познаваат сите традиции и ора на сите заедници што живеат во дебарско-мијачкиот крај. Тие се повикуваат на свадби и веселби од сите заедници и им ја негуваат посебната разноликост на сите етникуми. Поради тоа, може да се каже дека Мајовци се и вистински медијатори на мулти-етничкиот и мултикулутрниот живот, како и на интеркултурниот дијалог во Дебарско-Мијачката област (Stojkova- Serafimova V. 2007:4).Традиционалната Галичката свадба, но и современата манифестација „Галичка Свадба“ што повеќе од 40 години се одржува во село Галичник на Петровден, не може да се замисли ако на неа не свират Мајовците.Споменатиот Петрит Исаковски, генетскиот потомок на Мајо Исаковски не само што денес  е познат зурлаџија, но и еден од најдобрите изработувачи на дебарската зурла. Тој во својот дом има работилница во која со задоволство изработува зурли. „Дебарската зурла се изработува од дрво – дива цреша. Дрвото треба да отседне повеќе од една година, а потоа тоа дрво се буши и се бара соодветниот звук. Следи дупчење на дупките и изработката на славецот кој се изработува од зеленика  и шимшир. Потоа се прави писката. Дебарската зурла се разликува од другите зурли по тонот кој се добива, но и од должината на инструментот. Оваа зурла е долга 52 сантиметри, додека другите се многу пократки .Петрит Исаковски е познат зурлаџија, но и еден од најдобрите изработувачи на дебарската зурла.Изработувач на тапани во Дебарскиот крај е Мемет Бајрами- Курка, кој што сега е на 73 години возраст, а го наследува неговиот син Роберт. Каснакот од тапанот се изработува од костен или, пак, од ореово дрво. Карактеристично е тоа што дрвото, по направениот избор, се поставува во ѓубре од лисја и таму стои до два месеца. Потоа започува процесот на виење на каснакот, за да добие еластицитет и боја. Следи изработката на обрачот, кој се прави од дрво леска. Кожата на тапанот е од коза или,   од младо теле. Пречникот на дебарскиот тапан е 62 сантиметри.Египќанското Семејство Мајовци е поврзано со создавањето на познатото Оро„Тешкото“Инаку според легендите што се кажуваат во Дебарско-Мијачкиот крај, создавањето на познатото оро „Тешкото“ е поврзано со семејството  Мајовци, во средината на 19.век, со почетокот на печалбарството и тешката раздбелба на печалбарите со семејствата. Разделбите биле најтешки, мачни. Биле испраќани од блиските до чешмата-Еѓупска ледина, каде и се играло Тешкото, за збогување.Информаторот Петрит –Тити Исаковски тврди дека покрај „Тешкото“, Мајовци се автори (креатори) и на следните музички дела: Чамче, Малесора (Бајраче), Џангурица, Пиперот (Скудринско оро), Македонска патрона, Манукот (Зетовско оро), Свекрвино оро и Рамно Лазарско оро (Рамно Мијачко оро).„Колку и да има групи кои денес во Македонија се претставуваат како наследници на легендарните Мајовци – тоа сме ние, приковани за ова парче земја, без желба сето ова максимално да го комерцијализираме. Иако имаме издадено ЦД во продукција на МРТ со 24 песни и ора, иако сме одржале многу концерти во и надвор од Македонија, најдраги ни се настапите во Лазарополе, Гари, Росоки, секаде каде нй викаат и каде, како што велат, не може да се замисли ниедна народна веселба и празнување без да екнат зурлата и тапанот“, вели Петрит -Тити Исаковски!Името „Мајовци“ прерасна во „бренд“ на квалитетната македонската зурлаџиско-тапанџиска музика, кое што го употребуваат било која тајфа за комерцијални, кариеристички и други цели.Претседателот на Република Северна Македонија Стево Пендаровски во посета на МАЈОВЦИСепак, семејството Мајовци кои претставуваат синоним на интеркултурни медијатори во македонското „поделено општество“, заслужуваат да им се обезбеди поголема заштита од страна на повиканите институции за заштита на духовното и музичкото наследство, бидејќи тие претставуваат нераскинлив дел на традицијата и културните вредности на Дебраско-Мијачката етнографската целина и на Македонија.извор: ohridvest.com 

Македонија | пред 5 години

Тасевски: Нема вакцини, има нов бран на ковид, не уби ковидов - и вие со цел памет, утре почнувате со попис!?

Нема вакцини. Ниту еден вакциниран. Има нов бран на ковид. Не уби ковидов. И вие со цел памет, утре почнувате со попис!?Мерките се на сила, а треба да пуштиме попишувачи дома, кои претходно биле во десетици други домови.Па уште се заканувате со казни ако е ги пуштиме дома, ако не се попишеме.Добро бе, има правници, адвокати да излезат во јавност да објаснат кои им се правата на граѓаните во ваква ситуација, напиша на својот ФБ профил актерот Сашо Тасевски.фото: ФБ Сашо Тасевски

Македонија | пред 5 години

Денеска починати 11 лица и нови 305 нови случаи на Ковид 19

Министерството за здравство информира, согласно податоците од Институтот за јавно здравје во последните 24 часа се направени 2.533 тестирања, а регистрирани се 305 нови случаи на ковид-19 во:Скопје – 153, Кавадарци – 30, Куманово –22, Прилеп – 21, Тетово – 18, Неготино – 14, Охрид – 11, Гостивар и Гевгелија – по 6, Струга – 5, Штип и Битола – по 4, Ресен – 3, Велес и Делчево – по 2, Струмица, Кичево, Богданци и Демир Капија – по 1.Регистрирани се 167 оздравени пациенти од:Скопје – 71, Прилеп –26, Велес – 10, Куманово и Струмица – по 6, Штип и Битола – по 5, Тетово и Гостивар – по 4, Кавадарци, Делчево и Кичево – по 3, Гевгелија, Богданци, Кочани, Пробиштип, Виница и Кратово – по 2, Неготино, Охрид, Ресен, Крива Паланка, Радовиш, Валандово, Крушево, Демир Хисар и Дојран – по 1.Пријавени се вкупно 11 починати лица. Починати се по 4 пациенти од Скопје (79г,72г,67г,57г), 3 пациенти од Прилеп (79г,71,70), 2 пациенти од Гевгелија (85г,71г), и по еден пациент од Куманово (77г) и Битола (80г). Од пријавените смртни случаи сите се починати во болнички услови.Направени се 2.533 тестови преку: ИЈЗ-553, ЦЈЗ Скопје-41, ЦЈЗ Битола-121, Клиника за инфективни болести и фебрилни состојби-3, Судска медицина -1, УК Пулмологија со алергологија –1, Жан Митрев (Филип Втори)-145, Авицена-318, Биотек-348, Систина-318, Лаор–424, Синлаб-22, ЈЗУ и ПЗУ (рапид тест) – вкупно 238.Досега во земјата се направени вкупно 522.518 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 102.787, бројката на оздравени пациенти е 91.233, на починати е 3.137, а бројот на активни случаи изнесува 8.417.Според досега завршените епидемиолошки анализи во моментов дистрибуцијата по градови е следна:Дистрибуција по градови, Заболени (вкупно), Активни случаи (вкупно)Скопје 44972, активни 3760Куманово 5590, активни 280Тетово 5464, активни 291Прилеп 5405, активни 633Гостивар 3789, активни 151Штип 3659, активни 123Велес 3454, активни 262Битола 3440, активни 185Кавадарци 3386, активни 618Охрид 3253, активни 436Струмица 2713, активни 175Струга 2414, активни 187Кочани 1822, активни 69Кичево 1778, активни 72Гевгелија 1220, активни 185Неготино 1244, активни 227Свети Николе 1109, активни 26Крива Паланка 835, активни 90Ресен 813, активни 69Дебар 794, активни 43Радовиш 744, активни 25Делчево 744, активни 189Берово 642, активни 25Пробиштип 544, активни 26Виница 521, активни 23Валандово 368, активни 30Крушево 284, активни 73Кратово 277, активни 34Демир Хисар 266, активни 15Богданци 275, активни 47Македонски Брод 252, активни 7Демир Капија 242, активни 32Македонска Каменица 193, активни3Пехчево 186, активни 4Дојран 95, активни 2фото: Архива

Македонија | пред 5 години

Британскиот сој на коронавирус зема замав, утре седница на Комисијата за заразни болести

Комисијата за заразни болести утре ќе одржи седница на која ќе се разгледуваат последните случувања и ширењето на британскиот сој на коронавирус. Засега нема информации дали ќе има предлог до Владата за евентуално нови рестриктивни мерки.Кавадарци, Охрид и Прилеп се нови жаришта, каде британскиот сој го зголеми бројот на позитивни лица.фото: Архива

Македонија | пред 5 години

Авансот за кинеските вакцини - повлечен

Дали станува неизвесна набавката и пристигнувањето на кинеските вакцини откако на барање на Кина, македонските власти го повлекле авансот уплатен за достава на вакцините. Од Министерство за здравство за Алсат потврдија дека авансот за кинеските вакцини бил повлечен но тврдат дека станувало збор за дополнително усогласување, а не за откажување на пратката. Договорот со кинеската компанија Синофарм беше потпишан на 8 февруари, а аваност беше уаплетан четири дена подоцна односно на 12 февруари.извор: Алсат 

Македонија | пред 5 години