Јоци до Шилегов: Ти док ја изградиш Универзалната сала, ќе испоумрат пет генерации

Градоначалникот на Скопје, Петре Шилегов, се прости од познатиот српски пејач Ѓорѓе Балашевиќ. Тој призна дека со него договарале да ја отвори Универзалната сала, која е во фаза на реновирање.На оваа објава новинарката Jорданка Ивановска Јоци на својот Фб профил со прашање до Шилегов. Јовци напиша:Која Универзална, човече⁉️Шу збориш?Ти док ја изградиш, ќе испоумрат пет генерации.фото: PRTSC ФБ Jорданка Ивановска Јоци

Македонија | пред 5 години

Заев, Гир и Јаневски на отворањето на Европската куќа во Струмица: Европа е нашиот дом и нашето семејство

Премиерот Зоран Заев, амбасадорот на Европската Унија во нашата земја Дејвид Гир и градоначалникот на Општина Струмица Коста Јаневски денеска во Струмица свечено ја отворија „Европската Куќа“.Ова е трета локација по Скопје и Крива Паланка каде што се отвораат вакви објекти, а нивното отворање и нивниот концепт се сеопфатен одговор на барањата и потребите на нашите граѓани да бидат во најблизок контакт со политиките на ЕУ, кои се од интерес на младите и на граѓаните на нашата земја и придонесуваат за активно вклучување во обликувањето на европската иднина на земјата.„Кога ќе речеме „Европска куќа“, тогаш зборот куќа не го толкуваме како нешто што означува архитектонски објект, туку како дом. А каде што има дом, таму има и семејство. Најчесто Европската Унија ја нарекуваме – Европско семејство. Ако е тоа така, тогаш оваа „Европска куќа“ што денес ја отвораме, не е ништо друго туку Европски дом за младите струмичани“, рече премиерот Заев во своето обраќање.„„Европска куќа“ ќе биде исклучително жив простор во кој младите од Општина Струмица, па и пошироко, ќе ги чуваат и негуваат европските вредности, преку разни форми на дружење, инфо-услуги, ЕУ дискусии, реализација на проекти, промоции на ЕУ настани, изложби, филмски, музички и мултимедијални настани, работилници и слично. Убеден сум дека „Европска куќа“ ќе биде омилена дестинација за младите и дека сите настани кои ќе бидат реализирани ќе ги дадат посакуваните резултати“, истакна градоначалникот на Струмица Коста Јаневски.Со заменувањето на ЕУ Инфо центрите со Европски куќи се овозможува младите луѓе да имаат место каде што ќе ги развиваат нивните критички размислувања, ќе ги зајакнуваат своите мрежи и ќе бидат директно вклучени во обликувањето на европската иднина на својата земја.„Позитивните искуства кои ги имавме со отворањето во Скопје не инспирираа да отвориме повеќе вакви точки за идните генерации ширум градовите во Северна Македонија. Младите луѓе мора да бидат дел од отворениот дијалог за Европските перспективи на земјата од првиот ден. Мора да се вклучени во разговорите за сите големи прашања и да бидат активни чинители“, истакна евроамбасадорот Дејвид Гир при денешната церемонија во Струмица.фото: Влада

Македонија | пред 5 години

Во сообраќајна несреќа загина 18-годишен кошаркар на Кожув

Во тешка сообраќајна несреќа животот го загуби 18-годишниот Иван Пенов, член на КК Кожув.Според извештајот на полицијата, несреќата се случила на патниот правец Стар Дојран-Нов Дојран, каде патничкото возило „Опел Мерива“ со гевгелиски регистарски ознаки, управувано од 20-годишниот И.М. од Гевгелија, излетало од коловозот. Во незгодата загинал Пенов, а со тешки повреди доживеале сопатниците И.М. и В.С.фото: Социјални мрежи

Македонија | пред 5 години

Нема фотографија

Филипче: Со модуларната болница и Велес добива современо опремен инфективен центар

Министерот за здравство д-р Венко Филипче денеска беше во посета на ОБ Велес каде е пуштена во употреба модуларната болница, во која веќе од следната недела ќе почнат да се примаат пацинети. Ова е уште еден од 19-те модуларни центри кои се поставуваат во 16 општини низ државата, со цел зголемување на капацитетите на инфективните одделенија. Модуларниот центар во Велес е со површина од околу 700 м2 и капацитет од најмалку 47 болнички легла. Освен во Велес, досега целосно се завршени девет модуларни центри во Гевгелија, Струмица, Кичево, Струга, Куманово, Гостивар, Штип. До крајот на месецот треба да заврши изведбата и опремувањето на центрите во Охрид, Кавадарци, Битола, Прилеп, Тетово, Дебар, болницата во Козле. Дополнително, во Ресен ќе се почне со изведба на модуларната болница која треба да биде готова во месец март.-Модуларната болница во Велес е поставена во близина на инфективното одделение за кое се планираше реконструкција но тие планови запреа токму поради ковид кризата. Болница ќе добие најсовремен рентген апарат, кој се користи во современите ургентни центри, како и апарат за ехо дијагностика. Опремата ќе пристигне за некој ден и болничкиот капацитет ќе може да се користи. Со овие апарати може да се врши тријажа - рече Венко Филипче.Во разговор со директорот на ОБ Велес, д-р Божидар Бојаџиев, министерот истакана дека болницата веќе две години на граѓаните од овој регион им овозможува здравствени услуги од областа на Ортопедијата за што граѓаните не мора да патуваат до Клиниката во Скопје. Министерот рече дека е потребно мало зајакнување во делот на опремата, најави и спојување на ЗД Велес со болницата по пример на друите градови во државата.-Предноста би била во намалување на администерцијата и административните трошоци во рационализирањето на службата за Итна медицинска помош , како и максимална искористеност на сите возила кои сега припаѓаат на две институции. Секако тоа е бенефит за вработените кои може да дежураат во делот на болницата и дел од лекарите од болницата посебно младите општи лекари да може да работат во Службата за Итна медицинска помош. Тој систем таму каде што го имплементиравме одлично заживеа, дава одлични резултати и сето тоа во интерес на пацинетите - рече министерот.фото: МЗ

Македонија | пред 5 години

Три малолетни деца се давеа во Езерото, ги спаси фудбалерот Един Мерсовски

Три малолетни деца денеска се давеа во Охридското Езеро.  Спречена е голема несреќа благодарение на храбриот фудбалер од ГФК „Охрид Лихнидос“,  Един Мерсовски.Скромниот Мерсовски за ohrid 1 вели:„Најпрво мислевме дека играат и покрај тоа што е чудно ова време во вода да се капат, но многу брзо сфатив дека нешто не е во ред. Многу луѓе кои се шетаа по кејот застанаа и гледаа. Од обала се гледаше дека се обидуваат да испливаат, но дека не можат. Веднаш скокнав по нив. Како ги влечев ги подавав на другарите да ги извлечат од водата, раскажува Мерсовски.По инцидентот спасителот од исплашените деца разбрал дека додека седеле на мостот, едно од дечињата се лизнало и паднало во водата, а другарчињата сакајќи да му помогнат скокнале по него.Но, ладната вода и стресот кај овие дечиња кое се на 8, 9 годишна воздраст си го направил своето. Децата наместо да се извлечат едно со друго, ладната езерска вода почнала да ги повлекува надолу.Среќа овој инцидент има среќен крај.Децата се добро, а нивниот спасител фудбалерот Един на тренинг стигна откако се пресоблече.фото: Ohrid 1

Македонија | пред 5 години

Мицкоски: Собрани се 25 илјади потписи за неколку часа, во над 300 локации

Претседателот на ВМРО-ДПМНЕ, Христијан Мицкоски при денешната посетата на фабриката МИК Свети Николе зборуваше и за денешната иницијатива која ја започна ВМРО-ДПМНЕ ширум целата државата за поништување на Законот за пописот и посочи дека голем број на граѓани денес излегле и се потпишале дека се против овој фалсификат попис  кој СДСМ и Заев сакаат да го истуркаат.-Па врз основа на оние информации кои што ги имам се дека повеќе од 350 пунктови  и врз основа информациите кои ги добивам дека навистина се одвива перфектно. Многу граѓани би рекол илјадници наши граѓани се одзваа на оваа иницијатива и го дадоа својот потпис. Така очекувам  и деновите кои што следат, а тие потписи да бидат поддршка на иницијативата на пратениците која што ќе  биде доставена до спикерот во Парламентот за поднесување закон со кој што ќе бараме поништување на овој би рекол неевропски и наместен закон за попис односно неевропски и наместен попис кој што сакаат СДСМ и Зоран Заев да го спроведат со нивните коалициони партнери. Замислете четири години ние буквално потонавме во ова политичко мочуриште, во оваа политичка тиња, буквално ниту еден проект не направија почнувајќи од почеток до крај, замислете на што ќе личи овој попис направен во 20 дена по рецептата скроена од Зоран Заев и СДСМ. Јас ќе ви кажам дека тоа ќе биде една обична бламажа и еден обичен срам, рече Мицкоски.Мицкоски потенцираше дека тој утрово се потпишал во општината каде што живее.-Јас утрината се потпишав, во скопската населба Карпош 3 која е дел од општината Карпош каде што живеам, додаде тој.фото и видео: ВМРО ДПМНЕ

Македонија | пред 5 години

Денеска починати 10 лица и нови 449 случаи на Ковид 19

Министерството за здравство информира, согласно податоците од Институтот за јавно здравје:Во последните 24 часа се направени 3.283 тестирања, а регистрирани се 449 нови случаи на ковид-19 во: Скопје – 170, Прилеп – 55, Кавадарци - 35, Гевгелија – 23, Тетово – 19, Охрид и Куманово – по 17, Битола и Неготино – по 16, Велес – 10, Струга – 8, Струмица и Ресен – по 7, Гостивар – 6, Штип, Делчево и Богданци – по 5, Крива Паланка, Берово и Кратово – по 4, Пробиштип и Демир Капија – по 3, Кичево, Дебар, Валандово и Крушево – по 2, Кочани и Радовиш – по 1.Регистрирани се 227 оздравени пациенти од: Скопје – 102, Куманово – 41, Прилеп – 17, Кавадарци – 14, Тетово и Велес – по 8, Штип – 6, Гостивар и Кочани – по 5, Битола и Струмица – по 4, Гевгелија, Неготино, Ресен и Крушево – по 2, Дебар, Пробиштип, Виница, Дојран и Македонски Брод – по 1.Пријавени се вкупно 10 починати лица.Починати се 3 пациенти од Скопје (83г, 79г, 65г), по еден од Тетово (72г), Куманово (71г), Прилеп (79г), Велес (84г), Охрид (58г), Кавадарци (65г) и Делчево (75г). Од пријавените смртни случаи сите се починати во болнички услови.Направени се 3.283 тестови преку: ИЈЗ-591, ЦЈЗ Скопје-66, Авицена-312, Биотек-207, Жан Митрев (Филип Втори)-158, Систина-232, Лаор–411, МАНУ-0, Судска медицина-7, ЦЈЗ Битола-140, Клиника за инфективни болести и фебрилни состојби-0, ГАК-0, Синлаб-191, Ремедика-23, ИБЗД Козле-7, ЈЗУ и ПЗУ (рапид тест) – вкупно 932, УК Пулмологија со алергологија–3, ГОБ 8-ми Септември-3, лаборатории од странство-0.Досега во земјата се направени вкупно 500.551 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 99.031, бројката на оздравени пациенти е 89.249, на починати е 3.047, а бројот на активни случаи изнесува 6.735.Според досега завршените епидемиолошки анализи во моментов дистрибуцијата по градови е следна:Дистрибуција по градови Заболени (вкупно) Активни случаи (вкупно)Скопје 43233, активни 2952Куманово 5445, активни 214Тетово 5338, активни 236Прилеп 5082, активни 474Гостивар 3723, активни 115Штип 3602, активни 95Битола 3357, активни 133Велес 3349, активни 238Охрид 3118, активни 392Кавадарци 3090, активни 466Струмица 2657, активни 155Струга 2351, активни 173Кочани 1782, активни 47Кичево 1757, активни 62Свети Николе 1100, активни 24Гевгелија 1123, активни 132Неготино 1102, активни 123Дебар 787, активни 43Ресен 791, активни 64Крива Паланка 784 , активни 54Радовиш 742, активни 40Делчево 720, активни 230Берово 634, активни 32Пробиштип 529, активни 22Виница 508, активни 21Валандово 351, активни 23Кратово 265, активни 34Демир Хисар 257, активни 12Македонски Брод 251, активни 7Крушево 252, активни 51Богданци 245, активни 21Демир Капија 234, активни 33Македонска Каменица 193, активни 5Пехчево 184, активни 3Дојран 95, активни 9 фото: Архива

Македонија | пред 5 години

Во 19 часот пред „неговата“ Универзална, Скопје ќе му оддаде почит на Балашевиќ

Скопје тагува за големата легенда Ѓорѓе Балашевиќ кој зад себе остави бројни стихови кои засекогаш ќе останат во сеќавањата на многу генерации и ќе живеат вечно.Токму затоа, на Фејсбук се појави настан „Скопје за Балашевиќ“, каде се повикуваат граѓаните вечерва да се соберат пред Универзална сала каде ќе оддадат последна почит кон оваа незаборавна легенда.Настанот е предвиден за во 19 часот.фото: ФБ  

Скопје | пред 5 години

Нема фотографија

Калеска –Ванчева: Иницијативата за собирање потписи од страна на ВМРО-ДПМНЕ нема да го спречи одржувањето на пописот

По цели 19 години, државата, конечно, оваа пролет ќе спроведе попис на населението и домаќинствата, согласно сите стандарди и пракси на Евростат. Конечно, како држава да имаме целосни, прецизни и релевантни податоци кои ќе послужат за креирање на издржани долгорочни политики за развој. Добиените податоци ќе послужат како одлична база за градење на политики и мерки во образованието, здравството, социјалната и детска заштита, но и во земјоделството, културата и развојот на регионите и општините, истакна Снежана Калеска –Ванчева, пратеничка на СДСМ и претседателка на Форум на Жени на СДСМ.Калеска –Ванчева додаде:Државата, инситуциите, пред се Државниот завод за статистика се подготвени да реализираат успешен попис.Поддршка за потписот доаѓа од нашите стратешки партнери, ЕУ и САД. Само ВМРО-ДПМНЕ е против, се нешто бојкотира, попречува, саботира. Несериозно и крајно неодговорно.Иницијативата за собирање партиски потписи против Законот за попис, само го зајакнува она што граѓаните веќе добро го знаат. ВМРО-ДПМНЕ со Христијан Мицкоски се анти народна партија која работи против своите граѓани и против својата држава.Секој пратеник од било која пратеничка група, до Собранието може да достави предлог текст на Закон. Отука, јасно е дека овој потег Мицкоски е само за внтрепартиска употреба и исполнување на сопствени хирови. Обидите на ВМРО-ДПМНЕ да го закочи овој процес важен за граѓаните и за иднината на државата, нема да успеат.Пописот кој ќе се одржи оваа пролет, ќе биде спроведен согласно сите меѓународни стандарди, согласни сите пракси на Евростат и Обединетите Нации. По цели 19 години Државниот завод за статистика ќе спроведе попис кој ќе донесе точни и целосни податоци за населението и домаќинствата.видео: СДСМ

Македонија | пред 5 години

(ФОТО) Мицкоски: Го дадов мојот потпис против фалсификат попис

Денеска на пунктови низ цела Македонија започна граѓанската иницијатива за собирање на потписи за поништување на Законот за попис. Граѓаните масовно излегуваат и се потпишуваат.„ Го дадов мојот потпис против фалсификат попис. Да поддржиме европски и вистински попис. Да спречиме кражба, да ја тргнеме политиката од статистиката, напиша на Фејсбук, лидерот на ВМРО ДПМНЕ, Христијан Мицкоски. Мицкоски ги повикуваме граѓаните да излезат и да се потпишат. Стави го твојот потпис за вистински попис!, повика лидерот на ВМРО ДПМНЕ, Христијан Мицкоски.Потпретседателот на ВМРО-ДПМНЕ, Владо Мисајловски по вчерашната средба со пензионерите во општина Бутел, упати апел до сите граѓани да се придружат на ваквата иницијатива додавајќи дека штандови ќе има насекаде низ државата.„Започнуваме насекаде низ Македонија да ги собираме овие потписи, затоа ги охрабруваме граѓаните, ќе не има секаде низ плоштадите, ќе не има на улиците секој кој што сака да ни даде поддршка да дојде да се потпише, бидејќи сакаме што повеќе граѓани да бидат опфатени, а потоа се разбира ние заеднички да ги поднесеме за соборување на овој закон. Секако тука ќе бидеме сите пратеници да се потпишеме и потоа да ги доставиме“, вели Мисајловски. фото: ВМРО ДПМНЕ

Македонија | пред 5 години

Повеќе прослави, повеќе заборлни со коронавирус, Филипче вели заболени има и млади и стари

Министерот за здравство Венко Филипче денеска посочи дека во Кавадарци е зголемен бројот на новозаразени.„Ги пратиме бројките и ги анализиравме резултатите од секвенционирањето на геномите на вирусот од пациенти кои што беа дијагностицирани во Охрид, Кавадарци и во Прилеп. Прво да кажам дека евидентно е зголемувањето во изминатиот период на пациенти кај кои се детектира варијантата на британскиот сој и тоа од некои 20-тина проценти. Последните два дена резултатите покажаа дека се зголемува и до 50 проценти од вкупниот број на дијагностицирани, истакна министерот Филипче.Министерот оценува дека засега нема потреба од засилување на рестриктивните мерки и дека состојбата е под контрола.фото: Архива

Македонија | пред 5 години

МВР: Запленето оружје и дрога во битолско, двајца приведени

Полициски службеници од Отсекот за недозволена трговија со дрога и оружје од Одделението за криминалистичка полиција при СВР Битола денеска ( 20.02.2021), по претходно добиена судска наредба, извршија претрес во дом кај У.К. (34) во с. Граешница, битолско и Ш.К. (29) во с. Граешница, битолско.При претресoт пронајдени и одземени се автоматска пушка, ловна пушка, сигнален пиштол, воздушна пушка, 60 куршуми за автоматска пушка, девет патрони за ловна пушка, марихуана, 566 семки канабис, како и други предмети.Лицата се лишени од слобода и по документирање на случајот против нив ќе следува соодветна кривична пријава.фото: МВР

Македонија | пред 5 години

Иницијативен одбор за вонреден конгрес: Нема искрен член на ВМРО-ДПМНЕ кој не е загрижен за правецот во кој се движи партијата

Борче Стамов од Иницијативниот одбор за одржување на вонреден конгрес на ВМРО-ДПМНЕ вели дека нивната поддршка се зголемува од ден во ден.Тој истакна дека на претстојниот вонреден конгрес на 28 март во Скопје очекуваат поголема посетеност од конгресот во Валандово, кога за лидер беше избран Христијан Мицкоски.„367 делегати во Валандово го дадоа својот глас за Мицкоски и заслужуваат да слушнат од него дали е задоволен од тоа каде партијата се движи. 17 вонреден конгрес на ВМРО-ДПМНЕ ќе биде конгрес на обединување и нов почеток“, рече Стамов.Тој порача дека заинтересираните за лидерското место треба да подготват програма со која ќе настапат пред делегатите.Мотото под кое ќе се одржи вонредниот конгрес е „Сплотени кон победа“.„Без силно и обединето ВМРО-ДПМНЕ не можеме да се надеваме на силна и обединета Македонија. Секогаш кога ВМРО-ДПМНЕ не е на висина на името што го носи, тоа се одразува на државата. На ВМРО-ДПМНЕ му треба будење и соочување со реалноста, нова енергија која ќе го одведе во нови победи. Нема искрен член на ВМРО-ДПМНЕ кој не е загрижен за правецот во кој се движи партијата“, вели Стамов.фото: Иницијатива за конгрес

Македонија | пред 5 години

Заев и Шахпаска: Отворени се 9 нови градинки а до крајот на годината ќе се отворат уште 13 со вкупен капацитет за сместување на 1.384 деца

Премиерот Зоран Заев придружуван од министерка за труд и социјална политика Јагода Шахпаска и градоначалникот на Општина Босилово Зоран Зимбаков, денеска при посетата на Босилово ја пуштија во употреба градинката „Среќни насмевки“.Општина Босилово ја доби првата градинка за згрижување и воспитување на децата до 6 годишна возраст. Градинката носи и силно симболично име „Среќни насмевки“ и во неа 55 деца ќе бидат згрижени според најсоодветните стандарди за вршење на оваа дејност.Градинката „Среќни насмевки“ e изградена и опремена со средства обезбедени од Министерството за труд и социјална политика, во износ од 14,8 милиони денари, и со средства на Општината Босилово во износ од 750.558 денари.„Со изградбата и реконструкцијата на квалитетна инфраструктура за предучилишно образование ги јакнеме и професионалните компетенции на кадарот во градинките, кој има одговорна задача во процесот на градење на личноста на идните наши генерации. Од почетокот на мандатот на оваа Влада до денеска, отворени се 8 градинки со вкупен капацитет од 551 дете, а до крајот на 2021 година, во план е отворање на уште 13 градинки со вкупен капацитет од 1.384 деца“, истакна Заев.„Светскиот ден на социјална правда, денеска го одбележуваме со еден убав настан, ја отвораме првата детска градинка во Општина Босилово. Високо на агендата на Владата на Република Северна Македонија и Министерството за труд и социјална политика претставува грижата за најмладите, децата,“ истакна министерката Шахпаска.Таа посочи дека од почетокот на овој мандат градинката во Босилово е деветтата отворена градинка со вкупен капацитет од 606 деца. „До крајот на годината како Министерство за труд и социјална политика, заедно со Владата на Северна Македонија ќе отвориме уште 13 градинки, во кои ќе бидат згрижени 1.400 деца од предучилишна возраст“, посочи Шахпаска.Градоначалникот Зимбаков истакна дека овој објект претставува капитален проект кој е од огромна важност за Општина Босилово, а со неговата изградба исполнето е и ветување граѓаните, реализирано со помош на Владата на Република Северна Македонија.„Денес не импресионира со шаренилото на можности што ги нуди за секое дете. Можности за добро воспитување, дружба, учење, за развивање на емпатија, но и за општествена одговорност кај најмалите, кај оние за кои градиме подобра иднина“, додаде Зимбаков.фото: Влада

Македонија | пред 5 години

(ВИДЕО) Игор Џамбазор се прости од Балашевиќ со песна

Од Балашевиќ се прости и нашиот познат актер Игор Џамбазов, како што доликува за ваков човек – со песна. Џамбазов на својот инстаграм – профил сподели видео со своја изведба на познатата песна на Балажевиќ од 1985 – „Slovenska“.

Магазин | пред 5 години

Отштета од 122 евра од ден за Верушевски

За 26 февруари е закажана пресудата за случајот „Таргет и Тврдина“, односно за масовното незаконско прислушување во УБК, за што обвинети се поранешниот директор на УБК, Сашо Мијалков, началниците Горан Грујевски и Надица Николиќ, како и уште неколкумина вработени во Управата.Со обвинението против оваа група, СЈО го запре кривичниот прогон против обвинетите во „Пуч“, врз кои редовното обвинителство претходно го стави товарот за прислушувањето. Дел од нив веќе и земаа отштета за времето кое неосновано го поминале во притвор, Објави fokus.mk. Па така, едно од повисоките обештетувања доби Зоран Верушевски, поранешниот разузнавач и актуелен советник за безбедност на премиерот Заев. За времето кое го помина зад решетки, односно 334 дена во истражниот затвор „Скопје“, судот извага дека треба му ги надомести со 122 евра од ден, или вкупно државата да му исплати 40.650 евра. Текстот во целост на:  fokus.mk. 

Македонија | пред 5 години

Исплашена мајка очајно бара помош: Во смртна опасност сум а никој не превзема ништо!

На социјалните медиуми се споделува трауматична фејсбук-објава, која е крик за помош на исплашена мајка. Таа очајно бара заштита од маж за кој тврди дека подолго време ја вознемирувал и напаѓал, а како што пишува во објавата, вечерва повторно упаднал во нејзиниот дом.Мајката пишува дека неколкупати го пријавувала овој човек, но за кратко тој повторно бил на слобода. Според напишаното, таа не се чувствува сигурно вечерва и смета дека е во смртна опасност.– „Човекот” што повеќе од една година ми влегува насилно или скришум, ме злоставува на секој можен начин, крши по дома, да знаете дека го пријавувам во полиција, доаѓаат го вадат од дома, разговараат и го пуштат и он пак се враќа.Вечерва ќе беше фатално. Ме спасија фала им, меѓутоа пак го пуштија. Заклучена сум, не смеам да излезам.Треба ли да си викнам лично обезбедување 24/7, да се отселам на друга планета или да ја земам правдата во свои раце???Замислете колку многу ми требало ова да го напишам!Нека стои, да знаат луѓето дека има илјадници жртви а никој не ги штити.Се разболев, тотално попуштив психички. Ќе извадам лекарско и ќе го тужам. Никогаш немало да верувам дека такви луѓе постојат. Ни на сон, ни на филм не сум верувала. Ова е неиздржливо. Откако ќе ми остане детето без мајка и еден куп животни дома за кои се грижам, ич не ми е гајле колку ќе ме жалат и оплакуваат.Во смртна опасност сум а никој не превзема ништо!“, стои во фејсбук-објавата.фото: AdeLove.com 

Македонија | пред 5 години

Несопирливи емоции: Колегите, обожавателите, политичарите, Балканот се збогува со Балашевиќ

Една од најголемите регионални музички sвезди, Дино Мерлин, се збогува со Ѓорѓе Балашевиќ на својот Фејсбук профил вечерва.Мерлин објави емотивно видео во кое со солзи во очите ја пее една од најпопуларните песни на Балашевиќ.Легендарниот музичар Здравко Чолиќ преку Твитер се прости од својот колега, пишувајќи дека ова е болна и непоправлива загуба за културата во Србија и регионот.„Ова е болен удар. Непоправлива загуба за културниот и јавниот живот на целиот регион, како и на сите обожаватели на неговата музика во светот. Еден од најдобрите го нема.“, напиша Чолиќ на Твитер.https://twitter.com/ColicZdravko/status/1362882017801744392?ref_src=twsrc%5Etfw%7Ctwcamp%5Etweetembed%7Ctwterm%5E1362882017801744392%7Ctwgr%5E%7Ctwcon%5Es1_&ref_url=https%3A%2F%2Fakcent.mk%2F42523%2Fzdravko-cholik-se-prosti-od-balashevik-ova-e-nepopravliva-zaguba-2%2FЛегендарниот кантавтор Ѓорѓе Балашевиќ почина на 67-годишна возраст, од последици од коронавирусот во болница во Белград. Засега не се знае местото и времето на погребот.Ѓорѓе Балашевиќ беше југословенски и српски кантавтор и поет. Тој беше член на групите „Жетва“ и „Рани мраз“, а во 1982. година ја започна својата соло кариера. Има издадено вкупно 12. албуми. Има глумено во неколку телевизиски серии, за кои пишувал и музика.Ѓорѓе Балашевиќ е роден 1953 година и досега имаше издадено 14 албуми. Исто така, има глумено во неколку телевизиски серии за кои ја има напишано и музиката. Живеел и работел во Нови Сад. Бил оженет и имал три деца Јована и Јелена и Алекса.фото: Агенции

Магазин | пред 5 години

Брнз: Ако луѓето забележуваат корупција, тогаш постои проблем, Владата сноси одговорност, но не е само таа одговорна

„Реформите не се неопходни само за аспирациите кон ЕУ, туку се потреба, нужност. Вашата земја сега се соочува со многу сериозен предизвик, особено младите луѓе, кои се прашуваат дали овде имаат иднина, дали можат да заработуваат, дали ќе имаат можности. Имате просечни граѓани исфрустрирани од корупцијата, од недоволните реформи и напредокот на кој се надевале“, истакна Кејт Мари Брнз, амбасадор на САД во Република Македонија во емисијата „Само интервју“.Брнз додаде дека тие прашања се доста важни, но смета дека постојат конкретни чекори што може да се направат релативно брзо за да се покаже решителноста да се работи на тие прашања.„Прво и најважно, некои од случаите на корупција што сега се водат, ако се пресудат би бил јасен сигнал. Исто така, Парламентот ажурно да ја донесе националната антикорупциска стратегија и воведувањето на таа стратегија.Имаше значителни напори во борбата против корупцијата, но се оди бавно и не се доволно. Во овој случај мислам дека перцепцијата е многу важна. Ако луѓето забележуваат корупција, тогаш постои проблем. Ако е тоа нешто видливо со кое се борат секојдневно, мислам дека е важно да се обрне внимание. Кажавме дека Владата сноси одговорност и тоа е така, но не е само таа одговорна. Има повеќе чинители, институциите треба да ја одиграат својата улога, рече Амбасадорот на САД, Г-ѓа Брнз.Брнз посочи дека ако луѓето забележуваат корупција, тогаш постои проблем. Владата треба да сноси одговорност за постоењето на корупцијата во државата.Имаше значителни напори во борбата против корупцијата, но се оди бавно и не се доволно. Во овој случај мислам дека перцепцијата е многу важна. Ако луѓето забележуваат корупција, тогаш постои проблем. Ако е тоа нешто видливо со кое се борат секојдневно, мислам дека е важно да се обрне внимание. Кажавме дека Владата сноси одговорност и тоа е така, но не е само таа одговорна. Има повеќе чинители, институциите треба да ја одиграат својата улога, рече Амбасадорот на САД, Г-ѓа Брнз.Што се однесува до Косово амбасадорката потенцираше:„Ние поддржуваме независно, суверено и мултиетничко Косово. И претседателот Бајден зборуваше за ова, ќе се осврнам на неговите коментари, тој рече дека со сеопфатен договор меѓу Косово и Србија мора да се зачува сувереноста на двете земји. Мислам дека тоа е конечниот став. Ние поддржуваме сеопфатен договор што ќе ја зачува сувереноста на двете земји“, рече Амбасадорот на САД, Г-ѓа Брнз.На прашањето од домаќинот Гоце Михајлоски за пописот во земјава, поточно дали верува дека има услови за чесно попишување, опозицијата се сомнева дека резултатите ќе бидат штелувани, амбасадорката истакна:„Треба да се направи попис. Мило ми беше што Законот за попис на населението помина на собрание и тоа се случи со поддршка на некои од членовите на опозицијата.Тоа има критична функција.Како што знаете, во вашата земја не е извршен попис цели 20 години. Недостигот на точни податоци на населението правењето јавни политики го чини многу тешко. Од наша гледна точка важно е да се изврши попис и да се оди понатаму,како статистичка практика, а не политичка, но креаторите на политики располагаат со такви алатки.Имаме доверба, имаме очекувања дека пописот ќе се изведе професионално и ќе се користи за прибирање прецизни податоци што ќе се користат за јавни политики,како и да се привлечат инвестиции,кои се неопходни за вашиот раст“, истакна Брнз на КАНАЛ 5.А за барањето на опозицијта на предвремени парламентарни избори, овој пат заедно со локалните, Амбасадорката истакна:„Мислам дека треба да се потсетиме дека политичката стабилност произлегува од добра влада, а изборите се клучниот дел.Тие го изразуваат гласот на гласачите и нивниот суд, но не се единствениот елемент и не се решение за сите проблеми.За тоа се потребни силни институции, политички актери што ги почитуваат институциите,политички бирократии со кои управуваат институциите,како и слободно и независно судство што спроведува правда.Сите овие елементи заедно придонесуваат за силна и стабилна демократија, а така напредува општеството“, истакна амбасадорката Брнз.Текстот во целост на: КАНАЛ 5фото: PRTSK

Македонија | пред 5 години

Расчистено убиството во Струмица, приведени двајца малолетници

Полициски службеници од Одделот за криминалистичка полиција-Сектор за општ и насилен криминал и СВР Струмица го расчистија убиството на Д.М. (67) во Струмица и во врска со овој случај се приведени двајца малолетници. На 19.02.2021, по добиено оперативно сознание во СВР Струмица дека во куќа во Струмица се извршени кривични дела разбојништво и силување, а врз основа на наредба од Основен суд Струмица, извршен е претрес во куќа на ул. „Балканска" во Струмица, каде е пронајдена мртва Д.М. (67).Преземени се мерки за расчистување на случајот и извршена е обдукција по наредба на јавен обвинител, при што е утврдено дека смртта настанaла по насилен пат, поради задушување. Поради основано сомнение дека се извршители на кривично дело „Убиство", казниво по член 123 од КЗ, на 19.02.2021 година, најпрво, во Гевгелија е лишен од слободамалолетник (13 години), а потоа во Струмица малолетник (14 години).По наредба на ОС Струмица, со цел обезбедување на дополнителни докази, извршен е претрес во домовите на осомничените. Во просториите на СВР Струмица, во присуство на педагог од Центарот за социјални работи Струмица, родител и адвокат, извршен е службен разговор со осомничените, при што целосно е расчистено кривичното дело, а малолетниците со соодветен поднесок се предадени во Oсновното јавно обвинителство и во Центарот за социјални работи во Струмица, за понатамошна постапка согласно законската регулатива.фото: Архива

Македонија | пред 5 години

Заев: Напуштањето на Ѓорѓе е само физичко, неговиот дух е толку голем и исткаен во неговата музика, тој никогаш нема да избледи

Премиерот Зоран Заев на Фејсбук објави дека напуштањето на Ѓорѓе Балашевиќ е само физичко.-Балканот вечерва тагува за Балашевиќ. Но напуштањето на Ѓорѓе е само физичко, неговиот дух е толку голем и исткаен во неговата музика, тој никогаш нема да избледи ниту да биде заборавен, напиша Заев.Според него, Балашевиќ беше повеќе од уметник.-Неговите заложби за подобро општество издигнаа многу генерации кои денес ги живеат вредностите и слободите за кои непоштедно се посвети. Мир и слобода. Ни остави големо наследство. Музичко. Општествено. Културно. Човечко. Слава му, напиша премиерот.фото: Архива

Македонија | пред 5 години

Општина Охрид распиша тендер за уривање на дивоградбите

Општина Охрид распиша тендер за уривање на дивоградбите во Охридскиот регион. Најпрво ќе се уриваат нелегални објекти и остатоци од урбана опрема на плажите. Тендерот е во висина од над 5 милиони денари. Главен критериум за овој тендер е најниска цена, а според објавената јавна набавка договорот ќе биде склучен на 12 месеци.Пред неколку денови претседателот на Владата на Република Северна Македонија Зоран Заев, во придружба на министерот за транспорт и врски, Благој Бочварски денеска имаше средба со градоначалниците на Општина Охрид Константин Георгиески, на Општина Струга Рамиз Мерко и на Општина Дебрца Зоран Ногачески.На средбата премиерот Заев истакна дека претстојниот извештај на УНЕСКО треба да се прифати како силен аларм кој повикува на заедничка акција на Владата и надлежните ресорни министерства како централна власт и на oпштините Охрид, Струга и Дебрца, за да се отстранат сите ризици кои го загрозуваат статусот на Oхридскиот Регион и Охридското Езеро како заштитено природно и културно подрачје од страна на УНЕСКО.Премиерот Заев ја реафирмираше определбата на Владата, во координација со локалните самоуправи на трите општини да се усогласат напорите за спроведување на Планот за управување со културното и природното наследство во Охридскиот Регион со плановите за развој на општините, водејќи грижа на сите вклучени во процесот дека примарна важност имаат заштитата на културните и природните вредности на Охридското Езеро и на крајбрежјето опфатени со Конвенцијата на УНЕСКО за заштита на природното и културното наследство.Заедничка констатација на средбата беше да продолжи координацијата меѓу Владата и општините Охрид, Струга и Дебрца на утврдените активности, како и на усогласување на легислативата за надлежностите кои ќе овозможат успех во спроведувањето на Планот за управување со културното и природното наследство во Охридскиот Регион и на развојните планови на општините.Инаку Општина Охрид во јуни минатата година започна со уривање и расчитување на крајбрежниот дел на Охрид, од нелегално поставени објекти и урбана опрема. Но акцијата беше стопирана поради недостаток на финансиски средства. Но се чини дека локалната самоуправа е е цврсто решена да го исчисти Градот од нелегални објекти и во целост да ги спроведе препораките на Унеско, со цел Охрид да го зачува статусот на  светско заштитено наследство од УНЕСКО.фото: Архива

Македонија | пред 5 години

Заев, Царовска и Јаневски од Струмица: Инвестициите во спортот и спортските сали се инвестиција во идните генерации

Премиерот Зоран Заев заедно со министерката за образование и наука Мила Царовска и градоначалникот на Струмица Коста Јаневски, попладнево беа во посета на новоотворената спортска сала во основното училиште „Никола Вапцаров“ во Струмица.Новата сала со површина од 1300 м2 комплетно опремена со спортска опрема и реквизити, санитарни јазли, соблекувални со туш кабини е современ простор за изведување на наставата по физичко, за правилен развој на децата и за поттикнување на нивните први спортски интереси.При посетата премиерот Заев рече: „Струмица е спортски град, со спортски традиции кои претставуваат значаен дел од македонскиот спорт и убеден сум дека вложувањето во физичката култура и во спортот ќе даде уште поголеми резултати. Спортската сала во основното училиште „Никола Вапцаров“ е енергетски ефикасна и наскоро ќе биде приклучена на градската гасоводна мрежа заради ставање во функција на топловодната инсталација како уште еден поволен услов за изведување на наставните и спортските активности.“Министерката Царовска истакна дека отворањето на спортската сала е добра вест за децата, затоа што овие објекти се места каде што се создава љубовта кон спортот и се создаваат здрави млади луѓе, од кои некои ќе се развијат во врвни спортисти.„Секое дете заслужува нормални услови за настава, вклучително и за настава по физичко образование. Затоа, еден од најкрупните проекти со кои значително се унапредува образовната инфраструктура е проектот за изградба на училишни спортски сали и рехабилитација на училишни објекти. Досега се завршени и предадени во употреба 88 спортски сали“, додаде Царовска.Со изградбата на спортската сала решивме еден многу значаен проблем и задоволивме големи потреби во воспитно – образовниот процес, обезбедувајќи соодветна инфраструктурна поддршка за квалитетно физичко и здравствено образование.„Ја користам приликата да се заблагодарам на премиерот Зоран Заев, на Владата која преку Министерството за образование обезбеди 40 милиони денари за изградба на салата, а свој удел имавме и ние како Општина со расчистување и подготовка на теренот за градба, приклучување на водоводната, канализационата и електродистрибутивната мрежа, а ќе го решиме и затоплувањето на салата со приклучување на гасоводната мрежа, во вкупен износ од над 2 милиони денари.Со ова капитална инвестиција покажуваме и докажуваме дека Струмица со поддршка од Владата, навистина е грижлив град, кој се грижи за сите свои граѓани и секако за најмладите на кои им овозможуваме нови спортски објекти за правилен физички развој и создавање навики за здрав живот“, истакна градоначалникот Јаневски.фото: Влада

Македонија | пред 5 години

Жена пронајдена мртва во куќа во Струмица

Во куќа на улица „Балканска“ во Струмица попладнево е пронајдена мртва жена на 67 – годишна возраст.Веста ја потврдија од струмичката полиција, од каде информираа дека на местото на настанот се полициски екипи и се врши увид,И од Основното јавно обвинителство во Струмица потврдија дека заменик – јавен обвинител врши увид во куќата каде е пронајдена жената, но повеќе детали не се соопштуваат.Увидот се уште трае, а од полицијата повеќе информации најавуваат за подоцна.фото: Архива

Македонија | пред 5 години

Го привеле за неносење на маска, починал откако му се слошило во полициска станица

Шеесет годишен велешанец починал откако на улица го сопрела полиција поради тоа што не носел маска. Според информациите од МВР настанот се случил вчера во 13.40 часот на улицата Никола Караев, близу училиштето Васил Главинов.Двајца полицајци го идентификувале велешанецот, и му пишувале казна но тој во еден момент ја грабнал личната карта од нивните раце и почнал да трча. Откако го фатиле го привеле во полициска станица но таму му се слошило. Била повикана итна помош која интервенирала по што иако бил однесен во велешката болница човекот починал.Телото по барање на јавен обвинител е предадено на обдукција а за настанот е известена и внатрешната контрола на министерството која го истражува случајот.фото: Архива

Македонија | пред 5 години