Гир: Европската регулатива ќе забранува споделување на верска и етничка припадност

Евроамбасадорот Дејвид Гир вели дека регулативата на ЕУ забранува споделувањето на лични податоци како расна и етничка припадност, како и политичка и верска припадност.„Во Европската Унија, личните карти во моментов се сè уште регулирани од страна на земјите членки, но регулативата на ЕУ, што ги содржи првите правила кои се однесуваат на овие документи на ниво на Унијата, ќе стапи на сила во август 2021“, рече Гир на заедничката прес-конференција со министерот за економија Крешник Бектеши, по повод претседавањето на земјава со ЦЕФТА. фото: Влада

Македонија | пред 5 години

Завршен е модуларниот центар во Велес, болниците во државата со двојно поголеми капацитети на инфективните одделенија

Министерството за здравство информира дека модуларниот центар при Инфективниот оддел на Општата болница во Велес наскоро ќе биде пуштен во функција. Ова е уште еден од 19-те модуларни центри кои се поставуваат во 16 општини низ државата, со цел зголемување на капацитетите на инфективните одделенија.Модуларниот центар во Велес е со површина од околу 700 м2 и капацитет од најмалку 47 болнички легла и следните функции: клинички услуги за тријажа и проценка на здравствената состојба на лицата кои влегуваат во установата, прием и регистрација, тестирање и дијагностика, вклучувајќи лабораторија, рентген и ЕХО дијагностика, безбедно чување и дистрибуција на лекови за пациентите како и административни и простории за персонал, сместени во чистата зона.  До овој момент, целосно се завршени девет модуларни центри во Гевгелија, Струмица, Кичево, Струга, Куманово, Гостивар, Штип, Велес и Охрид. До крајот на месецот треба да заврши изведбата и опремувањето на центрите во Охрид, Кавадарци, Битола, Прилеп, Тетово, Дебар, болницата во Козле. Дополнително, во Ресен ќе се почне со изведба на модуларната болница која треба да биде готова во месец март.Сите клинички и општи болници ширум државата добија двојно поголеми капацитети на оние кои веќе ги имаат во постојните инфективни одделенија, подигната е болничка инфраструктура од над 10.000 м2, комплетно опремена со инвентар, не-медицинска и медицинска опрема или над 650 нови болнички легла на ниво на територија на Република Северна Македонија.фото: МЗ

Македонија | пред 5 години

Денеска починати 19 лица и нови 415 нови случаи на Ковид 19

Министерството за здравство информира, согласно податоците од Институтот за јавно здравје во последните 24 часа се направени 2.549 тестирања, а регистрирани се 415 нови случаи на ковид-19 во:Скопје – 170, Прилеп – 62, Кавадарци - 32, Велес – 25, Неготино – 20, Охрид – 12, Струмица – 11, Гевгелија – 10, Куманово, Тетово и Штип – по 8, Богданци – 7, Струга – 6, Крива Паланка – 5, Кратово, Демир Капија, Кочани и Крушево – по 4, Гостивар и Кичево – по 3, Битола, Делчево и Валандово – по 2, Виница, Дебар и Демир Хисар – по 1.Регистрирани се 244 оздравени пациенти од:Скопје – 110, Кавадарци – 24, Прилеп и Велес – по 17, Куманово – 12, Струмица – 9, Битола – 8, Ресен – 7, Гостивар – 6, Неготино и Берово – по 5, Тетово – 4, Штип – 3, Охрид, Кратово, Демир Капија, Виница, Радовиш и Дојран – по 2, Богданци, Крива Паланка, Кочани, Кичево и Пехчево – по 1.Пријавени се вкупно 19 починати лица. Пријавени се шест пациенти кои починале во тек на месеците ноември-декември. Починати се 11 пациенти од Скопје (69г, 75г, 80г, 65г, 66г, 61г, 67г,72г, 76г, 71г и 68г), два пациенти од Тетово (79г и 65г) и по еден пациент од Куманово (50г), Прилеп (78г), Велес (77г), Охрид (87г), Кичево (51г) и Гевгелија (69г). Од пријавените смртни случаи 18 се починати во болнички услови и еден во домашни услови.Направени се 2.549 тестови преку: ИЈЗ-685, ЦЈЗ Скопје-61, Авицена-275, Биотек-261, Жан Митрев (Филип Втори)-139, Систина-213, лабораторија Лаор–202, МАНУ-0, Судска медицина-5, ЦЈЗ Битола-10, Клиника за инфективни болести и фебрилни состојби-1, ГАК-0, Синлаб-57, Ремедика-15, лабораторија болница Козле-24, ЈЗУ и ПЗУ (рапид тест) – вкупно 594, УК Пулмологија со алергологија–2, ГОБ 8-ми Септември-5, лаборатории од странство-0.Досега во земјата се направени вкупно 497.268 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 98.584, бројката на оздравени пациенти е 89.022, на починати е 3.037, а бројот на активни случаи изнесува 6.525.Според досега завршените епидемиолошки анализи во моментов дистрибуцијата по градови е следна:Дистрибуција по градови, Заболени (вкупно), Активни случаи (вкупно)Скопје 43066, активни 2890Куманово 5428, активни 239Тетово 5320, активни 227Прилеп 5027, активни 437Гостивар 3716, активни 113Штип 3597, активни 96Битола 3341, активни 121Велес 3338, активни 236Охрид 3101, активни 376Кавадарци 3055, активни 446Струмица 2650, активни 152Струга 2343, активни 165Кочани 1781, активни 51Кичево 1755, активни 60Свети Николе 1100, активни 24Гевгелија 1100, активни 111Неготино 1086, активни 109Дебар 785, активни 42Ресен 784, активни 59Крива Паланка 780, активни 50Радовиш 741, активни 39Делчево 715, активни 226Берово 630, активни 28Пробиштип 526, активни 20Виница 508, активни 22Валандово 349, активни 21Кратово 261, активни 30Демир Хисар 257, активни 12Македонски Брод 251, активни 8Крушево 250, активни 51Богданци 240, активни 16Демир Капија 231, активни 30Македонска Каменица 193, активни 5Пехчево 184, активни 3Дојран 95, активни 10фото: Архива

Македонија | пред 5 години

Бектеши: Приоритетна цел на Северна Македонија во претседавањето со ЦЕФТА ќе биде отстранувањето на пречките во трговијата

Министерот за економија Крешник Бектеши и амбасадорот на Европската Унија во Северна Македонија, Дејвид Гир денеска ги презентираа приоритетите на Северна Македонија со претседавањето на Централноевропскиот договор за слободна трговија (ЦЕФТА) во 2021 година.Министерот во своето обраќање кажа дека слободното движење на стоките, слободна трговија со услугите, отстранување на пречките во трговијата со стоките и услугите, Дополнителниот протокол 7 за решавање на споровите, како и институционалниот развој на ЦЕФТА структурите ќе бидат приоритет на македонското претседавање со ЦЕФТА оваа година.Додаде дека примената на ЦЕФТА договорот и активностите предвидени во Акцискиот план на Заедничкиот регионален пазар 2021-2024, ќе бидат основите за нашето претседавање.„Клучниот столб на нашето претседавање е трговијата. Овој столб има за цел олеснување на слободното движење на стоки, капитал, услуги и луѓе меѓу земјите на ЦЕФТА со цел да се овозможи просперитет и благосостојба за сите граѓани. Активност која ја наметна пандемијата е продолжување на функционирање на Зелените коридори за полесно транзитирање на стоки низ регионот, како и за проширување на овие коридори кон соседните ЕУ земји. Нашите активности ќе бидат насочени кон следење на напредокот евидентиран во секоја ЦЕФТА страна во врска со елиминацијата на пријавените нетарифни бариери, подготвување единствен список со сите такси и давачки за увоз или извоз на стоки, подготовка на Акцискиот документ за имплементација на инфраструктурата за квалитет, спроведување на програмите за заемно признавање на Овластените економски оператори и други“, кажа министерот Бектеши во своето обраќање.Министерот потенцираше дека меѓу активностите на нашето претседавање оваа година ќе биде и идентификување на клучните слабости во регионалната испорака на пратки во поштенските услуги, донесување одлука за воспоставување општ систем на признавање професионални квалификации за одделна професија со постепено проширување на други професии, усвојување рамка за заемно признавање на електронските потписи, како и други форми на електронска идентификација.„Со оглед на тоа што во минатите години бевме сведоци за одредени нетарифни бариери, во 2021 година ќе се фокусираме и на подготвување на првиот извештај за нетарифни бариери со цел да се идентификуваат трговските пречки со кои се соочува бизнисот во регионот. Како еден од приоритетите на претседавањето се и преговорите и склучувањето на Дополнителниот протокол 7 за решавањето на споровите со кој ќе се создаде правна рамка за решавање и елиминирање на трговските бариери меѓу членките на ЦЕФТА за кое веќе е одржана една рунда на преговори во земјата“, кажа министерот Бектеши и потенцираше дека ќе се работи и на организациско и функционално подобрување на работата на ЦЕФТА Секретаријатот.Евроамбасадорот Дејвид Гир кажа дека претседавањето со ЦЕФТА на Северна Македонија дава можност за значаен напредок во многу области.„Економско-инвестицискиот План и ЦЕФТА делат заедничка цел: подобро да ги интегрираат економски земјите од Западен Балкан, помеѓу себе и со ЕУ. Планот исто така става силен акцент на градењето на заеднички регионален пазар како начин за зголемување на конкурентноста на земјите од Западен Балкан“, кажа евроамбасадорот Гир во своето обраќање.Видео: Влада

Македонија | пред 5 години

Двајца велешани осомничени за обид да извршат разбојништво

Основното јавно обвинителство Велес поведе истражна постапка против две лица за кривично дело – Разбојништво согласно член 237 став 4 во врска со став 1 и во врска со членовите 22 и 19 од Кривичниот законик.Имено, на 13 февруари во вечерните часови, осомничените како соизвршители се обиделе да извршат разбојништво во трафика лоцирана на улицата „Благој Ѓорев“ во Велес. На две жени кои се наоѓале во трафиката им се заканиле со пиштол и се обиделе да ја отворат касата. Едната оштетена започнала да вика, барајќи помош од полиција, додека другата се борела со двајцата разбојници. Кога не успеале да ја отворат фиоката, осомничените избегале без да ја реализираат својата намера.Основниот суд во Велес го прифати предлогот на јавниот обвинител и на двајцата осомничени им определи притвор во траење од 30 дена со цел да се овозможи непречено одвивање на кривичната постапка против нив.​​фото: Архива

Македонија | пред 5 години

Мисајловски: Не е баш така розово како што власта презентира, нема покачување на пензии, нема капитални проекти

Денеска сме тука во Бутел, каде што ќе имаме неколку средби со повеќе целни групи или со повеќе граѓани. Заедно со пратеникот Дарко Костовски, заедно со дел од раководството на Општинскиот Комитет Бутел, се разбира и со многу граѓани да разговараме за сите оние теми што се секојдневни. За темите што најмногу граѓаните ги интересира и секако да ги објасниме нашите ставови по сите прашања, истакна Владо Мисајловски, потпретседател на ВМРО-ДПМНЕ.Мисајловски додаде:Денеска со многу пензионери исто така се сретнавме и имавме убав настан каде што можевме да слушнеме каков е животот во Македонија и колку се задоволни од стандардот. Јас можам да кажам дека не е баш така розово како што оваа власт сака да презентира. Односно слушнавме пред извесно време министерката за труд и социјала спомна дека сите граѓани се среќни од кога СДСМ дошле на власт. Но, не е така.Денеска слушнавме дека граѓаните не се задоволни воопшто од последниве години како расте пензијата, односно околу стотина денари само им е качена пензијата во последните три – четири години. Слушнавме дека многу нивни основни потреби не може да си ги остварат. Слушнавме како дека не можат за еден обичен преглед да дојдат на ред во амбулантите и поликлиниките, и во болниците се разбира. Не можат и немаат можност да се вакцинираат. Не можат да гледаат како нивните деца не можат да најдат работа тука бидејќи се повеќе гранки се затвораат. Но, и се повеќе млади се иселуваат.И тоа се прашања што ги мачат тука жителите во Бутел. И затоа добро е ВМРО-ДПМНЕ што е на терен и разговара за овие прашања бидејќи нема избори, кога нема избори добро е секогаш да разговараме со граѓаните. И затоа од овие сите разговори потоа да ги преточиме во програма, но и да обрнеме големо внимание на она што е потребата на луѓето, а тоа е подобар живот.Затоа ВМРО-ДПМНЕ мора што побрзо да ја симне оваа власт и да понуди подобри решенија, да понуди подобра програма и се разбира да се види напредок во општината.Како што Општината Бутел не прави ништо, како што Градот Скопје не прави ништо, зборам за капитални проекти, за поубав Бутел итн., ништо не прави ниту власта. Затоа сето ова набрзо мора да се промени.фото и видео: ВМРО ДПМНЕ

Македонија | пред 5 години

(ФОТО) Охрид блеска во боите на ретките болести

Самуиловата тврдина, Охридската гимназија „Св. Климент Охридски“, Античкиот театар, црквата „Св. Софија“, Историскиот архив, скулптурата „Фаќач на крст“...Ова се само дел од објектите и локациите кои блеснаа во знак на поддршка на РЕТКИТЕ, како дел од кампањата „Ги запознаваме ретките болести 2021“, која оваа година го има своето трето по ред издание.- Оваа година за Денот на ретките болести 2021 година ги повикуваме сите да и помогнат на заедницата за ретки болести да се обедини со ланец светла низ целиот свет. Како и секоја година, така оваа се приклучуваме кон глобалниот повик на Еурордис за осветлување на локални и национални згради и споменици. Сите знаеме дека изминатата, но и почетокот на оваа година поминува, во светлото на COVID-19. Овој синџир на осветлени објекти ќе послужи како еден од симболичните начини за кршење на изолацијата на глобално ниво. Ве повикуваме да ни се придружите, осветлете некој објект или дајте ни ваш предлог за илуминација на некоја зграда, споменик и слично. Повеќе осветлени локални и национални згради и споменици, го зајакнуваат меѓународното влијание, порача иницијаторот на кампањата, охридскиот активист Гордана Лолеска.На почетокот на месец февруари беше одбележан стартот на кампањата „Ги запознаваме ретките болести“, која оваа година ја бележи третата сезона. Со нови 28 ретки дијагнози во аудио, видео и текстуална форма, во месецот со најмалку дена во годината, во месецот кој пациентите со ретки болести го викаат „свој“, месецот кој е редок по своите ретки 28 дена, и оваа година ќе се обидеме поблиску да Ве запознаеме со ретките болести.фото: ретки болести

Македонија | пред 5 години

Жугиќ: Советничката група на ВМРО-ДПМНЕ во Град Скопје ги отфрла новите имиња на улиците, не може улици да добиваат имиња по странски претседатели, а Трајковски да се брише

Советничката група на ВМРО-ДПМНЕ и Коалицијата во Советот на Град Скопје, не се согласува и едногласно ги отфрла предлозите за нови имиња на улици на Градот Скопје. Ниту во еден момент во постапката не гласаше и нема да гласа да го поддржи менувањето на имињата на скопските улици,истакна Јелена Жугиќ, советник во Советот на Град Скопје од ВМРО-ДПМНЕ.Шилегов кој себеси се нарекува градоначалник на Скопје, буквално и брутално почна да го одродува градот. Со иницијативата за промена на имињата на улиците во Град Скопје, Шилегов го фрла во заборав Борис Трајковски, ја миноризира неговата улога во македонската држава, а наместо тоа става имиња на улици како УРС-ови синдикати (уједињени раднички синдикати во времето на кралство Југославија), или Суец, или Украина, истакна Жугиќ.Таа додаде:Со должна почит кон наведените, но, кога станува збор за главен град на држава, предимство во обележје и почест се дава на луѓето, на датумите и местата кои се значајни и врзани за градот односно државата, а потоа на настани, градови и држави кои се пријателски врзани со Скопје и Македонија.Петре Шилегов во Скопје ќе именува улица по познатиот комунист Лав Троцки, а ќе го преименува булеварот Киро Глигоров, во булевар Војводина.Петре Шилегов покажува целосно непочитување кон ликот и делото на двајцата македонски претседатели чии што лични заложби за мирот и безбедноста се втемелени во македонската држава и историја. Улиците кои ги носат имињата на почитуваните Трајковски и Глигогоров ќе ги преименува, а при тоа ќе именува улица по Алија Изетбеговиќ, поранешен претседател на БиХ, современик на Глигоров и Трајковски. Дали некому овој апсурд му звучи логично и издржано?!?Кога ќе се прочитаат поголемиот дел од новите имиња за скопските улици по планот на Шилегов, скопјани добиваат чувство како да се во Москва и тоа некаде во период од 50-тите, 60-тите години од минатиот век. Скопските улици ќе добијат имиња, Ленин, Комаров, Троцки и имиња на други видни комунисти и автократи, на сметка на македонските дејци, херои, уметници, писатели и научници.Оваа рашамонијада која Шилегов ја прави не му оди во полза ниту на Скопје и скопјани, ниту на Македонија, а најмалку на демократијата за која „силно се залагаат”, оти демократи и Октомвриска револуција баш и не соодвествува многу.На крајот почитувани граѓани, се наметнува едно логично прашање - дали и со бришењето на имињата на скопските улици, оваа локална власт се обидува да ја замачка македонската историја и сеќавањата на ликот и делата на личностите кои дале личен придонес во градењето на македонската држава?фото и видео: ВМРО ДПМНЕ

Слајдер | пред 5 години

Нема фотографија

Почна реконструкцијата на кејот „13 ноември“

Градот Скопје денеска почна со партерно уредување на кејот „13 Ноември“, на потегот од градскиот плоштад до улицата Стив Наумов. Со овој проект, партерно ќе се уреди површина од околу 12.500 квадратни метри која концептуално ќе се поврзе со околните објекти. На почетокот на активностите за уредување на овој дел од кејот денеска присуствуваа градоначалникот Петре Шилегов, премиерот Зоран Заев, градоначалникот на Општина Центар, Саша Богдановиќ, претставници од Градскиот трговски центар и Телеком и познати стопанственици.- Овој проект е во вредност од 88,6 милиони денари со вклучен ДДВ, средства обезбедени од Буџетот на Град Скопје. Тука предвидуваме целосно ново поплочување, патека за лицата со инвалидитет, високо зеленило – дрворед, поставување клупи, смарт клупи, корпи за џебен отпад, нови жардиниери за дрворедот, канделабри, рефлектори за осветлување и нови бетонски и електрични столбови заради реализација на забраната за паркирање и движење по кејот „13 Ноември“. Ослободуваме повеќе место за велосипедистите и пешаците преку целосно спречување на можноста за нелегално паркирање на овој простор и сериозно ограничување на протокот на возила, имајќи предвид дека Градот има обврска кон Телеком. Оваа сервисна улица ќе може да ја користат ограничен број возила, во временски интервали исклучиво од 8 до 9 часот наутро и од 14 до 17 часот, времето кога вработените влегуваат и излегуваат – рече градоначалникот Шилегов, на денешната прес-конференција.На кејот, додаде тој, ќе се креира доволно простор за сите корисници – за граѓаните кои го користат за прошетки, одмор и за релаксација, но и за бизнисите кои во најголем дел се угостителски објекти.- Терасите кои ќе ги користат угостителските објекти ќе бидат унифицирани и поставени на начин што ќе овозможи да дојде до израз прекрасниот двоен дрворед од повеќегодишни развиени дрвја. Дотурот на роба ќе се овозможи исклучиво во одредени часови преку Градскиот трговски центар, а со велосипеди преку кејот. Со тоа, конечно ставаме ред на овој простор, го спречуваме самоволието и хаосот од непрописно паркирани возила кои последните десетина години го правеше небезбедно движењето на пешаците, но и работењето на угостителските објекти. Среќен сум што за неколку месеци од сега, рокот за изведување на работите е четири месеци, во текот на летната сезона кејот „13 Ноември“, гордоста на нашиот град, повторно ќе биде преполн со сограѓани кои ќе се чувствуваат пријатно и ќе уживаат во благодетите и функционалноста што ќе ги нуди најубавиот јавен простор во Скопје – нагласи Шилегов.Според премиерот Зоран Заев, овој проект за кејот на Вардар на Скопје ќе му го даде обележјето што го има секој поголем европски град кој се развива покрај река и во кој бреговите се негуваат како јавни површини на кои првенствено место имаат граѓаните, зеленилото и непречената комуникација со сите други содржини на градот.- Мене ми е особено значајно што предностите на оваа реконструкција ги прифатија и сопствениците на угостителските локали на кејот и што лично ќе направат демонтажа на летните тераси за да се овозможи непречено извршување на работите. Тоа ми потврдува дека и тие, како и сите граѓани на Скопје и градските власти ја препознаа дополнителната вредност на овој проект. Модерно уредениот кеј ќе ја зголеми фреквенцијата на посетители и ќе ја поттикне туристичката раздвиженост на кејот, а тоа значи и повеќе гости во самите угостителски објекти. Она на што не научи пандемијата со Ковид 19 е колку се значајни слободните јавни простори облагородени со зеленило за да се овозможи слободно движење на луѓето во здрави животни средини. За мене и за Владата е битно тоа што ќе ослободиме уште еден дел од јавните површини кои беа окупирани од „Скопје 2014“ особено по должината на кејот на Вардар и што ќе се ослободи влезот од северната страна на Градскиот трговски центар, еден од најпрепознатливите маркери на градот Скопје – истакна премиерот Заев.фото: Град Скопје

Скопје | пред 5 години

Јанкуловска во завршни зборови за „Таргет-Тврдина“: Совеста ми е чиста, делото не сум го сторила

Ексминистерката за внатрешни работи, Гордана Јанкулоска, во своите завршни зборови пред судот во случајот „Таргет-Тврдина“, кој се однесува на незаконското прислушување и уништување на опремата од УБК, рече дека совеста ѝ е чиста, а делото за кое ја гонат не го сторила. Таа посочи дека судот може да ја задоволи правдата само ако донесе ослободителна пресуда за неа. Како што појасни таа, теоријата дека помогнала во уништување на опремата за прислушување не е поткрепена со ниеден доказ.„Почитувани членови на судечкиот совет, евидентен е притисокот што се прави во провладините медиуми, за да објави вест дека има напредок во реформите во правосудството, дека има подобра статистика, дека има уште една затворска казна за поранешен функционер. Пред вас е предизвикот да им одолеете на притисоците, праведно да ги изведете доказите и да ја задоволите правдата. Не дозволувајте нечија желба за политичка одмазда да ја потисне правдата. Мојата совест е чиста, кривичното дело за кое ме обвинува јавниот обвинител не сум го сторила. Единствена пресуда што ќе ја задоволи правдата е ослободителна пресуда“, рече Јанкулоска обраќајќи му се на судот.Таа посочи дека е жртва на прислушувањето бидејќи нејзините телефони биле постојано слушани.„Теоријата на јавниот обвинител не е поткрепена баш со ниеден доказ. Јас лично сум една од жртвите на овој монструозен процес. Фактот што јавниот обвинител не ми дозволи да се приклучам кон кривичното гонење не ги побива исказите на сведоците, кои рекоа дека моите телефонски броеви биле следени 24 часа на ден, иако од ниеден документ што ми бил доставен и од ниедна комуникација што сум ја имала не укажувало на тоа. Сите сведоци недвосмислено потврдија дека од документите не произлегува оти предмет на уништување би била конкретна опрема ниту, пак, решението упатува на тоа“, додаде Јанкулоска.Јанкулоска посочи дека ниту правниот сектор ниту лично таа знаела што ќе се уништува во МВР бидејќи решението за формирање комисија било донесено за попис, а не по секоја цена да се уништи опрема.Според Јанкуловска доказите пред судот се во нејзина корист.„Нема дилема дека решението за формирање комисија во УБК е донесено по предлог и барање на УБК, а не по налог и насока на министерот. Ова решение било донесено во сосема вообичаена постапка. Сведокот од правниот сектор на МВР, Весна Доревска, наведе: ‘Една од основните обврски е да водам сметка за тоа што се доставува на потпис да има законски основ и да има основаност за потпишување, и тоа не само во овој случај, туку, генерално, како служба должни сме и секако се грижиме за содржината и формата, за сè што е поврзано од правен аспект. Значи, тоа треба да биде целосно проверено заради себе и заради министерот’“, рече ексминистерката.фото: Архива

Македонија | пред 5 години

Нема фотографија

ЕВН попушти, по реакциите и пушти струја на девојката која живее со 3800 денари и има здраствени проблеми

По објавата на сторијата на Досие дека девојка со посебни потреби остана без струја во најстудените денови од ЕВН експресно реагираа и сега таа може да седи дома во топла посторија и да се грее со клима. Поради технички причини со добивање документација за соодветната парична помош која ја добива од државата девојката не можеше на време да плати две поголеми сметки. Порати тоа се насобрал долг од 4000 денари, а девојката чека да добие 3800 денари месечен надомест од државата. ЕВН ја исклучи , и таа остана во невозможни услови но најладните денови.Инаку ЕВН и ја исклучила струјата на девојката за 2 неплатени сметки и тоа во најладниот ден. Девојката плаќа редовно , но овој пат и доцнат парите за нега заради обновување и ажурирање на документацијата што мора да ја прави секоја година сама иако во социјално и ја знаат дијагнозата , ама за жал така одат работите кај нас.фото: Социјални мрежи

Македонија | пред 5 години

По сообраќајката на „Скупи“ уапсен маж и повреден полициски службеник

Министерството за внатрешни работи соопшти детали за вчерашната сообраќајна несреќа на улицата „Скупи“.Од МВР за Курир информираат дека приведено е едно лице по сообраќајката.-Околу 21.15 часот на ул.„Скупи“ во Скопје, додека двајца полициски службеници извршувале службени дејствија, обезбедувајќи претходно случена сообраќајна незгода меѓу две возила, едниот од нив бил удрен од патничко моторно возило „пежо“, со скопски регистарски ознаки, управувано од М.Ј.(53) од Скопје, информираат од МВР за Курир.Полицискиот службеник се згобил со повреди кои му биле констатирани во Комплексот клиники „Мајка Тереза“.Извршен бил увид на местото на настанот од увидна екипа од СВР Скопје, а М.Ј. бил лишен од слобода и приведен во Полициската станица Карпош.извор:  Курир

Скопје | пред 5 години

Пратеничката Зајкова му подари дрес од македонската репрезентација на европратеникот Илхан Ќучук

Пратеничката од ЛДП Моника Зајкова му подари дрес од македонската репрезентација на Илхан Ќучук, европратеникот и известувачот за Република Северна Македонија во Европски парламент.- Важно е да не дозволиме евроскептицизам и омразата помеѓу народите, мора да разговараме на заеднички јазик, и да создадеме врски кои се базираат на разбирање и меѓусебен интерес. На тој начин ќе обезбедуваме да течат трговски односи, инфраструктура и образовни политики кои се клучни за добро функционирање на двете држави, истакна Зајкова.Според неа многу македонски студенти студираат на Универзитети во Бугарија што ја зајакнува интеркултурната комуникација потребна за добри билатерални односи.- Споровите се решаваат со компромиси и соработка каде двете држави добиваат, и не треба да се пречка за евроинтеграции и стабилноста на двете држави во Европа. Важно е да се подржуваме како соседи на сите полиња, и во политиката и во спортот, додаваа таа.За пратеникот Боби Мојсоски од ЛДП кој исто така присуствуваше на средбата, евроинтеграциите се важни за да создадеме стабилност помеѓу народите, особено важни за да ја зајакнат нашата држава, а билатералните спорови не треба да се пречка за европска интеграција на нашата држава.Дресот според Зајкова е симбол за бодрење и поддршка од соседот на претстојното Европско првенство на кое е пласирана нашата фудбалска репрезентација како соседи, но и за развој на добрососедски односи.

Македонија | пред 5 години

Затворен угостителски објект во Црешево, приведени 32 лица поради непочитување на мерките за заштита од ковид-19

На 18.02.2021 во 23.30 часот, полициски службеници од Полициската станица Гази Баба извршиле контрола во угостителски објект во с.Црешево, скопско, во врска со почитување на мерките за спречување на ширењето на коронавирусот ковид-19. При контролата во објектот биле затекнати 32 лица, меѓу кои и сопственикот Г.И.(56) од с.Булачани, скопско.Сопственикот и гостите биле лишени од слобода и приведени во Полициската станица Гази Баба. По целосно документирање на случајот, против нив ќе биде поднесена пријава по член 206 од Кривичниот законик за „непостапување според здравствените прописи за време на епидемија“. Објектот бил затворен од Државниот пазарен инспекторат.фото: Архива

Македонија | пред 5 години

Влада: Одобрен е Анексот на Договорот за набавка на вакцини одобрени од СЗО за употреба во итни случаи

Владата на Република Северна Македонија на денешната 46-та седница ја разгледа и ја усвои Информацијата за склучување на Анекс на Договорот за преземени обврски од 19.11.2020 година, склучен помеѓу Владата на Република Северна Македонија и Глобалниот сојуз за вакцини (ГАВИ) (GAVI ALLIANCE), за набавка на одобрена вакцина за КОВИД-19 преку COVAX механизмот  за обезбедување глобален и рамномерен пристап до безбедни и ефективни вакцини за КОВИД-19.За спроведување на набавката вакцината мора да виде одобрена и оттаму Владата даде согласност за склучување Анекс на Договорот во кој „одобрена вакцина“ значи вакцина против КОВИД-19 во однос на која ГАВИ има стапено во Обврска за напредна набавка и која има претквалификација од Светската здравствена организација (СЗО), стандардно/условно одобрение за пуштање во промет или одобрение за употреба во итни случаи воспоставено од Строго регулаторно тело (СРТ) или Список за употреба во итни случаи на СЗО.фото: Влада

Македонија | пред 5 години

Културно просветното друштво „Вардар“: Шилегов му го врати идентитетот на Скопје со улици на државни празници од држава која што веќе е 30 години мртва

Манувањето на имињата на улиците во Скопје крена голема прашина. од една страна оние кои го подржуват овој потег на Град Скопје, а од друга оние кои не се сложуваат.На оваа тема допис испратија и од Културно просветното друштво „Вардар“. Тие во дописот впишуваат:Ние од Културно просветното друштво „Вардар“ со неверување ја проследивме последната објава на Градоначалникот на Скопје, господинот Петре Шилегов за преименување на дел од улиците во нашиот главен град. Како друштво кое за своја цел го има промовирањето и зачувувањето на македонската историја ние сме згрозени од ваквиот чин кој што е дел од градењето на колективното сеќавање на еден народ.Имено, градоначалникот најави дека улиците „Аминта Трети“, „Петре Пирузе“, „Јордан Мијалков“, „Борис Сарафов“ и „Филип Втори“ ќе бидат преименувани, односно ќе се врати нивното старо име од пред неколку години. По редослед тоа би биле имињата: „Ленинова“, „Мексичка“, „Железничка“, „4ти Јули“ и „Стив Наумов“. Потег кој според градоначалникот ќе му го „врати идентитетот на Скопје“. Идентитетот на Скопје ќе го врати со тргање на еден од најголемите борци за ослободување и автономија на Македонија – Борис Сарафов, кој според врвниот познавач на историјата, се вратил од мрвтите 14 години по својата смрт за да го убие Ѓорче Петров.Очигледно е дека господинот Шилегов не сака да знае какво значење има именувањето на улиците во градењето на едно колективно минато и каква порака праќа со тоа. Борис Сарафов не може, но Владимир Илич Ленин е добредојден.Човекот кој беше главен началник на Илинденското востание не може, водачот на „црвениот терор“ во СССР може.Што е најсмешно и најтрагично, Борис Сарафов улицата сега ќе се вика 4-ти Јули, но не е тоа тој 4ти Јули на кои што сите вие мислите. Улицата е всушност именувана по денот на партизаните, државниот празник на СФРЈ „Денот на борците“. Петре Шилегов му го врати идентитетот на Скопје со улици на државни празници од држава која што веќе е 30 години мртва и комунистички диктатори со крв од милиони невини на своите раце и кои немаат никаква заслуга за Македонија. Тоа што ја прави целата ситауција толку пожалосна е што се враќа името на улица крстена според празникот на борците на НОБ, а се тргна името на Петре Пирузе, првоборец, политички затвореник поради својата борба за обединета Македонија во рамките на една поголема Балканска Федерација.Очигледно е дека се работи за чисто реваншистички потег со кој се сака само да се поништат потезите на преходната власт. Ние немаме ништо против преименување на улици, но тоа треба да е добро обмислен потег кој што ќе има за цел градење и зацврстување на колективното сеќавање. Ајде кога веќе враќаме стари имиња и идентитети, зошто не го вратиме плоштадот да е „Маршал Тито“ или во знак на пријателство со Бугарија да го вратиме уште постарото име „Цар Борис III“? Велес да си го вратиме да си биде Титов. Нема смисла, нели?Ние не сме согласни ниту со антиквизацијата на претходната власт која што закачи имиња на античките владетели на Македонија со што сакаше да се зацврсти една бајка и илузија за некаков си континуитет од антиката до денес, но ни вашиот потег не е ништо подобар. Наместо да се сменат имињата и да се направи една рокада каде што заслужните за Македонија и Пирузе и Сарафов би добиле свои улици како што ги доликува, а Ленин и 4ти Јули да отидат во заслужен заборав, вие не вративте повторно во Југославија.П.С Кој ли ќе им ги менува личните карти на илјадници граѓани чии што адреси повеќе не се валидни, прашуваат во својот допис од Културно просветното друштво „Вардар“фото: Архива

Скопје | пред 5 години

Заев на „Спортисти на годината“: Спортистите во Владата имаат партнер за обезбедување услови за високи спортски успеси

Вчера вечер претседателот на Владата на Република Северна Македонија, Зоран Заев, присуствуваше на настанот „Најдобрите спортисти за 2020 година“, организиран од Агенцијата за млади и спорт, предводена од директорот Наумче Мојсовски.Во обраќањето премиерот Заев им честиташе на спортистите и спортистките за сите постигнати успеси и признанија укажувајќи дека во него треба да гледаат како на искрен пријател кој сака да го  поддржи спортот.„Покрај постоечките финансиски средства коишто федерациите и спортот ги добиваат од Агенција за млади и спорт, Владата обезбеди можност за дополнителни 10 милиони евра за развој на македонскиот спорт преку модифициран и приспособен ваучерски систем.Ваучерите станаа системска мерка и секоја година расте интересот за овој начин на поддршка на спортистите. Разликите сами по себе говорат: Во 2020 година 677 компании донирале 547,7 милиони денари за разлика од 2019 кога 639 фирми донирале 492,9 милиони“, изјави Заев.Тој истакна и дека ќе бидат разгледани можностите за законско решение со кое ќе се регулира и стажот на спортистите. Дека се воведува родова еднаквост во спортот со претензија да расте бројот на жените во органите на управување во спортските организации, почнувајќи од најмалку 30% во 2020 година, до 50% до 2024 година.Во продолжение Ви го пренесуваме интегралното обраќање на премиерот Заев во целост:„Почитувани спортистки и спортисти, ценети спортски работници, почитувани присутни,На почетокот дозволете на сите добитници на врвните признанија во рамките на манифестацијата „Спортистки и спортисти на годината“, да ви честитам за овие значајни признанија и да ви посакам уште многу успеси на спортски и на личен план.Денешниот ден е ваш ден, и ден кога сите ние ви ја оддаваме должната почит за вашите успеси со коишто нè радувате и нè правите горди. Вашите успеси на спортските терени и на големите натпревари истовремено се и пораки за сите нас. Пораки за обединување, за поттикнување и за  охрабрување затоа што вие сте пример дека победите се можни.Сакам да ве уверам дека моето присуство на оваа ваша свеченост не е прашање на протокол. Сакам да ве уверам дека во Владата и во мене имате искрен пријател и дека моето присуство на оваа ваша свеченост е да ви ја потврдам определбата на актуелната Влада уште од 2017 година, дека заедно со вас правиме сѐ што е потребно спортот да биде во рацете на спортистките и спортистите.Оваа година прогласувањето на спортистките и спортистите се организира во сенката на пандемијата со КОВИД-19. Заради природата на вирусот први на удар беа спортските настани и голем број од нив беа откажани.Заканите од вирусот се сѐ уште присутни, но спортскиот дух ништо не може да го скрши и светот ги прави сите потребни напори спортските арени повторно да се исполнат со публика и со спортски актери кои секогаш ќе стремат кон победи и ќе ги величаат вредностите на спортот.И во такви услови Владата на Северна Македонија не отстапи од својата стратешка определба да го поддржува спортот со континуиран раст на финансиски средства и да ги гарантираме и браниме условите за негова самостојност и развој.Покрај постоечките финансиски средства коишто федерациите и спортот ги добиваат од Агенција за млади и спорт, Владата обезбеди можност за дополнителни 10 милиони евра за развој на македонскиот спорт преку модифициран и приспособен ваучерски систем.Ваучерите станаа системска мерка и секоја година расте интересот за овој начин на поддршка на спортистите. Разликите сами по себе говорат: Во 2020 година 677 компании донирале 547,7 милиони денари за разлика од 2019 кога 639 фирми донирале 492,9 милиони.Тоа значи дека изминатата година реализацијата на ваучерите, иако во време на КОВИД-19, е висока и изнесува 89%.Тоа ни дава за право да констатираме дека ова е вистинска мерка и дека вистински се искористува во спортот и стигнува до крајните корисници – националните спортски федерации, клубови и спортисти.Системската поддршка што ја добиваат спортските субјекти на овој начин е клучна за остварување високи спортски резултати и за достоинствен живот и услови за работа на сите спортисти и спортистки, професионално и рекреативно.Со овој систем на распределба ја зголемуваме мотивацијата и интересот за спонзорирање на стопанските субјекти во спортот.Почитувани претставници на врвниот спорт во нашата земја,Мене ми е драго да бидам предводник на извршна власт, којашто има непоколеблива мотивација за силна поддршка на спортот за континуирано обезбедување услови за квалитетни спортски можности и за партнерска соработка со сите релевантни спортски федерации, институции и организации.Најавувам дека со рестартот на економијата во пост-ковид периодот оваа поддршка ќе биде зголемена за да создадеме услови за уште поголеми спортски успеси на кои сите ќе се радуваме.Секоја нова победа, секој нов спортски успех на секој од вас е зголемена мотивација за интерес во спортот на нашите млади луѓе.Зголемениот број на граѓани и млади кои спортуваат, зголемениот број на стручни спортски кадри, постигнувањето на врвни резултати и афирмација на врвниот спорт, зголемување на бројот на жени во спортот, сето тоа се индикатори кои поттикнуваат политики за квалитетна спортска инфраструктура, за подобрување на статусот на спортистките, спортистите и спортските работници.Со афирмацијата на олимпизмот и со нулта партизација во спортот, сето тоа се показатели кои ни даваат за право да ја оствариме целта, износот на финансиски средства од ваучерите да порасне до 15 милиони евра на крајот на мандатот на оваа Влада.Ќе бидат разгледани можностите за законско решение со кое ќе се регулира стажот на спортистите.  Воведуваме родова еднаквост во спортот со претензија да расте бројот на жените во органите на управување во спортските организации почнувајќи од најмалку 30% во 2020 година, до 50% до 2024 година.Федерациите кои добиваат финансиски средства од државниот буџет мора да обезбедат функционирање на машки и женски спорт, односно машки и женски спортски клубови и репрезентации.На крајот, дозволете ми на сите спортистки и спортисти, добитници на годинашното врвно признание, да ви ги изразам моите честитки и честитките на Владата за сите сегашни и идни успеси. Имате спортски партнер во мене како премиер и во Владата за фер плеј во општеството во кое што ги заслужувате своите шанси. Спортот обединува и сплотува, и затоа заедно да одиме на победа во сите идни спортски предизвици“.

Македонија | пред 5 години

Малолетници сквернавеа гробови во Ресен и се снимале за ТИК ТОК

Полицијата повика на разговор три малолетни лица во Ресен осомничени дека сквернавеле гробови и се снимале за „Тик-ток“.Според информациите од МВР, денеска полицијата идентификуваа и изврши службен разговор со тројца малолетници од Ресен, двајца на 16-годишна возраст и еден на 14-годишна возраст, во врска со објавениот видео материјал на социјалната мрежа „Тик-ток“ на кое се сквернават гробови.Со малолетниците, во присуство на родител, е извршен службен разговор, а по документирање на случајот, во координација со надлежен обвинител ќе бидат поденесени соодветни поднесоци.фото: Архива

Македонија | пред 5 години

Земјава го презема претседавањето со ЦЕФТА, презентација на приоритетите

Република Северна Македонија годинава ќе претседава со Централноевропскиот договор за слободна трговија (ЦЕФТА). Денеска амбасадорот на Европската Унија Дејвид Гир и министерот за економија Крешник Бектеши, ќе ги презентираат приоритетите за 2021 година за ЦЕФТА под претседателство на земјава.Преземањето на водството во спроведување на приоритетните активности се планира да се изврши преку спроведување на Акцискиот план на Заедничкиот регионален пазар (ЗРП) 2021-2024, усвоен за време на Самитот во Софија во ноември 2020 година и поддржан од Европската комисија.Клучните цели на претседателството на Северна Македонија се поддршка на економското закрепнување по кризата со КОВИД-19, привлекување на инвестиции и зголемена трговија во регионот и подобар просперитет на граѓаните во Западен Балкан. Ова ќе се постигне преку олеснување на трговијата со стоки и услуги и создавање на регион без мерки и пречки што ја попречуваат трговијата.Овој процес се надоврзува на регионалната економска област иницирана во рамките на Берлинскиот процес и е составен дел од Економскиот инвестициски план (ЕИП) на Европската Унија за Западен Балкан. ЕИП става силен акцент на градење на заеднички регионален пазар како начин за зголемување на конкурентноста на Западен Балкан. Заедничкиот регионален пазар претставува чекор поблиску до потесното интегрирање на Западен Балкан со единствениот пазар на Европската Унија уште пред формалното пристапување.Извор/фото:Агенции

Македонија | пред 5 години

Трајановски: Со менување на имињата на улиците, власта продолжува да ја доуништува Македонија и да ја става на столбот на срамот

Со менување на имињата на улиците, власта продолжува да ја доуништува Македонија и да ја става на столбот на срамот, вели поранешниот градоначалник на Скопје, Коце Трајановски. Тој го прашува неговиот наследник, Петре Шилегов, која е е целта на менување на имињата на улиците?„Два дена внимателно читав предлозите за имиња на улици во Скопје. Читам и не можам да се начудам и си викам: Толку ли ги мразат македонците ??? Петре која ви е целта на менување на имињата на улиците??? Да, има имиња кои навистина заслужуваат да бидат на списокот, имиња кои ја отсликуваат нашата разноликост но зошто Петре отварате нова пандорина кутија со што создавате можност за многу голема штета на Скопје и на Македонија. По Преспанскиот Договор и договорот со Бугарија брзате да ја обезличите Македонија. Или можеби брзате заради нестабилната коалиција па да истерате колку можете“, напишаТрајановски на „Фејсбук“.Кога ние ги менувавме имињата на улиците, додава тој, нашата цел беше улиците да добијат имиња на луѓе од различна етничка припадност, од науката, културата, образованието, … , луѓе кои дале огромен придонес за Македонија, а голем дел од ни ги дале и своите животи за Македонија и за Скопје.„Гледајќи ја вашата предлог листа на имиња на улици видов дека има голем број на добри предлози кои заслужуваат улиците да ги добијат нивните имиња, но зачуден сум од големиот број на луѓе кои немаат дадено никаков придонес за Скопје и Македонија, а она што највеќе ме загрижува е тоа што има голем број на луѓе кои работеле против интересите на Македонија. Петре дали со овие предлози целта ви ја избришете милениумската историја на Македонија и да ја направите коминтерновска или Титова творба. Постојано се повикувавте на трснспарентност а за овој предлог не ги консултиравте граѓаните и стручнста јавност, особено историчарите. Дали со ова и угодувате на Грција и Бугарија? Веројатно знаете дека кога еднаш ќе почнете да угодувате крајот нема да се види а се тоа на штета на Македонците. Со ова продолжувате да ја доуништувате Македонија и да ја ставате на столбот на срамот. Да знаете дека нема да ви го дозволиме и ќе ги искористиме сите легални законски норми да ве спречиме во тоа“, вели Трајановски.Тој пишува дека не може наместо Христо Татарчев да се врати партизанскиот командант Сава Ковачевич кој не е од Македонија, не може наместо Митрополитот Теодосиј Гологанов да се врати партизанскиот херој Иво Рибар Лола кој исто не е од Македонија, не може наместо Аминта Трети да се стави Ленин, најголемиот комунистички лидер, не може наместо Павел Шатев да биде улица Бихачка од БиХ и не може наместо Борис Сарафов да биде улицата 4 Јули.„Има уште многу примери со кои ќе ги бришете и понижувате хероите кои своите животи ги дале за Македонија. На крајот ќе ве прашам дали ќе го смените името на улица Македонија и плоштадот Македонија. Тоа би било нешто со кое вашите спонзори ќе доживеат катарза. За крај да знаете дека ќе бидете казнети од народот на следните избори а следната градска власт ќе ја исправи неправдата“, напиша Трајановски.фото: Архива

Скопје | пред 5 години

Презентирано решение за дигитална идентификација на работна средба на Владата и „Мастеркард”

Една година по потпишувањето на меморандумот за соработка со „Мастеркард“, денеска се одржа работна средба на којашто беше презентирано решението за дигитална идентификација на граѓаните на Република Северна Македонија.На работната средба присуствуваа претседателот на Владата на Република Северна Македонија Зоран Заев, министерот за информатичко општество и администрација Јетон Шаќири, министерот за финансии Фатмир Бесими, како и високи претставници на компанијата „Мастеркард“, претставници од Народната банка на Република Северна Македонија и претставници од Управата за финансиско разузнавање.Премиерот Зоран Заев, истакна дека со помош на дигиталната идентификација граѓаните стануваат дел од современите дигитални комуникациски процеси на Европа и на светот.„Со оваа можност, правиме голем и важен чекор во дигитализацијата на нашиот сопствен идентитет што е предуслов за многу безбедни мрежни услуги во земјата и во светот. Имено, документите што ќе бидат потпишани преку оваа апликација ќе бидат признати не само во нашата земја, но во сите земји во Европа и каде и да се продава услугата електронска лична карта на „Мастеркард“. Решението развиено од „Мастеркард“ може да го користат институциите, но и деловните субјекти кои сакаат да ги користат придобивките од технологијата, да воведат дигитализација на нивните процеси и да ги заменат хартијата и пенкалото со електронски документи, електронски потпис и одобрување преку паметни телефони. Дигиталната идентификација ќе овозможи секој процес или постапка што бара потпис и лично присуство да се направи од дома, од работа или каде било преку мобилни телефони“, рече премиерот Заев.Премиерот Заев ги подвлече заложбите на Владата за трансформација на институциите и придвижување кон користење на сé поголемите придобивки што дигиталните алатки ги нудат. Мобилната апликација на којашто изминатата година работат „Мастеркард“ со поддршка на нашите институции, ќе го промени начинот на работа на институциите, но уште поважно ќе го поедностави секојдневниот живот на граѓаните.„Овој месец означуваме една година од потпишувањето на меморандумот за воспоставување на услуга за дигитална идентификација за граѓаните на Северна Македонија. Можеме да имплементираме најсовремени системи за е-услуги, да инвестираме во опрема и софтвер, но без средства за електронска идентификација, граѓаните ги праќаме на шалтерите како пред десетици години. Живееме во време кога технологијата го променува нашиот живот на подобро и треба сите да придонесеме за тоа. Со воспоставување на услугата за дигитална идентификација граѓаните од нивните домови ќе аплицираат за услугите во државата и услугите од компаниите во приватниот сектор“, истакна министерот Јетон Шаќири.Министерот Шаќири посочи дека, користејќи ја услугата за електронска идентификација, јавните институции и компаниите во приватниот сектор со сигурност ќе го знаат идентитетот на лицето кое ја побарало услугата и дека истото лице го потврдува спроведувањето на таа услуга, без можност за каква било измама.„Дигитализацијата е процес кој може да создаде услови за поголем економски раст, раст кој ни е потребен што поскоро. Во рамки на Стратегијата за заздравување и забрзан раст (SmartER Growth), согласно која дејствуваме во насока на забрзување на економскиот раст во земјава, ја препознаваме и високо вреднуваме дигитализацијата на економијата и јавните услуги како предуслов за забрзан инклузивен и одржлив раст. Концептот на дигитална економија е систем на институционални концепти и содржи достигнувања на прогресивните технологии, а крајната цел е да служи за зголемување на ефективноста на вкупното производство преку оптимизирање на процесите и намалување на трошоците. Тоа е економија заснована на професионално знаење, познавање на пазарот, но и креативност и иновативно општество“, потенцираше министерот Бесими.Ова е прва услуга за електронска идентификација на граѓаните и ќе биде достапна веќе на крајот на април месец. Ова значи дека за услугите за кои до сега граѓаните мораа со физичко присуство да го потврдат својот идентитет тоа ќе можат да го прават од својот компјутер, лаптоп или мобилен телефон.фото: Влада

Македонија | пред 5 години

АЛСАТ: Нова верска институција во Македонија - „Селефистичката исламска заедница – Дар Ел Хадис“

Покрај Исламската верска заедница, муслиманските верници од 22 декември имаат уште една верска заедница наречена Салафистичка исламска заедница „Дар Ел Хадис“. Алсат ја обезбеди одлуката на Основниот граѓански суд – Скопје со која се запиша овој религиозен субјект во единствениот судски регистар за цркви, верски заедници и религиозни групи.„Салафистичката исламска заедница „Дар Ел Хадис“, стекнува право на правно лице на денот на регистрација во Единствениот судски регистар за цркви, верски заедници и верски групи за „верска заедница“, која се води во Граѓанскиот суд и може да започне со работа од 22.12.2020 година.“Одлуката на Судот наведува лице со име Шејк Џемал Јакупи, жител на Скопје. Алсат се обиде да контактира со лицето за кое станува збор, но без успех, било преку лица кои се неофицијално блиски до него.Од ИВЗ велат дека тие исто така презеле законски чекори за поништување на одлуката на судијката Дончевска во Апелациониот суд. Текстот во целост на:  Алсат

Македонија | пред 5 години

Приведен албански државјанин поради обид за поткуп на полициски службеник

Денеска  во 13.10 часот на граничниот премин Блато, на влез во Република Северна Македонија, полициски службеници го лишиле од слобода А.Г.(43) од Република Албанија. При вршење на граничните проверки тој се обидел да даде потпкуп од 50 евра на полициски службеник за поминување на државната граница за него и неговото дете.А.Г. бил предаден на инспектор при Одделот за прекуграничен криминал, миграции, странци и реадмисија -Дебар за понатамошна постапка и по документирање на случајот ќе следува соодветен поднесок.фото: Архива

Македонија | пред 5 години

Нема фотографија

ЦУK - Работилница за НАТО вежба и работна посета на РЦУК Струга

Денеска, в.д. директорот на Центарот за управување со кризи, Стојанче Ангелов, имаше работа посета во Струга, при што, прво имаше воведно обраќање на Работилница во контекст на подготовките за финалната конференција на НАТО ЕАДРЦЦ вежбата „СЕВЕРНА МАКЕДОНИЈА 2021 – НАТО СПС НИКС“ во Струга. Веднаш по дискусијата, посети дел од плнираните вежбовни точки, кои според вежбовното сценарио се предвидени за реални вежби на странските и домашни тимови за спасување на вода. Потоа, Ангелов, оствари и работна средба со вработените на Регионалниот центар за управување со кризи Струга, при што се запозна непосредно и со дел од работата и активностите на територијата што ја покрива регионалниот центар.Во поглед на вежбовните претстојни активности, Центарот за управување со кризи со повеќеслојни општествени, конференциски и теренски активности поврзувајќи ја и науката и професионалците и од владиниот и од невладиниот сектор од областа на кризн менаџмент, одбрана и безбедност, организира, реализира и координира државен и меѓународен континуитет на НАТО проектот „Напредна регионална координација при цивилни итни состојби во Западен Балкан“. Проектот произлегува од Програмата на НАТО – „Наука за мир и безбедност“ (СПС – SPS) и од веб-базираната платформа „Следна генерација систем за командување и управување со инциденти (НИКС – NICS). Во таа насока е и одржувањето на конференциско-теренска работилница на Носечката група за имплементација на НИКС на национално ниво, на тема „Подготовки за финалната конференција на НАТО ЕАДРЦЦ (NATO EADRCC) вежбата „СЕВЕРНА МАКЕДОНИЈА 2021 – НАТО СПС НИКС (NATO SPS NICS)“ во функција на претстојната вежба во Струга. Учествуваат повеќе учесници од субјектите од Системот за управување со кризи, организирани во неколку вида носечки групи за активности. На работилницата зедоа учество и професори од Универзитетот на Југоисточна Европа, почитуваните: д-р Висар Шеху, д-р Адриан Бесими, д-р Агрон Чауши и д-р Дашмир Истрефи. Покрај групата за непосредна реализација на работилницата, членови на посебните носечки група за теренски активности се од: МВР, ДЗС, ЦКРСМ, ЕВН, ИОМ, општините Охрид и Струга и од ЦУК.На работилницата, под водство на кодиректорот на проектот д-р Урим Вејсели, прво се дискутираше за можностите на дел од 15-етината посебни локациите одредени како точки за вежбовните активности, со посебен акцент на командната и сместувачка точка – База за операции. Дискусијата, заедно со теренската заедничка директна опсервација на дел од локациите доведоа до заклучоци за можностите на локациите, за нивно доуредување и за конкретизирање на дел од целите на вежбовните точки. Посебна дискусија беше развиена за наредните претстојни активности на ниво на носители на планирачките тимови за спроведување на вежбата од нашата држава и носители планирчки тимови од НАТО ЕАДРЦЦ. Притоа, беа најавени и наредните активности меѓу коишто е и претстојната идна работна средба во Домот на армијата во Скопје.За време на сите активности при овој голем настан, организиран и координиран од ЦУК, беа преземени и запазени сите безбедносни и здравствени мерки за заштита од вирусот „КОВИД 19“, согласно здравствените протоколи.фото: ЦУК   

Македонија | пред 5 години

Филипче на средба со ЗНМ и со ССНМ: Новинарите и медиумските работници ќе се вакцинираат во втората фаза како дел од виталните институции

Министерот за здравство д-р Венко Филипче денеска оствари средба со Младен Чадиковски претседател на Здружението на новинари на Македонија (ЗНМ) и Драган Секуловски извршниот директор и Тамара Грнчароска и Павле Беловски членови на Извршниот одбор на Самостојниот синдикат на новинари и медиумските работници (ССНМ).На средбата се разговараше за важноста новинарите да бидат дел од приоритетните групи за вакцинација против КОВИД-19 поради природата на нивната работа и големиот ризик на изложеност на овој вирус.Министерот Филипче на средбата информираше дека согласно Националниот план за КОВИД-19 вакцинација, новинарите и медиумските работници веќе се опфатени во втората фаза за имунизација и спаѓаат во делот на категоријата граѓани од витални институции за функционирање на државата, што значи дека новинарите и медиумските работници ќе се вакцинираат веднаш после завршување со вакцинирање на групите кои се предвидени во првата фаза, а за кои вакцинацијата започна вчера и е во тек.Вакцинацијата за новинарите и медиумските работници од радиодифузерите, печатените и он-лајн медиумите, на целата територија на државата, ќе биде доброволна.Изготвувањето на списоците на заинтересираните вработени во медиумите за вакцинирање ќе треба да бидат поднесени од секој медиум поединечно, во соработка со ЗНМ, ССНМ и Министерството за здравство. Терминот за вакцинирање на пријавените во медиумите ќе се утврдува согласно протоколите за имунизација на Министерството за здравство а детали околу постапката за пријавување ќе следи во текот на следните две недели.фото:МЗ

Македонија | пред 5 години