Нема фотографија

Реакција на ВМРО ДПМНЕ: Стево Пендаровски е докажан губитник кој повторно ќе биде поразен

Стево Пендаровски е докажан губитник кој повторно ќе биде поразен. Пендаровски знае дека не поминува кај граѓаните и дека е само жртвено јагне на Зоран Заев и СДСМ.Денес не бираа делегатите на СДСМ, денес само кренаа рака по нарачка на Заев и Али Ахмети. Зоран Заев денес на деспотски начин со претходно наметнат кандидат за претседател од меѓупартиски договор фингираше изборна конвенција, се вели во реакцијата од ВМРО ДПМНЕ.Во продолжение додаваат: СДСМ невешто одглуми демократија, а всушност на најдеспотски начин им беше ставен на тацна Стево Пендаровски. Кандидатот за претседател на државата од СДСМ е само бледа копија на Заев - слеп послушник кој работи на штета на Република Македонија.Глас за Пендаровски е глас за Заев, глас за нови кршења на Уставот и девалвирање на државноста.Граѓаните видоа што направи со Република Македонија еден Заев, дополнително полошо ќе биде со двајца политичари од ист калибар. Зоран Заев две години ја држи Република Македонија под длабок мраз, со заробено судство, економија која тоне, загадена животна средина, девалвиран образовен и здравствен систем, нарушена безбедност и најлошо од се, безперспективност.Власта две години нанесе само порази. Државата не смее да тоне, државата мора да оди напред. СДСМ, Зоран Заев и Стево Пендаровски мора да изгубат за Македонија да тргне напред, велат од ВМРО ДПМНЕ.

Македонија | пред 7 години

Нема фотографија

Силјановска Давкова: Не смее политиката да биде во рацете на неколкумина

Кандидатот за претседател на Република Македонија, г-ѓа. Гордана Силјановска Давкова денеска присуствуваше на Конференција на УЖ на ВМРО-ДПМНЕ, каде што се обрати до сите и им се заблагодари на поканата велејќи дека никогаш не присуствувала на толку голем собир, не е навикната да говори на толку многу граѓани но ќе се обиде.Македонија е во женски род, не случајно. Сите ние сме растеле, сме се радувале и сме тажеле со песни, со ора, со фолклор. Во нив умирале, се мажеле за Македонија, се женеле за Македонија. Мечтаеле за Македонија. Сонувале за Македонија. И политиката е именка од женски род. Понекогаш да ги заведам студентите се обидувам драмски да настапувам велејќи им дека политиката некогаш била уметност на можното, а за бракот пак викам, да бидам искрена бидејќи тоа е заедница за што вреди да се живее, дека е уметност на неможното, нагласи г-ѓа Силјановска Давкова.Посочувајќи дека и обично на свадбите кога им подарува нешто, тоа е најчесто книги, го пишува ова и вели дека вреди да се проба и во првата уметност и втората уметност. Особено во вторава.Јас бев во политиката едно кусо време и мислев дека тоа не е мојот свет. Меѓутоа политиката почна да го креира нашиот живот и кога зборуваме за добри политики тогаш и имаме добар живот. Но се случија нешта кои наместо уметност на можното покажаа дека политиката може да биде на некаков начин земена, украдена, окупирана од многу мал број на луѓе кои мислат дека знаат се, дека политиката е нивна. Дека политичкото е нивно обележје.А, кога нема критика, не може да има добра политика. Значи не смее политиката да биде во рацете на неколкумина, не смее политиката да биде само една страна, а да нема критичка димензија, појасни г-ѓа. Силјановска Давкова.Цитирајќи еден британски лорд – „Политиката може да расипе, политиката може да корумпира, апсолутната политика апсолутно расипува и корумпира“.При што се осврна дека Преспанскиот договор е штетен за Македонија, македонскиот идентитет не треба да се загрозува, бидејќи ние сме македонски народ и тоа е факт, кој не може никој да го спори.Во своето обраќање г-ѓа. Силјановска Давкова запраша во салата колкумина познаваме кои го смениле името, односно под притисок. А, тоа се нашите прадедовци, прабаби морале во своите презимиња да интервенираат ама тоа не успеало, не може да се оди против природата. Бидејќи името мора и е вкоренето во нас и во историјата, во иднината. Во поновата историја успеа еден да направи нешто што никогаш досега не направил, да го редизајнира идентитетот на сите идни генерации, но и на минатите, историскиот и политичкиот и културниот наратив.На самиот крај од својот говор г-ѓа. Гордана Силјановска Давкова посочи дека е време Република Македонија да ја добие својата прва жена претседателка.

Македонија | пред 7 години

Нема фотографија

Ласовска ги повика жените во Република Македонија на масовно женско обединување

На 18-тата годишна Конференцијата на УЖ на ВМРО-ДПМНЕ што се одржа денеска во Македонската опера и балет се обрати претседателката г-ѓа Благица Ласовска. Таа ги поздрави присутните на конференцијата, а упати посебен поздрав до како што рече „моите лавици, членките на Унијата на жени на ВМРО- ДПМНЕ, горди и храбри жени“.Ласовска посочи дека со над 50.000 членки и со 75 општински комитети на УЖ на ВМРО – ДПМНЕ може да се каже дека сите овие години граделе нови политики и платформи, промовирале нови стратегии за женската политика и за родовата еднаквост.Претседателката на УЖ на ВМРО-ДПМНЕ рече дека живееме во тотално поделено општество, непомирено општество, едните мислат дека се качиле на врвот на планината и гледаат како да ги уништат другите, притоа заборавајќи дека тој другиот е нечии негов далечен роднина или пријател. Оттука ги повика жените во Република Македонија на едно масовно женско обединување.Ласовска се осврна и прашањето за името укажувајќи дека Македонија денеска е тема на влијателни медиуми кои прашуваат дали името Северна Македонија воопшто има национален идентитет.„За жал или за среќа битката за идентитетот не е завршена, и она малку што остана од него ќе мора да се брани со сите средства. Македонските граѓани етнички Македонци, колку и да звучи ова нелогично во една национална држава ги очекуваат мачни обиди да го зачуваат својот идентитет како Македонци затоа што актуелните власти нема да им помогнат во таа битка“, рече Ласовска.Укажувајќи дека на страна на Македонија е меѓународното право, меѓународните конвенции ги повика жените да тргнат кон едно големо напред, кон победа.„Оти во секоја една од нас лежи една Параскева од драмите на Горан Стефановски, една Велика од безвремениот Пиреј на Петре. М. Андервски една Арбулика од Чинго, Чашулевата Магда. Во секоја од нас таи, Сара, Хасие, Милица, Дона и многу други. Ама секое таење може да прерасне во крик“, рече Ласовска.

Македонија | пред 7 години

Нема фотографија

Пожари на автопатот Велес-Скопје и во атарот на с.Царевиќ-Прилеп

На 02.03.2019 околу 17 часот пријавено е дека на автопатот Велес-Скопје, после с. Мралино гори поголема површина со трева. Од страна на екипи на БППЗ во 20 часот пожарот е целосно изгаснат.На 02.03.2019 во 11,35 часот била добиена пријава за настанат пожар во атарот на с.Царевиќ-Прилеп, на место викано Царев даб, а била зафатена шума. Пожарот бил локализиран од екипи на ТППЕ-Прилеп во 17,30 часот.

Македонија | пред 7 години

Физички пресметки во Тетово, Струмица, Скопје

На 02.03.2019 во 16.30 ч. во Полициската станица-Тетово Д.А(24) од Тетово пријавил дека истиот ден околу 02.30 часот пред угостителски објект на ул.„Иво Лола Рибар“ бил физички нападнат од страна на едно лице. На Д.А. му била укажана лекарска помош во Клинички центар Тетово. СВР Тетово работи на целосно расчистување на случајот.На 03.03.2019 год. во 02.30 часот И.Ц. (36) од Скопје пријавила дека на ул.Горно Лисиче пред угостителски објект била физички нападната од М.Т. (31) од Скопје. Се работи на расчистување на случајот.На 03.03.2019 во 01 ч. пријавено е дека на ул.Фрањо Клуз во Скопје Д.Т.(18) од Скопје физички бил нападнат од три лица. Се работи на рачистување на случајот.На 02.03.2019 во 01,45 часот Ѓ. М(41) од Струмица пријавил дека околу 00,30 часот во угостителски објект во трговски центар од страна на Н.Ј. физички бил нападнат неговиот малолетен син. Се работи на целосно расчистување на случајот

Македонија | пред 7 години

Нема фотографија

На Табановце уапсени две лице, по едно трагало СВР Скопје, друго патувал со туѓа патна исправа

На 02.03.2019 во 10 часот на ПС за ГП-Табановце, на влез во Република Северна Македонија, од страна на полициски службеници од слобода е лишен Д. С. (40) од Скопје, бидејќи при извршена пасошка контрола било констатирано дека е предмет на потрага од СВР Скопје. На 02.03.2019 во 16,50 часот на ГП-Табановце, на излез од Р.С. Македонија, од страна на полициски службеници приведен е М.К. (21) од Косово, бидејќи при пасошка контрола приложил туѓа патна исправа на име Ј. Е. (22) .При преглед кај него била пронајдена неговата оригинална косовска лична карта. М.К. е предаден на полициски службеници од СВР Куманово за понатамошна постапка.

Македонија | пред 7 години

(ВИДЕО) Заев: Новиот претседател на нашата земја е Стево Пендаровски

Стево Пендаровски е идниот претседател на Република Северна Македонија, тој е нашиот предлог и уверени сме во победа, рече премиерот и лидер на СДСМ Зоран Заев на денешниот 23 конгрес на партијата.Пред присутните се обрати престедтелот на СДСМ Зоран Заев кој меѓу другото истакна:„Земја на еднакви граѓани, едно општество за сите. Овие наши вредности, во заедница со силна демократска матрица и култура, го формираат нашиот морален компас за градење прогресивно општество по мерката на модерните европски демократии. Од тие принципи и мерила изникнува и нашиот заеднички канидадат за претседател – Идниот претседател на Република Северна Македонија – Нашиот другар, пријател, претседател за сите – Стево Пендаровски!Стево е нашиот предлог. Уверени сме дека тој е нашиот избор за победа. Новиот претседател на нашата земја е Стево Пендаровски. Се обединивме околу идејата за заеднички кандидат за поддршка од огромно победничко мнозинство од граѓаните. За прв пат, имаме историски политички пресврт во нашата земја, Македонци, Албанци, Турци, Роми, Срби, Власи, Бошњаци и сите други – застануваме ЗАЕДНО за да и обезбедиме на нашата земја претседател за сите наши граѓани. Ќе одиме ЗАЕДНО низ целата наша земја, да го поддржиме Стево - од Струга до Паланка, од Тетово до Гевгелија, вдолж и попреку низ сите градови, села и населби на нашата убава земја. Стево Пендаровски е нашиот иден претседател на Република Северна Македонија. Одиме ЗАЕДНО бидејќи знаеме дека на Македонија и е потребен Претседател кој со високо чувство на одговорност, динамично и посветено ќе нуди решенија и ќе се приклучи во поддршка на нашата брза трака која земјата ја носи напред – кон сигурно иднина во во НАТО и ЕУ.Стево Пендаровски е потврда на концептот едно општество за сите во напредна, евро-атлантска Република Северна Македонија. Знам дека, како Претседател на сите граѓани на нашата земја, својата сила ќе ја влече и од сите наши граѓани, а не само од оние што ќе го дадат својот глас за неговата победа.Победата на Стево Пендаровски на претстојните избори ќе биде уште една победа на нашиот заеднички пат, истакна Заев.Заев покрај за кандидатот за престедател зборуваше и за целите на партијата за следниот период. Тој рече:„Нашата земја е пријател со сите свои соседи, целиот свет, со сите земји и меѓународни организации зборуваат во суперлативи во Северна Македонија. Во нашиот парламент ги разбивме сите дилеми и потврдивме дека заедно ја движиме нашата земја во иднината што сите ја посакуваме: Признаена и ценета држава, земја членка на европското семејство и членка на НАТО. Не прифатија како Mакедонци, со свој идентитет и своја гордост. Како земја во чиј идентитет се вградени и идентитетите и на сите нејзини граѓани, Албанци, Турци, Роми, Срби, Власи, Бошњаци, и сите други кои што живеат во нашата земја. Заедно со нашиот пријател, прво Република Бугарија, а потоа и со Република Грција, ги отфрливме изолацијата и недоразбирањата. Презедовме одговорност, и покажавме капацитети да решаваме, а не да одлагаме и да профитираме на штета на интересите на граѓаните и на стратешките цели на државата. Граѓаните избраа иднина, просперитет, НАТО и ЕУ. Почитувани сопартијци, почитувани претставници на коалицијата, Нема запирање, нема здивнување, нема веќе пречки. Сега е време за нови потфати. Целото наше внимание сега го насочуваме кон домашните прашања. Сега само од нас дома тоа зависи, се што досега направивме беше да ги тргнеме настрана сите надворешни предуслови за да го донесеме дома во нашата земја животот, достоинствен за живеење тука, во нашата Република Северна Македонија, истакна Заев.Влегуваме во сериозни економски и реформски иницијативи кои се на нашата приоритетна агенда за 2019 година, реча заев и додаде: :Сега, кога ја обезбедивме нашата безбедност и стабилност како земја членка на НАТО, продолжуваме да ги убедуваме сите инвеститори дека имаат земја партнер и пријателска средина за бизнис и за нови работни места за нашите граѓани. Многу инвеститори го чекаа исходот од преговорите со Грција за да донесат одлука.Имаме силни аргументи дека сме на вистинскиот пат, дека нашите економски политики даваат резултати. Историски резултати! Минатата година ја завршивме со рекордна вредност на странските директни инвестиции од 624,5 милиони евра. Тоа е речиси двојно повеќе од вредноста на инвестициите во 2017, или за 82 отсто повеќе од инвестициите на нашите претходници во нивната најдобра година, во 2011, или повеќе од 2012, 2013, 2014 година.Ние за 20 месеци обезбедивме 18 одделни странски инвестиции, за разлика од тоталот од 23 за сите претходни 10 години. Дополнително нови 30-тина инвестиции имаме надвор од тир зоните.Во 2018 година над 250 домашни компании добија финансиска поддршка преку Планот за економски раст, во 2019 очекувам тој број на компании да се зголеми, потенцираше претседателот на СДСМ .Инаку конгресот на СДСМ се одржива во хотелот Александар Палас. Право на глас имаат 783 делегати.

пред 7 години

в.д Градоначалникот Георгиевски потпишал решение за ништовност на одобрението за градба на хотелот во Лагадин

В.д Градоначалникот Константин Георгиевски на 25.02.2019 потпишал решение за ништовност на одобрението за градба на спорниот хотел во Лагадин.Околку градбата на овој хотел веќе подолг период се крева голема галама. Спствениците упорно си градат, а невлдините и граѓаните се бунат. Последно на 02 февруари на трибина во Охрид Бизнисменот Никола Толески инаку познат во јавноста како инвеститор во објектот во Лагадин, против кој реагираа и се организираа протести , се обрати со прашање до премиерот за неговиот проблем. Премиерот Заев му одговори: Неколку пати Транспорт и врски носи позитивна одлука. Разговарав со покоен Јован, сега со другите. Премиерот интервенира оти правото е на ваша страна, министерот интервенира оти правото е на ваша страна.Но, не е баш се така. Имаено против изградбата на хотелот, која е надвор од сите прописи за заштита на животната средина, се кренаа бројни здруженија во Охрид, а и самите жители на населбата и во повеќе наврати, во знак на револт, го блокираа патот Охрид-Пештани-Свети Наум.На 9 март минатата година, Државниот инспекторат за градежништво и урбанизам побара од Општина Охрид да го поништи издаденото одобрение за градење. Барањето дојде по заеднички инспекциски надзор на Државниот инспекторат за градежништво и урбанизам, Државниот инспекторат за животна средина и Управата за заштита на културно наследство направен во Секторот за урбанизам во Општина Охрид и на градилиштето за незаконскиот хотел во Лагадин во јануари минатата година.Инвеститорот се жалеше на одлуката, а Второстепената комисија му ја уважи жалбата и го врати предметот на повторно одлучување во Општина Охрид, за во јуни да продолжи изградбата на хотелот и покрај укажувањата од Државниот инспекторат за градежништво и урбанизам дека нема никакво важечко одобрение.Изградбата на хотелот прекршува вкупно 12 закони, 1 подзаконски акт и не е во согласност со Уставот на Република Македонија. Дополнително, Инспекторатот за животна средина потврди дека градбата се наоѓа во заштитените 50 метри од брегот на езерото во кои не се дозволени објекти од цврста градба.И покрај битката против хотелот на охриѓани, инвеститорот изгради четири ката.

Македонија | пред 7 години

Работник паднал додека работел на хотелот во Лагадин

На 02 март оваа година, околу 16 часот и 50 минути, во полициската станица во Охрид, од болницата „Св.Еразмо“ било пријавено дека кај нив бил донесен П. М. (56) од Охрид.„Тој имал тешки телесни повреди здобиени при пад од висина при градежни активности во хотел во населбата Лагадин-Охрид. Поради сериозноста на повредите, П.М бил пренесен во Клинички центар -Скопје. Полициски службеници излегле на местото на настанот, известен е Јавен обвинител и се работи на расчистување на случајот“, вели портапролот на СВР Охрид Стефан Димовски. 

Македонија | пред 7 години

Данило Брестовац избран за нов предводник на националниот ракометен тим

На специјална прес конференција која ја свика Ракометната федерација на Македонија за нов предводник на националниот тим беше претставен Данило Брестовац.Ракометната федерација со голема доверба во Данило Брестовац го претстави периодот кој претстои во македонскиот машки ракомет. Тој ќе биде селектор на сениорската репрезентација, но и многу повеќе од тоа. Ова е прво самостојно репрезентативно искуство за перспективниот стратег кој во моментов е на чело на тимот на Металург.Брестовац претходно во кариерата работеше со А селекцијата на Македонија, но како помошник на тогашниот стратег, Ивица Обрван. Како селектор направи големи успеси со младинската селекција на Македонија.

Спорт | пред 7 години

Во Варна - Бугарија, уапсен е најбараниот шпански наркобос

Шпанската цивилна гарда објави дека најбараниот шпански шверцер на дрога, Ј.С.А., e уапсен во Бугарија. Тој e уапсен во бугарскиот град Варна, со изменет личен опис и додека се подготвувал да замине за Венеција, објави БТА.Како што се наведува, Ј.С.А., имал клучна улога во криминалната организација која Шпанија и остатокот на Европа ја снабдувала со кокаин од Јужна Америка и која била вмешана во перење на пари.За него била распишана потерница уште во 2013 година, а откриен е откако специјалните агенти дознале дека се крие во Варна и оти го сменил личниот опис, здебелувајќи се повеќе од 50 килограми.Во моментот на апсењето кај него биле пронајдени лажни документи.

Свет | пред 7 години

ЦИВИЛ повикува на засилен мониторинг на изборниот процес

Говор на омраза, лажни вести, предвремено започнување на кампања, изборна корупција, злоупотреба на јавните ресурси, злоупотреба на службената положба, притисоци, закани и уцени – се дел од предизборната палета на политичките структури што ЦИВИЛ ги нотира за време на сите изборни процеси досега.Без будното око на набљудувачите, организациите за човекови права и слободи и на сите свесни и совесни граѓанки и граѓани, тие појави би поминале незабележано. Без оглед на тоа дали институциите се зајакнати или не и без оглед на степенот на владеењето на правото, една од најважните компоненти на еден изборен процес е токму мониторингот што го спроведуваат непартиски и невладини структури, групи и поединци.Затоа, ЦИВИЛ повикува на вклучување во долгорочниот мониторинг на изборниот процес. Овој повик се однесува на соработниците и долгорочните набљудувачи, како и на сите членови и поддржувачи, учесници на семинарите за граѓанско новинарство и други заинтересирани граѓанки и граѓани.Не постои непотребна или неважна информација, напротив, сите информации се добредојдени. Сите што сакаат да помогнат во изборниот мониторинг, можат тоа да го направат начин што им е најлесен. Прифатливи се сите можни формати: видео снимки, фотографии, скенови од комуникации или постови на социјални мрежи.Извештаите, односно пријавите може да се испраќаат во порака по електронска пошта (monitoring.civil@gmail.com), Фејсбук, по телефон (02 / 5209 176), на онлајн пријавата за изборни нерегуларности или лично во седиштето на организацијата во Скопје.Воедно, ЦИВИЛ ја информира јавноста дека во тек е конкурсот за долгорочни и краткорочни набљудувачи на изборниот процес. Заинтересираните можат да аплицираат преку онлајн формулар, лично и преку електронска пошта (monitoring.civil@gmail.com).

Македонија | пред 7 години

Претседателот на ОК ВМРО ДПМНЕ од Вевчани доби закани по живот

Ѓорѓи Влајнкиноски, претседател на ОК ВМРО ДПМНЕ од Вевчани, утрово добил закани по живот, но и по животите на членовите на неговото потесно семејство.Во статусот кој утрово го објави Влајнкиноски пишува:„Утрово добив телефонски повик од лицето Жарко Лешоски, член на Централниот одбор на СДСМ и директор на ООУ "Страшо Пинџур" Вевчани. Добив сериозни закани по животов мој, по животите на членовите на моето семејство и по животите на членовите на ОК на ВМРО-ДПМНЕ Вевчани. Ми рече дека ќе ме убиел, ќе ми ја запален куќата, и ќе ја запалел зградата на комитетот со сѐ сите ВМРО-вци. Јас оваа закана ја пријавив во полиција. Утре ќе ги известам и просветниот инспекторат и Министерството за образование“, напиша на својот фејсбук профил, претседателот на ОК ВМРО ДПМНЕ Ѓорѓи Влајнкиноски.Во телефонски разговор Влајнкиноски ни кажа дека предмалку и синот од Лешоски му се заканувал исто така на телефон. Тој вели дека разговорите се снимени во целост. 

Македонија | пред 7 години

Кај Македонец и Украинка полицијата во Белград пронашла над 4 килограми хероин

Полицијта во Белград запленила над 4 килограми хероин и ги уапсила Н.Ш (33) државјанката од Украина и С.Х (54), државјанин на Македонија, поради постоење на основа за сомнение дека извршиле кривично дело неовластено посизводство и пуштање во промет на опојни дроги.Како што соопштува Белградското МВР , полицијата во автомобил „Ауди А6“ со романски регистарски таблици во кои биле осомничените, пронашла 4,2 килограми хероин.На осомничените веднаш им е одредена мерка притвор од 48 часа, по што со кривичната пријава ќе бидат предадени на Јавното обвинителство во Белград.

Свет | пред 7 години

Нема фотографија

Детали за убиството во Тетово

На 2.3.2019 околу 23:50 часот пријавено е дека во угостителски објект на улица „29 Ноември“ во Тетово, Л.Д. (46) од Тетово пукал во А.А. ( 46 ) од Тетово, со кого претходно, заедно со уште неколку лица седеле на една од масите и консумирале алкохол, и му нанел смртоносна повреда. Л.Д. сам се пријавил во Полициската станица Тетово, а во врска со случајот лишени се од слобода уште две лица М.А. (31) од Тетово и Л.Р. (37) од с.Лисец, а едно само се пријавило.По наредба на јавен обвинител, телото на А.А. е дадено на обдукција и се работи на целосно документирање на случајот. 

Македонија | пред 7 години

Нема фотографија

Сообраќајка на патот Пробиштип - с.Ратавици, три лица со тешки телесни повреди

На 02.03.2018  во 17.10 часот на патот Пробиштип- с.Ратавици се случила сообраќајна незгода помеѓу патничко моторно возило „Фолксваген пасат“ со кратовски регистарски ознаки,  управувано од Г.И. (32) од Кратово,   и патничко моторно возило  „Шевролет спарк“ со штипски регистарски ознаки, управувано од М. А. (46) од Пробиштип.Со тешки телесни повреди  се здобиле сопатникот во возилото „ Пасат“,  В. Ј., кој бил пренесен во ЈЗУ-Кратово, возачот на возилото „Шевролет спарк“ М.А., која била пренесена во Клиничка болница Штип и сопатникот во возилото “Шевролет спарк“ Б.А. , кој бил пренесен во Клинички центар Скопје.По овластување на Јавен обвинител, увид на лице место извршила екипа од ПС-Пробиштип.

Македонија | пред 7 години

Уапсен Албанец на ГП Табановце

На 03.03.2019 година во 05,40 часот на Граничен премин Табановце, за излез од Република Северна Македонија  се пријавил  С.А. (24) од Албанија  со фалсификувана албанска патна исправа.С.А. бил лишен од слобода и задржан во ПС Куманово.

Македонија | пред 7 години

Антивладини протести во Црна Гора, демонстрантите бараат оставки во рок од 15 дена

Повеќе илјади граѓани синоќа протестираа во Подгорица барајќи оставки од претседателот Мило Ѓукановиќ, премиерот Душко Маровиќ, главниот обвинител и од директорот на Радио Телевизија Црна Гора. Демонстрантите ги обвинуваат властите за корупција и злоупотреба на службената должност.Инаку, демонстрантите се заканија дека повторно ќе се обединат на главниот плоштад во Подгорица на 16-ти март и ќе останат таму додека не бидат исполнети нивните барања.Организаторите на протестот рекоа дека ја туркаат опозицијата да го напуштат националното собрание се додека не се исполнат барањата за оставка.Во текот на протесната прошетка во која беа пред државните институции, граѓаните носеа транспаренти со натписи „Татковината се брани со протест“, „Ние сме здравото ткиво“, „I’m gonna miss you, Milo“ (Ќе ни недостасуваш Мило), „Стани и победи“.

Свет | пред 7 години

Автомобил удри во 74-годишен пешак, итно пренесен во болница

На 02.03.2019 година во 19.05 часот на магистралниот пат Штип-Кочани, кај с.Облешево, се случила сообраќајна незгода во која патничко моторно возило „Опел“ со скопски регистарски ознаки, управувано од П. В. (53) од с.Вељуса-Струмица, удрило во пешакот В. П. (74) од с.Облешево.Со тешки телесни повреди се здобил В.П.  кој бил пренесен во Клиничка болница-Штип.По овластување на јавен обвинител, увид на лице место извршила екипа од ПС-Кочани. Се работи на расчистување на случајот.

Македонија | пред 7 години

Американец се здобил со тешки телесни повреди, итно пренесен во Клиниката во Битола

На 02.03.2019 година во 14 часот телефонски во Центарот за известување и команда Битола, од страна на Итна медицинска помош - Битола било пријавено дека од нивна страна во Клиничка болница Битола бил пренесен Д.Ц (37),  државјанин на САД, кој се повредил при пад на скијање.Кај Д.Ц. е констатирана тешка телесна повреда, што ја здобил при  учество на турнир во скијање што се одржувал во скијачкиот центар Копанки-Пелистер. 

Македонија | пред 7 години

Нема фотографија

20 возила подигнати со „пајак“ ноќеска во Скопје

Одделението за безбедност на патниот сообраќај при СВР Скопје спроведе акциска контрола на 02 / 03. 03. 2019 година во периодот од 23.00 до 05.00 часот за откривање возачи кои управуваат со возило под дејство на алкохол . Од страна на полициски службеници контролирани се вкупно 188 возачи, а кај 39 од нив утврдено е присуство на алкохол во крвта.  Откриени се и 53 други видови прекршоци за кои се издадени 20 мандатни  платни налози и  издадени се 33 прекршочни платни налози.На 02/03 .03.2019 година во периодот од 23.00 до 05.00 часот  беа преземени  мерки за непрописно паркирани возила од улиците: „Њуделхиска“, „Орце Николов“, „Јордан Мијалков“, „Герман“, „ Кеј 13-ти Ноември“ и  „Партизански одреди“ и со специјално возило „пајак“ беа подигнати 20 патнички моторни возила.

Скопје | пред 7 години

Автомобил влета во пешаци, две лица починаа

Две лица починаа, а шест се повредени кога автомобил удри во пешаци во Њу Орлеанс.Несреќата се случила околу 20 часот по локално време.Возачот побегнал од местото на настанот, но подоцна бил пронајден од страна на полицијата.Лицата кои починле се на возраст од околу 30 години, а повредените се од 28 до 65 години.

Свет | пред 7 години

Нема фотографија

Од утре нова цена на горивата

Регулаторната комисија за енергетика во текот на утрешниот ден треба да ги соопшти новите цени на горивата кои ќе започнат да важат од полноќ.Со последната промена имавме поскапување за 0,5, односно 1 денар на бензините, додека цената на дизелот остана иста.

Македонија | пред 7 години

Убиство во Тетово - Жртвата е средовечен маж

Едно лице е убиено синоќа во Тетово. Жртвата е средовечен маж.Надлежен јавен обвинител од Основното јавно обвинителство Тетово заедно со увидни екипи од Министерството за внатрешни работи до раните утрински часови вршеа увид на лице место во објект на ул. 29 Ноември во Тетово, каде синоќа околу 23:50 часот едно лице беше лишено од живот.Обвинителот издаде наредби за прибирање на траги од лице место и нивно вештачење, како и за вештачење на чаурата најдена на местото на настанот. Издадена е и наредба за вршење на обдукција над починатото лице. Извршено е фотографирање и скицирање, како и други дејствија во насока на расчистување на кривично правниот настан.Убиството се случило откако на маса во објектот заедно седеле пет лица, косумирајќи алкохол. Во еден момент, сторителот извадил пиштол, го репетирал и испукал проектил во едно од лицата. При тоа му нанел смртоносни повреди од кои оштетеното лице починало на лице место.По стореното кривично дело групата се дала во бегство, за подоцна двајца да бидат лишени од слобода од страна на полицијата, а другите двајца, меѓу кои и сторителот, сами се пријавиле во полициска станица.

Македонија | пред 7 години

СДСМ денес ќе го одржи 23-от партиски конгрес

Социјалдемократскиот сојуз на Македонија денеска ќе го одржи 23-от партиски конгрес на кој партијата треба да го потврди Стево Пендаровски за кандидат за претседател на државата на претстојните избори.На отворањето на Конгресот е предвидено е обраќање на премиерот и лидер на СДСМ Зоран Заев, додека работниот дел ќе биде затворен за јавноста. На крајот на конгресот, кој повторно ќе биде отворен, ќе се обрати избраниот кандидат за претседател на државата.Стево Пендаровски доби поддршка да биде заеднички претседателски кандидат на 31-на политичка партија од коалицијата предводена од СДСМ, владината коалиција исите поддржувачи на концептот за заеднички кандидат за претседател на државата.Поддршката беше изразена на средба во петокот вечерта во Скопје по која премиерот Зоран Заев оцени дека ова е историска одлука и дека 31-на политичка партија заедно се обединија и покажаа дека националните се над партиските интереси.

Македонија | пред 7 години