Попоски: 2018 беше најуспешна година за осигурителната индустрија во нашата земја

Состојбите во осигурителниот сектор во 2018 година Минатата 2018 година претставуваше најуспешна година за осигурителната индустрија во нашата земја во последните десет години. Осигурителниот сектор забележи раст во однос на сите сегменти на неговото функционирање: бруто полисираната премија (БПП), број на продадени договори за осигурување, поголема исплата на штети, пораст на капиталот, пораст на активата и на финансиските вложувања како дел од активата, како и поголема профитабилност на друштвата за осигурување. Заклучно со 31.12.2018 година на пазарот на осигурување во Република Македонија активно работат 16 друштва за осигурување, истакна Претседателот на Советот на експерти на Агенцијата за супервизија за осигурувањето Климе Попоски.Тој додаде дека во делот на неживотно осигурување бројот на пазарните субјекти е 11, додека во делот осигурување на живот бројот на субјекти е 5. Во доменот на посредувањето, осигурително брокерски работат вршат 35 осигурително брокерски друштва, што е намалување во споредба со 2017 година поради престанокот на работа на едно друштво (2017: 36), а работи на застапување во осигурување вршат 11 друштва за застапување (2017: 11). Во доменот на банките кои имаат дозвола за вршење на работи на застапување во осигурување функционираат 5 банки, што претставува зголемен број за 2 банки на пазарот во однос на претходната година. Исто така, на пазарот на осигурување делуваат и 556 лиценцирани брокери и 1.250 лиценцирани застапници во осигурување, вели Попоски.Според првиот човек на Агенцијата за супервизија за осигурувањето пораст се забележува и кај бројот на склучени договори. Најголем пораст се забележува кај осигурување на добитокот и тоа кај индивидуалните земјоделци од 206%, додека кај правните лица од 33%. Трето по големина неживотно осигурување претставува доброволното осигурувањето на патнички возила (каско) кое учествува со 8,03% во вкупната БПП.Осигурителниот пазар минатата година, како што посочија Попоски и претседателот на Здружението за осигурување при Стопанската комора на Република Македонија Ѓорѓе Војновиќ има раст на приходите од 10,4 отсто.Забележителен раст има кај бруто полисираната премија кај земјоделското осигурување од 65,98 проценти и изнесува 261,02 милиони денари. Растот кај осигурувањето на посевите и плодовите кај индивидуалните земјоделци е 59,05 проценти, додека кај правните земјоделски стопанства 46,30 отсто. Најголем раст, како што рече Попоски, е забележан кај осигурувањето на добитокот и тоа кај индивидуалните земјоделци од 206 отсто, додека кај правните лица од 33 отсто.На земјоделците им порача дека може да се дојде до намалување на цената на осигурувањето доколку тие преземат превентивни мерки и притоа ги намалат ризиците.Раст имаме и кај осигурувањето живот од 29,57 отсто, со склучени 22.264 договори.Она што очекуваат во 2019 година е нов закон за осигурување што е усогласување со ЕУ и воведување повисоки стандарди, како и окрупнување, што веќе се случува.-Едно преземање има на осигурителна компанија од страна на Халк банка. Во тек се разговори за преземање на уште една осигурителна компанија, а има интерес и од странски инвеститор, рече Попоски.

Македонија | пред 7 години

Над 800 илјади евра отштета ќе исплати осигурувањето за сообраќајката кај Ласкарци

Осигурителната компанија „Еуросиг“ ќе треба да исплати отштета од над 800 илјади евра за сообраќајката кај Ласкарци.Претседателот на Советот на експерти на Агенцијата за супервизија за осигурувањето Климе Попоски денеска на прес-конференција рече дека во овој случај најверојатно ќе биде исплатена максималната законски предвидената сума.– Во Законот за здолжително осигурување има пропишано максимален износ на штета предизвикана од автобус. Максималниот износ по еден осигурителен случај може да изнесува 675 илјади евра, рече Попоски.Тој додаде дека дополнително по основ на полиса за патници во јавен превоз може да бидат исплатени 200 илјади евра, така што е предвидено 4.500 евра по смртен случај, 9.000 евра за траен инвалидитет и 2.000 евра за повреди и лекување.Според Попски ова, ќе биде една од поголемите исплатени штети во последните години, покрај онаа за хеликоптерската несреќа.

Македонија | пред 7 години

Со извршно решение се иселува дирекцијата на АГП „Трудбеник“ во Охрид

Механизација денеска влезе во дирекцијата на АГП „Трудбеник“ во Охрид и почна со иселување на недвижностите од локацијата врз која моментно сопственичко право има туристичката агенција „Фибула Ер Травел“. Извршувањето според новиот сопственик е сосема законско бидејќи тие поседуваат имотен лист за локацијата од некаде 20 илјади метри квадратни каде некогаш се наоѓаше дирекцијата на „Трудбеник“.Адвокатот Драган Коровешоски, кој е правниот застапник на „Фибула Ер Травел вели дека извршувањето се спроведува врз основа на правосилна пресуда.„Фибила Ер Травел“ имотот го има купено во 2011 година, девет години се обидуваме имотот да го пренесеме во владеење на сопственикот за да почне да се гради. Оставениот операциски рок во кој должникот требаше доброволно да се исели е поминат и од тие причини законски се спроведува извршување, односно испразнување на недвижноста“, вели Коровешоски.Акционерите од „Трудбеник“, пак, сметаат дека државните институции преку незаконска постапка дозволуваат да се одземе атрактивната локација на брегот на Охридско Езеро.Извршниот директор и мнозински акционерски сопственик на АДГ „Трудбеник“ Ацо Спироски изјави дека се работи за прерането извршување.– Имаме неоспорливи докази дека ова земјиште е земено на криминален начин. Тие докази ги добив кога го покренав спорот против ова извршување, кога се отворија документите за се што е направено меѓу одредени раководни лица во Министерството за транспорт и врски, раководни лица во Општина Охрид и на „Фибула Ер Травел“. Против нив е покрената кривична постапка, постојат неоспорливи докази и утре е закажано рочиште во кое бараме поништување на договорот за купопродажба меѓу „Фибула“ и Општина Охрид, рече Спироски.Според него, се води предмет и во Антикорупциска комисија кој ќе покаже дека се прави обид „на криминален начин, преку наместено јавно наддавање, во предизборна постапка, со наместени рокови и услови, сокривани и изменувани датуми на парафирање на договорите, отуѓено земјиште за 20 илјади евра, а чија пазарна вредност е проценета некаде до четири милиони евра“.Постапка за раскинување на купопродажниот договор има поднесено и Општина Охрид. 

Македонија | пред 7 години

Младата пијанистка Чочиева ја збогати културната понуда на „Охридско лето“

Националната установа „Охридско лето“ приреди ново уметничко доживување за љубителите на класичната музика преку концертот на руската пијанистка Злата Чочиева што се одржа синоќа во црквата „Света Софија“ во Охрид.Младата московска пијанистка имаше впечатлив настап, покажувајќи извонредна техника во музицирањето, притоа, пренесувајќи и’ на публиката позитивни емоции.-Преку своето совршено музицирање и техника, талентираната пијанистка Злата Чочиева донесе виртуозен перформанс со што се вброи меѓу најдобрите пијанисти кои настапиле досега на „Охридско лето“.  Како организатори на овој концерт, особено не’радува што публиката го награди нејзиниот совршен настап со бурни овации и што меѓу присутните беа аташето за култура во Амбасадата на Руската Федерација во Скопје, дел од нашите лојални спонзори меѓу кои главниот извршен директор на ОКТА господинот Иоанис Героуланос, публика од соседна Република Албанија, како и музичари од Скопје и Охрид. Сите присутни беа воодушевени од  целиот перформанс, изјави директорката на НУ „Охридско лето“, Наташа Поповиќ.За пијанистката, исклучително важно е да се воспостави непосреден контакт со публиката и да се размени позитивната енергија.-Се чувствувам топло во душата  поради повратните реакции на публиката. Многу уживав бидејќи почувствував голема енергија од присутните и бев пријатно изненадена колку беа внесени во програмата. Знаете, многу е важно за уметникот да го почувствува тој флуид, размената на енергијата со луѓето и љубовта кон музиката, вели Чочиева.Извонредно талентираната уметница Злата Чочиева  која на Меѓународниот натпревар по пијано „Санта Катарина“ во Бразил беше прогласена за најдобра изведувачка  на Фредерик Шопен, со посебен шарм и стил ги отсвири мазурките на овој композитор,  а долови и дела од  Александер Скриабин, Франц Лист и Сергеј Рахманинов.-Не знам дали сум најдобар изведувач на делата на Шопен, но чувствувам како оваа музика ми е при срце, а тој секогаш ќе биде еден од моите најомилени композитори. Шопен е некој со којшто навистина можам „да разговарам“. Што се однесува до програмата со која се претставив на „Охридско лето“ , сметам дека  беше мошне интересна бидејќи содржеше и композиции кои се помалку познати. Некои дела се во сенка зашто луѓето им обрнуваат повеќе внимание на познатите композиции, додаде младата пијанистка чиј компакт-диск со Шопеновите етиди, германското списание „Грамофон“ го вброи во 50-те најдобри изведби на Шопеновата музика некогаш.Чочиева која за нејзиното музицирање на пијано е наградувана шурум светот, првпат настапува на  „Охридско лето“, но како што вели, за репутацијата на фестивалот слушала од нејзините колеги уметници кои веќе одржале концерти.-Имав можност да уживам и во убавините на Охрид, шетајќи низ стариот дел на градот, но посебно бев воодушевена од езерото. Посебно ме инспирираа залезот на сонцето и невообичаените бои над езерото, истакна таа.Со програмата што ја отсвири на „Охридско лето“, Злата Чочиева ќе го одржи и својот деби-концерт во Лондон, а потоа следуваат и нејзините настапи во Русија, Шведска и Германија.      

Македонија | пред 7 години

Девојка паднала од балкон, сакајќи да го сокрие момчето од својата мајка

Oсумнаесетгодишна девојка падна од вториот кат на зградата на тротоар во Приедор, Република Српска. Девојката Т. М. паднала од вториот кат од една зграда во центарот на градот, додека се обидувала да премине на соседниот балкон. Несреќата се случила во станот на нејзината сестра, каде што девојката била со момчето чија врска нејзината мајка не ја одобрувала.Како што објавуваат медиумите во еден момент, на вратата на станот некој тропнал, а девојката, претпоставувајќи дека тоа е нејзината мајка, се обидела да избега на соседниот балкон, што за малку ќе завршело трагично.Полицијата синоќа го испрашуваше нејзиното момче С. В. од Приедор и тој сè уште е во полиција. Повеќе детали за овој несреќен случај ќе бидат познати по изјавата на девојката.Според неофицијални информации, неизиниот живот не е во опасност. 

Свет | пред 7 години

Викендов во Скопје осообраќај се исклучени 126 возачи

Во текот на изминатите денови на подрачјето на Секторот за внатрешни работи Скопје преземени се мерки и активности и констатирано е дека 146 возачи управувале возила со брзина поголема од дозволената. Од сообраќај се исклучени 126 возачи од кои:57 возачи затоа што управувале возила под дејство на алкохол, 51 возач управувале возила без да се стекнат со право за управување на моторно возило и 18 возачи затоа што биле возачи-почетници. Исто така исклучени од сообраќај се и 48 возила бидејќи 42 биле нерегистрирани, пет возила биле технички неисправни и едно возило поради претовар.Санкционирани се пет возачи поради поминување на крстосница на црвено светло, четири возачи поради недавање првенство на минување на пешаци, 10 поради неправилно престројување, тројца возачи поради неправилно престигнување, девет возачи поради неносење сигурносен појас за време на управување на моторно возило и 22 возачи поради користење на мобилен телефон при управување на возило. Во однос на пешаците санкционирани се седум пешаци поради поминување коловоз вон пешачки премин. Во текот на изминатите денови издадени се 271 мандатни платни налози и 167 возила се подигнати со специјално возило пајак.

Скопје | пред 7 години

Нема фотографија

Приведен албански државјанин поради „фалсификување на исправа“

На 03.03.2019 во 10.40 часот на Граничниот премин „Деве Баир“, поради постоење основи на сомнение дека извршил кривично дело „фалсификување на исправа“, бил приведен Л.Ф.(32) од Република Албанија.Лицето било предадено на полициски службеници од Полициската станица Крива Паланка за понатамошна постапка.

Македонија | пред 7 години

Скопјанец приведен на Табановце

На 03.03.2019 во 15.45 часот на Граничниот премин „Табановце“, при проверка на лицето Н.С.(26) од Скопје, било констатирано дека бил баран по телеграма поради постоење основи на сомнение дека е извршител на кривично дело по член 236 од Кривичниот законик. Лицето било приведено и предадено на полициски службеници од СВР Куманово за понатамошна постапка.

Македонија | пред 7 години

Нема фотографија

Тешка сообраќајна несреќа на патот село Крушеани-село Обршани, има повредени

На 03.03.2019 во 18.30 часот на патот село Крушеани-село Обршани, прилепско, се случила сообраќајна незгода помеѓу патничко возило „Опел астра“ со прилепски регистарски ознаки, управувано од Т.Ј.(37) од Прилеп и патничко возило „Опел астра“ со прилепски регистарски ознаки, управувано од Р.П.(39) од село Беранци, општина Могила.Со тешки телесни повреди се здобил М.П.(64), сопатник од возилото „Опел Астра“, а двајцата возачи и двајца сопатници М.Т.(32) и шестгодишно дете од другото возило се здобиле со телесни повреди.Со возило на Итна медицинска помош биле пренесени во Градската болница во Прилеп за укажување на лекарска помош. Увид на местото на настанот извршила увидна екипа од Полициската станица Прилеп. 

Македонија | пред 7 години

Седницата за интерпелација на Спасовски- одложена

Расправата за интерпелација на министерот за внатрешни работи Оливер Спасовски поднесена од пратениците од опозицијата ќе биде закажана дополнително во координација со министерот и координаторите на пратеничките групи, најави претседателот на  Собранието Талат Џафери на денешното продолжение на 86. седница.Претседателот на законодавниот дом, Талат Џафери, рече дека поради тоа што во Собранието денес се закажани на неколку комисии, интерпелацијата ќе се одложи за друг ден кога ќе одлучат на координативен состанок пратеничките групи.Дваесет и седум пратеници од опозициската ВМРО-ДПМНЕ поднесоа интерпелација против Спасовски поради поради тоа, како што се вели во интерпелацијата, министерот ја извршува крајно несовесно, нестручно, селективно и по насока на врвот на неговата политичка партија, а спротивно на Уставот и законите.

Македонија | пред 7 години

Нема фотографија

Регулаторна одлучи, поскапуваат горивата

Регулаторната комисија за енергетика ги определи новите цени на нафтените деривати и тие се зголемуваат во просек за 2,24%.Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 2,00 ден/лит, во однос на цените утврдени со Одлуката од 18.02.2019 година и со тоа малопродажната цена на ЕУРОСУПЕР БС-98 изнесува 64,50 ден/лит, додека малопродажната цена на ЕУРОСУПЕР БС-98 изнесува 66,50 ден/лит.Малопродажните цени на дизелот ЕУРОДИЗЕЛ (Д-Е V) и на Екстра лесното масло за домаќинство (ЕЛ-1), се зголемуваат за 1,00 ден/лит, во однос на цените утврдени со Одлуката од 18.02.2019 година и со тоа малопродажната цена на дизелот ЕУРОДИЗЕЛ (Д-Е V) изнесува 61,00 ден/лит, додека малопродажната цена на Екстра лесното масло за домаќинство (ЕЛ-1) изнесува 49,50 ден/лит.Малопродажната цена на мазутот М-1 НС се зголемува за 0,619 ден/кг во однос на цената утврдена со Одлуката од 18.02.2019 година и со тоа цената на мазутот М-1 НС изнесува 32,847 ден/кг 

Македонија | пред 7 години

Обвинение за двајцата кои опожарија семејна куќа со ресторан во скопско Дебар маало

Основното јавно обвинителство Скопје поднесе Обвинителен акт против две лица за кривично дело – Тешки дела против општата сигурност од чл. 292 ст.1 во врска со чл.288 ст.1 и во врска со чл.22 од Кривичниот законик.По сеопфатна истражна постапка, надлежниот јавен обвинител утврди дека обвинетите како соизвршители на 26.11.2018 година со пожар предизвикале значителна опасност по животот на еден оштетен и неговото најблиско семејство, како и поголема имотна штета на објектот – индивидуална станбена куќа и ресторан во сопственост на оштетениот.Обвинетите набавиле едно шише запаллива течност. Потоа едниот обвинет чувал стража, додека другиот со течноста го полеал внатрешниот дел од оградата на терасата на ресторанот и го запалил. Пожарот за многу кратко време се проширил од ресторанот до вториот кат на објектот, каде што престојувало семејството на сопственикот.Обвинителството ценеше дека се уште постојат околности кои го оправдуваат изрекувањето на мерката куќен притвор, па од тие причини заедно со Обвинителниот акт до Основниот суд Скопје 1 Скопје достави и предлог за продолжување на мерката – куќен притвор за двајцата обвинети.

пред 7 години

Две лица обвинети за насилство во угостителски објект во Драчево

Основното јавно обвинителство Скопје до Основниот суд Скопје 1 Скопје поднесе Обвинителен акт против две лица поради постоење основано сомнение за сторено кривично дело – Насилство од член 386 став 6 во врска со став 3 и со став 1 од Кривичниот законик.Лицата се обвинети дека на 07.10.2018 година, во угостителски објект во населбата Драчево, во група и со умисла извршиле грубо насилство, при што тешко телесно повредиле две лица и со тоа во јавноста предизвикале чувство на несигурност, загрозување и страв.Откако критичната вечер обвинетите дошле како гости во локалот, најпрвин започнале вербална расправија со оштетените, која потоа прераснала во тепачка. Еден од обвинетите со употреба на нож им нанел тешки телесни повреди во вид на убодни рани на двајцата оштетени. Настанот се одвивал пред повеќе гости во локалот, кај кои обвинетите предизвикале чувство на несигурност, згрозување и страв.За двете обвинети лица на сила се мерки на претпазливост определени со Решение на Судија на претходна постапка од Основниот суд Скопје 1 Скопје. 

пред 7 години

ОЈО започна истрага за неовластено производство и пуштање во промет на марихуана во Визбегово

Основното јавно обвинителство Скопје донесе Наредба за спроведување истражна постапка против две лица поради постоење основано сомнение дека во соизвршителство сториле кривично дело – Неовластено производство и пуштање во промет на наркотични дроги, психотропни супстанции и прекурсори од член 215 став 1 од Кривичниот законик.Осомничените, во куќа во која привремено престојувале во скопско Визбегово, неовластено заради продажба држеле наркотична дрога – марихуана со вкупна нето маса од 5.890,21 грам. Имено, при претрес на домот, осомничената била затекната како во дворот на куќата фрла од прозорецот црна полиетиленска ќеса во која била спакувана марихуана со нето маса од 1.860,8 грама. Останатата дрога била пронајдена во неколку различни пакувања при преглед на блиската околина на домот во кој престојувале заедно со осомничениот.Надлежниот јавен обвинител процени дека се исполнети законските услови, односно дека постојат околности кои што укажуваат на опасност од бегство на осомничените, па до судијата на претходна постапка од Основниот суд Скопје 1 Скопје достави Предлог за определување мерка притвор.

пред 7 години

Нема фотографија

Реакција ВМРО ДПМНЕ: Пендаровски е доказ дека се што каже - лаже, исто како и неговиот шеф

Граѓаните знаат дека Стево Пендаровски е копија на Зоран Заев. Затоа што и двајцата лажат, забораваат, негираат, се вели во реакцијата на ВМРО ДПМНЕ.Македонските граѓани не забораваат дека Пендаровски пред пет години тврдеше дека не може да се менува името на државата без државен консензус, за сега да е дел од опција која го смени името без да обезбеди поддршка на референдум.Стево Пендаровски е доказ дека се што каже лаже, исто како и неговиот шеф Зоран Заев.На Република Македонија не и е потребен нов Зоран Заев. На оваа држава и е потребен претседател кој ќе работи согласно Уставот и ќе го промовира владеењето на правото.Заев и Стево Пендаровски мора да изгубат за Македонија да тргне напред, се вели во реакцијата на ВМРО ДПМНЕ.

Македонија | пред 7 години

СДСМ: Победата на Пендаровски ќе биде победа на концептот едно општество

Заедничкиот кандидат за претседател, Стево Пендаровски е потврда на концептот промовиран од СДСМ за изградба на едно општество за сите во напредна, евро-атлантска Република Северна Македонија, држава рамноправен партнер на демократскиот свет, се вели во соопштението од СДСМ.Тие додаваат:За првпат во историјата 30 партии од различни етнички заедници, од различни политички определби се обединија и застанаа зад еден кандидат кој обединува, кој е подготвен да ја води државата напред кон полноправно членство во НАТО и интеграција во ЕУ.На претстојните избори, граѓаните ќе изберат вистински претседател на сите граѓани, претседател кој е противник на поделби и изолации, претседател кој ќе застане заедно со демократските и прогресивни сили и кој ќе ја промовира Северна Македонија како глобална и праведна земја.Претседател кој ќе биде конструктивен и принципиелен партнер во започнатите реформски, интеграциски и економски процеси што се во интерес на граѓаните.Затоа граѓаните масовно ќе излезат на претседателските избори и ќе изберат заедништво, иднина, ќе изберат да продолжиме да одиме напред.Победата на Стево Пендаровски на претстојните избори ќе биде уште една победа на концептот едно општество, победа на нашиот заеднички пат кон напредок, развој и интеграција, се вели во соопштението од СДСМ.

Македонија | пред 7 години

Времето денеска сончево, температурата во постепен пораст

Стабилно и суво време со мала до умерена локална облачнист и со слаб до умерен ветер, претежно од југозападен правец. Температурата на воздухот ќе биде во постепен пораст.Во наредните денови следува период на стабилно и суво време со мала до умерена локална облачнист и со слаб до умерен ветер, претежно од југозападен правец. Температурата на воздухот ќе биде во постепен пораст.

Македонија | пред 7 години

Сообраќајот се одвива одвива непречено, по претежно суви коловози

Сообраќајот на државните патишта се одвива непречено, по претежно суви коловози.ИЗВЕСТУВАЊЕ: Г.П. Илинден – Струга известува дека од 02.03.2019 ќе започне со изведување на градежни работи на пат. На регионалниот патен правец Охрид - Свети Наум, во делот булевар Туристичка во должина од 3,5км. На самото место е поставена соодветна сообраќајна сигнализација.На ден 04.03.2019 од 08:00 до 17:00 часот ќе се изведуваат градежни работи при поставување на индуктивни јамки за броење на возила на Автопат А1, делница Неготино-Демир Капија за што ќе се изврши промена на режимот на сообраќај.ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.ЗИМСКА ОПРЕМА: Потсетување за возачите, дека законската обврска за задолжително поседување на зимската опрема во возилата, без оглед на моменталната временска состојба, трае до 15 март. На овој линк ќе најдете повеќе информации што се подразбира под зимска опрема.ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони.

Македонија | пред 7 години

Почина мајката на Јелена Крлеуша

Познатата новинарка и мајка на Јелена Крлеуша, Дивна, починала денеска во својот стан околу 12:30, после долга и тешка борба со тешката болест.Мајката на Јелена беше бивша радио водителка. Таа почина во 61 година.Дивна во 2016 год била примена во болница поради проблеми со дишењето. Во болница се обртила дури кога почнала да искашлува крв. Нејзината борба со болеста почнала од тогаш се до денеска.

Магазин | пред 7 години

Поддршка за Силјановска Давкова од Централниот комитет на УМС на ВМРО- ДПМНЕ

На денешната редовна седница на Централниот комитет на УМС на ВМРО- ДПМНЕ, се обрати кандидатот за претседател на ВМРО-ДПМНЕ, Гордана Силјановска Давкова, која имаше прилика да се претстави пред ЦК, кој изрази недвосмислена поддршка за истата.ЦК на УМС на ВМРОП-ДПМНЕ констатираше дека власта ја води државата во погрешна насока, политиките се катастрофални и дополнително ја влошуваат состојбата на младите. Иселувањето ветуваа дека не само што ќе го запрат, туку и ќе почнат да ги враќаат младите во државата, сега не само што не е запрено, туку дополнително младите се повеќе се иселуваат.Додека младите забрзано се иселуваат, власта ги полни институциите со децата на функционерите, кои од парите на граѓаните земаат високи плати. ЦК на УМС на ВМРО ДПМНЕ го осудува прогонот врз младите и сите неистомисленици. Пред ЦК беше презентирано дека на меѓународен план, собранието на младината на ЕПП изгласа резолуција во која се осудува политичкиот прогон во државата.Младите јасно стојат зад политиките на ВМРО-ДПМНЕ и во неа гледаат единствен спас од оваа бесперспективност. ЦК на УМС на ВМРО-ДПМНЕ ги повикува сите млади во државата кои знаат во кој правец треба да се движи државата, кои сакаат просперитет и иднина тука, да ни се приклучат и заедно да го поразиме СДСМ прво на претседателски избори, а потоа и на предвремени парламентарни избори.

Македонија | пред 7 години

Отворена истрага против едно лице за убиството во Тетово

Основното јавно обвинителство Тетово донесе Наредба за спроведување на истражна постапка против едно лице за сторени кривични дела – Убиство од член 123 став 1 од Кривичниот законик и Недозволено изработување, држење и тргување со оружје или распрскувачки материи од член 396 став 1 од Кривичниот законик.Осомничениот синоќа во објект на ул. 29 Ноември во Тетово лишил од живот едно лице. Убиството се случило откако на маса во објектот заедно седеле пет лица, консумирајќи алкохол. Во еден момент, сторителот извадил пиштол, го репетирал и испукал проектил во едно од лицата. При тоа му нанел смртоносни повреди од кои оштетеното лице починало на лице место. Останатите три лица кои беа задржани во полициска станица непосредно по инцидентот, се сведоци на настанот.Ценејќи дека се исполнети законските основи, надлежниот јавен обвинител од Основното јавно обвинителство Тетово до судијата на претходна постапка достави Предлог за определување мерка притвор на осомниченото лице. Судијата од Основниот суд во Тетово го прифати ваквиот предлог и на осомничениот му определи мерка притвор во траење од 30 дена.

пред 7 години

СДСМ реакција: На една страна се граѓаните и демократскиот свет, на спротивната Мицкоски, Силјановска и ВМРО-ДПМНЕ, нека се подготват за пораз

Кандидатката на Христијан Мицкоски, Гордана Силјановска останува посветена на груевизмот и влегува во нови контрадикторни изјави, се вели во реакцијата од СДСМ.Тврдењето дека Договорот од Преспа е штетен е директна порака на Силјановска дека членството во НАТО и ЕУ не е добро за земјава, не е добро за граѓаните. Тоа е истата матрица на груевизмост и остатокот на тој груевизам, Христијан Мицкоски.Целиот демократски свет го поздрави Договорот од Преспа како многу значаен за иднината на земјата, ја препозна храброста, визионерството на владата предводена од СДСМ да ја поведе државата напред кон интеграција во ЕУ и НАТО.Од една страна се ЕУ, НАТО, демократски и прогресивни сили во државата кои работат на напредок, развој и интеграција, од друга страна се Мицкоски, Силјановска и ВМРО-ДПМНЕ кои се против Договорот од Преспа, против иднина во ЕУ и НАТО.Граѓаните нема да дозволат нов Ѓорге Иванов кој ќе работи против нивните интереси. На Република Северна Македонија и е потребен вистински претседател кој ќе работи на остварување на децениски те заложби за напредок и интеграција.Затоа на претседателските избори граѓаните ќе го поразат груевизмот и неговите остатоци како Мицкоски. Граѓаните ќе изберат иднина, ќе го поддржат Стево Пендаровски, претседател на сите граѓани, стои во реакцијата од СДСМ.

Македонија | пред 7 години

ДУИ одлучи да учествува на локалните избори во Дебар и Охрид, но и да го подржи Пендаровски

Централниот совет на Демократската унија за интеграција на денешната седница во Тетово едногласно донесе одлука за учество на локалните избори во Дебар и Охрид, а исто така, едногласно го поддржа аконцептот на заедничкиот консензуален кандидат и кандидатурата на Стево Пендаровски за претседател на државата.Денеска во партиското седиште во мала Речица беше едногласно одлучено, изборниот штаб на ДУИ за претседателските избори да го предводи потпретсесателот на партијата Изет Меџити.

Македонија | пред 7 години

Нема фотографија

Мицкоски: Заевизмот мора да биде поразен, а изборите што доаѓаат ќе бидат референдум на народот

Ние знаеме дека сме на вистинската страна, на страната на народот, правдата, и  на страната на Македонија. И таа наша определба бара и одредена пожртвуваност која знам дека секој еден вас ја носи на своите плеќи, особено во ова време кога правдата е нападната од неправда, кога вистината се обидуваат да ја заменат со лагата и кога сакаат да ни ја украдат иднината.  Кога традициите сакаат да ги одвојат од семејството.  Кога вредностите се игнорираат, а авангардата се потиснува, истакна Претседателот на ВМРО-ДПМНЕ, г. Христијан Мицкоски,од 18-тата Годишна конференција на УЖ на ВМРО-ДПМНЕ.Во продолжение претседателот на ВМРО ДПМНЕ додаде: Но има и светло на крајот од  хоризонтот. 18 години по ред Унијата на жени на ВМРО-ДПМНЕ останува јадрото кое ја симболизира таа македонска пркост, топлина, мајчинство кое обврзува, но и бунтовност пред која заеднички се поклонуваме. Македонската жена е неминовен учесник во сите големи настани во нашата историја, таа е големата мајка и хероина која се бори за правдините.Положбата на жената не е еднаш засекогаш дадено право, туку константа за која мора да се борите, унапредувате, освојувате. Во оваа наша заедничка борба Вие почитувани членки на Унијата на жени на ВМРО-ДПМНЕ сте рамноправниот партнер и ја имате сета  моја почит. Вашата борба е и моја борба, вашата победа ќе биде заедничка победа. Сите за еден еден за сите, рече Мицкоски.Тој додаде:Во земјата не владеат законите, во Македонија нема повеќе владеење на правото, а судството и обвинителството одамна не се механизмите кои што  ќе ја заштитат правдата. Случаите со тепањето на Миле и Спиро во затворот не е само податок кој докажува дека се прекршени процедурите и правилата во затворот, туку пред се тоа е последица на урнисаниот систем, неморал и доказ за невиден организиран прогон кој продолжува и во пресрет на претседателските избори.Дури и во еден ваков толку јасен случај на неправда оставката на оној затворски управник која треба да послужи за алиби ќе почека. Доставил господинот список  на потписи во знак на  негова поддршка до деспотот .  Се кршат процедури во Собранието, се носат закони кои може да донесат само бизнис интерес за поединци, а ненадлежното СЈО ќе отвори онолку нови случаи колку ќе сметаат дека се доволни за да може да се пазари со цел да си го продолжи мандатот, зошто за нив привилегиите се далеку поважни од правото и правдината  која треба да се постигне. За пусти пари се работело и за ништо друго.Таквиот процес во чија суштина се критериумите кажувам – негирам - заборавам практично говори за сите ветувања кои ги кажа, а не ги исполни.Далеку сме од плата од 500 евра, нема ниту живот, ниту чист воздух,нема реформи во образованието, нема реформи во здравството, го нема клиничкиот центар, се шета низ Европа ги гази дебелите килими и  ги нуди те на овој те на оној  а економијата колабира. Граѓаните се чувствуваат несигурно. Се изгуби редот на нештата. Македонија не е нормално место за живеење.Мицкоски се обрати и до како што кажа оние кои се мислат дали да излезат да гласат:Значи не до оние уценетите слуги на Заев кои работат на копче, тие знам дека имаат задача и таму бизнис и притисоци се во прашање, тие се заробениците на Заев и такви има се помалку, туку на оние чесни родољубиви луѓе, интелектуалци и искрени патриоти кои се разочарани од секојдневието, а на кои Македонија им е важна. Имаме ист противник, Заевизмот е наш противник исто колку што е и ваш. Но, Македонија ни е заедничка. А бојкотот е слепа еднонасочна улица после која нема втор чекор. Тоа е ѕидот на власта. Нема втора опција и решение. Затоа да си подадеме рака и да ја искористиме неповторливата шанса да го поразиме Заевизмот на избори и само така ќе можеме повторно да ја издигнеме Македонија. Да застанеме заедно под бајракот на заедничката победа, ве поканувам сите.И знам дека има некој кој што ќе рече дека еве од втор пат му успеа на Заев, ете тој стана премиер, иако реалноста е дека не победи на парламентарните избори. Јас би рекол не дај Боже да се дозволи втор Заев овој пат на функцијата претседател на држава, затоа што отиде Македонија. Овие двајца политичари кои се провлекуваат низ сета темнина на транзицијата и сите штетни политики овие дваесетина години, се многу слични навистина. Едниот еве гледаме  се занимава со фалсикување избори, а вториот како претседател на ДИК аминуваше фалсификат на изборите 2004-та година. Значи едниот актуелен, а другиот со искуство. Нивното напред кое гледам како мото го применуваат всушност значи многу назад.Македонија е исправена пред голема крстосница и цврсто верувам дека ќе се избере вистинскиот пат. На Македонија и треба претседателка. Дојде тоа време кога ваква цврста жена како професорката Силјаноска ќе ја штити правдата и интересите на државата. Претседателка која ќе се стави на страната правото и правдата, која ќе се бори за законите во рамки на Уставот, која ќе гради дипломатија базирана на компетенции.Претседателка која ќе биде баланс на властите, ќе се бори за еколошките прашања, за подобро здравство, за светско образование. Ќе работи на укинување на привилегиите на власта. Без разлика што ние многу скоро ќе бидеме на власт, привилегиите мора да се намалат. Претседателка која ќе биде вашиот глас во политиката, рече во дел од својот говор Мицкоски.

Македонија | пред 7 години

Пендаровски: Посебно ми е е драго што зад мене застануваат и три политички партии на етничките Албанците кои се дел од владата

Сакам најискрено, да ви се заблагодарам на изборот кој го направивте денеска. За мене претставува огромна чест што сум поддржан од 31 политичка партија, од претставници на сите етнички заедници, но и претставници на многу наши граѓани кои воопшто не се членови на политички партии, а на кои, нашата Македонија им лежи на срцето, истакна Стево Пендаровски, кандидат за претседател на Република Северна Македонија.Пандарвски додаде: Посебна благодарност сакам да изразам до политичката структура, до СДСМ и лично до премиерот Заев, кои направија политички потег без преседан, по пет години да ми дадат шанса повторно да влезам во трката за претседател, откако во 2014-та, сите ние, бевме предмет на брутален изборен инжинеринг.Чувствувам во оваа ситуација, во овој момент, посебна одговорност, јавно, да им се заблагодарам на останатите кандидати за начинот на кој се презентираа себе си во изминатиот период, максимално достоинствено, без потценувањена останатите и без да го разнишаат,ниту за милиметар, политичкиот проект со историски пропорции, за кој се бориме заедно, со години.И Радмила, и Оливер, и Никола, се прво мои пријатели со години, а дури потоа соборци за истата кауза. Апсолутно сум убеден дека тоа така и ќе остане и кога никој од нас повеќе нема да биде во политиката.Посебно ми е е драго што за прв пат во независна Македонија, пред избори, зад мојата кандидатура застануваат и три политички партии на етничките Албанците кои се дел од владата, а и оние во опозиција, иако ќе одат со свој кандидат, немаат приговор за моите ставови за меѓуетничката толеранција и улогата и местото кое Албанците мораат да го имаат во заедничката држава.Денес, мене, вие ми дадовте голема политичка одговорност, која во месеците и годините што се пред нас имам намера да ја оправдам во целост, во интерес на подобриот и посреќен живот на сите наши граѓани. Денес сме 5 години постари, (особено некои од нас), но, ве уверувам дека ја имаме истата страст и енергија како и во 2014-та, да покажеме дека во овие турбулентни времиња, на овој дел од Балканот, токму оваа политичка опција и токму овие луѓе најдобро го разбираат историскиот контекст и сакаат, конечно, да го заокружат проектот на интегрирана, демократска и мултиетничка Република Северна Македонија.На 21 април и на 5 мај нема да се решава за нечија политичка кариера, тоа ќе биде најмалку битно. Далеку поважно е да покажеме дека во една мултиетничка држава на Балканот е возможно, луѓе од различни етникуми да се обединат зад исти цели – членство во евроатлантските интеграции, закони кои ги унапредуваат правата на граѓаните, и политички претставници кои ги надминуваат и поминуваат вековните етнички линии на поделба, истакна Стево Пендаровски, кандидат за претседател на Република Северна Македонија .

Македонија | пред 7 години