По лидерската средба Заев се огласи на ФБ

По лидерската средба вчера на која на иста маса на тет-а-тет средба премиерот Заев седна со лидерот на опозицијата, Христијан Мицкоски, се огласи на Фејсбук.- Дозволете да споделам задоволство дека дијалогот продолжува. На средбата со Христијан Мицковски разговаравме за оние елементи кои се важни да обезбедиме фер, демократски и кристално чисти претседателски избори, како и за многу други работи за кои е неопходен дијалог, како што е процесот на помирување. Опозицијата прифати со работни групи да преминеме и на разговори за Законот за јавно обвинителство. Очекувам позитивни ставови, бидејќи сите очекуваме Република Северна Македонија во јуни да ги отвори поглавјата од преговорите со ЕУ. Тоа е аспирација на сите наши граѓани, на сите политички субјекти - и на власта и на опозицијата. Обврската ни е заедничка, напиша Заев на својот Фејсбук профил.

Македонија | пред 7 години

Педофил од Гевгелија испраќал недолични фотографии на „девојче“ од Зрењанин

Група балкански ловци на педофили откриле педофил-Македонец од Дубровник, кој преку Фејбук се допишувал со наводно 12-годишно девојче од Зрењанин. Групата Stoppedofiliji редовно објавува комуникација на педофилите со девојчиња зад чии измислени профили стојат ловците на сексуалните предатори, објави 24info.mk.Се работи за Македонец од Гевгелија на привремена работа во Дубровник, а кој со месеци се допишувал со девојчето кое го запознал на Фејсбук и ја терал на блудни дејства. Македонецот на малолетничката и испраќал фотографии од неговиот пенис и пораки со експлицитна содржина и ја наговарал да му испрати свои голи фотографии и слики од гениталиите.Текстот во целост на: 24info.mk

Македонија | пред 7 години

СДСМ реакција: Постапката во РЕК Битола била отворена и завршила со електронска аукција

Криминалните тендери за лично богатење и договорите во четири очи беа главна одлика на раководењето на РЕК од страна на кадри на ВМРО-ДПМНЕ. Очигледно навикнати на таквата пракса, денес ВМРО-ДПМНЕ лаже и измислува непостоечки слуачи, се вели во реакцијата од СДСМ.Не е точно дека за спомената  договорот бил склучен во непосредни разговори, односно во четири очи како што лажно обвинува ВМРО-ДПМНЕ.Како што јавно објави и РЕК Битола станува збор за отворена постапка која завршила со електронска аукција кадешто критериум била најниска цена. Истовремено, условите и критериумите за набавка на услуга или стока, не ги пропишува директорот на РЕК Битола, техничката и комисијата за јавни набавки, составени од стручни лица вработени од РЕК Битола.Дополнително, иако неколку пати беше јавно демнатирано дека фирмата СВ инвест нема никаков деловен однос, нема никаква поврзаност со братот на премиерот и претседател на СДСМ ВМРО-ДПМНЕ продолжува бесрамно да лаже и да ја манипулира јавноста.Тоа само говори во каков очај е западната антинароданата ВМРО-ДПМНЕ. Очигледно е дека ВМРО-ДПМНЕ не може да се помири со одоговорното и домаќинско управување со енергетските ресурси и тоа што од држава зависна од увоз на струја, нашата земја денес продава вишоци на струја и затоа постојано има потреба да лаже и измислува, се вели во реакцијата од СДСМ.

Македонија | пред 7 години

Премиерот Заев на средба со џудистите Берна и Еди Шерифовски

Претседателот на Владата на Република Северна Македонија Зоран Заев, денеска, во својот кабинет ги прими младите спортисти-џудисти, сестрата и братот, Берна и Еди Шерифовски, кои се државни прваци и имаат освоено значајни успеси на балкански, европски и светски првенства.Со младите надежни спортисти, премиерот Заев разговараше за нивната голема љубов кон овој спорт, кој како што истакнаа ги учи на дисциплина, посветеност и почит кон другите.„Како Влада на Република Северна Македонија, обезбедуваме неопходна поддршка за остварување квалитетни спортски можности, воведуваме механизми за обезбедување соодветни услови за тренинзи на спортистите, затоа што спортот е сериозна мотивација за младите луѓе. Истовремено, нивните постигнати резултати ни се многу важни, треба да ги подигнеме на пиедестал и да бидат пример за сите млади граѓани, бидејќи нема поголема афирмација на државата од спортот“, рече премиерот Заев поздравувајќи ги младите спортисти.Младите спортисти, се заблагодарија за срдечниот прием кај премиерот Заев и му ги изложија своите планови за во иднина, потенцирајќи дека кога одат на натпревари каде ја претставуваат својата земја се горди, бидејќи ја чувствуваат поддршката од државата зад себе, што им претставува дополнителен мотив за што подостоинствено претставување на нивната татковина и остварување на високи спортски резултати.Во знак на почит и благодарност, младите спортисти на премиерот Заев му ги подарија своите последни освоени медали за спомен.

Македонија | пред 7 години

Премиерот Заев на комеморативна свеченост - 76 години од депортацијата на македонските Евреи

Претседателот на Владата на Република Северна Македонија, Зоран Заев денеска присуствуваше на комеморативна свеченост што се одржа во Националната установа македонски народен театар Скопје, по повод одбележување на 76 години од депортацијата на македонските Евреи во нацистичкиот логор Треблинка и официјалното отворање на музејската поставка во Меморијалниот центар на холокаустот.Во продолжение, ви го пренесуваме во целост обраќањето на премиерот Заев: Холокаустот е човечка трагедија која не може да се спореди со ниту една друга од мрачната страна на нашата цивилизација. Чин на зло во неговата најужасна форма.Денеска, кога ја одбележуваме 76 годишнината од депортацијата на македонските Евреи во нацистичките логори на смртта, велиме дека тој ужасен чин ќе остане засекогаш запаметен, а сеќавањата на жртвите ќе останат засекогаш наша обврска за – Никогаш повеќе да не се заборави!Во име на сите еврејски жртви и во име на сите жртви од Втората светска војна. Кога ја одбележуваме депортацијата и погубувањето на 7 илјади и 144 македонски Евреи, во логорот Треблинка, и кога им оддаваме помен и на останатите шест милиони невини еврејски мажи, жени и деца, сите ние, сакале или не, се соочуваме со сите овие жртви.Како во огледалата на Музејот на Меморијалниот центар на холокаустот на македонските Евреи, кога нашиот лик станува дел од приказната на сите Евреи. Холокаустот не е само една темна страница од Втората светска војна. Со сиот свој ужас, овој геноцид е предупредување и лекција за сите нас, од сите вери, за сите времиња. Тегобноста од сеќавањето за ова страдање е неискажлива.Тегобно е зашто жалиме за младите луѓе кои никогаш немаа шанса да пораснат. Жалиме за децата кои никогаш не добија можност да одат на училиште или да ги направат своите први чекори.Жалиме за цели семејства кои беа погубени, жалиме за роднините, жалиме за целата еврејска заедница во нашата земја. Жалиме за раните во душите и срцата што преживеаните ги носеа целиот свој живот и за лузните во душите на сите идни генерации.Жалиме и секогаш ќе се сеќаваме...Но, јас денес сакам да кажам дека чувствувам и гнев.Кога размислувам за тоа, чувствувам длабок гнев за антисемитизмот во светот кој уште не е поразен.На антисемитизмот мора да му ја спротивставиме сета моќ на демократскиот свет, и во секоја земја. Омразата мораме да ја соочиме со пораз. Да ја поразиме пред таа да ја порази демократијата.Сите ние треба да продолжиме да го правиме тоа што е потребно. Да одбиеме да им дозволиме на недемократските сили да ја злоупотребуваат демократијата за да ја уништат.Мојата порака секогаш ќе биде: Република Северна Македонија е дом на сите нејзини граѓани, без исклучок. Нашите градови се градови на сите наши граѓани.Улиците низ кои одите секој ден, се ваши улици. Историјата на Република Северна Македонија, е историја на сите наши граѓани. Иднината на сите наши граѓани е иднината на Република Северна Македонија.Нашите сограѓани, Евреите, беа, и остануваат, записи на нашето заедничко постоење, испишани со години и векови на историја и традиција, борба и пркос за подобро утре за сите коишто живеат и живееја на овие простори.Денес, би сакал да им се заблагодарам на Еврејската заедница на Република Северна Македонија и Фондот на Холокаустот од нашата земја. Вие овозможувате да се сеќаваме и да ја паметиме историјата и културата на нашите сограѓани, на нивните предци.Вашата заложба ја прави Северна Македонија побогата и граѓаните на целата земја ви се благодарни за тоа. Токму затоа, од исклучителна важност е отворањето на новата, трајна музејска поставка во Меморијален центар на холокаустот на Евреите од Македонија, што ќе имаме можност да ја посетиме веднаш после оваа комеморација.Ќе ми дозволите да откријам само неколку детали од исклучителната музејска поставка. Само неколку детали што потврдуваат дека без разлика на сите прогони и егзодуси на кои беа изложени, освен што секогаш го носеа сопствениот силен белег на нивната автентична култура, вера и традиција, Евреите секогаш беа и врзивно ткиво на култури и традиции. Така беше и на нашето, македонско тло.Музејската поставка регистрира исклучително занимлив факт: Најстарата синагога во светот, надвор од Израел, е во Стоби, во Северна Македонија. Првите книги на Балканот се печатени во Еврејската печатница, на првата Гутенбергова печатарска преса во Османлиската Империја.Музиката на Евреите се проникна со музиката на македонскиот и балканскиот традиционален фолклор.Кога после освојувањето на Константинопол, султанот на Османлиската Империја повикал на обновување на градот, романиотската Еврејска заедница од Охрид, која се населила во Константинопол, ја гради една од најстарите синагоги во денешен Истанбул, која и денес постои и се вика Синагога Ахрида.Еден од последните преживеани илинденци се викаше Рафаел Камхи, Евреин од Битола. Меѓу оние кои го преживееја прогонот и кои успеаја на 11 март 1943 година да се засолнат за да не бидат однесени во Монополот во Скопје, се оние кои многу бргу потоа се приклучија во Народноослободителната и антифашистичката борба на целиот македонски народ.Генералот Бено Русо, народниот херој Естреја Овадија-Мара, првоборците Жамила Коломонос-Цвета и Роза Камхи Русо, Мориц Шами и Виктор Мешлуам, Алберт Русо, Хаим Садикарио и Нисим Алба, борците Аврам Анаф и Ели Фраџи, Јосеф Песо, Мордо Толедано и Арон Ароести, Естреја Леви и Самуел Садикарио, Алберт Касорла и, АСНОМ-ецот Исак Сион.И други преживеани македонски Евреи се бореа за слободата и за создавањето на македонската држава. Од нив подоцна израснаа идните, денешните генерации на новата Еврејска заедница во нашата земја, кои пред точно 75 години ја обновија Еврејската заедница.Тука Евреите беа прифатени како наши почитувани сограѓани. Евреите беа и останаа почитувани членови на нашата заедница. Во секоја сфера од животот. И денес, кога се навршуваат 76 години од депортацијата на еврејското население, македонските граѓани велат дека никогаш нема да ги заборават своите некогашни сограѓани од Скопје, Штип и Битола.Денеска, нашата сплотеност во осудувањето и сеќавањето на депортацијата на нашите сограѓани во логорот на смртта Треблинка е повеќе од само симболична.Денес ги повторуваме лекциите од минатото, за да го потврдиме изборот за иднината којшто заеднички ја создаваме. Омразата не е наш избор. Различностите, љубовта кон ближниот, почитта кон другиот, поддршката, соработката и пријателството, се вредностите коишто ги прифаќаме со нашите мисли и срца, и ќе ги практикуваме низ нашите дела. Никогаш да не заборавиме што се случи во нашиот град пред 76 години. Да се сеќаваме, за никогаш да не се повтори.Историјата на Холокаустот не е само лекција од минатото, туку е и лекција за иднината. Лекција која треба добро да ја знаеме да се браниме против опасностите и да ги пресретнеме пред време. Лекција која не учи да ја сочуваме човечноста. Да не се случи никогаш да се препуштиме на рамнодушноста за да не го загубиме достоинството, да не се поништиме како луѓе. Нашата должност е да не молчиме.Нашиот силен глас против ужасите на злосторствата против човештвото е наша обврска кон починатите, кон преживеаните и за идните генерации.

Македонија | пред 7 години

(ФОТО) Филипче лично се заложи за здравјето на Милош – херојот кој со магаре оди на училиште

На деветгодишниот Милош, утрово му беа направени потребните здравствени прегледи. Драго ми е што резултатите од електрокардиографијата и ехокардиографијата се во граница на нормала и тој е добар, во стабилна здравствена состојба. Се договоривме за една година повторно да дојде на преглед. Милош ќе расте во здраво дете и ќе биде наш иден спортист, вели министерот за здравство Венко Филипче. *Фотографиите се одобрени од родителИнаку деветгодишниот Милош е детето кое во 21 век со магаре оди на училиште или пешачи по три часа. Милош е  роден со болно срце. Веднаш го однеле на операција во Бугарија. Од тогаш досега, девет години не направил никаков преглед, бидејќи и за тоа требаат пари, велат неговите родители. Денеска на иницијатива на министерот на Милош му беше направен комплетен преглед. 

Македонија | пред 7 години

Претседателот Иванов вратил 11 закони, во кои државното име е Република Северна Македонија

Претседателот Ѓорге Иванов вратил закони чиј указ не го потпишал до Собранието во кои името на државата било напишано Република Северна Македонија, дознава телевизија 24 Вести.Според процедурата, овие закони мнозинството ќе треба повторно да ги изгласа, по што претседателот мора да ги потпише. Иванов претходно одби да го потпише указот за Договорот од Преспа и Законот за јазици иако пратениците го изгласаа по вторпат.Претседателот на Република Северна Македонија, Ѓорге Иванов, не ги потпиша Указите за прогласување на 6 закони донесени на 28.02.2019 година и тоа:– Закон за изменување на законот за оперативно-техничка агенција, закон за ратификација на спогодбата меѓу Владата на Република Македонија и Владата на Романија за соработка во областа на образованието, науката, културата, мас медиумите, млади и спорт, Закон за дополнување на законот за служба во Армијата на Република Македонија, закон за изменување и дополнување на законот за едношалтерски систем и за водење на трговскиот регистар и регистар на други правни лица, закон за изменување и дополнување на законот за електронскиte комуникации, закон за дополнување на законот за продажба и давање под закуп на деловни згради и деловни простории.Претседателот на Република Северна Македонија, Ѓорге Иванов, не ги потпиша и Указите за прогласување на 5 закони донесени на 04.03.2019 и на 06.03.2019 годинаВо исто време, сите официјални документи, печати и логоа, меморандуми, печатените материјали, папки од кабинетот на претседателот Ѓорге Иванов досега немаат сменето име туку се на име претседател на Република Македонија.

Македонија | пред 7 години

,,ТРУСТ”: 4 години и 8 месеци затвор за Кочан, 2 години условна казна за Авировиќ

Четири години и осум месеци затвор за бизнисменот Сеад Кочан, а условна казна за Василије Авироивиќ. Оваа е правосилната пресуда на Апелациониот суд за случајот на СЈО „Труст“.  Според пресудата, делумно се уважени жалбите на обвинетите, бидејќи според првостепената пресуда Кочан беше осуден на шест години, а Авировиќ беше осуден на три години затвор.Инаку двајцата се осудени за добивање на незаконски тендер од 2011 година распишан од државната фирма „Електрани на Македонија“ (ЕЛЕМ) за ископување јаловина и јаглен од рудникот Суводол во Битола.Судскиот процес траеше точно осум месеци и имаше повеќе од 20 рочишта. Кочан и Авировиќ, односно „Трансмет“ и „Силекс неметали“, според СЈО со лажни документи добиле тендер од ЕЛЕМ вреден 17,3 милиони евра. 

пред 7 години

(ВИДЕО) ВМРО ДПМНЕ: СДСМ го клекна земјоделството на колена

СДСМ го клекна земјоделството на колена. Две години по ред земјоделството е во константен пад. Според официјалните податоци на ДЗС, секторот земјоделство, шумарство и водостопанство во 2018 година во однос на 2017 година бележи пад од 5%, откако и во 2017 во споредбено со 2016 година падна за 13.5%. Потенцирам и во 2017 и 2018 година имаме пад во земјоделскиот сектор во Република Македонија, истакна Цветан Трипуновски, член на ИК на ВМРО-ДПМНЕ.Трипуноски додаде:Се повеќе ниви низ државава остануваат необработени. Земјоделците се разочаруваат од лошите политики на власта во овој сектор и се помалку се одлучуваат да се занимаваат со земјоделство.Република Македонија од држава извозник на земјоделски култури, постепено станува увозно зависна.Исто така согласно податоците на ДЗС во 2018 година во однос на 2017 година извозот е намален за 3.7%, додека за истиот период увозот на земјоделските производи е зголемен за 1.1%.На терен ситуацијата е поразителна. Земјоделските производи не се откупуваат и не се извезуваат, а истовремена увозната зависност од храна се зголемува.Земјоделците изгубија надеж. СДСМ две години по ред не обезбеди пласман за земјоделските култури. Илјадници тони земјоделски производи скапаа по нивите и магацините на земјоделците.Голем број на семејства чија единствена егзистенција е извор земјоделието останаа без предвидените примања. Ваквата ситуација ја доведе во прашање и претстојната земјоделска сезона.СДСМ е директниот и единствен виновник за земјоделскиот егзодус кој и се случува на Република Македонија изминативе две години. Денешниве презентирани бројки превземени од официјална државна институција се уште еден показател дека Николовски и Заев две години не направија ништо за земјоделието во Република Македонија. СДСМ нема легитимитет да зборува за земјоделие. СДСМ мора да си замине. Победата на Гордана Силјановска Давкова, ќе биде причина за предвремени парламентарни избори, кои ќе значат крај на владеењето СДСМ во Република Македонија, истакна ветан Трипуновски, член на ИК на ВМРО-ДПМНЕ.

Македонија | пред 7 години

Николовски: Исплатени близу 4,4 милиони евра за субвенции за површини со градинарски култури

Денеска во Валандово, министерот за земјоделство, шумарство и водостопанство, Љупчо Николовски, одржа работна средба со земјоделците од валандовскиот регион. На средбата присуствуваа и посебната советничка за земјоделство, шумарство и водостопанство на Претседателот на Владата на Република Северна Македонија, Ленче Николовска, градоначалникот на општина Валандово, Петар Костадиновски, директорот на ДИЗ, Благој Индов, заменик директорот на АФПЗРЗ, Абдул Селам-Селами и директорот на Управата за водостопанство при МЗШВ, Славе Арсоски и претставници од МЗШВ.Министерот Николовски ги информираше земјоделците со мерките од новите Програми за финансиска поддршка во земјоделството и руралниот развој и за идните политики на МЗШВ за развој на земјоделството. Николовски посочи дека Агенцијата за финансиска поддршка во земјоделството и руралниот развој исплати околу 270 милиони денари или близу 4,4 милиони евра за основната субвенција за површина за градинарски култури на 11.428 земјоделци. При тоа Николовски потенцираше дека праксата за навремена исплата на субвенциите тогаш кога им се најпотребни на земјоделците ќе продолжи во следниот период, како што тоа претходно беше со исплата на субвенциите за грозјете пред почетокот на производствената сезона, за грла добиток и за житните култури.Земјоделците побараа помош од стручната фела во форма на совети во делот на одржување на овошните насади и добивање поквалитетно производство, како и обезбедување на сигурен пласман за земјоделските производи.Министерот Николовски посочи дека Факултетот за земјоделски науки и храна веќе се работи на студија за изградба на откупно-дистрибутивни центри, но и дека преку мерките од новата Програма за рурален развој и од ИПАРД 2 Програмата ќе се создадат можности за инвестиции во преработувачката индустрија за зеленчук и овошје, што е важно за обезбедување на сигурен пласман и решавање на проблемите со вишоците на земјоделски производи.Во однос на прашањата од земјоделците во врска со системите за наводнување во овој регион, Николовски посочи дека денеска после долго време се откочи реализацијата на Програмата за наводнување на јужната долина на река Вардар и дека денеска се потпиша договорот со изведувачот на градежните работи компанијата „Штрабаг“, за реализација на втората фаза од овој проект., кој што е од исклучително значење за продуктивноста на земјоделското производство во валандовскиот регион.Николовски ги информираше земјоделците дека оваа година ќе се започне со реализација на одобрените проекти за локалните патишта, кои се важни за пристап до обработливото земјоделско земјиште.Денешната средба со земјоделците од валандовскиот регион, е дел од серијата работни средби што изминатиов период се одржаа и во другите региони, а ваков тип на отворени средби со земјоделците се планирани и за следниот период.

Македонија | пред 7 години

Во моментот се хоспитализирани 19 возрасни и 18 деца со морбили

Согласно најновите податоци од Универзитетската клиника за инфективни болести и фебрилни состојби, во текот на вчерашниот ден биле прегледани тројца пациенти со симптоми на морбили, од кои двајца возрасни пациенти се амбулантски прегледани и пуштени на домашно лекување, а една пациентка е хоспитализирана на клиниката. Станува збор за 29-годишна пациентка од Скопје, без податок за вакцинален статус.На Инфективната клиника во моментот се хоспитализирани 19 возрасни и 18 деца со морбили, односно вкупно 37 пациенти со морбили. Еден пациент се наоѓа во потешка состојба на одделот за интензивно лекување.Согласно податоци од Институт за јавно здравје, во периодот од 02.03 до 08.03.2019 година се пријавени вкупно 83 сомнителни случаи на мали сипаници, додека од почетокот на епидемијата во Скопје, вкупно се регистрирани 493 случаи на мали сипаници.Од почетокот на епидемијата, вкупниот број вакцинирани лица во Скопје е речиси 10 илјади лица, додека вкупен број вакцинирани лица на возраст до 14 години со МРП вакцина од почетокот на епидемијата во државата изнесува 15.151 лице. Високиот одзив на вакцинацијата ќе придонесе за кревање на колективниот имунитет.Инаку, во текот минатата недела во Институтот за јавно здравје се пријавени 2.678 случаи со симптоми на грип, што е за 16,5% намалување во споредба со една недела пред тоа. Вкупниот број заболени од грип оваа сезона изнесува вкупно 15.201 лица.

Македонија | пред 7 години

Нема фотографија

По Берлинале, филмот „Господ постои, името ѝ е Петрунија“ доаѓа во кино „Милениум“

Градското кино „Милениум“ на 15 март ќе биде домаќин на македонската премиера на филмот на Теона Стругар Митевска, „Господ постои, името ѝ е Петрунија“, кој беше единствен наш претставник во официјалната конкуренција на Берлинскиот филмски фестивал. Ова остварување веќе ја освои светската филмска критика и доби две престижни награди на реномираната манифестација:Ecumenical Award и Guild Film Prize. На премиерата во „Милениум“, режисерката Стругар Митевска ќе има и свое обраќање пред скопската публика.Првата награда, Ecumenical Award се доделува за да се оддаде почит кон оние уметнички дела што сведочат за моќта на филмот во откривањето на мистериозните длабочини на човекот. Втората награда со која се закити е Guild Film Prize, која ја доделуваат членови на жири комисија, кои се дел од Асоцијацијата на германската уметничка кинематографија AG Kino – Gilde e.V, а воедно се и менаџери на арт-кина.Пофалните зборови за овој македонски филм не застанаа тука. Одличен одзив од публиката и критиката на овогодишното издание на Берлиналето имаше и главната актерка Зорица Нушева. Во филмот се појавуваат и Стефан Вујисиќ, Петар Мирчевски, Симеон Мони Дамевски и други.Билетите за македонската премиера чинат 150 денари.

Магазин | пред 7 години

(ВИДЕО) Локвенец: МВР и Спасовски денес го враќаат угледот и довербата во полицијата

ВМРО-ДПМНЕ е навиканто од Министерството за внатрешни работи да создава механизам за уцени, закани и конструирање на случаи против политичките неистомисленици и затоа чесната, професионалната и одговорната работа на МВР за нив е непозната категорија, истакна пратеникот од СДСМ и коалицијата, Хари Локвенец во своето обраќање на 86. Седница на Собранието на Република Северна Македонија, велат од СДСМ.- Токму министерот Оливер Спасовски е тој кој што година и половина од кога е министер работи на тоа министерството и полицијата да ги врати во вистинската насока . Ако во минатото полицијата служела за одмазди и закани, за режирани апсења и случаи, за заташкување на кривични дела и за изборни нерегуларности,со што угледот на полицијата беше уништен, а граѓаните ја изгубија довербата во институциите, денес се работи за владеење на правото и функционирањето на правната држава.- рече пратеникот Локвенец Локвенец истакна дека интерпелацијата за Спасовски е неоснована и е крајно несериозен потег на опозицијата.- Денес на неполни две години од доаѓањето на оваа влада се променија многу работи. Денес знамето на НАТО се вее пред македонската влада, денес не се зборува за меѓуетнички конфликти и дестабилизирачки сценарија, туку за глобални безбедности предизвици и справување со нив, зборуваме за успешноста на реформите, а не за злоупотреба на институциите. Сето тоа е напредок, а не уназадување - заклучи Локвенец.

Македонија | пред 7 години

Велешанец под истрага за силување на поранешната сопруга

Основното јавно обвинителство Велес донесе Наредба за спроведување на истражна постапка против едно лице на возраст од 32 години поради постоење на основано сомневање дека сторил кривично дело – Силување од чл.186 ст.1 од Кривичниот законик.Имено, осомничениот на 09.03.2019 година, ја присилил на обљуба својата поранешна сопруга. Тој ја чекал оштетената во влезот од зградата каде таа живее и кога ја отклучила влезната врата од својот стан, ја фатил за раката и насилно ја внесол во дневната соба. Потоа ја турнал на креветот, ја влечел за коса и ја стегал за вратот, велејќи и дека ќе има сексуален однос со неа „милум или силум“. Кога оштетената одбила да се соблече, осомничениот и ја скинал кошулата и извршил обљуба врз неа, совладувајќи го нејзиниот отпор изразен во удари со нозете по градите и рамената.Имајќи предвид дека по извршеното кривично дело осомничениот го напуштил своето живеалиште и бил отсутен се до следниот ден, можноста поради заедничкото дете да стапи во контакти со оштетената и да влијае врз истата или да го повтори кривичното дело, до судија на претходна постапка на Основен суд Велес е доставен предлог за определување на мерка притвор против осомничениот. Предлогот на надлежниот јавен обвинител е прифатен, па на осомничениот му е изречена мерка притвор во траење од 30 дена. 

пред 7 години

Нема фотографија

Приведен 54 годишен битолчанец – во домот му пронашле пиштоли и куршуми

СВР Битола поднесе кривична пријава против А.Ј.(54) од Битола поради постоење оснвои на сомнение за сторено кривично дело „недозволено изработување, држење и тргување со огнено оружје или распрскувачки материи“. На 08.03.2019 во Битола полициски службеници извршиле претрес во домот на пријавениот, при што пронашле и одзеле два пиштоли, од кои едниот „ЦЗ“ калибар 6, 35 милиметри, а другиот непозната марка со калибар 6,35 милиметри, две рамки и осум куршуми.Судија на претходна постапка на А.Ј. му одредени мерка притвор во траење од 30 дена.

Македонија | пред 7 години

Нема фотографија

Обидувајќи се да избегне контрола на билет, го турнал контролорот во ЈСП, кој се здобил со тешка телесна повреда

На 10.03.2019 околу 13.50 часот во СВР Скопје било пријавено дека на автобуска постојка на булевар „Партизански oдреди“, при излегување од автобус на ЈСП, М.Џ.(32) од Скопје, обидувајќи се да избегне контрола на билет, го турнал В.С.(43) од Скопје, контролор во ЈСП, кој се здобил со тешка телесна повреда, На В.С. му била укажана лекарска помош во Градска општа болница „8-ми Септември“. М.Џ. бил повикан во Полициската станица Карпош и со него бил извршен разговор. Се преземаат мерки за целосно расчистување на настанот.

Скопје | пред 7 години

Нема фотографија

Кај Струмичани пронајдено оружје, двајцата лишени од слобода

На 09.03.2019 во 00.10 часот во Полициската станица Струмица од слобода биле лишени Ц.Т.(27) и А.Т.(25), двајцата од Струмица.При преглед на А.Т. полициски службеници пронашле и одзеле пиштол „Застава М – 57“ калибар 7,62 милиметри и еден куршум калибар 7,62 х25 милиметри, а при преглед на Ц.Т. биле пронајдени и одземени две рамки за пиштол марка „Застава М – 57“ калибар 7,62 милиметри и 13- куршуми калибар 7,62 х25 милиметри. По целосно документирање на случајот против лицата ќе биде поднесена соодветна пријава.

Македонија | пред 7 години

Малолетници лудуваат во Тетово и после полноќ

Ноќта на 09/ 10.03.2019 полициски службеници на Секторот за внатрешни работи Тетово спровеле акциска контрола во 11 угостителски објекти (ТЕ-6 и ГВ-5), лоцирани во централните подрачја на Тетово и Гостивар, за откривање на угостителите кои овозможуваат престој на малолетници по 24 часот и послужување со алкохолни пијалоци.Притоа, во објект на улица „Илинденска“ биле затекнати три женски малолетни лица кои конзумирале алкохол, додека во три гостиварски објекти на улица „Живко Брајковски“ и „Беличица“ биле затекнати 14 малолетници кои престојувале по 24 часот, а четири од нив конзумирале и алкохол. По  целосно документирање на случаите, против сопствениците на угостителските објекти ќе бидат поднесени соодветни поднесоци.

Македонија | пред 7 години

Повредена 70 годишна жена учесник во сообраќајна несреќа

На 10.03.2019 околу 10.40 часот на регионалниот пат Скопје – ХЕЦ „Козјак“ се случила сообраќајна незгода помеѓу патничко возило „Опел корса“ со скопски регистарски ознаки, управувано од Д.Ј.(70) од Скопје и непознато возило управувано од непознато лице, кое по незгодата го напуштило местото на настанот. По судирот, возилото „Опел корса“ удрило во бетонска ограда и притоа со тешки телесни повреди се здобила Д.Ј., која со возило на Итна медицинска помош била пренесена во Градската општа болница „Свети Наум Охридски“ каде и била укажана лекарска помош.Извршен бил увид на местото и се работи на расчистување на случајот.

Македонија | пред 7 години

Се роди најголемото бебе во Македонија

На Универзитетската Клиника за Гинекологија и Акушерство – Скопје, минатиот месец, се родило најголемото бебе во државава.Станува збор за момченце, тешко 5.700 г. и 55 см должина, објавија од гинекологија.Породувањето го водел лекарски тим. При приемот на пациентката направена е комплетна евалуација и проценка од докторите за големината на плодот како и карличните мерки на пациентката.Мајката одбрала породувањето да биде по природен пат.

Македонија | пред 7 години

ВМРО ДПМНЕ обелодени сомнеж за огромен криминал во РЕК Битола

Повторно, огромен скандал од редовите на СДСМ и Владата на СДСМ. И повторно, сомнеж за испумпување пари на граѓаните и сомнеж за огромен криминал во РЕК Битола.Замислете, фирмата СВ Инвест која беше поврзувана во тесни релации со братот на Зоран Заев, Вице Заев доби тендер во 4 очи, повторувам, тендер во 4 очи, помеѓу фирмата СВ Инвест и Васко Ковачевски како директор на РЕК Битола од редовите на СДСМ, за ангажирање на помошна механизација за потребите на РЕК Битола во вредност 53 милиони денари, односно над 800.000 евра, пари на граѓаните, истакна на денешната пресс конференција Димче Арсовски, Портпарол на ВМРО-ДПМНЕ.Најпрвин го затворија Советот за јавни набавки за да можат да склучуваат тендери во 4 очи, практично тоа им беше всушност она „живот за сите“.Еве вака на овој начин, парите на граѓаните завршуваат во фирмите блиски до СДСМ и фамилијата на Зоран Заев и целиот овој криминален картел на власт.Во месец јули РЕК Битола објавила јавен тендер со првични критериуми кој подоцна претрпел поништување во критериумите, односно наместо првично како што се барало телескопски чистач на транспортни ленти со моќност од 80KW и референца од фирмите апликанти, за изработка на целиот тендер, после поништувањето на критериумите, преку истиот предмет на набавка се бара телескопски чистач со моќност од 100KW, односно зголемена е границата и не се бара референца од фирмите кои што треба да бидат носители на тендерот, односно ова поништување на критериумите отвора сомнеж за елиминирање на други потенцијални изведувачи на тендерот и објавување на критериуми кои одговараат единствено на фирмата СВ Инвест. Со ова практично се овозможило СВ Инвест да се јави како носител на тендерот и многу полесно да го добие целиот тендер.Дали со овој потег Васко Ковачевски и СДСМ ја ограничиле конкуренцијата и влијаеле кој да го добие овој огромен тендер?Дали со ова Васко Ковачевски влијаел тендерот кој го склучил во 4 очи да го добие фирмата СВ Инвест, практично за која претходно и самиот Васко Ковачевски имаше изјави дека таквата фирма не работи во РЕК Битола?Дополнително, претходно во 2017 година фирма која го добила тендерот за истата намена имала цена од 3800 денари за 1 час работа на тој телескопски чистач, додека пак сега, истата фирма која тогаш работела за таа цена, сега им ги изнајмува машините и е подизведувач на СВ Инвест, а СВ Инвест е носител на тендерот и цената која што РЕК Битола ја плаќа на СВ Инвест за истата работа од претходно е 4290 денари за 1 час работа, односно дури 500 денари повеќе.Почитувани, ова е еклатантен пример на испумпување на народните пари. Криминалниот картел на власт најелегантно ги граби, ги краде парите на граѓаните од државните институции. Ова лудило мора да прекине и криминалците од власта мора да одат во затвор.Овој можен случај на криминал мора уште веднаш да биде истражен од надлежното Јавно обвинителство и ги охрабруваме веднаш да отворат случај и да ги истражат сите можни сомнежи. Веднаш потоа сите одговорни да сносат одговорност и да одговараат пред лицето на правдата, истакна Димче Арсовски, Портпарол на ВМРО-ДПМНЕ. 

Македонија | пред 7 години

Овозможени дијагностички генетски анализи на наследни болести на сметка на Фондот за здравствено осигурување

Министерството за здравство и Фондот за здравствено осигурување овозможи анализите за молекуларна дијагностика на наследни болести да бидат опфатени во листата на услуги покриена со средства на ФЗО. Станува збор за седум услуги побарани од Медицинскиот факултет (одделите  факултет и МАНУ.-Со оваа новина овозможуваме рана и брза дијагностика на наследните болести и на малигните заболувања. На овој начин ќе помогнеме за рана детекција на болестите, што ќе значи и побрза реакција во поглед на методите на лекување. Порано за овие испитувања плаќаа самите пациенти, а отсега ќе плаќаат само партиципација за услугата. Овие испитувања се високоспецифични и секако за нивно спроведување треба да се има соодветен упат од клиниките, откако нема да може да се дојде до дијагноза со стандардните процедури, изјави министерот за здравство, д-р Венко Филипче.Методите НГС (Next Generation Sequences) се спроведуваат во МАНУ од 2012 година и со нив се овозможува дијагностика на голем број болести, вклучително и на ретките болести. Со нив таргетирано се секвенционира панел со 4.800 гени поврзани со ретките и со малигните болести.-На овој начин ја намалуваме потребата за испраќање на пациентите во странство за дијагностика, а во исто време се забрзува времето на реакција кај пациентите, додаде Филипче.Анализите кои ќе се финансираат од ФЗО досега ги чинеа пациентите од 45 до 100 илјади денари.

Македонија | пред 7 години

Нема фотографија

Се реконструира улицата Брадфордска во Карпош

Екипите на Град Скопје работат на реконструкција на улицата Брадфордска во Козле – општина Карпош, која ќе се обнови на вкупна должина од 200 метри на потегот од крстосницата со булевар Митрополит Теодосиј Гологанов до крстосницата со улица Козле. На терен ќе биде извршена целосна реконструкција на коловозот со вкупна површина од околу 2,500 метри квадратни, како и тротоарска површина од 273 метри квадратни. Градоначалникот Шилегов денеска изврши увид во градежните работи на оваа улица, која речиси секојдневно ја користат граѓаните кои живеат или работат на територија на Карпош и околината.- Градот Скопје со почетокот на градежната сезона ги интензивира градежните активности на градските сообраќајници. Се наоѓаме на улица „Брадфордска“ која веќе десет години е раскопана и со денивелација на шахтите и е голем проблем за Скопјани. Овде во практика може да се види и новиот комунален ред што го воспостави Град Скопје, а тоа е компаниите на отворен повик да се пријават за извршување на прекопи, бидејќи потоа нема да биде дозволено. Очекувам во наредните денови да се интензивираат градежните активности и до крајот на месецот да имаме целосно реконструирана и побезбедена улица за сите учесници во сообраќајот – рече Градоначалникот Шилегов.Шилегов истака дека Град Скопје со интензивната градежната сезона ќе продолжи во наредниот период со реконструкција и проширување на повеќе булевари и улици.Реконструкцијата на улицата Брадфордска е предвидено да заврши до крајот на овој месец, а Градот Скопје за овој зафат ќе потроши околу 5,3 милиони денари. Поради градежните активности, на улицата ќе биде воведен привремен режим на сообраќај.Град Скопје апелира до сите учесници во сообраќајот да се придржуваат на привремено поставениот сообраќаен режим, да ја почитуваат поставената патна сигнализација и брзината на движење да ја приспособат на условите на патот. 

Скопје | пред 7 години

Со меѓународен здравствен правилник навремен јавноздравствен одговор при природни катастрофи

Министерот за здравство, д-р Венко Филипче денеска се обрати на работилницата на Светската здравствена организација, посветена на процесот на заедничка надворешна евалуација на Меѓународниот здравствен правилник, усвоен од Генералното собрание на СЗО. Со Меѓународниот здравствен правилник земјите членки се обврзуваат да преземат мерки и активности во однос на превенција, контрола и навремен јавноздравствен одговор при меѓународно ширење болести.„Важноста на брзата детекција, и координиран мултисекторки пристап во одговор ја видовме и во одговорот на природните катастрофи во Македонија, како што беа поплавите во 2016 година. Оваа година како и повеќе земји од регионот и Европа се соочуваме со епидемија на мали сипаници.Министерството за здравство, Комисијата за заразни болести, Институтот за јавно здравје, Министерството за труд и социјална политика, овие три месеци, Република Северна Македонија успешно се справува со епидемијата од морбили (мали сипаници), која е прогласена во Скопје и три други здравствени региони. Во оваа епидемија можевме да ја тестираме важноста на постојаната комуникација и координација меѓу институциите, од една страна, како и комуникацијата на ризикот со населението од друга. Можам да истакнам дека добро и координирано постапивме во оваа ситуација на епидемија. Одзивот на вакцинацијата е навистина голем, граѓаните ја разбраа пораката дека со неа го штитиме нашето здравје и го креваме колективниот имунитет“, посочи министерот Филипче.Република Северна Македонија ги следи препораките на Светската здравствена организација во борба со антимикробната резистентност и континуирано презема мерки за кревање на свеста преку предавања, организирање стручни конференции и креирање јавна кампања за обука на населението за рационална употреба на антибиотици, а дополнително, се врши мониторинг како земја членка на CAESAR мрежата, како и EUCAST методологијата, со цел имплементирање нови методи.„Министерството за здравство, максимално беше ангажирано и ажурно кога се случи страшната сообраќајна несреќа, пред еден месец на автопатот Скопје- Тетово, кај селото Ласкарци. За 15 минути беше активиран целокупниот здравствен систем и здравствените работници направија се за да ги спасат животите на тешко повредените. Мобилизирани беа специјалисти од земјава и искористени ресурсите од повеќе јавни и приватни здравствени установи, како што се: екипите од болницата „8 Септември“, Ургентниот Центар, Клиничката болница во Тетово и возилата за итна медицинска помош од Здравствениот дом во Скопје и од приватните болници „Систина“ и „Неуромедика“. Во мултисекторски пристап Министерството за здравство со Министерството за внатрешни работи и противпожарната единица успешно се мобилизираа и ги активираа сите капацитети. Посебно сум горд што во вакви тешки моменти покажавме координираност, подготвеност, стручност и професионалност“, истакна министерот.Воедно, беше посочено дека имплементирањето на Меѓународниот здравствен правилник е регулирано со посебен член во Законот за јавно здравје. Овој правилник поставува нови барања и обврски за земјите членки на СЗО, кои треба да развијат способност за откривање, верификација, известување и точност на информациите. Меѓународниот здравствен правилник е многу ефикасен инструмент за јакнење на врската, меѓу системите за следење на состојбите и воспоставување брзи механизми на реакција, а прифаќањето на правилникот, и постапувањето според неговите препораки, претставува клучен глобален инструмент за заштита од интернационално проширување на заболувањата.

Македонија | пред 7 години

Средба на премиерот Заев со израелскиот министер Елкин, најавена е поддршка за интеграциите

Претседателот на Владата на Република Северна Македонија, Зоран Заев, денеска се сретна со Зеев Елкин, министер за Ерусалим и заштита на животната средина на Израел.На средбата е изразена поддршка за позитивните промени во нашата држава, реформските процеси, градењето клима на доверба меѓу граѓаните, напредокот во воспоставувањето добрососедски односи. Поздравена е изразената храброст и успехот на политичките процеси важни за евро- атлантските интеграции. Во таа насока поддржани се отворените НАТО интеграции на Република Северна Македонија и европските аспирации на државава. Заеднички е констатирано дека сето тоа овозможува дополнително продлабочување на економските односи помеѓу Република Северна Македонија и Израел. Разговарано е и за изразениот интерес од Владата во Израел за подлабока економска соработка со нашата држава како и за поддршка во интеграциските процеси.-Очекуваме до крајот на годината да станеме 30. земја членка на НАТО и да ги отвориме пристапните преговори со ЕУ со цел полноправно членство во Унијата. Овие процеси за граѓаните и за државата значат стабилност и безбедност, но и економија. Импактот, влијанието врз економијата, од овие процеси е веќе видлив. Странските инвеститори се позаинтересирани за инвестирање во Република Северна Македонија. Во нашата држава се присутни компании од Израел и наша определба е да се развие економската соработка, рече премиерот Заев.На средбата се разговараше за можноста за подлабока соработка во областа на земјоделството, туризмот, за примена на искуства од Израел на полето на технологијата, за реализацијата контакти со бизнисмени од двете земји, со цел дополнително мотивирање на соработката.Израелскиот министер Елкин се заблагодари на премиерот Заев за поддршката во одбележувањето на 76-годишнината од депортацијата на Евреите, што се одбележува денеска во Скопје, за одржувањето на значењето на Меморијалниот центар на холокаустот во Скопје, на Ерусалимската патека кај еврејските гробишта во Битола. Премиерот Заев констатираше дека Република Северна Македонија и Израел се пријателски земји коишто немаат отворени билатерални прашања и дека низ почитта на културата и традицијата меѓу двете земји, односите може само да се развиваат.

Македонија | пред 7 години