Нема фотографија

(ВИДЕО) Силна експлозија уништи неколку куќи во Хаг, голем број луѓе се заробени под рушевините

Силна експлозија уништи неколку куќи во Хаг во Холандија, известуваат локалните медиуми. Се стравува дека голем број луѓе се заробени под рушевините.https://twitter.com/r0eland/status/1089547811845222400?ref_src=twsrc%5Etfw%7Ctwcamp%5Etweetembed%7Ctwterm%5E1089547811845222400&ref_url=https%3A%2F%2Fwww.telegraf.rs%2Fvesti%2Fsvet%2F3027547-horor-u-hagu-snazna-eksplozija-unistila-nekoliko-kuca-strahuje-se-da-je-veliki-broj-ljudi-zarobljen-ispod-rusevinaЕксплозијата се случила денес, а според портпаролот на протовпожарната бригада причина за истата е најверојатно гас.Жителите на околните куќи се евакуирани, бидејќи постои опасност од рушење на целиот блок, пренесуваат локалните медиуми.https://twitter.com/RedactieD8/status/1089543090157834240?ref_src=twsrc%5Etfw%7Ctwcamp%5Etweetembed%7Ctwterm%5E1089543090157834240&ref_url=https%3A%2F%2Fwww.telegraf.rs%2Fvesti%2Fsvet%2F3027547-horor-u-hagu-snazna-eksplozija-unistila-nekoliko-kuca-strahuje-se-da-je-veliki-broj-ljudi-zarobljen-ispod-rusevina

Свет | пред 7 години

Две лица се заканувале со пиштол и го одзеле дневниот промет во спортска обложувалница

На 26.01.2019 година околу 21,05  часот  во Скопје во спортската обложувалница на ул. „Маџари“ две лица со закана со пиштол го одзеле дневниот промет.Се преземаат мерки за расчистување на случајот.

Скопје | пред 7 години

Миленко околу евентуалната кандидатура на Силјановска за Претседател

Миленко Неделковски на својот Фејсбук профил објави статус во кој вели дека Гордана Силјановска не може да биде репрезент на ВМРО-ДПМНЕ во трка за Претседател на државата.“Бидејки во оптек е и шпекулацијата дека професорката Гордана Силјановска ќе се кандидирала во трката за претседателски кандидат на ВМРО ДПМНЕ, значи ќе му биде конкурент на Влатко Ѓорчев, со време да ги соопштам своите погледи:Гордана Силјановска не може да биде репрезент на ВМРО ДПМНЕ во трка за Претседател на држава, бидејки во најголемиот дел од својата работа (близина со Фрчкоски, министер на Црвенковски, лидер на професорски пленум против образовните реформи на ВМРО...) а и бидејки опкржувањето и другарите на нејзиниот сопруг адвокатот Благоја Давков се се‘ ВМРО-мрзачи: Слободан Богоевски, Зоран Божиновски Луди Милојко, Зоран Жоро Димитровски, Павле Трајанов... Со евентуалното влегување во Претседателската палата на Сиљановска, внатре за период од 5 години ќе се улогорат џандарските гниди Павле Трајанов и Слободан Богоевски. Овие сознанија не ми се од сега, за што приложувам своја колумна од пред точно 4 години. Доколку не ви се чита целата, еве неколку извадоци што се во врска со потенцијалниот “Фрст Хазбнд“:- “Блајоја Давков е сопруга на Професорката Гордана Силјановска која во пакет со Билјана Ванковска се “збунија“ пред Александар Палас“.- “Слободан Богоевски, Павле Трајанов и Благоја Давков се во секојдневна, долгогодишна, блиска дружба со Зоран Димитровски Жоро“.- “На заеднички состанок во скопскиот кафе бар ,,Еспресо,, со неа, Димитровски не повика мене (Зоран Божиновски) и неговиот ,,гарантор,, Благој Давков (сопруг на професорката Гордана Силјановска Давкова!). Димитровски бараше од Наташа Јанчиќ, за темите кои кои ќе ги објавува да се консултира со мене, а да биде консултиран и Благоја Давков, како негов човек од доверба. Му требаше мојата архива и темите кои постојано доаѓаат до мене, а Давков на сето тоа требаше да дава правно толкување““, стои во објавата на Фејсбук.

Македонија | пред 7 години

(ВИДЕО) Мицкоски: Утре ќе поднесеме барање во парламентот Зоран Заев да си поднесе неотповиклива оставка и да се формира техничка влада

Денеска Извршниот и Централниот комитет на ВМРО-ДПМНЕ, разговараше и ја анализираше актуелната политичка и економска ситуација во Република Македонија, изјави Христијан Мицкоски.„Практично сите оние случувања во Република Македонија беа разгледувани на маса, сите можни сценарија во иднина беа антиципирани и врз основа на тоа донесе неколку заклучоци. Би сакал дел од нив да ги споделам со македонската јавност, се разбира преку вас медиумите.Имено за што станува збор, Македонија никогаш како што е сега не била по поделена, ниту по политички, ниту по партиски, ниту по национален, ниту по граѓанска основа. Македонското општество во овој момент се наоѓа во можеби најтешката ситуација од осамостојувањето на Република Македонија, поради сите оние погрешни политики кои што владата на СДСМ и Зоран Заев ги водат речиси две години. Сето она кое што се случува претставува порази, разочарувања, недостоинствени прифатени предлози, никакви реформи во економијата, нула реформи во здравството, катастрофални реформи во образованието, осиромашување, пљачкосување на македонската држава, иселување, крајна разочараност, демотивација, деморализирање на граѓаните на Република Македонија, без разлика на нивната етничка и партиска национална припадност.Она што денеска Извршниот комитет на ВМРО-ДПМНЕ, но потоа и Централниот комитет на партијата го потврди е дека утре во текот утрешниот ден пратеничката група на ВМРО-ДПМНЕ, пратениците на ВМРО-ДПМНЕ и Коалицијата „За Подобра Македонија“, ќе поднесат во парламентот барање веднаш Претседателот на владата Зоран Заев да си поднесе неотповиклива оставка, формирање на техничка влада. И истовремено ќе поднесе иницијатива за распуштање на парламентот и организирање на предвремени парламентарни избори, заедно со претседателските избори, на исти трошок за сите оние тези кои што ги имаше Зоран Заев и јуришниците околу него да бидат изведени на површина и да ја видиме вистинската нечестита намера на Зоран Заев и СДСМ“, вели Мицскоски.Тој додаде дека во минатото биле обвинети дека наводно барале избори, а  молеле Бога да не ги добијат изборите, еве сега ќе има можност тој, СДСМ, но и владеачката коалиција, владиното мнозинство да одлучат и да прифатат или да го одбијат предлогот на ВМРО-ДПМНЕ во рамките на следните неколку дена, па граѓаните на Република Македонија да видат кој е за, а кој е против предвремени парламентарни избори ,кој бара, а кој моли Бога истите да не ги добие.„ВМРО-ДПМНЕ сака да го спречи пеколниот план за уништување на Република Македонија и за уништување на Македонецот во Македонците од Зоран Заев и групата околу него. Знам дека денеска веднаш по завршување на оваа прес конференција, до ова обраќање до граѓаните на Република Македонија, ќе излезе кујната за лаги и манипулации на Зоран Заев и ќе кажува дека ова се некакви мрачни сценарија итн.Но, јас повторно ќе кажам ние имаме детална анализа на тоа што се случуваше, целосна антиципација на тоа што ќе се случува. Македонија практично под владение на СДСМ и Зоран Заев престанува да постои и затоа на денешната седница на Извршниот и Централниот комитет беа изнесени сите информации и сите факти кои што ги имаме како раководство и како политичка партија со кои што располагаме.Бараме веднаш Зоран Заев да си поднесе неотповиклива оставка, формирање на техничка влада, и веднаш организирање на предвремени парламентарни избори заедно со претседателските. Имаме време и за реформи, имаме време и за сето она што Зоран Заев не го направи изминатите речиси две години, но исто така тоа ќе биде можност да ги корегираме сите грешки кои што Зоран Заев и владата на СДСМ од секаква природа ги направија изминативе две години“, изјави Мицкоски.

Македонија | пред 7 години

(ФОТО) Овчарот од Пухче сака да ја жени Јелена Спенџарска, доста ти е шетање,ке бидам среќен дека сум те исправил по правиот пат да бидеш домаќинка

Марјан Трајчев од село Пухче, Штип пред неколку години стана познат на јавноста откако се јави во “Канал 5” да побара помош за љубовниот живот.Тој вели дека сака на неговата идна избраничка да и купи се што ќе посака, нема ништо да и недостасува, единствен услов е да биде домаќинка. Тој чува 300 овци и е вреден човек.Тој тогаш кажа дека на неговата идна избраничка нема ништо да и недостасува, а едниствен услов е таа да биде домаќинка.Но, по неколку години тој е без жена. Доказ за тоа е што сега преку „Фејсбук“ предложи брак на водителката Јелна Спенџарска која своевремено го интервјуираше.https://www.facebook.com/marjan.trajcev/posts/2003203106467939„Јелена, имам некој јак осет дека ваа година свадба ќе правеш сигурно, а кој ке биде среќнико нека биде ама ваа година е твоајта година, време ти е јеленче не ти мислам лошо.Озбилно, сестра ти помала од тебе ожени се, и ти ќе се оженеш, хахаха ке биде по мое, куќа ќе гледаш, деца, ќе чуваш ,доста ти е шетање,ке бидам среќен дека сум те исправил по правиот пат да бидеш домаќинка., Милена е помала од тебе ама како се ожени коку и е поубав живото“, вели Марјан а во продолжение може да ја прочитате целата понуда:

Магазин | пред 7 години

Фрлени 60 тони сол на улиците во Општина Кисела Вода

„Општина Кисела Вода изврши целосно расчистување на снегот и мразот од улиците, тротоарите, автобуските постојки и пристапните патеки до основните училишта и градинки на својата територија.Општината досега фрли околу 60 тони сол. Доколку во периодот што следува има нови снежни врнежи локалната самоуправа подготвена е да се справи со истите“, велат од Општина Кисела Вода.

Скопје | пред 7 години

СДСМ: ВМРО-ДПМНЕ и Мицкоски да одговорат за скандалот со пензиите и штетата врз 12.000 граѓани

Наместо празни прес конференции ВМРО-ДПМНЕ и Христијан Мицкоски пред граѓаните треба да одговорат за скандалот со непрефлањето на средства во вториот пензиски столб за 12.000 граѓани, осигуреници и идни пензионери со што им ги загрозиле пензиите, велат од СДСМ.„На околу 12.000 осигуреници уплатените придонеси не се распределувале пари во вториот пензиски столб, иако ги исполнувале законските услови за тоа.Со тоа директно им се скратило правото на околу 12.000 лица да остварат пензија во целост и дитектно ги оштетиле.Тоа е начинот на функционирање на ВМРО-ДПМНЕ.Додека Хидро Мицкоски водел бизнис со хидроцентрали и го советувал својот шеф Никола Груевски, на граѓаните им биле кратени пензиите и загрозена исплатата на пензиите во целост.Мицкоски и ВМРО-ДПМНЕ мора да дадат одговор за овој скандал и неправда врз 12.000 граѓани.Владата предводена од СДСМ ќе го санира и овој проблем наследен од криминалната ВМРО-ДПМНЕ, ќе биде исправена неправдата кон сите оштетени граѓани, а одговорните за овој скандал мора да понесат одговорност“, се наведува во соопштението.

Македонија | пред 7 години

Нема фотографија

(ВИДЕО) Колариќ: 4 милиони евра ќе се издвојат за плати на 700 партиски војници, а само 1,5 милиони евра за аерозагадувањето

Додека цела влада и градот Скопје годишно издвојуваат 1.5 милион евра за борба против загадувањето на воздухот, а само градот Скопје ќе издвојува 4 милиони евра за вработување на 700 партиски војници, изјави Светлана Колариќ од ВМРО-ДПМНЕ.„Значи 4 милиони евра од градската каса ќе се издвојат за плати на 700 партиски војници кои ќе се запослат во две градски претпријатија , а цела власт издвојува само 1.5 милиони евра против загадениот воздух во цела држава.Кога станува збор за удовство и за партиско вработување Шилегов се покажа и дека не жали средства. А кога се разболуваат и умираат луѓе поради енормното загадување во државата се носат површни и паушални краткорочни мерки.Видлива изборна манипулација и вистински фалсификат е обидот да бидат вработени 700 партиски војници во изборна година. Овие пари наместо за корумпирање на гласови нека се насочат кон нови мерки против загадениот воздух.Само по најмали врнежи од снег Скопје изгледа како Сибир, а улиците како да паѓало снег со години, и при најмал дожд се поплавуваат сите сообраќајници, а комуналната хигиена е на најниско можно ниво за кое што не памтат граѓаните на градот“, вели Колариќ.Таа додаде дека Шилегов пред да дојде на власт кажувал дека градската администрација и јавните претпријатија се преполни, а истото го кажува и во оваа година и пол.„Ветуваше дека нема да има партиски вработувања. Но, за оваа една година и 4 месеци не запира со преполнување на администрацијата.ВМРО ДПМНЕ, предлага парите предвидени за неефикасно и вештачко полнење на јавна администрација да се пренасочат веднаш кон нови мерки, мерки кои што загадувањето ќе се доведе до прифатливо ниво кое што нема да доведе до заболување и умирање кај луѓето. За сметка на ова ќе има и поздрави и посреќни деца во Градот Скопје.Доколку сака Шилегов може да го стори ова, затоа што и тој постојано вели ова е план и истиот не значи дека ќе се реализира.Го замолувам Петре Шилегов да се одважи од партиските наредби и да застане на страна на оние кои го гласаа за градоначалник, во спротивно нека замине навреме“, изјави Колариќ

Македонија | пред 7 години

Министерство за здравство го правда лошиот ПР на Филипче

По низата критики упатени на социјалните мрежи кон министерот за здравство, во кои тој се критикува дека бара сите деца да се вакцинираат со МРП вакцина, а при вакцинацијата на неговата внука се прави измама, на иглата има капаче, се огласи министерството за здравство.Од таму тврдат дека Информациите на социјалните медиуми дека министерот за здравство Доц. д-р Венко Филипче ја вакцинирал неговата внука Илина од МРП вакцина е лажна вест!Во соопштението од министертвото објаснуваат дека : На социјалната мрежа Фејсбук, министерот Филипче објави информација и фотографија како ја вакцинира внуката со вакцина од редовниот календар на имунизација, со цел со неговиот личен пример да и покаже на јавноста дека вакцинацијата е вистински чекор во заштита од заразните болести.„Мојата внука е мала, и не може да биде вакцинирана од МРП вакцината. Но, јас како дел од здравствените работници ги уверувам сите граѓани дека вакцините се безбедни. Процесот на вакцинација е апсолутно безбеден, и тоа е вистинска инвестиција во здравјето на децата. Демантирам дека иглата при вакцинацијата била со капаче. Станува збор за еден адаптер кој се надоврзува на шприцот. Поради тоа на фотографијата не се гледа иглата на вакцината“, изјави министерот Филипче.Од министертвото уште апелираат граѓаните да ги проверуваат вестите кои се пласираат во дел од медиумите, бидејќи според нив станува збор за лажни вести. 

Скопје | пред 7 години

Драма во Штип: Синот ја нападнал сопругата, а потоа и неговиот татко кој се обидел да ги раздели

На 27.01.2019 година во 05,20 часот во Полициска станица Штип Д.Д.(46) од Штип пријавил дека околу 03,30 часот на улица "Панко Брашнаров" во Штип настанала расправија  помеѓу неговиот син С.Д.(26) и неговата сопруга Р.Д.(34) по што С.Д. физички ја нападнал Р.Д. При обидот пријавителот да ги раздели, С.Д. физички го нападнал и него.Се преземаат мерки за расчистување на случајот.

Македонија | пред 7 години

Ахмети до Нимиц: Дојде денот драг Мет да ти речам, бидна!

„Дојде денот, драг Мет да ти речам бидна“- пишува во писмото што претседателот на ДУИ Али Ахмети му го испратил на долгогодишниот медијатор во спорот за името Метју Нимиц, а по  ратификацијата на Договорот од Преспа во грчкиот парламент.„Во 2012 година, еден мој голем американски пријател ми сугерира да отпатувам во Соединетите Американски Држави, веднаш по пропаѓањето на тогашните напори за решавање на спорот со името со Грција.Му ветив дека откако ќе ја завршиме изборната битка за локалните избори следната година, ќе направам напори да отпатувам преку океанот.На почетокот на мај 2013 година, стигнав во Вашингтон каде имав серија на официјални средби, но и средби со истакнати американски дејци по однос на прашањата за Југоисточна Европа.Моите соговорници во Стејт Департментот, во Конгресот, во Пентагон и во Белата Куќа ми рекоа дека мојот американски пријател им го порачал следново: Послушајте го Али затоа што тој е многу загрижен штом решил да дојде до тука. И навистина, ме слушаа со внимание.Потоа отпатував за Њу Јорк, на средби со британската, американската и француската мисија при ООН, за да ја завршам мојата посета на САД со средбата што ја имав со тебе, драг Мет.Охрабрувајќи те да ги продолжиш напорите кон решение, тој ден ти реков дека ќе влезеш во историјата, дека ќе се паметиш како човекот кој што изгаси едно големо кризно жариште, овозможи мир, сигурност, стабилност и иднина за мојата земја.Еве каде сме денес, победници. Можеби истрошени, но победници. Посветени низ годините и невремето, но драг мој пријателе, се заврши и оваа работа.Ние сме се среќавале често и двајцата никогаш не го изгубивме нашиот фокус за да го тргнеме овој тежок камен од нашите плеќи, ова силно стегнато јаже околу нашите вратови што не држеше во заложништво скоро три децении.Како што кажа и ти самиот, кога се постигнува компромис, ниту еден не излага танцувајќи, но јас се чуствувам комотен со постигнатите резултати и сум уверен дека овој историски договор ќе ги постави темелите на взаемната доверба и добра воља и ќе им служи добро и на Скопје и на Атина на патот кон заедничката иднина.Заедно го постигнавме овој видлив успех кон нашата цел за да ја интергрираме земјата во НАТО и во Европската Унија. Но, пред нас останува предизвикувачки пат на кој што ние остануваме целосно посветени преку заедничко делување одлучно да ја браниме слободата и заедничките вредности за човечките слободи и права, демократијата, солидарноста и владеењето на правото.Ова е навистина вековно постигнување и огромен напредок, но имаме се уште работа пред нас за да го наречеме целосен успех. Тоа ќе го кажеме кога ќе се построиме рамо до рамо со нашите сојузници при големото евроамериканско семејство на НАТО.  Јас знам дека ти ќе бидеш со нас и во тој момент, и во тоа достигнување.Сакам да ти се заблагодарам многу за твоето инсистирање и за целосната поддршка низ сите овие години кон конечното завршување на овој спор помеѓу два соседи. Твојата посветеност комбинирана со истрајноста и разбирањето на околнистите во нашите две земји придонесе кон овој позитивен резултат. Изразувам благодарност и до Генералните Секретари  на ООН за нивната посветеност и придонес низ годините.Пишав долго пријателе мој затоа што јас, во ова патешествие, го следев мојот преродбенички завет за припадност кон западот, додека ти ги следеше човечките вредности прегрнати од страна на светските демократии и сметам дека двата наши поттици беа целосно компатибилни и совпадливи.Дојде денот драг Мет да ти речам, бидна!Ти посакувам многу здравје и семејна среќа,Претседател на Демкоратската унија на Албанците Али Ахмети“, стои во писмото.

Македонија | пред 7 години

Пронајдена почината 81-годишна жена во Битола

На 26.01.2019 година  во СВР Битола, Н.С.(35) од Битола пријавила дека се сомнева дека Ј.Т.(81) која живеела сама на улица „Партизанска“ во Битола е почината, бидејќи не се јавува на мобилен телефон и не ја отвора вратата. По овластување на Јавен обвинител влезено е во станот при што лицето е пронајдено починато.Смртта е констатирана од лекар од Итна медицинска помош. По наредба на Јавен обвинител телото на починатата ќе биде дадено за обдукција.

Македонија | пред 7 години

Нема фотографија

Разбојници го одзеле дневниот промет на безнзинска пумпа во Скопје

На 26.01.2019 година околу 18.15 часот е пријавено дека на бензиска пумпа на ул. „Македонска Косовска Бригада“ во Скопје две непознати лица со закана извршиле разбојништо и ги одзеле парите од дневниот промет и мобилен телефон.Се преземаат мерки за расчистување на случајот.

Скопје | пред 7 години

Од 1 јули - 15 проценти повраток на ДДВ за секој граѓани, со секоја фискална сметка

Од 1 јули за секоја фискална сметка, ќе има 15 проценти повраток на ДДВ за секој граѓанин, најави премиерот Зоран Заев.“Од 1 јули го стартуваме концептот повраток на ДДВ, односно од секоја издадена фискална сметка секој граѓанин ќе има 15% повраток на средствата. Проекцијата е дека најмалку 150 милиони евра годишно ќе се вратат назад кај граѓаните. Ова е само почеток на економските мерки, не застануваме тука. Ги враќаме парите назад кај граѓаните”, изјави премиерот Заев на трибината во Велес со наслов „Силна економија – шанса со сите“.Доста е политика и политиканство, потенцира Заев. Македонија има капацитет и тоа мора да го искористи, да овозможи луѓето достоинствено да заработуваат и да живеат, младите да не си одат.„Ветувам и храброст и одважност. Ќе правиме економија за достоинствен живот на граѓаните. Мора да имаме економски задоволни граѓани. Со сите политики, со стабилизирани финансиски аспекти, со пријатели по целиот свет, со фондови од ЕУ, и тоа како ќе го подигнеме стандардот. Најавувам храбри одлуки. Ве повикувам да ме следите. Да работиме сите, министри, администрација, општини. Ова наше парче земја да го направиме достоинствено место за живеење", истакна Заев на трибината „Силна економија, шанса за сите".

Македонија | пред 7 години

СДСМ: Криминалните политики на ВМРО-ДПМНЕ го урнисаа здравствениот систем

ВМРО-ДПМНЕ преку лажни наоди и невистини очајно се обидува да внесува неоснована паника меѓу граѓаните, велат од СДСМ.„Токму погубните криминални политики на ВМРО-ДПМНЕ го урнисаа здравствениот систем и ги поразија правата на пациентите.Негрижата кон граѓаните, криминалните тендери и сомнителниот паралелен увоз на лекови придонесе да се загуби довербата на граѓаните кон здравството.Хаосот што ВМРО ДПМНЕ го создаде во здравството донесе катастрофални последии а резултираше и со над 15 илјади невакцинирани деца да има за само 11 години.Сега се тоа тоа се менува, со вистински политики на Владата предводена од СДСМ и Министерството за здравство се враќа довербата во здравството, се унапредува здравствениот систем и правата на пациентите.Епидемијата е под контрола, се увезуваат квалитетни вакцини и лекови. За само еден месец вакцинирани се околу 4 400 деца. Подигната е свесноста на јавноста дека вакцинацијата е неопходна кога станува збор за болест како морбили.Владата предводена од СДСМ продолжува да спроведува мерки што се во интерес на граѓаните, што го унапредуваат здравство и ги подобруваат условите за работа на медицинскиот персонал“, се наведува во соопштението.

Македонија | пред 7 години

МЗШВ работи на изнаоѓање решение за исплата на лозарите за предаденото грозје

„Министерството за земјоделство, шумарство и водостопанство внимателно ги разгледува  сите можности од правен аспект како и на кој начин државата може да помогне и да интервенира лозарите во најкус рок да си ги добијат парите за предаденото грозје во винарницата  „Поварадие“ и „Гарланд Агрофуд“- (Стефанс винарија), кои што имаат долг кон лозарите за предадено грозје во 2015 и 2016 година.Паралелно МЗШВ, е во постојна комуникација со раководството на „Поварадие“ и стечајниот управник на „Гарланд Агрофуд“- (Стефанс винарија), со цел да се најде начин за исплата на лозарите. Воедно, веќе се иницирани и соодветни законски измени за да лозарите бидат заштитени.На состанокот што минатата недела се одржа во МЗШВ заедно со претставници од „Повардарие“, стечајниот управник на „Стефанс винарија“, лозарите, градоначалниците и пратениците од Тиквешкиот регион, министерот за земјоделство, шумарство и водостопанство, Љупчо Николовски, децидно порача дека лозарите мора да ги добијат парите за предаденото грозје во овие винарници во најкус можен  рок.Во сабота (02.01.2019) во Кавадарци, министерот Николовски ќе има средба со лозарите од тиквешкиот регион, за да се разгледаат и останатите предлози на лозарите за поддршка и развој на оваа земјоделска гранка“, велат од Министерство за земјоделство, шумарство и водостопанство.

Македонија | пред 7 години

Нема фотографија

МЗ: Состојбата на пациентите кои се заразија со морбили е под контрола, преземени се сите мерки за да се спречи ширење на епидемијата

Здравствената состојба на пациентите кои се заразија со морбили (мали сипаници) е под контрола, преземени се сите можни мерки да се спречи понатамошно ширење на епидемијата, реагираат од Министерството за здравство на прес-конференцијата на ВМРО-ДПМНЕ.„Катастрофалната состојба која ја затекнавме беше предизвикана токму од негрижата на здравствените власти во тек на 11 години и биланс од над 15 илјади невакцинирани деца со МРП вакцината и тоа само во Скопје.Заради комплетно изгубена доверба во јавното здравството, паралелен увоз на лекови и негрижа од здравствените власти, епидемијата на морбили која беше искоренета во нашата земја, повторно се врати.Вакцините со погрешна деклацаија, но со правилен рок на траење, се повлечени од Здравствените домови и како налага Законот мора да се уништат. Со повлекување на вакцината од Здравствените домови повикувајќи се на Законот за лековите и медицинските средства, согласно член 106 став 1 точка 5, оваа вакцина се смета за лек кој не е за употреба. Затоа МАЛМЕД донесе решение да се уништат количините од оваа вакцина.Вакцинацијата е една од врвните придобивки на современата медицина во светот, а не причина за партиски препукувања. Вакцините се со одличен квалитет и се комплетно безбедни за употреба.Нашата посветеност, позитивните кампањи за вакцинациија, како и гаранциите дека вакцините се безбедни, со рок на траење и проверен квалитет овозможи да имаме околу 4 400 вакцинирани деца за околу еден месец, што е одличен успех.Ја подигнавме свесноста на јавноста дека вакцинацијата е неопходна кога станува збор за болест како морбилите (мали сипаници). Сите препораки, известувања и апели и сите мерки за заштита на населението се преземени навреме иако, во спротивно досега ќе имавме и смртни случаи“, велат од Министерство за здравство.

Македонија | пред 7 години

Нема фотографија

(ВИДЕО) Стоилковски: Шекеринска, Спасовски, Николовски и Царовска користат службени возила вон работно време за приватни средби

СДСМ ја поистоветува државата со партијата. Прави класична злоупотреба на државни ресурси за партиски цели. Граѓаните им ги плаќаат возењата и партиските состаноци тука во седисштето на СДСМ на партиските фунцкионерите на СДСМ, вели Наум Стоилковски од ВМРО-ДПМНЕ.„Радмила Шекеринска, Оливер Спасовски, Љупчо Николовски и Мила Царовска, кои се министри во владата на партиски состанок доаѓаат со службени возила.Шекеринска, Спасовски, Николовски и Царовска незаконски користат службени возила вон работно време и за приватни средби.Според тоа што беше објавеното во медиумите, министрите не беа единствени кои што користеа службени возила и се превезуваа за партиски потреби, злоупотреби имаат направено и од голем број на директори и други избрани и именувани функционери од оваа партија.Ова не е правна држава. Дали граѓаните на Република Македонија се должни да го плаќаат приватниот превозот и приватните партиски состанови на СДСМ?Дали е ова департизацијата на администрацијата која што ја ветуваа и за која зборуваа на цел глас?Злоупотребата на државни возила за партиски цели е врв на партизација на државата. Ова покажува дека СДСМ не прави разлика помеѓу партијата и државата.СДСМ мора да одговори, колку ги чини граѓаните еден состанок на ЦО на СДСМ, во смисла на возила, шофери, гориво и амортизација на возилата кои што се наплаќаат од Буџетот од граѓаните на Република Македонија.Злоупотребата на државните ресурси е уште една причина СДСМ да си замине од власт“, изјави Стоилковски.

Македонија | пред 7 години

Царовска: На 12.000 идни пензионери не им се префрлале законските придонеси во вториот столб

Темелните анализи на пензискиот систем што ги направи Министерството за труд и социјална политика со Меѓународните финансиски институции за првпат после цели 12 години, открија неправилности во распределувањето на придонесите за дел од идните пензионери. Со ова на 12.000 осигуреници им е направена скандалозна неправда во иднина да остварат повисока пензија.Со последните законски измени ја исправивме оваа неправда, за што обезбедивме 19 милиони евра од Буџетот на РМ, пари со коишто ќе ги обесштетиме корисниците. Сите документи кои беа дел од анализата ќе бидат предадени на Основното јавно обвинителство на понатамошна истрага, изјави министерката за труд и социјална политика, Мила Царовска на денешната прес-конференција.„Она што го откривме е дека за околу 12.000 осигуреници уплатените придонеси останале само во државниот пензиски столб, односно за нив воопшто не се распределувале средства во приватниот (втор) столб, иако ги исполнувале законските услови за ова. На овој начин директно им се скратува правото на овие луѓе да остварат пензија во целост. На пример, за осигуреник со просечна плата во период од 2007 до 2018 година вкупно остануваат нераспределени околу 295 илјади денари придонес во вториот пензиски столб. Односно, изгубени се околу 95 илјади денари добивка од инвестирање на индивидуална сметка со што ние ќе ги обештетиме со околу 400 илјади денари по корисник“, рече Царовска.Овие пари ќе се уплатат на приватните пензиските друштва каде што ќе се распределат на корисниците. За секој осигуреник ќе се направи парична уплата за целиот изминат период за кој што не му се распределувале придонесите и тоа во целост.Како последица од погрешни политики на претходната Влада и ад хок покачувања на пензии надвор од законската рамка, за 10 години во Фондот за ПИОМ е направена дупка од 15 милијарди денари. Од 1 јануари 2019 година стапија на сила пакетот на закони со кои ја менуваме структурата на двостолбниот пензиски систем и придонесуваме за намалување на овој дефицит.Министерството за труд и социјална политика во соработка со надлежните институции и приватните пензиски друштва и понатаму продолжува со активности и нови законски решенија за стабилизирање на пензискиот фонд. Наша цел е да обезбедиме стабилна исплата и континуиран раст на пензиите, без при тоа да се замрзнуваат и да се зголемува старосната граница за пензионирање.

Македонија | пред 7 години

ЦИВИЛ: Омразата како политичко и идеолошко оружје не смее да се толерира!

„Во чест на 27 јануари, Меѓународниот ден на сеќавање на Холокаустот, ЦИВИЛ – Центар за слобода, како организација за човекови права и слободи, ја реафирмираат Резолуцијата 60/7 на Обединетите нации и повикува на достоинствено одбележување на овој датум во јавноста, медиумите и институциите. На Холокаустот мора да му се даде заслуженото место во јавноста, образованието и политиките со кои се промовираат мирот и човековите права и слободи.На овој ден, ние се приклучуваме кон глобалната комеморација на шест милиони жртви кои беа систематски и брутално убиени од нацистичкиот режим и неговите колаборационисти и квислиншки режими. Холокаустот е лекција за човештвото дека омразата и насилството кон различните се погубни за човештвото.ЦИВИЛ уште еднаш нагласува дека антисемитизмот, расизмот, национализмот, ксенофобијата, омразата врз верски основи се меѓусебно поврзани и се дел од деструктивните тенденции во светот и кај нас. Поделбите и омразата против различните води кон насилство и злосторнички дела од омраза. Омразата врз етнички, верски и расни основи е заснована врз идеологии што ги оправдуваат и поттикнуваат и хомофобијата, дискриминацијата на жените, социјално ранливите категории и низа други.ЦИВИЛ ги реафирмира повиците во целост да се почитуваат одредбите на Резолуцијата 60/7 на Обединетите нации и при ревизијата на учебниците и наставните програми, соодветно да биде застапен и Холокаустот. Тоа ја подразбира и обврската на државата да развие едукативни програми во кои ќе биде застапен Холокаустот, со цел да се спречат идни злосторства и геноцид во светот.Во духот на споменатата Резолуција, како и основните документи на ЦИВИЛ, го користиме овој ден и како повод уште еднаш најостро да ги осудиме сите манифестации на нетолеранција, национализам, говор на омраза и насилство врз основа на етничка, верска или расна припадност, социјално потекло, политичка афилијација, сексуална ориентација или било каква друга припадност или определба.Општество во кое се молчи за Холокаустот и во кое антисемитизмот на одделни поединци и групи се оправдува е општество во кое владее страв и деструкција. Општество во кое омразата и насилството поминуваат неказнето не може да оди напред. Омразата како политичко и идеолошко оружје не смее да се толерира“, стои во соопштението од ЦИВИЛ.

Македонија | пред 7 години

Комеморативна церемонија по повод Меѓународниот ден на сеќавање на Холокаустот

Утре, (понеделник, 28 јануари 2019 год.), во 18:30ч, во Македонската филхармонија, министерот за надворешни работи на Република Македонија, Никола Димитров и амбасадорката на Сојузна Република Австрија во Република Македонија, Ренате Коблер, ќе бидат домаќини на комеморативна церемонија по повод 27 јануари – Меѓународниот ден на сеќавање на Холокаустот.На церемонијата, покрај министерот Никола Димитров, обраќања ќе имаат и претседателката на Еврејската заедница во Република Македонија, Берта Романо-Николиќ, амбасадорот во Министерството за надворешни работи на Австрија и специјален претставник на Австрија во Меѓународната алијанса за сеќавање на Холокаустот (ИХРА), Томас Мајкл Бајер и амбасадорот на Италија во Република Македонија, во име на тековното италијанско претседателство со ИХРА, Карло Ромео. По официјалниот дел, ќе следи концерт на дуото Тимна Брауеr & Елиас Меири (клавир и гитара) од Виена, со изведба на еврејски песни.Република Македонија традиционално го одбележува Меѓународниот ден на сеќавање на Холокаустот. Оваа година, на иницијатива на австриската амбасада во Скопје, комеморативната церемонија се организира заеднички и ќе биде збогатена со гости од Виена. 

Магазин | пред 7 години

Вчера примени вкупно 6 нови заболени од морбили, две деца во потешка здравствена состојба

Во текот на вчерашниот ден на Клиниката за инфективни болести и фебрилни состојби примени се вкупно 6 нови заболени од морбили, а уште тројца амбулантски се прегледани, со јасна клиничка слика на морбили (мали сипаници).„Од Клиниката информираат дека ова е бран на ново заболени, по што очекуваат бројката да се зголемува. Епидемијата од морбили се шири во некои од градовите во внатрешноста на земјава. Две деца се во потешка здравствена состојба и за што постои можност да бидат поставени и на апарати за дишење. Здравствената состојба на детето со церебрална парализа кое беше во потешка состојба, значитело е подобрена. Исто така, подобрена е и постабилна состојбата и на 8 годишното девојче кое има астма и се заразило со морбили и варичела. Во моментов, на Клиниката за инфективни болести и фебрилни состојби има вкупно 24 пациенти со морбили (мали сипаници).Министерството за здравство информира дека денеска (27 јануари 2019 година) до 13:00 часот вакцинирани се вкупно 4 345 деца со МРП вакцини.За да се спречи ширењето на епидемијата на морбили во Скопје, во сите Универзитетски Клиники донесена е одлука за ограничување на посета на пациентите, односно да се забрани посета на пациенти кои лежат на клиниките се до крајот на траењето на епидемијата.Апелираме до родителите да ги почитуваат препораките на Министерството за здравство. На трите пунктови во поликлиниките „Јане Сандански“, „Бит-пазар“ и „Ѓорче Петров“ има дежурни лекари секој работен ден од 19.30 часот до 7.30 наутро, а за викендите се на располагање 24 часа во текот на денот. Во работните денови, родителите треба децата прво да ги однесат на матичен лекар. На овие три места ќе се вршат комплетни прегледи со лабораторија на децата чии родители ќе се посомневаат дека можеби се заболени од морбили (мали сипаници). Доколку лекарите утврдат дека е потребно, пациентите ќе ги упатуваат на Клиниката за инфективни болести и фебрилни состојби. Апелираме до сите родители, кои ќе забележат или ќе се посомневаат на првите знаци на болеста, висока температура, децата прво да ги однесат на овие три пунктови.Министерството за здравство ја потсетува јавноста дека сѐ уште е на сила наредбата дека децата, кои се невакцинирани нема да бидат примени во детските градинки, со цел да се спречи ширењето на епидемијата прогласена во Скопје. Децата од училишна возраст задолжително да се вакцинираат ако не се вакцинирани или примиле само една доза од вакцината МРП. Сите здравствени работници што од кои било причини не се вакцинирани или не се сигурни во својот вакцинален статус, да го направат тоа во најбрз можен рок. Напоменуваме сите превентивни мерки и препораки против ширењето на болеста да се сфатат сериозно и без отстапки.Апелираме до сите родители да ги вакцинираат своите деца со МРП вакцина, која е висококвалитетна и ефективна, а производител е GlaxoSmithKline од Белгија.Вакцините кои се аплицираат во сите здравствени домови се со проверен квалитет, од европски производител и имаат добар рок на траење“, велат од Министерство за здравство.

Македонија | пред 7 години

Нема фотографија

Кирацовски: Да ја градиме Македонија како едно општество преку меѓусебно помагање и разбирање

По повод празникот Свети Сава, генералниот секретар на Социјалдемократскиот сојуз на Македонија Александар Кирацовски, упати честитка до сите припадници на српската заедница во Македонија и до сите граѓани кои го слават денешниот празник.„Во име на Социјалдемократскиот сојуз на Македонија и во мое име упатувам срдечни честитки за денешниот празник Свети Сава на сите вас кои го празнувате и ви пожелувам добро здравје и мирен и квалитетен живот.Непроценливото богатство на традиции, вредности и различности што во себе го носи Македонија, ја прават посебнна држава со која се гордееме.Нека различностите, меѓусебното разбирање и помагање што ги негуваме ни бидат поттик секојдневно да ги подобруваме условите за живот, да ја градиме Македонија како едно општество на еднакви, слободни и среќни граѓани.Со тоа, даваме пример и на идните генерации да ја почитуваат традицијата на меѓусебни односи и културни особености како универзална вредност на нашата држава.Имајте убав празничен ден“, порача Кирацовски.

Македонија | пред 7 години

ВМРО-ДПМНЕ: Признанието на Филипче дека не ја вакцинирал внуката е доказ дека СДСМ си поигрува со здравјето на граѓаните

Венко Филипче призна дека има партиски вработувања во здравството. Срамно и недозволиво е лекари и медицински персонал, кој треба да се грижи за животот и здравјето на граѓаните, наместо за својата стручност да се вработува заради партиската книшка, се вели во реакцијата на ВМРО-ДПМНЕ на интервјуто на Филипче.„Обезбедување на квалитетен здравствен систем е обврска систем е обврска на државата и право на граѓаните загарантирано со устав. Никој, па ниту Филипче и СДСМ не смеат да си поигруваат со здравјето на граѓаните.Филипче и СДСМ создадоа вистински хаос во здравството. СДСМ од позиција на опозиција создаде недовреба кон вакцините за ситни политички поени, а сега незнаат како да го решат хаосот кој сами го создадоа.Признанието на Филипче, дека не ја вакцинирал внуката од морбили која е премногу мала, но ја однел пред камери дека се вакцинира со цел медиумски да ги излаже граѓаните е уште еден доказ дека СДСМ си поигрува со здравјето на граѓаните.Филипче и СДСМ си поигруваат со граѓаните. Филипче и СДСМ мора да си заминат пред штетите врз здравствениот систем да бидат преголеми“, стои во реакцијата.

Македонија | пред 7 години

ГДУ: Потребно е да се стави крај на почитичко-тендерскиот плурализам

Додека владината коалиција размислува и анализира, за можноста да имаме парламентарни заедно со претседателските избори, а нивните удобни „опозиционери" во лицето на ДПМНЕ одамна се изјаснија за избори „две во едно“, македонските граѓани секојдневно се разочаруваат од политиката, велат од Граѓанско Демократска Унија.„За потсетување би го споменале фактот дека Мицкоски уште пред да започне процесот со уставните промени, спомна дека очекува и ќе бара парламентарни заедно со претседателските избори.Истовремено двете монопол партии, заедно со нивниот вечен „тендер“ ортак во лицето на ДУИ, исклучително брзо се договорија за финансирањето на партиите од буџетот на државата кој ќе не чини 4.5 милиони евра годишно.За составот на ДИК и ред други државни институции, им се потребни неколку состаноци, каде за секунда удобно ги сместуваат своите партиски јуришници на стабилна државна издршка.Но никако не успеваат да се договорат за промена на изборниот модел, за разбивање на политичкиот монопол и за создавање на политичка конкуренција. Упорно вкопчани како пијавици во човечката кожа, години на ред манипулираат со оваа тема.Ги надградија своите политички ставови до  издигање на консензуални кандидати за претседател, за кое не е важно колку е способен, каков потенцијал има и за каква визија би се залагал, едноставно е потребно да биде одобрен од владините партнери и тоа е доволно.И на крајот сите се чудиме зошто почитуваниот британски неделник „Економист" не позиционира во друштвото на земји со „хибриден режим". Ние и оваа година ќе бидеме сведоци на нон-пејпари и одлагање на датумот за започнување преговори со ЕУ итн. Со 4.5 милиони евра од нашите даноци, со „консензуални-наместени натпревари", со изборен модел од минатиот милениум, со списоците од партиски вработувања, со непрочистен избирачки список и ред други класично балкански методи на правење политика, што друго  да очекуваме освен позиција на „хибриден режим", а Европската комисија да ни соопшти дека изостануваме во реформите?!Многу брзо заборавија на паролата „нема правда, нема мир", бројчаникот го заменија со железни опинци а непотизмот и другите лоши пракси ги презедоа од своите предходници.Почитувани сограѓани, време е да се стави крај на овој политичко-тендерски плурализам, за кој на крајот ние ја плаќаме сметката, а повратокот од ДДВ уште е имагинација“, се вели во соопштението. 

Македонија | пред 7 години