Мицкоски присуствуваше на Светата литургија по повод чествувањето на Католичкиот Божиќ

Претседателот на ВМРО-ДПМНЕ, г. Христијан Мицкоски  вечерва присуствуваше на  Светата литургија по повод чествувањето на Католичкиот Божиќ во Католичката црква „Пресвето Срце Исусово“ во Скопје.Мицкоски на  Светата литургија по повод најголемиот христијански празник Раѓањето Христово – Божиќ беше придружуван од  членот на Извршниот Комитет на ВМРО-ДПМНЕ, Владимир Ѓорчев.Исто така на литургијата вечерва присуствуваа претседателот на државата Ѓорге Иванов, вицепремиерите Бујар Османи и Кочо Анѓушев, пратеникот Влатко Ѓорчев, заменик градоначалникот на Скопје Енвер Малиќи...

Македонија | пред 7 години

Поради врнежи од снег се воведуват забрани за тешки товарни возила на повеќе патни правци

Сообраќајот на државните патишта се одвива тековно по влажни коловози.„Поради врнежи од снег и засилен северен ветер од превентивни причини се воведуват забрани за тешки товарни возила. На патните правци Крак-Маврово-Дебар, Крак-Стража и патниот правец Битола-Ресен и обратно, на превојот Ѓавато.На одредени патни правци кои поминуват низ клисури и усеци можна е појава на поситни одрони“, велат од Македонијапат.ЈП Македонијапат апелира на внимателно возење и прилагодување на брзината спрема условите на патот.

Македонија | пред 7 години

Реалноста на Скопје, од надвор свети, од внатре жално и бедно

Една слика,  илјада зборови. Ова  е реалноста која владее во Скопје. Од едната страна се лицата кои питачат, а од другата луксуз и украси во вредност од 13 милиони денари.Граѓаните велат дека украсувањето не е начин на славење. Нова Година треба да се слави со честитки, а не со украси, велат тие. Други пак велат дека приоритет е животот и безбедноста на бездомните деца, а дури потоа едномесечното задоволство од елката и светилките што ги „заслепуваат“ сиромашните граѓани. Парите што се фрлаат за украси, требаше да се инвестираат против заградувањето на воздухот и инфраструктурата или да им се помогне на социјално загрозените категории, велат граѓаните.„Ова е ништо, три четири дена, една недела и завршува. Ќе беше многу подобро да се донираа во хуманитарни цели“, изјави граѓанин.Неколку граѓани бараат дури и повеќе, тие не се задоволни со украсувањето на градот.260 илјади евра потроши град Скопје за украсување на градот за новогодишните празници. Според договорот за украсување, се предвидува во центарот на Скопје елка од 20 метра, како и украсување на 20 улици, булевари и други јавни површини. Меѓу овие точки на договорот, се спомнува и плоштадот Филип Втори. Според договорот, на фонтаните пред црквата св.Димитрија требаше да се постават светилки во форма на елка. Но, продавачите што се секојдневно тука велат дека овој плоштад  воопшто не е украсен.„Овој дел од градот, нема украси, мислам овој дел преку мостот не е украсен. Светилките исто така не работат навечер“, изјави продавач.Украси нема ниту во паркот „Жена Борец“. Според договорот, на бандерите требаше да има светкави топки и на борчињата и грмушките да има светкави мрежи. Првата фаза од договорот опфаќа украсување на одредени места, а рокот беше до 5 декември. Втората фаза од договорот опфаќа отстранување на поставените украси и декорации до 25.01.2019.

Скопје | пред 7 години

(ВИДЕО) Екс командирот на ПС Кочани мете во затворска ќелија со осуденици кои ги наместил да лежат робија

На социјалните медиуми е објавено видео, за кое се тврди дека лицето кое е снимено како мети ќелија е екскомандир на Полициската станица во Кочани. Објавувачот на видеото вели дека лицето кое мети ги наместил затворениците да лежат затвор.„Уште една снимка од бившиот кочански командир на ПС Кочани како мете.... Вано, јас и Ангелчо Кралов кога те шамаревме во опатија и ти кажавме дека шамари јадеш поради правда за дечките што ги намести во Детонатор случајот не ме веруваше!!!П.С Началниче јас сега ке направам некоја глупост што фаќа затвор до 6 месеци и ќе влезам кај што си ти.... а натаму ти мисли му ја, има бааги кофи со вода во затворот во Струмица, јас ќе ги носам кофите со мојата инвалидска количка, твое е да внимаваш и да не се сопнеш - бидејќи ќе се удавиш“, пишува под објавеното видео на социјалната мрежа Фејсбук.https://www.facebook.com/blagojco.gorgiev.3/videos/2361607150535006/

Македонија | пред 7 години

(ВИДЕО) Во с.Белица, Кичевско најмилите животинчиња си одат кај мештаните на гости

Во с.Белица – Кичевско на нивната официјална страница споделија видео каде срниче слободно оди и јаде во домот на домаќините, пишува.Вистинска реткост е да се погледне ваква работа говори еден од мештаните, бидејќи овие животинчиња се нежни и мили и треба долго време да стекнат ваква навика..https://www.facebook.com/belica.mk/videos/2394343663970961/

Македонија | пред 7 години

Пресметал колку вреди работата на неговата сопруга низ дома

На еден блог кој го води извесен Стивен, осамна текст, кој го обиколи светот. Причината за тоа е што многу луѓе, всушност, се пронаоѓаат во него!„Размислував, но никако не можам да си дозволам дадилка и домашна помошничка… Мојата жена е принудена да ја остави работата и во целост да се посвети на куќата и детето. Го храни, му менува пелени, го теши кога плаче… но тоа е само почеток!Да, таа е мајка и природно е да се грижи за своето дете, но размислете колку пари мора да дадат мајките кои, поради работата, не можат!“Стивен дури и пресметал колку на годишно ниво би чинело се` што неговата сопруга извршува:Просечна заработка на дадилка – 705 долари неделно, 36.660 годишно.Чистење на куќата – 50 до 100 долари секој пат, или 5.200 годишно.Купување намирници – 65 долари секој пат, 4 пати неделно, или 13.520 годишно.Готвење – 240 долари неделно, 12.480 годишно.Финансиски помошник (располагање со буџет, плаќање сметки) – 15 долари на час, 5 часа неделно, 3.900 долари годишно.Организација на собирање на семејството – семејни ручеци и др – 75 долари на час, 4 часа, 3 пати годишно, вкупно – 900 долари годишно.Перење облека – 25 долари неделно, 1.300 долари годишно.Вкупната сума годишно изнесува 73.960 долари!„Чувствувам срам, бидејќи некое време ништо немам купено за неа. Се чувствувам неугодно бидејќи таа цело време мислеше дека премногу троши и сите наши приходи ги фрла залудно“.„Таа ме сака мене и нашиот син, секако без никаква парична надохнада! Меѓутоа, мораме да замислиме за тоа дека нивната работа објективно вреди многу повеќе.“„На овој чуден начин, сакав да изразам длабока почит. Таа вреди повеќе од секој скапоцен камен на светот.“

Магазин | пред 7 години

Едно бегство ја крена Македонија на нозе, а „Фчерашни новости“ ги обедини опозицијата и власта

Едно бегство ја крена Македонија на нозе. А, додека сите го бараат избеганиот папагал, караванот си врви. Сепак, додека трае оваа потрага, само едни вести успеаја да ги обединат и опозицијата и власта, и тоа – пародични вести. Да, во последната епизода на „Фчерашни новости“ можевте да видите и политичари од власт и од опозиција, и пејачи и актери, и водители и новинари, дури и претседател на Собрание.И Љубомир Фрчковски и Илија Димовски, па и Талат Џафери, имаат една молба – Томе врати се. Доколку сте меѓу оние малкумина што не го гледале ова новинарско благо, погледнете го тука:

Магазин | пред 7 години

Мукоски смета дека ја заслужил амнестијата

Денеска и утре се последните два дена за поднесување барањата за амнестија за случувањата од 27 април. Барањата до скопскиот Кривичен суд се доставуваат лично или по пошта.Меѓу првите што побараа амнестија е пратеникот Крсто Мукоски, обвинет дека ги отворил вратите во Собранието по што почна хаосот во законодавниот дом. За разлика од него, Јане Ченто и Игор Југ се изјаснија дека не сакаат милост, туку правда.Законот за амнестија во четвртокот вечерта беше објавен во „Службен весник" откако на него стави потпис претседателот Ѓорѓе Иванов. Согласно Законот, амнестијата нема да ги опфати организаторите, лицата кои извршиле физичко насилство, кои носеле оружје, како и службените лица кои ги пречекорите службените овластувања.

Македонија | пред 7 години

Почина Ристо Палигора, заштитникот на црковните споменици во Битола

Почина еден од најголемите заштитници на културното и историско наследство и богатство во битолскиот регион, Ристо Палигора, советник, конзерватор и историчар на уметност, вработен во битолскиот Завод и музеј. Палигора почина ненадејно денес во 57. година од животот, обавувајќи секојдневни обврски.Зад себе остави огромно дело. Скоро и да немаше проект за реставрација и конзервација на ѕидното сликарство и архитектурата на цркви и манастири во Пелагонискиот и Преспанскиот регион во кои не беше вклучен. Беше еден од најголемите истражувачи на историјата на храмовите и делото на зографите. Експерт достапен за медиумите кој јавно зборуваше за проблемите од областа на заштитата на спомениците.Јавноста го памети и како учесник во сложен конзерваторски потфат во кој беше спасено ѕидното сликарство од опожарената црква „Св Петка“ во село Долно Егри, како и фреските и иконите од старата црква „Св. Димитрија“ во село Долно Чарлија во Битолско. Беше спасено целосно ѕидното сликарство над 250 метри квадратни и иконите од иконостасот.Палигора водеше долгогодишна битка за да се издвојат пари за реставрација на бисерот на сакралната архитектура од 19 век, црквата „Свето Преображение“ во село Гопеш.Беше неуморен чувар на галеријата икони Маловишта, каде има дела од Дичо Зограф, Трпу Зограф, Јован Зоград, Михајло од Самринаи други значајни автори.

Македонија | пред 7 години

Во Кочани, три жени се тепале за еден маж

Жестока тепачка на три жени се случувала синоќа во Кочани, причината е маж на возраст од околу 40-тина години кој е главниот актер во љубовен триаголник. Тој,  емоционално и физички бил помеѓу жена на свои години и млада кочанка на возраст од 25, пишува Телевизија старИзвесен период, кочанскиот Казанова успешно ја контролирал ситуацијата, се додека старстите не зовреле, па младата љубовница, заедно со уште една своја другарка, својата постара и поискусна конкуренција не ја нападнале на сред улица.Започнале со навреди и кавга, а завршиле со клоцање, кубење и гребење. Жестоката пресметка се одвивала пред очите на љубовникот, кој дури и во овој случај не одбрал страна.Случајот го потврдуваат и од полицијата, но оттаму се воздржани околку коментар за причините за тепачката. Во официјалната информација за настанот, за кој во Кочани нашироко се дебатира стои:„На 23. 12.2018 година, во 19.45 часот во ПС Кочани,  В.М. 48 од Кочани, пријавила дека на ул Охридска по претходна вербална расправија настанала физичка пресметка меѓу пријавителката М.Л (44) од Кочани од една и И.П 25 од Пеклани, виничко и А.М. 20 год. од Кочани, од друга страна. По комплетирање на настанот, против учесниците ќе бидат поднесени соодветни пријави“, информираат од МВР.,

Македонија | пред 7 години

Заев: Да не дозволиме да се вратат политиките на поделби меѓу луѓето

"Нашата намера е да ги паметиме, но никогаш да не им дозволиме да се вратат на сцена политиките на поделби и предизвикување конфликти кои луѓето ги поделија на наши и ваши. Нека останат само во сеќавања, секако, за никогаш повеќе да не се повторат". Ова го истакна премиерот Зоран Заев денеска на отворениот ден за иницијативи на граѓански организации: „Консултација за изработката на Национална стратегија за развој на концептот за едно општество и интеркултурализам во Република Македонија“ што се одржа во Владата на РМ.Толеранцијата, како што посочи премиерот, е најважниот услов за демократски односи меѓу различните социјални и општествени групи."Мене лично несватливо ми е како во нашата заедница и се протнаа злосторствата од омраза. Таквите појави не и доликуваат на нашата земја, на едно демократско општество и треба да направиме се тие инциденти да бидат изложени на јавност и осудени", рече Заев и додаде дека треба да направиме се за да ја запреме омразата, да им застанеме на патот на оние кои сеат омраза и да не влегуваме во тој ланец на злото.

Македонија | пред 7 години

Човекот кој ја кубеше за коса Шекеринска поднесе барање за амнестија

Меѓу 38 барања за амнестија, кои се поднесени до денес, се наоѓа и барањето поднесено од Панче Ангелов, кој е осуден на четири години затвор бидејќи при упадот во Собранието на 27 април ја кубеше Радмила Шекеринска. Неговиот адвокат потврди дека во име на својот клиент поднел барање за амнестија.За време на судењето Ангелов ја призна вината, рече дека се кае за извршеното дело, за кое законот предвидува казна од 3 до 10 години затвор. При читањето на пресудата судијката Џанета Бектовиќ порача дека оваа пресуда ќе служи за пример за останатите граѓани. Ангелов бараше казната затвор да биде преиначена во условна, но Апелација ја одби жалбата.Според Законот за амнестија, помилување не може да добијат организаторите и подготвувачите на нападот во Собрание, за кои има основани сомненија, како и лицата кои извршиле физичко насилство.

Македонија | пред 7 години

Снежното невреме започна во Македонија: На овие места е најкритично

Од УХМР дадоа предупредување за вечерва дека се очекуваат врнежи од снег.Инаку од АМСМ информираат дека од 20,15 часот поради врнежи од снег и засилен северен ветер од превентивни причини се воведуват забрани за тешки товарни возила на патните правци Крак-Маврово-Дебар и Крак-Страж.

Македонија | пред 7 години

Нема фотографија

Aвтомобилите украдени од скопски автосалон пронајдени во Гостивар

Во текот на викендот три автомобили марка „мерцедес“, „БМВ“ и „порше“, за кои полицијата информираше дека се украдени од автосалон во Скопје, биле пронајдени во Гостивар, пренесува порталот Гостиварпресс.Според првичните сознанија, возилата биле пронајдени на различни локации во Гостивар, а едното од нив („мерцедесот“) бил паркиран во близина на автобуската станица.За сега нема информации за сторителите на кражбата. Се очекува МВР да соопшти повеќе информации во врска со случајот.

Македонија | пред 7 години

Ќерката на Невзат Бејта минатата недела се вработила во МЕПСО за плата од 600 евра

Ќерката на поранешнот градоначалник на Гостивар, Невзат Бејта, е вработена во државната компанија МЕПСО, каде што добива плата од 36.500 денари, потврдиле оттаму за Фокус. Информацијата вчера на својот фејсбук профил ја објавил новинарот Зоран Божиновски, кој напишал дека Фиторе потпишала договор минатата недела.Од петокот во МЕПСО како нов референт за јавни набавки е вработена Фиторе Бејта Акику, ќерка на Невзат Бејта, напишал тој.Од МЕПСО велат дека Фиторе била избрана на огласот за вработување како најдобар кандидат. Од таму додаваат дека договорот за вработување бил склучен во четвртокот.

Македонија | пред 7 години

Маж убиен со нож во кино додека гледал филм

Во кино во трговски центар во Полска за време на прикажување на детски филм бил убиен маж во кино салата, пренесуваат полските медиуми.Телевизијата Н24 објави дека нападот се случил во градот Шчеќин, кога напаѓачот избодел двајца мажи со нож.Портпаролката на полицијата потврди дека еден од двајцата мажи починал, објави АП. Напаѓачот е веднаш уапсен, но мотивот на нападот не е познат.

Свет | пред 7 години

Околу 25% од населението се иселило од Македонија

Статистиките за миграцијата се во фокусот на сите земји од регионот во последниве години, а според најновите истражувања на чешкиот картограф, лингвист и математичар Јакуб Марин, 24,8 проценти од населението се иселило надвор од Македонија.Најмногу жители, кога станува збор за Балканот, ја напуштиле Босна и Херцеговина. Според Марин, со миграцијата структурата на населението во некои земји многу се изменила. БиХ има најголем процент на иселување. Според податоците на Марин, 43,5 отсто од граѓаните на БиХ живеат надвор од својата матична земја, а повеќето од нив имигрирале во Хрватска.Шпанија има најниска стапка на емиграција, со само 2,7 проценти, а од Германија се иселиле 5 проценти од жителите.Кога станува збор за земјите од регионот, Албанија е втора, од каде што се иселиле 38,8 проценти од населението. 20,4 отсто си заминале од Хрватска, додека 10,9 отсто од луѓето ја напуштиле Србија. Податоци се од 2015 година, но тие и денеска не се многу различни, можно е само некои бројки да се зголемиле.

Македонија | пред 7 години

Михајловски: Мицкоски донесе светлина во ВМРО-ДПМНЕ

Христијан Мицкоски како лидер ја врати довербата на народот во ВМРО-ДПМНЕ, рече Тони Михајловски во вечерашното гостување во „Отворено на Алфа“.-Се враќа довербата во ВМРО-ДПМНЕ на народот. Христијан Мицкоски како лидер донесе светлина во ВМРО-ДПМНЕ, ја реструктуираше целата партија. Тоа што се прават работи кои не им се допаѓаат на политичките противници значи дека партијата се движи во права насока. Големината на Мицкоски е тоа што нема никаква концесија кон никого, вели Михајловски.На народот му е потребен политичар кој ќе биде искрен кон него, додава Михајловски, а Мицкоски очигледно им пречи на многумина, оти сака да го задржи и зачува минатото.

Македонија | пред 7 години

Тито го повика Талат да ги потпише указите на законите

„Во Уставот јасно стои дека шефот на државата одговара ако не ги почитува уставните одредби. Одговорноста е кривична или политичка – импичмент.Токму затоа мислам дека многу помала грешка ќе направи собранискиот спикер Талат Џафери ако сам го потпише указот во споредба со грешката што веќе ја направи Иванов преку директно кршење на Уставот, вели поранешниот претседател на Собранието Тито Петковски во врска со непотпишување на указот за Законот за употребана јазиците и за Договорот од Преспа од страна на претседатело Ѓорѓе Иванов.Токму затоа мислам дека многу помала грешка ќе направи собранискиот спикер Талат Џафери ако сам го потпише указот во споредба со грешката што веќе ја направи Иванов преку директно кршење на Уставот, вели поранешниот претседател на Собранието Тито Петковски во врска со непотпишување на указот за Законот за употребана јазиците и за Договорот од Преспа од страна на претседателот Ѓорѓе Иванов.„Јас лично сметам дека Џафери треба да го направи тоа“ – вели Петковски, како што пренесува Слободен печат.

Македонија | пред 7 години

Вонредно метео предупредување: Силни ветришта, студ, дождови и снег од 20 см

Под влијание на влажен и студен бран денес во вечерните часови ќе има врнежи кои ќе бидат претежно од дожд кои подоцна на планините, како и во некои пониски места ќе преминуваат во снег.Пообилни врнежи од дожд ќе има во текот на ноќта, во северните делови, локално од 10 до 15 л/м2, а во ноќните часови врнежите во западните делови насекаде ќе бидат од снег, повремено ќе се интензивираат и ќе се формира нова снежна покривка од 10 до 20см.Попладне ќе дува умерен западен, а во текот на ноќта засилен северен ветер кој повремено ќе достигнува брзина до 80км/ч.

Македонија | пред 7 години

Од 1 јануари наместо персонален, граѓаните ќе плаќаат данок на личен доход

Фирмите немаат причина за загриженост, УЈП е во постојана комуникација со нив ќе им помага да ги подготват софтверите за даночната реформа да почне навреме и без проблеми. Од 01 јануари наместо пероснален данок граѓаните ќе плаќаат данок на личен доход. За приходите до 90.000 денари данокот останува 10%, а сумата над тоа ќе се доплаќаат уште  8% данок. Прогресивното даночење не е новина и Тевдовски очекува успешен старт.Освен даночната реформа Министерствто за финансии годинава направи десетина клучни реформи. Почната е финансиската консолидација што придонесе долгот да се стабилизира. Во текот на 2019 ќе продолжат аукциите на ДХВ два пати месечно, а новото задолжување ќе изнесува 17 милијарди денари. За догодина Тевдовски очекува да продолжи трендот од последните неколку месеци кога економијата остварува позитивни резултати.Тевдовски очекува во 2019 да продоли и трендот на раст на платите. Просечната нето плата заклучно со октормври надмина 24.800 денари и во однос на истиот период лани е зголемена за 6%.

Македонија | пред 7 години

(ВИДЕО) Спасовски: Ги активираме советите за превенција - ја зголемуваме безбедноста

Присуството на полицијата, нејзината отвореност кон граѓаните - секогаш и секаде е од примарно значење - како заради поефикасно остварување на полициските работни задачи, така и заради поблиска, односно потесна соработка меѓу полицијата и граѓаните, чии што сервис е таа, рече министерот Оливер Спасовски на денешната седница на локалниот совет за превенција на општина Конче.- Функционирањето на локалниот совет за превенција овде во општина Конче е уште еден чекор во насока на целосно остварување на концептот што го афирмираме со поддршка на мисијата на ОБСЕ во Република Македонија за - полицијата како сервис на граѓаните. Практично, подинамично приближување на полицијата до граѓаните во локалните средини, независно дали се работи за урбани или рурални средини, меѓусебна редовна комуникација, информирање, едукација а се со цел да се подигне општиот степен на сигурност и безбедност на граѓаните и на нивните материјални добра. А истовремено драстично преку низата превентивни активности и соработка да се намали стапката на криминалитет во локалните средини - рече Спасовски.Во локалните совети за превенција покрај надлежни полициски службеници и претставници на локалните власти имаат можност да партиципираат непосредно и конкретно невладините организации и граѓаните.- Се надевам дека Локалниот совет за превенција при општината Конче ќе ја оствари својата корисна мисија. Полицијата од своја страна ќе стори се што е во нејзина моќ, согласно своите законски надлежности и обврски, да даде максимален придонес во функционирањето на советот.Ова е во склоп на активностите што ги преземаме, се со цел поголема безбедност на граѓаните и кои даваат резултати. Резултатите од работата на полицијата се гледаат и од последната анкета на ОБСЕ, каде 75 отсто од граѓаните се изјаснија дека се чувствуваат безбедни. Но, ние не се задоволуваме со тоа и во иднина ќе работиме за овие бројки уште повеќе да се зголемат - рече Спасовски.Министерот Спасовски имаше работна средба и со градоначалникот на Конче Благој Илиев, на која се разговараше за меѓусебната соработка.- Многу важно за безбедноста е да има партнерски однос меѓу граѓаните и македонската полиција. За жал, таа нишка беше прекината во минатото, но сега ја обновуваме таа соработка и притоа ја враќаме довербата на граѓаните во полицијата- рече Спасовски.

Скопје | пред 7 години

(ВИДЕО) Заев: Национална стратегија е за да градиме држава во која различните заедници ќе соработуваат

Во организација на Владата на Република Македонија денеска се одржа Отворен ден за Консултација за изработката на Национална стратегија за развој на концептот за едно општество и интеркултурализам во Република Македонија, кој предизвика голем интерес и на кој учествуваа повеќе од стотина претставници на граѓанските организации од целата земја.Претседателот на Владата на Република Македонија Зоран Заев, кој заедно со министерката за правда Рената Дескоска, зеде учество на отворениот ден со граѓанските организации за изработка на Националната стратегија за развој на концептот за едно општество и интеркултурализам, истакна дека различностите на нашето општество се наша предност и наше заедничко богатство, и дека од исклучителна важност е Стратегијата да биде жив инструмент за превенција од опасноста од доминација на една етноцентрична култура.„Тоа не е моделот кон кој се стреми нашата земја. Моделот на Република Македонија започнува со почитувањето на сите заедници. Тој модел повикува да градиме држава во која различните заедници ќе соработуваат, ќе се надополнуваат и меѓусебно ќе се збогатуваат“, нагласи претседателот на Владата на РМ Заев.Премиерот Заев истакна дека треба да ги паметиме, но никогаш да не им дозволиме да се вратат на сцена политиките на поделби и предизвикување конфликти, туку толеранцијата и солидарноста во концептот „Едно општество за сите“, што е заедничка вредност за сите граѓани на Македонија.„Дозволете ми да изразам едно многу лично чувство: Мене лично, како на Зоран Заев, едноставно ми е несфатливо како во нашата заедница ни се протнаа злосторствата од омраза. Таквите појави не ѝ доликуваат на нашата земја, на едно демократско општество и треба да направиме сè тие инциденти да бидат изложени на јавност и осудени“, потенцираше премиерот Заев, кој додаде дека треба да направиме сè што можеме за да ја запреме омразата.Токму затоа, истакна премиерот Заев, отворениот ден за консултација за изработка на Националната стратегија за развој на концептот за едно општество е добра прилика граѓаните, претставниците на заедниците и политичарите, кои меѓусебно си ги разбрале и прифатиле разликите, да се посветат на заедничките цели и да бидат носители на заедничкото Едно општество за сите.„Процесот на консултација за изработка на Националната стратегија за едно општество го најавува духот во кој ќе се исцрта стратегијата. Низ максимално отворена и широко инклузивна постапка упатуваме покана за учество на претставници на граѓанското општество и на сите останати кои сметаат дека можат да го дадат својот драгоцен придонес во седумте тематски кластери за подготовка на стратегијата: правна рамка; образование; култура; медиуми; локалната самоуправа; младински политики; и во сферата на општествената кохезија и интеграција“, рече премиерот Заев и нагласи дека Република Македонија докажа дека има политичка и општествена волја да биде модел за успешно и функционално општество еднакво за сите.Вклучувајќи се во дебатата, министерката за правда Рената Дескоска истакна дека целта на Националната стратегија за развој на концептот за едно општество и интеркултурализам во Република Македонија, е да го претвори идентитетот, со сите свои особености, во лост за соработка и заедништво кој потоа ќе биде во функција на заедничката определба - нашата држава да се развива согласно интересите на граѓаните.Министерката за правда, Рената Дескоска истакна дека е потребна проактивна улога на институциите во насока на заштита на различностите - суштината на интеркултурализмот. Во таа насока, министерката подвлече дека Министерството за правда е во процес на измени и дополнувања на Кривичниот законик, каде најзначајната измена на овој законик се токму делата на омраза.„Кривично дело на омраза е дело мотивирано со непријателски однос, пристрасност или предрасуди кон жртвата како припадник на определена социјална група. Како дело од омраза изречно предвидено со одредбите на овој Законик, се смета кривично дело против физичко или правно лице и со нив поврзани лица или имот кое е сторено во целост или делумно поради реална или претпоставена (замислена, вообразена) карактеристика или поврзаност на лицето што се однесува на раса, боја на кожа, националност, етничко потекло, религија или уверување, ментална или телесна попреченост, пол, родов идентитет, сексуална ориентација и политичко уверување“, потенцираше министерката Дескоска.Во воведната сесија на денешниот Отворен ден за Консултација за изработката на Национална стратегија за развој на концептот за едно општество и интеркултурализам свое учество имаше и Рубин Земон, советник на премиерот за развој на мултикултурното општество, кој информираше за текот и постапката на креирање на стратегијата, како и за наредните чекори што ќе бидат преземени во таа насока.Во завршницата на денешниот настан, на кој со свои сугестии учествуваа голем број претставници на граѓанските организации, помеѓу бројните дискутанти од присутните, се разговараше за концептот на Едно општество и како тој е нов чекор во надминување на досегашните пракси на креирање на јазови помеѓу различните групи. Предлози од граѓанските организации стигнаа за самите термини и дефиниции кои би се користеле за овој концепт, а би биле за широка едукација на граѓаните. Родовите и малите не мнозински маргинализирани групи беа адресирани преку претставници на граѓански организации кои работат на соодветната тематика и воедно имаа предвидени иницијативи кои би ги вклучиле во Националната стратегија.Претседателот на Владата на Република Македонија Зоран Заев, се заблагодари за покажаниот нагласен интерес за учество во креирањето на стратегијата, кој го оцени како суштински бидејќи доаѓа од организации и од нивните претставници кои имаат непосредно искуство кое доаѓа од долгогодишниот контакт со животот и реалноста на нашите сограѓани од сите заедници.

Македонија | пред 7 години

Осоговските Планини ќе се прогласат за заштитено подрачје

Денеска, заменик министерот за животна средина и просторно планирање Јани Макрадули учествуваше на состанокот со сите клучни засегнати страни за дефинирање на предлог- граници и зони за формирање на заштитено подрачје Осоговски Планини.Истакнувајќи дека заштитените подрачја се приоритет на Министерството, не само во рамки на овогодинешната програма за зачувување на природата на Македонија, туку и во Стратегијата за заштита на природата и Стратегијата за заштитата на биодиверзитетот, заменик министерот Макрадули ја поздрави иницијативата на градоначалниците од Источниот плански регион (ИПР) кои го препознааа и прифатија предизвикот да ги прогласта Осоговските планини за заштитено подрачје, тврдејќи дека реализацијата ќе има исклучително позитивен придонес во зачувувањето на природата во државата.- Верувам дека, благодарение на Програмата за зачувување на природата на Македонија, ова ќе претставува уште еден голем успех, резултат на соработка на различни институции и чинители и очекувам дека веќе во 2019 година ќе можеме да се пофалиме дека Осоговските планини се прогласени за заштитено подрачје. Заедно со прогласувањето на Шар Планина за заштитено подрачје, ќе се зголеми процентот на заштитени подрачје во Македонија, ќе се унапреди имплементацијата на Стратегијата за заштита на природата и Стратегијата за заштита на биодиверзитетот, а сето тоа ќе биде во прилог на исполнување на условите од конвенциите и таргетите на Европската Унија за заштита на природата - истакна Макрадули во своето обраќање.Тој додаде и дека преку Програмата за зачувување на природата на Македонија - фаза 2 ќе биде промовиран и концептот на за екосистемски услуги, односно генерирање на финансиски средства преку подобрување на поврзаноста меѓу заштитеното подрачје и оние кои ги носат одлуките, како локалната самоуправа, Владата, или бизнис заедницата.Обраќање имаше и Николчо Илијев - претседател на Совет на ИПР и градоначалник на општина Кочани кој изјави:- Она што го дала природата треба одговорно да се користи и сметам дека природните реткости треба да се заштитат за да останат за идните генерации. Ова е долготраен процес и затоа сме овде да дебатираме и да побараме поддршка од институциите, со крајна цел да ги прогласиме овие подрачја за заштитени подрачја.Активностите за прогласување на Осоговските планини се спроведуваат во рамки на Програмата за зачувување на природата на Македонија - фаза 2, проект на Швајцарската агенција за развој и соработка (SDC), а ги реализира Македонското еколошко друштво во партнерство со Министерството за животна средина и мпросторно мпланирање и локалните самоуправи.

Македонија | пред 7 години

Макрадули: Праг на алармирање против загадувањето

Ако и утре продолжи загадувањето ќе има праг на алармирање, изјави денеска заменик-министерот за животна средина просторно планирање Јани Макрадули. Тој додаде дека бил дефиниран праг на информирање односно, според министрот кога важат препораките да не се излегува надвор, јавниот превоз да се користи, повеќе граѓани да бидат во едно возило. За надминувањето на прагот на информирање, информирана е јавноста и институциите кои се задолжени за тоа.– Така е секаде во светот. Бидејќи минатиот пат беше јасно дека за кратко време ќе дува северен ветер, бидејќи таа е композит одлука и зависи од два фактори и од податоците од Хидрометеоролошкиот завод и од мерните станици, затоа не се прогласи, додаде Макрадули одговарајќи на новинарско прашање пред почетокот на работилницата за дефинирање предлог граници и зони за формирање заштитено подрачје Осоговски Планини.Инаку годинава за првпат годинава во буџетот е одвоена ставка за секторот животна средина со тоа што планираат да повикаат независни експерти кои ќе направат мерење на квалитетот на воздухот на повеќе локации со цел да добијат вистинска слика од каде доаѓа загадувањето, за да можат да преземат мерски и проблемот да биде доведен во нормални граници.

Македонија | пред 7 години